.

.

أحبك و بعد  

Posted by: فاتيما in


أحتاج إليك
و أهرب منك
و أرحل بعدك من نفسى
فى بحر يديك
أفتش عنك
فتحرق أمواجك شمسى
وجهك فاجئنى كالامطار
فى الصيف و هب كما الأعصار
و الحب فرار
و البعد قرار
و أنا ....
أنا لا املك أن أختار
حبك يا لهفى
تضحية و عطاءات من غير حدود
و أنا لا أملك أن أعطى
و دروبى أمنية و وعود
أمصيرى أن أمشى
و غدى أمس
و أحباء
و قيود
حررنى رفقا أنصرنى
ساعدنى كى اهجر طيفى
فالحب كظلى يتبعنى
يعدو بجنون من خلفى
و أنا أعصارك يعصف بى
يهدر يقطفنى من صيفى
أحتاج إليك
و اهرب منك
........................
البوست دا تقليدا للبت خيخة و أى كلام
يعنى بصيت فى ورقها و رحت غشة منها بس الفرق فى إختيار الغنوة فقط
و حقوق الملكية الفكرية كلها ليها

This entry was posted on الأربعاء, مايو 28, 2008 and is filed under . You can leave a response and follow any responses to this entry through the .

58 كــــلام بيطــبطـــب عـــلى قــــلبى و روحــــى

عارفه الهروب من الحبيب بيكون ليه حتى فى وسط الالم والزعل ووالحزن يا فاتيما
بجد حلوة قوى وكنت محتاجه لها دلوقتى

آبى الجميلة
نعممممممممم
محتاجلها إيه ؟؟
دلوقتى ليه إن شاء الله ؟؟
مكنش كمين دا اللى هيخليكى تطفشى و عاوزة تهربى ....
لا بجد ...
أصل الواحد لازم يحاول يهرب مدام لا يملك أن يعطى من يحب
و دروبه امنية و وعود و بس
و بكرة بتاعه مرهون فى إمبارح
و متعلق بيه احباب
و متسلسل بقيود
يبقى لازم يهرب يا بيبى
و إسلام باين كرامة و الله مع الشوربة
اومال مالك يا بنتى فيه إيه ؟؟
إحنا ناشيناكو عين

حلوه يا فاتيما حلوه جدااا

إنتى الأحلى يا قمر

انا كل ما ادخل على مدونة والاقي صاحبها كاتب شعر بتصعب عليا نفسي وباحس اني مدرستش لغة عربية
بحس بعقدة النقص بس كلام جامد جدا انا كفاية عليا اقرا واعلق

تحياتي

فاتيما وخيخه
انتوا الاتنين تعالوا هنا
هات يا مسرور ال...........
لا مش السيف
هات الدباسه
ودبس التدونتين دول على لجنه خاصه
نو
نو
نو
انتى بتعملى ايه يا فاتيما بتدينى فلوس رشوه
نو
نو
نو
انا برضه بتاع رشوه ؟؟؟؟؟؟؟؟
ولااقولك
هاتى ورقه تانى بعشرين جند وادخلى

اختيار رائع جدا وراقى وكله مشاعر
انا بحب الاغنيه دى اوى وبحب الشريط كله هو باسم احبك وبعد وفيه اغنيه اخرى جميله اسمها عقد الياسمين وكان لاغنيه احبك وبعد تصوير جميل بيجى زمان فى التى .فى على فيلم نهر الحب لفاتن حمامه
كم احب هذه الاغنيه وكم اعشقها واول ماسمعتها لم اتمالك دموعى فكرتنى باايام ماكنت فى السنه التانيه من الجامعه وكان لسه الشريط دا نازل وله ذكريات كتير مؤلمه عندى تخيلى انا ماسمعتش الاغنيه ديه بقالى سنين كتيرررر
ومش حقدر اختار بعض كلماتها وقول انها الاجمل لان.... كل كلماتها وحروفها ومعانيها وموسيقتها الرقيقه عباره عن سيمفونيه رقيقه وسيمفونيه حب لها مكانه خاصه فى قلبى

تحياتى
اختيار مميز وراقى

نسيت اهنيك عن اختيارك لصوره البوست جميله ورقيقه جداااااااااا
والان ...ساسمع الاغنيه الجميله

تحياتى

ايه الجمال دة ياعم حب وهروب ورحيل
احنا مش قد الكلام دة اللى عطاك يعطينا ياقمر
تحياتى لكى

فاتيما

اختيار رائع اختى الجميله

اخيرا

مرتين ادخل عندك من غير دموع

لاء تنحسدى

هههههههههه

تحياتى اختى الجميله

اخيكى احمد سكر

هي تقول : أحتاج إليك ، و أهرب منك ..

فما عساه أن يقول ؟

قد يقول : و هل أملك أن أختار ؟ عصف بي الإعصار ، و ما بقي بروحي إلا أنت !

hero
ليه يا محمد كدا ؟؟
يعنى دا أصله شعر بسيط موش حاجة خنيقة من بتوع زمان ....
البنت بتحب حب يائس و ممنوش فايدة
فبتقول إن الجرى هوه كل الجدعنة فى الحالات اللى زى دى ...
دا ببساطة كل الموضوع
و بوسلى لووووك او ملك البدر المنور

كدا برضو يا عبدوووووو
بقى تفضحنا فى اللجمة و منظرنا يبقى شروك وسط الممتحمين ...
طب أدى دقن أخويا الصغير لو شفت منى جند واحد يقول الله و اكبر هلل و كبر
هات الدباسة دى من إيدك ...
إنت مين اللى دخلك اللجنة دى من أساسو ...
دى موش منطقتك خالص
و كمان بتاخد رشوة ؟؟؟
هات يا مسرور ال.........

نبوضة
يا عرافتى الساحرة
أنا كمان بحبها بتصوير فيلم نهر الحب
أصلاً بقى بحس إن الفيلم دا قصة حياتى
يعنى نهايتى هتكون على شريط القطر ...قطر الحياة يعنى موش قطر بجد و حق و حقيق ....
و يعنى لما احط غنوة تصادف إنك بتحبيها قوى تطلع ذكرياتها نكد و تعيطى ؟؟؟!!!
طب معلشى يا حبيبتى حقك على راسى بس أعملك إيه يا جميل و إحنا فيه بينا حاجات مشتركة كتير طلعنا بنحبها و نعشقها كمان
طب و الله العظيم و بحلف بجد إنى لما حطيت الصورة دى إفتكرتك و قولت إنها الأستايل بتاعك الرقيق الناعم الرومانسى دا ....
ربنا يخليكى ليا يا حبيبتى و دايما اى حاجة هنا تعجبك و تحرك قلبك للفرح و البهجة و الشجن احيانا عشان دا لا مفر منه

رئيسة حزب الاحلام
لوووولى
أهو شوية أحلام من اللى زى عندك
بس دى أحلام مجهضة من قبل أن ترى النور عشان موش كل حلم ينفع نحققه للأسف ....
دمتى بكل خير و حب و حلم لا يفتر

أحمد سكر
يا سكر طب الحمدلله ...
أصل دى توابع الزلازل إياه اللى حصل لروحى لما شفتكم كلكم يوم الخميس اللى فات ....
أتمنى كل مرة تدخل تلاقى كل خير
و تروح و ترجع بالسلامة يا أخى العزيز
و خللى بالك من نفسك يا ريت عشان عندك فى مصر ناس بتعزك و بتنتظر عودتك سالما لأهلك و لأولدك و لمدام سكر الللى أكيد سيدة متميزة ربنا يخليكم لبعض
تحياتى

أحمد كمال
و هوه حتى لو لا يملك فى الامر إختيارا...
تفتكر دا هيغير شىء فى الموضوع ؟؟
هتفضل هيا تهرب و تهرب على قد ما بتحتاجه لأنها متقدرش تقرب و توعد و تخطط لبكرة ....
ربنا معاها
و معاه

أنا فى غاية السعادة بتشريفك لمطرحنا المتواضع دا و أرجم تكون معرفة خير و دوام الاحترام دائما يا أستاذنا
بس دا لا ينفى بقايا الحقد المترسب فى معاميقى للسبب اللى إنت عارفه

انا بحب الاغنية دى اوى
انا اساسا من عشاق ماجدة الرومى
تسلمى لحسن اختيارك يا فاتيما

ليها كمان اغنية اسمعا
انت الماضى
ابقى اسمعيها
وادعى عليا
ههههههههههههههه

تحياتى ليكى

اختك فاتيما

الغنوة دى مخصوص عشان حد مينفعش فى توقيت مينفعش .....

أنتى مبدعة دايما يا فاتيما ...
عارفة الاغنية دى بصراحة لمستنى جدا جدا ومكنتش سمعتها قبل كده
أحتاج إليك وأهرب منك

عارفة الواحد ساعتها بيبقى نفسه فى إية...إن الشخص ده ميعتبرش ان الهروب ده من شخصه ...أد ما هو أن التوقيت والظروف مش مناسبة ...ساعتها مفروض يقرب ويقدر ويحل التعقيدات معاها والظروف.....شكلى بقول كلام عبيط مينفعش يحصل...

يارب دايما متألقة

مرسيييييي على الأغنيه الجميله دي
اختيييييييار راقي و جميل بجد
:)
تسلم اختياراتك :)

بت يا خيخة
الحمدلله الغنوة عجبتك وانا كمان من عشاق ماجدة الرومى من زماااااااان
من قبل الزمان بزمان ...
و متهيألى سمعت غنوة إنت الماضى دى قبل كدا بس هسمعها تانى عشان خاطر عيونك يا حبيبتى ...
و معلش بغش منك أفكارك بس حسيت كلام اغنوة قوى و بدل ما اكتب بوست بالمعنى دا لقيت الغنوة أبلغ ...
بوستيلى شريف و لا لأ يا هانم ؟؟!!!

إيمو الجميلة
يا حبيبتى بالعكس إنتى لماحة قوى و قريتى ما بين السطور بشفافية عالية ...
بس يعنى لو كان فيه امل إن اللى مينفعش يستنى لحد ما الحاجات تتحل و تنفع ....
مكنتش الغنوة دى أتقالت يا حبوبتى
مينفعش عشان مينفعش فى كل حاجة
الوقت
و الظروف
و هيا دلوقتى بتقوله سامحنى و على أد ما نا محتاجلك على اد ما نا عاجزة عن حبك بالشكل الصحيح اللى تستاهله
عشان كدا
مينفعش
و تحياتى يا أم قلب شفاف

rosa
ميرسى ليكى إنتى على رقتك و ذوقك
و أختيارتى لا تقل أبداً عن جمال اختيارك للغنوة اللى حطاها فى خلفية مدونتك ...
نورتى و شرفتينى بالزيارة

ياسلام علي الجمال والحب

بس نصيحه
بلاش هروب

تحياتي يا قمر

ساعدنى كى اهجر طيفى
فالحب كظلى يتبعنى
يعدو بجنون من خلفى
و أنا أعصارك يعصف بى
يهدر يقطفنى من صيفى
أحتاج إليك
و اهرب منك

...........

فاتيما اختيارك فى الجول

فمن منا لم يهرب سيدتى

بعيدا كى لا تطولة الامواج

ومن منا لم يجرى الى كل شارع
ويطرق كل الابواب حتى لو كانت ابراج

فقلب حبيبى عاشق يحبو على بحور الاشواق

فسئلت كل الاحباب هل للحب وجود

فحظرونى من لهيبةوانة بلا حدود

فاخترت نجمة فى السماءاشكى لها حالى

وان قلبى يحس حبة وهل هو باقى

فبعد قلبى من كثرة وعودة

فكيف احب وانا اخاف من عهودة

تحياتى على اخيارك فاتيما

وهذة كلمات اهداء منى اليكى
ولبنت خيخة لااختياها الكلمات

دمتى بضحكة صافية

رندا

عزيزتي
عارفه ايه احلى حاجه في الغنوه؟
الصدق
بالذات في الجزء
حبك يا لهفى تضحية و عطاءات من غير حدود و أنا لا أملك أن أعطى و دروبى أمنية و وعود

تحياتي

الأغنية دي مش بس بحبها ... دي بموووووووووت فيها ، الأغنية دي وهم ، وبصوت ماجدة أنا بعتبرها كااارثية الجمال!!!!.
.
.
أغنية الحب من أول كلمة ....

عاجباني قووووي ، وشكرًا ليكي

أحتاج إليك

من غيرك غير أحلامى
من غيرك علمنى الأشعار
علمنى أرسم قلب ينبض
على وجه الأقمار

أحتاج إليك
من غيرك أهدانى الحب قصيدة
من خلف حدود الصمت..
من بين قصور الموت..
من قلب دموعٍ كالأنهار


فاتيما الجميلة

بوست جميل اوى
بمشاعر جميلة راقية

دمت بكل الحب
بوسة ليوسف

تحياتى

هى اغنية؟؟

معلش مش كنت عارفه

فرق التوقيت بقى

D:

تحياتى وحبى

صباح معطر بالورد والياسمين
انا فى عملى قلت افوت اصبح عليكى ياسندريلا وعاوزه اقولك حاجه وكسوفه جدااااا
ومش تقولى عليا انى بقلد صديقتى الغاليه فى التدوين إيمان لانى مش بقلد حد خالص لكن بتلفت انتباهى اشياء صغيره مثل إيمان كده انا اخدت بالى من جمله الاغنيه دى مخصوص عشان حد مينفعش فى توقيت مينفعش .....
واوقفتنى وتاملنها كتير وكان نفسى اعلق لك عليها جدا بس اتكسفت انها تكون حاجه خاصه مش من حقى اعلق عليها بس الجمله ديه مع الاغنيه المختاره
عرفتنى كتيررر عن الحاله التى تعيشها
وطبعا انا عرفتك الساحره وبقولك ان شاء الله مش حتكون نهايتك مثل فاتن حمامه فى فيلم نهر الحب اللى انا بحبه حتى ولو كان قطر الحياه بالعكس حتكون ايامك الجايه اجمل واسعد وربنا حيعوضك وستأخذى حظك من السعاده بعد مانلتى حظك من اختبارات الحياه ولكن... عندما يقابلك حب حقيقى افسحى له مكان فى قلبك ولا تخافى ولو كان نصيبك اكيد سيظل ولا يفقد الامل الا ان تتحسن الظروف وتكون ملائمه فلا يستحق هذا القلب الذهبى الا من يقدر يقاتل وينتظر من اجله وليس مجرد حب وبس

على فكره انا برده لما شوفت صورة البوست حسيتها اوى قريبه منى وفيها حاجه منى وقلت ياه يافتيما احنا متشابهين كتير ربنا يخليك ليا دائما


تحياتى
عرافتك الساحره

بنوتة مصرية
أزيك يا رودى
مبسوطة إن الغنوة عجباكى ...
و مينفعش غير الهروب يا أم نور
لا التوقيت و لا الظروف تنفع
و بوسيلى نور القمر

رندا
يا حبيبتى إيه دا كله ؟؟
دنتى ردتيى على الشعر بشعر تانى
تسلميلى
و كلنا مرينا بالوقف المؤلم دا قبل كدا و هربنا بالمشوار
بس بنرجع نندم و نوقل لو كنا إدينا فرصة كان ممكن يحصل إيه ؟؟
منورانى و الله
و سعيدة بيكى و بشكر سكر على مجايبه السكر زيه

إنسان مقيد
أيوووووه
هوه دا بالظبط اللى خلانى اكتبها يا عزيزى ...
كيف ترد هذا الطوفان الهادر من المشاعر التى تنتابك و لا تملك إنك ترد عليها بمثلها او احسن منها كمان
لأنك لا تملك فى نفسك شىء
تحياتى يا انسان مقيد و تعال كتير
و علق بأى حاجة بس المهم سمعنى صوتك

إبراهيم معايا
أزيك يا إبراهيم أنا سعيدة بمجييك و طلتك الحلوة دى عليا ...
و ماجدة الرومى انا بسمعها من اول غنوة ليها لحد دلوقتى و مفيش حد يوازيها فى رقتها غير فيروز بقارق التاريخ و أنغام بفارق الإختيارات
أتمنى كل ما تيجى تلاقى حاجة ترضيك
و سامحنى على تقصيرى معاك بس بروحلك و مبلقيش عندى كلام مناسب اكتبه فبستنى فرصة مواتية اكتر ....
تحياتى ليك حقيقى

كاميليا
يا زهرة الكاميليا كما يحلو لأبو خالد الأب الحنون أن يناديكى و عنده ألف حق
البوست دا انا كنت عارفة إنك لو شفتيه هيلمسك عشان أصلاً إنتى من الناس اللى كدا ...
يعنى أنتى غرقانة رومانسية و شجن و هروب و حنين و إغتراب ....
تحياتى لكى فى أقاصى بلاد الأرض و مع ذلك غنتى فى قلب قلوبنا جميعاً

((( طمطم )))
أو لالا ده اسم جديد ولا إيه(هو مين اللي كان بيقول أو لا لا ..مش عارف؟)
الله يلعن الحب وسنينه
خصوصا لما يكلبش ويرفض يخرج
تحت ادعاءات واهية لكنها معجونة بكبرياء صعيدي
إذن الرومانسية جزء خفي للسيدة الحنون
عليكي أن تتمردي بين كل حين وآخر على رومانسية الأم
أقولك مين مايقدرش يبقى قلبه يدق بشويش كل حبه
ممكن تصرخي معايا وتقولي: مانا برضه بني آدم؟
مش بذمتك حاجه تحرق الدم..
(أعلم أن النص مقصوص جناحاته وعليكي أن تدركي ماهو مكتوب في المساحات المثقوبة)
خالص محبتي يا(((أم جو))))
يا (((طمطم)))
وياريت تقلبي على الفيس بوك
علشان ماعادش فيه وقت
ملحوظه للجميع

نبضات
يا عرافتى الساحرة
يا حبيبتى اوعى تكونى كسوفة منى أبداً دحنا اصحاب و اختك الكبيرة بس قريبة منك و متتكسفيش تسألينى عن أى حاجة خالص ....
و أى حاجة بكتبها هنا تخصنى تبقى تخصكو برضو ....
و يا عرافتى الجميلة مينفعش تربطى حد جنبك و تستنزفى مشاعره الى امد غير محدد
و تفترضى إنه ملوش هوه كمان أحلام عاوز يحققها و يشوفها واقع ملموس
دا غير إن إرتباطك بإنسان يستدعى وجود خطط مستقبلية و حياة جديدة
فماذا لو كنتى أسيرة الماضى و حبيسة مقاديره و لا منها فكاك ؟؟
لا تملكى سوى أن تعلنى عن إحساسك و إحتياجك هذا
و تبرءى ساحة قلبك لأنه لا يملك لنفسه قرار
و بس ....
وسعيدة قوى بالحكى اللى ما بينا دا يا نبوضتى
و اتمنى لنبؤاتك لى أن تتحق كلها كلها
لا،ها مليانة خير و سلام أحتاجه بشدة
تحياتى من قلب بيحبك يا حبيبتى

يا د.زين
متلعنش الحب يا غالى
العيب فينا إحنا
و متلعنش سنينه عشان سنينا إحنا اللى غريبة ....
و اللى يصادف الحب الأيام دى يلاقيه قاعد بيبرطم و بيلعننا فى سره
و لسان حاله بيقول أنا اللى جابنى وسط العالم دى اللى موش مقدرة قيمتى خالص
و هردد وراك و لو إنى عارفة إن الحكاية دى هتودى على فين فى الآخر ؟؟
على سكة اللى يروح ميرجعش فى الغالب
و بلاش و النبى حكاية الفيس بوء دا
موش عارفة ليه مبحبوش خالص
بحس إنه بارد مفيهوش الحميمية بتاعة المدونات
بس دى حالة نفسية طبيعية بتيجى للناس الدقة القديمة اللى زى حالاتى
يعنى لغاية دلوقتى متكيفش إلا لما أقرى الجرنال العادى لكن محبش أقراه على النت أبداً ...
بس واحدة واحدة الدنيا بتتطور و تاخدنا معاها برضانا أو حتى غصب
يعنى هنعمل إيه عموماً أمام الزمن
نورت يا غالى
و علطول فاقسنى كدا

لالالالالالالالالالا


دي اول سكة النجومية ولاشعر والادب


كملي وربنا يسهل


هايكون لكي مستقبل كبير بعد كده



ربنا يرجعلك يوسف بالسلامة

انا سمعت لماجده كتير بس اول مره اخد بالى من الاغنيه دى ويمكن مسمعتهاش قبل كده
بس اختيارك بجد رائع
بس الى وقفت عنده رد كاميليا متهئيلى كاميليا لو اتهزت حتنزل شعر بسم الله ما شاء الله

صاحب المضيفة
إيه دا ؟؟
دنا كنت لسه عندك من ثوانى ؟؟
الله ما اجعله خير !!!
طب كويس القلوب عند بعضيها أهو
و يا فندم متتخمش فيا دى غنوة لماجدة الرومى و شعر لنزار قبانى هوه أنا أستجرى أكتب شعر بس يعدى من الشارع اللى جنب شعر نزار ؟؟
بس و الله تشكر برضو إنك مفكرنى بكتب كويس ....
شكلك ملكش فى الأغانى و الحاجات دى و بتعتبرها مضيعة للوقت و ملاهاة للنفس و كدا
صح؟؟
نورت قوى

رئيس جمهورية نفسى
ازيك يا ريس و ازى احوالك
طب يا رب تكون الغنوة عجبتك فعلاص موش بتجامل يعنى من ذوقك و اخلاقك الشيك اللى متعودين عليها ...
و عندك حق أنا متهيألى كاميليا و نايمة بتحلم شعر ...
متحرمشى منك و لا من كاميليا و لا من كل أحبابى

اول ما دخلت افتكرت ان حلمك اتحقق
وبقيتى تكتبى شعر :O)

فاتيما
انتى حكاية 00 اية الاختيار الرائع دة لا بل اكتر من رائع
ماجدة الرومى عامة اللى يسمعها من وجهة نظرى بحس انة مشاعرة عالية وفياضة
اكيد سمعتى اغنية ليها اسمها كلمات لو مش سمعتيها اسمعيها هى كمان حبة كلمات حكاية تعيشك الخيال وعلى العموم هى موجودة فى مدونة(احلام صغيرة)0
طمنينى عليكى 00يارب تكونى فى احسن حال
انتى ويوسف وربنا يطمنا عليكم

الحب الجميل

dodda
يا حبيبة الروح
لاااا
يا حبيبتى الشعر دا ليه ناسه و أهله
أنا يا دوب أقول على اللى بحس بيه و بس
و لو لقيت حد عبر عنه بشكل أقوى و أبلغ ....
يبقى كتر خيره و أقتبس منه
تحياتى يا حبيبتى و فى إنتظار التاج تلبيسه و تتحفينا

الحب الجميل
أغنية كلمات ؟؟؟
سمعتها؟؟!
دنا اللى مألفها ...
لأ طبعا موش أنا بس يعنى كأنى مألفها
أى حاجة لماجدة الرومى بتعجبنى
و أى حاجة لنزار بتعجبنى - بس متبقاش فاضحة حبتين -
فما بالك لو إجتمع الاتنين سوا ؟؟
دا غير اللحن الرقيق الشجى
تحياتى يا حب يا جميل
نورتى

رائع قوى قوى يا اميوسف اختيارك للكلمات
واغنية ماجدة الرومى جامدة قوى قوى
بس بجد انتى عارفة انى اقترح اننا نعمل تجمع كل يوم خميس ونحتفل بعيد ميلادك برده كل اسبوع طالما اتبقى بالرومانسية والرقةدى وايبقى لونك ومودك بمبى مسخسخ هههههههه
دى مش معاكسة دى غزل بس هههه
تحياتى وتقديرى لاغلى ام يوسف
خالد

قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو ترك اللينك الخاص بالبوست والمعلومات الخاصة بالمدون فى تعليق على العنوان التالى

www.amyasser.blogspot.com

تحت عنوان خاص لجريدة الأسرة العربية
الجريدة تصدر الإثنين من كل أسبوع

الرقيقة فاتيما
وحشتينى
معذرة الامتحانات
بعدانى عن المتابعة
كنت احتاج لقراءة مثل تلك الكلمات الرقيقة

تحياتى

فاتيما
انتى عارفة ان مدونتك شغلتنى اوى000 كل شوى ادخلها اشوفك كتبتى اية
حكايتك شغلتنى اوى وكلامك اللى زى العسل
بصى 00 فى اغنية جميلة اوى عايزاكى تسمعيها وتقوليلى رأيك فى الكلمات والموسيقى وكل حاجة 00اغنية تحفة هتعجبك اوىاسمها يا(احلى مافى الايام)
لأمل حجازى
ومستنياكى تكتبى حاجة جديدة
باى ياقمر

خالد
يا همس الاحباب
وصلة المعاكسة قصدى الغزل دى مسمعتهاش و انا قاعدة وسطيكو ليه النهاردة ؟؟
لأ بجد أنا كنت حاسة إنى قاعدة وسط أخويا ( الصغيرررررر) و أبونا كلنا الراجل الطيب ابو خالد و سعيدة قوى بالفرصة الحلوة دى اللى جت من غير معاد و دا لحسن حظى
و بعدين هوه أعياد الميلاد دى بتتعمل نص شهرية و لا إيه؟؟
يا عم شوفانكم و مشاعركم الطيبة تخلى الحزين يضحك للدنيا و يشكر ربنا على نعمة المحبة ....
تحياتى يا خالود
و متخدش قوى على الوردى و البمبى عشان النكد جااااااااى قريب

يا أسوور
ممكن طيب نعرف الجريدة الالكترونية دى تفرق فى إيه عن مدوناتنا غير إنها تجميعية فقط ؟؟
ما الجديد يا سيدى ؟
عموما أشكرك على الدعوة الكريمة
و تمنياتى بالتوفيق فى مسعاك
أن شاء الله

shimaa samir
ماشميشو
ازيك يا جميل ...
منورانى و الله
و معلشى هيا زنقة امتحانات و تعدى
و ربنا يوفقك يا رب
و متحرمشى من طلتك عليا
و يا رب كل غنوة أحطها تنال إجابك
تحياتى الخالصة

الحب الجميل
ميرسى يا حبيبتى
و اتمنى أكون عند حسن ظنك فيا
و ميجلكيش إحباط بعدين
ميرسى على الغنوة و حالا هدور عليه و اسمعها و أشكرك مقدماً
تعالى دايما و نورينى
تحياتى من كل قلبى

أبنتى الغالية فاتيما و الأفضل/فاطمة
أختيار رقيق لأغنية جميلة
أبنتى أنا سعيد أن صادفنى و جودك
جعل اللحظات لها معنى
أنتى أم حنون
تستحق التكريم
ربى أشرح صدر و قلب فاطمة للحياة
آمين آمين آمين

أبو خالد
يا راجل يا طيب
موش أسعد منى أنا اللى أتونست بيك إنت و خالد أبو همس العزيزة
ربنا يديم الود
و نتجمع دايما على خير
تحياتى يا راجل يا طيب

طيب هى لمين الاغنية دى ؟

ياريت تكونى بتقرى التعليقات بتاعت البوستات القديمة

جميل جدا فاتيما بجد بوست هائل اتمنا لكى المزيد يا هائله وياريت التقى بكى فى مدونتى

إرسال تعليق