لأن الموضوع وسع قوى
و كمان فيه ناس محترمة كتبت فى الموضوع دا
أكثرهم تميزا و شمولا فى التغطية
الأخ شقير
و آخرهم الصديق وجهة نظرى
فكان لازماً عليا إنى اخد موقف
و لو بأضعف الإيمان
و هو إنى أقول إنى موش معاهم خاااااالص فى الأتحاد دا
محدش خد رأيى و لا أنا وكلته يتكلم بإسمى و لا يجمعنى معاه فى حزمة واحدة
و إذا اخترت حد فموش هيكونوا هما خااااالص
أنا عملت الشكل دا و هحطه فى الشريط الجانبى للمدونة عشان أقول رأيى النهائى فى القصة دى
بشكر زمايلى و أصدقائى المدونين اللى نبهونا للمسرحية الهزلية العبثية دى
و ما اكترها هذى الأيام
اللى عاوز الشكل دا عشان يحطه عنده
يتفضله
و اللى عنده شكل اكثر إقناعاً و يكون احسن
لأنى على قدى و موش بعرف أعمل لوجوهات عدلة
يكسب فينا ثواب و يعمل لوجو موحد نستخدمه كلنا
عشان نقول بصوت عالى
أنا موش معاهم
خااااااالص
بس كدا
This entry was posted
on الجمعة, مايو 30, 2008
and is filed under
التدوين و أهله
.
You can leave a response
and follow any responses to this entry through the
الاشتراك في:
تعليقات الرسالة (Atom)
.
%5B1%5D.jpg)
هههههههههههههه انا بلغتهم وششششششش تليفونيا يعنى جبته وقولم محدش يتكلم باسمنا دوروا لكم على اسم تانى نيهاهاهاها وقولت لهم اننا كنير اللى رافضنهم هههههههه اي خدمه عدوا الجمايل
منتحرمشى منك يا قمر التدوين كله
انا مش معاهم انا معاكي
:))
و أنا كمان يا حبيبة ماما
معاكى و مع كل مدونة حرة
و فضاء واسع نطير فيه بكل حرية
و بعيد عن القيود
مش عارق هوا ناس فاضيه و لا ايه الموضوع ده
عاوزين يعملوا اتحاد يعملوا اتحاد باي اسم بس بلاش موضوع المودونين ده يعني يسموه اتحاد الكوره اتحاد السله اتحاد بدون اتحاد اي حاجه بقي
:)
تحياتي
فاتيما انا مش فاهمة الحكاية
اتحاد ايه
ومين اللى عمل الموضوع ده
ومن اجل مصر ازاى يعنى؟
انا شمة ريحة حزب وطنى فى الموضوع
ياريت تقوليلى ايه اصل الحكاية
علشان لو حد بيعمل حاجة باسمنا كلنا من غير ماياخد موافقة المدونين
انا هاعترض اعتراض ابيح
انا مبحبش كدة
فهمونى الاول وبعد كدة اقول رايى اذا كنت معاهم ولا عليهم
تحياتى ليكى
اختك خيخة
فاتيما
========
انا مش معاهم انا معاكي
مطرح ما هاتروحي وراكي
هلي رأي المبدع بهاء سلطان
تانيا
=======
طبعا انتي عارفه انك علي الريدر ومتابعاكي
واتبسطت جدا انك رحتي توقيع الكتاب الكل اتكلم عنك حلو واضح انك كنتي نجمه!!
بس كل التدوينات اللي اتكلمت ملقتلكيش صور
مبسوطه بالمود الجديد اللي انتي فيه
ربنا يفرحك دايما
عزيزتي
قريت فعلا عن الموضوع وكنت واثق من غير ماتقوليها انك مش معاهم
على الهامش وانا بشتري كتاب مدونات مصريه للجيب النهارده كنت فاكرك يمكن عشان البوست اللي اكتر من رائع اللي قريتهولك عن حفلة التوقيع
وأنا كمان مش معاهم
أنا مع نفسى
تحياتى
اتحاد المدونين العرب الموضوع كبير ولافف اوى وفعلا حاجة تحير
هو جميل ان يكون رابطة لكن بالتحكمات اللى قراتها صعبة اوى
هو حلو يكون فى جهة للدفاع عن المدونين
لكن مش حلو موضوع التحكمات دى دة المدونات احلى حاجة فيها ان كل واحد رئيس نفسه
تحياتى لكى ياقمر
انا كمان مش معاهم
مش حتى التدوين ياخدوا فيه قرار من غير اصواتنا
وحطيت الصورة والرفض في السايد بار عندى
ولو فيه لينك ليهم ياريت نعرفه علشان ندخل نسجل رفضنا فيه
مش هانفضل طول العمر فرد فى جماعة مش نعرفها
تحياتى واحترامى
انا مش معاهم طبعا
فجاه طلعوا كده عايزين ينظموا العمليه كانها اشارة مرور ويفرضوا حاجات وقواعد
هو التدوين بقى موضه دلوقتى فقالوا يالا فى وسط الهوجه نعمل اتحاد
وبيتكلموا على لسن مين اذا كان اغلب المدونين معندهمش فكرة عن الموضوع
عايزين يحجموا الناس ويكتفوهم يعنى ولا ايه
ولا عايزين يخرسونا خالص ويمشونا على العجين منلخبطوش علشان ابتدا صوتنا يطلع شوية
انا مش معاهم ولا مع غيرهم
لا معلش البلد خربت ولازم اغير طقم امن الدوله وطقم المخابز بتاعى انا معرفش حاجه عن البشريه دى وانا مش معاهم ولا حد خد راى ده انقلاب على المدونين وهى ايه الرئاسه والزاعمه بقيت هبل كده كل واحد يعمل اتحاد مع نفسه
عرفتوا ليه يا شاطر البلد بتستخدم الطوارق ماهو علشان الاشكال دى الى بتلعب ادوار وتتكلم بلسان الناس وكله عايز يبقى زعيم لوحده
معلش كلامى ملوش علاقة بالبوست بس انا من فترة طويلة عايزة اعلق عندك ويحصل لجهازى شئ ما فلا يرسل التعليق
حابة اقولك سبحان مجمع القلوب بجد بجد انى احبك في الله ويرب يحقق لك كل اللي تتمنيه
معليش جيت متأخر، كنت في الغيط :)
أولا متفق مع بنت القمر علي إن المود إلي إنت فيه دا جميل ويا رب دايما. أيوه كده :)
لازم يحصل إتفاق من المدونين الرافضين للكلام دا علي شكل الرفض وعلي شكل الرد عليهم برضه.
بالنسبه للبانر ممكن برضه نتفق علي بانر موحد (أقترح مايكونش فيه شعارهم) ونحطه كلنا عندنا.
وانا كمان مش معاهم امال ايه فايدة الانترنت اذا ما كانش فيه تفرد وحرية احنا اجدع ناس يعملوا لجان واتحادات!!!
انا مش مع اي حد انا معاكي يا ميمي انتي وبس!!
حضونة
انا زى خيخه بالظبط
مش فاهمه!!!
ولما هم مدونبن واتحاد..اللى كانوا فى عمر بوك ستور دول كانوا ايه؟؟؟؟
الموضوع محتاج توضيح...
انا مينفعش حد ينوب عنى اصلا اومال انا موجوده ليه؟؟؟
هو صحيح انا مش فاهم حاجة بس برضه انا معاكي في ايه بقى ؟ الله اعلم
هههههههه
تحياتي
عبدالله
أهلا بيك
و الله هما هدفهم واضح قوى
عاوزين يحجمونا كلنا على أختلاف أنتماءتنا ....
و لو حد كتب حاجة موش على المزاج يبقى بسك عليه و خارج عن القانون
اسكتوووووه
و أمحوا مدونته من الوجود
موش عارفة إيه الموضوع بس الموضوع وسع قوى
و لازم ناخد وقفة بقى و نقول للعالم دى
لأ
متتكلموش بإسمنا
محدش فينا أختاركو و لا موافق عليكو
تحياتى يا عبدالل
و فرحانة بمجييك قوى
انا مش معاهم خالص مالص
انا مع يوسف بس ياحماتي
لفته جميله منك يافاتيما
معلش يا فاتيما يا اختى ...اختك مفروسه مش فاهمه حاجه؟ فهمونى يا جماعه
أنا جيت متأخر و لا إيه
منه لله اللى كلن السبب موقفنى تحت اشباك خايفه يحط الموتور
بس انا معاكى ...بس هوه ايه الموضوع البت اسراء قالت كده انا معاكم و اتسحلت
بس مدام فيها آبى و الريس خلاص مش مهم
انا فى الامان ان شاء الله
بت يا خيخة
بصى يا ستى
كان يا ما كان
من ييجى كام شهر كدا
راجل شكله محترم أسمه حسن توفيق قعد يبعتلنا على مدوناتنا رسالة كدا مفادها إنه بيعمل أتحاد يجمعنا بيه و يرجو المشاركة
و طبعا كلنا وصلنا الرسايل دى
و نفضناله
و خلصنا على كدا
لأننا إقتلرضنا و دا الطبيعى إن الواحد لما ميلاقيش إستجابة لمشروع جمعى يسكت بقى و يلم التعابين
بس هوه معملش كدا بقى
فى غفلة من الزمن برضو عمل الأتحاد دا من العدم و بمجموع من المدونين مع احترامى لأسمائهم جميعا لكنهم ليسوا نواة التدوين فى مصر أذا أفترضن إنى مدونة على علم بالناس الحلوة فى المجال دا من كثرة إختلاطى بهذا العالم الجميل ...
ممنكن تشوفى الحكاية دى فى موقهم على البلوج سبوت
http://egyptadwin.blogspot.com/2008/05/blog-post_10.html
و بعدين النظام و القواعد اللى حطينها موش شكلها حزب وطنى
لاااااا
دى يا ماما حاجة كدا من العصر الحجرى
و مصطلحات غريبة و عفا عليها الزمن
و بوست القهوة العالية اتكلم بما يفى الوصف حقه
http://resstlesswaves.blogspot.com/2008/05/not-in-my-bloody-name.html
و الخلاصة إننا عاوزين نشجب هذا التجمع المريب
و يا ريت بقى نرد عليه بشكل عملى
يعنى موش عارفة إيه الأقتراح المناسب و ميكونش مقيد لنا جميعا
يا ريت نفكر سوا
و أى رد أبيح هتقترحيه
أنا معاكى
تحياتى لشيكو
و امه
على فكرة أنا دلوقتى بكتبلك و بسمع أنت الماضى
الله ينكد على اللى يستجرى يزعلك يا شيخة
ايه ياجرعان
هو كل مانقول قشطه ونبتدي نقف على رجلينا نلاقي ديل الحكومه بيلف حوالينا
اتحاد ايه ومدونين مصريين ايه
يعني ايه يعني
الكلام ده بتاع ايه
بكام
ليه
اوبجكشن بالقوييييييييييييي
فاتيما .. ماما العزيزة ماتعرفش حاجه باللي قلته ده .. خليها شايفاني الحمل الطيب الوديع
وبوسيهالي من هنا ومن هنا
سلامووووووووووز
بنت القمر
منورانى يا حبيبتى
و الله يخليكى يا رب رافعة معنوياتى و مشجعانى دايما
و اخبار الضرس إيه دلوقتى
و بخصوص صورتى مينفعش عشان الحاجة امى محرجة عليا التصوير بتاتا ...
خايفة عليكوا بقى و موش عاوزة حد يعيب على خلفتها و يقول إيه المناظر دى ....يعنى خلى الطابق مستور و خلينا لابدين فى الدرة لحد ما ربنا يفرجها
تحياتى يا حبيبتى
أنسان مقيد
و انت كمان يا عزيزى موش معاهم برضو
أوعى تكون معاهم و لا حاجة أقطم رقبتى أنا ....
متشكرة إنك فاكرنى و المرة الجاية اللى هنتجمع فيها كلنا لازم هتيجى عشان نتعرف عليك و نتشرف بيك يا فندم
تحياتى الخالصة بجد
funkydocor
إنت تمام التمام
هوه دا الهدف من المدونات
كل واحد حر و مستقل
و محدش ينتمى غير لدماغه
و محدش يتكلم بأسمه
لو كنا عاوزين نقابة و لا جمعية ما كنا عملناها
و كنت هرشح احمد الصباغ رئيس لأنه أقرب لقلوبنا جميعاً
و كان هييجى بالأنتخاب و الاتفاق
أنما حتى دا موش عاوزينه
كل واحد فينا منتمى لنفسه و بس
تحياتى يا دكتور و اتمنى مجيئك دائما
رئيسة حزب الأحلام
موش كدا برضو يا لولى ؟؟
كل واحد رئيس نفسه
و الرابطة دى فكرة كويسة شريطة الا تكون لها قرارت ملزمة لمن يشترك فيها
يعنى متحطش قواعد تلزم من ينتمى لها بأى محاذير على رأيه و فكره و هوه دا هدفهم
يقولوا أكتب فى دا و دا لأ
و إلا موش هيحصلك كويس
أتمنى نعمل وقفة فى الحكاية دى
تحياتى يا لولى يا حبيبتى
كاميليا
ميرسى يا زهرة الكاميليا الجميلة
بس أنا عارفة إن التصميم دا حاجة تكسف بس أهو مؤقتا لحد ما ربنا يفرجها ....
و مبسوطة قوى بمجييك و سؤالك عنى و مشاندتك دى
أهو دا عيبه
هو دا اللى بنقوله يا بيبو
أنا موش معاهم
انا معاكى
معاكى يا مدونتى و بس
معاكى يا حريتى فى الكتابة و بس
معاكى يا دماغى و محدش يلعب فيها و يقولها اكتبى فى دا أه و دا لأ
كلنا موش معاهم خاااااالص
تحياتى يا بيبو يا حبيبتى
رئيس جمهورية نفسى
طبعا يا بيه
ما هو سيادتك كل شوية تروح تركن فى قنا و تقعد هناك و سايب التدوين ملطشة و الحكاية بقت سايبة ...
مينفعش الكلام دا ....
اتمنى الموضوع دا ينتهى بسرعة و تذروه الرياح عشان يبقى كل واحد فينا رئيس جمهورية مدونته
يا محمود يا صديقى و يا ريسنا بمزاجنا
تحياتى لأميرة الصعيد الجميلة
طيب انا سهران مش جايلى نوم واستغليتها فرصه ونزلت بوست وكتبت شويه مذكرات على النت وام يوسف سهرانه ليه
بس لما لقيتك بتردى استنيت اخد الرد فى ايدى انا وماشى
واقولك تصبحى على خير
إنسانة شوية و شوية
معلش يا ستى ساعات كتير النت يغلس كدا
و كلمة فى سرك أنا حظى أصلاً وحش و الحظ بييجى لحد عندى و يروح محود متعرفيش ليه بس أنا أتعودت على كدا
بس بين الحين و الآخر بيتعدل عشان أتعرف على ناس حلوة كدا زيك
أنتى منورة
و موش عارفة ارد أزاى على كلامك الحلو دا بس أتمنى أعرف أكون استحقه و لا اخذلك يوما
تحياتى و أتمنى تيجى كتير
وجهة نظرى
حمدلله على السلامة يا سيدى
و تعيش و تزرع و تحصد و عقبال ما تعمل كدا هنا فى مصر على الأقل نعرف نشوفك فى المناسبات ...
و أنا بصراحة معترفة بالذنب إن الشكل عيضة قوى و أنا عملت نداء اللى عنده شكل احسن و أكثر تأثيرا يقولنا عليه و انا اول واحدة هحطه ...
و متشكرة على رأيك بس البركة فيك إنت أصلاً اللى أستفزيت فيا الحكاية بعد شقير و حكاوى آخر الليل اللى غطى الموضمع بشكل قوى و شامل
تحياتى و موش ناوى تغلط مرة و تقول أسمك عشان نندهك بيه و لو حتى أسم صورى أو كان نفسك يكون أسمك حتى بدل مانا عمالة أقولك يا وجهة نظرى كدا و أنت موش وجهة نظرى أنت وجهة نظرك أنت
زيانور
آه و النبى موش كدا ؟؟
يعنى لجان و لوايح و حاجات كدا حتى كلماتها عفا عليها الزمن ...
و تحسى إنها قوالب طوب بيحدفوها فى وشك
كلام غريب خالص ملوش دعوة بالزمن اللى أحنا فيه و لا له دعوة بالناس اللى بتدون دلوقتى ...
التدوين ليه ناسه الحقيقية
و هما ملهموش دعوة بكدا
و ميحرمنيش منك يا أمولة
dodda
أنا قولت فى ردى على خيخة يا دودا الحكاية بالمختصر
و الناس اللى كانوا فى عمر بوك ستور دول و لا واحد فيهم مشترك فى الاتحاد الغريب دا ...
و لا واحد يا دودا
و دا يفسرلك إنهم ناس موش على خريكة الدنيا أصلا و ملهموش دعوة بينا دول حاجة كدا خرجت من العدم
أنا موش ممانعة يعملو اللى عاوزينه
ما أى مجموعة مدونين بيتجمعوا فى مدونة واحدة بفكر أو اتجاه ...
حقهم طبعا
بس اللى موش من حقهم إنهم يقولوا أنهم اتحاد مدونين مصريين بيتكلم بلساننا و يجمعنا و يحط قواعد و لجان و معرفش إيه ...
لأ
أنا موش معاهم
و لا حد من اللى أعرفه معاهم
يغيروا الأسم دا عشان مضلل و لا يعبر عن الواقع
و لازم نعمل حاجة فى الموضمع دا
و منتظرة الأقتراحات يا أخواننا
عشان اختم على قدها فى الحاجات دى و اللى قدرت أفكر فيه هوه الشكل اللى هنحطه عشان أقول أنا موش معاهم خااااالص
تحياتى يا دودا يا حبيبة الروح
و سلامى لميومة البهية
hero
بص أقرى التعليقات اللى فاتت يا محمد و يمكن تقدر تلم جوانب الموضوع فى السريع كدا
و أنت معايا أنا عارفة عشان أنت ولد أخلاق دايما
و بعدين سلمتلى على ملك و لا طناش
mayada
باااالص يا ميم قاف
و أهو كدا أنا أحبك و أجوزك الواد و انا مغمضة عشان شطورة و بتسمعى كلام حماتك
بس اطمنى موش هوديكى ورا الشمس
و لو روحتى هآجى معاكى اونسك
و بمناسبة بوستك بتاع منهج المواد الأجتماعية اهو اللى حاصل دا برضو ينفع يتحط فى المنهج أياه
واحدة مفروسة
لاااا يا فروسة
موضوع أسراء دا حاجة تانية ملناش دعوة بيها هنا مع إن الحكاية منفدة برضو عليها ...
بس متقلقيش إحنا بنستخدم حريتنا فى التعبير عشان نقول لناس جمعونا معاهم من غير ما يخدوا رأينا أننا موش معاهم و لا موافقين على كيانهم دا إنه يتكلم بإسمنا ....
و ربنا يهد السمسار يبب الوقفة جنب الشباك دى ....
soooo
الحاجة تعرف إيه أصلاً ؟؟
هوه انت يا بنى قولت حاجة ؟؟
و بعدين تعالى هنا
قولت جاى بعد ساعة ساعة و نص و قعدت مع الجماعة ييجى ساعتين و انت فص ملح و داب
ماااااشى
أدى دقن أخويا الصغير ماجد لو جيتلك فى مواعيد تانى يا سووووو
و انا كمان معاك بعمل أوبجكشن بالقوووى
خاااااااالص
و بعدين الحاجة بتقرى التعليقات يعنى دلوقتى لما تسألنى سوووو قصده إيه أقولها أيه سعادتك ؟؟
رئيس جمهورية نفسى
أنا موش سهرانة و لا حاجة يا محمود
دا اليوم بتاعى أصلا لسه هيبتدى
أنا أصلى مخلوقة ليلية
ساعتى البيولوجية مبتتظبطش الا فى الليل و الصحيان بدرى دا ماسأتى من و انا فى أولى أبتدائى ...
بس لما يكون فيه مشاوير الصبح لازم أصحى
لحسن تاخد فكرة عنى أنى كسلانة و مليش فايدة فى الحياة و لا حاجة ...
يااااااه يا محمود
أنت أول واحد يقولى تصبحى على خير من ييجى عشر سنين كدا ...
و انت من أهله يا صديقى
أحلام سعيدة
خلاص ليكى كل يوم تصبحى على خير حسيبه فى البوست الى بتردى عليه اى خدمه
تصبحى على خير تانى
و انت من أهله يا ريس
سلامي الشديد للحاجه واسف بجد اني اتأخرت في الرجوع
لكن والله اتسحلت في حوارات غريبه وخلصتها ورجعت على الساعه تسعه ونص تقريبا
وان شاء الله تتعوض يا اختي العزيزة وليكي عندي كباية فيسكافيه ياستي عشان تعذريني
اه صحيح .. انا رحت على المدونه بتاعة الاتحاد
دي حاجه جميله خالص
دول ناس ولا يعرفونا ولا نعرفهم
دي حاجه يالهوي
الاوبجكشن هو المصطلح الانجليزي لكلمة يالهوي
هو انتي ماكنتيش عارفه ولا ايه؟؟؟؟
سلامووووووووز
ياسلاااااام
أتضحك عليا أنا بكباية الفيسكافيه دى إن شالله
ماشى يا سوووو
مردودالك يا باشمهندز
و فى مرة هنتفق على معاد و هزوغ منك و بعدين أصالحك بكباية فيسكافيه مماثلة
بس هزود عليك إنها هتكون فيسكافيه بلاك عشا بتحبه سعادتك و مفيش داعى وا نا بصالحك أغلس قوى
بص أنت اللى رحمك من غضبى الجبار إنك سبتنى مع اتنين مفيش اجمل و لا اطيب من كدا
يعنى أبو خالد الراجل الطيب و خالد همس الاحباب و هما الأتنين ونسونى و أتكلمنا و حسيت أن الخروجة دى مرحتيش هدر و كنت قاعدة مع اتنين من أهلى و خلونى مزعلش خالص و أحس إنى أتنفضلى
يعنى كتر خيرهم و الله
و أزاى عدت عليا المعلومة اللغوية دى الخطيرة دى ؟؟
مكنتش أعرف أن أوبجكشن دى معناها يا لهوى خالص
كنت فاكرها يا خرابى ....
أنا لازم أجيب طبعة جديدة من معجم المصطلحات بتاعى لحسن اللى عندى قدم قوى قوى
تحياتى يا صديقى الغالى
و السلام هيوصل للحاجة أول ما تقرى البوست دا إن شاء الله
و بلاش سلاموزززز بقى
عشان الموز بيعمل أمساك
ههههههههههههه
انا مش معاهم انا معاااكي مطرح ما تروحي وراااكي
مش عارفه مين بيغنيها ههههههههه
بس انا مع نفسي مش مع حد
اشربي العصير يا قمر
(*_^)
هو فيه ايه انا اتضخيت
هو مين دول اللي هيتحدوا مع مين وفين وعشان ايه!!
هو عموما بدل فيها اتحاد يبقي اكيد الموضوع هيفشل هيفشل
بنوتة مصرية
بهاء سلطان يا رووووودى
و طبعا إنتى معايا هوه إحناأصحاب اونطة بقى و لا إيه
و انا بشرب ميه بس الأيام دى عشان الريجيم بيقولو شربها كتير بيخسس
دا غير الحر اللى مفطسنا دا
بوسيلى نور القمر
سنووايت
يا اميرة الحواديت
يا حبيبتى أزيك و سامحنى مقصرة معاكى قوى أنا أسفة قوى قوى
و هوه أصلاً فاشل لكن بيحاول يكتسب شرعية مزيفة كدا زى حكاية وضع اليد
و أبقى دوخى السبع دوخات عشان تخرجيه
بس على الأقل نشجب هذا الكيان الغريب و نقول إننا موش معاه خاااااالص
تحياتى يا أميرتى الجميلة
فاتيما
*********
هذا الاتحاد المزعوم افرغ العمليه التدوينيه من محتواها و فكرها اللى قامت عليه اصلا.....و انا اصلا ليا تحفظات كتيره عليه وعلامات استفهام كتير عن اهدافه الحقيقيه !!!
وبعدين اى حد يحب يعمل اتحاد تانى مين يمنعه فعندما تكثر هذه الاتحادات ستصبح فى النهايه غير ذات اهميه و ستأكل كل منها الاخري... واعتقد ان دا الحل الامثل لمحاربة هذا الاتحاد و غيره وبذلك تتوه الاتحادات فى بعض و يرجع الكل الى اصل الموضوع مره ثانيه ويكون الاتحاد الواقعى الوحيد اللى ينفع هو الموجود حاليا بلا اسم معلن وهو اتحاد العقول و الافكار المتشابهه التى تتلاقى مع بعضها فكريا فتضع اناسا على الريدر الخاص بك لم يكونوا بالامس و تحذف اناسا اخريين تكتشف انهم لا يمثلونك و لايتوافقون معك فكريا
تحياتى
يا صباح الخير يا مصر
أولا ازيك و منور
تانياً الله يفتح عليك
ثالثاً اللى بتقول عليه دا حصل قبل كدا بس على تجمعات محدودة و محدش منهم حط أسمنا كلنا كدا بصيغة الجمع و الشمول ...
يعنى ممكن يقول المدونون او التدوين على أطلاقه و بعدين نظام اللجان و القواعد و الحاجات دى أنا اول مرة أشوفها الصراحة ....
و القلق الحقيقى جااى من أن النوعية دى من المشروعات الوهمية بتحاول تكسب نفسها بصبغة شرعية و تدى لنفسها حقوق متعرفش أزاى
لأ لازم نقول أننا غير راضيين عن دا
محدش موافق على كدا
و تحياتى يا سيدى
السلام عليكم
ازيك ياام يوسف
اغيب يومين عن البلد ارجع الاقيكم عاملين حزب
هههههههههههههه
طب ماتزعقيش
منا قريت كويس وعارف انك مش معاهم
وانا بردو ياستى
الو انى موش فاهم حاجه
وبعدين ياجميل
انا لسا مرحتش بلد المرايات
انا مسافر يوم الاثنين
الساعه 10 مساء
انا بس كنت فى عمان
زياره سريعه
تحياتى لصاحبة القلب الحنون
اخيكى
احمد سكر
بقى اول مرة اجي عندك يا ست ام يوسف الاقيكي زعلانة كده خلاص حقك عليا بلا شتبقى معاهم خليكي معايا ينفع هههههههه يالا ارفوار يااحن ام
سكررررر
تروح بالسلامة يا سيدى
و طبعاً لازم تبقى موش معاهم يا صديقى
أتمنى لك سفرية سعيدة و موش هغلس عليك و أقولك الكام سطر دول كانوا لمين عشان لو موش عاوز تقولى براحتك
بس هتقول برضو ...
غلاسة بقى
طب خلاص بلاش التبريقة دى
خلاص ياعم هسكت
سلام
truelove
منورة الله و يا بنتى أنتى حظك جه و انا متغاظة قوى و بطق شرار ...
معلش أنا موش كدا دايما دنا غلبانة قوى و الله ...
نورتى و تعالى دايما
حبيبتي انا كمان مش معاهم
سؤال
انتي عطلتي التعليقات في التدوينة الاخيرة ليه
؟؟؟
لو عاوزة تسمعي جديد افتحيه
ودي