تيتة خدت نوتى الأرنوب بتاعك علقته على الحيطة
عشان مخدوش فى حضنى و أنا نايمة
أصلها متصورة إنى لما اخده فى حضنى بفتكرك و بعيط


من هذه الامومه عرفت كيف اصبحت انت ام يوسف
ربنا يصبرك

.

الذكريات شئ جميل جدا

وهى يا أم يوسف مش فى الصور دى فى عقلك وقلبك، المهم تجد حياتنا
إحنا اللى بنصنع لحظاتنا المبهجه بأعادتها وهضمها من جديد لكى تكون زادنا فى الدنيا

طول ما هى فى قلبك تأكدى أنها فى قلب يوسف الى أبد الدهر

تخيلى لما يوسف هيجى بعد عمر طويل
ويقرا التدوينات دى
هتكون ذكريات برضو
وهتكون أجمل
وإلا مدونته الصغيره
سيفخر ان كانت مشاعر مثل هذه ملتفه حوله

ياروح قلب ماما
****************
طبعا مش هااقدر انصحك ان تترفقى بنفسك و بمن حولك ....لكن اللى ها اقدر اقولهولك انك لازم تحضرى نفسك نفسيا و لا بلاش نفسيا دى اللى بتزعل الناس من بعضها.. قصدى تحطى نفسك فى فورمة الدراسات العليا و تستعدى للموضوع بحب عشان دايما الواحد لما بيحب شغله بيقدر يعمل فيه مجهود دون الاحساس بتعب او ملل
ودايما لازم تفكرى انك تعملى انجازات فى حياتك و تطوريها للاحسن عشان لما يوسف يرجع انشاء الله يكون فخور بيكى .

تحياتى

كل ليلة الذكريات بتجدد اشواقك ليوسف
ان شاء الله في ليلة هتفتكروها سوا

كالعادة
الملم دمعاتى
وارحل عن مدونتك
بشجن والم
وحب اكثر لقلبك
متزعليش من كابتى
سامحينى
بس مش بعرف ااقرا الكلام ده
ومعيطشى

ياااااااااااارب

بحبك فى الله

تدوينة من القلب .. لذلك تصل إلى كل القلوب

Post of the day
(:

السلام عليكم
ربنا يطمنك عليه يا طمطم يا رب ويقر عينك به وهو هيبقى فخور بيكى جدا جدا انتى نعم الام الحنون.انا لما بتخيل محمد بعيد عنى ليلة واحدة بتجنن الله يكون فى عونك حسة بيكى بس ادعى ديما ربنا هو اكتر واحد عالم بيكى واكتر واحد رحيم بيكى ادعى ربنا كتير كتير و نفسى فى يوم افتح مدونتك الاقى بوست مكتوب فيه بس

"يوسف رجع"

لا ادرى .. كيف يمكن ان يتحمل قلب به اليسير من الرحمة هذا الحرمان ؟

وهل يعتقد ذلك القلب أن حرمان ابن من امه قربانا الى الله أم ماذا ..؟

لم افهم ان كنت ترينه أم لا .. ولكننى اخاطب من هنا قلب أب .. ولاانتظر ردا .. وانما اتوقع اجراءا ما ..

وارد ان الحياة الزوجية قد لايكتب لها التوفيق .. الا ان حتى هذا ينبغى ان يتحول الى لون من الاحترام العميق المتبادل .. والصداقة أيضا ..

كل هذا لأن هناك أولاد .. سلامهم النفسى هو أغلى بمراحل من حياتنا .. ولااعتقد ان يوسف بعيدا عن امه يعيش هذا السلام .. وعبثا حاول الاب .. أقولها لانى اب .. وجد الان ..

ادعو الله ان تعود الامور الى حالها الطبيعى .. لاادرى كيف .. مع كل تمنياتى لك بان يخفف الله عنك هذا الألم ..

ولعل فرجه قريب ..

اعتذر للإطالة .. لم انجح فى مغالبة نفسى

بجد كل ما قرات بوست جديد كتبتيه يتأكد لي روعة الأم في قلبك ولا أملك سوي الدعاء بان ربنا يهدي ابوه قبل ما يخسر قلب ابنه كما خسر قلب امرأه مليئ بالعاطفه والحنان من قبل , تقبلي خالص مودتي

مانا ما ينفعش اكتب واقول ربنا يرجعه ليكي بالسلامة علشان اكيد انتي اتقال لك الكلام دة مليون ومتنين مرة
ونظرا لان مفيش حاجة تقال قدام المشاعر دي
يبقى الصمت اصدق
تحيااااتي

انا مش عارفه اقولك ايه

بس مهما ابو يوسف اداله حب وحنان

لا يمكن هيعوضوة عن حضن منك ومش معقول

ام بالحنان والحب دة كله وابنها ينساها


يارب يرجعهولك وتعوضيه ويعوضك


عن البعد

كلماتك احزنتنى
ربنا يجمعكم ببعض ومش تتفرقوا ابدا ويارب يكون ابن بار بكى

مع خالص تحياتى

ابكيتنى ربنا يقر عينك به ويجمعكم قريبا اللهم امين
تذكرى قوله تعالى عندما رد سيدنا موسى الى امه
فرددناه الى امه كى تقر عيناها ولا
تحزن
اول مرة ادخل عن حضرتك وان شاء الله هاتابع المدونه علشان اقرا بوست فرحه عودة يوسف لحضنك الحنون
ربنا يجمعكم على خير قريبا اللهم امين

بدمع كل م اقرا ليكى وادعيلك جاااااااااامد
يااااااارب يرجعلك يوسف وتاخديه فى حضنك هو والارنوب

الله يكون فى عونك يا فاتيما
انا دموعى نزلت انهاردة مرتين
مرة لما دخلت مدونة عاشقة الفردوس
ومرة دلوقتى وانا بقرا البوست بتاعك
والله دموعى صعب جدا انها تنزل وبيقولوا عليا قلبى جامد
انتى دوبتى جمودية قلبى بكلامك
يارب يجمع بينك وبين يوسف فى اسرع وقت ممكن
صحيح انا مش عارفة حاجة ولا عندى تفاصيل عن وجوده مع والده بس احساسى بيقولى انه فى سن سبع سنين
ولا هو اكبر من كدة؟؟
انا هابعت لك ميل على الميل اللى انتى كاتباه فى المدونة ياريت تردى عليا فيه لان عندى كلام مش عارفة اقوله ليكى هنا
تحياتى ليكى وربنا يصبرك
اللهم اجمع بين فاتيما وابنها يوسف كما جمعت بين يوسف وابيه يعقوب انك على شىء قدير
اللهم قر عينها بيوسف يا الله يا ولى الصابرين
قولوا امين

وانت من اهل الخير يا احلى واحن ماما

وحشتى يوسف اوى وعمره ما هينساكى
وهو بيحاول يمشى على كل اللى وصيتيه عليه...
هو بيمكل كويس ويشرب ويلعب ومش ناقصه غير يشوفك ويطمن عليكى....
وبيوصيكى هو بقى انك تتطمنى وتخلى عندك يقين ان من خلقه ارحم منك به ولن يضيعه لن يضيعه لن يضيعه..
ربنا يحفظكم بعينه التى لا تنام..امين

يا رب يجمعكم أمين
كل مرة ادخل البلوج بأبكى
انا فعلانفسى احس انك اتبسطى ولو مرة واحدة

ياه يا فاتيما

أنا حاسس إنك خدتيني من إيدي و لففتيني في البيت توريني يوسف كان بيعمل إيه و يقول إيه ، حسيت إن أنا كمان بادور عليه و نفسي أعرف هو بيعمل إيه دلوقت ..

الموضوع حساس جدا ، و أنا مش قادر أقول أكثر من كده ، على الأقل دلوقت ..

ياربي

إنتي كلامك يقطع القلب يا فاتيما

إن شاء الله تشوفي يوسف علي خير
وفي أحسن حال

مدونتك جميييييييله مووووووت
ومليانه كم مشاعر لابأس به من الحب والحنان

وحقراها كلها كمااااان
سلااااااااام يا طمطم

ناوية أكمل دراستى و أحاول أكون إنسانة كويسة
عشان تبقى مبسوط بيا
و تفتخر بماما وسط الناس


...حتى فى أهدافك ....بيكون ده عشان يوسف......ربنا يرده عليكى يارب
ويقر عينه بيكى وبيه وعلى فكرة انا مش ناسى وهوافيك بأخر التطورات ويارب يكون وشنا حلو عليكى

تحياتى ومحبتى

مش عارفة اقول ايه بجد
بس محدش يقدر يشوف فيضان الامومة الجارف ده ويسكت
ربنا يفرحك برجوعه لحضنك قريب جدا ياااااااااارب

سلامى وقبلاتى ليوسف اللى هتشوفيه بإذن الله قريب جداااااااا


" لا تُضار والدة بولدها ولا مولود له بولده "

ربنا ميرضاش بالظلم
وفرجه قريب ان شاء الله

اللهم آمين

انا اول مرة امر بالمدونة بتاعة حضرتك
بجد مدونة جميلة جدا واكيد هتريحك وتخليكى تفكى عن نفسك شوية وتقولى كل اللى جواكى
ربنا يجمعك بيوسف قريب ويصبرك على بعده باذن الله

حححححححححححححححححح

تصدقوا كده عيب،، لما يبقى عندك كلام كتير تقوله ومش لاقيه حرف دلوقتي اكتبه

فاتيما،، انا ماقلتش ومش هقول انما دموع عيني قالت دلوقتي

سلام
يمكن اجي تاني لما الكلام ييجي مش عارفة

مها ميهوووو

تفتكرى ايه اخرتها ، ازاى نقدر نتخلص من دماغنا المؤلمة دى ، ازاى نقدر نعيش عادى كدا واحنا عندنا ازمة فقد لاعز الناس ، ازاى ، مش عارفة ، سامحينى انا مش هاطبطب عليكى يا فاتيما ، انا مضطرة اقولك ، انت صح وعندك حق لازم تبقى كدا لانك بنى أدم حقيقى ، اتخلق من الاحساس المشاعر مش مجرد طين يتشال من هنا يتحط هنا ، عارفة انا عايزا اقولك ان فى ناس طاقة استمرارهم هى الحزن ، وخايفة اكون انا منهم لكن بالتأكيد اللى اقدر اكده ليكى انك منهم برضه
ارجوك استمرى لانك بتطلعى كتابة فى منتهى الروعة

هيبقى حلم وهتطلعى منه وهنلاقيه معاكى وهعمل له حته حفله تحلفى بيها العمر كله

هيرجع لك وبدون اى مشاكل حتى ستندهشى من الطريقة

اسفة يا فاتيما
معنديش تعليق

حسيت كتير إنى يتيمة

بس عمرى ماحسيت انى يتيمة اوى كده

ايه ده
ايه الجمال ده
لا بجد تسلم ايديكى يا ام يوسف
انتى انتزعتى كل حاجة حتى كلمة ااااه
بجد بجد الواحد شكله كده اينتكب حماقات للصبح
ههههههههه ربنا يكرمك دنيا واخرة وتفرحى بيه دايما وتضميه لحضنك دايما
علشان يعرف انه معاه احن ام فى الدنيا .
تصدقى بالله اناعندىاحساس انناانحتفل بيه معانا قريب قوى واتعزمينا على كنز وعلى حسابى يلا خليها عليكى
تحياتى وتقديرى لام يوسف

السلام عليكم
زياره اولى لمدونه رائعه..
بوست رائع وب حزن هائل وحنيه فياضه وشوق كبير..جمعكما الله على خير..
تحياتي
سلام

مش عارف اكتب اقول ايه الا

ربنا يرده بالسلامة يارب ويجمعك بيه على خير دايما يارب


تحياتي

فاتيما
=======
محدش يقدر يحجب الصدق في سطورك او ينكرهم...
ان شاء الله يوسف في احسن حال وخلي بالك من نفسك طالما عجله الايام ماشيه بيه ومن غيره ...عشان لما يجي معاد رجوعه يكون فخور بيكي اهتمي بنفسك ودراستك وشوفي مستقبلك
و خلي ثقتك في الله
تحياتي ودعواتي

نسيت اقولك..
اختيار الاغنيه تعدى حدود الجمال والروعه!!
بل اعطى لها معنى لم يكن الكاتب ولا الملحن يحلم يه

السلام عليكم ورحمة الله وبركاته

ازيط يا فاطيما
اكيد هاتيجي ليله اخدي يوسف فيها فحضنك زي زمان وان شاء الله تكون قريبه



سلام

حببتى نفس المشاعر ونفسالألم العيون الدامعة حاصرتنى لما كنت بتفرج على صور ولادى ففترة بعدهم عنى تعرفى حتى باب غرفتهم كنت قافلاها بستارة سودا وبتجنب حتى امر من جنبها
بس فالنهاية عدت لايام وراحت واهم جنبى وفحضنى
ما اسرع مرور الايام
اقولك حاجة ربنا لما بيبقى عاوز يقول لعبدة حاجة بيزرع الفرح فقلبة برغم الألم اللى بيبقى جواة
ساعات كنت بصرخ واقول لية يارب انا حاسة براحة وسعادة جوايا وانا فعز المحنة وأكتشفت فالنهاية ان الاحاسيس المتضاربة دى والسعادة الداخلية برغم الواقع الاليم كانت علامة ربنا على قرب نهاية الأزمة
فلو حسيتى انك تايهة وجواكى حزن شديد وفنفس الوقت احساس سعادة مخفى أتأكدى ان فرجة قريب وأن دعاءك استجيب وقريب قوى هتفرحى بجد
وحشتينى
تحياتى

ع فكرة يا فاتيما
انا بتعلم منك مش انتى اللى بتتعلمى منى
ياحبيبتى انتى مدرسة رائعة للأحاسيس والمشاعر وانا مجرد تلميذة فى فيض مشاعرك وقلبك
تحياتى

انتى بجد جميله يا ام يوسف ........... ويوسف مش بس فخور بيكى ده اكيدزعلان على الوقت الى بيضيع منه و هو مش معاكى ربنا يخليكى له ويخليه ليكى انت ام جميله و اى حد يتمنى يكون يوسف عشان تحبيه كل الحب ده انشاء الله بكره يوسف يكبر وتشوفيه اهم واحسن راجل ف الدنيا ويعرف انتى بتحبيه قد ايه وميسبكيش ولا لحظه

إنت كده دايما منزله دموعي أعمل إيه معاك..
يارب يفرحك بيوسف وتشوفيه حاجه كويسه قوي
كل الحب

وجعتي قلبي ربنا يريح قلبك ويرده لحضنك تاني .. ويجمعكم يا رب على خير ويقر عينك بيه


وصبر جميل وعسى الله أن يجمعك به


صباحك فل

وجعتيلى قلبى قوى و ادمعتى عينى ربنا يقربلك البعيد و يجمعك بيه على خير عن قريب ان شاء الله انا حاسة بيك قوى و الله اصلى ام لطفل وحيد و سهل قوى عليا احس بمشاعرك كان الله فى عونك و ربنا يهدى ابوه و يعرف ان فشا الحياة الزوجية مش معناه اننا نكمل على اولادنا كمان بحرمانهم من امهم او ابوهم ربك قادر على كل شيئ
تحياتى

ضاقت فلما استحكمت حلقاتها فرجت وكنت اظنها لن تفرجو
الفجر جاى ان شاء الله يا طمطم وحيرجع يوسف تانى ليكى عن قريب ان شاء الله
بس الى عايز ااقولة ليكى يوم ما يرجع يوسف افتحى ليه المدونة وخليه يقرى البوستات من اولها علشان يعرف انى ربنا وهب ليه ام نادرة الوجود فى الزمن ده
تحياتى

انا غير معروف يا فاتيمه اشكرك على كلامك الرائع ده وانا من زوار مدونتك المنتظمين لكن لم تتثنى لى الفرصه للتواصل معكى ............ ربنا يخليلك يوسف يا ام يوسف

السلام عليكم

أختي الفاضلة أم يوسف

احنا ماتعرفش بعض لأن مدونتك وصلتني من احدى صديقاتي

لكن رغم عدم معرفتي بيكي بقولك أنا بدعيلك ربنا يرد ليكي ابنك من تاني وتسعدي بقربه منك

لا تتصوري قلبي بيوجعني قد ايه وانا داخل مدونتك

ولا تتخيلي كلامك في الموضوع ده وجعني قد ايه؟

أقسم بالله الدموع في عيوني وحاسه بغصه في قلبي

لكن بنفس الوقت أنا بحترم محاولاتك للتواصل مع ابنك ولو على البعد وبحترم رغبتك في النهوض بمستواكي العلمي

بارك الله لك في يوسف وجمعك به على خير قريبا

أكيد هيرجعلك في يوم من الأيام لأنك أم والأم لا يمكن تتنسى أبدا


تحــيــاتــي

:(
ربنا يصبرك يارب