.

.

سكووووووووت ... هنتبرع  

Posted by: فاتيما in

و ظهرت الرؤية
و الست الكومل نوران
حطت المعاد النوهائى ليوم الخير
المعروف
بيوم تبرع المدونين للدم
المرة الاولى كانت فى أول أبريل
و المرة التانية هتبقى واحد أغسطس
صاحبة الفكرة و المبادرة هيا خيخة ربنا يكرمها
و يهدى الناس الغريبة اللى بتفتكر دعوتها دى بهدف آخر غير الخير
أنا فوجعت بصراحة لما قريت البوست دا
عند البت خيخة
بس رجعت و قولت معلشى
و مسير اللى هييجى يعرف بجد
أن العمل كله من اوله لآخره
خاااااااالص النية لله
و بعدين يا جماعة
أحد مسئولى المركز اللى كان فى إستقبالنا المرة اللى فاتت
كان مرحب بأى أسئلة و إستفسارات
و يكفى تعرفوا
أن كيس الدم الواحد
( 450 مللى على فكرة مش ليتر كامل )
ممكن يتقسم على أربع أشخاص آخرين و يستفيدوا منه
بسبب حاجة إسمها الصفائح الدموية
و عشان معكش قوى فى الكلام
الاخ المسئول دا ممكن يشرحها تانى لأى حد عاوز يستفهم اكتر
و كمان بيفرجونا فى جولة سريعة على المركز و طريقة سير كيس الدم المتبرع به
و مستوى النضافة هناك
و اللى قلقان من حاجة ممكن يأما يسأل
او حتى يمتنع عن التبرع لو مش مرتاح للحكاية
زائد إنهم هيقيسوا الضغط و يسألوا شوية أسئلة الأول
عشان يتاكدوا إن حالة المتبرع تسمح
وإن التبرع مش هيضره
داغير إنكم هتملوا إستمارة ببعض البيانات عشان تكونوا متسجلين عندهم
و دا إجراء عادى و طبيعى
المكان مكيف يا جماعة عشان الناس اللى حرارة الجو بتتعبها
و اللى هيدخلوا يتبرعوا الباقى اللى قاعد فى إنتظارهم هيكون وقتهم مش مهدر
لأننا هنعقد نحكى و نتعرف أكتر
يعنى اللى جاى و هوه مش ناوى يتبرع مفيش مشكلة
( أنا المرة اللى فاتت متبرعتش أصلاً لكن المرة دى ناويها )
لكن الحضور فى حد ذاته شىء كويس
و لو حتى عشان يساندنا و يونسنا و ياخد فكرة للمرة الجاية
طبعاً مش عاوزين عزومة يا جماعة
نفسى أشوفكم و أسلم عليكم الكل جمعااااااء
و نفسى بصراحة اكتب الأسامى واحد واحدة
بس بالمنظر دا أنا محتاجة بوست لوحده مليان أسامى و بس
جدول الأعمال كالأتى
أولاً
هنتقابل إن شاء الله يوم
الجمعة
1 / 8/ 2008
الساعة
العاشرة صباحاً
قصاد
أو بيقولولها بالبلدى كدا
المصل و اللقاح
فاكسيرا
51 ش وزارة الزراعة
بالنوسبة للمواصلات
متهيألى مترو الأنفاق
كنت أظن إن محطة محيى الدين أبو العز أقرب محطة
لكن بناءاً على سؤال صديقى و أخويا الصغير نيجرو
قررت أدعبس تانى و سالت اخويا ماجد
و إتضح إن
محطة الدقى
هى أقرب المحطات للمكان
و اللى ينزل فيها يركب تاكسى لحد المصل و اللقاح
و يديله 2 أو 3 جنيه و كويس قوى
أو أى ميكروباس رايح فيصل من ميدان التحرير هيعدى قصاد المركز كمان
و فيه مواصلة التاكسى
بقى للناس المريشة
البت خيخة كاتبة نمرة موبايل فى مدونتها إنقلوها تحسباً
عشان إحنا هننتظر مدة قصاد المركز
و بعد كدا هندخل جوا
و اللى متلخبط حبتين يبقى يكلم البونية
عشان يعرف إحنا فين
النوبة اللى فاتت كنا تقريباً 11 نفر و عندى إحساس جميل إننا المرة دى
هيكون عددنا يفرح
المسئول بتاع المركز المرة اللى عدت كان متفأجى بنوبة الكرم دى و قاعد متنح شوية
و مش عارف يعنى إيه مدونات و كدا
نفسى المرة دى يتفأجى مفأجاة صاعقة
و مينساش كلمة مدونات بعد كدا فى عمره
ثانياً
بعد إتمام المهمة إن شاء الله هنحتفل بالمدونين الحلوين
مواليد شهر أغسطس
و على رأسهم اخويا العزيز
العجوز اللى هيكمل 30 بإذن الله
و كمان حبوبتى بنتى عبر الفضاء التخيلى
لماضة الطعامة
و معرفشى مين تانى
بس هنشوف
كنت مش عارفة هنعقد فين بالظبط عشان نحتفل
بس بنوتة مصرية يعنى الجدعنة و الاخلاق
أم نور القمر
لحقتنى علطول و قالت هنحتفل إن شاء الله
فى نفس المكان اللى بنعمل فيه اللقاءات الحريمى بتاعتنا
بس المرة دى هندى فرصة للرجالة و اخيراً ييجوا
فى
نادى الزراعيين
اللى قصاد البوابة رقم 7 لنادى الصيد
و القعدة هتعجبكم قوى
يعنى اللى يحب يجيب الجماعة و الاولاد مش هيتكلف
غير تمن التذكرة للفرد 2 جنيه و دمتم
أنا سخصياً احب من موقعى هذا
أسجل شكرى من معاميق امعاقى ل خيخة
لأنها غيرت المعاد ليوم الجمعة
لأن يوم السبت 2/8
هيكون حفل توقيع ديوان
و اللى عنوانه
( أطياف الصمت )
و لانى ناوية أروح اخد بحس البونية و أشجعها
فكنت هشحطط روحى ما بين التائين
تاء التبرع و تاء التوقيع
لكن الله سلم و بقت كل تاء لوحديها فى يوم
ثالثاً
فيه حاجة كنت عاوزة أقولها ضرورى ....
البت الفنانة المفروسة الجميلة جدا جدا
نوت و النية لله
إنها تجيب معاها ألوان الوجوه
و ترسم وشوش الأطفال اللى هييجوا مع امهاتهم فى اليوم دا
نونا يا فنونة
أحب أقولك
أنا مش مل العيال بس عاوزة ترسميلى فراشة صغنونة على خدى الشمال
ليه ؟؟
هوه كدا يعنى نوع من الإفترا و خلاص
ماشى ؟؟
طييييييب
رابعاً
حاجة كمان كنت هقولها ...
إيه
إيه
آه
إفتكرت
يا جماعة يوم الجيمعة دا هجيب معايا صديقة غالية و عزيزة عليا
هيا مهندسة و ملهاش دعوة بالتدوين خالص بس أنا خوتاها بيكم فى كل احاديثى
و مفهماها إن مدونتى يا ما هنا و يا ما هناك و النظام دا
ف إحياة أبوكو ... إدونى برستيجى قصادها على الآخر
و اللى نفسه يبستفنى و لا يدينى كلمتين فى جنابى
لأى سبب كان
يبقى ياخدنى على جنب و يقولى اللى نفسه فيه بس بلاش قدام البونية
حرصاً على البرستييييييج
و مردودلكم فى الخير إن شاء الله
خامساً
حاجة أخيرة بقى
إحنا عندنا فرح
عقباااااااال عندكم
أصل أل إيه ..
حفيد خالتى
اللى هوه يبقى إبن بنت خالتى
إنتص فى عقله و
هيتجوز
المغفلين هيزيدوا واحد
فهنروح عشان مظهرياً نبارك للواد
و بالمرة نلقى عليه نظرة الوداع
و هنعقد اليومين الجايين هناك ناخد بخاطر خالتى
و بالتالى محدش يقلق يا جماعة و يستعوقنى
و لما أرجع إن شاء الله من الفرح هبقى أرد على كل التعليقات الجميلة
( متحرمشى منكم يا رب ) بتاعة البوست اللى فات ( فرحتين )
و الحالى كمان أشوف مين جاى و مين هيفلسع
...بس مش قبل يوم الأربع بقى
هتوحشونى من دلوقتى و ليوم الجمعة الجميل
خلوا بالكو من روحكم
و يوم التبرع تفطروا فطار محترم كدا
و أستودعكم الله
يا أجمل ناس بعرفهم

This entry was posted on الاثنين, يوليو 28, 2008 and is filed under . You can leave a response and follow any responses to this entry through the .

62 كــــلام بيطــبطـــب عـــلى قــــلبى و روحــــى

يارتني كنت معاكم يارتني كنت معااااااااااكم
بس هتصل بخيخه ان شاء الله واكلمكم كلكم
بابا مش موافق
ياريتكوا كنتوا جيتوا اسكندريه يا ماما

حبيبه قلبي فاتيما

وحشتيني


دائما سباقة بلخير

بنسبة لي بعد التبرع ان شاء الله هنروح النادي الزراعين بعد التبرع

وانا وخيخه اتفقنا علي كدا

ياريت تعملي تحديث وتقولي اننا هنروح النادي علشان نحتفل بعيد ميلاد سوو ولماضة


وحشتيني اووووي منتظرة يوم الجمعه علي احر من الجمر


لكي تحياتي يا قمر

يا جمااااااااااااعة
انا أسفة جدا لأنى متاخرة فى الردود عليكم
بس مزنوقة قوى فى الوقت
التفاصيل عندكم فى البوست الجديد
و لما أرجع هرد عليكم علطول
متشكرة على السؤال يا سبهللولتى و يا محمود أنا وصلنى إيميلك و هرد عليك لما أرجع عشان فيه كلام كتير مش هينفع اكتبه على السريع لما أرجع بإذن الله
و كمان إيمو
أيمان شخابيط
وصلنى إيميلك يا حبيبتى و أشكرك بشدة على كل ما فيه بس أنا عندى شوية أسباب تخلينى اتردد
لما أرجع هبقى أقولك فى إيميل طويييل ليه
بس متشكرة ليكى من قلبى يا حبيبتى
و يا لماضة يا قمر يا طعامة
إن شاء الله نيجى إسكندرية و نشوفك
هنتكلم فى الحكاية دى يوم التبرع أن شاء الله أكيد
سلام ليكم مؤقتاً
بحبكم

رودى يا قمر
إنتى كمان وحشتينى
أنا كنت متوقعة كدا بس كنت منتظرة أمارة و أهى جت
عينيا حالاً أروح أصلح الموضوع
هاتى نور القمر معاكى ترسم على وشها
و إحنا كماااااان
سلام مؤقتاً يا حبيبتى

يارب ااقدر اجى يارب حمد لله على السلامه قلقتينى عليك الحمد لله انك بخير
تصبحى على خير بقاء

جدعة جدعة جدعة جدعة جدعة
من هنا لحد بكرة الصبح يا فاتيما
بجد البوست ده كدة فى التمام
وكويس انك قلتى خطواتنا هتبقى ازاى
علشان الكل يعرف ايه النظام
وبرافو عليكى انك وضحتى حكاية المواصلات دى كمان

بجد جدعة يا فاتيما لانك ماسبتيش فتفوتة الا وكنتى موضحاها
ابقى فكرينى اشوفك بنص جنيه على مجهوداتك معانا

تحياتى ياحتة سكرة

اختك خيخة

اه صحيح
ماتقلقيش هاديكى برستيجك على الاخر

سلام

انا جاااى
بس مش عارفة ان كنت هقدر على التبرع ده ولا لا :(
هقرر لما اروح هناك ان شاء الله

يارب بس اقدر على 10 الصبح دى اللى مصممة عليها خيخة فى كل لقاء

وبعدين يا فاتيما انتى لكى بريستيجك من طلب يا جميل

و مبروك للعريس و عقبالك يا رب

السلام عليكم ورحمة الله وبركاته

ايوه كل مره اقعدوا حنسونا كده

عاااااااااااااا
طب اعملوا خاطر للناس اللي ظروفها مش بتسمحلها تحضر اللقاءات ي واللي بيكونوا محبوسين فشغلهم
عندي شغل من الساعه عشره يوم الجمعه لحد تلاته يعني عمري ماهاعرف اجي ابدا

بس عاوزاكوا تستمتعوا بوقتكم علي اد ما تقدروا وتصورا كل حاجه وتيجوا تحكولنا


سلام يا احلي فاتيما

يارب نقدر نيجى ونشوف كدة بجد نفسنا نشوفكم
ربنا يسهل ونقدر نيجى ونشوف الناس الحلوة دى
وماتخافيش على البرستيج احنا قدها وقدود هاتيها انتى بس
تحياتى لكى ياأحلى فاتيما فى بر مصر كلتها

ازيك ياقمر

ترجعى بألف سلااامة

نفسى اوى اكون موجودة

بس انتى اكيد عارفة ظروف المعتقل وكدة تعرفى لو كان سبت او حد كان ممكن ازوغ بس جمعة صعب اوى

انا بعتلك القصيدة الى قولتلك عليها

لاااااازمن اعرف رايك فيها ياقمر

بييس..

يارب اقدر اجى
بس غالبا ظروفى الاسرية هاتمنعى
لكن لو قدرت افلسع منهم اكيد هاجى ان شاء الله

إزيك يا طمطم
بقولك
هي محطة الأستاذ محمد محيي الدين ابو العز دي أكيد يعني؟ .. أصل أنا لامح قبلها كده كلمة " متهيألى ".
نوران قالتلي محطتين غير دول خالص
قالتلي: البحوث أو الدقي .. مش فيهم عز يعني
طيب هي قريبة من المكان يعني ولا إيه؟
الله يخليكي يا طمطم أول ماترجعي
آه صحيح ألف مبروك لإبن بنت خالتك (ألا هو كده يعني يقربلك؟) على الجواز .. و عقباااااااااالي يا رب
الله يخليكي يا طمطم أول ماترجعي إبقي ردي عليا رد وافي كافي شافي خالي من الكوليسترول


يلا سلام

تروحي وترجعى بالسلامة ان شاء الله

ربنا يتقبل منكم وتفرحوا كده وانتوا شايفين ده فى ميزانكم فى الاخره

لحد دلوقتى معرفش لما المدونين بيشوفوا بعض بتبقى حاجه كويسه ولا الافضل نفضل اصدقاء فى العالم الافتراضى من غير ما نشوف بعض

كل يوم بسأل السؤال ده

فاتيما الغاليه عندي قوي قوي قوي قوي قوي

ازيك وعامله ايه وواحشاني وكلام كتير قوي عايز اقوله
.. لكن من كتر مانا جوايا حالة حب كبيره قوي مش عارف اقول ايه


ربنا يارب يارب يارب يارب يسعدك ويبسطك ويريح بالك ويكرمك ويوفقك ويرضيكي دنيا وآخره يا احلى فاتيما في الفاتاتيم اللي في الدنيا كلها

سلامي لماما العزيزه وبوسيهالي من هنا ومن هنا




سلامووووووووووز

عاااااااااااا
و مش حتحتفلوا بعيد ميلادي ؟
ده 31/7
أوعوا ما تحتفلوش بيه و تطفوا لي الشمع و تأكلوا لي التورتة
ربنا يجمعكم على خير دايماً
:)

وحشتينى
واسفة على التقصير البشع
وهحاول اجى فعلا
بس مشغولة جدا
سامحينى حبيبتى


انا نفسى كلالمدونين اصحابك يجو والله
انا مش على تواصل بيهم
بس بشوف ردودهم الجميلةعندك

بحبكك
وادعى لمشموشتك لانها مش بتلحق تفرح

الحمد لله

رئيس جمهورية نفسى
متحرمشى منك و لا من سؤالك يا محمود
الحمدلله كله تمام
لازم تيجى بقى
إن شاء الله يكون يوم مميز و جميل
و هيبقى أجمل بوجودك
تحياتى لأميرة الصعيد الجوانى
و خلى بالك من روحك و إنت جاى
تحياتى مؤقتاً لحد ما نشوفك يوم الجمعة إن شاء الله

بت يا خيخة
يا وش الخير كله
لما أنا أبقى جدعة أومال سيادتك تبقى إيه بقى ؟؟!!
المادة الخام للجدعنة لازم ...
البركة فيكى و الثواب متضاعف أضعاف أضعاف لأنك السبب فى تجميعنا و تشجيعنا
نص جنيه ؟؟
طب ليكى عليا نصين جنيه معدن لسه بشوكهم بيلمعوا و يلعلطوا كدا نص ليكى و نص لشريف حبيبى ....
إنتى علطول مدينى برستيجى بس أنا اللى ساعات بتخن مخى ...
تحياتى يا حبيبتى و بوسة و حضونة

الطائر الحزين
و يبارك فيك يا إيهاب
الفضل كله لله
و لخيخة
و معاها رودى و سوووو و آبى لأن الرباعى دا حريص من اول ما عرفتهم على تحويل المدونين لقوة فعالة إجتماعياً زى ما هيا فعالة على المستوى الثقافى و الفكرى
و ربنا يكافئهم خير
متحاول تيجى و نشوفك يا صديقى
حاول يعنى

قوس قزح
دوللى يا حبيبتى
كنت عارفة إنك جاية
أصلك دايما بتيجى فى الخير
معلش تعالى على مهلك 11 و لا حاجة و ادخليلنا جوا المركز أو بعد 11 لو مش هتلحقى تيجى بدرى و بعدين مش لازم التبرع المرة دى خدى فكرة الأول و لما تقتنعى و تطمئنى إتبرعى فى مرة جاية
دا اللى إنا عملته لأنى كنت متخوفة شوية و كمان قلقت إنى أسيب بياناتى عندهم لأن فى الأول كنت مرعوبة من خيالى مش زى دلوقتى الواحد الحمدلله بيجمد حبة حبة و يتشجع و البركة فيكم ...
أشوفك على خير يا حبيبتى
بوسيلى العيال الشقاوة و تحياتى لوالدهم الراجل الامير

خمسة فضفضة
و عليكم السلام يا حبيبتى
يعنى يا فضفوضتى مينفعش تاخدى أجازة فى اليوم دا بأى طريقة طيب ...
حاولى تفلسعى ملكيش أى رصيد اجازات طيب ؟؟
يوم واحد من نفسك تاخدى اجازة
يا ريت لو ينفع و تيجى
أنا مشتاقة أشوفك قوى
بس لو مقدرتيش خلاص مش هعرف أقول حاجة ...
لأ هقول
كنت أتمنى تيجى قوى
و مسيرنا يوم هنشوفك و مش هنقول و لا تقولى
عاااااا

رئيسة حزب الأحلام
يا لوووووووولى
لازم تيجى إنتى و مفقوعة ضرورى
لو ملحقتوش التبرع تعالوا النادى تحتفلوا معانا و نقعد سوا
إنتوا عارفين المكان و نمرة خيخة كمان
و إن شاء الله قاعدين لوقت طويل معتقدش هنمشى قبل سبعة بليل زى النوبة اللى فاتت فتعالى على مهلك
و متحرمشى منك يا حبيبتى

دعاء مواجهات
دودو
أزيك يا حبيبتى
ليه بس مش هتيجى ؟؟؟
كان نفسى أشوفك يا بنتى
القصيدة تحفة
أنا كدا ؟؟
صحيح شيفانى كدا ؟؟
على فكرة أنا مبسوطة بيها جدا
لأنى بعتبر هذيانى دا نوع من التنفيس عشان ميجرليش حاجة لو كتمت جوايا
القصيدة حلوة قوى قى
و لولا الإحراج كنت نشرتها هنا فى المدونة عشان أتفشخر بقى إنى بينكتب فى حالتى قصايد بالجمال دا ...
بس هحتفظ بيها و أوريا ليوسف لما يكبر شوية و يعرف يتذوق الشعر ...
متحرمشى منك يا دودو
طب يوم الجمعة مش هينفع تيجى
طب فكرى فى يوم السبت فى حفل توقيع ديوان شيماء سمير
يمكن متعرفيهاش بس اظن فيه مدونين كتير هيحضروا حفلتها دى زائد إنها تشبهك فى رقتها و بتكتب شعر زيك و من سنك
يعنى فيه خطوط تماس كتير
و فوق دا كله
هشوفك يا بنتى ...
فكرى
و لو منفعشى معلش
خيرها فى غيرها
اشكرك من كل قلبى على القصيدة
متحرمشى من دفا قلبك

سبهللة
يا رب يا سبهوللتى تقدرى تيجى
اليوم من غيرك هيبقى ناقصه كتير قوى
حاولى و تعالى و لو شوية و روحى
بس نشوفك
تحياتى يا حبيبتى
و إن شاء الله جاااااااية

طبعا انا لو فتحت بؤي فاتيما هتيدي اصلا على بؤي عشان انا دايما بطلع معاها بؤ وبقول جاية ومش باجي،، المرة دي انا شاكة بس قولي يا رب اصل بابا معصلج حبتين اتين تلاتة خمستاشر،، وغير كده انا عيد ميلادي 18 اغسطس يعني لازم تقولولي هابي بيرث داي تويو مها ميهوووو كده!!
فاتيما الجميلة،، مش سامعه يعني دعوات ويا رب يسوقك يا مها ويارب تيجي والكلام ده
ياللا

مها ميهوووو

nigro
واد يا نيجرووووو
أنا مبسوطة قوى إنك جاى و هشوفك يا صديقى
بص نوران صح
اثلى سألت أخويا ماجد و قاللى محطة الدقى أقرب المحطات
سيادتك تنزل فيها و تاخد تاكسى و تديله 2 3 حنيه بالعافية مش اكتر من كدا
أنا هصلح البوست حالاً و أكتب المحطة الصح
تحياتى يا صديقى مؤقتاً لحد يوم الجمعة
خلى بالك من نفسك بقى و إنت جاى

عابر سبيل
أشكرك من قلبى
و الدعوة موجهة ليك كمان
تحياتى الخالصة

بطوط يا حبوب

لحد دلوقتى معرفش لما المدونين بيشوفوا بعض بتبقى حاجه كويسه ولا الافضل نفضل اصدقاء فى العالم الافتراضى من غير ما نشوف بعض

كل يوم بسأل السؤال ده

----------
طب يعنى اما آن الآوان إنك تعرف إجابة السؤال دا يا محمود بقى ؟؟
معرفش هتصدقنى و لا لأ
بس بفترض إنك بتصدقنى
و انا اؤكدلك
إنك لن تندم لحظة إنك جيت
بالعكس
هتشوف الصورة احلى
و الناس أقرب
و المشاعر أصدق
إحنا متجمعين من غير غرض و لا مصلحة
و دا بيخلى تواجدنا معا جميل و صافى
أنا كنت مكانك فى يوم ما
و عارفة بقولك إيه
مش هتندم صدقنى
أتمنى أشوفك يوم الجمعة بجد
تحياتى يا بطوط
يا حبوب

soooo
الفاتاتيم ؟؟
و الأراضى الفاتيمية ؟؟
إيه النظام ؟
على رأى واحد صاحبنا متعرفوووووش
طب يا سوووو إنتوا اللى البركة فيكم و إنتم أصل الحكاية يعنى أنا مجرد حد مشى وراكم عشان يبقى يتعلم يبقى أحسن و أفيد ...
و بعدين سيادتك قافل التعليقات عندك فى آخر بوست و معرفتش أقول هناك لكن هقولها هنا
هدايا إيه اللى مش عاوزها دى ؟؟
طب الهدية اللى جبتها لسيادتك دى أوديها فين إن شاء الله ؟؟
أنا جايبها بقالى مدة إستعدادا ً
طب كنت نزل البوست بتاعك قبل ما اشتريها يا عم
خلاص بقى الهدية إنشرت
و إنت إتدبست
و إتحسبت عليك يا أستاذ
هتاخدها يعنى هتاخدها
بالذوق بالعافية هتاخدها
و إلا هخليها دم ...
أتمنى بس إنها تعجبك
و تفتكرنى بيها أنا و يوسف أصلها حاجة مشتركة بينك و بينه ....
كفاية بقى تلميحات
و أسيبك دماغك تاكلك جايبلى إيه ؟؟
جايبلى إيه
كدا
سلام مؤقت يا صديقى

مهندس مصرى
أزيك يا محمد
عامل إيه
أنا مقصرة فى حقك سامحنى معلشى
كل سنة و إنت طيب يا باشمهندس
هتتم 28 مش كدا ؟؟
السنة الجاية تكون معاك صاحبة النصيب
و نازلين مصر اجازة و تجيبها معاك نشوفها و نشوفك
يا رب تكون فى أحسن حال
و هوصل سلامك للجميع إن شاء الله
كلك ذوق يا محمد
تحياتى يا عزيزى

shimaa samier
يا مشموشتى ربنا يكرمك يا حبيبتى فى كل خطوة
آخر جملة دى قلقتنى قوى
لما أشوفك يوم السبت هبقى أشوف إيه النظام دا لو عرفت أتلم عليكى يا فنانة يا كبيرة ...
هحاول آجى إن شاء الله بدرى
و اليوم هيبقى مميز بيكى و ليكى
و يجعل كل أيامك أفراح يا حبيبتى
تحياتى ليكى و إنشغلى زى مانتى عايزة
إنشغالك بيفرحنى لأنى عارفة إنه فى حاجة صح و هتخلينا كلنا فخورين بيكى
بس برضو أتمنى تيجى يوم الجمعة لو قدرتى
بوسة و حضونة يا مشموشتى

أحسن تستاهل
مهو يا مهاميهو كل ما أقولك تعالى
بيحصل حاجة و متجيش
قولت المرة مقولشى حاجة يمكن تيجى
بصى إنتى عرفتى خلاص خط سيرنا و نمرة خيخة موجودة
يعنى لما الوالد العزيز يديكى إفراج فى أى وقت من النهار فوريرة تركبى و تيجى جرى تقعدى معانا ساعة ساعتين تلاتة و ترجعى تانى عشان والدك ميقلقش
لو هيطمن عليكى لو جبتى معاكى اختك مثلاً هاتيها يا بنتى أهو تشم هوا
النادى بتاع الزراعيين دا محترم جداً و عائلى و قعدته مريحة يعنى إقعدى حايلى باباكى و دلعيه يا مهماميهو بوسة كدا و يا حبيبى و الحركات إياها دى
يللا شدى حيلك
و أشوفك على ألف خير يا حبيبتى يوم الجمعة إن شاء الله

بصي بقى يا فاتيما ، بما إن اللقاء المرة دي في رجالة ، يعني مش حاتخدوا راحتكوا في نادي الزراعيين ، :) ، يبقى لازم تغطية بالصور ماتقلش عن تغطيتك لخرطة مواصلات غرب القاهرة دي :))

ربنا يتقبل منكم التبرع و ينفع بيكم و جزاكم الله خيرا كثيرا

أحمد كمال
إيه الكلام دا ؟؟
أفهم من كدا إنك مش جاى ؟؟
لأ أزعل جداً
ليه بس يا أبا المصطفى ...
لازم تيجى يا عم مليش دعوة
إنت عارف سير الحملة و هنبقى فين
تعالى فى المعاد اللى يناسبك
و حكاية الصور دى موعدكشى عشان اختك معندهاش كاميرا فى النوبايل و كدا
بس مدام الصباغ جاى يبقى هيخدولنا تصويرة إجبارى كدا ...
أتمنى أنك تحاول تيجى لأن البت خيخة فى البوست بتاعها الجديد باعتلك نداء بتقولك فيه ناس طلباك بالأسم
يعنى يا سيدى الجماهير تناديك
فلا تخذلهم يا زعيم
تحياتى الخالصة و أشوفك يوم الجمعة إن شاء الله

فكرة حلو

تمنياتي
بالتوفيق

الغالية ام يوسف
طبعا جامدة دايما فى بوستاتك وتحليلك للموضوع
عامة ربنا يسهل والكل يجى وان شاء الله حاسس انه ايبقى يوم تحفة وجنان يا ستى
وربنا يجمعنا دائما على خير
اما البرستيج ربنا يستر احسن بصراحة ناوى اتخانق معاكى ولا نطلب من القاضى التاجيل ههههههههه.
والنبى بلاش تسييح برده انا قلت كده ان المغفلين هيزيدوا واحد
يا اختى دول كل يوم بيزيدوا وحايد ههههه
هنشوفك على خير ان شاء الله
تحياتى اختى الغالية

أم يوسف
وأنا دائما أشعر من كتاباتك كم أنتى أم رائعة لى سؤال عندك وعند أصدقاءك
ماهو شعوركم بمن فقد أباة أو امة أو اولادة أوكلهم فى غرق العبارة

ان شاء الله يبقى يوم جميل
كان نفسى اجى بس مش هقدر
يارب يسعد كل ايامكم وتتجمعوا ع الخير دايما
سلامى يا احلى فاتيما

همس الأحباب
ازيك يا خالد
و إزاى هموسة
مش ناوى تجيبها معاك مرة
البنوتة فنانة مفروسة هتلون وشوش العيال و أنا منهم
ماتجيب همس بقى تلون وشها القمر دا
طب لو منفعشى المرة دى خلاص
سماح
و بعيييييين مش إنت اللى قولت إن لما حد بيتجوز المغفلين بيزيدوا واحد
حصل و لا محصلشى ؟؟؟
و أمانة عليك يا خالد تدونى برستيجى قدام البونية
و بعدين يا عم إبقوا خدوه منى تانى بعد هيا ما تمشى
إتفقنا ؟؟
طييييب
سلام مؤقت يا اخى العزيز

mohamed
اولا أهلاً بيك
ثانياً أشكرك على رأيك فيا
ثالثاً رأيى هيكون زى رأيك و زى رأى كل المصريين يا محمد إن الظلم بلغ مداه و حسبى الله و نعم الوكيل فى هذا الشخص هوه و إبنه و من يحمونه و حسبى الله و نعم الوكيل فى هذا القاضى اللى معرفش هينام الليل إزاى و يبص لولاده بأنهى وش ...
أما رأى أصدقائى فتقدر تقرى التدوينات دى و إنت تعرف
آبى
http://appyplant.blogspot.com/2008/07/blog-post_28.html
هذه وجهة نظرى ببساطة
http://firetrick.blogspot.com/2008/07/blog-post_27.html
لماضة
http://lamadaa.blogspot.com/2008/07/blog-post_28.html
أحمد شقير
http://shokeir.blogspot.com/2008/07/blog-post_27.html
محمود رئيس جمهورية نفسى
http://raeys.blogspot.com/2008/07/blog-post_4593.html
بنت القمر
http://bntalkamar.blogspot.com/2008/07/blog-post_637.html
محمد مفيد
http://fielsamem.blogspot.com/2008/07/blog-post_28.html
تحياتى ليك يا محمد

أهو ده عيبه
كان نفسى تيجى يا بيبو
لكن معلش أنا عذراكى لأن المشوار صعب عليكى حبتين
بس إن شاء الله ملحوقة فى وقت تانى يا حبيبتى
شكرا على تمنياتك الطيبة
و هبعت تحياتك للجميع أكيد
بوسة على خدك و حضونة

اجى ازاى ومتبرعشى؟؟!!!

مينفعشى يا فندم
ده يبقا اسمه احراج
وبما ان الناس ممكن لماتشوفنى تتبرعلى
يبقا مجيتى بخسارة
ولا ايه

منطق برضو

بحبككككككككككككككككككككك

دعواتك
ومش عارفة اوصل لدوبا
عايزاها تيجى الحفلة جدا
وشاهى ووالمفقوعة مرارتها
بلغيهم
انا دماغى ورمت والله

دعواتك

بقولك
مش عارفة ادخل عند خيخة
بيقولى المدونةمش موجودة
وكنت عايزةانقل الرقم
تحسبابرضو

فممكن تكتبيهولى
ولاهو بتاع المرةاللى فاتت انا لسه متسجل معايا

مستنية ردك

أبنتي الغالية /فاتيما
جزاك الله خيرا لأهتمامك بأخبار العبدلله
و ارجو دوما أن أكون عند ظنك بي
أبنتي الفاضلة أنا من سيسعد بلقاء
أحبائي المدونيين يزمان متتاليان بمشيئة
الله يومي الجمعة و السبت
دمتي أعز الناس

فاتيما
انا بعتزر بس حصلت ظروف ومش حقدر اجى ربنا يسهل وتتعوض

حمدالله علي السلامه. وحشتينا.

بس خلاص :)

و الله في بارقة أمل و ممكن أجي إن شاء الله ، ربنا يسهل و ألحقكم في النادي :)

شيماء سمير
كدا يا هانم ؟؟؟
طيييييب
لما اشوفك هشد ودنك
إحراج إيه طب منا اول مرة متبرعتش و محدش بصلى بصة كدا و لا كدا عادى بالعكس الناس رحبت بيا جداً
أصلها مش إلزام على حد
إنتى بقى اللى عاوزة تفلفصى يا مشموشة
خلاص مش هغلس بقى
بس هعذرك لأن عندك ليلة كبيرة تانى يوم و لازم تستعدى و أكيد وراكى الف حاجة تعمليها و تعرفى تناميلك ساعتين ( دا إذا عرفتى تنامى يا بنتى من التوتر و القلق ) ..
ربنا يجعلها احلى ليلة يا رب
و أشوفك هناك على خير
و نمرة خيخة هيا هياها بتاعة المرة اللى فاتت يا مشموشتى
تحياتى يا حبيبة قلبى

أبو خالد
الراجل الطيب و أبونا كلنا
يا غالى دا لازم و واجب عليا
أنا إتخضيت لما لقيت المدونة مش موجودة
و قولت خير يا رب
انا سعيدة إنى هشوفك يومين ورا بعض
ربنا يديم المحبة يا رب
و خلى بالك من نفسك بقى و إنت جاى
من بورسعيد الجميلة زيك
تحياتى ليك و للمحظوظين بيك

رئيس جمهورية نفسى
مدام بتقول ظروف يبقى اكيد حاجة جامدة يا محمود
طب يا ريت تطمنا عليك
كان نفسى تيجى يا صديقى
بس معلش
لعل المانع خير يا رب
تحياتى ليك
و هتبقى معانا بالسيرة الطيبة و إنت هناك
تحياتى يا ريس

وجهة نظرى
الله يسلمك
و إنت كمان يا معتز
بس خلاص أنا كمان

أحمد كمال
أهو كدا الحركات الشيك يا احمد
وجودك هيسعدنا كلنا بجد
و فى إنتظارك إن شاء الله
تحياتى يا أبو مصطفى

طلب ثنائى منك ومن سوووو

ممكن تعزمو المدونين بالنيابة عنى فعلا

هكون مبسوطة بوجدهم بجد

معلشى انا كنت بفكر جديا اجى
لكن والله فعلا الوقت غريب بشكل
غريييييييييييييب

دعواتك

شيماء سمير
حاضر يا مشموشتى
من عنسا يا حبيبتى
هنقل الدعوة للجميع غدا
تحياتى يا حبيبتى

يارب اقدر اجى
مع انى مشغول جدا اليومين دول بس هحاول ان شاء الله اجى
اه صحيح لو معرفتش اجى ابقوا احتفلوا بعيد ميلادى ههههههه
انا 8/8

ياه

لسه فيه ناس عندها دم وبتتبرع بالدم؟

شوفتي بقى الإيجابية اللي بيخلقها التدوين؟

عرفتي بقى ليه كل الحكومات بتخاف من المدونين؟

يا ريت يا فاتيما تكونوا قضيتوا يوم حلو
ومحصلتش حالات إغماء ولا حاجه
كان نفسي والله أكون معاكم بس مقدرتش أتواجد لبعد المسافه
بس إن شاء الله اللقاء القادم أكون مرتب أموري وأعرف آجي
علشان بجد نفسي أتعرف بيكم كلكم
يا ريت تحددوا أي سبب للتجمع وتخطروا بميعاده وإن شاء الله نقدر نتواجد

منتظرين تقريرك عن اليوم ده


وتقبلي خالص مودتي

عايش و لكن
اهلاً بيك يا عايش
أنت منور المدونة و معلشى بقى
المرة الجاية تلحقنا
و تشرفنا
تحياتى الخالصة

عم مراكبى
يا نبع الحكمة
إيه دا ليه كدا قصدك إيه
مين دول اللى معندهمش دم دول
لالالا لا
طب إقرى بقى البوست الجديد
عشان تبقى فخور بينا
و تعرف إن سايب وراك فى مصر
مدونين و مدونات حلوين برضو
و مش اى حاجة
إن شاء الله المرة الجاية تكون معانا
يا رب بجد
تحياتى ليك يا نبع الحكمة الخالصة

ahmed-k
معلشى يا احمد قلبك فيه الخير و ملحوقة
و المعاد الجاى إن شاء لازم طبعاً هنقول عليه من قبلها و تعرف ترنب أمورك من قبلها عشان عارفة إن مشوارك بعيد
بس عالله البوست الجديد يكون شافى و وافى
ليك يا احمد إحنا على قدنا برضو
ربنا يبارك فيك
و تكون معانا أن شاء الله
و إتبرع عندك بقى لو ينفع
سلام يا عزيزى

إرسال تعليق