.

.

.... يسووووووووفة  

Posted by: فاتيما in

الأربعاء 6/8/2008
شارع الموسكى
الساعة 10 مساءاً
امى نازلة تشترى فوانيس لأحفادها و أنا معاها
- ماما بصى .... الفانوس دا شكله حلو قوى و فيه نمور
- نمور دا مين ؟؟!!
- نمور !!! النمر تيجر دا إسمه نمور بالعربى ... دا كان جاى
فى فيلم كارتون إتفرجت عليه مع يوسف و إسمه المغامرة النمورية
و يوسف كان بيحب شخصيته قوى
- خلاص يعنى عاجبك نجيبه ؟؟
- آه .... يوسف هينبسط بيه قوى ... يا ريته كان معايا دلوقتى و إختاره بنفسه
- إن شاء الله يكون معاكى السنة الجاية و إنتى بتشتريه
- تفتكرى عمه (......) هيجيبه فى عيد ميلاده
زى إنتى ما قالك و هوه واخد يوسف و ماشى ؟؟
- ربنا يسهل يا بنتى ... بس إنتى عارفهم يعنى ملهموش كلمة
- أنا كمان مش متفائلة ... بس يا رب يجيبوه
عشان أديله فانوسه
يا رب
عارف يا يوسف بقول يا رب كام مرة فى اليوم بسببك ؟؟
متهيألى لو فكرت أعدهم مش هقدر
بقول كل يوم
يا رب
يخليك ليا
و يحفظك من كل شر حواليك
و يردك لحضنى قريب قوى
لأنى مبقتش قادرة على البعاد و وجعه
بفكر فيك كل دقيقة
و بقول طول الوقت
يا رب
أصلك وحشتنى قوى قوى
كان نفسى تكون معايا و ننقى الفانوس سوا
فاكر السنة اللى فاتت لما جبت فانوس علاء الدين
ساعتها قولتلى
هطلعلك منه الجنى و إطلبى اللى إنتى عاوزه يا ماما
قولتلك مش عاوزة من الجنى حاجة
إنت الجنى بتاعى
و لما تكبر هتحققلى كل امنياتى
و إنت معايا مش معقول أعتمد على حد غيرك
فاكر ؟؟
متهيألى نسيت حاجات كتير و إنت بعيد
أنا عذراك يا حبيبى
و عارفة إن الحكاية صعبة قوى عليك
وعلينا كلنا
بس إنا بقول دايما إنك
الأسد بتاعى
أنا جبتلك فانوس جميل زيك
فيه نمور اللى بتحبه و بيعمل زيك
يعنى طول الوقت بيتنطط من كتر الشقاوة
و تيتة معايا بنشترى الفانوس ... شفت شنط المدراس متعلقة
كان نفسى أجيبلك واحدة بس قولت أستنى شوية لقبل المدرسة بأيام
مين عارف ؟
مش يمكن ترجع و تختارها معايا بنفسك
مش هعلق الزينة فى البلكونة بقى إلا لما تيجى
و لو مرجعتش فى رمضان ... مش هعلقها
و لا هرص الفوانيس جنب بعضيها زى ما كنا بنعمل زمان
و لا أقولك ...
هحطها جنب بعضيها كأنك موجود بالظبط
و هنورها كل يوم شوية زى العادة
و بعدين اطفيها
بتوحشنى قوى يا يوسف
قوى
مش عارفة ليه الحاجات دى بتحصل
ليه بتفرقنا الناس و الدنيا عن بعض
مع إن ملناش غير بعض
و فراقنا مش بيفيد حد
آه نسيت أقولك
الفانوس بيغنى وحوى يا وحوى ... إيووووووووحة
فاكر لما كنت بغنيها وحوى يا وحوى ... يسوووووفة
و كنت بتعقد تضحك عليا قوى ...وبعدين تقول بجدية شديدة
لأ .... كلام الغنوة مش كدا يا ماما
الفانوس جه أهو
و فاضل إنت تيجى
مستنياك تسكن فى حضنى
و أديلك الفانوس
و الحضونة بتاعتك
و كل الأشواق اللى بتقتلنى كل يوم
بمجرد ما أفتح عينى و أفتكر إن اليوم دا كمان هيعدى من غيرك
السؤال اللى بتسأله لعبك و ألوانك و هدومك و قصصك
و فايلاتك على الكمبيوتر و كمان فوانيسك
الكل بيسألنى ليل نهار من غير كلام
فين يوسف ؟؟؟
و مبقتش بعرف أقولهم أى حاجة غير إنى زيهم بشتاقلك
و إنت وحشتنى قوى
قوى
رمضان كريم
و كل سنة و إنت طيب
يا حبيب ماما

This entry was posted on الجمعة, أغسطس 08, 2008 and is filed under . You can leave a response and follow any responses to this entry through the .

68 كــــلام بيطــبطـــب عـــلى قــــلبى و روحــــى

انا اول تعليق وشكل الموضوع كبير وفى هدايا
ربنا يستر

ياااااااااه يا فاتيما
عارفه كل ما اقرا ليكى حاجه احب امى اكتر مش عارف ايه العلاقه

بس هخليها تدعيلك جامد هى احيانا دعائها بيستجاب وبروح ابوس ايديها بعدها

عارفه ان شاء الله يوسف برضه تقريله كل ده ويبوس ايدكى كمان
هخليها تدعيلك بكده

بس اضحكى كده وافرحى والله بكره ان شاء الله هيكون احلى ميت مره

حبى طمطم القمر كلة
كل سنة وانتى ويوسف بالف خير يارب
ويجمعكم الله على خير
وحشانى وحشانى من هنا لاخر يوم فى عمرى
اشكرك على سؤالك عليا بجد قلبى فرح اوى ربنا يفرح قلبك ياااااااارب

اسفة على تاخيرى والله فعلا كنت مسافرة بس السنادى غلسة اوى مش عارفة لية
جايز علشان ولادى مش هينفع السنادى ييجوا معايا بظروف دراستهم مش عارفة بس الايام رهيبة غلسة مش عارفة حتى اتبسط باى فسحة من غيرهم
ربنا معاهم ويوفقهم

حلو اوى فانوس يوسف جميل زية
ان شاء الله هييجى ياخدة مش تقلقى
اصل فى ناس المفروض انها تتقى ربنا فى رمضان جايز والدة واهلة يتقوا ربنا جايز محدش عارف
بتمنى انهم يعرفوا انهم بيقطعوا صلة رحم نفسى يفهموا
ربنا يهديهم ويفهموا
مش قادرة اقولك كتير
لانى حاسة بيكى اوى اصلى مرة برضة عشت رمضان من غير اولادى وكانت سنة ربنا مايعدها
على فكرة يوسف قلبة معاكى فاكر كل حاجة
لية بتقولى نسى على فكرة الاطفال وهما صغيرين ذاكرتهم بتكون اقوى منا ومش بينسوا اى حاجة خالص
فاكر وبيكلمك بينة وبين نفسة وبيحكيلك كل مشاكلة بس مش قادر يقولك الكلام دة وجها لوجة بكرة يقولهولك وتستغربى اوى انة فاكر كل حاجة وبيحبك كمان
وفاهم كل حاجة صدقينى
بكرة الايام توضح ليكى كل شئ
ربنا يرجعة ليكى يارب ان شاء الله قريب اوى
بوسة ليكى وبوسة ليوسف

ب
ح
ب
ك
ا
و
و
و
و
ى

رندا

فين فانوسي
ان شاء الله يجي ويفطر معاكي اول يوم كمان
ربنا يعود عليكي الايام بخير ويريح قلبك

كده كده يعنى تجيبى الفانوسات ليوسف وانا لا طيب والله والله كنت هجيب لايمو وليوسف الاتنين واديه لكى علشان ان شاء الله لما يزوك تقولى له ده من ابى اللى هتخطفك منى
وبعدين بلاش صينى مش قولنا نشجع المواريد المصرى

كل عام وانتي بخير ويوسف بخير وامتنا الاسلامية كلها بخير
وباذن الله ربنا يقر عينك بيه وتشوفيه احسن الناس ويحضر يوم ميلاده معاكي وتديله الفانوس وتديله حضن وبوسة مني انا كمان ويارب ربنا يعوضك خير على صبرك
دة الصابرين بخير
انما يوفى الصابرون اجورهم
احبك في الله

أبنتي الغالية /فاتيما
اللهم يا سامع الدعاء فرج كرب و هم و غم فاطمة و رد لها أبنها يوسف
اللهم يا عزيز يا غفار أهدي قلب أبو يوسف ليعيد يوسف لفاطمة
اللهم بلغنا جميعا رمضان و أرزقنا قيام ليله و صيام نهاره و حفظ كتابه
اللهم يا مثبت القلوب ثبت قلوبنا جميعا غلي دينك
دمتي فاطمة أبنة طيبة الروح

ياااااااااه يافاتيمااااااااا
ده إنتى شايلة كتير
والله انا كنت هعيط
هو فى إيه
أنا مش فاهم حاجة
أنا من اليوست إللى فات فكرتكوا عايشين مع بعض
زده كان موقف حصل
أو مرة أعرف أنه مش عايش معاكى
ربنا يرجعهولك بالسلامة وتطنى عليه
ومتترقوش أبدا
وتشوفيه أعظم إنسان فى الدنيا
وتكونى إنتى السبب فى ده مش حد تانى

وميجيش رمضان إلا وتكونا متجمعين
ياااااااااااااارب

ربنا سبحانه وتعالى بيقول لرسولة

(ان الذى فرض عليك القرآن لرادك الى معاد)

وان فى شهر القرآن لا تستبعدى اى حدث فكم من الناس تتغير اطباعهم فى هذا الشهر

ولك موعد يرده الله اليك؟
دعواتك

حبيبتى
الصمت دوما حالى معك
عينى تتحدث لكدوما
لا اجد افضل مما كتب ابتى ابوخالد

اللهم يا سامع الدعاء فرج كرب و هم و غم فاطمة و رد لها أبنها يوسف
اللهم يا عزيز يا غفار أهدي قلب أبو يوسف ليعيد يوسف لفاطمة
اللهم بلغنا جميعا رمضان و أرزقنا قيام ليله و صيام نهاره و حفظ كتابه
اللهم يا مثبت القلوب ثبت قلوبنا جميعا غلي دينك

كل سنة وانتى طيبة
يا طيف حزنى الدفين

بحبككككككككككككككككككككك

كل سنه وانتي طيبه ويوسف حبيب قلبك طيب وبخير
ان شاء الله اليوم مايعديش وهو بعيد عنك وان شاء الله عمه يصدق في كلمته
ان شاء الله هيفطر معاكي أول يوم وتنوروا الفوانيس زي ما بتعملو وتقولو وحوي يا وحوي يسووووفه وكمان وحوي فطوومه :)
ربنا يريح قلبك و يفرح قلبك برجوعه لحضنك يارب وتشوفيه وهو بيكبر لحظه بلحظه... ربنا كل اللي بيعمله خير
ربنا يكرمك بيه يارب يارب يارب

أشكرك كتيييير على سؤالك عليا ... أنا الحمد لله بخير :)

افتكرت كلام نوران ليا و أنا باقولها: أنا عاوز أنقل شغلي للقاهرة
قالتلي: طيب خليها بعد رمضان علشان مامتك
و أنا بأقول لماما كده قالتلي: أنا مش عارفة بعد ما تبعد و تسافر و تشتغل هأقضّي رمضان من غيرك إزاي
شحط زيي بقاله 22 سنة بيقضّي رمضان مع مامته غير إن عندها ابن غيره و رغم كده بتقوله كده
أمّال انت يا طمطم هتعملي إيه
يا قلبي

كالعادة
قلبي واجعني
كالعادة
مش لاقي كلام
كالعادة
زعلان من الدنيا
كالعادة
مخنوق قوي
كالعادة
حاسس بالضعف
كالعادة
بأحبك يا طمطم

اللهم يا رحمن يا رحيم فرّج عن أمتك بنت أمتك بنت عبدك كربتها و رد إليها ابنها بسلام



يلا سلام

يا بنتى بجد ربنا يصبرك
ويرجعهولك بالسلامة
وميجيش رمضان الا وهو فى حضنك يااااااااارب
ياااااااااارب
يااااااااااااااااااااااااارب


وساعتها بقى هعرف آخد حقى منك
وادفعك تمن الكلينكسات دى اللى قربت افلس بسببها

ولا أقولك خلاص سماح
وان شاء الله ترفعى قريب شعار لا دموع بعد اليوم

ربنا يسعدك يا فاتيما ويرجعهولك بالسلامة
ربنا معاكى

سالى

كل سنه و انتى و يوسف طيبين و يا رب تشوفيه قريب

حبيبتى فاتيما دايما كلامك عن يوسف بيخلى عنيا تدمع لانى بجد بحس بيكى اوى

هفضل اقولك ربنا يرجعه ليكى بالسلامه ويريح قلبك بيه يارب وربنا يكرم فى رمضان ومنساكيش فالدعاء ان ربنا يرجعهولك

ربنا يرده ليكي قريب جدا وتفرحي بيه يارب ويحضر معاكي رمضان كمان



يااااااااااااااارب


دمت بخير وسعادة

ياااااااااه احساسك حلو اوى يا فاتيما
ربنا يرجعلك يوسف بالسلامة - مع اني مافهمتش هو فين -

بس ربنا مايبعدك ابدا عن ابنك

وانا بقى نفسي حد يعطف عليا ويجيبلي فانوس


يلا موش مهم
تشاو بقى

ياااااااااااه
تخيلى كده نص سااعة قاعد مش عارف اكتب حاجة
بجدحاسس بالم ومرارة وحزن رهيب
ومش عارف اكت كلمة مواساة لانى عارف ان اللى قبلى واللى بعدى قالوا كتير
لكن اللى اقدر اقوله انى حاسس انى ولا حاجة بصراحة لانى مش عارف حتى اساعدك ازاى بجد احساس صعب انك تلاقى انسان عزيز عليك فى محنة ومش قادر تساعده
ولا حتى تصبره بكلمة
بس ربنا كريم قوى قوى قوى
وربنا ايكرمك واضميه لحضنك قريب جدا
وعندى احساس اننا انعمل افطار جماعى فى رمضان احتفالا بعودة يوسف
يعنى ان شاء الله يوسف ايكون معاكى فى رمضان ونعلق الزينة ونرص الفوانيس
كمان
يا رب هون من روعها وقر عينها برؤية يوسف قريبا انك انت السميع مجيب الدعوات
تحياتى

كل سنة وانتى ويوسف بالف صحة وخير ياارب

يافاتيما انتى تستاهلى كل خير

ربنا يردهولك ياارب

تحياتى ياقمر

__________________--

دى مدونة جديدة

لازم انت وكل زوارك تتابعوها

http://llzakreeen.blogspot.com/

ربنا يخليهولك
ويرجعلك بالسلامه
ربنا يبارك فيه وكفايه انه السبب فى انك دايما تقولى يارب ويبقى فى ميزان حسناتك وحسناته

وحشتينى اوى

اختى ام يوسف

ووجعتى قلبى والله ....يارب يا حنان يا منان اعد يوسف لأمه و لا تحرمها منه يارب اللهم اللهم اسعد قلب ام يوسف وارح قلبها يارب

الله حلو الفانوس قوي
وكل سنة يا ستي وانتوا يخير وسعادة ويا رب اسمع خبر حلو قريب
طمطم اوعي يا طمطم تبخلي علي بالفرحة اذا يوسف رجع بعد الفيتامينات والحضونات تكتبي بوست على طول
وهابعت لك زغاريد من هنا لعندك

يللا انشاالله ماحد حوش ولا يهمني يطلبوا لي البوليس اصل البوليس هنا ماما وبابا ولا تقولي لي قاعدة عربي ولا غربي

يا رب يفرح قلبك
والله فكرتيني بالفانوس
كل سنة واني بخير وكل اللي بتحبيهم بالف سلام وصحة
ورمضضضضضضضضضضضضضااااااااااااان كرييييييييييم على راي الاخ سيد مكاوي

بحبببببكككككك

فاتيما ازيك واحشتينى اوى
كل سنه ويوسف بخير ويكون معاكى علطول وف حضنك يا رب
ان شاء الله ربنا كريم وهيقضى رمضان
ده وباقى عمره معاكى ان شاء الله
الفانوس حلو اوى على فكره و يوسف هيكون فى حضنك وتغنوا سوا
وحوى ...إيووووووووحة
بحبك وبدعيلك علطول لأنك حد جمييل وطيب جدا و تستاهلى كل خير
و ان الله مع الصابرين
حبى ليكى وشكرا على سؤالك عليا

بطوط حبوب
ازيك يا محمود
ربنا يخليك يا اجدع دكتور سنان فى مصر كلها
سلم على الوالدة العزيزة و قولها فاطمة كمان بتبوس إيديكى من هنا على دعاكى لينا و ربنا يستجيبلها إن شاء الله
أنا كويسه جدا يا محمود بس إنت عارف كل ما آجى أكتب حاجة عن يوسف بتقلب على جزاينى شوية
بس أنا متفائلة خير و ربنا كبير
كب سنة و إنت طيب يا بطوط
يا حبوب

راندا
يا حضن الأمومة الجميل قوى
يا حبيبتى كل سنة و إنتى طيبة
إنتى كمان الولاد عندك مش هيقدروا يجيولك ؟؟
ربنا معاكى بس يعنى التليفون اهو احسن من مفيش أقعدى أدوشيهم و هما يكلموكى لو ينفع يعنى ....
ربنا يهدى كل عاصى و يحنن القلوب
و الله محد واخد حاجة من العند بس هقول إيه بس
أنا متفائلة و ربنا يسهل و يوسف عيد ميلاده الشهر دا و إتمنى عمه يصدق و يجيبه عشان اديله الفانوس و أشوفه
أنا مقصرة فى حقك يا راندا و سامحينى بس إنت فى بالى علطول
ربنا يسعد أيامك دايما
و متحرمشى منك دايما سندانى و منورة السكة قصادى
يا فنارة القلوب

لماضة
يا طعامة يا حبيبة ماما
يا لموضة إلعبى مع اخوكى بالفانوس يوسف جدع و ممكن يسيبهولك خالص لو بس عملتى حبتين من بتوع البنات أصله عاتفى جدا و بيصعب عليه يشوف بنوتة زعلانة و لا معيطة
يا ليهوووووى دا كان بيوقفنا فى الشارع عشان يروح يطبطب على بنت بتعيط و يحاول يسكتها ....
و متحرمشى منك أبدا يا حبيبتى
سلامى للوالد و لكل من يسكن الإسكندرية الجميلة

آبىت يا قمر التدوين كله
كنتحرمشى منك يا حبيبتى
بس أصل دى عادة عند الحاجة أم فاتيما إنها تجيب فوانيس لكل أحفادها و كانت بتبعتلنا الفانوس كل سنة مع مخصوص ..
أنا بحب الفوانيس المصرية بشكلها الإسلامى الجميل دا بس ماما مبترضاش عشان ممكن تعور العيال و كدا ...
و مبحبش أزعلها يعنى ...
ربنا يخليكى ليوسف يا بيبى
و عقبال يا حبيبتى ما نجيب لعيالك
كل سنة و إنتى طيبة

عاشقة النقاب
يا نونو يا حنونة
يا حبيبتى كل سنة و إنتى طيبة و بألف خير
و أنا متهيألى إنى مش صبورة و لا حاجة دنا طماعة قوى و يظهر بمعرفش أشكر ربنا كويس بس بحاول و الله و ربنا رب قلوب ....
إن شاء الله ييجى و المرة دى هقوله عليكم كلكم و أتفق معاه ميجبش سيرة خالص لحد عن المدونة بتاعته عشان محدش منهم يوصلها و تبقى شغلانة
تحياتى ليكى يا حبيبتى
و نفسنا المرة الجاية اللى اللى المدونات يتقابلوا فيها تيجى بقى

أبو خالد
يا راجل يا طيب
يا بابا العزيز
ربنا يخليك لينا و متحرمشى من دعواتك
يوسف زى حفيدك برضو و عارفة محبته فى قلبك
ربنا يقدرنى أرد كم الحب دا كله بما يليق
كل سنة و إنت طيب
يا غالى علينا كلنا
تحياتى ليك و للمحظوظين بيك

المنسى
يا منسى قلبك فيه الخير كله
بص إنت لسه بتاخد الصدمة و واحدة واحدة هتلم التفاصيل كلها
متقلقشى دا العادى
و الحمدلله على كل شىء
ربنا يسمع منك
يا عيال بتفائل بيكم و بكلامكم
و بحس إن الواحد عايش على أمل مش وهم
دمت بكل خير
و كل سنة و إنت طيب

الطائر الحزين
يا إيهاب دعواتك إنت
فاكر لما قولت لى هيرجعلك بطريقة و لا تعلميها ؟؟
كلامك دا بيرف فى قلبى زى الحمامة ما بترف بجناحتها بمنتهى الرقة و القوة فى نفس الوقت ....
ربنا يسمع منك و رمضان يغير فى النفوس
زى ما بتقول
دعواتك ليا يا طائرى الحزين
كل سنة و إنت طيب

شيماء سمير
أزيك يا مشموشة
مفيش أجمل من كلام بابا أبو خالد
إنتى كمان قلبك شفاف و ربنا يسمع منك إن شاء الله
ربنا يسهل و معاد يوم الإتنين يتم على احسن وجه و ألف مبروك على المعرض
تحياتى ليكى يا حبيبتى من قلب قلبى
كل سنة و إنتى طيبة

rehab mustafa
أزيك يا رحوبة
ميرسى يا حبيبتى على ذوقك و دعواتك الطيبة و ربنا يستجيب
يا ريت نبقى نشوفك دايما فى أحسن حال
و لازم أسأل طبعاً اومال إيه ؟؟
كل سنة و إنتى طيبة يا عزيزتى

nigro
يا واد متقولشى شحط و الكلام دا
دنت نور عينيها و إنت مش واخد بالك
يعنى لو سافرت فى رمضان
هتقعد الحاجة تبص للكرسى اللى كنت بتعقد عليه دايما و تقول للباقين قبل حتى ما تحط اللقمة فى بوقها
يا ترى محمد بيفطر إيه دلوقتى يا ولاد
و لو قعدت تحلفلها إنك بتفطر احسن و أغلى أكل مثلاً ...
هتلاقيها بتقولك
بس برضو بتاكل لوحدك و بعيد عننا ؟؟
قلب الأم يا نيجرو الواحد لو كان يعرف بس مكنتش زعلت ماما منى عمرى
ربنا يقرب البعيد يا صديقى
المهم تخلى بالك من روحك
و سلامى للست العظيمة اللى جابت للدنيا أطيب نيجرو ....
كل سنة و إنت طيب يا صديقى

حاجات جوايا
أزيك يا سالى
و كلينكس إيه دا بقى اللى هتدفعينى تمنه
يعنى أنا ذنبى إن سيادتك عاطفية و حنينة قوووووى يعنى ...
يا رب يا سالى و يسمع منك ربنا و أرفع الشعار دا ...
كل سنة و إنتى طيبة يا حبيبتى
و اهل دمياط بألف خير
تحياتى يا أجمل حاجات جواها

mohra
ميرسى يا مهمرة على إهتمامك و دعواتك الطيبة يا حبيبتى
كل سنة و إنتى طيبة إنتى كمان

سمر الشافعى
متشكرة يا سمر و دمتى بكل حب
و خير يا حبيبتى
ربنا يكرمنا جميعاً و يدخل رمضان و كل من له امنية تتحققله فى الخير
كل سنة و إنتى طيبة
و شكراً على دعواتك الطيبة

صاحب المضيفة
أزيك يا انس
سامحنى على تقصيرى فى حقك
يا رب تكون دايما بخير
ربنا يستجيبلك يا أنس إنت وشك حلو و قلبك أبيض قوى
كل سنة و إنت طيب يا اخى العزيز

la princesa >> whisper
أهلاً يا قطعة سكر ...
أشكرك يا عزيزتى على ذوقك و رأيك
و أشكرك كمان على دعواتك الطيبة
قصة يوسف طويلة و هتحتاج منك قراية شوية فى المدونة او حتى تخليكى معايا لحد ما تعرفى واحدة واحدة
فى كل الأحوال أنا سعيدة بمرورك و وجودك هنا
كل سنة و إنتى طيبة يا عزيزتى

همس الأحباب
خالد
بلاش الكلام دا عشان كدا هتزعلنى منك
إنت مبتعملش حاجة ؟؟؟!!
إيه الكلام دا بقى
دا كفاية وجودكم فى حياتى يا خالد
و كفاية الشوية اللى بعرف أقعدهم معاكوا فى أى مناسبة عشان الواحد ياخد منها زاد يكفيه لأيام قدام
كفاية الأخوة اللى بالفعل مش الكلام لما بكون معاكم و بأبوة بابا خالد
و دعواتكم الصادقة الحقيقة
تقوم بعد دا كله تقولى مش عارف إيه ؟؟
ربنا يسمع منك يا خالود و يكون معايا فى الفطار الجماعى بتاع المدونين
و ييجى معايا يشيل بؤجة الخير كمان
مين عارف
ربنا كبير قوى قوى
كل سنة و إنت طيب يا أبو همس
المهم جبت لهموسة الفانوس و لا لازم تجيبه زى كل المصريين آخر لحظة ؟؟

دعاء مواجهات
أزيك يا دودو
كل سنة و إتى طيبة يا حبيبتى
و إنتى اللى قلبك فيه الخير كله كله
هروح أشوف المدونة الجديدة إن شاء الله
و حبة حبة علينا يا دودو
يا بت أنا عضمة كبيرة و مش قدك و لا قد النشاط دا
هلاحق على مدوناتك دى إزاى
مش بحسد أنا بقر بس
هههههه
رمضان كريم يا حبيبتى

dodda
إنتى كمان يا حبيبتى وحشتينى قوى
ألف حمدلله ع السلامة
و ربنا يسمع دعاكى يا أنقى قلب بعرفه
كل سنة و إنتى طيبة و زوجك العزيز فى احسن حال
و وحياتك تسلميلى على ميومة البهية و تبلغيها تحياتنا كلنا
و حاولى بقى تيجى معانا الفطار بتاع رمضان إن شاء الله أنا بقولك من دلوقتى عشان ترتبى حالك
كل سنة و إنتى طيبة يا حبيبة الروح
ورمضان كريم عليكى و على الكل

بوهم نفسى إنى عايش
كل سنة و إنت طيب يا عايش
رمضان كريم عليك يا رب
و أشكرك على مشاعرك الطيبة دى
و دعواتك الحلوة
ربنا يكرمنا جميعاً
تحياتى الخالصة ليك

zianour
ازيك يا امول
حاضر يا حبيبتى المرة دى أنا مستعدة و مأدبة روحى و عاملة ترتيبات يعنى مش هتفأجى زى المرة اللى فاتت و أعك الدنيا
كل سنة و إنتى طيبة يا حبيبتى
يعنى زياد و نور هيقضوا رمضان من غير فوانيس و لا إيه ؟؟؟
متقوليش آه لحسن هزعل
طب تعرفى تعمليلهم فانوس زى اللى الناس بتعمله و تعلقه فى الشوارع كدا
أنا كنت بعمل فانوس ليوسف من الشفاطات البلاستيك ...
عارفة الشاليموه الملون دا
كنت بلزقهم بالسلوتيب و أعملهم كأنهم عصيان ( بدل البوص بتاع زمان دا )
و بعدين ألزقهم بشكل الفانوس و ألف عليهم الزينة بتاعة عيد الميلاد هوالين الشفاطات ...بيبقى شكله مش وحش يعنى و كمان وزنه بيبقى خفيف و ممكن تعلقيه فى البلكونة يعمل منظر و حركات
رمضان كريم و سعيد عليكم يا حبيبتى
و بوسيلى الزاد و النور

نور
أزيك يا حبيبتى
كان لازم أسأل عليكى عشان كنتى مختفية شوية و مفيش بوستات جديدة ليه ؟؟
كل سنة و إنتى طيبة و فى أسعد حال
و رمضان كريم عليكى و علينا و على الكل
ميرسى لدعواتك يا حبيبتى
و ربنا يستجيب بإذن الله

ايه يا ام يوسف قافلة التعليقات على اخر بوست ليه
فى حاجة و الا ايه ؟؟؟

إنتى كمان الولاد عندك مش هيقدروا
يجيولك ؟؟
...................
ايوة ياطمطم شوفتى :( اصلهم بياخدوا كورسات وكدة ربنا معاهم وساعات بقول الكورسات بتعمل كدة فيهم امال لو اتجوزوا واشتغلوا هينسونى انا بقولهم اوعوا تعموا فى قلبى كدة
يقولولى احنا نقدر برضة على العموم اما نشوف الزمن هيبين
.....................
ربنا معاكى بس يعنى التليفون اهو احسن من مفيش أقعدى أدوشيهم و هما يكلموكى لو ينفع يعنى ....
....................
ماهو دة الى بيصبرنى ياحبى
بس عارفة ساعات كتيرة بحس انى عايزة حضنهم اوى اوى عايزة اشمهم عايزة احسن بدفئ حضنهم عايزة ارجع اغطيهم وهما نايمين حتى لو كبروا بس بحس بانى لازم اعمل كدة
والى بيوجع قلبى اوى لما يعموا كانسل لما اتصل ويوقولولى اصل مكنش ينفع نرد طبعا بفهم ان فى حد جنيهم وكانى حاجة غلط فى حياتهم
....................
ربنا يهدى كل عاصى و يحنن القلوب
و الله محد واخد حاجة من العند بس هقول إيه بس
...................
مش هنقول غير يااااااااااااارب
اجمل كلمة
....................
أنا متفائلة و ربنا يسهل و يوسف عيد ميلاده الشهر دا و إتمنى عمه يصدق و يجيبه عشان اديله الفانوس و أشوفه
.....................
كل سنة ويوسف طيب وبالف خير يارب
وان شاء الله هيجيبة انا هدعيلك كتير خالص ربنا يتقبل منى ومنك وتشوفى يوسف
......................
أنا مقصرة فى حقك يا راندا و سامحينى بس إنت فى بالى علطول
ربنا يسعد أيامك دايما
......................
انتى الى على بالى على طول وانا الى مقصرة معاكى بس اكيد القلوب عند بعضها
ويسعدك ربنا بعودة يوسف
......................
و متحرمشى منك دايما سندانى و منورة السكة قصادى
يا فنارة القلوب
......................
ولا يحرمنى ربنا منك ابدا ابدا
يالى قلبك كلة حنان وحب

بحبك اوى
يااحن قلب

رندا

أنا متابع مدوناتك وكل يوم بدخل أشوفها، بس مفيش كتير أقدر أقوله علشان كده تعليقاتي مش كتير.

مقدرش أقول غير ربنا معاكي في قلبك المحروق دا ومنهم لله إلي السبب.

السلام عليكم
أولا وحشتينى اوى اوى اوى ويوسف كمان وحشنى اوى وان شاء الله هو اللى هيعلق الزينة وانتى هتعطيه فانوسه وانتى اللى هتجيبى له الشنطة وتذكري له وتربيه ويبقى احسن واحد فى الدنيا ربنا يقر عينك ويثلج قلبك به

نهى

ياااااه
تعرفي ا فاتيما . بقالي مدة ماجيتش عندك هنا..
تعرفي اني بحبك في الله و الله .. و انك وحشتيني جدا و الله :)
اول ما لقيت فرصة جيت لك اهو ..
كل سنة و انتي طيبة يا حبيبتي و يوسف طيب..
ربنا يكرمك و يصبرك .. و ينولك كل اللي بتحلمي بيه ..

ربنا يهون عليكي المسافة و ييسر لك أمرك يا رب .

خلتينى اعيط
حاسة بيكى اوى
يارب يرجع تانى لحضنك ويكون قريب اوى
انا بدعيلك وقران الفجر بيقول
يعنى باذن الله الدعاء مجاب

ربنا يحافظلك على ابنك البعيد عن حضنك ويرده لك بالسلامة ولا تقلقى ولك فى أم موسى عليه السلام لقدوة
ولا تياسى من رحمة الله
يا فاتيما
قلب الام ملىء رحمة وحب وحنان ولا يعرف مكان لغير ذلك ان اقصد الامهات ولست اتحدث عن أشباه الامهات
عموما واضح انك أم حقيقة ولست كمن نراهم هذه الايام
ربنا يريح بالك كده وتشترى الفوانيس كل عام مع يوسف وترصيهم معاه كمان ومع أحفادك كمان ياله ياستى
وإستعينى بالله وإسأليه ليرد لك أبنك

:(
يااااااااااه يا فطيما
مش عارفه اقولك ايه
اول زياره ليا .. لكن ........
ياه يا حبيبتي دا انتي جواكي كتير اوي
ربنا يردهولك بألف سلامه
ويبقي في حضنك طول العمر وميبعدشي عنك ابد يا حبيبتي ....

مش عارفه اقولك ايه
بس بإذن الله مش هنساكي من دعواتي ..
ربنا يريح قلبك يارب ويغفرلك وييسرلك بإذن الله ......

كل سنة ويويو الجميل طيب وبالف خير ويفضل قدام عيونك طول العمر وتشوفى فيه كل حاجة حلووووووة ورقيقة زى حبك ليه يااااااااارب

رمضان كريم

كل سنة وانتى طيبة يافاتيما ويسوفه جمبك

ايه ده انتى جيبتيله فانوووس وكمان فيه نمور انا كمان عايزة واحد زيه

ان شاء الله رمضان هيجى ويسوفه معاكى

بشوف فيكى احن ام يافاتيما والله زى مامتى بس انتى صغيورة شوية

دمتى بكل حب وسلااام

يعنى لما احب اقولك حاجة اروح فين و انتى قافلة التعليقات كده ؟
طيب اسمعى
انت اول واحدة اجى لها


عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

يارب يرجعلك بالسلامة
انا حبيت يوسف اوى وبجد انا كتير بادخل مدونتك وباعيط وقلبى بيوجعنى اوى وحاسة انه نفسه يرجع لحضنك
ربنا يصبرك يافاتيما
ويارب يارب يارب يارب
يوسف يرجعلك ويفضل فى حضنك العمر كله
ربنا يخليهولك

مواطن مصرى نايم
أزيك يا إسلام
شكراً على سؤال
بس مفيش حاجة
انا بس قولت كفاية القصيدة لوحدها تبقى تحية لروح الشاعر الجميل محمود درويش
أنا كويسة الحمدلله
و متحرمشى من سؤالك

رندا
يا فنارة القلوب
أزيك يا حبيبتى
معاكى هقولها
يا رب
يا رب
يا رب
حالى يغنيك عن سؤالى
ربنا معاكى
و معانا كلنا
ميرسى يا حبيبتى على كل شىء
ربنا يقرب البعيد عندى و عنكد
و دمتى بكل حب و خير
و كما أنتى
جميلة
و قلبك ادفى قلب

وجهة نظرى
معتز
إنت فين يا شيخ
مفتقدة الكلام معاك
من شويتين كنت فى مدونتك
عاوزة اكتب أى كلام
و بعدين لقتنى علقت خلاص قبل كدا
و منظرى هيبقى مش لطيشف
فقولت خلاص بقى
جيت لقيتك سايب تعليق
فرحت قوى
و حسيت إن فيه تواصل دون قصد
و بقصد برضو
متحرمشى من طلتك عليا يا معتز
و خلى بالك من نفسك بقى

مجرد خواطر
ازيك يا نهى
و إزاى محمد القمر
كل سنة و إنتى طيبة و هوه بيكبر و بيبقى أحسن و احسن
رمضان الجاى يكون معاه اخوه و لا أخته
و تيجوا تقضوها فى مصر
متشكرة يا حبيبتى على الدعوات الحلوة
ربنا يكتبلنا فيها نصيب
و كل دا يحصل
دمتى بكل حب و خير يا نهى

قهة بالفانيليا
يا شيمااااااااء
كل سنة و إنتى طيبة يا ستى
و على مهلك تعالى لما يبقى عندك وقت
المهم إنك بخير و نطمن عليكى
ربنا يسمع منك و يقرب البعيد تحياتى يا حبيبتى و رمضان كريم عليكى

موناليزا
إزيك يا مون مون
عارفة إنك هتعيطى و قلبك رهيف يا مون مون
بس نعمل إيه بقى
أنا حسيت كأنه قاعد و أنا بكلمه
الكلام طالع لوحده
ربنا يسمع دعاكى
أنا بتباشر بيكى قوى
و يهدى سرك إنتى كمان
رمضان كريم يا حبيبتى
و ما أرتضاه لنا الله
ألا نرتضيه لإنفسنا ؟؟؟

mercy devil
إزيك يا أستاذ
يا سيدى متشكرين على ذوقك
و على رأيك ...
ربنا يستجيب لدعاك و دعاكم كلكم
و كل سنة و إنت طيب يا عزيزى

نرمين زين الدين
أزيك يا نرمين
أنا مبسوطة إنك دخلتيلى هنا
أتمنى تكون المدونة عند حسن ظنك
لسه هزورك بقى و أشوف مدونتك عاملة إيه ...
ميرسى يا حبيبتى على ذوقك و مشاعرك الطيبة دى
و ربنا كبير قوى بس الواحد بيبقى مستعجل حبتين و طماع
دمتى بكل خير يا حبيبتى
و مبسوطة إنى شوفتك جدا بجد

رصيف نمرة خمسة
يا بنتى شوفيلى إسم سهل كدا اناديكى بيه
مش معقول هقولك يا نمرة خمسة يا حبيبتى
و لا ينفع ؟؟
طيب
يا نمرة خمسة يا حبيبتى متحرمشى منك و لما يرجع يوسف إبقوا إلعبوا سوا بالفانوس ...
كل سنة و إنتى طيبة يا حبيبتى
أنا يشرفنى تعتبرينى زى الوالدة
إحنا بس نطول نبقى زى الأمهات الحلوة دى
معقول ؟؟

قوس قزح
أزيك يا دوللى
وحشتينى
و معلشى البوست الجديد بس اللى كان مغلق التعليقات بس ...
يؤسفنى أقولك إن المعاد مش مناسب بالنسبة لى و غالياً غالباً هوديها لجمعية رسالة بقى تبع خالتى لأنها بتوديلهم علطول ...
أصل يا ستى الحاجة أم فاتيما
عاملة معايا قلق الأيام دى
و مش عارفة مالها بس و كمانعاوزة أصعد الموقف معاها و ازعلها
فمعلش يا داليا
سامحونى فى المشوار دا
و غالباً مشوار إسكندرية كمان مش هينفع ...
ربنا يسهل و لسه قصادى وقت
تحياتى ليكى يا حبيبتى

totaaaa
أهلاً يا توتا
ميرسى يا حبيبتى على ذوقك
و على إهتمامك
قلبك فيه الخير كله و ربنا يسمع دعاكى
و تفضلوا معايا لحد ما تسمعوا الخبر الحلو اللى أنا و كلكم منتظرينه معايا ...
كل سنة و إنتى طيبة يا حبيبتى
و رمضان كريم

كل سنة وانتى طيبة
واكثرى الصيام فى شعبان وادعى ربنا ان يرجع لك يوسف على رمضان
وان شاء الله ربنا هايستجيب لك
وان شاء الله تعيدى معاه ويبقى احلى عيد

وحشتينى اوى يا فاتيما

إرسال تعليق