........................................................

........................................................

الخميس، 9 أكتوبر 2008

الجوارح

الشمس الحارقة
فى كبد السماء
ترسل اشعتها نحوى
بلا توقف
انا هنا على الرمال ممددة
ألهث عطشى ... و الماء عزيز
أضع يدى على وجهى
كى أتوقى الضوء الشديد
و مع الضوء
أتجنب
الطيور الجوارح
تحوم فوقى بلهفة
و أسمعها تصفق بأجنحتها
فرحة ... تنتظر النفس الأخير
اشيح بوجهى كى لا أراها
لكنى أشعر بخيالها يلفحنى
لبرهة يملؤنى رعب
ينسينى عطشى
و أخشى لو نمت الآن
فلا أعود أستيقظ
أطمئن روحى و أتمتم هامسة
ما زلت حية
ما زلت حية
....
يا أيها القلب الحرام
أغويتنى
و تركتنى
عند مفرق الوقت
قتيلاَ
لا الورد منثور على شعرى
و ما أهدتيتنى حقلاَ من الليمون
أو صهيلاَ
و أخذت منى نعمة الكلام
( شاعر مش فاكرة إسمه حالياً )

هناك 41 تعليقًا:

سمر الشافعى يقول...

ألهث عطشى ... و الماء عزيز

جايا المره دى عالجرح يافاتيما

بس الحمد لله ادام لسه حيه يبقى لسه فى امل

وحشتينا ياام يوسف طمنينا عليكى وبلاش تختفى فجاه كدا

فاتيما يقول...

سامحونى يا جماعة لأنى مبقدرش أرد على تعليقاتكم و لا بعلق عند حد
أنا حالياَ مسافرة
مشوها مسافرة ...
بكتب من نت عشان معنديش جهاز فى البيت حالياً ...
المهم إنى دلوقتى بقيت احسن
كل ما تيجى فرصة أجى
و أكتب لكم
هاجى
مش عارفة أشكر مين و لا مين لانه سأل
كل اللى سابو تعليقلت الأيام اللى فاتت
و اللى بعتوا إيميلات ...
الشيماءاتان
شيماء سمير و شيماء فضفضصة ليهم شكر خاص قوى قوى ..
هما و حازم شلبى و هدى رينبو
و إيما ام الزعارير ربنا يحرسهم
و حنين القلب و أحمد k
و ....
و.....
وكلكم كلكم
مفيش حد فى الشريط الجانبى عندى مش بشكره
آبى متزعليش من أى حد عاوز يقلدك ..أنتى بقتى علامة مميزة فى التدوين و دا العادى
و محمود رئيس جمهورية نفسى بشكرك ع السؤال
بابا ابو خالد البعد ساعات بيكون ضرورة مجبر عليها و ربنا يرجعك بلك خير
خيخة كل سنة و مدونتك بخير و إنتى عمرك ما هتبقى كدابة بس هتفضلى حلوة
رندا يا حبيبتى
نيجرو كلامك ليوسف بكانى و فرحنى
أيهاب رضوان يا دخل الشتا أنا والله مش قاصدة اتجاهلك أنا بس أتلهيت لأن اللينكات كانت كتير و سامحنى
إيمان شخابيط أنتى عارفة أن قلبى معاكى ...
أنا ماشية مؤقتا و هارجع تانى
أنا كويسة
و حية أرزق
و دعواتكم ليوسف و هوه بخير بس محتاج ناس تكون بتحبه و تدعيله من قلبها
سلام

همس الاحباب يقول...

الف مليون حمد لله على السلامة
وكل سنة وانتى طيبة
وعيد سعيد عليكى يارب
يارب تكونى بخير
وربنا يحفظلك يوسف ويرجعه ليكى بالسلامة
المهم طمنينا عليكى دايما
تحياتى

رندا يقول...

كل سنة وانتى بخير وسعيدة وكل سنة ويوسف بخير وفى حضنك


فاتيما القلق عليكى حيرنى
وقلبى وجعنى من كتر السؤال

مش مهم انتى مسافرة ولا فين

المهم تكونى بخير

وحشتينى اوى ووحشنى كلامك عن يوسف

البوست روعة بجد
بس هرد علية تانى انا عايزة ارد كتير عندك
لانك وحشتى قلبى اوى

بحبك مووووووووة

رندا

مهندس مصري يقول...

المهم انك كويسة
و منتظر تطمنينا اكتر في اقرب فرصة

~*§¦§ Appy §¦§*~ يقول...

حمد الله على سلامتك يا فاتيما الحمد لله انك بخير
ورجعتى نورتى
اما عن النت معلش هنمشيها ماشيه ولو انى كنت بقولك محمود مفعش الاشتراك هقول ايه عليكي اممممممممممم
سرقوا الكابل بتاع النت بدل حبل الغسيل هههههههههههه
ربنا معاكي يا حبيبتى
وانا مش زعلانه علشان فيه ناس كتير وقفوا معايا انا كنت خايفه لبقول حاجه بايخه لحد بحبه بس
الحمد لله ربنا هداه ومبقاش بيظهر يا رب يفضل كده دايما يا رب

حزينه يقول...

بجد وحشتنيا
حمد الله على السلامه

كلمات جميله

انا احيا..
اذن فمازال لى وقت لاخاف




حزينه

حنين القلب يقول...

والله العظيم وحشتينى اوى
حمد الله على سلامتك يا حبيبتى
ويا رب يرجع ليكى يوسف
والحمد لله انك بخير ويوسف بخير
البوست حلو اوى
تسلم ايدين حبيبتى
ربنا يحفظك ويكرمك ويرجعك لينا بالسلامه
بحبك
موووووووووووووووووه دى ليوسف حبيبى

قوس قزح يقول...

حمدلله على السلامة يا فاتيما
المهم انك بخير
انا كنت حاسة ان مش سهل لكى تدخلى النت اليومين اللى فاتوا
كلامك عن يوسف يارب يكون معناه انه معاكى او حتى بتشوفيه باستمرار


ربنا يريح بالك و يعملك كل خير

كلام البوست بيوجع بس المهم ان فى امل

nona يقول...

فاتيما
حمد الله على السلامة و انك بخير دية اهم حاجة فى الدنيا
تعرفى حتى لو انتى بعيد و مش بتدخلى كتير بس يكون يوسف معكى دية بالدنيا و مافيها و يا رب فعلا يكون معكى
و كلنا بندعيلة و بندعيلك انكم تفضلوا مع بعض طول العمر يا رب
بس ابقى طمنينا من وقت للتانى عليكم انتوا الاتنين

kochia يقول...

المهم انكِ مازلتِ حية
الفرج والنجاة اتية لا محالة
اصبري

مـجـنـووون يقول...

ما أجمل ما تكتبين سيدتي


أيها القلب الحرام أغويتنى و تركتنى عند مفرق الوقت قتيلاَ لا الورد منثور على شعرى و ما أهدتيتنى حقلاَ من الليمون أو صهيلاَ و أخذت منى نعمة الكلام

في ناس بتحب تأخد الحاجات الحلوه من الناس وتحب مصلحتها وبس وممكن تبيع كل حاجه في الدنيا وتبيع اأقرب الناس ليها علشان مصلحتها

تقبلي مروري
مجنووون

أحسن تـستاهـل يقول...

فاتيما الجميلة

وحشتيني... ولا ايه؟؟ ايوه طبعا وحشتيني اوي جدا خالص

بس مش هقول اكتر من كده

هه

بس

عشان بجد مش لقياكي من زمان،، هه

مها ميهوووو

shaimaa samir يقول...

بدات اتنفس
ياااااااااااااااااااااه
الان ما زلت حيةفعلا
عقبال ابتى ابو خالد ما يرجع
قلبى كان وجعنى منكو انتو الاتنين

كدة تعملوا كدة فيا

بحبك
وبدعيلك والله
بدعى ليوسف ابننا كلنا

عاليا حليم يقول...

انا هنا على الرمال ممددة
ألهث عطشى ... و الماء عزيز
--------------

جميلة جدا يا عزيزتى التشبيه عجبنى اوى جديد وغير تقليدى

ربنا يعافى النت عندك عشان ترجعيلنا بالسلامة

دكتورة إيمان فوزى يقول...

عارفة وحاسة ان قلبك معايا
يارب يكون سفرك وبعدك ده خير
كنت محتاجة كلماتك معايا ....
ربنا يوفقك ويكرمك بالخير

ترجعى بألف سلامة

Hannoda يقول...

أقول ايه ولا ايه يا فاتيما

يارب تغيبي قد ما تغيبي بس ترجعيلنا كده زي ما انت دايما قلبك كبير و حنين و جميل

بدعي ليوسف على طول و بتخيل و أنا بدعي اليوم اللي كلنا بنتمناه يا فاتيما

ترجعي بالسلامة من سفرك اللي ماعرفناش هو ليه و لخير ولا ايه
كلامك برضه ماطمنيش يافاتيما كان نفسي أفهم أكتر
هو فضول
بس فضول مبعثه الحب و القلق

واحشاني جددددا

Hannoda يقول...

أنا آسفة على غيابي عنك يا فاتيما بس أكيد مش بمزاجي

تحياتي ليكي

Zianour يقول...

فاطيما

حبيبة قلبي

حمدا لله على السلامة

واعذري ندالتي

وشكرا على الدفء اللي حسيت بيه

اما بعد

يا ست الكل كلك مواهب

ويا ستي تردي ماترديش تعلقي ما تعلقيش براحتك المهم نطمن عليكي ونعرف انك بخير

بوسات وحضونات

صاحب المضيفة يقول...

ينفع كده الغيبة الطويلة دي يا ست فاتيما

قلقتينا عليكي وقلنا يمكن علشان رمضان والبيات الرمضاني لمعظم المدونين

ورجعنا قلنا نشوفها في العيد لكن برضو ولا حس ولا خبر

ربنا يكون معاكي يارب وان شاء الله يكون خير

تحياتي وسلامي ليوسف بك

واحدة مفروسة يقول...

فاتيما
ازيك و كل سنة و انتى طيبه
كويس انك طمنتينا
و ترجعي بالسلامه يارب

mohamed يقول...

حفظك الله أنتى ويوسف

الطائر الحزين يقول...

كل عام انت بخير

أطمئنى مذ دمت حيه ستبعد عنك الجوارح فهى أجبن من أن تتقدم الى الحى ورزقها على الموات
==========
اقر الله عينك بيوسف

only spot يقول...

سلام عليكم
حمد الله على سلامتك المهم انك بخير وربنا يفك كربك ويسعد ايامك ويرفع عنك الهم والحزن وربنا يبارك ليكى فى يوسف ويحمهولك من اى اذى او شر
املى فى ربنا كبير انى هسمع عنك اخبار حلوه اوى الفتره الجايه

اختك شيماء

كاميليا يقول...

أنا ماشية مؤقتا و هارجع تانى
أنا كويسة
و حية أرزق
و دعواتكم ليوسف و هوه بخير بس محتاج ناس تكون بتحبه و تدعيله من قلبها
....

ترجعى بألف سلامة يا فاتيما
فى انتظارك دايما

ربنا يسعد قلبك بيوسف

تحياتى وحبى

الطالبة عفو الله يقول...

كلمات عميقة فعلا
ما شاء الله عليك اختي
ما دان ما زلت حية فما زالت الحياة
و يبقى الامل ما دامت الحياة
في امان الله
تقبلي مروري

ahmed_k يقول...

إزيك يا فاتيما
الحمد لله إنك بخير
وخللي بالك من نفسك
وأبقي طمنينا عليكي
ترجعي بالسلامه

ahmed_k يقول...

كلمات البوست كلها شجن وحزن
يا ريت يا فاتيما تنفضي
عنكي الحزن
وتفائلي وثقي بالله
ألقي حملك وهمومك أليه
فهو الأقدر على أن يكشف عنكي
ما ألم بكي من ضيق


دمتي بحفظ الرحمن

mohamed ghalia يقول...

كلمات رائعة يا أم يوسف
ويارب ترجعلنا بخير وفى سعادة
تحياتى

Wish I were a Butterfly ... يقول...

الحمدلله إنك بخير يا فاتيما

يارب تكوني بجد كويسة

يملؤني رعب
ينسيني عطشي

عندك حق أوي..الخوف كتير بينسينا كل الأحاسيس المهمة اللي ممكن تكون جنبه

بجد ارتحت أوي إنك كتبتي.. أوي أوي أوي بجد
ربنا يسعدك

وومن يقول...

فاتيما

حمد الله علي السلامة والحمد لله اننا اطمنا عليكي

وان شاء الله يردك لينا سالمة غانمة مطمئنة النفس

اللهم آمين

موناليزا يقول...

اذيك ياطماطم وحشتينى ياحبيبتى ويارب تكونى فى افضل حال
تعرفى ان كلماتك عجبتنى جدا حاسه ان فيها تحدى برغم مايظهر فيها من ضعف
فحينما نعلم بوجود طيور جارحة تحوم حولنا وتنتظر لحظة موتنا حتى تفترسنا لانعطى لها فرصة وهذا يجعلنا نحاول مرارار وتكرارا للتمسك بالحياة فقط حتى تصاب بخيبة أمل وترجع من حيث آتت
كزنى قوية صامدة مهما حدث عشان خاطر يوسف
سلام ياقمر

اهو ده عيبه يقول...

فاتيما حبيبة قلبى وحشتينى
فينك من زمان
يارب تكونى بخير وصحه وسعاده والبعد ده ميطولش
وياريت دايما تطمنينا عليكى
وربنا معاكى ومع يوسف ونسمع عنكم كل خير يارب

Ahmed Mubarak يقول...

السلام عليكم
انا مكسوف اوي بصراحة
وداخل ةانا حاسس اني هتشتم
بس معلش ادعيلي انا مشغول لدرجة متتصوريهاش .. اعذريني
ازيك وازي حبيب قلبي يوسف .. بجد وحشتني مدونتك .. ووحشتني مدونتي الي مش عارف اكتب فيها حاجة زي الاول
بس الحياه صعبه
ادعيلي واعذريني .. وتقبلي اسفي بجد غصب عني .. انا مشغول جدا ويادوب بعرف انام
تحياتي

حسن ارابيسك يقول...

طيب الحمد لله
اطمنا عليكي
نتنمى رجوعك بالسلامة وكما عاهدناكي ياأم يوسف
تحياتي حسن أرابيسك

mohamed يقول...

فاطمه
00000
أمومتك ليوسف وجاء يحميكى من لظى الشمس ومن كل مفترس.
أمومتك ليوسف جذور نبات قوى سينمو
ويعلو فى السماء كأشجار البلوط تهزم
كل الرياح
أمومتك ليوسف نهر من الامان والحنان
والدف تحيطك كشرنقه لتبعثى من جديد
ضحكه وخير

فاطمه
0000000
الام فيض من عطاء السماء
الامومه أقدس ما فى البشر


فاطمه
000000

دمتى لنا أختا
ودمتى ليوسف أما


فاطمه
000000
مهما طال الظلام
فالفجر والنور
موعدك


تحياتى لكل فاطمه

يا مراكبي يقول...

كده إنتي تقريبا داخلة على شهرين غياب بعد ما كنتي شعله من النشاط في عالم التدوين .. وده موضوع مقلق جدا .. حتى تعليقك هنا شكله كده ما يطمنش

نتمنى من الله إنك تكوني أحسن وندعيلك بظهر الغيب إن اللي إنتي فيه يعدي على خير .. إبقي طمنينا

mado80 يقول...

ازيك يا فاطيما
وازي يوسف ربنا يطمنا عليكه ويكرمك يارب

معلش والله مقدرتش ادخل علي النت طول شهر رمضان والعيد وعارف اني مقصر والله بس وحياه ربنا كلكه علي بالي

الحمد لله ربنا اكرمني بعمل عمره في رمضان واقسم بالله دعيتلك

ربنا يكرمك ويطمنا عليكي

ليه صحيح الغيبه الطويله دي

خمسة فضفضة يقول...

السلام عليكم ورحمة الله وبركاته


ازيك يا طمطم كل سنة وانت طيبه

ويارب السنه الجيه يوسف يرجع لحضنك

وحشتيني اوي وجيتي علي بالي قلت آجي اسلم

مبروك النيو لووك بجد والله تحفه

MKSARAT SAYED SAAD يقول...

فاتيما
عندما تخيم الوحده بأجنحتها علينا
نكون فريسة سهلة للجوارح

لكن ما نملك فهي في غالب الاوقات سنة الحياه تفرض علينا النقيضين
دمتى بكل ود
سيد سعد

بت خيخة وأى كلام يقول...

ربنا يريح قلبك يا فاتيما زى ما ريحتى قلبنا وطمنتينا عليكى


خدى بالك من نفسك

اختك خيخة

إرسال تعليق

الكلمــة نــور .. وبعض الكلمــات قبــور .... عبدالرحمن الشرقاوى