.

.

متى يعود ؟  

Posted by: فاتيما in ,


هل ما زال يوجد وقت كى أعوض به ما فات
أيام و شهور و سنوات مرت على و أنا أعود إلى الوراء أزمان و ازمان
و أمنى روحى بأن الحال سيتحسن
و لكن ...
أصبحت أسؤا لحظات يومى حين أصحو من النوم و أنظر الى ساعة الحائط
و كأن معرفة الوقت مهم ... مع إنه أرخص أشيائى و هو الغالى عن الآخرين
و لكن ...
الملل يقتل كل لمحة فرح تطل من بعيد ... أبحث دوماً عن أى شىء أفعله
كى أثبت لروحى و للغير أن العمر لا يذهب سدى
و لكن ...
الحكمة الأزلية التى تقول أن الوقت كالسيف إن لم تقطعه قطعك
كلما سمعتها تشطر قلبى نصفين .. كلما تذكرتها أتخيل نفسى
مسافر تائه فى صحراء قاحلة و الوقت عشرة قاطعى طريق يشهرون سيوفهم
فى وجهى هازئين و أنا أبكى و أتمنى لو أفلت بعمرى
و لكن ....
أعبر الطريق فأرى أمراءة تحمل طفلها و زوجها يمسك بيد طفلهما الثانى
فأسأل نفسى .. هل يسعفنى الوقت كى احصل على أسرة مماثلة
أوشكت على الأربعين و لم اكف عن الحلم الذى أضحى مستحيلاً
و لكن ....
أدور أبحث عن عمل فتصدمنى نظرات الناس .. حين يسألونى عن سنى
و اجيبهم ... يكاد السؤال يقفز على ألسنتهم مندهشين
فى سنك هذا و ما زلت تبحثين عن عمل ! ؟
و كأن الوقت كان رهينى و ملك يمينى و أنا التى أهدرته عمداً
أتمنى لو كانوا يصرفونى دون هذه النظرات
و لكن ...
أخشى كثيراً أنا أنام فلا أصحو ...عندما يسألنى الله عن وقتى الذى أهدرته
ماذا سأفعل وكيف ساجيبه ؟ ... أعلم من الآن ما سأقول ...
سأقول إنى أهدرته رغم عنى
و لو عاد العمر لما ضيعت ما ضيعت ... فهل يسامحنى و هو أعلم منى
و حالى يغنيه عن سؤالى ..و لن أقول وقتها
ولكن ...
الوقت و العمر و كل ما املك من باقى الأيام .. لاقيمة له دونك ...
و سنواتك التى قاربت على العشر
هى الوقت الوحيد الذى أفخر به و يعطى معنى و قيمة لحياتى
ما قبله و ما بعده ...أضغاث أيام و أعوام
عندما يسألنى الله فيما اهدرتى وقتك ؟.. سأجيبه بفخر أنى أضعته فى محاولة أن اكون اماً
أم حقيقية ..جديرة بأبن مثلك
فمتى تعود إلى حتى لا يهدر المزيد من الوقت
و لا أعود اخشى من الإجابة عند السؤل
عد كى تعود أيامى و يغدو للعمر فائدة
و إمنحنى القوة كى أشهر سيفى بكل شجاعة و بسالة
و أهزم وحوش و شياطين الوقت
المساء يبدل ثيابه ببطء
و القافلة تسير بقميص يوسف .كان القميص مخبأ فى القمح
كان مختلطاً بندى الحقول و رائحة الأرض الطيبة و عطر يوسف
و دفء الشمس التى أنضجت القمح .
و تقترب القافلة من قرية الشيخ ..و الشيخ يدور فى غرفته
يصلى طويلاً و يرفع يديه للسماء و يعاود البكاء
بينما القميص المندى بالشمس و رائحة يوسف فى طريقه إليه
متى يكون ذلك يا ربى ؟
متى يعود قميص يوسف .
أحمد بهجت
من كتاب
( مذكرات صائم )

This entry was posted on الاثنين, ديسمبر 15, 2008 and is filed under , . You can leave a response and follow any responses to this entry through the .

51 كــــلام بيطــبطـــب عـــلى قــــلبى و روحــــى

ان غدا لناظره لقريب
معلش مش عارفة اقولك ايه بس ربنا يجمعكم بسرعة وعلى خير وان كان عالشغل يا ستى قوليلى عايزة تشتغلى ايه وفين وانا اجيب لك شغل يليهكى لغاية لما تتجمعوا
ماتتضايقيش او حاولى تجمدى انتى وجعتيلى قلبى وهو مش ناقص

DREEM
ربنا يسمع منك
متقوليش حاجة أنا عارفة ممكن يبقى جواكى إيه و مش عارفة توصفيه
بخصوص الشغل أختك يا ستى بتدور و ربنا يسهل و الأقى حاجة مناسبة
أنا مش متضايقة دا العادى
و سلامة قلبك يا دريم
تحياتى و حبى

جعلونى مريضاً نفسياً

ربنا يجعلنى منهم يا عزيزى

انا كتبت تعليق طويييييييييييييل
وبعد كدة مسحته

علشان لما قريته قبل ما انشره عيطت

فقلت اكيد فاتيما مش هاتعيط لو قريته
دى ممكن تنهار خالص

فقلت اكتفى بانى اقولك
ماتنتظريش اى حاجة
هتلاقى كل حاجة جيالك لوحدها

سلام
اختك خيخة

بين أيدينا مواهب وقدرات كبيرة لا نحسن استغلالها

المواهب دي بتختلف باختلاف الواحد مننا وقدرته على الابداع وانه ازاي يستغلها كويس وقبل كده انه يحسن اكتشافها

المواهب دي برضو أدرى واحد بيها صاحبها نفسه

هو أدرى بنفسه من أي حد تاني

دوري جواكي على نعم ربنا الكتيرة وجربي تستفيدي بيها بشكل كامل هتلاقي الدنيا بقت أحلى والعجلة بتدور وخلي دايما في بالك ان الخير كل الخير في اللي ربنا قدره لك وان ده هو ما ينصلح به حالك لأنه قدر رحيم من ربنا سبحانه الرحيم


ربنا يبصرك بالحق والخير يارب ويرضى عنك ويسعدك

تحياتي

ان فعلا مع خيخة دايما لما تفضلى مستنيا الحاجة مش هتيجى لاكن الاحسن تستنى ربنا يبعتهالك لوحدو
وان اله مع الصابرين

فاتيما الوقت احنا اللي بنضيعه بنفسنا
كونك منتظرة حاجة واحدة بس بيصعب الدنيا قوي
اشغلي دنيتك بحاجات تانية
يوسف ربنا يرجعهولك يا رب
بس انتي زي ما قلتي ربنا هيسألك عن باقي الوقت
اقرأي قرأن احفظيه اتعلمي حاجات جديدة لنفسك حاولي تزوري دور أيتام حتى لو لوحدك مش لازم مع التجمعات بس
زوري دور مسنين
اعمال خير كتير تعتذري لربنا بيها لما يسألك عن وقتك

و فوق ده كله ادعي ربنا بيقين انه هيستجيبلك بأنه يردلك يوسف

تحياتي

خليكى واثقة و متاكده ان يوسف راجعلك, و ان انتظارك ده بيقين فى رجوعه, هتلاقى الدنيا هتديكى الى نفسك فيه
لكن.....
النتظار مر و يبدبل العمر و بيمزق الروح
خلى انتظارك لكذا هدف مش لهدف وحيد
طبعا يوسف هو اسمى الأهداف ليكى و لينا و لكل واحد بيحبك و حس بكلم من كلماتك
انما خلى ليكى اهداف صغير تانية
اشغلى وقتك فى حاجه بتحبيها او حاج بتجديها
هتلاقى حده الأنتظار قلت
و هتكسرى سن سيف الوقت
ربنا معاكى يقويكى و ينصرك و يرجعلك حقك و ابنك فى حضنك يا رب فى اقرب وقت عشان يفرح قلبك الحزين
سلامى ليكى و حبى و تقديرى

فاتيما

يمكن مش قادرة استوعب فكرة ان حد يهدر سنين عمره حد يفضل في إنتظار شئ واحد

وانا بكتب الكلام ده بفتكر كلمة اتقالتك

انتي من جواكي قوية قوي

ودلوقتي بسأل نفسك مستنية إيه علشان تطلعي القوة دي ؟

ربنا يهيئلك الخير ويفك كربك يارب

ما عنديش ليكى غير الدعاء دة
اللهم يا جامع الناس بيوم لاريب فيه
إجمع بين فاطمة وإبنها يوسف كما جمعت بين يوسف وأبيه يعقوب
انك على كل شىء قدير
=====
فاتيما يا حبيبتى اقرى كتير سورة الواقعة وسورة ياسين
والخير قادم بإذن الله
ودايما قولى الدعاء وان شاء الله ربنا يستجيب لك قريب جدا
وماتنسيش صلاة قضاء الحاجة
وفقك الله لما يحبه ويرضاه

اكيد ان شاء الله الجاي احسن ، لازم تكون ثقتنا في الله كده علشان ربنا يدينا الي بتمناه ، وباذن الرحمن ربنا هيجعل الجاي احسن في ظل وجود ابنك باذن الرحمن

ولاااااااااااا يهمك من كلامهم

دوري على شغل

واشتغلي

وخلي عندك امل انك لسه تعيشي حياتك

حتى لو ما قدرتيش تخلفي انتى تاني

يمكن تتجوزي واحد عنده اولاد فقدواامهم باي شكل
ومحتاجين ام

ويمكن ربنا يردلك يوسف

المهم ان ك تتأملي دايما فى ربنا الخير

وان شاء الله تلاقيه

ونظرات الناس لكى ارميها ورا ضهرك
احنا فى مجتمع متخلف للاسف

عارفه لو قعدتي وما دورتيش على شغل
هايقولوا عليكى كسلانه ومستهبله وقاعده

ارضي ربنا وريحى نفسك وبعدين ابقى فكري فى الناس بعد كده

لاخر نفس يا فاتيما خلي عندك امر بربنا

وربنا يعملك الى فيه الخير

مش عارفة اقوللك ايه متهيألى انا اخر واحد ممكن تقويكى دلؤتى
بس كل اللى اقدر اقوله لكى مش لوحدك اللى حاسة بكده
وفيه حاجة اتعلمتها مؤخرا ان لو انتى مش هتاخدى قرار بان تبدأى حياتك من جديد هتفضلى واقفة فى انتظار حد يحركك وده للاسف مش هيحصل لان كل واحد مشغول بحياته ومحدش فايق للتانى
فلازم نعيش ايوة عندنا امل فى بكرة بس افرضى بكرة اتأخر شوية!!
يبقى لازم نعمل حاجة ونستفيد بوقتنا لغاية لما بكرة ييجى
ومين عارف مش يمكن نشتغل بحياتنا الجديدة وننسى خالص اننا كنا مستنيين بكرة وفجاة نلاقيه جه.. مش يمكن؟؟

كل سنة وانتى طيبة
وربنا يجمعكم على خير باذنه
واصبرى واحتسبى
وسوف يرده الله اليكى قريبا
وتقرين عينا به
تحياتى

قال تعالى: إن "مع" العسر يسرا

ولم يقل: إن "بعد" العسر يسرا

الفرق واضح

حاولي تاني وتالت وعاشر وعشرين .. وإن شاء الله ربنا هيوفقك .. إوعي تيأسي

إوعي تيأسي من رحمة الله

الصبر يا حبيبة قلبى
بأذن الله ربنا هيعوض صبرك خير
ومش عيب ابدا انك تدورى على فرصه عمل فى اى سن
ووقتك مش بيروح هباء يا حبيبتى بكرة يوسف يرجع ليكى وربنا يرزقك باسرة زى اللى اتمنتيها

ربنا يكرمك ويحفظك ويطمنى عليكى

ربنا يفك كربك امينادعى دايما وقولى لاالله الاانت سبحانك انى كنت من الظالمين عبادك كثير اما انا فليس لى رب سواك يامن يجيب المضطر اذا دعاه ويكشف السوء اللهم انى عبدك ابن عبدك ابن امتك ناصيتى بيدك عدل في قضائك ماضى فى حكمك اسالك بكل اسم هو لك سميت به نفسك اوانزلته فى كتابك او علمته احد من خلقك او استاثرت به فى علم الغيب عندك ان تجعل القران العظيم ربيع قلبى ونور صدرى وجلاء همى وغمى

بت خيخة و أى كلام
ليه مسحتيه يا نونو
من ناحية العياط فمتقلقيش
أنا معيطة جاهزة و مش مستنية كلام
بس هجرب نصيحتك و منتظرش و لو أن دا صعب قوى
قوى
بحبك و بوسيلى شريف

صاحب المضيفة
و الله يا أنس كلامك كله على راسى و عارفه كويس ...
بس يعنىإنت عارف غيابى عن الدنيا سنين خلنى بالمقارنة بغيرى أقل فى حاجات كتير
و فكرة أنى احسن من قدراتى مناها أنه مادياص لازم اكون مستعدة بينما الحالة لا تسمح و المسألة بقت عاملة زى البيضة و لا الفرخة
و الشغل عاوز واسطة او حد أثق فيه لأنى مبقتش أثق فى ى حد و لا ينفع أتواجد فى أى شغل و السلم
زائد أنى كبرت
عارف يعنى إيه كبرت يا أنس
يعنى الشغل اللى كا ينفعنى من عشر سنين مبقاش يناسبنى دلوقتى و لا يفع أضغط على نفسى عشان أعمله لأنى الوقت مبقاش يسمح بأى محاولات و لا نفسيتى بقت تحتمل اى فشل قادم
ربنا كريم و قادر يريح قلبى
تعرف لو يسوف موجود دلوقتى ..مكنتش فكرت ف كل دا لأن إنشغالى بكل احواله مكنتش هتدينى أى مبرر للأحساس بالفشل
كنت هبقى ام بدوام كامل و عندى ألف مهمة أعملها
لكن دلوقتى حاسة أنى عايشة على الفاضى
أنتك قو
بس حبيت أفضفض معاك
ربنا ما يحرمنى من دعواتك أبداً
حياتى للعروسة
المحظوظة

البت المشمشية حلوة بس شقية
ميرسى يا قطوطة على مشاعرك
و هجرب النصيحة لعلها تصدق معى
تحياتى ليكى

أحمد زوج مخنوق سابقاً
نصايحك فى محلها يا احمد
بس الواحد ساعات يبقى مخنوق و مش عاوز يروح و لا ييجى و لا يكم حد و دا حالى حالياً ...
كمان كل المشاوير دى مش الل يقدر عليها
لكن أنا بتشجع لما بروح معاكم و عبر التدوين كلنا بنساند و نسند بعض
و ربنا يتقبل
تحياتى ليك و لزوجتك

hopiz
ازيك يا عزيزتى
منورانى
و بشكرك على مشاعرك الطيبة و دعواتك الحلوة و النصيحة كمان و أتمنى أقدر انفذها و ألاقى اللى ينفعنى
حبى و تحياتى
و تعالى كتير

وومن
ميرو يا حبيبتى
تساؤلك مش غريب يا ميرا
إجابته هى اللى غريبة
الحياة كلها إنتظار و من اول ما نوعى على الدنيا و إحنا منتظرين شىء ...
و لو إتحقق بنستنى شىء تانى
لما كنا صغيرين كنا بنستنى بفارغ الصبر أننا نكبر عشان نرتاح
و ما نكبر بنستنى الوقت أننا نشتغل عشان نستقر و يبقلنا حياتنا
و لما نشتغل نستنى وقت ما نتجوز و نعيش مع شريك حياتنا
و لما نتجوز بنستنى وقت ما نبقى أباء و امهات و يبقى لوجودنا هدف و معنى اكبر
و لما نبقى أباء و أمهات بنستنى وقت ما يكبروا و نطمن عليهم
و لما يكبروا نستنى يشتغلوا
و يتجوزا
و يخلفوا
و ساعتها نتمنى نعرف نلاقى الوقت اللى هنرتاح فيه و نعيش سعدا
و هلما جرا
الحياة كلها إنتظار و أحلام نهدف إلي تحقيقها ..
مشكلتى أن احلامى أما ورائى و لن تعود
و اما امامى و بعيدة المنال
و أنا فى المنتصف
يمكن القوة اللى بتقولى عليها مستنية هيا كمان الوقت المناسب اللى ينفع تطلع فيه زى ما طلعت لما سافرت إسكندرية كدا ...
جايز
المهم تحاتى لمشمشة قوى
و تحياتى لخطيبك العزيز

سبهللة
ازيك يا سبهللولتى
متحرمشى من دعواتك الطيبة دى ابدا
هعمل زى ماقولتى و ربنا كريم
تحياتى و حبى يا حبيبتى
و ألف سلامة على الكتاكيت

قلبي موجوع ليكي اوي يا فاتيما

ربنا يريح قلبك و ينصرك و يردلك ضالتك


بس مش حجة نك قاعدة مستنية

انزلي و اشتغلي او حتي تتعلمي

مش ليكي

لا

ليوسف علشان لما ربنا يردهولك يلاقيكي موجوده
بروح حلوة
مرحة

انما كده انت بتخلصي علي نفسك بنفسك

قلب ينبض بالحب
أولا أهلابيكى و نورتى المطرح كله
ثانياً أشكرك على الدعوة الطيبة
و ربنا يسمع منك
تحياتى ليكى

اولا ربنا يردهولك كما تتمنين ان شاء الله في اقرب فرصة
وكل شئ عند الله بقدر

وتاني حاجة بقي انت واضح انك جديرة بيه في الدنيا والاخرة ان شاء الله

الحاجة الاخيرة بالنسبة للشغل .. سيبي اللي يقول يقول
ان تصل متاخرا خيرا من الا تصل مطلقا

بكرة .. يوم جديد
استنيه وتفاءلوا خيرا تجدوه

تحياتي

صبرنى يا رب
أزيك يا ام القمرين
أنا ساعات كتير بفوت النظرات دى و مبتهمنيش خالص
بس ساعات تانية بيبقى الواحد مش قادر يفوت أى حاجة
عارفة لو كنت حصلت على الشغلانة دى كنت هبقى عادى و ثقتى فى نفسى زى ما هيا ...لكن لما تكتشفى أن بقيتى بتتقاسى حسب السن و أنك عدتى المرحلة خلاص و مبقاش ليكى مكان ...
هوه دا اللى بيضايقنى و بيحسسنى إنى بهين نفسى ...
و أرجع و أقول دا نصيب زى كل حاجة ما هى نصيب و اللى كاتبه ربنا هيكون
تحياتى لك يا حبيبتى

موناليزا
آخر واحدة !!
متهيألك
بالعكس أنتى بتحسسينى أنى مش لوحدى و مش بيتهيألى اللى أنا فيه ...
ساعات يا مون مون بحس إنى ببالغ و ببر الحكاية و إن أنا اللى متهيألى
لما بقرالك بكسف من نفسى الصراحة
بس بتمنلك ربنا يقويكى و مفيش حاجة تكسرك زى انا ما بتكسر كل شويتن تلاتة
أنا بحاول اعول و الله
مش واقفة مكانى
بس محاولاتى حتى الآن فاشلة و هوه دا اللى محسسنى بالوحدة و افتقاد يوسف أكتر
تحياتى يا مون مون
و قلبى دايما عندك

همس الاحباب
و إنت طيب يا خالود
و دعواتك بأذن الله مستجابة لاج خاطر اختك الغلبانة
تحياتى و ودى

يا مراكبى
يا نبع الحكمة
بتقولى اوعى تيأسى !!
تعرف لو كان اليأس رجلاً ..لإحتضنته
و طبطبت عليه و قولتله كفاية بقى
بس هوه للأسف بيخايلنى من بعيد
رايح جاى
و لا عارفة أيأس خالص
و لا عارفة أعيش على الأمل علطول
لكن اطمن
م دمت حية و يوسف فى مكان ما و سيعود يوماً
يبقى لازم احاول مهما كنت فى ضيق
دعواتك
و طبطباتك الدائمة
و سلامى لفادى الجميل و العائلةالكريمة كلها

يا مراكبى
يا نبع الحكمة
بتقولى اوعى تيأسى !!
تعرف لو كان اليأس رجلاً ..لإحتضنته
و طبطبت عليه و قولتله كفاية بقى
بس هوه للأسف بيخايلنى من بعيد
رايح جاى
و لا عارفة أيأس خالص
و لا عارفة أعيش على الأمل علطول
لكن اطمن
م دمت حية و يوسف فى مكان ما و سيعود يوماً
يبقى لازم احاول مهما كنت فى ضيق
دعواتك
و طبطباتك الدائمة
و سلامى لفادى الجميل و العائلةالكريمة كلها

أزال المؤلف هذا التعليق.

رشا
نورتى المدونة كلها
و أسعدتينى بالدعاء الطيب دا
تحياتى و إحتراماتى

mony
سلامة قلبك يا مونى
أنا مش بتحجج يا حبيبتى
انا بدور بجد و لسه ملقتيش شىء مناسب
أنا بس أثناء البحث بيجينى حالات كدا
من اليأس و الزعل على روحى و على ما وصلت إليه
ساعات كدا
أما غالباً و دوما يوسف بيوحشنى و دا اللى بيصعب الأحساس قوى
تحياتى ليكى
و بوسيلى العيال

kochia
متحرمشى من دعواتك يا حبيبتى
حكاية الجدارة دى بقى أتمنى اكون فعلاً كدا
أما الشغل فأنا أبحث لكن بيصعب عليا احياناً شوية حاجات ممكن تعدى عادى فى الأحوال العادية
لكن لأنى مش فى وضع عادى فبخدها بحساسية زيادة يمكن
متحرمشى منك يا كوشكش
و تحياتى و حبى

من رحمة ربنا بينا انه لم يقصر الخير على باب واحد
=========
اما الوقت فياليتنا نستثمرة حق الاستثمار

=========
اما عن يوسف فسيرجع الآن او بعد حين فهيأى نفسك باستقباله بابواب الخير الأخرى

ربنا يرجعهولك يا رب

بس انا مستغربة ما الواحدة تشتغل في اي وقت يعني

اية السؤال الغريب دة

اعتقد فية سيدات بيعملوا اعمال خير و حاجات في البيت و يبيعوها و بيبقوا سيدات مجتمع يعني

شوفي لو دة ينفع معاكي


اتمنى من الله انك تحصلي علي احلي و اروع و اقيم وظيفه ان يوسف يرجعلك و يبقى بين حضنك وانتي اللي تربيه

امين امين امين

الله معكِ

سلام عليكِ

خلى املك فى ربنا كبير ان شاء الله بفضله و مشيئته هيبقى بكرة احسن
:)

شكرا على الدعوة و اسفة انى مجتش ابقوا اعملوه مرة و النبى يوم سبت
:)

كتابتك جميله جدا وصادقه لأنها من القلب
اعتقد فى أمل تتفائلى علي الاقل انتى عارفه مستنيه مين وهيرجعلك في القريب يا رب
لكن في ناس مستنيه المجهول ودا اسوء شيء
خلى أملك كبير فى الله وربك دايما عند حسن ظن عباده
وفى يوم هيفتخر ان ليه أم كتبت ليه بحروف صادقه اجمل الكلمات
دايما الحزن هو اللي بيفجر اعزب الالحان اللي بتواسى الروح حتى يقضى الله امرا كان مفعولا
ربنا يوفقك وتلاقى شغل ومتلتفتيش ابدا لتعليقاتهم عن السن عمر الانسان مش بيتحسب بالسنين قد ما بيتحسب بقدم ايه لغيره لأنه عمره مش ملك ليه لوحدوا
واجمل ما فى الانسان انه يفضل طول عمره مهما بلغ من العمر بيحاول يقدم اكتر للناس اللي بيحبها
ربنا يصلح ليكى الحال يا رب

السلام عليكم ورحمة الله
سيظل دوما هناك امل طالما قلبك ينبض
احسني الظن بالله ولا تياسي فرحمته وسعت كل شيء
كل عام وانتم الى الرحمن اقرب
وحشاني جدااااااااااااااااااااااا

ازيك يا فاتيما
اخبارك ايه ؟؟
ولو انها باينة يعنى
الحمد لله على كل حال
وان شاء الله ربنا هيجمعك بابنك وتفرحى بيه فى حضنك بس معلش هى مسألة وقت
ربنا يهدى باباه ويحنن قلبه عليه وعليكى ويردهولك من تانى من غير محاكم ولا غيره

ربنا كبير ورحيم

معلش روقى واشغلى نفسك فى اى حاجة عشان متحسيش بالوقت بالثقل ده

إن بعد العسر يسرا

عارفة يا فاتيما ان بعد يوسف مخليكي زي اللي ماشي فطريق و مربوط فرجله ثقل كبير جدا

قلبه ماليان تطلع للمستقبل
وعاوز يعدي لقدام لكن الثققل مبطأ خطواته و بيشدها لورى

ويوم الطاقة اللي فقلبه تغلب فيجر الثق و يمشي بيه بتحدي وتفاؤل

ويوم الوزن التقيل يغلب و يجهده و يجر اليس لقلبه و يحس انه مش عاوز يعمل حاجة غير انه يقعد في نص الطريق ومش قادر يتحرك

لكن أكيد حايقوم يفق تاني
و الطاقة اللي فقلبه تغلب تاني
ويكمل
لحد ما يرجع يوسف و التقل يتفك خالص

ساعتها حايلاقيكي يوسف قطعتي مسافة كبيرة جدا مش كل الدنيا قدام و هو راجع معاكي لورى

انت قلبك جميل قوي
والقلوب اللي زيك عندها كتير
ايأسي زي ما انت عاوزة
بس ليوم
او اتنين
او اسبوع
ودوري بعدهم فقلبك على الأممل و الله حاتلاقيه
و حاترجعي تمشي و تحفري في الصعب

ربنا يقويكي
ويرجعلك يوسف
ويملى قلبك أمل و قوة

تعرفي اني كتير لما بقرالك حاجات بحس بامل فظيع و بحس ان العمر و الزمن مالهمش قيمة
وبزعق لنفسي و اقولها
شوفي فاتيما حزنها يهد جبل
و اللي محرومة منه فوق طاقة الطبيعة
وعمرها اكبر منك
وبرضه قلبها عمران و قادر
انت بقى حجتك ايه

والبوست ده ما قلقنيش عليكي
وعارفة البوست اللي جي حايكون شكله ايه
يمكن مش اللي جي على طول ولا اللي بعده
بس انا عارفة فاتيما أكيد بترجع و تقوم تقف تاني وتاخد ادينا و تمشي لقدام.. مهما قاعدتها طولت

بمووووت فيكي و فيوسف
ومعلش رغيت كتير

أم يوسف
لم يمضى الوقت سدى طالما حاولتى
الام الحقيقية كنز
احيانا اشعر مثلك بان الوقت قد مر امامى واصبح متأخرا كى تكون لى أسرة ثم أعود لافكر مثلك اننى أخذت بالاسباب والباقى رزق يأتى حينما يأذن الله
دائما ما اتمثل امامى نهاية قصة سيدنا يوسف كلما ضاقت بى الحياة
كلماتك ومشاعرك مست قلبى وعقلى وأشعرتنى بان المشاعر هى اصدق اللغات
فى يوم من الايام يوسف هيفتخر بان له ام زيك
ربنا يبارك فيه
تحياتى

صباح معطر بالورد والياسمين
وشكر كبير على اليوم الجميل والدعوه الجميله ....ربنا يديم الحب والصداقه بينا
فى حكمه انجليزيه بتقول
never too late

بمعنى دائما مش متاخر

المهم انك تبدائى واعرفى ان كل ماحدث فى حياتك اختبار واكيد بكره احلى
انتى اخدتى نصيبك من الاحزان فانتظرى نصيبك من السعاده

فعلا الوقت غالى جدا ولازم نعرف على قد مانقدر ان نستفيد بيه مش لازم فى حاجات كبيره ولكن مممكن فى حاجات بسيطه جدا بس مؤثره

عارفه يافاتيما انتى محتاجه تقعدى مع نفسك وتعيدى ترتيب حياتك وتبحثى عن تجديديدات فى حياتك ولو بسيطه بس مؤثره بحيث تحسسك ان الوقت مش بيعدى وخلاص وسعاتها مش حتحتاجى تنظرى للساعه ويصعب عليكى الوقت وحتلاقى بعض السعاده فى هذه الحاجات الى حتختاريها بنفسك وتبحثى عنهاوتفكرى فيها ....وباذن الله تجديها
اما عن اساله الناس ...فالناس دائمه السؤال فيما لايعنيها... ولا تهتمى
فى حاجات كتير تستحق استقوفنا وحتى مضايقتنا عن الناس وتعجبهم فيما لا يعنيهم
كل انسان وله ظروفه
المهم مش يياس
الياس عدو الانسان
المههم الامل وان الانسان يجد الشىء اللى يلاقى نفسه فيه ويعمله باخلاص وينجح فيه
اما عن الاسره ...باذن الله يكون ليكى اسره سعيده وجميله مثلك وتجدى الانسان الذى يستحق هذه الانسانه الجميله بكل ماتحمله هذه الكلمه من معانى ويعوضك قسوة الايام

واخيرا ...ملخص الروشته بتاعتى

خلى عندك امل فى بكره
ابحثى وفكرى فى حاجات ممكن تلاقى نفسك فيها
ودائما مش متاخره المهم تبدئى من الان

سعيده انى شوفتك وربنا يكتب لك السعاده الدائمه

على فكره بعلق من الشغل لان كمبيوتر البيت لسه بايظ بس حيتصلح فى خلال الايام الجيه

تحياتى
قلب بيحبك دائماااااااااااا

تقيلة النصايح تافه الكلام جنب وجعك يا فاتيما

لو عندك وقت ممكن تقري كتاب لا تحزن للشيخ عائض القرني وكتاب الكنز لماجدة المفتي وكتاب the secret

انا فرقوا في حياتي بصراحة واتمنى يكون ليهم تأثير ايجابي عليكي

طائرى الحزين
نعكوشتى
عاليا حليم
NOUR SHAHEN
نونو عاشقة النقاب
واحة الفكر و القلم سالى
HANOODA
GANNAH
نبوضتى
FOUNOON
.........
يا احبابى لو تعلمون مقدار ما تعنيه كلماتكم ...
لو أستطيع أنا أردها بربع ما فيها من جمال و دفء
يكفى أن أقول ان ما بين ليلة و ضحاها
أضحى تعليقكم حقيقة
و واقع جميل
دمتم لى بكل الحب
و الود
و الجمال
تحياتى و حبى

قريبا باذن اللة سيعود
ولن يضيع وقتك وانتظارك هدر
وان شاء اللة الصابرين على خير
وهتكونى العيلة الجميلة اللى انتى تستاهليها
على فكرة يا فاتيما انا اسمى زى اسمك
حتى ابنى اسمة يوسف برضة
اتمنى من اللة ان يبارك لى ولك فيهما

إرسال تعليق