كنت بتمنى

و لسه بطلب من ربنا

يحققلى يوم المعجزة

أصحى فى يوم من الأيام ألاقيه

مدينى صوت زى صوتها

عشان بدل ما أبكى

أغرد

و أطير لأبعد سما بتوصلها

ست الحزن و الجمال

لما بترمى علينا تعويذة سحر

و تغنى

إسمعوها معايا و إفردوا الجناحين

إستعداداًَ للتحليق

بعيداً عن الأرض

من فوق قوى بتفرج على حياتى و كأنها جزيرة وسط المحيط

فيها جبال و غابات و سهول

و شط صافى اللون

فيروزى

أسمعها تغنى

زعلى طول أنا وياك و سنين بقيت

جرب فيهم أنا إنساك ما قدرت نسيت

أسترجع معاها سنين قضيتها و أنا بحاول أتعلم دون جدوى إنى أنسى

إنسان حبيته و مقدرتش بسهولة

رغم الحاصل من زمان

و الوقت الكافى للنسيان

و عزة نفسى كأنسان

اشتقتلك

أفتكر صديقتى من أيام ثانوى و اللى إفترقنا لظروف و مينفعشى بسببها للأسف

نعود أصحاب لكن بتوحشنى

أدندن معاها

لا إنت حبيبى و لا ربينا سوا

قصتنا الغربية شلعها الهوا

و صارت عنا غريبة

أنسانى يا حبيبى

الغنوة دى بتفكرنى باليوم اللى قلعت فيه دبلة الخطوبة من إبن عمى

بعد احداث غريبة عجيبة ملهاش وصف و لا منطق

أديش كان فيه ناس

على المفرق تنطر ناس

و تشتى الدنى و يحملوا شمسية

و انا بأيام الصحو

ما حدا نطرنى

الغنوة دى عشتها عملياً و واقعياً ست سنين أنا و يوسف فى المنفى

و إحنا واقفين سوا فى دنيا غريبة لا عارفين حد و لا حد عارفنا

شط إسكندرية يا شط الهوى

روحنا إسكندرية رمانا الهوا

يا دنيا هنية

و ليالى رضية

بحملها بعنيا شط إسكندرية

بتفكرنى بزمان لما كنا أطفال فى أوائل التمانينات و بنروح المصيف كل سنة

لمدة أسبوع و كان بيبقى أجمل أسبوع فى السنة كلها

تذكر آخر مرة شفتك سنتا

تذكر وقتها آخر كلمة قلتا

ما عدت شفتك

و هلأ شفتك

كيفك إنت ملا إنتا

دندنتها لما قابلت إبن عمى - خطيبى سابقاً - صدفة و روحت سلمت عليه

مع إنى كنت عارفة إنه مكنش حابب يسلم عليا لأنه لسه مسامحنيش

موعود بعيونك أنا موعود

و شو قطعت كرمالنا ضياع و جرود

فانتى عيونك سود

و ما نك عارفى

شو بيعملوا فيا العيون السود

ع هدير البوستة

و أقعد أضحك على اللى بيحب و بيتدهول كدا فى أوتوبيس تعبان

عشان يسافر ورا حبيبته بالمشوار

و اللى أسمها عالية و كنت بحسدها على حبه المجنون بعيونها و لا زلت

عم صرخ بالشوارع

شوارع القدس العتيقة

خلى الغنية تطير عواصف و هدير

يا صوتى ضلك طاير

لو بيعنى ها الضماير خبرهم على اللى صاير

بالكى بيوعى الضمير

أصرخ معاها و انا بشوف أطفال الحجارة فى التلفزيون بيرموا المحتل

بحتة طوبة و الغنوة شغالة فى الخلفية

سكرو الشوارع عتموا الشارات

زرعوا المدافع هجروا الساحات

وينك يا حبيبى بعدك يا حبيبى صرنا الحب الصارف صرنا المسافات

أشتقنا للأيام السعيدة

ايام السهر ع الطريق

عجقة سير و مشاوير بعيدة نتلاقى بالمطعم العتيق

يا هوا بيروت

يا هوى الأيام

أرجع يا بيروت ترجع الأيام

كنت بقولها بحزن كل ما أشوف خبر جديد عن الحرب فى لبنان

و بعد الحرب

لما الناس هناك بقت تتقاتل و تحاول تقتل كل شىء حلو

يا أنا يا أنا وياك سرد القصص الغريبة

يا أنا أنا وياك و انسرقت مكاتييى

و عرفوا إنك حبيبى

يا انا يا أنا هرب الصيف هربت عناقيد الزينة

و اذا ضيعنى الهوا شى صيف بقلبك بتلاقينى

و خبينى ما تخبينى

دى كانت أول غنوة أسمعها لجارة القمر و كان عندى ساعتها تمن سنين

و بسبب الغنوة دى تحديداً

وقعت فى الغرام اللى مبينتهيش بفيروز

مهما غنت و وجعت قلبى

كل ما احب و أخبى تغنى

خايف أقول اللى فى قلبى

تبقى ميل

سهار

يسعد صباحك

أتشجع و أقول بحبه بصوت عالى تغنييله بدالى

حبيتك تنسيت النوم

حبك مبعرف

حبيتك فى الصيف

يا قلبى لا تتعب قلبك

و لما أشتاق لحب زمان

أدندن

بعدك على بالى

فايق عليا

رجعت الشتوية

البنت الشلبية

كان الزمان و كان

لما أحس إن الشخص دا ميستاهلش منى كل هذا الحزن

بخدها ببساطة وأقول

معرفتى فيك

موش كاين هيك تكون

ضاق خلقى

تنذكر ما بنتعاد

مش قصة هاى

لما بفتكر يوسف و حكاياتى معاه بغنى

شادى

صباح و مسا

ريما

أم سليمان

أنا لحبيبى

شايف البحر شو كبير

تعا و لا تيجى

أغنى إيه تانى ليوسف حبيبى ؟؟

آه

سلملى عليه

و قلو إنو بسلم عليه

بوسلى عنيه

و قلو إنو ببوس عينيه

و قوله ماما بتقولك ع البعد

عندى ثقة فيك

عندى أمل فيك

و بيكفى

شو بعدك يعنى أكتر بعد فيك

عندى حلم فيك

عندى ولع فيك

و بيكفى

شو بدك أنه يعنى موت فيك

و الله راح موت فيك

صدق إذا فيك

بيكفى

شو بدك منى اذا متت فيك

معقول فيه اكتر

أنا ماعندى أكتر

كل الجمل يعنى

عم تنتهى فيك

عندى ثقة فيك

و بيكفى

بيكفى يا ست الحزن و الجمال

يا غاسلة همومى

و حاكية اللى فات من عمرى و دلوقت

و قايلة كل حاجة من غير ما أقول

ليوسف و الدنيا و للكون

الانسة قفاشة