السلام عليكم ورحمة الله وبركاته

يااه يا طمطم دي حبيبه دي يا ما قاست وشافت ربنا معاها واكيد حقها هايرجع في يوم من الايام لان ربنا عمره ما بيرضي بالظلم ولازم في يوم مهما كان قريب او بعيد كل حاجه هاتتظبط والمفتري ربنا هيهده

عارفه انت دايما كلامك بيوجعني اوي اوي لدرجة العياط ، بس اعتقد ان بعد البوست ده خلاص معدش هايبقي فيه عياط تاني لان الكلام المخنوق جوا صدرك طلع وماعدش في حاجه تانيه خنقاكي

ربنا يردلك الغايب وينتقم من الظالم

هاقوم اصلي الفجر بقي وادعيلك

تصبحي علي خير



سلام

حبيبه ولا فاتيما
برضه هقولك ماما
وهتفضلي ماما على طول
يا ستي محدش فينا ملاك كلنا لينا اخطاء وافتكر الخطأ الي وقعتي فيه
كان كله امانه وثقه ودي حاجه مش تعيبك ابدا
بالعكس
دي حاجه تعليكي في نظرنا
العيب على البني ادم اللى مقدرش الامانه والنعمه الي ربنا انعم عليه بيها
بعد البوست ده اقولك من كل قلبي
اكيد بكره احلى ان شا ءالله
انتي حد مش جميل بس
انتي اجمل حد انا عرفته يا ماما

اه نسيت اقولك اني ماطلعتش مخمومه فيكي ولا حاجه وان ظني فيك طلع في محله

واعتقد ان المفروض تغيري عنوان البوست اللي فات بقي :))))

لما كنتي بتقولي الكلام دا واحنا في المقابله مش كان غريب لانه كان بيحصل لانسانه غاليه عندي وقدامي بس مش بالسؤ دا

شغل مطاوي وبلطجه

حسن النيه مش مع اي حد ولاسف الحب ناس كتير بتستغله

البوست دا انا هتبعره تحذير لكل بنت

انا بحبك اوي اوي يافاتيما

وعلي فكرا عاشقه كانت بتقرا البوست وانهارت من العياط

لسلام عليكم
انا جيت اقولك انى حد بيحبك جدا من خلال بعض البوستات اللى قريتها فى مدونتك ولكنى اوعدك انى هرجع تانى اقرا المزيد وخصوصا بوست الصراحة الجميل ده انا جيت بس اسلم مع وعد انى راجعة تانى ياقمر
سلام حتى العودة

يا حبيبة قلبى ده انتى شفتى كتيررررررر
ربنا يعوض صبرك خير يارب
انتى ليه بتقسى على نفسك كده يا فاتيما
انتى ضحية غش وخداع
ضحية وهم كبير اسمه الحب
ضحية قلب طيب وضعيف ومحب
انتى مش جانية أبدا ولا متهمة فى نظرنا باى شئ
بجد ربنا ينتقم منه ومن أخواته اللى معندهومش ذرة ضمير ولا اخلاق
إزاى قدرتى تعيشى لوحدك كل السنين دى ؟؟
دموعى سبقتنى وانا بقرا الجزء ده بالذات
تخيلتك وابنك تعبان وانتى لوحدك ومرعوبة وخايفة ومحدش جنبك يطمنك عليه

والله ما انا عارفة اقولك ايه ؟؟
ربنا يعوض صبرك خير يارب
ويجعل كل لحظة حزن عيشتيها فى ميزان حسناتك
ويبدلك عنها افراااااااااح لا تنتهى ابداااااااااا يااااااااااااااارب

الحمد لله على كل حال
" وقل لن يصيبنا إلا ما كتب الله لنا "

وان شاء الله
" ان بعد العسر يسرا "


ربنا معاكى يارب
واقل حق ليكى يا حبيبتى انك تشوفى ابنك .. متتردديش فى رفع القضية ابدا وان شاء الله تشوفيه وتقرى عينك به

والله ما انا عايزة اسيبك
يلا بقى تصبحى على خير
وكل سنة وكل لحظة وانتى طيبة وبالف خير

اول مره اعجز عن التعبير عن احساسى يا فاطمه
قريت البوست وحسيت بمرار شديد
وكنت باكلم كيارا
على الشات
بكيت بحرقه
حطيت نفسى مكانك
مش بقولك انك جدعه
ده لو جبل كان اتهد
للدرجه دى مفيش امان؟
للدرجه دى ممكن انسان يغش ويخدع بأسم الحب؟
ملعون الحب اللى بالشكل ده
ولسه بتقولى ان اسمه مخلص؟
ده خساره فيه الاسم

ربنا يكون فى عونك
انتى مظلومه
ودعوه المظلوم لا ترد
وليس بينها وبين الله حجاب
قولى حسبى الله ونعم الوكيل
فى اى حد ظلمك
والله والله ربنا هيجيبلك حقك
وعزة جلال الله هيجبلك حقك
نظرتى فيكى عمرها ما تتغير
احساسى وحبى ليكى زاد اضعاف اضعاف
ياريتك كنتى جنبى دلوقتى
كنت هاخدك فى حضنى قوووى
وابوسك فى جبينك
انتى انسانه طيبه
اشتقت انى اشوفك اكتر من الاول بكتيييير
اسكندريه كمان اشتاقت لك
رغم انك شفتى فيها اصعب ايام

ابنك هيرجع لك مهما طال الوقت
ربنا قادر يعرفه الحقيقه ويعوضك خير عن كل اللى شفتيه فى حياتك
انتى هربتى من سجن بقضبان حديد وعشتى فى سجن من غير اسوار
سجن جوا نفسك
منه لله
انا طول ما انا بقرا البوست باقول حسبى الله ونعم الوكيل
قوليها يافاطمه

اقسم بعزة جلال الله
انى بحبك

اقولك ايه بس؟
انا بعد البوست دا عرفت اني مكنتش مخمومة فيكي ولا حاجة ، وكل اللي حصل لحبيبة دا مش ذنبهادا ذنب ناس معندهمش ضمير ربنا اكيد هينتقم منهم
وانا بصراحةحبيتك اكتر وتعاطفت معاكي اكتر وبدعيلك من كل قلبي ربنا يردلك روح قلبك وروح قلبنا كلنا.. مش ناوية تورينا صورته عشان نحبه اكتر؟

صحيح حبيبه كانت ضحيه لانها كانت شايفه الناس طيبه زيها مش العكس انا عارفه انه اوقات الكلام بيكون ملوش تاثير كبير قد ماغلاوة الابن ورجوعه اهم بكتييير..بس ربنا الحق والعدل وهيردلك الحق ولو حتى بعد حين وثقى فى ده وكلنا منتظرين اليوم الى هتبشرينا فيه بده وماربك بظلام للعبيد
يمكن الفجر دايما بيطلع بعد اكتر ساعات الليل سوادا
وربنا ينتقم من الظالم ويردلك حقك ويعوضك كل خيييير عن الاوقات الصعبه دى

قلتلك وهقولك تانى ومليون يا فاتيما دى ملاك بس اتعاملت مع بشر فلازم يجرحوها ويدبحوها

وابنها هيعيش بقيت عمره فخور بيها وبحبها وبكفاحها وهيحاول يعوضها عن الظلم اليى اتظلمته وهيعوضها كتير كتير قوى ولو بحضن بار وصادق منه
وبكره تقولى محاسن قالت زمان كده

يا حبيبتى يا غاليه والله كانك لزقتى فى قلبى يا فاتيما وربنا عالم بحبك من اول ما دخلت التدوين ازاى

قوليلها بس تبطل تحس بالذنب على شئ ماارتكبتوش ولاا طيئه اقترفتها غير انها امنت وحبت وسلمت لراجل كانت معتقده انه راجل بجد وحبيب يحافظ عليها من غدر الدنيا فهو اليى غدر بيها

قوليلها بلاش احساس بالذنب لانها مقترفتش اى ذنب

ربنا يعوضها خير اللهم امين
وقوليلها انى احسبها على خير مكانها محفوظ فى الجنه

يا حبيبتى ربنا يعوضك خير ويطمن قلبك وقلبها يا طمطم يا رب
يلا رب يا رب تقرى عينك وقلبك بيوسف قريب يا رب

السلام عليكم ورحمة الله وبركاته ...

الاخت الكريمة ...
ان مع العسر يسرا ان مع العسر يسر

اتحدث اليك من خضم المشاكل التي تواجهني ولكل انسان مشكلة وان كانت كبيرة ام صغيرة فهي تؤرقه وتكون العذاب الملازم له...
قد يصادف الانسان مشكلة في غاية التعقيد لدرجة تصيبه بالعجز فلا يملك الا ان يترك الحل لله بحكمته ... ولله حكمة ...
دعيني اقل لك شيئا ... اين انت الان واين كنت ؟ محطات كثيرة كان يتمني الانسان عندها ان يتوقف ويعيد التفكير والاختيار ولحظات فارقة كانت ستغير اتجاه الحياة من حال الي حال و من حزن الي سعادة ... او هكذا نعتقد نحن ...
لو كانت حبيبة مخلصة وصادقة فان هذا مهم من اجل ذاتها فلا يهم كيف يراها الاخرين المهم كيق تري هي نفسها وكيف تشعر بذاتها ...
لاكن صريحا معك او قاسيا بعض الشيء ... يفقد الانسان بعض ذاته او يفقد شيئا لا يمكن تعويضه احيانا ...

اتمني من الله ان تتمكن حبيبة من التعلق باستار الكعبة والدعاء الي الله ان يعيد اليها ثمرة فؤادها و ان يعوضها الله خيرا ... والله سميع قريب مجيب الدعوات ...

وكما بدات تعليقي باية سانهيه باية اخري

"تلك الدار الآخرة نجعلها للذين لا يريدون علوا في الأرض و لا فسادا و العاقبة للمتقين"

تحياتي لك اختي الكريمة ...

انا حبيتك اكتر من الاول اتا عمرى ماشوفتك ولا كلمتك ويا دوب علقت عندك مرتين ولا حاجة وحقيقى كنت مستغربة جداان حضانة ابنك مش معاك بس قولت فى ظروف قهرية اجبرتها على كده -----------دلوقت انا حاسة انى بدعيلك من غير ما لسانى يتكلم ربنا يصبرك ويوفيك جزاء الصبر بلا حساب ويرجع الغايب ويفرحك بقربه وبره فى الدنيا قبل الاخرة اللهم اجبر كسرها عبادك كثير اما نحن فليس لنا رب سواك

السلام عليكم ورحمةالله وبركاته
ازيك يافاطمة او يافاتيما او ياحبيبة او ياامل
اقولك هناديكى مؤمنة
وانتى باذن الله مؤمنة
ادعوا الله ان يفك كربك ويفرج همك ويزيح عنك وعن اسرتك يارب
طبعا انتى متعرفنيش
لان دى اول مرة اكتب عندك
مع ان من يوم ما عرفت مدونتك عن طريق سكر وانا بتابعها باستمرار
عشان ادعيلك انتى ويوسف ومش هقولك زى اصحابك انا حبيتك اكتر واكتر
لكن هقولك انى بحس احيانا ان ربنا جعلك تعملى مدونة عشان الرايح والجاى يدعيلك وهما ميعرفوكيش
ودعوة الاخ لاخيه بظهر الغيب مستجابة باذن الله
احمدى ربنا واشكرى فضله انه سخرلك ناس احسبهم على خير يدعولك وباذن الله ربنا هيزيح عنك واكيد هو مأخر استجابة الدعوة لحكمة لايعلمها الا هو

انا قبل مااقرا البوست كنت بدور فى فيديوهات احمد الصباغ الخاصه بكتاب انا انثى على فاتيما
نفسى تكون اتكلمت او ظهرت
ولما بتعملوا تجمع ببقى نفسى احضر قوى عشان اشوفك
مع ان انتى لاتعرفينى ولاتعرفى انى متبعاكى ولا انا ليا مدونة تعرفينى من خلالهاكل اللى اعرفه انى بحس اننا اخوات فى الله.وبعد ماقريت البوست نفسى اشوفك اكتر واكتر
اتمنى من ربنا اشوفك قريب ومعاكى ابنك
اللى ربنا بيحفظه ليكى

معلش كلامى مش منظم بس كنت عايزة اوصل كذا حاجة
اختك فى الله
ايمان مصرى

للاسف بعد ما قريت البوست ده مش عارف افكر هوا في ايه بالظبط
يعني هوا ده عادي واحد كان سبب كل الحاجات لحد كان مستأمنه علي حياته في يوم ويعرف ينام عادي يعني كده في بشر الموضوع عندهم طبيعي كده يعني مش قادر اتخيل بجد
اما احساسك بالغلطه انتي بتهرجي انتي عاملتي الناس باخلاقك وضحيتي بكل مستقبلك علشان فكره مقتنعه بيها وتحملتي غربه وبهدله بطريقه غريبه ايه ده مش معقول بجد ازاي تحسي بكده اعتقد ابنك لما يعرف الحقيقه في يوم من الايام ويعرف قد ايه ضحيتي هيكون فخور جدا بيكي مش مشكلتنا ابدا اننا بنعامل الناس باخلاقنا وبستامنهم علي حياتنا الغلطه لما تيجي من الي قدامك يبقي المشكله عندهم انتي مش مشكلتك نهائي
بس بجد مش عارف اقول ايه انك قدرتي ترجعلي لحياتك وتحسي بالفرح رغم كل ده يبقي اكيد انتي حاجه قويه اقوي بكتير انك تقدري تمري بكل ده وتقدري تكملي الحياة ده في حد ذاته انجاز صعب جدا
بس قوليلي بقي البوست ده متاكده انه اعتراف بالجانب الوحش فيكي ولا بتتفاخري ببطولاتك مع الحياة :)))))))

ربنا يباركلك في حياتك وادعي كتير دعوه المظلوم مش بتترد وهتشوفي بنفسك حقك في يوم من الايام راجع لحد عندك


تحياتي

والله يا أم يوسف افضل شىء فى الأمر أنك خرجتى ما بداخلك

=========
الموضوع متشابك لدرجة رهيبة ربنا يهون عليك العسير ويقدر لك الخير حيث كان

حقولك حاجة فى الاول
ومتقوليليش متخلفة

النهاردة حلمت بيكى
وقايمة مبسوطة جدا
كنتى عندنا فى البيت
وقعدة اديكى حلاوة المولد
وتقوليلى انا بحب الديدة وااقولك وانا كمان
وشوية جبتلك بسبوسة
كانت محروقة شوية قلتيلى هى كدة مش محتاجة بقا مكسرات
فاتيما
انا صحيت مبسوطا انى شوفتك
وقاعدة ااقولك معلشى عشانحفلة التوقيع
معادها مكنتش عرفاه
وانتى بقا فى الحلم تقوليلى انا قلته
ااقولك والله ما شفت
:(

انا شفتك فى الحلم
ومبسوطة من ده
اول ما صحيت
وبدون غسل وشى
دخلت عندك
لقيت حبيبة
اللى هى حبيبتنا كلنا
وافتكرت النادى
وحفلةتوقيعى
وافتكرت البوست اللى كتبته بقلبك ليا
افتكرت يااااااااااااه
اكنى عرفاكى منسنين
اول مرةانبسطت انى حلمت
بجد
اما عن حبيبة
بدعيلها منقلبى
ومش هى دى العيوب يا فتومتى
والله ابدا
دى اخطاء بشرية
اما العيوب
فكلنا ملئا

وحشانى
وهستناكى فى الحلم تانى
مبسوطة انه دخل
تقريبا بيدخل لما بكون صادقة اوى
ابقى شوفى الترافك هتلاقينى بركن عندك دايما
حطى شات بوكس هملهوكلك تواجد
بحبك

شيماء سمير

مش هقلك بكيت ولا دموعي نزلت عشان متضيقيش!
هقولك انتي جبل هقولك انتي انسانه هقولك الحمد الله علي كل حال هقولك
انتي بني ادم طاهر ونضيف من جوه
هقولك ربنا يعوضك خير ان شاء الله
هقولك نتعلم حاجه واحده من ده!
هقولك ربنا كبير وكل حاجه بوقتها
هقولك انا عاجزه عن اي كلام يوصفك
هقولك
انا بمووووووووووووت فيكي

انا فخوه بيكي
شرف ليا اني اعرفك عن قرب
هي دي دنيتنا يا فاتيما
بس لازم ونغيرها ونتحدها
طول ما في ثقه في ربنا وامل في بكره
اقولك؟
حمدالله علي سلمتك من جديد

حبيبتي حبيبة و فاتيما و فاطمة و مامت يوسف..أنا فضلت بقرا البوست و أنا مستنية الحاجة الوحشة قوي اللي انت عملتيها و مخلياكي تقولي انك مش ملاكأو زي ما الناس فاكرة..و خلص البوست و لقيت حاجة تانية خالص..لقيت واحدة لما بتحب بتحب بجد و بتآمن باللي بتحبه لأقصى درجة و بتقف جنبه بكل قوتها لقيت واحدة عملت زيي بالضبط من 9 سنين و بالرغم من اعتراض أهلها وقفت قصاد الدنيا كلها عشان اللي عايزة تتجوزه و يمكن هيدي الحاجة الوحيدة اللي ممكن تكوني وأكون غلطانين فيها ان الحب مش قلبين اتنين مع بعض للأبد و خلاص الحب ده عيلة بتتبني و رباط بين ناس ميعرفوش بعض وولاد بتيجي لدنيا ملهمش ذنب انها تبقى وحشة.بجد يا فاطمة كل اللي عملتيه ملهوش غير معنى واحد اني زي مقلتك انت قلبك كبير قوي قوي و شفتي كتير قوي قوي قوي و انشاء الله ربنا حيعوضك قوي قوي قوي قوي..أن بحبك انت و يوسف قوي قوي قوي قوي قوي

فاتيما يمكن انا مش اعرفك شخصيا بس من مدونتك الجميلة كونت عنك رأى والرأى دا انك انسانة حنونة وهايلة ومخلصة جدا وام رائعة وبعد البوست دا تأكدت ان رأيي فيكى كان صح مية في المية
اوعى تحملى نفسك اى مسئولية او ذنب لانك تعاملتى بقلب صافي وببراءة وحب لكن للاسف دا كله اتقابل بالكذب والخداع
الاجمل من كل دا انك كمان طلعتى انسانة واضحة وصريحة كان ممكن مش تحكى الحكاية خالص لكن انتى فضلتى ان كل اللى عرفكو وحبوكى يعرفوها ظنا منك انك مخبية شئ او جانب مظلم في حياتك ولكن هذا الجانب يا قاتيما ليس مظلما ابدا بالعكس دا كله نور وزادك طهرا وبرأءة في عيون الكل
انا اسفة رغيت كتير بس كان لازم اقولك اللى عندى
ربنا يكرمك ويعوضك خير عن كل اللى شوفتيه ويرجع يوسف الغالى لحضنك

انتى جميلة اوى يا فاتيما
بجد وقلبك طيب اوى

والله العظيم من اول حرف انك بتتكلمى عن نفسك

ورغم انك قولتى كل شىء بكل صراحه
بس انا شايفه انك قاسيه على نفسك شويتين

انتى مش غلطى لما حبيتى ممكن تكون اسأتى الاختيار انما مش فيه حد بيعرف الغيب

وغلطى لما مضيتى على وصل امانه بس مين ممكن تخون زوجها وابو ابنها

حبيبتى
الحياه كانت قاسيه وصعبه عليكى
بس طلعتى منها بحاجه ربنا يحفظها ليكى اسمها يوسف وحاجه تانيه اسمها حب الناس وحاجه تالته قلبك الابيض الشفاف واهم حاجه ايمانك بالله وصبرك
يبقى على قد ظلمها ليكى اخدتى منها

وقسما بالذى رفع السماوات والارض وانا بقسم لانى واثقه ان الله حق وقادر يعوضك عن كل ده بخير فوق ما تتخيلى

والله عوضه قريب باذن الله
واحتسبى كل ده لوجه الله
هتلاقيه جانبك وبيسندك وبيحفظك

ربنا يقوى ايمانك
ويخليكى لينا يا اطيب واطهروانضف قلب
فاتيما
كل يوم
كل اذان
بدعيلك
اللهم تقبل منى

سلام عليكم

حبيبه اثبتت انها نقيه من جواها ورقيقه جدا وحبيبه يا طمطم مش سبب ولا حاجه فى الى شافته فى حياتها دى اقدار مقدره ومحدش يقدر يهرب من قدره
صدقينى يا طمطم هيفضل نفس شعورى بحبيبه واحد ارق واحن بنى ادمه قالبلتها بحياتى وام بجد ربنا يخليها لابنها ويا ريت كفايه هجوم حبيبه على نفسها وجلدها لذاتها كلنا بنغلط بس للاسف غلطتنا اننا بنتعامل مع بشر مش ملايكه ودى غلطة حبيبه الوحيد مش بدافع عن حبيبه بس مش بلومها
خلى بالك على حبيبه الاصيله الى جواها حنان يغمر العالم كله

صدقينى انتى ام جميله اوى وحنينه اوى وههمس فى ودنك بكلمه ياما فيه اهالى عايشين مع ولادهم ولا عمرهم حسو بيهم ولا حتى حبوهم وياما ولاد اتربو بعاد عن اهلهم لظروف ما بس جواهم ولاء وحب لاهلهم صدقينى متفجأتش كتير بحبيبه لان فيه اكتر من كده كتتتتييييير اوى يا طمطم الحمد لله انها جت على قد كده وربنا اكيد شايل لحبيبه اجر كبييييير اوى انما يوفى الصابرون اجرهم فخليها تبتسم ابتسامة المنتصر الواثق ان الغدر نار هتكوى صاحبه فى يوم من الايام طالت او قصرت فمفيش مفر من تسديد الفاتوره
مش لاقيه كلام غير انى بحبك فى الله وانتى السبب فى ده بطيبتك وحنيتك الى ملهاش حد وصحيح الدنيا وحشه اوى بس طول ما الشمس ما بتطلع يبقى اكيد الخير غالب فى النهايه
سمحينى على الاطاله وعدم ترتيب الافكار لانى فعلا بكتب التعليق ده وانا بتقطع من جوايا بس متأكده ان ربنا كبيييييير اوى وهيدى كل واحد حقه وهو عدل ومش بيظلم حد ربنا يشد من ازرك ويكون عونك وينصرك على من يعاديكى
خالص مودتى واحترامى ليكى
بحبك وتحياتى

أنا فخورة بيكى جدا
لابعد حد ممكن تتخيليه

حضن كبير لكل الالم اللى مريتى بيه والذكريات اللى اتجددت وانتى بتكتبى البوست ده وحضن اكبر لدموعك اللى بتنزل كل لما بتقريه من جديد

انا بحبك جدا
ربنا يقرب البعيد
فرجه قريب قوى

هبة

على فكرة
الرقم اللى خيخة ادتهولك ده رقم اخويا ولما حكيتله اهتم بالموضوع وقالى ياريت تتصلى بيه وانا كنت حكيتله مضمون اللى حكيتيه فى البوست ده

ارجوكى

اوعى تتردى ف استخدامه
ومعاكى رقمى كمان
اوعى تتردى ف انك تكلمينى

فى انتظارك دائما وابدا
سلام يا غالية
هبة

مين حسيبه دي ها اه حبيبه العتب على النظر يا طمطم
بصى يا طمطم مفيش حد على وجه الارض حاليا قديس كلنا بنغلط
وانتى غلطك مش انك شريره انتى غلطك او اللى الناس بتعتبره غلط انك طيبه وحنينه اوي
علشان كده طمنتى الاستاذ وده اللى اغلبيه الستات بتعمله يعنى مش عيب فيكي انتى شخصيايا حبيبتى
انتى حاولتى تصلحى الخطا بس لسه مجاش الاوان ومش مهم هيجي لوحده
فاتيما كل الناس بتحبك ومش عيب انك كنتى مخبيه حاجات
العيب ان لما الانسان يقول حاجات عكس اللى فيه ومحصلتش هو ده اللى مش كويس انما انتى اتحفظتى فى بعض المعلومات مش على الكل يعنى بس ما علينا ههههههههه
والمهم ان ده حقك يا حبيبتى
كل سنه وانتى طيبه ويوسف معاكي قريب ان شاء الله وبعدين انتى وراكي ناس تاكل الزلط اللى هو احنا بس عن شخصى انا مستعده اكل الزلط بس لو من مونجينى هههههههه

كل سنه وانتي طيبه
اللهم ارزقنا حبه رسول الله
اللهم صلي وسلم علي نينا محمد عليه افضل الصلاهوالسلام عليه
صلي علي النبي طول اليوم
تحياتي يا جميله

ايه ده بقااااااااااا
اشمعنى حبيبة؟
انا لو كنت خلفت بنت كنت حسميها حبيبة
ووحياتك لو ولد برضه كنت حسميه حبيبة
هههههههههه
حنتخانق على الاسم

بصي يا بطوطة نخرج من القصة اللى فوق ان اي خطوة غلط بيترتب عليها خطوات كتيييييييييييييرة غلط
غير ان الانسان اللى ربنا بيحبه بيختبره فى حاجات كتيره اوي
و انتى ربنا بيحبك
و جميل ان الانسان يحاول يخفف من همومة
و حبيبة شايله جبل فمالوش لازمة انها تحس ان معرفتها بالاصحاب و الناس الحلوين اللى زيي :)))))
مشيلاها هم تاني..ياتري لو عرفوا حيحبوني ولا يكرهوني ولا حيقولوا ايه؟
انتى كده قطعتى عرق وسيحتى دم
و انا بحب كده اللى يحب حبيبة زي ماهيه بمشاكلها و همومها اهلا وسهلا
و اللى يراجع نفسه هوه حر
هوه الخسران الصراحة

سيبك بقا من العك ده بقا و قوليلنا الفندام اللى فوق ده للأكل و لا ديكور
و اوعي يكون صابون
ههههههههههههههههههه
تغسلى بيه الكلام اللى مش يعجبك

كده انتى شغلك حيكون على مية بيضا ياعم
المهم انتى بقا ادخلى فى اي مكان بقلب جامد
ولا تقولى كاني و ماني
هههههههههه السابقة الاولى بيشيلوها
يعنى صحيفة سوابقك نضيفة ان شاء الله
هههههههههه و الله انتى طيبة فى عالم مافيهوش ريحة الطيبة يا بطة
ربنا يحميكي من نفوس البشر يا بنتى
و تشوفى ابنك محامي ولا قاضي
تحياتي
اه نسيت اقولك
صيدلانية طالعة نازلة
نازلة زن على وداني عاوزة نمرة تليفونك
و انا مش عندي
قلتلها تكلمك عند البقال
قالتلى لأ هههههههههه شوفيلك صرفة معاها
سلام

اكيد لاوم يكون اسمها حبيبه
حبيبة قلبى وقلب كب اللى يعرفها واللى ميعرفهاش

محدش خالص كان مخموم فيها
دى هى بجد طيبتها اللى صورتلها ده
لو كان مطلوب مننا نبقى ملايكه وقديسين كان ربنا خلقنا كده

غلطة التوقيع على ورقه لزوج تثقى فيه مش اول ولا اخر واحده تقعى فيها

اثارها مش كويسه اه بس مش جريمه اخلاقيه

مفيش حد فى الدنيا له الحق انه يحاسبك

كل الناس ليها بس حق انها تحبك
وبوست النهارده تأثيره هو زيادة الحب

ربنا يصلح حالك ويكتبلك الخير كله
ويرجع يوسف يالفى الشعب المصرى كله مغرم يماما وروح قلب ماما
حضونات وبسابيس

يااااااه يا فاتيما
عارفة انا متبعاكى من زمان انتى وخيخه ومش عارفة لية مش كنت بعلق عندكم
البوست دى وجع قلبى وخلانى اعيط بجد
اية دة فى حد فى الدنيا يقابل قلب زى قلب حبيبة ويقسا علية كدة ؟
اية الأفترا دة
حق حبيبة ختاخدة يوم القيامة ان شاء الرحمن من ميزان حسنات كل اللى ظلموها

ربنا يطمن قلب أحلى فاتيما فى الدنيا
والله انا بحبك اوى اوى

بقى هي دي الغلطة الفظيعة اللي في حياتك

رأيي ما إتغيرش
إنتي إنسانة طيبة و رقيقة و محترمة

و إن كنتي غلطتي مرتين
مرة في إختيار الزوج غير المناسب
و مرة في التوقيع له على ورقة بيضاء

فإنتي دفعتي ثمن الغلطتين دول غالي قوي
و كفرتي عنهم و زيادة

إنسي بقى يا فاطمة
و ربنا حيعوضك خير إن شاء الله
ربنا أكيد حينصفك

و أنا رايح أعمل عمرة الإسبوع الجاي إن شاء الله و حأدعي لك فيها كتير قوي

مش ممكن تعرفي البوست ده أثر فيا قد إيه

ربنا يكتب لك الخير دايماً و يعوضك عن كل الأحزان دي

إنتي إنسانة نقية قوي يا فاطمة

انا معاكى اهو لحظة بلحظة وانتى بتعلقى عالناس وبعمل ريفرش علشان اقراهم اول باول

متضيفينى ماسينجر ونرغى سوا
hebacanon@hotmail.com

مستنياك يا قمر
سلام

انتى عارفه انك جميله بجد
وعلى فكره مش بقول كده مجامله ولا انا كمان مخمومه فيكى ولا بقول كده علشان تقولى عليا بنت ذوق
لانى اصلا مكنتش بتابعك قبل النهارده وعمرى ماقريت ليكى غير بوست واحد اسمه بوسلى عنيه

بس تعرفى انى فرحت اوى لما عرفت ان نازلك حاجه فى انا انثى
وابسطت اوى لما شفتك مع انك مش شفتينى ولا تعرفينى بس انتى كنتى قاعده قدامى وبتورى صور يوسف لحد جمبك ساعتها بس استنتجت ان ده انتى

تعمدت اشوف شكلك وارتحتلك اوى اوى اوى
عارفه؟
كان نفسى اقولك ساعتها انا حبيتك فى الله بس خفت تقولى عليا مجنونه لانك مش تعرفينى ولا بتيجى بلوجى

بس حقيقى حبيبه اتظلمت وهدعيلها ربنا يعوضها خير فى ابنها ويقر بيه عينها
لانى بجد حبيتها
زى مابيقولوا من اول نظره :)
مبروك الكتاب
ومعلش يعنى معلش
ماتسرقيش اسمى تانى ماشى؟؟؟
:)

اتمنى يكون كلامى خفيف على قلبك
واسمحيلى اجى عندك دايما

أنا كمان اتمسكت و عاندت و حاربت الناس كلهم عشان واحد أنا ماكنتش متأكدة اني بحبه و لا لأ بس زيك برضه كنت بدور على أي حتة بعيد عن بيتنا اللي كنت شايفاه أصعب مكان أعيش فيه..و أنا برضه كمان مضيت و بصمت كمان لحسن الإمضة متكنش كفاية!!!عشان كدة أنا حاسة بيكي قوي و عشان كدة برضه خايفة عليكي من الأيام اللي جاية و بدعيلك.ربنا معاكي و يوفقك

بما ان التعليقات راضية عنى تماماااااا
اعلق تانى وتالت

بحبك يا فطومىىىىىىىىىىىى

وعايزة اشوفك جداااااااااااا
انتى وهدى بجد

ربنا يريح قلبك

بحبكككككككككككك


شيماء سمير

مقولتليش
بتحبى البسبوسة والديدة ولا الحلم فشنك
:)

يا الله
دى حبيبة دى جبل
و استحملت كتير اوى
ومكنتش محتاجة تجمل نفسها او تدارى
لانها جميلة بكل مشاكل
و مين قال انها مش ام هايلة ؟؟
كفاية انها ااستحملت غربة سنين علشان تفضل مع ابنها
مين قال ان اللى يحب لدرجة الثقة العمياء غلطان ؟؟
مين قال ان كل اللى بيتحكم عليهم مذنبين ؟؟
مين قال ان الظلم حاجة نتكسف منها و نبقى مظلومين و كمان خجلنين من نفسنا ؟؟

انا حبيت حبيبة من اول ما شوفتها من غير ما اكون عايزة اعرف حاجة عنها و من غير ما يهمنى هى كانت ايه
كنت بس بتمنى انها تكون سعيدة لان حزن عينيها كان بيوجعنى فى قلبى لانى ام زيها

بس الحمدلله هى قدرت على خوفها
و بحبها اكتر و هى قوية و معتزة بنفسها
انا بحبك يا فاتيما اوى و ربنا الاعلم

مش عارفه ليه كنت متوقعه القصه ديه ...ماستغربتش كتير يعنى..احنا هنفضل جنبك مهما كان...عادى يعنى

ست الحبايب يا حبيبة ... يا أغلى من روحي ودمي
يا حنينه وكلك طيبة يا رب يخليكي يا أمي
يا ست الحبايب يا حبيبة
يا حبيبة يا حبيبة و حبيبة

زمان .. زمان سهرتي وتعبتي وشيلتي من عمري ليالي
ولسه برضه دلوقتي بتحملي الهم بدالي
أنام وتسهري وتباتي تفكري
وتصحي من الادان وتيجي تشأري
يارب يخليكي يا امي يا ست الحبايب يا حبيبة
يا حبيبة يا حبيبة و حبيبة

تعيشي ليا يا حبيبتي يا أمي ويدوم لي رضاكي
ده أنا روحي من روحك أنتي وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ما احس انا
يا رب يخليكي يا أمي يا ست الحبايب يا حبيبة
يا حبيبة يا حبيبة و حبيبة

لو عشت طول عمري أوفي جمايلك الغالية عليا
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يا رب يخليكي يا أمي يا ست الحبايب يا حبيبة
يا حبيبة يا حبيبة و حبيبة

ست الحبايب يا حبيبة ... يا أغلى من روحي ودمي
يا حنينة وكلك طيبة يا رب يخليكي يا أمي
يا رب يخليكي يا أمي يا ست الحبايب يا حبيبة


--------------

كل سنة وأنت طيبة

يا أعظم أم

تشرف أي أبن

والله يا فاطمة ياريت كلنا عندنا القوة اللي تخلينا نحكي كل حاجه فى حياتنا بالصدق ده
و انتى حتى لو كنتي اذيتي فا انتى مأذيتيش غير نفسك بس لكن مأذيتيش حد و قسوة الدنيا مخلتكيش قاسيه على حد بالعكس انتى رغم كل الاشكال الوسخه اللي شوفتيها فى حياتك لسه محافظة على قلبك طيب و على حنيتك و حبك للدنيا و أملك فى ربنا
انتى مش جميلة بس انتى قوية جدا ماشاءالله عليكي
و انا بحبك و باحترمك

فاطيما
يااااه انتي ازاي كنتي شايلة بجد جواكي وعلى ضهرك جبل من الهموم والحمول
بكل الحجم ده
فاطيما الحقيقة فعلاً أنا كالأخرين عاجز عن الكلام ولكن ما أود قوله ليس بدافع المواساة بل بدافع قول ما لنا وماعلينا دون تضخيم أو تقليل لهذا الشأن
ولكن ياصديقتي العزيزة بادئ ذي بدء من منا في هذا العالم لم يقترف خطأ ما عن قصد أو غير قصد
عيسى عليه السلام عندما ذهل اليه جمع من الناس مطالبين بالقصاص منهاورجمها وقتلها قال لهم عيسى فليرجمها منكم من ليس به خطيئة
والحقيقة أنتي تقسين جداً على نفسك عندما تقررين انكي لست بملاك أو قديسة وأنك تكشفين الستار عن شخصيتك ولكن لايوجد يا أم يوسف شئ في روايتك شئ ينبأ بانك شيطان أعوذ بالله بالعكس تماماً من منا عندما يحب بصدق وإخلاص يفقد المصداقية تجاه من يحب وعندما يخيب ظننا بمن نحب ليس على الإطلاق ذنبنا وليست هناك جريمة اقترفناها في ذلك
الحقيقة يافاطمه انتي كنتي صدقيني بدون مبالغة كنتي في حالة جهاد بمعنى الكلمة في هذا الإبتلاء ومن هي من بنات حواء لو قدر لها أن تكون في مقامك وتفعل غير ما فعلتي بل هناك من تفعل ما هو اكثر من ذلك وتتحول الي نمرة شرسة لاتتوانى عن الفتك بكل مايهدد بخطر شبلها الصغير الرضيع القطط تفعل ذلك بشراسة فظيعة فهل نحن أقل حباً لأكبادنا من القطط التي لم تمتلك صفة الأدمية
فأنا اعتبر ان الله كان معك في جانب أخر ربما لم تستشعريه كان من الممكن أن تتهوري وتخسري أضعاف ما خسرتي ولكن أعتقد ان الحكمة لم تتخلى عنكي في هذا المأزق وايضا الصبر لم يتخلى عنكي في تلك المحنة
الحمد لله انكي مازالتي بخير واقفة على رجليكي وليس بمساعدة أحد والحمد لله ان تلك الازمة لم تهاجمك صحيا أعتقد ذلك والحمدلله لقد رأينا كثيرون في حياتنا بركوا مثل الجمال على بطونهم وعلى ظهورهم او مقعدين لم يتحملوا صدمات ولم يتحملوا طريق الجهاد
فالحمد لله انك مازالت بيننا ربنا يعطيكي الصحة وأن يوسف موجود وبخير صدقيني تلك المسافات ليست الا مسالة وقت فقط لاغير وهي مرحلة أخرى وانتي اجتزتي ما هو أصعب من منا يعرف الغيب ومن يضمن الغد هل من المستحيل على ربنا وحاشا لله أن تستيقظي غداً على دقات الباب لتجدي يوسف أمامك يرافقه احد من اهل ابوه ويخاطبونك هكذا يوسف اهه اتفضلي صدقيني هذا ليس بوهم ساذج بعيد القضية والحدوته وويلاتها أنا رأيت أعجب من هذا بكثير المهم يافاطيما اكملي خطواتك التي مشيتيها بنجاح واكمليها وصدقيني لاتلتفتي للوراءفعندما تتقدمين للأمام وتنظرين خلفك تتأخري خطوات للوراء أكثر فيضيع كل ما تسعين من أجله خطوة
ابقي دائما ترددين بينك وبين نفسك او ليوسف كما تتخيلينه دائما أمامك أو حتى بعيد قادر على سماعك ابقي دائماً ترددين وانتي تخاطبية ان امك بخير ومازالت قوية وستظل قوية بأذن الله وستظل قوية طالما تمتلك طفل جميل مثلك فهل هناك ام تمتلك طفل جميل مثلك ولا تفعل الاعاجيب خاطبيه صدقني يايوسف لان يهزني ما فات ولن يحول بيني وبين أي شئ إنس أو جن صدقنى صدقني سنلتقي سنلتقي شاء العالم من حولنا أو لم يشاء قوليله يايوسف اطمئن ماتخافش ماتفتكرش ان أنا وانت ضعاف واننا لوحدنا أبداً احنا أقوياء جداً هاتقولي يايوسف ازاي ياماما هاارد عليك وأقولك مابالك ما بالك يايوسف بإثنان الله ثالثهما

تحياتي والغد أحلى من النهارده إن شاء الله
حسن أرابيسك

يا فاتيما ده كله؟؟

ايه كم الذنب اللي مشيلاه لنفسك ده
و ليه بتهونيها في نظر نفسك يا بنتي كده.. وليه بتقللي من شأنها في عنيكي؟؟
ليه؟
عشان غلطة زي ماقلتي
أنا آسفة اني بتطرق لتفاصيل فحياتك
بس معلش غلطتك كان مصدرها الحب و الثقة.. وفي الاصل ده مش غلط
الحب و الثقة مش غلط
انقلاب المعايير و البديهيات هو الغلط

بس أقولك على حاجة
انا البوست ده فرحني بحاجة
أولا اني فهمت بوضوح استفهامات ماكنتش شغلاني قوي
استفهامات كانت حاطالي سطور كتر فاضية في قصة حد قريب قوي لقلبي
بس السطور الفاضية كلها كانت قدام عيني بيضاء.. كنت كل فترة أملاها بتفسيرات بريئة جدا وشبيهة جدا للي حكتيه يا فاتيما

ومافرقش اللي حكتيه معاي باي شيء.. ولا غيّر الصورة اللي راسمهالك و رسماها للامومة اللي حسيت بتفاصيلها معاكي

عادي يا فاتيما.. اللي قلتيه ده كله كان مفترض في خيالي كانك حكيتهولنا قبل كده.. وتقديري ليكي اللي بيكبر كل شوية كبر حتة كمان وده مش أنا مش ساذجة ولا قلبي طيب زيادة عن اللزوم.

ولا إنت بتقولي الكلام اللي يخدع حد فيكي

انت واضحة لينا جدا يا فاتيما حتى لو فيه سطور كتير فاضية
حتى لو كل الحكايات ناقصة

ياااه يا فاتيما الحمد لله انك ريحتي قلبك بالبوست ده عشان الحمل اللي كنتي مشيلاه لنفسك ده صعب قوي ومؤلم قوي و ع الفاضي

انت اللي ماكنتيش فاهمة يا فاتيما مش احنا
انت اللي ماكنتيش فاهمة مقدار وضوحك و انسانيتك اللي بتنطق فكل كتاباتك

يااارب يريح قلبك يا حبيبتي
اوعي تزعلي من نبرة الاندفاع اللي فأول تعليقي ده..

أنا كنت جاية أقولك عاوزاكي تبعتيلي رقمك على اميلي عشان نتفق على يوم أجيلك فيه القاهرة و أشوفك الاسبوع الجاي

ده اميلي
hendobobos@yahoo.com

آسفة اني غبت كل ده عليكي
و أنا رايحة البوست اللي قبل ده أشوف ايه حكايتك اليومين دول و مزعلة فاتيما حبيبتي ليه؟

تعرفي اني بجد فرحت بالبوست ده عشان أخيرا حسيت ان ممكن ترتاحي بقى من القسوة اللي بتشوفي نفسك بيها ده

اوعي يا فاتيما بعد ما تقري كل التعليقات الجميلة قوي ده و الحقيقية قوي ده تقومي تقولي مخدوعين برضه بجد حاتغاظ منك قوي

فاتيما أنا قريت البوست اللي قبله و البوست خلاني قريت البوست بتاع خبر اللقاء اللي قلتلي فيه انك نفسك آجي
وفعلا كان نفسي آجي بجد زعلت قوي قوي اني ماعرفتش ان حايكون فيه لقاء لإني كنت حانزلكم أكيد
الاول اللي كان حايشني عنكم سفري دلوقتي أنا هنا وبرضة ماكانش فيه نصيب
انا آسفة قوي اني ماشفتش كل البوستات ده و كنت تايهة لوحدي هنا مش عارفة فايه

يارب أشوفك يا فاتيما

سعيدة قوي باللي بيجمعنا هنا في التدوين
سعيدة بالروح اللي بين كل الناس و اللي بتملى على اللي زينا الدنيا كلها بمشاعر ايجابية جدا تخليهم يكملوا اللي مش قادرين يكملوه

بموووت فيكي يا أم يوسف

كل اللي قلتيه عادي وبيحصل لستات كتير واكتر من كده مكنش في داعي تحسي بالحرج وتداري اصل القصه كل ده وتخلي الناس تضرب اخماس في اسداس
مش مهم ابدا اللي راح المهم اللي جاي
اعتقد اول حاجه تعرفي اخطائك وتعترفي بيها وما تعانديش اهلك لان انتي عانبيتي بسبب غلطتك وهما عانوا كمان معاكي
انا قاعده بفكر في مامتك بصراحه مش فيكي وكمان باباكي اللي اتعذبت ست سنين وبنتها هربانه ومتبهدله بطفل صغير
كل يوم مر ازاي عليها
كل يوم متوقعه بوليس يقبض عليكي او تترمي في سجن
كل يوم ابوكي عاش فيه وبنته في الوضع ده ومش قادر يساعدها
ربنا يدي مامتك العمر والصحه
بس واغفري لي قسوتي انتي بهدلتيهم معاكي والاولي دلوقتي اللي يطلبوه تنفذيه وما تمشيش خطوة من غير مشورتهم وسماع رايهم
لانهفي كل الاحوال ربنا يديها العمر هي مش دايمالك وحقها انك تريحي قلبها بقي
وتطمنيها من ناحيتك زعلانه ولا مكتئبه اضحكي في وشهم
ما ترميش عليهم اكتر من كده
صدقيني عذابها عشانك اكبر من عذابك علي يوسف
لانك بنت عمرها 35 سنه
ويوسف ابنك 10 سنين بس
يوسف عايش مع ابوة في كل الاحوال انتي كنتي في الضياع ومهدده بسجن يبقي مين عاني اكتر ومين يستحق يرتاح بقي
اقترح عليكي تعملي لها حاجه جلوة وتجيبي لها بارفان ولا ايشارب وتبوسي ايديها وتستسمحيها في الليله المفترجه دي
كل سنه وانتي بخير

ابكيتينى حقا
ويظل نفس السؤال اللى نفسى الاقيله اجابة ليه بعد مانضحى ونخلص اوى يتغدر بينا بالشكل ده
لييييييييييييه؟؟ ليه بنى ادم يخون مراته بالطريقة دى ؟؟؟ ليه يتمنى ليها الشر؟ ليه ماتعرفش حتى سبب واحد يخليه يعمل معاها كده؟

ياااااه
ربنا يصبر قلوب كل المجروحين ويعوضنا جميعا خير يارب

ازيك يا فاتيما
معلش يا اوختى تعليقى متأخر اصلى كنت عند امى ولسة راجعة ,, كل سنة وانتى طيبة صحيح وان شاء الله السنة اللى جاية فى مولد النبى عليه الصلاة والسلام تكونى بتعتمرى ومعاكى يوسف
وانا مش هعلق على حكاية حبيبة
بس ليكى منى بوسة وحضن وطبطبة ودعوة قدام بيت الله يوم 25-4 اذا ربنا مد فى عمرى
روقى ياختى وتعالى اقعدى جنبى

كله عند رب حبيبة
ربنا يقويها
ومهما حصل
كفاية ان اي حد بيفهم هيفضل يحبها
ربنا يسامح اللى كان السبب

قولي

اللهم إني تصدقت بعِرضي على الناس وعفوت عمن ظلمني
فمن شتمني أو ظلمني فهو في حِل
اللهم إني سامحت كل من أغتابني أو ذكرني بسوء في غيبتي
وأسألك في ذلك الأجر والمغفرة وبلوغ مراتب المحسنين

اغفري عشان ربنا يغفرلك
ربنا يريح قلبك
ربنا يسعدك

ربنا بيختار ويصطفي ناس معينة عشان يبتليهم
وده لحكمه عنده

لانه بيحبهم
ومحضرلهم خير كبير اوي
اوي

انا كنت بشوف مدونة حضرتك في اكتر من مدونة,
ودخلت مدونتك قبل كده وقرات فيها,يمكن اكون ما علقتش,
بس كنت شايفة انك واحدة طيبة والناس كلها بتحبك,
انا حقيقي مكنتش من متابعينك,
بس جيت النهاردة على البوست ده,
وبما اني جديدة شوية في مدونتك مكنتش اعرف ان الكلام ده عنك,
اتاثرت ونزلت دموعي,وقولت خسارة الطيبة دي في زمنا وبلدنا,
خوفت من حبي للناس,اصل انا ياما انجرحت من اصحابي,
وعارفة طعم جرح الخيانة,وكنت بقول ياريت قلبي كان من حجر,بس انا متاكده ان خيانة الزوج وابو الابن اللي ضحيتي بحاجات كتير علشانه اكيد اصعب,ربنا يهون عليكي ويمسح دمعتك ويعوضك خير قريب جدا,
بجد خليكي مؤمنه بربنا مش هيضيعك.

وانا منتظره الحضن ده والله هيبقى كتير عليا كمان
بحبك
وفرحانه انى قدرت احسسك ان يوسف بيوجهلك كلامى
انا اختك مش هاكبرك واقول بنتك
ده انا شحطه عندى 26سنه
هههههههههههههه

فاتيما
روح قلب ماما
بحبك
بحبك
بحبك

يعنى مطلعتش مخموم ولا حاجة

انا هارجع تانى واعلق

كريم بهي

انا مش قادره اعلق يا فاتيما لاني بعيط اوي ومش عارفه اقول ايه بس انا هاجي واعلق تاني بس لم اهدي شويه

انتي انسانة طيبة قوي
و أم انا افتخر بيها
و اكيد يوسف فخور بيكي و لما يكبر و يفهم حيفخر بيكي و حيحبك اكثر
دا امتحان من ربنا
ممكن يكون طويل شوية بس تأكدي
انه كله مكتوب عند الله
ربنا يقويكي و يرجعلك يوسف ان شاء الله

اللى حصللك ده صحيح كان قلم قاسى قوى بس اكيد علمك كتير جدا انك تحرصى و تبقى حذره بس انتى الحمد لله بقيتى قويه و لولا اللى حصل مكنتيش بقيتى فاتيما اللى كلنا حواليها دلوقتى و قريب قوى حتلاقى بابك بيخبط و تفتحى تلاقى القمر بيرجع حضنك تانى
و زى ما قلت لك انى حتكتبى حاجه حتخلينا نحبك و نحترمك اكتر و اكتر انت خاليه من كل ما يشين و الله
كل غلطتك انك حبيتى ووثقتى بس دفعتى برضه التمن و خلاص الموضوع كده تعادل بس تعادل ظالم شويه

بعد اذنك انا كتبت عن هذا البوست في مدونتي

و اود ان اخبرك اني سعيده بهذا العالم الافتراضي الذي يجعلني أتعرف على بشر مثل أكن لهم كل احترام و مودة

و ان قلتي لي انتي مخمومه فيا كعادتك
سأقول لكي اني سعيده بتلك الخمه

انتي انسانه محترمه
فعلا

و انا أؤمن ان المؤمن يجب أن يبتلى
و كما قال الله في كتابه العزيز بما يعني

أفحسب الذين آمنوا أن يقولوا آمنا و هم لا يفتنون

قدركي الله على هذا الابتلاء
و كتب لكي الخير

و جزاكي خيرا على صدقك مع نفسك امام نفسك و امام الآخرين

انا عندما قرأت البوست السابق لم أتخيل أن أجدك اليوم تخبرين تلك الحكايه

لكن اسمحي لي ان اخبركي انك تقسين على نفسك

فخطؤك في حق نفسك مره لا يعني أنك لا تستحقي كل الحب و الاحترام الذي يكنه لكي قارئينك
و الخطأ عزيزتي أنتي من تدفعي ثمنه

و من منا لم يخطيء

لكن نادر منا من اعترف بخطؤه

احييكي و لكي مني سلام و قبله و دعوه محبه خالصه

أنا بتابع مدونتك من زمان بس ما كنت بعلّق

الصراحه البوست بيوجع جدا؛ بس أظن أنو حبيبه تستاهل كل احترام وتقدير
حبيبه اعترفت بغلطها وما عاندت
حبيبه حاولت تكون موضوعيه وعادله مع ابنها

حبيبه موكله ربنا في أمرها ونعم بالله

حبيبه انسانه قبل كل شيء؛ ظرفها اجى سيء والمسائل اتطورت غصب عنها

حبيبه انسانه أنا كنت أحترمها قبلا وهلأ بحترمها أكتر وأكتر

الله يجبر عنّك يا حبيبه يا أم يوسف ويرجعلك يوسف بالسلامه يا ربّ

أنا بقى يا طمطم حكايتي حكاية و عشان السياح هنا لو تحبي أحكيهالك أنا استأ>نك اني أبعتلك ايميلو فيه القصة العجيبة المريبة بتاعتي

كأنك بتجاوبي علي تساؤلات كتير كنت كل ما ادخل المدونة اسألها يمكن معلقتش بس كنت دائماً بسأل ليه وفين ومين وكنت طول ما متواجده في مدونتك بدعي لك انه يرد ابنك ليكي ، ومازلت بدعي بظهر الغيب عسي ان تكون ساعة إجابة فيتقبل منا جميعاً ، ان شاء الله هيرد اليكي وتقر عينك به
ان بعد العسر يسرا

رغم انى عارفة كل تفاصيل
قصة حبيبة وتغريبتها من قبل كدة

بس عندى كام سؤال أبيح شوية

هو انا ينفع أشتم حبيبة
واقولها يا عبيطة؟

هو انا ينفع اخدها قلمين
بالنيابة عن أبوها الله يرحمه؟

هو انا ينفع اعضها عضة المتغاظين؟

هو انا ينفع أبكتها على حالها ؟

هو انا ينفع اقولها ان دماغها جزمة قديمة؟


هو انا ينفع اسألها ليييييييييييييييييييه؟

هو انا ينفع انى اقولها اللى هى عارفاه
ومش محتاجة ان حد يقولهولها
ان اختيارها كان غلط
غلط غلط غلط غلط غلط
وان اختيارها كان منيل بستين نيلة
واختيارها كان زفت وقطران
وزبالة وخرا وهباب

هو انا ينفع اقولها
يلعن ابو الحب اللى يهين انسان
يلعن ابو الحب اللى يكسر انسان
يلعن ابو الحب اللى يخلى الانسان يخاف


هو انتى هتزعلى من كلامى ده يا فاتيما؟





سلام
اختك خيخة

حبيبتي فطومه
عارفه غني وحشه قوي علشان مش بسأل من زمان ..بس والله ظروفي ملخبطه على الىخر
لأول مره أعرف قصة حبيبه كاملة ..لكن في الحقيقه مش هي إللي وحشه دي الدنيا إللي بتخلينا نعرف ناس بالشكل ده ..ناس تخلينا نفقد الثقه في كل إللي حوالينا
لكن ربنا من صفاته العدل ..وهذا كافي جدا ..
ربنا معاك ..وعليك بالدعاء المستمر ..أنا رايحه المدينه إن شاء الله يوم الخميس وهدعيلك في الروضه بإذن الله
سلامي حبيبتي

عزيزتى فاتيما

الدموع سبقتنى وانا اتصفح مدونتك
فأنا أم .. لى طفلتين ولما تخيلت نفسى مكانك .. بكيت ولم استطع التوقف عن البكاء حتى كتابة تلك السطور

انا لا اعرف ولا أفهم الظروف التى أجبرتك على التخلى عن فلذة كبدك؟؟

وهل ترينه ام لا؟؟
هل يتصل بك ام لا؟؟

هل يمكن حل المشكلة؟؟؟؟ .. وكيف؟؟؟
كلها اسئلة دارت بداخلى بعد قراءتى لبوست الأول

الأسئلة دى مش مجرد فضول ولا رغبة فى معرفة حكاية مسلية .. لأ

لأنل أقدر اساعدك .. بشكل عملى .. وممكن اسخرلك حاجات كتير تخدمك

وممكن كمان ارجعهولك من غير ما تتكلفى ولا مليم

احب انى اسمع منك وعنك .. وقلبى معك

ولو
احنا برضه بنحب حبيبة وبنموت فيها
حبيبة اللي ملت الدنيا علينا بقلبها الطيب وحبها الغير مشروط
حبيبة اللي غلطتها الوحيدة انها حبت بجد
حبيبة الملاك الحنون اللي كلنا نحب ناخده بالحضن عشان نلاقي جواه الأمن والحنان
حبيبة هاتفضل في قلبنا
مش معني ان واحدة اتخدعت يبقي دا تقصير منها
حبيبة بس حظها كانوحش وكانت بتتعامل بحسن نية مع حد مايستاهلش
أنا بحب حبيبة
قلب كبييييييييييييير

هي الدنيا كده معلش

ربنا ان شاء الله هيعوض صبرك خير واللي جاي احلي واحلي

وصدقيني مفيش حق بيروح عند ربنا ابدا

إلا الظلم ربنا قال يا عبادي اني حرمت الظلم علي نفسي فلا تتظالمو

مش يمكن حقك هتخديه منه يوم القيامه مش يمكن انتقام ربنا يجيلو من ابنه ... متعرفيش ربنا مخبيلك ايه ... لعله خير

ربنا مبيعملش غير كل خير وزي ما قلت فات الوحش وان شاء الله اللي جاي احلي واحلي

اتمني ليكي السعاده من كل قلبي وربنا يعوض عليكي تعب السنين اللي فاتت كل خير

تحياتي ليكي يا قمرايه

شوفي
انا دخلت عشرين مرة
في الأول اشوف حته من البوست ومن كتر الألم اقفل

ارجع تاني اقرأ واقفل
ضعيفة انا وزفت

مرة في مرة لما خلصت وهو خلص عليا

مش عارفة اعبر عن شعوري

ممكن اشوفك
عارفة ان حواليكي ناس كتير احسن مني بكتير

انا عملت اللي انتي عملتيه ومن زمان
بس اول مرة اعرف ان ربنا سترها معايا قوي كده

وهو ده اللي جاب لي صدمة

انا ها اخلي البنت مانوسة بنتي تقرأ البوست مع انها ها تفضل توش نفوخي سنة قدام بمناقشة كل تفصيلة

انتي عملتي خير في ناس كتير لما كتبتي ومؤكد فوقتي ناس كتير زيي بيعشقوا الرومانسية وشايفين الدنيا بنضارة ان كل الناس حلوين حتى يثبت العكس

فاتيما انتي فعلا حبيبة ومش غلطانة وابنك لازم يرجع وعدم وقوف اهلك جنبك ملهمش فيه حق
مين فينا مبيغلطش؟
وايه يعني عاملتي الناس بحسن نية؟
مش فيه رب الكون؟
تفتكري جزائك فين؟

اياكي تقولي انك وحشة تاني؟
اما غادر فله يوم
كان عندي واحد زيه
ربنا ورانا فيه شهور وسنين ويمكن علشان يكون عبرة للناس في الدنيا
ويمكن علشان يخلص منه قبل عذاب الآخرة

ابنك حقك
مغلطتيش انك آمنتي
غلط اللي خان
غلط غلطة كبيرة قوي قوي
وما ربك بظلام للعبيد

واستبشري بعد كل ده بفرج من الله ونصر قريب

مش عارفة بكتب ايه
مكنتش عاوزة أكتب خايفة ان ده بيزيد ألمك
يارب ينزل عليكي كلامنا بردا وسلاما

اللهم ياحنان يا منان لا تمر هذه الأيام المباركات الا وقد فرجت هم أمتك التي اسمت نفسها حبيبة واجعلها حبيبة إليك حتى لا يحزبها من أمر الدنيا شيء .. آمين

بصى يا بطه
الانسان معروف انه بيغلط
وحبيبه مش ملاك حبيبه بشر وغلطت فى انها ركبت راسها زمان وكانت شايفه الحياه وردى..لكن فى الحقيقه الدنيا شقاء فى شقاء
وفى هذا الوقت تحديدا الغش والخداع بقى شطاره
يا بنتى انتى اينعم اخطاتى لكن اللى حصلك دا اختبار اكتر من انه عقاب
اسمعى يا فاتينا انسى كل اللى حصل زمان وانسى كل الكلام دا ابدئى من جديد واحنا شايفينك كويسه مش عشان بنطبطب عليكى لكن هى دى الحقيقه يا حبيبتى
خليكى قويه واعتمدى على ربنا واعرفى ان تصليح الخطا بخطا مينفعش يا فاتينا
الصح ان ابنك ميقعدش فى بيئه زى دى ولو فعلا فى قضيه ادخليها بقلب جامد وربنا هو اللى حينصرك ان شاء الله
انا عند ظن عبدى بى..
ظنك فى الله ايه يا فاتينا..!!
ربنا اسمه العدل..
انصرى الحق وربنا حينصرك
ادعى ديما الدعاء دا
(وافوض امرى اللى الله ان الله بصير بالعباد)
ورد الملائكه عليكى..
فوقاه الله سيئات ما مكروا
خدى بالك من نفسك وانتى قويه مش ضعيفه قويه بربنا وقويه بينا كلنا معاكى

أظن بأه بعد فيض المشاعر الجميل ده اللي قريته في التعليقات مالكيش حجة
بلاش باه مخمومين والحاجات الغريبة دي
أنا كل تعليق كنت باقراه ..كان بيعبر عن اللي جوايا ..ومافيش حاجة أقدر أضيفها غير إني حبيتك أكتر..وأكيد الحمل اللي انتي شايلاه ماينفعش تشيليه لوحدك..إحنا معاكي بعد ربنا طبعاً..
فكري كده إزاي الأسباب اتسببت انك تعملي مدونة وتتواصلي مع الناس والناس دي تحبك ومن غير شروط ويتمنوا يشوفوكي ويحاولوا يفكروا معاكي ويساعدوا بأي حاجة حتى لو كانت دعاء من القلب..
تعرفي ان ربنا لما بيحب حد بيحبب فيه خلقه..واحنا والله العظيم حابينك وزي مانتي ..وهانفرح معاكي بإذن الله
مافيش تغريبة تاني خلاص إنشاء الله
بسبوسات
وحضونات
وبسابيس
وحضاضين
وما إلى ذلك
: ))))))))))))))))))))))

تصدقي بالله انتي تتحبي كده من أول ما تتشافي مش لاننا فاكرين أنك قديسة أو حد ملاك لانك انسانة على فطرتها قوي ولان كمان محدش فينا قديس علشان نبحث عن القديسيين في الززمن ده ياطمطم وحشاني وتحياتي لكي دمتي بكل الخير

اقولك على حاجة
و تزعلى مش مهم اوى عندى انتى شخصيه خبيثه جدا عارفة ليه
لانك دستى السم فى العسل و قولتى انك عملتى جريمه وبقيتى سوابق و الناس قاعدة بتسقفلك بدل ما تهزءك
انت مش قديسه و لا ملاك لانك غلطتنه من ساسك لراسك و يظهر عليكى حسيت انك هتنكشفى فقولت تيجى منك
انا مش شايف زى باقى الكلام انك أم عظيمه و الكلام المبالغ فيه ده إنتى غلطتى فى حق ابنك غلطه لاتغتففر و عمره ما هيسامحك عليها تفتكرى هو دلوقت بيفتكرك ازاى و انتى راميه و عايشه عادى و مدمرة حياته و اختارتى عشانه اب بالبشاعه و الفظاعه دى و لو اننا سمعنا منك بس معرفنش هو هيقول عنك ايه و يمكن يقول حاجت تانية بتخبيها انتى عشان تبقى فى شكل الام المثاليه
عارف ان كلامى ده هيزعلك بس مش مشكله جربى تسمعى راى تانى من باب التغيير و زمان جيت و قريت حاجات معجبتنيش و حسيت فيها بواحده جواها حقد دفين و بتحاول تبان حلوة النهارده بالمكتوب دا تأكدت من رايى و مش فى نيتى اجى تانى
و اشوف شغل الغلبنه ده و الضحك على الدقون
و عموما المتضرر هو ابنك و ربنا معاه

يانهار خمس مرات ادخل واخرج ومش عارفه اقول حاجه
بس اللي عارفه اقوله اني
فعلا
حبيتك اكر من الاول وربنا اللي يعلم

كل ده شايلاه يا فاتيما علي قلبك
والضحكه ماشاء الله ماتفرئش وشك
ماشاء الله عليكي
ربنا يثبتك ويعينك ويقدرك
ويعوضك خيييير يا رب
اميييييين

اه وبالنسبه للمعقد الغير معرف اللي فوئيه ده علي طول

احب اقولك
اولا لو عندك شجاعه مكنتش دخلت بغير معرف زي ما دخلت وان دل علي شي دل علي خبثك انت وحقدك انت مش فاتيما

ثانيا مش عيب ابدا ان الانسان يغلط ويعترف بغلطه احنا بشر

ثالثا جريمة ايه ايه اللي عملتها ان شاء الله انها بعدت من عقاب علي ذنب هي ماعملتهوش
يا اخي بدال ماتهون عليها اللي شافيته
اذا كان في حد خبيث فهو انت مش هي
وابنها ان شاء الله هيعوضها خير
نصيحه
من كان يؤمن بالله واليوم الاخر فليقل خيرا او ليصمت

الغير معرف

انا بحيييك جدا ومن قلبى
ليه بقى
لان دائما الواحد لما يلاقى حاجة حلوة قوى والناس كلها حواليها لازم ومن الطبيعى انك تلاقى حد يسير عكس التيار وانا كنت قلت لفاتيما على اشكالكم وانها لما تقول الحقيقة اللى بيحبها بجد هيسامح ويغفر لانه هيقدر لكن اللى ميعرفشى واللى بيقرا حاجات بمزاجه وملهوش علاقة بالامور لما ييجى يرمى كلمتين ويجرى ف حين ان فيه 60 واحد بيقولو العكس يبقى صدقت المقولة بأن القافلة تسير والكلاب تعوى


مقدرشى الومك لانك متعرفش فاتيما بس اقدر اقولك اشكرك بالنيابة عنها لذوقك وتفكيرك اللى ساير ف الاتجاه المعاكس

وانا واثقة ان كلامك مش هيهز شعره عند فاتيما لانها داقت وقابلت زيك كتييير اللى بيجيبو ملح ويحطوه عالجرح بدل ميداووه

رأيك يحترم ولنا مزيد الشرف لعدم مرورك مرة آخرى وستزداد هذه المدونة تألق لغياب أمثالك عن الساحة التدوينية الخاصة بنا

تحياتى
هبة

حبيبة دى على فكرة حسيت انها انا فى جاجات كتير بنات كتير ممكن تتخدع كدة زيها وحبيبة على فكرة طيبة اوى وفى زمننا دة مابيخدش على دماغه غير الطيب وعايزة اشكرك انك حكيتى االقصة دى لانها بجد هتفيد ناس كتير بتمشى ورا قلبها واللى حصلك دة ممكن يحصل لاى حد
وبجد انتى اعطيتى الامان لحد مايستاهل بس للاسف فى كتير ممكن يتخدع
وللاسف فى زمننا دة المفروض نبقى صاحين اوى والاحساس بالامان دة من اصعب الاشياء
واعانك الله
تحياتى لكى وانتى بجد تستاهلى كل احترام لانك حكيتى حكايتك واكيد هتفيد ناس كتير

فاتيما
اول مرة ادخل مدونتك عن طريق عاشقة الرومانسية
سيدتي حكاية حبيبة مؤلمة جدا وكانت ضحية لوهم كبير اسمه الحب الحقيقي و ايضا لوهم الثقة العمياء فيمن نحبهم
انا ما قلتيش ان الحب مش موجود بس لازم نتحرى عن اللي نتواصل معاهم
انا مقلتيش اننا ما نتقش في اللي بنحبهم بس الحرص مفيش احلى منوا و القانون لا يحمي المغفلين
اكيد حبيبة حتتعلم من التجربة ديه كويس و اكيد حتوصل لبر الامان
كل التضامن معاها
مودتي
دعوة للتواصل مع مدونتي

السلام عليكم

لا اله الا الله

لا تلومي نفسك اكثر حبيبتي فقط قولي قدر الله وما شاء فعل

كنت تتعاملي بحسن نيه وبقلب صافي ابيض كان يعتقد من امامه كذلك

ولكنه خان العهد والامانه والله سبحانه وتعالي يمهل ولا يهمل

السنين اللي عشتيها واستحملتي فيها كل دا ان شاء الله هتتعوض عليك بالخير والدنيا يوم لك ويوم عليك فان كان ما فات كان عليك فالغد باذن الله لك وكل شئ بثواب فصبري واحتسبي والدنيا لا تساوي شئ من يفوز يفوز هناك في الاخره ان شاء الله

وما قلتيه في اخر البوست ليس له داعي
لو كنت انسانه ظالمه ومش كويسه كنت بهدلتيهم وعرفتي تخذي حقك من اللي ظلمك بطرق كتير اوي لكن علشان انت انسانه نظيفه اهلك ناس محترمين مقدرتوش تعملوا حاجه من وهل الصدمه اللي خدتها والتي لم تتوقع من شخص وثقتوا فيه وساعدته حتي يصبح بني ادم انا اسفه اني بقول كدا بس دمي اتحرق من الناس اللي لا بتخاف من ربها ولا بترحم

ربنا يعينك ويعوضك خير يارب وكل يوم عدي عليك وفيه الم يكون في ميزان حسناتك ان شاء الله

دمت بكل خير وسعاده

ربنا يقويكي ياأجمل فاتيما انتي انسانة رقيقة ولذيذة انا سمعت عنك كتير ولما شفتك في معرض الكتاب لقيتك فعلا انسانة جديرة بالاحترام وزي القمر وربنا لما بيحب عبد يبتليه ربنا يرجعلك يوسف بالسلامة يارب متعرفيش اد اية قصتك دي خلتني اتراجع عن حاجة كانت ممكن تقلب حياتي راسا علي عقب

ربنا يسعدك يارب ولو عوزتي اي حاجة انا تحت امرك في حاجة وحياه ربنا

ياريت تكوني فاكرني

اختك رحاب

تمت إزالة هذه الرسالة بواسطة المؤلف.

قلبى معاكى وابنك بعيد عنك
ماتلوميش نفسك لأنها كلها مقدرات
انا برضه بنتى بعيدة عنى
وبرضه غصب عنى

حبيبتى وفاتيمتى وقلبى وتوأم قلبى وشقيقة روحى واختى الغاليه الغاليه الغاليه

عامله ايه يا رب تكونى بالف خير

ايميلى كان فيه مشكله معرفتش اراسلك عليه بس هنخليه لاسرار الملايكه بس يا ملاك

عبدالرحمن بيبوس قلبك البرئ وكلمته عن يوسف وعنك ودعالك وعا ليوسف كمان ابن خالته بئه

انا بحبك بشكل من قبل ما اعرفك حتى يا فاتيما وسبحانك يا رب يا كريم كاتبلى اعرف ملايكه واعرف ان الارض لسه شايله بشر طاهره

يوسف فخور بيكى وهيفضل فخور بيكى
وانا وكل الناس اليى بتعرفك وبتسمع عنك هتفضل فخوره بيكى لان اليى يعرفك لازم تلقائى يحبك ويفخر بمعرفتك

حضن كبير كبير لاختى الملاك
وبوسه على دماغها وقلبها الطيب

ربنا عالم بحبك ازاى فيه
ربنا يطمنا على يوسف قرة الروح

حبيبتى وفاتيمتى وقلبى وتوأم قلبى وشقيقة روحى واختى الغاليه الغاليه الغاليه

عامله ايه يا رب تكونى بالف خير

ايميلى كان فيه مشكله معرفتش اراسلك عليه بس هنخليه لاسرار الملايكه بس يا ملاك

عبدالرحمن بيبوس قلبك البرئ وكلمته عن يوسف وعنك ودعالك وعا ليوسف كمان ابن خالته بئه

انا بحبك بشكل من قبل ما اعرفك حتى يا فاتيما وسبحانك يا رب يا كريم كاتبلى اعرف ملايكه واعرف ان الارض لسه شايله بشر طاهره

يوسف فخور بيكى وهيفضل فخور بيكى
وانا وكل الناس اليى بتعرفك وبتسمع عنك هتفضل فخوره بيكى لان اليى يعرفك لازم تلقائى يحبك ويفخر بمعرفتك

حضن كبير كبير لاختى الملاك
وبوسه على دماغها وقلبها الطيب

ربنا عالم بحبك ازاى فيه
ربنا يطمنا على يوسف قرة الروح

فاتيما الجميلة
ما أجمل قلبك
ما أجمل حضنك
ما أجمل احتوائك
وما أجمل صبرك

في كل حياة سقطات وابتلاءات
كلها تمر ولا يبقى منها سوى شيئين
أن نتعلم
وأن نُثاب بإذن الله

كم نعانى كثيرا بإسم الحب
ولكن يبقى الحب دائما بيننا حتى ولو قصى علينا
أجمل حاجة قولتيها انى بقيت اسيب أمورى كلها على الله ونعم بالله
من كان الله معه فمن عليه
دايما قولى يارب
والظالم دايما ليه نهايته وداين تدان
دمتى بكل الود أمى
دمتى فى سعادة
أسعد الله أيامك وأيام يوسف

طب وإيه لازمتها حبيبه ومخلص وشغل التخبيه دا؟؟ متقولي من الأول "أم يوسف".

الحمد لله علي الأقل مش رد سجون وعرفتي تفلتي :))) نومت البورش صعبه أوي ههههه

يااااااااه يا بنتي، دا إنتي مريتي بزمن يمر علي 10 رجاله يكسرهم.

أنا كنت متوقع حاجة قريبه أوي من القصه دي، بس جريمه متلفقه من مكان شغلك الأولاني مش من الناس القريبين منك.

متلوميش نفسك خالص، متلوميش قرارك بالجواز، متلوميش أهلك والمفروض هما كمان ميلوموكيش. خلاص إلي حصل حصل.

عايز أقولك محدش ممكن يقولك كنتي بتضحكي عليه، وإرفعي راسك بفخر، إنتي معملتيش غير الصح ومحدش ليه عندك حاجه. وعلي رأي أحمد حلمي في فيلم جعلتني مجرما "البدله دي مغسوله خمس سنين لقدام" .... إنتي المفروض الناس تقدرك بقية عمرك.

خلي بالك محدش بيفلت من جريمته، وإلي فاكر إنه ممكن يإذي الناس ويضحك لأخر عمره يبقي غلطان قوي، ربنا بيمهله يمكن يصلح غلطته، إنما مش حيهمله، وقته جاي جاي، والناس حتتفرج عليه وحيبقي جزاءه من جنس عمله بالظبط.

كل إلي مريتي بيه في حياتك من ألم بيتحول لثواب عند ربنا. وبدعيلك ربنا يهديكي ويبصرك بسبيل الخير ويفتحلك طريقك ويسعدك بقية عمرك. آمين.

إعذريني لو كنت إديتك كلام دربش في الأول، لأني كنت مش عارف وفاكرك بتدلعي وضعيفة.

وكلمه في سرك: حبي أمك وإخواتك وإترحمي مليون مره علي والدك، في النهايه شالوا مصيبه لا كانت علي البال ولا الخاطر، وشيليهالهم جميله لأخر عمرك مهما عملوا معاكي.

ربنا معاكي.

معلش أسف في كلمتين لازم أقولهم بعد مقريت التعليقات.

واحد غير معروف غلق تعليق علي قد فهمه للحياة. بقوله يا أخي متستهونش بالظروف، محدش بيختار حياته من أولها لأخرها، إنما الحياة سلسه طويله من القرارات الواحد بياخدها في لحظه معينه حسب ظروف معينه وحسب الخبره وحسب السن وحسب حاجات كتيره جدا، وممكن بعد 10 سنين تكتشف إن تاثير القرار دا كان غلط، بس مش معني كده إنه كان غلط من الأول، دا معناه إنه بقي غلط لما الظروف إتغيرت والخبرات إتغيرت وهكذا. والبلد ملانه مطلقات، لو خدنا كل مطلقه ولمناها علي إختيارها وقلنالها ولادك مش حيحبوكي، مكنش حد إتجوز ولا خلف. راجع نفسك يا أخي في إلي قلته وربنا يهديك للخير.

صديقتي بت خيخة وأي كلام، مينفعش كل إلي إنتي قلتيه، تقريبا لنفس الأسباب إلي قلتها قبل كده. عارفه قصة إلي كان ماشي في حاله وطلع عليه أتوبيس كسره وجاله شلل، وكان أهله لازم يشيلوه من هنا لهنا ويأكلوه ويغيروله .... وكل يوم حد يعدي عليه ويزوره ويقوله "يا حمار، مش كنت تبص قبل متعدي، أهو أهلك دلوقتي في هم وشاليلينك ليل نهار" .... ااااه هو غلطان جدا، إنما دا القدر وحكم الله، ومحدش بيختار قدره حتي لو هو إختار غلط في لحظه معينه. وعلي رأي أم كلثوم: تفيد بإيه يا ندم .... خلينا في المستقبل يمكن يصلح شويه من الماضي.

بنت القمر: يسلم فمك .... أو تسلم إديكي علي إلي كتبتيه.

ياااه يا فاتيما
مش لاقية حاجة تتقال توازى اللى مريتى بيه
انا مش شايفه انك غلطانة غير فى ثقتك الزيادة فى الناس ولو انى برضه بديكى العذر مهو برضه مش ممكن حد يتصور ان الاب واللى مشفش من اهل حبيبة وحبيبة الا كل خير ممكن يعمل كده
ازاى اب ممكن يبهدل ام ابنه بالصورة دى ؟؟ واستفادايه؟؟
هو مش واخد باله ان ربنا منتقم وان مافيش حاجة فى الدنيا الا وليها ثمن ؟؟
ولازم هيدفع الثمن؟؟
والله فعلا اسم مخلص ده لايق جداا
لكن برضه المحن بتصيغ الانسان من جديد حبيبة هى نفس الانسانه الطيبة لكن اتعلمت الدرس مش كل الناس زيها والدنيا ملاينه بشر من كل الاصناف
ربنا يعوضك خير فى ابنك ومتلوميش نفسك
انتى عملتى اللى تقدرى عليه
على الاقل عاش فى حضن امه زى اى طفل فترة معقولة وبكره يفهم ويعرف ويقدر
ربنا يكرمك ويعوضك بانسان يقدرك ويفهمك ويكون فعلا مخلص
تحياتى

مش فاكرة دي المرة الكام اللي قريت فيها البوت وكل مرة احاول اكمل للآخر الاقي نفسي مش قادرة وقلبي بيوجعني

اقفل المدونة واشغل نفسي وارجع تاني

بقالي كتير علي كدة يومين اهو كل شوية اقرا شوية واتوجع واقفل

مش معقول في ناس كدة بس الأحسن انك والحمد لله قوية وقادرة تقاومي وتحاولي
مبروك الف مبروك علي البداية الجديدة وإن شاء الله ربنا هايردوه ليكي

كفاية بقي علشان بجد مش قاردة امسك نفسي اكتر من كدة
انا بس قولت اسلم عليكي

انا بقالي بصراحة يومين بدخل اقري البوست واخرج من غير تعليق لأني مش عارف اقول ايه بس كنت عايز اقولك لو حبيبة أمي كنت حبقي فخور بيهاولو مراتي كنت حبقي سعيد ومطمئن علي بيتي وولادي ويارب لما اجي اتجوز ارزقني بزوجة زي حبيبة

انا أتخميت فيكي طلعتي اقوي من الي كنت متخيله

عايزك تفتكري ان دعوة المظلوم مُستجابه ونصرُه قريب إن شاء الله

هيفرق اوى معاكم انا مين اسمى احمد سيد حسين اى اسم يغير ايه
انا متابع النت و مليش فى التدوين
الهجوم ده علشان بعترف بصوت عالى انى كنت بشك انى مخدوع و طلع شكى حقيقه
فيكم كام حد موفقنى ان الست دى نموذج فاشل و حرام اساسا تبقا ام و بتنصحوها ترعى امها و تبقا انسانه مع اهلها الى خساره فيها صراحه و فاقد الشى لا يعطيه و يظهر لازم اكون كداب زفه عشان اعجبكم

سبحان الله عليكى يا فاتيما
يعنى بعد كل ده انتى شايفة التقصير فى حق يوسف منك !!!!؟
امال ابوه هو اللى ملاك يعنى!!!!!!؟

بصى يا فاتيما صعب تلومى نفسك على ثقتك فى ابو ابنك مش حاقولك اللى حبيتيه ولا اللى صممتى عليه وحاربتى عشانه ..لأ حأقولك ابو ابنك اللى المفروض كان يكسر الدنيا عشانكم ..للاسف ده كان الطبيعى منك ولو انه مكانش طبيعى ابدا طلبه هو لايصال الامانة
حتلومى نفسك على نيتك الطيبة
ولا على قلبك اللى مكانش يعرف ان فيه غدر وقسوة بالشكل ده حتى من اقرب الناس ليكى

ايامك اللى قضيتيها خوف ورعب ربنا حيعوضك عنها قريب ان شاء الله
وهو حيلاقى اللى يستاهله ومن اعمالهم سُلط عليهم ..يمكرون ويمكر الله والله خير الماكرين
عشان كده ابنك بإذن واحد أحد حيبقى فخور بيكى وشايفك أعظم ام فى الدنيا مش بس لما يقرا مدونتك واللى بتكتبيه بقلبك ودموعك كل يوم فيها ولا لما يقرا تدوينتك فى انا انثى ..انما حيحس بقلبه الصغير البرىء حنيتك اللى ميلاقيش زيها ..وربنا حينصرك ان شاء الله ..فقط توكلى على ربنا وادعى بيقين انه راجعلك
ومن توكل على الله فلن يضيعه ابدا

انا زاد حبى ليكى واعتزازى بمعرفتك دلوقتى اكتر من الاول
ربنا يستجيب دعائنا ليكى يا فاتيما وليوسف

حبيبتى فاتيما
وحشتينى
جيت اسئل عليكى واطمئن انك بخير
واقولك انى فتحت مدونتى تانى
مش تزعلى منى بس انا نفسيتى كانت ومازالت تعبانه
غير معروف الى علق عندك ده
انسان مريض
مش تزعلى منه
عجبنى قوى ردك عليه ياقلبى
ربنا يهديه ويصلح حاله وحالنا يارب

رجاء
اكتبى عندى تعليق انك مش زعلانه منى
والا مش هسامح نفسى
وانا مش ناقصه تأنيب ضمير بالله عليكى

وحشتـيـنـى

لو تسمحيلي انا اول مرة ادخل البلوج اصلا .. لاني لسه امبارح بس عامله بلوج ليا .. بس بجد بعد كل الي قريته ماينفعش اقولك غير ماما فاتيما .. وياااااااارب يعوضك خير عن كل حاااجه وباذن الله اول عمرة هطلعها وهي قريبة اوي الحمدلله هدعيلك فيها من كلللللل قلبي يرجعلك حبيبك تاني .. ماما فاتيما والله انا حبيتك اووووي .. ويااارب تدوم المحبه بينا .. واسفه اني ماعرفتكيش من بدري

وبعد اذنك هضيف مدونتك عندي

موني

يا سلام يا طمطم
ده انت طلعت غريبة بصحيح
لا لا غريبة قوي
بقى احنا كده بقى طلعنا مخمومين فيكي
و المفروض مثلا يعني نقول : أخخخ .. بقى هي دي فاتيما (صوت مصمصة شفايف) تطلع كده
أما انت غريبة بصحيح
روحي يا شيخة كده و انت غريبة قوي


يا فاطمة يا اختي مش قادر أوصلك احساسي عامل ازاي دلوقت
حاسس انك كبيرة قوي .. (في القدر مش في السن لحسن تفتكري حاجة تانية :) )
أنا فخور بيكي قوي يا طمطم و يوسف كمان لما يعرف مامته عملت إيه علشانه و قاست بصورة ملحمية و ذاقت مرارات كتير في سبيل إنه يفضل في حضنها
هيحس قد إيه إن ربنا أنعم عليه في شخص أمه

مش بأحب " اللولوة " .. بمعني " لو كنت عملتي ... لو كنت فكرتي .. لو كنت كذا و كذا و كذا "
وقع القدر .. نراقب بقى سير الأحداث و ردود الأفعال و ما ورائها

أنا بجد فخور إني عرفت الشخصية دي
انت هانم يا فاتيما
و هتفضلي في نظري هانم
فاتيما .. فيه أحن من كده ؟
فاتيما .. فيه أشيك من كده ؟
فاتيما .. فيه أدب كده ؟
انت عظيمة يا طمطم

أنا أُقدِّر بشدة قدسية القسم .. و مدرك تماماً إني في غنى عن إني أقسملك إن الكلام اللي فات ده طالع من القلب
لأني عارف إن اللي من القلب بيوصل للقلب

فاتيما هانم
اختي العزيزة
أتشرف بشدة بمعرفتك

و أنا اللي كنت فاكرة إني مظلومة في حياتي
ربنا يقويكي ... و حسبي الله و نعم الوكيل في طليقك و أهله و كل اللي وقف معاه و ربنا ينجي إبنك من شرهم و يرده ليكي يا رب
و الظلم أكيد ليه آخر و آخرته وحشة قوي بس ربنا يجعلنا من المظلومين مش من الظالمين
أقلك كلمتين بجد كانوا بيفرقوا معايا قوي إذا كنتي تعرفيهم مش مشكلة و إذا كنتي متعرفيهمش يبقى الحمد لله
قولي كل ما تفكري في اللي حصل و في إبنك
لا إله إلا أنت سبحانك إني كنت من الظالمين على قد ما تقدري
وقولي : رضيت بالله ربا و بالإسلام دينا و بسيدنا محمد صلى الله عليه و سلم نبيا و رسولا بردو على قد ما تقدري
اللي فاتت دي بالأخص بقولوا إن اللي يقولها يبقى حق على الله أن يرضيه وصدقيني مفيش مرة حصلت ليا مشكلة و قلتها إلا و إتحلت من عند ربنا
ربنا يرضى عنك و يرضيكي آمين

تمت إزالة هذه الرسالة بواسطة مشرف على المدونة الإلكترونية.

لأ خالص إنتي فهمتيني غلط، مقلتش إنتي مش بتحبي أهلك ولا إنك بتدبحي فيهم. أنا في تعليقي الأولاني قلت إنك متلوميهمش ولا هما يلوموكي.

درجة الثقة ويقفلوا عليكي ويحاولوا يمنعوكي والحاجات دي نسبيه جدا، محدش بره دايرتك يقدر يحكم عليها أبدا، لأنها عمر وعشره.

إنما هما ميلموكيش علي حاجه حصلت وكان إلي كان، لازم يدولك ثقه ويساعدوكي تقومي تاني بأقل نسبة خساير. التقفيل وحصار نفسنا في الماضي مش حيفيد في حاجه، إلي عايشلنا النهارده يا عالم بعد عمر طويل حيكون فين.

إنما أنا قصدت برضه إنك إنسانه ذكيه وعندك قوه في نفسك فلازم تعملي تعادل بين إحتياجاتك وخوفهم، ما بين الماضي إلي قاسيتوا كلكم فيه (مش من غلطت حد) وبين الحاضر إلي إنتي عايزه تعمليه. ودا مش حييجي بالزعيق ولا الغضب حتي، حييجي ببناء الثقه والمناقشه المستمره وبإثبات القدرات، وكمان طبعا بالفهم والصبر منهم.

ما إنتي ممكن تزعلي وتمشي تسيبي البيت وإلي يزعل يزعل، وممكن تستقلي بحياتك وتعملي إلي إنتي عايزاه وطظ في الناس، بس قدام ربنا، الناس دي صبرت علي ما بلاهم بيه، فإنتي كمان تاخديهم بالصبر علي ما بلاكي بيه.

قد تكون بعض أحكامهم غلط، بعض قراراتهم متخاذله، بس البدن والعقل بيتعب، وبييجي عليهم أوقات نفسهم يناموا تاني مبسوطين فرحانين. شفت نظرة السعادة في عينيها لما إدتيا الكتاب، خليها نظره دايمه.

إصبري يا بنتي، إصبري، وعارف إنك صابره.

حاولت أشرح علي قد ما قدرت.

غاليتى
انا اول مرة بدخل على مدونتك ودة اول موضوع بقرهوللك
واكيد مش هتكون اخر مرة

مش عارفة حكايتك دى صدمتنى قد اية
وصدمتنى اكتر لما عرفت انك بطلة الحكاية

بس مش استغربت لان دى الدنيا كل حاجة فيها ممكن

ربنا يصبرك ويديكى القوة عشان تقدرى تربى ابنك قريبا ان شاء الله

انا اول ماشوفت مدونتك اول مادخلتها استغربت قبل ماقرى الموضوع قلت مين دى اللى بتحب ابنها اوى وكاتبة عنة ايات سورة يوسف مش عارفة استغربت قوى مجاش فى بالى خالص ان ابنك مش معاكى

خلى امللك فى ربنا كبير ومش تياسى طبيعى انك تكتبئى وتزعلى اوى بس انتى مش بايدى حيلة
كل حاجة قسمة ونصيبك وانتى كانت قسمتك وحشة هتعملى اية

انتى مش عارفة كلام دة وجعنى قد اية حرق فى قلبى بجد
انتى عارفة مين سبب المشكلة دى كلها صاحب ابوكى اللى قالة يخلية يكتب وصل الامانة دة هوة السبب مش عارفة الناس دى اللى بتقول نصايح مش ليها اى لزمة

انا مش عارفة انتى عايشة ازاى مش عارفة انتى قادرة تتنفسى بعد كل اللى حصللك ازاى ربنا بجد معاكى
ادعي ربنا كتير
وانا بوعدك انى هدعيللك بظهر الغيب

وبمامن كل من اقرى الموضوع دة يدعيللك بظهر الغيب

وان شاء الله نشوف قريبا بوست رجوع ابنك فى حضنك

حبيبة قلبى خدى منى حضن كبير مع انى مش عرفاكى بس حبيتك فى الله واتمنى انو احنا نكون اصدقاء


مع تحياتى ويلاWWW.wella1.jeeran.com

عنيا دمعت
طبعا دى حكايتك
بجد
انتى شرف لاى حد
وصدقينى
دى كلها اختبارات من ربنا ليكى عشان يختبر صبرك وايمانك
هو صحيح الاختبار قوى اوى
بس الحمد لله على كل شئ
بجد
انتى انسانة جميلة اوى اوى
بجد
مش عايزة اقول صعبتى عليا
بس دى حاجة يارب تردلك فى ابنك بلخير يارب
وتشوفى فيه كل حاجة كان نفسك فيها
انا بحبك اوى
مش عارفه ليه بقولك كدة مع ان احنا مش اصحاب اوى
بس حسيت انى عايزة اقولك بحبك

غير معرف
عايزة
اقول لغير معرف اللى فوق ده
انتا مش ربنا عشان تحاسبها
اذا كان ربنا الكبير اوى ده
بيسامحنا
وكل لما بنغلط بيسامحنا
يبقا احنا هتحاسب العبد اللى زيك
بصفتك ايه
كويس انها اعترفت بغطلها
وقالت انها غلطانة
وقالت عشان محدش يكرر نفس غلطها تانى
ايه الغلط فى كدة
ولو هيا بتمثل انها تبقا ام مثاليه
وايه يعنى
عايزة تبقا قدام ابنها بصورة محترمة يفتخر بيها
انا شايفه انها انسانة نضيفة اوى من جوة
ولو هيا بتمثل احنا راضين اطلع انتا منها وهتبقا فل اوى

اااااااااااه
ااااااااااه
ااااااه
ااه بس بحرقة قوى
بصراحة ليه 3 ايام اقرا فى البوست
ومش عارف اقول ولا كلمة
غير انك حسستينا جنبك اننا ولا حاجة
مهما قيل وسيقال مهمها نكن معارضين او مؤيدين
اللى عاش الماساة غير اللى قرا او سمع
انتى عشتى 9 سنين كل يوم ب1000 سنة
يعنى عشتى 9000 سنة فى عذاب وغربة
اعتقد لو كنتى ارتكبتى ابشع جرم فى الحياة كان هيتحم عليكى بايه ؟؟؟؟
مهما يكن سوء اختيار للزوج
وحسن النية فى توقيع ايصال للامانة
يكون جزاءه ده كله
لانه فوق طاقة البشر
وعلشان كده اتمنى انك تكونى دايما كما عودتينا
اطيب واحن قلب فى عالمنا
وهتفضلى اعظم وانبل ام فى عيونا
كفاية انك اشجعنا واقوانا
كفاية انك فاتيما

بجد سامحينى
فعلا اصعب بكى اللى من غير دموع
اصعب دموع دموع القلب
وانتى قلبك بكى ليه وللزمن
فاعتقد ان الاوان انك تفرحى من قلبك
وتنسى الماضى وتعيشى الحاضر بكل فخر واعتزاز
وبكرة يوسف يفخر بانه ابن فاتيما
ربنا يقر عينيكى برؤيته قريبا
دمتى بكل ود

ربنا يرد الغايب عنك بخير وألف سلامة إن شاء الله

وأدعوك لزيارة مدونتي والمشاركة فيها

السلام عليكم و رحمة الله و بركاتة


مش عارفة انت المرة اللي فاتت قولتي اني شخصية نارية و بتاع و مش عارف ايه
عامة انا مش فاهمة التعبير دا مقصود منه ايه بس اكيد حاجة مش وجشة بس هي مش واصلاني اوي

ما علينا


انت قولتي ان ردي اللي فات خلاكي مصرة اكتر انك تكتبي

اولا انا مش فاهمة لحد دلوقتي ايه المشكلة في اللي انت قولتيه

ببساطة شديدة انا حاسة و الله اعلم ان الموضوع يتلخص في نقطتين
اولا انك حبيتي بس المشكلة ان الانسان اللي حبيتيه مكنش اهل للحب دا
يمكن الامر كان فيه سوء تقدير منك و انا عارفة ان الواحدة لما بتحب بتعمل اي شئ , خاصة لو خبرتها كانت قليله


النقطة التانية و دي اللي محتاجة اركز عليها شوية و يمكن متكونش بانت اوي في وسط الكلام
اهلك ناس كويسين و اصحاب اصل زي ا باين من كلامك او عليكي

بس اعتقد ان المشكلة انهم مكانوش عارفين "يصاحبوكي " علشان يوصلولك وجه نظرهم في انهم شايفين ان البني ادم دا مش كفئ ليكي خالص و اعتقد ان اسلوبهم كان ماشي معاكي بشكل واحد و دا اللي خلاكي من ناحية تانية تصعدي العند معاهم و دا اعتقد
اللي هو ازمة التواصل هي السبب الحقيقي في كل للي حاصل دا

*******************************

دلوقتي
نبص علي اللي حصل علي انه مهما كان مرير و مؤلم علي انه مجرد تجربة , لكن نبره جلد الذات و التأنيب لم يعد منها لزوم الان اولا ثانية لن تغير من الامر شئ
بالعكس انا حاسة ان التجربة - الصعبة - دي فعلا خلتك انسانة تانية قوية و تقدري ان شاء الله تحاولي تواجهي المستقبل بدل من نبره التقطيم

---------------------------
عايزة اقوللك معلومة بس قبل ما اكمل
البلد ال***** بنت ال***** دي بتحبس الشرفاء و بتسيب واحد قاتل 1200 شخص حر طليق

بجد عمر ما الحبس في البلد دي كان مقياش علي الشرف مش عايزة اقوللك الشرفاء في بلدنا هما اللي بيتحبسوا لانهم مش بيعرفوا يتحايلوا علي القانون

-------------------------

نرجع تاني لمرجوعنا
المشكلة الاساسية دلوقتي ايه ؟
ان ابنك و نور عينك نصه منتمي للناس دي

هي دي المشكل انك مش هتقدري تفصلي اي تعامل ليكي مع ابنك مع الناس دي

سيبك بقي من كل اللي حصل لان الزمن مش بيرجع

لكن نحاول دلوقتي نشوف ماذا يمكن فعله مع ناس زي دي !!

انا معنديش حل صراحة للمشكلة دي فعلا
بس كل اللي اقدر اقدمة دعمي اللا محدود و دعائي , هل ينفعوا ؟؟؟

و اوعي تفتكري ان قلت تعليقي عندك دي اني مش عارف ايه و بتاع .... انا فعلا مقله جدا من تعليقات النت و يكاد اانت و اتنين كمان بس اللي بعلق عندهم

احنا لازم نحتوي بعضنا و نكون رحماء مع بعض , و مفيش حد لم يسئ التقدير في يوم من الايام المشكلة اننا بنعلق المشانق لبعض و مش بنستوعب بعض و يبقي همنا تصيد الاخطاء و الندب الازلي و التقطيم

خالص التحية لشخصكم الشجاع و ربنا يثبتك دائما
و تذكري
الظلم ظلمات يوم القيامة و دعوة المظلوم ليس بينها و بين الله حجاب

السلام عليكم ورحمة الله وبركاته
عارفة حضرتك أنا بشوف تعليقات حضرتك علطول عند صاحب المضيفة وبحبها جدا بحس إنها من انسانة رقيقة خالص
وكنت بدخل المدونة وبكون نفسى أعلق بس ساعات الواحد بيكون عاجز

اليوم وبعد قراءتى الكلمات عاوزة بجد أحضنك وأعيط انا ملخبطة مش هكتب صح انا اسفة والله
ربنا يثلج قلبك ويرزقك السعادة وقرة عين لا تنقطع

كلنا نخطىء قولى لحبيبة لا تحملى نفسك فوق طاقتها وربنا كريم

ارجوكِ مش تضايقى من كلامى الملخبط

انا حبيت حبيبه قوى و متأكده ان كل اللى حس بها حبها جدا جدا ..
اد ايه انتى انسانه جميلة بجد ربنا يعوضك خير واضح انك اتعذبتى كثير لان قلبك كان بيحب و فاكر ان كل الناس طيبه زيك .. دفعتى الثمن غالى علشان تتعلمى انك ما تثقيش بسرعه فى حد
بس تأكدى ان ربنا سبحانه و تعال عادل و موجود واكيد حيرجع حقك .. اكيد حيعوضك خير .. ربنا يكرمك و يعوضك عن كل لحظة الم عيشتيها ظلم و ينتقم من اللى ظلمك و يرجع ابنك لحضنك بالف سلامه و ما يحرمهوش ابدا من ام حنونه مثلك و لا يحرمك منه ابدا ..
امين
احببتك فى الله يا فاتيما
خالص مودتى و تحياتى

حبيبه غلطانه انها تمضي على حاجه زي كده من غير ماتقراها بس في لحظات العقل بيكون غايب فيها خصوصاً لو مع حد واثق فيه ثقه عمياء بس ماينفعش برضه ويارب تكون اتعلمت انها ماتثقش ف حد للدرجه دي

بصي يا فاتيما بجد والله أنا ف قلبي حب غريب ليكي رغم اني مش عرفاكي ولا شوفتك لكن بحبك أوي وربنا يعلم كأنك أختي أو حد عزيز عليا أوي ... لما بعرف انك فرحانه من قلبي بفرحلك ولما بتكوني زعلانه و بتكتبي حاجه زي كده عيني بتدمع غصب عني وبدعيلك وأنا بصلي وأعرف كتيير بيدعولك .. رغم اني مش كل مره بكتب تعليق بس متابعكي على طول
ربنا يفرح قلبك ويكرمك ويسعدك يافاتيما يا أم يوسف ويردلك يوسف ويفرحك بيه
ربنا مش بيسيب حد ومش بينسى حد وكل اللي قولتيه ده ممكن يكون ابتلاء أو عقاب الله أعلم ودي حكمته ف خلقه
ربنا يكرمك يـــــارب

السلام عليكم ورحمه الله وبركاته

يمكن اول مره ادخل مدونتك وده تانى بوست اقراه
بس حاسه انك انسانه جميله من جواكى
وده مش كلام مجامله بس اللى يستحمل كل ده ويقدر يعيش فيه ويستمر ويكون عنده حبه امل لسه جواه اكيد حد جميل اوى
واكيد ربنا شايل كل الكويس ده وجزاءه كبير اوى عنده

تقبلى مرورى :)

فاتيما
اعتبري اني شيلت العبارة اللي قلت عليها و ما فينا نجيب زعل ثاني لحبيبة
وربي يجعلها اخر الاحزان
في انتظار تشريفك
مودتي

هو بس مين اللي قال إنه كان مخموم فيكي؟ فيه حد قال كده؟

وعموما .. كفاية قوي إنك نشرتي البوست ده اللي هيكون مفيد جدا لأي فتاة بحيث إنها تحتاط وبرضه لأي أم عشان توعي بنتها أو أختها أو أو أو

المهم إنك تكوني على يقين بعدل الله سبحانه وتعالى .. وبإن (إن شاء الله) تكوني كل اللي شفتيه ده ربنا يجزيكي عنه الخير بسبب صبرك على البلاء

ده مش طويل
ده طويل اوى

فكرتينى بمسلسل بنت من الزمن ده

الاخت الغاليه فاطمه
تزدادى تقديرا
وتزدادى أحتراما
وتزدادى قيمه
كلما تابعت مدونتك
وكلماقرأت كلماتك
وشعرت بأمومتك الرائعه
للابن الغالى يوسف
صدقينى
انتى وكل أم مثلك
تحمل فى قلبها
وبين جوانحها
جوهره نادره غاليه
جوهرة الامومه
عطاء السماء
سيدنا عمر بن الخطاب
عندما طرق بابه احد الاعراب ليشكو زوجته لامير المؤمنين عمر بن الخطاب
سمع الاعربى زوجه عمر بن الخطاب تشتد عليه فى القول ويعلو صوتها على عمر
وانتى تعلمى ان عمر كان به رهبه حتى ان الشيطان كان يتجنب طريق يسلكه عمر

عندئذ ترك الاعرابى الباب قائلا جئت اشكو لعمر زوجتى فوجدت ماعنده أزيد مما عندى
ولكن سيدنا عمر كان قد سمع طرق الباب
فخرج للاعرابى ولحقه وسئله مالك أخا العرب
فرد الاعربى جئت اشكو اليك ولكنى وجدت ما عندك ازيد مما عندى
فرد عليه عمر
السن يحملن اولادنا
الايصيرنا علينا
الخ من هذا الحديث
سيدتى
قال المصطفى
لايكرمكم الا كريم
ولن اكمل الحديث
فأنتى أم رائعه
وبالعكس مما ظننتى أحذفى تعليفى السابق
وانا راضى ومتقبل وسعيد بقيمك العاليه
دمتى اخت كريمه فاضله
والى لقاء ان شاء الله تعالى

من فتره مش صغيره دخلت مدونتك لاني لقيتها موجوده عند مدونات كتير بتابعها مسكت المدونه ومدونه يوسف وقعدت سهرت عليهم وحاولت اقرا اغلب البوستات بتاعتك بس بصراحه مافهمتش هو في ايه مافهمتهش غير ان يوسف ابنك بس ماعرفتش هو انتي بتشوفيه ولا او هو بعيد ولا قريب بصراحه مافهمتش خالص ولاني بتابع خيخه فهي نزلت بوست عجبني قوي عن قصتك وكمان ستيته قولت لا بقى لازم اروح اقرا في ايه وقرات وياريتني ماقرات انا اسفه اني بقول كده بس بجد صعب في حاجات كتير صعبه صعبه لدرجه مش قادره اعلق عليها اقول ايه عقلي مش مستوعب ان هربني بابنك 6 سنين وازاى تأقلمتي وازاى عشتي بجد عقلي مش عارف يستوعب مش عارفه استوعب انسان زي ده عايش معانا وسط البشر صدقيني لما قرات تعليق خيخه ماتخيلتش باي شكل من الاشكال ان الموضوع كده انا قولت دي انسانه اجوزت واحد اقل منها واطلقت واكيد حصل شويه مشاكل وخلاص لكن الي بتحكيه ده انا بنصحك بجد والله انك تنشري القصه دي في جرنان الاهرام في بريد الاهرام يوم الجمعه علشان بجد ناس اكتر تستفيد منها انا قرات عليه قصص كده خيال عقلي ماقدرش يتخيهنا في يوم بجد انا مش اقصد استهتر بقصتك والله بس انا اقصد ان يكون الاستفاده اكبر
انا بصراحه مش عارفه اقولك ايه انا عيني دمعت بجد وانا من النوع الي دموعي مش بتنزل بسهوله ابدا بجد بجد حزينه جدا للقصه وربنا معاكي بجد والله انا ماعرفكيش ومش بتابعك بس بجد ربنا معاكي يارب

حبيبتي أم يوسف

أنا أول مدونة دخلتها لما اتعرفت على عالم التدوين كانت مدونتك

كنت كل لما أدخل أبكي

كنت حاسه بيكي قوي وحزنك كان بيؤلمني جدا

علقت على جزء من مواضيعك ومن بعدها بقيت مش قادره أقول ليكي كلام يوازي كلماتك التي تقطر أسى وحزن ولوعة

لكن النهارده لقيت أختنا الجميلة ستيتة كاتبه موضوع أساسه هو موضوعك ده

قريت وتعبت وجوايا بركان غضب من هذا الرجل الغريب جدا عن عالم البشر

أنا بكره الظلم جدا ولما بشوف حد اتعرض لأذى من أي انسان سواء كان أذى معنوي أو مادي لا أملك نفسي من الشعور بالغضب والرفض يصاحبه الشعور بالعجز اني مش قادرة أجيب للمظلوم ده حقه

لو الراجل ده وقع تحت إيدي أؤكد ليكي اني ممكن أمسك في خناقه ولو هتسجن بسببه

ازاي سمحت ليه نفسه يعمل كده مع انسانه اشترته ووقفت قدام الدنيا كلها علشانه؟

ازاي يكون ده رد الجميل لوالدك عليه رحمة الله بعد كل التيسيرات اللي قدمها ليه وقبل كل شيء بنته اللي اعطاها ليه أمانه؟

ازاي يعرض طفل بريء للعذاب ده ؟
وكمان الطفل مش غريب عنه ده جزء منه وممكن ربنا يحرمه من الإنجاب تاني ويكون هذا الملاك هو النعمة الوحيدة التي أنعم الله عليه بها؟

وازاي يحرمه من حضن أمه وحنانها وهي عايشه ؟
ليه يشعره إنه يتيم وأمه موجوده -ربنا يحفظك ويطول في عمرك-

لا حول ولا قوة إلا بالله وحسبكم الله هو نعم المولى ونعم النصير والوكيل

لكن يا فاطمة المزيد من الصبر واحنسبي عند الله وربنا مايحرمكيش من يوسف أبدا ويرده لكِ ردا جميلا

عايزة انصحك نصيحة بعيدا عن هذه المأساة قليلا

الحياة لا تتوقف بسبب شخص خائن

إبدئي من جديد الدنيا مليئة بالرجال الحقيقيين وأنتي لم تعيشي شبابك ولم تسعدي في حياتك وتستقري كأي زوجة

لازم تحاولي من جديد ولا تغلقي باب قلبك

اسمحي للحب الحقيقي أن يتغلغل داخل روحك ومشاعرك لكن هذه المره اجعلي حسابات العقل تشارك مع حسابات القلب

ولا تحرمي يوسف من أن يكون له أخوة
تعلميهم جميعا معنى الحب والإخلاص والرجولة الحقة

آسفه للإطالة غصب عني موضوعك زلزل كياني وقلبي وعقلي

خالص مودتي وتحياتي

فاتيما أنا فرحت قوي انك بتفكري تنزلي اسكندرية

ياريت يا طمطم بجد انت كده حاتجمعينا و أنا نفسي فكدة قوي
أنا مسافرة الجمعة اللي بعد اللي جاية
يعني 27 مارس

ياريت يا فاتيما تيجي خلال الاسبوعين دول و نتجمع هنا

واذا لأ حددي معاد نتجمع في القاهرة و أنا حاجي طبعا جري

انت اللي بتعرفي تجمعي الناس يا طمطم

يارب تكوني بخير

تحياتي

لا حول ولا قوة الا بالله

بس احنا منستغربش اووي للي حصل

لان الدنيا بقت كدا والمشكله حصلت من البدايه لانها حبت بجد وكانت مستعده تعمل اي حاجه علشان الشخص اللي بتحبه

بس الزمن دا مينفعش فيه الطيبه والتسامح والحب اللي باخلاص اووي دا

بس ربنا قادر بجد يعوضها عن الايام اللي شافتها ان الله مع الصابرين

هفضل اقولك لاخر يوم فى عمرى انك ملاك واللى انتى عملتيه فى الاول ماكانش غلط لانك كنتى واثقة فيه ومش متخيلة الخيانة ابدااااااااااا
هو يمكن بس فى الزمن ده ما بقاش ينفع نثق فى حد ابدا ولكن الواحد ساعات ما بيتوقعش من اللى قدامه اى شر واسألينى انا اتعاملت مع انواع وماكنتش واخدة منهم خوانه وفجأة طعنونى فى ضهرى
وطبعا اللى انتى مريتى بيه اصعب مليون مرة
بس الخيانة واحدة وعذابها واحد
انتى ملاك وهتفضلى على طول ملاك
ربنا يوفقك يا حبيبتى للخير دايما

ربنا يجازيكي خير يا رب
و يعوضك بكل ذرة الم او خوف حسيتي بيها خير

و خير ربنا مش زي خير اي حد ابدا

مش عارفةاقولك ايه بصراحة

بعد كل اللي اتكتبلك في التعليقات مش لاقية كلام اقولهولك

ما اقدرش اوصيكي غير بالدعاء ده
"اللهم ءأجرني في مصيبتي ، واخلف لي خيرا منها"
ربنا وعد كل اللي يلزم الدعاء ده إلا أجره الله تعالى في مصيبته وأخلف له خيرا منها


و اوصيكي برضه بملازمة الاستغفار

في حديث قدسي بيقول:
" من شغله ذكري عن مسألتي ؛ أعطيته أفضل ما أعطي السائلين "

ربنا يعوضك خير و يردلك ابنك ردا جميلا
و هو قادر علي كل شئ

طمطم
المعاد يوم 3 ابريل
هيكون اول جمعة فى ابريل
و هبقى ابعت لك البانر


بوسة و حضن

لو الحب غلط يبقى حبيبة غلطت لو الثقة سرقة تبقى سرقت لوالعطاء والامان خيانة تبقى خاينة هى المشكلة انهااعطت من لا يستحق و لكن من منا يملك زمام قلبه عزيزتى اليك او اليها
حوار مع النفس



وسألت نفسي حائرًا .. أنا من أكون ؟!
مالي عشقت السير في طرق الظنون
فإذا جنوني صار بعض تعقلي
وإذا بأفكاري يغلقها الجنون
أنا .. أنا .. أنا من أكون ؟!
ما بال بعض الناس صاروا أبحرًا
يخفون تحت الحب حقد الحاقدين
يتقابلون بأذرع مفتوحة
والكره فيهم قد أطل من العيون
يا ليت بين يدي مرآة ترى
ما في قلوب الناس من أمر دفين
بيني وبين سعادتي بحر عميق
والناس حالوا بين قلبي والطريق
فلكم أعالجهم وبي سقم الضنا
ولكم أنجيهم وكنت أنا الغريق
يا رب إن ضاقت قلوب الناس
عن ما في من خير فعفوك لا يضيق
أنا من أكون

مع اطيب الامانى بالصبر وكثير الدعاء ان يكون الابن عوضا عن كل الدنيا ويكون السند الصالح ان شاء الله

مش عارفة كنت فاكرة اني مش ممكن اعيط غير علي الافلام بس مش عارفة انا بعيط علي قصة الحب اللي فشلت ولا علي الخاين دة ولا علي اني عمري في حياتي متخيلت ان ممكن يكون في بني ادم بلشكل دة فين الحب ممكن حد يقولي هو ممكن حد يعمل كدة ينسي كل حاجة في لحظة قوليلي بليز دة ممكن يحصل لو حد حب بجد مش عارفة انا عندي حالة زهول مش مصدقة القصة مش مصدقة الدنا
مش عارفة بقي انا اكتأبت خلاص

مش عارفة اقول ايه سمعت كتير عن فاتيما بس عمرى ما عرفت القصة كاملة انتى بجد اتستحملتى اللى محدش يقدر يستحمله وبجد الانسان ده مجرم بكل معنى الكلمة ومش متخيلة ان فى حد فى الدنيا دى شره يوصل للدرجة دى
بجد ربنا ان شاء الله هيوفقك وينصرك على صبرك
القصة المتنى جداااااااا :(

السلام عليكم ورحمه الله وبركاته

بصى يافاتيما انا حد لسه متابع مدونتك من كام يوم بس ... بس بصراحه حبيتك اوى

ربنا يكرمك بجد .. ويرجعلك يوسف لحضنك قريب ان شاء الله

عاوزة اقولك جمله كانت ماما دايما تقولهالى وهى فعلا حكمه(ضاقت فلما استحكمت حلقاتها فرجت وكنت اظنها لاتفرج)

الحمد لله حساكى مؤمنه قويه وان شاء الله بصبرك ده وثقتك بالله يوسف هيرجعلك ولا تنسى (وبشر الصابرين)
ربنا يكرمك

تقبلى مرورى

دي أول مرة ادخل المدونة بعد ما قريت موضوعك الجميل في كتاب "انا انثي" بجد وجعتي قلبي.
بجد انتي مغلطتيش في حياتك غير انك كنتي بتحبي من غير حساب وبتتعاملي مع الناس بحسن نية.
أنا واثقة ان ربنا شايلك كل الخير انتي وابنك والايام الجاية هتتفتحلك أبواب سعادة كتير لأن هو ده جزاء الصابرين وانتي صبرتي كتير ..ربنا مفيش أكرم منه

(( وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ{157} )) صدق الله العظيم -البقرة

مروة عوض

أنا قريت البوست ،، معرفش هتقري تعليقي ده ولا لأ

بس انا بحبك

ياريتك أختي كنت عرفت أحضنك أوي وأعوضك عن اللي شفتيه

ميمي

امي انا قريت كل حاجة

فخور بيكي ام

ياريتك امي بجد

انا لو مكان يوسف هعتبرك قديسة فعلا
وليا اسبابي و هحتفظ بيها دلوقتي لنفسي

ويوسف هيرجع وهيبقي زي ما اتمنيتي

بس انا بقولك دلوقتي رد علي كلمتك

انتي قلتي عاوز يوسف زي
يوسف عمره ماهيبقي زي
يوسف هيبقي احسن مني
صدقيني
انا عمري ما قلت كلمة مش واثق فيها
صدقيني يوسف ده هيبقي احسن من واحد زي 10000000 مرة
وانا هاكون زي ماطلبتي اخوة الكبير بس هو مش محتاج كفاية عليه انتي بجد

معلش تعليق تاني
حسيت اني عاوز ااقرا الكلام تاني رغم اني مش قادر اتحرك اساسا و قريت معظم التعليقات لفت نظري تعليق نفسي ارد عليه و مش عارف هيقراه اولا

غير معرف :

انت قلت رأئيك و بجد تحية مني ليك بجد
مش هزار
والناس اللي تعرفني عارفة اني مع حرية الرأي و التعبير و ان كل واحد حر في رأيه
وانا كمان حر لما ااقولك
انا لو مكان يوسف هاقولك ان متمناش في يوم ام زي فاتيما اللي انت شفت العكس
الام ممكن تكون جمبك في نفس البيت و متحسيش بوجدها اصلا
الام مش تعمل اكل و شرب وتغسل هدومك
الام دي معني
الام اللي تخاف علي ابنها و تاخده بعيد
ومترضاش تشوة صورلاة واحد عمل فيها كده عشان خاطر ابنها ميتعقدش
لما يوسف يكبر و ربنا اداني عمر هفكرك
انه هيفتخر بقاتيما ازاي
مين قالك ان الامان في باب مقفول و السلام
الامان لما تكون وسط 1000 حاجة بس حاسس بحضن بيحميك مهما كان
تعرف ايه الفرق بين الفلوس والاهل ؟؟
هو نفس الفرق
الفلوس ممكن تديك كل حاجة بس مش مش هتحش بالاهل ابدا

انا معرفش انت مين بس احب ااقولك ان اللي بيغلط مش سهل يعترف اساسا بغلطه و انت واحد منهم
اصلك مش ملاك
متحسيبش حد و انت مجربتش اللي عدي عليه
ومتتكلمش علي مشاعر طفل انت متعرفهاش
ولا تعرفه
وانا زيك معرفوش بس ممكن ااقولك شعوره لاني نص عمره عيشته مع اطفال علي فكرة
تااقولك فكر وانت صغير في ماماتك كده
فاكر ايه ؟؟؟؟
جاوب علي نفسك كده ...فاكر هي ضربتك مثلا ولا فاكر اول يوم مدرسة ليك وهي بتطمنك ؟؟؟
فاكر هي ضايقتك كام مرة ولا فاكر لما كانت بتيجي تهزر معاك ؟؟؟

انا رغعم احترامي الشديد لفاتيما اللي بعتبرها امي بجد رغم انها مش اكبر مني كتير قوي يعني
بس هي نفس الفكرة
الامومة مش سن دي شئ تاني يمكن مش بيوصلنا احنا كولاد و رجالة

محدش طلب تكون كداب
انا في التدوين لقيت ناس بتزعل مني عشان مصمم اني مقولش جميل امور شطور ... بقول رأي بصراحة و اللي مش عجبه خلاص مبدخلوش تاني
بس في فرق استاذي الفاضل بين حرية الرأي و التعدي علي الاخرين و حقوقهم
انت حكمت عليها بالكدب و الخبث ليه ؟
عندك دليل او سبب منطقي واحد ؟؟
اتحداك
وعندي انا اسبابي المنطقية و تجحربة
الشتيمة مش بتحل و انت لو صعبان يوسف معملتوش حاجة بغلطك في ماماته بالعكس
متقولش صعبان عليك وانت مش مكانه
عارف مين بجد اللي صعبان عليا .....
(هسيبك تفكر فيها)

فاطيما
أنا ما عنديش مدونه لسه بس أحيانا بتابع المدونات ووصلت عندك
دى أول مره أعلق على مدونه! بس بصراحه لازم اعلق المره دى
أنا دخلت على المدونه دى كتير بس ما كنتش فاهم هوه فى ايه؟وايه اللى حصل ليوسف
بس النهارده تقريبا قريت كل المدونه ! ساعات وساعات وانا ابحر فى عالمك الخاص لأصل الى التغريبه وأفهم ماذا حدث ولكنى لم أستطع أن أعلق قبل أن أكمل الإبحار معك ومع يوسف
ثم أعود هنا مره أخرى للتعليق
صراحه انتى وجعتى قلبى مش حألومك انتى لسه جواكى طفله بريئه بقلب رقيق رغم كل اللى حصل معاها
هروب ووحده وخوف من السجن ناس كتير ما يقدروش يتحملوا اللحظات دى بس انتى طلعتى أقوى من التجربه دى
انتى أم عظيمه وأكيد يوسف حيفهم فى يوم من الأيام الحقيقه
مش عارف هوه فعلا كل الأمهات بيحبوا أولادهم كل الحب ده ولا علشان الظروف اللى انتى فيها
عموما ربنا يرجعه لحضنك تانى
سلام
قلب وحيد

عارفه انا والله من اول بوست قرئته ليكى وانا مشدوده ليكى اوى وحسا ان وراكى غموض كبير اوووى
وشايله هم كبير اوى
بس انا اكتشفت انه همووووووووم مش هم واحد
وحبيبه او فاتيما ان شايفا ان الاتنين فى واحد
اتقسا كتير او عليها وشافت كتير وهيا ولا ليها اى زمب ادت حنان وعطف وحب وحنيه وخدت
قسوه وعذاب وخوف وحرام
عاشت بني صافيه وشافت الخداع
وكله كان ظلم فى ظلم
وعارفه ربك ما بنساش واحد ظالم والله
هيجى يوم كده وكل حاجه هترجع لحقها ولااصلها بس كفايا اننا مؤمنين بالله
وصبرين وراضين بالا مكتبولينا
والله انتى الا هتكشبى الاخر لانك مظلومه وصابره ورتضيه
وكفايا ان الكل بحبك اوووى ومن غير حتى ما يشوفك وبيحبوكى من غير اى مكابل
وانا والله من غير ما اشوفك حباكى اووى اوىى وكنت عملالك هديه ليكى وليوسف وكنت جيباهلك فى لقاء المنصوره
وهنعهالك لعند ما اشوفك
لانى بحبك اوووى يا ست الكل