.

.

سمك .. لبن ... تمر هندى  

Posted by: فاتيما in ,

تحدييييييييييث
_____________
فى بداية الكلام أحب الاول أعبر عن مشاعرى و أقول
عاااااااااااااااااااااااااااااااا
و بعدين نبتدى القول
الاول
ازيكم يا عيال
ثانيا
العريس الحمدلله بخير و ربنا يطمنا عليه دايما
ثالثا
معلش مردتش ع التعليقات بقالى مدة
أصل نفسى طابق عليا حبتين اليومين دول
سمعاااااااااااك يا زملكاوى يللى بتضوحك ضحكة خبيثة
و بتقول عشان ماتش إنبى
لأ ... إطلاقاً منين جالك الإنطباع الشرير دا ؟؟
دنا ميت فل و سبعتاشر
عااااااااااااااا
أنا و لا هاممنى حاجة
عااااااااااااااااااا
و عادى خالص أصلاً
عاااااااااااااااا
الدورى ف جيبنا
بس إتنشل إمبارح ف الاتوبيس من جيب جوزيه الورانى
يلا ... عادى أنا روحى رياضية
و لأن روحى رياضية
فمش عاوزة حد يجبلى سيرة الماتش دا خاااااااالص
و لا كمان يجيب سيرة ماتش الزمالك و الاسماعييييييييلى
عشان منخسرش بعض ... هاه
التحديث دا سببه الرئيسى
إنى أصحح معلومة نبهنى ليها مهندس مصرى
و قالتها داليا وش الخير قوس قزح بالفم المليان فى تعليقها عندى
و بعدين يا طمطم التجمع بعد
البؤجة
هيكون فى الازهر بارك
الازهر باااااااااارك
لو حد تاه على
مسئوليتك
و عشان إنتوا عارفينى مش وش مسئولية
فاحب اصلح الخطأ و أقول للى جاى بعد البؤجة
تعالى فى الازهر باك
الازهر بااااااااارك
أشوفكم على الف خير يوم الجمعة
إن شاء الله
يا كل الأهلوية و ياللى ملكموش ف الكورة كمان
بس الزملكاوية و الأسماعلاوية بقى
ميبقوش ييجوا ناحيتى خالص يوميها
عشان كرشة النفس
بس خلاويص
الغنوة إيه ؟
الغنوة إييييييييييه ؟؟؟
هفتكر أهو ...
المصريين أهما ....
لأ لأ .. مش دى
طيب
كان فيه فراشة صغننة ... تالالالا
لأ و لا دى برضو
أه .. إفتكرتها خلاص
إحم إحم
تاراااااااااا
الليلة عيد و العريس بيتجوز
تاراااااااا
و مدام العريس بيتجوز
يبقى العروسة هتتجوز
و عريس الهنا ... يبقى أنس صاحب المضيفة
يعنى أقصد كان الليلة دى
و يااااااه ... يا ما كان فى نفسى أروح قوى
عشان اقف جنبه و أشاركه الفرحة
لكن معرفتش للأسف
أصله عمل الفرح فى بنها العسل
و أنا مليش فى العسل .. مقضياها بصل من يوم الخميس
ليه ؟
هتعرفوا بعد شوية
بس برضو قلبى مع أنس و بدعيله
ربنا يسعده و يهدى سره
أدعوله إنتوا كمان و حياتكم ... من القلب ... هاه
و عشان مبقاش زعلانة إنى مروحتش الفرح
تعالوا نتخيل إننا حضرنا
إدينى شغلت الدى جى
و التورتة اللى فوق دى رمز
لأنس اللى واقف زى القمر مع عروسته
و بيبتدوا حياتهم الزوجية بالتطنيش
و كل واحد بيتكلم ف موبايله
تخيلوا منظرهم و هما منورين الكوشة
بس متبصوش للواد قوى و تركزوا
هاه
الله اكبر ... و كله يقرا المعوذتين فى سره
مش عاوزة الواد يتحسد يتحقد
آه ... حاجة كمان بلاش منها
محدش يمد إيديه ع التورتة ... دى للفرجة بس
و خليكوا حلوييييين يا إما مش هخدكم معايا فى أى حتة بعد كدا
إيه المعازيم يقولوا علينا إيه ؟
عمرنا ما كلنا تورتة ؟!!
يلا ... عقبالكم يا بنات و ولاد المدونات
و عقبال ما أفرح بيكم عما قريب
و احط صور التورت بتاعتكم
و خصوصا المهندس مصرى محمد الأخلاق
اللى بيدور على عروسة
و ربنا يوفقه إن شاء الله
و أنتهز هذوها المناسبة عشان أقوله كمان
حمدلله ع السلامة يا باشمهندس
و عقبالك كدا ... و لا تتخيل مدى سعادتى
إنى هشوفك قريب فى يوم البؤجة بتاعة الخير
و طالما جبنا سيرة اليوم دا بالمرة أفكركم
بناء على قرار تدوينى عظيم الشأن أستصدرته كلا من
وش الخير داليا قوس قزح و قمر التدوين كله آبى هانم بتنجانى
بالقيام بخطوة جديدة ف الفكرة العظيمة
المعروفة لعموم الشعب التدوينى
بأسم
بؤجة الخير
الخطوة دى تبقى التالتة و التفاصيل كلها هتلاقوها
و مش لازم أقولكم بقى و اوصيكم اللى حضر نفسه و عنده حاجات
هيتبرع بيها .... هينورنا
و اللى ملحقشى يرتب حاله .. فيه أفكار تانية موجودة عند البت خيخة
اللى مش أى كلام
اما اللى مش لاحق يتبرع بأى شكل و محرج ييجى لهذا السبب
مفيش داعى للإحراج خالص ... هيسعدنا وجوده
و مشاركته معنويا كفاية و الموضوع مش فرض و لا إلزام يعنى
و بعد التبرع هنقعد فى نادى المهندسين ف الزمالك عشان
نقضى يوم مميز إن شاء الله
إيه تانى يا فاتيما ؟
إيه تانى يا ام يوسف ؟؟
آه
أنا طبعا سعيدة لأنى هشوفكم .
قلبى فرحان أصلا ًمن قبل ما أشوفكم
عشان المرة دى قبل ما اجيلكم
سمعت صوت يوسف حبيبى و إتباشرت خير
كمان النهاردة كان عيد ميلاد صديقة غالية و قريبة لقلبى
و مع إنها مش هتقرى التهنئة دى لكن لازم أقولها برضو
كل سنة و إنتى يا توتو حبيبتى
و صديقتى و اختى و ساعات بتبقى .. امى
و ربنا يخلى احمد و معاذ و يكونوا احسن ناس ف الدنيا
إيه كمان ؟ .... إيه كمان ؟
آه
أنا كنت عاوزة أكتب البوست دا من بدرى
بس نفسيتى من الخميس اللى فات و هيا مش تمام
قولولى ليه ؟ ..... أقولكم
لا ..... أرخم و أسيبكم
تخمنوا أحسن ؟!
أيوه فكروا شوية
إعصروا مخكم .. هاه
سامعة واحد شطارة من آخر بلاد المدونين
بيقول جايز ... يمكن ...إحتمال ... عشان الماتش
الله يفتح عليك يا بنى
تسلم رجليك .... يا حبيب والديك
المااااااااااتش
بصوا أنا أهلوية من زمااااااااان
و بابا الله يرحمه كان إسماعلاوى صميم
و كمان زملكاوى قديم حبا فى الاسماعيلى ... و نكاية ف الاهلى
بس عادى يعنى معنديش مشكلة خالص
و اننا نتغلب من الزمالك
عادى
بس متغلبش من الأسماعيلى بقى
بأتقهر قوى معندكوش فكرة
هتقولولى إيه الى جاب الأسماعيلى هنا ؟
أقولكم ... أصل الماتش شكله مودى على هناك
بس برضو عااااااااااااادى
و أنا مش متعصبة
و لا متشددة
و لا متنرفزة
و لا مكبرة المواضيع
و لا زعلانة
و لا متغاظة
و لا واخدة الموضوع بحساسية
و لا أى حاجة من دى خالص
و الجو لتيشف و مفيش حاجة
بس عاوزة أقول كلمتين صغننين على جنب كدا
من باب الفضفضة بس مش اكتر
و بكل هدواااااااااااء
هسأل سؤال برىء
إيه
إيه بقى
هاه
إحنا شكلنا بقى وحش و لا حاجة ؟
اللى بيحصل دا ؟
بقى إحنا نتكشوح الكشوحة دى ؟؟
و محدش يقولى يعنى إيه إحنا ؟!
بقى فريق الاهلى يحصل فيه كدا ؟
دا كلام ... و هل هذا يصح ؟
الواد ماجد أخويا أصلا زملكاوى
و بقالى كام سنة أقوله يا بنى
تعالى و شجع الاهلى عشان نفسيتك تتوازن
و تبص للحياة بمنظار أبيض من غير خطين حمر
يقولى لااااااا ... الزمالك دا مدرسة
اقوله طيب ... ابقى خلى وزراة التربية و التعليم تنفعك
و كل مرة على مدار سنة و شوية ... من ساعة ما رجعت
الاقيه نازل ساعة ماتش القمة
أروح أصطاده عند باب الشقة
رايح فين يا ماجد ؟
هشوف الماتش مع أصحابى عل القهوة
طيب .. خلى بالك من نفسك
سلام ... لو عوزتوا حاجة كلمونى
طيب
مااااااااااااااجد
نعم
متشيلش فى نفسيتك يا بابا
دا ماتش و يعدى و المهم صحتك
طرااااااااااخ
دا صوت باب الشقة بيترزع
إيه ؟
لأ .. مش ف وشى طبعا
ميقدرش
و ميغركوش إنه أطول منى بمتر و كام سنتى
دنخته الكبيرة برضو
و بعدين أنا بقدر ظروفه ... زملكاوى يا نضرى
و بيصعب عليا و الواحد لازم يخلى ف قلبه شوية رحمة
هييييه
دى تنهيدة على جنب
أصل كان كل مرة الحوار بيمشى كدا زى ما قلتلكم كدا
و بعدين كالعادة .... يتغلبوا
و فى آخر الماتش أروح مكلماه على الموبايل
عشان اواسيه و اطيب خاطره
لحد ما الواد يا كبدى ... قرب يبطل تشجيع و فرجة ع الكورة من أساسه
الخميس اللى فات بقى
الموقف إنقلب تماما
و بقيت أنا اللى عاوزة أتعالج .... و أرزع الباب بنفسى
صحيح متغلبناش
بس اوشكنا نتغلب ... الصراحة لازم تتقال
لأ و من ميييييييييين ؟
من عيال من دور عيالنا ... يادى الفضايح و اللى بجلاجل فضة
طول الشوطين و أنا عمالة أتشال و أتحط
وصوتى يكاد يكون واصل لعم عب السلام البواب
و أنا قاعدة بشت ... قصدى بشجع ف اللعيبة
و لا حياة لمن تنادى
يكونشى السبب إن إستاد الكلية الحربية بعيد حبتين ؟
يمكن
قعدت بعد الماتش مكبوسة كبسة من ام رز و لحمة
و أنا متغاظة غيظ
و ماجد رجع من بره و الصراحة مرضيش يكمل عليا
أصل شكلى كان باين ... إكمن وشى كان مائل للحمرة قليلاً
و أنا هطق و أسأله براحة كدا
إيه دا ؟؟
إيه الأفترا اللى فيه لعيبة الزمالك دا ؟
إيه الشباب اللى صحتهم كويسة دول ... مش عايشين فى مصر زينا ؟
و حازم امام الصغير دا نظامه إيه بالظبط ؟
يعنى نفسى أعرف مامته بتاكله إيه كل يوم ؟
دا لازم يشغلوه ف المقاولين العرب
عشان الخبرة و المهارة الهايلة اللى عنده دى
و اللى خلته ياخد فريق الاهلى
فحت و ردم و سفلتة ؟
منظرنا كاهلوية بقى مش نتيف خااااانس
الدورى هيضيع يا إخوانا
دا إذا مكنش ضاع خلاص
و الأسمعلاوية هيفرجوا علينا الفضائيات
لأمؤاخدة يا سلوى يا رئيسة حزب الاحلام هستعير إسم مدونتك
و اقول
إسترها يا رب
يا رب ما تشمت حد فينا قادر يا كريم
قولوا آمين ... مبتقولوش ليه !!
الأسماعلاوية يمتنعون
و الزمالكوية ميقولوش حاجة خالص
صحيح ملهموش ف الدروى بس أنا عارفة اللى ف ضميرهم
نرجع للملعب ... قصدى للأستديو التحليلى
يوووووووه
قصدى لموضوعنا الأصلى بعد كل الرغى الفاضى دا
عاوزة أقولكم
مفيش بوستات جديدة لحد يوم الجمعة الجاى
عشان عاوزة أزوركم فى مدوناتكم
لحسن بقيت مقصرة معاكم قوى
و اللى جاى يوم البؤجة .. يقول
و اللى مش جاى هعتبره ف حكم الزملكاوى
و هينطخ عيارين
أو يقام عليه الحد
القصد قبل ما امشى
ألف مبروك يا انس
كل سنة و إنتى طيبة يا تغريد
أشوفك بكل خير يا مهندس يا مصرى
و إن شاء الله أشوفكم كلكم على خير يوم الجمعة الجاى
سلام مؤقتاً يا احلى صحبة
و ناس و عالم
بجملة الخطرفات بقى الموقع
مليان قوالب مدونات حلوة
تنفع أكتر للبناتيت
أكتبوها ... يمكن تنفعكم

This entry was posted on الأحد, أبريل 26, 2009 and is filed under , . You can leave a response and follow any responses to this entry through the .

37 كــــلام بيطــبطـــب عـــلى قــــلبى و روحــــى

هو انا ماتفرجتش على الماتش
لكن انا اهلاوية
وهانى زملكاوى يانضرى هو كمان
وفى اليوم ده انا ماشفتهوش بعد الماتش
شوفته تانى يوم
ولوهلة حسيت ان هانى فرحان على غير العادة
ولما سالته مالك كدة فرحان ووشك بينقط بشر وفرح

قالى الماتش
ولسة هايكمل
روحت انا صرخت صرخة مدوية وقلت اييييييييييييه هو الاهلى خسر ولا ايه؟
قالى لا اتعادلو صفر صفر
بس الزمالك كان مقطاعكم
وعند كلمة مقاطعكم دى كانت بشاير نبرة السخرية بانت فى صوته
ولما سالت واحد اهلاوى اخبار الماتسش كان ايه
حب يرفع من روحى المعنوية ويرفع من قدر الاهلى وقالى والدمعة هتفر من عنيه
لااااااااا
الاتنين كانوا كويسين جدا الماتش كان عبارة عن سجال ما بينهم
قلتله يعنى الاهلى لعب كويس
شاور راسه بالايجاب ومانطقش بكلمة
وهانى كان شايف الحوار
راح بصصلنا اوى وضحك الضحكة الصغنونة الخبيثة اللى مليانة سخرية دى
وهز راسه هزة الانسان اللى بيشوف حد صعبان عليه




وكل الكلام الى فوق ده نطلع منه بحاجة واحدة بس

ربنا يتمملك على خير يا انس
ونفرح بولادك يارب



سلام
اختك خيخة

ايه يا فتيما الحكاية هو كورة فى البيت وكورة فى الشارع وكورة فى الجامعة حتى المدونة لا حرااااااااااااااااام أنا مش بفهم فيها بس لما يغصبوا عليا انى اتفرج أو حتى لما يقتلنى الفضول أقولك أهلوية من بيت كله أهلوية نصيبى أعمل ايه خلاااااص حاسه انهم هيعصرونى هيلاقونى بقولك كورة لا كورة لا ههههههههههههه هتجنن أو اتجننت .....

بالنسيبة بقى للعريس لازم نديلو حقه نقول ألف مليووووووون مبروك وان شاء الله نبارك له على النونو ان شاء الله وربنا يصلح له الأحوال ويجعل زواجه زواج سعيد ........ نيجى للتورتة اللى هى للفرجة بس هو مش ممكن ي أبلة فطية ناخد حته فى الخباثة من غير محد يشوفنا ما تقلقيش أنا أستاذة فى الحكاية دى هناكل وننبسط ومحدش هيحس بحاجة ها ايه رأيك هتخدينى معاكى بس لا يطلع مقلب ويطلع تلات أرباعها ديكور تمويه يعنى ........

نقول بقى على بؤجة الخير كان نفسى أشارك فيها مووووت بس للأسف أنا هبدأ أمتحن أعمال السنة من بكره وبعدها الامتحانات عدل يعنى مش هلحق أخد نفسى ادعولى ان ربنا يعدى السنة دى على خير علشان أقدر أكمل بنفس والا هعمل اعتصام وهنزل بلافته مش هحضر دراسات عليا وقد أعذر من أنذر.....

دمتى بكل ود وسعادة وخير وهنا وراحة بال....

ما شاء الله ..

ايه البوست الجميل ده على الصبح ما عدا بس الحتة الاخرنية اصل انا اهلاوية صميمة ودم الاهلى الاحمر بيجرى فى دمى ..

ربنا ينصر الاهلى ولا يفرح حد زين فينا ..

والف مبروك للعريس ..

وكان نفسى اكون معاكم بجد كان نفسى اكون موجوجة بس لعله خير وان شاء الله تتعوض وما تنسيش تحكى لنا ..

دمتِ بكل خير ..

سمك لبن تمر هندي

ألف مبروك لعريس التدوين
وربنا يوفقك اللي بيدور علي بنت الحلال في إنو يلاقي بنت الحلال
ومتزعليش علي الماتش يوم ليك ويوم عليك وهي دي الكورة
وربنا يوفقكم في موضوع بؤجة الخير دوت

ومعلش باقة لو فاتت مني حاجة مردتش عليها

مبروووووووووووك للعريس والعروسه يا قمر يا صاحبة الواجب انتى



ونفسي اجي البؤجه

هاموت واجي البؤجه

هاتجنن واجي البؤجه

عااااااااااااااااااااااااااااااا
هاشووووووووووف كده

ولو ان فى امتحانات يا اختي ما انتم مستقصدنى

والله لاخليكم تعملولي تجمع فى المنصوره مخصوص يا وحشي والى مش هايجى هامثل به على باب البلوجر هنا

ماتشي ايه

هو مين الى كان بيلعب
نيهااااااااهاااااااهاااااا

انا ماليش فى الكوره

بس لما الاهلي بيكسب باقول لرضا اعزمني على ايس كريم على الاقل
ويقولي وانا مالي هو انا الى كنت بالعب

ولما الاهلي بيتغلب باقوله مساء الوكسه البني يا فندم

نيهااااااهاااااااهاااااا

بصي يا ماما فاطيما ... التحليل السيلم للماتش بتاع الاهلي و الزمالك و من غير تحيز و كلام من عينة ( قطعناكم و قطعتونا ) هتلاقية هنا
http://www.ahlynews.com/beta/content/8938.html

دة بس عشان اخواننا الزمالكاوية - اللي ليهم ألف حق يفرحوا بلاعيبيتهم الصغننة - ميوجعوش دماغنا كتير بس متقلقيش سياتك :)
الاعيبة بتاعتنا هتحس على دمها و هيسترجعوا روح الفانلة الحمرا بسرعة و هنكسب الدوري باذن الله :)
بس بشرط .. نتلم بقى و جوزية يلم نفسة و يبطل التناحة اللي ساعات بتنزل علية والاختراعات اللي في التشكيل .. و كمان الاعيبة .. تفوق كدة و يفهموا انهم لو خسروا الدوري - لاقدر الله - الناس - مش جمهور الاهلي بس - الناس كلها هتشاور عليهم تقول اللي فرطوا في أسهل بطولة دوري ... انا واثق ان شاء الله انهم هيفوقوا بسرعة و يجيبوا الدوري ان شاء الله .. من هنستنى ولاد العم يظبطوا بعض :)

مبروك للشباب اللي هيتجوزوا و ان شاء الله أشوفك الجمعة

اولا مبرووووووووووووووووك لكل من هيتجوز ووووربنا معاه!!!!
ثانيا ياام يوسف انتي اهلويه!!!
الحمد لان غير كده كان هيكون فيه كلام تاني خالص وكان ممكن !!لا مش ممكن بس كنت هزعل منك!!
عموما بما اني عجوز شويه صغننين عنكم اؤكد للجميع ان ده طبيعي
احنا زمان كنا ناخد الدوري اربع سنين متواصلة ونريح موسم
حاليا ناخده سبع سنين ونريح اتنين
مش مشكلة يا ولاد
احنا الكبار وهنفضل كبار
بس لازم عشان نستمر كبار نسيب الفرصة ليهم كل فترة والتانية
غير كده حراااااااااااااام ومينفعش هما اخواتنا برضه

اخيرا شكرا على المرور
ولا داعي للإعتذار
انا اصلا كسلان جدا وزعلان مني جدا جدا

اولا الف مبروك لانس وبالرفاء والبنين
صاحبة واجب يا ام يوسف دايما
ربنا يبارك فيكى ويخليلكى يوسف
اما الماتش هى دى حال الدنيا يوم فائز ويوم مهزوم
بس مع انى اهلاوى صميم نفسى اشوف اليوم اللى الزمالك فيه فايز مرة من نفسهم
احسن نفسيتهم يا حرام
وبعدين الاهلى هو الاهلى مرة من نفسهم يلعبوا كويس
هههههههه
نشوفك على خير يوم البؤجة ان شاء الله
تحياتى وتقديرى

اولا الف الف مبروووك للعريس

وعقبال ما الباش مهندس يلاقي عروسه كمان

ثانيا بقى انا عاااااااااااا

زيك كده بالظبط

شديت فشعري وصوتي وصل لحد اخر عماره ف الشارع

وزيك بردوا صوتني راح وانا "بشجع" ف اللعيبه

وهموووووووووووووووت يامامتي والله

بس حازم امام الصغير ده بنزينه خلص بعد 30 دقيقه ولا حاجه

ومش انا بس الي بقول كده

وعمرو اداكي اللينك لاحسن محلل ف الدنيا دكتور عمرو عبيد

الحكايه دلع وبعدين الزمالكاويه اول مره يفرحوا كده واحنا خدنا الثواب

ماتزعليش نفسك بكره نديهم المفيد

وباذن الله هناخد الدوري ياااااااااااااااارب

عاااااااا

انا عماله اهديكي بالكلام الي الناس قالهولي ف الردود عندي

عااااااااااا

قولي يارب وانتي كلك بركه ياحببتشي

وحشاني

قريت البوست و رحت للروابط عشان لما آجي أعلق أكون عرفت كل حاجة حاطاها.. بس اخدني الوقت و محاضرتي بدإت و الطلاب دخلوا عليو أديني بكتب بسرعة اني جاية تاني أعلق

وحشتيني قوي

الف مبروك لانس وعقبال ما تشوفى يوسف عريس زى القمر يا رب

بالنسبه للماتش
يوم لك ويوم عليك

وحشتينى موووووت يا فطوم

تسجيل حضور وسؤال عن فاطيما الجميله
مع حبي

طماطم يا قمراية وحشتنى جدا

وفرحتنى جدا جدا جدا لما عرفت انك اهلاوى يا قمر

بس انا مش عايزاكى تزعلى لان الاهلى هو الافضل دائما

ومافيش مانع اننا نديهم شوية ثقة فى النفس بالنسبة لاخواننا الزمالكوية

انا كنت هزعل بجد لو اتغلبنا لكن الحمدلله

الاهلى اهلى دايما
وبعدين خدى بالك دة احنا جامدين اووووى وساعة المواقف رجولة اومال اية؟

وبس كفاية بقة ومبارك الفرح ان شاء الله

بوسة كبيرة اوووووى ليكى يا حبى
تحياتى

الف مبروك
و يا رب يتمم بخير لصاحب المضيفة
بارك الله لهما و بارك عليهما و جمع بينهما في خير


..............

كل سنة و صحبتك بخير و بصحة و سالمة
و تفضل دايما يا رب جمبك
و تفضلوا بتحبوا بعض
و يخليكوا لبعض
..........

سوري مقريتش الكلام عن الماتشات
يعني قريت منه شوية
و قعدت انزل
يمكن يبقى الكلام عن حاجة تانية
ملاقتش

معلش عشان انا مليش في الكورة

سوري :$

ربنا يخليلك يوسف يا رب
و يسعدك بسماع صوته كل شوية
و يسعدك برؤيته
و يسعدك بتربيته
و يسعدك وانتي بتجوزية
و يسعدك وانتي بتشوفي اولادة
و يسعدك وانتي بتجوزيهم

آمين

سلام عليكِ

طيب انا ماليش فى الكوره بس بحب الاهلى
من زمااااان برضه
مش عارفه ليه
ههههههههههههههه
وادى حاجه مشتركين فيها كمان ياطمطم
احلى مافى البوست ده
انى حاسه انك مبسوطه ونفسيتك كويسه
بما ان مافيش بوستات الى يوم الجمعه
يبقى تنتشرى عندى فى المدونتين

هههههههههههههههههههه
وتعوضى اللى فات بقى

اما بالنسبه للقوالب فنفسى اغير قالب مدونتى ولو انه ازرق شبه البحر والسما
لكن مش باعرف
عاااااااااااااا
اه نسيت اقولك
مبروك للعريس والعروسه وعقبال يوسف
ومش هاقدر احضر بؤجه الخير لانى من اسكندريه
ها؟
هتقيمى عليا الحد برضه؟
ولا سماح؟
بحبك جدااااااا
وعقبال ما تعملى لى فرحى فى مدونتك
بس يكون حاجه اسبيشيل كده مش اى اى ولا زى زى
(:
ولا ايييييه؟

بوسه وحضن وشيكولاته

انا ايه اللى جابنى اصلا انا مخاصماكى يعنى لو انا مسألتش محدش يعبرنى خالص كده
بكره تندم يا جميييييييييييل
و بعدين ليه تفكرينى بيوم النكبه انا كنت بدأت انسى و جرحى يندمل حلوه يندمل دى مش كده
الماتش كان مسخره و اهدار كرامه لكل الاهلاويه و فعلا استرها معانا يارب عشان التعب كله ميضيعش هدر

طمطم طماطم حبيبتى انا مش هقدر احضر اللقاء شفتى البخت والحظ
وبيرو مش هينزل القاهره كمان مش بقلك بخت

وزياده فى البخت ان الباشمهندس محمد هيحضر وانا مش هعرف اشوفه
ولاا اشوفك ده انا عايزه ارغى معاكى رغى واتطكن عليكى بشكل

المهم لعل وعسى ربنا ييسر الامور واعرف اخضر

خلى بالك من نفسك
ومبسوطه لسماعك صوت يوسف ربنا يقر عينك بيه


اما النماتش اعذرينى مليش فى الكوره


فاتيما مش ملاحظه حاجه
بقول مش وبخت كتير قوى

اضحكى اضحكى اصلى بضحك معاكى

طمطم طماطم حبيبتى انا مش هقدر احضر اللقاء شفتى البخت والحظ
وبيرو مش هينزل القاهره كمان مش بقلك بخت

وزياده فى البخت ان الباشمهندس محمد هيحضر وانا مش هعرف اشوفه
ولاا اشوفك ده انا عايزه ارغى معاكى رغى واتطكن عليكى بشكل

المهم لعل وعسى ربنا ييسر الامور واعرف اخضر

خلى بالك من نفسك
ومبسوطه لسماعك صوت يوسف ربنا يقر عينك بيه


اما النماتش اعذرينى مليش فى الكوره


فاتيما مش ملاحظه حاجه
بقول مش وبخت كتير قوى

اضحكى اضحكى اصلى بضحك معاكى

الف مبروك لأنس
و ألف شكر على الدعاية للبوست يا ستي
وصلني من عندك 21 زائر لحد دلوقتي
كله بالعدد و العداد عندي ما بيفوتش

و بعدين إيه حكاية نادي المهندسين دي
مش قلتوا الازهر بارك
قوس قزح قالت كده و خيخة قالت كده
صلحي انتي بقى البوست بتاعك ده
:)
و نتقابل يوم الجمعة الجاية ان شاء الله

أما بالنسبة للماتش فأنا بطلت أشوف كورة من أكتر من 5 سنين و كنت قاعد يوميها على البورصة مع الصباغ و شلة مدونين في القاهرة و كنت بأتفرج عليهم و هما بيتفرجوا على الماتش

و حأنشر بوست تغطية لليوم ده قريب

أشوفك على خير يا ام يوسف

هههههههههههههه
هو مين بيودى لفين وإيه الى بيحصل
أنا دخت
على العموم مبروك لأنس بلدياتى
وربنا يسعده ويكرمه
وربنا يستر والأهلى يرجع
وكفاية كده عشان هناااااااااااااااااام
ههههههههههههه

ايه يا فاتيما ده؟
دانا اكتشفتك النهارده :)))
وبلاش قلق علي الاهلي هما بتجيلهم نوبه كده.
ومبروك للعروسين وربنا يتمم بخير للي هيتجوزوا وعيد ميلاد سعيد و رمضان كريم والدوام لله وكل سنه وانتم طيبين

السلام عليكم
ازيك يا فاتيما ؟ وحشانى ..
ادعوا الله ان تكونى بخير حال دائما
انا مبسوطه بيكى قوى لأنك طلعتى اهلاويه زيى .. )
كمان الف مبرووك للعريس ..وعقبال ما تفرحى بيوسف ياارب ..

دمتى بكل الخير

ارق تحياتى

و انا اقول بتحب اللون الاحمر اوى كده ليه .. اتريك اهلاوى يا جميل

ولا تزعلى على الاهلى هو بس بيخزى العين عنه ههههههههه

مبروك لأنس هو و عروسته و عقبال كل المدونين اللى لسه على البر

وكل سنة و اصحابك كلهم بخير
و انتى كمان كل سنة وانتى طيبة :)

و بعدين يا طمطم
التجمع بعد البؤجة هيكون فى الازهر بارك
الازهر بااااااااارك
لو حد تاه على مسئوليتك


هستناكى على باب النادى
يوووه اقصد البارك هههههه


سلام يا اجمل اهلاوية

فاتيما
الف مبروك على العريسين و عقبالنا يارب
و اسف ان التهنئة جات متأخر بس ظروف و الله هي اللي منعتني
اتمنى تكوني بالف خير و عودة ميمونة من لقاء المدونين
مودتي

لو كل الفرق بتلعب كده على طول زي ما بيلعبوا قدام الأهلي كنا أخدنا كأس العالم من زمان وبدون إنقطاع

اولا الف مبروك للعريس و العروسه و عقبال كل العايزين،اما بقى موضوع الأهلى ده فالولاد معذورين يا جماعه محسودين، امال مش مكسرين الدنيا، ان شاء الله عين وهاتعدى، و ربنا معاكم و يجازيكم فى موضوع بؤجه الخير ان شاء الله

السلام عليكم

ربنا يفرحك ويدخل البسمة على وجهك دايما بيوسف كما ادخلتيها على العريس ..

انسانة طيبة وكريمة ودا شئ طبيعي علشان اهلاوية ..

وربنا معاكم في عمل الخير وليتني بمصر لاحضر معكم ..

ربنا يتقبل منكم

فاتيما فينك مش باينة من مدة يارب تكونى بخير طمنينا عليكى

بت خيخة و مش أى كلام
كويس يا نونو إنك متفرجتيش ع الماتش
دا من حسن حظك يا بنتى
و يبدو إن اللى بنعمله فى الناس هيطلع علينا يا خيخة
أشوفك بكرة يا حبيبتى على ألف خير
بوسس لشريف زى ما إنتى عارفة




( joudy )
ألاول أزيك يا جودى
و ميرسى يا حبيبتى لقلقك عليا
و شكل كدا زعلانة إنك من بيت أهلوى
ليه يا ماما ... لكى إن تفخرى و تشرئبى ...إيه الكلمة الغريبة دى ؟!!
المهم يعنى
الله يبارك فيكى و عقبال ليلتك إن شاء الله عن قريب
خدى حتة فى الخباثة و أنا بكتب التعليق الجاى عشان أبقى مشغولة و مش واخدة بالى ....
ربنا يوفقك فى الأمتحانات هى الاهم طبعاً و ملحوقة إن شاء الله فى التجمع الحريمى تبقى تنورينا ...
دمتى بكل الخير يا حبيبتى




لجين أبو الدهب
يا اهلا بالاهلوية المخلصين
أيوه كدا يا نهر الفضة فرحينى بإختيارك لاحسن فرقة فى مصر و افريقيا و العالم ...
حاولى تيجى يوم البؤجة عشان نشوفك
أو تعالى اللقاء الحريمى لما نثبت على معاده ...ماشى ؟
إتفقنا ؟
طيييييييييب





ahmed talk
لأ إنت رديت على كل حاجة تقريبا يا احمد و معلش أنا اللى جايبة حاجات من الشرق و الغرب معلش
دمت بكل الود يا عزيزى



صبرنى يا رب
أنا معاكى ياصبصب إن المعاد صعب للناس اللى عندها عيال ف المدارس
معلش يا حبيبتى تعالى بقى اللقاء الحريمى يكونوا العيال خلصوا و ييجوا يتفسحوا يوميها و يلعبوا فى الجنينة بتاعة النادى ..هينبسطوا قوى
و إنتى هتنبسطى
و احنا هننبسط بيكى اكتر و اكتر
سلميلى على رضا و النبى طالما طلع اهلوى منصاب ...و بلاش تبقى الوكسة بنى ...نقى لون أفتح شوية يا صبصب عشان شكلك هتقوليهالنا كتير الأيام الجاية
بوسة و حضونة ليكى و للعيال



amr ...
مشكرين يا فندم على اللينك
بس إنت يرضيك اللى بيحصل دا يا عمرو
أختك فاتيما تتقهر كدا
طب كانوا يتوكسوا فى الدورى من بدرى عشان الواحد يستعد نفسيا للصدمة
مش ييجوا فى الآخر و يخيبوا كدا ؟!!
الله يبارك فى عمرك يا فندم و عقبال يوم فرحك
أنا مبسوطة أنك جاى و الله





خايف من الحقيقة
محمووووووووووود
ما اللى بتقوله دا هو اللى مخوفنى يا محمود ...أصلى خايفة السنين العجاف دى تتعاد تانى ...
منا كمان من الناس الكبرة زى حالاتك و عارفة الاهلى لما بينتكس بياخد كام سنة لحد ما يرجع لتألقه تانى ...
الحكاية دى إتكررت مرتين تلاتة الخماستشر سنة اللى فاتوا
قبل كدا كان الدورى كراسى موسيقية
مش عاوزة العدا يشمتوا فينا يا محمود
لكن أنا فرحانة قوى إنك طلعت دفعة فى دى كمان
سلامى لست الناس و للعيال و ليك طبعا يا اخى العزيز




همس الاحباب
أزيك يا خالود ..
و صاحبة واجب فين بقى ... هوه انا روحت خالص ؟
عقبال همس يا رب و عقبال أفراح عيالها فى حياتك و عزك إن شاء الله
بس أنا اللى مزعلنى يا خالد إن مش الزمالك هوه اللى هيشيل اشيلة
دا حد تانى خااااااالص ...
أشوفك على ألف خير يا عزيزى




mony elshreef
الله يبارك فيكى يا حبيبتى
و مش عاوزة أسألك عملتى إيه بعد ماتش إنبى ...
اكيد برضو كان
عااااااااااااااا
خلاص توجست خيفة يا مونى و شكلنا هنبقى فى الطرواة
بس و لا يهمك برضو ...
حبى و ودى يا حبيبتى



hannoda
على راحتك يا حبيبة قلبى
ف إنتظارك فى اى بوست و أى وقت
إنتى كمان وحشتينى قوى يا حبيبتى
و فرحانى ببوستاتك المتلاحقة عشان بتطمنى عليكى بشكل ما و لو كانت مليانة شجن ...بس بتخلينى احس إننا متواصلين كما ارجو
خلى بالك من نفسك ...هاه
طيب




حنين القلب
الله يبارك فيكى يا حنونة
عقبال ما أباركلك باللى بتمناهولك و بدعيلك ربنا ينولهولك إن شاء الله عما قريب ...يا رب
إنتى كمان وحشانى و يا رب تكونى بخير دايما
بوسات و حضونات كتيييييييييير





د. إبمان مكاوى .. أم البنين
أزيك يا إيما و عاش من شاف تعليقك
وحشتينى و وحشنى الزعارير قوى
منتظرة يخلصوا الدراسة و يبتدوا يكتبوا فى مدونتهم ...
مش نازلة مصر اجازة عشان نشوفك ؟
يا ريت
خلى بالك من نفسك و من العيال و سلامنا للدكتور

نبض إسكندرية
إنتى كمان يا أسماء وحشتينى
و بعدين فين مواقف الرجولة دى دحنا بقى منظرنا عيضة خالص بعد ماتش إنبى
اما نشوف بقية الماتشات اللى فاضلة
حكاية الوقفة دى لحسن أنا بقى شكلى اللى هروح اقفلهم وقفة إحتجاجية على باب النادى إن شاء الله
خالص حبى يا حبيبتى




نعكشة
ميرسى يا نعكوشتى
على كل المباركات الحلوة دى
و الدعوات الاحلى ليوسف
و عقبالك يا ست البنات
و مفيش لازمة تقولى سورى
مش مشكلة حكاية إن ملكيش ف الكورة
ساعات بتبقى حاجة كويسة على فكرة
عشان ميجلكيش إكتئاب موسمى فى نهاية كل موسم كروى زى حالاتنا
شدى حيلك ف المذاكرة بقى



عاشقة الرومانسية
جدعة يا بت يا عاشقة ... شجعى الاهلى حتى لو ملكيش فى الكورة
عشان احبك اكتر منا بحبك
بصى بقى مدام جبتى سيرة المدونتين ...
عاوزة اقولك على حاجة مهمة
مشكلة حياتى فى التدوين الناس الى عندها مدونتين او تلاتة ...
بتمخول كدا و أتشتت ...بفضل يحددولى مدونة واحدة اخلها و أعلق فيها و اركز اكتر ...فمتزعليش لو دخلت مدونتك التانية و مسبتش تعليق
على فكرة أنا دخلتها و قريت الشعر ...و عجبنى لأنى قريت الديوان بتاع الشاعر دا زمااااااان لما كنا ف الامارات ...تعرفى إنه كان وزير للبترول فى بلده ؟
هقرى دايما كل اللى بتختاريه و تحطيه فيها ...متقلقيش من الناحية دى
بخصوص القالب بتاع المدونة
اختارى أى قال يعجبك و إدينى اللينك بتاعه و أنا أقولك هينفع تحطيه عندك و لا لأ ...و لو نفع
إدينى الباسورد اغيرلك الشكل زى ما تحبى و بعدين إبقى غيرى الباسورد بعدين بعد ما تستقرى على الشكل الجديد و يرضيكى
و بتكلم جد مش كلام و خلاص ...
و لأ متخافيش
مش هقيم عليكى الحد ...مهما حصل منك يا دودو
بوسة و حضونة يا عروسة البحور




صيدلانية طالعة نازلة
لأ و النبى متزعلى منى يا حبيبتى
و بعيييين يا صوصو إنتى المفروض تكونى عارفنى خلاص و عارفة ندالتى اللى على أصولها
إنتى كمان طلعتى من فئة المؤمن المنصاب
يعنى أهلوية برضو ؟؟
طب تعالى يا حبيبتى ف حضنى و عيطى عشان ترتاحى
عااااااااااا




mahsen saber
الحمدلله يا اخوان حصلنا على كلمتين
مش و بخت
حاولى تيجى يا نص قلبى التانى
على أد ما تقدرى يعنى حاولى
أنا بضحك من غير حاجة يا محاسن ...أصل بعيد عنك نتايج الماتشات تخلى الواحد يضحك من شر البلية ...
بوسة و حضوناااااااااات كتير يا بنت أبيها الغالى



مهندس مصرى
ازيك يا محمد
و عقبالك لما نديك بوست زى دا عما قريب إن شاء الله
أنا صلحت الخطا بخصوص المكان و الواحد عينه زغللت و بقى بيخطرف ...معلش دى توابع نتايج الماتشات الاخيرة بقى
أشوفك على ألف خير يا عزيزى و خلى بالك من نفسك و إنت جاى القاهرة
هاه




mohamed ghalia
معلش يا محمد دى نتيجة الواحد لما يتفرج على ماتش و يكتم ف نفسه
معلش جت فيكم
عقبالك زى أنس يا رب
و عما قريب إن شاء الله




soma
إيه يا سوما ..تقصدى إيه ؟
و تعالى هنا
إكتشفتينى إزاى يعنى ؟
لأ .. ميغركيش المنظر دلوقتى
دنا كنت زماااااااااااان بيضا
و شعرى أصفر
و عنيا ملونين
و كنت اهدى بنت تقع ضمن حدود القاهرة الكبرى و ضواحيها
إنتى جايلى بعد ما الاهلى سلم نمر ؟!
و بتشوفينى و أنا بشد ف شعرى
و اكلم ف روحى
طب كنتى جيتى بدرى شوية ...
بقى نتقابل فى ظروف زى دى ؟
ينفع كدا ؟
المهم ... أهلا بيكى
و ميرسى أنا كمان على كل التهنئات اللى كتبتيها
واوعى تكونى مش جاية تانى ؟
شكلك كدا بيقول ...إنك خوفتى منى ؟؟
متخافيش يا ماما
أنا مش علطول كدا
ساعات ببقى راسية و عاقلة
ساعات
خالص ودى ليكى
و نورتينى



راجى
إيه يا أستاذ راجى ؟
متقلقش ...
منا قولت سمك لبن تمر هندى
هيكون شكله إيه غير كدا ؟
كل الود ليك



rovy
اهلا يا روفى
ازيك إنتى يا حبيبتى
دايما تحرجينى بذوقك و سؤالك عليا
و أنتى كمان أهلوية زى حالاتى ؟!
لا حول و لا قوة إلا بالله
طب يا بنتى
ربنا معانا بقى ف كل اللى جاى
خالص حبى ليكى يا حبيبتى




قوس قزح
يا وش الخيييييييير
أنا صلحت الغلطة أهو
الله يبارك فيكى و عقبال العيال القمرات و كل سنة و غنتى طيبة يا حبيبتى برضو مش عارفة على إيه بس بتمناهلك علطول
يووووه
كنت هنسى
أشوفك على خير يوم الجمعة
الازهر باااااااااااارك
أهو أنا فاكرة




assafo anaroze
الله يبارك فيك يا أسافو
يا رب الظروف تكون خير
خالص ودى ليكى
و كنشكرك بزاف بزاف



يا مراكبى
مش كدا و النبى يا هندسة ؟!!
قطة مع الكل و يعملوا أسودة علينا
بس اللى حازز فى نفسيتى اللعيبة و التراخى اللى عندهم دا ...
و الزمالك جاى يفوق علينا راخر
معنديش مشكلة زى ما بقولك فى غن الزمالك يتحسن و الله ...
بس يرضيك اللى حصل فى ماتش الأسماعيلى
كانهم إتبدلوا و بقوا فرقة تانية غير اللى لعبت قصاد الاهلى
عشان كدا الجميع مستشعر إن اماتش إتفوت و قوى كمان
خالص الود و التحية ليك يا نبع حكمتى



بسنت صلاح الدين
عين إيه يا بسنت بس ؟؟
و محسودين إيه ؟
دا و لا البخور اللى فى شارع الازهر كله يكفى العيون اللى بتقولى عليها دى ...
و بعدين إنتى مش جاية البؤجة و لا إيه ؟؟
ازعل منك كدا ...إنتى زملكاوية و لا إيه النظام ؟؟!!!
هتوجس منك خيفة كدا




جنى
و عليكم السلام يا سعيد
الله يخليك يا عزيزى و أنا عملت إيه بس ... يا رتنى كنت روحت و لا عملت منظر احسن من كدا بس على عينى و الله انا بحس إنه زى ماجد أخويا تمام و فرحانله من قلب قلبى و الله و ربنا يسعده و يهدى سره
إنت معانا بقلبك و عما قريب ترجع مصر اجازة و نشوفك و تسعدنا بوجودك معانا ...
خلى بالك من صحتك المهم
دا أهم شىء دلوقتى

أولا ألف ألف مبروك لأنس.. الانسان ده ليه معزة كبيرة جوايا و دايما بتمناله الخير لإنه بجد حدج يستاهل كل خير

ثانيا اكيد انت عارفة يا فاتيما قد ايه أنا نفسي اكون معاكم و حاحاول انشاء الله أعمل أي حاجة من عندي هنا أحس بيها اني فعلا وسطكم.. بس استنيني كام يوم كده وحاقولك ناوية على ايه انشاء الله

ثالثا: أنا مش فاهمة الحقد اللي طلع فجأة على الاهلوية ده كان مستخبي فين.. مش ملاحظة!!.. ياااه ماكنتش اعرف ان الاهلي كان تاعبلهم نفسيتهم قوي كده..
:))

وقبل اولا و ثانيا و ثالثا.. انت وحشتيني ي ي ي ي ي ..

D: D: D:
دى أول زيارة لى لمدونتك الرائعة ما شاء الله، عجبتى قوى قوى طريقة كتابتك الرشيقة، و بإذن الله هتلاقينى كتير،
كان نفسى أكون معاكم بكرة،إنما تتعوض بإذن الله،
تقبلى مرورى

المصطلخ سمك لبن تمر هندي
اصبح كلاسيكياً فى خالة الفوضي الرهيبة حالياً
نود ان نبتكر مصطلحاً اكثر تعبيراًعن الواقع

لا بقى
كده كتير
كتير قوى
مينفعشى

ايه يا هانم انتى الغيبة دى كلها
هاجى اعضك والله

مش كل يوم اطخ مشوار لهنا واجى الاقيكى مش منزلة جديد

عيب بقى
مستنياكى اهو

باى
هبة

hanooda
مش كدا و النبى يا هنودتى ؟!!
فجاتن كدا الاهلى بقى تاعبهم كلهم و بيعملوا معاه اللى ما يعومل ؟؟
يلا هنعمل إيه ... يظهر لعبة الكراسى الموسيقية هترجع و الدور علينا نتوكس
يظهر كدا ...
معاكى فى المباركة لأنس و رأيك فيه ف محله أنا شوفته أصلاً تحسى انه أخوكى الصغير من غير مناقشة و لا تفكير ...
ربنا يسعد أيامه يا رب و عقبالك يا حبيبتى
إنتى كمااااااااااااان وحشتينى قوى
و يوم البؤجة قعدنا نجيب ف سيرتك انا و خالد همس الاحباب ...معقولة مشرقتيش ؟!!!!!
بوسة و حضوناااااااااااات كتير






تأثير الفراشة
أهلا بيكى دايما إنتى تنورى المطرح كله
و المرات الجاية تكونى معانا بإذن الله
خالص تحياتى و ودى





أبو امل
و الله عندك حق يا صعيدى
لازم نشوفلنا تسمية جديدة خااااالص
نورتنى يا فندم



doba
يا لهوتينى ى ى ى ى ى
بقى دوبا ام يوسف العسل و أم النونا العسولتين تطخ مشوار كل يوم لحد هنا مخصوص و هيا المفروض ترتاح و تقعد زى الهانم الدوبل ( لإنها أصلا هانم من قبل كدا ) و تتعب روحها كدا ؟؟!!
بقى دى تيجى ؟!!!
و لا يخلصنى طبعا
حاضر من عينيا هكتب حاجة جديدة
إنتى بس تؤمرى يا ست الستات
بوسة عشانك و حضونة ليوسف و النونا

Hello
ambien sleep

3.5% of 201 patients receiving 6.25 mg or 12.5 mg of Ambien CR discontinued treatment because of an adverse event in clinical trials with Ambien CR.
[url=http://www.indianastallionstation.com/]ambien pill[/url]

3.5% of 201 patients receiving 6.25 mg or 12.5 mg of Ambien CR discontinued treatment because of an adverse event in clinical trials with Ambien CR.
http://www.indianastallionstation.com/ - buy ambien online

Recommended dose for elderly or debilitated patients, or patients with hepatic insufficiency is 6.

إرسال تعليق