.

.

مع حبى  

Posted by: فاتيما in


من اولها كدا و خبط لزق
اللوكاء الحريماتى كان فى منتهى الروعة
و اللى مجتشى أحب أغيظها قوى
لأن فاتها كتيييييييير
يكفى مثلاً إنى أقولها إن واحدة مفروسة جت و قعدت معانا
و نورت المكان و الدنيا
كمان دوبا حبيبتى أم يوسف العسل جت و بطنها الصغنونة سابقاها
و إدعولها يا عيال
و شاهى مفيش حاجة... يا لهوى على شاهى و رقتها
الشخصية دى تحس كدا إنها حضن و طالعله بنى آدمة
سحر مفقوعة مرارتها عملت أحلى مفأجاة و جت نورتنا
كنتى وحشانا يا سحورة قوى
داليا وش الخير قوس قزح كعادتها نشرت ألوان السما السابعة
بمجرد ما هلت علينا و معاها فروستى حبيبتى
جت كمان شخصية لطيفة و ماما لعيلين حلوين إسمها دعاء و هيا صديقة لخيخة
و من هنا ناتى للبت خيخة و أى كلام
و اللى مينفعش معاها أى كلام
هل هناك وصف للبت دى يوفيها حقها ؟!!
.....................
مظنش
جابت معاها تورتاية عشان تحتفل بينا
و الله أعلم ... و كلام ف سركم
البت خيخة الظاهر بتطلع زكاة المال بتاعتها تورت
و إل ما فيه واحدة فينا ييجى عيد ميلادها إلا و تجيبلها تورتاية
كرم حاتمى خيخى بحت يعنى و بكل ترحيب و ود أحب أثير احقادكم و أقولكم
أيوووووووووه ... كانت تورتة شكولاتة
قعدنا فى النادى براحتنا و كان تقريبا فاضى
و رايق بسبب الامتحانات
و الجو كان حلو و مش حر
دوبا جابت لخيخة حرنكش و قعدنا نحرنكنش شوية
و روحنا بعد كدا اكلنا فى حتة تانية و إتمشينا و إنبسطنا
إيييييييييه .... دى تنهيدة تسبق الجملة الخاتمة واللى هيا
كان يوم جميييييييييل
أنصحكم بأنكم تيجوا المرة الجاية
و هتعرفوا ساعتها إنى مكنتش مش ببالغ فى أى كلمة بكتبها هنا
الناس الجميلة اللى حرصت تكلمنى فى موبايل خيخة
أنا ممتنة ليهم من قلبى
دودو عاشقة الرومانسية عروسة البحور
و حنونة حنين القلب
و عاشقة و غلبانة
و مون مون موناليزا اللى خلت واحدة مفروسة تبوسنى بالنيابة عنها
و دريم فضفضة ع السريع و ريم
و مشمشة حبيبتى شيكو شيماء فضفضة
يا رب منساش حد تانى و معلش يا خوخة شغلت موبايلك
و الرجالة برضو طلعوا جدعااااان و إيهاب الشنكوتى أناب عنهم
و إتكلم يطمن علينا
كاد اليوم يكون عشرة من عشرة لولا غياب آبى حبيبتنا كلنا
عاشقة و غلبانة بلغتنا بالبوست الاخير بتاع رحاب
و داليا كلمتها تشوف اخبارها إيه
و يا ريت يبقى حد يطمنا عليها لو سمحتوا
حاجتين كمان عاوزة أقولهم
عاوزة أقولكم إن مشروع
مودة و رحمة
خلاص إتلغى
ليه ؟
لأن صديقتى فؤجئت بإن المتحمسين للمشروع غالبيتهم بنات و فقط
و الشباب ممتنعون
مودة و رحمة بتعتذر لكل البنات اللى كانت تتمنى تقدملهم أى خير
لكن واضح إن الظروف الحالية غير مشجعة
و حاجة برضو غريبة أن البنات ممكن يشتركوا فى فكرة زى دى
بينما يحجم عنها الشباب
بس برضو كان متوقع نوعا ما
لغرابة الفكرة ... بس الاحجام كان متوقع من البنات الحقيقة
عشان كدا بحييهم من قلبى على شجاعتهم و جرأتهم
عموماً داليا بتشكركم على حسن ظنكم فيها
و بتتأسفلكم جدا
على عدم قدرتها على إستكمال الفكرة
و إن شاء الله حد تانى ممكن ينفذها فى توقيت و شكل مختلف
قبل ما البوست يخلص
يا ريت متنسوش نداء آيوشة
و اللى يقدر يقدم المساعدة يبقى جزاه الله خير
القصيدة اللى على جنب دى جت ف بالى قوى و أنا مروحة
يوم اللقاء الحريمى
حسيت إن كل اللى جئن تقريباً بيطلوا ما بين سطورها
احب اهديها لهن ... كلهن
و مع حبى
بتحطى كحل
عشان تكونى احلى
و لا عشان دموعك تبقى سودا ؟
حبر القلم
شايفاه قصايد عالورق
و لا بقعة ع الهدوم ؟
الوحدة عندك
فرصة للخيال ...
و لا تقليب للمواجع ؟
الأزمة بتقويكى ..
و لا بتقوى الزمن عليكى ؟
كادر الحياة مليان زوايا
و عيونك الكاميرا
و اللقطة تحت امرك
مى بهاء
( ميومة البهية )

This entry was posted on الثلاثاء, مايو 26, 2009 and is filed under . You can leave a response and follow any responses to this entry through the .

16 كــــلام بيطــبطـــب عـــلى قــــلبى و روحــــى

ماشاء الله بكون مبسوطة جدا لما بسمع ان لقاء بين المدونين وبعضهم بجد بحس ان التدوين ده اجمل فى فيه بيعرفنا على ناس زى السكر والعسل وبيحلوا ايامنا كلها ساعات بتمنى انى اشوف الناس كلها وشى فى وشهم بس للاسف انا فى بلد المنفى عااااااااا
ربنا يكرمك يارب على التنويه دايما بموضوع النداء ربنا يكرمك دايما يارب

جاية اسلم وأمسي مع ان اكتئاب الإمتحانات مش راضي يخلص بس خلاص هانت ان شاء الله

اما عن اللقاء فربنا يفرح قلبكم كلكم يارب ودايما تتجمعي مع ناس حلوة عسولة بتطبطب على روحك وقلبك

حزنت حزنا شديدا لفشل مشروع مودة ورحمة ومش مصدقة انه مجبش نتيجة

تحياتي وان شاء الله يمكن بعد البوست ده نلاقي ايجابية من الشباب شوية

تحياتي

اليوم ده مكانش جميل عندك انتى بس يافاتيما
ده كان اكتر من رائع عندى انا كمان
لانى سمعت صوتك واتكلمت معاكى كتير
وحشتينى بقى ونفسى اشوفك
ايووووووه اصل الانسان بطبعه طماع
كنت باتمنى اسمع صوتك
ودلوقتى هاموت واشوفك
يابخت كل الناس اللى حضرت معاكى
رغم حبى لاسكندريه بس حبيت القاهره لما عرفتكم
لان اغلب المدونين منها
لو كنت من القاهره والله ما كان يفوتنى ولا لقاء
اه كنت هانسى
مبروك الدورى ياقمر
شفتى اسكندريه وشها حلو ازاى على الاهلى؟
اما عن موضوع موده ورحمه
فمتزعليش ياحبيبتى
وده شئ متوقع
اصل كلام فى سرك
الشباب مفلسين والبنات معنسين
كفايه كده وهاتى بوسه علشان اجرى من هنا قبل ما اتضرب من الكل شباب وبنات
ههههههههه
ب ح ب ك
اموووووووووه

انا هنا يا حبيبتى وكويسه ورجعت على خفيف خفيف بس تعبانه شويه والله ومرهقه انما مفيش حاجه تانيه
وميرسى على صورتى اللى عندك يا طمطم وعلى الهديه الجميله
هشوفك قريب اكيد علشان اخد الحضن والبوسات بتوعى

بوسااااات كتير ليكى

نفسي اقولك وحشتوني
كلكم
كان نفسي طبعا اكون معاكم
قدر الله وما شاء فعل
بحاول ارتب للقاء تدويني
يوم 5/6 الجمعة الأولى من شهر يونيو
لو دا مش معاد تبرع خيخي بالدم
يعني حنشر تفاصيل الموضوع في حينه
بس لما نلاقي مكان
ما كانش نعمله في القلعة وأمري لله
ربنا يسهل
ويقدم اللي فيه الخير
عموما انا كان السبب اللي في بالي للتجمع دا
مناقشة أمرين مهمين
أدب التدوين وقلة أدب التدوين
وكيفية تأثيره ع المجتمع
وانتشار فكرة الذاتية أو الفردية في المجتمع
وما آل غليه حالنا من عنف
يعني محاولة لرصد الواقع الغريب
ودورنا كأقلام شابة فيه
يا رب يكمل الموضوع ويارب اشوفك بقى على خير

والحمد لله انكن انبسطن جدا
وفرحتن جدا
وكل لقاء وانتم انتن جدا
وانت فاتيما جدا
ويوسف روح قلب ماما جدا جدا

وحشتينى قوى ياطمطم
وانا داخلة علشان اقولك كده
وبفرح لما الاقيك فرحانه
وعلشان كده انا فرحانة بلقائك
انتى وحبايبك ربنا يجمعكم دايما على خير
وعلى فكرة احنا بنعزمكم عندنا فى الصيف فى الساحل عندتا مكان ياخد
كل الحبايب فكرى وحتندمى لو اعتذرتى اما بالنسبة لمودة ورحمة فالله المستعان
كل الناس ماتفكر فى حاجة تساعد فى حل الازمة هما بايديهم يوقفوها
ربنا يكتب لهم الخير جميعا
وياترى اخبار الغالى ايه
ماقدرش امر وماطمنش عليه
تحياتى

إيه الإجتماع الجميل ده يا فاتيما ؟

أنا أول مرة أعرف إنكم عملتم إجتماع قاهري

ماشي يا تيما لا بتخليني أشوفك في اسكندريه ولا قلتيلي على اجتماع القاهره بإيميل صغنتوت

والله كنت جيتلكم هناك

على العموم الجايات أكتر بإذن الله

ربنا يديم الحب والمودة بيننا جميعا

خدي بالك من نفسك

أحبك في الله

فاتيما حبيبتى
ان مبسوطة لكم انكم ان انتوا اتباسطوا ومتأكدة انك مش بتبالغى لان لانى حضرت اللقاء دة قبل ويوميها روحت فرحانه جدا جدا
ان شاء الله اللقاء الجاى ربنا يسهل وايقى معاكوا
امووووووووووووه

أولا وقبل كل شىء يوسف بيشكرك جدا جدا جدا على الحاجات وملهوش اى سيرة غيرك ف البيت دلوقتى انتى ويوسف

وسمى العرايس واحد بارنى وسمينا البنوتة زيزا

اما عنى فانا فخورة بكل واحدة فيكم كانت موجودة وسعيدة اكتر باليوم الجميل اللى قضيناه مع بعض انا بشحن قدراتى لما بقابلكم لانكم بتدو دفعة جميلة للواحد

الكلمات اللى اختارتيها ممتازة بجد
تسلم اللى كتبتها

يارب نتقابل قريب قوى تانى
عاوزين نعملها عادة بوقت محدد بعد كده

بوسات بالهبل منى ومن يوسف ومن النونة كمان ومن ماما اللى بتشكرك جدا وبتدعيلك قوى قوى

هبة

عااااااااااااا

أنا اتغظت واتفقعت كمان بس يلا كل شئ قسمة ونصيب كنت يومها في الشغل وقعدت أكلم داليا كتير علشان أعرف هاتتغدوا فين يمكن أعرف أزوغ من الشغل واجي اتغدي معاكم مش ردت شكلها كانت عاملة الموبايل سايلنت ولا ايه يلا الحمد لله انكم انبسطوا وعقبال مليون سنة يا فاتيما

فاتيما
جيت اطمن عليكي كيف الاحوال
سعيد لسعادتك انت و الاخوات الفاضلات
تقبلي مروري و مودتي

ايوشة
معلشى يا أيوشتى مسيرنا نتقابل إن شاء الله و تحضرى معانا لقاء جميل من لوكاءتنا الحلوة دى
و متشكرنيش على حاجة ... المهم صاحبة المشكلة تلاقى حد يساعد أنا قاعدة مطرحى أهو و متعبتش يعنى و يا ريت كان بإيدى يا حبيبتى لو كانت بس ف القاهرة كنت روحتلها علطول
إبقى طمنينا عليها بقى و ربنا ياخد بإيديها و يشفيها يا رب
خالص حبى يا حبيبتى




ستستة حسب الله الحمش
يا ستوتة غنتى تنورينى سواء مكئتبة أمتحاناتى او مكئتبة عادى و معلش فترة و هتعدى إن شاء الله
أنا كمان حزينة زيك لفشل المشروع بس هنعمل إيه أدينا حاولنا
كل الحب ليكى




عاشقة الرومانسية
يا عروسة البحوووووووووور
الله يبارك فيكى يا دودو ماهو غسكندرية و اهلها دايما وشهم حلو حد يجرؤ يقول عكس ذلك ؟؟!!!
دنا كنت قطمت رقابينه
و بخصوص كلام ف سرك ..فين اللى فى السر منتى قولتيها على الفضائيات أهو ...
و مش كل الشباب مفلسين يا دودو مش كل البنات زى ما قولتى ...
كل الحكاية نصيب و توافق و مراعاة ظروف كل طرف للآخر و دا للى كانت مودة و رحمة هتعمله بس مفيش نصيب
و متخافيش محدش يقدر يضربك إنت ف حمايتى انا و يوسف يا ماما و أقعدى ف المدونة زى ما يعجبك و عيشى حياتك
دى مدونتك يا حبيبتى
بوسة و حضونة



appy
يا قمر التدوين كله حمدلله على سلامتك يا حبيبتى
و الأرهاق دى رد فعل طبيعى لأهمالك لصحتك المدة اللى فاتت و كنا بنقولك يا بيبى خديلك اجازة شوية و ريحى من الشغل ...
أنا حطيت نصيبى فى الحصالة عشان يوصلك كأنك كنتى معايا تمام
القعدة كانت عاوزاكى قوى و وحشتينا قووووووووووى






ست البيت
و إنتى كمان يا مروة وحشتينا
و فكرة اللقاء بتاعتك حلوة بس متهيألى هيكون يوم تبرع و لا إيه ؟؟
لو زحزحتى المعاد حبة ممكن تلاقى ناس تقدر تيجى اكتر و طبعا أنا اول واحدة هتستقتل عشان تيجى لو ظروفى تسمح
كل الحب ليكى يا مروة



أم مالك
و إنت كمان يا حبيبتى وحشتينى
يا ستى دعوتك على راسنا بس إبقى قوليلنا التفاصيل و إحنا بمشيئة الله نحاول نيجى ....
لسه مفيش اخبار عن يوسف يا حبيبتى
بس إن شاء الله خير
ليكى خالص ودى و حبى
و متحرمشى منك



elmasria - mirs writer
أنا مقولتش على اللقاء ؟!!!
يا مسلمة دنا كتبت بوست كامل و بصى فى الأرشيف الجانبى هتلاقيه بعنوان
لوكاء حريماتى
و عزمت المدونات كلهن بس يظهر إنك مخدتش بالك منه ...
ملحوقة النوبة الجاية إن شاء الله
و تشرفينا ساعتها و تنورى المكان
كل الحب و الود ليكى



سبهللولتى
كان عاوزك اليوم دا قوى يا سبهللة
و المرة الجاية ممنوع تفلفصى مننا
مهما كان
هاه
بوسيلى العياااااااااال




doba
يا أم يسوفة العسل
و النونة ( بنوتة ) إن شاء الله
قولى ليسوفة حبيبى غنى حطيت إسمه فى مدونة يوسف تحت اللعبة اللى بيحبها علطووووووول كتحية صغنونة مننا يعنى
و ربنا يديم الود ما بينا يا حبيبتى
خلى بالك من صحتك و من النونا و متتعافيش فى الشيل و الحط عشان صحتك
سلميلى على الست الوالدة قوى و قوليلها ربنا يباركلى فيها و يديها الصحة يا رب
ميرسى على اليوم الحلو
و الصحبة الحلوة
و الهدية الحلوة
من الناس الحلوة
بوسة و حضوناااااااات كتير




وومن
منا قولت الشغل دا و المدير دا مش هيجيبها لبر معانا ...
كان نفسى تيجى يا ميرا يا اميرة
خلى بالك من نفسياتك المرة الجاية مفيش أعذار
و بوسيلى القطة الصغنونة جودى ى ى ى ى ى

assafo anaroze
كلك ذوق كالعادة يا أسافو
احنا بخير طول ما حد طيب
و اخلاق زيك بيسأل علينا و يودنا
كنشكرك بزاف يا أخى العزيز

ياااه :(

دايما كده المغتربين يتحسرن

ويمتن قهرا

اشمعنى انا كمان عايزه اروح :((

:D

مبروك بقى حبي ع الدووووري

مووووووووواه

تتجمعوا دايما في الخير ان شاء الله

خالص تحياتي دايما للجميع

mony elshreef
بعد الشر عليكى من القهرة يا مونى
دا الاهلى حديد و محدش يقدر يقهره
و مسيرك تيجى اجازة و تحضرى معانا و تنورينا إن شاء الله
كل الحب ليكى يا حبيبتى




يا مراكبى
دايما سباق فى الكلمة الطيبة
و التمانى الطيبة
و الروح الطيبة
يا نبع الحكمة و الذكريات
عقبال ما نشوفك فى مصر قريب
و نتونس بيك
بس مش فى اللوكاءات الحريماتى طبعااااااااااااا
خالص ودى ليكى و سلامى لفادى الفنان النابغة

إرسال تعليق