.

.

نور ف القلب  

Posted by: فاتيما in


شمعة منورة بنور النعمة
عشان حنين القلب
الحمد لله حااااااااااااااااااامل
-------
شمعة منورة بنور البهجة
عشان دوبا
و سنة جديدة من عمرها الغالى ى ى ى ى

---------

شمعة منورة بنور النجاح
عشان فاروق يوميات طالب
خلاص هيروح الجاااااااااااامعة
---------
شمعة منورة بنور الإنجاز
عشان يا مراكبى
و مبروووووووووك أول كتاب
-----------
شمعة منورة بنور الفخر
عشان شيماء سمير إحتمال
إتخرجت أخيراً و بتفوووووووووق
------
شمعة منورة بنور براءة البدايات
عشان دكتور حر
هيعملها و يتجوووووووووز
------------
شمعة منورة بنور الفرحة
عشان كاميليا
عادت لنا من تاااااااااااانى
-------
شمعة منورة بنور السعادة
عشان ياسمينا فنانة مفروسة جدا
أصلها إتخطبااااااااات
-----
شمعة منورة بنور المحبة الخالصة
عشان عاشقة الرومانسية
دودو حبيبتى
هتحصل فنانة مفروسة فى جمعتهااااااااا
------
شمعة منورة بنور الامل
عشان روح قلب ماما
يوسف




ياااااااااااه
دنتو كنتوا وحشينى قوى
اللى عاوز ينقادله شمعة
و ينور قلبى كمان و كمان ... يقول

This entry was posted on الأحد, يوليو 26, 2009 and is filed under . You can leave a response and follow any responses to this entry through the .

30 كــــلام بيطــبطـــب عـــلى قــــلبى و روحــــى

عااااااااااااا
وانا كمان ماليش شمعه
طيب انا اتختبطبت يا فاتيما
انا عايزه شمعه
بقي كده محدش يسال عليا خالص
انا مخصماكوووو كلووو

بس انتي وحشتيني برضووووو

متزعليش يا ياسمينا يا حبيبتى
حقك عليا و الله
أنا مقصرة مع الكل معلش
انا قيدتلك شمعة يا حبيبتى خلاص
بس خبر هايل بجد ...
ألف مليون مبروك يا كتكوتة ..
بس تعالى هنا ..فين التفاصيل يا هانم ؟!!
مين المحظوظ سعيد القلب و البال دا
أوعى يكون الولد الهندى ؟!!
إكتبيلنا بوست اعترافات قلبية فوراً و فرحينا
بوسة و حضوناااااااااات يا حبيبتى و سلامى الحار و مباركتى لماما الغالية

ايه ياست الحبايب انتى فينك كل ده وحشتينىىىىىىى موت
ماشى يا فاتيما عااااااااا
على العموم شمعة منورة انك بخير ومبروك لكل حبايبك
متتاخريش علينا يا فاتيما والله بتوحشينى جدااااااااا ربنا يخليلك يوسف
تحياتى ليكى يا قمر

فاتيما ،،

ربنا يارب يكتر الشموع كمان وكمان
ويزيد من الافراح والاحتفالات
ويجعل للجميع حياتهم افراح وانوار في قلوبهم

بحب فيكي حبك ووفائك لاصدقاءك

تحياتي لقلبك الجميل

سارة

فين شمعتى بقى
عاااااااااااااا
انا فرحى الجمعه الجايه
وان كنت ناسى افكرك
(:

داانتي اللي نور في القلب بجد يافاتي ياحبيبتي

ازيك يا فاتيما وشكرا على شمعتك وربنا يكتر من شموعنا جميعا

مروك لحنين القلب الحمل
وكل سنة و دوبا بخير
مبروك النجاح لفاروق
مبروك الكتاب يامراكبي
مبروك التخرج لشيماء
مبروك الجواز يادكتور
مبروك العودة يا كاميليا
مبروك الخطوبة يا ياسمينا
و دودو الف مبروك :)
والف مليون تحية ليكي يا عسل يا ام يوسف يا احلي ام في الدنيا :):)

الف مبرووووووووك لفاروق على النجاح

ويا رب يدخل الكلية اللى نفسه فيها
والف مبرووووك لياسمين وعاشقة الرومانسية واوعوا تنسوا تعزمونى على الفرح
والف مبرووووووووك لشيماء بالتخرج
والف مبرووووووك لحنين القلب
وكلكم كلكم الف مبروووووك

ربنا يكتر الشمع الجميل و النور فى حياتنا دايما انشاء الله
و دايما تكونى مركز الاخبار السعيده و الجميله
مبروك لكل الناس الحلوه دى و عقبالنا جميعا بالسعاده و الهنا

كل ده شمع طيب اهوووووف ازاى انا بقى
مبروك ليهم كلهم وكل سنه وهما طيبين وكل حاجه بقى
لكى سلام يا ست الكل من الوبهى بيسلم عليكى كتيرررررررررررررر قد الدنيا
هنشوفك يوم حفل توقيع كتاب القاضى انا هكون موجوده يا حبيبتى ان شاء الله

الف الف مبروك للجميع ودايما كده المدونة دي تفضل زي دوار العمدة كده مجمعة كل الأحباب

ياااااااااارب المره الجايه احنا اللي نقدلك الشموع كلها برجوع يوسف وفرحتك بيه :)

تحياتي يافاتيما :)

اجمل حاجه عجبتنى فى شمعتى انها لونها ازرق وانتى عارفه انى بحب اللون ده قوى
والله انتى اللى محبتك فى قلبها مالها حدود ياطمطم

بــــحــــبــــكــ
من اسكندريه للقاهره
ولا اقولك قد البحر
اموووووووووووه

الف مبروك لكل أصحاب الشموع
حنين ، فاروق ، يا مراكبى ، شيماء سمير ، دكتور حر ، كاميليا ، ياسمينا ، دودو عاشقة الرومانسية ، و أكبر شمعة و أحلى شمعة منورة البيت كلة ليوسف .
ألف مبروك للكل و ألف شكر للقلب الكبير فاتيما الى أدتنا الفرصة أننا نشاركهم فرحتهم و نقول لهم الف مبروك .

شمعه منوره ليك بجد يوم ما تفرحي بيوسف الجميل
دمتي وفيه

شمعة منورة ليك يا ام يوسف على مشاعر الود و الفرح دي :)

دة طبعا غير شموع الهنا و السعادة للناس الحلوة دي كمان :)

مى ...
إنتى كمان يا حبيبتى كنتى وحشانى و كلكم كلكم وحشتونى قوى و الله يقطع بوظان النت و اللى بيبوظوه ...
بوسةو حضونة يا ميمو



saragebaly
يا رب يا حبيبتى و يسمع منك
دا الواحد ما بيصدق يلاقى الفرحة


عاشقة الرومانسية
يا دودو فورا قيدتلك شمعة يا حبيبتى و خليتها زرقة عشان عارفة إنك بتحبى اللون دا قوى ..انا واخدة بالى يا قطتى و الله و بحبك قوى


كيارا
يا بسبسة إنتى كمان نوارة التدوين و ميرسى على سؤالاتك الحلوة عنى دايما



فاروق عادل
يوه
هوه أنا كان ينفع مقدلكش شمعة يا بنى ؟|!!
دنت خارج من اللى داخلها مفقود و الخارج منها مولود ..ألف مبروك يا عزيزى
عليك و علينا


adel
الله يبارك فى عمرك إنتا يا عادل و يملا قلبك نور أضعاف أضعاف نور كل الشموع


somya kamal eldin
الله يبارك فيكى يا فندم بالنيابة عن كل الفرحانين دول و اللى فرحونا معاهم و عقبال أفراحك إنتى كمان


صيدلانية طالعة نازلة
الله يخليكى يا علا
يا جماعة النور جاى من حداكم غنتوا يعنى انا لاطشة توصيلة من العداد بتاعكم من الآخر


appy
يا قمر التدوين كله كل مرة توعدينى و يجيلى إنحباط و متجييش ..
المرة دى لازم لحسن هيجيلى عقدة نفساوية حسب تعبيراتك اللطيفة اللى تشبهك تمام ..أشوفك يومها يا حبيبتى إن شاء الله و هتكونى كالعادة منورة سما التدوين


يا مراكبى
يا نبع الحكمة يا غاااااااااالى
انا فرحانة لألف سبب و سبب
هيطلعلك كتاب
و هنشوفك وجهاً لوجه
و هنفتخر بحد جميل فى التدوين ناجح و متميز ..
بصراحة أنا فرحانلك و متهيألى كل حد فيكم بيتنشرله كتاب بحس إن جزء من قلبى بيرفرف كدا ...
أنا عاوزة توقيع مخصوص ليوسف ..هاه
خد بالك انا منمرة عليه من زمااااااااان
فاكر ؟!!
اجمل الحاجة لما الحلم يتحول لحقيقة
ياه ..
يا لهوى
انا هعقد اكلم روحى لحد يوم الخميس ألف مليون مبروك يا باشمهندس
يا مراكبى
يا نبع الحكمة



eno
متحرمشى منك يا ارق احساس ..
متحاولى يا بنتى تيجى يوم الخميس ؟!!
بجد
حاولى
و عقبال ما نجيلك فى أفراحك كلها إن شاء الله


ام بتول
الله يبارك فيكى يا اجمل الامهات
و عقبال ما تفرحى إنتى كمان و نباركلك و تنورى قولبنا كمان و كمان



محمد مفيد
الله يخليك يا محمد
و عقبال ما نقيدلك شموع الأفراح فى هذوها المدونة يا استاذ

amr...
يا عمرو دنا أصلى بتلكك بيكم
عشان أفرح
ويا سيدى مشكرين على الشمعاية
بس أنا عاوزها حمرا بقى
عشان الاهلى حديد
برغم الوكسة الفحقلى اللى إحنا فيها حالياً

يارب تفضل شموعكم للابد
بتقيد :)

زاد الله من شموعك ومشاركتك للآخرين

وشمعة منى ليكى على حبك لكل هؤلاء

تقبلى مودتى

الله عليكى يا فاتيما ربنا يخليكى للجميع بقلبك الطيب وما يحرمك منهم أبدا

ويارب يفرح الجميع ويسعدهم فى حياتهم

دمتى بكل الخير والسعادة

السلام عليكم

حمد الله على السلامه يا ام يوسف

ان شاء الله تكونى سعيده فى شغلك الجديد

بس انا زعلانه جدا جدا جدا

(وش بيعيط جامد اوى )

علشان المفروض يبقا ليا شمعايه

من دولا علشان نجحت

انا زعلانه هه

تقبلى تحياتى وربنا يسعد قلبك يارب

ويردلك الغايب بالسلامه

عقبال ما يفرح قلبك يارب ويحلي ايامك
ويفرحك بيوسف قريب ان شاء الله
دايما مجمعانا على الفرح

ربنا يفرح قلبك دايماً و ينورهولك

آمين

عقبال شمعتي أنا كمان هنا بقى يا خالتي



تحياتي

و عندك - شقلة - ورد أحمر و شموع حمرا عشان ماما فاتيما يا جدعااان :)

ولا يهمك يا كبير .. شوية تعديلات في الخطط و الاعيبة و الفكر ... م الاخر الاهلي بيعمل فريق جديد و طريقة لعب جديدة .. ممكن - لاقدر الله - مانكسبش بطولة الموسم دة .. وارد جدا
بس المهم نكون جنبة يا فندم :))

الف الف مبروووووووووووووك لكل الناس دول وربنا يوفقهم يارب

مش معقولة يا فاتيما قلبك الجميل دة
انتى فظيييييييعة
من كتر حبك لينا .. كل ما ادخل عندك لازم عينيا تدمع
بحس فى كلامك حب ودفء وحنان الدنيا كله

ياربيا حبيبتى يجمع بينك وبين يوسف ونفرح لك كلنا زى مانتى فرحانة لنا
نفسى اقولك كلام كتير
بس الدموع مخليانى مش قادرة ومش شايفة الحروف
بحبك اوووووووووىىىىىىىىى

ام يوسف
اخيرا ظهرت لكن بظهورك ظهر الفرح
الف مبروك للجميع و يا رب يكونوا كلهم سعداء و يتمم ربي بالخير
مودتي الدائمة
في انتظارك يا ايها الفؤاد الحنون على كل الناس

إرسال تعليق