.

.

شغل جنان  

Posted by: فاتيما in


لما أقف فجأة و اتلفت ورايا فى الشارع لو حد نده حد بإسمك
لما اعلق هدومك على شماعة الدولاب و كأنك ساكن معايا و بتلبس و تقلع فيهم
لما احطلك كل يوم مصروفك جنيه معدن ف الحصالة بتاعتك
لما افضل اشتريلك فى لعب كبرت عليها و حاجات حلوة مش هتلحق تاكلها
لما اقعد كل كام يوم ارتب فى دولاب لعبك القديمة و فى أوضتك الصغيرة
لما اتوقع و بلا يأس إن كل رنة تليفون أو دقة على باب الشقة هتكون منك
لما كل ليلة ابوس ارنوبك و اقوله تصبح على خير بدالك
لما اقعد احكى للقطط بتاعتى حكايات كتيييييييير عنك
لما أصر أشتريلك فانوس رمضان و اجهزلك عيديتك و أجيبلك ادوات المدرسة
لما انطق بإسمك ييجى عشرة عشرين مرة كل يوم وسط الكلام
لما تكون اول كلمة انطقها اول ما اقوم الصبح هى إسم دلعك
لما احتفظ بمعجون سنانك و افتحه كل شوية عشان أشم ريحة نفسك
لما كل لحظة استنى رجوعك لحضنى و اقول إبنى يا رب

This entry was posted on الخميس, سبتمبر 17, 2009 and is filed under . You can leave a response and follow any responses to this entry through the .

97 كــــلام بيطــبطـــب عـــلى قــــلبى و روحــــى

دة مش شغل جنان دة شغل حنان وقلب أم بيحب ابنها وبيرتبط بكل حاجة تخصة

كل سنة وانتى طيبة يا طمطم وان شاء الله السنه الجاية يكون يوسف بيعيد فى حضنك

ربنا يقر عينك به يا تيما يارب

انتى يا بنتى ما توجعيش قلبي بقىىىىىى

انا لسه جايه من عند عاشقه وغلبانه طلعان عينى

كل سنه وانتى طيبه

هاتي بوسه

ده مش جنان
دى حب وحنيه عمرى ما شفت زيهم
انا لو بايدى اديكى اكبر جايزه فى العالم على حبك لابنك وصبرك على فراقه
بس جوايز ربنا اجمل بكتير
وانا واثقه ان جايزتك من ربك هتجيلك قريب قوى
يااعظم ام شافتها عينى

ربنا مايحرمك منه ابدا ويرجعه لحضنك وميفرقكوش تانى ابدا
ويباركلك فيه بعيد كان او قريب ويداوى جرحك بغيابه ويعوضك برجوعه عن كل يوم كنتى محتاجاه فيه يارب بحق الايام المفترجه يرجعه لحضنك تانى

كل سنة وانتي وهو طيبين مش شغل جنان مين قال كدة جنان

انتي ام بتشر حنية عمري ما هنسي يوم ما اخدتي جودي في حضنك ونامت زي ما عمرها مانامت قبل كدة

علشان لقت حضن تطمنلة حضن حنين ربنا يرده ليكي سالم غانم وتقر عينك بيه يااااارب

بحق الأيام المفترجة اللي أحنا فيها ياااااااااااارب

إن الذي فرض عليك القرآن لرآدك الي معاد

بكرة تفتكري قول الله فرددناه الي امه كي تقر عينها ولا تحزن

الله يصبرك و يجيرك ويجعل صبرك و رضاكي بقضاء الله فيكي في ميزان حسناتك ان شاء الله

ده شغل مايطلعش غير من امي انا :):)
مممم
انا هاغير من يوسف بقي :):)

ان شاءالله خير

وتصدقي انا ساعات بعمل كده :):)
الجنان ده واضح انه مشترك :):)

-------
عهلي فكرة انا نزلت بوست و مصر كلها زريتيني و ماماتي متأخرة :|:|
ههههههههههههههههه

------
هو ايه دلع يوسف ؟؟ :):)

ربنا يرجعهولك بالف سلامة

رد الله لك يوسفك عما قريب وأقر عينك به يارب

كل عام وأنت الى الله أقرب وعلى طاعته أدوم

تحياتي يا خالتي الغالية

مشاعر صعبة وجميلة
مؤثرة جدا

ربنا يرجعهولك بالسلامة
وتقر عينك به
عاجلا وليس اجلا
كل سنة وانتى طيبة
ويوسف طيب وبخير
وفى العيد ان شاء الله يكون معاكى

فاتيما الحبيبة
وحشانى جدا ولكن لم تبعدى عنى ابدا
ولم انساكى من الدعاءنهائى
وعلى الله القبول باذن الله
بالنسبة لمشاعرك للغالى بالعكس انا
حاسة ان فيه حاجات تانية كثير بتعمليهاوماكتبتيهاش
هى ديه فاتيما واللى انا ماشية
بموضوعها احكيه لكل الناس
اصل فيه ناس كثير بتدلع وتقول عندى ابتلاء
عيد مبارك عليكى ياحبيبتى
والعيد القادم ربنا يعوضك باذنه
عن كل اللى فات
تحياتى

ياريت كل الجنان كدا

دا مش جنان دى حب وحنان مش غريب على قلب وروح زى قلبك وروحك

وباذن الله ربنا هايكحل عينك برؤياه ويطمن قلبك وهو في حضنك

عارفه يا فاتيما انا بحكى لبناتى عنك كتير وتصدقي ان كنزى النهاردة الصبح اول ما صحيت سألتنى عليكى وعلى يوسف وقالتلى انها عاوزه تشوفك اوى قالتلى يامامى اصلى حاسه انها طيوبة اوى

حسيت ان ربنا اللى زرع محبتك في قلوب اطفال لسا حتى مش شافوكى اكيد باذن الله شايلك خير كتير اوى ويسر بعد عسر ان شاء الله

كل سنة وانتى طيبة انتى ويوسفك الجميل وان شاء الله قريب يكون في حضنك

ده شغل امهات بتحب ولادها

احكى لك حدوتة ؟
بس دى حدوتة حقيقية

كان فى مرة واحدة ست غلبانة و هى ماشية فى الشارع لاقت محل فيه فستان حلو اوى زى فساتين الاميرات
سالت على سعره لاقيته غالى اوى
طلبت تقيسه صاحبةالمحل رفضت لانها استشفت من شكلها انها مش هتشترى
الست بقت كل يوم تعدى قدام المحل و تكلم الفستان و تقوله انت بتاعى و ولازم البسك ولازم تبقى بتاعى و كان بيراقبها الناس الشغالة فى المحل
وفضلت كل يوم تحوش مبلغ للفستان

و فكرت فى فكرة و دخلت المحل و قالت لصاحبة المحل ممكن اقيسه طيب و ادفع لك مبلغ بسيط
وافقت الست و اتحقق اول حلم لها انها تشوف نفسها فى الفستان
و لان الفستان غالى محدش اشتراه لحد ما جيه وقت التخفيضات و فضل لحد ما نزل لنص سعره
بس بردو سعره غالى عليها لكن بردو لسه عندها امل يكون لها
و فى يوم جات ملاقيتش الفستان دخلت جرى تسال عليه قالوا اتشال علشان يتحط واحد تانى غيره و ده هيرجع للمصنع بكت كتير و طلبت انه يفضل فى المحل و انها قربت تحوش تمنه و هنا الناس اللى شغالة فى المحل لمت مبلغ و كملوا لها تمن الفستان و بقى فعلا ملكها ..

ايماننا بحاجة معينة بيخليها فعلا تحصل حتى لو بعد حين
ده مش جنان .. دى طرق عبادة لحاجة انتى مؤمنة بها

انت شايفة كده !!!!!!!؟؟؟؟

الأمومة مبتعرفش اليأس أو الإستسلام
الحنية مبتخلصش
الإيمان بحكمة ربنا وحنانه لا نهائي
لو الأمومة جنان يا فاتيما
يا ريت كل كوكب الأرض كانوا مجانين
صدقيني كنا هنشوف يوتوبيا رائعة
ومكانش هيبقي في ناس بتتوجع ومحدش حاسس بيها

ربنا يستجيب لدعائك بإذن الله
ويريح قلبك وقلب ملاكك الصغير :)
وبرغم البعد المؤلم ألم مش أي حد هيعرف يقدره ..بس أكيد بعد العسر يسر

وعسي أن تكرهوا شيئاً وهو خير لكم


كل سنة وإنتي أم في منتهي الجمال اللا نهائي وأخت جميلة لكل اللي يعرفوكي

مشاعر حقيقية و جميلة
ربنا يكرمه
و يفرحك بيه
و تلتقوا على خير قريب
و ان شاء الله ينورك فى العيد
----
على فكرة ساعات بحس ان تعليقى حيبقى رخم
فبخش اقرا و الوذ بالصمت افضل
عشان كدة مش بعلق كثير عند حضرتك

الزهراء أم يوسف
ممكن أتجنن معاكم

ربنا يرجهولك بالسلامة

طبعا مش جنان

دة عين العقل

لجأتي لمن بيدة الامر كلة وانا معاكي

ابنها يا رب

رنا يكرمك ياعم يوسف
ربنا انعم عليك بقلب أم حقيقي

ربنا يهنيك بيه ويكتبلك الخير دايما ويريح القلب ده ويسعده بقربك

يا حبيبه قلبى ده مش شغل جنان
ده حب وحنان وقلب ام مش بينام فى بعد ابنها عنه

ربنا يرجعه ليكى بالف سلامه
ويفرحه بيكى ويفرحك بيه وتشوفيه عريس يا رب

كل سنه وانتى طيبه يا حبيبتى

بوووسه كبيرة لحد ما اشوفك
وحشتينى

يا قلب الام الموجوع دايما .. يا حبيبتى ان شاء الله قريب قوى قوى هيكون يوسف فى حضنك وربنا هيقر عينك بيه وهيفرح قلبك بحضن دافئ منه

عارفه انا عندى الاحساس ده قوى ومتأكده منه بشكل جامد قوى اصل احنا فى ايام مباركه وربنا بيبتلى العبد كتير بس عند وقت معين بيكرمه

ربنا يقر هعينك وفلبك بيوسف يا ام يوسف
وبعدين ده اجمل جنان جنان الامومه ده وفعلا لهفتنا عليهم هيا اليى معيشانا فى الجنان ده

ربنا يفرح قلبك ان شاء الله يا طمطم

بعدين بئا على سيرة الصحه المخستعه انا بوصيكى لو جرالى حاجه ابقى اسألى على الواد بيرو عايزاه ياخد منك حنية القلب والطيبه اه انا نفسى الواد ميطلعش انسان مفترى

انا وصيتك اهه

ربنا يكرمك يارب ويفرح قلبك برجوعه وتاخديه في حضنك وتعملي كــــــــل ده وهو معاكي ان شاء الله :)

السلام عليكم
ان شاء الله
الله قادر انو يرجعوا ليكي
وتكون لحظة قد ماهي مؤثرة جدا وعاطفية بس ممتعة
انا واثق ان شاء الله ان اللحظة دي قريبة
كل سنة وانتي طيبة ويوسف كمان طيب
عفوا علي المداخلة

tamer wahba

أزيك يا أم يوسف
:)

كل سنة وانتِ ويوسف وكل اللي تحبيهم بألف خير وصحه وعافيه
ودايماً سعداء

وان شاء الله ربنا يردهولك بالسلامة ويفرح قلبك بيه

وده فعلا مش شغل جنان
ولو شغل جنان يبقي أحلي وأجمل جنان في الدنيا

ده شغل حنان يا فاتيما

:)
كل سنة وانتِ طيبة

Lyssa

ازيك يام يوسف

كل سنه وانتى طيبه

ان شاء الله يوسف هيرجعلك قريب

ربنا ميحرمك منه ابدآ يارب

رغم اني مش عارفه ليه يوسف بعيد عنك
بس والله هايرجعلك في يوم وباذن ربنا يكون اليوم ده قريب
انتي عارفه علي قد ماتتمسكي بحلم الحلم كمان يتمسك بيكي
وعلي قد اقتناعك بحدوث شي علي قد مافعلا بتتحق

قريت مره عن خاصيه الانجذاب
وان الحلم بيتحقق علي قد يقينا بانه هايتحقق
انا مش عارفه بقولك كده ليه
بس يمكن علشان بقنعك وبقنع روحي نتمسك بالامل
انتي عارفهيافاتيما انا زيك ليا غايب مستنياه
وعامل زي اللي ماسكه في اخر خيوط الامل
وكل ماحسه خلاص هايفلت من ايدي واليأس اتملك مني ادعي ربنا يقويني ويديني شويه صبر
بحس بخيوط الامل في ايدي واخاف تتسحب من بين صوابعي بكل يوم بعد وفراق

ربنا دايما عند حسن ظننا بيه
احسني الظن بيه بقي
ربنا يردلك الغايب وتفرحي بيه

اهلا فاتيما
....
هو فى الحقيقة أنا مش عارف خلفيات الموضوع لكن كلامك كان له على نفسى أبلغ الاثر والله
واسأل الله القدير فى هذه الاوقات المباركات ان يرد عليك ابنك وأن يجمع بينكما قريبا
اللهم يامن جمعت يوسف بيعقوب ورددت عليه بصره بنور الفرح أقر عين أختنا بولدها واجمع بينهما على خير اللهم آمين
..
حفظك الله واعمق تحياتى

ده ارق جنان
واحن جنان
وماعمريش شفت جنان كدا لان ده معنى تاني خالص
وياريت كل المجانين كدا
ربنا يردهولك يارب

ويقدرك على فراقه
بس اتاكدي
ربنا كبير
وموجود
وده عايز صبر وربنا معاكي ويردهولك ويعوضك عن ايام الفراق

الله يرجعه لك بالسلامه يا رب

ويرجع كل غريب لاهله ان شا الله

ده حنان ياحبيبتي مش جنان

ربنا يرجعهولك بالسلامه يارب ويفضل معاكي وتفرحي بيه يا فاتيما

لو دة جنان يا فاتيما يبقى ربنا يجنن كمان و كمان:)..رمضان خلص و العيد جاي..يااااا رب يبقى عيد سعيد عليكي و ربنا يسعد قلبك بيوسف و هو بيزورك و بيقولك كل سنة و انتي طيبة يا أحلى ماما و ياخد منك العيدية كمان.بحبك قوييي

السلام عليكم

ربنا يخلى لك يوسف

صوما مقبولا وافطارا شهيا

كل عام وانتم بخير بمناسبة عيد الفطر المبارك

مين قالك ان ده شغل جنان
ده فعلا زى ما بيقولوا شغل حنان وحب ورقة عارفة اكيد ربنا بيحب يوسف عارفة ليه لان زى ما ربنا رزقه بأب اى كلام ربنا يهديه
رزقه باحلى واعظم ام وارق واحن قلب اه مش قلب الام بقى
كان نفسى اعرف اقولك كلام احلى من كده بس على قدى بقى يا جميل
انا هادعيلك فى صلاتى وربنا يشهد عليا دلوقتى حالا انى ما هاصلى التهجد النهاردة والفجر هادعيلك ان ربنا يرجعلك يوسف بخير وان هو يشفى غليلك وحرقة قلبك بسرعة وقبا ما يجى العيد اللى جاى يكون حبيبك ف حضنك


ملحوظة يافندم
انا بقول ف التهجد والفجر عشان اوقات السحر
وياستى عشان انتى غالية عليا اوى
وبحبك اوى اوى هادعيلك ف كل صلاتى كل يوم يارب يستجيب ان شاء الله

هى الام كده دايما احساس رائع

هيرجع اكييييييييييييييد يا حبيبتى

لا تكلىّ
ولا تملىّ
من الدعاء
ومن النداء
يـــــــارب
هو العالم
وغيره لا
يعلم

دعيت لك بالاسم
ياطماطـــــــــم
النهاردة فى الوقت
اللى كتبت فيه تدونتى
انت ونـــاس أعزاء اوى
له الهداية والتـــوفيق
ارجو الله أن يكون دعائى من
نصيبك ومن نصيبهم جميعاً

وبعدين نسيتنى ياشيخة
الكلام اللى كنت جايه
اقوله وأمشى جرى الحق
السحورررررررررررررر
(السلام عليكم ورحمة
الله تعالى وبركاته
وكل عام وأنتِ
ويوسف بالف بخير
عيد سعيد وعمر مديد
فى طاعة الله والعمل الصالح)
بس انا كده استريحت:):):)

النهاردة بالليل جيتى على بالى انتى ويوسف وافتكرت فضلك عليه .. تعرفى امتى افتكرتك ؟ .. لما افتكرت الفرح ازاى ممكن يبقى بين ادينا ومنعرفش نفرح بيه .. فضلك عليه كبير قووووووى
ولا يمكن انكره ولا انساه طول عمرى
يارب بحق هذه الايام المفترجة ميجيش رمضان اللى جاى الا ويوسف فى حضنك و حاسس بحبك وبفضلك
يارب العيد اللى جاى هو اللى يعلق هدومه الجديده فى الدولاب بنفسه وكل اللى فات ده يبقى مجرد ذكريات تحكوها وتضحكو عليها
كل سنة وانتى يوسف طيبين وبخير

كل عام وانت بخير
السنة الجاية ان شاء الله تكونى مش عارفة تحمدى ربنا ازاى
لما يوسف يكون معاك
مش عارفة ليه خطر على بالى
انكم تكونوا فى عمرة انتم الاتنين
اللهم امين
تعيطوا عند الكعبة براحتكم
وتشكروا المنعم
وتقولوا
يارب لك الحمد كما ينبغى لجلال وجهك وعظيم سلطانك

السلام عليكم ورحمة الله وبركاته

كلام حضرتك مؤثر جدا
لأنه كلام أمومي .. ومهما أحس وألتمس حزنك الغير فلا يشعر بك سوى قلب
أم مثلك

ولست أنا كذلك ولكن أدعو لكي

ربنا يحفظهولك ويباركلك فيه

ويرجعهولك بالسلامة إن شاء الله
سالماً غانماً

وربنا ما يحرمك منه

و...

كل سنة وحضرتك طيبة
وعيدك سعيد عليكي إن شاء الله وعلى كل أحبابك

Angel Love

كل سنة و انتى احن ام
و اجمل قلب
و اجدع اخت

بوسات كتير و حضن كبيررررررر

احلى جنان

كل عام انت بخير
تقبل الله منا ومنكم

فاتيما الجميلة

كل سنة و انتى طيبة
و عيد سعيد عليكى يارب

و ان شاء الله تتهنى بالعيد الجاى و يوسف فى حضنك ان شاء الله

دمتى بكل الخير يا جميلة

ربنا يخليهولك
ويرجعه لحضنك قريب

انا كنت فى نفس ضيقتك وربنا رجعلى بناتى عقبالك
لوووووووووووووووووولى

اللهم تقبل منا ومنكم صالح الاعمال
عيد سعيد عليكم
وكل عام وانتم بخير

كل عام وأنتم بخير وبصحة وسعداء دائما

كل سنة وانتى طيبة يا احلى فاتيما في الدنيا

ويارب كدا ايامك كلها اعياد ومعاكى باذن الله وفي حضنك يوسفك القمر

ده شغل حنان مش شغل جنان على راى حودة




لو القاء الحريمى بقى يوم الجمعة الجاية يبقى مناسب بالنسبالك؟

لو قلتى اه
هاغير الميعاد
ردى عليا بسرعة

كل سنة وانتى طيبة يافاتيما
ربنا يسعدك دايمااااااااااااا
تقبل الله منا ومنكم صالح الأعمال

ربنا يرجعه بالسلامه ليكى يارب

كل سنه وانتى طيبة وان شاء الله عيد سعيد عليكى

:))

فاتيما

انتي مخصاماني ولا إيه ؟؟
مش بقيتي تيجي خالص

عموما
كل سنة وانتي ويوسف بخير
وعيد سعيد عليكو

Lyssa

يسعد الله مساك
احل علينا و عليكم العيد يا رب يتقبل منا و منك شهر الصيام من صلاة و ركوع و قيام و سائر العبادات و المعاملات
عيد سعيد على الجميع و يا رب تكون بالف خير
ملحوظة صغنونة : انا زعلان منك اوي
في انتظار تشريفك يا ماما يوسف

حلوة قوي الجملة الختامية .. إبني يارب

جملة ساحرة فيها تلخيص لحالتك وحالة أي ملهوف

صبرا أم يوسف .. ربنا هيديكي الخير كله بسبب صبرك ده إن شاء الله

الاول كل سنه وانتى طيبه يا فاطمه
ولاول مره حقولك فاطمه عشان اسمك هو على اسم واحده من افضل نساء العالمين
واحده اتحملت كتييييير جداا مع والدهاعليه الصلاه وافضل السلام ووالدتها رضى الله عنها وارضاها زمان عشان يوصلولنا رساله جميله احنا دلوقتى عايشين بنورها وبفضل الله سبحانه وتعالى
فتحملى يا فاطمه واصبرى ان شاء الله فرجه قريب
صحيح شكرا على مدحك للصوره ياله انتى وشطارتك هاتى عريس للصوره ههههههه قوليله ان صاحبتها اتغيرت للاحسن وصدقينى الكدب مباح فى الحالات دى دى حاله حرب العنوسه ههههههه
اه للاسف حسافر ان شاء الله يوم الجمعه القادم وكان نفسى اشوفكم قبلها بس ما باليد حيله الحمد لله حتوحشونى جدااااااااااااااااااااااا
بوسيلى الكل فى القاء الحريمى بالله عليكى

ربنا يسعدك ويطمن قلبك ويفرحك بولدك بعوده لكِ
وعلى طوول والله كل ما بدخل المدونة هنا بفتكر قصة سيدنا يوسف لاني بحبها جداً
ان شاء الله ربنا يقر عينيكي بعودة يوسف

كل سنة وانتي طيوبة
وعيد مبارك و سعيد عليكي

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

كل سنه وانتي طيبه يا فاتيما وكل سنه ويوسف بخير

كل سنه وانتى طيبه يا حبيبه قلبى
والسنه الجايه يكون يوسف فى حضنك

باذن الله

موووووووووووووووووه

اللهم قر عينك برؤية يوسف يارب
والعيد اللى جاى ان شاء الله يكون معاك يارب

يارب يفرحك بيه
بس انت كنت قلت من فتره انك هتقعدي مع اهل طليقك علشان تظبطو موضوع الرؤيه ده
ربنا يحللك الازمه ويرجعلك تانى
كل سنه وانت طيبه ويارب عيد سعيد عليكي
______

فرحان ان شوفتك فى لقاء المدونين ورغم انه ماتكلمناش كتير بس انت حد حلو وطيب قوي ويدخل القلب من غير اذن
كل تحياتى ومودتى لك

ربنا يباركلك فيه ويرده لك بكل خير ويقر عينك برؤياه يارب

تذكري قصة سيدنا يوسف وقولي كما قال يعقوب ( فصبرا جميل والله المستعان ) وان شاء الله خير

انا حبيتك في الله ااوووووي يا اخت فاتيما ربنا يصلح لك الاحوال يارب واعرفي ان عظم الجزاء من عظم البلاء واذا احب الله قوم ابتلاهمـ فمن يعرف ذلكـ يحمد لله فحب الله للعبد لا يساويه ولا يعادله نعمه ابدا ربنا يجعلك من الصابرين المحتسبين وابشري بفرج قريب .. فان النصر مع الصبر وان الفرج مع الكرب وان مع العصر يسر ...

لن انساك من الدعاء ويوسف ان شاء الله ...

وكل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

السلام عليكم

كل سنه وانتى طيبه ياروح قلبى

عيد سعيد عليكى وعلى كل حبايبك

وبالاخص روح قلب مامته وروح قلبنا

كلنا يوسف

العيد الجاى باذن الله يكون فى حضنك

وحشتيني يا احلى ماما فاتيما
ربنا يجمعك بيوسف قريب ان شاء الله
كل سنه وانتي طيبه ويوسف بالف خير يارب

رئيس جمهورية نفسى
و إنت بألف خير يا محمود
ياااااااه كان واحشنى اقرى إسمك ف صفحة التعليقات يا نحنوت كما تناديك قمر التدوين كله آبى هانم بتنجانى
مبروك ع الشغل و ربنا يباركلك إن شاء الله فيه و ف الوقت عشان نعرف نلاقيك
عيد سعيد يا ريس



صبرنى يا رب
حااااااااااضر يا صبصوبة
بس اعمل لسيادتك إيه و إنتى قلبك حنين أساساً ؟؟
خدى يا ستى البوسة و معاها حضونة كبيرة خالث




عاشقة الرومانسية
يا بت بطلى تدلعينى بقى
مين بقى اللى حنين فينا ؟؟!!
باقى من الزمن عشرون يوماااااااااا



dr.w.krm
شكرا ليكى يا دكتورة
و ربنا يسمع منك إن شاء الله
عيد سعيد عليكى





وومن
جودى ؟؟!!
وحشتنى و الله
ما تجيبها معاكى اللقاء الحريمى ماهى تنطبق عليها الشروط برضو
و هندلعهالك آخر دلع متقلقيش
عيد سعيد عليكى يا حبيبتى
و العيد الجاى اكون بنيم بنتك ف حضنى
يااااااااا رب




غير معرف
شكرا ليك






adel
يا ولدى العزيز الغالى
هتغير من يوسف يا عادل ؟!!!
ليه بس كدا دنا معتمدة عليك يا بنى تدلعه معايا و تدعمه نفسيا مش تقولى بغير و بتاع ...
رد السؤال أهو
يسوفة




manamino
الف شكر يا مينو
قلبك فيه الخير



صاحب المضيفة
الله
كانت وحشانى خالتى دى قوى
و إنت طيب يا انس يا غالى
هبقى جدة إمتى ؟!!
يا رب قريب
سلامى للجماعة قوى




مسدس صغير
كتر الف خيرك على كل الدعوات الحلوة دى يا صاصا
كل عيد و إنتى طيب و طيب القلب كدا

أم مالك
متحرمشى من دعواتك الحلوة يا غالية
كل ما أقرى تعليقاتك اطمن قوى و احسن إن كله خير
كله خير إن شاء الله
و الله فعلا فيه حاجات مبقولهاشس لا الناس تقول مجنونة بجد مش هزار بس بحس إن التصرفات الغريبة دى هيا اللى بتدينى قوة و قدرة على التوازن شويتين بدل ما اكتم ف روحى و أستسلم لليأس
متحرمشى منك يا حبيبتى أبداااااا




reem
يا خراشى ى ى ى ى ى ى ى ى ى
كنزى دى بقى اديها ميت بوسة و ألف حضن منى لحد ما أشوفها بنفسى فى أقرب فرصة و نبقى نتفاهم سوا مع بعضينا
كتر خيرك و خيرها و ربنا ما يحرمنى و لا يحرم يوسف من الحب الكبير اللى بيغمرنا دا كله
دى نعمة ربنا و اليسر اللى جاى مع العسر ..هوه اكيد يا حبيبتى





appy
هقولك إيه بس ؟!!
معنديش غير بس
بوسة و حضونة





قوس قزح
الله
حلو قوى وصف العبادة يا داليا
أصلى ساعات بحس إنى بعشق يوسف بجنون يتخطى حب الام العادى لأبنها
القصة حلوة
و ممكنة
و مش بعيد على ربنا
وأصعب حاجة بتتسهل فى لفتة عين و إنتباهتها
بحبك يا وش الخييييييييير




nigro
ساعات بيتهيألى كدا يا أبو قلب دهب
ساعات بشوفها فى نظرات ناس حواليا
ساعات
بس موافقة يعنى




diyaa
و إنت بألف خير يا ضياء
يا من يعدو الخير ف ركابه
و الطيبة فى كلماته
و النقاء ف قلبه




بدراوى
يا عزيزى متقلقش من حكاية التعليق بإستمرار دى
أختك برضو مش كل بوست بتعلق فيه عند الىخرين لأن ساعات بتصادفنى حالة من الصمت و مبلقيش شىء أقوله
متقولش رخم دى تانى و تزعلنى منك
إنت كل اللى تقوله على راسى من فوق إنت و كل الاحباب اللى بيزورونى هنا




abu shosho
تتجنن معانا إزاى
معلش مش فاهمة ؟؟
على فكرة أغلب تعليقات حضرتك مببقاش فاهماها قوى
يمكن لأنها مختصرة قوى
او انا فهمى على قدى يمكن
معرفش
بس عموماً
كل سنة و حضرتك طيب فى كل الأحوال



غير معرف
شكرا




مصرى جدا
متحرمشى منك يا هانى
وفرحانة جدا إنك رايح مشوار إسكندرية و ربنا يبارك ف اليوم إن شاء الله



أحمـــــد أبو العلا
يا أبوالعلا قلبك فيك الخير
و اخجلتمونا
اتمنى رايك يكون حقيقى بجد لأنها فعلا نعمة من ربنا و غالية جدا

حنين القلب
يا يا دفعة
أيوه منتى خلاص بقيتى منضمة حديثاً أهو لصفوف الامومة الجميلة
كل سنة و إنتى طيوبة و حلوة زى منتى
و العيد الجاى
هيبقى البامبينو قاعد ف حجرك
و إنتى قصاد الكمبيوتر
و بتكتبيلنا التعليقات
و يروح دايس على الزراير
و يبوظلك الدنيا
و تقعدى تزعقى
و هو يضحااااااااك
و قلبك يرفرف من الفرحة بضحكته
و قلوبنا كلها معاكى ترفرف
يا رب


mahsen saber
سلامة قلبك من الوجع
يا بنت أبيها الغالى
و متوصنيش على بيرو ربنا يخلى ماماته الحلوة و تجوز عياله و عيال عياله كمان و تشيل عيالهم
حاولى تيجى يوم السبت يا ست الستات
ماشى التفاصيل عند خيخة



rehab mostafa
إنتى فيييييين يا رحوبة ؟!!
وحشتينى
عيد سعيد عليكى يا حبيبتى
و متغيبيش علينا كتير كدا



tamer wahba
يا فندم حضرتك نورت المدونة
و شكراً على كل تمنياتك الطيبة دى
كل سنة و حضرتك بخير




lyssandra
و إنتى طيبة و بألف خير يا ليسا
وحشتينى إنتى كمان قوى




حـلـم كـان
شكراً ليكى على الدعوات الطيبة
كل سنة و إنتى طيبة يا عزيزتى



عاشقة و غلبانة
كل حد فينا له حبيب غائب و ينتظره
ممكن يكون شخص ما
او مصير ما
أو حلم ما
و ربنا يرد كل غائب لمن ينتظره
اول مرة اسمع عن حكاية خاصية الانجذاب دى بس لو عليا
انا ممكن اميّل الكرة الأرضية بحالها بمحتالها بقاراتها و محيطياتها و سكانها و جذبتهم ناحيتى بمنتهى السهولة
لو حبيتهم قد ما بحب يوسف
و لو كنت منتظرهم قد ما بنتظر يوسف
عموماً لا حبى
و لا إنتظارى
و لا يقينى هينتهى يا عاشقة
كل الود ليكى و التمنيات المماثلة

نور الدين
أشكرك يا نور من قلب قلبى
كتر الف خيرك على شعورك الطيب
و كل سنة و إنت بألف خير





شباك موارب / منار
متحرمشى منك يا منار
و ربنا يسمع دعاكى يا رب




أقصوصة
أشكرك من قلبى يا اقصوصة
عيد سعيد عليكم فى بلدك الطيب
و القريب لقلبى الامارات الحبيبة



mony el-shreef
حمدلله ع السلامة يا مونى
و متحرمشى يا حبيبتى من دعواتك الحلوة





dahlia..
انا كمان يا ام يحيى و فارس
بحبك
قوييى




فشكووول
و يخلى احمد الحفيد الجميل
و يبارك فى كل الأسرة الطيبة
و كل عيد و حضرتك وسطنا و منورنا




بيطرية و مش بإيدى
يا حبيبتى كووووول دا أنا مش قده
و مقدرش ارده ليكى
بس انا بعتبره هدية ليوسف
و هدية غالية منك و من كل حد بيدعيله بظهر الغيب
كل سنة و إنتى طيبة و جميلة
و بيطرية و مش بإيدك


غير معرف
فعلا


غير معرف
شكرا ليكى



norhaty
متحرمشى انا و يوسف من دعواتك الحلوة
و ربنا يكتبله فيها نصيب يا نورهانتى
عيد سعيد عليكى يا حبيبتى
يا رب

إيمان
إيه يا إيمان كل الكلام الكبير دا
إنا خجلانة من كرم أخلاقك و مشاعرك الطيبة دى ناحيتى انا و يوسف
و ربنا يا حبيبتى يسعد كل أيامك و لا تجدى فيها غير الفرح
الفرح و بس
كل سنة و إنتى بالف خير





لقد خلقنا الله أحرارا
يااااااه
يوسف ف حضنى ؟
و بنعمل عمرة كمااااااان ؟؟
دنا ممكن قلبى يوقف من الفرحة
ربنا كبير و مين عارف
كل عيد و إنتى بألف خير يا أستاذة



angel
إسمك حلو
و الصورة اللى مختاراها لسعاد حسنى احلى و ميرسى على كل التمنيات الطيبة اللى حساها طالعة من القلب دى
عيد سعيد عليكى إنتى كمان
يا رب




الطائر الحزين
و إنت بألف خير يا طائرى الحزين



Soul.o0o.Whisper
و إنتى طيوبة يا همس الروح
و عيد سعيد عليكى يا حبيبتى




blue-wave
الف شكر ليك يا دكتور
عيد سعيد عليك إن شاء الله




غير معرف
الف مبروك ليكى
و ربنا يفرح قلبك علطول


همس الاحباب
و إنت بألف خير يا خالد
يا غالى
و ابو هموسة الجميلة




mimi
و إنتى طيبة و بألف خير و صحة يا ميمايا يا بسكوتايا

بت خيخة و أى كلام
انا رديت عندك يا خوخة بس أقول تانى إحتياطى
خلينا ف السبت زى ما حنا
وهخلص شغل و طيران عليكو
اشوفك على ألف خير يا نورا



mohamed ghalia
الله يبارك فى عمرك يا محمد
و كل عيد و إنت بألف خير يا عزيزى
و سلامى لبطوط الحبوب



رحيل
و إنتى طيبة يا رحيل
عيد سعيد عليكى




lyssandra
ازعل و اخاطمك ؟؟!!
ليييه بس
أبداو الله
بس إنتى اغلب كتاباتك شعر و نثر
و ساعات كتير مبلقيش تعليقات مناسبة اقولها
فبستمتع بالمكتوب و بس
هاجى يا حبيبتى حاضر
عيد سعيد عليكى إنتى اكتر يا رب


assafo anaroze
و يسعد مساك يا أسافو
عيد سعيد عليك يا عزيزى و على كل المغرب الشقيق
و ليه بس الزعل ؟!!!



يا مراكبى
كل سنة و إنت بألف خير يا عم مراكبى
كل سنة و إنت نبع الحكمة الصافى
كل سنة و إنت بلسم شفا بكلماتك الرقيقة و دعمك الصادق
و متحرمشى منك ابداااااااا




سومة ..مجنونة فى بلد عاقل
تسافرى بألف سلامة يا سمسومة
و الصورة تحفة انا مش بجامل دا رأيى بجد
و حاضر سلامك هيوصل إن شاء الله
خلى بالك من نفسك يا حبيبتى
و تسافرى بالف سلامة و يا بخت اللى رايحلهم يا ستى



♥ Am fOpa'D ♥
فعلا يا فوباد
قصة يوسف فيها شبه كبير
مش بيقولوا كل واحد ليه نصيب من إسمه
و انا سميته على إسم سيدنا يوسف عليه السلام و كأنى كنت بستشرف المستقبل
ربنا يجعله نفس حظه ف الخير
يعنى يبقى حاجة مهمة و سيد قومه
ساعتها غيابه عنى يبقاله معنى يوازى غلاوة و عذابات الفراق
إن شاء الله يكون كله خير
و عيد سعيد عليكى يا حبيبتى




mimi
دا يورو و لا دولارات يا ميمايا ؟؟
أصل انا مبشتغلش غير ف الجنيه المصرى العدمان بتاعنا
عموما ...
مقبولة منك
و مشكرين يا ميمايا
يا بسكوتيا



د.ياسر عبدالفتاح
و حضرتك طيب و بألف خير يا ياسر
عيد سعيد عليك يا عزيزى إنت كمان




mado80
مااااااااادو
ازيك يا بن الناس الطيبين
وحشتنا قوى
قوى
كل سنة و إنت بألف خير يا عزيزى
عيد سعيد عليك يا رب




ayman
شكرا لمشاعرك الطيبة
و عيد سعيد عليك




mostafa rayan
و الله يا مصطفى
المحاولات رجعت للمربع صفر من تانى
و رجعت ريما لعادتها القديمة
و انا ف إنتظار الحل من اللى لا بيغقل و لا بينام و قادر على كل ظالم و مفترى
كل سنة و إنت طيب و عيد سعيد عليك
و شكراً على كلماتك الطيبة ف حقى و يا ريت اكون عند حسن ظنك و قد الكلام الحلو دا
اشكرك من قلبى




ghorbty
اشكرك يا حبيبتى على كل كلمة ف تعليقك
و ربنا يستجيب إن شاء الله
كل سنة و إنتى بالف خير يا حبيبتى



قيس بن الملووووح
اشكرك و عيد سعيد و عمر مديد ليك إن كماااااااااان



ليس فقيراً من يحب
متحرمشى منك يا رانيا
عيد سعيد عليكى يا حبيبتى إنتى كمان
و على كل احبابك


Princesa ... WHiSPeR
و إنتى كمان وحشتينى يا احلى قطعة سكر
كل سنة و إنتى طيبة يا حبيبتى
و عيد سعيد عليكى إن شاء الله

كل عام وانت بكل خير يارب

فاتيما
بس اللي اعرفه انه قانون الاحوال الشخصيه الجديد مد سن اقامه الولد مع امه
يعنى المفروض هو دولقتى يكون فى حاضنتك انت
وكمان انت كنت قلتى من فتره بردو ان في ناس مدونين بيشتغلو فى المحاهاه عرضو عليكي رفع قضيه على طليقك ده ومن غير انت ماتتكلفى اي مصاريف .. بس ماقلتلناش عملتى ايه فى الخطوه دي ؟
ربنا يكشف الغمه عنك ويرجعه لحضنك من تانى وتفرحي بيه

كل سنة وانتي طيبة يا فاتيما
ويارب ايامك كلها تبقا عيد برجوع يوسف لحضنك
عيد سعيد عليكي وعلى يوسف

كل سنة وحضرتك طيبة دايما يارب

ويوسف بخير ويفضل منورك حياتك دايما

اللهم امين

عيد سعيد

كل سنة وحضرتكـ بخير وتقبل الله منا ومنكم
وأسعد الله أيامكـ بفيض رضاه ونور هداه وباركـ بعمركـ إلي يوم تلقاه


-----------

كلامكـ بيوجع قلبي قوي

لحظة صمت..
..::لأني أعشق البكاء في هدوء::..



؛
,
أحاول النومَ..
هرباً من آلامي..
لكنها..تصر على ملاحقتي..
حتى في أحلامي..
أصحو...
لأجدها مستلقاةً بجواري..
أو مجثاةً على صدري..
صرختُ كالمجنون..
في ثورةٍ..وهمجية..
نشبتُ أظافري..في جسدي..
متى تنتهي هذه المهزلة...
أجابتني جروحي..
ضع رأسكَ...
تحت المقصلة...!



نحاول أن نمنع دموعنا..
أن نمسح لمحة الحزن عن وجوهنا...
لنقنع أنفسنا بأننا اقوى من الألم...
وأنه بمقدورنا..أن نهزمه...
لكننا نكتشف بأنها أوهامٌ..
بعد أن يسحقنا..بسياطه...
::
/

تبقى الابتسامةُ ضيفاً صعب المنال..
حتى إن قررت زيارتنا..
تكون شبحاً هزيلاً..!!

::
/
توأمان...أنا والألم...

أعلم أنه قد لا يقرأ كلماتي هذة ولكنني أتمني أن يقرأها حتي يعود

صديقكم /رامز عباس
أرجع لحضن أمك هو فيه الخلاص
عمر مكان بعادك فيه شيء من الأخلاص
الأم دى قلب وروح بيحبوا بالأخلاص
حاول تعود وترجع الأب مش هيكون هو الأساس
ياروح قلب ماما يا يوسف يا طفل بريء
طريقك طويل بدون الأم يا طوله طريق
أرجع لحضن أمك أرجع وبوس رأسها
محد هيحبك قدها كل الحنية عندها
أرجع لحضن أمك هو فيه الخلاص
أسمعها بتنادى في جوف الليل أبني !!!
الكون بيسمعها بيتألم والناس كمان
أرجع يا يوسف أرجع لحضن أمك

عيد الفطر المبارك كل عام وأنتم بخير
من أخيك المسلم ۔ ماليزيا

يا روح قلبي

وحشاني جدا جدا

ببوسك قوي قوي يا ميمي

عشان واجعة قلبي قوي قوي قوي بكلامك ده

بس برافو عليكي انك لا تيأسي ... ربنا يتقبل دعواتنا كلنا ويرجع لك بالسلامة انه قادر على كل شىء

كل سنة وانتي اجمل واسعد .. آمــــين

لا حول ولا قوة الا بالله
أسفه
بس معنديش شئ اقوله
لكن بجد انا حبيتك واحترمتك لما عرفتك وقعدت معاكى

ربنا يصبر قلبك ويريح بالك ويعيد عليك العيد وابنك فى حضنك

ويخلى كل ايامك سعيدة
كل سنه وانت طيبه

أزال أحد مشرفي المدونة هذا التعليق.

فاتيما

كل سنه وانت طيبه
انت انسانه تتالف من الحنان و الحب و الرقه و ما تملكينه يكفي اطفال الدنيا فلا تحرميهم من النهل من منهلك الذي لا ينضب

اشغلي نفسك بتفريغ شحناتك المتقدة لمن يحتاجها رافة منك علي نفسك و رحمة لمن هم بحاجه اليك
و يوم يجمعك الله بولدك علي خير سوف تصبحين الام التي يفتخر بها دائما

كل سنه و انت طيبه
تحياتي

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

ربنا يجمعك بقرة عينيك فى اقرب
يا طمطم يا حبيبتى
عليكى بالدعاء الى الله عز وجل
قهو قادر على شىء
كان الله فى عونك
وربنا يصبر قلبك بالامل فى لقائه وضمه الى حضنك قريبا بإذن الله
قادر على كل شىء
اصبرى واحتسبى وادعى ربنا ليل نهار
وان شاء ربنا هايحقق كل ما تتمنيه

==========
بصى انا سمعت الداعية الشاب مصطفى حسنى بيقول
لو كانت ليلة القدر فضلها كبير لان الملائكة بتتنزل فيها للسماء الدنيا
فغحنا كدة عندنا ليلة قدر فى اخر كل ليلة
حيث ان الله عز وجل يتنزل للسماء الدنيا فى الثلث الاخير من الليل
وينادى هل من ساءل فأعطيه
هل من مستغفر فأغفر له

ادعى ربنا دايما فى اخر الليل
يعنى تقريبا من الساعة واحدة لحد اذان الفجر
اللهم انا ندعوك كما امرتنا فاستجب لنا كما وعدتنا

بحبك فى الله يا طمطم
كل سنة وانتى طيبةيا حبيبتى
وان شاء الله العيد الجاى يكون يوسف فى حضنك

كل سنة وانتي زي الفل يا فوفا
كل سنة وانتي قلبك متطمن مرتاح
كل سنة وانتي أجمل فاتيما موجودة حوالينا

مممممممممممممواااااااااه
:)

مها ميهوووو

وحشتيني يا فاتيما اوي
كل سنة و انتى طيبة و بخير
و بعدين ما احلى الجنان لما يكون مع حد القلب مغرم بيه و فيه

يا حبيبتى طول ما انتى متجننه طول ما قلبك صاحي مش ميت و بيتنفس
ربنا قادر يرجعه لحضنك يارب
و يحنن قلبه عليكي و يحببه فيكي
ربنا يسهل و اشوفك السبت ان شاء الله اذا قدرت آجي
كل سنة

ازيك
وكل سنة وانت طيبة وابنك طيب ان شاء الله
وده مش شغل جنان ابدا
بالعكس
انت اجمل ام في الدنيا
ربنا يردهولك علي خير ان شاء الله

إفتقدتك كثيرا يا أم يوسف
أعترف أنني اجد هنا أمومة لم أرى لها مثيلا
و كانك مصدرها يا سيدتي

اتمنى من الله ان تذكريني
فلم اجىء الى هنا الا لانني لم انساك ابدا

ماما امولة
و إنتى بألف خير يا حبيبتى
نورتى المدونة كلها



مصطفى ريان
ياااااه يا مصطفى
هوه انت من الناس اللى مقتنعة بقوة القانون ؟!!!
طب و بلطجة القانون تسمع عنها ؟؟
يعنى تعرف إنه ممكن يبقالك حق و تاخده قانونا لكن متعرفش تنفذه ف الواقع لأنك هتتبهدل و تبهدل الناس معاك ؟
الحكاية أصلها طويلة و صعبة و متشابكة و يمكن ييجى مناسبة و اعرف أشرحهالك بس اشكرك على العدوة الطيبة


baskouta
و انتى طيبة يا بسكوتة
ميرسى يا حبيبتى
عيد سعيد عليكى دايما


أسماء و احلام فى وجدانى
اشكر يا احمد
انا دايما مقصرة معاك كدا ؟



مواطن شووجااع
اشكرك على الدعوات الطيبة
و اشكرك على الكلام الطيب
و اشكرك على الشعر الجميل



رامز عباس
إن شاء الله يقراها يا رامز
و يشكرك بنفسه على مشاعرك الحلوة دى



Dr. Abdul Wahab Arbain
شكراً على التحية
كل عام و انت ايضا بخير



zianour
يا ام الزاد و النور إنتى كمان وحشانى و واحشة كل محبيكى
ربنا يسمع منك يا حبيبتى
بسويلى الشقاوة نور
و الشقاوة زياد




صفـــاء
يا كناريا نورتى المطرح كله
انا كمان حبيتك قوى
قوى
خليكى وسطنا بقى و متغبيش و تروحى و تقولى عدولى
عشان إحنا هنعد و بذمة
بوسة و حضونة يا حبيبتى




احوال الهوى
هيحصل إن شاء الله
عندنا زيارة بدعوة من مدونى إسكندرية الجميلة لدار أيتام قريب
شكرا على النصيحة
و الدعاء الطيب
نورتنى جدا



ميمى و احمد
خلاص اللى عارف هيروح يسلم نفسه هناك
بجد إنتوا شخصيات جميلة
حقيقى




سبهللة
انا كمان بحبك قوى يا سبهللولتى
كان نفسى تيجى لقاء الحريم
شوفنا بنوتة عسولة قوى شبه إسراء
و قولنا دى بنتك ..و للأسف مطلعتشى
وحشتينا قوى



احسن تستاهل
متحرمشى منك يا حبيبة قلبى
سلامى لميرو النيرو

واحدة مفروسة
و إنتى كملن يا فروستى
مجتيش لييييييييييه ؟؟
كان نفسنا نشوفك
فعلا هوه احلى جنان ف الدنيا
و انا معترفة بيه و افتخر



kochia
و إنتى بالف خير يا كوشكش
متحرمشى منك يا حبيبتى



عبدالحميد محمد
معقولة انساك يا ميدو
هوه حد يعرف يكتب الكلمات القليلة عددا العميقة شعوراً كدا غير راين مان اللى فاطمته لم تغب أبداً ...
وحشتنا إنت كمان و مفتقدينك
عوداً احمد
ل
عودا عبدالحميد
يا ميدوووووووووو

لو دة جنان يبقى اجمل جنان
لكن دة حنان ، ربنا يديمه فى قلبك
لأن أجمل قلب القلب المملوء بالحنان
أن شاء الله ها يرجع يوسف لحضنك .
كل سنة و أنت طيبة عارفة أنها متأخرة بس غصب عنى و أنت عارفة رجعت الجمعة بس .
نفسى اشوفك و أقعد معاك و نتكلم و نرغى كتير قوى .
لو عاوزة ابعتى لى على الميل و أبعت لك رقم التليفون و نتكلم و نتفق على ميعاد .

أنا عيد ميلادي في سبتمبر
كل سنة وحبيبك بخير
كل سنة وانت ماما حنينة

إرسال تعليق