.

.

يا عبيطة !!!  

Posted by: فاتيما in




إزاى يا عبيطة إنتى
إتصورتى
إن الشمس و القمر
ممكن يجتمعوا
ف سما واحدة
و يفضلوا سوا مش متفرقين؟!!
بلاش هبل يعنى
تكونيش ناوية تناكفى الفلك
و لا تبدلّى ف علوم الفضا
وتعاندى بغباء
قوانين الطبيعة
أحسنلك تقبلى بالمقسوم
و كفاية عليكى كل يوم
شمس قلبه
تنور عتمة قمرك
و تتلاقوا دايما
إنشالله
على وداع


إنت و أنا
يا حبيبى
شمس و قمر

This entry was posted on الجمعة, ديسمبر 04, 2009 and is filed under . You can leave a response and follow any responses to this entry through the .

58 كــــلام بيطــبطـــب عـــلى قــــلبى و روحــــى

ستتيتة حسب الله الحمش
معلش يا ستوتى حصل لخبطة امبارح بعد كتابة الموضوع
إنتى عارفة خطاريف البلوجر
الأيام دى
ربنا هداه النهاردة و إنصلح حاله
كان نفسى احتفط بتعليقك قوى
بس و الله
عاوزة اقولك
العند مش إختيار اول
أصل ف العادة لما الواحد بيحب
مبيخترش
و لو اللى قلبك راحله دا
مينفعش يكونلك
يبقى غصب عنك يا ستوتى
بقيتوا شمس و قمر
صحيح يلتقيان زى ما قولتى فلكياً
فى سما واحدة
بس انا صلحتها
و كملت إنه
مينفعش يفضلوا سوا
و مش متفرقين
سيبك انتى
وحشانى تعليقاتك قوى
انا بعد تنازلى على يوم البؤجة
السبت
الاحد
الأتنين
.....
..........
بحبك قوى يا س س

كفاية عليكِ
نور ربــــك
منور قلبك
ليلك ونهارك

ساعات الرضا
بالمقسوم بيبقى
نعمة وملكة
نسعى ونجد
للوصول اليها
يحسبها الناس
تخاذل وتهاون
ولكنها نعمة

ايه الفلسفة الجامدة دي يا خالتي

كل سنة وانتي طيبة وسعيدة يارب

كل الود

الله عليكي يا فاتومتي
ايه الجمال ده:

و كفاية عليكى كل يوم
شمس قلبه
تنور عتمة قمرك.

بصي حقيقي الكلمتين دول لمسوا قلبي جدا
انتي مش ممكن ... بجد جميلة اوي علشان تقدري تعبري عن احساسك بالجمال ده

واكيد لما شمس قمره بتنور عتمة قلبها
قلبها بيشع نووووور يغطي على اي نوووور لان قلبها في الحقيقة منور اصلا بالحب.
صباحك نور يا قمر.

الحب ما هو الا حالة من العبط مستمرة ومتألقة وبدنها يتدمر الفلك وتعتم الشمس والقمر

مينفعشى
ميصحشى
متتبلعشى

الحياة من غير حالات حب واشتياق وغيرة وراحة وشجن وتوتر

كلها حالات تتألق ساعات وتغيب ساعات ولكن تبقى نبضات القلب مستمرة

بس خلاص
هبة

لا إسمحي لي أختلف معاكي يا أم يوسف
الشمس و القمر مجتمعين فعلاً في سماء واحدة
و مش معنى إن نور الشمس بيكون مغطي في النهار على القمر إنه مش موجود
هو موجود بس إحنا مش قادرين نشوفه
و حتى في الليل بيكونوا موجودين بس إحنا اللي في ناحية ظل الأرض بالنسبة للشمس و شايفين ضوء الشمس المنعكس على سطح القمر

و حتى ليلة المحاق القمر بيكون موجود بس إنعكاس ضوء الشمس عليه بيكون مش واصل من الزاوية بتاعته يوميها للأرض

و نخرج من كل اللك اللي فوق ده بحاجة واحدة
إن إن شاء الله ربنا حيجمعك بمن تحبين على خير
و حتقولي محمد قال

Fire and Ice
Some say the world will end in fire,
Some say in ice.
From what I’ve tasted of desire
I hold with those who favor fire.
But if it had to perish twice,
I think I know enough of hate
To say that for destruction ice
Is also great
And would suffice.
Robert Frost

:-)))))
i felt it goes with your writing

from Eclipse - Stephenie Meyer - Twilight 03 - Eclipse

ايه البلاغة ديه يا طمطم
بيبقى صعب جدااا انك تحسي انك انتى و اللى بتحبية عاملين زي الشمس و القمر لا تلتقيان
ساعتها بيكون القمر وشة حزين
و نور الشمس باهت
ربنا ينور حياتك يارب
و يرسم السعادة على وشك
ده على اساس انك انتى القمر
تحياتي

هو انا كنت ناوي ارد بس في تعليق شدني
الل هو اول تعليق ل norahaty

طبعا اكدي ربنا جوانا بس مين قال ان ربنا جبنا هنا عشان بس نعبده
ربنا جبنا عشان نحب و نعيش ونعمل خير يعني كل الصفات اللي خدناها عنه

دي نقصطة

النقطة التانية يا امي
مين قال الشمس و القمر مبيجتمعوش ؟
هما فعليا الشمس و القمر في سما واحدة
احنا من عجزنا مش بنشوفهم سوا
ومين قال انك متقدرتيش تغير علوم الفضا
اللي معندوش قدرة علي التغير ....
يبقي هو السبب مش علوم الفضا :):)

انا اعرف ناس قابلت الشمس بالقمر وانا بتعلم اعمل كده برضه

انت ليه من الاول تصنفي الشخصيتين على انهم شمس وقمر ده لان عندك نية مسبقة انهم مايجتمعوش وانت اصدرت حكم مسبق انطلاقا من اختيارك للتصنيف ده.
اعتبريهم أي حاجة تانية ممكن تتلاقى وتفضل مجتمعة متفقديش الامل ومتصادريش المستقبل ربنا وحده العالم حيحصل ايه
تحياتي لك

“The way you move — you orient yourself around him without even thinking about it. When he moves,
even a little bit, you adjust your position at the same time. Like magnets . . . or gravity. You’re like a . . .satellite, or something. I’ve never seen anything like it.”

from same book :-)

"The last two magnets did not want to cooperate with my fixation.
Their polarities were reversed; every time I tried to line the last one up, the other jumped out of place.
For some reason — impending mania, perhaps — this really irritated me. Why couldn’t they just play
nice? Stupid with stubbornness, I kept shoving them together as if I was expecting them to suddenly give
up. I could have flipped one over, but that felt like losing. Finally, exasperated at myself more than the
magnets, I pulled them from the fridge and held them together with two hands. It took a little effort —
they were strong enough to put up a fight — but I forced them to coexist side-by-side.
“See,” I said out loud — talking to inanimate objects, never a good sign — “That’s not so horrible, is
it?”
I stood there like an idiot for a second, not quite able to admit that I wasn’t having any lasting effect against scientific principles. Then, with a sigh, I put the magnets back on the fridge, a foot apart.
“There’s no need to be so inflexible,” I muttered.

which mostly fit??

امي عاوزة كمان تشوف واحد جمع الشمس و القمر و الحياة و الموت
شوفي فيلم
into the wild
فيلم مبني علي قصة حقيقة 100% ... ورغم انه واخد مركز عالي عالميا بس هو مش جامد كفيلك
بس وهمي ككقصة .... فيلم مش طبيعي ...وهيترجم اجابتي اكتر

و كفاية عليكى كل يوم
شمس قلبه
تنور عتمة قمرك
*********************
لالالالالالالالالا
انا اعترض وبشده على الجمله دى
ليه؟؟؟؟
لانى هنا لازم اقر واعترف انك انتى الشمس
مش شيفاكى غير شمس
يمكن علشان الدفء اللى بتكونى سبب فيه لكل اللى حواليكى؟ والشمس كده
يمكن علشان نورك بيطغى على نور اى انسان جنبك وبيكون الانسان ده ضئيل قوى فى حضورك والشمس كده

اما عن البوست فانا فرحانه جدا بيه
لانه بدايه بشرى بخير قادم
ومين عارف يابطه مش يمكن ربنا بيقولك انه عايز يعوضك؟ بس اصبرى
مفيش مستحيل يابطه الشمس والقمر بيجى عليهم وقت ويجتمعوا فلكيا فعلا
واحنا ممكن نشوفهم كمان مع بعض
وتعالى نفترض ان عمرنا كله من المهد الى اللحد يوم واحد يبقى فتره ألتقاء الشمس والقمر عمر
حتى لو الوقت ده قصير بمقايسنا احنا بس انا شيفاه انه عُمر كامل
بالنسبه والتناسب كده ولو بصيتى لها بزاويه تانيه هتلاقى ان فتره التقاء الشمس والقمر دى هى عمر كااااامل لينا
ولو جه وقت افتراقهم فدى نهايه كل شئ
لكن بعد عمر طويل
مش عارفه قادره افهمك احساسى ولا لأ؟
المهم نصيحه من اختك الصغيره
عيشى الحياه لحظه بلحظه علشان تستمتعى بيها
بحبك جدااااااااااا
بوسه وحضونه كبيره جدااااا مني على خدك الجميل ياشمسى وقمرى
(:

norahaty
يا نورهانتى يا حبيبتى
شكراً لأنك شايفة قلبى فيه بعض من نور
و فعلاً الرضا بالمقسوم فيه بعض الراحة و العزاء و بيبقى حل لما البنى آدم يعجز عن المضى قدماً فى شىء مش قادر يوصلهلأى سبب كان
خالص حبى ليكى يا حبيبتى


صاحب المضيفة
آه شفت يا انس
خالتك فاتيما مخها ضرب خلاص
و الفلسفة بقت الحل الوحيد اللى تقدر بيه تمنطق الاشياء
وحشنى تعليقاتك جدا
و وحشنى كلمة يا خالتى منك جدا
و خالص حبى لآية النساء كلهن
جدا





Baskouta
يا بسكوتة بالشكولاتة
أزيك يا حبيبتى
انتى بس عشان بتعزينى شويتين
شايفة الكلام حلو
هى صورة و جت ف بالى أعبر بيها
عن الوضع الحالى
صباحك هنا يا بسكوتى




Doba
دوبى ى ى ى ى
بالنوسبة لتعريفك للحب
الله يونر
هوه كدا فعلاً
حالة جنان أزلى
يتغير عشانها كل القواعد
و القوانين
الشىء الجميل فعلا يا دوبى
إنى إكتشفت إن النبضات اللى بتقولى عليها لسه موجودة !!!
و مستمرة و بقوة
ودا سبب كافى يخلينى أرضى و لو مؤقتاً بالمقسوم و أكون ممتنة للدنيا على الصدفة النادرة دى
حتى لو مفيش بعدها حاجة
و بس خلاص انا كمان
بوسيلى العياااااال





مهندس مصرى
يا محمد انا عارفة إنهم بيجتمعوا
و ستيتة كانت كاتبة نفس الكلام فى تعليقها اللى معرفتش انشره للأسف ...
بس عارفة كمان إن تواجدهم فى حيز مكانى واحد لوقت طويل و دايما
... شىء مستحيل
مش بقفلها و لا حاجة
بس شيفاها كدا
على فكرة يا محمد
انت من الناس اللى غالية على قلبى
قوى و سبحان الله من غير ما أشوفك
و ربنا ما يحرمنى من إهتمامك
و اخويتك الصافية دى

لا يا فاتيما بصى فى السما قرب المغربيه حتلاقيهم الاتنين ظاهرين مع بعض بتحصل كتير :)
كل سنه وانتى طيبه وبالف صحه وسلامه يا رب
بالنسبه لخالو انا هنا فى السعوديه ومش عارفه اتطمن عليه والله ولسه عارفه الخبر امبارح بالليل متاخر من مدونته ومحدش قالى وخايفه اتصل ببنته اللى هنا فى السعوديه معايا تكون متعرفشى هى وطنط فاقلقهم اكتر
انا بعت لماما رساله اسالها عليه
ربنا يستر ويشفيه يا رب

Wanda
الكلام اللى كتبتيه دا يا وندا
يكاد يكون مقارب للفكرة اللى جت ف بالى بالمللى !!!
التعليق التانى
تحفة
و اكثر مناسبة ما دمتى سألتى
حسيت كأنى فى سينماو شايفة المشهد متجسد قدامى
مكتوب برقة و فيه جمل كتير تشبه نكش الفراخ اللى رصيته فوق دا
العناد و الصعوبة و حاجات كتير
تعليقك جميل جداااا يا وندا
بشكرك عليه بجد





واحدة مفروسة
الله يخليكى يا فروستى
بلاغة مرة واحدة ؟!!!
دا من غلبى يااوختشى بكتب هذاالكلام
و متخافيش على القمر
هوه مش حزين خالص
هوه بيحمد ربنا جدا
إن طلع فى سماه شمس دافية بتشع نور
و تملى عتمة حياته
بشوية ضى
و إحنا كنا لاقيين أساساً ؟!!!
الحمدلله



adel
واد يا عدولة
تعليقاً على تعليقك على نورهانتى حبيبتى
هيا متقصدش يا بابا اللىانت فهمته متهيألى يعنى هيا تقصد
إنها من محبتها ليا متوسمة إن قلبى ربنا باعت له شوية نور ساكنين جوا
الجزئية التانية بقى
انا طبعا بحييى فيك شجاعتك و قلبك الجامد و رغبتك فى محاربة علوم الفضا
بس اصل الواحد يا عادل عشان يحارب لازم يكون عنده دافع قوى
لخوض الحرب دى و الإستعداد للخساير
و الأستمرار لآخرها بنفس الحماس ..
مش كدا ؟؟
لكن لو انت لوحدك
و مش عارف حاجة
هينفع تتحرك خطوة واحدة من مكانك إزاى؟؟
و عاوزة أشوف الفيلم دا بجد
لما أسأل الواد ماجد أخويا لو كان يعرف يجيبهولى من النت و لا حاجة
منحرمشى منك يا غالى على ماما



خواطر شابة
أزيك يا خواطر
وحشتينى
و تصنيفى يا حبيبتى مبنى على أساس
الفوارق و الاختلافات و المسافات البعيدة هيا اللى بتخلينى أقول شمس و قمر
و مش بصادر و الله
طب تصدقى إن دى اول مرة تقريباً
من عشر سنين مش عاوزة اقول فيها
لأ ..و مينفعش ؟؟
نورتينى





عاشقة الرومانسية
دودو يا حبيبتى
وحشتينى يا عروسة بحورى
و انا معترضة على إعتراضك جداااا
اولاَ
لأنى انا القمر طبعااااا
و حس عين أى حد يقول غير كدا أقطعه حتت أنا عنهرج و لا إيه ؟؟
ثانياً كل اللىسعادتك قولتيه عن الشمس
و نورها و دفاها و ضيها
نفس احساسى بالضبط
لأنه فجأة بعد ظلام دامس
و برد و موات
الدنيا بقت شكل مختلف
و كنت اظن عمرها
ما هتكون كدا أبداً تانى
و حالة التفاؤل العبيطة اللى عندى
و الأمل فى بكرة رغم كل اللخبطة
و الموانع مخلينى مش فارقة معايا
أى حاجة الصراحة
و بالعكس مخليانى حاسة بالسعادة
و النعمة من ربنا إنى لسه قادرة
احس و احب تانى
و اتمنى خير من الدنيا
نصيحتك قيد التنفيذ يا قطتى
و انا كمان بحبك
يا عروسة بحورى أنا

فاتيما حبيبتى
وحشانى ازيك ياطمطم
بعد كل السلامات والبوسات والحضونات اللى بتوعدينى بيها وموش عارفه ربنا هيقدرلى انى اخدها ولا لا
صباحك شيكولاته بيضا بالحليب ياحليب
انا سألت قبل كدا ماذا سيحدث لو اجتمع القمر والشمس فى بوست كنت كاتباه قديم
وفيه تعليق جانى
وقال هيحصل كسوف او خسوف
يعنى فى الحالتين هتبقى ضلمه
موش انا برده عبيطه والنبى
امووووووووووووووووه
صباح الفل ياام يوسف

سومة ..مجنونة فى بلد عاقل
صحيح يا سمسومة!!!
الله يطمنك يا حبيبتى أيوه كدا شوية تفاوءل مش وحشين ...
و كل سنة و إنتى بالف خير يا حبيبتى
أنا إفتكرتك رجعتى من السعودية !!!
طب وحياتك يا سوما لما تتطمنى يا ريت انتى كمان تطمنينا
لو نقدر نروحله و لا حاجة
قوليلنا فين و احنا ناخد بعض
بربطة المعلم كدا و نطب عليه
نرفعله من معنوياته شوية
و كمان نشوفه و نطمنك ...
هستنى ردك متتأخريش علينا
و النبى
بحبك قوى يا حبيبتى
و ربنا يشفيه و يعافيه يا رب




sookra
مش عاوزة الشكولاتة البيضا بالحليب بتاعتك دى يا ستى ساسو ...
ليه؟!!!؟؟
زعلانة طبعااااا
بقى فى الحالتين هتبقى ضلمة؟!!
خلاص قفلتيها علينا من كل ناحية يا بنتى حرام عليك اروح فين انا دلوقتى ؟!
و من ناحية عبيطة ..
تعالى اقعدى جنبى يا امى
لو الحب يبقى عبط ..و ماله
الوصف دا ميبقاش شتيمةو لا حاجة
و بعدين البوست و الحضونات
دول عهدة تخلى بالك منهم قوى عشان هييجى يوم و هتمضى بالإستلام
و متقلقيش يعنى
ربنا يا حبيبتى يقربلك البعيد
و يسعدلك أيامك
أنا كمان بحبك جدااااا يا سكرتى

طب و ليه التشاؤم ؟؟
ان شاء الله تتقابلوا على حب مش وداع
خرق القوانين سر الحياة الحقيقى
صدقينى

ربنا يسعدك
اعتراضك مقبول
هى وجهات نظر
بس زحلانه انك مش فهمتى قصدى
عاااااااااااااااااااااااا

لا انا مفهمتش حاجة من تعليق norahaty
انا بس كملت علي كلامها

وبعدين مين قال انتي لوحدك ؟؟
ما لو حسبنها كده يبقي منطقيا انا لوحدي برضه ؟؟
صح ...؟ ما انت عارفة اللي فيها :)

معتقدتش انك بتحاربي لوحدك ...ولا أيه ؟

phoenix
مش تشاؤم و لا حاجة
بس تعرفى
اوقات البنى آدم
بيعمل درع حماية لنفسه
عشان لو انصدم ..تبقى الصدمة
اقل عنفاً عن المتوقع
بس
نورتينى و عجبنى قوى آخر بوست عندك
فيه بلاغة مختصرة و شفافة
شكلك حكاية كبيرة
ممتنة لزيارتك جدا





adel
و لا إيه يا عادل
هى إيه دى المشكلة
انا مش عارفة إيه دى
أولها و آخرها فين
بس
إنما على الحروب و وجع القلب
انا قدها و قدود يعنى
و لا يهمنى إيه
فهمتنى يا حبيب ماما و لا إيه؟؟





عاشقة الرومانسية
زحلانة ليه بس يا قطتى الحلوة
و كمان عاااااا إنشالله أنشك ف قلبى اللى زعلتك ...عااااا على العااااا بتاعتك بقى
انا فاهمة قصدك يا حبيبتى
و بحبك قوى قوى
منكن نبطل عاااااا بقى ؟!!!

فاتيما حبيبة قلبي اللى وحشانى موت دايما

يا طمطم هما فعلا مع بعض في نفس السماء احنا بس عيونا مش قادرة انها تشوفهم مع بعض

لكن هما مع بعض وحاسين بوجودهم في نفس المكان ودايما

يارب ياقمر تكون شمسك دايما معاكى وتحسي بدفئها ونورها الساطع

لكى منى مليون بوسه لانك وحشانى اوى

الف الف سلامه على قلبك يابطتى
بحبك موووووووت
ومفيش عاااااا
خلاص
(:

هو صحيح القمر مينفعش ينور من غير الشمس بس برضه الشمس من غير قمر حيبقى ناقصها كتير
انا شوفتك مره واحده بس انتى فعلا شمس و شمس كبيره قوى لانك كنتى قاعده معانا و كمان منوره على كل اللى حواليكى و كمان قمر لانك جميله قوى و نقيه و بيضه من جواكى قوى و لا بياض مليون قمر
باحساسنا نقدر نجمع الشمس و القمر مع بعض
ربنا يفرحك يا حبيبتى و يخلى ايامك كلها نور و فرحه

فاهمك طبعا يا ماماتي
بس عيب عليكي وراكي رجالة :)

على فكرة

ساعات لما ببص في السما
بتكون الشمس طالعة
والقمر موجود

مش صعبة
ولا هتعاند الكون

لكل قاعدة شواذ

:D

سلمت اناملكِ

سلامٌ عليكِ

كلماتك هايلة بجد
تحياتي

ننتظر تشريفك في مدونتنا "شيش وإزاز" قريباً

ازيك ياروح قلبى عاملة اية موووووووووواه دى بوسة منى ليكى بوسة ساقعة بمااننا فى السقعة دى وايدى سقعانة

هوة القمر والشمس

روح قلبى فاتميا اخبارك اية ياعسل

هوة اصلا القمر والشمس متجمعين مع بعض فى سما واحدة بس بعاد عن بعض
بيتجمعوا احيانا لو تبصى فى السما الصبح بدرى ساعة الشروق هتلاقيهم مع بعض او فى الغروب مع بعض بردوا

كفاية عليكى كل يوم
شمس قلبه
تنور عتمة قمرك.

كلماتك رقيقة اوى ربنا يسعدك يارب

مواااااااااااااااه

علميا

هما مجتمعين فعلا

الارض وهيا بتلف بيبان واحد بس مهم

لكن واقع الامر انهم الاتنين موجودين

وكثيرا

ما يشاهد القمر في كبد السماء عندما تأفل الشمس ولو قليلا

دي حصة كميا

حصة هاني بئا

نعم يا ختي

الا انتي يا فاتيما

اوعي يهوب الاكتئاب ناحيتك

اصلك مثل اعلى في الصمود

والتصدي

وتحيا الوحدة


الهندية

جردل مية للفيل اللة يسترك احسن سخن

الكلام ده هوا اللى بتطبطبى بيه على قلبك بس انا حاسه ان اللى جواكى غير كده
ممكن تحصل المعجزه الالهيه اللى يجتمع فيها الشمس مع القمر دايما

ع فكرة القمر موجود والشمس موجوده القمر بياخد اضاءته منها يعني القمر من غير شمس مينفعش


يااااااااه يا فاتيما لو نوصل لدرجه الرضا دي الرضا باللي بيحصل ومنحاولش نجري وراه حاجات ياااه ياريت يا فاتيما كلنا نبقا كده


وحشتيني جدا عارفه لما بعيط والله انتي بتكوني من الناس اللي بفكر اروحلهم يحضونوني:)

يارب تكوني بخير يارب يسعدك والله تستاهلي كل خير

اتمنى من العلى القدير ان يحقق لك احلامك ويريح قلبك وبالك اللهم اميين

الشمس من غير قمر ما ينفعش
وسبحان من جمعهم فى سما واحدة
لكن نحن لم نشاهدهم لاسباب كتيرة
وربنا يجمع شمل الشمس على القمر فى الارض
كما جمعهم فى السما
قادر على كل شىء
كل سنة وانتى طيبة يا ام يوسف

انا لما بدخل عندك بحس إنى مقصرة فى حقك كتيييييييييييييييير نفسى ألاقى حل وأجيب لك ولو حتة من السما وعارفة إن ده مش هيسعدك بس هفضل أدعيلك إن يوسف يرجع لك بشوق ويجرى على حضنك بلهفة وهو عارف أد ايه حبك ليه

يارب يا فاتيما يرجع لك عن قريب وربنا يطمن قلبك عليه ويريح بالك ديما

دمتى بكل الخير والسعادة

لما قريت كلامك مش عارفه ليه افتكرت المقوله اللى بتقول:
اسمى معانى الحب ,حب بلا امل....

كنت بكره جدااا المقوله دى لانها المفروض تكون: اوجع حب هو الحب بلا امل...

على فكره ربك لما بيريد هتلاقى القمر والشمس بيجتمعوا,ربنا لما بيقول للشئ كن فيكون,مش هيخضع لا لحسابات ولا مجرات ولا اى شئ...:)

يااااااااااااااااااارب خلى القمر والشمس يتقابلوا يااااااارب..

reem
انتى كمان يا ريم بتوحشينى
و لو فيها خير ربنا يسمع منك
و يجتمعوا سوا
هتيجى يوم البؤجة و لا مش نافع ؟؟؟




عاشقة الرومانسية
الله يسلمك يا قطتى
و خلاص مفيش عااااا




صيدلانية طالعة نازلة
علا
انا قعدت شوية كتييييير قصاد تعليقك
مذبهلة و اكاد أختفى خجلاااااا
انتى كاتبة كلام كبير عاليا قوى
انا فكرت منشرش التعليق
و بعدين صعب علياو خفت كمان تزعلى
بس حسيت أنه اكبر من أنه يتقال عليا انا مش كدا خالص
انا مش عارفة أرد أقولك إيه؟
بصراحة مش عارفة
ربنا يسعد قلبك






adel
طبعا يا غالى على ماما
انتى تفهمها و هيا طايرة
و طبعا ورايا رجالة
أومال مين اللى هعيطله
و يطبطب على قلبى
لما الشمس تفضل بعيدة عن قمرها
و مينفعش يتلاقوا خالص ؟؟




نعكشة
وحشنى أناملك دى
و وحشنى تعليقاتك قوى
و مبحبش أسأل كتير و أخنقك
بس بقول هتيجى و ترمى السلام
و تقول جملة سلمت أناملك اللى بحبها
بوسة و حضونة يا حبيبتى
و مين يعرف ؟؟



فخفخينا
شكراً ليكم
و مبروك المدونة الجديدة
نورتم البلوج سبوت
إن شاء الله نرد الزيارة

والله عندك حق يافاتيما
انا وهى برده شمس وقمر
بس هنقول ايه
يارب

تسلم ايدك
كلمات قليلة وبسيطة ومعبرة

على فكرة انا كمان بحب المشهد بتاع الواد اللى بيفرد جناحه ده فى فيلم اكس 3

بيفكرنى بنفسى لما ابقى فى حالة من الخيال والطموح

تسلم ايدك مرة تانية

wella
ميرسى يا ويلا على السلامات و البوسات و التشجيعات و كل حاجة منك
نورتينى





مصرى جدا
لأ متقلقش يا هانى
بقى انا يا عم
عمالة بقولك
شمس
و قمر
و نور
و عبط مدى على حب
تقولى أكتئاب !!!!
لسه بدرى قوووووى على ما اكتئب
مش دلوقتى مليش مزاج
و مش طالبة معايا خالص
انا لسه بقول يا هادى
و عشان قلبى مينصدمش
فحبيت بس أحذره من دلوقتى
لو ناوى على العبط الازلى و الجنان يبقى لازم يبقى عارف من اولها
إنه مينفعش ...
طبعا .. بينى و بين روحى
بتمنى ينفع و حصة الكيما بتاعتك
هيا اللى تطلع صح
بس هل كل ما يتمناه القلب يدركه؟!
لا تكلك
الصمود موجود
التحدى واقف جنب منه أهو
و الفيل دا إيه اللى وقفه ف الشمس؟
دلوقتى ياخدوه مخالفة
و تكع دم قلبك
و أنا
و لا أعرفك ساعتها
و اول مرة أشوفك
و ابقى خلى الجنى بتاع الفلاح و الترعة ييجى يسلفك ..هههههه


إبتسامة حزن
أهلااااا بيكى
و إنتى صح ..دى حاجة عاملة زى شبكة الامان اللى بيحطوها تحت الراجل و هو بيمشى ع الحبل عشان لما يقع متنكسرشى رقبته
ربنا يستر
نورتينى بجد



أميرة على كوكب مهجور
اميرتى يا حبيبتى
وحشتينى ..حمدلله على سلامتك
و سلامة قلبك من الحزن و العياط
الرضا نعمة .. بس نطولها
بس تعرفى
ساعات تقابلى ناس يخلوكى واصلة لحالة الرضا دى من غير مجهود كبير يذكر
لأن وجودهم و لو بأقل القليل فى حياتك فارق معاكى و مؤثر
الحمدلله على النور اللى جاى من الشمس و منور القمر
و ربنا يسعدك إنتى كمان يا حبيبتى




بنت بتحلم
أشكرك جدا
نورتينى



خالد همس الاحباب
حلوة قوى يا خالود الدعوة دى
و مش بعيدة على ربنا
كل سنة و انت بألف خير
يا أبو همس و شابى




(joudy)
ازيك يا جودى
وحشتينى جدااااا
و ميهمش يا حبيبتى تعالى أى وقت
و إنتى مش مقصرة و لا حاجة
و موضوع إيجاد أى حلول لمشاكلى لست مسئولة عنه فليه تحملى نفسك هذا العبء دون طائل ؟
وجودك و مرورك عليا
و اهتمامك كافى عليا
و البوست على فكرة المرة دى مش
عن روح قلب ماما
عن حبيب برضو .. لكن مش يوسف
شكراً فى كل الاحوال على دعواتك الحلوة
تكفينى و جداااااا

Mo7ammed
نورتنى يا محمد
و يا سيدى لما الاقى حل كونى لحكاية الشمس و القمر دى أبقى أقولك عليها علطول
لعل و عسى إنت كمان مشكلتك تتحل
كتر ألف خيرك على ذوقك و رأيك
و خطوة عزيزة بجد

بطه
كلمت ماما وطمنتنى الحمد لله وقالت انه بقى بخير دلوقتى طبعا لازم يبقى بخير طنط هدى رجعتله النهارده بالسلامه هههههههههههه والحمد لله

ما هو أحلى ما في الحب العبط يا فاتيما

بيخلينا نشوف الشمس والقمر والكواكب كلها في سما واحدة....بس أحيانا كتير بيكون هناك طرف حالم للغاية وطرف واقعي وبشدة...تحياتي

سومة ..مجنونة فى بلد عاقل
ربنا يطمن قلبك يا سمسومتى
الحمدلله
أهو انا أعز الرجالة الحونينة اللى بتحب زوجاتها كدا .. عملة نادرة أصلها
ربنا يخليهم لبعض و يتمم شفاه
سلامنا ليه و حياتك يا سوما
قصدى يا حااااجة سوما
ترجعى بالف سلامة يا حبيبتى
وحشتينااااا





كلمات من نور
أؤيدك بشدة
احلى ما فى الحب عبطه
و اختك فاتيما حبيبة كبيرة
بس عبيطة كبيرة كمان ...
حلو التحليل بتاعك دا على فكرة ...يمكن العقدة بتتحل هنا لإنهم بيكملوا بعض عشان الحياة تستقيم ...انا معترفة من دلوقتى إنى الطرف الغرقان فى الأحلام
تحياتى ليكى يا فندم
و نورتينى يا كلمات

ربنا يكرمك
وتتجمعوا مع بعض

ويصبح ويمسى عليكى دايما كل يوم


وشمس قلبه
تنور عتمة قمرك
وتتلاقوا دايما
ان شاء الله

بصي بئا انتي كاتبه فراق وحاجات بس انا متاكده ان جواكي فيه تفاءل بئا هه بث

يااااااااااااااارب يكتبك الخيرمكان ماتكوني

مش عارفة ليه دايما انا بفكر فى قصتك فى الجزء التانى من الحكايه
يمكن يوسف واخد عنك مشاعر سلبيه اكيد من تاثير الطرف التانى نقدر نقول دة شئ طبيعى فى المرحلة دى
بس لمة يكبر هيفهم الو ضع كويس بس يافاتيما اكيد اكيد فى حاجة جواه غريبة مش بيقدر ينساكى فيها اكيد حاسس بحبك دة حاسس بحاجة مش قادر يعبر عنها بطريقتوا اتاكدى ان كل لحظة فيها هو بيحس بيكى اكيد اقولك حاجة ومتضحكيش عليه لمة بحب حد اوى واشوفة او بعيد عنى بحس انو بيطلع من قلبى شعاع خفى بيوصل للقدامى بيوصلوا احساسى
فاكيد انتى عندك الشعاع
متقلقيش ياحبيبتى

مش بحسه عبط اوى

بحسه اكتر بنملة بتاكل احشائنا
اوقات توجعنا واوقات تزغزغنا

واجمل مافيه انك لازم تدوقى الوجع والزغزغة





انا مش عايزة ارد على حد
بس ممكن ارد على نورهاتى



كفاية عليكى نور ربك منور قلبك ليلك ونهارك

ليه كدة يا نووووووووووور
أنووووووووووووووووور

يعنى هى الواحدة ماينفعش تبقى عبيطة شوية

هو كله لله ولوطن كدة

مالناش نفس احنا يكون عبطنا لحد تانى

انا ماقلتش حاجة
هو فيه بعد نور ربنا نور


لكن برضه
نور الشمس جميييييييييييل
والقمر مايستغناش عن الشمس ابدا




سلام
اختك خيخة

حيوية ونشاط ما هذا الابداع
والله بدون مجاملة مبدعه !!!!
عبد الجليل

ده مش عبط
ده حب حقيقي
حب ربنا في الاخر هيجمع الشمس والقمر عشانه

somaya kamal eldin
ميرسى يا سومى
و ربنا يسمع منك يا حبيبتى
لو فيها خير ..يتلاقوا





كيـــارا
يا بنوتات يا عسولات إنتى
لازم هتكونى شايفة ما بين السطور
و مش هقول لازم ليه؟؟
هس بس شششش





كيكى عوووو
كيكى يا جميلة
البوست المرة دى مش عن يوسف
لما تقرى التعليقات هتعرفى
حكايتى مع يوسف مش محتاجة معاندة للقوانين و العلوم و لاأى حاجة ف الدنيا
يوسف جزء منى و إنفصل عنى مكانياً فقط
لكن هو موجود و لا أى حاجة تبعده عنى و تبعدنى عنه ..مفيهاش مناقشة دى
و لا هسأل فيها حد أصلاً
و كويس إنك علقتى عندى عشان مش عارفة أكتب عندك حاجة فى ىخر بوست
ربنا يشفي مايسة و يعافيها و تكون فى احسن حال إن شاء الله
و متهيألى كل اللى قرى دعائك امن عليه و ربنا يطمنك عليها





بت خيخة و أى كلام
لا فض فوك يا معلم
مش عارفة أتكلم
إنتى معايا ع الخط
و عليكى و على شيكو بسلم
و هيييييييه
....
شوفتى خليتنى اهيس زيك
يا خوختى






أستاذ عبدالجليل
و الله يا أستاذنا لا تتخيل
تشجيعك و كلامك دا بيسعدنى
اد إيه
إنت من الناس اللى رأيهم
بيهمنى جدا
و إحترامهم كمان يعننى اكتر
قبل رأيهم
نورتنى و يا رب
الصحة تكون تمام دلوقتى




أحمــــد أبو العلا
الله يخليك يا احمد دايما تعليقك
فيه أمل
منحرمشى من كلامك الطيب دا
أبداً

الانونيمس المحترم
يا اخى انا عاوزة أعرف
أنا عملت فيك إيه؟؟
انت مالك شايلنى فوق دماغك كدا
واضح انك متابعنى حتى ف المدونات التانية و بتقرى تعليقاتى رذالة
انت مالك بارائى و اسلوبى
هو انا لازم اخد منك الموافقة فى اللى عاوزة أكتبه؟
و تانى هتقولى بتشجعى البنات ؟
رذيلة إيه الله يخربيت الوكسات الفوقحلى اللى العالم فيها
فين الرذيلة دى ؟؟
دنا بقول شمس و قمر
اللى فى السما فوق دول ..بتشوفهم
و لا السواد اللى ف قلبك طالع على عينك كمان ؟؟
و إنت مالك بيوسف يا اخى
انت هتبص لمصلحة إبنى اكتر منى
و لا هتحبه ربع ما بحبه ؟؟
مستكتر عليا امر بتجربة حب ..
هوه انا مش بشر و بنى آدم
زى باقى الناس؟؟!!!
و ناس مين دول إن شاء الله
اللى منظرى بقى مكشوف قصادهم ؟؟
أنا مش فاهمة تقصد إيه؟؟؟
و كل مرة تستفزنى عشان أنشر تعليقك
و مش هنشره لما تقف على شعرك
لأنه مليان كلام داخل فى قذف المحصنات
و إتقى الله بقى انتا لا تعرفنى و لا بتمشى ورايا عشان تعرف أنا بعمل إيه؟؟
ممكن بقى تحرمنى من تعليقاتك
السخيفة دى و تيأس منى ؟!!!
انا مليت منك قوى الصراحة
و لو كنت فاكر كلامك هيخلينى أتهت
أو أكتب على مزاجك
تبقى غلبان
و مسكين
و بتحرث فى البحر
خلاص بقى كفاية كلام معاك
عشان زهقت

ازيك فاتيما

انا بخير


امتى البؤجة

عايزة اعرف التفاصيل ولو اجيب ملابس وكدة


ضرورى


شيماء سمير

shimaa samir
مشموشتى
يا حبيبتى التفاصيل مبدئياً هتلاقيها هنا
http://kouskoza7.blogspot.com/2009/11/blog-post_17.html
و هنا كمان
http://appyplant.blogspot.com/2009/12/blog-post_05.html
و دا لححد ما اكتب بوست مفصل و بحضره دلوقتى للنشر
فرحانة قوى أنك جاية
وحشتينى و أخيرا هتاخدى الحضونات بتاعتك
اشوفك على ألف خير يا حبيبتى يوميها
إن شاء الله





سبهللة
معلش يا سبهللولتى
معرفش التعليق متنشرش ليه ؟؟
بس منحرمشى منك يا حبيبتى
انا مقصرة معاكى معلش سامحينى
يا رب تكونى دايما بخير
بوسيلى العيال

ربنا يسعدك يا رب واشوف اسعد انسانه على وجه الارض
ساعات الرضا بالمقسوم فى حد ذاته بيكون قمه السعاده
ربنا يوفقك الى ما يحي ويرضى

وحشتينى يا فطوم والله بجد هشوفك امتى بقى

اى خدعة يا فاتيما :-)
بس اوعى تفتكرى ده كلامى
انا لعلمك خيبة فى الكتابة و التعبير و الانجليزى اكثر :-) بس كنت باسمع القصة ده (الجزء الثالث لقصص Twilight و لما قرات كلامك حسيت ان الكلام ده يمشى معاكى قوى
:-) بس ايه الحكاية
مود وومن و خيخة و اديك انضمنت ليهم متقارب قوى
بيحصل ايه فى مصر دلوقتى ياترى :-) بس حلو مود حب و انا بحب المود ده :-)

حنين القلب
و انتى كمان يا حنونة وحشتينى
ربنا ما يحرمنى من دعواتك
لو فيها خير يا رب تكمل
لو لأ ..ربنا برضو كريم
انا حاليا فى حالة أسعد من أنى أنكد على روحى بأى حاجة خااااالص
خلى بالك من عمورة لحد ما يطلعلنا و ناخد بالنا إحنا منه
بوسة و حضونااااااااااات



wanda
انا رديت عليك يا جميل فى البوست الجديد روحى هناك اقريه
سلام مؤقتاً

إرسال تعليق