.

.

فكّرونى  

Posted by: فاتيما in


- مامااااااا ..أنا نازلة عاوزة حاجة ؟
- أيوه هاتيلنا معاكى ...... و إنت راجعة
- حااااضر
ال ..... دى مش كلمة أعوذ بالله وحشة
و ضد الروقابة و لا حاجة

دى مجرد دلالة على أى شىء
زى العيش .. الدقيق ... مسامير
حلقات للستارة .. دوا .. أكل للقطط ... لبن
فكة م البنك و انا معدية عليه ف سكتى ...كدا
أى شىء يخطر على بالكم و ممكن الحاجة ام فاتيما
تقوله ع الصبح لما بسألها ... ماما عاوزة حاجة ؟؟



طبعا البديهى إنى لما أرجع ع العصر .. أكون جبت اللى هيا طلبته
سهلة أهى و مفيهاش حاجة خالص
لاااااااا .. مين اللى قال ؟
هوه فيه حاجة الأيام دى بالساهل ؟!!!
لازم يبقى فيها إن


و إن المشكلة يا حضرات تكمن
فى إن ... أختكم فاتيما
بقت بتعانى من حالة فقدان ذاكرة جزئى
لأ و كمان إيه؟ .... إنتقائى
يعنى ف حاجات و حاجات
و ساعات و ساعات



مثلاً
ماما قبل وقفة العيد الكبير بيوم طلبت منى اجيب عيش بلدى
و انا راجعة م الشغل عشان الفتة
بتاعة اول يوم دى كلكوا عارفينها

الساعة تمانية و نص الصبح نازلة كالعادة .. هاتى عيش
و قولتها حاضر
روحت الشغل و عادى ... و بعدين لسه بقول لروحى
هيا ماما كانت عاوزنى أشتريلهاااااا... هاه ؟
و بعيد عنكم أقعدلى سبع ساعات أفرك ف تلافيف عقلى
و أحاول أعصر ف مخيخى و أفتكر
هيا ماما كانت عاوزة إيه ؟؟
كانت عاوزة إيه؟؟
و لا يمكن أبدااااا أفتكر
و خلاص يئست من الحكاية .. قوم ربنا يكرمنى
و بالصدفة البحتة

و انا خارجة مدهولة من محطة المترو
الاقى واحدة قاعدة و بتبيع عيش
فلمبة تنور فوق دماغى زى أفلام الكارتون

و ييجى على بالى الله يرحمه ... الاخ أياه اللى إكتشف قانون الطفو
لما قال .. وجدتها وجدتهااااااا
و الاقى روحى انا كمان وجدتها
الحمدلله يا رب ... ماما عاوزة عيش




المنظر دا بيتكرر طول الوقت و مش كل مرة بلاقى
وسائل مساعدة كدا ف سكتى
و غالباً بروح البيت بخفى حنين
و منظرى بيقى ويييحش قوى



المشكلة إن الموقف دا إنتقل للشغل
و انا المفروض شغلتى أفتكر و افكر المديرين بتوعى كمان
بس مبيحصلش .... دايماً أنسى مين سأل على مين
و مين عاوز إيه من مين
و أصلا بقالى أهو ييجى حوالى خمس شهور
و مش حافظة نص الناس

اللى هناك مع إنى بصبح عليهم كل يوم
و قالولى أساميهم وانا مبركزش

و عادى الواحد ينسى حاجات المفروض يجيبها او يعملها
بس لما الحكاية توصل لأكل العيش كان لازم يبقالى فيها وقفة





طبعا الحل المثالى اللى تبادر لذهنى
إنى أكتب فى نوتة صغننة كل حاجة عشان أفتكرها أول بأول
و قولت و الله فكرة مش بطالة



مبدئياً
نسيت أشترى النوتة
و بعد كام يوم لما أفتكرت صدفة
انى لازم أشتريها و الحمدلله جبتها
دخلنا ف تانى دحديرة ...إنى بقيت أنسى
اكتب فيها انا عاوزة إيه
يعنى المفروض مثلاً اول ما اقول ...انا عاوزة اشترى شامبو
اروح .... جايبة النوتة
و كاتبة شامبو
مرحلة أروح دى .. بتتنسى تتعمل من أساسه
و أفتكر بعديييين بقى على مهلى
أو بالصدفة واقفة قصاد فترينة

و شفت الشامبو فأشتريه



يا دى الخيبة .... دى أعراض زهايمر مبكر دى و لا إيه؟؟!!
و الله ليه لأ ...هو الواحد بعد كل اللى جراله
من أحداث جلل

مستبعد فيوزاته تضرب و مخه يهنج ؟



بس دى تبقى وكسة كاروهات و منقطة .... زهايمر و من دلوقتى ؟
أومال كمان عشرة خمأشر سنة هيجرالى إيه؟؟
هيكتبولى إسمى و عنوانى تاتو على دراعى ؟



يكونش النسكافيه السبب ؟
طب دنا بقيت أقلل منه هوه و القهوة التركى


يكونش حالة الأرق اللى ساعات بتبقى عندى؟
مش كل يوم الأرق دا ...و بنام أوقات كويس و ساعات معقولة


يكونش ضغط العمل ؟
لا ضغط و لانيلة الدنيا عادية و هادية ... أنا هستعبط؟!!


يكونش كبر السن ؟
إحم إحم .. مش للدرجة دى دنا لسه ما وصلتش للأربعين يعنى الله


يبقى اكيد التفكير مفيش غيره ؟
طب دى نحلها إزاى بقى إن شاء الله ؟؟



أنا مش غايظنى ف الفيلم دا كله إلا ..... حاجة واحدة بس
إنى بنسى الحاجات العادية هوا
و دايماً بفتكر الحاجات الرخمة بسرعة

و ممكن الذكريات تمتد معايا ضاربةً فى عمق التاريخ
لحاجات حصلت و انا ف أبتدائى مثلاً و تيجى ف بالى بكل تفاصيلها
و كأنها حصلت إمبارح ..دا إيه الحوسة دى يا رب؟



و بناء عليه و بس قبل ما أنسى
و حيث إننا داخلين على سنة جديدة

و الناس عادة ف آخر السنة بتعمل كشف حساب للى فات
و حصر للاحداث و الشخصيات و تأرشفها
و توثقها عشان نفتكرها

فأنا قررت أعمل العكس .. غلاسة و إستقطاع



و أكيد لسبب ما قوى ... بس الحقيقة
مش فاكرة إيه هوه دلوقتى



بس بصراحة نفسى شوية أبطل أفتكر كل الحاجات
اللى بتتعبنى

و اللى راسخة فى ذاكرتى بدون سبب منطقى
غير انى غاوية انكد على روحى و روحى تنكد عليا
و لأنها غالبا بتكون متعلقة بأشخاص (بعضهم) و بجد
بكون فقدت رغبتى

فى معرفة أى شىء يخصهم خالص
و لا عاوزة أفتكر اساميهم حتى

لكن للأسف دا مبيحصلش رغماً عنى و خارج إرادتى
ففكرت بما إن مدونتى هيا المكان الوحيد تقريباً
اللى بفتكر فيه كل حاجة ... بتسعدنى
فليه لأ محاولش
انسى فيها كمان كل حاجة .. بتضايقنى


ليه معملش قايمة للنسيان و يمكن ع السنة الجاية
أكون نسيت منها كام حاجة

أحاول
و لتكن بنودها كالتالى

-----------------------------------------


1- عاوزة أنسى كل علقة كنت باخدها من بابا و انا صغيرة
2- عاوزة انسى كل كلمة دبحتنى من أى حد عرفته ف كل عمرى
3- عاوزة انسى اول مرة ركبت فيها طيارة
4- عاوزة انسى كل راجل قرب منى و مقدرتش أصرخ و احمى نفسى
5- عاوزة انسى اليوم اللى توفت فيها جارة عمرى وصديقتى
و زميلتى ف المدرسة و الجامعة .. (سماء) الله يرحمها
6- عاوزة انسى السنة اللى إنخطبت فيها و أى تفاصيل متعلقة بالخطوبة دى
7- عاوزة انسى يوم ستة أكتوبر 93 عشان إتبهدلت فيه إنسانياً و صحياً
8- عاوزة انسى يوم وفاة ستو الله يرحمها لأنها كانت سندى و ملاذى
9- عاوزة انسى كل حاجة بتفكرنى بأبو يوسف و غصب عنى بلاقينى فاكراها
زى يوم ميلاده و برجه و يوم خطوبتنا و كتاب كتابنا كل ما اعدى جنب الجامع
و لما أعدى جنب الفندق مش عاوزة افتكر الفرح و الزفة
و الأغانى اللى كانت شغالة وقتها و لا الشارع اللى هوه ساكن فيه
و أسامى أخواته و اهله و أى حاجة تخصه لأن مجرد فكرة
وجودها ف ذاكرتى و شغلها لحيز و لو سلبياً ... تفكير بيعكننى
11- عاوزة أنسى و جداااا آخر يوم شفت فيه وشه و تواجدت معاه فى مكان
12 - عاوزة كمان انسى رقم 95 و امحيه من دماغى
13- عاوزة أنسى بهدلة اهلى معايا و الحسرة اللى بلمحها دايما
ف وشوشهم و مش عاوزة تروح بمضى الزمن
14- عاوزة انسى اليوم اللى أنحكم عليا فيه بالنفى و التغريبة ست سنين
15- عاوزة انسى الوقت اللى ضاع من عمر يوسف و سعادته بسببى
16- عاوزة انسى يوم وفاة بابا لأنى ملحقتش أشوفه و اطلب منه يسامحنى
وأوصله لآخر مكان و اخد عزاه زى أى بنت
17- عاوزة انسى وجدااااااااا اليوم اللى مشى فيه يوسف
18- عاوزة انسى كل المناسبات اللى بتعدى عليا و هوه مش ف حضنى
19- عاوزة أنسى إن مليش وجود فى حياته و لأجل غير مسمى
20- عاوزة أنسى إنى ما زلت بنى آدمة قليلة الحيلة
و خصومى ما زالوا غير شرفاء و بجبروتهم كما هم
21- عاوزة أنسى إنى واحدة ست و قلبها لسه بيدق و مستنى معجزة
22- عاوزة أنسى كلمة أمان ... لأن أصعب حاجة إن تتمنى بكرة
و تبقى عارف من جواك ... انه أكيد مش هيكون بتاعك
عاوزة أنسى كل هذا
و إزاى
معرفش؟


عاوزة أبطل أفتكر كل الأحداث البايخة دى
بالتواريخ و الوجوه

وتصرفات االأشخاص
و حتى اللبس اللى كنت لابسه و كل شىء

كل شىء



و ساعات بستغرب من مخى و رزالته الصراحة
إشمعنى دول كلهم فاكراهم .. و الباقى لأ ؟؟
و بسأل بجد... يكونش دا فعلاً زهايمر
و انا أوشكت أنفصل نفسياً و عصبياً عن الحاضر
و أعيش ف الماضى

و لا دى حالة نفسية ف اللا شعور و كدا
بس انا مخدش بالى ؟!!


وياترى انا لوحدى هكذا
و لا فيه ناس كتير زيى
معرفش



بس على كل حال
بمناسبة إننا داخلين على 2010 و مش رايحين كاس العالم
والبلد كلها شكلها ... مش رايحة
هيا كمان ف حتة

و انا شرحه ... كمان مش رايحة ف حتة
و كلنا قاعدين و براحتنا بقى
فياريت انتوا كمان تقولولى
عندكو قايمة زى دى ... و لا مفيش؟؟



ولو حبيتوا تعملوا قايمة وعاوزين تنسوا
نفسكوا 2009 تاخد معاها إيه
و هيا ماشية وغير مأسوف عليها؟؟

هنتظر تعليقاتكم و ادينا بندردش


و كنت عاوزة أقول حاجة مهمة
أنهى بيها البوست

آه
لأ إستنوا كدا
هاه
يوووه ..... كانت على طرف لسانى
أدينى نسيتها أهو


طب لما أفتكر هبقى أقولها
و إن مكنش السنة دى

يبقى السنة الجاية و عليكو خير


و مش بعيدة .. دى كلها كام يوم بس
بس متنسوش وقتها برضو
تبقوا تفكرونى



كل سنة و إنتوا طيبين
-----------------------------



بردان أنا ... تحت الغطا

بفرك كفوفى ... محتاج دفا

و عقل سارح فى الحنين

و قلب ... نبضه إختفى

يا طعم الحاجات اللى فاتت

يا طعم الحاجات اللى ماتت

ليه دايما فى الشتا ... بفتكر

اللى كنت فاكره أتنسى


عادل إبنى


This entry was posted on السبت, ديسمبر 26, 2009 and is filed under . You can leave a response and follow any responses to this entry through the .

62 كــــلام بيطــبطـــب عـــلى قــــلبى و روحــــى

ياربي زهايمر في كل مكان .شفاكي الله وعافاكي ..بس تعرفي : من كام يوم كنت عند دكتور مخ و أعصاب ..علشان الأستاذ ابني نمرة اتنين ..17 سنة ..وقع واتبطح وتقيء وداخ وطبعا قالوا ارتجاج في المخ وجرينا بيه عالمستشفى وفي المستشفى كلمت طبيب المخ والأعصاب قالي اعمل أشعه ولو مافيش اي نزيف داخلي اجيبه عالعيادة .الحمدلله مطلعش فيه نزيف وقوم ايه الدكتور بتاع الطواريء شاف الأشعه و بص زي التاهيين اللي عندهم زهايمر وسأل أخويا هو وقع على أي ناحية !!!!! أخويا مسك نفسه وقال له اليمين ..قاله آه عنده شرخ في الجمجمة ولازم يقعد تحت الملاحظة .دكتور المخ والأعصاب قالي لا الشروخ متهمنيش هاتيه وتعالي العيادة ..وفي العيادة طلع ان مافيش شروخ في الجمجمة ولله الحمد ومافيش اي خطر بس وقت الوقعه حصل له ارتجاج مؤقت الحمدلله هو بقى تمام وعندكم في القاهرة عنده بطولة رماية ..دعواتكم علشان يكسب ويترشح لبطولة قبرص إن شاء الله ..ايه داه ؟ هو أنا كنت أقصد إيه؟؟ اه أختي كانت معايا وهي صغيرة يعني أصغر مني سألت الدكتور إنها باعني من زهايمر و بتنسى ووووو حاجه كده زي ما حكيتي قالها مش زهايمر داه كتر تفكير في حاجات كتير بتخليكي تنسي اللي المفروض تفتكريه يعني مش حاجه في المخ بس محتاجه تنسي.....تعرفي يا أم يوسف أحلى حاجه تخليكي تنسي الدنيا بكل أحزانها إيه؟؟؟؟ تخلي المصحف معاكي في كل مكان وكل فرصة تقري حتلاقي نفسك بتقري حوالي جزئين في اليوم وتلاقي نفسك لما تلاقي ربك الكريم أثناء القراءة بتحسي انك بتعملي لنفسك غسيل مخ وغسيل قلب و غسيل دم وووو وتحسي بإن محدش ليكي غير ربنا سبحانه وتعالى ومافيش أحلى من رضا الله عليا وصدقيني وقتها كله حيهون ويصغر في عينك وتلاقي نفسك منورة كده وتفتكري طلبات ماما ...وبعدين احلى حاجه في الدنيا الموبايلات دلوقتي ماما تقول عيش بلدي تقومي كاتبه ماسيج و تخليها في ال
draft
علشان تفتحيها وتفتكري اللي ناسياه ..دي وصفة سهلة ووصفة هايلة أنا باعملها وكل يوم الصبح افتح الدرافت الاقيني كاتبه كلمي فلانة ...متنسيش كذا ...الخ

ربي يخليكي لماما ويخلي ماما ليكي.تحياتي

أسلوبك شيق و اخدتينا بطريقة مسلية...

انا هاكتب بغير معروف وعارفه انك هتعرفينى بقلبك

ياااااااااااه يابطه
البوست ده ألمنى جدا
انا كمان عايزه انسى حاجات كتير
عايزه انسى فتره خطوبتى بكل ما فيها
عايزه انسى انى اديت كل حاجه ومش اخدت اى حاجه
عايزه انسى ان اخويا مد ايده عليا
عايزه انسى ان بابا سابنى وراح ومش هيرجع لى تانى لان ده مستحيل
عايزه انسى اللحظه اللى وقفت فيها على قبر ابويا وشفته وهو بينزل فيه
عايزه انسى ان اقرب اصحابى كانت بتعرفنى علشان مصلحتها
عايزه انسى ازاى بعدت عن مُدرستى ومثلى الاعلى فى الحياه
عايزه انسى اى لحظه اتالمت فيها فى 2009 ودول كتير قووووووووى
الحمد لله انها خلصت لانها كانت غير سعيده عليا بالمره

كل سنة وانتى طيبة واللى جاى أحلى بكتييييييييييييييييير من اللى فات بس بصراحة مش لوحدك متقلقيش فى ناس كتير كده ويمكن أكتر عن نفسى بنسى قبل ما أخرج من البيت عاااادى للغاية وساعتها يا بسأل ماما يا بخاف من الكلمة الشهيرة بتاعة الكل انتى مسطولة هههههههه فباخدها من قاصرها ولما أرجع أعمل فيها البريئة اللى مش سمعت حاجة

نيجى بقى لليستة هى فكرة حلوة إنك تكتبى فيها ايه اللى نفسك تنسية ومش ننسى كمان اللى نفسنا ننحققه هنقضيها نسيان ولا ايه

ربنا يبعد عنك كل همومك وتنسى كل اللى يضايقك

وسنة جديدة تعم عليكى وعلى الجميع بالخير إن شاء الله

دمتى بكل الود والحب والخير والسعادة

ازيك يا فاتيما عاملة ايه حبيبتي

تصدقي انك رائعة حتى وانت بتتألمي

اسلوبك وطريقة كتابتك مميزة

ان شاء الله السنة الجديدة تكون اسعد سنة في حياتك تبتدي معها عمر جديد جميل

وتلازمك السعادة طول عمرك يارب

عام 2009 عام غريب لم ار مثله خلال حياتي أسأل الله ان يجعله في ميزان حسناتنا اللهم امين

سلام يا حبيبتي

البوست ده بدون مجاملة جميل
صحيح انه طويل شوية
بس انا بجد قريته كله
مع بعض السطور اللى وقعت منى

عارفة انا عاوز انسى اى لحظة اسئت فيها لحد بدون قصد او بقصد
عاوز انسى اى حد جرحته
عاوز انسى اى لحظة حزن عدى
عاوز انسى سنة 2009 اللى للأسف اسوء سنة مرت عليا فى حياتى

عاوز انسى حاجات كثير فى حياتى مش راضى عنها

ربنا يكرمك و يهنيك و يفرحك يارب
و تبقى 2010 سنة جميلة ببداية جميلة ليكى

مش عارفه اقول ايه ياريت يا طمطم نقدر ننسى اللى بنكرهه او اللى اتسبب فى المنا
بس المصيبه انك كل ما تحاولى تنسيه النتيجه بتكون عكسيه لان صورته مع مرور الوقت بتبقى اوضح و انا فى رأيى ان وضوح الصوره دى نعمه من ربنا عشان نفتكر غلطنا و مش نقع فيه تانى
انا نفسى انسى كل اللى جرحنى و اتسبب فى اهانتى مش السنه دى بس و السنين اللى فاتت كمان
المصيبه ان الوحش هو اللى بيبقى
نيجى بقى للحلو السنه دى طبعا انى شفتكوا و عرفتكم من قريب
ده يوم محسوب فى عمرى و مش حانساه الا لو شفتكم تانى و ان شاء الله يكون قريب

السلامـ عليكمـ

كان الله في عونك

وكله مهما كان صعب بيتنسى لو احنا عايزين ننسى وان شاء الله الجاي احلي

ولو علي الحاجات اللي عايزين ننساها فما تعديش ممكن نطلع في اليوم الواحد مواقف كتير بس لو ركزنا هنتعب علشان كدا الواحد بيشتري نفسه وبيطنش والحمد لله علي كل حال

ومهما كانت ذكرياتنا مؤلمه صعب جدا ننسي نفسنا وننسى حالنا علشان جزء من حياتنا مظلم اكيد فيه جزء منور محتاجين نحس به ونعيش فيه لحظات او حتى لحظه فرح واحده نخطفها ..

كلنا فى الزمن ده بقينا بنعانى من الزهايمر اللى لو فكرتى حتلاقيه فى بعض المواقف نعمه من ربنا عشان نقدر ننسى بيه كل حاجه بتزعلنا
اكيد كمان كل واحد بيبقى عنده لستته الخاصه اللى نفسه ينساها و يارب دايما تقل و متبقاش كتيره

قريت في مدونة قبل كدة

نحن ننسي ما نحاول تذكره ونتذكر ما نحاول نسيانة

ماهو عشان انتي بتفكري انك عاوزة تنسيهم مبتنسيهمش

اقولك
جري تتعايشي معاهم
متطلبيش انك تنسيهم
عادي يعني

بصي مش عادي الكلام سهل

ربنا ينولك اللي في بالك

......

نعود بقة لبداية البوست

انا زاكرتي بجد في الحضيض

اقولك مثال
كان في مرة ضايع مني محفظة والمفروض اروح اسئل عليها في الكلية
روحت الكلية بالفعل ونسيت اسئل عليها
صحبتي فكرتني اليوم اللي بعديه
وبرضو روحت الكلية ونسيت برضو اسئل عليها

....

والدي مثلا يقولي هاتيلي كوباية ماية
اروح المطبخ و انسى هوه كان عاوز اية
او اروح وارجع بمعلقة
او اروح وارجع بكوباية فاضية

دة غير اني عندي
nominal amnesia
في معظم الوقت و بتزيد في اوقات الشدة
او ال stress
نومينال امنيزيا دية
يعني بنسى اسامي الحاجات

المشكلة بقة اني بحاول استعيض عن الاسامي دية بأي كلمة يلاقيها عقلي اكنه بيستنجد
قد تكون كلمة انجليزي
او كلمة منعكشة زي زعبلة و بتاعة و شحلول و كعفوشة

المشكلة ان لما حد بيسمعني بجيب بدالها كلمةزنجليعي بيفتكرني بتآلط بقة و آل يعني عندها لغة
وانا اصلا بقولها لإني معنديش لغة

عندي كمان مشكلة في الزاكرة اونا بتكلم

يعني تلاقيني في وسط مانا بتكلم في موضوع انسى انا بتكلم في اية
كتير جداً بتحصلي
اقف في نص الجملة
و اسئل هوهانا كنت بقول اية
طب انا كنت بتكلم في اية


مشكلة الافكار وا لزاكرة عندي في الضياع

بس اقوك حاجة
دة شئ كويس رغم انه منيل بستين بتاع
يعني نادراً مبفتكر انا كنت زعلانة من حد ليه
فبقول مادامن انا مش فاكرة سبب الزعل فخلاص مش لازم ازعل
بنسى لو حد ضايقني
بنسى لو حاجة كنت محتاجاها و حدمجابهاليش
ومبحسش انه مثلا مهتمش يجيبلي
لإني اصلا نسيت اني كنت عاوزاها

بس للأسف
في حاجات معينةزي ماحضرتك بتقولي
بجد
زي شريط سينما
بفتكرها بالحرف
باللحظة
و بالاحساس اللي فيها

ودة بيجهدني جداً لإني لما بفتكر مبقدرش اتحكم في نفسي
بفضل اعيط وكأنها لسة حاصلة

يلا خير

نرجع بقة لآخر البوست خالص

مكسلة اعمل القايمة دية
بس وماله
اعمل قايمة معملش لية يعني
هستجن كدهون مع نفسي و اعمل


اسعد الله ايامك
سلامٌ عليكِ

المشكلة التي تعانين منها انا أيضا اشتكي منها انا دائما أقول كأن ممحاة تتبع الاحداث في ذاكرتي لتمحيها والاشخاص ايضا ان طال العهد بيننا الامور لم تكن هكذا دائما لكن في السنة الثالثة جامعة وقعت لي مشكلة من كثر الحفظ نظرا لكثرة المواد وكثرة النصوص واستلزم الامر فترة من الراحة ومن وقتها لم تعد ذاكرتي كما كانت
انا استعمل مفكرة المحمول لتذكر الاشياء المهمة وفي العمل أسجل على مذكرة الاشياء التي أخاف ان انساها
انا ايضا أنسى اشياء قريبة مثلا في حين هناك أحداث بعيدة اذكرها بكل تفاصيلها
تحياتي لك

أزيك يافاطمه اليوسف
أنا مش عايز أنسى
أنا عايز أفتكر كل دقيقة وثانيه عشتها مع أمى
أنا عايز أفتكر كل شىء كويس مر عليه
وكل شىءوحش مر عليه
ساعات بتبقى ثوانى من عمرى تساوى عمر كامل
وساعات سنين من عمرى لاتساوى شيئا
لكن من الاكيد
أنى دايما عايز أفتكر حبى لربى
أنى عايز أفتكر حبى للرسول
أنى عايز أفتكر أمى
أنى عايز أفتكر كل أساءه ليا
أنى عايز أفتكر كل عمل طيب أتعمل ليا
تحياتى للاخت الغاليه فاطمه التى لاتسأل عن أخيها------ محمد شوية كلام وملحقاتها-----------------

نفسى ابطل اقرالك,كل مرةاقول مش هافتح المدونة دى , مش هاقراها تانى , مش عايزة ابكى زى كل مرة ,لكن الخائن اللى فى جنبى تانى يوسوسلى افتحها ,اشوفك كاتبة اية وزى كل مره الاقى افكارى و مشاعرى كلها على الورق, كل الكلام اللى جواية و مش عارفة اعبر عنه,و ابكى و اقول زي كل مرة , حراااااااااااااام عليكى , والله حرام واقول لنفسى خلاص هامسح المدونة دى من عندى كفاااااااااااااايه وجع فى قلبى خللى كل الكلام مكنون فى مكانه يمكن لما ادفنه جوايه اقدر اكون احسن و ...........الباقى انتى عارفاه بدليل انى بكتبلك دلوقتى تعليق!!!!!!

كل سنة وكل لحظة وانت طيبة وناسية كل حاجة وحشة
وحياتك كلها امل وتفائل وحب يارب
الله يوفقك يا فاتيما

ربنا يجعل ايامك وكل سنينك اللى جاية اسعد من اللى فاتت يا بطة
نيجى بقى على قائمة النسيان !
هتستغربى لو قلتلك انى مش عايزة اى حاجة خاااااااالص !
تعالى كده معايا وانتى اكيد هتحسى
المشاكل اللى مرت فى حياتى وما اكثرها واغربها هى اللى عملت منى الشخصية الموجودة حاليا , التجارب الاليمة بالذات مع الاسف هى اللى بتعلمنا زى ما بتعلم فينا وبتعملنا نوع من أنواع الصقل ممكن احنا ما نحسوش بس بيظهر فى تعاملنا مع الناس أما الاوقات السعيدة واللى بتكون لحظات مع الاسف فما بتضيفلناش ,, ممكن بس نخليها زاد بنسترجعه لما نبقى مفتقدين لاحساس حلو .
بلاش تنسى يا بطة حاجة خالص
اقعدى معاك وفتشى فالكراكيب اللى جواكى وانتى تتعلمى كتير وتزيدى صلابة وقوة .
عسى المولى ان يريح قلبك وينعم عليك بالرضا
كل الحب

فاطيما ازيك كل سنه وانتى طيبه

خشى عليا وانتى تعرفيني على طول :)

كل عام وأنتم في أتم الصحة والسعادة وادعو الله تكونوا على ماتحبون
عبد الجليل

والله يافاتيما
الواحد فعلا عايز يعمل لاستة عاوزة انسى دى بجد
وياريت فعلا الواحد ينسى بجد وحقيقى مش تبقى لاستة وخلاص

بس صحيح ليه دايما الحاجات اللى بتجرحنا وبتأثر فينا هى دايما اللى بنفتكرها

ليه دايما بنفتكر الحاجات اللى بتعكنن علينا ..

احنا غاويين نكد مثلا ..
ولا الجرح فعلا صعب يتنسى ..

فاتيما كل سنة وانتى طيبة ياجميل ..

السلام عليكم ورحمه الله وبركاته
الاخت فاتيما اسمحيلى انا اول مره اعلق عندك فالبلوجر بس متبعاكى من زمان يمكن مكنش عندى الشجاعه الادبيه انى اكتبلك يمكن لانى حاسه بيكى بالرغم اننا عمرنا ما شفنا بعض بس يمكن بشكل او باخر متشابهين فالظروف والاحداث
يمكن بحس وبصراحه ان كل كلام الصبر ميكفيش ولا كل احضان الدنيا تسوى لحظه بردمش حاقولكغير ان الايام بداوى حتى لو بتموت جزءمن ارواحنا معاها بس تملى افتكرى انك مش لوحدك وياااااما غيرك واسواء بكتير الله يعينك

نور الاسكندرانيه

فطوم
خذ الاول قبل ما انسى
موااه
بوسة على الصبح
صباح الخير

زهيمير يا فطوم:-))
تصدقى اول ما اتخرجت و بدات اشتغل كنت مطالبة احفظ الادوية الى فى الصيدلية بشكل فورى فى يومين المصرى و المستورد و الاكسسوار
دماغى ساعاتها هنجت مبعنى الكلمة و كنت ارجع اعيط مش قادرة لامى
فا الست الطيبة راحت اشترتلى دواء لتحسين الدورة الدموية فى المخ و للذاكرة بيتكتب اغلبا لكبار السن
كنت اخذه من هنا و اضحك على حالى من هنا :-)))
المهم فى خلال شهرين كنت حفظت كل الصيدلية اكثر من زميلائى الى بيتمنظروا و مبيحبوش يسالوا لا يبانوا انهم مش عارفين او مش فكرين :-))
و بعد فترة سبت الصيدلة لشغل احسن :-) نوعيا المهم الحمد لله

المهم
اكتشفت مع الشغل ان دماغى عمله زى
دورق ماء
لما يتملى على اخرة
نقطة كمان و تلاقى اتدلدق :-)) و على كده طول الوقت
من كثر ما لازم اذكر و افتكر فيه حاجات ثانية بتنزل من ناحية ثانية

مشكلتك ان ذكراياتك الى عايزة تنسيها محفوظه فى اعماق اعماق الهارد ديسك بتاعك و الميمورى بتاع الدماغ
و صعب تزودى رامات لمخك
و لما تحاولى تضيفى ذاكرة بسيطة بتسقط لان مفيش مكان فى الدماغ

بصى
مش حسالك ليه عايزة تنسى
علشان تنسى :-))

بس عندك طريقتين للتذكر

الاولانية بيتبعها والدى و خالتى
بيكتبوا فى ورق صغير المفروض يتعمل و الى اتعمل و هكذا بس ربنا ميوعدكيش بواحدة غاوية نظافة زى و بتلم الورق (و الله بطلت ارمى بس بقيت بشيلهم :-)) و بلخبطهم

الثانية
زى السكرتيرة الوحيدة الى ورتنى ازى شغل السكرتارية البروفيشنال
نوتة على المكتب و كل ماحد يطلب منها طلب تكتب الكلب بالتاريخ و الساعة و تسيب تحته نقط المفروض يتعمل و كل ما تعمل خطوة تعمل جنبه صح او لو متعملش تكتب ليه
بجد الله يمسيها بالخير
اخذت الطريقة ده فى الشغل
لما الكل كان يهب عليا و طخ طخ طلبات دماغى مش ملاحقها
كنت اكتب كده
و لما كل واحد بعد ساعة زمن ينادينى و يقولى معملتيش ليه افرجة النوتة و اوريه دوره فى الطلب :-)) و عملت ايه
طبعا كان يبان طلبات الباقين و تطورات الشغل و هما مبيحبوش كده فبطلوا بعد فترة :-)))

و خصوصا بان ان الطلب بيطلب من حد و الحد ده بيستغل انه اكبر منى منصبا فيطلبه منى و انا لازم اقول حاضر :-))
و بيتحسب انه هو الى عمل الشغل

و اخيرا
طريقتى فى الحياة الخاصة
اطلب بقول فى عقل بالى عايزة اروح 1 و 2 و 3 وو.... و اعمل الى بفتكره و خلاص و الباقى ثانى يوم و مشيلش هم الى معملتوش
طبعا ده مش فى الحاجات الخطيرة الى بيبقى صعب انساها اساسا لانها مش بتطلع من الدماغ :-))

المهم
ندعيلك يارب تنسى الوحش من النقط ده كلها بس الحلو خليه

انما انا عندى راس السنه مبقاش يفرق معايا قرارات و كل السنين حلو و مرة و مبيفرقش :-))

و صباح الصباح

خذى كمان حضن كبير مع سنسنة وسمسمة :-)) اصل اديا مليانة بس ميمنعش حضن كمان :-))

بس ايه الاشعار العادلية ده :-))

كل سنة و انت طيبه ده اهم حاجه سيبك انتي تفتكري ليه مفيش حاجه تستاهل :))


تحياتي

كل سنه وانتى طيبة ياطمطم
و ان شاء الله السنه الجاية دى تكون حلوة عليك ياقمر
و ان شاء الله هتنسى بس عارفة امتى ؟؟
لما تبطلى تفكرى انك عايزة تنسى
و تتعملى فعلا على انك نسيتى من غير ماتقولى انا نسيت
لانك لو فعلا نسيتى مش هتفتكرى اصلا تقولى انك نسيتى
اتلخبطى صح ؟؟
انا نفسى متلخبطة بقالى فترة و بوستك ملخبطنى بقى v_v

انا عن نفسى مش عايزة انسى حاجة يعنى مافيش حاجة فاكراها حاليا بتقول انى عايزة انساها تخيلى !!!
لالالا فيه تقدم عندى و ان شاء الله هيكون عندك قريب

بس اوعى فى هوجة النسيان دى تنسى ضد حبيبتك
و الله وحشانى ياطمطم موووت بجد و كان نفسى اقعد معاك اكتر
اسكتى انا بعد اللقاء اصلا اخدت اسبوع برد ماشاء الله مش اقولك عليه لحد مازهقت من البرد و منى و لحد الان فى فترة نقاهة .. الله يسامح الناس الحقودين اللى كانوا بيحقدوا عليا انا و انتى بقى P:

بوسة و حضن لطمطومة الجميلة
^_^

الذاكرة مقسمة اجزاء
فيه ناس تنسى الوجوة وناس تنسى الاسماء وناس تنسى الاماكن وناس تنسى التفاصيل وناس تنسى الطلبات وناس تنسى نفسها

انا نفسى انسانى

كل سنة وانتى طيبة
اما موضوع النسيان فده افة اصابت الجميع الواحد احيانا تبقى الحاجة فى ايده ولا قدامه وبيحبث عنها
الحمد لله النسيان احيانا بيكون نعمة من الله
بس بصراحة مش عايز انسى حاجة فى 2009 سواء سيئة او حسنة لانها لو سيئة هتفكرنى انى ما اكررش الخطا ده تانى
ولو كويسة هتفضل فى الذاكرة تمنحنا القوة والعمل على تكرارها
تحياتى

انا ضحكت اوى لما لاقيتك كاتبة
مبدئيا نسيت اشترى النوتة

**********************

عندى فكرة
ايه رأيك تجربيها معايا وصدقينى يا طمطومة لو ماكسبتيش مش هاتخسرى حاجة

هاتى ورقة وقلم واكتبى فيها القائمة دى


عايزة افتكر يوم ما قاللى بحبك

عايزة افتكر يوم ما خرجت مع اسماء وكلنا فول وطعمية

عايزة افتكر الحضن اللى بابا ادهاونى يوم نجاحى

عايزة افتكر المرة اللى ركبت فيها مركب مع اصحابى وكنت مبسوطة

عايزة افتكر رقم 4 علشان ده عدد حروف يوسف

عايزة افتكر اول لمسة من شفايف يوسف على صدرى وهو بيرضع لاول مرة

عايزة افتكر اول سنة طلعت ليوسف

عايزة افتكر اليوم اللى يوسف خطا اول خطوة لوحده ناحيتى

عايزة افتكر اول كلمة قالها يوسف

عايزة افتكر اول سالوبيت اشترهوله

عايزة افتكر اول مرة يوسف فيها حلق شعره

عايزة افتكر اول مرة يوسف غسل فيها سنانه

عايزة افتكر الفرحة



******
ها ؟ ايه رأيك يا طمطومة
خسرتى حاجة؟
ابدا ماخسرتيش حاجة

يمكن تكونى كسبتى شوية ذكريات حلوة
لكن ماخسرتيش حاجة من قائمة النسيان بتاعتك




انسى يا فاتيما اللى انتى عايزة تنسيه

لكن ماتنسيش وانتى بتنسى الوحش انك تفتكر الحلو كمان



وابقى افتكرينى

سلام
اختك خيخة

اولا طول ما كل الحاجات دى واخده الحيز الكبير اوى ده ف مخك لازم يجيلك زهايمر
ده مش كلامى
ده كلام امى ليا..يوم مانسيت موبايلى ف التاكسى ولولا الراجل ابن حلال مكنتش شفته تانى..وبردو لما نسيت مشروع التخرج ف محل الاكسسوارات ولفيت عليه اربع ايام لحد ما افتكرت انا سبته فين
وبردو لما ركبت المواصله وانا مش فاكره انا رايحه فين

لو عايزه انسى
1_اول صديقه خسرتها
2_اول اهتباء ليا تحت السرير وانا طفله
3_هنسى الناس اللى داست عليا
4_هنسى حاجات كتير نفسى تجينى الجرأه واعبر عنها زيك بس بقولك بجد انا عمرى 23 سنه والزهايمر بقا صديقى
متقلقيش
احنا ف الزمن المقلوب اللى بييجى فيه الزهايمر على صغر
ربنا يعوضك خير عن كل يوم وحش شفتيه
وحاولى توسعى مكان ف ذكرياتك للحاجات الحلوه وارمى الحاجات الوحشه اللى ملهاش لازمه دى
وواخده مكان ع الفاضى




ملحوظه
البوست ده اكتر بوست اثر فيا من وقت ماقريت مدونات

بقالى يومين ادخل ومش عارفه اسيب كومنت,
مشكلتى معاكى انى بحسك مش بقرالك,
ودا من زماااااااااان علشان كده قعدت كتير اتابعك فى صمت,,
بحس انى مش قادره اتكلم,بس عموما انا للاسف مش بنسى زيك,انسى الحجات اللى متتنسيش واللى المفروض تتنسى محفوره فى الذاكره.

تعيشي يا أم يوسف وتفتكري كل حاجة كويسة في حياتكـ

وتنسي كل حاجة وحشة حصلتلكـ

ويجعل عمركـ اللي جاي كله ذكريات جميلة ما تتنسيش تعوضكـ عن اللي فات


كلامكـ مؤثر جداً .. أنا بقرأ كل بوست بتكتبيه بس صراحة ببقي مش عارف أقول إيه؟

أنا قريت البوست دا أول أما نزل علي طول
بس لما قريت الحاجتا اللي إنتي عايزه تنسيها عيني دمعت وما قدرتش أكتب حاجة

دمتي بخير دوماً
وربنا يحفظكـ ويرد عليكي يوسف بإذن الله

كلمات من نور
-----------
ما شاء الله نمرة أتنين عريس أهو
ربنا يحفظه يا رب و إن شاء الله فايز و يروح قبرص و يرجعلنا باأحسن المركز
ربنا يخليهم ليكى و يكرمك بيهم
مليش أن ف الموبايلات و هنسى اكتب فيه أصلاً أنا عارفنى ...
هيا فعلاً كثرة تفكير مش اكتر
و شكراً على نصيحة المصحف بس للأسف انا من الناس اللى متعرفش تقرى فى أى مكان و فى أى ظروف ..
نورتينى و شكراص على دعواتك الطيبة




tears
------
الف شكر ليكى
كلك ذوق



غير معرف
-------
يا حبيبة قلبى عرفتك طبعا
محدش بيبطبطنى غيرك أصلاً و لا بحب اسمعها من غيرك
إن شاء الله السنة الجاية لما نيجى نكتب انا و إنتى قايمة جديدة يكون الحاجات دى راحت منها و جت حاجات تانية أخف وطأة و اقل إيلاماً إن شاء الله
السنة الجاية يا رب تكون كلها فرح عليكى يا رب و بحبك



(joudy)
------
يوه يا جودى ...إنتى كمان
طب طمنتينى
أصل كنت فاكرة كلمة مسطولة دى من غختراع أمى انا بس طلعوا الامهات غاشين من بعضهم أهو ...
قايمة الحاجات اللى عاوزة أفتكرها دى
صعبة جداااااااا الصراحة
بس تعليق بت خخة و أى كلام ممكن يجاوبك شوية
خالص ودى و سنة جديدة حلوة عليكى يا حبيبتى إن شاء الله



ماما أمولة
----------
أزيك إنتى يا حبيبتى
الله يخليكى و متحرمشى منك
كلامك دا تاج على جبينى
أصله مش أى حد بيقوله
دى ماما امولة
يا رب السنة الجاية تعوضك خير و تنسيكى السنة اللى بتفوت دى
إن شاء الله





بدراوى
------
مشكرين يا بداروى ى ى
و ربنا يسمع منك
و كل اللى بتتمناه يتنفذ
و بالحرف
و احسن منه كمان
إنشالله





صيدلانية طالعة نازلة
-------------------
أزيك يا لولاّ
و سنة حلوة عليكى يا رب

و انا يا حبيبتى مش بقول أنسى كل حاجة و كدا
انا بس عاوزة لما يمر يومى ميبقاش فيه الحاجات البايخة دى

أديكى مثال
يعنى مثلاً مش عاوزة كل ما أمر على جامع الفتح .زلإفتكر يوم كتب كتابى و كل تفاصيله و ما قبلها و ما بعدها
عاوزة لما أعدى عليه
مفتكرش المناسبة دى أبدااا و يبقى مجرد جامع عادى خالص زى أى جامع تانى

و قيسى دا على أى حاجة تانية
مشكلتى انى بربط الحاجات بالناس
و الناس بالحاجات ..و زى ما بفتكر الحلو
للأسف الوحش بعلق بالذاكرة جدا لدرجة تغيظ و بقيت انسى اللى المفروض أفتكره من تفاصيل بسيطة زى ما قولت ف البوست
حاجات مطلوبة منى و اسامى أشخاص و كدا

فهمتى قصدى يا حبيبتى ؟

يوم ابو الريش من الأيام الحلوة فعلاً
بكل مافيه ... و لسه بفتكرك
و انتى عمالة تدى ف تعليقات ساخرة
طول القعدة ف منتهى الجمال و الخفة ..و فاكرة لما روحنا نجيب حاجة
نشربها و قولتيلى ساعتها
هاه
هيشربونا إيه ؟؟
غير المرار طبعا
و انا كل ما أفتكر تعبير وشك و طريقتك ف التريقة ...أضحححححك
ربنا يسعد قلبك يا علا
و الله وحشتينى

ghorbty
-------
و الله يا غروبتى يظهر و الله أعلم إنى فعلا شخصية نكدية بحتة
بس دا لو حقيقى المفروض أفخر بذلك
ليه بقى ظ
عشان المرأة المصرية الأصيلة
من أبرز سماتها إنها تعشقف النكد
و بالتالى أطمن كدا على روحى
إنى ست مصرية أصيلة
و الحمدلله

و الله انا بفرح على قد ما أقدر كل ما الاقى فرحة و ببقى زى العيال كمان
بس يبدو إن الواحد اللى بيفرح قوى
كمان لما يجزن بيحزن قوى
و معندوش وسط

نورتينى يا حبيبتى




كلام عيب
-------
دايما داخل المحنة
بيبقى فيه نعمة متدارية
و مؤمنة جدا بذلك و الله

انا بس حابة اتكلم عن الحاجات اللى نفسى أنساها و مبعرفش

مدونتك جديرة بالزيارة و المتابعة و التعليق و لعل السبب فيها يكون مقدر و يحترم من الجميع و ينفع و يفيد إن شاء الله




نعكشة
-----
متعايشة أهو يا نعكوشة
بس اللى قلقنى إن الحكاية زادت شوية الشهر اللى فات قوى
بنسى بشكل مقلق و يبدو فعلا إن الدماغ بتهنج من كتر اللى فيها
إقرى تعليق واندا و متهيألى تفسيرها منطقى قوى و كمان تعليق كلمات من نور ...إنتى عموماً قارئة ممتازة للتعليقات و أكيد هتقريهم

طب إنت يا دوك عقلية علمية و معملية و كان الله ف عونك دراستكم تنسى الواحد إسمه أصلاص ...
إنما اختك فاتيما مهياش مقطعة العلم يعنى عشان دماغى تتوه كدا
إنتى كان الله ف عونك


حكاية المشهد بتفاصيله دى فعلاً
مرعبة و بستغرب على عقل البنى آدم اللى قادر يفتكر حاجات بالدقة دى
و ينسى أشياء أتفه من التفاهة
سبحان الله

القايمة بتاعتك دى للنشر و لا ف الخباثة و مش هنقراها ؟؟!!
لما نشوف

ربنا يسعد ايامك و قلبك
انتى كمان يا نعكوشتى
و ربنا يسعدنى يوم و أشوفك




خواطر شابة
---------
لطيفة فكرة الإستيكة دى قوى

الواحد عاوز أستيكة xxxxxxxl
عشان يمسح بيها كل الحاجات اللى بتزعل دى ...لما نفتكرها

نورتينى يا حبيبتى




mohamed
--------
ربنا يكرمك و دايما تفتكر الخير كله يا أستاذ محمد و الناس كمان تفتكرك بالخير زينا
و والله نات ف البال دايما و كنت متوقعة أشوف حضرتك يوم بؤجة الخير لأنك دايما سباق ف الخير و خصوصاً ف الأيام دى بس مجتش للأسف ....
منتحرمش من سؤال حضرتك علينا
و سنة حلوة عليك يا رب




broken heart
------------
يا بروكن كلامك على راسى
و قلبك دا الخاين ... فيه كل الخير
و المدونة مدونتك و تعالى ف أى وقت و كل وقت و قولى اللى تشوفيه و نفسك تقوليه و انا دايما ف إنتظارك




نهر الحب
------
و إنتى طيبة و بألف خير يا آنوستى
أنا متحمسة من دلوقتى ليوم بورسعيد
إن شاء الله
مع إن فاضل ييجى شهر أهو
بس متشوقة اجيلكم قوى
بوسيلى نسمة قوى
و داليا و دعاء و كل الاحباب
ف بورسعيد الحلوة

dreem
-----
انا معاكى يا دريمو
لأ ..إستنى شوية كدا
الله
كان واحشنى قوى تعليقاتك
محرومة منها بقالى مدة

أكمل بقى
انا معاكى فى حكاية المواقف و اللى إتعلمناه منها بس لو قريتى درى على صديلانية طالعة نازلة هتفهمى بقصد إيه


فيه كركايب تبصيلها و خلاص
و فيه كراكيب تفكك بصاحبها و تبقى عاوزة تتخلصى منها و ترميها لبتاع الروبابيكا ...
عشان عملالك زحمة كبيرة ع الفاضى و خلاص مبقتش تنفعك و بتضرك

تخيلى لما تبقى مش قادرة تندهى
للراجل م الشارع ييجى يشيلها ..
طب تتضايقى و لا لأ؟؟

وحشتينى قوى و بوسة و حضوناااات للصبح



akeedba7ebha
------------
متهيالى عرفتك
إنتا محمد من بورسعيد اللى نورتنا ييوم البؤجة مع إيناس و نسمة
صح؟
كل سنة و إنت طيب




أستاذ عبدالجليل
--------------
دايما كدا
كاسفنى باخلاقك العالية
كل سنة و حضرتك بالف خير
و بكل صحة و سعادة
و كل الأسرة و الاولاد يا رب
و السنة جاية أسبقك و اعيد عليك الاول ....يعنى مرة من نفسى
أتعلم من حضرتك الذوق و الشياكة
و السبق بالخيرات




لجين أبو الدهب
-----------
إيد دا بقى ؟؟
طب فين القايمة دى ؟

إكتبيها سعادتك و لا اتخيل انا ؟!!!

و من ناحية غاويين نكد
فدى حقيقة علمية مؤكدة

نون النسوة كلهم كدا يا ماما

بوسة و حضونات يا نهر الفضة الخالص



نور الإسكندرانية
---------------
تعليقك بقدر ما اسعدنى
بقدر ما يؤلم ...لإنه بيفكرنى باللى عاوزة انساه دايما
و هوه إن الظلم يتكرر و لا يريد أن ينتهى
اشكرك جدا على المتابعة و التعليق مش محتاج شجاعة ادبية و لا حاجة و تعليقك الوحيد دا بيحسسنى بإنى بقول حاجات ممكن تكون صدى لحد تانى مش قادر يقولها ..و دى نعمة بشكر ربنا عليها و بشكرك من قلبى علي إنك وصلتيها ليا بمنتهى البساطة و بهدف انك تقوليلى انتى مش لوحدك
الجملة دى غالية قوى قوى يا نور

و انا بحب إسم نور قوى
و بحب إسكندرية قوى قوى

شفتى بقى ؟

يا ريت تبقى تطمنينى عليكى
من حين لآخر و تسمعينى رأيك كمان
نورتينى يا نور





wanda
-----
البوسة وصلت و إستلمناها
و الصباحات الحلوة كمان

و منطقى قوى تفسير الدورق و المياه و الحكاية دى و فعلاً انا حاسة المدة اللى فاتت دى إن دماغى مشحونة بالأفكار و المواضيع و الذكريات و كأن مفيش فيها مكان فاضى ...
حلوة الطريقة بتاعة السكرتارية دى

و عاوزة أقولك إنى أصلاً دى شغلتى

أمنعوا الضحك
ياغجر
أه للأسف ..بس انا تخصص مكتبات سعادتك و مليش ف شغل السكرتارية و الناس كتر خيرهم مستحمللنى إكمنى بعرف اكتبلهم جوابات و أرد على تليفونات و أبتسم ف وشوش الضيوف و قاعدة ف حالى و كدا

أبقى أعملها الحكاية التانية دى
أصلى جربت الاولانية و مش نافعة قوى

بس عالله أفتكر بس

و طبعا ..عادل أصله سبع صنايع
و إن شاء الله البخت مش ضايع
وبعدين أنا مجيبش غير عيال
نابغة و فنانين
طالعين لأمهم بقى
(وش باصص لفوق وبيبربش بكل براءة)

عبدالله
-----
و انت طيب و بألف خير يا رب
و الواحد أصله مش بيفتكر بمزاجه
دا بيبقى ماشى ف أمان الله و يلاقى حاجة فكرته
تحياتى ليك



sweet violet
------------
يا ضد يا حبيبتى
عاش من قرى تعليقك

كان عندك برد ..ألف سلامة عليكى
لأ .... كدا براءة
و عذرك معاكى ف التاخير علينا

و بلاش حكاية انك مش لاقية حاجة تنسيها دى ..عشان الحقد هيشتغل

بتغظينا يا بنت إنتى ولا إيه ؟!!!
ماشى يا ستى
ربنا يريح بالك
و دايما متفتكريش غير الحلو و بس
يارب

من ناحية الحقد فكان شغال ع الآخر
بس و لا يهمك
المرة الجاية نغيظهم تانى ...
طب دنا حتى إشتريت شال جديد من اللى طالعين موضة و أهو ينفع
فكرينى بس المرة الجاية نقعد ف ملقف هوا برضو ...هاااا

بوسة و حضونات يا حبيبتى




الطائر الحزين
------------
طب بغض النظر عن نظرية تقسيم الذاكرة دى ...
ممكن أعرف مالك يا إيهاب ؟
مالك بقالك فترة زعلان و مهموم
أوعى تكون زعلان منى ف حاجة منا عارفنى أصله....ممكن تطمنى عليك ؟





خالد همس الاحباب
-------------
و إنت طيب يا خالود
ردك شبههك يا خالد
رد واحد راضى و متعقل و بيحمد ربنا على كل شىؤ حلو و وحش لنه جزء من الواقع ...ربنا يريح بالك دايما
و سنة 2009 دى من أجمل السنين عندك لأنها سنة ما جت شابى و شرفت الدنيا
ربنا يخليك لشابى و همس و امهم يا رب
و لينا إحنا كمان ..




بت خيخة و أى كلام
----------------
و الله يا نون دا اللى حصل

عارفة اللى يربط عقدة على صباعه عشان يفتكر يعمل حاجة و بعدين يبص للعقدة و ينسى كانت معقودة عشان يفتكر يعمل إيه؟؟


انا نسيت أشترى المفكرة و أحطها ف الشنطة حتى و بنسى أطلعها اكتب فيها
حاجة تشل الصراحة

حلوة فكرتك يا خوختى و بنفذها علطول و الله

الحمدلله عندى حاجات حلوة كتير بفتكرها جنب الوحش ..بس موضوع البوست كله عن النسيان فجت على سيرته حكاية القايمة و راجعى ردى على صديلاانية طالعة نازلة و انتى تفهمى قصدى إيه بالضبط

أنا فكراكى علطول يا خوختى

على فكرة ... بعتلك ميل تاريخى
يا ريت تقريه ف وقت روقان عشان الموضوع كبير ...و تمسحيه لو نرفزك باللى فيه و كأنكى مبعتهوش خالص

بوسة لشريف و حضونة ليكى



واحدة من الناس
--------------
حلوة القايمة بتاعتك يا واحدة
ربنا يقدرك على نسيانها إن شاء الله

كل الامهات طبعة واحدة الظاهر
ماما كمان بتقولى زى كدا
لما أشتكى و اقولها مبقتش افتكركويس
تقولى بطلى تفكير كتير
قوم أقعد احسس على دماغى
تقولى بتعملى إيه؟
أقولها بدور ع الزرار
اللى هدوس عليه فين ؟
عشان ابطل تفكير ...
تبصلى كدا ..
نظام ربنا ما يحرمك من العبط
و الله الست دى غلبانة و ربنا إبتلاها فيا ..ربنا يديها الصحة


ملحوظة على ملحوظتك
اخجلتمونا ...منحرمشى من ذوقك



الشعب لابد له من شيما تشكمه
--------------------------
يا حبيبتى متشغليش بالك بحكاية التعليق دى
أنا عارفة إن ناس كتير بتسكت مش تجاهل
لأ .زلن الكلام وقتها مبيجيش ببساطة
بس انا مقدرة دا

عارفة نزار قبانى بيقول
تعبير حلو قوى

إن صمت المحبين عبادة

و صمت الأحباب اللى سياتك منهم بيكون غالباص سببه حاجة جميلة ..و مش وحشة وا فيها أى شىء وحش
فمتقلقيش خالص ...و عاوزاكى تقريلى دايما بقلبك أكتر من عقلك
و لو إن الجوز حلوين ..و بحبهم قوى
وحشتينى



مواطن شووجااع
-------------
أولاً
تعليقاً ع التعليق الاول
و اللى متنشرش
أنا ممتنة ليك و إتشرفت بيه بجد .. و بشكرك جدا


ثانيا
إنت من الناس اللى بيعجبنى تعليقاتهم جدا عند خيخة خوخة حبيبتى ..
بتقرى بقلبك غالبا و دا شىء مرهق جدا و مش سهل

ربنا يسعدك إنت كمان و يحققلك كل ما تتمنى و أكتر

نورتنى

sokkara
-------
انا مقصرة ف حقك يا سكرتى
أنا بعتذرلك جدا على الطبع الزفت بتاعى دا
بس يا ريت متكونيش زعلانة
بكرة ربنا يقرب البعيد يا حبيبتى
إن شاء الله

بصراحة يا فطوم
السكرتيرة ده موضوع مش سهل خالص
و بجد الكويسة منهم بتبقى زى الجنية الذهب
حبقى اكلمك عنها بالتفصيل
عمرى ماتخيلت قد ايه الوظيفة ده مهمة و مؤثرة لحد ماقابلت سكرتيرة بجد و بحق و حقيقى
و لعلمك ده كانت دبلوم تجارة بس اتمرتنت صح
يعنى اى شغلانة تتعمل صح و بضمير يستاهل الى بيشتغلها اكبر احترام
و لعلمك بمقدراتك التحريرية ده انت رئيس تحرير يا فطوم بس مادمت مبسوطة فى الى بتشتغليه و بتعمليه بمايرضى الله
محدش يستجرى يضحك و الى يضحك قوليلى و انا ازنبهولك :-) على الحيط و رافع ايديه و رجله لفوق كمان:-))
عندى ليكى طبق عاشوراء بوصفة صبرنى الخرافية :-) بس متكليش صوابعك وراها علشان تعرفى تكتبى :-)
مساء الانوار

انا كنت كاتبة تعليق خاص بيكى ومش للنشر
انا عايزة اعرف هو انا عملتله نشر ولا مسحته

لو جالك يا طمطم بلغينى علشان اعرف

ممممممممم
انا بقي عاوز منساش اي حاجة
ممكن انسي اي فرحة و اي ضحكة
بس مش عاوز انسي اي لحظة الم او وجع
لان دي الحاجات اللي وقفتني لحد دلوقتي علي رجلي و لسه اللي جاي اكتر
لازم اتعلم استحملهم

--------------
ميرسي علي اختيارك كلماتي
بس تفتكري بجد تستاهل ده ؟

wanda
-----
و الله يا واندتى انا بعترف إنى مش قادرة احب الشغلانة دى بضمير قوى
لأنى بحب مجالى و مهنتى الأصلية .زالكتب و المكتبات و من زمان و من قبل ما ادخل الكلية و انا مغرمة بالكتابة و الادب و المدونة كانت متنفس حقيقى لحاجة بحبها من و انا ف أولى أبتدئى حتى ...مش مجرد مجال
و إشتغلت فيه بحكم شهادة التخرج
و الحمدلله كنت امينة مكتبة كويسة
انا حالياً سكريترة و بس
لكن انا نفسى مش راضية عن نفسى
مبحبش العاشورا ..بس عشان خاطرك هكل الطبق كله
بوسة و حضونات و صباحات حلوة عليكى يا واندتى





بت خيخة و أى كلام
----------------
وصل يا خوختى
و قريته

و كنت متوقعة رد فعلك و رأيك
يا حبيبتى هوه انا لسه هعرفك؟
أومال أنا توقعت الاحيييهات دى ليه و قولتلك مستعدلها جدا إزاى ؟!!
عشان عارفة و متاكدة
من إن تفكيرنا مختلف و انى بقول حاجة غريبة عجيبة

وانتى طبعا نظرتك أكثر واقعية
و إنتى تشوفى احسن منى ف كل الاحوال لأنك برا الحكاية

و كمان إنتى ف لغة الصحافة
بيقولوا عليكى مصادر مطلعة
عشان كدا كنت متاكدة
و انا بفضفض معاكى إن الإجابة مش هتكون عند حد غيرك

زائد ثقتى ف إنى و انا بعرى روحى قصادك و بكل عيوبى بعد كدا مش ممكن هندم .. دا شعور اكيد عندى

و خلاص يا حبيبتى
متعمليش حاجة و لا تسألى ف أى حاجة

إنتى جاوبتى بين السطور
و كان إحساسى ف محله
و بناء عليه هتصرف بشكل
يحفظ ماء الوجه و القلب

منحرمشى منك يا خوخة
و بوسة لشريف و حضونة كبيرة ليكى




adel
----
إبتدى من الىخر ؟
طيييييب

انا بحب الشعر و كلمات الأغانى

و كل مرة أكتب بوست أقعد أنقى ف حاجة تليق للمكتوب فيه و غنوة كمان
و بناء على إحساسى بحطه

لما كتبت البوست دا
من رابع خامس سطر كانت مقطوعتك الحزينة الجميلة دى بتزن ف دماغى
يا طعم الحاجات اللى فاتت
يا طعم الحاجات اللى ماتت

إنت بتهرج ؟؟
مكنش ينفع ينكتب غيرها أصلاً
و دايما إكتب حاجات زى كدا
إنت سيناريست بدرجة شاعر يا بنى

يا رب أعيش لما أشوفك زى صلاح جاهين كدا
متعدد المواهب
بس ميجيلكش أوكتئاب يا واد
إحنا عاوزينك

و ردك على موضوع النسيان
عاوز الحق ؟
كنت متوقعاه
عارف ليه
لنك يا عادل عندك مزاج الفنانين بجد
اللى نص وزنهم حزن و لو جت فرصة ينسوا فيها اللى بيزعلهم
هيفوتوها ....ربنا يسمعنى عنك دايما كل خير يا غالى على ماما
مفيش بوست جديد بقى ؟!!!

بالنسبة للزهايمر ياطمطم والله الحال بقى من بعضه تصدقي بالله ماما بتديني الفلوس وانا خارجة الصبح وخلاص بكون هقفل باب البيت واجي اركب الميكروباص اقلب الشنطة وادور على الفلوس بقيت خلاص تيكلم تيكلم لنا الله ياطمطم ، وبالنسبة لـ 2009 احب تاخد كل جرح حصل لنا فيها من صديق أو من زميل أو من اهل أحب 2010 تيجي لينا بالستامح وبالحب والضحكة وكل شي جديد ,,, قلب جديد وروح جديد وفكر جديد اتمنى ده يحصل لينا قوي قوي قوي ياطمطم وحشاني "بدورة"

ازيك يا ست الكل واحشينى اوووووووووووووووووووووووى
ويارب يارب تكونى تمام وبصحه كويسه
والله نفسى اتابعك على طول بس انا دخلا لمده ربع ساعه اطمن عليكم كلكم لانكم وحشتونى

اوى اوى


بنت قلبى

كلنا عندنا حاجات نفسنا ننساها

كل سنة وانت طيبة يارب وسنة جميلة وسعيدة تحققي فيها كل اللي بتحلمي بيه
تنسي فيه كل اللي نفسك تنسيه
بس ماتنسيش العيش علشان الفتة
النسيان ساعات بيكون نعمة من ربنا
وانا زي حالاتك كدة بالظبط
عندي ذاكرة كحولية من ناحية الحياه اليومية
لدرجة اني ممكن انزل الشارع وانسي انا رايح فين
اقولك حاجة
انا باصحي كل يوم الصبح واقعد ربع ساعة في السرير احاول استوعب انا مين وايه اللي جابني هنا والمفروض اعمل ايه بقي دلوقتي
انما في الحاجات اللي باحاول انساها دايما الاقيني فاكرها بكل تفاصيلها
حتي بتفاصيل تغيظ
مش عاااااااارف ازاي اصلا ممكن حد يفتكرها
يالله
برضو كل سنة وانت طيبة

الفكرة اني عارفة الكلام دة يا فطفطم ولكن

الواحد مبيرميش الذكرياتمن مخة
ولكن بيعملها ضغط زيما بيعمل لملفات الكمبيوتر و يحط الحاجات المضغوطة في فودر متجمعين بعيد عن الدسك توب

و اكيد لومعملش ضغط للملفات دية هتبقى بحجم اكبر وتشغل حيز اكبرمن الذاكرة

كل دة عارفاه

الفكرة اني مش بعرف اطبق


بالنسبة للدوا بتاع دورة دموية بتاع المخ
عتقد اني عارفاه كمان
دكتور اسامة باطنة قالنا عيه

و فكرة النوتة
شخصية مهملة و ملولة جداً زيي بجد الموضوع دة فاشل تماماً تماماً معاياجربت اكتر من مرة

وكل المحاولات تبوء بالفشل بعد مرة او مرتين من الاستخدام

خير خير
خلاص بقة

العمر اهوه خطوتينويخلص
هنعمل اية بقة يا بنتي
هههههههههههههههه
بهرج

سلامٌ عليكِ

ايوه قولى كده
وانا اقول غابت عنى ليه وهى اللى
معودنى متغبيش عليا فى السؤال
اتارى الموضوع كده ههههههههه
الف سلامة عليكى ياحبيبتى من الزهماير
او اى مرض وربنا ينقى ذاكرتك
من اى شىء سىء وتفضل الذكريات الحلوة موجودة وبرضه مش حنقدر نمحى الوحشة
ولكن نعتبرعا فى طى النسيان
انا دخلت مدونة يوم جديد
وبكيت وهى بتوصف اللقاء وان يوسف
فى الثانوية دايما افتكرى ده وفكرى نفسك بيه انه حيكبر ويكبر وساعتها
قراره حيكون من دماغه وحيعوضك كل خير
انا حبقى احضر كشف باللى الحاجات
اللى عاوزاة انساها خصوصا اخر اربع
شهور فى هذه السنة وماحدث فيهم

فطوم جيبى النوتة اوعى تنسى واكتبى
فى اول سطر دايما السؤال على ام مالك
لانها بتفتقدنى كثير لما اغيب عنها
تحياتى ياقمر

انا زيك يا فاتيما كدا بهانى من الزهايمر دا احيانا

بس مش تقلقي دا بس لان ذهنك مشغول بحاجات كتير واللى بتنسيه بيكون عادى مطلوب منك وسمعتيه وانتى ذهنك مش صافي ورايق

بابايا دايما يقولى عارفه ليه كتير بننسى احداث قريبة مع اننا بنفتكر احداث بعيدة جدا

لان ذهننا وقتها كان رايق وذاكرتنا كانت لسا فاضية مش مليانة علشان كدا احداث الطفولة بتعلق في الذاكرة لانها دخلتها وهى لسا على الزيرو

عارفة يا فاتيما انا بكون عاوزه انشى حاجات كتير زى وفاة اختى بس ارجع واقول ان كل حدث في حياتنا لازم نفتكره لانه بطريقة او باخرى بيعلمنا حاجة رغم المه

كل سنة وانتى طيبة يا فاتيما ياقمر وربنا يجعلها سنة سعيدة عليكى يارب

واوعى تنسى انى بحبك مووووت وانى عاوزه اشوفك اوى اوى

كل سنة و انت طيبة فاتيما ، و أن شاء الله سنة جديدة سعيدة عليك ، عارفة فاتيما 2009 تقريبا ما فى أتفق عليها انها كانت سنة سعيدة علية ، مش عارفة ليه ، كلنا بنأمل أن 2010 تكون سعيدة ، بس أنا متهيئ لى أنها هاتكون أوحش من الى قبلها ، أوعى تقولى أنى متشائمة ... لأ لأنى لما براجع الى فات من عمرى بلاقى أن كل سنة جت كانت أوحش من الى قبلها ، صدمتها و متاعبها أكبر بكتير من الى فاتت ، مش عارفة ليه .... ومع كل دة بيبقى جوايا أمل فى أن الى جاى أحلى و أجمل علشان نقدر نواصل و نعيش ، وماتخافيش من موضوع الزهايمر كلنا تقريبا بقينا بنعانى منه ، يمكن لأن الوحش الى فى حياتنا مسيطر على تفكيرنا ، يمكن مشاكلنا و متاعبنا الكتيرة واخدة كل تفكيرنا ، يمكن لأن الحلو قليل قوى قوى قوى فى حياتنا ، ومش لاقين له وقت بينا ، يمكن لن مفيش وقت فى حياتنا لينا احنا ، لنفسنا ، مفيش حد مدينا الفرصة دى ، أننا نعيش لحظة لنفسنا ....
مش عارفة ، على فكرة أعملى زى أنا بكتب ورق و الزقة بالسلوتيب جنب المكتب على الحائط علشان ما انسى لأنى يمكن اكتر منك فى موضوع النسيان ، ربنا معاكى وخلى أملك فى ربنا كبير بأن السنة الجاية ها يكون فيها شعاع نور يفتح لك طاقة أمل تدخل فيها الشمس حياتك من تانى , وكل سنة و أنت بخير ويوسف بألف خير .

معقول يا طمطم انتى بتنسى كده؟؟
بس وانا مستغربة ليه والنعمة انا العن منك ساعات زوجى العزيز يقولى على حاجة وتكون فى ايدى واقعد ادور عليها بالساعات
معلش دى حالة زهايمر بس مبكر اوى خالص
اما بخصوص بقية البوست فبجد انا اتالمت علشانك اوى كل دى حاجات وحشة عايزة تنسيها؟؟
بجد انا اكتر حاجة وجعت قلبى هو بعد يوسف عنك
عموما ربنا يرجعهولك بالسلامة وماتيأسيش من رحمة ربنا
اما بخصوص الحاجات اللى عايزة انساها فى سنة2009 فانا نسيت لما افتكرها على السنة اللى جاية هبقى اقولهالك
دمتى بكل حب وسعادة

ربنا يجعل السنة الجديد سنة خير عليكى و يجمعك بابنك ان شاء الله

و صباح ال.....
:))

لااااااااااااااا
بصى بقى ياستى

اجيبلك انا التفسير المظبوط

دة مش فقدان ذاكرة جزئى

دا فقدان ذاكرة انتقائى

يلعب فيه الجهاز العصبى السمبتاوى دور المحرك الرئيسى

بمعنى

جهازك العصبى اللاارادى بيكلم نفسه قائلا

اوووووووووووووف بقى
كل يوم طلبات طلبات

انا زهقت

نفسى مرة اروح عالبيت من غير ماالف واتعب فى شرا الحاجات

يقوم ضميرك يقف له بالمرصاد

واد ياجهاز انت
احترم نفسك

ميصحش
عيب
تنفض لطلبات البيت

دى قله ذوق

يقوم جهازك العصبى اللاارادى
تنور فيه لمبه زى الكارتون بالظبط
ويقول فكرة

علشان اتجنب تانيب الضمير
اعمل نفسى ناسى
ويدور المحركات المخيه بتاعه
ويعمل ديليت مؤقت لكل اللى بيتعبه
ويفصل كابلات النور عن اوض الحاجات الغير مرغوب فى تذكرها

فلما تيجى نفتحى الباب
تلاقى الدنيا كحل

انسى يافاتيما العيييييييش
انسىىى
انسىىىىىىىىىىىىىى

بس مع الاسف
العداله لها دورها
لازمن تقف لجهازك العصبى بالمرصاد
تلاقى بتاع العيش قدامك
يعنى هتفتكرى هتفتكرى
يقوم جهازك العصبى اياة يلاقى نفسه هينكشف وشكله هيكون وحش قوى
يقول مبدهاش بقى
ويقوم موصل الكابلات المخيه اللى كان فصلها من شويه
ويقول فى براءة
والله ما انا
دا انا جيت من النادى لقيتها مفصوله كدة
حتى انا وصلتها اهو

ولما عملتى ناصحه وقلتى هجيب نوته
طلع انصح منك ونساكى تجيبيها ولما جبتيها نساكى تكتبى فيها
وقال كدة ميه ميه
احساس البراءة اكتر
اديكى عملتى اللى عليكى اهو
وجيبتى نوته
هتعملى ايه اكتر من كدة بقى ؟؟؟؟

قلب ينبض بالحب
-------------
واضح يا بدارة إن الزهايمر يتوغل
و ينتشر
و يستمر
و يستمر
و يستمر

ربنا يجعل كل سنواتك خير و سعادة يا حبيبتى
و معاكى بوس بوس اللى طفشانة مننا

إنتى كمان يا حبيبتى وحشتينى


بنت قلبى
-------

أزييييييييييك يا رنا
حمدلله على سلامتك يا حبيبتى

معلش انا عارفة و ومقدرة
اللى إنتى فيه
و انا مغمورة شكرا و إمتنان
لأنى من الناس
اللى بتزوريهم

يعنى بتسألى علينا
و مش بتطمنينا عليكى
ينفع كدا ؟؟؟
يا رب تكونى فى احسن حال
يا حبيبتى
وحشتينا قوى
هستنى زياراتك دايما




sharm
-----

إيه بقى ؟؟
فين الحاجات اللى عاوز تنساها طيب ؟؟
مقولتش يعنى ؟
ماشى مش هغلس
نورتنى




Manamino
--------
و إنت طيب و بألف خير يا مانامينو
حلو قوى لفظ الذاكرة الحكولية دا

بس الحمدلله لسه موصلتش لحكاية انا مين
انا فين إنا مش عارفنى دى

و كويس إنى مش متغاظة لوحدى و فيه ناس بتشاركنى فى حكاية الذكريات اللى لازقة بغرا دى و مش راضية تحل عنى

كل الخير ليك يا عزيزى




نعكشة
-----
لا تعليق غير إن الحال من بعضه

يا نعكوشتى
و بوسة و حضونة
قبل ما انسى




أم مالك
-------
و الله يا غالية دا حقيقى
انا كل يوم افكر نفسى أدخل عند أحباب كتير غايبين أو انا متأخرة ف السؤال عنهم ..و أنسى
مش بنساهم ..بنسى أروح

انا كمان إتأثرت قوى بالفكرة و أنا بجرى بين السطور وبتخيلها

ليكى حق تبقى عاوزة تنسى
كان الله ف عونك و قادر يذهب همك و ياخد بيدك و ينسيكى و يعوضك الخير
ربنا كريم

و من غير نوتة
إنتى مكتوبة ف قلبى
يا غاااااالية

reem
----
ربنا يعلى مقامها ف الجنة يا ريم
و ينسيكى كل حزن

انا كمان يا حبيبتى
و اللقا نصيب
اكيد ربنا هيكتبلنا نتقابل
إن شاء الله

و كل سنة و انتى بالف خير
إنتى و البناتيت و كل احبابك
يا رب




أم بتول
-------
و إنتى طيبة يا حبيبتى

و الله فيه ناس كانت عليهم سعيدة
و ربنا يبارك لهم فى الذكريات دى كل ما يفتكروها قيمتها و غلاوتها تكبر ف قلوبهم

يظهر إن تفسيرك هوه التفسير الغالب الأعم

كثرة المتاعب و الهموم
بتخلى الواحد عاوز ينسى
بس من غير ما ياخد باله إنه متعمد

حكاية الورق الصغير و السلوتيب بعملها ف الشغل دايما
بس براه مش بينفع

ميرسى ع الدعوة الحلوة
كل الحب ليكى





شفقة و إحسان
------------
أه يا شفشوقتى
وصلنا لهذه المرحلة ..تصورى؟!!!

و كويس إنك نسيتى من دلوقتى
لأ .زإنتى كدا ف السليم

كل سنة و إنتى بالف خير يا حبيبتى
سلامنا لإحسان بيه



إياكش تولع
----------
نورت يا دكتور
المونة نورت بالزيارة دى
و لعلها تتكرر دايما

شكراً ع الدعوة الطيبة
ربنا يسمع منك يا رب


بس انا مش فاهمة صباح ال
و بعدها فراغ دى معناها إيه؟؟
يعنى أقعد أخمن مثلاً .... دى تبقى إيه و لا هتقولى الإجابة التعليق الجاى ؟؟؟

معرفش ليه إفتكرت الامتحانات بتاعة إبتدائى و الإسئلة بتاعة أملأ الفراغات الآتية بما يناسب

بصراحة
حيرتنا
و نورتنا يا دكتور
و يا ريت تكتب بإنتظام ف مدونتك
لإن أسلوبك مميز بجد
كل سنة و حضرتك طيب





أحمد سعيد
--------

التعليق التانى دا إنكتب طبعا
بعد النزول من الميكروباس
و نظراً لأنى مفهمتوش قوى
فقررت منشروش

انما ردا بقى ع التعليق الاول
فتحليلك أكتر من ممتاز
يا احمد

تصدق فعلاً
انا حالياً عاوزة دماغى
تقف عن أى تفكير
و أى كلام
و أى حاجة


عاوزة أقف ف مكانى
لا أرجع خطوة
و لا اخطى لقدام سنتى

و لإنى مش عارفة
أفلفص من أى مسئوليات يومية
عندى و اخد أجازة
لأنى اصلاً لو خدت أجازة
مش هلاقى مهرب من نفسى
اللى عاوزة اطفش منها

فنا بأستخدم وسايل دفاعية
لا شعورية كدا
عشان أحتج ع الدنيا
مل الآخر كدا
بأستهبل


إدى الإستشارة حصلت أهى
و ببلاش ..كتر خيرك يا دوك

طب خلاص ادينا وصلنا
للمشكلة و حللناها
و عرفناها

الخطوة اللى بعد كدا
هتقولى نحل المشكلة
بقى


هقولك طيب
بس نفسى تنفتح
عشان بس احاول أشجعنى
إنى احلها
حاضر

نورت
يا أذكى نزلاء العنبر

أزيك يا فاتيما
وحشنى جدا ع فكرة انا بمر من حين لأخر عليكى بس يمكن بقيت معنديش قدرة على التعليق ولا الكتابة بس بحاول اعود
يااااااااااااه ع قائمة المنسيات
عايزا انسى انى محتاجة أنسى فى مقولة بتقول
اريد أن انسى ولكن اين هو بائع النسيان
لما نبقى نلاقيه يمكن نفدر ننسى
وحشتنيى لينا كلام تانى بس لما اروق
وشكرا على تنويه الافتقاد اللى فى مدونتك
كل سنة وانت بخير

انا عندى نفس المشكله و لا يمكن اركز فى حاجتين مهما كانت بساطتها يعنى مثلا انسى اقفل زجاج العربيه و لو افتكرت انسى اقفل الباب و لو افتكرت انسى المفتاح جواها و لو افتكرت انسى الراديو او النور شغال و لو فرض تمت المعجزه و قفلت كل حاجه تمام بانسى الموبايل جواها او انسى ركنتها فين اساسا.....المهم الموضوع ده بيزيد لما اكون مشغوله بحاجات كتير سواء فكريا او فعليا
و بيتهيألى ان اللسته اللى انتى كتباها و كل الحاجات الكتير اللى بتفكرى فيها على طول هى الحاجه اللى شاغلاكى و منسياكى الحاجات الصغيره التانيه
عامه الشغل بيساعد ان الواحد يتلهى و مايفكرش فى اى حاجه من اساسه ..النوته فكره ممتازه ..انا ماشيه باجنده على طول فى الشغل

عاوز اقولك حاجة..
انا بحب اجي واقرأ بوستاتك جداااا..
وكمان بوست النهاردة بينطبق تقريبا عليا بصفة خاصة ..

اولا بانسى اكتب في الورقة اللي انا عاوز افتكر اعملة..
ولما باكتب..بانسى الورقة في البيت..
ولما بافتكر ااخد الورقة معايا ..بانسى اني كنت عاوز اعمل حاجة اصلا..واللي يغيظ اني بدأت اكتب بالاقلام الماركر على المراية وشوية شوية ما بقيتش ابص عليها لاني (اتعودت) انه الكتابة اللي على المراية جزء لا يتجزا من حياة اي شخص.. وكأني شاريها كده ومش باهتم بايه اللي مكتوب..وهكذا حكاياتي مع النسيان (';')

وعلى رأى فاتيما هبعد أروح فين أكتر من كده ما أنا بعيدة خلقة

وعلشان كده مقدرتش أبعد أكتر من كده وجيت تانى أهو

وليكى تاج عندى روحى أستلمية بقى

كل سنة وأنت طيبة فاتيما

وإن شاء الله السنة الجاية

يكون يوسف معاكي ومعانا

إن شاء الله :)

كل سنه وانتي طيبه ياروح قلب كل الناس
وحشتيني اوي يا فتمتم
اخبارك ايه
يارب سنه سعيده عليكي ان شاء الله
وربنا يكرمك ويسعدك
هابي نيوير
2010

كل سنة وأنت طيبة.

اولا انا اول مره ادخل عندك وثانيا تملي احنا بنبص لامبارح عشان عشناه وحلمني او اتألمنا فيه مع ان بكره ممكن يكون طاقه نور تغطي علي كل لحظه ضلمت في امبارح انسي وامبارح او تناسيه أدق معني .

وبكره ده استنيه وعيشه لابنك لاهلك لشغلك اشغل نفسك بللي جاي واللي فات مات والعايط علي الفيت نقصان في العقل يارب بكره بتاعك وبتاعنا تتحقق فيه كل احلامنا والبعيد يبقي قريب وخللي تملي نظرتك تفاؤل وكلامك مليان أمل وربنا يقدرك لكل خير ويرزقك الرضا وفي حديث عن النبي او أثر الله أعلم تفائلو بالخير تجدوه سنه جميله مليانه حب ورضا من ربنا ان شاء الله ورضا لاهلك عليكي وان شاء الله زي انهارده السنه الجايه تكوني من اسعد عشر مصريين ويمكن تكسبي جايزه موبينيل وتنفضي للتدوين

صباح الاحضان
انتى فين يا فطوم؟
عايزين بوستات حلوة كده زى الاخبار

احدف بوسة يعنى :-))

نكملهم 60 تعليق :-)
يارب القريحة تجود عليكى و تكتبلنا حاجة
صحيح ممكن يجى عليا وقت و ابطل رغى
هل حيكون السبب انى مش محتاجة ارغى و لا مبسوطة و مش فاضية و لا مخنوقة و مش قادرة حتى اكتب ؟؟
عموما لحج ما اختفى كالباقين من عالم المدونات
اطالب
من اعلى المنبر
فطوم
ان تنشئ شات تحت الاخبار
ساعات نفسى اعلق معاكى او ادردش فى خبر و تعليقك عليه
او اسال عن حاجة
او على الاقل ارمى بوسة و اسمع الاغنية و امشى

و لا ايه يا معلقين
ما نفسكمش
اصل مش عايزة اخوتك اميلات كل شوية

ساندونى يا قوم يا محبى فطوم
او فاطمة اليوسف او
ماما فاتيما
او طماطم او طمطم
:-)))
فيه دلع لسه مقولتوش :-))
حن علينا بقى

إيمان شخابيط
-----------
أهلااااااا يا إيمو
وحشتينى جدااااااا
لما لقيت إيميل منك أطمنت عليكى و إنك بخير و الحمدلله
إنشالله دايما يا رب
لما تصادفى بائع النسيان دا
إبقى ناديلى يا حبيبتى
عندى حاجات كتير أديهالو و ببلاش

كل سنة و إنتى بألف خير يا حبيبتى



mohra
-----
و الله شكلى هعمل كدا يا مهرة
همشى بالأجندة دى ف الشغل و أمرى لله

صحيح منظرى وحش قوى وسط باقى البنات
بس انا لسه سنة اولى سكرتارية
أموت روحى يعنى ؟؟

كان واحشنى تعليقاتك على فكرة
بوسة و حضونة يا دوك




timo...
-------
إنت نورت يا تيمو
المدونة كلها منورة بيك
و شكاص على ذوقك و رأيك

حكايتك مع النسيان شكلها حكايتنا كلنا يا بن الحلال

لو كان النسيان رجلاً
لنسيت أقتله



بسمة عبدالباسط bos bos
----------------------
أنا معتزلة التاجات دى من زمن يا بسبوستى معلش
لكن حمدلله ع السلامة
كنت عارفة إنك متقريش على بعادنا يا جميل
و على راى احمد الصباغ
دخول التدوين مش زى خروجه
خالص حبى ليكى يا حبيبتى



عارفة ..مش عارف ليه !!!
----------------------
و إنت طيب يا وليد
ربنا يجعلها سنة خير و هنا
عليك إنت
و مهند
و كل العيلة
و احبابك كلهم
يا رب



سمكه واحدة
---------
هابى نيوير عليكى انتى كمان يا سموكه
كل سنة و انتى بألف خير
و كل اهل إسكندرية
انا بخير يا حبيبتى
شكرا على سؤالك



PACHA
-----
و إنت طيب يا جنابه


هى و ظروفها
-----------
الإسم غريب و يوحى بغنك مدونة مش مدون
بس عادى يعنى ...

اولاً
أهلا بيك و نورت المطرح

ثانياً
كلامك كله تمام و صح
بس مش سهل التنفيذ

إلا لو فيه زرار هندوس عليه
فينسينا كل حاجة عادى كدا

و انا متفائلة و الله
مين اللى قال غير ذلوكا بس ؟!!!

وبالمناسبة
لو حصل و كسبت جايزة موينييل
اللى حضرتك بتقول عليها دى
و لو إنى معرفش حاجة عنها أشاساً
بش ماشى لو حصل يعنى
مظنش هبطل تدوين
و أنفضله على أى حال ..


بس سؤاااال يعنى فضولى شوية


هوه حضرتك فاكرنى عاملة مدونة
و بلم عليها فلوس من باب الشحاتة
او الفلس مثلا
فبناء على هذوها المعلومة
لو جالى أى مبلغ هنفض للتدوين؟؟؟

غرييييبة

نورت



WANDA
-----
صباح الهنا و مساء الخير و السعادة
و بوسات و حضونات للسنة الجاية اللى هيا 2011 يا حبيبتى

لسه القريحة لم تجد يا واندتى


بصراحة كنت هكتب
لقيت اللى كتبته نكد فى اوكتئاب على رأى يوسف

فتراجعت
و قولت الطيب احسن


مقدرش يا حبيبتى اعمل شات بوكس
أصله مش هيبقى عليه إشراف
و انا لسه مستهدفة من النونيمس اللطيشف إياه
و طبعا ما هيصدق
و انا بصراحة عاوزة اغلس عليه
و مريحوش طول ما هوه مرخم عليا

منحرمشى منك يا حبيبتى
أبداااااااا





احمد سعيد
--------
أنا ف الدنيا يا احمد

منتحرمشى يا فندم
من سؤالك علينا

إرسال تعليق