.

.

انا ف الخليعة  

Posted by: فاتيما in


بأقلامهم أو أدق بكيبورداتهم

تقرير لقاء القاهرة .. بإختصار شديد ..... صبرنى يا رب

على الزراعية فى الزراعيين .... شمس النهار

لقاء المدونين فى نادى الزراعيين .... شاب فقرى

أجمل لقاء للمدونين فى نادى الزراعيين .... ghada mohsenبستان افكارى

جو دافى ....... وليد هى و ظروفها

لقاء السعادة ...غير سعيد ...وليد KING TOOOT

خيخة ............بطوط حبوب

رسائل عشوائية للمدونين ... ستيتة حسب الله الحمش

عن لقاء البتاعة اتحدث ........ بت خيخة و اى كلام

سماد عضوى ..... SHAPE YOUR LIFE - ABOALI

الناس الطيبين ... Eng.SAYAD A.MONEMSAYAD,PMP:

هااااااااام و عااااااااااااااجل ...... Bascouta

لقاء اختلف الكل عليه ...reem رسائل بلا بريد

كلام لازم يتقال(عن اللقاء اتحدث)... شيماء الشعب لابد له من حكومة تشكمه

لقاء و لا أروع ..... رومنسى

لحظة من فضلكوا يا جماعة ... أحمد سعيد عنبر العقلاء

لقاء القاهرة ... o0O Voice Of Mine O0o

خيخة و عضة الكلب ..... شمس النهار

This entry was posted on الجمعة, يناير 29, 2010 and is filed under . You can leave a response and follow any responses to this entry through the .

38 كــــلام بيطــبطـــب عـــلى قــــلبى و روحــــى

سعيدة جدا اني اتعرفت عليكي يافاتيما
انتي انسانة فعلا رقيقة وحساسة

وواضح انك راقية في تفكيرك

جدا

حبيبتي كنت عايزة اقول لك اعملي مدونة
مغلقة

دوني فيها كل يوم رسالة ليوسف ولما ان شاء الله يرجع لحضنك

افتحيها له يقراها بتواريخها
بأحساسك يوم بيوم

كنت عايزة اتكلم معاكي واحكي كتير
واحكي لك موضوع بس هشوف فين الميل بتاعك ابعت لك ميل علية
اصل انا مش بحب الشات
دقة قديمة
:)
اتنورت بيكم النهاردة

وان شاء الله تتكرر

سلامي

شمس النهار
---------

انا اللى أسعد يا شمس نهارى

و شكرا على رأيك



و يا فندم
لو انا راقية فى تفكيرى
فإنتى الرقى ذاته
يا حبيبتى


بجد انتى من نعم
هذا اليوم عليا



و انا كمان زيك دقة

بس أقدم بمراحل
لا ليا فى الماسنجر دا
و لا كمان الموبايلات و لا التليفونات
و لا أى حاجة سوى صفحة تعليقاتى هنا
و الإيميل و حضور اللقاءات
و كفى الله المومنين شر القتال


شوفتى بقى طلعت دقة أقدم ازاى ؟؟؟!!!


هستنى كلامك اكيد
و هتلاقينى إن شاء الله متواجدة
و برد على الأيميلات بسرعة
لأنى علطول فتحاه
modynoty@gmail.com



و النور النهاردة
كان نورك يا حبيبتى

تحياتى للبنات
المحظوظات بأمومتك

يا فندم سعدت بذلك القلب النقى المملؤ بالصفاء المتوج بكل الخير

اتمنى لك حياة راقية سامية بكل احلام اليقين والايمان ولا تنسى نسمات وهمسات النجاح والسعادة

تحية مميزة لانسان متميز

بطوط

والله والله والله انا مبسوط جدا اني اتعرفت عليكي يا شيخه اكن الواحد يعرفك من زمان عسوله وحبوبه بجد

طيبه وطبيعيه اوي بجد والله انهارده انتي من الناس اللي كسبتهم اخوات ربنا يديم المعروف والخير والود يارب وان شاء الله نشوفك في فرحي قريب باذن الله

برضة مش سايباك
اوعى تكونى اكلتيها كلها
لن اتنازل عن حقى
فى الصورة بتاعت الفطير

حتكلى عليا الاصطباحات و قولت ماشى اجازة
تكلى البوست و توزعينى ماشى عموما
انا بروح لصبرنى اغلس حاليا و بس :-)))

انما حتكلى عليا صورة الفطير
لا قلبى
:-))))))))))

الا قوليلى بابا مسبش معاكى حاجة
لا بقى انا اروح اتخانق معاه بقى

مساء الانوار
يافطوم
بس تعرفى حلوة القلوب قوى :-******
:-ْْْْْْْXXXXXXXXXXXXXXXXXX

فاتيمااا

بجد انا مبسوطه كتير انى شفتك وشفتكم كلكم ...

انا كتبت حبه رغى فى مدونتى كده عن اليوم الخرافى ده كان نفسى تحطيهم مع الناس الحلوين دول ...

انا راح اقرأ كل ده بس بعد ماناااااام واشبع نوووم واقوم مصحصحه كده واعلق على الكل ان شاء الله ...

بجد اتشرفت بيكم اووووى والله

انا فاصله تماما هاقوم انام قبل مانام على الكيبورد
ههههههههههههههه

تصبحى على خير يااحلى فاتيما شافتها عنيا
... ;) ,,, ;) ...

فاتيما
انا جييييييييت
وصلت بالسلامه الحمد لله ياقمر
اول شئ عملته انى فتحت الجهاز علشان اطمنك
المواصلات عملتها معايا ورجعت متاخره
انا موافقه انك تبقى فى الخليعه
هاروح اغير هدومى وارجع اشوف احبابنا كاتبين ايه
على فكره
انتى كمان وحشتينى قوى وطول السكه بافكر فى كلامنا وفى اجمل سااااعه فى اليوم كله
بحبك بقت كلمه قليله عليكى يابطه
طيب اقول ايه؟؟؟؟؟؟؟؟؟

امي :)
متشكر قوي .....:)
عارفة طبعا علي ايه


بعدين مشيتي بسرعة :(

ABOALI
-------
انا اللى اتشرفت يا فندم

انت نورتنا النهاردة بجد


احدى سمات اللقاءات التدوينينة
انها بتقربك من ناس بتشوفهم لأول مرة و كأنك تعرفهم من زمن
و انت ينطبق عليك هذا الوصف

ربنا يديم الود

خالص ودى ليك
و مشكرين على حركة الشياكة الاخرانية





هى و ظروفها
-----------
انت كمان يا وليد
انت شخص طيب و اخلاق قوى

ربنا يسعدك انت و سارة
و نشوفكوا ف الكوشة قادر يا كريم

انا اللى اتشرفت بيك يا عزيزى بجد


Wanda
-----
يا ون ون معنديش كاميرا فى النوبايل بتاعى و الله

بس ممكن اوصفلك

راقات من الفطير يتخللها سمنة بلدى معتبرة و ريحة مفحفحة من غير تسخين حتى

لما اجى احطه ف الفرن عشان يسخن
هاخد جنيه معدن على شم ريحته بس
و الشوف بجنيه معدن تانى
و الاكل بقى بصرة من الجنيهات

ليكى انتى كل الفيلم دا ببلاش

عدولة دا ابنى الغالى
كان شقاوة النهاردة كالعادة
و الله كنت ببصله ساعات
و كل ما اتخيل ان يوسف لما يكبر
هيكون زيه كدا
اقول يا لهوى ...
هيبقى عندى بدل ولد واحد زى القمر
جوز ولاد زى القمر

يعنى قمرين
زى غنوة عمر دياب تمام

شوفتى صورته عند صبرنى ؟؟
بلاش خناق بقى
ارجعى انتى بالسلامة و احنا الأتنين ندلعك ع الآخر فسح و حاجات حلوة


والقلوب دى ليكى فيهم واحد


انتى كمان يا ونداتى
خدى منى
ميت ***************
و الف ×××××××××××××××



ghada mohsen
-----------
كلك ذوق يا غادة

و احنا بنعتذرلك بجد اننا ملحقناش نتكلم معاكى بشكل كافى لكن الزجمة حالت دون تنظيم اى حاجة
خصوصا ف الاول

وكلنا مدحضحضين يا بنتى
مش انتى لوحدك

بس ان شاء الله تتكرر اللقاءات دى
و نتقابل على خير دايما

الله يخليكى يا حبيبتى
منتحرمشى من ذوقك أبدااااا
سلامى لرانيا الرقيقة زى أختها تمام



عاشقة الرومانسية
---------------

الف حمدلله ع السلامة يا دودو

انا مش راضية اقفل الجهاز و انام الا لما اطمن عليكى الاول

كدا انا ف الخليعة بجد
و هدخل اناااااام لحسن متفشفشة

بركة انك بخير يا قطتى
و رجعتى بألف سلامة يا حبيبتى
الشوية بتوع الىخر دول فعلا كانوا حلويييييين قوى قوى قوى

متقوليش حاجة يا قطتى
و عروسة البحور الحلوة
بوسيلى حنين بس و انتى بتديها اللى بالى بالك

الف بوسة و حضونة يا حبيبتى




adel
-----
متشكر على ايه يا واد

انا اللى متشكرة على مجرد بس فكرة
ان عندى
ابن زيك

و معلش كان لازم امشى عشان اركب دودو و اطمن عليها
البونية فى منتقتنا
على رأى الجميل سوووو
و الحمدلله اطمنا عليها
و روحت بألف سلامة
الحمدلله

كمان الحمدلله
على وجودك النهاردة
و وودك فى حياتى عموماااااا
ربنا يخليك لمامتك
اللى انت غالى عليها يا عدولة
و اشوفك احسن الناس يا رب

بحبك قوي يا احلي فطومة في الدنيا :)
امي بقي :)

بجد متعرفيش بحبك قد ايه .... اه ياجماعة بحبها اكتر من امي والله

وايه ده بتبص علي ايه :)
ليه يوسف يبقي زي كده :(
هازعل انا كده :):)
انت مبتسمعيش بيقولي عني ايه :):):)

مهما قلتي انا في الخليعة برضه بحبك
مفيش شبهك حد
ولا ينفع يكون
فرحت اني شفتك
وربنا يرد لك حضن الحبيب
ويفرح قلبك

كان نفسى أتعرف عليكى يا طمطوم بس خيرها فى غيرها إن شاء الله وخصوصا إنى بضيع وسط الزحمة عايزة لقاء ضيق شوية

بتهربي
ماشي ماشي
ساوريكي

هاهريك بوس

ههههههههههههههههه

بصي مش عارفة اقولك غير اني بحبك
وبجد مكنش نفسي اسيبك لما حضنتك
انا عارفة انك حسيتي بيا
ربنا يسعد قلبك يا فاتيما
واشوفك دايما اجمل واجمل
تحياتي البسكوتية

فطوم
تصدقى بالله
انا جعت كده اكثر :-))))))
وصفك كانى عايشة فى الحلم
ههمممممممممم همممممممممممممم هم

اوعى تفتحى باب الشقة و الا تلاقى الجيران واقفين طابور و بعدين لما تخلصى على فلوسهم يقولوا عليكى انضميت للحكومة و بتنظفى معها :-)))))

المهم
النهاردة عارفة اجازة من الاصطبحات بس مطوليش يوم الاثنين بقى نرجع ماشى :-))))

صباح الخير
:-*****************************
:-XXXXXXXXXXXXXXXXXXXXXxXXXXXXX

يا تركوازززززززززززز انت يا جميل
انا بحبك يا بنت انتى اوى
بس ده لا يمنع انى اعمل لك الفضيحة اللى وعدتك بها على الموضوع اياااه
قال على وش ولادة قال هههههههههههههههههه

موووووووووووووووه
عايزة اشوفك تانى قريب ماليش دعوة

هنا بتقولك انتى جميلة اووووووى
و عايزة تشوفك علشان تديكى بوسة كبيرة على الهدية الرائعة دى :)

كان لقاء جميل فعلاً
يارب يتكرر تاني كثير

ههههههههههه
احنا فينا من كدة يافاتيما
ماشى ماشى
كنت عايزكى تكتبى عن اللقاء والله بحس انى كنت معاكم فى كل تفصيله
حسدتك انا بقى
كان نفسى اشوفك اوى
تتعوض ان شاء الله

أجمل ما فى اللقاء أننا شوفت ناس كتير كان نفسى اشوفهم و اتعرف عليهم عن قرب ، وناس تانى عارفاهم وشوفتهم قبل كدة بس كانوا واحشنى و نفسى اشوفهم ، اليوم كان جميل برغم سلبياته بس حقيقى كان حلو و انت اجمل مافية .

كل الناس بتقولك بحبك
تفتكرى هتفرق منى انا ؟؟
بصى هى هتفرق لسبب
انى والله كنت هموت امبارح علشان اشوفك وحسيت انك وحشتينى اوى وفرحت اوى لما دودو قالت انك جبتى حاجه لعمر مهما كانت بسيطه دى عندى تساوى كنوز لانك فاكراه وفكرانى
ربنا يخليكى ليه ولا يحرمنى منك ابدا ويرجعلك يوسف
بحبكككككككككككككككككككككك

انت حنينة اوى
انا قرأت دلوقت تعليقك عند احمد سعيد
ربنا يوفقه ويطمنا عليه
نيجرو تقريبا
كان قال لك قبل كده
انه بيستنى وصفك للقاءالتدوينى
وانا كمان
وزعلت لما لقيتك مش كاتبة حاجة
حسيت ان فى حاجة مزعلاك
ولما توالت البوستات
بدأت أفهم
بس احترمت اوى فيك وفى دكتورة ستيتة
اصراركم على السعادة

العدد حسب كلامكم كان كبير جدا
ده مش لقاء
ده مدر سة
علشان كده الاستمتاع كان قليل
خلوا اللقاءات المفتوحة قليلة
وعلى فترات متباعدة
وياريت اغلب لقاءاتكم
تكون محدودة

يارب تفرحى وتستمتعى دايما

adel
----

انا كمان يا بابا
و لا تتصور انا فخورة بيك قد إيه

ربنا يحقللك كل اللى بتمناهولك و هو كبييييير قوى لو تعرف

إن شاء الله يا غالى على ماما




ستيتة حسب الله الحمش
-----------------

يا س س انتى حبيبتى

و معلش هخلع النوبة دى
والبركة فيكم كلكم

انا اللى سعيدة جداااا انى شوفتك
و انتى السبب فى كل خير
حصل فى اللقاء دا


و ما كان من قبله

و ما جاء بعده كمان

كمان كنتى تعبانة و مع ذلك قعدتى عشان تلمينا و تشدى على ايدنا و تحاربى معانا الهم على رأى وليد الغالى كنج توت لما قال فى تدوينته


وكل حاجة بتحصل حتى لو بتضايق
بيبقى فيها خير كامن و مستتر

لو بس نهدى شوية
و نحاول نشوفها


و الحمدلله انا بقيت اشوف الخير
فى كل شىء
حتى لو لا يبدو منه
احيانا غير الوحش


و قررت نضارتى تبقى بمبى علطول
ان شاء الله

منحرمشى منك يا ستوتى
و ينسبلكان الوجوه الطيبة
اللى إتلاقت امبارح ...
كنتى انتى السبب يا زعيمة فى لمتهم
و دايما سبب الخير
يا رب

خالص حبى ليكى
و لكل اسرتك الجميلة



أم ... بوبة
-----------

انا كمان يا حبيبتى

انا زعلانة انك كنتى هناك امبارح و معرفناش نتكلم سوا و لا حتى نسلم على بعض

ينفع كدا ؟!!

المرة الجاية ان شاء الله
لن اتنازل عن ذلك
خالص حبى ليكى




صبرنى يا رب
---------

البركة فيكم يا صبصب

انا دلوقتى ف مرحلة التوهان
بعد اكل الفطير

تسلم مجايبك يا صبصوبتى

انا فرحانة جدا انى شوفتك بجد و ربنا يخليلنا الأستاذ رضا يا رب
بوسيلى العياااااااال



Bascouta
--------

يا بسكوتى انا مكنتش عاوزاكى تمشى اصلاَ

و كان نفسى تفضلى فى حضنى
و متمشيش

انا هستنى تقوليلى انا نازلة مصر يا فاتيما
عشان زى ما اتفقنا ..ماشى؟
ربنا يطمنى عليكى يا حبيبتى
يا رب
بحبك قووووووووووى
قوووووى يا بساكيتو يا فروالاية




wanda
-----

انا كلتلى حتة
و انتى حتة يا ون ون
و حاليا داخلة فى مرحلة الغبيوبة

عقبالك يا رب لما تدوقى عمايل صبصى تحريرى مش شفوى ...
إن شاء الله لما تنزلى اجازة لازم نوديكى المنصورة و تدوقى بنفسك

حاجة عجب و إيشى خيال يا ناس

ربنا يباركلها
و يبارك فى قلب الطيب يا ون ون

انتى كمان
*****************
و
×××××××××××××××××
يا حبيبتى



قوس قزح
-------
يا وش الخير سيحى كما تشائى
احنا و لا بنخاف
و لا بيهمنا

بس و النبى استروا علينااااااااا
دحنا من برج واحد
و ستات غلابة

انا كمان بحبك يا دوللى
و هنا حبيبتى اول واحدة
جت ف بالى لما شوفت البتاعة دى
عشان هيا بتحب الاميرات و الحاجات النواعمى دى فقولت ممكن تعجبها
و الحمدلله
بوسيهالى لحد ما اشوفهاإن شاء الله
بوسة و حضونات
يا وش الخير كله



د.ياسر عمر عبدالفتاح
--------------------
فعلا يا ياسر
و انت جزء من هذا الجمال
دا كفاية ابتسامتك البشوشة يا دوك
اسعد الله ايامك يا رب



كيكى عووووو
-----------
معلشى يا حبيبتى
انا ف الخليعة النوبة دى
انا كمان كان نفسى اشوفك
ايه البوست التحفة بتاعك دا
حلوووووووووو قوى
يا خراشى عليكى و على جمالك
يا كيكى انتى يا خفيفة الروح



أم بتول
-------
فعلا يا حبيبتى
رغم الزحام لكن الجميل
إن الوجوه إتلاقت
و دا فى حد ذاته شىء مش عادى
بتول عسولة قووووووووى
نسخة منك ما شاء الله
ربنا يحفظها هيا و اخواتها يا رب
انتى الاجمل يا ست الستات



حنين القلب
---------
حنووووووووووووونة
يا حبيبتى يا أم عمر القمراية

كل ما اسمعها من حد
بتكون شبهه وشكله وجزء من روحه هوه


و كلمة بحبك بتاعتك دى
شبهك قووووووى
يعنى حنينة و متسامحة و طيبة
و مراعية و جدعة و...كل حاجة حلوة
انا و دود قعدنا
وقت المرواح نتكلم عليكى كتييييييير
و نقول شعر لأنك تستاهلى كل الحب

ربنا يطمنا عليكى
و يشرف عمر بألف مليون سلامة
و نفرح بمجييه للدنيا اللى قعدنا نستناه على شوق و لهفة متتوصفشى

و لسه قوس قزح كانت بتقول لدودو الولادة امتى بالضبط
عشان نظبط نفسينا و نجيلك بعدها
نطمن و نبارك و نشوف القمر
روىء العين بعد ما شوفناه بالقلب ....
انا كمان يا حبيبتى
بحبك قوى

غير معرف

اشكرك على ذوقك

و انا فعلا قلقانة جداااااا
على احمد من ساعة ما قريت البوست و ربنا ياخد بيده
و ينصره إن شاء الله


انا كل شوية اروح اشوف
ان شاء الله مش هننام الليلة دى
غير لما يطمنا بنفسه

يا رب و دعواتك

بالنسبة للقاء
فيا عزيزى احنا فعلا كنا كتير جدا
و دى نقطة تحسب للقاء
ان حاضريه عندهم شعبية كبيرة
و لما بيعزموا الناس
الناس بتيجى محبة و كرامة

ناس كتير جت
عشان تشوف ستيتة
و خيخة و قوس قزح
و اسماء كتير بتقراها
و بتحبها و عاوزة تشوفها ع الحقيقة طالما حانت الفرصة

و اظن الكلام دا ينطبق علينا
جميعا تقريباً

دودو جت من اسكندرية
و سكرة من كفر الشيخ
شيماء الشعب لابد له من حكومة تشكمه
و صبرنى يا رب و صلاح مسدس صغير و غيرهم
جم من المنصورة

معقولة يكونوا فى مصر و اللى قادر ييجى
ميجيش يشوفهم ؟!!!

ناس كتير فضت نفسها اليوم دا مخصوص
و جم عشان اللى بيحبوهم

كون عددنا كان ضخم و كبير
فدا منطقى و مبرر و طبيعى
للسبب اللى قولته


و المفروض فى الاحداث الزحمة دى
نكون مستوعبين دا
و متقبلين اننا مش هننعرف نقعد بهدوء و نظام و لو فى البداية على الأقل
و دا اللى حصل

انا كان نفسى
اكتب بوست بصراحة
لأن كان فيه ايجابيات رهيبة
تنكتب


بالنسبالى كنت شيفاها و حساها
حتى لو بسيطة و محدش يهتم بيها
لكن مكنش ينفع اتكلم عن الحلو
و اسيب الحاجات البايخة اللى صاحبت الحدث و إلا ابقى عايشة فى الخيال فعلا
و بكذب عليكم
و انا لن افعلها


اصرارى على السعادة
نابع من احساسى الحقيقى
ان ناس كتيييييير قوى جت امبارح تستحق حبى
و احترامى
و تفهمى
و صبرى
و إنى أتك على روحى شوية
و افوت اى شىء بايخ
اكراما ليهم و لمجييهم
و ابص للخير اللى ف الحكاية
و اطنش السلبيات شوية لأن المفروض اننا جايين نطبطب على بعض
و نتونس ببعض ...
و لذا الحمدلله انا سعيدة باليوم و مستعدة اكرره تانى و عاشر و افتخر بوجودى وسط الناس الطيبة دى دايما

انا بعتذرلك و بعتذر لنيجرو
و لكل حد كان مستنى البوست
بس التدوينات المجمعة دى
هتقول كل شىء
والأيجابى منها بيعبر عن رأيى
و الحمدلله

اشكرك


و ربنا يطمنا على احمد
يا ريت الكل يدعيله

اجمل ما في اليوم اني شفتك واتكلمت معاكي ياانقي الناس

أم يوسف:

ربنا يسعد أيامك ... ويصلح لكى شأنك كله
أمى دايماً تقول ... ساعة من ساعاته ترضى عباده

تحياتى

فاتيما الجميلة اوى اوى

يا قلبي انا بجد سعيدة سعادة لا توصف لانى شفتك واتكلمت معاكى

صحيح مش كتير بس كانو كفاية انى احس بحلاوة قلبك وروحك اللى كنت حاسه بيهم اوى من قبل ما اشوفك وزاد احساسي وتاكد بعد ما شفتك

بجد حلوة وعسولة شكلا ومضمونا ربنا يحميكى يارب

مش عارفه اقولك ايه على ذوقك ورقتك معايا ومع الكل طبعا

وحسيت اد ايه كنتى مهتمة انك تحسسينى بالاندماج والترحيب لانى مش عارفه حد كتير بجد انتى حنونة وحساسة اوى

لو قعدت اتكلم سنة عن فرحتى بلقائك مش هاوفيكى حقك بجد

ربنا يبارك لك في يوسف ويرده لحضنك يارب في اقرب وقت يا احلى فاتيما

كنزى باعته لك بوسات كتيييييييير اوى اوى

فاتيمااااااااا
انا جاية اقولك اجيبلك بيبسى ؟

الفطير تقيل انا عارفة

فاتيما
شوفى بقى أنا متلخبط اخر لخبطيط
أشوف البوست بتاعك والبوست بتاع ستيتة أندم إنى ماجيتش
أشوف بوست خيخة أحمد ربنا إنى ماجيتش لأنى حسيت من البوست بتاعها إن الناس المش معروفين كان الناس مخنوقين منهم
ممكن أعرف لو يعنى فى يوم من الأيام كان فيه لقاء تانى, أحسن ليا أجى ولا لأ؟

نست اطمك
انا الحمد لله
كويسه جدا
وزى كريم شاب فقرى ماقال
زى القطط بسبع ارواح
وحشتينى

اول تعليق ليا عندك بس قريت لك قبل كده واسلوبك رائع جداا حسيتك حنينه اوى
كمان اللى شجعنى اكتب ويكون نفسى نتواصل مع بعض لما شوفت كم الحب اللى جوى الناس ليكى فحبيت انى اعرف انتى مين واتابعك .
انا كان نفسى اكون فى اللقاء ده واتشرف بمعرفتك بس ظروف منعتنى ..يارب يديم عليكم السعاده والمحبه
تقبلى مرورى ..مع خالص تحياتى للشخصيه الخياليه التى احملها لكى فى عقلى ام بطيبه وحنيه تقدر تنسى هموم الدنيا
ايمى

كيـــارا
---------

انتى اللى نورتى اليوم
يا بنوتات يا عسولات
و سعيدة اننا عرفنا نلاقى شوية وقت اعرف فيهم اسمع تفاصيل و اطمن عليكى
و عاوزة اشكرك جدااااااا
لأنك طمنتينى على احمد سعيد
إنه بخير
والحمدلله ..
منحرمشى منك أبدا يا حبيببتى



ENG.ELSAYAD.PMP
---------------

الله يخليك يا باشمهندس

احنا اتشرفنا بحضرتك جدا
و إن شاء الله
ف زيارتنا لبورسعيد
هتكون باقة الغاليين
انضم لها حد محترم و طيب
هوه حضرتك

تحياتى انا ليك
و انت نورت القاهرة


REEM
-----
يا لهوتينى يا ريم
انتى اللى على رأى سوتيتة
رقيقة الرقيقات بجد

احنا معرفناش نحتفى بمجييك لأول مرة وسطنا
بس معلش الدنيا كانت زحمة شوية

بس انتى من الناس اللى قدرت
تسيب أثر حتى و انتى ساكتة ...
سكوتك كمان جميل و رقيق و شبههك
انا سعيدة إن انطباعك عننا كان حلو
و إن شاء الله تتكرر تانى
فى مرات جاية

ميرسى على الحاجات الحلوة اللى جبتيها معاكى ..انا بقول برج الثور عاتشفى يا ناس و رومانسى

انتى احلى بكتييييير من التخيل
اللى كان ف ذهنى .. و اصغر
و ارق
و كفاية لحسن هعاكس بقى
بوسيلى القمرين العسولات
و بوسة و حضونة ليكى يا حبيبتى



قوس قزح
-------
متقلقيش يا داليا
تلاجتنا لا تخلوا من البيبسى سعادتك
و الفطير مش تقيل على فكرة
بس اصعب حاجة انك تاكلى لقمة و الف عيييييين باصلك فيها
ههههه

مش هقولك خدى حتة اصلاً
مش بخل ..لأ
عشان اتنسف خلاص
يا ماما
بوسيلى العيال و أبوهم



أبو حميد
-------
و الله يا أحم
انا لهذا السبب حطيت كل التدوينات
على اختلاف انطباعات الناس اللى كاتبينها

عشان انت تقرى
و تحكم بنفسك
دون تدخل منى


هوه طبعا مش هينفع تحكم
لأنك مجتش و مشوفتش بعينك حاجة
و بالتالى الناس اللى حضرت هيا
اللى هتحكم بشكل ادق
فدول اللى تسألهم


انا طبعا من الناس اللى حضرت
و بالتالى لازم اجاوبك

بس يقال انى خيالية
و بشوف كل شىء وردى
و ممكن أضلل الناس
و هيكون رأيى مش صح

اجابتى أنه طبعا
تعالى
و أقرب لقاء تدوينى يسعدنا تشرفنا
و إن شاء الله تكون سعيد بيه
و يعجبك


بس ممكن يحصل العكس .. وقتها
حسب شخصيتك و الظروف بتاعة اليوم إيه و مدى تقبلك انت للبشر
و حالتك النفسية يوميها


و بالتالى هنرجع لأول كلامى
انت اللى تحكم

يبقى بناء على ذلك
لازم تيجى بنفسك يا أحمد
و تكون رأىك الخاص


لو معجبكش الجو ..متحضرش تانى
و لو عجبك تعالى
كل ما تسمح ظروفك

مع الأخذ ف الأعتبار
إن مش كل الأيام هتكون حلوة
و لطيفة و ظريفة و هادية
و الناس خالية من العيوب ...
ماشى ؟

نورتنى يا باشمهندس


LYSSANDRA
---------

أوعى اسمعك يا ليسا
بتقولى الكلمة دى تانى

بتقولى معلش على إيه يا حبيبتى ؟؟
انا عارفة و انا بكتب تعليقى
ان الرد هيكون تقريباً كدا ..
مكنتش فاهمة الشخصية
و خلاص فهمت

انتى ملكيش ذنب فى حاجة
يا حبيبتى


و بالعكس بقى
انا يسعدنى اسمع كلمتين
لو عشانك ..مش هزعل و الله

انتى غالية عندى
و صدقينى مش زعلانة خالص
و مترديش يا ماما على حد أحسن
كبرى
البت Doba ... الله يمسيها بالخير
كاتبة حكمة فى مدونتها
عظيمة بتقول إيه ...


طنش
تعش
تنتعش

فطنشى يا ليسا
و يا حبيبتى متقوليش اسفة تانى....
و ارفعى وشك يا حبيبتى عشان اشوف الأبتسامة الحلوة بتاعتك دى



sookara
--------
الف حمدلله على سلامتك يا سكرتى
و بركة انك بخير يا حبيبتى

و عارفة انتى كمان بقى

انى رغم الزحمة
كنت حاسة بكدا برضو
انتى و بسكوتة مكنتوش تماما امبارح خالص و حسيت كأنكم بتهربوا

عاوزين تتماسكوا
و حقكم يا حبيبتى

ربنا يكتبلك الفرح يا حبيبتى
يا رب و يطيب جرحك

و بألف هنا و شفا على قلبك
الشكولاتة يا حتة سكرة تحلى محيطات




emymony
-------
أهلا بيكى يا إيمى
و كلك ذوق

الناس اللى بتتكلمى عنها
هيا اللى جميلة و قلبها كبير

و لولا وجودهم حواليا
و طبطباتهم على قلبى
مكنش زمانى وسطكم دلوقتى
و مغمورة حبا منكم و ليكم

حتى ممن يدخل لأول مرة
انا محظوظة و الله بيكم
و الحمدلله

شرفتينى بالزيارة
و ربنا يجعلها معرفة خير يا إيمى

ياهلا ياهلا بالناس المشغولة عنا ههههههههه
أكيد أكيد ليا الشرف انى بشوف حضرتك للمرة التالتة وعقبال الرابعة عشان نبقى زى مصر مغلبت الجزائر ههههههههههه
ربنا يخليكى لينا

فاتيما
ابنتى وأختى الصغرى
والله يشهد اننى احبك وادعو لك من كل قلبى باليعادة التى تستحقينها عن جدارة
لم نلتق الا دقائق ومع ذلك كان انطباعى عنك صادقا
فانت نعم الانسانه الحنونه الرقيقة
عوضك الله خيرا دائما
لمست من خلال جولة فى المدونات عن مدى تعبك فى اللقاء لجعل الكل سعداء
ومدى الاختلاف بين بعض المدونين
عموما هذا وارد لان اللقاءات تختلف عن الكتابة من وراء الشاشة ودائما الكبير فى قلبه وعقله هو من يترفع عن الدخول فى مهاترات عديمة الجدوى
حبى ودعواتى لك دائما

على فكرة انا مكونتش هناك يا جميل

ولو كنت هناك كنت لازم هتغالس عليكى وأكلمك

خيرها فى غيرها إن شاء الله


http://awraktanbod.blogspot.com/

طمطم طماطم,وحشتينى والله.
تصدقى بالله انا قبل منركب التاكسى ونجيلكو كنت بنهار وتعبت جداااا وبجد ربنا انعم عليا بأجدع بنتين سول واختها,كنت فعلا بنهااااار,
والله ياطمطم اول لما نزلت من التاكسى وشفتك وبسلم عليكى نسيت التعب دا كله:)

بس انا راضيه بالشويه الصغننين اللى قعدتهم معاكى كويس فى وسط الزحمه دى:(
بس برررررررررررضه مينفعش كده انا عاوزه اقعد براااااااااااحتى.

هقولك زي ما قلت لصبصب
انتى اعسل من العسل نفسه يا فاطيما
كان نفسي الظروف تبقى احسن فعلا والكلام يجمعنا اكتر من كده
بس متعوضة في اللقاءات الجاية
وننقى الرز براحتنا بقى يا ربي
مممممممممممممممواه

حلوه قوى الغنوه
فى الجووووووون يابطه

إرسال تعليق