.

.

يا ورد من يشتريك  

Posted by: فاتيما in




لستيتة حسب الله الحمش


لعادل


لبابا أبو خالد


لدودو عاشقة الرومانسية وحنين القلب


لخالد همس الاحباب


لقوس قزح


لصيدلانية طالعة نازلة


لضياء بيتوفل مايند


لميرا و ليساندرا


لمهندس مصرى


لأحمد سعيد


لوندا


لكيارا


لبطوط حبوب


لنور قصاقيص حبيبة


لشمس النهار


لأم بتول


لوليد كنج توت و هبة


للقدر و أنا


ل reem


لصبرنى يا رب


لكيكى عوووو


Bascouta


سكرة


ل amr...


للغير معرف فى آخر بوست

الورود دى كلمة شكر بسيطة ليهم على الحاجات
اللى قالوها و اللى عملوها و اللى كمان معملوهاش

ولا قالوهاش ... حرصا منهم عليا و على انى منكسرش
فى ال48 ساعة اللى مرت دى و حقيقى كلماتهم و تعليقاتهم
و تصرفاتهم حتى و لو كانت تلقائية مش مترتبة و لا عن عمد
فرقت معايا جامد
و حسستنى إن ليا ضهر متين اتسند عليه بجد
و إنى اوقات بشوف بقلبى صح و بحس الدنيا صح
و أننا قلوبنا صح و بخير و الدنيا كمان ... لسه بخير

انا باشكركم ... كل اللى بييجى هنا عموما
والمكتوبين دول خصوصا
على نعمة وجودهم اليومين اللى فاتوا و علطول
و تأثيرهم الطيب فى حياة الآخرين
اللى زى حالاتى
بحبكم بجد و لو كنت غالباً مش بتصرف بشكل يوضح ذلك كفاية
لكن ربنا عالم اكتر منى و منكم
و كفى

This entry was posted on الاثنين, فبراير 01, 2010 and is filed under . You can leave a response and follow any responses to this entry through the .

68 كــــلام بيطــبطـــب عـــلى قــــلبى و روحــــى

انا مش فاهم ايه اللي حصل
بس انا والله سعيد قوى انى اتعرفت على حد جميل وطيب قوي زيك وفرحان كمان انى شوفتك يوم الجمعه
ربنا يقدرلك كل الخير لأنك حد جميل قوي ويستاهل كل الخير
تحياتى لك يا فاتيما يا

في حد مكتبتش و كان معايا

سوووووووو

وهابقي ااقولك بعدين :)

fatima

ربنا يكرمك

ربنا يحبب فيكي خلقه

ربنا يرجعلك ابنك قريبا ياااار ب


تحياتي
حنان -تونس-

وبعدين ايه ده ؟
في ام تشكر ابنها ؟؟؟

شيلي اسمي من البوست اشاسا

حضرتك اقوى من ده بكتير ده مجرد رأى عابر
ربنا يسعدك دايماااا

وردة
:-***************************
معنديش حاجة اقولها اكثر من كده
اصل الورد ده حاجة كبيرة قوى عندى
:-)) و عرفتى تعبرى باقل كلمة بل برمز

فطوم
انا شايفة انى ما استحقها
قوليلى ليه :-) مقوليليش مينفعش الكلام :-)) بحلق على الكلام اهو :-))

حاساكى بتخذى خبطات على دماغك من كذااتجاه و الناس وجعالك راسك لانك بتحبى كل الناس
ليه؟ معرفش ؟ بس اعرف انى صعب توفقى الاهواء و الارواح و القلوب ، مايوفقهاش على بعض الا الله

مش قادرة اساعدك و لا اديكى شمسية تحوش عن دماغك بس كل الى حاقوله خليكى زى مانت بجد
بقولك عن تجربة و اكيد انت مرتى باكثر منى
بس محصلة تجربتى مع خبطات متتالية عليا فى شغلى (الحمد لله مش فى حياتى الشخصية) ان لو كرهتى حد حتكرهى بعد شوية نفسك و لما تكرهى عدد اكبر و اكبر حتلاقى انك بتكرهى نفسك اكثر و اكثر

عارفة حتحرمى لقاءات لفترة
بس اياكى تحرمى اصطباحات
استغلاليه :-)))) مش كده

و ربنا يعينك يا فطوم على حب الناس ليكى بكل اشكال الحب :-))) اصله الحب برضه بيتعب :-))

حبيبتيييييي
كلنا وراكي :]

أنا إللي حاأقول لك يا ورد مين يشتريك ؟
أنا و هبة و عمر نشتريك
كل الناس إللي أساميها في البوست يشتريك
كل المدونين الطيبين يشتريك
كل الناس إللي بتحب الخير و الحق و إحترام الغير يشتريك
كل إنسان كويس أو إنسانه جميلة من جوة تشتريك
ياااااااااه دا كدا بقى سوق ورد
تحياتي أنا وهبة و عمر
لورد المدونات
___________________________
KING TOOOT

مبرووووووووووك لمصر يا طمطم واسمحيلي اقولك يا طمطم
ومع اني مش فاهمه الموضوع بس ربنا يخليلك كل اللي قفوا جمبك وانتي بجد حد يستاهل الخير
اقولك سر
بقالي مده كده حاسه اني عايزه اتكلم معاكي انتي دون الناس كلها معرفش ليه
مبروووووووووووووك تاااااااااااني لمممممممممممصر

بنت خالي العزيزه

بطوط انا اليومين اللي فاتم محبتش اكتب حاجه عندك لعده اسباب

1- انه انا مش هقدر احشر نفسي بين اتنين اصدقاء بشكل اقتحامي بدون معرفه تفاصيل وصوره اوضح

مش معني كده اني كنت موافق ع اللي حصل لا خالص بس حسيت ان البوست اللي زعل الناس كان غلطه مطبعيه مش اكتر

2- مش محتاج اقولك علي بجد معزتك عندي اد ايه ووالله بجد احساس الأخت الكبيره اللي مفتقده في الشويه اللي كلمتك فيهم حسيته قوي

3-انا جديد في موضوع اللقاءات وانتي عارفه دي اول مره ليه
فتوقعت ان في حاجه زعلتها بشكل مباشر واحرجها خليتها تتصرف بشكل بان انه علي العموم من غير متقصد وافتكراني كلنا ساعه الأندفاع ممكن منوزنش امورنا

4- اي كلمه اخويه هقولهالك هتبقي اقل من شعور كل اللي شافك وبجد مش عيب الورد ابدا ان ريحتها جميله وشكلها حلو
بس ممكن يكون قله خبره او اندفاع قاطف الورده تكون سبب لاهانتها وده مش ذنب ورده ده ذنب صباح
ههههههههههههههههههههههه

يلا بقي وسيبك من اللي فات وركزي واعملنا لقاء قريب بس بشرط تكون كل الناس الحلوه كوووووووووووووووووووووووولها فيه قولتي ايه؟؟

ام يوسف
كلنا بنحبك كمان و ربنا الاعلم
و انتى من اجمل الورود اللى فى عالم التدوين كله

روق بقى يا جميل وحياة يوسف

فاتيما
ازيك ياقمر يارب تكونى افضل الان
بصى حتى لو انتى مش عرفتى تحكمى صح على حد دا مش عيب لاننا لازم نغلط ونتعلم لو انك حسنة النية لا مش غلط لان حسنة النية يدل على صفاء السريرة
ونقاء القلب
لو انتى زعلانة اقولك متزعليش فترة وتعدى
وان شاء الله كل الامور ترجع افضل من الاول
اكيد ربنا له حكمة فى المحنة دى
متابعة من بعيد
ولك فى القلب حب
وفى العقل احترام
وفى اللسان كلام ونقاش وعتاب

تحياتى وحبى
ايناس

على فكرة لقاء بورسعيد
اوجل لمرض ماما امولة
ولحالة الوفاة اللى عندى فى العائلة
واللى مش عزانى عليها كتير من المدونين
وانا مش زعلانة

ولا فى لقاء حد تانى عاملة هنا ؟؟

أنا ضهر؟
جايز
أنتي ضهر وحضن ولمة وبسمة وفرحة وست الستات
مؤكد

الورد غالي ومش مسموح لحد يشتريه ابدا هنا
مسموح بس نبص له ونقول الله على جمالك يا ورد
يا فل ابيض ريحته ترد الروح
يا ياسمين تهدي نفس الحزين

على فكرة انتى جميلة اوى ومهما كلنا قلنا عليكى مش هنديكى حقك حقك فى وقفتك مع كل واحد فينا تعرفيه او متعرفيهوش
بنلاقى نفسنا بندعيلك وندعى ليوسف انتى ملاك بجد يافاتيما والناس كلها بتحبك مش من فراغ قلبك كبير اوى وبتستحملى عمرك ماغلطتى فى حد حتى لو أذاكى برغم الالم اللى جواكى مش بتتكلمى
بجد اوعى تزعلى نفسك ابدا لاننا بجد بنحبك فى الله ومفيش بينا مصلحة
بحبك اوى يا فاتيما وبجد بقى عايزة اشوفك ماليش دعوة
ربنا يرجعلنا يوسف بالسلامة
بحبك

ماما فاتيما
يارب تكونى بخير يارب ..وربنا يبعد عنك كل شر وضيق دايما يارب
ويارب يديم عليكى نعمة الصحبة الصالحة دايما يارب
وبماانى وعدتك بهدية ..فممكن تعدى ع المدونة تاخدى بصة ...ويارب تعجبك ياااارب

انتى جميله ياطمطم من جوه,

وجواكى طالع على براكى.

فى كلمه انا بحبها اوى وبحب اوصف ناس معينه بيها وانتى تستاهلى انها تتقالك:

انتى حد نضيف من جوه ياطمطم.

الله .. وانا مليش من البتاع ده ولا إيه

اشمعنى انا

انا اخدت من فاتيما ورده يا بااااشريه

واحب اشكر ماما وبابا وكل من ساعدونى ووقفوا جنبى عشان انال الشرف دا

بجد يا فاتيما شكرا جزيلا جدا خالص
متعرفيش انا فرحت بالورده دى أد وخصوصا انها منك انتى
:D

صباح الورد يابطتى
احلى صباح على احلى فاتيما فى الكون كله
بس انا معترضه على حاجه بقىىىىى
انا عايزه وره لوحدىىىى
ههههههههههه
لا بجد بقى فرحت لما اعتبرتينى انا وحنين واااحد
ربنا يخليكى لينا

طيب أقول حاجة
الكل أجمع
على ان نوران غلطانة
بس هى فى جانب لوحدها دلوقت
وهتنعد
وهتخسروها
هى غلطانة كتير جدا
ومش بتستجيب للنصيحة
لكن لا هى شيطان
ولا احنا ملائكة
انا بقترح
حد من الاصدقاء
وياريت اكتر من واحد
بس يكون محضرش اللقاء
يتكلم معاها براحة
فى نفس الوقت
اللى يتقفل فيه باب الكلام فى الموضوع ده نهائيا
كفايه كده

ميرسي على الورد يا أجمل وردة في بستان التدوين
تحياتي البسكوتية الوردية

هو أنا كنت فين بقى أنا تقريبا كنت فى غيبوبة ورجعت لاقيت الدنيا مقلوبة

يوم الجمعة ماقعدتش كتير على النت ومعرفش غير أنه كان فيه لقاء

والسبت قضيته فى مصر ورجعت هلكانة ونمت

وأمبارح قمت من النوم ومازلت هلكانة ونزلت بوست اليوم ولكنى مازلت مش مركزة مع اى شىء وتقريبا رجعت كملت نوم

ولكنى على ما أعتقد فهمت مضمون المواضيع كلها من شوية حاجات كده

أحم أحم

بقولك إيه يا قمرة إن شاء الله السبت الجاى حفل سحر والصباغ

شفتى هنضرب مليون عصفور بمليون حجر

هنحضر الحفلين لأنهم تقريبا مع بعض

وهشوفك ونرغى بس يارييييييييت تيجى من قبلها بفترة علشان الاقى وقت نتكلم فيه

مااااشى لما هتأكد من مواعيد الحفل هنزلها عندى وهاجى اعرفك واناااااااااادى عليكى واقولك تعاااااااااااااااالى يا هميييييييييس علشان أشوفك

وحشاااااااااانى يا قمرة قووووووووووووووووووووووووووووى

زبد البحر يا تيما زى ما بيجى بيروح
لكن اللى بينفع الناس حيفضل موجود

ربنا قال ما معناه كده فى كتابه العزيز
يبقى اكيد صح

مفيش حاجه بتفضل للانسان غير الكلمه الحلوه و الولد الصالح اللى بيدعو لينا و الصدقه الجاريه

ربنا عمره ما بيسيب حد وحش و بيتصنع غير كده

لازم بيكشفه فى الاخر و يبين حقيقته للناس عشان تاخد حذرها منه

مش عارفه ليه احنا كده بنحب نجرح فى بعض مع انى للاسف كنت منبهره بيكم و بينا و بتجربتنا التدوينيه و كنت بادافع كتير عنا كلنا لو حد حب يقول كلمه مش هيا علينا

بس يا خساره طلعنا فى الاخر بشر عادييييين قوىىىىىىىىى

و اقل كمان من العاديييين كمان

اكيد انكسر جوانا كلنا شيىء

وزى ما قلت لحد من شويه الموضوع ده ضيع

مشاعر جمييييله كانت جوانا كلنا

و قسمنا و فرقنا الى اكثر من معسكر

كنت مستنيه البوست ده من بدرى

عشان افضى شحنه كانت جوايا
اصلى عارفه و متأكده ان فيه كتييييييير شمتانين دلوقتى و بصراحه فرصتهم و جت لحد عندهم

بحبك يا طمطم يا شجره البرتقال

ياريت بقى تبعدى شويه عن قاذف الطوب اللى طمعان فى برتقالك و بيحدفك بالطوب عشان ياخده

او غيران منك عشان انتى حتفضلى عمرك كله شجره مثمره و لمانا كلنا بحب

اكيد انتى حاسه ان كلامى حقيقى
و مش نفاق
بحبك يا تيما

طب انا اسمي مكتوب لية ؟ انا معلقتش من فترة :(
لا بجد , انا مش فاهم حاجة يا فاطيما
في اية بس يا جدعان ؟ مين زعلك يا فاطيما؟ طمنينا عليكي يا جميل

فاتيما يمكن انا مش اعرف شخصيا
بس بجد مافيش حد ما اختلفش عليه اتنين ادك
انتى انسانه تستاهلى كل خير
انا متابعاكى من بعيد
بس بحد انتى تستاهلى كل خير علشان اللى بيحبه ربه بيحبب فيه خلقه
ماتزعليش من حاجه يا قمر
كل
إناء ينضح بما فيه

تفتكري يا فاتيما
انتي ليه تتحبي اوي كدة

علشان انتي بتعرفي تحبي
واللي يحب بجد ازاي نقدر نقاوم حبه

انتي تستاهلي كل الورد ده
علشان لو احنا كلنا ادينالك حب فده لانك انتى بدأتي بالحب
بحبك يا فاتومتي يا أحلى وردة في بستان التدوين

فاتيما ... أنتى إنسانة قوية ... وجميلة ... وبس خلاص
سيد

قلب فيه كل الدفا و الحب دة لازم يكون صح
ولازم يكون قلب فاتيما
كل الناس أجتمعت على حبك ودة من رضا ربنا عليك و حبه لك

ربنا يديم عليك المحبه فى الله

فاتيما

انا بالذات دوناً عن الناس دس كلها مش عرفة أنا عملت إيه علشان أخد الوردة دي ؟؟؟

وأسمي بيعمل إيه وسط كل الناس الجميلة دي

بجد والله وعلشان كدة انا مش هاخدها غير لما اعرف

ولحد ما اعرف بحبك يا بطوطي أموااااااااااه

كلنا معااااااااااك ياريس
انا مش عارف انتى بتتكلمى على بس انا قولت ابقى معاكوا وخلاص ههههههههههههههه

احنا شاريين يا ورد.. بس انت غالي وعالي اوي ومينفعش يكون ليك تمن الا المحبة الخالصة والكلمة الطيبة.. بحبك

ههههههههههه
ههههههههه
ما تاخديش فى بالك اصلى ربنا كرمنى بالعبط
وشغالة معايا هيستريا من الضحك
مش عارف ليه
لكن اللى يستاهل وردة انسانة واحدة بس
هى اطيب وارق قلب فى عالم التدوين
تحياتى

هو انا ما عملتش حاجه وما قلتش حاجه

بس انتى عارفه الحقيقه


عارفه يا فاتيما

فىحديث بيقول

اتقى فراسة المؤمن انه يرى بنور الله

احسبك ان شاء الله تعالى من المؤمنين


مش كل الناس تقدر تعرف يعنى ايه الكلام ده

بس انا عارفه انك هاتعرفي

هاتي بوسه

الورده حلوه اوووووووي بيضا زي قلبك يا جميل

مش عارف اقول لحضرتك ازاى ان انا بحبك وكل الناس بتقولهالك

وربنا ما يجيب اى انكسار

تحياتى

سورى يا جميله خدنى الكلام و نسيت اقول ميرسى على الورده
كل الناس اتشكرت الا انا
وش مكسوووووووووف
و من هذا المزنق اهديلك اغنيه تحفه

يا ورده الحب....الصافى
تسلم ايدين اللى سقااااااااااكى

هههههههههههههههههههه

ميرسي يافاتي وانتي بجد اللي فارقة معانا

بس فاتي انا موش فاهمه حاااااااااااااااااجه

الاغنية لعبد الحليم
يعنى محدش يقدر يقول عليه حاجة بس
بس
مودها اكتئابى
مينفعش انت طلعتى من البيات خلاص
اجبارى اقليبها فريحى :-))))
مليش دعوة
مش اختك من حقى اطالب، اشمعنا عادل ؟؟؟؟؟؟؟

و صدقنى الموضوع حيعدى
و حاتقعدى انت و اطرافه فى يوم
و تضحكوا عليه :-))

متشكرين على الاصطبحات
نناقشك فيها :-))
صباح التصريحات اللى بدون لازمة
لهو هيوه مكنش حرج السنين اللى فاتت؟
للاسف ايوه لسه الثقيل جى ، ربنا يساعدنا كلنا بجد، النظرة الكونية بتقولى لسه مشوفناش حاجة و ياريت منشوفش :-((((

صباح إلغاء الحفلات تانى
حد يعرف منير مزعل النوظام ف إيه؟؟؟
لا معرفش جايز علشان الناس بتنبسط باغانيه؟ و ليه مواقف مميزة فىالحياة الاجتماعية ؟؟:-؟؟؟

صباح من باب الخلق
تحليل آخر لمعنى الفرحة و الأنتصار ف الكورة
محمود سعد دماغ يا جدعان
مع انى مكنتش طيقاه فى البيت بيتك بس دلوقتى كلامه بيدخل الدماغ


صباح الدعوات :-)))
يا رب سامحنى لأنى ضعيفة و زى باقى البشر متعشمة فيك تاخدنى من ايدى للصح
يارب لينا كلنا يارب

فاتيما

انتى احلى واغلى وردة وبجد انتى مكسب لاى حد يعرفك

فما بالك لو كنتى صديقة

كفاية الاحساس اللى اى حد ممكن يحس بيه اول ما يشوفك

بجد انا يمكن كنت عارفه انى هاشوف حد جميل ومريح بس مش كنت عارفه ان هلاقي احلى واجمل كتيييير مما تخيلته

يا فاتيما مش تزعلى خالص خالص لانى متأكده ان الكل بيحبك حتى وان خانه التعبير او اخطأ في حكمة

وانتى قلبك كبير وعارفه انك مش ممكن تزعلى ابدا من اى حد

انا بجد بحبك جدا جدا وبجد حسيت بفرحة بلقائك مش حسيتها من زمان

غير معرف يقول ...
إذا همه الورد يوبجا انتي الجنينة يا زهرا
يا أم يوسف
يا روح جلب المدونين

أني بحمد ربي أني في يوم اتكعبلت في جنينة حضرتك و شميت ريحة الزهور اللي فيهه، يوميتهه كنت جاي من تخريمة كدهون من مدونة الأستاذة جدعة و أحلى الكلام أم شريف الهمام

شكرا ليكي
و شكرا ليها
و شكرا للورد

تحياتي

تصدقى بالله
انتى اكتر انسانه قبلتها فى حياتى تستاهل ان الكل يحترمها ويقدرها ويحبها وده مش علشان طيبة قلبك ولا صفائك ولا شفافية روحك ولا اخلاقك العالية لالالالالالالالا
علشان انتى فيكى حاجه غريبه بتشد ليكى اى حد يعرفك ويجبره حبك يدخل فى قلبه والله ده اللى حصلى قبل ما اشوفك وبعد ما شوفتك حبيتك اكتر لان صورتك كملت الصورة الحلوة اللى كنت رسمتها ليكى

المهم بقى
انا مش عايزة ورده مع البت دودو دى كل حاجه بتقسمنى فيها
بصى اديها هى الورده وكفايه عليه انا انك افتكرتينى وانى بحبك وبموت فيكى

طمطومة يا جميلة
يا أم يوسف
يا وردة التدويين
زعلك غالى قوى علينا يا حبيبتى والله
انا مش مصدقة اللى بيحصل ده بجد
الموضوع كبر اوى اوى
وحاسة انى مش فاهمة حاجة
ورغم كل ده حاسة ان القلوب هتتصافى والمشاعر هتهدى ان شاء الله
الله اعلم بالسبب الحقيقى
بس انتى تقدرى تفهمى خيخة اكتر مننا لانكم اقرب لبعض
ياريت تتعاتبوا انتم الاتنين بشكل مباشر بينكم وبين بعض واكيد هتتصافوا ان شاء الله

لكل منا كبوة ... يمكن نغلط اوى فى حق ناس بنحبها اوى .. بس ده مش معناه ان حبهم فى قلوبنا قل .. لكن معناه ان فيه حاجة مضايقانا احنا وبنفس على غيرنا واقرب الناس لينا

انا متأكدة ان خيخة بتحبك جدا
وانك بتحبيها جدا
عشان كده ياريت متستسلميش لحالة الاحباط دى ازمة وتعدى ان شاء وهترجعوا احسن من الاول اكيد

عايزة اقولك حاجة كمان
الصداقة فيها تطبيع زى الجواز بالضبط
يمكن منعرفش طباع الطرف الاخر الا لما نحتك بيه احتكاك مباشر
ولما يحصل الاحتكاك بتبان قوة العلاقة
اذا كنا هنتغاضى عنها ونكمل عشان اللى بينا اهم
ولا هتبقى بداية النهاية

اتمنى من كل قلبى ان الفترة دى تعدى بسلام والنفوس تصفى وترجعوا تانى احسن من الاول ان شاء الله


اللهم آمين

أنا عاوةز بربع جنية ورد

بس كتري الجرجير

يعني بخمسين قرش كدا

سيدتى الفاضلة على الرغم انى لم اعرفك الا سويعات قليلة
ولكنى لن اشترى وردك
لانك انتى تلك الوردة التى لا تقدر


جعلك الله امرك ميسور ووجهك مسرور

احنا بقى مش بنحبك وبس لا بنمووووووووووووووووووووووووووووووووووووت فيكى بجد
انا فعلا متكلمتش معاكى كتير بس واللهى بحس انك زى اختى واكتر وبحس ان فيكى حنيه تكفى الدنيا يا طمطم
ربنا يخليكى لينا ونفضل كلنا نحب بعض

اولا اولا
اسمحيلى اقولك طنط
ثانيا
لك كل الاحترام

انا بقالى كتير غايبه و معرفش حاجه عن اى حاجه بس مبسوطه انى جيت لقيتك كويسه و بتفرقى ورد كمان يا ورده المدونات كلها

الله ورد
انا بموت في الورد

وكمان ورد من احلي وردة


فاتيما
بالرغم اني اول مرة اقعد معاكي
بس حسيتك جميلة جدا من المظهر للجوهر

ربنا يكرمك ويسعدك

سلامي

فاتيما
والله اول ما شفت الوردالبيض ده حسيت ان هو ده قلب فاتيما الناصع البياض
شفت جمال الورد وحسيت ان هى دى روح ام يوسف الجميلة
انت احلى مكسب لاى حد يعرفك
اقسم برب العزة ان هذا احساسى تجاهك وقد تكون وتبلور خلال شهور عديدة وليس احساس عابر
ربنا يعوضك خيرا بمقدار طيبة قلبك وشفافية روحك

ليه يا فاتيما ما بعتليش وردة ؟

:-XXXXXXXXXXXXXXXXXXXXXXXXXXXXXXX

أنال مش فاهم حاجة خااااااااااااااااالص

هو انتي جميله كده ليه؟
هو انتي راقيه كده ليه؟
هو انتي ملاك بجد كده لييييييييه
مهما بقي اكلم واقول مش عارفه اقولك علي اللي جوايا بجد
عارفه اني بغيب كتير عن مدونتك بس ديما فاكراكي انتي اصلا من الناس اللي متتنساش وديما علي بالنا
ربنا يكرمك يكتر من حبيبك بجد
بجد مفيش كلام يتقال غير
ربنا يحبب فيكي خلقه ويسعدك دنيا واخره
وبتوحشيني والله
وبلاش بجد
لحسن انا قريت التعليق وعماله اقول ايه كلمت بجد بجد دي ياختي اللي ملازماني
طب تصدقي بجد انها ملازماني بجد بقالها فتره!!!!!!!!!
(:

اه علي فكره
انا بحب الورد جدااااااااااااااااااااااااااااااااااااااااااااااااااااااااااااااااااااااااااااااااااااااااااا
وليه قصه معايا حلوه حببتني فيه من وانا صغيره او هي السبب اصلا
لما بشوف محل ورد بتنح قدامه وابص عليه رغم مفهمش في انواع ولا حاجه بس بحب الورد بردو بس تصدقي لحد دلوقتي محدش اهداني ورد(وش مكسوف)
طب والعمل بقي

فاتيما ربنا يسعدك ويحبب فيكى خلقه يارب
ورددى لااله الاانت سبحانك انى كنت من الظالمين
ربنا يفرحك يارب
والله العظيم بفرح اوى لماالاقيكى فرحانة

ايمان مصرى

جميلة اوى روح الاسرة الواحدة الى بين البلوجرز وانا باتشرف بانى بنتمى ليكم وشدنى على فكرة اسم يوسف عشان دة واحد من ولاد اخواتى بس بحبة بجد يمكن لو ليا ابن مش هحبة كدة ربنا يخلهولك
تحياتى ليكى

صباح الخير يا طمطومة

انا جاية اسالك سؤال واحد
هو انتى زعلانة منى؟
لو زعلانة منى ومن اسلوبي فى الكلام فى بوست اللقاء
فانا جاية اعتذرلك
لو مش زعلانة منى
ياريت تبلغينى
لالنى سمعت انك زعلانة منى وانا بصراحة مش مصدقة


واندا بتقولى انك زعلانة من حاجة تانية كمان
وان انا ما ساعدتكيش فيها
وانا بصراحة مش فاهمة ايه الحاجة التانية دى

ممكن تفهمينى

سلام
اختك خيخة

انا جيت اصبح عليكي وعلي يوسف
صباحكوا جميل
سيدسعد

صباح الشموس
:-******************************
:-XXXXXXXXXXXXXXXXXXXXXXXXXXXXX

وحادخلك ثانى
اقراء اخبار حلوة النهاردة
و النبى
دا حتى الشمس طالعه اهو و الدنيا مزهزهة بشكل (:-)) صحيح -10 بس برضه شمس :-)

وحشتينا كلنا

ايوه كده شوية الاخبار الحلوة
صباح الزحلقات
لولولولولوولولولولووللولوولوى

صباح الإعتقادات
انا كمان مقتنعة بذلك منيش محتاجة
واسطة بينى و بين ربنا
صح صح صح صح :-)))

صباح التعليقات
مغمورة شكر و عرفان على كل تعليق
ف بوست الورد منحرمش منكم
:-))))))))))))))))))))))))
التعليقات لسه حتيجى

صباح الإنونميس
الله يكرمك
الله يكرمك
الله يكرمك
تسبنى فى حالى
لو سمحت

و احنا كمان بنقولك بلاش تغلس على الناس الحلوة ديه
كفاية الدنيا عليها وعلينا و عليك انت كمان اكيد

يا حبيبة قلبى... انا اول مرة أزورك بس مش قادرة أستوعب أو أتصور...ربنا يجمعكم على بعض وتاخدية فى حضنك وتملى عينك منة يارب...عارفة هادعيلك

تحياتى

الرسالة الجانبية ديه ياريت ميكونش ليا فيها نصيب :-((
اوع اكون من الى بيغلسوا عليكى
معلش اسفة
خلاص
سكت اهو

:-************************
اهو سكت والله
:-XXXXXXXXXXXXXXXXXXXXXXXx

مش مصدقانى ؟؟:؟؟؟:-*

السلام عليكم ..
أدعوا الرحمن أن يرزقكى دوما بأصدقاء يحبونك بصدق و يعينوكى على الحياه و يكون لوجودهم الجميل فى حياتك أحساس و معنى صادق و أيجابى جداا فى حياتك أختى الحبيبه ..

تحياتى لكى دوما

:-********************************
:-xXXXXXXXXXXXXXXXXXXXXXXXXXXXXXXX

مش حغلس اهو :-) رسالة صامتة:-))
بقولك ايه لو ممكن يعنى لو ممكن
شوية دعوات كده
اصلى ورايا اجتماع مهم مع الراس الكبيرة :-(((( و نفسى اخرج من اجتماع معاه مش متنكدة على الاقل

بصى بقى انت تكتبيلك موضوع جديد
انشالله اصلح وابير جاز :-))))))))))))))
علشان صفحة التعليقات بتاعتك بدات تزمزق منى :-))))

مرسى
:-**********************
الدعوة وصلت
الراس الكبيرة جالى يستسمحنى على وقفه لحالى و يقولى اصبرى عليا تخيلى :-))))))) على الاقل لو ممشتش لقدام الخطوة ، متهزقتش ياه دا انجاز :-)

صباح الأزمات
موضوع تصدير الغاز ده ، مفيش منه رجعة يابنتى خلاص و الا المعونات حتوقف
يعنى نستحمل احنا
و ربنا يعنكم
و بنظرية لما اشوف بلوه غيرى تهون عليا بلوتى خذى عندك
فى ماسورة مياة تدفئة انفجرت من الثلوج فى مدينة كبيرة و جزء من المدينة معندهم تدفئة ، الحمد لله الحرارة دلوقتى +1 لكن منتظر انها تنزل -10 ثانى و الثلج اهوه بيردم كل حاجة

صباح المحن
الله يكون فى عونها فعلا ، سؤال ساعات بساله لنفسى :-))) المهم رديت عليها بالى اعرفه جايز تفيدها الاجابة

صباح السلامات
احلى حاجة بعد الدعوات الشعر المتفائل ده :-))))
ياسلام لما الناس تصح مزهزها مش قلبة وشها زى عادل فى الصورة المتشردة بتاعته :-)))))))))))))))))))))))))))))))))))))))

صباح جيران الهنا
كوكب الدرافيل يحيكى و يشكرك للدعوات الصافيات :-)))
و بيسلموا عليكى و بيبعتولك
صنية شكولاتات و ملبسات و بلح امهات
و
:-********************************
و
:-XXXXXXXXXXXXXXXXXXXXXXXXXXXXXX

لا وكتاب الله ما هو تمثيل وبجد وبحق وحقيقيى

يعنى انتى فعلا زعلانة

طب يهون عليكى العيش والملح وفطير الحسين
والشاى ابو نعناع فى زبدية

بقى عسقول يقولك عايزين نتقابل تقومى تقوليله انا مابحبش الخروجات المغلقة وافضل الدعوات المفتوحة؟
كدة يا طمطومة


طب حتى لو فعلا زعلانة
ايييييه ما ستاهلش انك تعديهالى؟

ايش حال دى اول حركة خيخنة اعملها معاكى
والمفروض ان الواحدة ليها عند صاحبتها تلات حركات خيخنة وفى الرابعة تكون القطيعة

يعنى انتى لسة ليكى عندى حركتين خيخنين علشان تقاطعينى

ولا يجوز لكى ان تقاطعينى من اول حركة خيخية

ده كدة يبقى ضد قانون العمل الخيخى

طب مش تاخدينى على جنب تقوليلى فيه ايه
واقولك انا اقصد ايه بكلامى


طب مين بعد ما اموت هايتحمل مسؤلية التبرع بالدم

مش انا كنت محملاك امانة هذه المسؤلية انتى والواد عسقول؟

طب مين اللى هايجى فى عزايا لما اموت وياخد شريف على جنب ويطبطب عليه ويديله لعب ويتكلم معاه ويلهيه عن عزا امه
مش انتى؟

طب مين اللى هايجيلنا شكولاتة كورونا... مش انتى؟

مين اللى هايجيب بسكويت فى التجمعات
مين اللى هايغذينا من بعدك يا غالية
عااااااااااااا
انا عايزاكى تصالحينى بقى
انا مابحبش كدة
انا متكدرة
ومتقندلة
وعندى خبر حلو يخصنى عايزة اقولهولك انتى الاول قبل ما اعلن عنه فى المدونة
عاااااااااا
صالحينى بقى
وعدى الليلة
ده المسامح كريم
وانتى العاقلة وانا الخيخة
انا لما استخيخ ده العادى
لكن انتى لما ما تسامحنيش ده مش العادى

يلا بقى تعالى نتصالح وبلاش الموضوع يكبر ويزيد ويطول
انا وحشتنى صباحاتك اللى كنتى بتكتبيها عندى كل يوم

على فكرة انا لو مت خلال اليومين الجايين دول هتزعلى عليا
وهتندمى انك ماصاحتنيش فى اخر ايامى

وهتفضلى عايشة بعقدة الذنب طول عمرك
الناس هتزعل منك انك ماتقبلتيش اعتذارى قبل ما اموت
وهايقولولك ياريتك يا فاتيما كنتى سامحتيها دى برضه خيخة

انا ماشية
ويكون فى علمك
دى مش اخر محاولة عندى
انا كل يوم هاجى اقرفك لحد ماتسامحينى

سلام
اختك خيخة

لسه شايف البوست ده دلوقت لإني بقى لي كذا يوم مش بأخش نت و مشغول شوية
يا أم يوسف انتي أختي الكبيرة
و يوسف يقول لي يا خالو
:)
ربنا يبارك لك و تفضلي دايماً بقلبك الطيب تفيضي بالطيبة على عالم التدوين كله

انتي انسانة كويسة بجد

إرسال تعليق