.

.

كل الأمان  

Posted by: فاتيما in


فى عمر ثمانى سنوات فقط
ومع قلة الفهم التى تصاحب سنها

لم تكن تدرك وقتها تماماً
ما السر فى كراهيتها لهذا الرجل

كان صديقاً لأبيها والأسرة بأكملها
وكان محبوبا و مصدر ثقة الجميع

وجوده يملأ المكان صخباً و ضحكا و حديثاً
و رغم الحلوى التى كان يحملها
فى كل مرة يأتى فيها إليهم

إلا انها كانت تنفر منه و منها
و تصوم طواعية عن اكلها


ولا تعرف لما كانت تشعر بالإشمئزاز من رائحة فمه
عندما كان يقبلها

و كم كرهت رائحة السجائر بعد ذلك طيلة عمرها
بسبب هذا الرجل الذى لا يتوقف عن التدخين


كانت تخشاه رغم الأبتسامات المصطنعة
والمختلطة بالحقيقة أحيانا
والتى كانت تعلو وجهه كلما اختلى بها لدقائق

لم تكن تفهم ما يصنعه ...لكنها كرهته و كفى
لم تكن تملك قاموسا من الكلمات يؤهلها للأفصاح
عما يفعله هذا الشخص بها
و لذا جعلت من خوفها درع تختبىء خلفه صامتة


السكوت هو المكان الوحيد
الذى أستطاعت أن تلوذ به
بعد أى محاولات لاحقة من أى شخص

كانت تخشى البوح لأبيها او امها
فما كان يجب أن يقال ؟

كيف تصف شيئاً لا تعرفه
و تعلن عن رفضها لشىء لا تفهمه


اجبرها الخوف على الانزواء و التعلل بالنوم
كل مرة يدق فيها باب بيتهم

لكنه لم يتركها حتى سافرت مع اهلها
إلى بلد بعيد عادت بعده
اكبر من أن يقترب منها كما كان يفعل سابقاُ





سنوات العمر تمضى بها و تخطو نحو المراهقة

و تحذيرات تأتى من كل حدب و صوب
أن تحترس من الطامعين فى جسدها الذى ينضج رغما عنها

كانت تسمع كالعادة و تلوذ بالصمت


فكيف بها ان تنطق والذعر يملؤها
كيف تقول أن إبن صاحب البناية التى يسكنون بها
لم يتورع عن التحرش بها فى أول مرة انفردا فى المصعد
و خشيت أن تهينه أو ترفع صوتها حتى لا تتسبب فى مشكلة
على أثرها تفضح هى و أسرتها و يرحلون عن البلد كله


مرة أخرى تحتمى بالخوف ... عله يستر ضعفهاوتعلمت ان تضع المسافات بينها و بين الناس
حتى لا تترك مجالا لأحد كى يعاملها كفريسة



لكن هيهات ألا يلتف حولها
الصيادون فى أى لحظة قنص

سألت نفسها لما تتعرض لهذه الأشياء
و هى أبدا لم تكن طفلة جميلة

ليست ملفتة للأنظار كباقى الفتيات على أى حال
لكنها إكتشفت أن الجميلات يجدن من يحميهن غالبا
اما العاديات فلا احد يلتفت لهن
او يتصور إنهن فى مرمى النيران


خشيت كثيراً من التفكير فى اليوم
الذى يقترب منها فيه ذكر

و ذبحها كثيراً أن تبدأ حياتها بإنوثة مجروحة
و قررت أن تتعامل و كأنها رجل لا فتاة
حتى يبتعد الآخرون
و لما شاء الله أن يمنحها فى سنوات دراستها الجامعية
زملاء من صنف نادر من الرجال

شعرت لأول مرة أن عليها أن تضمد
هذا الجرح و لو قليلاً

و لا تخشى شيئا و تعود فتاة عادية تبحث عن الحب
و تكوين الأسرة
فرغبتها فى أن تكون أم كانت عارمة
لا يكسرها أى خوف




تمت خطبتها لقريب لها يشهد الجميع له بالتهذيب

ظنت أن بإمكانها أن تطمئن له
و تخرج اخيرا من وراء جدار الخوف

لكنها فزعت أشد الفزع لما أقترب منها
فى أحد الأيام ليقبلها دون إستئذان

لم تشعر او تفكر بشىء حتى إنتهى
سوى تذكرها سريعاً لشخص ذو شارب

قبلها عنوة معتمدا على أنها فى فخ أعده ببراعة
لم تملك منه فكاك
أصابها خطيبها بالغثيان رغما عنها
لأنه هو الآخر يملك شارباً



وها هو الشعور يعادوها
وتصمت
معلله لروحها إن العيب فيها و لا ريب

المسافات تبعد بينها و بين الناس حتى المقربين منها
و تخرج من تجربة إلى آخرى
تترك القريب فى لحظة جنون قائلة
انها لا تريد أن تصبح زوجة لأحد
و قررت أن تبتعد كالعادة دون أن تفصح عن السبب


تعييها الوحدة و الرغبة فى الامومة
و يدخل حياتها شخصاً آخر ... يشغلها بمشاكله
عن التفكير فيما بعد

يستغرقا معا فى الخروج من أزمة للدخول فى آخرى
و لا يقترب منها متعللاً بإنه يخشى حراماً يتمناه حلالاً
ترتاح لهذا التعليل و يطمئن قلبها لأول مرة
و تبذل روحها فى هذا الكيان

فلأول مرة ...لا يراها أحدهم جسداً يرضيه و فقط
و يترك لها مجالا من الوقت حتى تعتاد الفكرة



كان يمسك يدها على إستحياء فتشعر إن الدنيا
و ما فيها قد أتت

و لا تفكر لوهلة فى أى قادم



يوم الزفاف كانت فى سماء عالية ترسم ابتسامة لا تتبدد
لدرجة جعلت الغرباء يقتربون ليقدموا التهانى
لهذه العروس الضاحكة

لمجرد أن شكلها قد أثار أعجابهم و بهجتها قد غمرتهم
مضت حفلة الزفاف على أحسن ما يكون
وبعش الزوجية كانت نهاية المطاف



ولما دخلت مع عريسها و أمها للشقة
لم تنتبه كثيراً لحديثهما فى الغرفة المجاورة

و أخذت تنظر لنفسها فى المرآة
و تعدل من شكل طرحتها البيضاء
متعمدة أن تتجاهل سماع ما كانت امها تتباحث فيه
مع زوج المستقبل

خرجت الام وأحتضنتها مبتسمة و جادة
هامسة بكلمة واحدة


متخافيش


صمتت لبرهة و تذكرت شيئاً جعلها
لا تلتفت لأمها و هى ترحل
انمحت ابتسامتها الواسعة فجأة
و حلت مكانها ابتسامة صديق أبيها ف ثوان


شعرت انها إبنة الثمان سنوات للتو
و ها هى هنا مع غريب فى غرفة مغلقة

تذكرت كل شخص اقترب منها و نهش جزءا و لو ضئيل
رغما عنها
هى الآن وحيدة و خائفة
و لا جدار تحتمى خلفهما ما عساها تفعل الآن؟!



رحلت الام
و أغلق العريس الباب ورائها
تقدم خطوتين نحوها راسماً إبتسامة عريضة
تعرفها جيداً
و رأتها من قبل مراراً و تكراراً
و ما أن أقترب منها
حتى بدأت بالبكاء


كل الامان
كان حضنك

----------------------------------------------------------------

This entry was posted on الثلاثاء, فبراير 09, 2010 and is filed under . You can leave a response and follow any responses to this entry through the .

61 كــــلام بيطــبطـــب عـــلى قــــلبى و روحــــى

وااااااااااو يا فاتومتي
يامامتي يا حبيتي
انا دوبت مع القصة وواحدة واحدة حسيتني معاها لو خايفة انا خايفة لو هتبكي انا هبكي
وصفك رائع
تعرفي اكثر انواع الخوف ايلاما هو
لما نخاف من اللى المفروض يكون مصدر الامان
ولما نخاف ومنقدرش نقول خايفين من ايه

انا بكره احساس الخوف

تحياتي للوصف الرائع
تحيات بسكوتية شوكولاتية بندقية

تسلم اديكى يا فاتيما على الكلام الحلو ده
انا برضوا كنت بتكلم عن الامان
اظاهر كلنا مفتقدينه
خصوصيه كتابتك للموضوع ده بدون ابتزال هايله
مش عارفه احنا اللى اتعودنا نخاف من النظره دى حتى من ازواجنا
لاننا اتربينا على كره النظره دى حتى و لو لم يكن هناك تحرشات
ساعات النظره نفسها بتكون مقرفه
يمكن الست محتاجه حضن و حنان اكتر من اى حاجه
بس اللى يفهم

:-؟
معلش اتكتمت مش عارفة اقولك ايه
الكلام وصلنى لجوه بشكل
حرجعلك ثانى بس لما...

:-***************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXX

مش عارفه اقول ايه
الكلام تقيييييييييييل قوى
للاسف الامان اما بيضيع عمره ما بيرجع
و الطفوله دايما بتبقى صفحه بيضه و كل اللى بيتكتب عليها بيتحفر و مش بيطلع تانى
و اللى بيتحفر يا اما بيبقى ورد و زهور يا اما شوك و الم و جروح
و اللى هنا النوع التانى للاسف

تسلم ايدك يا تيما

مش لاقيه كلام اقوله بجد
بس الموضوع انا حسيته جداااااااا
وبطلت قصتك صعبت عليا جدااا
وطبعا ليا تعليق اخر اكتبه فى ايميل افضل
بس لما تردى على الايميل اللى عندك
على جنب
بحبك قووووى

ما مضى قد مضى بكل مافيه هي لاتملك تغييره لكن المستقبل يتحدد في شكلين اما ان زوجها سيحتويها ويحسسها بالامان وينتزع خوفها للابد أكيد هذا سيحتاج منه وقتا ومجهودا وصبرا واما انه سيؤكد لها كل مخاوفها ويقتل فيها كل أمل ووقتها اما ستهرب الى وحدتها مرة اخرى او ستعيش معه جسدا بدون روح

نسيت اقولك ان اللى كان بيموت امبارح بقى زى القرد النهارده
هههههههههههههه


كل الامان فى حضنك
*************
دى انا بقولها لك انتى لانى بحس بامان غريب فى حضنك يابطه

مممممممم
اول رد ذكوري ولا ايه :)

انا عاجبني اقصة و المعني
بس تفتكري لسه في بنات بتفقكر كده او بتحس كده !!!!

اعتقد الحالة دي قليلة انك تقبليها اشاسا

--------------
الانفلونزا عاملة ايه ياست الكل ؟

بصى بقى
رجعت نطيت ثانى :-))

اصلى مستنية حد ينزل معايا نخلص شغل و بغنى لحالى ظلموه و بنزل البوستات الى كانت متحوشة

فكرتينى بموضوع مش ناوية اكتبه دلوقتى عندى
علشان على راى علوكة المواضيع بالتضاد و بمانى متنكدة يبقى مكتبش (عندى وش بيغمز ) نكد
نستغلك فى طرح النقطة الحوارية المحوارية ديه

فكرنى بيها ثلاث مواضيع
خبر فى الراديو عن الشرطة بتعلن مكافئة عن من يرشد عن شاب (فى مدينة ثانية بعيدة عنى )بيكرر التعرض لسيدات و الفتيات من سن 16-35 و يتهجم عليهم فى البيوت او على مداخل العمارات و احبطت اخر محاولاته لما هدد فتاة دخل وراه العمارة بسكين لكن لنزول جيران فى نفس التوقيت خاف و جرى
و دلوقتى عندهم اوصافه و بيدورا عليه
هو مش بيهجم علشان فلوس لا علشان الاغتصاب :-(

موضوع غلطانة انا للجواز و سنينة

سوال سألهولى زميل هنا ، بيقولى بتعملى ايه لوحدك فى الجو ده ، رديت بنزل اتمشى ، رد اوعى تمشى فى المنطقة الى انت ساكنة فيها خطر لانها فاضية ، رديت يعنى افضل حابسة نفسى و اتخنق؟؟ (كفاية خنقة سنتين) و بعدين عارفة انه خطر و لما بحس بيه بضرب مشوار لوسط المدينة او مول و اتمشى هناك

و اخرهم قصة
زماااااااااااان قريت فى المختار قصة لست بيشهدوا بقوتها و مثابرتها
مالها
هجم عليها واحد و ضربها و اغتصبها و ضربها بسكينة و رمها فى النهر و سبحان الله بعد ده كله عاشت و رفعت عليه قضية و كملت حياتها

القصة ديه خلتنى معرفش ازى اتناقش فيها مع الوالدة باشا و اقول انا لو اتهددت افضل ليا انه يموتنى على انى ارضخ ليه
ساعتها قالتلى يبقى انت بتنتحرى
طيب اسكت و استسلم ، ترد لا برضه تعافرى و تقاوى تضربى تخربشى تصرخى
و لو معرفتش برضه اخلص اعمل ايه ، ردت تعيشى :-؟؟؟ رد غريب مش كده
بس فهمت قصدها على عدة مراحل ان الحياة معيشة مش الكل بيعيشها بسهولة و مش الكل بيعيشها بشقى بس مينفعش نستسلم لجرح داخلى او خارجى و نتوقف عن الحياة لان دا الى ربنا عايز اننا نعمله نعيش و نعبد و نعمر:-)

نظريتها صعبه قوى
و عارفة الى ايده فى المياه مش زى الى ايده فى النار

بس تفتكرى ينفع ان الواحدة تنتحر قبل او بعد اذية بالشكل ده ؟؟
طيب ترد ازى و بايه ؟؟ ترد و لا تسكت؟؟
الاحكام الى بيحكموا على الى بيتقبض عليهم تناسب الجرح ؟؟ لازم تزيد ؟؟

معلش استغلالية بس اسئلة فى بالى كثيرة بصراحة

لعلمك من كثر فرجتى للافلام الخواجاتى لاقيت ان الراجل لما بيتجرح نفس الجرح ده من راجل او ست بيأثر فيه قوى بس هما مبيقدروش ينطقوا حتى بالدموع
يعنى ساعات بيبقى حالنا واحد بس هما فى العادة اكثر قوة فاقل تعرض للمشاكل ديه

حلو أوى القصة دى وموضوعها يا أم يوسف.... أوى...نفسى ناس كتير يقرأوها..ناس من اللى مصرين ان التحرش بالمرأة دلوقتى سببه لبسها وشكلها و..و...
الطفلة اللى عندها 8 سنوات دى ..طفلة عادية خبرتها بالحياة معدومة ومع ذلك بعض الأشخاص الغير محترمين تسول لهم أنفسهم التعدى على براءتها

تانى حاجة عجبانى فى البوست بتاعك يا فاتيما هيه فكرة "الأمــــــان" يا ترى الاحساس بالأمان ده بيبقى مع الأهل ولا الأحباب ولا الأصدقاء ولا الأمان بقى حاجة صعب الحصول عليها
ميرسى بجد على البوست الحلو ده
وسلمى كتييييير على يوسف

واووووو حسيتها اوى تقريبا الانسان بيحس بالنظرات وبنتج عنها خوف ورهبه انا بكره الخوف وباكره احساسه لانه بيتعب نفسيتى ..وفعلا كلنا بقينا مفتقدين الاحساس بالامان واحساس كراهيه بدون اسباب بس لان قلبك رافض شخصيه معينه دا من غير مبرر احيانا بيحير الناس فيكى
تسلمى يارب
تحياتى

والله
يا استاذ يوسف يا سباعي

انت معلم

ايه ده ايه ده انا نسيت

دي مش يوسف بس اللي كتب

ده ام يوسف السباعي هي اللي كاتبه

لالالالا فعلا
الجينات عاليه وكروموزمات
الأدب اصيله في العيله
دي ياااد يا وليد

ايه يا بطوط الجمال ده
مش مجامله بجد جيله جدا
مع التحفظ علي كلمه
الجميع يشهد له بالتهذيب
(غريبه تهذيب)
مش بس الاحساس بس الأمان ضاع
لأ ده الايمان نفسه بيضيع
الا من رحم ربي
وفقدنا حاجات كتير راحت في الوبا مه هنادي....
لا اهالي بقت تربي كويس الا قليل

ولا بيعرفوا العيل من صغره
ايه صح وايه غلط
بياكلو العيال وخلاص
وهو يتعلم مع نفسه
يدخل جامعات ويخرج
ويرجع بدون رقيب
المنظومه من الأخر باظت
يا فاتيما يا بنت خالي

وعلي راي حكمتي الغاليه عليا
لو صاحب البيت كان طبال

لازم كووووول السكان ترقص

الله ينقم من اللي سرق الأمن والأمان والفرحه والضحكه والراحه والضمير والفلوس فتحتيني ليه بس يا بطوط
والله ي

عندي سؤال محيرني
مش شايفاها غريبة ان ظاهرة التحرش بتزيد في مجتمعاتنا
على الرغم من التحرر والإنفتاح الإعلامي اللي واصلة لمرحلة الإنفلات أحيانا
أمال لو مجتمعنا منغلق كان حصل غيه ؟؟؟
واضح ان الحكاية مش حكاية انفتاح وانغلاق
الرك على الدين والرباية

تسلم الأنامل فاتيما هانم
قصة جميلة بجد
ووصفك رائع

تحياتي
إحسان

صعبت عليا اوووووى البنت دى

مشكلتها انها ملاقتش الامان طول عمرها بس كان ممكن تحكى لجوزها وتفهمه ظروفها وتحاول تروح لدكتور نفسى وجوزها برده المفروض وقتها يقدر ظروفها ويحاول دايما يحسسها بالامان والحب والاستقرار ويفهمها انه مش هيقرب لها الا لما هى تكون مستعدة لكده ويون قريب منها معنويا ااكتر من جسديا
بيتهيالى ان لو الموضوع اتحل فى بدايه جوازها هيكون اسهل بكتيييير من انها تعانى معاه من البداية ولا هو فاهم ظروفها ولا مقدر حتى ولا هى بتحكى

ويمكن لما تحكى وتقول اللى جواها ترتاح اكتر مع الرغم ان ممكن مشكلتها متتحلش بس على الاقل هتشوف فى عيه نظرة امان وقتها منه

معلش طولت عليكى فى الكلام

اعتقد انه هيعرف يحتوي الموقف

......

دية مشكلة وحشة ان الام متقعدش مع اطفالها كل فترة و تسألهم عن حالهم وتخليهم يتكلموا معاها

ومبتنتبهش ان طفلتها مختلفة ودايما منزوية و حزينة

.........

يلا خير

سلامٌ عليكِ

اول مرة احس بعدم الامان
هناااااا

انت بتنتقمى منى مش كده:-))
غيرتى الاغنية النهاردة تقريبا اربع مرات
معرفتش اسمع غير اثنين بتاعت الصبح و دلوقتى
و بعدين الى بنعمله فى الخلق حيطلع علينا و لا ايه :-))))))))))

كلمة للجمع وسعى يا فطوم معلش حشاكس عندك :-)))
------------------------
الابتلاء ده ياجماعه الى اتعرضتله بطله القصة
مش معناه الاسرة فيها عيب او البطلة
العيب فى المجتمع الى عودنا نسكت و نكتم
اننا لو اتكلمنا بنفضح نفسنا ، مع ان الكلام فى حد ذاته بيهدى الوجع الى فى الداخل ده

ايوه كل الى حصل ممكن يحصل و حيحصل للاسف
و لطفلة ال5 سنين و لامراة ال50 سنة
و للرجل كمان ممكن يحصل (زمن للاسف بقى فيه دماغات بايظة و لا هى مش دماغات اشاشا:-(

المهم نعرف نرد نعرف نساعد نعرف نجيب حق الى مش قدرين نعرف نربى اولادنا ميبقوش جانى و لو بقوا مجنى عليه يبقوا اقوى و اقوى من الاول

التحرش زاد ايوان
بس لو كل واحد فينا حاول على الاقل يتصل ببوليس النجدة لما يشوف موقف مؤذى ، ده لو محاولش يدخل هو فى الاساس

------------------------------
:-XXXXXXXXXXXXXXXXXXXXXXXXXXXXXXXXXXXX

اه افتكرت دا البطلة اى قصه مشابه
شوية نصائح شوفتها فى برنامج امريكانى ممكن يكون اوبرا؟؟
المهم

- شيلى شنطتك فى حضنك و بالذات لو فى مكان نغلق زى الاسانسير بتبقى عمله زى الدرع و ساعات بتنفع فى الرزع (انا جربتها و خصوصا انى غاوية شيل :-))

- اقفى جنب ازرار الاسنسير (غلسى على الواقف و تبتى فى المكان لو حد حاول يأذيك اديها دوس على كل الازرار ياحاتشغلى الانذار يا حاتفتحى الباب بدرى

- امسكى المفاتيح فى ايديك زى مفتاح الباب او الاسنسير (ممكن تستعمليه كسلاح (خلى مفاتح معين حتى لو مش مهم فى مادلية لوحده و شيه باستمرار)

دول الى فاكراهم و بصراحة بحاول اطبقهم على قد ماقدر :-)
لو افتكرت حاجة ثانية حاجى ثانى

:-********************************

انا بمووووت فى اغنيه مسلسل ساره دى قووووووووى يابطه
انا مش هاقفل اللينك النهارده خاااااااالص
بحبـــــك

من اجمل ماقرأت على الإطلاق أشعر وكأنني قد قد قمت من غفوتي على هذا التناغم الرائع في الأداء
شكراا لكم
عبد الجليل

يعني انا علي طول اجي اقرا من سكات وأمشي

وانتي تسكتي تسكتي ومرة واحدة توجعيني قوي الاقيكي بتعري جرووح بعمل نفسي مش واخدة بالي منها

بتيجي انتي وتضربيني في الصميم

مين اللي قالك ان بطلتك علشان عادية حصلها ده وبس ومين اللي قالك ان الجميلات لهن من يحميهم

بطلتك محظوظة علي الأقل جمالها محكمش عليا انها تبقي طول عمرها هدف

بطلتك مكنش محكوم عليها تقاوم بتاع اللبن ، وكشاف النور ، والبقال

متعوددش تنام وعنيها مفتحة علشان 100 عين بتراقبها وبيت مليان ولاد من سنها وكله بيبص علي كل تغيير بيحصلها

مكرهتش نفسها ولا جسمها مكنتش بتتكوم من الكسوف والخوف
مكنتش بتجوع نفسها علشان جسمها يختفي علشان محدش يشوفها ولا ياخد باله منها

يااااااااااااه كان نفسي قوي ابقي شبح

بس لا بقيت شبح ولا حد سابني في حالي

ولا حتي لقيت حضن اعرف فيه الأمان اللي انتي بتحكي عليه ده

تصدقى يا فاتيما
الأغلبية من البنات وعن معرفة شخصية
عانت من كل الأحاسيس دي

كنت كتبت فى مدونتى عن موضوع مشابه اسمه ميمي والتعلب المكار

وصفك لمشاعر البنت واقعي ومعبر
وإن كانت الحقيقة أقسى من أي تعبير

مش عارفة انطق بصراحة
الاغنية مع القصة
ومالهومشي حل

بس ليه قلبي و جعنى و بعيط؟؟؟؟؟
حسيت بالخنقة و الخوف اللى محشورين بين السطور
البنت ديه غلبانة اوي
بس اللى هيه فيه ده السبب فيه مامتها
لا حول ولا قوة الا بلله

أية النكد الأزلي دا

عموما

معلوم ومعروف ان التماسيح وهيا بتهضم فرائسها تبكي

وجهة نظر

مش كدا

حلوة قوي يا فاتيما..تسلم ايديكي..بحبك

حلوة قوى
بس متهيألى إن الأم عليها مسؤلية إنها تكلم ولادها وتعرف منهم أى حاجة ممكن تحصلهم
أو من غير ماتسأل متهيألى حتحس... صح؟

مش عارفه اقول ايه ولا اكتب ايه

انتى كتبتى بطريقة حلوة اوى لدرجة انى فعلا وانا بقراها كنت حاسه باحساس البنت وعدم الامان

وحسيت اد ايه البنوتة الل عندها 8 سنين كانت مرعوبة وخايفة وقرفانه من الراجل دا

عارفه يا فاتيما دايما بكون خايفه على بناتى من الحاجات دى وبحاول اعلمهم ان اى حاجة حتى لو صغيره يحكو عليها ومش يخافو

وكمان بصراحة مش باّمن لاى حد بسهوله ومش ممكن اسيب حد معاهم ولو دقايق

وصلتى الاحساس صح اوى اوى

ميرسي اوى اوى على الكومنت الجميل اللى عندى وانتى وحشانى اكتر بكتيييييير اوى

السلام عليكم

القصه رائعه جدا فعلا
واسلوب حضرتم متميز للغايه
أراه سهلا ممتنعا يصل لحد الاتقان

الشعور بافتقاد الأمان صعب جدا
خصوصا لو كان من أنثى تحمله تجاه الرجال

مزيد من التميز

تقبلي مروري وتقديري

بجد دخلتينى جوة الحكاية

وصفتيها بطريقة اكثر رائعة

مش عارفة اقول اية ولا ارد بايية

بس احنا لازم نعلم ولادنا يقوللنا كل حاجة

نديهم الامان نحسسهم انو اى حاجة ممكن يقولهلنا وحتى لو كلنوا غلطانين
مش نخوفهم مننا
احنا اهلنا الا من رحم ربى خوفونا منهم هما بيحبونا بس كنا بنخاف منهم نخاف نقولهم اى حاجة ليضربونا
ويقوللنا انتو غلط مش ادونا الامان

لازم ندى لاولدنا الامان عشان نحميهم

وصفك وكلماتك اكثر من رائعة ياروحى

كتبتيها باحتراف خلاني انا شخصيا اخاف وأكش جوا نفسي

بس طول عمري بسأل نفسي سؤال
ودائما ما أتلقى عليه اجابات تقليدية متعبة ومهببة

ليه البنت متقدرش تصارح امها
ودايما الإجابة اصل الأم شديدة
مش قريبة من البنت


الحقيقة لما سمعت من بؤ بنات عما حدث لهن وهن اطفال
وكانوا بيتكلموا عادي وقد تجاوزوا نوعا ما ما حدث لدرجة المصارحة وبالأسماء
لما بصيت
لقيتهم صاحبات امهاتهم
والأم مش عنيفة
ولا عاملة كما هي الحجة المقدسة

الموضوع ده فعلا لما بقرأ عنه بحس برعشة داخلية وادعو الله ان يفادي ولادنا من شياطين الإنس والجن
ويبعت لي اللي يفهمني من غير تابوهات مقدسة

تحياتي وبوساتي وحبي وكل اللي انت عارفه يا وديع

ماما فاتيما،،، سلامات
سامع عن انفلونزا ،، يارب تمام دلوقتى؟
____________
تقبلنا للأحداث بيتغير بتغير نظرتنا للمستقبل اللى فى الغالب مبنية على إدراكنا للماضى ،،،، ساعات نفهم الحاجات بشكل معين و نعمل إسقاط لمفهومنا على كل حاجة تقابلنا لحد ما نصدق انه واقع بجد و حقيقة بدليل تحول الخوف لشكل مرضى فى نهاية القصة

أول مرة أقرأ قصة لحضرتك
أبدعتِ

بطوط متقدمي ميعاد بورسعيد ده شويه الواحد محتاج يغير جو لحسن الحاله المعنويه في النازل
وفعلا محتاجين نغير ناس
وجو مع اخواتنا
واحبابنا
من مجتمع التدوين
ده بجد رجاء مني ليكي

يا زعيمه
بصفتك قائد سلاح المركبات

انك تحددي ساعه الصفر
باقصي سرعه ممكنه

لحسن مطارتنا النفسيه
علي وشك الأنفجار
ومش عايزين نكسه يونيويه تاني

كفايه اللي حصلنا

ايام البرنس

عبد الناصر

اللهي ربنا يسترك

ولو ركزتي هتسمعي

اصوات الأستغاثه

من جموع المدونين المحلقين

بسرعه التحرك

صباح الامان و احضانه

:-************************************
:-XXXXXXXXXXXXXXXXXXXXXXXXXXXXXXXXXXXX

يارب يرجع يغلفك بايديه ثانى قريب جدا

Bascouta
---------

صباح الخير يا عيون ماما

ازيك النهاردة
يا رب دايما بخير

متفقة معاكى
ان احساس الخوف اصعب حاجة
و خصوصا لما مينفعش تلاقيله نهاية

بوسة و حضونات يا بسكوتى الحلوة







الجواز و سنينه
-------------
اشكرك يا عزيزتى على ذوقك

و مرة زماااااان
بت خيخة و أى كلام سالتنا فى موضوع عندها عن مفهوم الامان عند كل حد
فاكتشفت و انا بجاوب
انى مش عارفة اصيغه فى كلمات
و لا اوصفه يعنى إيه؟
اصلها كلمة كبيرة قوى
و بتعبر عن احساس اكبر


وصحيح محستيش ان السرد فيه ابتذال ؟

الحمدلله
اصل الجزئية دى مهمة عندى

الف شكر ليكى و منورانى



wanda
------

ميرسى يا ون ون ع البوست بتاعك
انا عملتله رابط عندى عشان اضافة للحكاية و اضافة قيمة

بس عاوزة اقولك ان مش كل بنى ىدم عنده القدرة على التماسك وقت الهجوم عليه و فعلا البقاء حياً بيبقى وقتها منتهى العقل و الحكمة

بعد الأزمة ما تنتهى بيبقى فيه شكل تانى من عبور الازمة

المهم الخروج منها

مامتك بتتكلم صح على فكرة

*********************
و ×××××××××××××××××××××××



خواطر شابة
----------

بصى يا خواطر
انا بعذر الراجل فى الحالة دى جدا
اصله بيبقى داخل على تركيبة نفسية مش عارف اولها من آخرها
و عشان يتعامل معاها كما يجب و يدادى و يطبطب يبقى لازم ينحى احتياجاته الشخصية على جنب لحد ما يسيب للإنسانة دى المجال انها تستوعب
و تتعامل صح معاه
و غاااالبا دا مبيحصلش
عشان فرق التوقيت و انانية كل طرف
الا لو كان بيحب بجد و عنده صبر و مش واخد المسألة على نفسه
تحياتى ليكى
و ردك مليان رومانسية على فكرة
انتى شكلك بتتعبى قوى ف حياتك يا بنتى
عاشقة الرومانسية
------------------
سلامتك يا قطتى
و انا غرت الغنوة لأنى حسيت ان دى انسبهم

انا كمان بحب تتر المسلسل دا قوى

انا حضنى امان ؟؟؟

اول مرة اسمع حد يقول كدا ؟؟

منحرمشى منك
يا عروسة بحورى




adel
----

أيوع تصور
انت اول رد رجالى
و لو انت مش اول واحد اومال مين يعنى ؟؟؟!!!
دنت ابن صاحب المحل أشاساً

و ايوه يا عادل فيه بنات كتييييير كدا يا بنى

البنات الطف الكائنات يا بنى
رغم اى تغييرات شكلية و حياتية بتحصل

لسه زى ما هما مخلوقات رقيقة ناعمة تتخدش بسهولة و محتاجة الحماية و ضل الراجل و حضنه و أمانه

كون مفيش انعكاس واضح لذا فى الواقع
فعشان واقعهم فارض عليهم يبقوا بنت و ولد فى نفس اللحظة و عشان محدش يطمع فيهم و يحصلهم زى بطلة القصة

و مع ذلك برضو بيحصل


انا زى الفل يا بابا
اشوفك على خير يا غالى على ماما

shimaa
-------

شكرا ليكى يا شيما
و بخصوص حكاية التحرش دى انا عاوزة اقول حاجة بقى
اللبس فعلا عليه عامل كبير و تصرفات البنات النستهترة

بس فيه حاجة تانية كمان

الشخص المتحرش يا جماعة بينتقى فريسته كويس

مش بيختار البنت اللى حسها عالى و ملفتة للنظر قوى و عينها يندب فيها رصاصة لأنها ممكن تبهدله

هوه بيوجه كبته و نفسيته المريضة لأنسب ضحية محتملة فى محيطه
و غالبا بتكون حد غير متوقع خالص

فكرة الامان فعلا فكرة عويصة
و اقرى ردى على تعليق الجواز و سنينه تفهمى قصدى اكتر

نورتينى



emymony
-------
فعلا يا إيمى

الخوف من الناس
بيولد مع الوقت كراهية ليهم
لأنك مبتلحقيش تعرفيهم كويس و تسمحيلهم يقربولك كما ينبغى

تحياتى انا كمان أكتر




هى و ظروفها
-----------
براحة يا وليد مالك انفعلت كدا ؟؟
اعصابك يا بنى
و انت صح
التربية ليها عامل و كمان التعليم مهم يلحق اللى البيت ملحقش يعمله

و ممكن بنوتة زى دى تحكى لمدرستها لو مرتاحلها عن المشكلة و تكون جسر بينها و بين البيت .. كدا


بالنوسبة بقى لمشوار بورسعيد
فدى اختصاصات يا وليد و لا يجوز انى اتعدى على اختصاص كل واحد

نهر الحب الجميلة هى الوحيدة اللى من حقها تحدد المعاد و تقولنا عليه و نمتثل بكل حب

و بعدين احنا يا بنى منقدرش ع السفرية دى الا بعد ما نقبض مرتباتنا اخر الشهر
فحتى لو ايناس قالت تعالو لأسبوع الجاى انا هعتذر عشان مش هينفع


هننتظر ايناس تقول و احنا وراها علطول


لكن ممكن نبقى نحدد لقاء هنا فى القاهرة مفيش مشاكل

سيادتك بادر و قول مكان كويس لأنى بصراحة اتشائمت من نادى الزراعيين خلاص و معنديش مكان تانى اقترحه

و نشوف معاد كويس و يكون قريب

انا عينتك نائب قائد السلاح
و عيش حياتك بقى
سلامى اسارة الجميلة



شفقة و إحسان
------------

اهلا بالحبايب
و جوز العصافيييير
لو عاوز رأيى يا احسان
انا شايفة انها موجودة من زمان
بس محدش كان بيتكلم عنها زى دلوقتى

و كل مجتمع منغلق و لا منفتح فيه علاته المدفونة دى

انت جبت التايهة
الدين اللى يحرم عليك تأذى غيرك
و الرباية اللى تخليك تسيطر على نفسك

سلامى لست الستات كلهم ...شفشوقتى





star in the sky
---------------
الحكاية مش سهلة يا ستار

هيا اتعودت متتكلمش و لا تحكى
و كمان المجتمع حوالينا مش مرحب بحاجة زى تنقال اصلاً
الزوج لو بيحبها هيصبر عليها اكيد و يقدر الظروف و ميعتبرش التصرف دا موجه ليه و هيا اتخنقت و شالت و كتمت لحد ما وصلت لساعة الحسم او الصفر زى ما بيقولوا

و طولى زى ما تحبى انا سمعاكى يا حبيبتى
و على قلبى زى العسل




نعكشة
-----
ياااااااااه
وحشتينى يا نعكوشتى

انا عارفة انك زعلانة على قرفانة على ملكيش نفس تقولى حاجة ف الأفلام اللى فاتت دى ...بس معلش


الام معذورة نوعا ما ف الحكاية دى
اصلها لم تتصور ان الطفلة الصغيرة ممكن تكون غير طفلة و تتعامل على إنها طفلة

يمكن دلوقتى بعد الدنيا ما اتغيرت
نظرة الامهات كمان اتغيرت
و بقت فاهمة ان الطفلة لو عندها خمس سنين حتى هييجى الشخص المريض اللى ينتهكها بمنتهى البساطة

و انزواء الاطفال ساعات بيكون طبع فيهم مش معناه كارثة

و ساعات كمان العيل يعاند كل ما تزنقيه عشان يتكلم يصر على الصمت اكتر و تكتشفى المصيبة بعدييييين
الملخص عشان الموضوع عويص و متعقد
انتى وحشتينى قوى م الآخر




كيكى عووووو
-----------

ليه بس يا كيكى ؟؟
هزعل من نفسى بقى
دى حدوتة ملتوتة و بس

أستاذ عبدالجليل
--------------

يااااه
انت فين يا استاذنا
مفتقدة تعليقاتك جدا و الله

يا رب تكون بخير و فى اتم صحة
و شكرا على تشجعيك الدائم
سلامى ليك و للأسرة الكريمة




غير معرف
-------

براحة يا عزيزتى انا مقصدش انى اضايقك و لا ادخل فى مبارة عن ايهما اكثر الماً الحلوة و لا العادية

كلهن يتم إيذاءهن بشكل و بأخر

العادية تقدر تحمى نفسها بعد فترة
و الجميلة كمان تقدر تحمى نفسها

المسالة متوقفة عن امتى و اواى تبطل خوف و تبتدى ترفض تكون ضحية و حد يتعرضلها

ربنا يكرمك و تلاقى حضن الامان اللى ينسيكى كل اللى فات و يعوضك

و اسفة لو كنت نكأت الجرح
اسفة بجد




MaNoOoSh
--------
متفقة معاكى الف فى المية يا منوش

مفيش بنت لم تتعرض لتحرش فى حياتها
بس المهم ما بعد ذلك
و كيفية التعامل معه
و انه ميفسدش حياتها كلها
نورتينى جداااااااا




واحدة مفروسة
------------
قلبك وجعك عشان ناتى انسانة قلبك جميل و طيب
عيطتى عشان اتفرستليها سلف و حاسة انها محدش قدر يساعدها

انا معاكى ان الأم عليها عامل كبير
بس كمان الغفلة بتحصل يا فروستى

يعنى تحصل حاجة لا تتوقعيها
فى معاد لا تتوقعيه
من شخص لا تتوقعيه
و تكتشفيها كمان بعدين

بتحصل


مصرى جدا
---------

قصدك ايه يا هانى يا شرير

مفهمتش ؟



dahlia...
---------
انا كمان يا حبيبتى

بحبك قوى
بوسيلى العيال

ابو حميد
------

اخبار البرد ايييه ؟

الأم المفروض تسال و تستفسر
و تعمل كل حاجة
عشان تتأكد ان ولادها كويسين يا احمد مش بس تحاول تحس بيهم

اصل فيه اطفال بطبيعتها كتومة
و ساكتة
و فيه اطفال غاوية تهويل
و بتكدب عشان تحصل على اهتمام اهلها
و فيه فعلا اصدقاء للأسرة بيبقوا ذئاب فى شكل ملايكة
لدرجة ان صاحب البيت ميتخيلش ان الطعنة تيجى منهم فعلا ...

اديها فى شوربة و سوايل بقى
الف سلامة عليك



reem
----
و الله يا ريمو
مش البنات بس ...
انا بترعب على يوسف جدا
و قعدت أحذره كذا مرة من الحكاية دى لما كان معايا

و المنطقى ان الام متبعدش العيال
عن نظرها الا قليل جدا
و يبقوا فى مكان عام يعنى المدرسة النادى كدا
لكن يبقوا وسط مجموعة و تأكد عليهم ذلك و محدش يدخل معاه حمام
و لا اوضة مقفولة و لا يشوف جسمه
و لا ...و لا ....
و كمان اى حد يدخل البيت
يكون تحت نظرهم و ميسبوش الاطفال معاه لوحدهم و لا يخلوهم يباتوا عند حد الا فى اضيق الحدود ..
و ربنا يسلم عيال الكل يا رب

بوسيلى القطاقيط الحلوين لحد ما اشوفهم بقى




قلم رصاص
--------
اشكرك جدا يا عزيزى
و فعلا افتقاد الامان بيفقد الحياة كلها طعمها و يفوقت فيها فرص كتير على الشخص انه يكون سعيد

نورتنى



wella
-----
صح يا ويلا
نعلمهم ميخافوش يتكلموا معانا
و نأكدلهم اننا بنصدقهم
مهما قالوا

و كمان الاهم
اننا منحطهموش فى ملقف لأى حد يستغلهم و نهمل فى واجبنا الأصلى
و هوه حمايتهم

حضننا لازم يكون الامان
كل الامان ليهم

انتى اللى رائعة يا ويلا




ستيتة حسب الله الحمش
------------------
و الله سا ستوتى انا ختلف معاكى النوبة دى جداااا

لأن زى ما قولتى
البنت بتحكيلك بعد ما كبرت
و التجربة الزفت دى
خدت منها راقات و تخبطات لحد ما سوتها و نضجتها و خلتها تتسامى عن كل اللى فات و بقت صديقة لأمها

بس الصداقة دى لاحقة
على الحدث بسنين
مش وقته و لا ساعته

عاوزة اقولك كمان على حاجة
يمكن مش كتير يعترف بيها ...

ان البنت اللى بتمر بتجربة زى دى بتلقى جزء كبير من الغضب الناتج عنها على الام و الاب

باعتبارهم كانوا المفروض يحموها
و دا محصلش
و كان المفروض يفهموا اللى حصل
من غير ما تشرح حتى
بس دا كمان محصلش

و كان المفروض يعرفوا
ان الشخص دا ذئب فى صورة بشر
و يطروده من حياتهم
بس دا محصلش

و تكون النتيجة
انها بتلومهم من جواها لأنهم خذلوها
و تلاقى علاقتها بيهم متوترة لسبب ظاهريا غير مفهوم
حتى منها

و طبعا ف وسط الجو المشحون دا
تفتكرى هتقولهم و يبقوا اصحاب
ازاى ؟؟


و عقبال بقى ما تتغلب على ضعفها
و خوفها
و كراهيتها لنفسها و ليهم و للناس
و ضياعها
و الأفلام دى بتاعة المراهقة
و تضخيم المشاعر لتلات اضعاف

و على ما تعقل
و تهدى
و تنضج
تكون بقت شابةمثلا
و قادرة تسامح
و تصاحب مامتها

و ساعتها على فكرة
ممكن متحكيش خالص لمامتها
لأنها هتلتمسلها العذر
انها معرفتش و مفهمتش
و مخدتش بالها
و العيب على الذئاب مش على الحملان
و خلاص هيا عاوزة تنسى و تقفل الجرح بالضبة و المفتاح


وتحياتى انا كمان
لحد ما اشوفك يا سوتيتتى



أحمد عبد العدل
-------------
بقيت بخير يا دكتور متقلقش
و كتر الف خيرك ع السؤال

كلامك فيه كتير من الحقيقة يا دكتور
و اقرى ردى السابق
علطول على ستيتة
هتلاقى نقاط مشتركة مع وجهة نظرك

هيا اشبه بكرة الثلج اللى محدش وقفها عن مرحلة معينة
فتضخم حجمها

بجد الاسلوب عجبك ؟
دى شهادة لينا يا فندم
و اخجلتم تواضعنااا

القصة معبرة جدا عن واقع للأسف يمر بالكثير من البنات بكل الطبقات الأجتماعية تقريبا دون تفريق ، وهنا واجب الأم أن تكون هى حضن وملاذ الأمان للبنت ، على فكرة و الولد كمان يعنى مش نركز على البنت و نسيب الولد لأن هناك أولاد يتعرضون أيضا لتلك المواقف من منعدمى الدين و الضمير ، الأم لازم عيونها تكون مفتحة على أولادها دون تميز بين ولد ولا بنت لازم تكون حضن الأمان لولادها مش علشان الموقف دة و بس لأ علشان الدنيا كلها لما تضيق عليهم و يحسوا بالخوف مليهم يكونوا عارفين يرحوا لمين علشان يلاقوا الأمان و الدفا .

صباح التدبيسات
ثانى
يافطوم الموضوع الى يعجبك عندى اتفضليه بجد من غير استاذان :-)
انا ابطل كتابه 4 بوستات يوميا صعب قوى انت عارفة :-))

المهم
ندخل فى الاصطبحات الفطمية ليوم 10 فبراير :-**************************************
صباح العك
هو عايز يقولنا لو خلصنا على الجدع ده حياتنا حتبقى وردى انا لا اظن :-((
بس العالم الى مفروض كلمها يوزن بلد ملها سقطت من الميزان ليه ؟؟؟

صباح اللى ملوش ضهر
لسه مقلوش خطأ بيقلوا مش عارفين ليه
و شكلهم مبيحولوش يسالوا اشاشا :-(((

صباح الأسامى
اسمه حلو قوى ماشى على كله التصريحات :-)))

صباح المناورات
تفتكرى لو عاملوا زى مابيقول ز النتيجة جات زى ما احنا متوقعين حينفع نقول ساعتها تزوير ؟؟؟

صباح الأرقام المستفزة
المهم يموت بس فى الاخر مستور
اغلب الى كانوا بيبقضوا لالف مالفه ماتوا بحالة مادية صعبة قوى :-(((

صباح التخاريف
التخاريف كلها بصراحة فى الجون :-(((

صباح محلك سر
يعنى مفيش حاجة بتتحل اشاشا
صباح الايزو و الجودة :-(((

صباح الأغانى و الدندنات
ماشى الاغانى فى الاصطبحات :-))) دلوقتى
بس عارفة الكلام ده ... فعلا

صباح الأشعار
مليش دعوة عايزة القصيدة كلها و الموقع مبيجبهاش :-(((

فطوم اطالب ماارجع اليوم ده و الاصطبحات
ال :-(((( و تجبيلنا يوم ثانى اصطبحاته :-))))
مليش دعوة
بدبب و بعيط و بصرخ زى العيال :-)))

:XXXXXXXXXXXXXXXXXXXXXXXXXXXXXXXXXX

انا حضنى امان ؟؟؟
اول مرة اسمع حد يقول كدا ؟؟
**********************
يبقى اى حد دخل الحضن ده ومش قال كده مش بيفهم ولا بيحس
ده منتهى الامان يابطه والله
وانتى عارفه انى مش باكدب عليكى ابدا
ولا باجاملك

طيب بصفتي النائب العام

يا زعيمه

ايه رايك يوم الجمعه19/2

ميعاد كويس ولأ

ويكون في حديقه الأزهر

ناخد مركب نيلي لحد القناطر

ونقعد هناك ونرجع برده في المركب

أو الديقه الدوليه في عباس العقاد

أو حديقه القسطاط جميله وشغاله

ان معجبكيش اقتراحاتي خدي رأي غيري

نهاية جميلة من نوعية النهايات المفاجئة اللي أنا بحبها جدا .. نهاية بتعكس مدى الألم النفسي المتراكم جوه البطلة حتى لو هي بتحاول تخبيه .. حتى في أحلى ليلة في عمرها

والعنوان كمان معبر جدا هو التاني .. ياريت يكون الزوج هيحسسها بالأمان وينسيها العقدة دي للأبد

الموضوع ده بجد مشكلة كبيرة وما حدش بيسلم منه .. ومهما الواحد راقب أولاده والناس برضه فيه احتمال انه يحصل .. ما هو الواحد مش عسكري واقف 24 ساعة

على فكرة .. انا فاتني 8 بوستس مرة واحدع .. واضح ان فيه احداث كتير حصلت وانا مش دريان
:-)

:-))
:-**********************************

فطوم و النبى مامتى بتسلم عليكى و بتقولك عايزين اصطبحات من وش القفص او بوش القشدة كده مليانه شمس :-))و ضحكات

:-XXXXXXXXXXXXXXXXXXXXXXXXXXXXXXXXXx

أم بتول
--------

ازيك يا ام القمر

وحشتينى و مش هينفع اشكرك عشان الموقف عدى كلمة الشكر من زمان
و تخطاها درجة مينفعش معاها أى كلام بصراحة

و لو قريتى ردى على reem هتلاقينى قولت حاجة زى كدا برضو
لأنى بقلق على يوسف لأن الولد زى البنت فى التعرض للشخصيات المريضة دى و مفيش فرق

خلى بالك من نفسك و قولى لبتول تبوسك بالنيابة عنى




wanda
------
تدبيسات ايه دى مدونتى اصلا يا ست هانم و اخد منها كل البوستات و لا يهمنى اصل صاحبتها حبيبتى و اختى و مش هتقول لأ

بس فعلا البوست بتاعك فيه كلام مهم لازم يتقال و اضافة كبيرة للقصة هنا

اقرى الصباح الجديد هتلاقى الجدع دا حتى و ربنا بيهده ...
مش سايبنا فى حالنا

و زعلانة ليه بس وبتدبدى ف الأرض ؟!!
قولى و انا اصلح الدنيا فورا

و قولى لماما
إن فاتيما
بتسلم على حضرتك و تبوس إيدك
و تقولك إنتى بس تؤمرى
و خلاص الأصطباحات الجديدة وصلت
و عينيا الأتنين ليكى و لون ون


**************************
و
×××××××××××××××××××××××××××××

يا ونداتى




عاشقة الرومانسية
----------------
ايوه يا دودو
اول مرة حد يقولى كدا

عارفة مرة قوس قزح
كانت بتعلق عند خيخة
على إن حضن ولادها احيان كتيرة
بتكون هيا اللى محتجاه مش هما

فعلا حضن يوسف بالنسبالى
كان هوه كل الامان

و متخيلتش أن الجملة دى
ممكن تنطبق عليا
انا لسه متنحة اصلا منها
و متنحة منك و من قلبك اللى يساع الكون دا
يا رب تكونى بخير دلوقتى و علطول

بوسة و حضونات يا عروسة البحور






هى و ظروفها
-----------
ازيك يا وليد

بص يا سيادة النايب
و يا ابن عمتى

الجمعة الجاى معنديش حاجة ..و بالتالى انا إن شاء الله جاية ما لم يحدث شىء طارىء

بس انا عندى اعتراض على الاماكن البعيدة دى لأنها بتستهلك وقت ف المواصلات و عاوزين مكان قريب شوية

لما تحدد مكان قولى و تكتب بوست عندك بنهائى التفاصيل و اعمل رابط من عندى عليك ...ماشى؟
طيييييب




يا مراكبى
--------

انت فين يا نبع الحكمة ؟؟


كدا تطول الغيبة علينا ؟

عموما كويس انك كنت غايب طوال الاحداث الماضية
أصلها مكنتش حاجة تسر أصلاً
و غالبا كنت هتحجم عن التعليق
زى ناس كتيييير انا عارفة
و متأكدة ان احجامهم
كان لنفس السبب

سدة النفس
و منعا لتكبير الحكاية

كل شىء انتهى على خير الحمدلله
و مفيش مشاكل إن شاء الله

بالنوسبة للقصة
فأنت ملك النهايات الصادمة
و انا ساعات بغش منك الحكاية دى دا اعتراف صريح اهو
انتى عارفنى مش هخبى

و حكاية المراقبة دى
انا معاك فيها أنها مستحيلة
بس فيه كمان احتياطات كتير
ممكن تتعمل لو الواحد حط فى دماغه

لكن الحذر لن يمنع قدر
و على حد معلوماتى و سماعاتى للقصص دى إن مرتكبى هذا الجرم
بيكونوا غالبا من اقرب المقريين
و اللى الخيال ميروحش
لأنهم ممكن يعملوه اساساً

خالص ودى يا نبع حكمتى
و وحشتنا كلنا

يا فطوم اتفضلى المدونة و صاحبتها
قال بعزمك قال :-)) ياستى انت صاحبة المدونة اشاشا :-)) بس متخفيه (نخليى الناس تتلفت :-)) ايه رايك )

اه بالمناسبة
فى اصطباحة الارقام المستفزة امبارح
قال الجد بتاع 6 مليون حيشتغل فيلم من انتاج كنج توت (اوع يكون استاذ وليد :-)) قوليلى بس متقلقيش مش حطلب منه مليون ولا حاجة اتوجراف بس من مليونير :-) اه علشان نغيظ الناس :-))))))))

ندخل على الاصطبحات الطازة بنار الفرن و لا بنار البوتجاز
صباح الموت ببلاش
هما مخدوش معاهم الانبوبة؟ مدوهاش طيب للورثة ؟ ياعينى الراجل راح بلوشى فعلا و العيال جعانه:-(
تفتكرى دى مؤامرة لتقليل التعداد ؟؟؟

صباح التنصل من المسئوليات
بصى الكلام ده من الراجل ده غريب قوى
انا كده اتبرجلت (دا انا كنت محترماه و بعدين ؟؟) يعنى يوسف والى كان اعلى منه سلطة اياميها ؟؟
الا صحيح هو مجلس الشعب بيحسب الى فى الكرسى بس و الى خرج ميحاسبوش ؟؟

صباح حنفية الأعترافات
اللهم أجعله خير:-))
خير خير يلا شئ حينكشف و يبان خير خير :-)

صباح الى وشهم مكشوف
و الله زعلتينى ، الراجل من كثر الدعى عيى ياعينى :- و عيا ب مليون زورار بس ياعينى بس يارب يخف يارب علشان الناس تدعى ثانى براحتها

صباح التماحيك
اصله شرب من مياه النيل :-))

صباح الأغانى و الدندنات
احنا عارفين تاتاتا :-)

صباح الأشعار
بلاش ادبدب عيب
فطوم ثانى مره الصفحة تفتح على السيرة الذاتية
طيب قولنا اسم القصيدة علشان نطلعها

و اخيرا
ماما بتقولك تسلميلنا كلنا :-************************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

تعليق بعيد عن البوست
كل سنة وانت طيبة يا فاتيما

http://www.mawaly.com/music/Magid+Elmohands/track/37755

اسمعى دى
منى ليكى ياقلبى

بترمز لايه صوره الحمامه اللى فى الجنب دى؟ وليه مكسوره وحزينه كده؟
اوعى تكون بتعبر عن حاله تخصك يابطه
ازعل قوى

بتمشى ريحة عشقك الشارد فى منديل الغريب

اللى بييجى كل ليلة و يفرده فوق صفحتك

يمكن ... يمكن يلاقى غنوة تغسل الاحزان

كلمة و قالوها زمان

العشق له رجلين لكن مالوش طريقين

وأنا قلبى قام يمشى

قسمه الطريق نصين

النص فوق سكتك

والتانى راح على فين

ما تتعبيش نفسك بالتفكير اصل الكلام ده مالوش علاقة بالبوست دول كلمتين جم على بالى بعد ماسمعت الاغنية بتاعة مسلسل سارة
البوست فعلاً جميل واحساسه عالى ومش عارف اقول ايه اكتر من كده
تقبلى كل الود و الاحترام

حلوة تجديدات الصور ديه
اليمامة ليها حدوتة ؟؟
بس صورة الصباع و الدبة جمدين موت

:-(((

:-XXXXXXXXXXXXXXXXXXXXXXXXXXXX
:-****************************

wanda
------

انا كمان
********************
و ×××××××××××××××××××××××××

و لأ ياا حبيبتى
اليمامة البيضا ملهاش قصة تنقال
مبسوطة ان الصور عجبتك
أصل يوسف وحشنى قوى

بطلى تكشير مش معقول عشان مفيش صباحات ف الاجازة ؟؟



أبو
---
و انت طيب




عاشقة الرومانسية
----------------
ميرسى ع الغنوة يا دودو
و متزعليش




حازم شلبى
---------

ازيك يا عصفور


حلوة قوى الشعر دا

انت اللى كاتبه و لا مين؟؟

رقيق قوى و حزين قوى
و ميرسى قوى





الاخ اللى بيدعى انه
غلطان فى نشر تعليقه عندى
----------------------------

لا انت غلطان
و لا حاجة
و قاصد كل حرف كتبته
و عارف هيتنشر فين
و عند مين
و عيب قوى
حركات العيال دى
اتق الله ف الناس
و متعملش مشاكل بينهم و بين بعض
و تقعد تستمع بلفرجة ع الحرايق المشتعله و انا فاهمة قصدك كويس
و يسعدنى انى اخذلك
و افوت عليك الفرصة دى
كمان المرة دى


يا ريت تشلنى من حساباتك
و متجيش هنا تانى

و من غير سلام

قصة جديدة من نوعها بجد

مكونتش أعرف إن عندك الموهبة دى

بس بجد جامدة جدااا

عجبتنى أوى

إكتشفت أن الجميلات يجدن من يحميهن غالبا
اما العاديات فلا احد يلتفت او يتصور إنهن فى مرمى النيران

بس كنت عايزة أعرف إللى حصل فى الآخر بعد ما عيطت .. يعنى خير ولا روحت على بيت أبوها

و الله انا مش بزن خالص بالص
عارفة ان الاصطباحات يوم الاثنين
المهم
فين بوست توقيع كتاب مايكل ؟

بوست جديد بقى
علشان نعرف نعلق البوسات و الاحضان براحتنا :-))

أم .. بوبة
----------

شكرا يا حبيبتى

و حقيقى دا رأيى الخاص
ان البنات لما تكون جمالها ملفت الاهل بينتبهوا لا شعوريا كدا و بيحاذروا جدا بينما لو عندهم بنت متوسطة او قليلة الجمال او حتى منعدمة الجمال خالص مبيهتموش او بيتصورا انها مش عرضة للأذى و دا تفكير خاطىء و لازم يتبصله بشكل مختلف

زى ان البنت بس بيتم التحرش بيها بينما الولاد كمان معرضين لذلك

لأ
باقى القصة معرفش الحقيقة
بس اتمنى زى التعليقات ما بتقول انه يتفهم و يداوى

انا تركيزى كان على تصاعد المسألة واحدة واحدة لحد ما توصل لأصعب لحظة و اللى المفروض تكون الطبيعية و بقت بسبب اللى فات مش طبيعية خالص

تحياتى ليكى و بوسة لبوبة العسولة



wanda
-----

انا مروحتش حفل توقيه مايكل للأسف يا وندا ...معنديش للأسف أى تغطية

و مليش مزاج أكتب أى حاجة دلوقتى
فمعلش استحملى البوست دا شوية لغاية ما الاقى حاجة اقولها
بوسة و حضونات يا ونداتى




الاخت أو الاخ الغير معرف
---------------------

شكرا على العرض الكريم

بس انا بعتذر عن عدم قبوله

و شكراً

ازيك يافتوما
بعد رحلتي القصيرة رجعت في كلامي
وعملت مدونة جديدة
اتمني تشرفيني
http://samtelghrob.blogspot.com
اه كنت هانسي
هابي فالنتين

السلام عليكم

بادئ ذي بدء من طريقة كتابتك خلصت لأنك في الغالب باحثة اجتماعية تتميز بأسلوب راقي في الكتابه

وربما يكون ما وصلت اليه خاطئ ولكن السبب في ظني اسلوبك المميز

أذكر أنني يوما قرأت قصة مشابهه قد بعثت بها سيدة في السابعه والعشرين إلى الراحل عبد الوهاب مطاوع

وانها متزوجة منذ عامين ولازالت كما كأنها لم تتزوج

وتتحدث عن طيبة زوجها وتحمله ولكنها تخشى الذهاب لطبيب نفسي لأن كل من رشحهم زوجها رجال وحتى تخشى ان ترشح له امرأه كطبيبة

وكانت تحكي ان سبب عقدتها هو أخو أمها كما دعته في قصتها

فكانت تخشى اي شخص قريب او بعيد

المشكلة تتحمل جزء كبير منها الام في كلا القصتين لان ما الذي يعيق طفلة من ان تحكي لامها

هذا رأيي وشكرا

السلام عليكم

ممكن أتشرف بزيارة حضرتك لمدونتي الجديدة

قل هذه سبيلي .

رأي حضرتك محل إهتمام

شكرا

إن أنا فرحان
أتنطط و أصرخ
و أقول هيه
:-)))))))))))

اصلك على الاقل غيرتى الاصطبحات
لاشعار
غلسة انا مش كده
:-********************************

و الاغنية كمان ؟ ارجع اسمعها ؟
:-XXXXXXXXXXXXXXXXXXXXXXXXXXXXXXXx

فاتيما ...

بجد انا قريت ومش عارفه اعلق خالص ...

بجد فى رعشه بجسمى كله ...

كله الا ان الواحد يفقد الامان ...

وبجد الحاجات اللى بتحصل فى بدايه عمرنا واحنا صغيرين هى اللى بتأثر فينا وبتعلم اوى وبيبقى صعب الواحد يمحيها ...

بجد تسلمى حبيت اسلوبك فى السرد اوى
لانى عشت معاه بجد
... ;) ,,, ;) ...

صباح الاغانى
وش مكسوف
شكرا على عدم تمليص الودان :-))
معلش اتاخرت اصلى عديت اصبح على بوبو
و ربنا يسمنى الاخبار الحلوة بسرعة
و اتخيت فى الشغل على طول
اهو بشرب الشاى و هدنة شوية
قولت اخبط و اصبح و راجعة ثانى :-)))

:-*********************************
معلش التعليق اتبعت بسرعة مستنانيش :-)))
:-XXXXXXXXXXXXXXXXXXXXXXXXXXXXXX

إرسال تعليق