.

.

احب من الإسماء  

Posted by: فاتيما in ,



ازيييييكم يا غجر
وحشتونى
يلا
كله يطلع ورقة و قلم ويقطع ورقة من نص الكوراسة و يسطرها
فى اقل من تمن دقيقة
و يكتب ورايا اللى هقوله من غير ما اسمع حس و لا نفس

فى نص الصفحة
اختبااااااااار الشهر
تحت منه ع اليمين ...من اول السطر
أجب عن السؤال الآتى



اللى لقى دلع و متدلعشى ... يبقى إيه؟؟


1- يبقى حرام عليه و ع النار حدف

2- يبقى عاوز ينضرب بالفلكة

3- يبقى سماوى و عنده جينات نكد متاصلة




ملهاش سبب رابع أصله
عشان الحنية دى محدش بيشتريها
و لا يلاقيها بسهولة فى سكته

قوم لما تنوجد ... يهرب منها ليه
إلا لو كان واحد من التلاتة اللى فوق دول ؟؟؟


و اختكو فاتيما من ساعة ما عملت المدونة دى الصراحة
و هيا غرقانة دلع مشافتوش طول عمرها
سواء لفظا او فعلا
و النهاردة تحديدا ً هتكلم عن لفظاً دى على وجه الخصوص

لأنى طول عمرى لحد سنتين فاتوا
كان اسمى وقت الروقان بيتغير لفطمطم و طماطم .. بس
بينما الأسم التانى أمل ... كان اقصى حدوده امولة و ميمى
و غالبا مبيتقالوش غير ف المناسبات

ومحدش دلعنى غير صديقات العمر و كان ذلك منتهى املى

لحد ما عملت المدونة دى
و ربنا بصراحة عوضنى عن كل ال37 سنة اللى فاتوا
نوبة واحدة

مبدئياً ظهرلى اسم جديد نوووفى ... فاتيما
اللى فى حد ذاته دلع لوحده

و اكتشفت ان اسمى له ألف تصريف و تصريف لغوى
مكنتش متخيلهم


بدءاَ من بطة
لبطوطة
لفطماطيمو لفطومى
لفطومة لفطوطى لتيما
لتوما لفافى لأبو الطماطيم لطمطماية
لبطبط لبطوطى لفاتى لفتفوتة

لتوتة لتمتم لتمتومة
و بالبورسعيدى ..أطم
و أخيراااا طمطوم وطمطومى


يا خراااااااااااشى


مش بس التصاريف ... دنا كمان حصلت على صلات قربى
بتنادى بيها بناء على ان اصحابها شافونى كدا
بالنسبالهم
لأنى ف قلوبهم كدا و اتشرف إن بقى
بيتقالى

يا امى
و ماما ومامى و ماماتى
و مامتى و ممتى و ام يوسف
و ام يسوفة و ام سوفة
و ابنتى الغالية و أختى
و طنط و خالتى
و بنت خالى


و خلاص مش فاضلى من الالقاب غير تيتة
و ان شاء يحصل عن قريب لما بسكوتة تلاقى ابن الحلال
و تتجوز و اشيل عيالها يا رب

و عادل كمان اللى مضرب عن الجواز ومسيره يفك هذوها الإضراب يوماً ما


مش بس كدا ..انا لقيت ف التدوين
اخوات رجالة و اخوات بنات
و صديقات و اصدقاء لا حصر لهم و لا عدد

لما قعدت افكر كدا مع نفسى ...اكتشفت حاجة
انى من اول ما بقى فيه تواصل بينى و بين اى مدون
بيدخل هنا و يعلق و اروح ازوره

انى لازم بديله لقب من تأليفى و خاص بيا غالبا


لأنى بشوفه كدا وقتها .... و غالبا النظرة دى
مبتتغيرش بمرور الوقت و الحمدلله

مبحبش اندهم و اعلق عندهم غير لما ادلعهم
على طريقتى

و اناديهم بشكل تانى غير المعتاد


العالم الجميل بتاعى ...على وسعه انقسم فى الدلع لشوية تقسيمات


الله !!!
سايبن الأقلام و باصنلى كدا ليه؟؟
سطروا جدوال و اكتبوا ورايا


احباب اساميهم حسب درجة القرابة ... زى
-------------------------------------

بابا ... أبو خالد
ياغالى على ماما ...عادل البلد دى فيها حكومة

عيون ماما ...بسكوتة
مرمر الطعامة حبيبة ماما ....لماضة
اخويا الغااالى ... خالد همس الاحباب
ابن اختى ... أنس صاحب المضيفة
ابن عمتى ...وليد هى و ظروفها
عمى ...عم صلاح فشكووول
أستاذى .... استاذنا عبدالجليل


احباب أساميهم شبههم و بزودله حرف الانتماء لقلبى ...زى
------------------------------------------------

بت خيخة ... خوختى
واحدة مفروسة ...فروستى
سبهللة ...سبهللولتى
راجى عفو الله ...طائرى الحزين
يوسف ... يسوفتى
doba ... دوبى
داليا ماى كورنر... دودى
شفقة و احسان ...شفشوقتى
خمسة فضفضة ...فضفوضتى
آيوشة ..آيوشتى
ابن حجر العسقلانى ...عسقولى(حقوق الملكية لخيخة)
حفصة و العالم ...حفوصتى
نعكشة ...نعكوشتى
لماضة ...لموضتى

سحر المفقوعة مرارتها ...سحورتى
صبرنى يا رب ...صبصوبتى
ستيتة حسب الله الحمش ...ستوتى
كاميليا ... كاميليتى
سمكة واحدة ...سموكتى
منووووش ...منوشتى

حاسوبية ...حاسوبتى
ربة السيف و القلم شمس ... شموستى
بعبعة بلوجرية ...بعبوعتى
wanda...ونداتى


أحباب أساميهم تصريفة من مدوناتهم ... زى
--------------------------------------
يوسف .... روح قلب ماما
وليد كنج توت ...راعى الملك
هبة بوبو .... بوبو بوبى
ستيتة حسب الله الحمش.. ست السوتيتات(حقوق الملكية لرانيا القدر و انا)
wish i were abutterfly... يا من غير ما توشى بترفلاية رقيقة صغننة
رئيس جمهورية نفسى ... يا ريس
حازم شلبى ... عصفور أرقه الحنين
سنوهى ...الآت من عالم بعيد
حسن أرابيسك ... يا فنان يا كبير
أحمد كمال ..صاحب الرحايا و المرايا
amr...لأنك فعلا طيب
ليساندرا ...الرقة متجسدة
المعتصم مش عارف ...زعيم الآبر ايجيبت(حقوق الملكية لستيتة)
داليا قوس قزح ... يا الوان السما السبعة
ضد التيار ...ضدضودة
سكرة ...حتة سكر تحلى المحيطات
محمد مهندس مصرى ...اجدع مهندس مصرى
صعبان عليا حالنا ...نورهانتى أنا
كيكى عووو ..كيكى كيكى انت صديكى
احمد سعيد .. اعقل نزلاء العنبر
دكتور حر ...دوك
مهرة و الحرافيش ...مهورة
آخر العنقود ... سكر معقود
زيانور ..ام الزاد و النور
مكسرات سيد سعد ...صاحب المكسرات
هدى رينبوبدال ما نطق يا ولا نضحك...سيدة الالوان
خواطر شابة ...خواطر حبيبتى
شمس النهار ... شمس نهارى
يوم جديد ... يم يم
احمد الصباغ ... صيابيغووو(حقوق الملكية لسووو)
حكايات فريدة ... يا فريدة فى نوعك
اميرة على كوكب ...اميرة على حق
عصفور المدينة ... صاحب اجمل زقزقات

احمد سلامة مستر كوفى ...اجمد فنجان قهوة ع النت
لجين أبو الدهب ... نهر الفضة الخالص
أحمد شقير ... صاحب الحكاوى



احباب اساميهم حسيتها مرتبطة بيهم و ببوستات كتبوها ... زى
------------------------------------------------

ميرا وومن امراءة بعقل رجل ... ميرا الاميرة ست البنات
مى بهاء ...ميومة البهية
ستيتة حسب الله الحمش ..س س يعنى ست الكل
دودا امتداد عقلى ...دودا هانم و ست الهوانم
شاهى مفيش حاجة ...قلب و طالعله بنى آدمة
بسمة bosbos ...بسبوسة
بدرية عبد الجواد ...بدرية بدارة بدورة
احمد الصباغ ...خال المخاليل
أم مالك ...يا غاااااالية
أيامنا الحلوة ...ميودة قاف ميم
ضياء بيوتفل مايند ...الخير فى ركابه
أحمد مبارك .. يا حنون و مبتحبش الجبنة
nigro... أبو قلب دهب
رندا ...فنارة القلوب
نبضات ...عرافتى الساحرة
شيماء سمير إحتمال ...يا عصفورتى يا صغيورتى
كيارا ...بنوتات عسولات
يا مراكبى ...يا نبع الحكمة
شيرين الكردى ... الشياكة النادرة فى الزمن دا
كريم بهى ...يا كريم ..يا بهى
انجى هات م الآخر ...شقاوة ع الآخر
ميمايا ... ميمايا البسكوتايا
محمد فؤاد عمود نور ...يا صاحب اجمل ضى
تسابيح .... د.زين الغالى
سهى زكى ... الطيوبة
كوكب آبى ... بيبى قمر التدوين كله



أحباب اساميهم ليها علاقة مباشرة بالشبه بيننا ...زى
------------------------------------------------

داليا أهو ده عيبه... تؤامى
محاسن صابر ...النص التانى لقلبى
reem...رقيقة الرقيقات ( حقوق الملكية لستيتة)
سالى حاجات جوايا .... ام دودو


أحباب اساميهم ليها علاقة باماكنهم اللى بيسكونها ...زى
------------------------------------------------

Hanooda..أحلى قمراية اسكندرانية
دودو عاشقة الرومانسية ...عروسة البحور
حنين القلب ...حنونة الجنية الإسكندرانية


احباب أساميهم مشتقة من حروف اسمهم ...زى
-------------------------------------------

صيدلانية طالعة نازلة علا ....لولاّ
أم بتول ...بوتى
عمر بيكا ...عمورة
سلوى رئيسة حزب الاحلام ...لولى
رانيا القدر و انا ... نانو
موناليزا .... مون مون
wanda ...ون ون
كوشيا...كوشكش
دريم فضفضة عالسريع ...دريمو
مصطفى ريان ...صفصف
دعاء مواجهات ...دودو

ياسمين فنانة مفروسة جدا ...يا سميناااا
شيماء onlyspot... مشمشة
شيما الشعب لابد له من حكومة تشكمه ...مشمش
شيماء سمير إحتمال ...مشموشتى
أحمد سكر ...احمد يا سكررررررررر
إيناس نهر الحب ....آنوس
حنان الشافعى ...نونا
يوسف ...يسوفاااااا
حرووف ...روفى
مى رحيق الورد ... ميوية
رنا بنت قلبى ...رنون
إيمان شخابيط ...إيمو
ابن حجر العسقلانى ...ابو العساقيل( حقوق الملكية لخيخة)
رحيل محاولات للبحث عنى ...رورو
d.r.wkrm...فوفاّ
سوما مجنونة فى بلد عاقل ... سوما سمسومة
حفيدة عرابى .... فيدووو


احباب دلعوا نفسيهم من بدرى و ريحونى الصراحة ... زى
-------------------------------------------------

بنوتة مصرية .... رودى
صلاح مسدس صغير ...صاصا

مها احسن تستاهل ...مهاميهوووو
اميرة كراكيب ..ميرو النيرو
نونو عاشقة النقاب ...نونو
عجوز و عندى 30...سوووو
قلب الحياة ... مادو80
ميمايا .. ميمى

بنجاواتى ... بنجا
wella... ويلا

كيكى عوووووو ...اظن واضح
مانمينو ...اظن واضح
بطوط حبوب ... أظن واضح برضو


فيه أحباب بقى ليهم اكتر من إسم و لقب ...زى
---------------------------------------

داليا قوس قزح
وش الخير - دوللى - عقل و قلب و جدعنة الدنيا
الوان السما السابعة - وش الفرح - ام هنا

دودو عاشقة الرومانسية
دودو - قطتى الحلوة - عروسة البحور - عروسة بحورى أنا


ستيتة حسب الله الحمش
ستوتة - ستوتى - سوتيتة - س س ست الكل - ست السوتيتات


بسكوتة

عيون ماما - بساكيتوووو - بسكوتى حبيبتى - بسكوتة بالفروالة
سفيرة الحب ف المدونات - بسكوتة البسكوتات

عادل
عادولة - دولا - ابنى العزيز الغالى - حبيب ماما - يا غالى على ماما
يا شقاوة - ابنى يا ناااااااااس

بت خيخة و اى كلام
خوخة - نونو - نوران - ام شيكو شريف شكشوكة - البت الخيخة
خوختى حبيبتى

يوسف
دوس هنا


احباب اتحيرت اندهم بأسامى رغم طول المعرفة و محبتى الكبيرة ليهم من قلبى
و معرفش ليه؟... زى

---------------------------------------------------------------

وليد عارفة مش عارف ليه؟- معتز هذه وجهة نظرى ببساطة - هانى نط ف الكوز
أحمد عبدالعدل -اسكندرانى أوى - محمود خايف من الحقيقة - رانيا القدر و انا
محمود الدوح - أحمد كيه - احمد بدراوى - أحمد مهنى - احمد البوهى - استاذ محمد
فاوست - ايناس لطفى - جنة - مروة زهرة الجنة - امانى بنت القمر- هند - جنى
فاروق يوميات طالب - الزهرة الحزينة جودى - احمد سمير و حبيبتى إيمان مصرى
و كل حد اسمه مش مكتوب فوق اكيد

و ساعدونا فى ايجاد اسماء ليهم تكسبوا فيا ثواب


ملحوظة اخيرة
انا عارفة مقدما أن البوست قد يبدو غريب عجيب ملوش مناسبة
بس اصلى رايقة الأيام دى و توابع عيد الحب لسه مستمرة
فقولت قبل ما تقلب بغم .. و بتقلب كالعاااااادة
اقولكم بقى انى بعزكم
بس بشكل غير مباشر و من غير ما تاخدو بالكو... خدتوش بالكو طبعا
و اقولكم كمان انى فرحانة بوجودى وسطيكم و بحبكم قوى
و لما كتبت من سنتين ... كلمة طبطبة فى خانة اترك تعليقك
.... يستهيألى إنى و الله اعلم كنت بشوف الغيب بقلبى
و قلبى مكدبشى عليا

ملحوظة كمان
بعض الأسامى هنا كنش ليا شرف اختيارها
لكن اعجابى بيها خلانى اقولها
و حقوق ملكيتها محفوظة لأصحابها بكل الود


و اخيرا سيبوا الأقلام
و لموا الورق
وكله ساقط
و ادى دقنى .... لو فلحتوا السنة دى يا غجر
و انا كنت عارفة من اول الحصة دى
إنها مش هتعدى على خير
و خليكو فاااااااااااكرين
أن اللى لقى دلع و ميدلعشى ...أنا اول واحدة هتيجى تضربه



أحب من الأسماء
ما شابه اسمها
ووافقه أو كان منه مدانيا

أعد الليالى ليلة بعد ليلة
و قد عشت دهرا
لا أعد الليالى
فيروز

This entry was posted on الثلاثاء, فبراير 16, 2010 and is filed under , . You can leave a response and follow any responses to this entry through the .

87 كــــلام بيطــبطـــب عـــلى قــــلبى و روحــــى

ايوة ايوة
انا اموت فى الدلع
يعنى عليكى يا فطوم
معايا فى الخط
بوست فى الجون
بلاها نكد بقى

لسه بقراء الاخبار لقيتك كاتبة بوست دلع جديد
مقبولة ون ون (اصلى شغال بون طول الوقت :-)))
بس حلوة الياء الملكية ديه

المهم
الحقى انفخى بالالبلونات
صبرنى عندها عيد ميلاد

اما بخصوص الاصطبحات خدى الثلاثة دول
صباح التستيف
اكيد كان عندهم امل يرجع :-(( هئ هئ فقدوا الامل ياعينى

صباح البجاحة
عجبتنى قوى اولاده الى استنوا لحد مالفيلا بقت بمليون :-))) مكنوش عايزين يوفروا :-)))

صباح المجالس و الدراسات
الا موضوع الضرب
لا انا منضربش و لو انضربت مسكتش و لو سكت مبفوتش :-))))
تعرفى الوالدة باشا مرة من خبر
واحد ضابط رن مراته الحامل علقة و بعد كده رماها من البلكونة و قال ايه وقعت و هى بتبص
راح بصالى وو فالتلى بنت يا وندا لو مد جوزه (اعتبارا ساعتها للمستقبل الاسود) ايده عليكى انت تلمى هدومك و تجيلنا و لا اقولك سيب الهدوم انزلى و تعالى هنا
مترديش عليه و تعملى فيها جدعة :-)))))))))))))))))))))))))
فكرانى بلعب كراتية
اناا كل خبرتى فى الضرب
اخويا زمان كان بيهرينى لحد معرفت يا اهرب يا ارد عليه يا استحمل و ماقولش اى :-))))))))))))))

يالله ورايا بالبلالين

أى حد اسمه مش مكتوب فوق
طبعا أى حد ده هو أنا, مش كده؟

ماما فاتيما :)
ربنا يسعد كل ايامك يارب و تبقى حياتك كلها حب فى الله و لله ،،، المدونة هنا من المدونات القليلة جداً اللى بتفكرنى بلمة العيلة زمان ،،، الواحد يغييييب و يرجع يلاقى كل الناس متجمعة بكل الود
ربنا يديم على حضرتك نعمة حب الناس ليكى و حبك ليهم لأن بقى قليل أوى على فكرة اللى بيفكر أصلاً فى الحاجات دى
،،،،
تقديرى

انا اسمى مكتوب
طيييييييييب

وش واحدة مبتسمة


انا بحب اناديلك طمطومة
وبحب لما نيجرو يقولك يا ابو الطماطيم

ربنا يسعدك دايما يا فطمطم
وتتدلعى دايما


هو انا ينفع اضيف اسم على الاسامى اللى انتى كتباها؟

انا عايزة اضيف اسم صغنونى اللى بنادى بيه اخويا نيجرو حبيب قلبي

واسم بتنجانتى على ابى هانم


ملحوظة خيخية
ابو العساقيل دى برضه حقوق ملكيتها ليا



سلام
اختك خيخة

هههههههههههههههه

بسم الله الرجمن الرحيم الاجابة عبد الرحمن ابو زهرة ههههههههههههه

لابجد اولا يارب يجعل كل اوقاتك فرح ومنورة ديما بيوسف وربنا يجعله ليكى سند وقوة وفرحة مدى العمر يااااارب
ثانيا فعلا اللى يلاقى دلع وميدلعش يبقى مستنسخ من بزرة الاكتئاب او زى ما بقولك عليهم كتلة كائبة وغلسة متحركة
ملاحظة كان فاضلك اسم فى التصريفات وتكسبى مجمع اللغة العربية هدية
هههههههههههههههه مش خمسة وسبعين قرش الفوس بقت نادرة الفترة دى
بجد جميل جدا فكرة البوست دا
ربنا يجعل كا اوقاتك فرح ديما يارب ويعوض صبرك خير ويفرحك ديمااااااا بكل من تحبى
دمتِ يارب بكل حب و ود وفى رعاية وحفظ الله دائما يارب

يافاتيمااااااا
ياعم يارايق يامزاجو العالى
ع الصبح
!!!!!
قاعدتى قد ايه ف البوست دة اكيد بيته من عيد الحب فى ؟؟
وماشى ياعم عااااااااااادل
مكتوبلك ياعم**وش لى اربع عيون
زمان فاتيما بتخمس فى وشى
**ربنا يروووووووووووق بالك دايما يارب ويسعدك

بنت خالي العزيزه

بعد التحيه

اولا كونك تفتكري

الناس دي كولها

لأ وايه

واسمي مكتوب كمان

يبقي بجد انتي انسانه طيبه

وحبوبه اوي يا بطوط

اجابتي علي سؤالك

مختلفه شويه

ان الللي يلاقي دلع
وميدلعش

بكره يندم
لما يفوت الأوان
وهو ساعتها اللي
هيضرب نفسه
بأقدم حزمه
فاكره قباب النمرود
هو ده

يا بطوط
انا واحد من الناس
لقيت في العالم التدويني
ودخلته اهرب من واقع
مبقاش حلو
قلت بما اني مش هعرف اهاجر
ومش هتيجيلي اعاره حتي لمالطا
ادور علي بلد
ارتاح فيها
واحس شويه بلأداميه
اصل الواقع
بقي وحش اوي يا فاطما
كويسه اجابتي ولا
هسقط برده
هنا
مستني نتيجه الأمتحان
بس لو هيئه الرياسه
لقت اجابتي غلط
ياريت تحطيلي درجات رأفه
يمكن تنفع وانجح

سيدي يا سيدي على الدلع
:)

على فكرة أغنية أحب من الأسماء بتاعة فيروز هي من أغانيا المفضلة

طبعا الى يلاقى دلعغ وما يدلعش ربنا ها يحاسبة أنه فرط فى نعمة أعطاها له ومش عرف قيمتها ، ربنا يهنيكى و يارب دايما على طول فرحانة وفى حالة الحب و الدلع دة .

الله على البوست العسول يا فاتيما

ربنا يكتر احبابك يارب ويدلعوكى وتدلعيهم على طول

اصلا مين اللى يعرف فاتيما ومش يدلعها ؟ مش هايقدر لازم هايدلع

ميرسي ياقمر انك مش نسيانى والرقة دى انتى والله وستوتة كمان

ويارب مودك كدا رايق على طول على طول

هو عيد الحب بيروق كدا يا طمطم ؟

يارب ايامك يا فاتيما كلها حب

على فكرة انا كل يوم بحبك اكتر وبحترمك اكتر وبعرف اد ايه انتى حساسة اكتر

ماما
امي
مامتي
امي يانااااااااااااس
اجمل و احلي ام
صباحك ثكر ثنترافيش

توما
مع انك مش عاملة حسابي في الحفلة دي
لكن انتي عارفة معزتك عندي
بوست جميل

نكمل الاصطبحات

صباح النقابات
يبقى اختاروه الصحفين الى مبيكتبوش حاجة :-)) فى الجرانين
ايوه فيه موظفين بدرجة صحفى :-)

صباح التخاريف
محمد فوزى حيجبهالك متزعليش بس
:-)))

صباح التواجد على صفحات الجرايد بأى هجص
:-)) مواضيع الكرة انا بتزنق فيها
حد يساعدنى يا جماعة :-))

----------------------------
كنت عايزلك للناس الى ملهمش دلع
خذى عندك الى عادوا عليا

وليد عارفة معرفش ليه --وليد القصاص - "قيس" تنفع :-)))

هانى نط فى الكوز -- جدو هانى -
خليها "جدو" :-))) ماهو الى واكل الشهرة اليومين دول :-)))

محمود الدوح -- محمود شجرة - "دوحه ":-))))

ممنوع الزعل :-)))

احم احم
ياساتر
ممكن أقول حاجة مع ان اسمى مش مكتوب


هو اللى ميلاقيش دلع يعمل ايه؟



اسم صغنونى اللى خيخة بتنادى بيه نيجرو باشا
هو اللى خلانى اتابع مدونته
حسستنى من غير حتى ماأقرا ليه ولا كلمة
انه أخويا الصغير
مش صغننونى :)



انا اول مرة اعرف من مهندس مصرى
ان أحب من الاسماء اغنية لفيروز
انا عارفة انها قصيدةوبس
اسمها المؤنسة
لقيس بن الملوح
والابيات دى من أرقها وأعذبها

أحب من الاسماء ماوافق اسمها
او أشبهه أو كان منه مدانيا
خليلى ليلى أقرب الحاج والمنى
فمن لى بليلى
او فمن ذا لها بي


الكتاب اسمه أحلى عشرين قصيدةحب فى الشعر العربى لفاروق شوشة
واكتر من رائع

ازيك يا فاتميا يا جميله
انا ورت على اسمي في القائمه بس مالاقتنيش .. يلا مش مشكله يبقى ليا عندك اسم بقى
ههههههههههههههه
بس بجد يا فاتميا انت من اكتر الشخصيات اللي قابلتهم في التدوين وحبتهم واستريحت لهم ساعان ببقي بس عايز ابص لوشك من غير مااقولك اي شيئ بحس فيه بسكون ورضا وبراءه وطيبه وشقاوة اي نعم انت مش بتطلعيها كتير بس هي بتكون واضحه قوى
وطبعا اللي يلاقي الدلع ومايدلعش يستاهل كل اللي يجري له
بس والنبي بلاش تفضلى تتدلعى في ميرا كده علشان نعرف نكلمها بعد كده لما تقولي لها اميره الاميرات والحاجات دي مش هنعرف نتكلم معاها بعد كده يا فاتميا يا ااختى
بس انا اول مرة اعرف ان اسمك امل
عارفه الاسمين حلوين بس طبعا انا بحب فاتيما اكتر
تحياتى ومحبتى ليكي يا صديقتى العزيزة والجميله

مامتي حبيبتي يا احلى ماما
ياللي وجودك في دنيتي احلى هدية
ياللي سؤالك عليا بينور قلبي اول ما تشوفه عنيا
ياللي اي لقب هتقوليه هيبقا احلى دلع في الدنيا
انتى يا مامتى تستاهلي كل الدلع وكل الحب وكل الحنية
ببساطة لانك بتعرفي تحبي بجد
ازاي بقا اللى يحب بجد ما يتحبش ومايتدلعش بحب

ربنا ينور دنيتك دايما ياماما زي ما نورتي قلبي بحبك


وحشتيني
بحبك
بسكوتك

ممتي ازيك كل حب وانتي في احسن حال وروقان بال :)


اسمي موجود هيهيهيهيهيه


قعدت افتكر واعصر في دماغي علي اسم امل
افتكرت يوم اول لقاء وسببة


بوست لذيذ وبيعمل ريفريش للعلاقات البلوجرية

دمتي بخير

اللى لقى دلع و متدلعشى ... يبقى إيه؟؟

يستاهل اللى بجرى له

حفيدة عرابي
============
هي بتغني الأبيات التالية من القصيدة

أحب من الأسماء ما شابه اسمها و قاربه او كان منه مدانيا
أعد الليالي ليلة بعد ليلة و قد عشت دهراً لا أعد اللياليَ
فيارب خلي الحب بيني و بينها يكون كفافاً لا عليَ و لا ليَ
و قد يجمع الله الشتيتين بعدما يظنان كل الظن أن لا تلاقيَ

:)

بعد اذن حضرتك


مهندس مصرى
---------

انا قلت أرد لحضرتك شويةمن جمايلك
وخصوصا الكتب
لكن الظاهر مفيش فايدة:)

wanda
-----
ازيك يا ون ون

بصى الناس الحلوة اللى انا مش لاقيلها اسامى دلع دى عزاز عليا جدا بس متفهميش ليه ؟؟؟

بس بحبهم جداااا و هما عارفين اكيد

انا هسيبها للوقت و هلاقى لوحدى حاجة تيجى على قلبى و بالى اقولها أكيد

محدش ييجى عندى و يزعل
الناس هنا كلها قلبها أبيض

***************
و ××××××××××××××××××
و كل سنة و صبصوبتى بخير يا رب


أبوحميد
------
لأ مش انت يعنى بس يا باشمهندس

و بعدين انت هيتفصلك لقب قريب إن شاء الله بس نتعرف بيك أكتر

مستعجل على إيه بس؟




أحمد عبدالعدل
------------
ازيك يا دكتور
انت دايما كدا رافع معنوياتى و بتقول كلام طيب زيك
و انا كفاية عليا اول كلمتين دول
منتحرمشى منك




بت خيخة و أى كلام
----------------
طبعا اسمك مكتوب يا خيخة
مينفعش بوست زى دا ينكتب من غير أسمك فيه ... تأكدى من ذلك يا نونو

بالنوسبة لطلباتك
فمش هينفع سعادتك .. ليه؟
عشان الدور عليكى
انك تكتبى قايمة خاصة بيكى و نشوف الاسامى عندى و عندك
قوم كل حد مشترك بيننا و بنحبه
يتدلع عندى و عندك

بوسيلى شيكو



thunder
-------

شكرا يا ثندر
كلك ذوق

و الحقيقة انا عندى افكار تانية تلمنا و تضمنا برضو كمدونين و البقية تأتى إن شاء الله

تحياتى ليك و اخجلتمونا بدعائك الطيب




كيكى عووووو
------------

بت يا كيكى
ملكيش دعوة بعدولة
دا البكرى يا بنتى و لقينا بعض بعد عمر طويل سيبنى أدلعه بالسنين اللى فاتت .. و البوست خد منى حوالى تلات ساعات متفركة بس الفكرة ف دماغى بقالها فترة
و وحشتينى قوى بقى



هى و ظروفها
-----------

اجابتك توجع يا وليد

بس يا ابن عمتى
انت اخترت مكان مش غلط
و إن شاء الله يعوضك ..
زى ما عوضنى خير و أكتر
لأن العالم دا مليان ناس حلوة قوى
و محترمة قوى ...بجد

و الاجابة شغالة
بس برضو كله ساقط يا غجر

انتوا عاوزين تتدلعوا
و كمان تنجحوا ؟!!!

ايه الطمع دا !!!!

مهندس مصرى
----------

يا اجدع مهندس فى الدنيا

اللى يحب فيروز انا اشيله ف قلبى علطول
ايش حال لما يكون أخويا بقى يا محمد
زيك

و انت بتكتب الأبيات لحفيدة عرابى
افتكرت العروسة ...و ابتسمت قوى
و وقلت يا رب يجمع ما بينكم فى الخير عن قريب يا رب
إن شاء الله ...هانت




أم بتول
-------
منحرمشى يا بوتى
حد يعرفكوا و ميبقاش مبسوط؟؟؟






reem
-----
بصراحة يا ريم ملقتكش وصف يليق عليكى ادق من وصف ستيتة
انتى حتة بونبونية يا بنتى
و عسولة
و رقيقة
و عيد ميلادك نفس عيد ميلادى
قوم انا اتمحك فى رقتك دى و اقول انك شبههى ...شوفتى بقى ؟

و مش عيد الحب بس يا حبيبتى
أصل العيد بيخلص ...
بس انا بفضل بحبكو برضو

بوسيلى القمرات بتوعك







adel
-----
ربنا ما يحرمنى منك
يا غالى على ماما

بلاش قر يا كيكى ى ى




mano
-----
معلش يا مانو
هلاقيلك اسم قريب أكيد
بس تعرف ان توما دى كمان جديدة
لما احطها فى التصريفات بقى

نورتنى بجد



حفيدة عرابى
----------


اللى ميلقيش دلع يعمل ايه؟؟

يدور عليه يا فيدو

شفتى ؟

لقيتك أسم دلع أهو ..طلع لوحده
خلاص هحطك فى القايمة حالااااااااااا

دا لينك الغنوة بتاعة فيروز
http://www.6rb.com/songs/8629.html

و محمد اخلاق أصلا طول عمره
و راجل ذواق لكل شىء جميل

نورتينى يا فيدووو




mostafa rayan
-------------

يا خراشى يا مصطفى عندى الغلطة دى
طب دنتا ليك اسم دلع ...صفصف

انا بس اتحولت عشان الأسامى كتيييير معلش
صلحنا الموقف و اسمك انضاف خلاص أهو

و مالك و مال ست البنات بس
خليها تتدلع زى ما هى عايزة احنا عندنا كام ميرا بس ؟؟

ايوه عندى اسم تانى بيندهونى بيه ف البيت لأنى وقت ولادتى كانت غنوة ام كلثوم امل حياتى لسه طالعة و الناس بيسموا بناتهم على اسمها
جت جدتى الله يرحمها و ربنا افتكرها قبل ولادتى بشوية فسمونى على اسمها
و بقيت بسخصيتين امل ف البيت و فاطمة ف المدرسة و الكلية و الشغل

منحرمشى منك يا صفصف
انت كمان حد طيب قوى




Baskouta
--------

و انتى بسكوتى حبيبتى
و عيونى يا حبيبتى

منحرمشى منك أبداااا
و عقبال ما أشيل عيالك
و يقولولى يا تيتا و كدا
لن اقبل أقل من هذوها اللقب أصله
دنا ما هصدق أشاساً





حرروف
-----
و انتى بألف خير يا روفى

طبعا اسمك موجود يا حبيبتى
و فعلا انا كل شوية ابص كدا ...الاقى حاجات حلوة كتير بتجمعنى بيكم و بلاقى فكرة بوست جت ف دماغى علطول

و فين ممتى الحلوة بتاعتك؟؟؟





العيسوى الصغير
-------------

مش كدا ؟

نورتنى

طيب ممكن أقول حاجة كمان
أنا كمان بعتبر مهندس مصرى
أخويا الصغير سنا
لكن الكبير عقلا وحكمة
حاجةكمان
أنا كمان أفتكرت العروسة لما كتب الابيات
ربنا يتمم له بخير:)

بس انا خفت أقول كده علشان مايزعلش

شكرا جزيلا على لنك الغنوة
وعلى الدلع بتاعى
لا بس شطورة
فيدوو
أصل حفيدةعرابى صعبة قوى على الدلع:)

حفيدة عرابى
----------

ليه يا فيدووو ؟

محمد اخلاق و عارف اننا زى اخواته البنات وبنحترمه و بنعزه
و بنتمناله الخير

ربنا يسعده يا رب

و عقبااااااالك

حفيدة عرابى
---------

العفو يا حبيبتى

واى حاجة ليها علاقة بفيروز
تعاليلى علطول

و الدلع طلع لوحده بصراحة
تلقائى كدا
انتى قرفتك حلوة يا ستى

:)

أنا متأكدة من أخلاقه
بس علشان أنا واثقةمن صفة الحياء
الموجوده فيه
انا خفت يزعل انى بتكلم فى الموضوع ده


انا كده كل شويةهاكتب تعليق
علشان أشوف كلمة فيدو

يبقى انا مضطرةدلوقت أفكر فى إجابة السؤال


الله يخليك ياجميل
عقبال ماتفرحى بيوسف
اللهم امين

حفيدة عرابى
----------

يا حبيبتى منا بقصد بأنه اخلاق

يعنى عارف غلاوته عندنا

و اننا مش ناويين نكسفه و نغلس عليه

دحنا فرحانينله زى اخونا

و متجاوبيش ع السؤال عشان كله هيسقط برضو و متحاولوش خلاص تربست معايا


و فيدو
فيدوو
فيدووو
أهو و لا يهمك

معلش على الرغى بتاعى
بس لما أسقط مش تقولى لحدمن العيال فى المدرسة
دى تبقى حكاية :)

ربنا يفرح قلبك دايما
مجردكلامى معاك عبر الكيبورد
رسم إبتسامة كبيرة جدا على وشى وفى قلبى

مش عارفة أعمل البوسات والحضونات اللى واندا بتعملها
اعتبرينى كتبتها :)

حفيدة عرابى
----------

لأ خلاص يا فيدو
هديكى استثناء عشان كفاية عليكوا امتحانات الكادر يا ماما

و انا كمان مبسوطة بيكى قوى

بوسات و حضونات
انا كمان يا حبيبتى

أنا هووون ^_^
وحشااااني جدا موت خالص قوي ياطمطومتي ياجميلة
طبعا انا ناجحة ف الامتحان ده و من الاوائل كمان صح صح ^_^
بوسة كبيرة ليك ياعسلاية انتي
‏^‏_^

ممتي حببتي انا قيلاها ف الكومنت ازاي مش اقولها قلت ممتي ازيك اول كلمة قيلاها :)

sweet violet
-----------
ضدضودااااااا

النت اتصلح خلاص؟؟؟

طب هايل
و انتى بالذات
هتعدى من غير استمحانات خالث

كفاية تبربشيلى يعوينك الناعسة الحلوة دى و انا انهارعاتيفيا علطول

عيييييييب
انا يخلصنى؟؟

انتى تنزلى تلعبى ف الحوش
لحد ما العيال دى كلها
تنضرب كمان

و بعدين تروحى

بوسة و حضونات ليكى يا حبيبتى





حرروف
-----

ايوه صحيح ؟

معلش يا روفى
العتب ع نظر ممتك يا حبيبتى
ازاى مخدتش بالى ؟؟

منحرمشى منك
و لا من قرايتها خالص
خدى بالك من نفسك بقى

هيييييييه مافيش امتحان في لعب
ياهوووووو ^_^
ههههههههههههه انا عويناتي ناعسة ده انا دايما مستيقظة و نشيطة
^_^
بس ايه التفاؤل ده ياطمطومتي النت رجع مرة واحدة
و اكون مذلولة للموبايل شهر ونص بس O‎_O
ده حتي يبقي عيب ف حقهم يااخوتشي D:

إست فافي هانم

طب البوست يجنن ومن غير مناسبة
كفاية اننا كلنا في قلبك اللي شبه المساكن الشعبية
انتي كمان جوا قلبي ساكنة وقاعدة تحتسي النيسكافيه وحاطه رجل على رجل

انا بقى عندي مشكلة مطينة
انا اي حد احبه لازم ادلعه
معنديش تفاهم ابدا
ولد بنت شايب اللي احبه معرفش اناديه بأسمه
لازم ادلعه
وان مكنتش انت تدلعني مين ها يدلعني :)

اللي يلاقي الدلع وميتدلعش؟
على السجن على طول
اه ما هو ده متبتر
ومش ها يورد على جنة
وكده كده لازم يرتكب جريمة علشان يتسجن ويريحنا ويسيب لنا البني ادمين الطيبين اللي بيقدروا نعمة الحب

ربنا يخليكي وسطنا تفرحينا ويظل مودك عالي واحمر ومليان دباديب :)

تعرفي كلمة يطبطب على قلبي اللي انت كاتباها في التعليقات اهو ده حالي معاك النهاردة بوستك طبطب على قلبي
ربي يسعدك دائما وتفضلي على طول مزاجك رايق
دمت بكل ود ومحبة

اسمى اهو اسمى اهو اسمى اهو:)
هيغمن عليا من الفرحه,,
طمطم افتكرتنى لالالالالالالالالا دا كتير عليا,,
لالالالالالا دا كده انا دخلت التاريخ :)

وماشاء الله,يعنى الله اكبر افتكرتى دول كلهم ههههههههههه مش بحسد بنق بس:))

بالنسبه لسؤالك؟ هو يباه ال 3 مع بعض,,
اصل الدلع دا نعمه واللى يلاقيه وميدلعش يعمى :)),,كما يقالى فى احد الامثال:)

اللى يلاقى الدلع و مايدلعش يبقى انتى يا هانم
كذا مره اقولك تحبى ادلعك الساعه كام و انتى مترديش عليا
هههههههههههههههههههه
مش عارفه خجل و لا دلع ستات
المهم انا حبيت اعرف الكل انى مش حارماكى من حاجه و برات ذمتى قدام الناس

انتى يا تيما تتحبى معرفش ليه و ازاى

انا مشفتش واحده الكل مسرسر معاها غيرك مسرسر يعنى قايلها اسرار
ده معناه ان الكل معتبرك امه
اخته الكبيره
صديقته المقربه
كاتمه اسراره
معرفش انا بقى
بس انتى كده فعلا و اكتر شويه

معنديش حاجه تانيه اقولها
بس ماليش مزاج امشى
واااااااادى قعده
هههههههههههههههه

ممكن واحد شاى بلبن و سندوتش جبنه بيضه

بحبك يا طماطم و عايزه حته على سندويتش الجبنه

اموووووووووووووه

انا شخصيا بانادى لك بـ بطه
وده انفراااد
مفيش حد يقولها غيرى
ومهما كان اسمك برضه بحبك
حتى و كان اسمك ست ابوها باعشقك برضه
هههههههههههههه
هاتى بوسه بقى
اموووووووووه

يا خبر على الدلع أنا كده محدش هيعرف يكلمنى بعد كده

فاتيما بحالها بتدلعنى وكتبت أسمى كمااااااااااااان

دى أكبر شهادة أعتز بيها يا روح قلبى

يا توما ياقمر هو انا اطول ابئا شبهك ؟

طيب انا اول ما عرفت اننا نفس تاريخ الميلاد كنت هاطير من الفرح

اصلى بجد وربنا يعلم بموت فيكى

وبحبك في الله محبة لا توصف

وميرسي على كل الدلع اللى بتدلعه منك
وبعدين انا كدا هاصدق انى رقيقة بجد
ربنا يخليكى ليا يارب ولنا كلنا

يا قمر التدوين وقلبه الحنون

ايه ده مش لاعبة معاكى وهمشى من هنا
زعلالانة ومقهورة وفتورة من العياط
نسيتينىىىى ده انا ميوية حبيبتك والمجتمع والناس
واهو كسرت القلم و قطعت الورقة عاااااااااااااااااااااا
ماشى يا ام يوسف هقول ليويو عليكى

ربنا يديم علبكى النعم وعليكوا جميعا

طبعا من اغلى النعم هى حب الناس والروح الحلوه

طيب واللى يغيير من الدلع وما عندهوش مدونه يعمل ايه؟؟؟؟؟؟؟؟؟

انت طيبه وتستاهلى كل خير وسهل قوى انك تدخلى قلوب الناس

يا اطيب واغلى فطومة
يا احلى أمل فى الدنيا
يا ام يوسف الغالية
بوست جميل جديد ممتع
فكرة من قلب صديق لقلوب الاصدقاء
انا عن نفسى سعيدة واستمتعت بيه جدا
ومكن تناتدينى ام شرفنطح
ويكون ليا الشرف لو ناديتينى بالاسم
المعروف بين كل الناس ( مامى نانو)
-- اما هانى فانا اقترح اسم المشاكس اللذيذ --
اييه رايك

ههههههههههههههههه
وحياه ربنا انتى رايقة وفاضية بس بجد بوست حلو انك تعدى تقولى دلع كل المدونين
هههههههههههههه بجد وربنا انتى حتة عسل
بما ان اسمى مش مكتوب احم احم فى البوست ماعلينابس هقوللك على دلعى

ولاء ..ويلا
..لولتى بحب دلع لولتى اوى
لولو بكره مش بحبة الدلع دة خالص
اوله بيضحكنى الدلع دة


انا بحب اقوللك ياخالتوا عشان انا بموووووووت فى خالتى
زى مابموت فيكى كدة ياعسل ربنا يحقللك كل امانيكى يارب

يا سلام يا سلام
مين بس اللى بيدلع مين؟؟؟
انتى اللى هاريانا دلع
ربنا مايحرمناش منك

ماشي يا فاتيما ماشي ماشي بس خلي بالك لو جت بقي الست ميرا واتغرت علينا بعد كده هيقى انت السبب بسبب دلعك ده وانت بقى ساعتها هتبقى ملزمه بحل المشكله يا حسن دي لما بتصدق
ههههههههههههه
ميرا طبعا بنوته قمورة وجدعه وتستاهل كل خير ماحدش يقدر يقول غير كده خصوصا هنا
تحياتى ومحبتى ليك يا جميله دايما وربنا يفرحك ويسعد قلبك بكل الخير

هيه هيه انا اسمي مكتووووووووووووب

يا جميل هو فى حد يشوف القمر وما يدلعوش

انت لازم تتدلع

ميرسي ليكى يا جميل وربنا يروق بالك يا جميل

صباح الخير
:-******************************
النهاردة يوم طوييييييييييييييييييييييل
عازين تموين اصطباحى معتبر و النبى
:-XXXXXXXXXXXXXXXXXXXXXXXXXXXXXXX

يارب دايما مبسوطة كده وفرحانة مروقة

خلاص بدلعك فطمطم حلو اوووى الدلع ده

واعتبرينى بنتك وده يشرفنى طبعا لو توافقى وانول الشرف ده

لوووووووووووووووولوى
اسمى مكتوب يا جدعان وطمطم بتدلعنى
ربنا يخليكى لينا يا قمر يا احلى طمطم
بجد انا مبسوطة اوى لانى حاسة بحالة انشكاح منك ونفسى تفضلى منشكحة كده ومبسوطة ومتفاءلة
ارمى وراء ضهرك مفيش حاجة تستاهل
وحشتينى واللهى يا طماطم
شفقة

فطوم صباح الخير معلش
على قطعتين برضه :-))
صباح التردد ع النيابات
حيطلع برئ فى الاخر و احنا الوحشين
عارفة عايزلة محامى زى عادل امام فى طيور الظلام بس من الناحية الكويسة
حيلاقيله فسفوسة كده مخدش باله منها و يوقعه فى شر اعماله
عارفة الموضوع غايظنى فى ايه.:-( بلاش
خلينى اتفرج هو انا حغير ايه بس بكلامى :-((

الشاطر ده
للاسف ملهمش صفة قضائية علشان يرفعوا عليه قضية :-((و القضية حتفشل :-((
اقولك نستنه اولمحامى يعدى علينا و نساله ؟؟
فيه حد معدى ؟؟

صباح الطاهريات
صح صح صح
بعد قرص كثير كبير من حد كان بيقولى بكلمك بصراحة
اكتشفت انى انا المش صريحة اغلب الوقت علشان مجرحش
و مش عايزة بعد ما يقولى كلامى يقولى الكلاشيهات الى كتبها ديه كلها اصلى ساعتها كل الكلام بيتمسح من جوايا لانى بحطها فى خانة التوجيع بالكلام و بس :-(((

صباح اللى كابسين على مراوحنا و لا يتزحزحون
حلوة حتة محضر ملفات للجميع :-))
برضه مفيش فايدة الزمن قلاب :-))اسمنتى

تيما تمتم
طماطم
ازيك يا قمرة
طبعا كلهم ساقطين بالتلاتة
دول يفرسوا اصلا يا بنتى و الله
بس سيبك انتى
انتى تستاهلى انك تدلعى يالثلث
و اللى مش يدلع يستاهل كل اللى يجراله
المهم ياقمرة
ربنا يجعل ايامك كلها توابع لعيد الحب
و يحبب الناس كلها فيكي و يحببك فيهم
و مش يفرسك منهم ابداااااااااااااا

تحياتي ليكي يا ام سوفة
يافاتيما يا طمطم يا طماطم


اه صحيح ايه حكاية أمل ديه؟؟؟

عتقد ان البوست الرايق الرقيق دا
يلخص ماهو التدوين
مش هاكتر فى الكلام بس هاقولك ان فعلا التدوين غير حياه ناس كتير فينا
واتمنى اتمنى ان التدوين يظل كما عهدناه خصوصا بعد كثره عدد المدونين الهائله
تحياتى ويارب دايما تكونى وسط اصحابك اللى بيحبوكى من التدوين ومن براه

بصى انا قتحة عينى بالعافية بس برضه اخلص التعليق و ارد على الباقين و بعدها خخخخخخخخخخخخخخخخخخخخخخخخخخخخخخخخ
:-)

صباح القلب الموجوع
خذت بالك من السن
الاولنية 28 و عندها بنت 7 سنين يعنى تقريبا اتجوزت على ال20، الثانية 20
و مش نادمانين تقريباالمشاعر ماتت من سنين، عيال تتقتل بالبرود ده :-((((((((((((( اه ياقلبى دا خبر موجع قوى

صباح السلامات
ده برضه موجع قوى :-(
حاسس كأنى كنت فى خناقة
و انضربت بجد
عارفة
انا نفسى أحضن حد
هى الدنيا برد
و لا انا اللى مش واخد بالى
:-((((

:-XXXXXXXXXXXXXXXXXXXXXXXXXXXXXXX

ممنونون لكم
عبد الجليل

sweet violet
------------

ايوه لما بتعملى غلبانة
عيونك الحلوة بتبقى ناعسة طوالى

و ايوه ربك لما يريد بيفرجها من عنده
يا رب اشوفك قريب بقى و هبقى اجيب الشال معايا
وش بيغمز




ستيتة حسب الله الحمش
-----------------

يا ست السوتيتات

يعنى ينفع الواحد يبقى محاط بكل هذا الكم من القلوب و الناس الجميلة اللى قاعدة تدلع فيا بقالها سنتين و انا مبقاش خلاص قربت جناحات من الفرحة و عاوزة اطير ؟؟؟

طب يعنى فعلا انا بسأل السؤال لروحى قبل منكم ...لما الاقى دلع و مدلعشى على كيف كيفى يبقى انا استاهل الضرب بقى و لا لأ ؟؟؟

منحرمشى منك يا س س
انا بعتلك ايميل يا ريت تقريه
و تردى علينا سريعااااااا
و شكرا لساعى البريد





خواطر شابة
----------

انتى فى بالى يا خواطر
و سبحان الله
و انا بكتب البوست و يا دوب مخلصاه
لقيت البوست بتاعك
فقولت اللهم اجعله خير
ربنا هيفرجها عليكى ان شاء الله
و الطبطبات متبادلة يا حبيبتى
و رايحة جاية أهو




الشعب لابد له من حكومة تشكمه
--------------------------

و هوه ينفع يا ست الحكومة
ننساكى برضو ؟؟؟
نتسحل علطول ..مش قدك احنا


وانتوا فى قلبى
علطول يا مشمش

و لسه عندى بوستات ف دماغى تانى

اصل يا حبيبتى اما بنعمة ربك فحدث

و محبتى ليكم نعمة تستحق الحديث
بلا انقطاع غن شاء الله

حلو قوى المثل دا اول مرة اسمعه

و يا ستى انا ناوية افضل مفتحة
و مفنجلة عيونى كمان

بوسة و حضونات كتيييييير





صيدلانية طالعة نازلة
-------------------

يا لهوى ؟؟

انا مش بدلع منكو ؟
و منك انتى بالذات ؟؟

طب يا بنتى دنا ساعات بتخض من دلعك دا خضضان مش بيروح بسهولة

انتى اصلك بتفكرينى بصديقة غالية عندى اسمعها عبير و جوزائية برضو

شبههك قوى ...بتغرقنى دلع و حب
و عمرها ما زعلت منى
و بحسها امى مش صاحبتى
و بموت فى عيالها برضو

انتو احتمال عشان جوزائيين
فحبكم بالضعف ؟!!!

جايز

اول مرة اسمع لفظ مسرسر دا
و كويس انك شرحتيه لأنى كنت هقعد عشر سنين عقبال ما افهمه لوحدى


يا جماعة ابقوا ادونى كورسات
شتيمة و الفاظ روشة
و بيئة و الحاجات دى
و باصولى مصطلحات شبيهة
كل شوية لحسن ببقى حاسة
انى زى اللى جاى من الفضاء
و منزنى وييييييييحش قوى


بحبك يا لولتى
بوسيلى الغزالون يهبلون و اخوها




عاشقة الرومانسية
----------------

ايوه يا دودو
بطة دى حصرياً ليكى
و محدش بيقولوهالى غيرك

بوسة و حضونات كتيييييييير
يا عروسة البحور
و قطتى





بسمة عبدالباسطbosbos
---------------------

طبعا يا بسبوستى
لازم تتدلعى يا حبيبتى
حد ميحبش البسبوسة المعروفة ببسمة الروح بوس بوس ؟!!

reem
----

بجد يا ريم انا من اول ثانية شوفتك جاية من بعيد حسيت انك حد طيب و حنون و مجامل و ذوق و مراعى للآخرين و الكلام دا كله معرفتش أختصره غير لما قريت وصف ستيتة ليكى بجملة رقيقة الرقيقات

صدقى عشان دى الحقيقة





مى
---

معلش يا ميوية

حقك عليا
سقط سهواااا و الله

هحطه حالاااا و متزعليش

مش قد زعل الميوية انا
خلاص ؟




Ashraf
-------

اهلا يا دكتور

ازى حضرتك
انا سعيدة جدا بزيارات حضرتك
و بتشرف بيها

و بعدين اللى عنده لولاّ
و دلعها و حنانها دا
احنا اللى المفروض نغير منه

ربنا يخليكم لبعض يا رب
و منتحرمشى من صحبة اسرتكم الجميلة
يا رب





القدر و أنا
------------

خلاص

حلو قوى نانو دا ...لايق عليكى على فكرة قوى
خلاص نحطك فى القايمة

هانى مينفعش معاه المشاكس
اصل المشاكسة نفسها ممكن تنجرح مشاعرها و تقعد تعيطلنا

هوه عايز لقب موصفاش و لا جاش فى اللغة ...و ربنا يسهل و نلاقى

نورتينى يا نانو




wella
------

من ناحية الروقان
الحمدلله رايقين و زى الفل

لولتى دا بتاع لولاّ علا صيدلانية طالعة نازلة و متدخليش الدلعات فى بعضيشها لو سمحتى ...خليها مع الناس اللى ريحونى من بدرى و دلعوا نفسيهم
ويلا حلو من غير حاجة

انا خالتك ؟؟
احنا نتشرف يا حبيبتى



mohra
-------

مهوووووووووورة

وحشتينى قوى

انا فرحانة قوى بتعليقك دا متتصوريش ازاى و يا ريتنى كتبته من بدرى

كنتى وحشانى و الحمدلله انك بخير
يا مهورتى





mostaf rayan
------------

ازيك يا مصطفى

متعرفش ميرا قافلة مدونتها ليه؟؟

لو عرفت حاجة يا ريت تطمنا عليها
ماشى؟

طييييييب

صبرنى يا رب
---------

طبعا يا صبصوبتى

كل سنة و انتى طيبة يا ست الستات
و كل سنة و مدونتك بخير يا رب
و انتى وسطينا منورنا
و نموذج حى و مشرف للست المصرية الأصيلة و اللى ساكنة القلوب كلها

و ان مكنش ندلع بعضيشنا
مين هيدلعنا يعنى ؟؟؟
بوسيلى العيال و سلامنا لأبوهم




star in the sky
---------------

يا أعلى نجمة فى السما

ازيك

ميرسى يا حبيبتى كلك ذوق

و انا بحس ان كل البناتيت اللى عرفتهم فى التدوين بناتى من غير حاجة
الف شكر ليكى على كلامك الحلو
و شعورك الاحلى دا
انتى خدتى لقب على فكرة ...اقرى اول سطر فى ردى كدا و انتى تعرفى !



شفقة و إحسان
-----------

أومال يا شفشوقتى لازم ندلعوكى يا شابة نقدروا منعملوش كدا ؟؟؟

انتى كمان يا حبيبتى وحشتينى
و اول ما نرسى على معاد لبورسعيد طبعا انتى و سى احسان افندى جايييين مفيهاش كلام دى

عيد حب سعيد عليكى
و كل ايامكو حب يا رب




wanda
------
زمانك دخلتى تنامى خلاص
طيب ..نوم العوافى يا ون ون


احساسك فى محله و العالم دى بتعرف تستف امورها و تطلع منها للأسف

و الحادثيتن دول وجعوا قلبى قوى قوى
بغض النظر عن المرتكبات للحادث و علاقتهم بالضحايا ...اللى واجعنى ان اللى انقتلوا اطفال صغيرة

ازاى حد مهما كان شره يقدم على جريمة بالشناعة دى ...طب مع حد كبير ماشى فيه غيظ و كره و غضب و انتقام ..
لكن الطفلة دى و هيا بتنقتل منبصش فى وشه و هوه مليان رعب و براءة ؟؟
ساعات اٍسال روحى ... الكبار تتعذب ماشى ...مقبولة جدا
لكن الاطفال ...ليه؟؟
مش لاقية جواب مهما كبرت فى العمر
خالص


السلامات انا كتبتها مخصوص عشان آخر مقطع لأنى حسيته جدا

و بلاش تكشييييير

خدى دول من حساب بكرة بقى قبل صباحاته
*********************
و ××××××××××××××××××××××




واحدة مفروسة
--------------

مش كدا و النبى
كله ساقط و له دور تانى

يلا من نفسهم ندلعهم شوية

و حلوة تمتم دى نكتبها فى التصريفات

منحرمشى منك يا فروستى يا حبيبتى
يا مدلعاااااااانى

أمل دى يا ستى اسم بديل كنت هتسمى بيه و تم التراجع عنه فى آخر لحظة لما جدتى توفت و اتسميت على اسمها تخليدا لذكراها ...بس فضلت اتنادى بيه فى البيت و العايلة و الجيران
بينما فاطمة فى المدارس و الكلية والشغل و الشارع و المصالح الحكومية

اما فاتيما و الدلع كله
فهنا فى مدونتى حبيبتى و البركة فيكو

بوسات و حضوناااااات يا فروستى




رحلة البحث
----------

ازيك يا محمد

اشكرك بشدة لأنك حسيت
باللى كان نفسى اقوله


التدوين عالم جميلبجد
و لو الواحد بس حاول يركز فيه
و يحس الى حواليه اكتر
يمكن يقدر يشوف حاجات مش بيشوفها
فى الحياة اليومية و الواقع

و المفروض انه محظوظ لأنه بيلاقيها
فى عالم موازى

صحيح افتراضى
لكن كمان ناسه و اشخاصه حقيقين
لو بس اتعاملنا معاهم
على هذا الأساس
و لم نستخف بوجودهم
و قيمتهم فى حياتنا

انت نورتنى
و تعليقك جميل قوى
و مسيرى الاقيلك لقب يا محمد
إن شاء الله
قوى

أستاذ عبدالجليل
--------------

الامتنان هو شعورنا
يا استاذنا

معرفة حضرتك تشرف أى حد
و اتمنى من ربنا انك
تكون باتم صحة
و خير علطول


و منتحرمش من سؤالك
علينا دايما

تحياتى للأسرة الكريمة

سيدي يا سيدي عالدلع
وانا كمان بموت فيكي يا ماما

لماضة
----

و انا كمان يا حبيبتى

انتى غطسانة فين يا شقاوة
بقالك زمن و مبتسأليش علياااااا؟؟؟

ازعل بقى

لا مزعلشى
عشان انتى مرمر الطعامة
و لازم ادلعك

منحرمشى منك يا لموضتى

نحن في حاجه الي رايكم في مشاكل القراء
علي مدونة"دقات قلب فوق الخمسين

الأخ الغير معرف
و اللى الحمدلله مقلش اسمه
----------------------

بداية بشكر حضرتك مرتين

اول مرة
على عرضك الكريم

و تانى مرة
على انك لفتت نظرى لحاجة
مكنتش واخدة بالى منها
وفيك الخير على انك نبهتنى


اصلى تصورت فى تعليقك على البوست
اللى فات ان حضرتك
مجرد واحد مجهول رايق من جملة المجاهيل
اللى مروقنى بقالهم مدة ..
و مسليين روحهم بحواديتى معرفش ليه

و انك بتهزر و تتسلى شوية ...
و مخدتش و اديت
و مرضتش أرد عليك

و غالبا دخلت فيك شمال متصوراك
حد تانى ساب تعليق مشابه برضو
فقولت ايه العالم مالها كدا
فمعلش سامحنى
العتب على اللى إخترعواالأنونيمس
مش أنا


ثانيا يا فندم
هوه اصلا مينفعش حد يعرض على حد
عرض زى دا بالشكل دا والطريقة دى حتى لو قاصد خير
و ى مجرد بداية


بس انا عذرتك جدا
و عشان كدا بشكرك مرتين
لأنك نبهتنى انى كتبت كلام
قد يؤخذ بشكل تانى وهو
انى بستجدى عريس من اللى حواليا
و بقول يا جواز و شوفولى حد اتجوزه
و ما شابه

و دا مش حقيقى بالمرة و حياة يوسف و لا كنت أقصده مطلقا بكلامى

و لو فكرت فى الجواز
مش هيكون بالطريقة دى خالص عموما


انا مليش فى جواز الصالونات
و لا المعارف و لا أى شكل من الاشكال دى واكيد طبعاالنت من ضمن التصنيفات


اشكرلى أختك اللى معرفهاش
و مش عايزة اعرفها هيا مين
و لا اعرفك انت كمان
و دا مش اهانة ليك و الله
ارجوك تعتبره طلب
أنا برجوك فيه


رجاء حار من قلبى
انك لما تشوفنى صدفة
متقوليش انك صاحب التعليق والطلب

لأنى ساعتها لو طلعت حد عزيز عليا
من المدونين اللى بحبهم
مش هعرف ابص فى وشك تانى
من شدة الإحراج

صحيح مفيش حاجة تحرج و انت كلك ذوق
بس انا اللى هبقى متضايقة
فيا ريت تحتفظ بسرك لنفسك
و كمان اختك مش عايزةاعرف هيا مين
لنفس السبب و لو انى بشكرها
على حسن ظنها بيا


يبدو ان كلامى فى آخر البوست
اللى فات
اتفهم بشكل خاطىء
و وصل رسالة مش صح
و بناء عليه مش بس هشيل الفقرة دى

انا هشيل البوست كله ...
هوه عموما ادى غرضه
و عيدت بيه على اللى بحبهم و كفى


للمرة الألف ليك
و لكل اللى بيقرى
و شايل همى



انا يا جماعة
مبدورش على عريس
و لا بشحت زوج
و لا هتجوز بالطريقة دى مطلقاً

اللى هتجوزه لو ربنا اردلى جواز تانى

لازم يكون حد أنا بحبه جداااااااا
و الجداااااااااا دى
مش هتحصل غير بمية وقت و خمسميت تأنى و ألف كعبلة و عشرتلاف تطمنية و خمسن الف صبر و ميت الف حاجة مش هتحصل

و لو حصلت حتى
غالبا هكون طلعت عينه
و عين اللى خلفوه
و هتعب قلبه لحد ما يقول حقى برقبتى
ويطفش حتى قبل الجوازة ما تكمل

فخلونى مع نفسى ومحدش يشيل همى
و يدورلى على عريس الله يكرمكوا


انا رايحة
اشيل البوست خلاص


يا أخ غير معرف
يا ريت متبعتليش تانى الله يخليك
و الف شكر ليك على ذوقك

بحبك فى الله يافاتيما والله
انا نفسى اندهلك فاطمة الزهراء
لانى بحب السيدة فاطمة الزهراء جداااااااااااا
ربنا يرزقنا جميعا اخلاقهاورؤيتها وصحبتها يارب
و هدلعك بام يوسف لان ده اول اسم ندهتلك بيه وقريب ليا

ومبسوطة جداانى لاقيتك فاكرانى لان ده لوحده عندى قمة الدلع
ربنا يحبب فيكى خلقه يارب
واتمنى من الله تتوفر فرصه واقابلك باذن الله
فى امان الله ورعايته

ايمان مصرى

قالتلى بعملها تجديد
*******
في انتظار رأيك عن قصتى الجديده
تحياتى لك يا صديقتى الجميله

صباح الخير
نفسى بتهفنى اقفل انا كمان رحمة بيكم :-))))))))))
الناس نفسها قطع :-)) منى

سكرة شكلها فى وقفة مع النفس لانى قرات عايزة تغير اسمها
وومن برضه عندها وقفه بس كنت فاكرة انها عديت قبل العيد ميلاد بتاع المدونة
ربنا يعينهم الاثنين و ينورلهم الاختيار الصح و القرار الصح :-))

اما بخصوصك
شلت بوست القلوب :-( مع انى مفهمتش الى فهمه الغير معرف ؟

اعتقد انه من الصنف المريخى :-)))
اصلنا احنا بنات فينوس نفهم بعض احسن ما نفهمهم او هما يفهمونا
حلو قوى دفست نفسى وسطكم يا بنات فينوس :-)) ايوه انا فينوس صحيح انفع مع الكواكب الثانية بس مش مع المريخ

المخم براحتك بس ممكن تريحى نفسك اكثر بمنع تعليقات الغير معرف فى اختيارات البلوج بكده تجبريه يعرف نفسه
بس فكرت قولت ممكن فى يوم يقدر يوسف (انشاء الله مش بعيد و قريب) يدخل بصورة غير معرف و يبعتلك من بعيد سلامات (مش عارفة ؟ )فقولت خلاص سيبيها و ربنا يعنها و يخف التعليقات ديه عنها

قال تطلع عينه و عين اهله
و هتعب قلبه لحد ما يقول حقى برقبتى
:-))))
بيتهيئلى صعب قوى
اصلك يا فطوم انا فطوم الاسكندرية المقدونية فاتحت و محتلة القلوب
لو قفلتيها يبقى قصاد ياجوج و ماجوج بس :-))

صباحك شكولاتة سخنة باللبن (او كاكاو :-)) للتسهيل
اصل نفسى فيها

:-*********************************
:-XXXXXXXXXXXXXXXXXXXXXXXXXXXXXXXXXXX

هوا انا ليه دايما تعليقى بيتحذف عندك انتى بالذات يعنى يا ست الكل
افهم طيب
هوا انا عدوك الخاص ولا ايه
والله بحبك
وحياه لا اله الا الله
انا بحبك

صباح نسايم الحرية
:-)))

صباح زى وشهم
:-/

صباح الى إختشوا ...
:-(

صباح اللى باعوكى رخيص
:-((

صباح الإنذارات ف الطيارات
:-؟؟؟؟؟؟

صباح السلعوة
:-0

صباح الأشعار
:-*


:-***********************
:-XXXXXXXXXXXXXXXXXXXXXXXX

دا كدة احنا اللى محدش هيعرف يكلمنا بعد دلعك الجميل دا احلى فاتيما ف الدنيا

بنحبك بجد ياأم يوسف ..

بوست جميل وجديد يا فاتيما
حنانك يصل مباشرة الى قلوب اصدقائك
هذا ما اشعر به منذ زرت مدونتك

ايه ده؟ أنا كمان اسمي مكتوب؟ أحمدك يارب
:-)

مش قلتلك انك حولتي المدونة لدوار العمدة وبقيتي تجمعي أغلب المدونين اللي في الكفر عندك؟

ده أنا لو قعدت أفكر أجمع الأسماء دي كلها هآخد شهر
:-)

ربنا يسعدك ويديكي على قد نيتك الطيبة وشعورك الجميل

نترجم ممكن :-))
و لا استنفذت مرات الدخول ؟؟:-))

صباح نسايم الحرية
احلى حاجة الدعاية الى الحكومة بذاتها عملاها له :-)) و قال ممكن يدخل قاعة كبار الزوار علشان وتخذ قلادة النيل (يمكن :-) اه و يمكن لا على حسب هواى مين بالظبط ؟؟

صباح زى وشهم
ياستى احنا الغلطانين
مش احنا بنسمعلهم يبقى احنا الغلطانين :-((

صباح الى إختشوا ...
بصى هو موضوع ريحتة وحشة بس ياخوفى بيكون بيدارى قتيل ثانى :-((

صباح اللى باعوكى رخيص
و المكسب فى جيوبهم و بعدين لما منلقيش نامم ثانى و نعوض ؟؟ ايه الدايرة الممقفولة ديه حد يكسرها :-((

صباح الإنذارات ف الطيارات
اموت اعرف مسافر على اليطاليا ليه ؟
مهياش يعنى الطيرات المفتخرة و مصر الطيران اعرف ان ليها رحلات لايطاليا
و اى تذكرة حكومية بتتقطع على مصر للطيران الاول :-(
ايه الموضوع هنا ؟؟ فيها ان و كان و حيث ان كمان ؟؟

صباح السلعوة
بوظان فى بوظان
هما فى الاخر يحربوا اولادهم فين العالم الى بيتبيع البلد ديه فى كولامبور ؟؟

صباح الأشعار
جميل
تسلمى نقوتك
عجبتنى جملة

و امشى معك بلا مظلة
تحت أمطار الفضيحة
أذهب معك الى آخر
نقطة فى اللغة
و آخر نقطة فى دمى

و

أن سر الامور عندى
هى الوسط
و اردأ انواع الحب
هو الحب الوسط

:-************
تصبحى على خير
بكرة اجازة و حديها نوم عارفة
المهم
شكلك اطمنتى على وومن و سكرة
امانة وصلى لوومن انها لو كتبت قصة او خواطر ثانية و انا مقرتهاش حزعل قوى :-((

بتعيرونا يعنى اكمننا ملناش فى الابداع :-((

يا رجلاً حررنى
من سلطة
الزمان و المكان
لو كنت تدرى
كم أنا مبهورة
و كم أنا سعيدة
و كم أنا أشعر بالأمان
إذا ما أفترضنا
إذا ما أفترضنا
بإنك لست حبيبى
فماذا اكون ؟
و ماذا تكون ؟
و كيف أقول بأننى أنثى ؟
إذا لم اخبئك تحت الجفون
و ما قيمة العشق
يا سيدى
إذا لم يسافر ببحر الجنون

******************
الله الله
اختياراتك رائعه يابطه
تسلم ايدك

إيمان مصرى
----------

نادينى زى ما تحبى يا إيمان

و المحبة فى القلوب و الله

انا دايما فاكراكى و بدور على تعليقاتك علطول بين السطور و بفرح قوووووى لما الاقيكى كاتبلى و كمان بتدعيلى

ان شاء الله ربنا يقرب البعيد
و نتقابل على الف خير




mostafa rayan
-------------

موشكرين يا صفصف
طمنتونا على الميرا الاميرة
ست البنات

حاضر هروح اشوف حالا




يا خط الصعيد
اللى طلعت غير معرفة
مش غير معرف
------------------

لأ يا بنتى متقلقيش

اللى اقصده حد عارف نفسه و انا مش عارفه و مش عاوزة اعرفه منعا للاحراج

و فيه مجهول كمان ابن حلال تانى

اما الباقى عاوزين يولعوا
بعشرة لتر جاز عشان
قارفينى فى عيشتى الصراحة كل يومين تلاتة و معرفش انا قتلتلهم مين فى عيلتهم
عشان التعليقات المبتكرة بتاعتهم دى اللى بيتحفونى بيها

انا متشكرة ليكى جدااااااا
و مرة فى لحظة صراحة نادرة من عمر الزمن ابقى قوليلى انتى مين عشان مينفعش أعز حد معرفوش
و انا هبتدى أعزك ...
و خلاص مش زعلانة
انا بس حاسة بالاحراج مش أكتر

وانتى اللى عسولة يا بنتى
عشان اللى كتبتيه و الله




wanda
-----

خلاص اطمنا على ميرا يا ون ون
يتعمل حركة تجديدات
و سكرة فتحت المدونة تانى خلاص

و طبعا انتى معانا فى الكوكب دا اومال عاوزة تسيبنا و تروحى فين ؟؟

أستاذ عبدالجليل و ايمان مصرى و غيرهم بيدخلوا بغير معرف و مينفعش اقفله
كفاية الإشراف
و حتى لو قفلته ماهو هينبعتلى إيميلات
و لا هقفل الأيميل كمان

و صاحب التعليق شخص محترم فيما يبدو
و مش قصده حاجة وحشة أعتقد
دا تقريباً اهذب العروض لفظاً

و أيوه اللى ماماته داعية عليه يحبنى يا ست انا عارفة روحى انتى اصلك متعرفنيش انا حونينة معاكو هنا بس
انما فى الواكع ...يا لهووووووى


مكنش فيه داعى تشرحى تعليقك ع الصباحات أنا فهمتها على فكرة كلها نقريباً

و انا حطيتلك شعر جديد لصباح بكرة مخصوص عشان خاطرك أكمنى رايقة قوى الأيام دى و انتى ذواقة للشعر و الغنا زى حالاتى
و الاخبار كمان
و الذكريات بتاعة زمااااااان
خدى دول من حساب بكرة
***************************
و ×××××××××××××××××××××××××××××
أيوه انا أحب أدفع مقدم



بنت قلبى
-------

معلش يا رنا
و طبعا لا يمكن تكونى عدوى
يا بنتى و لا فيه نية خالص لحذف أى تعليق منك ...
ليه بتقولى كدابس ؟؟

انا كمان يا حبيبتى بحبك
و ربنا يصلحلك الاحوال
يا رب



دعاء مواجهات
------------
انا كمان يا دودو

و وحشتينى قوى




أسما عواد
--------

ميرسى يا أسما
كلك ذوق
اخجلتمونا برأيك الطيب
و لو عندى شوية حنان و حب
فدول غالباً متواجدين
لأن فيه اللى يستاهلوهم
و هى الأسامى المكتوبة فوق دى
و من لم يكتب كمان بالسهو او عدم وجود اسم دلع بعد

نورتينى




يا مراكبى
---------

يا خراشى
وهوه كان يصح
إن نبع الحكمة
إسمه مينكتبشى ؟؟!!!

و لسه مصر على حكاية العمدة دى
بتكسفونا خالث كدا



و بعدين تعالى هنا
ايه نظام النق دا ؟؟

و ليه حاسة
انى بتحسد بتحقد دلوقتى ؟؟؟

طب احب اقولك بقى
إن تجميع الأسامى و كتابة البوست
مخدوش منى اكتر من تلات ساعات
و بس

آى ى ى ى ى

مين طفى النور

عاشقة الرومانسية
---------------

ميرسى يا دودو

ما قولنا توابع عيد الحب
و اروقكم معايا شوية

قبل ما تقلب بغممممممم


بوسة و حضونات
يا حبيبتى
و عروسة البحور الحلوة

فعلا فعلا
اللى يلاقي دلع وميتدلعش يستهل اللى يجرالة


ربنا يخليكي لكل حبايبك يا فطمطم ويخلي كل حبايبك ليكي
ويفرح قلبك علطول

يا صباح البياض
بتكلى بيض
اكيد
صح :-)))

"و كيف أقول بأننى أنثى ؟
إذا لم اخبئك تحت الجفون
و ما قيمة العشق
يا سيدى
إذا لم يسافر ببحر الجنون"
ايه ده :-)))

وهو ده احلى جنون ، جنون مباح :-) مرغوب :-)

اتارى بتقولى حتجننيه :-) انشاء الله :-)))يافطوم تجننينه بكل الجنون

صباح الاجازات
اقضيها انا اخبار كونية
اصلى بقالى يومين ثلاثة مفياش مزاج اقرا حاجة :-))
بكرة اجازة و ادعيلى اننننننننننننننام
ملئ عيونى :-) لحد معاد الشغل المسائى على الاقل :-))

اه بالمناسبة
معرفش ليه خبطت فى دماغى جملة "و ما ملكت ايمانكم "
المنطق و العلم ورانا ان اغلب ايات القران صالحة التفسير الزمنى المطلق
يعنى زمان و دلوقتى
تفتكرى حترجع ايام
العبودية و الرقيق و امتلاك الرجل للمرأة؟؟ اكيد حتفهمى تساولى :-))اصل اول جملة فى القصيده هى الى خبطت التساول فى الجمجمة:-))

باالمناسبة بوسى عمور كينج توت لو شوفتيه قريب :-)) فى الحفلة ، اصله كنت عمله معاه دوتو امبارح على بوبو :-))))))

:-*****************************
:-XXXXXXXXXXXXXXXXXXXXXXXXXXXXx

شكر كبييييييييير اوي على الدبدوب وشكر اكبر وأكبر على انك افتكرت
ربي يفرح قلبك دائما وأبدا ويخلي أيامك كلها افراح ان شاء الله
حضن كبييييييييير أوي

انا جه
طماطم فطومة فطمطم
ماما وست الكل وأحن أم وقمر المدونين والمدونات
يارب يارب يارب يارب تكونووووووااا كووووووولكم بخير وصحة وسلامة وفرحة وسعادة وإيمان وحب

زى مانتى بتحبى الوسط ده كده
اعتقد إن مفيش حد يعرفك وميحبيكيش

ربنا يخليكى للمدونينويخليهم ليكى ويجمعكم دايما يارب على كل خيـــــــر

المنسى ...دائما

طبعا ياحبيبه قلبى انا
ياحماتى المستقبليه
شوفتى هتبقى ماما بالغصب كمان اهو
ههههههههههههه
وطبعا طبعا الحنان دا ماينفعش يبقى من حد تانى غير طمطم
تسلمى ياحبيبتى وطبعا اجمل حاجه النهارده انى كلمتك ياست الكل
انتى زى مابيقولوا ام التدوين الروحيه
موش روحيه المخطوفه لا
ههههههههههههه
مساكى سكر زياده وبلاش الساده بتاع الواد عادل
وش مطلع لسانه
لما بكلمك يومى ومودى بيتغيروا خالص
وحشااانى موووووووووت

ايه دا هو انا اسمي مكتوب
يا خبر
شوفي يا ام يوسف ههههههههههههه
موضوع الاسامي ده انا بصراحه احترت فيه بس غالبا لما بتوكن ست متزوجه بندهلها بام فلان او يا مدام فلانه ولو مش بندهلها بانسه او لقبها زي دكتوره او يا باشمهندزه ههههههه
اما الدلع بده للاقارب علشان لا يساء فهم اي حاجه في اي حاجه هههههه فهماني طبعا وش بيضحك

السؤال بقى ليه محتاره في اسمي انا اسكندراني اوي واحسب اني كده بمعنى الكلمه بحبها اوي طب اعمل ايه ؟؟

تحياتي ليكي يا ام يوسف وادام الله عليكي وعلينا الدلع

يا رب ديما رايقه ومفوقه ومدلعانا ومدلعينك وحشتينى يا فاتيما والله

أحلى هدية قبل ما أمشى إن ألاقى اسمى فى وسط الناس اللى بتحبيهم تسلمى لى يا أم يوسف هتوحشينى وهتوحشنا الناس الحلوة كلها ليكى سلااااااااااااام كبيييييييييير أوووووى من قلبى وبوسة كبيرة وحضونة

سلام يا فاتيما مش هنساكى من دعواتى

ياعينى على المزاج العالى
شعرين فى يوم واحد :-))

"لا تتركنى
أشرب صبرى مثل النخل "

:-))
كنت طالبة منك حاجة فى البوست الاخير
بس قولت اوفر التاكسى
فاكرة موقع نزار الى كنت بتربطيه باشعاره ، هو فين ممكن تباصهولى؟؟
:-***************************
غلاسه بقى علشان الاحضان عندى مش ببلاش
اسمه ايه الكتاب :-)))
:-ْxXXXXXXXXXXXXXXXXXXXXXXXXXXX

دانا عينى مققت من التدوير على اسمى

يمكن تكونى حطاه حتى جبر خواطر

ماشى أنا زعلانة

بس بوست رايق رايق فعلا

ربنا يديم عليكى الروقان

إرسال تعليق