.

.

يا سيد قلبى  

Posted by: فاتيما in


لما أحبتك هى
كنت الرجل الوحيد فى هذا العالم
و لم يكن هناك غيرك
كانت عاشقتك الولهاء
مثار سخرية المحيطين بسبب ولعها بك
كانت إمراءتك التى لا يجرؤ
ان يقترب منها احد
كانت اختك الوفيه
التى تناصرك ظالما او مظلوما
كانت امك الحنون
التى تسامحك على كل هفواتك
كانت طفلتك الساذجة التى بك تثق
و تحتمى من جحيم الآخرين
كانت صديقتك المخلصة
التى تستمع لشكواك
و تخفف عنك عذاباتك الذى لا تنفذ
كانت خادمتك المطيعة
التى ترعى كل تفاصيلك
كانت زوجتك التى تفخر بإختيارها لك
و إختيارك لها
كانت جاريتك التى ملكتها بيمينك
فترقد تحت قدميك ساكنة
كانت محظيتك التى تلهو بها
كيفما انت تشاء و ترضى هى كل الرضا
و كانت قطتك الوديعة
التى ترقد فى حجرك آمنة مطمئنة
كانت كل هولاء
فلما فى لحظة .... مسك الجنون
ركلت قطتك بقدم القسوة
ثم اغتظت لما رأيت فى عينيها
ألم و عتاب حائر
يتبعه سؤال بدا منطقى
لما فعلت بى هذا ؟!!
ولم تكتف بفعلتك و اشعلت النيران فى ذيلها
و مضيت ترقبها بتلذذ و هى تتخبط فى فزع
ثم جمعت رفاقك
كى يتسلوا بها
وليشارك كل منهم بنصيب فى المتعة
كانت تصرخ باحثة عن النجاة
و عمن يطفىء حريقها ولا تجد مجيباً

كنت ترقبها فى ثقة جد غبية
متصوراً انها ستعود و لا ريب
بعد برهة
كى تتمسح فيك
و انها لابد و أن تقفز
لتعود لحجرك و تغفو من جديد !
ما فعلته هى كان غريباً ؟؟؟
ما الذى يدعو للعجب ؟
هل لأنها هربت من اول منفذ
للخلاص وجدته و لم تنظر وراءها لحظة
هل تلام لانها انتفضت
كى تنقذ البقية الباقية من سلامتها

ما يدعو للعجب حقا
كيف يلوم القاتل ضحيته ؟!!
كيف يرتكب جريمته بدم بارد
ثم يجلس بجوار الجثة يبكى
و كأنه هو المذبوح !!
قطتك الأثيرة
رحلت اسفة
مذعورة باكية
حزينة نادمة
تعانى من اصابات فادحة
فلأول مرة رأتك بعيون الغدر
عدوا لن يكون يوماً ولى حميم
ضحيتك بعد ان لعقت جراحها
و هدئت روحها
و سكنت فى هدوء و ثقة العارفين
ادركت انها
اصبحت سيدتك
التى لن تقدر
ان تملكها ابدا ما حييت
اضحت امراءة لا تستطع
ان تمسها
و لو بعد الف عام
صارت الانثى التى اخرجتك
من جنة
لن تطئها حتى يوم قيامتك
من كانت محظيتك
و جاريتك
و خادمتك
تشكرك اليوم و لآخر مرة
لأنه لولا غبائك
ما كانت رحلت عنك
و لولا رحيلها هذا
ما كانت وجدت
سيدها الحقيقى
الذى يستحق ان تكون له
كل هولاء
فى امراءة واحدة

فهنيئا لك
بغبائك
و هنيئا لسيد قلبها
بمن ترقد الآن غافية
على حجره
فى أمن و طمأنينة
المرأة إذا أحبتك
أعطتك الدنيا
و إذا كرهتك
أحرقت بك الدنيا
أنيس منصور
من كتاب (قالوا)

This entry was posted on الثلاثاء, مارس 09, 2010 and is filed under . You can leave a response and follow any responses to this entry through the .

61 كــــلام بيطــبطـــب عـــلى قــــلبى و روحــــى

ياتري اول تحليق

فوووووووووو

ممممممم
ما ده الطبيعي واحدة حبيت واحد مبيحبش اصلا غير نفسه
اكيد هيديها علي قفاه
وبالتالي هتسيبه و تروح لواحد ميعرفش شكل القفا
يعني بيعرف يحب :)

البرد عامل شغل هلوسة بطريقة غبية :)
ههههههههه
معلش بقي يا امي

صباح الخير :$ (متأخرة معلش بقي)

ووووووووووااااااااااااوووووووو يا مامتي
ابدعتي
بوست تحفة تحفة تحفة
جنني والله ...حقيقي اوي ياااااه بجد حقيقي وواقعي ورقيق وحساس وحنين وقوي وكل دول في بعض
البوست ده من اروع ما كتبت


سلامتك يا عادل
هو انا عديتك ولا ايه
مش قولتلك تخرج بسرعة من مدونتي
ادي النتيجة

سلامتك الف سلامة خللي بالك منك
اختك بسكوتك


مامتى حبيبتي وحشتيني

سلامتك يا بابا
ده من الاوسكار و لا ايه ؟؟

معتقدش ده بوست نتيجة بوست امينة 2010
و لا فيه جزء من امينة
:-(

فكرتينى ببوست ليه الضرب ليه :-((
ليه ليه الانسان غبلى قوى للدرجة دى؟؟

شكرا على تغير الاغنية
على الاقل دى فيها قوة المرأة
المرأة الى يتهزلها عرش السموات و الارض

مش حعرف اقراء و اعلق على الاصطباحات انا كده
:-*****************************
:-XXXXXXXXXXXXXXXXXXXXXXXXXXXX

الله عليكِ
ايه يا طماطم ده!!
ده انتِ كأنك واصفة واحدة اعرفها عز المعرفة:)
التشبيه رائع جدا
بس اختلاف قصة اللى اعرفها انها لسه فى المرحلة الاولى وماوصلتش للنهاية اللى انتى كاتباها:)

ربنا يسعد قلبك ياحبيبتى ويعوض عليكى ويرزقك بكل الخير

جميييييييييل البوست ده يا طماطيمو

عارفة بتبقى المشكلة فى ايه يا فاتيما ... فى الجرح اللى بيسيبه الشخص ده
هيه تحب
وتصون
وتخاف
وتحترم
وتقدر
وتدلع
وتبقى أمه وأخته وحبيبته وأم ولاده وكل الدنيا ليه... ويكون المقابل نكران لكل ده
هوه مش هيحس بجرح عشان هوه طبيعى قاسى ... هيه اللى هتحتاج وقت طويل لحد ما تفوق من اللى مرت بيه
شكرا على البوست الحلو ده

حلو البوست ده يا فاتيما على الرغم إنه خيالى ليييييييييه؟
لأن حضرتك صورتلنا ملاك متجوز شيطان وأكيد مافيش واحدة بالمواصفات الرائعة دى إلا فى الجنة إن شاااااااااء الله
عارفة كمان لو هو حكى قصته حيبين لنا شوية نواقص فيها ماقالتهاش
فى النهاية كلنا بشر مافيناش حد مثالى ومافيناش ملايكة والكمال لله وحده

adel
----

دايما اول تحليق يا بابا

يعجبنى انا الرجالة اللى واثقة من نفسها دى ...و تشبه الحب بالقفا زى محمود عبعزيزززززز فى الكيف

سلامتك من الهلاوس السمعية و البصرية يا بنى و الحالة اللى ف البوست مينفعش معاها تعليقات تقليدية فهلوس براحتك
مدونة ماماتك و براحتك خالص
برد و لا مش برد

سلام يا غالى عليا




Baskouta
---------
يا عيون ماما ازيييييييك دلوقتى ؟؟

انا كمان يا حبيبتى حبيت البوست دا قوى قوى
و انتاوا الجو إتنشيتوا عين عشان عيد الميلاااااااد و عيب قوى كدا بقى

خلى بالك انتى كمان من نفسك يا حبيبتى و بسكووووووتى الحلوة





wanda
-----


أيوه يا ون ون

هوه فعلا من وحى جمعية المرأة المتوحشة
اللى كانت أمينة لحد ما لقت اللى قصادها ميستحقش فطفشت

قريت تعليق رانيا نانو حبيبتى القدر و انا عند هانى نط ف الكوز بتقول ان المرأة المصرية نتاج الرجل المصرى و دى حقيقة فعلاً
احنا نتاج ازواجنا
كانوا اخلاق بقينا معاهم قطط وديعة
طلعوا اندال ..هربنا منهم بالمشوار

بموت فى الغنوة دى و بموت فى انغام
يلا اسمعى براحتك بقى
بوسات و حضونات انا كماااان يا ونداتى
كلمة على جنب ملهاش دعوة بالبوست بقى
تعرفى انك وحشتينى و نفسn تنزلى مصر قريب بقى عشان اشوفك؟؟



موناليزا
----------

يتا مون مون يا فهمانى من بدر بدرى انتى
يا بنتى احنا فولة و انقسمت نصين فى حاجات كتير و انتى من الأحباب اللى لما بكتب بوستات كدا ببقى عارفة انهم هيقروا و بعدين يتنهدوا تنهيييييييدة طويلة
و يقولوا
يا خرابى عليكى يا فاتيما

اصل انا بعمل كدا عندك برضو
و بقول يا خرااااابى يا مون مون

و بقول كمان انى بحبك قوووى
و منحرمشى من دعواتك الحلوة دى أبدااا







shimaa
-------

بصى يا شيما
انغام بتقول ايه؟؟

بكرة جرحى يروح لحاله ...صح؟

دا اللى بيحصل يا حبيبتى تماما بس بياخد وقت زى ما قولتى
و ياه لو جه اللى يطيب الجرح دا و ينسي معاه كل حاجة لدرجة انك متفتكريش بجد مش تتعمدى النسيان

فيه دايما بيت شعر بصدقه قوى بيقول

انتا اذا اكرمت الكريم ملكته
و انت اذا اكرمت اللئيم تمردا

و الشخص اللى الواحدة تربط نفسها بيه

لو كريم و هيا اديته من عطائها
هيصونها و يحافظ عليها

لكن لو شخص لئيم و لا كرم الدنيا يجيب معاه نتيجة

العفو يا شيمااااااا



أبو حميد
-------

آه يا برج الجدى يا عقلانى لدرجة قاتلة انتا

يا عزيزى ليه بس خيالى ؟؟

عمرك ما قابلت فى حياتك واحدة خايبة؟

عمرك ما قابلت فى حياتك واحد ندل ؟

عمرك ما قابلت حد بيطمع فى حد ويقرب من عشان يستغله وبعدين يرميه؟

و عمرك ما قابلت حد يأمن لحد لأقصى درجة زى ما اقربله من روحه؟

غريبة قوى ؟؟

لو ما قابلتش نماذج زى دى ابقى قولى و انا اعرفك عليهم عشان الدنيا مبتخلاش من المغفلات و من الغادرين


جاى بورسعيد و لا لأ المهم ؟؟؟

حلوه حلوه حلوه يا فاتيما جداااااااا

جميله بجد وعاجباني موت

انتى عارفه ان من اعضاء الجمعيه وشايفه ان البوست ده لايق على جمعية المراه المتوحشه جداااااااااااااااا

هاتي بوسه عشان انتى واحشااااااااني

هذه هي الأنثى عندما تجرح ممن تحب
لازم تكون قوية كفاية علشان تقدر تنسى الجرح اهم حاجه ماتنساش الدرس الي اتعلمته
بجد بوست رائع من ماما العسل طبعا

فاتيمااااااااااااااا


تصفيق حاااااااااااااااااااااااااااااااااد
تحفه
تحفه تحفه
اكتر من رائع
وصف دقيق لرجل اقل ما يقال فيه انه ندل جبان
للاسف قابلت هذا النموذج فى حياتى عدة مرات وكنت اتعجب لماذ يفعل هذا بمن احبته ووثقت فيه وسلمت له قلبه ورحها وعقلها ....

تذكرت جمله تقول
اذا رأيت امرأه تكره لرجل لدرجة الجنون فلتعلم انها عشقته لدرجة الجنون

بس خدى بالك ان ربك لبالمرصاد
يعنى بكره يترد له كل اللى عمله فى الانسانه التى احبته

تسلم الايادى
متالقه على طووووووووووول يا فاتيما


زهراء

الكلام دة كبير قوي قوي قوي
بس على فكرة
مش دايما الرجل بيكون هو الظالم
في احيان كثيرة جدا بيبقى هو المجني عليه حتى لو الجاني....قطة
تحيااتي

:-) هى دى بقى الجمعية الى جدو خايف منها
اتارية بيسالنى اعرف دكتورة ستيتة (شكلها رئيسة الجمعية :-)))

اسمحيلى اغلس بتكمل الاصطباحات و بعدين حاستفرد بالتعليقات شوية
:-))))

صباح ما خفى كان أعظم
حد متفاجىء؟!
ايوه انا متفاجة عياله فلذات اكباده هو و الرجل الثانى
مش عارفين اخرة المال الحرام ده كارثة على ولادهم ، الله يكون فى عيون العيال مسبقا:-(

صباح التجريسات
كارتر اتجرس عندنا :-))
الغريبة بعد موقفه ده
برضه مكسبش الجولة الثانية من الانتخابات و هشوه على بيته
و الى فهمته علشان موضوع ايران بالذات و الرهائن

انما يعنى ايه "فاجومى"؟؟

صباح التغيير
ايى نعم نضال المدنى :-) حنكافح حنكافح

عجبتنى الجملة ديه
"لم يرب فى حجورهم وتمرد عليهم، فيمكنهم أن يأمروه أن يعود إلى حظيرتهم فيرجع خائفا مرعوبا"

رجل هرب من ملفات الذل :-)

صباح الخصخصات
سيناريو الدخيلة كلاكيت ثانى مرة
:-((((

السليميات
سلامتك من الجنان

:-********************************
:-xXXXXXXXXXXXXXXXXXXXXXXXXXXXXXXX

على جنب
انت مش وحشانى بقى :-)) اصلك معايا على طول حتوحشينى ازى يعنى ؟؟؟ :-)
بس العين و الودان و الايدين عيال بايخة غيرانه من عقلى و احساسى :-)) و مش حيسكتوا الا لما نشوف فطوم :-*
و الله ان كان عليا لا تلاقينى نطيت فيها النهاردة قبل بكرة بس لازم اصبر لاول اغسطس :-(( قولى بس ارجع راضية عن نفسى علشان اعرف استمتع بالنزول و برمضان مش زى النزول السابقة :-(

أزال المؤلف هذا التعليق.

و كانت قطتك الوديعة؟
؟
؟
طب وهو فيه حد عاقل قال ان الرجال يعشقون القطط لوداعتها؟

الجميل قوي ان حد يعاشر انسان سادي غير سوي بكل معنى الكلمة
ويقدر يهرب بدون ما يتحول لشخصية مشوهة زيه

جميل قوي البوست ده
كله احاسيس واحنا معشر الولايا ابتلاءنا فعلا بأحاسيسنا اللي تقيس الحب والكره بالميكرو جرام

بوسةةةةةةةةةةةةةةةةةةة

لأن لا يصح إلا الصحيح في النهاية
كان يجب على القطة إنها تعمل كده
ولو إنها فاقت متأخر شوية
بس الحمد لله
كل شيء وله وقته
وهي أكيد أكيد إتعلمت كويس من الدرس ده
دي إتعلمت علاماااااااات
يمكن التجربة تسيب فيها ندوب و شوية خدوش في نفسيتها ، بس المهم روحها سليمة ، أصل الروح ماحدش يقدر يأذيها إلا صاحبها ، بس المهم إنها عارفة إن الدرس خلص ، ومالوش ملحق ، ومهما يحاول الطالب إنه يتحايل عليها علشان يمتحن تاني ، هي مش بترضى ، وده طبعا لأنها أعقل من إنها تدخل مع الطالب ده ( أو أي طالب شبهه ) في إمتحان تاني ، لأنها عارفة في الآخر بعد ما هي تذاكر و تغششه كل الإجابات قدّام أهلها و أصحابها و ناسها كلهم ، حايعمل زي ما عمل قبل كده ، وفي الآخر يسقط بردو
تحياتي للتلميذة النجيبة ، وللطالب المجتهد الجديد ، المهم المره دي ماتغششيهوش ، سيبيه يجاوب لوحده
فرحان بجد ، رغم إني عارف إنه لسه بدري قوي على الفرحة إللي بجد
KING TOOOT

أعطتك الدنيا

و إذا كرهتك

أحرقت بك الدنيا


ده مش بس تحرق دي تولع تفرتك انتي هتقوليلي علي المرأه
(.
عم انيس منصور مغلطش ولا بالغ

عامله ايه ياجميل
تشبهاتك روعه ياطمطومه
البوست جميل وكويس في الاخر انها طلعت قطه بس مش اي قطه بتخربششش
(:
اخباراتك ايه؟
يارب تكوني بالف خير

ايه يا ماما النشاط و الحيوية دى مش ملاحق اعلق على حاجة على ما نمت شوية و ريحت الجتة بعد مشوار العمرة رجعت لقيت بوستين مرة واحدة واحد بأشكرك عليه جدا بتاع العمرة وبعدين حرجينى مع الناس الكل دلوقتى عايز سبح و طواقى و مية زمزم و انتى حبايبك كتير عموما شكرا يا فاطمة و ده العشم برضه و يا ستى ربنا يكتبها للكل ان شاء الله و حلوة الحاج حازم دى تصدقى رغم انى حجيت من 2005 بس عمر ما حد قالى يا حاج مش عارف يمكن اسمى مش ماشى مع الكلمة و لا ايه مش عارف ربنا يرزقكم جميعا بزيارة الحبيب المصطفى و رؤية الكعبة وان شاء الله

اما البوست الجديد فمش مزعلنى فيه غير القطة اللى ديلها اتحرق طيب ليه كده
ربما لأنها كانت وديعة او ساذجة او صامتة ربما لأنها كانت كل هؤلاء
حسناً فعلت حين رحلت تاركة الندم لمن لم يقدر قيمة ما كان بين يديه

جميلة الصورة و جميلة اختياراتك للعظيمة سعاد الصباح

سلامى لبورسعيد و أهلها و خاصة العزيز الغالى ابو العربى

و خلى بالكم من نفسكم

خالص تحياتى و مودتى

بوست رائع ورائع ورائع

تسلمي يا فاتيما يارب

ندى الياسمين
----------

منحرمشى يا ست الستات
انا كمان حبيت البوست دا جداااااا
و ايوه دا من وحى اوجتماعات المرأة المتوحشة ...هههههه

بصراحة بوست هانى نط ف الكوز
و بوست ستيتة بتاع امينة شجعونى اكتبه لكن الفكرة فى دماغى من مدة بس الصياغة كانت مؤجلة و الحمدلله انك عجبكوا

انتى كمان وحشانى و الله

بعد بورسعيد اسكندرية
ثم المنصورة ان شاء الله
بوسيلى القمرات و اخوهم و ابوهم





just waiting
------------

صحيح يا سيدة الأنتظارات
الست تدى قوى
و لما تنجرح بتنجرح قوى
فتبعد قوى
و تنسى كمان قوى

ميرسى يا حبيبتى





لولا و زهراء
-----------

زهراء ها هناااااا
اتارى الصفحة منورة خالص

و جملتك دى منتهى الواقعية و الحكمة
و الغريب و مش يمكن غريب خالص
ان ما نظنه عذاب لينا
كان قمة النعمة من الله
رغم ان ظاهره المحنة

على فكرة بتوصلنى كلماتك الطيبة و سؤالاتك عنى و الواحد ممتن و قرب يختفى خجلاااااا من ذوقك
الف شكر ليكى يا ذات الوجه المشرق





AHMED SAMIR
-----------

هههههههه

يا احمد انا كنت عارفة و متأكدة
ان البوست فيمنست خالص و مش هيعجب الأخوة الرجال عموما

بس انا بتكلم هنا عن رجل بعينه
مش كل الرجال
و لا دايما

و صاحبة الحكاية هنا ارتضت ان تكون ضحية فنصب لها المصيدة صياد

نورتنى يا فندم





WANDA
-----

ازيك يا ون ون

ايوه يا فندم اختك فاتيما و لا فخر من اعضاء الجمعية الموقرة و البوست مؤيد لبوست ستوتة ست السوتيتات


بالنوسبة للصباحات بقى
انتى متفاجئة ؟؟
دنا اللى متفاجئة انك متفاجئة يا ونداتى
الناس دى يا حبيبتى بتستحل لروحها الفلوس دى و متفرقش ليهم و لاّ لعيالهم بقى



و فاجومى يا حبيبتى اختصار ل..
أحمد فؤاد نجم
الشاعر الجميل ابو نوراة التدوين و صاحبة احلى جبهة تهييس شعبية
نوراة نجم


و إن شاء الله نتقابل يا حبيبتى على خير
و يا ريت قبل شهر تمانية دا اصله بعيد قوى خالص

معرفش سؤالك لأبو حميد اسبابه ايه
انا مجبتش سيرة الضرب خالص فى البوست
و لا دا نقاش على حاجة تانية انا مقرتهاش كويس؟؟

دول عشان بكرة
*******************************
و ×××××××××××××××××××××××××××××××

ستيتة حسب الله الحمش
-----------------

و بعدين يا زعيمة !!!
متطلعيش اسرارنا برا بقى

القطة مش دايما وديعة ... لكن مفيش مانع تقعد وديعة لحد ما ينداسلها على طرف و تطلع خرابيشها


صحيح البوست عجبك؟؟؟
أصل بوست امينة هوه اللى شجعنى اكتبه و بوست هانى كمان ...
كانت الفكرة فى دماغى بس كنت مأجلاها
البركة فيكم
انا كمان بوسات و حضونااااااااات




KING TOOOT
-----------

الله يا وليد

تعليقك جميل قوى
قوى
قوى

عارف حسيت بإيه و انا بقراه ؟!!

انك اخويا اللى سمعنى صدفة
بهمس مع صديقة ليا بسر كبييير
و بقول كلام خلى عينيا تلمع
من عز الفرحة

و انتا خدت بالك
من غير ما تبقى عاوز تتكلم
و تلخبطنى

وقفت على باب أوضتى
بصتلى بحنان
و كأنك بتقولى خلى بالك من نفسك
انا سعيد انك سعيدة
و روحت ماشى فى هدوء

اقولك ايه بس؟؟

ربنا ما يحرمنى منك
و لا من هبة و عمر يا رب
يا رب





سمكة واحدة
----------

لأ يا سموكتى
محنا اصل قططنا تختلف عن قطط الاخرون
تقعد ساكتة هادية ناعمة وادعة
و بعدين وقت الجد تخربش و تسيب علامة لا تمحى

انا بخير يا حبيبتى و شكرا على سؤالك و زيارتك و انا مقصرة معاكى بعدد موج البحر





حازم شلبى
--------

مبلاش النق دا يا حااااااااج

و الله لايقة عليك الكلمة
و بعدين مش كنت تقول انك مش عاوز حد يعرف و انا كنت هقول برضو ...هههههه

و يا سيدى اللى يقولك فين السبح و الطواقى و الذى منه ابقى قولهم العصفور حولته على قدها خالص و ميقدرش يشيل حاجة

انا لما قريت ايميلك كنت فى قمة سعادتى و الله انى و يوسف كنا فى بالك و دعتلنا و منحرمشى منك

متزعلش على قطتنا دى بميت راجل
و يا ريت كنت فى مصر كنا جبناك بورسعيد معانا
المرة الجاية ان شاء الله

حمدلله على سلامتك يا عصفور





أمل حمدى
-------

انتى الأروع يا ماما امولة
انتى من الناس اللى بتقرى بقلبها
و بتكتب كمان بقلبها
عشان كدا عجبك
لأنه من قلبى
لقلبك
اشوفك على ألف خير يوم الجمعة
يا حبيبتى

والله مش لاقيه تعبير اقوله عن كميه الاحاسيس دى كلها

حد عاقل يكون معاه ملاك بالشكل ده ويجرحه؟؟؟!!!!
تمردها عليه هو السبب فيه بعنده وغروره
لان الست لما بتحب فعلا بتدى كل شئ من غير حساب بس الغبى اللى يفتكر انه ملكها وملك قلبها فيبدأ يتصرف بغباء
علشان كده اختارت تبعد عنه

دايما باحس ان قلب المراه يشبه قلب الاطفال
مستحيل تلاقى طفل بيميل لانسان قاسى
الست كده
اىىىىى ست مفتاح قلبها فى كلمه طيبه ولمسه حنينه تدوب كيانها فى كيان حبيبها

اللى جرحها هيندم لانه مش هيلاقى زيها
واللى بتحبه ويستحق قلبها هيكون فى منتهى السعاده لانها هتحب تعوض معاه كل لحظه حرمان عاشتها وكل احساس بقسوه
المهم فى المقابل يكون يستحق تضحيتها دى

واخيرا الى عزيزى الرجل
*******
اذا اردت من امراه ان تحبك فكن مجنون .. فالمرأه لا تحب العقلاء (انيس منصور)

ساعات كتير ببقى عايزة أدخل عشان بس أقول لك "وحشتيني أوي"
لأنك بجد وحشتيني أوي وعايزة أقولك
ومش عارفة ايه سر إنك بتوحشيني كده وده مش بيحصل مع ناس كتير

دخلت أقول لقيت بوست تحفة في معانيه
حسيت بكل كلمة فيه
فمعرفتش
أقول : وحشتيني ؟
ولا أقول : حلو أوي البوست ؟

ولقيت إني لازم أقول الاتنين :)

بجد بوست راااااااااااااائع اوي
وعجبتني كلماته جدا
تقبلي مروري وتحياتي

أزال المؤلف هذا التعليق.

اكيد طبعا انيس منصور
رااااااااائع

بطوط أزيك

مش عارفة والله اقول ايه ؟

بس بتحصل وفي الحالة دي يبقي فعلا انسان غبي

----------

أزيك كدة يا بطوط

اغنيه انغام استنى ايه
اول مره اسمعها يابطه
بس بجد راااااااائعه
ولايقه على البوست الاخير عندى قوى
بعد اذنك هاحطها عندى
(:
هاعتبرك وافقتى
(غلسه انا مش كده؟؟)
بحبك

فاتيما... أنا طبعا قابلت نماذج كتير زى دى وأكتر بس انا إعتراضى كان على المثالية الزائدة لأن انا فى كل اللى قابلتهم فى حياتى مافيش حد ميه ميه فى كل حاجة ..ممكن تكونى حضرتك بتوصفى تجربة شخصية من منظورك الشخصى والطرف الأخر حيحكى من منظوره برضه.
وعلى فكرة أنا مش متحيز للرجل ضد المرأة ولا الكلام ده.. انا عندى تجربتين طلاق عند أصحابى وأنا مغلط أصحابى الأتنين مع إن كل واحد بيطلع فى مراته القطط الفاطسه وعيوبها فأنا بقولوه على عيوبه وببينله إن زى ما هى عندها عيوب هو كمان عنده عيوب ويمكن أكتر كمان
الموضوع ده يطول الكلام فيه.. خليه فى اى لقاء تدوينى لو الظروف سمحت

بالنسبة لسفرية بورسعيد للأسف عندى إرتباطات عائلية مهمة جدا ومش حقدر اجى
تتعوض إن شاء الله فى لقاء أخر
تحياتى

اول تعليق و مش اخر تعليق ان شاء الله
اولا انا حزين انى ملحقتش ارد فى بوست الناس الحلوين اللى كانو فى عيد الميلاد بس والله غصب عنى عشان الراوتر كان عنده اصابه و خف الحمدلله
بالنسبه للبوست هو غلطته انه كان بيحب نفسه مش بيحبها و هيا غلطتها انها حبت واحد مش بيحب الا نفسه ... بس يا ترى غلطه مين فيهم اكبر
على فكره انا عمرو :)

المراة لما تحب تقدم روحها للانسان اللى بتحبه بس فى الزمن ده مش كتير بيقدر الحب الحقيقى

ام يوسف
والله عندك حق
هو حررها بغباءه
وهبها السعاده بتسلطه
وفعلا هذا النوع من الرجال لا يستحق الا شريكة من عينته
ودول صدقينى بينقوا احسن دواء لبعض
لانه يوم ما يتنطط او يتجاهل بيلاقى امامه غولة تاكل امه قبليه
اما الانثى الحبيبة فربنا يسعدها مع من يستحق قلبها
حبى ليك يا قمر وربنا يكرمك دائما

ياصباح الخير
يالى معانا يالى معانا
الكروان غنى و صحانا :-))
و الطير اهى هاله فى سمانا
يالله معانا

وريا محاضرة مش عايزة تيجى معايا :-))

كل سنة و
القدر و انا و انا كده بخير
و رقصنا يا انا يا انا :-)))

المهم
عملالك حفلة عندى خشى اسمعى على راحتك فى رواقة بس ابقى طفى النور بتاع الشغل الاول :-))) و على السمعات :-))

:-**********************
:-XXXXXXXXXXXXXXXXXXXXX

انا استنيت هذا البوست من وقت ما شوفت تعليقك عند الدكتورة ستيتة.
بصراحة موقفها ورد فعلها من فعله اعجبني لان فيه كثيرات سيعدن مستكينات لحجره بدعوى انه كانت مرة ولن تتكرر وفي كل مرة يعاود الفعلة وتعود هي بعدها لتتمسح بأعتابه
فيه مثل مغربي يقول " لي يدرقني بخيط ندرقه بحيط" معنى المثل ان من لايحبني ويختفي وراء خيط كي لايراني انا ايضا لن أحبه وسأختفي وراء حائط كي لا أراه
المحبة والود والاحترام يجب ان يكون متبادل والا فلا فائدة منه
تحياتي لك

عاشقة الرومانسية
----------------

سيدى يا سيدى
بنرد كمان بأقوال لأنيس منصور

دا شغل جامد قوى


كلامك فيه كتير من الصح يا دودو
الست فى حبها بيتبقى زى طفل صغير

خصوصا لما تكون بطبعها عاطفية اصلاً
اصل فيه ستات بتحسبها بالعقل
و غالبا دول بيختاروا صح
و مبيتعبوش
لأنهم بيدوا العطاء
على قدر من امامهم
لا زيادة
و لا أقل

منحرمش منك يا قطتى و الغنوة تحت امرك طبعا



يوم جديد
---------

حلو قوى تعليقك يا يم يم

الاحلى الإحساس اللى فيه
و كلمة وحشتينى دى
و جملة انها مبتحصلش مع ناس كتير
و ان البوست حلو

و انا مش عارفة الم كلمتين على بعض اقولك بيهم انا فرحانة قد ايه بكل سطر ف اللى فات




sony2000
--------

ميرسى جدااااااااا
الناس الذوق ميطلعش منها
غير الذوق




عايش ... و لكن !!!!
--------------------
طبعا يا عايش
نورتنى




ميرا (وومن)
-----------

ازيك انتى يا ست البنات
و متقوليش حاجة
الدنيا فيها كل العجب
هستناكى يوم الجمعة يا بت انتى
اوعى متجيش



أبو حميد
-------

ليه بس مثالية زائدة يا باشمهندس
حضرتك قولت فى وسط كلامك ان كل واحد بيحكى حكاية لازم هيتحيز لنفسه و ميحسش انه غلطان خصوصا لو كان المنظر العام متجه ناحيته فى كم الظلم الواقع عليه

انا متاكدة انك لو سمعت وجهة نظر بطل الحكاية هتلاقيها العكس تماما 180 درجة انها كانت عنيفة
و قاسية
و زوجة مهملة
و طماعة
و مبتقدرش الظروف
و انه اتبهدل عشانها
و انها جبارة و افترت عليه
و انها كانت متكبرة
و انها
و انها
و انها
دا امر طبيعى محدش بيقول انه غلطان
و البوست دا من وجهة نظر واحدة بس

و بالنوسبة للعيوب
برضو المسالة نسبية
فيه عيب يحتمل
و فيه عيب خطير
تستحيل معاه الحياة
و قادر يسبب بلاوى

بينما فيه عيب ممكن ميسبش أثر
و لا يأذى و لو اذى
خسايرهبسيطة و متهدش بيت
دا اللى كنت اقصده بس
ان شاء الله نشوفك على خير
فى لقاء تانى
تحياتى جدا




che
----

أزيييك يا عمرو
مبسوطة جدا من زيارتك دى
و علش و لا يهمك تعالى وقت ما تبقى فاضى و رايق و النت تمام


رأيك قريب قوى من الحقيقة
هو كان شخص انانى جدا و مبيحبش غير نفسه
و عى غلطتها انها احبت شخصاً لا يستحق حبها
بس يا عزيزى من امتى الحب
حد بيختاره
و لا ينقيه؟؟

دا نصيب ف الاول و الآخر
و الا كانت الدنيا خلت من الهموم و المشاكل و البلاوى
و كله بقى ميت فل و سبعتاشر

نورتنى يا عمرو بجد



أحاسيس آيوشة
------------

دى حقية يا آيوشتى
الست مخلوق عاطفى بحت
احنا متبرمجين الهياً على العطاء و الحب
عشان احنا امهات اولا و اخيراً
و دا المقصود بناقصات عقل اللى الغالبية بتفسرها غلط للأسف




القدر و انا
-----------

يا نانو يا جميلة
يللى فاهمنى و معايا ع الخط
حلوة قوى جملة حرها بغباءه دى
مش بس حلوة
دى تحفة
تنفع تكون عنوان للبوست بجد
و والله يا نانو مظنش ان النوع دا من الذكور بينضحك عليه و اكيد لما يتجوز تانى هيختارها برضو فريسة سهلة المضغ و البصق فى اقرب فرصة
لكن ربنا يمهل و لا يهمل
و اكيد عقابه هيكون فى أى شىء تانى

انا لسه مقولتش اهم حاجة
كل سنة و انتى طيبة يا حبيبتى
عيد ميلاد سعيد يا نانوووووو
يا ام شرفنطح

بوسة و حضونات
و تورتات
و بالونات
و وردات
و مزيكات
و كل الحاجات الحلوة

مش عارف ليه كأنك مش انتى اللي كاتبه او كنتى مضطرة تكتبي مش لاقي اسلوبك المرة ديه دورت علية كتير وسط كل تلك السطور لكنى لم اعثر .

انتي عملتي ايه في بوست الكتب اللي قولتي علية

كوني بخير

خواطر شابة
---------
الله
المثل تحفة
اكتر من رائع
يا خواطر

حلو قوى
قوى
قوى


SAYED SAAD
-----------

ازيك يا سيد المكسرات


انتا مش لاقى اسلوبى يمكن
لأن دى مش فاتيما
اللى انتا متعود عليها


مهياش المرأة المهيضة الجناح
المعتادة


دى حد بيكتب بمنتهى القوة
و الغرور كمان


و دا حقيقى يا عزيزى
مقدرش انكره


و كنت عارفة ان البوست
هيستفز اغلب الرجالة
لأنه فيه عنجهية زائدة


لكن لو تصدقنى ...
دى اول مرة اقول الكلام دا
فى حياتى
و مظنش هقوله تانى


و منكتبش غصب عنى
بالعكس
دا كان مسجون
لحد ما جت مناسبته
و طلع


يمكن لأنى لأول مرة
بحس بقوة و سند



بس كمان عاوزة اقولك
ان سبب القوة
و الاحساسه بالتحرر مما مضى
هو نفسه سبب الضعف القديم


معرفش هتفهم قصدى و لا لأ


بس البوست على ما فيه
من تعالى على رجل
على قدر ما فيه
خضوع لرجل برضو


نورتنى يا سيد
و اتمنى شعورك بالغربة
يبقى البوست دا و بس يا عزيزى

اولا اشكرك على ردك السريع
انا عارف قصدك يا فاتيما وفاهمه
انا معلقتش على المضمون مش علشان انه تعالي على الرجل زي ما قولتي في ردك واللي يأكد كلام ده وكلامي العنوان لوحده فيه قوه ومعاني كبيرة
انا بس ركزت على الاسلوب لأني قريتلك حاجات كتير وانتى مهمومه وانتي حزينة وانتى فرحانه ومرة واحده اتغير كل ده لأسلوب مختلف وخلي بالك مش معنى انه مختلف يبقي وحش الورود كلها جميله ومفيش ورده شبه التانية وده في حد زاته اختلاف .

الحمد لله ان ربنا وهبلك من الضعف قوه تعوضك عن كل اللي فات ده في حد زاته بالنسبة ليا فرحنى يااااااارب تحققي كل اللي نفسك فيه
اما عن شعوري بالغربة اكيد البوستات الجايه هي اللي هتوريني قلم فاتيماالحقيقي اللي يمكن كان مستخبي فترة طويله وجه الوقت اللي يكتب ويعبر براحته من قيود او مستحضرات تجميل تغير حقيقته
انا منتظر منك الجديد دائما
كوني بخير وبسعاده دائمه
سيد سعد

SAYAD SAAD
---------


ميرسى يا سيد على كل تن\منياتك الطيبة

يبدو انى فهمت تعليقك غلط

معرفش ليه حسيته بيلومنى
اكتر ما بيقول ان الأسلوب اتغير

معرفش كمان اتغير دى
يعنى اتطور للاحسن
و لاّ انحدر للوراء

بس فترة الغختبار الصامتة و القادمة اللى قولت عليها هتبين فعلاً ليك و ليا و لكل حد بيدخل و مهتم يتابع او مش واخد باله اصلاً


أى تغيير سببه اكيد انى اتغيرت يا سيد
و الحمدلله حاسة انه تغيير للأحسن
بقيت اقل خوفا على الأقل
و اكثر يقيناً فى حاجات كتير
و دى حاجات كانت اشباح حواليا زمان
و دلوقتى بقت اشخاص حقيقين بيكلمونى و اكلمهم و اتسند عليهم


انتا من الناس اللى عرفتهم فى اوائل دخولى هذا العالم
و غلاوتك عندى تستدعى انى اقلق لو حسيت انى اقل من توقعاتك منى
دحنا جيرة الهنا يا سيد المكسرات

منحرمشى من طلتك عليا

مش بلاقي اي ميلات منك :(
وحشتيني كتير

نفسي القطه اللي اعرفها تعمل زي دي بقي نفسي تنجد نفسها
مش عارفه هتفضل تتحمل لحد امتي بقي
الحمدلله ماما الدكتور طمننا عليها ومش هتعمل العمليه دلوقتي خالص
قال مش قبل سنه نبتدي نتابع ولو حصل حاجه بقي ساعتها نبتدي نفكر
الحمدلله ياطمطم عدت علي خير
وده ريحني شويه
ربنا يهدي بقي ويهد بقي اللي في بالي
طمنيني عليكي
بحكيلها عليكي علي فكره وقالتلي اسلم عليكي

ليا عندك سؤال وطلب
اولا : لو حصل لقاء للمدونين في مصر قوليلي بس يكون منظم لأني بعد كل لقاء بسمع حاجات غريبة انا مروحتش غير مرة واحد ومكررتهاش
ثانيا " فين بوست الكتب اللي خلتينا نقول رأينا فيه

سلامي ليوسف

مساء الخير
معلش نعتذر عن التاخير لظروف صداعية :-)) بس اهو بنحاربه بالفسكافية و شكلها حتكون ليلة ليلا :-))

صباح ضحايا الحروب
هو ديه طريقة لتقليل التعداد السكانى و لا ايه ؟؟
طيب حنقول والرجالة خلصوه فى طابور السولار :-( متنفعش :-((

صباح المطالبة بالحقوق
و بعدين و اخرت البلد الى حتنام فى الشارع ديه ؟؟ حيقولوا علينا شعب صايع
مايلمونا بقى :-((

صباح الجوايز الفشنك
تاج الجزيرة :::: السلطانية :-))
الموضوع ده بالنسبة لى يا فطوم ، بينغزنى بشكل :-))) يفطس بس مش من الضحك (اصل الكبيرة بتاعتى الى طفشتنى من مصر خذتلها جايزة بالشكل ده برضه :-((
و صباح الناس الى متعرفش حاجة و فرحانة بالجوايز :-((

صباح الإستفسارات
لا وزارتنا اسد اسد
و الاسد ميقدر على الضباع الى بتاكل فينا لان الاسد ميكولش الجيف الى زينا :-(((((

صباح المؤتمرات الصحفية
عايزن يدوله الجنسية ليه ؟؟؟؟
و لما هما ميكونوش لبنانين امال مين ؟؟

المهم انها لسه قوية و مبتنخش مناخيرها فى الارض
جامده يا ست :-) ايوه كده

صباح الاشعار
ايه الرجل الحمش ده :-)))

"مشكلتي مع النقد
أنني كلـّما كتبت قصيدة ً باللون الأسود
قالوا إنني نقلتها عن عينيك.."
و قال احنا السبب قال :-)))

صباح الأغانى و الدندنات
حنان
ذكريات الاعدادى و الثانوى بالنسبة ليا :-)))
و ذكريات قصص الحب بتاع اعز صاحباتى
:-))))) و قصص الوهم بتاعتى :-)))
ياه كنا ايامها بنشغل نص الدماغ و كنا مبسوطين :-)) ايه الى خلنا كبرنا

:-******************************
خلاص مسامحة على التاخير ؟؟
:-XXXXXXXXXXXXXXXXXXXXXXXXXXXXXX
لزيادة التوكيد :-)

يااااااااااااااه جميلة قوي مؤثرة جدا كمان
اى ست لما بتحب بتدي كل حاجة تقدر عليها لجوزها عشان تشوف فى عنيه الحب وتشوفه فرحان
وتتمنى انه يقدرها ويحبها زى ما تحبه
بس اذا جرحها جرح كبير او استهتر بيها وبتضحياتها خلااااااااااص كل حاجة بتتحول العكس وشوية بشوية الحب بيضيع
كلماتك جميلة

بجد تسلم هالايادى على الابداع اللى بيستحق التصفيق له بحراراه...

بجد وصف رائع وواقعيه جدا جدا ...

يارب مانتحرمش من ابداعاتك ...

وانا بحب مقوله انيس منصور دى اوى لانها بجد صح ميه بالميه ..

تسلمى يااحلى فاتيما ويارب تكونى فى احسن حال ...
...............
اه صحيح للاسف مش هاقدر اجى اللقاء
ان شاء الله اشوفك فى لقاء تانى
ويارب يكون قريب وفى مكان قريب برضو :)

... ;) ,,, ;) ...
... ;) ,,, ;) ...

صباح الخير :-)

بتزنقينى هناك
ازنقك انا هنا
فى الاصطباحات يا هانم :-)))
و الفول و الطعمية

:-*********************************

و بعدين فيه ابهات بتشرح حاجة لعيالها دلوقتى يعنى حتتزنقى قبلنا
مع يوسف او اخواته باذن الله

:-XXXXXXXXXXXXXXXXXXXXXXXXXXXXXXXXX

حنان الشافعى
------------

معلش يا نوناااااا

انا مشغولة قوى الأيام دى معلش متزعليش

الحمدلله ان حالة ماما مستقرة و دى بشرة خير اهى تاخد هدنة شوية من العمليات والتعب و ربنا ياخد بيدها يا حبيبتى

متقلقيش على قطتك هتبقى زى الفل بس هى فى مرحلى انعدام الوزن دلوقتى و اللخبطة و اول ما تخلص المرحلة دى هتبتدى تاخد القرارت المناسبة لأن محدش بيدور على العذاب علطول بيجيله وقت و يقول يا رب حبة راحة و هدوء بقى

سلميلى على ماما قوى و قوليلها فاتيما بتبوس ايدك و بتقولك الف سلامة عليكى سا ست الكل




SAYAD SAAD
----------

ارد ع السؤال الاول

متقلقش يا سيد البوست هينكتب بس لما اروقله الوال و لا عاوزه مسلوق و مطلسق؟؟


اما بخصوص الطلب الملغم بتاعك دا

فيا عزيزى انا مش عارفة اقول ايه؟؟؟

طبعا اى لقاء هتلاقى تفاصيله هنا و هبقى اقولك فى مدونتك حاضر

بس الشرط بتاع يكون منظم دا
صعب قوووووووووى اضمنهولك يا سيد
و الحاجات الغريبة اللى بتسمع عنها دى قابلة للحدوث و قابلة كمان لعدم الحدوث و انا مقدرش \اتحكم فى مزاجات الناس و قابليتهم للهدوءو النظام من عدمه للأسف و لحسن الحظ برضو


عارف يا سيد اجمل ما ف التدوين
هوه الحرية
انتا حر ف اللى تكتبه
و اللى تعرفه
و اللى تعلق عنده
و اللى تلفظه من حياتك كمان

فبالتالى انتا حر تيجى و تشوف اى حاجة غير متوقعة
او متجيش

بس انا رأيى انك تيجى و تسيبها على الله يا فنان و لو معجبتكش الحكاية امشى و محدش هيلومك على اى انطباع تاخده ...ماشى؟

منورنى البوست دا بجد




WANDA
-----
مساء الانوار يا ون ون

خلاص حطينا صباحات جديدة و منتظرة رأيك فيها يا حبيبتى
و ازنقك آه مزنقيكش ليه
بكرة ربنا يكرمك بالى يزنقك و يقولك يا ماما انا جيت ازااااااى برضو
ياااااااااااااارب
****************************************************************************************************************************************
و ××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××
عشان بكرة هبقى فى بورسعيد و مش هلحق اصبح بقى
دعواتك




رنونة حكومة ميخو
----------------

دا حقيقى يا رنونة
الست لما تحب بتدى بلا حدود
و لما تقرر تبعد بتهد المعبد بقى و عليا و على أعدائى

الف شكر ليكى و نورتينى




Ghada mOhsen
------------

يا خسارة كان نفسى تيجى قوى يا غدغود بس معلش طالما الجهات العليا عندك مش موافقين مقدرش اتكلم انا بقى
المرة الجاية ان شاء الله لما نعمل لقاء فى القاهرة تقدر تيجى يا حبيبتى

بوسات و حضونات ليكى و لرانيا

ما يدعو للعجب حقا

كيف يلوم القاتل ضحيته ؟!!
كيف يرتكب جريمته بدم بارد

ثم يجلس بجوار الجثة يبكى

و كأنه هو المذبوح


فاتيما ....حبيبتى يا فاتيما
حلوة اوى اوى اوى
وجامدة جدا الحتة دى
عارفة فى ناس كتير بجد بتبقى انانية لدرجة مش بتشوف اى حد حواليها وعلطول عاوزة تاخد وبس حتى لو ع حساب اى حد تانى مش مهم اهم حاجة هى تبقى كويسة
ولما الناس دى بتبعد عنهم مش بيزعلوا غير عشان مش هيدوهم نفس الى كانوا بلياخدوا مش عشان الشخص نفسه وقيمته
اهم حاجة انها سابته وده التطور الطبيعى للحاجة الساقعة
واكيد هتلاقى الى يقدرها ويستاهلها

بجد انتي جميله جداااااا جدااااااااااا

الخاطره كلها علي بعضها بجد مالهاش حل

وتعبيراتها قويه جدااااا

انا سرحت جواها خالص ومكنتش عاوزاها تنتهي


دمتي بالف حب وخير وسعاده يارب

ومن باعك بيعه
برخص الـــتراب.

لابد من الأعتدال
فى جميع الأحـوال!
ايه دا انا بقول
شــعر ولا ايه:):)
بس حقيقى لابد من
أننا نكون فى كــل
الأوقات صاحيين لنفسنا
لأننا فعلاً وأبداً الباقين
لنفسنا وأن هانت علينا نفسنا
وأمتهناها لدرجة العبودية لأى بشر
فنستحق أن يفعل بنا ما يريد فلا نلومه هو بل نلوم أنفسنا اولاً
(بقولكم بقول شعر مش مصدقينى:)

:)
صحيح ..
لما بنحب حد .. بنديله كل الدنيا .
و لما بنكره .. ممكن نحرق بيه الدنيا ..
:)
معلش .. القطة الحلوة راحت للي يقدرها .

الا قوليلى بالحق ايه حكاية
لاقيناكى على باب الجامع ؟؟

اصل لعلمك انا من الى صدقوها :-))
اخويا هو الى كان بيقولهالى طول الوقت ، لما اقول و اشمعنا انا و انا كمان عايزة و فين حقى
يرد يقولى جق ايه ملكيش حق احنا لاقيناكى على باب الجامع :-))) صدقتها بعدين لانه كان شيطانى الشقاوة و انا مكنتش بعرف اجارية بالعكس كنت بخاف و اتادب من نفسى :-)))
قولت فى عقل بالى اكيد الى بيجبوهم من الجامع بيكونوا مؤدبين غصبن عنهم و الغير بيكونوا شياطين :-)))))
شوفتى النصاحة :-)))

حتة انا جيت منين
فاكرة فيلم الحفيد و الكارتون بتاع العيال الى جوة البطن بيتكلم بعضيها و الله كنت مصدقها (بس متطورتش اسال دخلت ازى من الاول :-) بس كنت ميقنه انى بعد ما قشرونى حطونى على باب الجامع :-)))) و بعدين صعبت عليهم رجعونى ثانى :-)))))))))))))

اه الاصطباحات
خليها التعليق الثانى انا طولت هنا
:-****************************

صباح ما خفى كان اعظم
نحن شعب بتوع العجل وقع :-))
منتشطرش عليه و هو واقف
و بعدين الناس سكتت 3 سنين بحالهم :-)) و دلوقتى بيطالبوا ، خايفين يسقط الحق بالاعدام :-((

صباح العجايب
ايه حكاية مركز بنى مزار ؟؟
ده قنا مش كده و دول ناس اغلبهم طيبين ؟؟ ايه مالهم ؟؟
و محدش يقولى سرقة اعضاء
اعضاء ايه الى تنفع فى فتح فى مكان بالشكل ده ، ده تكون تشبعت تلوث قبل ما تتشحن :-((
الموضوع فيه ايه بالظبط؟؟

صباح المحاكم و ضياع الحقوق
لا ده بقى عايز درس تعليم
علشان يفهمنا ايه لازمت المحاكم ديه كلها و حكمها يعنى بيمشى يعنى ؟؟
عارفة افتكرت الراجل البلطجى بتاع مسلسل اوان الورد
و الله شكل النوعية ديه حتسود فى ظل القضاء الحلو بتاعنا ده :-(((

صباح الكسابيات
ناقصة جملة كمان
و ازى حيرجع بعد ده كله من ايطاليا ؟؟؟
بخطره و لا مشحون فى تابوت ؟؟

صباح التخاريف
"لذلك إذا صليت غداً فى جامع كبير سوف أستمع إلى خطبة مكتوبة وموقع عليها بالاستلام، وإذا صليت فى زاوية صغيرة سوف أخرج بعد الخطبة لأقرر أن أسافر إلى «دبى» لأقتل أى شخص هناك سواء بجواز سفر مزور أو بتحويل رصيد"
بصراحة مفهمتهاش ؟؟ قصده ايه بالجملة ديه بالذات الجزء الثانى

صباح جرى الوحوش
:-)))) لما السر الالهى يطلع
دول ناس شغلتهم الكلام و بس
مبناخذش منهم غير كلام و بس :-(((

صباح البهجة
ايه التطور الطبيعى للاصطباحات ده
بعد الاغانى و الاشعار رسومات كاريكاتير :-))))

صباح الأشعار
لمجرد إننا نقطن كوكبان مختلفان
و بالرغم من ان تشرق علينا شمس واحدة
برغم من ذلك اقول
صباح الخير أيها الثلج
واندا المثلجة :-))))

صباح الأغانى و الدندنات
متعرفش ليه؟
ولا انا اعرف حاجة :-) وش بيغمز

:-xXXXXXXXXXXXXXXXXXXXXXXXXX

Ana Keda
--------

ازيك يا ام بوداااا

انا سميته كدا خلاص
و بكرة لما ارجع من بورسعيد و فضل فيا نفس هرد على ايميلك الروعة على مهلى بقى و بمزااااااااااج

منحرمشى منك يا حبيبتى
انا مبسوطة قوى انك عرفتينى و عرفتك




صمت المشاعر
----------

ميرسى يا صموتة
احرجتمونا يا جماعة بذوقكم
منتحرمشى




norahaty
--------

نوووووووووور
البوست دا كله عبر أصلا
و يخلى القريحة تجود

و عندك حق فعلا

التهاون يؤدى إلى الهوان فى النهاية
و المهم ان الواحد يهرب من المذلة
قدر امكانه لأنه عمر واحد و بس

و انتى بتقولى اللى باعك بيعه
برخص التراب

لأ بقى
انا بقول
اللى باعك بيعه
و إكسب فيه كمان
لو تقدر


كنتى وحشانى يا نورهانتى قوى




شيماء على - قهوة بالفانيليا
---------------------------

يا شيمووووو
يا فانيلياااااااا

طبع المرأة يا عزيزتى
يا كل شىء
يا لا شىء

نورتينى




wanda
-------

ازيك يا ون ون

البت علاااااااا اصلها لما شوفتها قبل ما تسافر قعدنا نتكلم عن حكاية الجامع دى

بابا كان بيقولهالى و انا صغيرة و كنت بصدقه و أعييييييييييييط لحد ما اقول يا بس
لحد ما صوعبت على الحاجة ام فاتيما و لقيتها بتطلعى صور بقى انى شبه جدتى قوى و شبه بابا و قعدت تهدى فيا و كدا و انا بعبطى كنت مصدقة و عايشة فى دور فاتن حمامة و شادية و عمالة اقول انا بنت مين و شغل حسن الامام و كدا

انتى كمان ؟؟؟

يظهر انه كان فلكلور بيتوتى شعبى أصيل و بيتقال لكل العيال وقتها بقى
قطييييييييييعة



موضوع بنى مزار دا بقى انا مش فاهمله
التفسير الوحيد المنطقى انه انتقامى بحت و شغل اجرام منظم مش اعضاء و لا حاجة و بكرة الحقيقة تبان أكيد

حلوة قوى جملتك على ايطاليا
و الله لايقة ع النص جدا

التخاريف تقصد غالبا حكاية هشام طلعت مصطفى


الجو عندنا حرررررررر قوى يا ون ون
ابعتيلنا كام لوح كدا على ما قسم



انتى متعرفيش حاجة ؟!!!

عليا برضو
انتى تلاقيكى عارفة اكتر منى يا شيخة
و واخدة بالك منى
و اجمل حاجة انك مبتسأليش
و الوش بيغمز بث

بوسات و حضونات ييجى ميت واحدة عشان بكرة فى بورسعيد و مش هلحق اكتب صباحات و لا أبعت سلامات

سلاااااااااااام

فاتيما
ماتروحى تنامى يابطه مش عندك سفر الصبح يابنتى؟!!
يلا ياماما بيتك بيتك
على السرييييير

عارفة لولا انى بحبك
و المدونة بدونك ملهاش طعم
حتى و هى مليان خيرات
كنت عملتلك احتلال
بس حظك بقى انى مشغولة لشوشتى النهاردة
:-)

بس امرنا لله نستنى عودتك و لو حد قبض عليكى و الله لنقوم عليهم بدمادع الجزم حتى يسيبوكى ترجعلنا :-)))

تروحى و تنبسطى و تبسطى العيال و ترجعى بالف سلامة

:-****************************
:-XXXXXXXXXXXXXXXXXXXXXXXXXX

ياجامد ياجامد

بجد صح اوووووووووووووووووووي

لو يعرفوا المرأة لما بتحب ممكن تعمل اية ولما بتكره بتعمل ايه مش كان في مخلوق حاول يخربشها بس

حالة من الحلات الموجودة في المجتمع للأسف .. وأنا ما أحبش اصف الرجل اللي من النوع ده "بالرجولة" أبدا لأن الرجولة لا تتفق مع النذالة وعدم النبل

وأنا سعيد بالنهاية التي جعلتها تكتشف نذالته وبالتالي تنقذ ما تبقى من عمرها لتعيش سعيدة سواء بمفردها أو مع انسان نبيل آخر .. يكون رجلا بحق

تحياتي على تلك الكلمات

وعلى تلك المدونة الرائعة

تقبلي مروري وتحياتي

ويبقى التواصل

صح البوست ده فيمنسيت اخر حاجه
اللي يعمل كده يبقي حب قوى قوي واللي جرحه جرحه قوى قوي فبيكون رد الفعل عنيف عنيف بتتصرف وانت مش شايف غير صورة جرحه ليك وحبك له يمكن بعد ما ده يحصل تلاقي دمعه نزلت من عينيك غصب عنك انك قدرت تكون قاسي وعنيف كده
تحياتى ليكي دايما يا فاتيما

عاشقة الرومانسية
-----------------
حااااااااااضر




wanda
-----
الله يسلمك يا ون ون
يا حبيبتى المدونة مدونتك انتى بتتكلمى فى إيه؟؟
عدنا الحمدلله و انكتب البوست الجديد خلاص
انا كمان
**********************************
و ×××××××××××××××××××××××××××××××××




كيــارا
-------

ازيك يا بنوتات ا عسولات

على فكرة هما عارفين
بس بعضهم ساعات من كتر الدلع بيتهيأله بغفلة انه خارج الحكاية
و ان الرجالة كلها كوم و هو كوم
ما دى ميزة الحب وعيبه فى نفس الوقت
انه بعطائه
زى سلاح ذو حدين
قادر يدبح
و قادر يفرح
المهم اللى قصادك يتعامل معاه ازاى

بوسات و حضونات
يا بنوتات
يا عسولات





يا مراكبى
---------

يا نبع الحكمة يا غالى
انت سعيد بالنهاية دى
و انا سعيدة بسعادتك دى جدا
ربنا يخليك و منحرمشى منك





معتز شاهين - باحث تربوى
-----------------------

الف شكر لحضرتك
و شكرا على الزيارة
ان شاء الله تترد قريباً




mostafa rayan
-------------

يا واد يا صفصف
انتا اصلك حبيب قوى و طيب قوى
فلازم حتى لو البوست فيمنست قوى
تحبه و تتعاطف مع صاحبته برضو
اللى كتبته على فكرة
بيحصل اوقات
لما تحس ان ياااااااه الدنيا معقول يكون فيها ناس كدا و عايشين ازاى بقلوبهم الحجر دى ؟؟؟؟
بيصعبوا عليك انسانياً مش اكتر
لكن عاطفياً
خلاص ...انتهى حزنك عليهم
و منهم كمان

تحياتى ليك علطول يا مصطفى يا طيب

إرسال تعليق