........................................................

........................................................

الأربعاء، 21 أبريل 2010

البــؤجــة بــؤجـتـنـــا 2








أيوووووووون
البؤجة بؤجتنا
من تانى

فاكرينها ؟؟

دوس هنا

لو مش فاكر
او مش عارف اصلاً ايه الحكاية
اصلها حكاية طويلة
و اجمل ما فيها
انها لا تنتهى و لن ... إن شاء الله
طول ما فيه
قلوب جميلة

زيكم بتحضنها
و تخليها تعيش

و تستمر و تكبر و ترسخ
و تبقى زى يوم عيد
نستناه و نفرح فيه



التفاصيل كلها
هتلاقوها عند

الغالى
خالد همس الاحباب

هنـــا


دى نمرة الموبايل بتاعته
عشان أى استفسار

0101345140



و هتلاقوا
عنده كمان
أخبار جميلة قوى
عن توابع وأخبار

زيارة أبو الريش

مبدئياً كدا
و قبل قراية أى تفاصيل

تعملوا حسابكوا
يوم الجمعة

30 أبريل 2010

دا تبعنا
محدش فيكم
يروح فى حتة

و لا ينشغل غير بتحضير نفسه
و شيل بؤجته
و المجى علينا و فقط عند

مسجد زهراء مصر القديمة

هيكون فيه التجمع

الساعة حداشر قبل الصلاة

و مش هوصيكم
البؤجة بؤجتنا
فالله يكرمكم
اللى يحبنا ... ميضربش نار

يضرب الهم
و الكسل
و الحزن

و التفكير فى نفسه وبس
و يفكر فى غيره
اللى له حق عليه
و لو كانت الفوكيرة دى
فى شكل بؤجة
اسمها
بؤجة الخير


يوم الجمعة
هستناكم
وربنا يجمعنا و دايما فى الخير


بحبكم
يا احلى ناس
و صحبة و عالم


كام حد و قلب
البؤجة دى من غيرهم

لا كانت و لا استمرت
داليا قوس قزح وش الخير
آبى هانم بتنجانى
خالد همس الاحباب
بت خيخة و أى كلام

بوستات صديقة و توابع زيارة ابو الريش
--------------------
عاملين جمعية تيجى نقبضها الاول ..ستاتيتو

شـــكــر واجـــب ...بت خيخة و أى كلام

الحمدلله الذى تتم بنعمته الصالحات... ضياء بيتوفل مايند

الحمدلله .... داليا قوس قزح وش الخير

هناك 21 تعليقًا:

لولا وزهراء يقول...

فاتيما

الخير فى هذه الامه الى يوم الدين

الدال على الخير كفاعله

انتظرى جوائز السماء لكى عن قريب ان شاء الله

زهراء

هبة الحياة يقول...

ان شاء الله اكون من الحاضرين معاااااكم

الشـوكة الــنـاعـمـة يقول...

اللى فهمته ان ده عمل خيرى صح ولا انا غلطانه
بس لو هو كده ربنا يجزيكم خير ويوفقكم
تحياتى

Wanda يقول...

صباح الخير و انشاء الله ربنا يكرمكم ديما بالخير
:-******************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ميرا ( وومن ) يقول...

صباح الهنا والخير يا بطوطي

كل سنة وانتي طيبة أوام كدة البؤجة الصيفي هلت علينا

بصراحة يا بطوطي مش عارفة هاقدر ابقي معاكم يومها ولا لا

أدعيليييييييييييييي

وحشاني قوي

بوسة كبيرة وحضن كبييييييييييييير

MR.PRESIDENT يقول...

ربنا يديكي مادام من حلاله ، ويهديكي ويخليكي ويكرمك من وسع رزقه قادر يا كريم

richardCatheart يقول...

صباح الفل والخير
يا مفرحنى وبسطنى والله بيكم بحس الدنيا فيها امل انتم واللى زيكم ربنا هايكرمكم من وسع يا ام يوسف

كان نفسى ابقى معاكم والله بس هاه ما باليد حيله قلبى وكل جوارحى معاكم

وربنا يجعله فى مزنكم بأذنه وماشائته

روحى يا تيما ربنا يكرمكم كمان وكمان يارب

تقبلى مرورى وانا مبسوطه

صيدلانيه طالعه نازله يقول...

دايما كده الخير منكم و جواكم
الخير كتير و موجود بس محتاج اللى يوجهه للطريق الصح
و انتوا احسن حد نعتمد عليه فى الموضوع ده

ستيتة حسب الله الحمش يقول...

البؤجة بؤجتهم
البؤجة بؤجتك
البؤجة بؤجتنا كلنا

جيت اصبح وامسي علشان الجو النهاردة حلو
والدنيا بتضحك
والعصافير شغالة غنى
فيه حاجة حلوة النهاردة يا جودعان

بحبك

saragebaly يقول...

يارب دايما متجمعين في الخير وللخير

وكتـّر الله من أمثالكم

جزاكم الف خير وجعله في ميزان حسناتكم يارب

تحياتي

سارة

ـ-ـ- أحمد عبد العدل-ـ-ـ يقول...

ماما فاتيما
يارب حضرتك بخير ،، قابلت أستاذة داليا قوس قزح قريب و على ما رجعت لها أبعت السلام معاها لحضرتك ملقتهاش
أكيد يوم البؤجة هيكون جميل زى قلوب الناس اللى بتتجمع فيه
سلامى لكل الناس

همس الاحباب يقول...

الحمد لله
وان شاء الله البؤجة تكون عند حسن ظن الجميع
والكل يشرف ويشارك معانا باذن الله
وما تنسيش انك ركن وعامل اساسى فى نجاح كل اعمال الخير
يكفى وجودك فى اى مكان وهتلاقى الخير يهل دايما
جزاكى الله خيرا يا ام يوسف
تحياتى

زهور الامل يقول...

الخير في وفي أمتي الى يوم القيامة

ربنا يقدرك ويقدرنا على فعل الخير

بس انا مش هقدر اكون معاكم اعذريني لاني من المنصورة والمشوار هيبقى صعب عليا

تحياتي

شمس النهار يقول...

ازيك يافطومة

وحشاني جدا

ربنا يكرمكم بحق كل اللي بتعملوه ده

ناس جميلة صحيح


سلامي

Wanda يقول...

صباح الخير
منغير احضان
زعل :-) على الطناش
و نكتفى بالقبلات
:-*******************************************

عاشقه الرومانسيه يقول...

ربنا يقدرك على فعل الخير يابطه
انتى وكل احبابك


وحشتينى ومفتقداكى قوى

صوت من مصر يقول...

يا طنط لو اقدر اخلى شاكيرا تيجى البؤجه معانا كنت عملتها لكن للصدفه عندها حفلة فبعتتنى مكانها عشان اشوف احلى ناس وكده كده بقى الباقى فضايح فبلاش

نبضات يقول...

صباح معطرررر بالورود والياسمين والحب والامل دائما فى غد اكثر أشراقا

ربنا يوفقك دائما للخير

ويسعد قلب الرقيق

بحبك ... وحشتنى


تحياتى

يا مراكبي يقول...

بسم الله ما شاء الله عليكم جميعا

ربنا يديم عليكوا نعمة السعي في الخير دايما ويديكم على قد نيتكم

فاتيما يقول...

هرد رد عام يا جماعة
------------------

هبة الحياة
---------
تنورينا إن شاء الله



ميرا وومن
---------
ليه يا ست البنات كدا
دا اليوم دا وجودك فيه أساسى
حاولى لو سمحتى ى ى ى ى ى
ماشى ؟



صيدلانية طالعة نازلة
-------------------

ميرسى يا لولاّ
و طبعا يا حبيبتى ممكن ينبعت اللى قولتى عليها
عليكى و على خالد الغالى .. يقولك تعملى ايه و تبعتى الحاجة ازاى
بوسيلى العيال




ستيتة حسب الله الحمش
-----------------

انا كمان
بحبك





همس الاحباب
---------
انا مبعملش حاجة يا خالد غير انى آجى القح جتتى عليكم و افرح لآخر مدى انى معاكم ..ربنا يبارك فيك و فى كل الاسماء اللى فوق دى
الأيام دى من غيرك متكونش
بس كدا م الآخر



نبضات
------

يا عرافتى الساااااااحرة
وحشتينى ى ى ى ى
يا حبيبة قلبى
فرحانة جداااااااا بالتعليق دا
ميرسى انك طمنتينى عليكى يا حبيبتى
ربنا يسعد كل ايامك
مش صباحاتك و بس
بوسات و حضونات يا نبوضتى
سلامى للمحظوظ بلبس دبلتك ..ماشى؟





لولا و زهراء
wanda
MR.PRESIDENT
richardCatheart
saragebaly
أحمد عبدالعدل
زهور الامل
شمس النهار
عاشقة الرومانسية
صوت من مصر
يا مراكبى
---------------------
و لكل حد كان عاوز يعلق
و بيتابع من بعيد و بس
---------------------
ربنا يبارك فيكم إنتم
و يجمعنا كلنا دايما ف الخير
و بالكلمة الطيبة التى لا تقل عن البؤجة فى قيمتها و معناها
تشجيعكم نور ف القلب لا يخفت ابداااا


اللى يقدر ييجى يا جماعة
ميتأخرش
شكلنا بيبقى حلو قوى بجد
بيفتح النفس ع الدنيا
و دا يوم ف الصيف
و يوم ف الشتا
مش كتير نفتكر غيرنا كام يوم ف السنة و ربنا فاكرنا علطول بكرمه و خيره ف

اتمنى تحرصوا قدر ما تقدروا
على عدم تضييع اليوم دا
كل حبى و خالص ودى ليكم
يا احلى ناس و صحبة و عالم

(أم البنين) يقول...

أختي لطيبة فاتيما
أنا جيت أشكرك على زيارتك لمدونتي وده شرف لي ويا رب تكرريها
(على فكره أنا أم البنين واحده تانيه مش إيمان...أنا حنان)بس جزاها الله كل خير د.إيمان إنها خلتني أشوفك
جزاكم الله خيرا على ما تفعلونه من خير
أسأل الله أن يرزقكم القبول والإخلاص

إرسال تعليق

الكلمــة نــور .. وبعض الكلمــات قبــور .... عبدالرحمن الشرقاوى