.

.

تـــبـــاريـــح  

Posted by: فاتيما in , , ,





انتى راكنة عقلك وماشية ورا قلبك
مهما حاولتى تقنعينى بالعكس


يوسف مش راجع دلوقتى خالص
وقولنا بطلى خلاص بقى تستنى


يعنى صحيح هوه اكبر منك بكتييييير
بس دا مايمنعش انه يطمع فيكى


بطلى تقربى م الناس قوى
عشان هتفسدى حياتهم كالعادة



بعد اللى شوفتيه ولسه عندك نفس
تقاوحى و تعاندى و تقولى أنا صح



انتى فاكرة نفسك لسه صغننة ؟!



اللى مستغرباله انك ساكتة و مفضحتيهاش
كنتى قلبتى عليها الترابيزة فى لحظة



دايما بتطلعى نفسك فى صورة الملاك



على فكرة انا ممكن اريحك من تعبك ع الآخر
بس انتى شاورى و هتشوفى


متبقيش عاملة كدا زى سمكة ف حوض
الكل شايفك م الأربع جهات


عملتيلوه ايه غير بوست
و كام لينك مرصوصين فيه و دمتم؟



انتى اللى فتحتى الستارة و فرجتيهم
لما تقفليها و يزعلوا ..انتى كمان متزعليش
من رد فعلهم



لما خسيتى منظرك اتعدل
و بقيتى شايفة نفسك ... الله يرحم
لما كنتى بتمشى تلتفتى حواليكى م الخوف



مش كل حاجة هتنكتب هتتقرى و تتفهم
زى ما قصدتيها دى حاجة مفروغ منها



متستغربيش ... أصل اللى كان باصصلك كأم
أنصدم لما إكتشف فجأة انك طلعتى
واحدة ست عادية و يمكن أقل كمان من العادى


معقول يا بنتى ملقتيش عريس لحد دلوقتى
دا حتى المطلقات سوقهم ماشى الأيام دى



اصلهم متعودين على واحدة مكسورة يطبطبوا عليها
و اللى حاصلك مش مريحهم
فلما بييجوا هنا دلوقتى ... بيبقوا حاسين بغربة



متتكلميش مع أى حد فى خصوصياتك .. ارجوكى
سكين الغدر جايلك يسعى


انتى قسمتى قلبك ميت الف حتة
و كل واحد خلاص .. عاوز الجزء اللى يخصه
و لو ف الآخر مش هيفضلك منه فتفوتة



متتغريش فى نفسك كدا
لو كان فيكى خير ... ما كان رماكى الطير



مش ملاحظة ان اليوسفيات قلت قوى
خلاص نسيتيه ولاّ مبقاش يوحشك ؟



كلكوا عينة واحدة تتشدقوا بالامومة
لحد ما يظهر راجل فى الأفق و ينسيكو روحكم



انتى ازاى عارفة تبتسمى أغلب الوقت
هوه بوقك مبيوجعكيش ؟!


ابنك بالنسبالك بقى حائط مبكى
توقفى قصاده تنوحى و متعمليش حاجة



متتعبييش روحك مهما شرحتى
محدش هيصدقك و يثق فى حكمك ع الأمور
فاسكتى احسن



إظهريه من ورا المشربية عشان
محدش غيره يشوفه
أصل محدش غيره من حقه انه يشوف حبك
و هو لسه رضيع ..لما يكبر شوية تبقى الناس
كلها تشوفه بعدين
" وليد كنج توت "




أجافيكم ...لأعرفكم
"صلاح عبدالصبور"


This entry was posted on الأحد, أبريل 18, 2010 and is filed under , , , . You can leave a response and follow any responses to this entry through the .

71 كــــلام بيطــبطـــب عـــلى قــــلبى و روحــــى

KING TOOOT
----------

كان عندك حق يا وليد
ف كل كلمة كتبتها
فى التعليق دا



و عاوزة اقولك
إن القعدة ورا المشربية
اقل ايلاما بكثير
من الخروج براها



على الأقل
ف الوقت الحالى



و ما دام مفيش فايدة
من أى كلام


يبقى
الصمت أفضل حل



حتى تنتهى التباريح
و تزول الآمها




دعواتك
يا راعى الملك


و كمان نصايحاك
التى لا تتوقف اختك فاتيما
عن الاحتياج اليها دايما

مش عارفه يافاتى

ليه بتجلدي نفسك بحاجات موش صح

وفي حاجات طبعا انا موش فاهمها

بس البوست داا وبجد

لازم يكون من غير تعليق

وعشان كدا انا هقول اني بحبك ووحشتيني بس

انا مش عارفة اكتب حاجة
بس يا فاتيما البوست ده واجعنى اوى اوى مش عارفة هتصدقى ده ولا لاءا
بس من الصبح وانا بقاوم انى اعيط ودلوقتى فاتحة
عارفة اللحظة الى انتى فيها دى كويس
بس متقلبيش الترابيزة عليكى مرة واحدة كده
حقك تتكلمى مع نفسك بس متوجعيهاش اوى كده
يوسف فى قلبك وروحك وفى كل حتة منك دانتى اكتر واحدة تحسى بيه وتحبيه فى الدنيا دى كلها
وانتى وحشتك ليوسف اكبر من اى بوست ممكن يتكتب وانا متاكدة من الى بقوله
انتى بسشكلك مضايقة واحنا حوالكيى بلاش احنا
وحياة اغلى حاجة عندى انا مستعدة اعمل اى حاجة ليكى ومش مجاملة ولا كلام فض مجالس
وانتى غالية اوى وعمر الطير ما يرميكى يا فاتيما
مش عارفة اكمل والله بس بعزك جدا

كل ده جواكى يا تيما وساكته
ليه يا بنتى
دى جمله واحده منهم تهد جبل
مش عارفه اقولك ايه
بس فعلا كلام وليد كان صح
و اللى انتى قررتيه الفتره اللى فاتت كان صح الصح و استمرى و انا معاكى
لان اللى اتوجع بيحس بوجيعه غيره

تيما زى ما انتى قولتيلى حاقولك
محدش حيحبك اكتر من نفسك
و انتى حد يستاهل الحب

بحبك

استاذه فطيمه
اسمحي لي ان اقول حاجه
معلشي سيبي اللي يتكلم يتكلم واللي يقول يقول
مهما فلتي ومهما عملتي
الناس كلها موش هتتفق عليكي او هتحس باللي جواكي
واللي قال مايمسحشي دمعتك غير اديكي كان عنده حق
واعملي اللي عوذاه انتي واللي حسه بيه محدش ملهوش دعوا
لاهما حسين بالامك وباللي جواكي ولا الفكره وصله ليهم من اساسه
ربنا يهدي الجميع
اللهم امين:)

مالك فاتيما

حبيت اجى اسلم واطمنى عليكى

يارب تكونى بخير وامورك تمام

الماما فاتيما
غبت كثير لكني راجع و لسه الحلم بتاع الماما ماتحققش
بس لا تنسي ابدا انه مهما طال الزمن راح يتحقق لانه ما ضاع حق و راءه طالب
تقبلي مودتي الدائمة

يعنى ايه تباريح ؟؟

فكرتينى بمسرحية عفريت لكل مواطن -كانت فلسفتها عاليه قوى

مساء الخير
:-***********************************
:-XXXXXXXXXXXXXXXXXXXXXXXXXXXXXXXXXX

http://www.harrycutting.com/graphics/photos/children/depressed-sad-child-J163-24-11LG.jpg

أفهم من كده ان الاشياء الغريبة دى
تعليقات بتوصلك
لا والله كده كتير
ربنا يعينك يابنتى ويصبرك على مابلاك
يعنى الواحد يسيب البشر دول فى الدنيا
ييجى يلاقيهم فى مدونته

بالنسبة لموضوع يوسف
ماينفعش نحسب كل حاجة بحسابات العقل والمنطق
فى ربنا
خلق العقل والقوانين والمنطق
وقادر يرجعه بأذنه فى الوقت اللى يختاره
وكل دورنا الدعاء ان الوقت يكون قريب
او يصبرنا ربنا حتى عودته

بالنسبة لموضوع محمد فوزى:)
اللى شايف ان الزواج حرام
وان الانسانة اللى بتتمنى ترتبط بأنسان تكون بتحبه ارتكبت معصية
يتفضل يسمعنا صوته
ويقولنا هو من أى ملة أو دين


التعليقات اللى بترمى الكلام على ناس تانية
انا متابعة مدونات كتير
وشايفة انهم بيرموا كلام عنك عند الناس التانية
انا خايفة اسميهم مرضى نفسيين
لان المرضى مرضى يستحقوا العطف
اما دول فكائنات مشوهة ربنا يكفينا شرهم
حبى ياماما
يوسف ومحمد فوزى
وصحابك والدنيا كلها
واستمتعى بكل قطرة سعادة ممكن ترتشفيها مادام بترضى ربنا وبتتقيه فى تصرفاتك
كونك أم كويسة او لا
دى حاجة ماتخصش البنى ادم اللى قالك كده
قوليله كده مباشرة انت مالك
أصل فرق ان حد ينصحنى وان حد يقل ادبه ويتدخل فى حياتى
من كان يؤمن بالله واليوم الاخر فليقل خيرا او ليصمت


تعليق كنج توت
ماينفعش يترد عليه غير بدعوة لله
يديم عليه نعمه ويبارك له فى زوجته وابنه ويرزقه الذرية الصالحة


ماتستسلميش للنكد ده ياماما
وماتسمحيش لحد انه ينكد عليك عامدا متعمدا
حتى لو قررت انك تلغى التعليق بغير معرف
ربنا يبعد عنك شرهم
ويسعدك

بمناسبة الرغى بتاعى
ماما كانت مقدمة عمرة رمضان اللى فات
وظروف الاستعباط بتاع اجراءات الانفلونزا ماسافرتش
وصاحب شركة السياحة هرب بالفلوس
والناس قدمت فيه شكاوى من رمضان الماضى
وماما زعلانة من اخويا جدا لانها كل يوم والتانى تقوله يعمل محضر وهو مشغول
لغاية فى اخرمارس
ماما قررت تعمل المحضر بنفسها
لقت اولا اكتر من 70 واحد عاملين محاضر فى القسم اللى هى راحته بس
وان البيه صاحب الشركة اتقبض عليه صدفة فى شرم الشيخ وهما بيدوروا على واحد تانى
وانها الوحيدة اللى النصاب سوف يصر يديها فلوسها كاملة وبأقصى سرعة لان محضرها اتعمل متأخر بعد مااتقبض عليه
وهو كان خلاص هيخرج بكفالة
واخدنا الفلوس بعد المحضر بأيام
بالعقل والمنطق مكانش ممكن ناخدها
الباشا هربان والناس كلها رفعت قضايا الا احنا
لكن لما فوضنا امرنا لربنا
اراد السميع العليم يرجع لنا حقنا

وبسرعة

بعد اذنك طبقى الكلام ده على عودة يوسف
ربنا يرجعهولك فى اقرب فرصة ويفرحك بيه
واسفة على الرغى
بس المهنة تحكم
مش حلاق طبعا:)

اجافيكم لأعرفكم... !!!!؟

انما انا نسيت اقولك ان هو وليد كدة.. يجيب من الاخر الحكمة اللي غيره ممكن يضيع عُمر يدور عليها.. هو انا حبيته من شوية؟

احم احم
انا لما شفت اسم وليد بين كل الجمل المنيلة بنيلة اللي فاتت دي قلقت اوي وخفت احسن يكون تعليقه دا دايقك ولا حاجة وقلت ادخل اسيب تعليق اسالك فيه.. انما لما دخلت لقيت ردك فاطمنت .. لو لسه بفهم يعني
انما انتي وحشاني اوي.. معلش مقصرة معاكي.. انا عارفة.. بس غصب عني.. عندي شوية حاجات شغلاني ومبدخلش على النت الا نادرا اطل وامشي.. انا دايما اقول ان الفضا فضا البال مش الوقت.. يعني اوقات الواحد يكون وقته فاضي انما باله مشغول فيحس انه مش فاضي يكلم نفسه حتى.. ربنا يريح بالك يا طمطم
انا فهمت كدة ان الكلمات السابقة على كلمة وليد دي تعليقات من اخوة مجاهيل.. يلا ميهمكيش.. ما هو ربنا قال: " ولقد خلقنا الانسان في كبد " وسيدنا ادريس لما طلب من ربنا انه يضمنله ان محدش من البشر يتكلم عليه بشيء سيء ربنا سبحانه وتعالى رد عليه : " اذا كنت لم اضمنها لنفسي " .. ميهمكيش يا طمطم.. الل يعيش في الدنيا ياما يشوف.. المهم : " استفت قلبك ولو افتوك " .. المهم تبقي عارفة مكانك فين وخطوتك قبل متروح تبقي عارفة هي جاية منين وحصلها ايه وبعدين تعرفي ناوية تروح فين
بصي.. احنا محتاجين شوية مسكن من اياهم اللي ميرا بعتت تسالك عنهم.. شوية فضفضة يا اختي ميضروش.. خلي بالك من نفسك

الكلام صعب ووراه قلب يتألم وقلب مجروح ربي يسعد قلبك حبيبتي

مهما حاولتى تقنعى نفسك بانك مش جميلة اوى كده زى ما الناس شايفاكى

لا انتى جميلة اوووووووى اووووووووووى

وبجد الف خسارة انى مش عارفة اشوفك ولا اقعد معاكى ننقى الرز ههههه

على فكرة وبجد بقه انا بحبك جداااا

وبدعيلك على طول

بس خلاص بقه

راااااااااااائعه
معقول يا بنتى ملقتيش عريس لحد دلوقتى
دا حتى المطلقات سوقهم ماشى الأيام دى

الجمله دي بسمعها كتير علي فكره

إيه البوست الغريب ده؟ والعنوان الأغرب منه؟ الموضوع كله محتاج ترجمة

خير فيه إيه؟ لعله خير

take it easy
بالعربى هونى عليك
الحياة
ups and downs
الشجاعة ان احنا لو داون منضربش كرسى فى الكلوب وعلى الدنيا السلام لان لما بنحب نخرج من الحالة دى بنخرج زعلانين من نفسنا

فاتيما

طبعا لا كلام بعد وليد كينج توووت
لكن بصراحه شايفه بعض الجمل فيها الم زياده على النفس هو المفروض انتى تتحملى كل حاجه لوحدك يعنى ؟؟؟؟؟

يا ارق فاتيما ربنا سبحانه وتعالى خلق الناس علشان تتعارف وتتكلم مع بعضها مش نقفل على نفسنا فى شرنقه ونقعد نتفرج الناس
على فكره هما مش بيخوفوا ابدا ابدا

لو ايد جرحت هتلاقى الف ايد تطبطب

لو فى كلمه اتقالت فى حقك وحشه
هتلاقى مليون كلمه تفرح قلبك

لو فى يوم حزنتى يبقى تخلى عندك ثقه ان الفرحه قربت اوى

ربنا سبحانه جل فى علاه قال ان مع العسر يسرا
العسر بيكون مع اليسر مش وراه انما معاه فى نفس اللحظه

سورى انى تقلت فى كلامى

زهراء

بنت خالي

انا مش فاهم حاجه من البوست

او يمكن فهمت بس اخاف

يكون اللي فهمته صح

انتي تقصدي ان حد معين

شايف ان تعاملك مع الحياه مش بالصوره اللي تعجبه او تعجب حد

ودي انتقادات مجمعه ولا ايه

مش عارف

مفيش تعليق ينفع الواحد يقوله فى الموقف ده غير ان كله بيعدى حلو و وحش و مفيش فى ايدنا اكتر من اننا ندعى ربنا يصبرنا

الووووو
انا جيت
ممكن من غير ما حد يتفرس منى
اعرف يعنى ايه كلمة تباريح ديه؟
اصل انا ثقافتي الماني
ايه الكلام المكلكع اللى بيتكتب ده؟؟؟
عاوز انيس عبيد يترجمه اصلا

المهم انا وقفت عند جمله عجبتنى جدااااا
هيه ديه:_

متبقيش عاملة كدا زى سمكة ف حوض
الكل شايفك م الأربع جهات


المهم ربنا يصلحلك و يصلحلنا الاحوال

صباح الخيرات

ياعنى استناكى تنزلى بوست تحدفى فى وشى طوبه
حمرا عارفه انت الطوب الاحمر بتاع البنا
دا نص قالب لاء قالب ونص جه فى عينى لما قريت
انا شايفه ان الكلام متحامل اوى اكيد انا مش هاكون بقرب صاحب الكلام منك
صحيح انا مش فاهمه كتير منه
صحيح يمكن يكون عنده حق وارد
بس بردو احنا بنى ادمين بشر بناكل ونشرب وبنعيش ونحب ونتحب ونغلط ونصلح ونعصى ونتوب مابعملش حد على انه ملاك اه وبردو مابشوفش حد وحش اوى كده غير حد معين بس قبلتها مره فى الحياه ولقيت فيها اغبى الصفات وماعتقدش ابدا انك كدا والا مرايتى تبقى صدت وعايزة الكسر
انت من حقك تخبى كل حاجه فى حياتك زى ماكان من حقك تشركينا فيهالكن مش من حقك تحملى نفسك كل ذنوب الارض
يمكن كلامى مالوش معنى يمكن فهمت غلط
بس كل العيزاكى تعرفيه ان الدنيا مابتقفش واوعى توقفيها علشان حد مهما كان لانك فى الاخر الوحيده الخسرانه
الكل هايكسب والكل هايفرح
يمكن بس الكلمه الوحيده اللى لوصح تبقى غلطانه لو بتمشى ورا قلبك لاء كمان لازم عقلك يبقى قبل قلبك لالالالالالالالالازم
التباريح هاتروح دوام الحال محال
فكرى وبعدها مهما وقعنا هانحاول تانى
والا نموت اسهل

عايزة اعرف ردك يمكن افهم منه اكتر
تقبلى مرورى يا تيما ياام يوسف

يا فاتيما
لكل عشق لغة ، وبين العاشقين بتكون اللغة دي هي لغة التفاهم العاطفي ، واللغة دي مش واحدة بين العاشقين
لا
كل إثنين بيخلقوا بينهم لغة خاصة بيهم
كلمات و نظرات و حركات
ليها مدلول بين الناس ، لكن عندهم بيكون ليها مدلول تاني خالص ، والمدلولات التانية دي ماحدش بيفهمها غيرهم هما بس .
إللي بنسميها أسرار الحب
الناس يا فاتيما مش حاتعرف تترجم اللغة دي أبدا مهما حاولوا
ليه؟
لأنها ببساطة لغتك إنتي الخاصة ، ماحدش حايعرف يترجمها غير الإنسان إللي بتحبيه بس ، وطول ما هو بيترجم صح ، خليكي مطمئنه ، مهما حصل ، ماتخافيش من شيء إلا في حالة واحدة بس
لو لقيتيه بدأ يتهته و مايعرفش يترجم اللغة دي .
إقفلي كل المحطات المشوشة عليكي دي
وإثبتي على محطته هو وركزي قوي
بس وإنتي ورا المشربية ، علشان تستري الرضيع بتاعك لغاية ما يقدر يخرج من ورا المشربية ، ويواجه الناس بخيرهم وشرهم .
ربنا يوفقك يا أم يوسف
ويرد لك يوسف
ويحفظ لك رضيع مشاعرك الجديد
kING TOOOT

ربنا يطمن قلبك ويكتبلك اللى فيه الخير يارب ، خليكي زي ماانتى واعملي اللى انتى عايزاه طالما مش بتعملي حاجة غلط ومش بتإذي حد ، ما تسمعيش كتير لكلام الناس لان كلامهم .. مجرد كلام وبس

ربنا يكرمك ويباركلك فى إبنك يارب

صباح الخير او مساء الخير حسب التوقيت المحلي لمزاج الحلوين

مممممم
ورد في ورق سلوفان ياحلوة اهديلك
ولا انقله بالطين بشتلته واجيلك
الاولاني لو وحا بحناني
عجبي علي التاني بايه يوحيلك

صباحك ورد وفل وياسمين عشان الربيع
وشيكولاته عشان الدايت والخسسان

ساعات الناس اللي تحبنا كثير تكون قاسيه في نقدها او عتبها علينا ... طبعا الناس هذي مش قصدها انها تجرحك او تحطمك بس من خوفها عليكي بتقول كلام يجرح

وساعات الناس الحاقده علينا تجرحنا بوحشيه و تحاول تحطمنا نفسيا قبل كل شئ .. والهدف تدميرنا من جذورنا

مش عافه اذا كان كلامي مفهوم ولا لا .. بس كل اللي اقدر اساعدك فيه هو اني ادعي لك .. ان شاء الله ربي يفرج همك ويسسر امرك ويريح بالك امين

ايييييييييييييييييييييييي
داااااااااااااااااااااااااااااا


فاتيما
فى حد بيقولك كدة
ولا انتى بتتخيلى الناس بتقول كدة

فاتيما
انا اضايقت اوى بجد

ربنا يطمنى عليكى

اممممممممم
سحابة صيف وهتمر
دائما تغيير الجو ياتى فى ركابه تغيير المود
هونى على نفسك فكله عنده بمقدار
تحياتى

شوفي اولا انا مش سعيد برجوعى ادون وانا مش عاوز ادون بس صعبان عليا اسيبها زى البيت المهجور تسكنه العفاريت والاشاعات
ثانيا سعيد بوجودك عندى وحسيت بتعليقك وابقي اقرأى ردى
ثالثا وده المهم
انك من بعد رحيل يوسف عنك وانتى استخبيتى في قوقعه زمنيه بل وحيثيه كمان خارج اطار التفكير للاسف كان تفكيرك من بعدها سلبي كان همك انه يرجع
وهيرجع
بصي للدنيا ببصيره اكبر واحسبيها صح وربنا احن عليه منك واحن عليكى من نفسك وارجعى تانى اخرجى بره قوقعه الزمان والمكان
اتمنى لكى الوفيق

فاتيما

أزيك يا حبيبتي يارب تكونني بخير

تعرفي جيت امبارح بالليل وقريت البوست ومش عاوزة اقولك

اتخضيت وزعلت واتغميت واتصدمت كل ده في وقت واحد ومع كل كلمة

هاتصدقيني لو قولتلك اني وقمت وسيبت مدونتك مفتوحة ورجعت تاني قريت وحاولت اكتبلك تعليق مقدرتش

حاولت أبعتلك ميل مقدرتش ، كل كلمة في دول ضايقتك أو جرحتك أو زعلتك

حسيتها وضايقتني وجرحتني وزعلتني

مش مهم شوية ناس يشوفونا أزاي المهم اننا شايفين نفسنا أزاي

والأهم الناس اللي حواليكي اللي بتحبك بجد وعارفاكي بجد ومش محتاجة تشرحيلهم نفسك

بحبك يا طمطم وربنا يعلم

معلش يا فاتيما الاخ وليد عمره ما حيفهم كميه الاحاسيس المتداخله جواكي او جوه اي حد مر بالتجربه دي غير لو جربها لقدر الله

بس احب اقوله تعليقك كان في قسوه اوي غير مبرره

انا اول مرة ادخل هنا
وعجبني الكلام اوي

وكلام كتير من اللي قولتيه صح اوي اوي

وحاسة ان حد قالهولي قبل كدة

منه مثلا متبقيش زي سمكة في حوض ماية الكل شايفك من كل النواحي

ومثلا متقوليش كل خصوصياتك لحد
بس اتقالتلي بشكل مختلف
اتقالتلي اوعي تثقي في مخلوق حتى لو كانت اختك اللي من امك وابوكي

بوست حلو
تسلم ايدك

تحياتي

واضح جدا إن مستوى البوست ده أكبر بكتيييييير من قدراتى العقلية المحدودة
هو مين بيكلم مين؟

لو دى أراء بعض الناس فيكى (فيما عدا اللى يهمهم مصلحتك بدون منفعة شخصية ودول قليلين جدا جدا جدا.... يعنى نستثنى منهم والدتك وإحتمال إخواتك) فمعلش يعنى هما مالهم؟
ماتسيبيهم يتفلقوا هو مثلا مثلا فى حد حيحب إبن أكتر من أمه؟!!!!
أنا بس اللى مش عارفه هو ليه حضرتك بتعملى حساب قوى لأراء الناس فيكى؟!!
كل واحد بيتكلم وهو قاعد مرتاح وباصص من بعيد وبينقد علشان يبان إن هو بيفهم
فكك من الناس دى كلها وإستشيرى حد يكون يهمه مصلحتك بس

سلام

:-((((
بصى بقى لو ده كلام الناس ليكى (زى ما الاغلبية هنا فهمتنى كدع) طنشى ايوه طنشى

لو ده تفسيرك انت لكلامهم و غمزتهم
(ثقى فى نفسك اكثر يا فطوم و بلاش النظارة السوداء
لا انت نسيت يوسف و اى حد له يحاسبك
هو فيه غير ربنا بيحاسب؟؟؟

و لو ده كلامك لنفسك (ده الى انا فهمته :-) اصلى خبرة فى تهزيق النفس :-) علشان زعلانة
ياريت الفضفضة روقتك كده و تنسى الزعل و اسبابه
و ربنا يحميك من الحسد و العين و تنور ديما ياجميل

اما موضوع المشربية
لو اعلانتيه حقك لو خبتيه حقك
و متخافيش من راى الناس مدام ربنا معاكى
لان الناس الى بتحبك فعلا حتفضل معاكى و الى مش حتنسحب و تريحك منها

:-********************************
:-XXXXXXXXXXXXXXXXXXXXXXXXXXXXXXXX

بالمناسبة
مبانى علمى و خيبة فى الادب العربى دورت على الكلمة
التباريح: الشدائد، وقيل: هي كُلَفُ المعيشة في مشقة/وتَبارِيحُ الشَّوْق: تَوَهُّجُه/إذاً هي الشدائد أو المشقة أو توهج الشوق

:-) فياريت تحددى لنا معناها المقصود؟ الالام اوجاع اشواق؟؟
و بعد الشر عليك من الاثنين الاولنين

كيــــارا
---------

مش بجلد نفسى
و لا حاجة يا كوكى

مش كل اللى مكتوب فوق غلط و ظلم
فيه منه حاجات صح و المفروض تتعمل لأنها هتريحنى و تريح الكل معايا


انا كمان بحبك يا حبيبتى
انتى كمان وحشتينى





Ana Keda
--------

سلامتك يا ام بيدو م الزعل
معلش كان لازم ينكتب الكلام دا على الأقل لما افضفض بيه ارتاح و هوه ما حدث بالفعل ..ربنا يباركلى فيكم

عاوزة تعملى ايه تانى اكتر من تعليقك و الأيميلات و كل ما فيها من ود صافى ؟؟

اللى تقدرى تعمليه بس انك تخلى بالك من نفسك و من الأسد بتاعنا و تروقى اعصابك عشان ميطلعش عصبى كفاية هيطلعنا أسد يعنى سخصية قوية خلقة !!







صيدلانية طالعة نازلة
-------------------

منا من قبل ابو الريش و انا ف المنظر دا يا لولاّ و قولت هيخلص

مبيخلصش

فعلا وليد عين الحكمة كلامه


انا كمان بحبك يا لولا
و اتمنى تكونى فاهمة دلوقتى نوعا ما
ليه ببعد و احاول ابقى ورا المشربية

بوسيلى العيال
و سلامى لدكتور أشرف





sony 2000
---------

يعنى ينفع ابقى بدلعك و اقولك يا سنسن فنتى تقوليلى يا استاذة فطيمة ؟؟

افهم من كدا انك عاوزنى اندهك رسمى ؟؟

طيب يا سونى

يا عزيزتى المفروض الواحد لما يسمع نصايح او اعتراضات او اراء من اللى حواليه يحاول يسمعها و ينتبه اذ ربما يكون مش واخد باله من حاجة و يكون بيعك الدنيا .. صحيح الثقة ف النفس مطلوبة و جدا ...بس انا بخاف اثق لدرجة انى اصاب بكف البصر و مشوفش غير نفسى صح و بس
عشان كدا بسمع اللى حواليا كويس قوى
و ساعات زيادة عن اللزوم

بس بقول كدا احسن
حتى لو فيه أذى


انا عندى قناعتى الخاصة و لن اغيرها ببساطة بسبب التعليقات اى كانت

بس حبيت اكتب عينات لحاجات اتقالت ورا بعضها مرة واحدة كدا فى زمن قياسى ..و جابتلى حالة غصة و سدة نفس جامدة زائد الانشغال فى العمل


ميرسى على دعواتك
آمييييييين






assafo anaroze
--------------

فيك الخير يا أسافو
دايما سباق بالسؤال و الخير

حمدلله على سلامتك

ان شاء الله ربنا يسمع منك
و يتحقق وقت ما ربنا يريد
مش وقت انا ما اتمنى

عشان معاد ربنا هوه احسن معاد

تقبل انتا كمان مودتى بزاف





star in the sky
---------------

بخير يا نجمة

انا بخير يا حبيبتى

منحرمشى من سؤالك

انتى ازيك ؟؟؟

فاتيما
كان ليكى ميل برة كدة
مش لقياه
:_(:(:(

كنت عايزة اطمن عليكى فعلا

wanda
-----

التباريح

آه يا ون ون

انتى جبتى معناها بالبحث ع النت أهو

مبتسمعيش الجملة اللى بتنكتب فى صفحات الحوادث بتاعة

المتهم ابرحه ضرباً حتى الموت ؟؟

يعنى لما حد يمسك حد
يرنه علقة محترمة ممكن ميصحاش منها

و كمان لما ينقال

يعانى من الام مبرحة
يعنى موجعة و مؤلمة

التباريح معناها اللى قصده هنا
الآلآم و الاوجاع
اللى بتمسك فيكى و متسبكيش


طبعا بتوع اللغة العربية بيقولوا كلام ادق و احسن

---------
التبريح هو بلوغ الجهد من الانسان
جمعها التباريح يعنى الشدائد
ابرح ..يعنى اشد و اعجب و أصعب
---------

كنت اقصد هذا المعنى
و هوه ان حد عمال يوسعك ضربا ضربا ..مفيش شتيمة


انا ناوية اطنش يا وندا
بس لما اطرد كل الكلام السلبى دا برا روحى و ارتاح منه و من تباريحه

مش كل اللى اتكتب فوق غلط و افترا

فيه حاجات كتير صح ناوية اتبعها من الآن فصاعدا ..
لسلامتى و صحتى النفسية حتى


زى المشربية
و الخروج من حوض السمك
و عدم تضييع الوقت فى اقناع الآخرين بإنى بفكر صح

*********************************
و
×××××××××××××××××××××××××××××××××

انا كمان يا حبيبتى




عاشقة الرومانسية
----------------

بلاش تكشير يا دودو

انا بخير يا حبيبتى



متقلقيش عليا




الجواز و سنينه
-------------

ميرسى يا غادة على كل ما كتبتيه
انا موافقاكى فيه كله

بس البوست مجرد فضفضة مش اكتر
عشان ارتاح و تشاركونى كالعادة
بالطبطبات الحلوة بتاعتكم

و لا اصحاب اونطة ؟؟
ميرسى يا حبيبتى على تعليقك
حتى لو مش للنشر




ستيتة حسب الله الحمش
-----------------

على فكرة يا ستاتيتو
مكنتش ناوية انشر التعليق بتاعك

عشان حسيتك فعلا متعصبة فيه و محموقالى جداااااا و كنت هبعت استأذنك منشروش
لفقيتك الصبح سبقتينى

انتى عندك حق تتضايقى قوى
لأنى متاكدة انك بتتعرضى لسخافات مماثلة و مبتقوليش

عاوزة اشكرك
لأن بشكل غير مباشر كنتى السبب
فى تفسير حاجات كتيييييير كانت هتقتلنى الفترة اللى فاتت بغموضها و تعليقات من مجاهيل مكنتش مفهومة بالمرة وفهمت قصدهم خلاص دلوقتى


انتى خلتينى أطمن على روحى
و اعرف ان احساسى فى محله

منحرمشى منك ابدااااا
يا ست السوتيتات كلهن




حفيدة عرابى
---------

ايوه يا فيدوووو


الحاجات السخيفة
و اللى تمس الاخلاق
و الشكل
و التصرفات من مجاهيل

اللى تمس الشكل الإجتماعى
سمعتها من معارف


اللى تمس طريقة التفكير
سمعتها و حسيتها
من ناس قريبة


فيه حاجات صحيحة الف فى المية
و موافقة عليها
حتى لو بتنفيذها
هتخلى الناس تبعد عنى
و تبطل تيجى هنا تانى
او تقرب منى زى الاول



و فيه حاجات محض افتراء
و منتهى الظلم



و فيه حاجات غصب عنى حاصلة
و اللى شافها
بيحكم من ناحيته و فقط

انا مش مستلمة للنكد يا حبيبتى
و لا حاجة

بس حبيت افضفض معاكو
اختك فاتيما
كويسة جدا دلوقتى
و زى الفل

موضوع يوسف بالذات
بقى امر يقينى عندى
انه بأمر ربنا راح
و بأمر ربنا راجع

بس

لو الحلاقين كلهم زيك كدا
انا هفتح محل م الصبح و اشغلك فيه و اقعد من اول ما ترشوا مية قصاد المحل لحد ما تجيبوا ضرفه
شفتى بقى ؟؟

سمع هوص (abo ali)
----------------


أيوه يا فندم

مستغربها ليه كدا ؟؟

ساعات بتكون محتاج تبعد شوية عن المكان و تشوف الصورة من بعيد فتلاقيها اوضح و تفاصيله كاملة
لأنك و انتا جوا الحكاية
بتبقى متغلوش عليك
بميت الف حاجة

فيبقى ساعات الحل
انك تجافى كل منطق
و تدى الكل ضهرك
عشان تشوفهم كويس



هيعملوا ايه ؟
رد فعلهم شكله ازاى
مين فيهم هيفتقدك
و مين هيقول غار و ريحنا
مين هيزعل على زعلك
و مين هيشمت فيك


عموما قصيدة صلاح عبد الصبور كانت عن شاعر بيقعد مع اصحابه كل ليلة ع القهوة يحكوا و يتكلموا و بعدين فجأة تلح عليه شياطين الشعر فيروح قايم مرة واحدة و سايبهم و ماشى .. فيزعلوا

بينما هوه سايبهم
عشان يروح يكتب عنهم و عن الناس و الدنيا

عجبتنى آخر جملة و حسيتها كأنها حكمة
بس كدا

مش قصدى اضايق حد بيها
و اتمنى متكونش إتضايقت منى

نورتنى



bobo
-----

من غير احم و لا دستور انتى تدخلى علطول يا بوبى


و لو لسه بتفهمى ؟؟

انتى الفهم ذاته يا بنتى

كفاية تقرى بقلبك الجميل الدافى دا و انتى تفهمى كل حاجة

تعليقك كل سطر فيه طبطب عليا فوق ما تتخيلى
و اومال لو كنتى مش مشغولة كنتى هتكتبى ايه اكتر من كدا ؟؟؟

ربنا يحرسلك وليد

تعليقه انا ختمت بيه لأنه كان اكتر حاجة القت على قلبى برد و سلام بعد الفاصل الطويل اللى فوق دا


انتى تستاهلى اروع راجل ف العالم يا هبة
و قد نولتيه يا حبيبتى
الله اكبر
الله اكبر
الله اكبر
ربنا يخليكم لبعض و لعمورى

كل سنة و انتوا حبايب يا حبيبتى



خواطر شابة
-----------
انا بخير يا خطورة
ربنا يسعد قلبك انتى كمان يا حبيبتى




мαησηα
-------

ميرسى يا منونة على كل المشاعر الجميلة دى و مسيرنا يا حبيبتى نتقابل و ننقى رز لا تكلكى اللقا نصيب

انا طالبة منك طلب بايخ شوية ؟؟

انا بتمخول من كتر المدونات عند الناس اللى بعزها و بطلب منهم دايما يختارولى مدونة واحدة اعرف اكلمهم فيها فممكن لو مفيش غلاسة تختاريلى واحدة اكتبلك فيها علطول ؟؟

اكون شاكرة ليكى جدااااااا




هبة الحياة
--------

حلو اسمك قوى


دى جملة بسمعها كتير انا روخرا


بس لسه سمعاها من واحد قريبنا جه يزورنا و اقترح عليا انى لازم وضرورى ابقى اروح افراح و تجمعات عشان اتشاف و امشى حالى مقعدش كدا
لأن المطلقات بيتنازلوا فى الطلبات و مش عاوزين يفشلوا تانى فجوازتهم بتكون اسهل من البنات العادية


مكنش ليا مزاج اتناقش الصراحة فبصيتله و سكتت


نورتينى




يا مراكبى
--------

يعنى غرابته فى الصياغة و لا المكتوب فيه ؟؟

عارف يا نبع الحكمة الغريب ايه؟؟
ان الناس دى لما جمعت ارائهم سوا و حطيتها جنب بعضها
اكتشفت ان صورتى مشوهة قوى
تبقى كارثة لو انا فى نظر الآخرين كدا
انا عارفة انى مش كدا اكيد

اكيد فيا عيوب
لكن مش بالبشاعة دى

العنونا تعبير عن كبستى بس

ايوه انكبست لما اكتشفت انى بعد كل العمر دا بتشاف كدا و لو من اشخاص متفرقين

خير انا كويسة متقلقش
اتمنى التعليقات و ردى عليها يكونوا ترجموا البوست

وحشتنى تعليقاتك يا نبع الحكمة

فاتيما
كلماتك لقيت نفسى فى بعضها
رغم قسوتنا على نفسنا احيانا
-طبيعى ان الست اللى عانت كتير تدوخ وتسلم مع حنان ومشاعر متدفقة بعد طول حرمان
وطبيعى ان القلب هنا يسبق العقل
-لست معك ان ام فى العالم تنسى وليدها مهما عشقت فحب الرجل لا يلغى حب الام ولكنه يسعد الام الوحيدة فتخف حدة الانتظار لحضن الابن
-اما الطمع فموجود حتى لو وصل الرجل للتسعين غريزة بقى !!!!
-وحقيقى مش لازم نقرب من حياة الاخرين قوى نتركهم يسيروها بقدراتهم وبلا تدخل
-الالم اللى بنشوفه فى الحياة بيقوينا مهما كانت مرارته
-اما السن فهو احساس شخصى جدا انا شخصيا لا التفت له ولا اعد سنين عمرى ولا بد ان اعيش واسعد قلبى ما استطعت فعيشى حياتك التى وهبها لك الخالق كانك صبية فى مقتبل العمر
-طبيعتك التسامح وده مش عيب اننا نستر على الناس
-طبعا مهم قوى نحافظ على خصوصيتنا لان الزمن غدار والتقلب سيمة كتير من البشر النهاردة
-فى الاخر يا طمطم الناس عاوزة واحدة مكسورة الجناح يطبطبوا ولما تقوى شوية يتغيروا معاها بس نصيحتى خليك قوية واعملى اللى يرضى ربك وضميرك ويسعد قلبك لان الناس فى كل الاحوال بتنتقد وايامك محسوبة عليك بلاش تضيعيها لانها لن تعود
حبى ودعواتى

انا مش عارف انت ليه بتعذبي نفسك كده وبتجلديها مش عارف ايه اللي حصل او مين اللي قالك كده بس هرد على اللي انتن كتباه ده المدونة دي بتعاتك من حقك تكتبي فيها اللي انت عايزاه بصرف النظر عن راي الاخر واللي عايزيفهمك غلط هو حر مش هنتحكم في افهام الناس بس بردو مالناش دعوة بيه ولا يهمنا وبعدين يعنى ايه يوسف مجرد حائظ مبكي يا فاتيما الام ابنها بيكون متجوز وبيكون عايش معاها في نفس العمارة وبتنشغل عليه دي غريزة الام يا فاتيما ابنها بيفضل يوحشها حتى لو كان في حضنها مين اللي قال نستيه او ممكن تفكرى او حتى يجي على بالك كده اصلا وبعدين يعني ايه ست عاديه ولا اقل من عادية مالك يعنى كل اللي شافك يعرف انك ست زي الفل ومافكيش اي عيب وتتدخلى قلب اي حد من اول طلة حتى لو ماتكلمش معاك كلمة واحدة .. وماله لما تشوفى نفسك يعنى اقل منك بكتير قوي شايفين نفسهم كمان 36 سنه شابه صغيرة وفي عز شبابها ونضوجها فيعنى ايه فاكرة نفسك صغيرة دي .. اه صغيره
وبالنسبة ليوسف اظن ان انت ماكتفتيش بمجرد اللينكات وحاولتى كتير في ارض الواقع وحتى لو كده انت صاحبة المشكلة وانت اللي عايشه فيها وعارفه تفاصيلها كلها واظن في اشياء ممكن احنا مانكونش عارفينها
حوار اننا ندخل تانى الشربقه بعد ماكنا خرجنا منها لاء انا مش موافق على كده الحياة واسعه قوى واحنا المفروض بنطلع قدام مش بنرجع وراء اكيد هنلاقي مشاكل بس هنقدر نحلها
اما بقى انك ماشيه وراء قلبك اظن ان في حديث ( استفتى قلبك ولو افتوك) وانت حد قريب من ربنا وقلبه نقي ونضيف فلو انتي ماممشتيش وراء قلبك مين
اللي يمشي يعنى ؟وان شاء الله يوسف يرجعلك قريب وان شاء الله خطوة المكالمة دي تكون خيط لخير كتير جاي . وبعدين انت من حقك تتجوزي وتلاقي حد يشاركك عمرك احنا مالناش دعوة بقى اكبر منك بكتير بقليل دي مش بتاعتنا المهم انك تكونى مرتاحه له وهو بيحبك وقابل كل ظروفك وهيشيلك جوة عنيه. فاتيما بجد بلاش تعذبي نفسك كده و تجلديها افرحي انت ليه مستكترة على نفسك الفرحه؟ ليه خايفة تفرحي يا فاتيما ؟ اتمنى ان الحالة دي ماتطولش وترجعي تاتى فاتيما اللي اتعودنا عليها متفائلة واثقة في ربها وفي نفسها ومشاعرها وفي قلبها الابيض الجميل

الكلمة نور
----------

اهلا يا نور

لازم اكتب بوست كئيب كدا
عشان تطير بالجناحات و تحط عندى
و تسيب تعليق ؟!!

لازم نوغوشك علينا يعنى ؟؟
و الا متجيش ؟
طيب


انا مهونة و الله
مفيش حاجة
بس حبيت احط التباريح ورا بعض
و افضفض بإحساسى بشكل غير مباشر
المدة اللى فاتت

معنديش كراسى ف الكلوبات انا
انا بنفض علطول اول باول
و ارجع احسن

أصلى خلاص كبرت بقى و احدى مميزات التقدم ف السن ان الواحد مبقاش فى عمره قد اللى راح فمفيش داعى يضيعه فى النكد و القرف ...بس فى نفس الوقت لازم يسمع اللى حواليه و يطمن على روحه انه صح و مش وحش و الا تبقى خيبة بقى بالويبة لما اضيع اللى راح و اللى جاى كمان ..مش كدا ؟؟


نورتنى يا مالك الاجنحة




لولا و زهراء
-----------
متقلتيش و لا حاجة يا ذات الوجه المشرق

متفقة مع كل كلامك

الفرح اكبر و مساحته اوسع بمراحل

بس اوقات تلاقى الوحش اتكوم فجأة فى مدة قصيرة و نازل على راسك من كل الجهات تقريبا بينما انتى مش ملاحقة تاخدى نفس ..
بس

مش عاوزاكى تاخدى عنى فكرة انى انهزامية كدا يا زهراء
انا يا حبيبتى بعرض حالة و احساس بمر بيه
دا مش واقع حالى علطول
متقلقيش عليا
اومال لو كنتى جيتى اول ما عملت المدونة كنتى قولتى ايه؟؟
يا لهوتينى ى ى
احنا كنا فيييييييين ؟؟!!




هى و ظروفها
----------

اللى فهمته صح
انتقادات مجمعة
من اكتر من جهة محبة و كارهة
و فى وقت قصير
بس مقصدش حد معين بيها
اقصد افضفض معاكو و بس

انتا عارف و جدا يا ابن عمتى
متقولش مش عارف دى خالص
انتا سيد العارفين يا بنى




che
----

متفقة معاك يا عمرو

سلامتك الف سلامة يا عزيزى
و منحرمشى منك




واحدة مفروسة
-------------


نورتى يا فروستى

التباريح تم ترجمتها
فى ردى على وندا فووووووق

و الجملة اللى عجبتك دى صياغتى
بناء على نصيحة من بسكوتى
حبيبتى بنتى واللى كتير بحسهاهيا اللى مامتى مش انا و شافت اللى انا مشفتوش وقتها فنصحتنى و الكلام رشق فى عقلى
و مخرجش من وقتها

ربنا يسمع منك يا فروستى




richardCatheart
---------------

صباح السعادة يا قطقوطة

سلامة عينيكى و قلبك يا ستى

و قوالب الطوب دى اتحدفت عليا انا طول الوقت اللى فات ..بس عادى

كل واحد من حقه يقول اللى عاوزه
و اللى شايفه

بس انا كمان من حقى اخد اللى يعجبنى
و مسمعش اللى ميعجبنيش تانى خلاص

الأول كنت بسمع كل حاجة
لأنى كنت بوقل تقريبا كل حاجة
دلوقتى خلاص الأوبشن دا اختفى


التباريح فى طريقها للزوال
متقلقيش على اختك فاتيما

منحرمشى منك
و ميرسى ع الأيميلات الحلوة





KING TOOOT
----------

فين الختامة ؟؟

هبصم على كل كلمة يا وليد

معاك على طول الخط
انا حاسة بكدا فعلا

حاسة ان مشاعرى و الحكاية و البنى آدم حاجة تانية و شكل مختلف و حكاية محدش سهل يستوعبها و يفهمها و يقدرها زى و زيه ... كأننا بنتكلم فعلا بلغة تانية مفيش حد سمعها قبل كدا عشان يفسرها ...
متقلقش عليا ..هقفل كل المحطات
و انا مركزة تمام

القعدة ورا المشربية اكثر دفئا و راحة و هدوء

ربنا يخليك لهبة و عمر بيكا
و لأختك فاتيما

كل سنة و انتوا طيبين يا عزيزى
كل سنة و انتوا احباب يا رب

و منورين قلبى
و قلوب كل اللى بيعرفكوا
و اسعدهم زمانهم
برؤية المشهد النادر دا ..
اللى هوه بمنتهى البساطة و الصعوبة اللى ف الدنيا
عبارة عن اجابة سؤال واحد بيقول

ما هو الحب ؟




انسانة
------

ميرسى يا ياسمينا على كل الدعوات الطيبة دى

ربنا يسعدك انتى كمان يا حبيبتى
و يطمن بالك



mayada
------

يا قاااااااااف ميم

وحشتينى يا بنت الإيه

انتى غطسانة فيييييييين

ميرسى ع الشكولاتة
و امام الشكولاتة لا دايت و لا بتاع

و ميرسى ع الورد و الفل و الياسمين
اخبارك ايه طمنينى عليكى

سارة
-----

عارفة يا سارة

مش كل اللى انكتب غلط

فيه حاجات نابعة من حب شديد من اصحابها ناحيتى عشان كدا
انا قولت انها صح

بس اتقالت يمكن فى معاد خاطىء
لأن جنبها كان فيه كلام تانى
منتهى القسوة و الظلم

فكله كان مؤلم لدرجة تخليكى
صعب تعرفى تفصلى ما بينهم
لأنك عاوزة تاخدى هدنة
و تسكتى شوية
و محدش بيديكى فرصة كله فوق دماغك
و قلبك مبتلحقيش تهدى شوية

و كلامك مفهوم جدااااااا متقلقيش
منحرمشى من كل الدعوات الحلوة دى





shimaa samir
------------

لأ فيه ناس بتقول كدا يا عصفورتى

متقلقيش عليا يا حبيبتى انا بخير

انا شيلت الميل معلش
أهو
modynoty@gmail.com

بس متشغليش بالك و تنزعجى
انا كويسة جدا يا حبيبتى
ارتحت لما فضفضت معاكو
اتطمنى و طمنينى عليكى و على العصفور




همس الأحباب
----------

عارفة يا خالد ..كل شىء بمعاد و قدر
و جو ايه اللى هيغييرلنا المود دا
مش فاتيما اللى يتقالها الجملة دى يا كابتن ..دا لا صيف و لاشتا و لا الفصول الاربعة ..احنا بيهمناش خالص يعنى

تحياتى انا كمان يا ابو ببش و هموسة





لا تشتاق
--------

مالك بس يا أحمد زعلان كدا ؟!!!

عموما رجوعك معناه ان لسه فيه حاجات ممكن تتقال بس وقتها لسه مجاش

مش محتاجة تقولى انك زعلان باين من اول سطرين يا بنى

ربنا يروقلك الاحوال

مين قال انى استخبيت فى قوقعة؟؟
طب دنا بتبستف دلوقتى
انى خرجت منها !!

مخولتونى معاكم
اقول ايه و اعمل ايه بس ؟؟

اقولك

انت نورت البلوج سبوت
و كفاية انك رجعت
حتى لو زعلان يا سيدى
احنا موافقين

مممممممممممممممم
انا جايه جرى اقولك حاجة مش عارفة هتبسطك ولا ايه الصراحه انا مش فايقة دلوقتى ابعتلك على ميلك لسة جايه من عند ستو وفى دربكة كدة فى البيت وانا تعبانه حوارت يعنى
المهم ماما رجعت يوم السبت
قولتلها عملتى ايه ياماما لفاتيما
قالتلى ام يوسف
وشها انشكح كدة قالتلى دعتلها دعوة يكون من حدها ونصيبها قالتلى انه دعلتك كتيررررررررررررر اوى اوى اوى اوى
***وقالتلى بشرى خير حاجة انا حاسها بشرى خير**
قالتلى قولت ربنا يردلها ويرجعهولها زى ام موسى***
انا والله بصيتلها كدة وقولتلها
عرفتى منين؟؟..قالتلى ايه
قولتليها الدعوه دى هى كاتبها عندها فى المدونة وكاتبه الايه
قالتلى معرفش ربنا اوحنى بكدة
بجد حسيت بفرحة كبيرررررررة جداااااا
وانها فعلا بشر خير
وقالتلى اقولك...قولى فوض امرى ليك يارب ومتفكريش كتير وهو ان شاء الله يرجعلك تانى
***يارب تكون اتبسطتى دلوقتى او فرحتى شوية
ربنا يفرح قلبك دايما

ميرا (وومن)
----------

عارفة يا ميرا
يا اميرة
يا ست البنات

عارفة اللى ف قلبك يا حبيبتى

و عارفة ان فيه ناس كدا لازم يبقوا محط كلام سخيف طول الوقت مهما عملوا و حاولوا يدافعوا لحس ما يزهقوا و يبقى الصمت افضل حل

بس فيه حاجات مينفعش الواحد يسكت عليها لأن السكوت يعتبر موافقة ضمنية عليها و يبقى بس فاضل خطوات و بس

مش عارفة اشرح
او بصراحة مليش نفس اشرح

انا كمان بحبك يا حبيبتى قوى




مطلق
----

بالعكس يا كريم

كلام وليد هوه تقريبا اكتر كلام مزعلنيش خالص و حسيت انه صح جدا

الناس بتحكم علينا بمقاييسها هيا
مع ان كل حالة مختلفة عن غيرها


مش شرط يا عزيزى ان الواحد يمر بتجربة عشان لما يشوف غيره فيها يحس بيها قوى ساعات اللى من بعيد يشوفك احسن ما انت شايف نفسك
و لما ينصحك تبقى نصيحته بتنور لمبة فى عقلك كانت مطفية

المهم يكون بيعزك عشان نصيحته تكون لصالحك و وليد أخ عزيز بجد عشان كدا معتبرتش ان نصيحته فيها اى قسوة

انا مبسوطة قوى بتعليقك
بجد انتا منورنى و حاسة ان فيه تغيير عندك فى الحياة و لا انا يستهيألى ؟؟!!





زهور الأمل
----------

اسم مدونتك حلو قوووووى
بيفكرنى بمسلسل لوردة بموت فيه
و فى كل اغانيه

نورتينى
و مبسوطة ان البوست عجبك

متقطعيش الزيارات بقى

خالص ودى ليكى





أبو حميد
-------


ليه بس يا باشمهندس

دول ناس بيكلمونى يا فندم
و لازم يا ابو حميد اعمل حساب لأراء الناس بشكل كبير ..لأنى مش عايشة لوحدى انا عايشة فى وسطهم و لازم انتبه لكلامهم و اسمعه لعل و عسى فيه شىء انا مش شيفاه فى روحى و هما ينفعونى بيه ...اكيد فيهم ناس مغرضة و سيئة و عاوزانى اشوف روحى وحشة عشان يرضوا عن نفسهم و ينبسطوا هما

بس فرزهم مش صعب عليا
لكن انا وعدت نفسى لو ربنا خرجنى من ازمتى اللى بعتلك قصتها ..وعدتنى انى مش هسمع كلام نفسى و بس و لازم انصت للآخرين و لا خاب من استشار

البوست دا يا باشمهندس محاولة لرصد حالة مريت بيها خلال العشرين يوم اللى فاتوا و كل ما جاءنى حولها و عنها و أثر على نفسيتى و خلانى بعيدة و ناس بحبها استغربتنى و سالتنى مالك ؟؟

و التدوين نشر لذاتك على الملأ
انا فاهمة دا من البداية
لكن اتعلمت فى خلال الفترة اللى فاتت دى ان فيه حاجات لازم متنقلشى مهما كان ... نورت يا فندم





القدر و انا
-----------

نانو

يسلملى تعليقك
و كلامك
و قلبك

بجد

انا اللى لقيت روحى فى تعليقك كله
من اول سطر
لآخر سطر

النصيحة الاخيرة نصب عينى


منحرمشى منك يا ست الستات






mostafa rayan
--------------

مش انا اللى بجلدها
يا مصطفى ى ى


بعض من اللى حواليا يا عزيزى

و تعالى هنا يا واد
مين دى اللى هتدخل الشرنقة تانى ؟؟

مش حقيقى

انا بس نويت متكلمش فى كل حاجة زى الاول ...تعرف ؟

انا بفكر اشيل الغير معرف خلاص
عشان ارتاح م التعليقات السخيفة

و تعرف كمان

انا معتبرة تعليقك دا
و كأنه رد على البوست كله

ردك يا مصطفى محى جزء كبير من التباريح دى

بجد

انا كالعادة حاسة فى كل سطر فيه بمدى معزتى عندك و مشاعرك الجميلة ..انتا اخ غالى يا مصطفى و ربنا يخليك ليا

انا مش لاقيه حاجة اقولها
غير ان آخر تعليق برد عليه النهاردة كان احسن ختام هقوم بعده و اقفل الجهاز و انا مبسوطة و بفكر فى البوست الجديد هيكون عن ايه و هينكتب ازاى

منحرمشى منك يا صفصف
يا رافع معنوياتى دااااايما

رغم إن فيه حاجات كتير أوي مش فاهماها
وغالبا لها علاقة بتعليقات لم تنشر ومجاهيل رايحة ومهابيل جاية

بس المهم من كل ده هو إنك الحمد لله بخير وقدرتي تعدي
مش مهم مين شايفك ازاي
المهم انتي شايفة نفسك ازاي
الحاجات اللي فيك لو مضايقة حد تاني وانتي عايزة تغيريها غيريها عشان انتي عايزة
واللي مضايقة حد وانتي شايفة إن دي انتي يبقى خلاص مش هتعرفي تكوني حد غير فاتيما
ومفيش حد بيعجب كل الناس
الناس لم يتفقوا حتى على الله
والأصل في الإنسان أن تكون عيوبه كثيرة ومميزاته قليلة حتى قالوا (كفى بالمرء نبلا أن تعد مثالبه)

دعواتي لك بالسعادة في الدارين
وبزوال التباريح بغير عودة إن شاء الله

الجميلة .. فاتيما

يارب تكوني بألف خير وصحة وراحة بـال


أحيان كتيرة بنحتاج فيها لحديث النفس مع النفس
وأحيانا بيكون الحديث قاسي وبنكون محتاجين للقسوة دي

بس بلاش القسوة تتنقل من مرحلتها لمرحلة العذاب

ونعذب نفسنا بنفسنا
في وقت بنكون محتاجين فيه لطبطبة عليها اكتر
واننا نحتضنها اكتر واكتر

احتوي نفسك يا فاتيما واحتضنيها اوي
محدش هيكون احن عليها منك
ولا حد هيضمها بحنان اوي زييك

عاتبيها
اقسي عليها

بس بلاش تعذبيها كدة
علشان هي محتاجاكي اوي اوي

ومستنية حنانك وحبك ليها

انا عارفة انك اكيد بتحبيها
بس بلاش تخبي عليها مظاهر حبك


يارب تكوني بأحسن حال يارب

تحياتي لقلبك الجميل

سارة

مش عارفه ارد بصراحه علي ابوست ده
انا جيت اطمن عليكي واقلك اخبارك ايه
لقيت البوست ده
اتمني تكوني بخير
وحشتيني ياطماطم بجد

فاكرة يا فاتيما لما قلتيلي افرح يا مصطفى وماتستكترش الفرحه على نفسك انا بردو بقولك كده افرحي وانبسطي وماتستكتريش الفرحه على روحك وبعدين ايه مش هعيش قد اللي فات دي؟ مستكتره على روحك تعيش لما يبقى عندك 70 سنه طب ان شاء الله هتكملى 100 سنه كمان العمر دلوقتي شباب واحنا لسه صغيرين وفي عز عز عزنا واللي جاي كتير قوي
وبعدين لو كان اللي معكر دمك دة تعليقات من غير معرف تبقي غلطانة حد بردو يهتم بواحد مجهول نكرة؟ يا فاتيما هو لو كان عنده شجاعة كان ظهر وواجه لكن ده جبان ومتخفى في مجهول هو حتى اجبن من انه يتنكر في اسم مستعار علشان كده هو احقر من اننا نشغل بالنا بيه او حتى نسمح لروحنا تفكر في كلامه
افرحي وعيشي حياتك وانبسطي واحلمى وصدقى قلبك لانه عنده فراسة المؤمن اللي دايما بتكون نشان عمره ما يصيب غلط
كل تحياتى ومحبتى ليكي يا اختى الصغيرة الجميلة

كم أشتاق لهذا اليوم
تعاطفا ورحمة وشفقة

يوما ستعود القطرة إلى أحضان ارضها فتبلل تربتها التى تشققت وجفت.

وسيمتد الماء فيبلغ أقصى أعماق جذور النبتة فيهدهدها محاولا تغيير ما حل بها من ذبول واصفرار وجدب.

اسمحى لى أن اعتذر نيابة عن الطبيعة وإن كان ليس من شأنى ولكنى لا أدرى كيف انتزعت قطرة الحياة من جذوع أمها وكيف تجمعت القطرة بعيدا وتبلورت وتجسدت.

وفى أى ماء خلطت وامتزجت وفى أى سحاب حارت وطارت وفارقت.

ولكن المصير المحتوم أن يعود الماء لمجراه ولو بعد حين.فصبر جمييييييييييل والله وحده وحده وحده هو المستعان

:-)
اذا فهو صباح الخير :-))

فطوم
عارفة عقاب على كل الى هاروكى تباريح كانهم هما نفسهم مش مهرين منها
..
عارفة افتكرت مسلسل ضمير ابله حكمت و دور سناء .. (نسيت الاسم الى كانت فوزية فى مسرحية سك على بناتك)
لما كانت بتاذى بالكلام زملائها لانها موجوعة من فرحتهم
..
عليه نفسى تنزلى بوست معاكس :-) يعنى الكلام الحلو (مش طبطبة) الكلام الى بينطط لفوق الى وصلك من اعدائك قبل اصحابك :-)) اكيد الكلام ده اكثر بكثير

عموما انا مش لاقيه جملة من الى فوق انا قولتهالك
بس تحسبا لاكون وجعتك بالكلام زى غيرى عليه بتأسف و بطلب السماح - بصى
:-) عديهالى مرتين و الثالثة ردهالى و يبقى عدالكى العيب

مش المسيح بيقول ندر الخد الثانى (يعنى لينا خدين اثنين و بعد كده مفيش خد ثالث )

:-*************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXX

صباح الورد
الكلام اللي قريته والاحساس اللي حسيته مش عارفة اترجمه كتابة بس بجد انا حسيت بحزن كبيييييييييير يمكن عشان لقيت كلام كتير هنا مشابه لحاجات جوايا

ما فائدة التجارب ما لم نستفيد منها؟؟؟

اعلمى ان قناعات الناس مختلفة وكما نرى انفسنا احيانا محقين تبعا لما يمليه عليه مرجعيتنا ايا كانت هناك من يضادنا فى الفكر نظرا لاختلاف المرجعية

======
كثير نفكر بقلوبنا ونحس بعقولنا
=======
يوسف راجع غصب عنك
===========
الطمع خطأ فى اى سن
=====
هم مؤهلون للافساد من البداية
=======
قلنا فوق الصح والخطأ شىء نسبى معيارى
=======
سكوتك افضل من الفضيحة
=========
صورة الملاك معرفهاش ولا عمرى جربتها على نفسى
========
خلق الانسان فى كبد
=======
ليس عيب ان يرى ما بداخلنا غيرنا على الاقل لا يوجد شىء عنا نسترة بس قلة الكلام افيد
==========
فرق كبير بين المنطوق والمقصود
=======
سعة القلب وليس تقسيمه

رديت على بعض اللقطات

لكن فى النهاية

ما معنى تباريح؟؟؟؟

عاملة ايه النهاردة يافاتيما
ياااااااارب تكونى بخير على فكرة انا دخلت غلط بلينك اخويا مصطفى محمود
عمتا دى انااااااااااا
نأسف على العطل الفنى

ايه الي حضرتك كاتباه ده

ليه بتجلدي نفسك بالطريقه دي

انا قولتلك اول مره علقت هنا ان انا معجبه بطيبتك وشخصيتك جداااااا

مينفعش كده

نفسك متستاهلش منك كده ابدااااا

وانا مش بايدي الا اني ادعيلك

ربنا يرضى عنك ويروق بالك ويزكي نفسك ويرزقك السعاده التي تستحقينها

هنقي اللي موافق عليه الأول في اللي اتكتب فوق في التدوينة

أراء الناس الجميلة دي صعب أعمل ليها حصر
بس طبعاً ..
بس لينا كلام بخصوصها بعدين بإذن الله لو ليا عمر وصعب الميل يكفيه لأن بكل بساطة الكلام المكتوب عمره ما هيعبر عن نفسه صح
__
1 - متبقيش عاملة زي السمكة..موافق عليها جداً

2 - متزعليش من رد فعلهم..برضه موافق لأن إحنا بنتكلم عن أي حد..فبالتالي محتمل نسبة منهم يكون رد فعلهم ميرضيش ربنا أو مندفع ولو كان عن حب وحسن نية

3 - مش كل حاجة هتتكتب هتتقري وتتفهم زي ما قصدتيها..لأن نبرة الصوت مش موجودة وتعبيرات الوش مش موجود وكمان حسن الظن بالناس مبقاش موجود
فالطبيعي إن بعد كل اللي فات ..منتوقعش وصول المعنى زي ما إحنا عايزين

4 - متتكلميش مع أي حد فعلاً..بس خلاص
__
ونصيحة أستاذ وليد ..لحد ما ربنا يريد الخير واللي يحبه ويرضاه..النصيحة دي أنا موافق عليها وبشدة :)
__
هحاول أرد على الباقي..سواء دي أفكار من جواكي أو من جوه ناس حواليكي

1 - ركن العقل والمشي ورا الإحساس..الظاهر للناس إن ده الصح..بس هل ده معناه إن الظاهر هو الكل في الكل...مين عالم يمكن استخدامك لعقلك في حاجات محدش يعرفها..يكفي ويزيد

زي استخدام العقل في الاستدلال على وجود ربنا مثلاً :)
بس عموماً بعض القرارات العاطفية قد تبدو غير عقلانية لكن عند صاحبها هي قمة العقل

2 - يوسف مش راجع دلوقتي..هل اللي قال كده عارف أجل أبو يوسف ولا أهل يوسف ولا عارف إن ربنا ممكن يهديه ولا يوقفلك حد من ولود الحلال واصل بما فيه الكفاية لإرجاع الولد بطريقة الضرورات تبيح المحظورات ؟

معتقدش..يبقى تستني براحتك..وأقصى حد في النصيحة مسموح بيه هو شكل الانتظار..أو التهيئة النفسية ليكي في وضعية الانتظار...بحيث إنه ميبقاش وبال على معنوياتك وتحتفظي ليوسف بأمه اللي بيحبها بصحتها وبالجمال اللي بيحسه في روحها كل اللي عرفوها

3 - يطمع في إيه تحديداً..دي معطيات تخصك..ورقة وقلم ولا استخارة ..رأي الوالدة أو الأخ ..والباقي اختياري :)

4 - محدش بيفسد حياة غيره إلا بإرادة غيره..فبلاش حجج البليد دي
ده لو حصل إفساد أصلاً

5 - ربما أتفق جزئياً مع إن مينفعش نقاوح على طول خصوصاً بعد ما ناخد العظة بالتجربة أو بتجارب الآخرين
ولكن زي ما قلت في رقم 3 ..المعطيات ليها طرق ثابتة للتعامل معاها ..والنية المخلصة لله وتقديم كل اللي عندنا لربنا ..والسماع لنصيحة المخلصين من الأهل ..ومفيش مانع ناخد رأي بريد القراء حتى بس كل ما سبق لا يعني إننا هنحكم غلط دايماً..ولكن زيادة تأكيد

6 - صغننة ؟
أصوت ؟
ما يروحوا يقولوا كده لعسرا اللي معدية الخمسين وهارية نفسها هي وأمثالها عمليات وبيبصولها بإعجاب ويقولوا يا ريت نبقى زيها..ما هو لو مقارنة بالأرقام هم غلط

ولو بالروح والقلب والعقل والحنية ..إيش فهمهم هما في الكلام اللي أكبر من قدراتهم العقلية ده ؟

7 - ربنا ميرضاش بالفضيحة

8 - اللي بيريح ربنا والباقي أسبابه

9 - مفيش حد ملاك ...بس محدش بيفهم ما بين السطور مكتوب إيه والسطحية بقت المشروب المفضل للشعب البشري عموماً

10 - ربنا وحده اللي مدرك عملتيله إيه خصوصاً في غربتك الإجبارية...برضه إيش فهمهم ؟

11 - لو في حد عايز يفكرنا بإننا كنا أقرب لربنا ساعة الزنقة من أوقات تانية.مستحيل يفكرنا على طريقة الله يرحم دي ..طريقة منفرة وبنت ستين كلب ..سوري يعني متستاهلش نفكر فيها مرة واحدة

12 - هو لو والدتي مش بتقلق على والدي وبتحبه ..هتكتمل أمومتها ليا ازاي ؟ وبعدين مش أحبلها الخير ليه _ لو لا قدر الله كانت في موقف الأرملة أو المطلقة ؟ ربنا قال ده سكن ومودة ورحمة أحكم عليها بعكس الحكم الإلهي ليه ؟ أخر حدودي أقولها كان ممكن يبقى في أحسن أو خدي بالك من فلان ..بس !!
ده وأنا ابنها !!!
فما بالك بالغريب..يولع يعني

13 - سوقهم ماشي ؟ مصطلح بيعبر عن قائله

14 - مش فكرة هنا دلوقتي وهنا مش دلوقتي...الناس عموماً بتحب تهرب من نقصها بالاندماج في ضعف غيرهم علشان يحسوا إنهم أعلى وأقوى ويمارسوا المصمصة لشفايفهم اللي خسارة كنعمة أنعم عليهم بيها ربنا علشان يرضوا بيها إبليس أو يمصمصوها

15 - القلب مبيتقسمش..الإنسان ممكن يهتم ويحب كل الناس الكويسة لله وفي الله..وحتى اللي مش كويسين في الظاهر يحبهم في الله ولله ..حتى لو مقدرش يعبر عن كده عملياً

16 - منتغرش في نفسنا لسبب واحد بس.. علشان إحنا مخلوقات ربنا ووحده يحدد أفضلنا مين وأقلنا مين والمعيار واضح...لكن مفيش حد أعلى من حد...وبالتالي رماك الطير ده مثل لا ينطبق على البشر وخصوصاً في العلاقات الإنسانية المعتمدة على قسمة ربنا ونصيب كل واحد فينا :)

17 - اليوسفيات في قلبك مش في مدونتك:)

18 - نفس الرد بتاع 12 ...!!

19 - الابتسامة أولاً صدقة...ثانياً..علاج لنفوسنا ..مش هطول أكتر من كده

20 - نفس الرد على رقم 10 ..

21 - برضه دي مسألة نسبية
حكمك على الناس بيشوف الجزء الكويس اللي فيهم ..مش بيشوف الوحش ..والاتنين موجودين
بيشوف لحظات الناس أظهرت الكويس بس سواء ادعاء أو كان ده الطبيعي بتاعهم
بس برضه مفيش مانع من الأخذ بالأسباب في تأكيد الأحكام دي خصوصاً اللي علاقاتنا بيهم مؤثرة علينا وعليهم

وحسن الظن بثوابه ...بس برضه الحذر واجب بس مش لدرجة المرض لأنه لن يمنع القدر
والمهم الأخذ بالأسباب
وطالما لينا أهل وناس متأكدين من صدق اهتمامهم بينا ... يبقى نحاول نعمل مراجعة سريعة على الأحكام المهمة على الناس اللي هتاخد مكانة مهمة :) مع مراعاة إن كل حد بيحكم بمقاييسه
فكل حد صح نسبياً
باللي شافه واللي حسه
_
معلش شرخت على الرابع ..بس حظي حلو الريسة هنا راضية عني :D
..
لو مش عايزة تنشري التعليق وتحتفظي بيه لنفسك..مش هسأل منشرتيهوش ليه:)
_
كان الله في عون جميع المؤمنين بيه وحده لا شريك له
_
ويهدينا جميعاً وينصرنا على نفوسنا الأمارة بالسوء :)
_
والسلام ختام يا أم يوسف

عارفة يا فاتيما أحنا إيه مشكلتنا أن قلبنا كبير قوى وساعات بيساع حاجات محدش يقدر يشيلها والناس كلها تستغرب

بس تقريبا فيه حاجة عمالة أقولها لنفسى من فترة وهقولها ليكى أنتى كمان

اللى ما يحطنيش كحل فى عنيه أدوسه وأدوس قلبى كمان ولا يهمنى

وبعدين سيبك من أى كلام ولا أى حاجة تضايقك هو من أمتى يعنى الناس بتسيب حد فى حاله

وحشانى جدا جدا

bosbos
بسمه عبدالباسط

الجميلة .. فاتيما

ازيك يا أحلى أُم يوسف بالدنيا؟؟

يارب تكوني النهاردة احسن وتكون احوالك كلها خـيـّـرة بأذن الله

جيت اطمن عليكي
واقولك اني بحبك جداااا جداااا

بجد والله .. بحبك في الله

لاسباب كتيرة جدا

اولهم طيبة قلبك

وتانيهم انك بتشبهي صديقة من اعز الصديقات ليا جداجداجداااا لابعد الحدود

بجد الشبه بينكم قوي

ربنا يسعدك يارب واسمع ضحكة قلبك واشوف فرحة عيونك

ربنا اكبر واقوى يا فاتيما

وبيحبك اوووووي .. بدليل انه ادالك اشد الابتلاءات
ربنا يثبتك ويقويكي يارب ويردلك يوسف لحضنك

قولى الدعوة دي (( اللهم إني أسألك أنس الوجود بقربك ))


*********

بحبك في الله

سارة

نسيت اقولك حاجة

كنت حابة انك تيجي تعملي جولة سريعة لمدونتي

لأني هضطر آسفة اني ارفع البوستات الي فيها

وكنت حابة اعرف رأيك .. لانه يهمني جدا

في الخطوة الي بفكر فيها..

(F)

السلام عليكم
فاتيما
:))

موش عارفة نقول حاجة
غير ربنا يهونها عليكي
و ربي يصلحلك الحال

بدعيلك دايما ربنا يجمعك بابنك عاجلا ليس اجلا

ربي معاكي
:))
حنان- تونس-

اااااه يا قلبي..بجد وجعتيلي قلبي قوي..أنا عارفة انها فضفضة وان الكلام بيريح..بس حسيت كلامك جه فيا أنا كمان و لمس حاجات كتي قوي متلصمة.يااااااا رب يريح قلبك و قلبي و كل قلب موجوع و يعوضك خير عاجلاً أو اجلاً

بصي يا تيما بجد الكلام الي في البوست دا بيوجع قوي لمجرد قرأته بس انتي بقى الله يكون في عونك ماتسمعيش اي كلام كدا يتقالك دول ناس مبتحسش مش دايما الي بيضرب النار على عصفورة علشان يصطادها ساعات بيكون تاعبه انها طايرة
انتي حلوة قوي وكل الناس بتحبك قوي ماتسمحيش لقله مندسه انها تضايقك
بووووسه كبيرة قوي وحضن اكبر ليكي
وربنا يسعدك ويحققلك كل خير في الدنيا والاخرة ان شاء الله

كيكى عووووو
-------------

من غير ما تقولى يا كيكى

عرفت انها انتى علطول

مدلله على سلامة طنط الف حمدلله على سلامتها
ربنا يباركلنا كلنا فيها
و يكتبلى من دعاها انا و يسوفة نصيب
منحرمشى منك يا حبيبتى ابداااااا

انا بخير و الله متقلقيش
و تعليقك فرحنى جدااااا و حسسنى انى متحوطة بحب اكبر من انى استحقه لكن اكيد يوسف يستاهله كله كله من غير جدال و لا نقاش

بوسات و حضوناااااااااات قد كدا





يوم جديد
--------

التباريح الى زوال يا يم يم

بس كان لازم اكتب و اقول كل اللى جوايا لأنى جايز ميجيش معاد و لا مكان تانى اقوله ..
منحرمشى منك ابدا





saragebaly
----------
القسوة موجودة ف الدنيا سارة
حواليكى ف الناس و الحاجات

ساعات الواحد لازم ينتبه شوية فى اسباب القسوة عشان يحاول يفهم الناس بتعمل معاه كدا ليه ؟؟
مش ييمكن الغلط عندى و انا مش واخدة بالى ؟!!

لكن الكلام مع ناس بحبيهم و لا يتعمدون القسوة معاكى قادر يخليكى تشوفى نفسك بشكل تانى

او بمعنى أدق
تشوفى نفسك انك صح
و انك حتى لو ماشية ورا احساسك

فإحساسك صح
مش غلط

حلوووووووة جدااااا الدعوة اللى انتى كتباها دى

قوى بجد

ميرسى على كل الكلام و المشاعر الطيبة اللى ف قلبك دى يا سارة
و عندك صديقة شبههى كدا ؟؟
يا لهوتينى دى لازم ملطعة عينك و واجعة قلبك علطول على الخط
صح؟؟

هروح اشوف حكاية مدونتك ايه
بس عالله خير و متبقيش عاوزة تقفليها يا هانم؟؟؟






سمكة واحده
---------

متقوليش حاجة يا سموكة
كفاية مجييك هنا
و سؤالك
و كرم اخلاقك اللى بيأسرنى دا

انت كمان و الله






mostafa rayan
------------

حاضر يا صفصف
هفرح يا عزيزى على قد ما أقدر

اسمع غنوة منير
دى اهداء منى ليك





مع اصرارى
---------

ي اخ مصطفى
اخجلتنا بذوقك
و تمنيتك الطيبة دى كلها
و الدعوات

ربنا يكرمنى انا و يوسف يا رب
و تشاركونى كلكم هذا اليوم

ان شاء الله





wanda
-----
ون ون
افتحى ايدك

هاتوا الفلكة

عشان هتنضربى

آه

مين دى اللى زعلتنى و بتعتذرى كمان ؟!!

اعيط انا دلوقتى ؟؟

لأ مش هعيط
و هعاقبك و ابعتلك دول
**********************************
و
×××××××××××××××××××××××××××××××××

re7ab sale7
-----------

صباح الياسمين يا رحوبتى

القسوة واحدة
فقط يختلف الأشخاص و المواقف

اسفة لو كنت مررتلك احساس الحزن
كله بيروح و يتلاشى

ان شاء الله
منورانى جداااااااااا




الطائر الحزين
------------

و الله بنستفيد يا إيهاب
يا لهوتينى
لازم تدينى كلمتين ف جنابى كدا
طيب


على قلبنا زى العسل
عشان عارفين ان قصده الخير

و تباريح يعنى الآلآم و شدائد
التفسير اللغوى فى ردى على وندا فوووووووووق


منحرمشى منك يا طائرى الحزين ا




sweet angel
-----------

مالك بس يا سويت
دى فضفضة يا حبيبتى مش اكتر و نقل و عرض لأراء مختلفة وصلتنى حلا الفترة اللى فاتت و تجمعت و تكثفت و حطيتها فى تركيز ..بس
لكن مش معناها انى موافقة عليه
و انى شيفانى كدا
فيه جزء م الكلام صحيح و انا بقيت اخد بالى منه لكن المجمل مش موافقة عليه اكيد

ميرسى ع الدعوات الحلوة بتاعتك

Diyaa
------

اسفة عشان إتأخرت ف الرد يا ضيا

ازيك الاول و يا رب تكون فى احسن حال
اشكرلنا الست الريسة الاخلاق لأنها السبب ف التعليق الرائع دا و ان كان كل حاجة بتقولها يا ضيا بنفس الدرجة من الطيبة و العقلانية و المشاعر الجميلة اللى بتوصلنى و تخلينى أتغر فى روحى و اقول الله دنا حلوة قوى اهو و انا مش واخدة بالى ؟؟


متفقة معاك فى الاراء بتاعة اول تعليق من واحد لأربعة و ناوية انفذهم فعلا و بلا تأجيل


الباقى بقى فيه ملاحظة بسيطة
اللى عاتبنى على البوست المرصوص فيه لينكات و فقط مكنش يقصد يوسف
كان يقصد احمد مهنى العزيز لائماً العبدلله انها معملتش حاجة و لا حتى كتبت كام كلمة تطيب بيهم خاطره و اكتفت باللينكات و فقط و يا ريته قال هوه مين (غير معرف) لأن عتابه كان مهذب لدرجة الإيلام بصراحة و خلانى متضايقة من نفسى جداااا و مكنش عندى غير انى ادعيله و بس ربنا يرد كيد اعدائه فى نحورهم ..و دا كان اضعف الايمان

ان شاء الله اشوفك على الف خير يوم البؤجة يا من الخير فى ركابه يسعى
منحرمشى منك يا ضيااااااا




بسمة عبدالباسط bos bos
----------------------

ازيك يا بسبوسة

و الله يا حبيبتى اللى بتقوليه معرفش صح و لا لأ ؟؟

اصل اللى قالى الجملة دى عارف تفاصيل قصة يوسف بحذافيرها و هوه بيقولى الجملة دى كان زى ما يقولى انتى جايبة البرود دا منين ؟؟
احتمال لأنى فعلا بقيت ببتسم عمال على بطال و بقيت باردة و انا مش واخدة بالى ؟؟
حتى كلامى الجد بقيت اخلطه بالهزار و اقوله و انا بضحك لدرجة تخلى اللى قصادى يتسفز و يتضايق منى و يفتكرنى بستخف بيه ؟!!
ممكن

بس الاكيد
ان اللى زعلانى من فاطمة بما فيها حاليا ..يبعد بقى و يريح دماغه منها أحسن ..لأنى حاسة انى صح و كفاية

انتى كمان وحشانى قوى و يا ريت تيجى يوم البؤجة بقى .. ننكن؟؟؟





حنان
----

و عليكم السلام يا نينو

نينو دا دلع حنان ..عاوزة ادلعك ممكن؟؟

طييييييب

انا بخير يا حبيبتى و بقيت زى الفل
بيقولوا تونس مشهورة بريحة الفل ..صحيح الحكاية دى ؟؟

عشان لو صحيحة هبقى اناديلك بعد كدا ب
نينو يا ريحة الفل

ايه رأيك؟؟

منحرمشى منك أبدا و لا من سؤالك





dhalia...
---------

آآآآآه يا دودى ى ى ى

آه على اهاتك انا روخروا
و عارفة انك سمعتى حاجات زى دى كتير
عشان النظرة دى موجودة دايما

كنتى ضعيفة يقولوا
كنتى قوية يقولوا
لما الواحد اتمخول و شك فى روحه

يرسلوهم على بر
عاوزينا ضعاف و لا اقويا

و ف الىخر احنا عاوزين ايه
دا المهم
لأن كل واحد عايش حياته
بينما حياتنا احنا اللى واقفة
مبتمشيش

بوسات و حضونات
يا حبيبة قلبى
بوسيلى يحيى و فارس و مامتهم قبلهم



just waiting
------------

يا خراشى يا تيتو
ضحكتينى قوى بقلة مندسة دى
ربنا يسعد قلبك يا حبيبتى

الكلام بيوصلنى م التعليقات الغير معرفة و الأيميل و من ناس فى الحياة اليومية .. مينفعش اتجاهله لعل و عسى يكون فيه حاجات صح و انا مخدش بالى و بالفعل فيه كلام صح فى وسطه و انا استفدت بيها فعلا

تعرفى
دايما اقول ان المعرفة ليها تمن و مقابل ..و تبعات

و اى كانت المعرفة دى
هتزعلك او تفرحك
لازم هتدفعى تمنها .زمفيش شىء غالى ببلاش و المعرفة غالية يا تيتو

بوسات و حضونات يا حبيبتى
و كل سنة و انتى طيبة

فاتيما ..
سلامة قلبك .. سلامة قلبك اوي ..
حبيبتي ..
ربنا يفك كربك ..
و ينولك كل خير .. و يحميكي من كل شر.

صعب جدا جدا الكلمات دى مش عارف اقول اية !!!

أنا قلت لك من زمان
شيلي الغير معرف ده و إلغيه خالص
و اللي عايز يعلق عندك يتعب نفسه شوية و يعمل حساب جوجل
أنا الدموع وقفت في عيني لما قريت البوست ده
بس لما قريت التعليقات قلت الحمد لله إنك بخير
بقى أنشغل شوية في الشغل ارجع الاقي 3 بوستات أولهم تباريح
ربنا يفرج همك و غمك و لا يزعلكيش تاني أبداً يا أم يوسف

قهوة بالفانيليا - شيماء على
----------------------------

منحرمشى من دعواتك الحلوة يا شيماء
ميرسى يا حبيبتى على سؤالك الدائم
و بعتذر على تقصيرى الدائم برضو




بلياتشو
-------
متقولش حاجة يا بلياتشو
مرورك يشرفنى و كفى





مهندس مصرى
----------

التعليق متمسحشى يا محمد أهو
عشان انا حبيته قوى
ربنا يخليك ليا يا رب
منحرمشى منك
و قولتلك ف الأيميل مينفعش اشيل الغير معرف عشان الناس الطيبة اللى بتدخلى عن طريقه ..و حتى لو واحد بس فهوه يستاهل اتحمل قصاده عشرين واحد سخيف
انا بخير يا اغلى و اعز و اجدع مهندس مصرى فى مصر و السعودية و الدنيا كلها

إرسال تعليق