.

.

لــعـــبة حـــظ  

Posted by: فاتيما in




ماذا يفترض أن أصنع بنفسى
بعد أن هجر القلب مطرحه
فى لحظة جنون
وأستقر بين يديك ؟



كيف يتصرف الإنسان فى حالات كتلك؟؟


و أين يفترض أن يختبئ ولو قليلاً
من نظرات العتاب و اللوم التى تطارده
متهمة اياه بالغفلة والغباء
لأنه ترك القلب يلهو عابثاً كطفل صغير
ويرحل مبتعدا دون مراقبة او حذر ؟



هلا أخبرتنى
ما الذى يجب علي قوله
حينما ينظر إلىّ الجميع كمخبولة
هربت لتوها من مصحة علاج لا يخرج منها أحد
فى الغالب وقد شفى




و كيف أستطيع أن أشرح لمن حولى
قناعتى الكاملة
بإمكانية الجلوس على حافة القمر معك
بكل ثقة كما ينام قط صغير متكوما
فى حضن امه



و كيف يمكن أن تنقسم الدنيا فجأة هكذا
وبمنتهى البساطة
الى مكانين لا ثالث لهما



مكان معك

و مكان لا أريده بدونك



كيف يمكن لمخلوق أن يصنع بمخلوق مثله
ما فعلته انت بقلبى
ولا يعرف بعد مدى ما منحه الرب من نعم ؟



كيف يمكن أن يسير بشر على الأرض
بكل هذه البساطة
وهو لا يدرك قيمته الغاليةالتى لا تقدر
عند بشر آخر غيره




اعلم انى ارتكبت ذنوباً جمة
أستحق عليها العقاب
للحق إنتظرت طويلاً كى أدفع ثمنها
وادعيت كثيراًالشجاعة والإستعداد لدفع هذا الثمن

لم اكن أتصور أبداأن تكن هذى عقوبتى



على قدر حبى لك
على قدر حرمانى منك



ضدان لا أظنهما لحظة يتألفا
عدوين لدودين يوما
لن يتصالحا



حبك و قلبى


حبك شمس ساطعة توهج ظلمات الكون
و قلبى قمر يستمد منها الضياء



قد تجمعهما سماء واحدة
لكنهما لا يتجاوران أبدا
إلا لدقائق



كم اتمنى لو انى بهذاالعقل الواسع الحيلة
الذى يجعلنى ألهو معك ببراعة الأنثى
فأمارس لعبة من ألعاب الأذكياء تلك
التى قد ربما تنبىء بفوزى


لكن للأسف
إنتهى بى الامر
بلعبة الورق البائسة


وفى كل مرة أنزع ورقة لأرميها
على أرض حبى
ينخلع معها القلب متسائلاً
هل يا رب
سأكسب فى هذه المرة
أم سأظل على مدار الوقت
خاسرة ؟



الحب لعبة حظ


شاء المحب هذا أم أبى



و يا لسوء حظى
فى تلك اللعبة من قديم الازل
من قبل حتى ان اراك
وأسقط طواعية فى فخ حبك



يا سيداً ملك كيانى
وعلمنى معنى الفرح
و جعل الدنيا جــنة أملكها
حينما ينادي إسمى
و يدعونى احيانا
بحبيبته



أنا لا اطالبك
يا حبيب القلب
بتحسين هذاالحظ التعس



و لا أرجوك ان تظل معى
كى تلقننى بعضا من حيل السابقين
عن كيفيةالبقاء بجانبك لمدةاطول



ولا أريد منك
أن تشفق على حال لست السبب فيه
ولست مسئولاَ بالتبعية عن اصلاحه



فمنتهى الظلم
أن أطلب منك تطبيق العدل
فى فعل
لم تقترفه يداك



الحب جريمة قلبى النكراء
و عار أن تعاقب أنت علي إرتكابها



كل ما اطلبه منك
هو معروف صغير
أتمنى لو تتوقف لبرهة
كرجل عربى شرقى كريم الخلق
فتصنعه لشخصى الضعيف



اطلب منك لو فقط تخبرنى
إن كان هناك سبيل
للتخلص من هذا الشعور القاسى
الذى يلازمنى ليل نهار
بإنه
لا امل فى الغد معك ؟؟



وهل تستطع ان تؤكد لى
إمكانية أن تتكرر معجزة
كحبك
فى هذه الحيــاة مرتيـن ؟؟



وهل سيأتى ذلك اليوم
الذى سأتوقف فيه عن لعب الورق معك
دون أن أخشى
فوزا أو خسارة ؟؟



إنتظر
ولا تجب أرجوك

هذه مخاوف عاشقة مرتعبة
و فقط
لا تنتظر اجابة ... قد تؤلمها
ولا تريد معروفاً .. قد يطوق عنقها
فيخنقها



اقول لك ..كأنك لم تسمع شيئاً
ولتنس كل ما سبق
ولنلعب سوياً دور أخير




ولتبدأ بتوزيع الاوراق يا حبى
وليبق قلبى بين يديك ولا تعده إلىّ الآن



فأنا التى حرضته
على الهروب إليك
و غير نادمة



عله يرضى بك .... فيلاقى حظاً
وعلك ترضى به .... غنيمة وكنزاً



فلتوزع الأوراق
يا حبيبى



ولكن هذه المرة

أنت

من سيلعب

اولاً








إن كنت حبيبى
ساعدنى ... كى أرحل عنك

إن كنت طبيبى
ساعدنى ... كى أشفى منك

إن كنت ... أعز عليك
فخذ بيدى
فأنا عاشقة
من رأسى حتى قدمى

نزار قبانى


This entry was posted on الثلاثاء, مايو 04, 2010 and is filed under . You can leave a response and follow any responses to this entry through the .

43 كــــلام بيطــبطـــب عـــلى قــــلبى و روحــــى

يا طيما عاوز اقولك ياريت الموزه تقرى ده وتحسه

بعد كل اللى قلتيه ده
كمان رساله من تحت الماء
صعب قوى
و ان كنت من اول ما قريت البوست سمعت الاغنيه دى فى ودنى و الله العظيم

اصلها ماشيه قوى مع الكلام
مسيرك تلعبى الورق و تكسبى
مهو حرام انسان لوحده يبقى خسران على طول الخط
ده حتى بيقولوا المساواه فى الظلم عدل

تفتكرى انك اما تقوليله نوزع الورق تانى و نلعب من الاول حتبقى دى فرصه تانى

ياريييييييييت ينفع

اصل لو منفعش يبقى خلاص انا كده كفرت بالحب و اللى بيحبوه

مره تانى حقولهالك زى ما قلتها زمان

لا القمر بينور من غير شمس و لا الشمس بتحس بقيمتها من غير القمر

الاتنين من غير بعض ميسووش


بحبك يا احلى قمر

اعلم انى ارتكبت ذنوباً جمة
وأستحق عليها العقاب
إنتظرت طويلاً كى أدفع ثمن اخطائى
وادعيت كثيراً الشجاعة والإستعداد لدفع الثمن


ولم اكن أتصور أبدا
أن تكون هذى عقوبتى

0000000000000000

الحب حالات تسبب الألم ان كان من طرف واحد ...

-------------
اتمني الاستقرار لك ولكن المحبين ......
وهوا ليس لعبة بقدر ما هو سلاح كمشرط الطبيب أو كسكين الجندي... اما ان يطبب او يقتل النفس

يعنى انا جيت امبارح ازورك واقولك وحشتينى وان انا جيت تانى اهو ازهقكو ف عيشتكو لقيتك بتلعبى ف منطقتى ونعم الحياة واننا لازم نقدر كل منها بشكل مظبوط

دلوقتى اجى الاقى الهانم تدوب عشقاً وولهاً وكمان عمالة تكتب أشعار وخواطر للبيه اللى بسلامته ظروفه شكلها صعبة معاكى

طيب نفكر بصوت عالى


ايه رأيك لما نقلب البوستين بتاع امبارح على بتاع النهاردة

هنطلع بأيه

هنطلع بأن ربنا ادالك قلب جميل شاء أن ينبض فى وقت وتوقيت ممتاز حتى لو كان الشخص صعب المنال إلا انه يبقى وجود تلك المشاعر العذبة التى تجعل الانسان يشعر بأنه حى من جديد

هنطلع بأننا نعرف ان أكيد ربنا له حكمة ف صعوبة الامر يمكن عشان يوسف ويمكن عشان قلبك ويمكن علشان الشخص الغامض بسلامته (متخفى ف نضارة)

ولكن

يبقى هناك غد جديد
يعلم الله وحده بما يحتويه

ويبقى لدينا الأمل الدائم بحكمة ربنا
وان يمكن أحلامنا تطلع ف مكانها
وجايز تتحقق

وحشتينى
ولنا هنا وقفة أخرى
فيما بعد

تحياتى
هبة

معنديش كلام اقوله الا :-*

الاغنية
الشعر
ياقلبى
البوست

صباح الخير و يارب يكون خير و محمل بالخير و فيه امل لخير بكرة و بعده
ربنا يعملك الى فيه الخير يافطوم:-) حتى و لو غصبن عنك لانه هو الى عارف الخير

:-***************************************
:-XXXXXXXXXXXXXXXXXXXXXXXXXXXXXXXXXXXXXXX

و كيف أستطيع أن أشرح لمن حولى
قناعتى الكاملة بإمكانية الجلوس على حافة القمر معك
و بكل ثقة كما ينام قط صغير متكوما فى حضن امه
الله الله
ايييه الروعه دي:)
لا بجد حلوه جداااااااااااا

لا بد وان يختم هذا الحوار
بكلمات نزار
صاحب السهل الممتنع

ما اصعبه ان يكون القلب رهن ورهينة
وتتحكم به الاهواء
فهكذا يكون حبيب عاشق رضي بالاسر وشخص آخر يجيد قتل الكمات

امل ينهار وغصات تتكرر وعيون باللوع تبوح وتتوسل لمن لا يملك السمع والبصر

تساؤلات كثير تحتاج لأجابة واحده على أمل أن يبسط فجأه الحب رحمتة ولو لسويعات قليله لعلها تكون فتره مسكنه من الالم فكانت النتيجة عدم التصور لحجم العقوبة


كونى بخير واشكرك على زيارتك لمدونتي بعد كل الغيبة دية

سيد سعد

طيب أنا مش هاعيط علشان انا في الشغل وفي ناس ضيوف وميصحش اطلع عيله قدامهم

أنتي وجعتيلي قلبي قوي ومش وجع وحش علي فكرة بس دوستي علي وتر حساس انا هابعتلك ميل أوك

أنتظر
لا تجب أرجوك
هذه مخاوف عاشقة مرتعبة
لا تنتظر اجابة ... قد تؤلمها
ولا تريد معروفاً .. يطوق عنقها فيخنقها


اقول لك
فلتنس كل ما سبق ولنلعب سوياً دور أخير


فلتبدأ بتوزيع الاوراق
وليبق قلبى بين يديك و لا تعده إلىّ الآن



فأنا من حرضته على الهروب إليك
غير نادمة

عله يرضى بك .... فيلاقى حظاً
وعلك ترضى به .... غنيمة وكنزاً


فلتوزع الأوراق يا حبيبى
ولكن
هذه المرة
أنت من سيلعب اولاً



صباح الجمال هى دى الست لما تحب بجدوتتعذب فى الحب بجد
مهما اتكلمت دا اللى بيحصل بتقوله لالالالا انظر عندها استعداد ديما انها تفضل فى المعاناه لان اعظم حاجه عندها انها تحب بجد
جميل اوى ياتيما واللعبى تانى واستمرى فى اللعب

مساء الخير
عامله ايه؟ يارب تكوني بالف خير يارب ....انا عن نفسي عمود نور منور الشارع كله الحمد لله.

(و كيف أستطيع أن أشرح لمن حولى
قناعتى الكاملة بإمكانية الجلوس على حافة القمر معك
و بكل ثقة كما ينام قط صغير متكوما فى حضن امه)

وجعتيني قوي في الحته دي


( مكان لا أريده بدونك)

اه لو يفهم هو الجمله دي


(اعلم انى ارتكبت ذنوباً جمة
وأستحق عليها العقاب
إنتظرت طويلاً كى أدفع ثمن اخطائى
وادعيت كثيراً الشجاعة والإستعداد لدفع الثمن


ولم اكن أتصور أبدا
أن تكون هذى عقوبتى


على قدر حبى لك
على قدر حرمانى منك)
قلبي وجعني هنا ودمعت هنا لان دا احساسي بجد


(الحب لعبة حظ
شاء المحب هذا أم أبى) عباره لها عمق بجد

انا مش عارفة اقولك ايه .. بجد يعني
اصلي بجد بجد " مفهمتش حاجة "
اه والله تخيلي ؟.. عشان حضرتك الموضوع دا من دون اي كلمة عربي في المدونة طالع كدة هيروغليفي .. وانا مش قد الثقافة دي ..
واللي استنبطه بقا انو المشكلة دي عندي بس لان في ردود .. بس شكلو بوست كارهني .. مع ان بنباهتي الألوانتية بقول انه شكلو بوست تحفة وراح عليا :((((((((( شوفي ايه الموضوع بقا

ألوانتك :)

لقد شعرت بالقلق جدا يا سيدتى
لعل الامور هتتحسن :D

(يا سيدأ ملك كيانى
وعلمنى معنى الفرح
و جعل الدنيا جــنة أملكها
حينما ينادي إسمى و يدعونى احيانا
بحبيبته)
حلو قوى .. يعنى هو كمان بيحبها طيب معذبة نفسها ليه؟

أنا مش فاهم حاجة خالص أو بقيت معدوم الإحساس.. أصلى شايف الناس تعليقتها كلها شحتفة وعياط..
طيب طالما الإتنين بيحبوا بعض يبقى مافيش مشكلة وكله تمام..
طيب لو هو مابيحبهاش بيقولها ياحبيبتى ليه؟!!!!
طيب لو ماينفعش يتجوزوا بتعذب نفسها ليه؟.. لا مؤاخذة يعنى مايروح فى ستين سلامة

أنا مش فاهم حاجة خااااااالص
دى أخرة اللى يتخرج من هندسة عاااااا

ياااااه الكلام حساه اووى


اكيد الجاى احلى واحسن
ويااارب يكون زى ما بتتمنيه

يكون المجنون مميزا اذا كان الوحيد فى عنبر العقلاء

البوست جميل والاغنيه متناغمه معاه قوى
احيكى على اختيارك
تحياتى

أزيك يا فاتيما وحشانى جدا

بخصوص البوست بقى مع أنى نفسى اللعبة تبدأ من تانى وتفوزى فيها أو بمعنى تانى أنتوا الأتنين تفوزوا

مش عارفة لية حاسة بتوارد خواطر كبير بينا فى موضوع اللعبة اللى فى الأخر دى

وعلى فكرة ممكن يكون تحريك مشاعرك وأن قلبك يرجع ينبض من جديد خير كبير ليكى حتى لو مش هيبقى مع الأنسان ده ولكنه بداية نبض قلبك من جديد
ومين عارف ممكن فى النهاية تكسبى برضة اللى أنتى عايزاه

أو ممكن تلاقى قلبك نبض للعبة تانية

إيه اللى أنا بقوله ده معلش بقى شكلى بقيت بخرف كتير الأيام دى ولأنى تقريبا بقول نفس الكلام لنفسى

لعله خييييييييييييييييييييييير


وحشانى جدا جدا جدا جدااااااااااااااااااا

bos bos
بسمه عبدالباسط

تصدقي يا فاتيما

قريت اكتر من مرة وكل مره الاقينى واقفة ادام كلامك مش عارفه اقول ولا كلمة

عارفه لما كل الكلام يهرب ومش تلاقي ولا كلمة

انا كدا دلوقتى


بحبك يا فاتيما في الله
وعاوزه اشوفك دايما مبسوطة ومرتاحة

انا مش خريجة هندسة ومع ذلك عندي نفس تساؤلات ابو حميد
لكن بالمجمل الكلمات جميلة وتدخل القلب بلا استئذان
يسلم قلمك حبيبتي

مممممممممممممممممممممممم.....
لا تعليق

في شؤال بيطرح نفسه
انا ممكن اقولك ايه ؟؟؟؟
بجد مش عارفة

و كيف أستطيع أن أشرح لمن حولى قناعتى الكاملة بإمكانية الجلوس
على حافة القمر معك !

....

كفاني أني أرى الكون يرقص - لو قليلا - في عينيك !

......

انا سعيدة جدا انه واخيرا وبحمدالله قدرت اشوف البوست الرائع .. كلماتك للقلب على طول يا فاتيما مفيهاش تزييف ..
وختامك بنزار كان رائع كمان ..


ربنا يحققلك كل احلامك ويعطيكي كل اللي انتي عايزاه عشان انتي سووووكره وتستاهلي الدنيا بما فيها ..

فاتيما

فى بعض الاحيان اكتشف ان اللغات التى اجيدها لا يوجد بها اى كمله استطيع ان اعبر بها عن اعجابى بكلماتك ...

اشعر فى بعض الاحيان ان الحب هو لو من اولوان العذاب ولكن اى عذاب هذا الذى يكون القلب فيه هو من يتالم ويفرح وقد يشقى وقد ... وقد ....

غريب هذا الحب الذى لم يستطع اى انسان ان يفهمه
هو ليس سرا وكذلك ليس سحرا انه حب

اتمنى لكى الفوز الدائم فى كل حاجه فى حياتك

زهراء

البوست تحففففففففففه يابطتى
اناهاخلى حبيبى يقراه
ولو انه جاوب عن اسئله كتير منه مسبقا
بجد انا عاجزه عن انى اعبر عن كلامك الجميل ده باى تعليق
بس اللى اقدر اقوله انى حساه قوووووى

يسلم قلبك واحساسك اللى ابدع الكلام الجميل ده

رووووووووووووووعه يا فاتيما

بجد مش عارفه اقول ايه

كلامك صعب الرد عليه بتعليق
لانه طالع منك باحساس اوى وانا مش بعرف اترجم احساسى لكلام زيك
انتى يا حبيبتى قلبك قلب ملاك

ربنا يسعدك يا فطوم واشوفك احسن الناس يا رب

بحبكككككككككككككككككككككككككك

فيه كلام عنك عندى تعالى شوفيه

السلام عليكم

لعبة حظ .. وكلمات كان لكي فيها حظ كبير جدا من التوفيق واختيار كلمات معبرة بسيطة ..

لعبة حظ .. والحظ مغامرة .. ويفوز باللذة كل مغامر ..

تحيتي

فمنتهى الظلم
أن أطلب منك تطبيق العدل
فى فعل
لم تقترفه يداك


ماجمل الكلمات عندما تحمل معنى التامل اثناء الاعجاب بمكنونها وحروفها

شكرا لكى على التوبيك الرائع

البقاء لله يا فطوم
تفتكرى مين لينا شقى غيره دلوقتى ؟

حبك شمس ساطعة توهج ظلمات الكون
و قلبى قمر يستمد منها الضياء



قد تجمعهما سماء واحدة
لكنهما لا يتجاوران أبدا
إلا لدقائق

ابداع
ابداع
بس
كمان واقع مؤلم

بس
خلاص

فاتيما
وحشتيني قوي قوي والله
مش عايزه اقولك انا مقصره ووحشه وكده عشان انا وحشه بجد
بس والله والله والله انا تعبانه جدا جدا
مش شايفه قدامي اصلا
صحيا ونفسيا وكله يعني وعاطشفيا كمان
والله مش بدخل نت كتير ورديت عالكومنت بتاعك فرحت اصلا لما شفته قوي قوي واول تعليق كمان
فاتيما الصغنونه بتسلم عليكي وماما كمان انتي وحشتيني قوي
مش عرفه اقولك قد ايه
البوست ده وجعني قوي يا فاتيما مش قصدي انه نكد يعني قصدي لمسني قوي
قوي
كأنه كلام من جوه قلبي انا يا فاتيما
يااااااااااااااااااااه حساه قوي قوي



بحبك قوي قوي

اممممم
صعب الاختيار ما بين الموت كمدا او ذبحا بسكين باردة كلاهما صعب
فعليكى ان تختارى ما بين الحب واللا حب
فمهما تكن النتيجة اهون من عذابات الدهر والامه
واسترشادا بعمو نزار قبانى
إ ني خيرتك .. فاختاري

ما بين الموت على صدري ..

أو فوق دفاتر أشعاري ..

إختاري الحب .. أو اللاحب

فجبن ان لا تختاري ..

لا توجد منطقة وسطى

ما بين الجنة والنار ..
بقدر ما البوست صعب لكن القرار مطلوب لان عذاب يوم ولا كل يوم
تحياتى

الحق اقول صباح الخير قبل ما دماغى تون ثانى
:-) صباح الخميس بتاع برديس :-)
:-*************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

لو مش خميس الحقى قوليلى قبل ما اليوم يضيع منى ثانى :-)
واندا المتقندلة :-))

فاتيما
دام ودك وسؤالك
اتابع الجميع من خلال الريدر
:)
بسعد بسعادتك وبتالم لحزنك صدقيني صديقتي العزيزة
:))

فاتيما
لعلك بخير
مش عارفة ااقول حاجة
:(
اللهم انت بيدك قلوبنا
فافعل بها الخير لنا

بحبك اوى
وادعيلى


شيماء سمير

ها قول لك حاجة مش ها تصدقيها من أول أمبارح افتح البوست ألاقى كل الكلمات ورود جنب بعضها بنفس لون متابتم أبص فى الريد عندى باين اول الكلام اليوم بس دخلت تانى و قلت و الله مش ها سيبه إلا لما يبان و اقراء اشمعنى كل الناس شايفاه و بترد كمان علية ، المهم الحمد لله فتح أنهاردة و لقيته فعلا ورد بس شوكه كتير شوية .... الشوك كتير فى كلامك يمكن لأنك فاقده الأمل .... أتمسكى بأملك و أوعى تفقيده الأمل هو الى بيعطينا القدرة على الستمرار فى الحياة و أننا نتحمل كل ألامها ...... تمسكى بأملك حتى آخر لحظة فى عمرك و حتى آخر نفس ممكن تتنفسيه ..... لو فقديته صحيح ها تعيشى و تتنفسى بس قارنى بين حياتك قبل ظهر طاقة المل دى فى حياتك و بعدها و قررى ها تقدرى ترجعى تانى تعيشى زى ما كنت قبلها ولا لأ ......؟؟؟؟؟
بحبك كتير كتير كتير

كلمات لامست أوصال قلبي

سلمت يداك أخيتي

السلام عليكم
بصى يا فاتيما بعيد عن اى كلام فلسفى اى حاجة بنعملها فى الدنيا بتنقسم الى قسميم حلال وحرام الناس بعد كدة قسمت الافعال تقسيمات تانية عقيمة من خلال اعراف وتقاليد بالية اذا كنتى مقدمة على عمل حلال فمتخفيش من كلام الناس ولا لومهم واعملى الى يريحك انتى ولو انتى خايفة من ان فى شخص عزيز عليكى يفهمك غلط او يزعل منك فمتخفيش ادام انتى مبتعمليش حاجة غلط ربنا هيقف معاكى لكن لو انتى حاسة ان فية اى شئ غلط فى اى فعل من افعالم فتركية والله ان شاء الله هيعوضك بشئ صح افضل منة يسعد ايامك ان شاء الله بس انا متاكد انك بتراعى ربنا فى كل تصرفاتك فبعد كدة متخفيش من الناس وتوكلى على الله
دمتى بكل خير وسعادة

فاتيما انتي فين .. قلقتيني عليكي
يا رب تكوني بخير

الوناتك

فاتيما
انتى فين؟
انتى كويسه؟
مش بتردى على الايميلات والتعليقات ليه؟
يارب يكون المانع خير
طمنينى بالله عليكى

ازيك يا فاتيما
انتى اخذتينى بكلماتك لبعيد
وسرحت بخيالى لانها دخلت اعماق
اعماق قلبى بصدقها وجمالها
تسلم ايدك
وربنا يسعدك

الله جميل اوي اوي الكلمت دي يا فطومه
بجد تحفه
والاغنيه روعه
عليكي زوق
ربنا ما يحرمك منه ابدا وديما زوق راقي ومميز
بغيب اغيب
واسال عليك
(:
اخبارك ايه وانتي ديما علي بالي
كل سنه وانتي بخير من غير اي مناسبه كل يوم وكل شهر وكل ثانيه وكل ساعه

تحياتي

فى زمن افسده الانسان بما اكتسب من طباع ليست من طبع الانسان أقول

.. ما أنا بساعا لقلب أهواه...
.. أنما مسعايا لقلب يهوانى...

دعائى لك بصلاح الحال وراحة البال

تحياتى وخالص تقديرى

منحرمشى منكم أبدا

إرسال تعليق