.

.

حــضــن الأحــبـــة  

Posted by: فاتيما in





بداية كدا قبل القراية
البوست إتأخر عن معاده غصب عنى
النت عمل معايا حركة ربع كم



و لقتنى من كتر الأرهاق بعيد عنكو
بنام ع الكيبورد و بعمل ريستات للجهاز لتالت مرة
و لا حياة لمن يعمل ريستات
فخدتها من قصيره و أجلته لتانى يوم


-------------------------------------

نبتدى بقى ؟
اطلع يا بنى ع الهوا
معاكم ام يوسف من بحرى و بنحبوه
لتنقل لكم وقائع الحدث الهاااام الذى استقبلته
جماهير الاسكنكرية لتبدأ بيه الموسم الصيفى
و عمار يا اسكندرية
صيفاً شتاءاً و ف كل المواسم



و فييييين احنا من شه
ر أكتوبر اللى فات
لما كنا هناك عندهم
عند أحسن بشر يتش
افوا و يتعرفوا و يتحبوا
اهل الماريا


يومها رجعت كتبت عن البحر الى خطفنى
بناسه و اهل
ه و كل ما فيه
و عشان كان يوم جمييييل قوى
اتمنيت لو يتكرر
و لأن ف الكام شهر اللى فاتوا كمان
بقالنا احباب اكتر فى البلد دى
فعشان هذا و هذا
لما دودو و ح
نين عزمونا عندهم
كنت متوقعة سلفاً إنه هيكون يوم م العمر
و ق
د كان

نحكى م الاول و بالتفصيل الممل ؟

هطّول؟

براحتى ؟

طواااايب



بعد الأعلان
عن اليوم 29/5/201
0 بدأت الأتفاقات
مين جاى و مين هيعتذر
و هنركب انهى مواصلة
و هنتلم في
ن و هلم جرا ..


من الاحباب تتأتى
ايميلات و مكالمات و اعتذرات و تأكيدات
و تعليق
ات و تمنيات
لحد يوم الجمعة بليل
ما وصل اعتذار وبزعل كبير من reem عشان تعبانة
و عندها برد ش
ديد فمش هتقدر تسافر



بوست عند خيخة و سفرها من كام يوم
ينبهنى بين سطوره خفية انى لازم اخد معايا
سن بلك (واقى ضد السمس عقبال عندكم ) عشان
الشم
س متحمرش وشى و تسوده
فافتكر ان معنديش البتاع دهون ... فاطنش


ثم ايميل من بسكوتة عيون مامتها
توصينى على نفس
ى و تفكرنى اخد شال خفيف
عشان البرد و سن بللك .. عشان الشمس
فالتوصية كدا أصبحت .. أمر واجب
و اقرر اشترى المخفى دا و أمرى لله



السبت صباحا كنت صاحية
و بستعد و بلبس و بقول لماما باى باى
مسافرة
مع مين؟؟
لسه هرص الأسامى اللى رايحة
و بقول خالد همس اول نفر .. راحت قايللى
ماشى .. طيب
مع السلامة و متتأخريش
ابتسمت ف س
رى .. لأنى عارفة
أصل خالد همس الاحباب عندها
يعنى كأنى م
سافرة مع ماجد تقريبا



نزلت على صيدلية جبنبا

و الراجل كان بيرش مية لسه
قولتله بكل براءة عاوزة سن بلك
طالعلى رصة كدا و قعدت أنقى
بكام يا عم
...شهققققة رهيبة
عشان سمعت ارقام كبيرة قوى
اي
ه دا يالهوتينىىىى ؟؟
دنا هستخدمه النهاردة بس
هدفع المبلغ دا كلاته ... عشان يوم واحد
إنشالله متجاااااب و لا إنحط ع الوش
مالها ال
شمس ؟؟
مش خلقة ربنا و لا هنكفر ؟!!
مشكرين يا عم



و تا
كسى و طيرااااا ن على رمسيس
عشان الاقى خالد و شريف باشا واقفين
طبعا
واصلة تالت نفر أهو
و الحسد شغاااال يونيفرسال عليا
يا بلوجر يللى عينكو تفقل الحجر
برااااحة علينا شوية




المهم ..اكتمل العدد بوصول
من كان الخير دوما ف ركابه ضي
اء بيتوفل مايند
و مصطفى ريان اللى الطيابة ذاتها

بعد دقايق كنا راكبين ميكروباس
و بنتحرك نحو الأسكندرية الجميلة

كذا حاجة جت ف
بالى
و احنا ف أول كام دقيقة
افتقدت وجود عادل و كنت اتمنى وجوده
عشان يغير الموود العام


وفكرت انى رايحة اسكندرية للمرة الكام
معرفش من غير يوسف و بسال روحى
المرة الجاية هيكون معايا؟



و لأنى حزنت على اسامة انور عكاشة جداا
فيتهيألى ان معشوقته اسكندرية الجميلة
اكييييد هتكون حزينة على فراقه


وليد الدوغرى اطمن علينا قبل الركوب
و أكد انه جاااى
و على حد تعبيره ... ف عنونا البوست بتاعه
الصحبة الحلوة



فالصحبة الحلوة دى
خلتنا ف الميكروباس نح
كى و نرغى و نتكلم كتييير
جبنا اخبار و احوال البلد من اولها لآخرها
لما السواق توجس مننا خيفة و قالك بس
دول شكلهم بتوع قلق و سأل شريف باشا
لأنه كان قاعد جنبه
هوه ايه
العوبارة ؟؟
طبعا صححنا الخطأ مؤكدييييين اننا بنتكلم عن
الاحوال السوياسية و الاوقتصادية فى جزر القمر
مش عن مصر يا حاج .. و دماغك متروحش بعييييد
دا اللى ملوش خير ف حاتم .. مش هنكمل يعنى

و بعدين احنا معانا المحامى بتاعنا .. شريف
و اللى طبعا باعنا على اول ناصية
و قال معييش الكارنيه
و لا أعرفكو
انتوا مين؟؟
جدعنة
جدعنة يعنى



مكالمات متتالية من احباب
زى نانو القدر و انا ... بتتطمن ان كله تمام
بدراوى بيقول ان شاء الله جااااى
دودو و حنين بيطمنوا كل شوية .. انتوا فين دلوقتى
علا و كيارا بيصبحّوا و بيقولوا ازيكم
و بسكوتة بتتصل
عشان تقولى .. هاف انيس داى
و عادل بيبعت رسالة ..سلامى للجميع
و المرة الجاية اكون معاكم


على عشرة و نص تقريبا كنا واصلين
و مكالمة من إنجى هات
م الآخر
انها منتظرانا قصاد مكتبة الأسكندرية
نتقابل هناك ..فنلاقيها مع احمد على
صاحب مدونة According To Ali
بعد السلامات
و الذى منه ..نركب للقلعة
و هناك تستقبلنا قلب القطة حبيبتى
richardcatheart
و معاها
الحاج ريتشارد
(أستاذ محمد) و أولياء العهد
ميرهان و مروان
سلامات و تحيات تااانى
و ناخد لفة ف القلعة صعودا و هبوطا
و شمساً و تصويراً
و انبهاراً بالبحر و
المشاهد الجميلة
و شوية نق و قر على العالم القدام
و البيبان الخشب ال
متينة و المشربيات
و شكوى من السلالم بتاعة زمان اللى معمولة بذمة
و رجلين العالم الطويلة بتوع زمان دول
و الحجارة المتكلفة مش زى بتاعت دلوقتى
تصوير بكاميرات الموبا
يلات ف اماكن كتييير
و قصص و أحاديث و مكالمات متبادلة
و تعب و ارهاق م الشمس فنقرر نخلص الجولة دى
لحسن يجيلنا ضربة شمس معتبرة
ننزل لصحن ال
قلعة ..فتكون داليا
my corner
وصلت و مى رحيق الورد
و دودو عاشقة الرومانسية
و حنين القلب نوروا
و غطوا بنورهم ع الشمس
و لنا
هنا
و
قفة



الناس ف الدنيا كلها لما تيجى تخلف
بتخلف عيال
اطفال عادية كدا ملى بتشوفوهم ف الصور
و التلافزيون عاتى
لكن حنين القلب بقى ..صنف تانى م البشر
يعنى لما ربنا يصبرها تمن سنين
و هيا بالطيبة و الحنية و الجدعنة و الرضا دا ..
و يطعمها و يرزقها بطفل
تفتكروا هيبقى زى أى طفل عاتى كدا ؟؟
إستحااااااالة
و الناس اللى حضرت اليوم معانا
هيأكدوا كلامى
لأن ماشاء الله
ماشاء الله
ما شاء الله
عمر ...ملاك و نازل م السما
اميرنا الصغنن اللى كان متوج على كل القلوب
احب انا العيال اللطيفة دى
اللى مبتعيطش و تزن الا نادرا
و حبوب و متجاوب مع اللى بيشيلوه أى كانوا مين
و ما شاء الله
باين عليه انه متدلع قوووى عشان كدا يا حبيبى
حابب اللى حواليه و مرتاح نفسياً
قل أعوذ رب الفلق
المفروض تكونوا قريتوها
و انتوا بتجروا بين السطور
من غير ما اطلب
أيوه ...مفيهاش نقاش دى
يلا قولوا


بعد السلامااااات تالت
وصلت امانة من قوس قزح كانت موصيانى عليها
انى ابوس عمر .. فوصلت البوسة اول حاجة
و بعدين قعدت ابوسه براحتى بقى
بوسات فاتيمية على مهلى



الشمس لفحتنا و كان الاقتراح نركب مركب
و قولنا نأجل تنفيذه الفكرة و قعدونااا شربونا حاجة
ف حتة ضلة عشان تعبنا م اللف ف القلعة
على بحرى .. عند مطعم الزعيم كان المستقر
عشان نشرب حاجة و ناخد نفسنا




ف المطعم اتلمينا و قعدنا لحد ما يرصولنا
ترابيزات برا زى المرة اللى فاتت
انا قاعدة مش مدية خوانة بقى
و عمالة اسلم ع الحبايب اللى بيهلوا
نانو القدر و انا و بنتوتها و اشرف سى شرفنطح افندى
و حنان الشافعى حنان مرات اخو دودو
و إذ أفأجىء إن اغلى ناس عاملينلى عيد ميلاد
و جايبن تورت شكولاتة و شمع و هدايا



وليد الدوغرى يوصل بالسلامة و بدراوى
و معاه مدونة جديد
ة اسمها هبة خميس
انجى تستأذن
عشان عندها امتحان
ف سى فرويد
و التحليل الن
فساوى لسخصية البنى آدم
و حنان الشافعى كذلك لأن
جالها استدعاء م البيت
و ضياء يختفى ف زيارة
سريعة
لمكتبة الأسكندرية و يرجع
نانو تمشى بعد ما تسلم ب
حرارة و ود خالص



و لأن مفيش مكان ف معدتنا بعد التورتة للغدا
فنرجع تانى ع ال
قلعة عشان نضربوا بلنص
تأتى زهراء على إستحياء فتسلم ع الجميع
و ناخدو مركب يلف بينا ف وسط المية
و نشوفوا اسكندرية بكورنيشها على مدد الشوف


بعد القعدة ف المركب
و سماع الأغانى و التسقيف
و الرغى و الهوا بتاع البحر ...الجوع يقرصنا
فنرجعو تاااانى ع
الزعيم عشان نتغدى




و يتبقى ف برن
امج الرحلة آخر حاجة
ان دودو عاوزة تاخدنا نركبو مراجيح
عند المرسى ابو العباس
ناس سلمت و روحت زى بدراوى و زهراء و مى
و ناس رجعت بعد ما خلصت امتحان زى انجى
و بعد المرجحة .. دى كانت نهاية المطاف
ف هذا اليوم الجميل اللى بعده جرينا ع محطة مصر
عشان ناخد ميكروباس على المحروسة



دا سريعا كدا
لحد ما نوافيكم بالتقرير المفصل

الله

ايه؟؟
انتوا فاكرين اللى فوق دا البوست ؟؟؟

قلبكووووا أباااااايض




إيه الناس الفافى دى ؟؟؟
دنا لسه هقول قوالة .. دا اللى فات
دا مسح زور بس



طب عشان خاطر ربنا
ع السريع (خدتولى بالكو) اليكم
بعض الملاحظاااات



السفر فيه الف فايدة مش سبعة بس
شريطة أن ..يكون معاك صحبة طيبة و حلوة
و اختكم فاتيما و الحمدلله ربنا بيكرمها كل مرة
بكام أخ كدا بيعاملوها معاملة ملوكى
حاجة كدا ابهة .. لو اخواتى الحقيقين
مش هتدلع كدا
فيا جدعان يا شباب يا رجالة زى الورد
يللى سافرت ذهاب و عودة معاكم ..ربنا يخليكم
و يبارك فيكم


مصطفى ريان شخصية طيبة بصورة فظيعة يا جماعة
و سفره معانا المرة دى خلانى
بتمنى بجد ييجى دايما كل مرة
و ميرسى يا صفصف ع الهدية الشيك
و سلامة وضعك
الأدبى و الفنى م الإهتزاز يا أديبنا


اللى عاوز يسعده زمانه
و ميبطلش ضحك من قلبه
يسافر مع وليد الدوغرى
يا خراااابى عليك يا واااد
الجدع دا جت قعدته جنبى ف الميجلس
قصدى المطعم
مكنتش عارفة اكل اصلااا من إيفيهاته
عارفين ابن البلد .. المواصفات المثالية
بالمللى تنطبق عليه
ربنا يسعد قلبك يا بن عمتى ..قادر يا كريم


ست السوتيتات ستيتة حسب الله الحمش
لها جملة بليغة دايما تقولها عن علاقتها
بأخواتها و جوزها انها
إمراءة أفسدها الدلال
و تسمحلى أستعير جملتها و اقول انى امبارح
حسيت انى
مدونة ..افسدها الدلال
يا لهوتينىىىىىى
انا اتدلعت دلع رهيب ..و اتعملى عيد ميلاد
بكل اعياد ميلادى ف العمر متجمعة و الله
و اللى جاى كمان ..السنة دى ممكن اوزع فرحته
ع السنين الجاية
و يكفى و يفيض
بجد بنا ما يحرمنى منكم و لا من حنية قلبكم
و حبكم الصافى الكبيييير دا






كل حد جابلى ه
دية ..انا ممنونة
و غرقانة خجلاااا من كرمه
بجد مكنش فيه داعى
بس مش لاقيه كلام ارد بيه
و يوصفلكم احسا
سى بالإمتنان ليكم بجد
آه
و ابقوا فكرونى اعمل عيد ميدانى
كل سنة وسطكم
ما دام الحكاية فيها سبوبة حلوة كدا
و هدايا و تورت شكلاتة و بتاع



آه و سؤال يطرح نفسه


الإسكندرانية دول إيه؟؟
معجونين خفة دم و جدعنة ملهاش حد ؟؟
و احنا بنحتفل و نطفى الشمعة اليتيمة
و بنتدارس اذا ما كنت تميت ال36 او ال26 أو التمأشر
و طبعا استنكرنا جابوا منين 36 دى ..و كدا
العمارة اللى فيها المطعم
ساكن ف اول دور علوى فيهاولد
و معاه جدته تقريبا
و كانوا باصين م الشباك يشوفوا مين بيغنى
و عامل باللو كدا
الست الكبيرة طلت علينا
و فكرتنى بعم شكشك بتاع بوجى و طمطم



الست ابتسمت
و هى وحنين القلب
تبادلوا الحديث الودى

- ازيك يا حاجة ؟
حنين اللى بتقول
- ازيكم انتوا
- اصلنا بنعمل عيد ميلاد ..لصديقتنا دى
و بتشاور
عليا
- كل سنة و انتى طيبة يا بنتى
الست الكبيرة بتوجهلى الكلام
فأرد التحية
حنين بتقولها
- اتفضلى معانا
- متشكرة يا ب
نتى بالهنا و الشفا
- بجد ..نزليلنا سبت نحطلك الطبق فيه حتة م التورته
- كتر خيرك .. اتفضلوا انتوا معانا
- انتوا طابخين ايه النهاردة ؟
- محشى بتنجان و كو
سة نبعتلكوا طبق ؟؟
الى باقى الحوار .... يا خرااااااااااااشى


إيه التلقائية
و البساطة
و خفة الدم دى
يخربيت كدا




امعانا ف التأكيد على ان اسكندرية
ستاتها جدعان قوىىىى
فعاوزة اشكر جداا من قلبى القدر و انا
عشان كلامنا اللى قولناه
و كمان تكفلها بكل مصاريف عيد الميلاد
وعقبال ما اجاملها ف فرح الولد و البنوتة
إن شاء الله




بنات اسكندرية القمرات حنان الشافعى
اللى حرصت تطمن علينا طول الوقت و تروح و ترجعلنا
و كان عندها مشوار عند الدكتور و مع ذلك بتتصل
عشان هيا اللى تطمن علينا ..ربنا يطيب قلبك يا نونا
و ميرسى ع العروسة الننوسة اللى زيك
و الامانة هتوصل لا تكلكى



أسماء نبض اسكندرية كان باين عليها الفرحة
و بترحب بينا طول الوقت
و هيا مروحة بتسلم عليا بحرارة
الحب دا محدش يوصفه ..بس بيوصل لوحده
انتى حد جمييييل و رقيق قوى يا سمسمة





أما إنجى بقى .. فمقولكووووش
يا خراشى ع الطعامة و الشقاوة و الجمال
و ياه لما ماماتها كلمتنى ف الموبايل عشان تسلم عليا
يا لهوى ع الامهات و حنيتها و دعواتها
انا مش لاقية حاجة اقولها يا إنجى ى ى ى
بجد ربنا يخلى طنط و يفرحها بيكى دايمااااا
و لها أن تفرح يا حبيبتى و تفتخر كمان




حنان ام رودينا ..مرات اخو دودو
بت جدعة قوى و شخصية جميلة
تقريبا عمر ابن حنين تربية ايدها
و الولد و هوه قاعد على حجرها و كأنه جزء منها
زى الصورة بتاعة البروفايل بتاعى .. سبحان الله
ربنا يقومك بالسلامة إن شاء و نشيل رودينا
زى ما شيلنا عمر كدا تمام




مى .. رحيق الورد
ورد الجناين زى ما بحب اندها
كان لازم اشوفها قبل ما اسميها كدا
دى ورد الجناين و ياسيمنه و فله و رياحينه
مى انتى مفاجأة ليا .. و مش مفاجأة برضو
اصل اللى يقرالك يتصورك اكبر سنا
عشان العقل و المسئولية
لكن اللى يشوفك يحس انك طفلة
و كبرت بدرى بس
انما انتى قلبك زى ورق الورد
ف نعومته و رقته و عطره يا حبيبتى
ميرسى على هديتك و مش هتفارق شنطتى أبدااا




بدراوى طعم البيوت وجوده فرحنى بجد
حرصه ع الحضور رغم انشغاله
حركة شياكة منه و الجدع طيب بشكل رهيب
ايه دا ؟؟
متنقطعش تانى عن التدوين يا بدراوى
الناس كلها بتعزك يا بنى





أحمد على شخصية اخلاق
و من نظرة سريعة على مدونته
شكله دماغ عالية
اما هبة خميس فمعنديش لينك مدونتها للأسف
بس هيا شخصية لطيفة
و ان شاء الله تبقى معرفة خير يا جماعة




زهراء زى ما وصفتها من قبل ما أشوفها
ذات الوجه المشرق بجد
وشها بشوش و فنانة يا ناس
مقعدتش كفاية ..بس الشوية اللى قعدتهم
كانوا كافيين عشان انبسط ان احساسى كان صح




و اللى احساسى بقى مكنش
محل نقاش من أصله
لا من قبل ما اشوفها و لا من بعد ما أشوفها
فهى قطاقيطو قلب القطة
richardcatheart
لأنها زى ما بتكتب كدا تمام نفس الخفة و الحنان
و العقل و التلقائية
نموذج للست الإسكندرانية الجدعة
اللى نفسك تروح تسكن جنبها عشان تبقى جارتك
و اختك و صديقتك و ونسك ف الفرح و الزعل
بس انا شهقت و كأنى قصاد حلة ملوخية
لما شوفت بنتها ميرهان
ما شاء الله عروسة عندها اربعتاشر سنة
و الحاج ريتشارد لو شوفتوا شكله
يعنى بالكتييييير ..أخوها الكبير .. مش تقولولى باباها
(مش بعاكس انا دلوقتى جوز اوختشى يعنى )
بجد أستاذ محمد شخصية محترمة
و مهذبة لأبعد حد
و بعدين من نوعية الأزواج اللطاف
يعنى صحبته طيبة
و سبحان الله بينه و بين قلب القطة
شبه شكلى كبير
و فيه علماء بيأكدوا النظرية دى
ان الازواج او شركاء الحياة بعد فترة
من العشرة لما يكونوا بيحبوا بعض قوى
بيبقوا شبه بعض شكلا و ملامح زائد الطباع
انا شوفت امبارح الحكاية دى مجسدة
ربنا يخليهم لبعض
الله اكبر عليهم
و لا مرواااان بقى ..يا خراشى على مروان
رايح سنة تالتة ..شهادة يا ناس
زى اخته اخلاق الدنيا


استنوا هنا ... بتقروا المعوذتين و لا لأ ؟؟
إقروهم يلا تانى خير و بركة





داليا ماى كورنر ..انتى حبيبتى
و انتى عارفة
و اسمعى كلامى يا بنتى و النوبة الجاية
الاقيكى ف لبس أوسع مقاسين تلاتة
و انا سعيدة انى سلمت على الشخصية
اللى عوضتك عن كل اللى فات
و عاوزة اقولك ان حكايتك الهمتنى ف حاجات كتير
و خلت عندى امل ف حاجات اكتر
انتى كمان يا دودى بتطبطبى عليا و جدااا




السفرية المرة دى كان ناقصها احباب
تواجدوا النوبة اللى فاتت و العالم افتقدتهم قوى
زى هنودة اللى حبيت احط صورة مدونتها
كصورة اساسية للبوست عشان يبقى حاجة منها
سووو و عادل و لماضة
اللى كل سأل عنهم اكتر من مرة
و عن اخبارهم و ليه مجووش ؟؟
افتقدت ريم بين ضفتى عقل و سألت عليها انجى
كنت اتمنى لو أم مالك الغالية تطمنا عليها
باى شكل بس محصلش

لكن ان شاء الله كل اللى مقدرش
ييجى المرة دى
المرات الجاية يكون حاضر


اما الناس الحلوة اللى حرصت تتصل بينا طول اليوم
فاللى سمعت اصواتهم هقولهم
و اكيد ناس كتير تانية
اتصلت و انا معرفش
بس ستوتة اتكلمت توصينا بشم الهوا بذمة
و التقاط كل اليود المشبع ف الجو
و كيارا و علا صيدلانية طالعة نازلة اتصلوا
اكتر من مرة طوال اليوم يطمنوا علينا
و عصفورتى الصغيورة شيماء سمير
و معلش الإتصال انقطع
يا مشموشتى لأننا كنا ف القلعة من جوا
محمد كمال كيمو صوت من مصر اتصل يسلم
و لولا ف موبايل زهراء كان لازم تنثر بعض من العبير
غادة محسن اتصلت لكن ملحقتش اكلمها للاسف
و صباصيبو صبرنى يا رب و ف قول آخر ندى الياسمين
و وصيتها بلقاء منصورى عن قريب و وعدتنى تحاول
و ميرا بعتت السلام كمان
ناااس كتير بس الزهايمر بقى اعذرونا


علااااا .. يا لولاّ
كل سنة و انتى طيبة يا لولتى
و حبيبتى
و اطيب الناس
و كل سنة و انتى طيبة
و حنينة و قلبك مرتاح يا رب




ريم كان نفسها تيجى جداا
و بسبب البرد الشديدمنفعشى
و تتعوض السفرية الجاية يا ريمو
وقولنا بطلوا نق ع البونية يا بلوجر
فلق الحجر ..عاملة اقول من اول البوست
ماشاء الله
و الله اكبر
و اقروا المعوذتين
اعمل ايه تانى فيكم ؟؟؟




زهراء و حنان الشافعى و مى بيجيلهم دوار بحر
فمركبوش معانا المركب
قوم سى وليد الدوغرى عمل فيها
احمد سبع الليل و مجاش معانا
و فضل واقف معاهم عشان ميبقوش لوحدهم




فسحة المركب كانت تحفففففة
و الناس كانت مشغلة أغانى شيعبية بقى
و الجو اتملى غنا و تسقيف و زغاريط اسكندرانى
من قلب القطة بس متكلفة يعنى
و اجمل حاجة اننا كبنات و حريمات
كنا حاسين اننا مع اخواتنا الرجالة بجد
و انها فسحة عوائلية




مشوار المراجيح كمان كان ممتعة بشكل لا يوصف
اللى كان نفسه يعيش طفولته بجد
محرمش نفسه من حاجة




و لولا دودو مكنتش عملتها بصراحة
و انا بركب البتاعة دى حاو
لت افتكر مثلاً
آخر مرة ركبت حاجة زى كدا
لقتنى مش فاكر
ة بالمرة يعنى الحكاية
ممكن تدخلها ف عشرين سنة و لا حاجة
طبعا اول ما ال
مرجيحة دارت
روح عبالحكيم حافظ .. تقمصت الجميع
و قعدوا يغنوا ضحك و لعب .. انا مقدرتش افتح بوقى
لأنى كنت دايخة حبة
و كمان كنت حاسة
ان انا م
ش انا و ترلوبى مش لاقيه
بس عادى
اول ما خلصنا بقيت كيويسةخالص
و وقفت
اتوازن شوية و صحيح كنت شايفة
اخو ضياء التؤام واقف جنبه
بس مخد
تش و اديت قوى


احساس جميييل جدا ركوب المرجيحة دى
وصفته لمصطفى بعد ما نزلنا
احساس ان الواحدة زى العصفورة
و طايرة ف السما بجد



على فكرة ..اللى ف الصورة دى
البت دودو .. عروسة البحور الحلوة




اليوم ما شاء الله كان حلو قوى
بس جرى بسرعة قوى قوى
عملنا حاجات كتيييير ..بس انبسطنا جداااا
مينفعشى مش ننبسط
دحنا ف اسكندرية يا بشررررر





عقبال ما ركبنا و اتحركنا نحو المحروسة
كنا تقريبا تمانية و نص
و على ما وصلنا القاهرة كانت اتناشر
و ضيا نزل الاول و خالد بعده
و وصى شريف و وليد ياخدونى لحد البيت
مع انهم مش محتاجين وصاية اكيد ..اختهم يعنى
و فعلا على ما نزلت م التاكسى
و سلمت عليهم و خدتها طيرااان على فوق
كانت الساعة بقت اتناشر و نص
و الحاجة ام فاتيما .... مفيش داعى اقولكم



طبعا
انا لا حد زعقلى
و لا ضايقنى
و لا ادانى كلمتين ف عضمى
و لا حاجة من هذوها القبيل
جالكم منين الأنطباع العجيب دا ؟؟
كل ما فيها بس
انكم تفكرونى المرة الجاية لو تكرر الموقف
انى اخد معايا سبت و لاكيس بلاستيك
عشان الم فيه الكرامة اللى اتبعترت
ف الصالة ... قصاد باب الشقة مباشراً
عشان محدش يدوس عليها و هوه معدى و لا حاجة




هيا طبعا عندها حق
و هذا يذكرنى بقى بإن بعد كدا
لما ضياء يقولى
يلا يا فاتيما نتحرك دلوقتى عشان نلحق نرجع
و دودو تصر ع المراجيح
و انا اقف ف النص مش عارفة اخد قرار
ابقى ابوس دودو ف جبينها و اقولها معلشىىىىى
و اسمع كلام ضيا .. عشان منتأخرشى
و نخلى المراجيح لما نروح المرة الجاية
اول فقرة ف جدول الاعمال طوالى
عشان فعلا انبسطت بيها جدااااا



متقلقوش ع الكرامة الفاتيمية
انا لميتها النهاردة الصبح و انا نازلة الشغل
و صالحت الحاجة ... مع وعد بعدم التاخير تانى
و ابقى فكرونى اسمع كلام الجدع
اللى الخير ف ركابه دا علطول




كلمات اخيرة ف البوست اللى موش عاوز يخلص
من كتر فرحتى بيكو



جملة سمعتها من الغالبية لم تفارق السنتهم
ان شاء الله المرة الجاية اللى هتيجى اسكندرية
يكون يوسف معاكى و ف حضنك



زاد عليها جملة تانية
و يكون معاكى محمد فوزى
و ناس حلوة اقترحت علينا نستوطن الماريا
و انا معنديش مانع بالمرة



يا حنين القلب و حنيته
ربنا يحرسلك عمر من كل شر
و عقبال ما تخاويه عن قريب
ميرسى يا حبيبتى على كل حاجة ف اليوم دا




و اخيراااا


يا دودو
عاشق
ة الرومانسية
يا عروسة بحورى
انا مش لاقية كلام يوصفك
و لا يوفيكى حقك
و لو عندى أخت اصغر منى مش هتحبنى زيك
و لا تبقى غالية عندى زيك

انتى
حبيبتى
يا قطتى



بمناسبة السن بلك اللى ف اول البوست
اختكو وشها اغمق و اصبح مائل للحمرة
بمجرد ما روحت
و النهاردة الصبح محتجتش احط
احمر خدود حتى

بس عارفة ان كمان شوية
جلدى هيكرمش
و ابقى عاملة زى الشوباب الوسيم
ف مسلسل Angel لما حد بيدوسله على طرف



و يقلب ع
الوش اللى موش لطيف


و بما انى خلصااااااانة
و جعانة نوووووم و البوست خد منى ساعات
و راقات كتابة فنا هغطس شوية
انام و اريح عشان عضمى كله مفشفش


اخد نفسى
و ارجع ارد ع التعليقات على مهلى

و تعالوا هنا
ما بلاش تقلقوا عليا كدا
ايه إتاخرت شوية ف البوست ؟؟
انا هلاقيها منكو
و لا م الحاجة ام فاتيما
دنا على يدكم
لسه محتفلة بعيد ميدانى
ف حفل غفير
و معدية سن الرشد
و مسئولة عن نفسى
مش معقولة بقى يا ختشى
!!!


تصبحوا على خير بالنهار
خخخخخ







يا احلى صحبة و ناس و عالم



انا
بحبكم





كشف الحضور و الانصراف
-------------------------
حنين القلب
دودو عاشقة الرومانسية
داليا ماى
كورنر
خالد همس ا
لاحباب
ضياء بيتوفل مايند
نانو
القدر و انا و بنتها و ابنها
بدراوى طعم البيوت
شريف PACHA هجايص
وليد هى و ظروفها
مى رحيق الورد
مصطفى ريان
حنان ام رودينا
حنان
الشافعى رياح الحنين
اسماء نب
ض اسكندرية
انجى المهم هات من الآخر
accordin
g to ali أحمد على
ريتشار
د قلب الأسد قلب القطة
لولا و زهراء بالحب إتجمعنا








بوستات ما قبل اللقاء
--------------

تفاصييل لقاء اسكندرية ..خالد همس الاحباب
اسكندرية كمان و كمان ..دودو عاشقة الرومانسية
لقاء اسكندرية ..حنين القلب أم عمر



بوستات ما بعد اللقاء
-----------------

يوم جميل قوى وصحبة أجمل ..وليد هى وظروفها
صـايـع بحــر(بالصور) .. retchardcatheart قلب القطة
فى حضن الأسكندرية اتلاقو كل الأحبة..مصطفى ريان
لقاء عروس البحر -حديث الصور .. خالد همس الاحباب


لأشرب م الحب حبة
و اسكن بحر المحبة
و اسكن حضن الاحبة
و الناس الطيبين


This entry was posted on الأحد, مايو 30, 2010 and is filed under . You can leave a response and follow any responses to this entry through the .

47 كــــلام بيطــبطـــب عـــلى قــــلبى و روحــــى

فاتيما حبيبة قلبي

انا مبسوطة ان اليوم عجبك وان الكل راجع مبسوط ويارب دايما تكون هى دى الروح اللى موجودة دايما

فرحت اوى امبارح وانا بسمع صوتك فرحان وسعيد وحسيت ان الفرحة من قلبك
ربنا يفرح قلبك دايما ياتيما يارب

وكل لقاء وانتو طيبيبن يارب وسعداء وفرحانين

ربنا يسعدك ويسعدهم دائما
مبدئيا انا بستنى بوستاتك التفصيلية عن اى لقاء
وبزعل جدا لو حصلت ظروف ومش كتبت


انا نسيت كنت عايزة اقول ايه
اه
مايهمكيش من موضوع الكريم عن نفسى بحب الاثار المترتبة على البحر جدا حتى لو وصلت للاسود
عجبنى جدا الدعاءبوجود يوسف ومحمد فوزى
ربنا يجمعك بيهم ويفرحك ويرزقك جوائز الصابرين على حسب كلام الله يرحمه عبد الوهاب مطاوع

فاتيما


-*-*-*

لو قولت لك ان اليوم امبارح كان من اجمل ايام حياتى وكنت اتمنى اكون معاكم من اول اليوم بس انتى عرفتى الظروف طبعا

بجد انتى حد جميل اوى اوى وكلامى ده من قلبى بجد
اسمحى لى انى اقول لكى على مفاجاه لما رجعت البيت علشان افتح الهديه اللى انتى احضرتيها معاكى علشان عيد ميلادى المفاجاه انها ماج من نفس نوع ولون الماج بتاعى " وش مش مصدق نفسه " ازاى عرفتى انى باعشق النوع ده وان ده لونى المفضل بجد مسكته وقعدت اتفرج وانا مش مصدقه نفسى هو فى كده ازاى حد عرف اللى باحبه من غير ما نتقابل
مهما قولت عن جمال اليوم مش ممكن اقدر اوصف مشاعرى
ان شاء الله وعد انى اكون معاكم فى اى لقاء فى اى مكان لانى بجد شوفت ناس اغلى من الماس
اتمنى يجى اليوم اللى تيجى تعيشى مع يوسف فى اليكس ووقتها بقى اسكندريه هتنور بجد
ربنا يسعد قلبك ويفرح ايامك

زهــــــراء

ربنا يوفقكم و تتجمعوا في الخير دايما

مبسوط جدا اني اتعرفت عليكم، انا كنت حاسس اني مع عيلتي فعلا.

الموقف بتاع الست اللي بصت من الشباك انتي مش متخيلة خلاني مبسوط قد ايه، مش مصدق إن الناس دي لسه موجودة (قصدي بـ"الناس" كلكم مش الست بس).

تدوينتك دي تعتبر مرجع شامل بالنسبة لي عشان اعرف اللي حصل بعد ما مشيت، واجيب لينكات مدونات الناس -العسل-اللي كانت موجودة.

تصدقي يا فافي ( انتي بتحبي أنهي دلع صحيح ؟؟) أنا من كام يوم كنت بقول يااااه من زماااااان مركبتش مراجيح ما ينفعش يعملوا مراجيح للكبار
اشمعنى الأطفال يعني بيركبوا مراجيح يعني ؟

كل سنة وانتي طيبة يا تيما ويارب كل يوم ميلاد ليكي تحتفلي بيه في اسكندرية ويكون أحلى من اللي قبله

اليوم من حكايتك عنه تحفة
دا أنا اتبسطت وأنا مش معاكم
أكيد الموجودين كانوا أكثر انبساطا ما شاء الله لا قوة إلا بالله ربنا يديم الفرحة والسعادة والصحبة الخالصة لله

حمدا لله على سلامتك

طبعا أنا نفسى أتقطع ومقدرتش أكمل أنتى عارفة بقى حكم السن
:)))))))))))

بس حبيت أقولك أنك وحشانى قووووووووووووووووووووووووووووى

السلام عليكم ورحمة الله وبركاته .

طبعا كل سنة وانت طيبة انتي ويوسف

تاني حاجة انا مبسوط لأنكم انبسطوا ، وفرحتوا وظقططوا . وكان يومكم كله سعاده .. وارهاق من اللف والفرحة وشوق للأحباب .

الثالثة بقي تابته رغم اني بدعو للفرح والانبساط وبهنكي بعيد ميلادك 18 زي ما عرفت - خديني علي قد عقلي - الا اني مختلف شيء واحد .. ربما يخليكي تزعلي مني .. موضوع الاختلاط .. انا عارف اني مسلم مقصر .. بس أنا بختلف علي الموضوع ده .. عموما دا كان يومك مش يومي .. واهم حاجة انك رجعتي سعيدة نشيطة .. قابلت من تحبيهم .. أينعم شكل السفر اتكلفت أنا مش بحسد .. وشكل الناس اللي كانوا معاكي لطاف خفاف ظراف - تلاقيهم من قري راح المستشفي دلوقت - إلا ان ارجو تقبل رأيي .. الموضوع كان طويل شوية .. خد من وقت عبال لما اخلصة .. شربت كباية شاي .. وطلعت اكلت المعيز ,, وفكيت حنفية اخويا عشان يغيرها .. وجبت الطبلية من تحت عشان قرايبنا من القاهرة جاين بلدنا وابويا مصمم يعملهم فطير ويحسسهم اننا لسه عايشين في الجلابية .. من أيام الدوار الكبير .. عموما ..

سلم لي علي كل اللي تعرفيه .. وارسلي ليهم تحياتي .. ومستني منابي في التورته الشيكو كله كلو ودي كوم تاني .. واهل اسكندرية طيبين بس لمضين أحيانا .. او عما سمعت وعاشرتهم ..

تحياتي لكي
وعبال لما يجعل ربنا أيامك سعد .. في رحابه وهناه ... انت ويوسف وباقي المسلمين والمسلمات .. ويهديني .. قادر يا كريم .

اممممممم
الحمد لله
وفرتى عليه بوست
ههههههههههه
كفاية هنزلكم الصور واقولكم انظر الشرح صفحة فاتيما
ههههههههه
انا من امبارح مش حاسس بنفسى
ورايح الشغل مانتخ والدنيا زى الفل وشايف كل حاجة اتنين
انا ايه اللى خلانى اسمع كلامكم واروح معاكم يا جماعة
كفاية كده انا مش شايف حاجة قدامى
هبقى ارجع اقولكم على التفاصيل بالصور
يلا سلام

أيووووووووووووووووووووه

بئا دا الموجز!!!!!!!!!!!!!!


طيب

أدينا في انتظار التفاصيل!!!!!!!!!!!

فاتيماااااا حبيبة قلبي ونور عيني
:)

إيييييه الجمال ده كله .... بجد كتيييييييير فرحتلكم من قلبي وكأني كنت معاكم ...

أنا بموووووت في المراجيح ... والله دايما لما بشوف مراجيح تلاقيني نسيت إني عندي 24 سنه وأركب على طووول
أصلا بيني وبينك الحاجات دي مالهاش عمر معين :)

يارب يارب يارب المره الجايه أكون معاكم ياااااارب .. لأني بجد حبيتكم أووووي ... وبتتركوا بصمه حلوه أوي في حياتي ...

أنا إتصلت بوليد عشان أطمن عليكوا كلكو .. عشان مش معايا غير رقموا هو بس ... وكنت عايزه أكلمك وأسمع صوتك ... بس للأسف كنتي وقتها بتركبي المركب وبعيده عن وليد ... بس أنا قولتلوا يرن عليا وقت مايكون معاكي ... بس شكلوا إنشغل ... تتعوض إن شاء الله :)

أهم شي إنكوا إنبسطوا

ربنا يسعدكم دايما يارب ياجماعة الخير

... ;) ,,, ;) ...

اختي وبنت خالي بطوط

بجد كان يوم جميل بشكل ملوش حل

واظن انتي مش محتاجه اي كلام
مني عليكي لان انتي عارفه
كويس غلاوتك عندي
ومش هقولك بجد انا اتبسطت قد ايه امبارح

لا وايه دودو عملالي فيها عبد السلام نابلسي علي الرجيحه
ده علي اساس اني العندليب
ده لولا بس انكم دوختو
كان حد اول مل نزلنا ظرفني رجل في فم المعده

لا بجد والله يوم جميل جدا

ونشوفك تملي يا بطه مبسوطه
وفرحانه
وربنا يرد يوسف لقلبك وعنيكي
صحيح كله كوم وهريسه مصطفي كوم تاني

بقولك يا باشا معانا واحد ادام معاه نص كيلو هريسه
وانا شاكك فيه اساسا
ههههههههههههههههههههههه

وهو ينفع كده يعني ينفع كده
هههههههههههههههههه

بجد كل اما افتكر تموت من الضحك

ربنا يسعدك دنيا واخره

ماشى ماشى
اولا كل عيد ميلاد و انت طيبة يا خمير
خذى منى هدية تدوينية
:-*****************************************************************

ثانيا شلتيلى نايبى من التورتةو لا ازعل ؟؟؟؟؟
شكلى حزعل :-(((

ثالثا
ايه صور ميزو ديه كلها :-) بيغظنا يعنى
:-)) برضه ححبسة فى اوضة الفيران البيضاء ام عنين حمراء و اتفرج عليه و هو مزنوق فى الكورنر :-)))

رابعا
متخذيش الاسكركرية حجة و تطنشى الاصطباحات بكرة مفهوم و الا نيجى نغطسوطى يا شابة :-)))
انا نفسى بقى المرة الجاية تفرجينا صور يا فطوم
و ياريت تزورى زتقة الستات :-)))

خامسا
يارب تزورى ثانى و ثالث و رابع انت و يوسف و محمد فوزى احلى مدينة فى البحر المتوسط كله :-)
و ابقى خذى ماكاعى الحاجة ام فاتيما علشان متقلقش و تشم لها شوية هواء حلوين

بس خلاص علشان انا مدونة مش رغاية :-))
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

يارب يباركلك ويجمعك بيوسف بجد لانك تستاهلي دا يااحن مخلوقة في العالم باسره

بحبك يافاتى اوووووووووي

ربنا يبارك لحنونه بعمر ويكون ولد صالح ليها يااااااااااارب

ربنا يرزق دودو الخير ياررررررررررب

ربنا يحمي كل اللي راح اللقاء واللي مش راح

بجد كنت حاسه اني معاكم اوي

رغم اني كان نفسي اكون موجوده فعليا

يارب يسعدك يااااااااااارب

الله عليكى يا ست تيما اماتكونى رايقه
بتقولى احلى كلام
طبعا لا اخفى حقدى انك شوفتى الناس الحلوه دى كلها اللى حامووووت و اشوفهم زى البت دودو و حنين و زهراء و قلب القطه القمرايه
الحمد لله ان اليوم عدى على خير و فرحه و سعاده
و ده اللى عرفته من كل الناس اللى كلمتها

ان شاء الله السفريه الجايه تيجى ومعاكى سوفه حبيب قلبك و قلبنا كلنا

و اكون انا كمان موجوده
دى اهم حاجه طبعا

احلى ما فى البوست ده ان اسمى اتقال فيه كتيييييييييير و انا فرحانه لان كده انا جوه قلبك و عقلك
و دى حاجه تشرفنى و تفرحنى

من حقك علينا اننا ندلعك لانك تستحقى ده و اكتر شويتين تلات شويات
اتدلعى يا ست و اللى يلاقى الدلع و ميتدلعش مش عايزه اقولك يبقى ايه

كل سنه و انا و انتى اصحاب و حبايب و قريبين من بعض و اكيد عيد ميلادى المره دى حيببقى مختلف لانى بقيت اقرب منك و عرفتك و بقينا اصحاب اكتر

و عرفت ناس حلوه كتير خلوا حياتى احلى و اجمل و ليها طعم و معنى و هدف

مبسوطه قوى انى فى وسطكم و معاكم

بحبك قوى يا تيما
و بحب كل الناس الحلوه سواء اللى اسمها اتكتب و اللى متكتبش

فاتيما حبيبتي..بجد الدنيا كانت منورة بيكم.ياااااا رب أشوفك متهنية و سعيدة ويوسف في حضنك.بجد احلويتي قوي قوي قوي.و ان شاء الله المرة الجاية أشوفك زي ما اتفقنا;)اليوم كان حلو قوي قوي و كان نفسي افضل معاكم أو أرجعلكم, بس و الله العربية عملتها معانا و البطارية نامت و تقمصت بلية.الناس كلها كانت حلوة و متفاهمة و تحسي أنهم كلهم واحد.أنا مبسوطة قوي اني اتعرفت على مروة و انجي و شفت دودو و حنين و حنان.. أصلي مش بشوفهم غير لما انتي بتيجي.تعالي كتير بقى.بحبك قوي قوي قوي..(و الشخصية استريحتلك قوي قوي قوي و بتشكرك على التورتة قوي قوي قوي قوي قوي )عملنا بيها أحلى شو زي تعليمات سيادتك و المكروباصات طول السكة بتقلب نور للهانم اللي بتأكل الأستاذ تورتة في بقه في عز الحر و الناس مش لاقية تأكل.:) حتى الأتوبيس كان حيريح علينا عشان يريح الناس من الناس المرفهه دي.تاني بحبك قوي و ربنا يسعدك قوي قوي عشان انتي تستاهلي قوي قوي قوي

كل عام وانتي بألف خير وهنا يا فاتيما وعيد ميلاد سعيد وعقبال ميت سنة

ويارب يديم عليكي الفرحة والسعادة باذن الله
ومايحرمك ولا يحرم اي حد من الصحبة الحلوة
شوقتيني بجد بكلامك ووصفك للقاء ده
ويارب يكتبلي احضر لقاء حلو زي ده انا كمان
بجد هكون سعيدة اوي
تحياتي

ايه كميه طاقه الحب اللى جواكى دى

ماشاء الله عليكى

بتتكلمى بحب وحماس وحنيه يلهووووووووووووووى

بحبك بجد من غير ما اكلمك ولا اعرفك معرفه شخصيه

ربنا يسعد ايامك دايما

كان اوى اكون معاكم بس ظروف الواحد غبيه

اتمنى بجد فى يوم اشوفك وش وش كده واحضنك

مووووووووواااااااااااااااااااااااه

احم احم

احنا عالهوا يا ابنى؟؟؟؟

انا جييييييييييييت عشان اعلق اهووووو واقولك انى بحبك اهوووووووو واقولك انك احلويتى اوى اهووووووو واقولك ان اليوم كان حلو اوى اهوووووووووو واقولك انى فكرت فى اسم للواد الوسيم اللى جبتهولك هدية دة ايه رايك نسمية عملاق؟؟؟ اه نسميه عملاق بالنسبة لحجمه الفظيع الكبير اللى محصلش..ايه رأيك؟؟؟؟

امممممممم..انا جرليا وجعانى اوىىى والله من فسحة القلعة دى يا فاتيما والله..بجد الناس دى كان عندها صحة بطريقة فظيعة فظيعة فظيعة

لاهو انا مقلتلكيش؟؟؟؟ مش انا وشريف واحمد ومصطفى اكلنا من على عربية الفول رأسا؟؟ اه والله وكنت مستمتعة ايما استمتاااااااااع

لا وايييييييييه واخدتهم معايا وحظوا بشرف مرافقتى وانا بشتريلك الهدية وواقفين بنتناقش انا وشريف اجيبلك انهى عروسة وعمالين نتناقش فى فحوى شخصيتك وما يناسبها من عرايس..والراجل بتاع الهدايا واقف مذهووووووووول من المناقشة اللى كلها ضحك دى..اى والله

اييييييه تانى؟؟؟؟؟

اه..البت حونان كانت عمالة تقول انك وحشاها جدا اوى خالص وعشان كدة رجعت لكم تانى وانا رجعت بعد الامتحان علشان كان نفسى اكمل قعدة معاكوا

وشك كان حلو عليا جداااااااا والله يا فاتيما وحياة ربنا انا بجد حليت كويس ومضيت الورق اللى مكانش عايز يتمضى..كل دة على وشك والله

ايه تاااااانى؟؟؟

اه لما روحت ماما قالتلى فاتيما دى رقيقة اوى وصوتها بيقول انها حنينة اوى اوى وانا روحت تنحنحت كدة وقلتلها طبعاااااااا دة مفيش حد مبيحبهاش

راحت قالت ربنا يبل ريقها بيوسف يارب

ايه تااااااانى؟؟؟؟

انا انبسطت جدا جدا جدا امبارح بجد والله العظيم كنت محتاجة يوم زى دة

الواد مروان بقى حبيب هارتى دة انا حبيته موت موت موووووووووووت ومريهان اخته البت المؤدبة العسولة ومامتهم الامورة الجميلة الطيبة وباباهم الاخلاق الجميل..ماشاء الله عيلة تجنن..مين كماااا؟؟

اه شريف باشا دة على رايك راجل اخلاق اخلاق مع انه مجابليش الزبادو نياااااااااهاهاهاهاااااااا

مين تاااااانى؟؟؟ اه ضياء..ايه البنى ادم النورانى دة؟؟؟؟الشخص دة تحفة بجد

لولا وزهراء شخصية قوية بجددددد وبنوتة زى العسل..الواد وليد دة شاب مصرى زى ما الكتاب قال..مين كمان؟؟؟
طبعا استاذ خالد تحس انه اخوكى الكبير من اول نظرة..

الناس الحلوة اللى شفتهم امبارح بجد انبسطت بيهم والله..بس بجد كنتى ملكة اللقاء المتوجة..بنوتة بتشع حلاوة وحنية ونور..ربنا يحميكى ويعزك وينولك اللى بتتمنيه

اللقاء كان ناقصه الواد عادل..المرة الجاية باذن الله

هتوحشينى لحد اللقاء الجاى..

سلااااااااام يا فاتيما

فطوووووم

يا حبيبتى انا فرحانه انك انتى كنت مبسوطه وشوفت ده فى عنيكى اوى

يا رب دايما مبسوده وسعيده والسنه الجايه باذن الله نحتفل بعيد ميلادك ويكون يوسف معانا

اليوم كان روعه
وشوفت فى عنيكى احساس حلو اوى لما شلتى عمر
وعمر زى ما يكون عارف انك منبع الحنيه والامان وناااااااااام فى حضنك ومش رضى يصحى
كل سنه وانتى فى وسطينا
ومنورة قلوبنا حب بحبك لينا

هههههههههههههههههههههههه

ههههههههههههههههههههههههه
والله بقرا وبموت من الضحك وانا بفتكر عاميلنا ياخرابى كان يوم ماحصلش بجد

انا بشكرك جا على كلامك الطيب الجميل والله دا كله من بعض ماعندك يا تيما
ربنا يباركلك ويطمن قلبك يارب والله الحج اتبسط بيكم جدا وكان نفسه يقعد معاكم اكتر ومع الناس اللى جات متاخر وليد وبطه بس عن قريب ان شاء الله
كنت بضحك انا والحج من شويه وانا بقوله انك انت كمان شايفانا شبه بعض وهوبيقولى كل الناس شايفه الشبه دا الا احنا ههههههههه
والولاد حبوكى وحبوكم كلكم والله
وبعتينلك السلام اوى وكل مدونه من الناس الحلوه اللى كانو معانا هادخلها هاوصلهم سلامهم والله
اليوم كان روعه وروعته فيكم
اسكندريه بجد نورت وزدها شرف
ناس جميله وفنانين واخلاقكم عاليا ربنا يجعلكم كلكم الخير
ان شاء الله بكره هاصحى اعمل بوست
وهانزل صور من اللى صورنها للقلعه وللمراكب حصر يا اكسكلوسف يا جميل
ههههههه
مليون بوسه وفعوصه وسلامى لست الكل

اه نسيت اقولك
انا رجليا متكسرة ودرعاتى متخدله
وروحت انا وعمر نمنا ولا حسينا
ههههههههههههههههههههههه

منها لله دودو
دوختنا وراها علشان تروح الاول تجيب التورته من عند الحلوانى وبعدين تروح توديها عند عمتها علشان مش تسيح وبعدين ترجع تانى تجيبها مش كانت تورتايه دى يا ست دودو
وساعه بتعلم الراجل ازاى يكتب فاتيما والراجل اصلا متخرج من محو الاميه
هههههههههههههههههههههههههههه

بس بجد يا فاتيما مش شوفت حد بيحب حد زى ما البت دى بتحبك اوى كده
ربنا يجمعنا دايما على خير

عيونى مبتسمة وانا بقرا البوست

انا مبسوطالك يا طمطومة

ربنا يراضيكى دايما يارب


سلام يا حبيبتى
اختك خيخة

ربنا يسعد ايامك يا فاتيما
يا حبيبتى
شوقتينى والله والحمد لله انك اتبسطتى واليوم عجبك يا حبيبتى
بفرح اوى لما بتبقى مبسوطة
وكل سنة وانتى طيبة يا حبيبتى
وعقبال مليون سنة كده يا فاتموتى
والسنة الجاية يبقى معاكى يوسف يا حبيبتى
خلى بالك ع نفسك

الحمد لله انك استمتعتى باليوم يابطه
وكلام فى سرك الناس كلها راجعه متكسحين من المشى واللعب
شفتى بقى كل الناس بتحسدنا على المراجيح ازاى؟
دى بالنسبه لى اهم فقره فى برنامج اليوم كله
لأ بصراحه اليوم كله كان ممتع بشكل لا يوصف
المركب والساعه اللى قضيناها فى البحر والضحك والزراغيد
وعيد الميلاد والزفه الاسكندرانى اللى عملاناها وشجعتنا عليها ماما نانو القدر وانا كنت فرحانه بيها قوى

على فكره الوقت كان بيجرى بسرعه قوى
انا كنت ناويه نروح عند الشيخ وفيق وبعدها ننزل على الرمله فى راس التين نلعب استغمايه ولعبه الايشارب وكنا هنستمتع اكتر
بس تتعوض المره الجايه باذن الله

ثم مين قالك ان الواد عمر هادى
ده ابنى وانا اعرفه اكتر منك
ده ينام ويبقى ملاك طول ماهو فى الشارع تعالى اتفرجى عليه فى البيت بيعذبنا
ومن ناحيه الدلع فهو واخد الدلع كله لحسابه ان كان منى ولا من امه ولا من حنان

الواد بصراحه عسلايه الله اكبر يتاكل اكل وانا بحبه اكتر ما بحب امه تخيلى بقى يبقى عمر ده عندى ايه

وهو حس معاكى بحنيه وامان علشان كده قعد هادى فى حضنك
اذا كنا احنا ياكبار حاسين بيها فمابالك بعمر بقى!!!
ربنا يبارك لنا فيكى ويجعلنا دايما سبب فى سعادتك يابطتى

معلش يا فطوم
اعذرى السكر الى بيختفى و يخلى الكلام بيطلع بشكل غريب
قصدى كل عيد ميلاد و انت طيبة يا جميل
:-*********************

بجد اليوم كان حلو قوي بوجود كل الناس الحلوة اللي كانت موجوده ..طبعا احنا ادلعنا اخر دلع من الشعب السكندري الشقيق عل حسك انتِ لان كل الناس كانت جايه علشان تشوف فاتيما وبجد انت تستحقى كل خير
واكيد ان اليوم ده هيبقي في ذاكرتنا كلنا مش هيتنسي ان شاء الله نتقابل دايما في ايام ورحلات احلى واحلى

وليد
على فكرة انا كنت شاكك فيك من ساعة ما جبت الهريسة دي وشكي اتأكد ساعة موقف الميكروباص بس خلي بالك او كان حصل حاجة كنت هقول ان الحرز ده بتاعك وانا ماليش دعوة
ههههههه

عملوها المدونين ,, ياريتني كنت معاهم
من زماااااااااان مروحتش الإسكندرية

أنا تعبت في وسط البوست بصراحة ,, هبقى أكمل بعدين بقى

و انا سعدت بيكو اوووى
و باللقاءده
ربنا يسعدكوا دايماً

أزال المؤلف هذا التعليق.

انتى اللى جمعتى الناس الحلوة كله بوجودك كل الناس جاية عشان فاتيما ام يوسف اجمل انسانة بجد
بحبببببببببك ياطمطم اوووووووووى
اليوم كان رووووووووعة بجد والناس كلهم كانوا زى العسل حسيت اننا نعرف بعض من زمااااااااااااااان بلا استثناء بجد
بشكرك يافاتيما انى شوفتك واستفدت من كلامك
ههههههههههههه كل وحد فينا كان عايز يخدك على جنب ومبطلناش رغى ياعينى عليكى ياطمطم كنا اوباش هههههههههههه




بس انتى نورتينا بجد وكلامك عنى دى شهادة اكتر منى اوى ياطمطم
بحبك ومستنياكى انتى ويوسف المرة الجاية ان شاء الله

بمووووووووت فى اسلوبك يا طمطومة
رغم انى محضرتش ولا لقاء ولا شكلى هحضر اساسا الا انى بحب اللقاءات دى و بستنى بوستك بفارغ الصبر
يارب كل ايامك يا جميلة تبقى فرح وهنا
وان شا الله المرة الجاية يوسف يكون معاكى ويتمرجح معاكى وتطيروا ببعض ومع بعض م الفرحة يارب
المهم بقى انى كل مرة اقول انا ازاى نسيت اكلمهم واعقد العزم انى هكلمكم المرة اللى بعدها وانسى برضه
شوفيلى حل يا اوختى فى الزهايمر اللى جالى على حين غرة منى ده عااااااا

ربنا يجمعكم دايما فى الخير يارب ويفرج همومكم

و اللمتهيألي اللقاء ده لو كان اتصور فيديو كان البوست ده هيغطي عليه

:)

ياريتنى كنت معاهم
ياريتنى كنت معاهم

ربنا يجمعكم دايما فى الخير وأكون معاكم المرة الجاية إن شاء الله علشان أنا ظروفى المرة دى كانت ملخبطة خاااااااااالص من كل ناحية

تحياتى

بطوووووووووووط ياقمر

كل سنه وانتي طيبه وعقبال مليون سنه

اخبارك ايه يارب تكون بخير

هيا اسكندرية كانت حلوة زي ماهيا ولا احلوت اكتر

طبعاً يعني هيا كانت منورة بيكم

سلام ياقمر

وزة

فى الخير متجمعين دوما

كل عام انت بخير

هو بصرف النظر اني باحقد عليكوا...
لأني كان نفسي قوي قوي أبقي معاكوا واتعرف عليكوا كلكوا عن قرب بس نعمل ايه بقا احنا من سكان الصعيد ياولداة ههههههه بس ده ما يمنعش أبدا اني مبسوطه قوي لانبساطك وفرحت لفرحتك وكل سنه وانتي طيبه يا أم يوسف ربنا يسعدك دايما يا رب...

الله شكله كان يوم جميل بجد
ربنا يسعدكم كمان و كمان

طمطم
انا جييييييييييييييييت
وحشتيييييييييييييني قوي
كنت هموت واقعد معاكي اكتر والله بس انا راضضيه قوي بالشويه دول
اه شويه في اعتراض
بصي بقي
مكنتش عايزه امشي ومكنش استدعاء بس هو كده يعني وكمان عشان اوصل البت اونشي الامتحان والله والله كنت تعبانه ومتغاظه ومش حليت في الامتحان بس رجعت عشانك انتي بسسسسسسسسسسس وباقي الناس اكيد بس انتي اكتر سبب
المهم اليوم كان تحفه وانتي بقيتي زي القمر
فكرتيني امبارح باول يوم شفتك فيه
فاكره يوم اول لقاء خاااااااااااااااااالص
يومها جيت قلتلك برغم اننا تقريبا متكلمناش الا اني حبيتك جدا جداجدا
البت اونجي بتقولي فاتيما احلوت قلتلها هي طول عمرها زي القمر
بس برده محلويه شويتين المره دي
يا تري لييييييييييييييييييييييه ؟
غير كده مش ميرسي عالعروسه ولا حاجه انتي تستاهلي اكتر من كده بكتير جدا جدا جدا جد ا جداااااااااااااا
وبعدين ملحوووووووووظه مهمه جدا
انا مش عندي دوار بحر ولا حاجه
البحر ده حبيبي الاول والاخير اصلا انا فقط فقط كنت تعبانه وقلت بلاش تقلب نكد ويغمن عليا ولا حاجه فخليني بره احسن غير كده كان نفسي اجي ووالله اصلا مش عارفه جبت طاقه منين اهبل هبل المراجيح ده كله بس اتبسطت قوي ولو كان في حبة طاقه كمان كنت شقلبتها وصرخت لما قلت يا بس بس عموما ميكانيزم الصويت عندي فاشل مبعرفش اصوت اصلا
ماما بتسلم كتير وفاتيما الصغيره
كان نفسهم يكلموكي بس الموبايلات في بيتنا ضربت كلها مكانش في غير تليفون ارضي بس وانا احترت
اطمني الدكتور مقالش عندي هبل كتير
كله حبة اكتئاب علي حبة صداع مش اكتر
انهارده كان عندي امتحان والحمدلله حليت كويس
هيييييييييييييييييييييييييييييييييييييه
انتي تاني واحده اطمنت عالموضوع ده وبيني وبينك كن خايفه محلش برده زي المادتين اللي فاتوا وتبقي عقده بجد من كل المواد بس الحمد لله ربنا ستر عقبال الباقي
فاتيما عايزه اقولك حاجه مهمه جدا
انا
بحبك
جدا
ويارب
يطمن قلبك
ويسعدك
علي كل حال
يااااااااااااااااااااااااااارب
خلي بالك منك قوي
والامانه في ايد فاتيما
قصدي في ايد امينه
كفاياني رغي بقي
ربنا يحميكي يارب
صحيح معلش رخمت في السؤال كل شويه بس والله انا بقلق جدا ومعلش رخمت علي استاذ خالد بس هو الوحيد اللي كنت اعرف رقمه في كل الناس اللي كانوا معاكي
وبعدين الحمدلله بقي وشي كان حلو عليكم زي ضياء ما قاللي ودعيتولي كمان ولا كان بيضحك عليا ؟؟؟؟؟؟؟؟؟؟؟
بحبك تاني

فاتيما
على فكرة انا كتبت عن الرحلة
http://mostafarayan-shabesaer.blogspot.com/2010/05/blog-post_31.html
تقدري بقي تضمي اللينك للينكات اللي عندك

:-***********************************************************

شكرا على الاصطباحات
معلش مش حفصفصها كلها

بش شدنى الاصطباحة ديه
صباح الهويديات
البرادعى محظورا فهمى هويدى

يعنى الرجل طلع فى مصر و علشان يبان انه موجود نازل يصلى بين الناس
و لما يختفى الناس على طول تطلع تخبط فى الحلل
النظرية الرجل موجود و لا لا النظرية الاختيار مش شرط هو بس ميتشرطش علينا من الاول
و بعدين ايه انتخابات الشورى الشفافة ديه :-)) و الله كان بيتهيلى انه الاماكن كلها بالتعين :-)

سيبك انتى لازم اخلص امتحانات عشان ابقى قاطع معاكم
وحسيت بسيرتى فى البوست
هى ايه حكايه محمد كمال كيمو
محدش يقولى كيمو كده على السريع اسمى بقى طويل قوى زى اسمى على الفيس بوك
محمد كمال على
نورتى اسكندريه
ورجعتى لينا بالسلامة وقبلنا كان يوسف الباشا طبعا

كنتوا منوزرين اسكندريه يا فاتيما

وعقبال التجمع القادم ياستى

بوست جميل اوى حسينا اننا معاكوا


تحياتى

فطوم
وحشانىىىىىىىىىىىى
المذاكرة مونونانى يا فكوم
عاااااااا
بس مع ذلك بقراء الاصطباحات
و متابعة من بعيد
معلش لسه مش حقدر افصص هات بكرة الدماغ تروق

:-********************************************************************************

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

مزوده الجرعة حبتين علشان الغياب و علشان بكرة جايز ملحقش قبل ما انزل
:-)))

بس ايه الدندشة اللولية ديه كلها الحبايب حيغيروا من لولة بعد كده
انا مش حغير لانى موعودة بتورتة لوحدى :-))))))) مليى عينى :-)

أزييييييكووووو

وحشتونى

طبعا مفيش رد ع التعليقات بتاعتكم

يا لهوتينىىىىىىىى

بقى اكتب بوست طوييييل كدا

و ارد كمان ع التعليقات

يا خرااااشى

طب ماذا أقول
بعد كل الذى قيل ؟

اقول حاجة واحدة بقى

بحبكم قوى

و كل لقاء و احنا بخير
و سوا

بس خلاث

أنا معاكي في كل كلمة .. أنا مبحبش إننا ننصب نفسنا مكان ربنا عز وجل ونفضل نتخيل حكمه سبحانه هيكون إيه .. وده لأنه سبحانه وتعالى الوحيد اللي أعلم بالسرائر والظروف والملابسات .. وسبحانه وتعالى فقط هو اللي بإيده الرحمة والعذاب .. هو سبحانه اللي خلق الظروف والأقدار

ومن الآخر ماحدش عارف حاجة .. واللي ايده في الميه مش زي اللي ايده في النار .. لكن تقولي ايه .. الناس مالهاش غير الظاهر

إرسال تعليق