.

.

واحـــد شــارع الـسـعـادة  

Posted by: فاتيما in






يعنى أصله الفرح فرحنا
و اللى بيحبنا ...ميضربش نااااار
والفرح مقصود بيه ها هنا
حفل توقيع الغالى عليا
و علينا كلنا الباشمهندس احمد القاضى
و المعروف فى بحار التدوين بمدونة

يا مراكبى


البداية كانت دعوة لطيفة شيك
من عم مراكبى
لحضور حفل توقيع كتابه التانى
عليك واحد
و معقولة يا فاتيما هتفوتى مناسبة زى دى؟؟!!
و متروحيش تش
ربيلك كوباية شربات
و تقعدى زى عواجيز الفرح بقى
تنقى ف رز
على رأى الغالية سوتيتة السوتيتات د. ستيتة
لاااااااااااا يمكن
دا نبع الحك
مة سخصياً
و طبعا رايحة




السبت 26/6/2010 و ف تمام السادسة مساءاً
كنت بفتح الباب بتاع دار حنين
و داخلة ا
قول سلامو عليكو
مروة فلاش و أسماء المدونخانة
فى استقبالى
ايه الناس النشيطة دى ؟!!
بحط الشنطة و اد
ور على كرسى احتله
الاقى ابراهيم انا و انا
بيتصفح الكتب ع الرفوف



بعد السلام و التحية
و تجمع الاحباب و ظهورهم تباعاااااا
ظهر المراكبى زى العريس
معرفش ازغرط
يا بشر علمونى
كان نفسى بجد ارقع زغروطة
حاجة غريبة جدا
كل ما اشوف الراجل دا بحس بفرحة غريبة
و احساس بيجيل
ى كل مرة بشوف فيها
ابن خالتى المهاجر كندا بقاله عمر
احنا متربيين سوا
و لما بينزل
اجازة و اشوفه
بحس ان الزمن رجع لورا
و كل ذكرياتى الجميلة جت ف لحظة
و اتجسدت قصادى
معرفش ليه المراكب
ى .. بيفكرنى دايما بيه
احتمال لأنهم الجوز مهنزين زى بعضيشهم
و احتمال لأنهم الجوز بيدونى احساس خفى
بالحماية بإعتبارهم اخوات الواحد ممكن يتسند عليهم
و احتمال لأنهم صنف تانى
من البشر راقى و محترم
معدش موجود كتير ف الزمن دا
الملخص
انى مع
رفتش أزغرط
لكن قلبى كان فرحان بجد



أشرف توفيق
صاحب اخف دم
كان محاور اللقاء
و كان بيوجه اسئلة كلها لطافة
زيه للباشمهندس
اللى فلت من الغام محققة
بمنتهى الدبلوماس
ية خاصة فيما يتعلق
بالجواز و السوياسة
مذكرا الجميييييع بالبوكس
اللى مستنينا على باب الدار

عشان يلمونا على دفعاااااااااات





مش هينفع اعتبر الحف
ل حفل توقيع تقليدى
لأنى حسيت بنفس جو الألفة
بتاع المرة اللى فاتت
هوه هواه المرة دى ... و يمكن اكتر
الحكاية كانت أش
به بصالون ثقافى
و حوار تلقائى كدا و غير مقصود
لكن صادق و حميم




ابتدى الكلام بحاجات متعلقة بكتاب
" عليك
واحد "
ليه و ازاى و اشمعنى هذا العنوان تحديداً
و انتهى الحوار لفرعيات
و مواضيع
متصلة و منفصلة عن الكتاب
و كلها بتصب غالبا
ف الأدب الساخر
و التدوين
و الحال العام


مش عايزة استغرق ف تفاصيل و ازهقكوا
بس لازم مفوتش حاجات مهمة
الخطوط العري
ضة للأسئلة
و الاجابات كانت تتلخص ف الآتى


(1)

أحمد البوهى اللى اق
ترح عنوان الكتاب
فأوحى للمراكبى بإتجاه مختلف تماماً
فى الكتابة عن اللى كان ناويه


(2)

اختيار عنوان "عليك واحد" لسان حال
الأنسان الم
صرى
المضحوك عليه فى الشق العام
و الشق الخاص أو الإجتماعى
و اننا مخدوعين
على الصعيدين


(3)

السفر و الغربة كانوا سبب اساسى
فى الوصول لفكرة علينا واحد دى
لأن المقارنة
بين مصر و حال الدول الآخرى
بيأكد المعنى و يوضحه .
.اننا مضحوك علينا قوى



(4)

اما النظرة الى نظام الجو
از فى بلادنا
فبيؤكد اللخبطة سواء فى الاختيار و معاييره
و التعارف و تفاصيل و الأستعداد للزواج
و ما بعد الزواج
و الإكت
شاف ف النهاية
بإننا مضحوك علييييييينا و قووووووووى



(5)

و فى رد على سؤال ان علينا واحد بمزاجنا
و مستعبطين بكيفنا
كان رد الباشمهندس ا
ن المصرى بيتغش عن
جهل و جهل مركب فى احيان آخرى
يعنى بيبقى مش عارف انه بيستغل
و يبقى احيانا
مش عارف
انه مش عارف انه فى الوضع المزرى دا كمان
و الجهل هنا بيكون مضاعف
و كمان بيكون على
قطاعات واسعة من البشر
و احيانا تقع الطبقة المثقفة ضمن الفئة دى
و لا تستثنى منها


(6)

فكرة عليك واحد غير قابلة للاختفاء غالبااااا
طالما ف عمر الأشخاص و الدول بقية
لأن السلبيات اللى ا
لواحد المفروض
يسعى و يصلحها
فيبطل بالتالى يبقى عليه واحد دى
صحيح هتختفى ...بس
قد يظهر غيرها
طالما المجتمع حى و فيه حركة
و يفترض ان نعمل على التحسين المستمر و التجويد
زى واحد جايب 60 يسعى
يكونوا 70 او 90 او 95 و هكذا
الحال لن يتوقف .. لك
نه بيتضاءل شوية


(7)

الادب الساخر ليس بالضرورة يكون قائم
على نقد السلبيات
و اخراج الكوميديا من
قلب الوجع
لكننا للأسف نفتقر لهذا ال
نوع من الكتابات
بسبب الوضع الحالى لكنه مش شرط اساسى
ترتبط السخرية و كتبها ....بالمواجع و بس


(8)

هذوها فيما يخت
ص بالكتاب
لكن ميمنعشى الأسئلة
تروح على سكة الأشكال الادبية
و اكتشاف المراكبى
ان الشعر كان زم
اااان طريقة كتابة
و دلوقتى المقالة و القصة القصيرة
هما وسيلته الأقرب للتعبير عن افكاره و ذاته


(9)

و تطرق الحاضرين للحديث عن التدوين
و دوره فى تغيي
ر الواقع
و مدى تأثير ذلك على الشارع و نظرة الناس
و نظرة المدونين نفسهم
و أختلفت الاراء ما بين حد يائس و شايف
انه مفيش داعى لتقمص ادوار بطولة
هتؤدى ف النهاية إلى إحباط لأن دورنا
كمدونين مرسو
م سلفا و احنا مجرد مكمل
للصورة العامة مش اكتر
بينما رأى البعض الآخر ان التجربة بتصقل
و تغير و تحدث فرق و لو بطىء
لكنه هياخد وقت و مش لا
زم التغيير يكون آنى
او فى الجيل الحالى
و أثاره هتظهر اكتر قدام .. لكن يبقى شروط
توفر العزيمة و الثبات ع المبدأ و الصبر
و النفس الط
ويل


(10)

طبعا مفيش داعى اتكلم عن الحوار اللى دار
عن الحالة العامة و دور المدونات السياسة
و تأثيرها ف المجتمع
عشان المراكبى كان بحنان اخوووووى
و أبوووووى كبيييير كل شوية يفكرنا ان البوكس
مينفعش ياخدنا كلنا
مرة واحدة و لازم نبق
ى دفعاااااات


(11)

و طبعا مفيش داعى
اتكلم برضو
عن نوايا البعض الخبيثة الشوريرة
فى استدراج المراكبى
للحديث عن الجواز و هل ما اذا كان عليه واحد
و لا معليهوووش فى
هذا الصدد ؟
لأنه لم ينزلق لهذا المنزلق والحمدلله
و كفى الله المتجوزين عموماااا شر القتال


(12)

و طبعا برضو مفيش داع
ى اتكلم
عن المناقشة اللطيفة اللى درات حوالين
الاخ المترب اللوذعى ابو الليف
و معرفش ايه اللى جاب سيرته ف القعدة
بس الكلام عنه و
صلنا لقناعة
ان الذوق العام بيتدهور
و ان الاخ اللى مش خرونج
للأسف بيحاكى عصره
و ينشر الإسفاف فى نفس التوقيت



معرفش اقول كلام كبيييير
لأن ناس حلوة قوى
كانت قاعدة
و أثرت الجلسة بالأراء و الجدل

و الأختلاف بشيا
كة
بس يكفى أقول ان الحاضرين كلهم تقريبا
كانوا حاجة جميلة و هادية و طيبة



و كالعادة يا عم مراكبى
أيامك ..زيك و شبههك

يعنى

تقطر ... دفء خفى ملوش حل
تقطر ..... محبة بين القلوب
تقطر ..... شياكة ف التعامل
تقطر .... إحترام الرأى
و الرأى الآخر
تقطر ... حميمية بين الحاضرين



تقطر دى
ليها حكاية

كلمة سر يعنى
بين الحاضرين و
بس



تفاصيل سريعة
ع الماشى



احمد البوهى القى قصيدة فى منتهى الرقة
عجبت الناس لدرجة
اعادتها للمرة التانية


اشرف توفيق شخصية لطيف بسيط
لدرجة رهي
بة
و بجد كان (يقطر) .. خفة دم



لما شوفت هنودة جالى حالة هلع عاتشفى
و مكنتش مصدقة
انها موجودة
و ان شاء الله تحاول تيجى يوم التبرع بالدم


اخيراااااااااا شوفت محمد مهندس مصرى
الغالى اللى بعتبر
ه اخويا بظهر الغيب
و النوبة دى مش هيستنى البوست لأنه جه
و شاف بنفسه و ربنا يتمملك على خير يا محمد
و ميبقاش عليك واحد أبدااا
و المراكبى واسطة خير و جمعنا اهو


احمد مهنا كان اكتر حد فرحت
انى شوفته النهاردة .. بجد


الاستاذة أميرة بهى الدين شخصية جميلة جدااااا
و تجبرك على احترامها بلا تردد
و على الإعجاب بدماغها
و الاهم حنانها ....
م الآخر ست مصرية
جدعة صميمة من اللى قلبك يحبها


الأستاذ إيهاب كذلك و
نور الرقيقة و يا جماعة
شوفلنا حل ف الفيسبوك دا هروح اولع فيه عشان
الناس تسيبه و ترجع تدون تانى
و اعرف اوصلهم


هيرا جابت سبت ورد اكتر من رائع
الوانه شيك و لايقة على لبسها بشكل عجيب
بجد كانت تقطر ... رقة


يا قوس قزح انتى قلب و عقل و جدعنة الدنيا
و وش خير
اينما حللتى



فيه ناس أفتقدتهم
من المرة اللى فات
و وجودى فى نفس المكان
أثار الحنين ليهم ...
زى
ايهاب الطائر الحزين
آبى هانم
بتنجانى
شمس الدين ربة السيف و القلم


كمان ا
فتقدت
الأستاذ احمد شقير

اللى بالصدفة سمعت المراكبى بيرد عليه
ف الموبايل و كنت عاوز
ة اقوله
يبلغه تحياتنا و يقوله وحشتنا بس ملحقتش


و مكنتش بلمع او
كر و لا حاجة يعنى
لتفتكرونى كنت رامية ودنى
دا هيه القاعة قد خرم الأبرة .. أعملكو ايه يعنى ؟!!



و طبعا اكيد عدم وجود الحكومة الرسمية
و الكل ف الكل
او الجماعة
بتوع المراكبى
كان مضايقنا
بس سيرتك جت بالخير دايما يا ام جنى
كنا مفتقدين وجودك انتى و الولاد
زى المرة
اللى فاتت




دار دون
اضافة حقيقة لعالم الكتب و التدوين
بما انهم مش منفصلين عن بعض
و اول مرة آخد بالى من
ان عنوانهم يشبه
ما يمنحوه لنا
من بهجة مق
صودة و متعمدة اكيد
العنوان المكتوب فى ضهر صفحة العناون كالآتى
1 شارع السعادة
تخيلوا معايا الجمال !!!!




و بما اننا جبنا سيرة الدار
فعاوزة اقول ان الغلاف لطيف جدااااا
اللى صممه بلال وهب و معرفوش صحيح
بس احييه لأن سمايلى دا
قد يبدو ايقونة مملة بايخة
و الكل المفروض زهقان منها
لكن هوه استخدمها ببراعة خلت شكل الغلاف مميز
و عكس المتوقع ان يكون ممل
فتحياتى و احتراماتى ليه



رجعت البيت
و بورى امى الإهداء ... فإبتسمت قوووى
تعرفوا ليه ؟؟!!
لأنه كان كالتالى


إلى حبيب القلب / يوسف
و إلى امه العزيزة جداً
لكم منى خالص التقدير و الإعزاز
احمد القاضى
26/6/2010




و اخيرااااااااااااا


يا نبع الحكمة الصافى
يا عم مراكبى
اشرف اخف دم
وصف كتابك بالأدب الساخر الحقيقى
اللى مبيزغزش حد عشان يضحكه
لكن بيتكلم معاه بصدق و بساطة
و بثراء ف المواقف ... لكن دون تكلف





و اتصور انه كان بيوصفك انتا
ان
تا هذا الشخص
البسيط الطيب الصادق
و اللى ملامحه بتعكس الدفا
و الونس و القرب من القلوب كلها

اللى جت النهاردة

عشان تقولك مبروك
و تفرح معاك
و بيك و تقولك بنحبك



كل كتاب
و انتا طيب و وسطنا
و عقبال الكتاب المية و الطبعة الألف
و عقبال ما ييجى اليوم
اللى نقول فيه للقبح

و الفساد و اليأس و الهم

عليك واااااااااااحد




ملحوظة : الصورة منقولة من الموقع الألكترونى
للمراكبى من حفل توقيع الحياة بدون كاتشب



قايمة الحضور
-------
-----------------
-------------------------------------

مروة فلاش
أسماء المدونخانة
إبراهيم أنا و أنا
رانيا feeling
نور صديقة للمراكبى من الفيسبوك
محمد مفيد فى الصميم
هيرا همسات دافئة
أحمد الساعاتى
أحمد البوهى إنكسارات
فاروق ع
ادل يوميات طالب
يوسف المصرى
Hanooda غربة
داليا قوس قزح
أ. شريف .. لست الا بعضا من الاوراق
أسامة
عبدالعال
أميرة هشام أنا كده و مفيش غير كده
أميرة بهى الدين يا ما دقت ع الراس طبول
أحمد الصباغ
محمد قنديل مهندس مصرى بيحب مصر
خالد همس الاحباب
وليد الدوغرى هى و ظروفها
أحمد م
هنى مزاج
أشرف توفيق اخف دم
إيهاب ..صديق للمراكبى من الفيسبوك
سوووو ..عجوز و عندى 30




و أسماء كتير تانية
بس للأسف معرفهموش
و اللى فاكر يا جماعة يفكرنى
عشان اكتبهم ينوبكم ثوااااب ف اختكم
ضحية الزها
يمر و يا ريت بالمرة اللينكات جدعنة

------------------------------------------------





--------------------------------------------------
الكون دا كله زمان
مكنش يساع حتة من قلبى
دوس هنا




This entry was posted on الأحد, يونيو 27, 2010 and is filed under . You can leave a response and follow any responses to this entry through the .

35 كــــلام بيطــبطـــب عـــلى قــــلبى و روحــــى

أستاذتى فاتيما

مامت يوسف (:

اولا شكرا ليكى على النقل التفصيلى الجميل اللى انتى عملتية ده
و ان شاء الله انزل القاهرة واشترية

ثانيا شوفتى كان قصدى انى ابقى قريب

كان نفسى اشوف الناس دى كلها (:

بس ملحوقه بأذن الله

شكرا ليكى جدا جدا

و مستنى حضرتك فى المدونة عندى تشرفيها (:

الف مبرووك للبشمهندس...
عقبال منحتفل بكتاب ليكي كده اسمه "يوسف"....

نمسي الأول على أحلى وصف تفصيلي لأي لوقاء
حقيقي يا فاتيما انا مش محتاجة أحضر اي إيفنت
أنا أفتح قناة أم يوسف الحضارية وأعرف كل شيء من الألف للياء

مبروك لأستاذ أحمد
وعقبال الكتاب الثالث إن شاء الله

وعقبالك يا فاتيما
وربنا يدي كل إنسان حلمه

مساءك سكر

الف مبرووووووووك

وعقبال مانحضر حفل توقيع النسخه العشرين

وعقبال كتبك انتي بقا يا رب

تكتبي كتاب كيف تكون طيبا :)

تحياتي

تسلم ايدك يا فاتيما

تفصيل وافي جدا و جامع لاحداث اليوم الرائع ده

اولا الف مبروك للمراكبي .. بجد بحس فبخر كبير قوي مع كل نجاح ليه.. فعلا كنت سعيدة جدا بيه

ثانيا .. سعدت جدا بالناس اللي اتعرفت عليهم انهاردة و كان يشرفني جدا اني اتعرف بيهم

كله كوم و المفاجأة اللي حسيتها اول ما شفتك بين الموجودين بعد اما قعدت كوم تاني خااالص.. احساس كده مش عارفة اصوره يا فاتيما لاني فعلا فقدت القدرة على التعبير بقالي
بس عارفة انه واصلك :)

بجد مروحة سعيدة جدا و عندي شعور قوي بالامتنان لاني واحدة من المجتمع الجميل قوي ده


مبرووووك للمهندس أحمد

وصف تفصيلى هايل لكل احداث الحفلة بجد
اللى كانت اكثر من رائعة
ايه دة انا نسيت
( على فكرة انا اسمى رانيا مش نورا)
:(
-----
مبسوطة انى عرفتك و مبسوطة اكتر انى عرفت مدونتك اللذيذه دى
و هستناكى على الفيس بوك
:P
تحياتى

تغطيه متميزه لحفل اكيد كان هو كمان متميز
ربنا دايما يجمعكوا على خير

كانت معكم أم يوسف روح قلب المدونين من داخل دار حنين في نقل حصري ومباشر على الهواء لوقائع اللقاء الرائع والمراسلة الأروع اللي كانت حاضرة اللقاء :)

ايه دا يا فاتيما المواهب دي ما شاء الله لا قوة إلا بالله
أبدعت وأروعت وأمتعت
ربنا يفرحك دائما يارب

في حاجات كتير أوي عايزة أعلق عليها

أحب أنا موضوع تفادي الألغام دا
الظاهر المراكبي مش بيحيب يبقى عليه واحد

والمترب اللوذعي اكتشفت بعد مقاومة طويلة حبتين إنه دا اللي عندنا بجد رغم إن المراكبي أول ما كتب موضوع عنه كنت مخالفة لرأيه بس أنا بقيت بحس إن الشارع كله أبو الليف
يعني أنا لا سمعت أغانيه من تلفزيون ولا راديو ولا كاسيت ولا أي اختراع تاني
أنا سمعتها كلها من الناس وفي ناس منهم ملهاش في الجو دا خالص بس هو في كتير من أغانيه معبر عن الحالة العامة

في حاجات كتير تانية بس مش عايزاكي تقولي علي رغاية
اللقاء بجد عجبني جدا لأني من زمااااااااان ما حضرت صالون أدبي وانت عيشتيني في الجو

في حاجة كمان
هو حدرتك يعني لازم أجيلك المدونة عشان أقول لك إني بعت لك ميل ولا ايه (وث مكثوف ومبربش ) زي كانتي

كانتي دي أبقى أحكي لك حكايتها بعدين بقى

إزي حضرتك ؟

لولا الامتحانات كان زماني معاكم

ان شاء الله لو اتعمل حفل توقيع لكتاب سيادتك - على اعتبار ما سيكون - هكون أول واحد يحضره .

بس يارب ما يبقى ورايا امتحان

:)

تحياتي

مش كل من يقول لك حاجة تصدق و متباش علي نياتك و تسق في الناس علي الفاضي و المليان

أنا مش ممكن ألاقي كلام أرد بيه على ذوقك وتعبك والكلام الرائع ده .. ده من أجمل البوستس اللي قريتها في حياتي .. ربنا يديم بيننا الود والمعروف وما يحرمناش من احتوائك ده أبدا بجد

ألف ألف شكر

ام يوسف
صباحك جميل زي كلماتك
الدافيه زي حضن يوسف ابنك وسمر وملك بناتي
انا انبسطت قوي امبارح
لاني قابلتكم
اصل المدونين في مصر بيدوني احساس واحد بس
ان الحياه جميله وان عمار يامصر
مبسوطه بمقابلتكم ومبسوطه بالمراكبي وكتابه
والنوت بتاعتك زي البوبونايه بعد ما تخلص في بقك يفضل عسلها وحلاوتها علي طول يفكروك بقد ايه كانت حلوه ... صباحك جميل
وبعدين زعلانه من الفيس بوك ليه ، ده هو اللي لمنا علي بعض ، قبله كنا ناس متفركشه وغالبا حتفضل متفركشه ، بالمناسبه عندك حساب علي الفيس بوك علشان نلعب هناك مع بعضينا ... صباحك جميل ياام يوسف وبوسي يوسف لي والنبي !1!

الف مبروك يا مراكبى المدونات

وبصراحه لو مكنش ده حصل يبقى الدنيا مفيهاش خير

دى تطور طبيعى لشخص جميل زى حضرتك


فاتيما

اتعودنا نشوفك فى كل المناسبات السعيده

ربنا يسعد ايامك ويملى قلبك بالحب والسعاده


تحياتى

يارب ديما ياتيما متجمعين فى الخير يارب

ويارب مدونتك مالينا ببوستات الفرح

الف مبروك للاستاذنا يارب ديما من احسن لاحسن

بوسه ليكى يا غاليه اممممممممممممممموا

اه والفعوصه

الله ينور عليكي يا ام يوسف
وفرتي البوست اللي كنت حأكتبه :)
بس حاكتبه إن شاء الله اول ما افضى شوية
بس انتي نسيتي أحمد سووو
مدونة عجوز و عندي 30 سنة

فرحت جداً بمقابلتك لأول مرة بعد اكتر من سنتين من الحوار عبر المدونات
و فرحت برضه بمقابلة الاستاذة داليا قوس قزح للمرة الأولى

البوهي و مهنا حبايبي برضه مكنتش شفتهم من سنتين
و البشمهندس احمد القاضي ربنا يبارك له فعلاً رغم اني اول مرة اشوفه بس حسسني بالدفء و الإنتماء و انه حد قريب مني قوي
و اشرف كان عمال يحط له مطبات و هو يعدي منها بمنتهى البراعة
كان نفسي نقعد و نتكلم مع بعض و نرغي شوية بس للأسف الظروف ما سمحتش
ربنا يكرمك يا ام يوسف يارب

جايه اسلم عليكى يافاتيما
اغيب عنك بس لازم كل فتره ادخل المدونه واطمن عليكى انتى ويوسف
يارب تكونوا بخير

ويارب متجمعين عندك دايما بالخير
والف مبروك للأستاذ أحمد

تحياتى وتقديرى

نحب نمسي علي الاستاذ احمد ونقوله عليك واحد .. ونصبح وندي احسن تحية وسلام
لكل اللي حضروا اللقاء
وعلي فكرة انا من أشد المعجبين جدا بالأستاذ أحمد الشقيري . وبرنامجه خواطر
وطبعا لن ننسي
السبب في البوست
" ام يوسف " فاتيما روح قلب ماما علي سن ورمح .. ولا يوجد غير السكين لتقشير اعدائها به دا ان كان فيه اعداء اصلا .. وعلي فكرة انا من أمنياتي ان كنت اكتب أول كتاب ليا عند سن 23 سنة ويا مسهل .. ربنا يستر بس والواحد يحاول ..
وعبالك يا فاتيما .
عبال أو كتاب ليكي عن قريب
هما الجماعة اللي بيدونوا دول احسن مننا ولا ايه :))
تحياتي لكي وللجميع الحضور
واعتبروني اني حضرت بالقلب

:)
انا دلوقتى عرفت انتى كنتى عمالة تكتبى فيه
ده مفيش حاجة مش اتكتب فى المحضر ..اقصد فى البلوج هههههه

الحفلة دى كانت من اجمل حفلات التوقيع اللى حضرتها ..حتى احلى من حفلة القاضى الاولى

انتى صحيح مشيتى فجاة ليه ؟
انا مش سلمت عليكى :(

بما إني مش موجود في مصر

وبما إني كان نفسي أكون حاضر يوم زي ده

وبما إني اعتز بصداقة القاضي الإنسان قبل الكاتب

وبما إن عند جهينة الخبر اليقين


إذاااااً
مفيش غير المؤرخة فاتيما

لأن عند فاتيما هشوف كل حاجة
بعينيها اللي شوفتها في أكتر من لقاء بترصد كل شاردة وواردة

وقد صدق حدثي بالفعل وكأني كنت معاكم وبينكم والإحساس بوجودي ده وأمانة النقل ودفء المشاعر الأخوية والسعادة اللي بتنط من كل حرف

لمستها أوووي في تعليق القاضي على بوستك هنا

أنا كمان بقولك ألف شكر
لأنك خليتني معاكم

وليد

أنا كمان يشرفنى حضورك حفلة توقيعى
حفل توقيع كتاب هل تبحث عن السعادة للكاتب محمد غالية
بمكتبة عرابى المهندسين وذلك يوم يالسبت الموافق 3/7/2010 فى تمام الساعة السادسة مساء

انا كان شرطى الوحيد ان الجماعة

تكون موجودة ههههههههه

وعلشان كده ماجبهاش المراكبى

معاه ههههههه

هو عارف انا بعزها اد ايه ونفسى

ومنى عينى اشوفها واقعد معاها

هههههههه

صح يا مراكبى ؟؟

تسلمى يا فطوم ع البوست

ده بجد كان نفسى اكون هناك

وندمت ندما شديدا لما سارة قالتلى

الصبح ع الحفلة كان فيها اشرف واحمد

البوهى وابراهيم وكلهم ناس فين وفين

لما بشوفهم وبجد كان نفسى اسلم عليهم

خير متعوضة مرة تانية باذن الله

غير انى اصلا اصلا كان نفسى اسلم ع

المراكبى والله واقوله منور مصر

بس مافيش نصيب المرة دى :(

الف مبروووووووك يا مراكبى ويارب

عقبال كتابك ال 100 باذن الله

وميرسى يا فطوم خليتينى كانى

ف وسط الاحداث ربنا يكرمك ويفرح

قلبك فرحة ماتحزنى بعدها ابداااااااا

قولى امييييييييين

يا سلام علي كلماتك يا ام يوسف بجد بتعيشينا لحظات جميله لحظات تجمع ناس محترمه من اللحظات الكتير الي الواحد بيتمني انه يكون في مصر فيها علشان يقابل بشر لسه بشر بجد

تحياتي علي البوست الدافي ده

اول مرة ادخل مدونتك واستغربت قوي لما عرفت ان سنك 37 سنة بس وخاصة اني بسمع دايما عادل بيقول ماما فاتيما فتصورتك اكبر لكن واضح انك صغيرة بالسن بس مقامك كبير كلماتك جميلة واسلوبك مشوق اعجبني والمني الدعوة الي قريتها دعوة ان ربنا يرجع يوسف لاحضانك ولاني ام زيك ورغم اني مش عارفة ابعاد الموقف بس بجد حدعيلك يارب يرجع يوسف لاحضانك عاجلاً غير اجلاً وتقر عينك برؤياه وضمه من جديد دمتي يا مامه يوسف.

Ramy
-----


اهلا يا ر ر
يعنى يا رامى يا رقيق القلب
معلش انا عارفة انى رغية بس بحب اقول كل التفاصيل عشان اللى محضرش يحس انه جه برضو ..غير ان اليوم فعلا كان جميل

ان شاء الله تحضر الأيام الجاية

و تنورنا

تحياتى ليك
:)





سمع هوص(abo 3li)
---------------


الله يبارك فيك يا سمع هص
عقباااااااااالك يا فندم
و برضو ف الغالب هيكون كتاب ساخر
و علينا واحد فيه بالقوى ..آه ادينى بأجر ف شكلك اهو

صحيح
انتا جاى التبرع بالدم و لا لأ ؟؟؟
افيدونا






ستيتة حسب الله الحمش
-----------------


مساء الفل
صباح الورد
و بين الصباح و المسا كل الحاجات الحلوة اللى ف الدنياااااا


الله يبارك ف عمرك يا ستوتى
و ل بقى
اذا كانت البوستات دى هتخليكى متجيش امتنع فوراااااااااا

نفسى تكونى معانا
اللقاء كان ثقافى مميز من اللى قلبك و عقلك يحبه و كنتى هتزودينا و تقولى قوالة برضو و كنت حاسة كأننا قاعدين ف اودة المسافرين بتاعة جدتى بتاعة زمان اللى سايعة م الحابايب ياما و فيها دفا

مش هتقوليلى عفروتو قال ايه ؟!!
عندى فضول امومى رهيييييب لأنى حاسة انه قال حاجة زى اللى كان يوسف بيفاجئنى بيها فيخلينى متنحة عاطفيا و انسانياً ...تيب بلاش اتخيل انا و اما اشوفه مرة هقرره

ربنا يحرسهولك من كل شر هوه و مانوسة يا رب

انا بطلت ادعى بالتوفيق ف الأمتحانات
و هركز دلوقتى ع النتيجة بقى

عاوزينى ادعى بكام ف المية ؟!!!
عشان ابقى واضحة
و محددة
و قااااااااطعة



بوسات و حضونات
يا ست السوتيتات كلهن





فتاة من الصعيد
-------------

يا خراشى عليكى يا فاتى
يا بت انتى صعيدية على حق
مين اللى كيف تكون طيباً دى ؟؟

منتى خلاص مش هتخلى حد يحتاجه
كفاية بس يقرى تعليقك دا
عشان يبقى طيوب

تحياتى انا اكتر يا حبيبتى
و بوسات و حضونااااات معاهم



dr.lecter
---------

و مش هيبقى عليك واحد يا دكتور
هتستمتع بيه بجد

hannoda
-------


تسلميلى انتى يا هنودتى

بجد انا اذبهليت لما شوفتك

و لولا بس البرستيج بتاع الحفلة هيقطعه فاصل حضونى فظيع منى كنت قومت فرجت عليا الدار بكل زائريها و المعديين جنبها ف الشارع كمان ...بجد مفاجأة اكتر من هايلة

حاولى تيجى التبرع بالدم بقى
هستناكى

انتى واصللى يا هنودتى
من غير ما تقولى أى حاجة يا حبيبتى

الخيط بيننا قوى و متين
و الود موصول لا تقلقى

مبروك لأحمد اكيد
مش بس ع الكتب
كمان ع الناس اللى بتحبه كدا

ربنا يحبب فيه خلقه اكتر و اكتر يا رب

بحبك قوى يا اجمل قمراية
اسكندرانية

و لسه عيونك حلوة
عيونك حلوة
عيونك حلوة
و بتنكسفى برضو






Rania
------
طب يا رونى براحة عليا
قولنا الزهايمر و كبر السن يا بنتى
الله !!!


لأ بجد
انا مبسوطة انى شوفتك
و صلحت الخطأ خلاص بس صح دى لينكاتك مش كدا ؟؟

انا خلطت بينك و بين نور من الفيسبوك
و لا انا صح و لا غلط و لا إييييه؟؟!!
معرفشى بقى

المهم
انك نورتينا اليوم دا
و عقبال اول كتاب ليكى يا فندم





اسكندرانى اوى
------------


اهلا يا باشمهندس
ازييييييك

و عقبال يا رب

و فعلا الحفلة كانت متميزة لأن المراكبى انسان جميل قبل ما يكون اديب جميل و مهندس جميل و مدون كمان جميل ...
هوه شخص يجبرك انك تكون طيب و راقى
حد نادر بجد و الواحد فخور بمعرفته

ترجع بألف سلامة يا رب
لإسكندريتك الجميلة
و لينا كلنا




يوم جديد
--------

يا لهوتينى
هوه انا مكنتش رديت ع الميل ؟!!!
لأ دنا زهايمر على حق

حقك عليا يا يم يم معلشىىىىىى
و لله مشغولة فى كذا حاجة و اتهيألى رديت عليكى ...طلعت معملتش كدا

طب كويس عشان ارد هنا بقى
و اقولك منحرمشى منك
و لا من دعواتك
و ربنا يكتبلنا فيها نصيب انا و يسوفة يا رب و يسعد قلبك و ايامك كلها

بالنوسبة للرغى
ارغى و انا ارغى و لا يهمك
بجد الحفلة كانت رائعة
امتى مرة ترضى عنا و تيجى اى يوم م الأيام دى ؟!!!

كانتى دى تحكيهالى لما اشوفك .زمليش دحوة ..هه

بوسات و حضونات
يا يم يم
يا جميلة





ولد تحت الصفر
--------------

معلش

الأمتحانات مسيرها هتخلص
و عندنا تبرع بالدم يوم الجمعة الجاى
لو ينفع تيجى اهلا بيك تنورنا حتى لو مش هتتبرع المرة دى للتعارف حتى
مش اكتر

و شعورك الطيب دا انا ممتنة ليه بجد
عقبال حفل توقيع كتابك انتا و اكتب عنه بوست زى دا

و تحياتى ليك





motaz abdalal
--------------

الله يبارك فيك يا معتز

و كلامك تمام
بس بناء عن تجربة يؤسفنى اقولك ان اغلب الكدب و الخداع بيبقى من المقربين اللى المفروض تثق فيهم و تسمع كلامهم ... لأنهم هما دول محور حياتك و ناسك اللى عايش وسطهم
انما الغريب طبيعى نتثقش فيه و تنخدع منه ... هيا حكاية معقدة و ملهاش علاج و الا كان الزيف و الخداع و الكدب انتهوا م الدنيا و مفيش شر ..مش عاوزة اعقدك بقى

انتا نورتنى

يا مراكبى
--------


اولاااااااااا


التعليق دا خلانى ارغرغ
و قولنا نبطل عياااااط
بترجعونا للإجرام تانى اهو



ثانيااااااااا


انتا انسان جميل قوى
يا باشمهندس
و كل حد جه اتفق علناً و سرا
على ذلك
ف انك غالى علينا


ثالثااااااااا

الغلاوة دى يعنى هتكون مثلا جت من فراغ ؟!!

و لا نتاج روحك الطيبة
و احتوائك انتا كمان لينا
على مدار الفترة
اللى عرفنا مدونات بعض فيها


انتا زى ما قال
استاذ احمد شقير
عندك قدرة نادرة على التواصل
مع كل الناس
و بتعرف تحسسهم بدا فعلا
بيحسوا بتعليقاتك بالدفا
و الإهتمام
و الطبطبة
و كل حاجة ايجابية


رابعااااااااا


احنا استمتعنا بالحفلة بجد
صالون ادبى و ثقافى و انسانى جميل


شبههك و الله
و اسال كل حد جه


مش معقول حد هيختلف معايا
دا يوم من الايام اللى متاكدة ان كلامى محدش هعترض عليه او يقول بتبالغى فيه ابداااااا



ربنا يبارك ف عمرك
و يزود افراحك
و نفضل دايما بنشارك ف الفرحة دى

خد بالك
انتا خلاص مبقاش ينفع تفرح لوحدك
احنا لينا ف كل الحاجات دى
من باب الجيرة
و العشرة
واحيانا تلاقيح الجتت يعنى
و الود و المحبة
اللى رايحة جاية منك لينا
و مننا ليك

تحباتى با نبع الحكمة الخالص
عقبال كل مرة

http://www.glitter-graphics.com/graphics/693675

أميرة بهى الدين
--------------

يا أستاذتى العزيزة

صباحك و مساكى زى الفل

و انتى بجد نورتى المكان و الحوار و حسستينا بالونس كدا و كأننا نعرفك من زمن و دى حاجة مبتحصلش كتير

التدوين فعلا عامل حالة عمار
حلوة اللفظة دى قوى

اصلى بحس ان كل واحد لوحده و الله مش وحش ..بس لما بنتلم بنعمل حالة جميلة ..شرط تكون صادقة و مفيهاش غرض و عم مراكبى قالها زمان ..ان المدونين فى تجمعاتهم مفيش مصلحة او منفعة و دا اللى مخلى الوشو زى ما شوفتيها كدا ...صافية و طيبة و ما بتصدق تتلم عشان تتسند على بعض و تتونس ببعض

يا خرابى عجبتك النوتة ؟؟
اتفضلى
النوتة و صاحبة النوتة


اتمنى نتقابل دايما على خير
فى كل مرة و انا بتمنى لو حضرتك تتابعى مدونتى عشان لو فيه لقاءات اثارت اهتمامك تشرفينا اكيد و تنورينا

و ممكن اطلب منك طلب
بطلبه من كل حد عنده كذا مدونة ؟
ان حضرتك تحدديلى واحدة اعرف اتابعها و اكتبلك فيها تعليقات باستمرار عشان اكتر من مدونة بتشتتنى جدااااا ...اما الفيسبوك فعندى منه حالة نفور شديد معرفش سببها و يمكن انا متعلقة بمطرحى هنا اكتر اكمنى برج الثور الكلاسيكى لدرجة الملل و مبحبش اسيب مطرحى ..ينكن !!

تحياتى لبناتك و ربنا يحرسهمولك
و سلامك ليوسف هيوصل
ان شاء الله

تحياتى و المدونة النهاردة نورت زيادة عن كل يوم








momken
------

ميرسى يا ممكن

و عقبال حفل توقيه اول كتبك
و غالبا هيكون ديوان
لأن اشعارك متميزة فعلا
و المفروض تفكر تجمعها و تنشرها

ميرسى على ذوقك و تمنياتك الطيبة
و ليك منى زيها و اكتر





richardCatheart
----------------

الله يبارك فيك يا قطاقيطو يا قمر

و كل سنة و انتى طيبة يا حبيبتى
البلوج من امبارح بينونو طربا و فرحا بعيد ميلادك يا حبيبتى

انا كمان
بوسة
و حضونة
مصحوبة بالفعصة المخصوص بتاعة قلب القطة مش أى حد يعنى





مهندس مصرى
-----------

و ينور عليك يا عريسناااااااا


و تعالى هنا
نعمممممممممم
متكبش بوست
لاا
لازم تكتب بقى احنا ما صدقنا انك حضرت لوقاء يا جدع تقولى مكتبشى ؟!!

طيب على مهلك
انا عارفة ان مشاغلك كتير و ربنا يعينك يا رب و يتمللك بألف خير

انا اضفت سووو للقايمة و كتر الف خيرك اصل الجدع جه ف الاواخر كنت خلاص مش ملاحقة اكتب مين و لا مين و كان ف بالى و الله بس متعرفش بقى ليه كدا !!

ساعات الفرحة تخليك تنسى برضو

و كل أرائك ف محلها يا محمد
داليا و الباشمهندس احمد و البوهى و مهنا و الكل بجد ناس محترمة و طيبة و صادقة ..محدش فيهم تحس انه مفتعل او مش شبه اللى بيكتبه
بالعكس
فيه ناس احلى بكتيييير من اللى بيكتبوه كمان و لما تشوفهم بتتكامل الصورة و تشوف فيهم حاجات اغنى و اكتر و دا اللى اعتقد مخلينا على تواصل لا ينفصم و بيزيد الحمدلله بمرور الوقت

مصر كلها نورت
و القاهرة تحديدا
و الف مبروووووووووك يا عريسناااااااااااااااااااااا






الحب الجميل
---------

الله يسلمك يا حبوبة

المطرح بينور بيكى
و ميرسى لذوقك و اهتمامك و معلش مقصرة معاكى و مع الكل

عقبالك يا رب

تحياتى انا كمان

MR.PRESIDENT
------------

ازيك يا بسام

و الله قصادك سنة بحالها يا فندم
انوى و اجتهد و سيبها على ربنا
بس يعنى لو ف ال23 و نص او ال 25 مينفعشى ؟!!!

ينفع و هنيجى نبارك و اكتبلك بوست زى دا يا فندم و اكون اتعلمت الزغرطة بقى عشان اجرب فيك

بس تعالى هنا قولى

انا بتكلم عن استاذ احمد شقير صاحب مدونة حكاوى آخر الليل
http://shokeir.blogspot.com/
مين اللى انتا بتتكلم عنه ؟؟
هوه استاذ احمد بيقدم برامج من ورايااااااااا

هتوقع المدونات ف بعضيشها دلوقتى


غالبا انتا تقصد حد تانى يا بسام

و لا ايه؟!!!





قوس قزح
-------

يا وش الخير انا اسففففة خالص
معلشى
طلعت ارغى شوية مع كام حد على انى ارجع لقيت الوقت جرى و مكنش ينفع ادخل تانى ..سامحينى
بس حاولى تيجى يوم التبرع ..حاولى


و فعلا الحفلة كانت جميلة جداااااا
و بعدين لمعلوماتك
انا مكنتش بكتب كل الحاجات اللى فوق دى و لا حاجة

انا كنت بكتب بس فى كلمة

يقطر


:)
:)
:)


بوسات و حضونات
يا وش الخير و الفرح








عارفة ...مش عارف ليه !!!
------------------------
آه يا وليد ليتك كنت معنا بجد

بص بقى

انتا لازم تلم قصصك الحلوة دى ف كتاب و يبقى يومك زى يوم المراكبى كدا ..لنتوا الاتنين فيكم من بعض قوى
يا خرااااابى دنا هكتبلك بوست كلمة دهب و كلمة فضة ..بس انتا اعملها


انا كمان حسيت ف تعليق المراكبى بحاجات حلوة قوى خلتنى هعيط
ربنا يحبب فيه خلقه كمان و كمان
و يديم الود و الاخوة يا رب
و منجمعش غير ف الفرح كدا دايما


ترجع بالف سلامة
مش عاوزين نروح المنصصورة
غير لما ترجع بقى
مصطفى ريان اصدر فرمان بذلك و احنا قولنا موافقين ..يلا تعالى بقى

سلامى لمهند الجميل و لكل الأشرة

و انتا معانا من غير حاجة
يا عزيزى





mohamed ghalia
--------------

حاضر يا محمد
على عيونى حاضر
تاكد انى هحرض مفوتش اليوم دا و احاول آجى اكيد
ربنا يوفقك و يكرمك و يكون يوم حلو و طيب زيك

الف شكر ليك
و الف مبروووووك





мαησηα
-------

منوتى يا قمورتى
انتى بتتلككى ..صح ؟!!

طب ما الجماعة كانوا حاضرين

ف القلب طبعا و بالسيرة الطيبة

متحاولى تيجى يوم التبرع بالدم
و مش لازم تتبرعى تعالى بعده يا ستى ؟؟

فكرى و قوليلى من قبلها يا ريت
و بوسيلى ماماااااااا

آه

آميييييييييين






عبدالله
-------

ان شاء الله ترجع بالف سلامة يا عبدالله و تشوف الناس دى بالعين زى ما شوفتهم بالقلب

ميرسى انك وصفت البوست بالدفا
دا احساسى دايما لما ببقى وسط الناس الحلوة دى ..بحس بإنى وسط اهلى و اخواتى و قرايبى و اصدقاء المدرسة و الجامعة ..و ان مفيش قلق و لا خوف و لا اى مشاعر سلبية
نورتنى بجد
و تعليقك جميييييل و دافى هوه كمان




احلام جوليا
---------

الامومة ملهاش دعوة بالسن قوى يا جوليا ...انا بحس ان عادل ابنى ..و بفرح جدااا لما بيقول يا امى (مبيقولش يا ماما على فكرة بيقول يا امى )
و ميرسى على دعواتك الطيبة
و شوية شوية هتعرفى فيه ايه بس مفيش داعى اخضك كدا
من اول مرة بقى


نورتينى يا عزيزتى

مساء الخير
:-***
:-XXXXX
وش مكسوف كده شويتين
:-*******
:-XXXXXXXXXX
معلش على الانشغال
:-**********
:-XXXXXXXXXXXXXX

و قلت الاصطباحات :-)
ادينى بسلك فيها اهو بقالها يومين مقفولة
:-*********************
:-XXXXXXXXXXXXXXXXXXXXXXXXX

اولا مبروك للمراكبى عقبال الكتاب القادم

ثانيا الاصطباحات مقرؤه يا فندم يوميا
:-) بس علشان خطرك و خطرى كتمة نفسى عن التعليقات :-)

ثالثاتحسبان لسواحة ممكن تمتد اسبوع
:-***********************************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

انا زعلانة اوى عشان بعد ما طلعت مع هنودة قالتلى دي فاتيما كانت قاعدة جوا
كان نفسي اسلم عليكي بجد :)
بس مشيت بدرى للاسف

يارب يبقي فى فرصة قريب تانى اشوفك فيها

انا والله ماكنتش اعرف الموضوع ده خاص ل كنت اعرف كنت جيت وسلمت عليكيوعلى الاستاذ احمدوكل الناس الحلوةاللي راحت
مبروك للاستاذ احمد وبالتوفيق الكتاب

wanda
-------

مساء و صباح الهنا يا ون ونو

لا كسوف و لا حاجة يا حبيبتى
انا عارفة انشغالك
و الأصطبحات تحت امرك ف اى وقت و مزاج تنقرى و عقبال كتابك انتى و كتب كتابك كمان
************************************
و ××××××××××××××××××××××××××××××××××





كفاية طيبة
-----------

بيتهرجى يا كفاية ؟!!!!!

كنتى موجودة ؟!

يا ألف خسارة

ان شاء الله تتعوض
بجد كنت هفرح قوى
طب لو جت فرصة تفرحينى لو سمحتى متتأخريش ...ماشى ؟؟

الف شكر يا حبيبتى




مصطفى ريان
----------

أزعل انا دلوقتى و لا مزعلشى ؟؟

يعنى انا كاتبة بوست نشرة اخبار من قبلها و مسيحة ف البلوجر كله و انتا تقولى مكنتش اعرف ؟!!

اوعى تكون مبتقرش بوستاتى بوست بوست يا واد ؟!!!!!
ماشى ماشى
طييييييب

طب بكرة التبرع بالدم
قول مكنتش اعرف بقى
عشان تنضورب
و تتعور
و تخر دم ع الفاضى
بدل ما يتحط ف اكياس
هه


عقبال كتابك التانى يا صفصف
ان شاء الله
و اكتبلك بوست فرحان زى دا

ان شاء الله قريبا


خالص ودى يا الطيابة ذاتها



blackshwak
----------

نورت يا فندم

إرسال تعليق