.

.

ســــبب مـنـطـقـي  

Posted by: فاتيما in




يا حبيبى أنا و أنت
لم تجمعنا صدفة فى هذه الحياة
فبالتاكيد هناك سبب ما ... منطقى
يفسر معنى وجودك الطاغى فى أيامى
مثلما لطلوع الشمس على الأرض
كل صباح ... هدف و ضرورة
انت يا حبيبى وجدت
لكى فقط تُحب
و لكى تُدلل حتى آبعد مدى
و لكى تتمنى علىّ جهراً و صمتاً
و لكى تأمرنى ..فتُطاع
اما أنا يا حبيبى
فقد ولدت ...لكى أهواك
و لكى أضمك لقلبى كطفل وحيد
إغرقه فى بحر حنانى و حبى
و لكى لا أقل معك
سوى كلمة نعم .. دائما





ما أسعدنى بك
متربعاً على عرش البهاء
مترفعاً ..متمنعاً
عصى الإنحناء
مقبلاً على الحب كناسك
كأن مهرى صلاتك
كيف لى .. أن أكون
فى كل التراويح روحك
كى فى قيامك و سجودك
تدعو ألا أكون لغيرك؟
أحلام مستغانمى



----------------------------


This entry was posted on الثلاثاء, يونيو 01, 2010 and is filed under . You can leave a response and follow any responses to this entry through the .

21 كــــلام بيطــبطـــب عـــلى قــــلبى و روحــــى

فاتيماااااا :)

إيه الكلام الحلو ده ..

بجد إبداع راقي كتير

وكلمات عميقه كتير كتير ...

تسملي ياأحلى فاتيما ...
وربنا يخليكي لينا
... ;) ,,, ;) ...

فعلا لكل شئ سبب منطقى فعلا الفرح له سبب والحزن له سبب وطالما إحنا مؤمنين إنا ربنا جعل لنا كل ده بأسباب ونحمده عليه أكيد هيجازينا خير إن شاء الله

وحشتييييينى أويييييييات كتييييييييير

دمتى بكل الخير والحب والسعادة

سيدي ياسيدي.... وش بيغمز..
ههههههههههههههه

رقيق اوي اختيار الكلمات وترتيبها...


تحياتي..

احساس الامومة احساس عظيم

انا ببقي مبسوطه وانا بقرا ليكي لان في النهايه بلاقي حاجه حلوة قوي وكمان بلاقي حاجه بحبها لاحلام مستغنمي

متردد جدا اني اقرا لاحلام مع ان الكل بيشكر لي فيها

فعلا مفيش صدف
فيه قدر

منورة ديما يا قمر :-)
شايفانة من المشربية انا بشاور اهو و بعمل باى باى
ادعيلى ربنا يوفقنى و التاريخ ميقلبش جغرفيا :-)
:-****************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ربنا يخلي لكي كل أحبائك ..
وما اجمل وجود شخص ما في الحياة نعلم أنه يحبنا بشده كبحب فاتيما للشخص المذكور .

وعلي فكرة أنا بقرا شعر علي قدي .. بس لحد دلوقتي مقترش لأحلام مستغانمى

كده شوقتني لإني اقرالها لأن الكلمات رقيقة

ويارب لا يحرمك من أحبائك .. ولا يحرمهم منك دنيا وآخرة .

بس تعويد المحب علي نعم .. في كل حاجة صعبة شوية يا فاتيما .. والا في يوم ممكن ننجرح منه .. أي كان برضوا طفل - من الأسرة .. زوج ..

تحياتي لكي

أولا يا بخته

ثانيا دا ابن محظوظه

ثالثا سبقك الشاعر العظيم حين قال في معرض معلقته الشهيره والنبي على قلبك دلعني

رابعا بئا جتنا نيله في حظنا الهباب

دا مش أر لا سمح الله

بس يعني يمكن اللي بالي بالك تحس على دمها شويه

ما تعليمها يا طمطم ينوبك فيا ثواب

اخوكو متنيل

ايه الجمااااااااااال دا يا مفتريه يا جباره هههههههههههههههههه

دانا لو حد قالى كده اطلع اجرى فى الشارع

ههههههههههههه

جميل اوى يا تيما اوى عمر ماكان احساس الحبيب بعزة حبيبه غرور من الحبيب وعمرو ماكان تدليل الحبيب هبل وعمر ماكان اعطاء الحبيب وضعه خيبه
دا احساس بالعزه فى الحبيب والسعاده بالحبيب والعشق للحبيب

اااااااااااااااه ياختى ياتيما

وحشتينى اوى ياست انت وحاسه انى بقالى كتير ماشوفتكيش شكلى هاخدك ابر بعد كده ههههههههههههههه

يسلم احساسك الجميل

معلش هاعلق تانى
بس لازم اشكرك على النوت الجميله اللى بتشير للبوست بتاعى
بجد متشكر جدا

مشكلتى عندما اقرا بوست ويعجبنى مش باعرف اعلق وباتلخبط

البوست على بعضه جميل جدا جدا
بس لفت انتباهى حاجتين
اولا عنوان البوست لفت انتباهى بشده وعاجبنى جدا

ثانيا الجزء دا عجبنى جدا وهاقولك ليه

و لكى تتمنى علىّ جهراً و صمتاً
و لكى تأمرنى ..فتُطاع


تتمنى على جهرا وصمتا
حلوه اووووووووووى
اول مره اسمع التعبير ده
ان الامنيات تكون كالاوامر لابد من تنفيذها حتى ولو لو تجهر بها
والدافع شده الحب

وصلنى احساس ان البوست موجه الى يوسف - ربنا يفرح قلبك بيه- ولا اعلم اذا كان هذا حقيقى ام انه تعبير عن حاله الحب بشكل عام وليست الامومه بشكل خاص - انتى ادرى

تحياتى يا فندم
سلمت يداكى

يا جمالك يا فاتيما :)
بحبك جدا
ربنا يسعدك ان شاء الله

الله

حلو اوى البوست الى بيقطر رومانسيه دى

منتهى الرقه

ومنتهى الدلال


دمتى فى روقان


تحياتى

فاتيما
البوست ده ما أتكتبش مره واحدة
واضح يعني إنه إتكتب جواكي على مراحل
البوست ده حروفه و كلماته إتجمعت جواكي نقطة نقطة لغاية ما أتملت روحك بالمعاني دي كلها
وإتعتّقت في قلق و خوف و توتر الإحساس بالحب ، لغاية ما جت اللحظة المناسبه
إللي فيها أكّد اللسان صدق المشاعر
ورحتي مفجراها مره واحدة ، البوست ده فصير ، لكن أنا متأكد إنه أطول بوست أخد مده علشان معانيها تتنسج غرزة جنب غرزة و تعمل توب دافي يضمك إنتي و هو مع بعض و يداريكوا من عيون الدنيا و برد الوحدة
أنا مرّيت بنفس التجربة مع بوبو ، لما كنت مستني ردها على عرضي ليها بالزواج ، أيام و شهور و أنا بأكتب جوايا في قصيدة واحدة ، قلتها و سجلتها أول ما قالت لي إنها موافقه
بجد أنا فرحان جدا
KING TOOOT

ماشى المزاج عالى و المشرابية جايبة طراوة و هواء بحرى لسه شغال :-)
اذا اجازة من الصبحيات
بصى هو علشان ان مبسوطة فحسامح :-)
و الشعر بتاع على سلامة حلو قوى
غريبة اول مرة اقراله حاجة فيها احساس رومانسية :-)))

:-*******************************************

مش مجرد كلام

دا احساس دافي نابع من منبع الحنان

بحبك

و لكى لا أقل معك
سوى كلمة نعم .. دائما

وهو الي بيحب بيعرف يقول غير نعم برضو؟

وش بيغمز بعينتينه الاتنين

:D

جميلة .. في ثوب براءة طفلة .. في حبك يا فاتيما

وحشتيني

كتييييير

تحياتي لقلبك

سارة

احلام احساسها جميل :)

اختيار رائع

تحياتي يا جميل :)

لكل حدث فى حياتنا سبب منطقى ، بداية من الأحزان (بعدها الله عنك و عن قلبك ) وصولا لأجمل أحساس نمر به ، أهم شيئ أننا نقتنع بهذا السبب المنطقى و نتمسك به لأنه لولا أنه منطقى ما وجد بحياتنا من البداية .
ما أجمل أسبابك المنطقية و أحاسيسك بها ، تمسكى بها ولا تفرطى فيها مهما حدث .

إرسال تعليق