.

.

فيها عـــود  

Posted by: فاتيما in


العواااااف عليكم

تانى و لا تالت موجز ... مش فاكرة

مع
كم فاتيما
ام يوسف
من قلب البلوجر
و معايا شوية اخبار
حلوة ان شاء الله


بس الاول
قل
اعوذ برب الفلق
عشان الحسد
انا حطيت عين زرقة اهو


اصل البلوجر فلق الحجر
دا مثل روح قلب مامى ب
حت
وياك
ش حد يلطشه


احم احم
المخرج بيشاور و يقولى
لخصى
و انجزى



طيييييييييب


-------------------------------------------------



الاول نرقع زغروطة افتراضية متينة
لوووووووووووووووولى

لست العرايس
سكرة هانم المسكرة


حتة السكر اللى تحلى المحيطات
خلاص هتتجوز و العهدة على
لولاّ
صيدلانية طالعة نازلة

دوس هنا


الف مبرووووووووووووك يا سكرتى
و ربنا يسعد كل ايامك يا رب
و يعوضك الخير
و عايز
ين عيااااال تملى المدونة بتاعتك
و تتنطط من
بوست لبوست

و عقبال باقى بنات المدونات
ف البلوج سبوت و اخوته
و براه كمان .
.يلا



آه
التورتة دى للفرجة
واياك حد يمد ايده
.. عنهرج و لا ايه؟

----------------------------------------
فاصل و عدنا

لنواصل



فيييين ف شهر يناير اللى ف
ات
و بوست تجلى من بتاع اختكم
قال حطيت توقعات تدوينية
لبعض الأحباب
و كان منها ان المراكبى هيعزم
نا
على حفل توقيع كتاب جديد
و نبع الحكمة م
كدبش خبر

و المولود الجديد أهو
بكل تفاصيله

دوس هنا
الف مبروك و عقبال الكتاب المية
و الطبعات التى بلا حصر
يوم السبت 26 ا
لجاى
علطول

فى مكتبة حنين بجاردن سيتى
هستناكم
عشان نشارك كلنا ف الفرحة دى
الف مبروووو
ووك
يا نبع الحكمة الصافى
و كدا مش علينا
واحد
دول بقوا اتنين دلوقتى سعادتك
و ربنا يزيد
و يبارك
يا رب

-----------------------------------------------


و على ذكر العزومات
و المناسبات
الحلوة
اختكم

بت خيخة و أى كلام
بتدعوكم للمشاركة بقلب

فى الحملة الخيخية للتبرع بالدم

المعاد ؟
الجمعة 2 يوليو ف المصل و اللقاح
اللى
ف الدقى و التفاصيل كلها
دوس هنا
جزاك الله خيرا يا نوران
و يقعدهولك

ف شيكو شريف شكشوكة

يوم الجمعة معادنا هنستناكم
و متتأخروش
على فعل الخير


-----------------------
---------------------

و بمناسبة الخير
فالاخبار الحلوة تأتى تباعا


والدة اختنا عاشقة النقاب
رجعت البيت
الف حمدلله على سلامت
ها يا نونو
دوس هنا

---------------------------------
----------------






و الناجح يرفع ايده

ارفعى ايدكى الأتنين لفوق يا كيكى
و طلعى كل اللى ف جيبك و شنطتك
و من سكااااات
ومن غير مطاوى و لا حاجة


يا لهووووووووووى
اخيرااااااااااا
البت كيكى عوو
وووووووووو
نجحت
آه و ربنا و انا مش واخدة بالى كدا
بوست النجاح دا طلع امتى يا بت ؟!!
انا اسفة ع التاخير
والف ديشليون مبروووك يا حبيبتى


اخيرااااااااا اتخرجتى
و محدش له عندك حاجة
انتى اللى ليكى عندى شكولاتية محترمة
هدية النجاح
الف مبرووووك يا كيكى

دوس هنا



---------------------------------------------------------------




و البت الطعامة نيفين صباح و مسا
فى إنتظار مولود جديد

ربنا يرزقك بيوسفك يا نيفى
و يتملك على الف خير

الف مبروووووووك
يا حبيبتى

دوس هنا

-----------------------------------------------




كمان عيد ميلاد سعيييييييد

كل سنة و انتى طيبة يا ساسو

---------------------------------------------------

و اخيرااااااااا



عشان اخرعكم زى ما اتخرعت
بوست عجب
عند الواد زيكااااا بوست رجالى
آل مقاس 36 آل
و هو اللى
قايل و النبى مش انا

دوس هنا

-------------------------------------
---------



وكمااااااااااان
بوست تانى
عند احمد سعيد عنبر العقلاء
للنغبشة ف العقل و القلب

دوس هنا

---------------------------------------------



يوووووه شوفتوا
كنت هن
سى
فيه لقاء تدوينى ترفيهى ف راس البر
تفاصيله و المعاد و الصور و كله
عند
ليساندرا الرقة ذاتها

دوس هنا

-------------------------------------------------

يا لهوتينىىىىىىى


نفسى انقطع
خلااااااااص


بس قبل ما اختم
الموجز الطوييييييل


متنسوش تدعوا
للبناتيت القمرات
هند
مانوسة
كركبة دماغ

و كل اللى زيهم

و ذلوك بتوصية من

ستيتة حسب الله الحمش
ست السوتيتات
بإن ربنا يكرمهم ف الامتحانات
بتاعة
الثانوية العامية
و يهد القوى ... قولوا انشالله
استنوا
بقوا تلات بنات و ولد
انضم لعقد العيال المبتلاة بالإمتحانات
ابن اختكم
دودو
ادعوله بالإسم هوه كمان





و كمان متنسوش تدعوا
لأختكم الطيوبة
جيجى و العالم



----------------------------------------------


كلمة ف الآخر بقى
------------
مش ملاحظين يا عيال
ان الحمدلله ربنا بيجمعنا دايماااااا
ع الخير


يعنى ف افراح
و مناسبات خاصة حلوة

و اعمال خيرية
و تبرعات

و حتى ف الازمات
بيجمعنا سوياً ف الدعاء ؟



طب مش دى
نعمة
و تستحق الشكر ؟


يتهيألى ذلك

و كمان يستهيألى .. ان عين الحسود
لازمن و لابد
يبقى فيها عود
عشان افراحنا كتير
و ربنا يزيدها كمان و كمان



اشوفكم دايما على خير
و ف الخير

يا احلى صحبة و ناس و عالم
افتخر انى منهم





الغنوة دى
للعروسة الننوسة



This entry was posted on الأربعاء, يونيو 23, 2010 and is filed under . You can leave a response and follow any responses to this entry through the .

37 كــــلام بيطــبطـــب عـــلى قــــلبى و روحــــى

أستاذة فاتيما مامت يوسف (:

الله اكبر نمسك الخشب

سميت أهو الاول (:

طبعا الف مبروك للعروسة ويتمم على خير و دى المرة التانية انا باركت عند صيدلانية (:

و مبروك للمراكبى لتانى مرة برضة (:

بالنسبة لموضوع خيخة انا قلت برضة عندها فى المدونة لو كنت فى القاهرة هأجى أن شاء الله

و صباح ومسا ربنا يقومها بالسلامة دى اول مرة ابارك (:(:

ساسو كل سنة وهى طيبة و هروح عندها اقولها فى المدونة

اللقاء ده لو كنت برضه فى القاهرة هينفع اروحه ولا لأ

و يارب دايما متجمعين على الخير يا رب

و عين الحسود فيها عود (:

والبلوجر فلق الحجر (:(:(:

دايما مجمعانا فى الخير

وربنا يخليلك يوسف (:

الف مبروك للجميع

ربنا يتمم لكل على خير

ويارب يا تيما ديما كل الافراح والحب والهنا عند يارب ديما

عقبال مانفرح برجوع يوسفى ونفرح بيكى يا عروسه التدوين كله

ربنا يفرح قلبك يارب

الف بوصه ومليون فعوصه

بحبك ياست انت

ياااااااه
ماشاء الله
اخبار سعيده وجميله ربنا يديم المحبه والفرح
ايوه كده خلينا نفرح ونفرح غيرنا
مبرررررروك لكل الاحباب على الزواج وعلى الكتاب وعلى المولود ونقول كل سنه وانتى طيبه يا ساسو وربنا مع كل اللى فى الثانويه العاميه ربنا يكرم الجميع والكل يتشارك فى فعل الخير
وديما يارب نلتقى فى الخير
تحياتى يا ام يوسف

احم احم
انا المتصلة واندا ...
انا بتابعكم من زمان و الله
و بموت فيكى يا فطوم و فى تسريحة الطرحة و الشياكة و الحلاوة و ..
و عندى تعليق لو تسمحى

:-))
يعنى انت بتبعتينا لكل التدويانت ديه
حاضر يا ستى نخلص الطبقين و نحضر المهلبية و نقوم نزور :-))))

بس لحد ما نخلص امانة عليكى توصلى
1- مبرررررررررررررررروك لسكرة
ربنا يجمع بينكم على خير لاخر العمر

2- مبروكككككككك للمراككككككبى على الكتاب الثانى و عقبال الباقين من الكتاب و الكتب

3- ربنا يزود الحديد فى دمكم و محدش يترفض و يكرم بالخير

4- الف حمد الله على السلامة على الشفاء و العودة

5-الف مبروك و ربنا يتملها على خير

6- عيد سعيد لساسو
بس ساسو مين ؟

7- و 8- الرد المناسب عندهم بقى متوصليش حاجة عنك :-)

9- راس البر طراوة صحيح انتم نحتاجينها ربنا يوفق

10- ربنا يوفق كل ممتحن

خلاص خلصنا
استنى استنى متقفليش الخط
و سلامة للاهل و الاصحاب و الجيران
و لخالتو و عميتو و ابن عمتى مرات خالى :-))))))))))))
و نبلغكم .......................................
ت ت ت ت ت ت ت ت ت ت ت ت ت ت ت

:-( الخط قطع :-(

يا موجزاااااااااتك يا بطوتي ايه ده نفسي اتقطع بجري ورا الاخبار انا كمان مش تنزلي بفاصل

الا اتضح انه له فايدة

مبروك للسكرة بحر الحياة الف الف مبروووووووك

بارك الله لكما وعليكما جمع بينكم في الخير

---------------------------
ألف مبروك لأستاذ أحمد علي الكتاب الجديد عقبال مجموعة الأعمال الكاملة يارب

--------------------------

التجمع الخيخي إن شاء الله ربنا يكتبلي نصيب واحضرة وان شاء الله في ميزان حسنات كل الحضور

------------------------

ألف حمد الله علي سلامة والدة عاشقة النقاب
ربنا يتمم شفاها علي خير

------------------------

ألف مبروك لنيفين ربنا يتمم لها علي خير يارب ويرزقها بالذرية الصالحة يارب

-----------------------

البوستات بقي هاشوفها علي رواقة بعد مافوق كدة

----------------------

الناس اللي في زنقة الثانوية العامة ربنا يفك أسرهم علي خير

ويسهل إمتحاناتهم ويكتر درجاتهم ويرفع مجاميعهم ويبعد عنهم وزير التعليم آآآآآآآمين يارب

بعد السلام والمرحبة ..
وبدون شتيمة ولا ضرب
انا عارف اني طلعت ندل عشان مسألتش علي الغيبة ..
بس والله اليومين اللي فاتوا كنت اشتغلت مندوب مبيعات قد الدنيا بشهادة البكلوريا في الحاسب والتدريس .. عموما فارجو ان تغفري لي ذلتي .. ولو هتضربي ارجو انك متسببيش كدمات .. زي الشرطة .

ثانيا ألف مبروك للصحة والجواز والمواليد اللي جاية والكتاب اللي انا نفسي اعمل واحد عند سن 23 سنة .. وطبعا قاعد اتللك ..

ثالثا سلام كبير للسيد المحترم المجبل عظيم الشان يوسف روح قلب ماما ..

خامسا وسادسا ورابعا مش موجودين .

سابعا .. ربنا ينجح الطلبة والطالبات وينجيهم وانا عارف ان بعض افكاري بتختلف مع بعض المدونين بس هذا لا يفسد للتدوين قضية .. واحدة بواحدة .. واياك حد يلطشها بقا .. هيه مليش دعوا .. سلام الا حين كتابة بوست عن اللي قابلته .

عارفة انى بعتل ميل قبل ما اشوف الريدر عندى كنت قلقانة عليكى مووووت
ايه الغيبة دى
بس الحمد لله انك بخير يا طمطومتى
انتى جميلة والاخبار من عندك كلها جمال وخير
مبرررررروك للحبايب كلهم ويارب دايما نسمع الجميل منك يا طمطم ياحبيبة قلبىىىىىى
وحشانننننننننى وبحبببببببببببك

وعليكم العواف ورا مطبل وهات يا رقص

يعني عروسه

وعيال


وشفاء

أحمدك يا رب

وكمان مقاس سته وتلاتين لأ بئا دي زاطت أوي

تقومي بعد كل دا تاخدي دم العيال!!!

طب دا كلام؟

الف مبروك يا طماطم
بصي انتي اللي سكره وعلشان كده شايفه الدنيا حلوه

بحبك اوي يا طماطم ...مممممممممممووووووووووووووووووووووووه

تحياتي

ربنا يجعلك زخر للمدونين
ودايما كده داله علي الخير
وعلي كل حاجه حلوة....
سلام يا قمر

السلام عليكم

ليها حق زهرة تهديكي قلب كبير فأنت بالفعل تستحقينها يا ذات القلب الكبير ..

ربنا يفرح قلبك

الف مبروك وربنا ينجح الجميع ويبارك في عمرك يارب بعون الله هحضر التبرع بالدم واذا لقاء راس البر اتاخر ليوم 10هحاول باذن الله احضره
احبك في الله

ازيك يا طمطومة يا قمر
ادى المذيعات ولا بلاش
بس نفسى فى حتة تورتة لو سمحتى
عاااااااا

الف مبرووووووك لسكرة هانم ربنا يتمم لها بكل الخير يارب
والف مبروووووك لاستاذ احمد القاضى عالكتاب الجديد ربنا يجعله قدم الخير عليه يارب

والف حمد لله على سلامة مامة نونو عاشقة النقاب ربنا يتمم شفائها على خير يارب

وربنا يعينكوا ويقدركوا فى التبرع بالدم ويجازيكوا كل خير

كل سنة وساسو طيبة وبكل الخير
وربنا يقوم نيفين بالسلامة يارب ويبارك لها فى وليدها

وربنا يوفق هند ومانوسة وكركبة دماغ وكل اللى زيهم فى الثانوية العامة يارب


المهم هتيجى راس البر ؟؟؟؟؟؟؟؟؟
اختر الاجابة الصحيحة :
1- نعم
2- بلا شك
3- بالتأكيد
4- جميع ما سبق ان شاء الله

هههههههه
وحشتينى يا طمطومة
منتظرة اجابتك

تعرفى يا طمطم

انا بحس انك ام الدنيا
لانك بجد بتدى الحنية لكل الناس وبدون مقابل وكلك خير ومراعية ودفا

نفسى بجد نشوفلك لقب حلو يليق عليكى ونعمل استفتاء ونختار منه

انا والله بدخل عند الناس كلها اللى عندك ف الريدر كل يوم وبقرا حاجات كتير من الصبحيات اللى بتشدنى انتى عارفة السياسة بتجيبلى كرشة نفس وبقرف قوى قوى قوى


المهم يا نبع المحبة والخير
أدام الله وجودك ف حياة الكل
وحاباكى الله بحب الأخيار (من الخيار طبعا) اه نسيت

الواد يوسف والواد عمر بيقولولك ان البشاكير جميلة قوى وكل لما واحد فيهم يتكلفت ف واحد اقعد ادعى للى جايبهم واقول ربنا يستره دنيا وآخره

الواد يوسف أفندى بياخد دروس سباحة من اول الشهر ده ومكنش فيه أحسن من البشكير النبيتى علشان يتكلفت فيه وهو خارج يترعش من البسين

أما عموره فحدث ولا حرج تلاقيه عايم جوه البشكير التركواز وعماله يتقلب يمين وشمال علشان يبان من جواه

تسلم ايديكى يا غالية
وسلمتِ من أى سوء

بس خلاص
العواف
هبة

*************
مبروك للناس الحلوة اللى بتضحك بين سطورك

والله ياتيما نشره الاخبار بتاعتك دى زى السكر

ربنا يوفق الجميع يارب

اه
نسيت اقولك
انا كمان عندى ثانويه عامه
:((
وحياتك بقالنا اسبوعين شايفين الويل وضلام الليل ....ربنا يسامح اللى فى بالى بقى
ماتنسينيش وانتى بتدعى ياطم طم

مبروك للجميع وربي يديم الافراح دائما ان شاء الله
شكرا لك على هذه الفكرة والمجهود لجمع كل هذه الاحداث في بوست واحد فأنت سباقة للخير دوما
تحياتي وودي

بسم الله ما شاء الله
ربنا يزيد ويبارك
ربنا يسعد ايامك وايام كل الناس


حصوة وعود وعيدان وتراب كمان فى عين الحسود وفى عين اللى ما يصلى ع النبى

مبروووووووووك للجميع

ربنا يتمم بخير

وربنا يكرم الجميع في الثانوية العامة


تحياتي

الف مبروك للجميع
وربنا يديم المعروف ما بينا جميعا
تحياتى

مهندس مصرى
----------


:))))

عقبال
بوست
فرحك
يا محمد







richardCatheart
---------------

الله يبارك فيكى يا قطاقيطو
عقبال ما اكتب اخبار حلوة عنك انتى و العيال و الحاج يا اااارب
بوسات
و حضونات
و فعصات

انا كمان بحبك و الله






Ramy
----

انا قلبى ابتسم يا رامى
اول ما قريت تانى سطر ف تعليقك

انا قريت اسمه كله قبل كدا ف بوست عندك ..فإستغربت و اتاخدت شوية و قولت الله ..الجدع دا مش تبعنا ؟!!!

بيقول الله اكبر و يسمى ؟!!!
و بعدين افتكرت بوست الادعية و الترانيم
و قولت آه عادى يعنى فيها إيه؟؟!!

و بعدين ابتسمت قووووى من قلبى


كلك ذوق يا رامى
و اتمنى بجد اننا نشوفك فى أقرب فرصة
فى اى لقاء تدوينى عشان انتا شكلك من الناس اللى معرفتهم تشرف بجد


و عقبال ما نكتبلك اخبار مفرحة انتا كمااااان و ابقى قولى بدل الله اكبر عندنا بتقولوا ايه اهو نباصى لبعض المعلومات التاريخية دى

:)

نورت






mrmr
----


انا فرحانة انك فرحانة يا مرمر
ميرسى ليكى يا فندم
و نورتى






wanda
-----

احم احم انا كمان
بتحرجونا بأخلاقكم دى يا جمهورى الحبيب .زو نعمل ايه بقى ف الحلاوة و الشياكة مش بإيدنا بقى ..
منتهى التواضع أهو


قولتا ساسو مين و حطيت لينك يا فندم و مشكرين على انك نبهتينا يا قمر


بخصوص الصباح بتاع التخاريف
جلال عامر كان يقصد ان الجمعية الوطنية بتاعة التغيير مش واصلة لرجل الشارع قوى و اهدافها غامضة و تحركاتها كمان فاللى يسمع لفظ جمعية يفتكرها جمعية بين موظفين و بيتفقوا مين اللى هيقبض الاول و التانى و كدا


و خط ايه اللى قطع
ما عاش اللى يقطع عليك الخط يا فندم
دا السويتش كله تبعك


********************************
********************************
و ××××××××××××××××××××××××××××××
××××××××××××××××××××××××××××××××

عقبال ما اكتبلك خبر النجاح

و الرجوع بالسلامة
و الجواز
و العيال

يااااااارب





ميرا (وومن)
----------

الفواصل كانت هتطول البوست يا ميراااا فقولت نفوتها النوبة دى

عندك كام لقاء اهو و نشنى على اللى هيتوافق عليه من البيت و المهم نشوفك و عقبال يا حبيبتى ما اكتبلك الخبر اللى ف بالى و توقعاتى ليكى تبقى زى توقعات المراكبى تمام و تتحقق و تلبسى الطرحة على آخر السنة دى بالكتييييير


بوسات و حضونات
يا ست البنات

MR.PRESIDENT
------------

اولا يا بسام
محدش يستجرى يشتم و لا يضرب
و لا يقول ندل دى خالص

ليه بس كدا ؟!!

ايه حكاية مندوب المبيعات دى هروح اشوف البوست اللى انتا كتبته و اعرف


ان شاء الله سلامك يوصل ليوسف
عما قريب

و عقبال ما اكتبلك اخبار مفرحة و طيبة زيك يا بسام

انتا بجد حد طيب قوى
و يبدو ان دا مسببلك احباطات ع الدوام و مشاكل و لو خافتة بينك و بين نفسك

ربنا يسعد كل ايامك و يوفقك


تحياتى و خالص ودى ليك




مى
---

متقلقيش عليا يا مى
انا بخير الحمدلله
و ردينا ع الأيميل يا فندم
و عقبال ما اكتبلك الخبر السعيد
بس انتى قولى ذيع و انا اذيع علطول

بوسات و حضونات





مصرى جدا
---------

يا لهوى

اخد دم العيال!!!


مصاصة دماء قصدك
و لا أيه؟؟



مش انا و النبى
يا سنيور هانى

دا المصل واللقاح سعادتك


و بعدين احنا عمالين
كل شوية نذيع ف الاخبار
و لا بناخد ابيض و لا أسود
ف البلوجر دا

تقولى كدا برضك !

آل اخد دم العيال آل




قتاة من الصعيد
---------------


انا كمان يا فاتى
بحبك قوى
و نفسى اشوفك مرة بجد
و عقبال ما اكتبلك اخبار حلوة انتى كمان عن قريب


بوسات
و حضونات يا حبيبتى






البنفسج الحزين
--------------


زخر ..يا لهوى يا بنفسجاية
ايه الكلام الكبير دا ؟؟؟

مش قده انا خالث مالص بالص
ميرسى يا حبيبتى
كلك ذوق






جنى
---

و عليكم السلام يا سعيد
شيماء كلها ذوق
و رقة الفنانة
و الشاعرة
و الانسانة الدجميلة قبل كل دول و دايماااا واخدة فيا قلم
و مدلعانى

كلكم الصراحة
مش هيا بس

و ربنا يخليكم ليا
يا رب

وكل الود ليك
من
اختك فاتيما
يا جنى

أستاذة فاتيما مامت يوسف اللى نفسى اشوفة

انتى عارفة ماما بتحب اسم يوسف دة جدا و بالرغم من كدة انا واخويا مسمناش يوسف (:(:

عارفة برضة يمكن الكومنت بتاعك دة جه فى وقتة انا كنت فى حالة نفسية سيئة جدا

لأن المدونين كلهم زعلنين اليومين دول اللى قفل المدونة و اللى هيقفل بسبب ناس معندهاش دم و ناس اخواتى زعلانين بأمانة صدقينى انا منمتش انبارح

الكومنت بتاعك خلانى متفائل شوية فى الجو دة

بجد انا يمكن اكون بعيد عن الناس و يمكن اكون جديد فى التدوين بس انا من النوع اللى بيحب الناس بسرعة ممكن دة يكون غلط بس معرفش اتغير خلاص (:(:

انا بعزكم جدا جدا جدا

شكرا (:

عاشــــــ النقاب ـقــــة"نونو"
--------------------------------

الله يبارك ف عمرك و عمر ماما يا نونو

بجد ؟!!
جاية التبرع ؟!!

دا خبر هااااااايل
عشان اخير هشوفك يا حبيبتى

و انا كمان بحبك قووووى







حاجات جوايا
------------

الله يحظك يا سالى
ضحكتينىىىىىىىىى يا حبيبتى

حلوة قوى الإختيارات دى
فكرتنى باجابات
الأستفتاءات الرئاسية ف دول العالم التالت الحلو بتاعنا
لما كانوا بيقولوا
عاوز الرئيس دا يقعد
اجب ب

1- نعم
2- ايوه



بصى يا سالى انا كمان نفسى بجد آجى بس الحاجة عندها مشوار و انا أجلته اسبوعين عشان المراكبى الاجازة دى و التبرع بالدم الاجازة اللى بعدها فمينفعش اقولها نأجله كمان ...بس هحاول و الله على قد ما أقدر و اشوف و اتابع انتوا استقريتوا على يوم ايه و تأكدى ان لو ف ايدى مش هتأخر عنكم ابدااااا


بوسات
و حضونات
يا حبيبتى
و ان شاء الله يبقى يوم و لا أروع





Doba
-----
لا ألقاب و لا حاجة يا دوبى

كفاية عليا اكون وسطكم
و تستحملونى بعيوبى و تحبونى بكل ما فيا دا مش شوية


انا كتييييير قوى بحس انها نعمة
انك تعرفى توصلى محبتك لشخص ما
و يستوعبها كدا
و يحس بيكى هوه كمان .
.
و بحس ان الإستيعاب دا هنا
حاصل من الطرفين
انا و انتم

و دى مش قليلة اطلاقاً
و ربنا يديم الود بيننا
يا رب


انا تقريبا كنت هعيط
لما قريت حوار البشاكير دا

بجد تخيلتهم
و فرحت قوى
تعرفى حسيت بإيه؟؟


انى حضنتهم


آه

ربنا يحرسهمولك
و يخليهمولك يا دوبا

و عقبال ما اكتب
اخبار مفرحة دايما عنهم
و عنك
و عن يحيى


سلميلى على ماما قوى
و بوسيلى روحك
بوسات كتير
و حضونات
يا ميس






دودو
----

يا حبيبتىىىىىىىىى

الله يكون ف عونك

خلاص نضم الشوباب بتاعك للبوست
عشان الدعوة تبقى بذمة

و ربنا يسامح اللى ف بالك

ليه الطيبة دى ؟؟

ربنا يهده يا دودو
طب بلاش
نحسبن عليه حتى
و مش هيبقى حرام و لا حاجة


اما بالنسبة لأبنك الجميل
فان شاء الله ناجح
و متفوق
و محقق كل احلامه
يا رب






خواطر شابة
----------

عقبالك يا خطورتى
عقبال افراحك يا رب
و ساعتها هعملك موجز لوحدك مخصوص
يا حبيبتى







sal
---

ميرسى يا سال
كلك ذوق
و عقبال ما نفرحلك دايما
و عين حسودك يبقى فيها عود






Haytham Alsayes
---------------

الله يبارك فيك يا هيثم

عقبااااالك يا رب

تحياتى انا اكتر





همس الأحباب
---------



الله يبارك فيك يا ابو همس
لو كان المعروف دايم بيننا
فالبركة فى ربنا و ف ناس زيك
لأنك من اهله الكرام يا خالد
و اساسى فيه
و بتخليه يكبر
و يستمر

خالص ودى يا غالى




محمود
----

اسفة
لو كنت ضايقتك
بس التعليق كان عجيب
و مستفز و طالما شخصى كدا
كان اولى الا تطلب نشره
طالما مش حابب حد يعلق عليه


بس انتا عندك حق
تدخلى كان سمج بالفعل

فبعتذرلك
و حصل خير

كركبة دماغ
----------

كراكيبو

طب انتى طلبتى التعليق ميتنشرش
بس مينفعش ارد
الا على الملأ
عشان اشكرك جداااا عليه
و على كل حرف فيه


ميرسى يا حبيبتى جداااااا

على كل الحاجات الحلوة
اللى قولتيها عنى
و ان كانت تندرج
تحت بند المبالغات
و الخيال العلمى احيانا
عشان اختك فاتيما اغلب م الغلب
و بس المقاوحة دى اللى مخلية ربنا نافخ ف صورتنا شوية

بجد تعليقك أثر فيا جدا
و خلانى فخورة
و سعيدة
و معنوياتى ف السما


الاسرار الحربية
فى الحفظ و الصون
و لا تكلكى


و ان شاء الله حظك
و قسمتك يكونوا احسن منى
ألف مليون مرة
و تشوفى م الدنيا كل الخير و بس
و لو شوية سخافات
ماشى
مفيش مانع
بس تفوت
و هتعديها
و ميهمكيش حاجة



انا مبسوطة بمعرفتك يا كراكيبو
و ربنا يكرمك ف الأمتحانات
و ف الجامعة
و ف الحياة كلها

انا زيك
ساعات كتيييير
بحس ان الكلمة دى قاصرة
و مبتعبرش عن واحد على الف
من اللى جوايا ...
بس لحين اشعار آخر
و حتى اختراع كلمة ازخم
و اغنى ..
نقولها
و آمرنا لله



انا
كمان
بحبك








Ramy
----


يا رامى
معلش الحالة دى عادية
و عاملة زى الموجة كدا
بتجتاح التدوين كل فترة
فتلاقى ناس جرفها الموج بعيد
و ناس فضلت


المفروض نسند بعض
و نتحامى ف بعض


معرفش تقصد مين
باللى هيقفل المدونة
و الناس الزعلانة


بس بجد
الحكاية عايزة طولة نفس
لأن العالم الرخمة
بتغلس علينا
و بعدين بيزهقوا
و يمشوا


اصل ببساطة كدا
المدونة دى عاملة زى بيتك
لو جالك جار رخم
و قرفك شوية
هتسيب البيت كله و تعزل ؟؟


و لا تصبر ع الجار السو
او تاخد موقف
و تطفشه انتا ؟؟


انتا مش بعيد
يا رامى
بالعكس اللى بتعمله دا العادى
او المفروض يكون العادى
الأنسان مخلوق اجتماعى صرف
ربنا خلقه عشان يعيش وسط الناس


انا حاسة انك شخص ودود جدا
و عشان كدا قولتلك
انك تبدو من الناس
اللى معرفتها خير و تشرفنا


و التدوين فكرته قايمة
على التفاعل مع بشر
متعرفهموش اصلاااا
و بتتقاربوا
او تتنافروا ...

و زى ما صدفة هتقع فى ناس بشعة
صدفة برضو هتلاقى ناس حلوة
المهم تطول بالك و نفسك


و اظنك شخص صبور
و بالك طويل
و لهذا انتا وسط اخواتك
و احنا كمان بنعزك



و متقولش شكرا دى تانى
فيه اخ
يشكر اخته ؟


فيه؟!!!


بتهرج ؟!!!


طب تعالى و النبى
ادى كورس للواد ماجد اخويا

اللى ما بسمعها منه
أبدااااااا
الا بالإبتزاز العاتشفى

آه

اجيبله مثلا شكولاتية
و احطها على الكيبورد بتاعه

يرجع من برا
يغير و يفتح الجهاز
و يقعد
اقول يا فاتيما
دلوقتى ينده عليكى
و لا ييجى اوضتك
يقولك شكرا



و لا الهوااااااااا


اروحله انا
اقف اتكلم معاه
فى اى حاجة
و استنى شكرا دى تطلع من بوقه
لا ننكن
متعرفش راحت فين الكلمة
على حدود السلوم
و راجعة مشى تقريبا


اتغاظ بقى

و اروح انا
قايلاها لنفسى بصوت عالى

ميرسى ع الشكولاتة
منحرمشى منك
يا اختشى يا حبيبتى
(دنا اللى بقول مش هوه)

يروح باصصلى بخباثة كدا
و يقولى طيب
موشكرين


ابقى عاوزة ارتكب حماقة
ساعتها بقى
و بعدين اقول بلاش
اخوكى الصغير برضو



كل مرة اجيبله حاجة
السيانريوم و الحوار دا
يتكرر طبق الاصل

بيغلس عليا
مجرم عتيد الإجرام
اخويا دا


فجاى انتا بعد دا كله
تقولى شكرا
يا رامى


اخويا و يقولى شكرا ؟؟


انا يتقالى شكرا


مش كويس
على نفساويتى كدا
هتآثر اهو
و اعيييييط

اهىء اهىء
عااااااااااااا


:)

(:(:(:(:

دة الشرف ليا انا صدقينى

بجد انتى رفعتى من روحى المعنوية جدا جدا

بطريقة لا تتخيليها

مش هقول شكرا

مش هعرف (((((:

شكرا اسف (:(:

ربنا معاكى ويوفقك دايما و يبعد عنك المود الوحش

يااااااااااااااارب

امين (:

ايوة
ايوة
زعلاونا وطنشونا وانسونا
وفى الاخر قولوا عطل فنى!!!
ماااااااااااشى ماااااااااشى
تصدقى بالله انك خلال الاسبوع الى فات ماغبتيش عن بالى اقول كدة برضة واقول فى بالى انا زعلاااااااااانه منها اوى ميهنش عليها تسأل عليا!!! كدة خالص مش بكلم ع فكرة ع بوست النجاح انتى بقالك فتره ذهبتى وماجتيش تانى انتى روحتى جبتى ورقة بوسطة ولا ايه؟؟!!!
ماشى ياطمطم
سماااااااح المرة دى لكن المرة الجايه لايمكن ابداااااا
انا عايزة شيكولاته كابرى حجم كبيررررررررر ساده
اه صحيح انا اول ماشوفت ارفع ايدك ياكيكى رفعت ع طول والله ياعم الظابط
وعارفة كمان حاجه غريبة ع اخيرااااا اتخرجت تصدقى لمة كنت بحلم بالبوست بتاع نجاحى قولت هكتب كلمتان الاغنيه دى!!!سبحان الله انا ماكتبتهاش وانتى جت ع بالك
لااااااااااا كدة اتنين كابرى حجم كبير ساده
مساكى سكر مكعبات
اموااااااااااااااااااااة
ربنا يكتر اخبارنا الحلوة دايما وتبقى كل ايامنا الوان منعنشه ومدندشه
كيكى الناجحه

ايه دة
معقول دة انا طلعت مت؟أخرة عن كوكب الارض ييجى 40 سنة ضوئية كدة

كل الكلام دة بيحصل من ورايا وانا محدش يدينى خبر
طيب نقول بقا مبروووووووووووووووووووك كبيرة اوى على كل الاخبار دى كلها ميتقالش عليها غير مبروك

وميرسى على الدعوات الجميلة اللى سمعتها دى
ويارب تتحقق بأذن الله
ويارب كتر من افراحنا

وعين الحسود يا حبيبتى فيها عمود مش عود بس

وحشانى مووت والله
ويمكن كمان نتقابل قريب محدش عارف
بوسة كبيرة و حضن كبير اوى لست الكل فاتيما


مساءك كله افراح

صباحك فيروزى يا ام يوسف يا قمراية
ميرسى يا فاتيما ليكى بجد انك افتكرتينى فى البوست اللى كلة اخبار جميلة وكل سنة والكل بألف خير يارب

والف مبروك ل سكره المدونين كلهم
وربنا يتمم ليها علىالف خير يارب

ونوفا حبيبة قلبى ربنا يرزقها بيوسف

وميرسى ليكى مرة تانية يا أرق فتومة فى الدنيا

على فكرة نسيت اقولك حاجة

بحبك اوى

بس لا مش من قريب يعنى لا والله بحبك من زمان ومتبعاكى من زمااااااان اوى

خدى بالك منك يا حبيبى

بقالى زمن مصبحتش مش كده
وش مكسوف
بس انا يا فطوم عملة زى الفرخة المهيسة من الدوخان :-(((
فعذرا انا بحاول ادخل كل ملحق و اقراء الاصطباحات

:-***************************************************************************************************************************************************

الا انت يا فطوم مش عجبك مولد السيد البدوى ليه ؟؟ شكلك ملكيش فى الحمص :-))

خليهم يظهروا و يقولوا احنا معاهم بس مش تبع حزبهم الوحش :-) و بالتاكيد احنا مش تبع البرادعى و ناسه :-)))))

و نعمل صورة الحزبين الى موجودين فى اغلب دول العالم ، مجرد صورة
و الباقى بقى هس

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

ازيك ياطانت
انا جيت ازور حضرتك
هكون مبسوطة لما حضرتك تيجى
مع السلامة

يا رب تفضل الاخبار الحلوة على طول
مبروك ليهم كلهم بجد

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

بصراحه ( ياام يوسف )

بوست لذيذ قوي واجتماعي قوي

يلا

عايزين اخبار من ديه كتير

يا نشرات اخبارك يا فاتينا ربنا يسعدك بحق جاه النبى وبدعيلك من قلبى والله
اما يوم 2 يوليو انا اللى حبقى محتاجه تبرع بالدم عشان دمى حيتحرق يوم 8 يوليو بالله عليكى يا شيخه تدعيلى لحسن انا داخله على حرب ومعمعه كبيره ربنا يا رب ما يحط يوسف فيها ابدا

بجد بجد

الله يسامحك على الصوره بتاعت الواد ده ، دا انا قلبى اتخلع والله.

يا بنتى ابقى نبهى قبلها او ابقى اعملى اى حاجه .
انا اساسا مش متعود على تبريقة اطفال.
انا متعود انا اللى ابرقلهم واخوفهم.
ههههههههه
بس الظاهر كما تدين تدان

عموما البوست جميل والاجمل اهتمامك باللى حواليكى بالشكل المرهق ده

تحياتى

Ramy
----

:)
:)
:)

ميرسى يا ر ر

يعنى


يا رامى
يا رقيق القلب








كيكى عووووو
------------

ايوه ايوه

استغلونا بقى أسوأ استغلال اكمننا اتعمشنا و مخدناش بالنا م البوست بتاع النجاح

معلشى يا كيكى
و الله بتحول اعملكوا ايه منتو كتير و ربنا يزيد و يبارك و مبقتش ملاحقة ازور الكل و اسيب تعليقات كمان
ساعات اعدى اقرى و بس


بلاش الكادبورى بيقولوا مش كويسة على السخصية و الصحة العامة
ينفع أى نوع تانى ؟؟

بس متحدفيش ع السويسرى و العنجليزى لحن معرفكيش ساعتها
و لا انتى اتخرجتى و افتريتى ؟؟!!


الف مليون مبروك يا كيكى

و عقبال ما نفرح بيكى ف الكوشة يا بت زى مكعبات السكر الحلوة بتاعتنا سكرة الجميلة ربنا يهدى سرها يا رب


بوسات و حضونات
يا ناجحات
و متخرجات





NeVeN
------


من وراكى دا ايه ؟؟
و لماذا كوتب البوست بقى ؟؟
مش عشان تعرفوا كل حاجة و لا غييه؟؟؟

الف مليون مبروك يا نيفى و ربنا يتمملك الحمل على خير و يرزقك بيوسفك قادر يا كريم
خلى بالك من نفسك و اديها كالسيوم بقى عشان يطلع عضاض محترممممم هتنفع الحكاية دى ف خناقاته مع اصحابه ف المدرسة اسألينى أنا


بوسيلى روحك و سلامى لماما الجميلة





ســهــر
-------

ميرسى يا ساسو
كل سنة و انتى طيبة يا حبيبتى
و اصلا بتشكرينى على ايه و انا مقصرة معاكى جداااااااا


ميرسى خالص يا حبيبتى

انا كمان








Wanda
-----


الاوووووووووول

وحشتينى ى ى ى


ثانيا

على مهلك يا ون ون و براحتك


و مليش ف الحمص دا بصراحة عشان معنديش تحفظات ع الوفد ف حد ذاته
عندى تحفظ ع الصحوة اللى لا معادها و لا وقتها و لا شكلها

الناس اللى عمالة تنضم لعضويته دى
على كل لون يا باتستة
توجهات متنافرة و منهم ناس تبع النوظام ..طب داخلين ليه
دا غير العالم الحرامية و العالم الهايفة و العالم المرتزقة و العالم اللى عاطلة عنالشغل و العالم اللى عمرها متكلمت ف السوياسة و هم ما يتلم ...كل دول اللى لمهم كدا سوا

دا غير بقى تصريحات الاخ البدوى نفسه
ثقة غريبة و مش مريحانى خالص
حاسة ان الوفد فى ثوبه الجديد مجرد نموذج كدا بيترسم و يتظبط عشان يبقى فى مواجهة الحزن الوتنى ف الإستنخابات الجاية اذا ربنا احييا الشعب يعنى و شافها ...مجرد منظر قصاد العالم برا ان فيه حزب قوى بينافس حزب السلطة
و هوه لا قوى
و لا نيلة

دا مسنود و بس

التصريحات اصلها مريبة
و الوتيرة ماشية بتسارع رهيب
و الناس موافقين مبيجوش جنبهم خااااالث
ف حين فيه احزاب تانية بقالها سنين بتجرى ورا امضا انهم يعملوا حزب
...طب مش غريبة دى ؟؟

و لا انا متهيألى ؟؟؟

جايز متهيألى


بس انا مش مرتاحة نفسويا للرادل دا بالمرة


بس كدا

******************************
و ××××××××××××××××××××××××××××

يا ونداتى الحلوة



TWEETY
------

اهلا يا توتة
ازيك يا حبيبتى
نورتى المدونات من تانى

و نورتينى انا اكتر







كلام من قلبى
-----------


الله يبارك فيكى
و عقبال اخبارك الحلوة انتى كمان





ام الخلود
--------

مش فاهمة بصراحة التعليق و لا فحواه
بس ماشى يا ام الخلود
ادينى نشرته اهو





ماجد العياطى
------------

ميرسى يا ماجد
كلك ذوق
و عقبال ما انشرلك اخبار حلوة انتا كمان يا فندم





سومه...مجنونة فى بلد عاقل
-----------------------

سومااااااااااااا

وحشتينى يا بنت الأيه

ما تيجى يوم التبرع يا بونيتى نشوفك

و فيه ايه يوم 8 قلقتينىىىىىىى
حرب ايه و معمعمة ايه ؟؟
لقد استبد بى القلق يا بنتى
طمنونااااااااااا

و لحد ما تطمنينى
ربنا معاكى يا حبيبتى





ويكا
----

الله

هوه انا اللى مصوراها ؟؟؟

و بعدين بذمتك مش لايقة على بوست زيكا و لا انا بتجنى ع الجدع ؟!!!!


و ميرسى لذوقك
بس البوست مكنش مرهق و لا حاجة
لأنى كتبت عن ناس بحبها و غاليين عليا
الحب بيمحى أى ارهاق و تعب يا عزيزى

و نورتنى بجد

إرسال تعليق