.

.

قـايـمـة الـبـهـجـة  

Posted by: فاتيما in




بدون مقدمات طويلة و رغى
لما الدنيا بترخم معايا
بروح للناس الحلوة دى
و اقرى تدويناتهم دى تحديداً
عشان افصل شوية عن السخافات
وأرووووووق
و اعمل دماااااااغ


دماغ طبيعى
بلا موانع صحية
او قانونية او شرعية او انسانية
يلا شاركونى قايمة البهجة
و ادعوا لأصحابها
ربنا يحظهم و يسعد ايامهم
زى ما خلونا و بلا مقابل
نضحك م القلب



قايمة البهجة
--------------------



بيللو - باشا- ماسابا ..... سوووو
عن وائل و صبحى و ..... ياكش تولع
الذكرى السنوية الثالثة عشر ..... يا مراكبى
المصرية للأتصالات ..... بت خيخة وأى كلام
سوووو ..البطيخى ... سوووو
فيلم العار 2009 ....اخف دم

البت نهى اتخطبت عااا ....غادة عايزة اتجوز
سوسو البريئة و ابن امه الخنيقة ..ازميرالدا
الإيشارب ... ابن حجر العسقلانى
ما تمسك ايدها و تخلصنا .. د.ستيتة
عقبال البكارى يا أبو جمال ...انا جعان
من فوق الدولاب ... ميمو
انتوا اللى إيش عرفكوا ... احمد سعيد

حبيبى يا أبو أشرف ...كيكى عووو
حب صحى جدا ...لماضة

يا خوفى من العين .... د.ستيتة
عوجة الخطوبة ... ازميرالدا
التــالت .... غادة عايزة اتجوز
امتحان السفارة المصرية ..الراجل دا
انا عاوزة حقى ....شاهى
أبو الحمار اللى بيلعب ... ميمو
يوميات طالب طب 6 .... لماضة
شرف الجندية ... nigroبهذا حدثتنى نفسى


-------------------------------------------------
---------------------------------------------------------

(1)
القايمة قابلة للزيادة

بإقتراحات منكم
و لينكات لتدوينات
ساخرة عجبتكم



(2)
متنسوش
التبرع بالدم
يوم الجمعة الجاى
و حفل توقيع
كتاب غالية
يوم السبت


(3)
و انا مؤمن
بالإحساس
ف علاقتى
بكل الناس


الغنوة اهداء
لحد عارف نفسه

This entry was posted on الأربعاء, يونيو 30, 2010 and is filed under . You can leave a response and follow any responses to this entry through the .

20 كــــلام بيطــبطـــب عـــلى قــــلبى و روحــــى

(:

ابتسامة فى الأول لزوم البوست الجميل ده

(:

ابتسامة تانى لانى ضحكت و انا بكتب السطر الأولانى

اصلى انا كدة احب اعيش اللى قدامى انا بعمل اية انا و بكتب

(:(:(:

انا بأقراء دلوقت البوست بتاع العجوز

بس استغربت بس لقيتة قديم لان انا حطيته عند على المتابعة

ربنا يبعد عنك الضيقة يا رب

يا مامت يوسف يا متفائلة دايما (:

الجملة الأخيرة مع ابتسامة خفيفة
تحولت لأبتسامة اكبر فى النهاية لضحكة

اية رايك بقى

سلام و ربنا معاكى بس لو ضحكتى قوليلى

:) فاتيما ازيك يارب تطوني بخير وعاوزين نشوفك فى لقااء دميااااااااااااااط اوعى تزوغي

انا من زمان نفسى اعمل قايمة زى دى بصراحة احط فيها لينكات التدوينات اللى بتعجبنى

بصراحة اكييد مدونة سووو تكسب فى الموضوع ده :)

فاتموتى
حبيبتى وحشتينى والله كتير اوى
اه انا بحب تدوينات كتير من الى انتى كتبتيها وبالذات كيكى عووو
بتبقى مسخرة يعنى
خلى بالك منك وطمنينى عليكى وادعيلى كتير بقا

جاري متابعة القائمة .. إن شاء الله ..
ومليش دعوا انتي مش حطاني معاهم ليه
مليش دعواااااا :(:::: يا مااااااااااما يا مااااااااااما الحقني
سيتم الدخول علي جميع المدونات المذكورة
تحت اشرافك يا فاتيما .. ويارب يجعلها في ميزان حسنات الإخوة اللي بيخلوا الناس
تبتسم في عصر ربنا اعلم بيه .
:)))))))))))))))
عموما تحيه ليكي وعلي فكرة في تدوينات ليكي ظريفة .. ولك مثل في الدعوات
انا هدعي دعاء واحد شامل
يارب يهدي الجميع ويرضي عن الجميع

رضي الله أكبر منازل الدنيا والآخرة ..
فان رضي الله عن الانسان كان الله وكيله
ومن كان الله وكيلة فلا انسان يستطيع ان يؤذيه إلا بأمر الله

فاتيما.. كيف حالك؟ عاملة إيه؟
أنا معدى من هنا علشان أسلم بس :)

سلام

فاتيما
ازيك ياقمر
وحشااااااااانى جدا جدا جدا
مقصرة جدا انا عارفه معاكى
اللاب توب مش مظبوط عندى ومامتى تعبانة شويه ولكن مع كل دا انا عارفه انى مش معذورة في تقصيري ابداااااااااااا

------------

كل اللينكات اللى في البوست دا حلوة اوى وفعلا بتضفي البهجة

سووو طبعا مدونته كلها بهجة ولما بكون مكتئبه بدخل عنده اقرا واطلع بمود مختلف تماما

وحشاااااااااااانى يا ام يوسف اوى

جمييييييييييييييله صوره القطه يا تيما يا خلالالالالالالالالالالاسى

عجبتنى مدونات البهججه ويارت ممكن معاهم عالم تركيب هو كمان بهججه

يارب تكونى بخير وبصحه يا تيما ياحبى

تدوينات كيكى عوو كلها تجنن
لو حطيتيها كلها بجد رائعه
ازيك يا طمطم وحشتينى يا حبيبتى
ربنا يجعلك دايما سبب بهجتنا

إززززززززززيك يا طمطم
و إيه أخباراتك
يا رب تكوني بخير و في خير
أما انت عليك شوية أفكار يا أبو الفطاطيم
بنت لذينا مفتكسة :)
أنا بالنسبالي قايمة البهجة مش بوستات معينة
لأ
هما مدونتين بكل ما فيهم من بوستات

أولهم

التحفة اللي اسمها المتبهدلون في الأرض

و ثانيهم

عجوز و عندي 30 سنة

هاروح أنا بقى دلوقت استمتع باللينكات اللي ما سبقليش إني زرتها قبل كده

و مستني مهرجان اللينكات اللي هتبقى في التعليقات ع الفكرة الجامدة دي
أحييكي بحيوية و أشكرك شكاير

:)


سلامـُـه عليكم

أولا وحشانى ومقصرة أنا جدا طبعا بس سامحينى النت عندى مش ولا بد على بالى ديما

ثانيا القايمة حلوة وعندى رغبة إنى أقرأها تسلمى على الروح الجميلة والبهجة اللى بتدخليها لقلوبنا

وأخيراً وليس آخراً بوساااات كتييير وأكتر منهم حضونات ملهاش نهاية

دمتى بكل الخير والحب والسعادة

ازيك يا فاتيما يا جميلة يارب تكونى بخير وفي احسن صحه وحال
طبعا سو دة البرنس بتاعنا ودماغه في الكتابة الساخرة لا يعلى عليها كمان اخف دم وتدوينات غادة عبد العال-الاولى قبل ان تضع قيودا على نفسها وتحسب الف حسببة قبل ما تقول الكلمة او الافيه- كلها حاجات جميلة وجامدة جدا بقية القائمة قد اكون شخصيا لم اقرأها لكنهم جميعهم اشخاص على قدركبير من الاحترام وكفايه انك رشحتيهم لينا
تحياتى لك ولهم وربا يبعد عن الجميع كل الحزن ووجع القلب

رحــيل
-------

ازيك يا رورو

للأسف شكلى هزوغ يا حبيبتى
المشوار بعيد عليا و الميزانية الشهر دا مخستعة ع الآخر ..معلشىىىىىىىىىى

طبعا سووو و لماضة وكيكى و
ناس تانية نار على عالم ف الكتابة الساخرة تدوينيا ...بس انا جبت نماذج للى ضحكنى جدااااا ..انما اللى هيدخل عندهم خصوصا لاول مرة ممكن يتشجع بقى و يقرى حاجات تانية

نورتينى و يا رب يوم راس البر يبقى زى الفل و حلو زيكم
هستنى البوستات بتاعته بفارغ صبر
عشان احققققققققد عليكو بقى مرة من نفسى !!!!






Ramy
-----


:)
:)
:)
انا كمان يا رامى
ان شاء الله تعجبك باقى اللينكات و تضحك اكتر و اكتر

تحياتى ليك




Ana Keda
--------
كيكى ؟!!!!
دى مجرمة حرب يا أمى
كيكى خفة دمها لا يعلى عليها و ان شاء الله لازم يبقالها كتاب ينضم لعنقود الادب الساخر اللى مصر ولادة فيه و لا تنضب


خلى بالك من نفسك
و يلا بقى هتولدى امتى احنا زهقنا و عاوزين نشوف الأسد بتاعنا

بوسات و حضونات يا حبيبتى




MR.PRESIDENT
------------

ميرسى يا بسام على كل الدعوت الحلوة
و يا رب القايمة فعلا تدخل البهجة على كل اللى هيقراها


تحياتى و خالص ودى ليك




أبو حميد
-------

ازيك يا باشمهندس ؟؟
سلامك على راسى
و ميرسى ع السؤال

بس ليه حاسة انك زعلان او نفسك مسدودة و متضايق من حاجة ؟؟!!

طب بكرة التبرع ..هنشوفك هناك و لا مش جاى ؟؟؟

حاول تيجى و تغير جو لو مكنش عندك اترباط عائلى كالعادة






reem
-----


يا لهوووووووووى يا ريم ؟!!!

مامتك كانت تعبانة و انتى اللى مقصرة معايا ؟!!!!

دنا اللى عاوزة انضرب دلوقتى
يا حبيبتى متقوليش كدا و احنا مفيش بينا الحاجات دى انتى عارفة غلاوتك عندى و انا عارفة وضعى عندك فخلاص بقى مفيش حاجة اسمها زعل او قلق او ضيق خالص

و القايمة دى الميزة فيها بالنسبالى التنوع ...يعنى تكتشفى انها مواقف من ناس م الشرق للغرب كبار و صغيرين ف السياسة و الفن و السينما و الطب و كذا حاجة و تلاقى بينهم خيط واحد رابطهم اسمها مصر و الواقع الأسود اللى بدل ما يبكى بيفطس م الضحك و دى مهارة مش عند حد غير المصريين متهيألى ....

انتى كمان وحشانى انتى و البنااااااااات القمرات






richardCatheart
---------------

لو عندك بوست معين لتركيب حطى اللينك بتاعه ف تعليقك عشان الناس تروحله

و كل سنة و انتى طيبة يا قطاقيطوووو

و عجباكى الصورة ؟
ما هى نفس القطقوطة اللى عندك بس من زواية اكثر شقاوة و لو عجباكى خديها و حطيها ..يلا شيلى و ع البركة

بوسيلى العيال و سلامى للحاج ريتشارد






حالة ملل
--------

مش هينفع احطها كلها طبعا
بس كل لينك هيودى على مدونة صاحبه
و يتصفحها براحته بقى

انا حاسة بغربة و غرابة
و انا بكتبلك
يا ترى ايه السبب ؟؟!!





ňįĝŗő
-------


واد يا نيجروووووووووو

انتا ابن حلال مصفى يا بنى

اصلك فكرتنى ببوست عندك بحبه قوى بتاع الجيش ...
و ضفته خلاص لقايمة البهجة

بس طلب لو سمحت
تغير الفونط الاسود فى بعض السطور لفونط فاتح عشان تغيير القالب عمل لخبطات كدا غريبة ...
و احنا عاوزين البشر تعرف موقف مصر من تجنيدك كان عامل ازاى ؟؟؟؟



ميرسى على لينك المتبهدلون دا
هروح اقرى و اشوف

ايما داخل عليا و ايدك مش فاضية و معاك الخير يا أبو النجاجير

و قولى صحيح لما استغلك بقى
بتعملوا ازاى حكاية اللينكات فى التعليقات دى ؟؟؟

و عامل ايه ف بلاد الخلايجة يا شاب !!
بطلت تحكى و تقول ليه ؟؟
ابقى طمن اخواتك عليك

و سيبك انتا
روح قلب ماما النهاردة بتزغرط م الفرحة بتعليقك
يا أبو قلب دهب


انا كمان شكاير كتيييير
و نبنى عمارت بقى






الزهرة البرية
------------

و لا يهمك يا جودى
و انتى كمان يا حبيبتى وحشانى
و يا رب القايمة تعجبك و تبهجك زى ما اسعدتنى

بوسات و حضونات يا بستان زهور بحاله






مصطفى ريان
-----------

ميرسى يا مصطفى
و الحمدلله انهم عجبوك
كلهم فعلا زى ما قولت اسماء جميلة و محترمة و الطف شىء انهم بينشروا البهجة دون مقابل او انتظار لتصقيفة حتى ...
و دا يمكن السبب اللى وصلهم للقلوب بسرعة و بصدق

تحياتى ليك يا غالى

فعلا في مدونين منهم انا بحبهم فعلا

وانا عن نفسي من ضمن المدونات اللي بموت في تدويناتها

هي روح قلب ماما

بصدق والله

مدونتك يافاتيما مدونه بسيطه مافيهاش تصنع

وانا برشحها لقايمة البهجه

احييك ياامي يوسف

البهجة قيمة فعلا بس مش بيحس بيها ويتمناها ومش لقيها

ربنا يباركلك في اصدقائك ياام يوسف :)

تحياتي

كلهم فعلا ساخرين بجد

بس انا مااعرفش غيرهم كنت افدتك

بس ليه بتزعلي يا طماطم بس :(

ماعاش اللي يزعلك... ابقي قوليلي عليه وانا ابعتلك اتنين من الجبل يطخوه :))

احنا عندنا كام طماطم :)

تحياتي

جميلة القايمة بجد كلها بتعجبنى بردو

وسو وكيكى يكسبووووووا اوى بصراحة

لانى عمرى مارحت عندهم وماضحكتش

لازم اخرج مدمعة من كتر الضحك

تسلمى يا فاتيما ويسلموا هما كمان

ويارب دايما ماتبلى الضحكة اللى

بيرسموها ف قلوبنا مش بس ع وجوهنا

دمتى روح قلب منونتك :*

وحشتيني جدا جدا
مطمنتينيش عليكي زي ما بعتلك ؟؟
وحشتيني قوي
وانا دخلت نت في البيت اهو
ان شاء الله هرجع اتابع تاني
ربنا يستر ومتحصلش حاجه تاني بقي
مبروك ليوسف طبعا معرفتش غير انهرده وباركتله كمان
اول تعليق بعد الرجوع كان عنده
ماما بتسلم عليكي وبتقولك الف مبروك ياطمطم
خلي بالك منك وربنا معاكي
هكلمك تاني قريب ان شاء الله دلوقتي هروح يغمن عليا شويه واجي بكره ان شاء الله
بوسااااااااااااات وحضونااااااااااااات كتيييييييييييييييييييييير

ازيك يا تيما يارب تكوني بخير
التدوينات اللي انتي جبتيها كلها بجد حلوة قوي وتضحك فعلا
بوسات وحضونات كتير كتير

والله ليكي واحشة يا أم يوسف
و واحشتني تلقائيتك
دعواتك و يارب دايما تكوني بخير

عندك حق ياطمطم
فى(معظم)اللى قلتيهم
كلامهم بيطبطب وبتفرح
القلب وبتجيب(الضحكة)
على (البحرى ههههه)

إرسال تعليق