.

.

و مــن غـــير ما تـوعـــدينى  

Posted by: فاتيما in







ازيكم يا احلى صحبة و ناس و عالم

يا رب دايما بخير
رغم أى حزن او هم او مشاكل
ماهو مفيش حد خالى
و احيانا بتبقى النعمة مستخبية جوا المحنة
بس نستنى شوية عليها و نصبر
فتبان و تنجلى و تؤتى ثمارها
طيب بلاش فذلكة يا فاتيما
و قصرى ف الكلام
حااااااااااضر
هما حاجتين


--------------------------------

(1)

---------------------------------


لما كنا فى آخر تبرع خيخى بالدم
لفت نظرى حاجة
و انا بملى استمارة التبرع ببياناتى الخاصة
اكتشفت و انا بعلم قصاد
نعم - لا
انى بكتب لا كتييييييير قوى قوى
و تقريبا مفيش غير نعم واحدة
او اتنين تلاتة بالكتير




فقولت لمحمد الغرباو
ى
و اللى كان قاعد قصادى وقتها

ملى الأستمارة دى بيحسس الواحد
قد ايه انه ف نعمة من رب العالمين
و مش واخد باله
بجد .. ربنا كارمنا بنعمة الصحة
بس هل نحن نشكر ؟؟



يعنى متهيألى لما الواحد يشك
ر ربنا
مرة كل تلات اربع شهور و يروح يتبرع بدمه
لح
د اكييييييد محتاجله
يبقى دا أقل واجب ينعمل
اصل دا دين علينا لرب العالمين
و مهما عشنا و لو مليون سنة لن نؤديه
يبقى ننال شرف المحاول
ة بقى
و مساندة الآخرين
اللى ممكن ف يوم يكونوا حد قريب لينا قوى
و لنا فى موقف اختنا نونو عاشقة النقاب
خير مثال ينحكى عن البنى آدم لما بيمر بمحنة


أختكم خيخة بقالها سنتين
بتشجعنا على فكرتها
الحملة الخيخية للتبرع بالدم
و الحمدلله كانت ناجحة و مثم
رة
بالنظر لحجم انتشارها
طب ماذا لو اتسع النطاق ليشمل كل المحافظات
مش القاهرة بس ؟
أخوكم محمد الغرباوى فكر بالشكل دا
و عمل مدونة و كون ما يسمى ب
بنك دم المدونين

دوس هنا





يا ريت اللى متحمس للفكرة .... يشارك
يحط لينك المدونة
ع
لى شريط مدونته الجانبى
و عاوزين شوية حاجات


يا م
حمد
------------

لو سمحت
عاوزين على شريط مدونة بنك دم المدونين
ارقام موبايلات للطوارىء
و ايمي
لات مكتوبة
ينبعت عليها البيانات الخاصة بكل متبرع

عاوزين ينكتب اسماء مندوب كل محافظة
مع لينك مدونته و
ايميله و نمره لو ينفع

عاوزين تكتبلنا ايه المطلوب من كل متبرع
الأسم مثلا و نمرة موبايل
و اي
ميله و فصيلة الدم و ايه تانى ؟؟



انا عارفة ان الفكرة ما زالت بتتبلور
بس انا بقولك اللى جاى ف بالى


لكن
اه
م ما جه ف بالى
ان ربنا يباركلك
انتا و
خيخة
لأن الفكرة نواتها كانت هيا و استمرارها
و تطويرها عليك انتا

و ان شاء الله كل
من شارك
و يشارك يكبرها
و يخليها نه
ر خير لا ينقطع
يا رب


----------------------------------------

(2)
---------------------------------------



لحد امتى ؟!؟



مش عارفة دايما اشبه المدونات بتاعتنا دى
بالشبابيك ع الدنيا
كأننا ف شارع كبيييييير مليان جيران حلوة
اى كان شكلهم
و توجهاتهم
و طباعهم و مزاجهم



منهم اللى موارب شباكه ميفتحوش غير قليل
و منهم اللى فاتحه اوقات و قافله اوقات
و منهم اللى فاتحه يوماتى و مبيقفلوش
و منهم اللى بيقفله خالص فنفضل نعدى من قصاده
نتمنى يوم ينفتح ونطمن على اللى جوه


معرفش ليه بحس اننا بعد فترة من الوقت
لينا حقوق ف بعض ؟
حقوق الجيرة العشرة سموها زى ما تسموها
و آه .. عادى توارب الشباك شوية كل فترة
عشان تاخد نفسك
و ترتاح م الوش والإزعاج ساعات


بس تقفله خاااااااالص ؟؟
ينفع كدا ؟!





يعنى لما داليا قالت ... قفلنا
قولت معلش .. الشباك يتوارب حبة
و قلبى يحدثنى انه هينفتح تانى ان شاء الله






لكن انتى يا دودو ؟؟
يهون عليكى تقفلى شباكك ف وش قلوبنا ؟
مش عارفة اقول اى كلام
بس صعبا
ن عليا جدا
انت
ى
و شباكك
و قلوبنا




مبحبش اضغط على حد
بس جيت لحدكو انتوا الجوز
بقى
و منفعشى
مقدرتش



مقد
رتش خالص



احنا بنحبكوا و الله



و لو فيه شوية غجر زعلوكى
ف التدوين يا داليا
احنا طيب ذن
ب قلوبنا ايه؟



و لو شوية بشر زع
لوكى
ف الدنيا يا دودو
فاحنا برضو ذ
نب قلوبنا ايه ؟





تاااااااااااانى اقولها
و عاشر و الف



احنا
بنحبكو و الله



بس خلاص




-------------------------------------------------




بوستات صديقة
---------------------

بنك دم المدونين ... محمد الغرباوى
bloggers blood bank .... د. ستيتة
im a blogger.... baskouta
(بالعنجليزى يا عياااال)
بنك دم المدونين ...جارة القمر
حفل ... و بنك دم المدونين .. ليس فقيرا من يحب
بنك دم المدونين .... ندى الياسمين
بنك دم المدونين ..خالد همس الاحباب
(بوست مميز)
اعلان و استبيان ..ملقتلهاش عنوان
bloggers blood bank الأنتقال رحلة البحث
بنك دم المدونين .... رياح الحنين
انذار و اشياء أخرى ... لقد خلقنا الله احرارا
بنك دم المدونين .... الحب الجميل
فوائد نقل الدم ... الحب الجميل
عندك دم .... ولد تحت الصفر


أوعدينى بالغرام
أشتريكى بالآلآم
كل يوم بعشق جديد
و انتى عشقى ع الدوام
جمال بخيت


This entry was posted on الاثنين, يوليو 05, 2010 and is filed under . You can leave a response and follow any responses to this entry through the .

34 كــــلام بيطــبطـــب عـــلى قــــلبى و روحــــى

بعد السلام والتحية ..
اتمني انكوا تكونوا بخير .. يا مسهل .. الحمله ان شاء الله هتنجح .. بفضل الله ثم جهود المدونين الجدعان اللي زيك يا فايتما .. وزي ما انتي قولتي ياريت كل واحد يحط رابط للمدونة ويفضلها انها صورة مربوطه بمدونة الحملة الجديدة .. وبالتوفيق ليها وإن شاء الله هتنجح مع إني قلت لمقترح الفكرة إننا نلم داتا احسن .. ثم اللي محتاج تبعرع يتصل بالناس اللي عايزة تتبرع .. ويوصل المتبرع مع المتبرع إليه .. ويا مسهل لما الحملة تكتمل عدد محترم هيتم اقتراح الافكار ونشوفها إن شاء الله .
ثانيا انا مستغرب حد بيحب التدوين يقفل المدونة ليه إلا لظروف قاهرة يعني قاهرة بجد مش كدا وكدا ..
طب ما أنا كل كام يوم بتهزء من البيت وعادي لسه عايش مع ابويا وامي .. يعني خلاص هسيبهم ..
وخالي اللي يحدف بالطوب يحدف .. هوا المجنون بيقولوه اسكت .. والناس المرضي دول اللي بيدوا الطعم للمدونات .. يعني بينشط المدونة .
ارجو ان يكون المحتوي في طاعة إن شاء الله والناس ترجع قادر ياكريم .. وبالتوفيق .. يا فاتيما .. ياللي رافعه روحي المعنوية علي طول .

معلش نسيت أقول الحمد لله علي الصحة اللي ناس كتير بتنسها عَنْ ابْنِ عَبَّاسٍ رَضِيَ اللَّهُ عَنْهُمَا قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ: (نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ) [رواه البخاري]

ازيك يا فاطيما
حلوة فكرة بنك الدم
اووووووووووى
بس للأسف انا عمرى ما اتبرعت عشان انا اساساً صحتى على قدى
و بخاف من الإبر و التلوث

تانى شىء حلو اووووووى توصيف الشباك ده

ربنا يكرمك و يعزك و يزيدك من نعيمه يارب

والله فعلا يا فاتيما
الحمد لله الواحد فى نعمة كبيرة بس من كتر الى هو فيه مش بيشكر ربنا ع حجات كتيرة
حلوة الفكرة ودلوقتى هتبقى done
ان شاء الله
يا رب تكونى تمام
وحشتينى كتير والله
ادعيلى بقا اليومين دول

فكرة جميلة ربنا يجعلها في ميزان حسنات كل المشاركين فيها ويجلعهمـ لهم من الباقيات الصالحات .


إزي حضرتكـ يا أم يوسف ؟
أخبار سيادتكـ ؟ وحشني جداً القراءة لحضرتكـ وإن كنت مش بسيب تعليق بس بحب القراءة لكل اللي بتكتبيه ، ومتابعة أخباركـ ويارب توني دوماً بخير وصحة وألف عافية ومزاج عال العال.

نتمنى ان داليا ترجع علشان خاطرنا كلنا :)

كمان يا تيما انتي بتحبي كل الناس طيب هتتعبي كده :)

يا رب المشروع ينجح يا رب والناس تاخد بالها انها ممكن في اي وقت تحتاج مساعده ..

بحبك يا تيما موووووه

تحياتي

اولا وحشتيني
تانيا بالنسبة لموضوع الحمد فعلا الله انعم علينا بنعم كثيرة من كثر ماتعودنا عليها واصبحت كأنها حق مكتسب ننسى ونتناسى ان الله قادر بارادته على نزعها منا متى ماشاء ذلك
ثالثا بالنسبة لموضوع التبرع أي نعم انا جبانة في موضوع الدم لكن والله العظيم لو كنا في مصر لكنت سأكون من اول المشاركين فالفكرة نبيلة جدا
رابعا بالنسبة لموضوع التدوين معك حق فعلا تنمو روابط غير مرئية بين المدونين تجعل الغياب مؤثر
خامسا ربي يخليك يا فاتيما وينولك كل اللي فبالك ان شاء الله تعالى
دمت بكل ود

يارب فكره بنك الدم دي تنجح بجد
يارب يارب
لأنها فكره جميله فعلا

فاطيما
ما تقفليش انتى بس شباكك!
:)

فاتيما
حابب اشكرك على البوست دا اللى كنت مستنيه من يوم التبرع
بالنسبه للايميل هوا موجود فعلا ومعلن عنه فى تانى بوست
والبيانات المطلوبه كمان متحدده فى تانى بوست
بس برضه فكره حلوه اننا نحطه فى السايد بار بس انا بعيد عنك جاهل اوى فمنونه اتبرعت انها تروق البلوج والحمد لله
بالنسبه للتليفون يا ستى حاليا مش هينفع لان لسه مفيش حتى الان عدد متبرعيين مش عاوز اقول اعداد بس هاقول ربنا كريم
ياريت لو تقدرى توصلى لداليا
داليا عمرها ما كانت بتتأخر ونفسى تشاركنا الموضوع دا
ربنا يجازيكى الخير ويبارك لك فى صحتك وفى يوسف

فطوم
وحشانى صباح الشموس و الامواج و النسمات
:-) حتصيفى امتى ؟؟؟

المرة دى العنوان من اخر البوست ؟ الشعر ؟
تعرفى انا مبحبش الوعد اصله يقين بمستقبل ميضمنش :-)) انا بثق اكثر فى الى يقول كلمةة انه حيعمل او يحاول يعمل و ربنا معاه
بصدقه ساعتها اكثر انه لو منفذش مش لانه منفذ الوعد بس لان المستقبل مكنش مقسوم فيه الفعل ده


بنك الدم فكرته جميلة و التسجيل اعتقد لما انزل لانى بعيد :-)

و ربنا يكرمك بالصحة ديما يا فطوم

الاصطباحات قرأت يا فندم تسلم ايدك :-))
و الاستفتاء الى جنبه يدل على كسل الشعب البلوجرى الى بيزورك فسيبك منه
:-*******************************************************************************
ايه رايك فى قبلات بطعم الفرولة
خلى بالك متتعديش منى :-)) اصلى لسه مزكومة
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

صباحك سكر زيادة يا حبي
فاطمة
عارفه بجد احساسك بالحاجات اوووي مختلف
وتحليلك للامور عالي اوي
وفعلا
لينا حق في بعض

عارفه
حقسقي الحد بيبقي عنده الانسب بس هو مش واخد باله كتييييييييييييير
كنت حاسه وانا بقراء البوست
انك بتكملي كلامنا امبارح


تعرفي
مش بعرف اوووي ارد علي بوستاتك
بس خير بقي
لو عجبك

انا تهت
هو العنوان الاساسى "من غير ما توعدينى " عن ايه بالظبط ؟؟؟

بجد فكره التبرع رائعه جدا
وبأذن الله المرات الجايه اكون موجوده
مهو انا فضلتكو بقي:.:)
اما موضوع المدونين فأحيانا بحس انهم بيجلهم احباط بيخليهم ياخدوا القارا دا
بس بأذن الله فتره وهتعدي
اللهم امين

والله انا سعيده اوووووى بموضوع بنك الدم دا ماتتصوريش قد ايه

ومعاكم قلبا وقالبا

الحمد والشكر لله كل يوم وكل لحظه والنبى يا تيما كفايه الناس اللى نشوفهم

اما عن الاستبيان

انا معاكى اانا نزعل من بعد الناس اللى بنحبها
بس هما كمان منحقهم يخدو وقتهم كلنا بنمر بأوقات صعبه وساعات شديده
وبحتاج وقفه
احساسى انهم هايرجعو ان شاء الله
وعن قريب
ربنا معاهم ويجبر بخاطرهم
واحنا وراهم وراهم هانسال فى موبيلات
رغم عن انفهم ههههههههههه
تحياتى وبوساتى وكامل فعوصاتى

فاتيما
إزززززززيك
أخبارك إيه
يا رب تكوني بخير يا رب
كنت سألتيني إزاي بنحط لينك جوا التعليق
صح ؟؟

افعصي هنا و حملي الملف ده :)

بس كده
انت بس تؤمري يا ست الناس


سلامـُـه عليكم

http://reyah-elhaneen.blogspot.com/
/
بوست صديق عن الحملة (بنك دم المدونين)
يارب تكوني بخير

جزاكم الله خيرا يا فاطيما وفعلا عمل يارب يجعله في ميزان حسناتكم ويكلل بالنجاح بأمره تعالى ............

السلام عليكم :)

اخر مرة جيت هنا كنت في الامتحانات وقلت اني بخاف من الحقن ..بس انا مبسوطة باللي شايفاه ده..ربنا يكرمكوا يااااااارب..انا مش عارفة اساعد ازاي ف الموضوع ده..اخري اني اجيب صحابي لكن انا مش هقدر بجد

......
بالنسبة لاغلاق المدونات..فبتكون حاجة نفسية..او ظروف خارجة عن الارادة
معتقدش ان حد يقدر ينسى الناس اللي هنا بالعكس انك تحس بانتمائك لمكان مع ناس كتير بيفكروا وبيواسوك..ده انجاز

بس سعات فيه حجات جوانا بتتكسر..وعشان تتلم تاني وترجع زي الاول بتحتاج وقت..يمكن مش سهل ترجع زي الاول بس بيكون فيه محاولات..انا شبه قافلة مدونتي التانية فديه وجهة نظري الخاصة

.............
بالمناسبة فرحت جدا لما شوفتك في حفل توقيع محمد غالية كان نفسي اشوفك جداااا :)

وزي ما توقعت لقيتك..عينيكي مليانة دفا وحب وخير اوي...اللي زيك بيحسسوني ان الدنيا احلى بكتير ..وبيدوني امل

بجد حبيتك اوي
سلام

MR.PRESIDENT
------------


اولا
الف سلام و تحية ليك يا بسام
و ان شاء الله الفكرة تكبر و تلاقى نجاح اكبر من المتوقع الف مرة كمان و زيادة



ثانياً
انتا بتهرج ؟؟
بتتهزأ كل يوم ف البيت ؟!!!
انا يوم آه .... و يوم لأ

وش بيغمز



ثالثاً
انتا تستاهل كل الخير يا بسام
انتا شخص جميل و باين بين سطور مدونتك كدا و دا م رأيى لوحدى
دا رأي كل حد بيدخل عندك



رابعاً
خالص ودى ليك
و تحياتى






بدراوى
--------

يا لهووووووووووى
بداروى دا اللى كاتب التعليق ؟!!

استنى لما اشوف اللينك

أيو النبى هيوه

احنا زاعقلنا نبى انا و المدونة لازم

منورنى يا بدرا
ازيك و ازى احوالك
و مبسوطة انك بتعلق عندى
و ان المدونة بتاعتك بقت نشيطة
و ان التوصيف بتاع الشباك عاجبك

و عندك موانع للتبرع مش مشكلة
التواجد معنوياً بيساند برضو
مش كل حد يوم التبرع بتاع خيخة بينفع يتبرع لكن تواجدنا سوا بيدعمنا جدا و بكترنا و بيخلى المعنويات و التشجيع لأعلى سما


حلوة قوووووى الدعوة اللى ف آخر تعليقك دى
ربنا يخليك يا رب
انتا أخ غالى يا بدراوى
بجد







Ana keda
--------


مين دا اللى هيبقى done ؟؟
انتى ملكيش دعوة القصص دى لحد ما الأسد بتاعنا يشرف و يتم سنتين يا فندم
منكن ابو الأسد يتبرع اهلا بيه
و كل حد تبعك تانى
انتى تشرفى عليهم بس و تفكريهم بالمواعيد
الله !!
طب منتى هيبقالك ضلع فى حكاية الdone دى
يبقى خلاص

done ... done

انتى كمان وحشانى و سامحينى على التقصير الفترة دى معلشىىىىىىىىى

ربنا يقومك بالف سلامة يا رب
و يفرحنا بيكى






مواطن شووجااع
-------------

ازيك انتا يا ابراهيم
و لا يهمك يا دكتور انا عارفة مشاغلك وكفاية بتقرى
و تطمن مجراش حاجة تعالى براحتك

انا بخير منحرمشى من سؤالك
تحياتى يا مجدى يعقوب الصغير

فتاة من الصعيد
--------------

انا كمان يا فاتى
انتى عسولة قوى
و دمك خفيف قوى
و بسيطة و تلقائية قوى


و الحب كتره مش بيتعب يا حبيبتى
قلته هيا المشكلة


ان شاء الله داليا ترجع
و دودو كمان
و كل حد غادرنا بمزاجه
و لسه بيوحشنا اكيد


بوسات و حضونات يا شقاوة







خواطر شابة
----------


اولاً
انتى كمان يا خطورتى وحشتينىىىى


ثانياً
اكيد بس اراك النعمة معرفش ليه دايما بييجى متآخر غالبا
لكن احسن من انه ميجيش خالص


ثالثاً
يا ريييت مرة تكونى ف مصر و بلاش تتبرعى بس تحضرى معانا يوم م الأيام دى ..يا لهووووى دا يوم ما تيجى مصر و نشوفك يبقى يوم عيد ف جمهورية مصر العربية مش جمهورية التدوين بس !!!



رابعا
مش كدا و النبى
دى حاجة من عند ربنا
و بيصعب عليا نتجاهل قيمتها
و تأثيرها ف الآخرين و فينا احنا كمان ..دى متبادلة بين الطرفين
المحبة اقصد يعنى


خامساً
منحرمشىىىىى منك يا رب






سبايدر مان
----------

شكراً يا سبايدر
كلك ذوق
و همتك و حماسك معانا برضو







إياكش تولع
----------
:)

ليه بس كدا يا دكترة ؟!!!

يا فندم احنا لو شباكنا اتقفل نفسوياتنا تتعب جدا


مشوفتش من العالم دا غير الخير تقريباً
و حتى السخيف بيتلاشى بسبب هيافته و تفاهته ف احداث الأذى


بتمسك بالناس الحلوة الكتيييييييييييير اللى بتعدى عليا كل يوم تصبح و تمسى و توقف معايا شوية ترغى و تبعتلى حاجات ف المناسبات و غير المناسبات و تشاركنى الفرح و الحزن و تخاف و تغير عليا من غير ما أطلب و تعرض المساعدة من قبل ما أفكر و عيونها تلمع بفرحة لما تشوفنى .. و بيحبوا ابنى من غير ما يشوفوه لمجرد انى حكيت عنه و انه حتة منى .... ينفع بعد كل دا اروح اقفل شباكى ؟!!!!!

طب ازاااااااااااى قولى ؟


لو حصل ف يوم
اكيد مش هكون انا
و هيكون سبب قهرى
مش قرارى و لا إختيارى
ان شاء الله


على جنب بقى
تعليقك فرحنى جداا
و ميرسى جداا

:)
ماما فاتيما إزيك ؟
عاملة اية ؟

أنا سمحت لنفسي إني أغش بعض الروابط من عند حضرتك .. سيادتك مرجع لينا .

بنك دم المدونين
-------------


ازيك يا محمد

ميرسى جداااااا ان البوست عجبك
و أسفة ع التأخير معلشى


ربنا يوفقك ف الفكرة و نجاحها يا محمد و ان شاء الله هتكون مشروعنا كلنا و متهيألى انتا حاسس بكدا ..من اول ما نشرت الفكرة لحد النهاردة رد الفعل ازاى و انشالله يكبر و يكبر كمان


اما عن الجانب التقنى للمدونة
فغحنا معاك و لا يهمك
و ما دمت جبت سيرة منونا بقى
يبقى انتا فى يد امينة يا عزيزى
و مدونة بنك دم المدونين هتلعلع
بس منونا تروقلها كدا


و بخصوص داليا
فهيا مش محتاجة وصاية ف الخير
تاكد انها ما ان تخرج من حالة السكون دى هتفاجئنا كلنا
اصلها وش الخير و الفرح
دا لقب صحيح
بس صحيح الف ف المية

فمتقلقش
و متستعجلش زى ما خالد قال
الخير عاوز صبر و طولة بال
و ان شاء الله ثماره تؤتى اكيد ما دامت النية خير من البداية للنهاية


تحياتى ليك
و معلش ع التاخير





wanda
-----

وحشتينى يا ون ون

خدى الاول
******************************
******************************
******************************
و
×××××××××××××××××××××××××××××
×××××××××××××××××××××××××××××
×××××××××××××××××××××××××××××


ازييييييييك يا ونداتى الحلوة ؟!!

و حلو العنوان و لا غريب ؟!!
و ليه بس مبتحبيش الوعود
طب الواحد يقول نيته ازاى تجاه اللى قصاده الا اذا وعد ؟؟!!!


يا ستى انزلى مصر و اتبرعلك انا سلف
بس ارجعىىىىىىىى
عشان وحشتينا قوى و عاوزين نشوفك


معرفش قولت اعمل الأستفتاء يمكن الناس محرجة تقولى بطلى صباحات فقولت ابى ست ديموكراتية يعنى و اسيبهم يدلوا بدلوهم و كدا ....


قبلات بطعم الفراولة ؟!!!
و ماله ميضرش
بس عليها حتت تفاح و موز متقطعين و شوية عصير جوافة و مانجة و معاهم شاليموووووه


سلامتك الف سلامة يا ون ون
يا حبيبة قلبى

رؤية
-----

لولى

عارفة انا منتظرة التعليق دا بقالى قد إيه؟؟

و عارفة انا فرحانة بكل كلمة فيه قد إيه؟؟


و عارفة انتى شخصية لطيفة و مشرفة لاى حد يعرفك قد إيه؟


انا قريت ما بين سطورك حاجات كتير و كملت الفراغات
متقلقيش
انا فاهماكى يا حبيبتى

و دى المشكلة الكبرى اللى ناس بتقضى عمرها عشان تحلها و مبتعرفش

انهم يشوفوا كويس قصادهم
يشوفوا بقلوبهم و عقلهم
زى ما بيشوفوا بعينهم كمان

اصل البصر مش كفاية
و الواحد يفترض يحاول يبص على اللى موجود عنده و يوجهه لمكانه الصح

صحيح محدش بيعرف الصح من اول مرة
و لا تانى و تالت و حياتك !!!

بس شرف المحاولة
و الرحلة اللى هيا الهدف و الفكرة مش بس المكان الاخير مودى على فين


الخلاصة عشان هفتح ف الكلام و مش هخلص
ردى بالشك اللى يعجبك و ملكيش دعوة انا واصلنى كل حاجة متقلقيش


بوسات و حضونات

و آه خير جدا
و عاجبنى
عاجبنى يا ستى


بس متشخطيش كدا
احسن بتخض و اتخرع انا

وش مطلع لسانه

ويكا
-----

سلامة سيادتك من التوهة

شوف يا سيدى
الغنوة المصاحبة للبوست بتاعة على الحجار
كتب كلماتها الشاعر جمال بخيت
بتقول


اوعدينى بالغرام
اشتريكى بالآلآم


الغنوة مكتوبة لمصر
و للوطن عموما

فكرة محمد الغرباوى انسانية صحيح
بس انا حساها حاجة
بتتعمل للبلد الجميلة دى
اللى الكل عاوز ياخد منها
و ميديش ...
و للأسف الكويسين مش عارفين يدوا
لأن غيرهم بيكسر مقاديفهم

بحب كلام الغنوة جدا
بس بحس ان حتى لو اللى بتحبه قوى موعدكش بالغرام ..
فنتا برضو يفترض بإسم الحب
هتشتريه بالآلآم
مهما شوفت


رومانسية خايبة ؟!!

و هل هناك اغلى من الوطن
عشان تخيب ف حبه ؟!!!!!!

و براحتك كمان

عشان كدا قولت ف العنوان


و من غير ما توعدينى

من غير ما توعدنا بحاجة
لازم نعملها اللى نقدر عليه
و لو مفيش مقابل

و اظن فكرة محمد
و قبله خيخة
اللى بقالها سنتين و شوية
كانت و ما زالت دون مقابل
طبعا سوى الجانب المعنوى
و الثواب
و الخير اللى رايح
لناس تستحقه اكيد
و دا مش قليل ابداااااا


و بالتالى احنا مش لازم
نستنى الوعد حتى
لأنه واجب و حق علينا


بس خلاص

لسه تايه
و لا ابعتلك حد يجيبك ؟؟

بهزر بهزر

انا عارفة انى فاشلة ف اختيار العناوين ..
بس كويس انك سألت
عشان اشرح
اذ ربما حد تانى محرج يسأل يعنى


تحياتى ليك




sony2000
--------
ازيك يا سنسن ؟!!

وحشتينى يا شقاوة و وحشتنى تعليقاتك
ان شاء الله اى لقاء توينى قادم تعرفى تفاصيله و تيجى و اشوفك ان شاء الله

اما حكاية الغحباط دى
فموافقاكى فيها جدا
بس طب ما الواحد بيحبط ف الحياة العادية ..بيقفل حياته برضو ؟
يطول باله بس شوية لحد ما الاحباط يروح لحاله ... اظن ذلك يعنى
عشان الناس اللى بتحبه دى

بوسات و حضونات يا حبيبتى
و ابقى طمنينا ع النتيجة
عشان نرقع زغاريط افتراضية ف سماء البلوجر ..ماشى ؟




richardCatheart
----------------
و اللى ملوش ف النوبايلات يعمل ايه طيب ؟؟

يا ستى يواربوا الشباك شوية و احنا مش هنزعجهم لحد ما يروقوا و يرجعوا على مهلهم ... بس بلاش يقفلوه خالص كدا !!!


الفكرة بتاعة بنك الدم فكرة هايلة فعلا و ربنا يجعل فيها القبول مطرح ما تسرى ...ان شاء الله

بوسيلى العياااااااال
و سلامى للحاج ريتشارد الطيب

انا كمان بوسات و حضونات و فعوصات




ňįĝŗő
------
ازيك انتا يا أبو قلب دهب
اختك بخير يا نيجرو
كيفما انتا يا غالى ؟؟


من ابو الفطاطيم
إلى ابو النجاجير

مشكرين ع اللينك
و مننحرمشى
حول





حنان الشافعى
-------------
حطيته ف القايمة يا نونا
سامحينى ع التقصير
و الله غصب عنى
هبعتبلك ايميل طويييييييييل
وانا كويسة يا حبيبتى
منحرمشى منك يا رب ابدا
بوسات و حضونات و اعتذرات كتيييييير




كلمات من نور
------------
البركة ف ربنا و محمد الغرباوى و خيخة يا كلمات ...
شكرا يا حبيبتى على الدعوة الطيبة اكيد الكل محتاجها و ان شاء الله الفكرة تنجح و تلاقى الصدى المطلوب
و اكتر
نورتينى جداااا

طالبة مقهورة ..درجة اولى
-----------------------
اولا
انا مش قد الكلام الحلو دا كله
انتى عشان جميلة فشيفانى بعيونك الحلوة


ثانيا
انا كمان انبسطت بيكى قوى
و شكلك انضج بكتير من سنك
و دى علامة مبشرة
و حاجة حلوة على فكرة


ثالثاُ
معاكى فى حكاية الانكسار دى
بس معلش بقى
الناس الحلوة دى تنكسر و احنا على قيد الحياة ؟!!!
ليه
اومال احنا لازمتنا ايه لبعض ؟
صحيح قد يبدو الكلام سهل و مش مؤثر و ايه يعنى تعليقات على بوست و كدا
بس لأ
الكلمة الطيبة صدقة
و الكلمة نور
ليه نستهين بتأثيرها علينا
لو مكنش دلوقتى ف عز المحنة
بعدين تأثيرها هيبان
و إسألينى أنا
روح قلب ماما خير مثال على ذلك

اذا كان فيه جوانب ف الحياة وحشة
فالمفروض نهرب منها للحاجات الحلوة
الا اذا كان المدونة او التدوين و من فيه هما الحاجات الوحشة اللى لازم ينهرب منها و كدا يبقى دا موضوع تانى بقى خالص

انا كمان حبيتك قوى
و ملحقناش نقعد و نرغى
المرة الجاية ان شاء الله
لما تطلع النتيجة يا ريت تطمنينا
ماشى ؟
طييييب




ولد تحت الصفر
-------------

:)
ازيك انتا يا فندم

بس انتا بتقولى ماما فاتيما
..انا لما اندهك اقولك ايه ؟؟

ازيك يا ولد ؟!!

شكلها زى ما كون بزعقلك

اخترعنا اسم تدوينى
نندهك بيه لو سمحت
لو مش عاوز تقول اسمك الحقيقى
ماشى ؟



و يا فندم اتفضل اللينكات
و لا يهمك
ما دامت ف الخير
و عشان الفكرة تكبر
و تنتشر متخدش رأيى حتى


و تعالى هنا قولى
ايه سيادتك
مرجع لينا
دى ؟!!!


انا يتقالى مرجع

يعنى انا زى الموسوعة البريطانية
و لا مختار الصحاح كدا

يا خرابى
يا خراشى
يا لهوى


نورتنى يا ولد تحت الصفر

السلام عليكم

أزيك يا أم يوسف .. يارب تكونوا بأفضل صحه

ربنا الموفق ان شاء المولى

الفكره جميله بالفعل وياريت توصل لقلوب الناس
وجزاكى الله خيرا ...ويار الحمله تنجح وتسمع صوتها فى باقى المحافظات بأذن الله

دمتى فى فعل الخير

و منهم اللى بيقفله خالص فنفضل نعدى من قصاده
نتمنى يوم ينفتح ونطمن على اللى جوه

حسيت ان الكلام ده متوجه ليا

بعد انقطاع دام الكثير جدا اوي خالص
انا جيييييييييت

فاتييييييمااااااا

وحشتييييني جدا ووحشتني البلوج بتاعتك اووووي اطيب بلوجر في الشبكة العنكبوتية

ايام التبرع دي من اجمل الحركات اللي بتعملها شلة المدونين بصراحة

وانا هحط لينك المدونة دي عندي اكيد

;)

miro el niro kwanirooooooo

اولا انا عارف انى متأخر جدا جدا

انا أسف جدا جدا

بس صدقينى اظروف خارجة عن ارادتى و الحمد لله ربنا كان رحيم و عداها

و السبب التانى ان قدرت انى اروح المنصورة لتوقيع كتاب زوجى مازال حبيبى و شوفت اختى العزيزة منى (: و سمو الأميرة سارة (:

بجد انا مبسوط كتير لان شوفت حد من الناس المحترمة اللى عرفتها خلال التدوين

بالنسبة للتبرع انا صدقينى لو الاقى مكان اتبرع هتبرع علطول صدقينى بأمانة عمرى ما هتأخر

يمكن مقدرش فى الوقت الحالى ان اعرف اعمل حاجة اكتر لحالة التشتت اللى انا فيها ما بين تلت مدن بس بدعى لو ربنا ادانى الفرصة اقدر اقدم حاجة صدقينى مش تهرب بجد بس ان شاء الله يدينى الظروف اللى اقدر اعمل كده

انا شفت محمد الغرباوى يوم توقيع الكتاب بس ملحقتش اكلمه لانى كنت مسافر بعد الحفلة علطول بس زى ما قلت لحضرتك

الشكر لله دة شيىء مفروغ منه لان بجد لازم اشكره مش بس على الحاجات اللى انا شيفها بس لالا دة انا لازم اشكر ربنا على الحاجات اللى مش شايفها عن مصايب ربنا بعدها عنى حتى معرفتهاش عن ازمات ممكن كانت اثرت على حياتى ربنا وقفها منغير ما حتى احس بيها
ربنا اكبر من ان نحصى بركاته علينا
بس احنا كبنى أدمين بننسى وسط الزحام وسط هموم الحياة ان نشكره
الحمدلله

و هحط اللينك عندى بأذن الله بتاع التبرع بالدم

بالنسبة لقفل المدونات دى من الحاجات اللى بجد كانت بتأثر فيا جدا لدرجة ان لما فى فترة لقيت المدونين الى بيقفل و اللى نقل و اللى حزين بجد اليوم ده معرفتش انام
على رايك و ذنب قلوبنا اية
بالرغم لقصر مدة اشتراكى مع الناس و المدونين

مامت يوسف الغالية عالينا كلنا
رجاء تقبلى اسفى
انا عرفت من الأخت منى واحد شاى ان فى تجمع يوم الجمعة ان شاء الله فى مستشفى ابو الريش مش عارف حضرتك هتكونى موجودة لو حضرتك موجودة ينفع اجى

شكرا جدا

و اسف على طول الكومنت (:

ربنا يوفقك و يكون معاكى و مع يوسف (:

انا بعت تعليق مش عارف وصل ولا لأ

فطوم

:-************************************************************

الا قوليلى كده انت معنوياتك تمام و لا سايحة من الحر ؟؟؟
بوستاتك ناقصة قليل من المناغشة الفطومية و هذا يدل على ....:-) انك مصيفتيش لسه :-))
يارب تمطر عليك لشان تبقى طراورة :-)

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

اه بخصوص الوعد
مع برج العذراء الى بيتأثر قوى بالكلمة و الوعد و بتدميه لما حد يحبه يستهزئ بيها و بتسلسله لو حد خذ منه وعد :-))
عليه بنبعد عنها بالمشوار و نكتفى بكلام الناس المليان

و بعدين قولنا فراولة دخلتى فى سلطة :-)))
الحقى موسم المشمش اتفتح الحقيه بقى :-))

احم

احم


بحبك

وبحب احساسك بالحياة

واحساسك بالناس وصبرك عليهم

ربنا يحميكي يا فاطمة

الحب الجميل
---------

و عليكم السلام يا حبوبة
ازيك انتى

و ان شاء الله
ربنا ينفخ ف صورتنا


و ميرسى على حماسك انتى كمان
و مشاركتك باكتر من بوست
فيكى الخير يا حبيبتى






Sameh Ezzat - (خواطر خاطر)
---------------------------

يااااااااه يا سامح !!
حمدلله ع السلامة
و ايوه الكلام ليك
و لمى بهاء
و لمعتز وجهة نظرى
و لهدى رينبو
و لناس كتييييييييير
جيران و بيجى
على بالنا و قلوبنا
نسأل عليهم و بيوحشونا


حمدلله ع السلامة
و متغبش تانى يا ريت





كركيب
-----

يا لهوتينىىىىىىىىى
ميرو النيرو كونيرووووو هاهنا سخصياً
يا خراشى قلبى هيوقف يا بت يا شقاوة
نورتي البلوج سبوت كلاته يا قمر

و لما التبرعات حلوة كدا
مبتجيش ليه يا هااااااانم
و لا هوه يوم ابو الريش و متقعديش مع اشكالنا تانى ؟!

التجمع الجاى لازم تيجى
ماشى؟
طيييييييييب

سلامى لمهاميهو الجميلة
زى اختها






Ramy
-----


لا متأخر و لا حاجة يا رامى
تعالى وقت ما تفضى
و مبسوطة قوى انك شوفت ناس حلوة م المدونين ف طنطا و ناسش حلوة كمان م المنصورة ..اتمنى لما نعمل لقاء ف القاهرة برضو تقدر تيجى
هنتشرف بيك اكيد

بس تعالى هنا صحيح
تجمع ايه اللى يوم الجمعة دا ؟؟
مفيش حاجة كدا خالص

يمكن يكون فيه فى شهر رمضان
ان شاء الله
لما داليا و خالد يقولوا

لكن الجمعة الجاية دى اللى هيا بكرة
مفيش حاجة
السبت فيه تجمع ف راس البر ان شاء الله

غير كدا مفيش
و هنرتب ان شاء الله حاجة قريب
و هتعرف تفاصيلها من هنا
إن شاء الله


تحياتى
يا ر ر
يعنى
يا رامى يا رقيق القلب





wanda
-----


لأ انا كويسة خالص يا ون ون

بس الحر فعلا تاعبنى شوية
و لأ مفيش مصيف
عشان مفيش اجازات
و مفيش فلوس كمان
و مفيش صحة بقى


و بخصوص برج العذراء
اصله عاتفى و بياخد الكلمة بحذافيرها و تلك مشكلة يا عزيزتى ...اصل اغلب البشر لغوياتهم بعافية و ساعات يوقولا كلام كبير على حاجات صغيرة و العكس صحيح ...و انتى تتعاملى على ان كل واحد عارف الكلمة بتاعته معناها ايه و راحة فين ..انما بتكتشفى ف النهاية انهم غالبااااا مش فاهمين روحهم و لا فاهمين معنى الكلمة


انا بحب المشمش
دنا نص قططى سميناهم مشمش

****************************** ******************************
و
××××××××××××××××××××××××××××××
××××××××××××××××××××××××××××××

خلى بالك من نفسك
فاضل كام اسبوع
و شهر تمانية ييجى
انا واخدة بالى اهو






رؤية
----

احم احم

انا كمان بحبك
يا لولى
و ربنا يسعدك يا حبيبتى

إرسال تعليق