.

.

يــجــمـعـنــا فــــراق  

Posted by: فاتيما in





مش عارفة ليه دايما
بحس إن فراقنا
مش هيكون انك تبقى
ف مكان و انا ف مكان
و لا انك هتبطل تسمع صوتى و انا كمان
و لا إنك هتقولى كفاية كدا و نبعد
فانا استسلم
و اقولك طيب خلاص



ومش عارفة ليه دايما
بفكر فى البعاد

و كأنه حقيقة واقعة
مع انى اجبن جدا
من انى اواجه هذا المصير

و باتجنبه قدر طاقتى صحيح
لكن مش قادرة استبعد التفكير فيه
و بقوة رغم ضعفى



يمكن لأنى خلاص
مبقاش ينفع اتخيلنى من غيرك

مبقاش ينفع اتصور حياتى دونك
مبقاش ينفع ارجع تانى
حد واخد على الوحدة و الوحشة
و الخوف و البرد


يمكن ؟


بس ازاى دا حصل
و بيحصل ؟



ازاى حد يعمل ف حد تانى كدا
و ميبقاش متخيل عظيم فعله ؟!؟


ازاى حد يقتلع حد تانى
من جذوره كدا
و يخليه هايم سابح ف الهوا
مش عارف اين وجهته
و لا أى رياح عاتيات ستحمله ؟!



ازاى حد يخلى حد تانى
معندوش أى مانع كدا

انه يتحول من حر إلى عبد
و راضى مطمئن لمجهول مصيره ؟

لا وكمان يبقى مستشعر ان
تبعيته دى انسلاخ
و نقصه هذا اكتمال



و يقبل البقاء ف قفص الأسر

بملء ارادة و استكانة
ضاربا عرض الحائط بكل
المواثيق و الاعراف و حقوق البشر
ف التخلص من العبودية ؟!



ازاى حد يحسس حد تانى
انه مكنش عايش بالمرة

و انه بقى بيحب بجد
مع ان من قبل ما يقابله

يفترض انه ف وقت ما ... كان عايش
و يفترض انه ف وقت ما برضو ... كان بيحب ؟!




تعرف ؟
اوقات بحس انك انسان مسكين
ساقته الأقدار للوقوع ف سكتى
و انه لا ذنب لك



اصل ساعات كتير
قد يبدو المحبوب شخص منعم
و لا هموم على كتفه يحملها
بينما المحب هو الذى يشقى
ع طول الخط



لكن يا حب عمرى
معاك
العكس هو الصحيح




انت مولاى
و انا التى هى طوع امرك و التابع ليك

و اخلاق السادة بحق
- والذى بالمناسبة انت واحد منهم -

تحتم عليهم دوماً
مزيد من الرفعة
و كثير من التيقظ

و تحمل المسئولية
و الضمير الحى دائما خشية الزلل
و خوفاً من الظلم الذى قد يقع ف حق
رعية
معلقين برقبتهم ليل نهار


فأنا لا هم لى سوى حبك و فقط
بينما انت على كف قلبك
تحمل كل الخوف و الترقب
و النظر للقادم البعيد



هذا يا سيدى
و مليكى
و قدرى
عبء كل عظيم
خٌلق ليكون قدره ان يصبح
منتهى الأمل
و محط الأنظار و الأفئدة



اشفق على نفسى احياناً
من هول حبى
بس بشفق عليك أكتر
من الا تنعم بهذا العشق

بينما مفيش غيرك ف الدنيا دى
يستحقه



و اقعد اسأل نفسى
يا ترى
لو إعترفت كل صباح انى
أهواك بلا أملاً
فهل يعصمنى هذا الإعتراف الصريح
من مقصلة اليأس

و عتاب اللائمين
؟؟!!




طيب لما الحب بلا امل
يبقى ليه؟



ليه؟!؟

ليه القلب يدق ؟
ليه ميحبش غير هذا الشخص ؟
ليه ينتظر اللاشىء و مش هيحصل غالبا ؟

ليه ؟!!!




طب ما نخلى
السؤال بالعكس
عل الاجابات تبدو اسهل




ليه ؟!

ليه اتخلق القلب بهذه الكيفية ؟

ليه بيخلينا نهفو لشخص بعينه دون غيره؟
ليه متعملش فيه زرار ندوس عليه

فالحب ينطفى ف ثانية ؟
ليه المشاعر حد يحاسب فيها حد
و يقوله .. ليه ؟

ليه؟!!؟




اللى حساه
و عارفاه بقلبى
و متاكدة منه و بدون ما اسأل
ليه ؟





انى
يا حبيبى

ب ح ب ك


و انى قابلة بعبوديتى لقلبك
قبول تام و بلا نقصان


و انى اكيد لم يكن لقلبى
طوال حياتى
مالك غيرك
لأنه لم يكن ف حياته يوماً أحد
فى رقيك
و سموك
و جلال هيبتك



و انى دايما
حاسة إن
الفراق بينى و بينك
مش هيكون بعاد ف مكان و لا زمان

لأ

فراقنا يا نور عينى
هيكون
بالروح و بس



بعادنا اللى هيحصل
قريباً أو بعيد
ف يوم
خطته السماء ف لوح محفوظ
و ف ميقات معلوم


هيدخل
فيه المَلكَ علىّ فارد جناحيه
و ماداً قبضته ف اتجاهى
عشان يسحب الروح للى خالقها
و يصعد




ساعتها بس
هيجمعنا الفراق

و ساعتها بس
نور حبك ف قلبى

هينطفى

----------------------------------------------------

إنى لأقسم بالجوى
و بمن أحب و من هوى
سأنال حبك طائعاً
او مرغما
فيم انتظارك
و القلوب تعانقت
و العين باحت
و الحنين تكلما
كن رافضا
و معاندا
كن منكرا
و مكابرا
فغدا ستأتى
بالحنين مكبلا
أين الفرار
و أنت تسكن فى دمى ؟
و انا بقلبك بلبل
ألف الغناء على يدك تعلما
قدر أنا
كون انا
و نهاية الاجواء فى قلبى أنا
لم يبق إلا ان تلوذ بدنيتى
هيا فإنى قد شحذت عواصفى
و زوابعى
و حرائقى
و صواعقى
و الشوق اصبح مدمدما
فاشعل بأوردتى الحرائق و الدما
نم فى الحدود المستحيلة فى دمى
و اعبر مسافات الحنين و ضمنى
اشعل بقايا الصمت فيك جهنما
إن كان أثما أن أعانق
فيك عمراً قد مضى
فأنا اتوق
بأن ازيد على يديك تأثما
إيمان بكرى

--------------------------------------------------

علشان كان حاسس
و مصدق لو جمعنا
لا حدود
و لا خوف
و لا أى ظروف ..هتفرقنا
أنغام



This entry was posted on الأربعاء, يوليو 14, 2010 and is filed under . You can leave a response and follow any responses to this entry through the .

35 كــــلام بيطــبطـــب عـــلى قــــلبى و روحــــى

انا قلبي وجعني
ربنا يسعدك رغم أنف الفراق
اللي مكتوب ساعات
وزيه مكتوب الهنا

فاتيما

أزيك ... مش عارفه اقول ايه بعد كلامك
كلامك أثر فيا اوى
كلام من القلب للقلب

ربنا يسعد ايامك يارب
ــــــــــــــــــــــ
فاطيما نفسى اشوفكم كلكم ياريت تعملوا لقاء فى اسكندريه

ـــــــــــــــــــــــ

يجمعنا فراق

ان شاء الله يجمعكم فى اقرب وقت
انتى زى السكره ربنا يحفظك
ـــــــــــــــــــــ
دمتى فى حفظ الرحمن

ربنا يجمعك بيه على خير يارب
ويرزقكم السعادة مع بعض ومش يفرق بينكم تاني ابدا
انا اصلا كنت حاسه ان لبي موجوع مع نفسه وبعد الكلام دا حسيت انه موجوع قوي اكتر

في مقولة بتقول
There is always a time for departure even when there is no place to go
والبوست ده اللى عنوانه الفراق المرتقب بيأكد ان الحبايب
ًWithout each other ... have no place to go

I hope you got my point

Love you mammy
<3
:)
Your banoota

ازيك ياماما فاتيما

انا اول مارجعت قولت اجى اسلم على حبيبتى
مش عارفة فاكرانى ولا ايه

اناهروح اقرا واجى

وهمممممممممممممي بجد

انتي تحفه ♥♥♥♥

قلبي وجعني قوي

هو كده برده

هيجمعنا فراق


وعيطت كمان


هو ليه كده؟؟

في مثل هذه المواقف بلاقي قلبي بيدق لوحده ومش بعرف اقول ايه صراحة .. ربنا يقرب البعيد ويحققلك املك ومايكونش في اي بعد ولا اي حزن ولا افكار ربنا يسعد قلبك با فاتيما لأنك بجد حد يستاهل كل الخير
_______
بالنسبة لشعر ايمان بكري هو من اي ديوان علشان عايز اشتريه انا كنت اشتريت لها ديوان بالعامية بعنوان الديكطاتور
بس كلامها هنا عاجبنى قوي
________
بالنسبة للقاء التدويني ازاي تفكرو في حاجة زي كدة من غير ما حد يقولي او يديني خبر يعنى؟ ازاي كتتو عايزين تتقابلو من غيري ومن غير ما اشوفكو لا انا متاثر قوي قوي قوي .. شوفتى بقى3 قوي علشان تعرفي متأثر قد ايه
______
اه بالنسبة لموضوع بقلظ انا بردو كنت بحبه قوي ومستمتع بيه قوي ومن مدة كدة لاقتنى بقلب في اليوتيوب عليه واسترجعت ذكريات من اجمل ايامي. سيد عزمي من اكثر الممثلين موهبة ولكنه لم ياخذ حظه من الشهرة والمكانة التى يستحقها ولما شوفته في عزاء اسامة انور عكاشة حسيت انه كبر قوي وكأن موت اسامة اضاف اعمارا على عمره رحم الله الجميع احياء واموات
_______
اه في حاجة اخيرة كنت عايز اقولهالك
بخصوص موضوع النكد والذكاء في العلاقات الزوجية انا كنت كاتبلك رأيي في بوست باشمهندس احمد بس لما جيت ابعته حصل خطأ ولم يرسل ان شاء الله في اقرب لقاء ابقي اقولهولك مباشرة كدة ..بصراحة انا كتبت كتير ومش قادر اكتب تانى
تحياتي ليكي يا صديقتى الجميلة وربنا يحققلك كل الخير

الحب جميل
احنا فعلا كنا في اسكندرية من فترة قريبة وكان لقاء ممتع ويوم جميل من ايام عمرنا كلنا .. ان شاء الله ربنا يكرم ونروح تانى قريب .. اسكندرية جميلة وناسها احسن ناس

فاتيما مامت اليوسف العزيزة

كلنا صدقينى مهما بنبان أقويا أضعف من لحظة فراق واحدة

بس بأذن الله ميكنش فيه فراق ابدا يا رب

الحب

لما تحب حد قوى و بصدق بيكون الفراق صعب او زى ما يكون مش محطوط فى احتمالتنا حتى السيئة

وكمان لان الواحد لما يحب مش بيعرف يعيش من غير ما يحب

أشفق على نفسى أحيانا من هول حبى
بس بشفق عليك أكتر
من ألا تنعم بهذا العشق
أأأأأةة
الله على الكلام بجد انتى موتينى بالكلام دة

يا رب يجمعك مع اللى قلبك شاف انه يستحق هذا الحب

ربنا معاكى و يوفقك و يكون معاكى دايما فى كل حياتك

طوا عمرى بخاف م الحب وسيره الحب....
دا رأى الست
انا بقى رأىى انه السم فى العسل
طول ما لسه مافيش جواز وربنا يستر

جميل اوى ياماما

ربنا يقرب البعيد
تحياتى لكى ويارب تتقبلى مروى :)

هو انا ليه ساعات بحس أنك بتحبي شخص مش موجود

بتحبي حلم بتتمنية !!!!

علي فكرة سألتي سؤال لسه كنت بسألة لنفسي

ليه بنتمسك بالمستحيل رغم إستحالتة؟

يمكن علشان المستحيل بيعلي فينا إحساسنا ومشاعرنا

بيخلينا نحب قوي ونحب صح

نحب للحب فنعيش في حالة عشق الروح

يمكن

انا بجد عيطت
وحساكى اوى
ربنا يقرب البعيد
ويجعل اللقاء دايم
ويريح قلبك يارب
وكلنا بنحبك اوى والله
ربنا يسعدك يارب
دومتى فى رعايه الله

أنا بقيت باجى مخصوص أهوه

فاتيما

ترتيبات القدر
محدش عارف هتودينا فين
لكن أهم حاجةنحاول على قد ما نقدر نتمسك بكل حاجة بنحبها ونحافظ عاللى بنحبهم ونحسسهم دايما إنهم على بالنا ومستنيينهم

أنا جايب لك هدية
يارب تعجبك
http://shab-f2ry.blogspot.com/2010/07/blog-post_14.html
الصورة فى البوست :)

تحياتى
الفقرى

ماما
صباحك سكر

اقري البوست ده لو سمحتي
طمنيني عليكي
http://reyah-elhaneen.blogspot.com/2010/07/blog-post_14.html

بحبك

مش لاقية كلام اقوله بعد اغنية انغام وكلماتك وشعر ايمالن بكري حالة ممكن تحصل لاهي محصلة لقا ولا هي تعني فراق والانتظار هو السائد والترقب هو الطاغي
لولا

ايه البوست الجميل ده يا طمطومة... بيمس القلب....

"
طيب لما الحب بلا امل
يبقى ليه؟



ليه؟!؟


ليه القلب يدق ؟
ليه ميحبش غير هذا الشخص ؟
ليه ينتظر اللاشىء و مش هيحصل غالبا ؟

ليه ؟!!!

عايزاكى تعملى بوست تانى تجاوبى فيه على السؤال ده يا فاتيما... أنا بجد نفسى أعرف الاجابة
ليه بنحب الشخص ده بالذات؟ واشمعنى هوه بالذات بنتشد ليه؟ ليه مش أى شخص تانى؟
وليه بنستمر فى الحب ده حتى لو كنا متأكدين انه من غير أمل؟؟

دمتى مشرقة يا أم يوسف

حلوة اوووووووووووووووى
يا فاتيما عاجبنى اوى المشاعر المتلخبطة دى كلها لما تيجى بجد بيبقى حب مالوش حل
بس وهمية بجد يا فاتيما
وحشتينى اووووووى
هو انا ينفع اقولك سيبيها كده ع ربنا من غير حسابات ياما اتحسبت قبل كده والللحظة بتبقى مش زى الاول
سيبى قلبك يطير شوية
وربنا يقرب البعيد ويبقى بامكل وحنان وكله ان شاء الله :]
وحشتينى كتييييييير

يارب مايجعل بينكم فراق

ويجعلكم ديما من ملوك مملكه العشاق

ويجعل قلوبكم مليانه امان

وتعيشو فى حب وحنان


وبهديلك اغنيه خالتى اليسا ماتعرفش ليه؟


ووجعتيلى قلبى ياست انت ربنا يريح قلبك يارب

بوساااااااااااااتى وفعوصاااااااااااتى

أصعب حاجة فى الدنيا

الحب اللى من غير أمل موجع جدا ومحير ومؤرق
:((

الفراق بيقتلنى للاسف ومرارته بجد مش تتوصف

يمكن عشان جربتها وكنت بتدبح وقتها


ربنا يسعدك يافاتي ويكرمك ياااااااارب

لااااااااااااااا
حرااااااااااااااااااااااااااام عليكي
وجعتي قلبي قوييييييييييييييييي
لو روحت المستشفي هقولهم انتي السبب
انتي السباااااااااب
هههههههههههههههه
لابجد
بوست رائع وجميييييييييييل جدااااااااااااا
وكلماتها حساها اوييييييييييييييييييييييييييييييييييييييييييييييييييييييييي:)

طب ايه رأيك بئا

وبالعند في مشاعيرك

ربنا لا يجيب فراق ولا بعاد

وبعون الله

المأذون عليا

بس المؤخر لا يزيد عن ربع جنيه

عارفاه؟

البتاع المسخوط دا اللي دايما يقع من الجيب

مولاتى
شهر زاد الفطومى

احكيله كل ليلة حدوتة
و خلى السياف مسرور نايم
لحد ما السيف يقع على رقبته هو
و محدش يبعد حد عن حد

و بما ان ده من وراء المشربية
و الدنيا حر
فافتحى المشربية علشان الهواء يدخل بس متنزيش تحطى ايزالو علشان الناموس و الهاموش :-)

فطوم هو مفيش حب بدون الم ؟ مفيش بسبوسة بدون لسوعة ؟ مفيش خوخ بدون بذر ؟
:-))))))
حتقوليلى هيستى يا وندا
اقولك محدش بقى احسن من حد و هنا وصلنا لل30 يجدعان :-)) و بنسيح معاكم

بس ده مينسينيش اقولك البضاعة وصلت
و الثمن اهو
:-****************************************************************************************************************************************************************************************************************

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

بزود العيار علشان اغلوش على الغياب :-))))

فاتيما حبيبتى الغاليه بجد
من قلبى بحبك والله اعلم
كلمات اكثر من رائعه
ونفسى حلمك يتحقق وتعيشى السعاده
بس فيه يأس واضح وليه متأكده انك مش ممكن هتتلاقى مع الحبيب ربنا يقرب البعيد ويححق لك كل اللى تتمنيه
ربنا يسعدك ويطمنا عليكى

ربنا ما يكتب الفراق على قلبك ابدااااا يابطه
بوست رااائع ياحبيبتى كالعاده


ميرسى قوى يابطه للتهنئه واهتمامك ياحبى
بوسات وحضونات من رودينا مخصووووص


بس تعالى هنا
هى رودينا كده خلاص سحبت منى لقب عروسه البحور وهنكتفى بقطتى ولا اييييييه؟
لالالالالالالالالالا انا عايزه القابى كااااامله وهنضيف عليهم عمتو طبعا
(:


بحبك جداااااااا

تصدقي يافاتيما
اول مرة الكلام يوجعني قوي كدة
جايز علشان حاسة بكل حرف وبتألم من الاحساس دة

صباحك سكر يا طمطم




وحشتيني


هبعتلك عايزه اقولك علي خبر واسألك علي رأيك في حاجه كده
بس هروح مشوار كده برده

خلي بالك منك وطمنيني
بحبك

إزيك يا ملكة الإنتظار
اتمني انك تكوني بخير
وبصحة وسعادة
بعتذر عن التاخر في الرد ولكن
كنت رحت المصيف كام يوم
الكلمات المكتوبة طيبة والفراق مش سهل وصعب جدا ولكنه حكمة الزمان ويختار من يريد

معلش انا فاصل دلوقتي رقبتي متشحورة لأني كنت عامل فيها سبيح وانا بعيد عنك مله ف السباحة
ربنا يكرمك يارب

فاتيما ازييك وعاملة ايه
وحشانى اوى
على فكرة انتى وجعتينى اوى اوى
مش قادرة اقولك اد ايه
و كلامك بجد فوق الوصف الحب الجميل اكيد ربنا هيجازيه كل خير ويقربله اللى بيتمناه ومين عارف مش يمكن القدر مخبيلك لقاء معاه مكنتيش تحلمى بيه بس مش بالفراق
بس مش عارفة ليه الناس بتتلذذ باوجاع غيرها :((


وحشتينى

سعات الاحتياج بيخلينا نستسلم للعبوديه .. سعات خوفنا من الوحده بيخلينا نحلى الحجات الوحشه ومنشوفش الحقيقه غير بعيون ورديه

كلامك حلو اوى يا فاتيما :)

اصعب شئ على الانسان الفراق
لكن مع الفراق يوجد امل فى لم الشمل
ربنا يلم شمل الاحبه
ربنا يسعد اوقاتك

السلام عليكم
بتابع مدونتك من كتير
بس البوست ده خلني لازم اعلق ..وجعتي قلبي طيب سالت نفسي اومال قلبك موجوع ازاي ؟ظربنا يعينك حبتي و يقرب البعيد يا رب اتمين نكون اصحاب اذا سمحتي ربنا يخليه ليك و يكبر ووقتها هيفهم كل شيء صحيح انا مش فاهمه ايه سبب الفراق لدرجه انك مش بتشوفيه بس اكيد حاجه صعبه اوي ربنا يعينك عليها يا رب و يصبر قلبك الطيب

سلام عليكم
يا صباح الجمال صباحو كريمة لباني وبندق ولوز وسوداني
بصبح بس واوعي تنساني
وحشاني يا أم يوسف وميزو
اخبارهم ايه ؟
تحياتي
مع اني مش فاهمه البوست بس قلت آجي وأسلم

إرسال تعليق