.

.

عـــصــافــير الجــنــــة ف أبو الريـــش  

Posted by: فاتيما in




--------------------------------
عند خالد آخر الأخبار
دوس هنا
و عند وش الخير قوس قزح
دوس هنا
--------------------------------


الغريبة ان كل مرة داليا او خالد

يبعتولى عشان اكتب عن زيارة ابو ا
لريش
مبعرفش اكتب ايه؟!؟
بتحير و احس بعجزو ان الكلمات مهما واتتنى
مش هتكون كافية و لا معبرة عن واحد على عشرة
من اللى جوايا و بحسه


أصل يعنى ازاى الواحد يقدر يكتب
عن طفل بيتألم بكم عذاب الكبير ميتحملو
ش ؟؟
ازاى الواحد يوصف اح
ساس الوجع
و نظرة الإنكسار اللى بنشوفها ف
عيونهم ؟؟



ازاى الواحد يحكى عن معاناة الأمهات و الأباء
عشان يتوفر تمن الدوا و الحقن
اللى بأرقام فلكية

و عادة بتبقى ط
ويييييلة الامد ؟؟


ازاى الواحد يكتب عن احساسه الشخصى
بإنه مقصر قوى تجاه المجتمع والن
اس اللى حواليه
و مش شرط يكون عارفهم يعنى
عشان يفتكرهم ؟؟



و ازاى الواحد يقول انه مهما قعد يشكر ربنا
على نعمة الصحة و
على صحة عياله
و عيال اخواته و اى طف
ل ف محيطه
ربنا انعم عليه بالصحة ؟؟

و ازاى الواحد يتعلم انه يقول الف حمد و شكر
على ان هذا الابتلاء لم يطله
و مش هيقدر اب
دا يحمد ربنا
كفاية
مهما حاول ؟؟



المسألة مرعبة و صعبة
و كل سنة
الوا
حد بيكتشف اكتشافات مذهلة منها
ان ابتلاء ال
مرض بيتبعه ابتلاء
ف المال و الأعصاب و الأيمان ببكرة

اعباء تخلى الضهر ينقطم
و الروح ت
نكسر
و القلب ينقسم

و مع ذلك تكتشف ان

فيه بشر كتير منهم اطفال
شايلين هذا الحمل (364) يوم
ف السنة
و راضيين و س
اكتين
وبي
قولوا يا رب
فهل نبخل نحن الناس الصحيحة البدن
اللى ربنا كارمها بشيل الحمل عن
هولاء العصافير
اليوم رقم (536
) ؟؟



كل مرة مبعرفش
اقول
غير انه يوم ف شهر رمضان بنحاول فيه
نكون احسن

يوم بنحاول فيه نكون مع
حد تانى غيرنا
نساعده لأنه مش محتاج مساعدة

و احنا بنتفضل عليه
لأ
دا واجب علينا نساعده اصلا طول السنة
بس العين و الأيد غالبا بتكون قصيرة
لكن ربنا بينفخ ف صورتنا ف
رمضان
عشان القلوب تحن
و الأيد تبقى
عليا
و العين تلمع بفرحة متتوصفش


ايوه فرحة و متتوصفش
مساعدة الآخرين ليها فرحة وبهجة بحسها و بالعكس كمان
يعنى اللى شايل بؤجة الخير مثلاً

او محو
ش اى مبلغ و لو قليل
او جايب لعب و حلويات ف شنطة و جاى
بيكون احساسه بالسعادة اكب
ر و اعمق
كما لو كان الحاجات دى جياله
مش رايحه منه



كأنه هياخد ... مش ه
يدى


العطاء نعمة
هذه حقيقة و الله بشوفها
كل سنة كذا مرة
لما بنتجمع كمدونين
و مش عاوزين اى حاجة
غير
هدف واحد
المشاركة الأيجابية و تغيير الصورة الق
اتمة
اللى كلنا بنشتكى منها
و بنكتب عنها فى مدوناتنا
و بنتمناها تتبدل و دا بيحصل رويدا رويدا

و لما النية بتبقى صافية
ربنا بيبارك
و العادة اللى يا رب ما تنقطع
اللى حكت
عنها
وش الخير قوس قزح .. اصدق دليل





السنة دى و كلاكيت تالت مرة
عصافير الجنة ف ابو الريش منتظرينا
نشيل عنهم الهم و لو ليوم
و نفرحهم
و نفك
كرب ام و اب شايلين عبء
ربنا ما يوريه
لحد




السبت 28 اغسطس معادنا
الساعة تلاتة العصر
عند مستشفى ابو الريش اليابانى للاطفال



كل التفاصيل هتلاق
وها
عند وش الخير قوس قزح داليا
و عند شها
مة و جدعنة الدنيا ..خالد همس الاحباب
هتلاقوا هناك
اسامى ادوية
مطلوبة بالاسم
-------------------------------------------
اللى قادر يشتريها
و يبعتها او يجيبها معاه
او يبعت مبالغ تساعد ف شراءها
يبقى هايل


اللى ميقدرش
فيه حاجات تانية تساعد
زى اللعب اللى الولاد يتسلو
ا بيها ف رقدتهم
زى الصلصال و الألوان و الدومينو و الشطرنج و غيره
حاجات يلعبوا بيها
من غير حركة كتير



و تنويه هااااااااام
-------------------------
محدش يا جماعة يستقل اى مبلغ معاه
و يف
تكره تافه او عيب ييجى عشانه او كدا
جدتى الله يرحمها كانت دايما تقول
القليل ع القليل يبقى كتير
فمحدش يفتكر ان فلوسه البسيطة
مش هتساعد
لأ ..متهيأله دى هتفرق
و ا
ن شاء الله ربنا يبارك فيها
و
ف اللى رايحالهم
و فيكم



النية بتخلى ربنا يرزق و يبعتو لو ف آخر لحظة
و اظن لو سألت حد فيكم
عن المرات اللى فاتت
هسمع قصص كتيييير
عن الحكاية دى
و هتلاقى اللى بيقول
ان ربنا بيفرجها من حيث لا نعلم فجأة

عشان الحاجة دى راي
حة لصاحب نصيبها



يتبقى بس فاضل
نقول يا رب

و ننوى م القلب



بعد الزيارة هيكون فيه فطار جماعى
عند مطعم ابو خالد عشان
اللى مش هيلحق يروح

او حابب يقعد
و يكمل اليوم كله لآخره معانا



اللى مش هيقدر ييج
ى او يشارك
يا ريت يحط
الصورة دى عنده
ف الشريط الجانبى
عشان ينشر الفكرة


و عشان اللى ناوى ييجى يبقى متابع
اول بأول
آخر التطورات
و هناك نمر الموبايلات
و الأيميلات و كل حاجة
و الدال ع هذا الخير له التحية
و كل الشكر




و لو يسمح يحط مع الصورة
اللينك دا

http://kouskoza7.blogspot.co
m/2010/08/blog-post_12.html

أو ا
للينك دا


http://hams07.blogspot.com/2010/08/blog-post.html




احنا و عصافير الجنة
ف أبو الريش
ف انتظاركم يا اهل الخير
ان شاء الله


رمضان كريم عليكم
و كل سنة
و إحنا متجمعين ع الخير دايما



--------------------------------------------------------------------



بوستات عن السنوات السابقة

----------------------
فخور بإنى (همس الاحباب) سبتمبر 2008


مش عجيب أبدا .. سبتمبر2009




بوستات صديقة

----------------------------

الخير على إيدكم دايما
قوس قزح وش الخير




عمل خير+افطار جماعى
خالدهمس الاحباب

أبو الريش للسنة التالتة
آبى هانم بتنجانى


يوم للخير و للفطار
مدونة بيكيا


أحلى يوم للخير فى شهر الخير

منونا ..واحد شاى




أبـــــو الريــــش
بت خيخة و أى كلام


الخير على ايديكم دايما
احمد عبدالعدل ماذا بـــعد


أبو الريش الدالى الجزء التالت
كيكى عوووو




عمل خير و افطار جماعى
روح بوسبوس




الخير على ايديكم دايما
المحبة عاشقة القمر


دعوة للخير
قلب مصرى


ادوية مطلوبة للأطفال
wanda..سواحة فى الكون


عمل خير و فطار جماعى
البنات عايزة ايه؟



زيارة مستشفى ابو الريش
حفيدة عرابى .. لقد خلقنا الله احرارا


ابو الريش + فطار جماعى
reem رسائل بلا بريد



بحور الخير
قلب القطة richardcatheart



تفاصيل لقاء ابو الريش
رانيا ليس فقيراً من يحب



لقاء خيرى و افطار جماعى فى القاهرة
ندى الياسمين



كواليس الجزء التالت ابو الريش الدالى
كيكى عوووو



أخويا فى السرير الأبيض
رامى - بابى



غدا لمسة حنان
كيـــــار - عالم مولان


--------------------------------------------






This entry was posted on الثلاثاء, أغسطس 24, 2010 and is filed under . You can leave a response and follow any responses to this entry through the .

39 كــــلام بيطــبطـــب عـــلى قــــلبى و روحــــى

كل سنة و انتوا طيبين
يا اجمل ناس و صحبة و عالم

انا عدت البوست
عشا القديم مش راضى يطلع ف الريدرات

عالله دا كمان يحصله
الا امسك ف خناق البلوجر
و اتبلى عليه
و اجيبله موسيباااااا



الناس الحلوة اللى علقت ع البوست القديم حقهم محفوظ

و تعليقاتهم هعيدها


خالص حبى و احتراماتى

mostafa rayan يقول...
------------------------

ان شاء الله احضر واشوفكو ويكون يوم جميل ومميز زي عادة اللقاءات دي
كل سنة وانتي طيبة وبخير ويارب الجاي احسن

السبت, أغسطس 14,
2010 9:29:00 م




mostafa rayan يقول...
----------------------
طبعا ممكن اكوناول تعليق ولو دةحصل يبقى المعجزة حصلت وبركاتك يارمضان

السبت, أغسطس 14,
2010 9:30:00 م






Silver Eyes يقول...
---------------------

مساء الخير يا فاطيما :)
يارب تكونى بخير يااارب


ربنا يجازيكوا خير ع الفكرة والنية والتنفيذ باذن الله
ان شاء الله يبقى يوم جميل عليكوا وعلى الاطفال ومليان بالخير كالعادة ..

تحياتى :):)

السبت, أغسطس 14, 2010 10:44:00 م







Diyaa' يقول...
----------------
أمال لو كتبتي بقى كنتي هتقولي إيه ؟ :)

والله ما جصرتي :)

كل رمضان وأم يوسف أحلى من اللي قبله :)
أحن وأرق وأجدع وأطيب ولطاعة ربنا طبعاً أقرب

بإذن الله

كده عرفنا سبب تأخير الرد على الميل لما نشوف بقى :)

السبت, أغسطس 14,
2010 11:21:00 م







حفيدة عرابى يقول...
--------------------
ربنا يكرمكم بالخير ياطمطم
بس اللينكات مش بتفتح معايا

الأحد, أغسطس 15,
2010 9:13:00 م

يا خسارة بجد مش عارف أقول أية السراحة

كان نفسى أكون موجود

بس البركة فيكوا بقى

ربنا معاكوا و يوفقوا

و يجازيكوا كل خير

صباح الخير يا ماما

ان شاء الله يكون يوم رائع
وربنا يبارك فيه
ومتجمعين في الخير دايما

و رمضان كريم

وحشتيني

ده اولاً

ثانياً بقى

كل لحظه وانتي بالف خير وصحه وسلامة وفرح وسعاده وهنا وراحة بال يارب

وربنا يعود عليكي الايام بكل خير وان شاء الله ما يجيش العيد الا ويوسف نايم في حضنك يارب يارب يارب

متأخره انا عارفه ومش عارفه اودي وشي منك فين

بس انتي قلبك كبير ومش محتاج اني اقول كده لان ده واضح للبشريه كلها


ربنا يجمعكو على الخير دايما يارب ويجزيكو الف خير على اللي بتعملوه

ربنا يجعله في ميزان حسناتكم يارب

كنت اتمنى جداً اكون موجوده

بس ان شاء الله الجايات اكتر

هحط الصورة عندي حالاً ان شاء الله واللينكات اللي قولتي عليها


بس في حاجه كمان

في صورة اول ما شوفتها افتكرتك مش عارفه ليه ، اعتبريها اهداء او هديه بسيطه

http://arb-up.com/4e6usjwdixkg/254.jpg.html

ورفعتها ع الموقع ده بس مش عارفه بقى اذا هتظهر عندك ولا لا لاني ما بفهمش قوي في الحاجات دي

بس عموما لو ما ظهرتش هتلاقيها عندي ع الجنب كده ماشي

يارب تعجبك ولو مش عجبتك اضحكي عليا وخلاص هههههههه


آخر حاجه

بحبك قوي

mostafa rayan
-------------

أينعم انتا اول تعليق يا صفصف
و مالك محسسنى انه اول تعليق على البيان الاول للثورة يا جدع


كل سنة و انتا اطيب من اللى قبلها
يا الطيابة ذاتها

و اشوفك يومها على ألف خير يا مصطفى
رمضان كريم عليك يا رب




silver eyes
-----------

مساء الورد يا حبيبتى
انا بخير و المهم انتى

ربنا يكرمك و ميرسى ع الدعوة الطيبة
بس حاولى برضو تيجى اذا امكن
ان شاء الله مش هتندمى

تحياتى انا اكتر
:)





Diyaa
-----


يا من الخير ف ركابه
ازييييييييك

انا بخير يا ضيا
و فرحانة قوى
انى هشوفك و نفطر كلنا سوا


و ايوه مش بلاقى كلام بصراحة
انتا بتبقى معانا و بتشوف بنفسك
الاحاسيس الكتير اللى بتيجى للواحد مبينفعش تتوصف قوى

من غير رد ع الميل
لما اشوفك ان شاء الله
نبقى نقعد نرغى


خلى بالك من نفسك
و رمضاااااااااان كريم عليك
يا غالى




حفيدة عرابى
----------

منحرمشى منك يا فيدوووو
و معلش البلوجر اللى عاوز يرتكب ف حقه جرائم جماعية دا هوه السبب

كان نفسى تيجى
حاولى
عشان
خاااااطرى


رمضان كريم ليكى
يا فدافيدو








Ramy
-----

انا زعلانة جدااا يا رامى
كان نفسى تيجى بجد
مينفعش تاخد اجازة ف اليوم دا ؟؟
انا عارفة انك هتحاول قدر الامكان
و يا رب تقدر

رمضان كريم عليك يا ر ر
يعنى يا رامى يا رقيق القلب

Baskouta
--------

صباح الياسمين
يا عيون ماما

كان واحشنى قوى تعليقاتك
منحرمشىىىى من طلتك عليا
ابدااااااااااا



ان شاء الله يا حبيبتى
عشان النية بتكون خير
و نفسى تيجى تحضرى
لو هينفع


ربنا يبارك فيكى انتى
يا بسكوتى الحلوة



بوسات
و حضونات
و فانوسات

۩

كركبة دماغ
----------

اولا
انتى كمان



ثانيا
و انتى طيبة و بألف صحة
و سلامة يا حبيبتى



ثالثاً
تودى وشك فين ؟؟
ف حضنى طبعا
و مفيش أى كسوف
خليكى على راحتك
و اقل من مهلك
انا عارفة غلاوتى عندك


رابعا
-----
ميرسى ع الصورة
ومش عارفة ليه فكرتك بيا بس يشرفنى
اصلها حلوة جدا
و معبرة جدا
و موحية جدا
و انا حبيتها جدا
و ميرسى ليكى يا كراكيبو جدا
و بوسات و حضونات كتير جدا

اه يا فاتيما انا عايزة اعيط بجد
انا عمالة اقول لبابا يلا نبيع كل حاجة هنا وننقل عيشيتنا كلها القاهرة ...بس عشان اقدر اجي واعمل معاكم الحاجات دي ...انا زعلانة اوووي كان نفسي بجد اجي ...يا ريتكم تعملوا بجد الحاجات دي ف يام تانية كمان عشان نعرف نيجي انا وغادة ورانيا ورضا واحمد وزمايلنا ف الكلية ونقدر نعمل اي حاجة فيها خير ...يااااه بجد علي اد ماانا زعلانة علي اد ما انا هدعيلكم بالخير يا رب يزيدكم يا رب من فضله ويا رب يعوضكم خير ويكتب لكم الخير دايما يا اهل الخير ...اللهم آمييين

تيما يا تيما ياروح قلب منونتك قمورتك

كل سنة وانتى طيبة يا حبيبتى وبخير دايما ومنورة الدونيا كلها يا حبى

ربنا مايقطعلكم عادة

يارب اللهم اميييييييين

وانا جاية باذن الله يا حبيبتى

ربنا اخيراااا هيحقق لى امنية حياتى

انى اشارك ف حاجة زى دى

ربنا يستر ومايحصلش اى مانع

وانا باذن الله جاية وهاشوف كده لو

هبات الجمعة ف كايرو ممكن لو

محتاجين لى من الصبح انا ممكن

ابقى موجودة ان شاء الله

تيما يا تيما

اى لف يووووو

:* :*

كالعادة سباقة في عمل الخير مع المجموعة الرائعة التي لا تمل من فعل الخير

كل سنة وانتي طيبة وبألف صحة وسلامة ودايما في الخير متواجدة

ربنا يجازيكم علي كل ده

احنا عندنا في جمعيه رساله بنعمل زي ده بس بقالي كتير مطلعتش معاهم للاسف والواحد نفسه يرجع زي زمان يتفرع لمساعده الناس لكن والله ربنا يعلم ان الواحد يدوبك يخلص الشغل ويرجع ميت في الجو ده زي القتيل
لكن عن نفسي ناوي ان شالله اسارجع نشاطي الخيري لان لو مساعندناش الناس دي محدش هيساعدها غيرنا

كل سنة وانتي طيبة يا فتيما انا عارفه انها متاخرة اوي وعارفه اني بقالي كتير مدخلتش عندك وحشتيني اوي اوي اوي وكلامك اصر فيا اوي وعجبني اوي اوي اوي يارب تكونوا امبسطوا هناك وانا جيت النهاردة علشان اقولك استني مني بوست جديد

تحياتي ووحشتيني اووووووي

فاتيما ازيك
انا جيت بس اسلم وكمان اادي امانة
رضا صاحبتنا بتسلم عليكي كتييييير جدا وهي دي الامانة اللي ف رقبي ...انا كدة وصلتها
سلام وبوسات وحضونات كتيييييرة ويارب نتقابل قريب

مبسوطة اوي اني هروح

اول مرة اشارك في حاجة زي كدا

انا بدعي ربنا يديني طولة العمر لليوم دا بجد

انا مبسوطة جدا

ومبسوطة كمان اني هشوفك يا فاتيما

واني هاشوف ناس زي العسل بجد

كلكو هاشوفكو لاول مرة !

كل سنة وانتي طيبة يافاتيما ويعوده عليكي بالخير يارب ويوسف في حضنك

بحبكو في الله حقيقي :)

:)
كل سنة و انتي طيبة يا حبيبتي..
و كل اللي بتحبهيم بخير ..
جزاك الله كل خير يا ام يوسف .

كل سنة
وانتى ويوسف
بألف ألف سلامة
مش لاقيه تعـليق
اقوله على رقة كلامك
فى تدوينتك الجاية(11)
ولا لاقية باب كمان الصراحة
أدخل منه للتعليق فقلت
ياااااابت مابدهاش
ادخلى من التدوينة
اللى قبلها واهو
قلب ماما فاطيما
يساع الكل ياروح
قلب الكل ياأم يوسف

كل لحظة وكل
أم وكل أبن
بألف ألف خير

في كل الأحوال اجي وأنا صايم مستحيل حقنا للدماء

لكن

لو كنت فى القاهره هاحاول اجي في وقت لاحق

وأن شاء الله كل أنواع الأدويه هتروح مش مني من ناس أحسن مني بكتير وكتيمي

كل سنه وجو طيب

بتسألي هتقولي ايه لربنا يا فاتيما؟

طب ومن ظلم..مش أولى أنه يسأل نفسه السؤال دا؟

عموما من أكره لا سؤال له

نفدتي يعني

كل عام وانتى بخير
ورمضان كريم
يا اجمل ام ف الدنيا كلها
كريم بهي
" لسه فاكراني ؟

معاااااكو انا بأذن الله:)

طمطم الرقيقة اللى مش عارفة تكتب لان اللى جواها اكتر بكتير من اللى ممكن يتقال او يتوصف
انا عارفة احساسك
و ده اللى بيخلينى مش عارفة اكتب بعد اللقاء و اسيب الناس اللى حضرت هى اللى توصف و اشوف اليوم بعيونهم هم
يارب يكون يوم مش يتنسى ..و مش اقصد لنا لكن للاطفال
فاكرة الطفل اللى كان عامل عملية فى النخاع الشوكى و مع كده قعد و لون التاج بتاعه ..حاجات بسيطة خالت الاطفال كلهم عيونهم فيها تسال ..هو ايه اللى بيحصل

ان شاء الله نقدر نسعدهم تانى

كل سنة و يوسف طيب و عقبال مليون سنة

ما ينفعش نحط كومنتات لحبيبنا يوسف يعني ونقوله كل لحظه وهو كويس وبخير وفرحان ومبسوط ومعاكي وفي حضنك قريب ان شاء

طب انا ماليش دعوة بقى انا جيت اقوله هنا حتى لو ده بوست تاني خالص

ولو ما ينفعش يتنشر هنا عشان خارج النص انا حطيتله عندي فوق اهداءك بالضبط صوووور يارب تعجبه اما يجي ويشوووفها


كل فيمتو ثانيه وانت حبيب ماماااااااااا يا يووووسف

ربنا يجمعكو على الخير قريب يارب وربنا يقر عينك بيه يا فاتيما وتفرحي بيه عـ طول

ربنا يصبرك ويربط على قلبك لحد اما يرجع لحضنك

هانت

ما بقاش الا القليل

والله دايما دايما دايما ادعي انه ما يجيش العيد الا وهو في حضنك



اي كلام هقوله ماسخ ومالوش طعم جنب بوست الدكتورة ستيته

هو الكلام على اصوله

انما اللي انا بقوله ده عك وخلاص

بحبك يا " ام يوسف "

كل سنة ويوسف بخير
وعقبال 100 سنة صحة وسعادة
ربنا يكرمك وتشوفيه احسن واحد فى الكون
وجزاكى الله خيرا وجعله فى ميزان حسناتك
سعيك دائما فى نشر الخير
تحياتى

كل سنة ويوسف ياأم يوسف طيب وبخير
واسد غابتك وروح قلبك
ربنا يحفظه ويحميه ويرده ليكى بسرعة
ومايحرمكيش منه تانى ابدا

انا بقالى كام يوم فاكرة والله عيد ميلاده
كل سنة وهو أبن المدونين كلهم وجوه قلب كل واحد فينا

مش لاقيه كلام أقوله ودى مش عادتى بس نفسى احضنك قوى وخلاص

بحبك
كل سنة وانت طيب يا يوسف باشا
كبرت ماشاء الله
ربنا يبارك فيك يا بنى
وفى انتظارك دوما

خالتك
هبة

فاتيما
بجد الكلام عن يوسف راااااااااااااائع
ربنا يخليهولك يارب ومش عارفة اقول اية بصراحة اصل كلامك خلاني اروح دنيا تانية ....هو انا ممكن استغل كلامك ده واضيفه للقصة اللي انا بكتبها .....ههههه اووعدك لو فازت ف مسابقة ابق ياقسم بالنص ...ههه يمكن المرة دي افوز بحاجة جاااامدة عشان كلامك الحلو ده ....ربنا يكرمك يارب ويكتب لك الخير يا فاتيما

كل سنة ويوسف بخير وسعادة ربنا يسعدك بيه ويخليهولك وتشوفيه احسن الناس

لولا

أيه أيه أيه أيه أيه

أيه كمية الأيه دى يا عم رامى (:

أة ما أنا لازم أقول أيه و أتسائل

لغاية أمتى هنقفل التعليقات (:


أزيك يا فاتيما

البوست هايل يا فاتيما

مش هقول غير كدة

(:

تمام (:

رمضااااان كرييييم يا مامت يوسف

يا نوارة البلوجر

(:

الكونت اللى فات دة بتاع

قدر و مكتوب

التعليق ده اعتذار ليكى علشان قصرت فى حق يوسف ومش قلت له كل سنه وانت طيب
بس انا بجد دخولى المدونات اصبح بالصدفه
اكيد انتى تختلفى عندى عن اى حد بدليل انى مش باعلق فى اى مدونه
لكن سامحينى لانى فوت بوست من اليوسيفيات اللى باعشقها
كل لحظه وهو طيب ياحبيبه قلبى
وربنا يجعل قدرك المكتوب كله خير ليكى
بوسات كتير وحضونات اكتر
بحبك موت يابطتى

re7ab.sale7
-----------

من غير عيااااط يا رحوب
ان شاء الله مش بعيد يكون شغلك ف القاهرة
او يجيلك عريس م القاهرة
فتلاقى روحك معانا ف كل مرة

ان شاء الله المرات الجاية تكون اوقاتها مناسبة ليكم
بجد انتم صحبة جميلة و طيبة
و يوم ابو الريش اللى فات كنتوا منورينا و واخدين بحسنا


بالنوسبة لبوست يوسف
خدى اللى يعجبك يا ستى
ما دامت حقوق الأستغلال محفوظة
هههههه


سلامى الشديد لرضا حبيبتى
البنت دى جميلة و طيبة قوى
بوسيهالى بالنويابة
لو سمحتىىىى
و الأمانة وصلت
و استقرت ف قلبى اهو
معاميق معاميقه يعنى
ربنا يوفقك ف كل خطوة
و منحرمشى منك يا حبيبتى



منونا
-----
و انتى طيبة يا منونتى
يا قمورتى

هستناكى ان شاء الله
انا رايحة من الساعة اتنين عشان اللى هييجى بدرى يلاقى حد ف استقباله
هتلاقينى على الكنبة اللى على باب المستشفى ان شاء الله
حتى وردة حمرا ف عروة الجاكتة
و السمس مسيحة دماااااغى
و طبعا محتاجينلك
منستغناش يا حبيبتى

اى لوف يو تووووو







يا مراكبى
--------

منحرمشى يا نبع الحكمة
عقبال ما مرة تكون معانا عن قرب
شان عارفة انك معانا م البعد و مشارك برضو
بش نفسى تحضر الفرحة بنفسك
بدل ما تقراها بس

ان شاء الله يحصل
دعواتك يا غالى




dr.lecter
---------

إيه دا ؟؟!!

يعنى افهم من كلامك دا
انك مش جااااى يا ليكتر ؟!!!

هزعل كدا

حاول تيجى و النبى
و لو تفطر معانا طيب
حاول يا ريت

اتمنى تنورنا بجد


ماشى ؟؟؟؟
طيييييييب



ranim
------

و انتى طيبة يا مبتسمة دائماااااا
و اليوم لسه مجاش يا حبيبتى
دا يوم الشبت الجاى ان شاء الله
و لو تقدرى انتى و هند تيجو
يا ريت فعلا تحاولوا

هستنى اكيد البوست الجديد
بوسات و حضونات يا شقاوة

أع ـقل مـ ج ـنـونــة
-----------------------


انا اللى مبسوطة اكتر منك
عشان هشوفك يا جنونة

كل سنة و انتى طيبة يا حبيبتى
و ان شاء الله ربنا هيمد ف عمرك لحد ما تحضرى كل ايام الخير دى لحد الدنيا كلها ما تخلص ...هه

بوسات و حضونات يا شقاوة





قهوة بالفانيليا
---------------

و انتى طيبة يا شيماااااء
اليس هناك أمل انك تيجى و نشوفك ؟!
فكرى كدا و حاولى

بوسات و حضونات
يا قلب الفانيليا

عارفة الفانيليا الأصلية
عشان يخرجوا روحها
و الريحة المركزة بتاعتها
بيقطعوها و يطلعوا قلبها
اللى هوه أعطر حتة فيها

انتى كدا
قلب الفانيليا
اللى عشان يفوح عطرها
لازم تنوجع

بس خلاص



norahaty
---------

و انتى طيوبة دايما يا نورهانتى
الا مفيش مرة من نفسوياتنا كدا نشوفك يا دوك ؟!!!
انا لسه فاكرة لحد دلوقتى السنة اللى فاتت لما قوس قزح ادتنى الموبايل بتاعها و انتى كلمتينى
مكنتش عارفة الم كلمتين على بعض اقولهملك ..اصلى فيه ناس كدا
من كتر ما هما قريبين
و نفسك تشوفيهم و مبيحصلش
لما تشوفيهم او تسمعيهم
خلاص بقى تلاقى روحك تنحتى
و الكلام يسكت


كل سنة و انتى بألف خير
يا حبيبتى





مصرى جدا
--------

يا عم تعالى و الدماء متشغلش بالك بيها احنا ف مستشفى و واخدين على منظر الدم

ثانيا انا زعلاااانة جدا
من حركة الفيسبوك دى
و كمان قافل التعليقات
ليه بتوع التدوين دول ولاد البطة السودا و لا إيه ؟؟
ماشى ماشى خليك فاكر بس


يا رب نشوفك دايما ف الخير
خالص ودى يا فندم

كريم بهى
------

كدا ؟!!!


تعليقك
على قد ما فرحنى جدا
على قد ما زعلنى جدااااااا


ازاى تقول لسه فاكراك
يا كريم
يا بهى ؟!!!


طبعا يا بنى


كل سنة و انتا بألف خير
و رمضان و كل يوم ف السنة
كريم عليك

كريم
و بهى

بس كدا

SONY2000
--------
بجد ؟!!!

تنورى يا سنسن
هستناكى يا جميلة
متتأخريش بقىىىىىى







قوس قزح
-------

يا وش الخير


انتى مش محتاجة تكتبى حاجة


يا داليا
انتى وجودك كفاية


تحضيرك لليوم دا
كفاية


ترتيباته من قبل منه بزمن
و اثناءه
و بعده
كفاية


استقبالك لكل الناس
و الرد على اتصالاتهم
كفاية


الحنية و الأهتمام
اللى بيشع من عينكى
لكل حد
مريض او مدون
كفاية

حضنك ليا
و محاولة اشعارى
ان ليا دور مهم
مع انى ببقى ضيفة
و مجهودى واحد على الف منك
و من خالد بس فكرة انك تشوفى فرحتى
كفاية

الخير اللى بسببك
و بسبب خالد كل سنة بيكبر مجاله
و يزيد ناسه
كفاية

الخير اللى انتى وشه يا داليا
و دا كفاية


بحبك
و كفاية






كركبة دماغ
----------

معلش يا كراكيبو
كدا افضل
و انا عارفة اللى ف قلوبكم يا حبيبتى

كل سنة و انتى بألف خير
و ميرسى على كل الحاجات ااحلوة اللى حطتيها ليوسف ف مدونتك
منحرمشىىىىىىىىى


بوست ستوتة برد و سلام
ربنا يخليها لينا
دى س س
يعنى ست الستات
و ف قول آخر
ست السوتيتات
على رأى القدر و انا
الله يمسيها بالخير


انا كمان "بحبك يا"
يا كراكيبو






همس الاحباب
--------

و انتا طيب يا خالود
و بألف صحة و سلامة
يا شهامة و جدعنة الدنيا

اشوفك ان شاء الله
يوم السبت بقى

حفيدة عرابى
----------


و انتى طيبة يا فيدو

انا عاوزة اقولهالك و تقولهالى
وجهاً لوجه
و ان شاء الله يحصل يوم السبت

انا متفائلة خير

منحرمشى من دعواتك





Doba
----


الحضن وصل و حصل يا دوبى
كفاية تعليقك
انتى عارفة ان تعليقاتك فارقة عندى

كل سنة و انتى حبيبتى
يا ام يسوفة العسل
و عمورة القمر


بوسات و حضونات
يا ميس




لولا و زهراء
----------

و انتى طيبة و بألف خير يا لولا
ميرسى يا حبيبتى جدا






Ramy
-----

معلش يا رامى بقى
التعليقات مقفولة صحيح
بس هتنفتح ان شاء الله البوست الجاى
لأنه هيكون لو ربنا أذن عن يوم ابو الريش و اللى حصل فيه

ميرسى على كل التعليقات اللى ع البوستات السابقة
انتا اكيد هتقراها بقلبك
و بشكل مختلف
لأنك ر ر
فدا الطبيعى منك
و لن أقبل أقل منه يعنى

مبسوطة ان البوست عجبك
و مبسوطة بأى تعليق عموما بييجى منك

سلامى لبيير ملاكك الجميل
و سلامى و لو موصلش .. لملاكك الغالى

عاشقة الرومانسية
----------------

تعليقك غالى قوى يا دودو
و زعلانة عشان حكاية الصدفة دى
بس عموما الحال العام للتدوين
انعكاس للحال العام ف البلد
حالة ملل و كآبة غريبة


انتى مفوتيش بوست يوسفيات ولا حاجة
اى وقت يا حبيبتى يعجبك تعالى
روح قلب ماما مستنياكى دايما
و كأنك مغبتيش يوم

انا كمان
بوسات و حضونات
يا عروسة البحور
و قطتى الحلوة

بطتك



الفانوس دا
عشان رودى
۩

كل سنه وانتى طبله يافاتيما ورمضان كريم
اسفه انها متاخره


ربنا يبارك للجميع وبقدركم دايما على الخير
كان نفسى اكون معاكم
:((
ياريت فيه طريقه اقدر اساعد بيها بس من غير سفر للقاهره

تحياتى وحبى ياقمر
3> 3>

إرسال تعليق