.

.

مـــعاك ف الطـلعة دى  

Posted by: فاتيما in

تيجى نهرب م الحقيقة
م الصور
من خبر عاجل يخض
تيجى لا نفهم
ولا نعرف
و لا نقدر نرد
تيجى نتعلم سخافة
بشويش كده
و صنعة لطافة
و تبقى بياع الكنافة
و ابقى بياع الكلام
تيجى نهرب م الأحلام
و م الامل
نطلع بطاقة بدون عمل
و نأجر عجل
نركب جمل
نبقى يعنى ف اللذاذة
و لا تيجى
يبقى ملناش عازة
زى كل شىء جميل
مستحيل
دى هى كده
و ملهاش بديل
تعشقها تيجى رجلك
تيجى تهرب بجلدك
تنجرح
يوجعك قلبك بجد
لا تقبل أى حاجة
و لا تبقى أى حد
تيجى
على سلامة
أيوه ...موافقة





This entry was posted on الأحد, سبتمبر 05, 2010 and is filed under . You can leave a response and follow any responses to this entry through the .

58 كــــلام بيطــبطـــب عـــلى قــــلبى و روحــــى

أيوه موافقة
آجى شوية
و اطنش كل حاجة


اطنش كل حاجة سخيفة حواليا
اطنش دنيتى الصغيرة
و الكبيرة كمان
اطنش الناس اللى بيصعب عليها
تلاقى الخير و متفسدوش
الناس اللى بتستمع بتشويه اى شىء جميل لسه فاضل
الناس اللى بتسرق احلام غيرها
الناس اللى بتقتل الفرحة ف القلوب
الناس اللى بتكسر نفس بعض
الناس اللى بتجرح بعضها بأسم الحب
و الخوف و الغيرة
الناس اللى بتنصب نفسها قضاة و هما مليانين عيوب
الناس اللى بترتشى و تاكل حرام
الناس اللى بتسرق
و تأذى
و تدبح
و تنافق و تكدب كدا عينى عينك
و لا يرف لها جفن
الناس اللى خلت البلد دى خرابة
و هيا جنة

ايوه
انا لسه شيفاها جنة
حتى خرابها
فيه روح و معنى
و لسه زى كل عاشق عندى امل فيها

نسيبها و نروح على فين ؟
مينفعش


زى ما سلامة قال

دى هى كده
و ملهاش بديل
تعشقها تيجى رجلك
تيجى تهرب بجلدك
تنجرح
يوجعك قلبك بجد
لا تقبل أى حاجة
و لا تبقى أى حد
تيجى


و احنا عشاقها
و مفيش بديل


صباح الصباحات

صباح الصباحات يا ستي

حلوه

زيك

لا لا

انتي احلي

(K)

تيجي نبقى ملناش عااازة

هو ده
انا عاوزة من ده

صبح الخير.

انا كمان موافقة
اجى معاكم يا طمطم

وانا كمان


مواااااااااااااااافقة
جمعاااااااااااااء

وانا كمان موافقه اجي معكم

كلمات جميله ياتوما
انا ممكن افكر واجي معاكو بس لو بعد العيد
كل سنة وانتي طيبة وعيد سعيد عليكي وعلي يوسف وكل الامة الاسلامية

أممممممممممممممم
إدينى فرصه أفكر
هههههههه

ده مستقبل بردوا وانتى عارفه ياأم يويو

مش هتأخر عليكى هرد كمان اسبوع كده

(:

صباح الفل

عارف متأخرة (:

بس انا موافق

ياريت

بس أمتى

؟؟؟؟

(:

حلوة اوي
انا كمان موفقة ينفع تخدوني معاكوا
ههههه
تسلم ايدك يا قمر

دى حاجه جميله جدا جدا

موافقه جدا جدا

وانا كمان اجي معااااااااااااااااااكيييييييييي
نفسشي شويه اقعد من غير ايحجات حوليا
اتفرج علي كل حاجه حلوا خلقها ربنا وبس:)
نفسي

واضح ان الدعوه عامه
فلو ممكن تسبيولى مكان معاكم :)

مش موافق طبعا

و دي تبئا طلعه ؟

واذا كانت.... يبئا النزله أزاي؟

أفضل أن أخوض المعركه للنهايه ولو كانت نهايتي

لكن أنسحب لأ

أنهزم ممكن ووارد

لكن أوثر السلامه من غير قتال ما ينفعش

ما أبئاش أنا

انا مش بس معاكم ده انا هسبقكم
(:

وعلشان الكلمتين الحلوين دول
وبناء على اوامر سيادتك خدى الموقع ده بصفه مؤقته
(;
http://www.alex4all.com/aboutAlex/articl.php?id=19

امتى .....؟؟؟
وأزاى ...؟؟؟
وفيييييييييين ....؟؟؟
معاكم ان شاء الله
وحشاااانى كتير

كلنا ها نتفق لأول مرة
كلنا معاكي ومع علي سلامة ومستعدين نيجي
بس ها نعملها ازاي دي؟
لما تعرفوا اعتبريني مع الجمعية دي
جمعية لو تعرف تمسح الحزن والسواد
خدني يابني إلاهي يسعدك وياك

"في مثل عندنا بيقول ربي وربربي انا اعرف طريق امي وابي"
تعليق جه من شهوودة اليمنية
لقيتك لازم تقرأيه
انا مؤمنة بيه
بس معرفش اصيغه كده زي اهل زمان بتوع الأمثال الشعبية

ربنا يجعل الليلة دي علينا ليلة مغفرة ورحمة
أمين

تيجى تهرب بجلدك
تنجرح
يوجعك قلبك بجد
لا تقبل أى حاجة
و لا تبقى أى حد
تيجى
*******************

ايوه أجى

جميلة اوووى
ازى حضرتك
اخبارك
ليكى وحشة

sally
-----

صباح الورد يا لولى
انتى اللى حلوة
فشيفانى حلوة

كن بعيون سالى الجميلة
ترى الوجود جميلاااااا

(k)
دى يعنى ايه
انا مليش ف مصطلحات الجيل الجديد بتاعكو دا يا بنتى ..عاوزة ترجمة لو سمحتىىىىىى

Baskouta
---------

يا عيون ماى
متقوليش كدا ابدا
خليكى متفائلة

على سلامة قالها

كل حاجة جميلة
قد تبدو ملهاش عازة

لكن ف النهاية شرحها
و قال
دى مش حقيقة


الحقيقة ان اللى يحب
و يقع ف غرام الدنيا
و البلد دى
و ناسها
و أى حاجة حلوة فيها
لازم يدفع تمن حبه
و لازم يتعذب



يا حبيبتى الحب غالى
و عشان كدا
لازمله شوية تعب
و التعب لما بيطول
بيوصل احيانا للحالة دى
بتاعة تيجى نطفش شوية
و نفصل و نشيل الفيشة


لكن نرجع تانى
هنسيبها للغجر ينهبوبها
و يخربوها
و يقعدوا على تلها و لا إيه؟؟
لأ
دا بعينهم


بحبك خالث انا
يا بسكوتة قلبى البمبى
الغرقانة ف العسل

قوس قزح
-------

موافقة على ايه يا دوللى ؟!

ع الجزء الاول م القصيدة
و لا آخره

اوعى تكونى عاوزة تطفشى و تسيبيها للخفافيش تسمم الجو حوالينا و تمشى

انتى مش م الناس دى

عشان كدا كل مرة بترجعيلنا بقلب
و نية صافية
انتى نموذج يا وش الخير

انتى ركن اساسى
و احد قواد الطلعة دى
خليكى جنبى ..انتى و غيرك
عشان منسيبهاش للى عاوزين يسدوا نفسنا عن كل حاجة حلوة


حمدلله على سلامتك
من بورسعيد الجميلة
و ربنا يوفقك دايما ف الخير
يا وش الخير
و الفرح

بحبك

Doba
----

انتى كمان يا دوبا
عاوزة ايه ؟

تفصلى نفسك عن كل حاجة
و لا تقعدى ف قلب الهم و تصمدى
و اللى يحصل يحصل ؟!!


اظن انك م النوع التانى
انتى مقاتلة بطبعك يا دوبى
دنتى اللى علطول ساندنى ..فاكرة و لا نسيتى يا ميس ؟؟؟

بوسيلى يوسف و عمر
لحد الست خوخة ما ترتبلنا الوكااااااء الحريمى و اشوفك وجهاً لوجه و اديكى حضوناتك المتحوشة عندى من يوم فرح الشنكوتى الله يمسيه بالخير


بوسات و حضونات يا حبيبتى

و كل ما اشرب فنجان ماكسويل هاوس معتبر و مضبوط ..افتكرك يا هانم
اوعى تكونى بتشرقى و تكحى و الحركات دى ..اصلا بدعيلك و اقول الله يصبحها بالخير مطرح ما هى موجودة

سلام لحد ما نتقابل

وردة الحياة
----------

يا ستى تنورى اهلا و سهلا
كلنا محتاجين نفصل شوية
بس المهم نرجع تانى
واصلا انتى عايشة برضو نفس الحياة
و يمكن أصعب بمراحل عننا
ربنا يعينكم

المطرح كله نور بيكى

Mano
----

ازيك يا مانوووو
انا مبسوطة جدا
بسبب الأنتعاشة التدوينية الحالية دى
و ربنا ما يغيبك تانى عننا بقى

و دى دعوة ف المطلق ملهاش مكان
و لا زمان
انما ان شاء الله
يبقى فيه لقاء تدوينى جاى
و تنورنا فيه
بس عالله تيجى بقى
مش زى كل مرة يا استاذ

وش متشكك و بيقول اما نشوف

الكلمة نور
-----------

انا اللى مفروض اقول
الله عليك يا سلامة
عشان خلى مالك الأجنحة
يسيب تعليق هنا
والمدونة زارها النبى يا فندم


موشكرين يا سلامة
و موشكرين يا مالك الاجنحة

داليـ ـ ـ ـ ـ ـ ــــا
---------------------

فرصة ؟
طيب معنديش مانع

بس بشرط

ف الآخر تقولى
انا معاكو برضو


و اظن كدا انا كنت ديموقراطية جدا
و اديتك حريتك الكافية ف اتخاذ القرار
بلا ضغط
و لا تأثيرات
و لا اى قمع


خليكى معانا ف الطلعة دى
و كلنا اصلا راجعين تانى بسرعة
اصلنا منقدرش
اللى يقع ف غرام البلد دى
يحب كل ما فيها
رغما عنه

مينفعش ياخد ف وشه
و ميرجعش

نورتى يا داليااااااا

ويكا
-----

انا كمان
:)
جدا و الله

منور المطرح
رغم اى انقطاعات ف الكهربا

Ramy
----

:)

صباح الورد يا رامى

لا متأخرة و لا حاجة
يا ر ر براحتك

و خلاص انتوا ما صدقتوا يا عيال
دى طلعة نفساوية منقفلة لشوية و خلاص
هنرجع تانى
نتنكد بكل حاجة و نعيش الواقع و نشيل همها بكل اخلاص

اللى هيفلفص هينضروب بالفلكة
انا بقولكوا اهو

كلام من قلبى
----------


انتى احلى يا كلام من قلبك
و تعالى اهلا و سهلا
بس ترجعى معانا تانى
متفضليش ف ارض اليأس و مترضيش ترجعى
معنديش انا الإستسلام دا

اللى تسلم ايده و لسانه
على سلامة
مش انا يا حببيبتى

mrmr
----

و انا مبسوطة بيكى جدا جدا
و نورتينى جدا جدا جدا

sony2000
--------

تعالى يا سنسن
بس هترجعى معايا
اتفقنا ؟

نرجع لقواعدنا سالمين
مستعدين لتحمل اى شىء
بس منسيبهاش لغيرنا يخربها

عاملة ايه يا حبيبتى
طمنينى عليكى

بوسات و حضونات
يا سنسن
يا شقاوات

Mahmood البطراوى
-----------------

ازيك يااجدع دكتور سنان ف مصر

الدعوة عامة طبعا
و انتا من اهلها

اصل انتا كدا يا محمود

انتا م الناس
اللى ممكن صحيح تبدو انها بتزهق
و تيأس
و تمشى
لكن لأ
بترجع تانى
عنيد و عزمك قوى
و مبتسمحش لحاجة تكسرك
رغم انها قوية و عنيفة
و ممكن تكسر غيرك ببساطة
لكن الأصل انتا ايه من جوالك
عندك شدة و قوة و عزم
و لا كلك وهن و ضعف


و انتا من اهل العزم يا محمود
فعشان كدا
انتا ف الخطوط الامامية يا جدع
و اصول تعزم الناس معايا
مش تقول ممكن و لو ؟!!

وحشتنى تعليقاتك
انا متابعك
بس مش عايزة اغلس
و ربنا يطمنى عليك دايما

مصرى جدا
-------

يا سينيور هانى
انا معاك

لو قريت التعليقات هتفهم انى معاك جدا
و اصلا القصيدة لما قريتها
فهمتها زيك

الاول هوه يائس من كل حاجة
شايفها بتخرب
و عاوز يرمى نفسه م السفينة
لأنها بتغرق
و الأصيل ملوش مكان فيها
و هيغرق هوه كمان

بس مقدرش
قلبه برضو مجبوش
و قال مينفعش
الواحد يبقى ديكور و ملوش عازة
و يا تحب بكل اخلاص
يا تسيبك منها
و ما دمت بتحبها بكل ما فيك
يبقى مينفعش تبقى اى حاجة
و لا ترضى بأى حاجة
هتفضل نفسك
و لو تتعب
و تتعذب
و شوية زهق ماشى
بس يأس ..لأ


نورت يللى كل شوية تخرعنا
بإنسحابات
و مقالب
و ماشى ماشى
عادتكو و لا هتشتروها
؟!!!؟؟

عاشقة الرومانسية
----------------

معانا ف الزهق
و لا معانا ف الرجوع يا قطتى ؟؟

اصلها تفرق

انتى م الناس اللى بتزهق
و تيأس
بس قلبك الطيب
بيرجعك تانى


عارفة ليه؟

عشان بتحبى بجد
بصدق
بحق و حقيقى

ميرسى ع اللينك
و علم و تم التنفيذ


بوسات و حضونات
يا عروسة بحورى انا

الحب الجميل
---------

انتى اكتر يا حبوبة

يا رب تكون صحتك احسن دلوقتى
انا زعلانة من نفسى
عشان ملخومة الأيام دى
و مش عارفة اسأل عليكى كويس و كما يجب
ربنا يا حبيبتى يطمنا عليكى
و يجمعنا ف الخير دايما

خلى بالك من نفسك يا ريت

ستيتة حسب الله الحمش
-----------------

الله يا ستاتيتو

حلو اسم الجمعية دا قووووووى
و حلو المثل كمان

متحرمشى منك
صديقة غالية عليا معايا ف الشغل النهاردة بتقول يمكن تكون ليلة القدر ان شاء الله و قالتلى هتدعيلى و تدعى ليوسف
قولتها من غير ما تقولى
انا عارفة ان كل حد بيعزنى هيدعى من قلبه من غير ما أطلب منه
دى نعمة من نعم ربنا عليا
و جايزة من جوايز الصبر اللى قولتى عليك يا ستوتى
الواحد قلبه عمران بحبكم ليه
و الحب دا مخلينى مطمنة على يوسف
بكرم ربنا
و بركة دعواتكم
اللى عمالة تكبر و تزيد يوم عن يوم

ربنا يسعد كل ايامك
و بوسيلى عفروتو حبيبى و مانوستى الحلوة

اما انتى
فبوسات و حضونات
يا ست السوتيتات كلهن

sal
---

اهلا بيك
انتا ف الخطوط الامامية على فكرة
لأنك من انصار بكرة و الامل المستخبى فيه
دى فعلا احلى حتة عجبتنى انا كمان
لأن فيها كل حاجة

اللى يحب حاجة بإخلاص
مينفعش يسيبها لما تتعب او تبوظ او تخرب او تتنهب او تشيخ او تتأذى
و مينفعش يقبل يكون ع الهامش
و يتفرج و بس
و ميقبلش يبطل يحبها
لمجرد ان حد تانى خطف حبها منه
مينفعش

تيجى و تنورنا
و تزودنا و تكترنا
و على راسنا من فوق يا فندم

بصى بقى
انى اعترض بقى مدونتك تنضمن للمدونات الى بيرموا تعليقى
:-(((((((((((((((((((((((((((((((((((((((((((((
لا انا زحلانه خالث

و عليه مش حطير معاكى
لانى لسه فى اجازة من الطيران اسبوعين ثلاثة
صحيح قاعدة الف على المواعيد و اسعار التذاكر :-(((

المهم
الشعر ده فكرنى بقصه اسمها البطة المهاجرة قصة ادبية للاطفال عن سرب بط برى مر على مزرعة فيها بط مستانس
و فضل البط يشكر فى الحرية و الهجرة و الترحال لحد ما بطة قامت طايرة معاهم
بس معرفتش تكمل معاهم لانها جسمانيا و تربويا مكنتش مستعدة للمغامرة ديه و هما مستنوهاش و سابوها و كملوا رحلتهم
و هى اضطرت تكمل الرحلة لوحدها علشان توصل لمستقرها من اول و جديد

قراتى ساحر الصحراء يا فطوم ؟؟؟؟

اصله بوست فى موسوداتى امتى نغامر و نسافر و نهاجر و امتى نحط الرحال؟؟هل للمغامرة سن ؟؟

و بين عن المدونة الى انا زعلانة منها
خذى دول :-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

wanda
-----


-----

مقدرش على زعلك يا ونداتى
و النبى متزعليش

طب اولعلك ف البلوج سبوت
و لا اعمل ايه طيب ؟؟

معلش هما كل شوية يعملوا حركان نص كم كدا معايا اكمن غالبا القالب بتاع مدونتى تاعبهم نفسويا و لا حاجة
او متعرفيش فيه ايه
انا بكبر دماغى و بحاول مركزش يعنى
و حقك علياااااااااااا

و لأ انتى معايا ف الطلعة دى غصب عنك يا ست مليش دعوة
نتى م العالم الإشراقة اللى بتشوف الخير مستخبى ف الوحاشة ..دنتى م الاحرار يا بنتى ..تقوليلى مش جاية ؟؟
انقهر كدا

متهيألى قريت القصة دى زمان
بتاعة البطة
بس بتاعة ساحر الصحراء دى ..لأ

معرفش
انا فهمت القصيدة بشكل مختلف شوية
انه زهقان و قرفان صحيح من كل حاجة وحشة
بس ميقدرش برضو يسيبها

اصل على فكرة
الهروب قرار
و البقاء قرار

و فيه حد بيفضل غصب عنه
و حد بيفضل برضاه

و اظن انه مكنش يقصد النص الاولانى دا
هوه كان يقصد العالم اللى ممكن تمشى و ف ايدها القرار
بس مبتقدرش تمشى
مبتقدرش تزهق
و مبتقدرش تيأس
لأنها بتحب
و الحب اصله مرض لا شفاء منه
لما بيستفحل و يكلبش ف القلب
مبيخرجش غير بخروج الروح

انا بتكلم على فكرة على الهروب
الزهق
اليأس
مبتكلمش عن الناس
اللى خرجت بتدور على اكل عيشها
او تعليمها
او فرصة مش موجودة هنا
عشان بس محدش يفتكر انى بدين اللى بيسافر او يتغرب

الغربة كمان
مش بالمكان
الواحد ممكن يتغرب ف بلده
ينعزل عنها و ينفصل
و هوه دا اللى كان يقصده ف اول القصيدة ..انه يبعد و يتغرب
و بعدين لقى انه مينفعش

مينفعش يكون غريب
و ملوش معنى
و لا ينفعشى يكون اى حاجة
و اى حد
و انه بيحبها
رغم كل شىء


و انا بحبك يا ون ون
و ,حشتنى عيونك الكسوفة

انتى كمان خدى دول
××××××××××××××××××××××××××××××
××××××××××××××××××××××××××××××××
××××××××××××××××××××××××××××××××××
و
*****************************
*********************************
**********************************

ميرسى علشان التنويه عن اللقاء واهتمامك يابطه
هتوحشيييينى

كل سنه وانت طيبه يافاتيما
ادعيلنا والنبي

اللــــــــه
والله أحلى كلاااام

وأنا معاكم ياتيما العسوله
:)

مافي أحلى من إن الواحد ينظف جواه عشان يعرف يعيش بصفاء

وأكيييد الدنيا جنه مش كلها وحش هي بس غمامه وراح تزول طالما في ناس زيك وزي صحبة الخير دول
ربنا يحفظكم

كل سنه وإنتي طيوبه ياااااارب
وربنا يصفي ذهنك ويسعد قلبك ياارب
^_^

حلوة قوى يافاتيما
أنا موافق على حاجة واحدة بس
نطلع بطاقة بدون عمل
و نأجر عجل
نركب جمل

أموت أنا فى الفضا

بدراوى
------

انتا كمان يا بدرا

و الله انتا ابن حلال مصفى
احنا هنجيلكم ان شاء الله
يوم 2 اكتوبر و التفاصيل عند عاشقة الرومانسية ..

كل سنة و انتا طيب
يا غالى

عاشقة الرومانسية
----------------

ميرسى ؟!!

انا يتقالى الكلمة دى ؟؟
ميرسى ؟!!


ف وشى كدا ع الصبح ؟

ميرسى ؟؟

طب اهو انتى

اللى مليون ميرسى

هه



يا حبيبتى انا اللى بشكرك
عشان هتستقبلونا عندكم
ف احلى بلد ف الدنيا
انتى كمان هتوحشينى لحد ما اشوفك

dr.lecter
---------



و انتا طيب يا ليكتر
ربنا يسعد ايامك يا دكترة
و ينولك اللى ف بالك
و احسن

ghAdA mOhsen
------------

طيب يلا تعالى يا غدغود

كل سنة و انتى طيبة يا حبيبتى
و سلامى لرانيا و كل الحبايب عندك

أبو حميد
-------

خلاص ماشى اتفقنا يا باشمهندس
بس انا مليش ف ركوب الجمال
و لا ركوب العجل
لأ
دنا نيلة قوى
و خيبانة
و كدا

انا آخرى هشجعكم
و اقول الله ينور
و اكتب بوست بقى عن الموقف
و كفى



كل سنة و انتا طيب يا فندم

وأنا كمـآن موافقه .. :)

شكلنا هنحتاج اتوبيس حجم عائلي :D

بوست لذيذ اووي .. :)

صباح الفـل .. :)

يا مامت يوسف الغاليه

فى تاج مستنيكى

عندى

تحت عنوان

دبسنى شكرا (:(:(:

أمال هدبس لوحدى

مش حبايبى كمان

(:(:

يارب أقدر أسكندرية يا رب

أدعيلى بس

(:

مستنيكى (:

دبسنى شكرا (:

صباح الخير يا فاتيما
يارب تكونى بخير :)

انا كمان بنضم ليكوا وموافقة
ع اول كومنت ليكى بكل اللى فيه
ربنا يصلح الحال :)

والقصيدة واختيارك ليها جميل

تحياتى :)

فاتيما
كلماته
رائعة
لكن الهرب مبيحلش مشكلة
بتفضل موجودة
زى جرح قديم مش بيتقفل ابدا
بعض الجروح قدر لها ان تظل مفتوحة وتألم إلى الأبد للأسف
وبعضها لا نشعر به كالمشاكل
ولا يغلق ابدا
تحياتى
فقرى

انا راشق معاكم

وحشاااااااااااني جدا بجد

و كل سنه و انتي طيبه اكتر ما انتي طيبه :)

معاكي ف الطلعه دي :):)

خدينى معاكى والنبى يا فاتيما ...خدينى معاكى والنبى أنا نفسى أوى

عارفة انى بقالى فترة عاملة كدة....

مطنشة كل الناس الخنيقة اللى كنت بقف عن همساتهم وتعليقاتهم البايخة
مطنشة الناس الحشرية اللى مصرة تسيطر على حياتى من غير داعى
مطنشة العالم القماصة اللى مقموصة على الفاضية والمليانة واللى كنت برهق عقلى لمدة ساعة كل يوم أسأل نفسى يا ترى زعلانين من ايه دول

بس لسه فى مسئوليات كتير مقدرش أتحرر منها بس نفسى أتحرر ولو يومين

إرسال تعليق