.

.

قـلـــوب دهـــب  

Posted by: فاتيما in




لأن فيه قلوب دهب 
فكان لازم نلاقى دعوة خالصة م القلب 
من دودو عاشقة الرومانسية 
و حنين القلب و قلب القطة و الحب الجميل 
لزيارتهم ف اسكندرية الماريا 
فنلبى الدعوة فورا



ولأن فيه قلوب دهب
فكان لازم تنكتب بوستات متتالية بتفاصيل 
اليوم و المواعيد و مكان التجمع للسفر 
و مين اللى جاى و منين و ازاى 


و لأن فيه قلوب دهب
فكان لازم لما نتفق على السفر 
لإسكندرية الماريا نقرر نتلم ونتونس ببعض 




و لأن فيه قلوب دهب 
فكان لازم الحب الجميل توصينا
على عبير أو موجة
اللى جاية م الشرقية عشان 
تركب معانا و ناخد بالنا منها  
لأنها اول مرة تحضر لقاء تدوينى 


و لأن فيه قلوب دهب 
فكان لازم عبير تطلع بنوتة جدعة 
ومحترمة ومهذبة وكريمة كما يليق بالشرقواة 
و تكون احلى حد انتظرناه


و لأن فيه قلوب دهب
 كان لازم نكون موضع ثقة محمد كمال 
كيمو صوت من مصر فيجيب معاه اخواته 
البنات هالة وايمان عشان نتشرف بيهم


و لأن فيه قلوب دهب 
فكان لازم يبقى منظرنا حلو قوووى 
و احنا راكبين ميكروباص من بابه 
ومعناش حد غريب
و كأننا ف رحلة مدرسة او جامعة 
و منبطلش ضحك و كلام لحد ما نوصل



و لأن فيه قلوب دهب 
فكان لازم محمد هاى فولتا 
رغم انه عامل حادثة يكون اخلاق 
و يكلمنا عشان يعتذر قائلاً كان نفسى آجى 
بس معلشى ..و لو انه مش مضطر 
لكنها الأخلاق كما قولت


و لأن فيه قلوب دهب
كان لازم اول مرة اسمع غنوة من شريط 
فيروز الجديد و انا معاكم 
و احطها خلفية للبوست لأنها تحفة
زى أى حاجة تغنيها جارة القمر 
و ست الحزن و الجمال 




و لأن فيه قلوب دهب
فكان لازم اول ما نوصل نادى التطبيقين 
نلاقى عدد كبيييير من المدونين
ف انتظارنا بيستقبلونا بكل الود والشياكة 



و لأن فيه قلوب دهب
فكان لازم داليا mycorner رغم مرض 
يحيى ابنها الصغنن و تعبه 
تيجى على نفسها وتكون من اول المستقبلين عشان تسلم علينا مع وعد بالرجوع لو قدرت


و لأن فيه قلوب دهب 
فكان لازم رغم مشاينا لحد متحف المجوهرات
الا اننا نقرر مندخلش خلاص 
لأن الوقت مش هيكفى للتجول فيه 
فنغير الخطة من غير حد ما يرخمّ 
و نروح على بحرى للغدا  عادى

و لأن فيه قلوب دهب 
فكان لازم يطلع حد جدع زى اسامة 
يتولى مسئولية الأهتمام بأكلنا  طواعية
من غير حد ما يطلب منه و لا يدبسه
واحنا فوق الأربعين نفر وهوه اول مرة يشوفنا 


و لأن فيه قلوب دهب 
فكان لازم مدام نانو القدر و انا 
 تعدى علينا رغم ان وراها كام مشوار 
و معاها الولاد و القطط و ميت الف حاجة 
هتنعمل ومع ذلك
 تصر تيجى وتقتطع وقت اكراما لينا



و لأن فيه قلوب دهب 
فكان لازم تيجى mrmr من الأقصر 
بعد سفر اكتر من ست ساعات 
و رامى من شرم الشيخ
دى معرفش كام ساعة سفر
ورانيا ليس فقيرا من يحب .. من البحيرة
وعبير من الشرقية وبطوط حبوب من قويسنا
و يكونوا حريصين على تقضية اليوم معانا 
رغم أى تعب و بغض النظر عن 
اى مصاريف هتنصرف 




ولأن فيه قلوب دهب
فكان لازم يكون فيه حد زى قلب القطة 
مارو بنت البلد الأسكندرانية 
اللى خلت اليوم له طعم بخفة دمها 
و اهتمامها بالكل و بيا انا شخصياً
و كمان بوجود جوزها الحاج ريتشارد 
اللى المرة دى قضى معانا اليوم كله 
و كان من حسن حظنا عشان صحبته الطيبة
و عشان احس انه لما بيسأل عن احوالى
بيسأل بقلب كأنه ابن عمى او ابن خالتى 
او اخويا بجد و بيطمن عليا


و لأن فيه قلوب دهب 
فكان لازم اشوف الحب الجميل 
حبوبة اخيراااا و بنوتتها
بعد شهور و سنين فالاقيها حد اجمل بكتير 
من اسمها و كتاباتها 
و كل حاجة ف خيالى





و لأن فيه قلوب دهب 
كان لازم ناس اتمنيت اشوفهم 
بس مكنتش متوقعة يحضروا فعليا 
و خذلونى اجمل خذلان و جم 
زى احمد بدراوى طعم البيوت 
و احمد اسماء واحلام فى وجدانى
و خلونى احس ان الغلاوة ليها

تجسيد ف الواقع مش كلام و بس 




و لأن فيه قلوب دهب 
كان لازم ناس بتيجى لأول مرة اللقاءات التدوينية 
و مع ذلك يضيفوا لينا صحبة اجمل و اطيب 
زى حمدى ... واحد و خلاص 
بس انا هناديه ..  مش واحد و خلاص أبدا 
و زى محمد جبريل و محمد التركى 
و هيثم السايس و أسف على الأزعاج 
و ناس كتير حلوة تانية 
يا ريت يسامحونى لو ملحقتش
اكتب الاسامى و افتكر




و لأن فيه قلوب دهب 
كان لازم الناس اللى جت المرة اللى فاتت 
لوقت قصير تيجى المرة دى فترة اطول
عشان تقولنا ببساطة 
احنا حبيناكم و حبينا قعدتكم و صحبتكم
ففرح جدااااا من قلب قلبى 
ان كل مرة عددنا بيكتر و نكتر






و لأن فيه قلوب دهب 
كان لازم نحتفل بعيد ميلاد حنين القلب
و كأننا على معاد مع البهجة 
كل مرة نيجى البلد الحلوة دى 




و لأن فيه قلوب دهب 
كان لازم حنين القلب تسيب عمر معايا 
ولحسن حظى اطول فترة  ممكنة
كأنها بتهادينى بيه و فعلا كان هديتى 
لما حصل كدا كنت حاسة
وهوه قاعد على حجرى 
انه حتة من حضنى 
حتة بجد 
من حضنى  






و لأن فيه قلوب  دهب 
كان لازم اشوف رانيا ليس فقيراً من يحب
و اشوف الفرحة ف عيونها 
و الحب و الأحترام و كل حاجة
فأعرف ان الناس شبة كلامها 
و زى ما حسيتهم تمام و قلبى مكدبش عليا 




و لأن فيه قلوب دهب 
كان لازم لما اشوف جوجو احس
انى اعرفها من زمان و ان دى المرة العاشرة 
مثلا ... اللى بقابلها فيها 
 هيا تجسيد حى للست المصرية 
اللى كلها انوثة و دفا و عيون بتضحك 
بتضحك من القلب ... مش من برا بس 




و لأن فيه قلوب دهب 
كان لازم سيرة الناس الحلوة تيجى 
و هما مش موجودين لكن ناس اتمنت لو جم 
و شافوهم
زى بت خيخة و أى كلام 
و زى د.ستيتة حسب الله الحمش 
اللى الكل و بلا استثناء تقريباً
باعتلها تحيات لا حصر لها 
و بيقولوها انتى بقيتى ف مكانة
لوحدك ف القلوب
محدش يطولك ..و لا يتهيألى يقدر يحصلك





 و لأن فيه قلوب دهب 
كان لازم الأسكندرانية الجدعان 
يحرصوا ع الحضور عشان يحتفوا بينا زى مرمر 
الست الدكاتورة لماضة 
و حروف الطيبة
و إنجى هات م الآخر
اللى ملت الدنيا شقاوة كعادتها





و لأن فيه قلوب دهب 
كان لازم مى رحيق الورد 
و ورد الجناين زى ما بحب اندهها 
تيجى اكراما لعيوننا عشان تشوفنا
رغم ان ظروفها مكنتش تسمح خالص 
لكن الرقة محدش يقدر يخبيها
خصوصا لو كان مى .. قلب الورد




و لأن فيه قلوب دهب 
فكان لازم احباب يتصلوا بينا عشان يطمنوا 
و يتمنولنا يوم سعيد
زى كيارا و منونا البنوتين الحلوين
و sweet angel الرقيقة
و البت كيكى كيكى انتا صديقى 
و نورهاتى صعبان عليا حالنا  الرقيقة
و علا صيدلانية طالعة نازلة لولاّ
و قوس قزح وش الخير و الفرح
و ريم رقيقة الرقيقات الغالية على الكل 
و الغالى حازم شلبى صاحب الاحلام الصغيرة 
شكلاً و الكبيرة حقاً 
فيبعت رسالة على موبايل حد و كلها ود
و اسماء نبض اسكندرية الجميلة
سلامتها الحارة توصلنا
 


و لأن فيه قلوب دهب 
فكان لازم زهراء تفتكرنى ف اليوم دا 
بهدايا فيهم عقد تحفة اول ما شوفته لبسته
و كأنها عارفة ذوقى و بحب ايه بالمللى 





و لأن فيه قلوب دهب 
كان لازم اسافر زى كل مرة 
مع ضياء بيتوفل مايند الغالى اللى بعتبره
الملاك الحارس بتاعنا اللى ضبط الموبايل 
على خمسة و نص عشان بالكتير ستة
نبقى ف الموقف 
عشان نسافر و نوصل القاهرة بدرى 
لأنه حريص علينا زى اخواته البنات تمام






و لأن فيه قلوب دهب 
كان لازم من اول ما قريت تعليق 
حفيدة عرابى 
انها جاية معانا انى اتوقع ان صحبتها 
ف السفر و اليوم كله هتكون ممتعة 
و انى هكون ماشية مع اختى بجد 
و دا اللى حصل فعلا
من اول ثانية و لآخر لحظة وانا بودعها عند المترو 
و هيا بتقولى بكل حنان الدنيا
مع السلامة  يا فاتيما
هتوحشينى لحد ما اشوفك تانى





و لأن فيه قلوب دهب 
كان لازم ربنا يكرمنى 
ويكون فيه اشخاص بحبهم 
و غاليين عليا يحضروا اليوم و يفرحوا قلبى 
بمجرد تواجدهم ف الحيز المكانى
اللى انا تواجدت فيه




و لأن فيه قلوب دهب 
كان لازم يكون فيه حد يختصر 
كل جدعنة و شهامة الدنيا اسمه
خالد همس الاحباب 
اللى اقسم بالله عمرى ما اتمنيت حد
يكون من بقية اهلى بجد 
زى ما اتمنيت يكون الراجل دا
عشان خالد فعلاً نعمة من ربنا 
لأى حد يعرفه و يقرب منه و يتونس بيه




و لأن فيه قلوب دهب 
كان لازم حظى الحلو اللى بيخلينى 
انبسط اكتر و افرح اكتر و اكتر 
انى دخلت عالم التدوين 
التدوين و اعرف واحدة اسمها 
دودو عاشقة الرومانسية 
عشان اعرف يعنى ايه ممكن 
واحدة بنت تبقى بألف راجل ..يعتمد عليها 
و تكون جدعة و مراعية و خدومة و مخلصة
و مهتمة بكل حد و تقوم بمهام بيتهرب منها رجالة بشنبات و بتعملها و هيا سعيدة و راضية 
وربنا عالم باللى فيها ..بس قادرة 
تضحك و تبتسم و متحسسش حد بأى حاجة 
غير انه مرحب بيه و متشال ع الراس 
و ف نن العين من جوا 





انتم قلوب الدهب الخالص





على هامش اليوم 


كان نفسى جداااااااا تكونى 
معايا يا بسكوتة 
افتقدتك قوى و المرة الجاية 
تكونى حاضرة




مش انا شفت الطفطف
اللى كنت بركبه انا ويوسف ساعات
و نشق بيه الهوا و نقول
يا يوسف ..  ما يهزك ريح ؟ 





يا إخواننا انا لما بقول رايحة اسكندرية 
و بعزم الناس معايا على لقاء تدوينى 
قصدى انى مسافرة مش عشان
اشوف اسكندرية 
لأ .. مسافرة عشان اشوف حبايبى
اللى ف أسكندرية 
قوم لما حد ييجى و فاكرنى رايحة 
اتفسح و كدا
يبقى ميعرفنيش كويس و مفهمش قصدى
انا ست كبيرة و صحتى على قدى 
و خطوتى بطيئة
و اللى ملحقش اعمله المرة دى
ممكن قوى اعمله المرة الجاية 
او مينعملش خالص 
المهم انى روحت و شوفت الناس
الجميلة اللى وحشونى دول
و اقعد اكل معاهم عيش و ملح 
انشالله أكل أى اكل واقعد ف أى حتة 
و اروح أى مكان او حتى اقابلهم ع الصحراوى 
و مدخلش اسكندرية من اصله 
انا رايحة عشانهم هما و بس
فاللى انصدم فيا .. يا ريت 
ميوجعش دماغه وينرفز روحه
ويتعذب بصحبتى و ييجى يسافر معايا تانى




انا قاربت الأربعين اهو و مازال 
بعض البشر بيدهشونى بمدى القسوة
اللى بيكونوا مخبينها ف ثنايا القلب الحرير 
و هقتبس جملة من فيلم للرائع 
يوسف شاهين بيقول فيها 
"ان اللى كان حبيبك لما بيديك ضهره
و يمشى .. بيعملها بقسوة وكأنه بياخد بتار
كل الأيام ..اللى حبّك فيها"




الناس الحلوة اللى حضرت 
و انا مكتبتش اسمهم يسامحونى بشدة 
و الناس الى معنديش لينكات مدونتها يتكرموا 
و يعلقوا عندى عشان اعرف اوصلهم 
خصوصا جوجو  ام عيون بتضحك دى
و اكتبوا بوستات عن اللقاء متكسلوش 
و محدش يهرج بقى
آه ...و اللى صورنى يبعتلى الصور 
ع الايميل و يكسب فيا ثواب 


اسفة يا رامى لأنى ملحقتش اقعد
ارغى معاك مع ان عندى كلام كتير
و شكرا ع الشكولاتة يا ر ر


ملحقتش كمان اقعد مع mrmr
بس شكلها و من غير ما احكى معاها
و لو حتى ربع كلمة 
انها انسانة طيبة قوى وحنونة جدا


واد يا كريم يا شاب يا فقرى 
انا فرحت قوى انك مسافر معانا 
و ميرسى لأنك عليت صوت الراديو 
عشان اسمع فيروز 
خلاص الغنوة دى ارتبطت بيكم 
و كل ما هسمعها هفتكرنى وانا بشاورلك 
عشان تعلى الصوت و انتا تبتسملى 
و عيونك بتقول حاضر بكل مودة



داليا ..طمنينا على يحيى 
لو سمحتى و سلامته
الف مليون سلامة





الحب الجميل 
انتى فاجئتينى بيكى 
و بكل حاجة عرفتها عنك و سمعتها منك 
لدرجة خلتنى مش عارفة اقول كلمة
ربنا يا حبيبتى يعوضك و يسعدك 
و يخليلك القمر بنتك و تفرحى بيها 



ميرسى يا مصطفى يا ريان 
على جدعنتك معايا لما بطلب اى حاجة
و تنفذها بكل طيبة






يا محمد يا هاى فولتا
سلامتك يا جدع 
و الحمدلله انها جت على قد كدا 
فداك  و المهم انك بخير




ميرسى يا ضيا 
على هديتك الغالية 
اللى شبههك قوى و لايقة بيك





حنان مرات اخو دودو حضرت 
اول اللقاء و كان معاها رودينا 
و تم التقدم رسمياً بطلب ايد رودينا  
ليسوفة ابنى
والتقطيع على عمر ابن حنين 
اذ ان البونية زى القمررررررر
واحنا عاوزين نحسن النسل ف العيلة 


و مدام الشى بالشىء يذكر 
و جبنا سيرة الجواز 
فانا بتقدم للمرة التانية على التوالى 
ليك يا محمد انتا و ماور قلب القطة 
رسميااااا وعبر المدونة اهو 
واطلب ايد كريمكم الأوزاز ... مروان 
و انا تحت امركم ... عينيا ليكم 
احنا بنشترى راجل 


الغجر انتهزوا فرصة استفرادهم بعمر 
و حد م الدسيسة رسمله شنب 
و الحركة الربع كم اثارت ضيق حنين 
و اياك حد يكررها بقى تانى .. لتنضربوا 


احمد سعيد غلط و اقترح بكل ببراءة
ان عمر ياكل كوارع او يشربها ف الببرونة 
عشان ينشف شوية  و يصحصح
و حنين القلب رفضت الفكرة بشدة 
فاحمد سكت و مرضيش يكبر الموضوع 
خصوصا ان حنين كانت بتقوله ... لأأأأأأأ
و هى بتشوح بالسكينة ف وشه 
لما كانت بتقطع ف تورتة عيد ميلادها




احنا روحنا المراجيح 
بس مفيش عدد كبير شجع الحكاية 
و حسسونا اننا عملنا حاجة غريبة
مع انها كانت ممتعة و الله 
وايه يا عيال محدش عايز يعيش طفولته ليه
و هناك فرصة سانحة لذلك ؟!!




يا أبو البطابيط ..انا قلقانة عليك 
و هدعيلك قوى 




محمد التركى حد لطيف و مجامل 
لأقصى حد 




موجة او عبير ..انسانة جميلة 
شكلاً و خلقاً و تصرفات






نانو القدر و انا ... كانت جايبة 
سى شرفنح افندى و بنوتتها 
و معاهم قطتين زى القمر 
ولد و بنت
البنوتة كانت ايدها متجبسة 
عشان وقعت م الدور التالت 
و القط الولد عمل زيها  برضو
بس نزل زى القرد و مجرلوش حاجة 
يعنى اهو ... ظلمت ميزو 
و مش قططى بس اللى غاوية 
قفز مظلات .... بلا مظلة
دا الصنف كله كدا الظاهر 







معنديش اى تفاصيل عن العالم
اللى راحت القلعة بتاعة قايتباى
و يا ريت يكون اليوم مر على خير  هناك
و كله وصل بالسلامة




صحيح مروحناش متحف المجوهرات
و لا الشيخ وفيق و لا لحقنا نعمل 
حاجات كتير بس عملنا الاهم 
و هو اننا شوفنا بعض
و المهم اننا وصلنا القاهرة
فى ميعاد مناسب عشان منتآخرش
ونعرف نيجى ايام جاية 
لو ربنا أذن يعنى و جينا اسكندرية تانى




و بمناسبة اسكندرية تانى 
يا رب المرة الجاية ..اشوفك يا غالية 
و اقصد بالغالية ..أم مالك 
اللى كانت على بالى من قبل ما اسافر 
و لما كنت هناك و لما رجعت 
ربنا يطمنا عليكى .. يا رب
 


و بمناسبة الأيام الجاية 
اقرب لقاء هيكون التبرع بالدم بإذن الله 
وهيكون اول نوفمبر حسب التوقيت 
الخيخى واى كلام  
و يا ريت محدش يطلعلنا مواعيد قبله 
ولا سفريات الله يكرمكو عشان الحالة المالية
بقت ض.ض.ض.جيييييييييم
 واصول تلمولى دنضختك يا سلطان
ولا هيا صحوبية اونطة و مبنشوفش منكم
لا ابيض ولا اسود و لا احمر 
ف البلوجر دا !!


كلمة د.ستيتة بقت حكمة خالدة 
السعادة ارادة 
و هوه دا اللى اتفقنا عليه امبارح 
و احنا بنتكلم ف المرواح
انا و خالد و حفيدة عرابى
ان الواحد لو عايز ييجى يوم زى دا
عشان ينبسط و يسعد نفسه و غيره 
هيعملها اكيد بلا تردد مهما شاف سخافات
و لو جاى عشان العكس
هيحرم روحه م الفرحة
و انا رايحة 
و نيتى افرح 
و راجعة فرحانة جدا والحمدلله
ربنا يكتر من ايامنا الحلوة
و يا قلوب الدهب
اناااااااااا 
بحبكم 
يا احلى صحبة و ناس و عالم

-------------------------------------------------

يمكن انا مش هييّ
البنت اللى مفكر فييّ
دوس هنا 
(غنوة فيروز اللى سمعناها ف الميكروباص و احنا رايحين)










 
بوستات ما قبل الحدث
بوستات ما بعد الحدث




This entry was posted on الأحد, أكتوبر 03, 2010 and is filed under . You can leave a response and follow any responses to this entry through the .

62 كــــلام بيطــبطـــب عـــلى قــــلبى و روحــــى

:|

انا عايز اقولك ، ان ما شاء الله عليكى بجد.

انتى ازاى بتعرفى تكتبى الكلام ده كله فى كل مره.

عموما ، ده ان دل فيدل على صدق ، الكلام ، عن صدق الفرحه والاستمتاع بالصحبه.

دمتى بخير.

مبسوطة بجد انكم انبسطوا جداا

وكان نفسي بجد اكون معاكم
بس انتي عارفه بقي
الحمدلله

تتعوض قريب باذن الله واشوفك بخير
وحشتيني جداااااااا

الحمد لله انك اتبسطى يا فاتيما
بجد مبسوطة انى شفتك


وانتى مش افتكرتينى
تقريبا كنت تحت الطرابيزا
بس مش اشكال العدد كان كبير

تشرفت بلقائك جدا
وبجد يوم يحسب من عمرى

تحياتى
شيمو القمر

لااااااااااااااااا انا اعترض واشجب واندد فين الكحك اللى سهرت انا وماما وعملناه الساعه 12 محدش جاب سيرته ليه
دنا هاجرسكم سيبووووونى
لااااااااااااااااا دنا هاذلكم طول السنه بالكحك ده و كل واحد اكل وحدايه لازمن يفضل يشكر ويشكر ويشكر ويشكر
هههههههههههههههههههههه

تيما انا كنت مفكراكى اكبر من كده طلعتى نونو وزى السكر قال ومخليه عادل يقولها ياماما محصلش الكلام ده ابدااااااااا
ربنا يسعدك ويفرحك بيوسف انتى طيبه اوى وجدعه وحنيه الدنيا كلها فيكى يارب يسعد ايامك
فرحانه بجد انى شوفتك
بحبك اووووووى
انتو قلوب من ماس مش من دهب بس

على فكره
الجمله بتاعت يوسف شاهين دى عجبتنى جدا وهستخدمها ان اللى كان حبيبك لما بيديك ضهره
و يمشى .. بيعملها بقسوة وكأنه بياخد بتار
كل الأيام ..اللى حبّك فيها"

بالنوسبه للمراجيح يا تيما كان نفسى بجد اعملها وانا اصلا بانطلق براحتى ومش باتكسف بس بجد بادوخ منها وارجع وابهدل الدنيا ومش بعيد لو كنت عملتها كنت مت منكم وعملتلكم جونايه هناك

بس يا ستى ربنا يسعدك

مش بقولك انتى مخلوقة جواكى دافى :))))

واحد

طبببببببببببببببببببببعا موفقين انات والحج على الجوازه وربنا ابقى معاكى احلى حما واشيلك فى عنيا هههههههههههه

اتنين بحبك اووووووووووووووى يا ست يا ام قلب دهب بس نوع دهبك نادر مافيش كفه ميزان تقدر توزنه ولا اى جوهرجى يقدر قمته الا من علم

تلاته
دا كمان كانرائى مش مهم عملنا ايه المهم اننا كنا مع بعض

اربعه الحج ريتشارد بيحبك اوى فعلا
وليكى عنده وضع خاص جدا
وبعتلك مليون سلام جدا جدا جدا

اربعه

ربنا يسعدك ايامك ويحليها وبعد عنك ولاد الحرام ويكتر حواليكى حبايبك

ياروح قلب القطه

بحححححححححححححححححححححححبك

فاتيما


اسكندريه كانت منوره بالناس الجميله اللى الناس اللى اغلى من الماس النى اللى تملك من الحب والمشاعر والاحساس الكثير والكثير

ربنا يبارك فيكى ويحفظك
يارب تنورينا تانى وتالت ورابع وفى كل مره تكونى فرحانه اكتر من المره اللى قبلها

يا قمر اتمنى ان العقد يكون عجبك بجد والحاجه التانيه اللى معاه وانى فعلا كون فنانه زى ما انتى بتقول على طوووووووووووول

زهراء

البوست ده فيه حاجة غريبة
وشدنى انى اعلق عليه بالرغم انى كنت ممتنع عن التعليق او الكتابة عن اليوموانتى عارفة السبب
لكن البوست بتاعك غير حاجة عندى ودى احنا اتكلمنا فيها امبارح احنا وراجعين ان السعادة ارادة حقا
وبصراحة احنا شعب بندور على النكد بملقاط هههههه
بس سيبك انت البوست جامد طحن بالرغم انه مفيش تفاصيل زى البوستات السابقة بس من وجهة نظرى جامد طحن
اما بالنسبة لموضوع عمر والشنب ده كان خطة شريرة من الدكتورة لماضة بمساعدة الاخ ضياء اهو انا ما قلتش حاجة يا غجر هههههههههه
اخر حاجة الصحبة رايح .. جااااى كانت رائعة
ودايما تكونى مبسوطة وسطنا
تحياتى

ليس فقيرا من يحب
ههههههههه
حقك يا بنتى
على نفسى اخدت 2 كعكة باعترف وباقر
وتسلم الايادى وعقبال كل مرة بس ياريت المرة الجاية يبقى فيه بيتى فور وبسكويت وغريبة ومايمنعش 2 كيلو حليب واحنا علينا الشاى وامرنا لله
هههههههه
لا بجد انتى من الشخصيات اللى سعدت بوجودها مش علشان الكعك وبس ههههههههه

ربنا يسعدكم يااااااااااااااارب

وكان نفسي اجي كالعاده ومازال الامر مستحيل

ماشاء الله لا قوة إلا بالله
بلاش الكلام الحلو ده لحسن تتحسدوا
كان نفسى أشوف الناس دى كلها ولكن قدر الله وماشاء فعل
أشوفكم على خير إن شاء الله

من كتر ما قريت و حسيت ان اليوم كان حلو كان نفسي احضر بس يالا المرة الى جايه بقى ان شاء الله

فاتيما
انا فرحان قوي باللقاء بتاع امبارح اني شوفتك وشوفت كل الناس الجكيلة بتاعة القاهرة واسكندرية
على فكرة انا مش شايف اي مشكلة في ركوب المراجيح لا دة عيب ولا حرام دة قمة الانبساط والسعادة مش مرتبطة بطفولة ولا كبار المهم تنبسطي وتفرحي
كل مات افتكر قفشات العربية والإيفيهات اللي تنفع تملاء فيلم بحاله واحنا رايحين بموت على نفسي من الضحك .. ربنا يمسيك بالخير يا سو انت والصباغ وكل الناس الحلوة اللي جت معانا
تحية ليكي ولكل الناس الحلوة وللاسكندرية الجميلة اللي دايما بتدينا طاقة رائعة نقدر نكمل بيها

لقاء موفق كان شكله كده :)

وتكرروه ان شاء الله

تحياتي

أنا زعلانة قوي اني مقدرتش قعد معاكي:( أنا فضلت مستناياكي من 10 و نص و اتصلوا بيا في البيت 10 مرات و لما رحت مرضيس يسيبني لحد الساعة 4..بعدها اتصلت على تليفون دودو كذا مرة عشان أعرف انتم فين و أجيلكم شوية بس مرضتش..عموما أنا مبسوطة انك انبسطي و قديتي يوم حلو و ياا رب دايماً يا رب.يحيي الحمد لله النهاردة أحسن..تقريبا ده كان فيروس لأن واحد معاه في المدرسة جاله نفس الدور.أنا بجد و برغم اني مقدرتش أقعد معاكي..الا اني مبسوطة و مرتاحة اني حضنتك..نورتونا كلكم يا فاتيما يا روح قلبي

فاتيما الغالية
والله كان يوم رائع بوجودك
وانا اقدر اقول انه من احلى ايامى فى اليكس
:)
حقا وصدقا كان يوم رائع
والجو عند القلعة بليل
كان رائع بجد بجد بجد رهيب
انا مشيت من اليكس متاخر
هبقى احكى كل حاجة فى البوست
:)
الحمد لله ان فى حد هيفتكرنى بصوت فيروز
دا انا خلاص كنت هفقد الامل :((
:D
كل سنة وانتى طيبة وكل لقاء وانتى بخير يارب


ملحوظة :
الجملة دى زعلتنى اوى

"ان اللى كان حبيبك لما بيديك ضهره
و يمشى .. بيعملها بقسوة وكأنه بياخد بتار
كل الأيام ..اللى حبّك فيها"
جت فى فيلم ايه دى يا فاتيما؟

تحياتى
الفقرى دائما
كريم :D

فاتيما حبيبى
مش عارفه اكتب ايه الصراحه ادام البوست الجميل دا
غير انى اقولك انى فعلا مبسوطه انى شوفتك وشفت ناس كتير كان نفسى اتعرف عليها من زمان
وعشان انتى قلبك من ذهب البوست طلع رائع
ربنا يخليكى لينا يا احن فاتيما شوفتها
بحبببببببببببك كتير وحبك زاد أكتر لما شوفتك
بوسة وحضن بحب ودفى

كالعادة
مبسوطة انكم انبسطوا

متغاظة انكم شفتم بعض وانا في الجامعة من سبعة الصبح

بحسدكم علشان ركبتوا ميكروباص خصوصي يعني متخيلة انا الضوحك للركب ومتأكده اني لو معاكم كنت ها اضحك

مدمعة إني جيت على بالكم .. ربنا يجبر بخاطركم يا جودعان

مذهولة بجملة يوسف شاهين لأني مسمعتهاش قبل كده بس تحفة

بضحك على شنب عمر والكوارع

ببص لكم شزرا علشان ركبتم مراجيح وانا لأ

الحمد لله انه يوم كان في معظمه حلو وزي العسل
والمعظم ده كفاية ويزيد ويدلدق كمان
ها اوريكم كلكم
لأنتقمن منكم يا معشر المدونين

بحبك

شيلتى الغير معرف
طوووووووويب ولايهمك دخلت بحسابى مخصوص
ام هند من ساعه ماقريت البوست الصبح
وانا على وشى ابتسااااااااااامه كبيره
اوى ومازلت@@
ليه فى نص البوست كده حصلت عاصفه
ها؟؟ ايه المشكله انك رايحه تشوفى الى تحبيهم وتتفسحى وتتبسطى فى نفس ذاك الوقت؟؟ ليه بتبررى اصلا
اااااانتى حره واعملى اى حاجه وبراحتك اشاسا على رأئ دولا
**بس ع فكرة لو كنت جييت وماركبتش المراجيح وناس قاعدت تبصلى باستغراب
يالهوووووى مش عارفه الصراحه كنت هعمل هضايق اه لانى نفسى اوى
بس يعنى انتى ركبتى ولا لا
ومييييييييييييين الشجاع الى ركب ها
تصدقى بالله
*******
انا حمدت ربنا انكم كلكم رجعتوا باسلامه لان النق كان عليكم للركب
وانا اولهم الصراحه
حمد الله ع السلالالالامه يافاتيييييما

هو انا مقلتش انك وووحشتينى
يالهوى يافضحتى
وووووووووووحشتينى

فاتيماااااااااااااااااااا

قولى الله اكبر ماشاء الله
هتتحسدوااااااااااااا

قولى الله يكرمك فوق ف البوست اللى مش هيصلى ع النبى حصوة تيجى ف عينه تخرموهاالوا

الله عليكوا يارب يارب دايما مبسوطين ودايما متجمعين ف الخير والحب لله ف لله

يارب اللهم امين

انا فخورة انى منكوا

انا بحبكم كلكم

بس بموت فيكى يا فاتيما

مبسوطة انى سمعت صوتك يا حبيبتى

ومارووو يا سكرة انتى جميلة اوى

خالد يا ابو همس اتصل بيك يا عم الاقينى ع الويتنج ع الويتنج
قولت بلاش بقه ابقى من قطاعين الارزاااااااااق ههههههههه
واخدلى بالك انت ؟
كان نفسى اسلم عليك بجد

ايمى " الحب الجميل " اتصلت بيكى كتيييير ع فكرة والله بس موبايلك قالى انه رقم غير صحيح :(
كان نفسى اسمع صوتك اوى بس كنتى بعيد عن مارو وفاتيما
حصل خير

مبسوطة لفرحتكوا ربنا يكرمكم ويفرحكم دايما يااااارب

ادعولى بقه المرة الجاية يكون ربنا ابتلى بيا شخص ما - هيكون زعل مامته اكيد ودعت عليه - اشحططه معايا ف بلاد الله ومش هاسيب ولا لوقاء الا لما نروحه سوا

عشان كل تلك القلوب الدهب كان لازم ابعت رسالتى و كويس انكم سبتم ارقام الموبايلات فى بوستات ما قبل التجمع .

عشان كل تلك القلوب الدهب كان لازم التجمع يكون كله ود و محبة و احترام و ادعو الله ان تدوم تلك المشاعر بينكم الى الابد .

عشان كل تلك القلوب الدهب كان لازم ابعت و اقولكم شكرا و اقول انه رغم بعد المسافة بينى و بينكم الا انى كنت فعلاً معكم بقلبى و روحى خاصة ان تجمعكم كان فين ..... فى اسكندرية تلك المدينة التى أهوى و تلك الارض التى أحب .

شكراّ على تلك المجاملة الرقيقة منك وذلك الشعور الذى اعتز به

وبرضه عشان كل تلك القلوب الدهب سيبينى أغمض عينى و احلم بأن اكون معكم فى أى لقاء قادم اذا سمحت الظروف واراد الله و حتى ذلك الحين تقبلى كل الود و التحية و الاحترام انتى و كل هؤلاء .. اصحاب القلوب الدهب .

يا فاتيما انتى اللى قمر والله يا روح قلبى وكل الكلام الجميل ده انتى اكتر منه والله يا حبيبتى انا مشفوفتش قلب طيب زى قلبك والله انت حد جميل ورقيق جدا وانتى اللى كلك انوثه بس

بجد اليوم كان عجيب جدا جدا بكميه السعاده والانبساط اللى كانت فيه

انا سعيده انى شوفتك وشوفت كل الناس بجد وربنا يخليكى يا قمر ويكرمك يارب

منتظراكى عندى عشان تكملى باقى اليوم بعد اما مشيتو

gogo!sf

استاذة فاتيما او اختي الكبيرة مقاما
مبسوط اوي اني كنت معاكم وبجد انتي حد جميل خالص وطيبة اوي ربنا يكرمك .

وبجد اجمل حاجة الناس اللي كانوا موجودين دول حاجة كده من عالم تالت مش تاني .

يا رب دايما متجمعين علي طول

تحياتي ليكم جميعا

حمدي -> واحد وخلاص

الحمد لله انكم سعدتم باللقاء و انت عارفة أكيد انا قد ايه كان نفسي أكون موجودة
وحشتوني جدا واتمنى تكون اسكندرية عملت الواجب بدالي
:)

مش عارفة اتجاهل الغصة اللي لمحتها في كلامك و كلام خالد.. يارب يكون امر عارض و مايكونش افسد احساسكم باللقاء
وانا مع خالد فعلا ان الفرح قرار.. و القرار قادر على انه يبرز افضل ما في التجربة و يبروزه و يملى العين بيه من غير ما يسمح لاي حاجة تانية تقدر تظهر في الصورة

كنت مستنية البوست بلهفة ولازلت مستنية الصور
واتمنى دايما كل لقاءتنا جميلة و كلها خير و محبة و تقبل للاختلافات

كفيتي ووفيتي كالعادة يا فاتيما ببوست مليان محبة صادقة ودليل صدقه هي سهولة وصوله للقلب
انت حتى اللي بتحرصي انك ماتقولهوش بيبان في حروفك مش عارفة ازاي رغم انها حروف مرسومة على شاشة مش اكتر

والله انتى اللى قلبك دهب خالص
لأ ده ألماظ
(:
عايزه اقولك انى داخله اعلق بس لانى مش قدرت اصبر وفتحت البوست من الموبايل وقريته كلللللللله
انا مش كتبت عن اللقاء لانى مهدووووووده
ومش هاعرف ابعبر زيكم
فقلت الافضل انى اخرف قبل ماانام
ومن كتر التعب اقسم بالله نمت على الكيبورد امبارح

ودلوقتى غيرت الغنوه يارب تعجبك

بحبك قوى يابطه وباعتذر لك للمره المليون لان فى فقرات فى برنامج اليوم اتلغت وكان نفسى تمشى من عندنا وانتى راضيه اكتر من كده
بس باذن الله تتعوض


بحبك ياقلب البحر

خالد انت ممتنع عن التعليق على بوستات اللقاء ليه؟
هه؟ ليه ؟ هه؟
قول قول
سرك فى بير

مبسووووووطه اوى انك انبسطتى فى اليوم ده حبيبتى
انتى كنتى محتاجه ده قوى
كان نفسى اتكلم معاكى كتير بس الظروف يظهر مسمحتش
غيرانه اووووى انى مش كنت معاكم عشان اشوف كل الناس الحلوه اللى كانت موجوده
و ان كنت شوفت الصور و شفتك و اتطمنت عليكى
و شفت جوجو و حفيده عرابى و كل الناس الجميله
زى حنين و الشباب كلهم
ربنا يفرحكم دايما و ان شاء الله ربنا يجمعنا على خير فى لقاءات قريبه

ازيك ازيك ازيك
اولا زعلان منك عشان مش بتسألى وهابقى اقولك ليه
ثانيا يارب متجمعيين دايما وفرحانيين دايما
وكان نفسى اكون معاكم بس للاسف سافرت الشغل يوم 28
اتصلت بيكم على تليفون خالد وسالته عنك وقولت له يبلغك سلامى
ويارب دايما قلوبكم دهب

ربنا يسعدك انت واحبابك

رجعت لغربتى
انا معاكم " معنويا"

تحياتى وتقديرى

http://mougelbahr.blogspot.com/
دى مدونت عبير
ومش تقلقى انا كنت متبعاها لحد ما وصلت بيتها
وهى بخير بس عشان شغلها تلاقيها مشغوله
بوساااااااااات وحضن كبير
اتصدقى بجد نفسى اقعد معاكى تانى ونرغى
اصلى مش لحقت ارغى معااااااااكى
بحبك

ويكا
----

ازيك يا ويكا
زى انتا ما قولت يا عزيزى
انا بكتبه لأنه طالع من قلبى
و انا كدا مختصرة عشان تبقى عارف
دا فيه ميت الف تفصيلة ..لو فولتهم البوست هيطول اكتر
و انا حبيت المرة دى اغير الأسلوب شوية

مبسوطة عشان الجملة عجبتك
اول ما سمعتها اصلاص
خطفتنى

نورتنى
و ع السفرية الجاية اى كان مكانها
ان شاء الله
تكون ف مصر و تيجى معانا
لأ
تكون اولنا كمان

منحرمشى منك





زهرة الجنة
---------

احنا كمان يا مروة
كان نفسنا تكونى معانا
تتعوض المرة الجاية ان شاء الله يا حبيبتى و كفاية سؤالك بس عنا

انتى كمان وحشتينىىىى





شيماء جمال (شيمو القمر)
----------------------

يا شيمو برااااحة عليا
اكمنك احلويتى اكتر و بقيت زى القمر مش هنعرفوا نكلموكى
و لا إييييه ؟!!

يا حبيبتى انا اسفة
لأنى لما باجى اكتب بحاول اعصر مخى قدر الامكان و غصب عنى لازم انسى سهواً مش تعمداً و الله

انا كمان مبسوطة انى شفتك
و مبسوطة انك كنتى مبسوطة
و كنتى زى القمر
و لابسة فيروزى كماااان لونى المفضل
و ربنا يجمعنا دايما ع الخير يا حبيبتى
بوسات و حضونات كثيرات فيروزيات






ليس فقيراً من يحب
--------------

نعممممممممم

اجرسك انا دلوقتى بقى
كحك ايه يا ام كحك انتى
بأمارة ما طنطن هيا اللى عملاه و انتى نقشتيه بس خلاص هتذلونا بقى
و انتى لو بتعرفى تعملى كحك كان زمانى بعرفك؟
انا معرفش ستات بيوت شطار و يقعدوا يقطمونى بقى ..اكمنى خيبة ف التبيخ


طب حرصاً ع العلاكات التدوينية السكندرية الكاهرية
موشكرين
موشكرين موشكرين موشكرين
ع الكحك
و اللى عملت الكحك
و اللى نقشت الكحك
و اللى اكلوا الكحك
كويس ف السليم انا ؟!!
طوااايب

انتى بتتكلمى عن عادل
اومال لو شوفتى بسكوتة بقى ؟
نفس الطول تقريبا
يعنى انا بينهم ببقى (101)


و بخصوص المراجيح
احنا اللى كنا نعمل جناية يا ماما
انا اتمرجحت مرتين
و كنت نازلة و انا بقول انا جدع
عاتى عاتى
المرة الجاية نتبهدل كلنا بقى
انتى اكتشاف يا بنتى
و احلى الف مرة من خيالى
ربنا يجمعنا دايما ع الخير و المحبة


انا كمان بحبك أووووى



آخر أيام الخريف
--------------

:)

منحرمشى منك يا فوفو

دا دلعك اللى هناديكى بيه
من الآن فصاعدا

انا اللى احبه
ادلعه علطوووول

و اصلاً اصلاً
من القلب للقلب رسول يا حبيبتى

richardCatheart
---------------

واحد

ماشى اتفقنا
استنى بقى لما اجيب ماما و اخواتى
وعيالى عشان يحضروا قراية الفاتحة
الأصول أصول

طبعا عقبال ما التجميعة دى تتلم
قدامك ييجى عشر سنين مثلاً
يكون مراونى حبيبى ف الجامعة
كويس
عشان معطلوش عن المذاكرة
و كفاية يحب فيا من بعيد لبعيد


اتنين
انا بحبك اكترررررر


تلاتة
انا عارفة انك هتتفقى معايا
انتى ست بتحبى الونس و الصحبة الطيبة و مضيافة و كل حاجة حلوة

اربعة
الحاج ريتشارد نورنا النوبة دى
و لا يمكن نسمح انه ميبقاش موجود فى اى لقاء جاى من اول اليوم لآخره
ربنا يا حبيبتى يهدى سركم
و يخليكم لبعض و للعيال


اربعة مكرر
منحرمشى من حونيتك انا روخراااا


خمسة بقى
القطط طعمة قووووى


ستة

يا حبيبة فاتيما
ليكى بوسات و حضونات
من هنا لآخر الدنيا





لولا و زهراء
-----------

يا ذات الوجه المشرق
و القلب الاكثر اشراقا

يا اسكندرية و جمالها اللى ملعلع بيكم انتم يا زوزاّ

انا باجى عشانكم و الله
انتوا صحبة متتعوضش
و ربنا ينفخ ف صورتى و اجيلكم دايما و متآخرش
انا بدلع عندكم دلع يامااااا

العقد تحفة انا لبسته تانى يوم لما روحت الشغل و عجب زميلتى و صديقتى الغالية اللى معايا ف الشغل
الحاجة التانية بقى
انا اصلاً مكسوفة اسال
بس هسأل برضو
انا مليش ف الموضة
بس دى كوفية و لا ايه؟

بس هيا حلوة
كفاية لونها اللى هلاقيله الف حاجة عندى تليق عليه
انتى مش فنانة بس
انتى فنانة قووووى بجد
و تسلم ايدكى يا حبيبتى
منحرمشى منك

انتى م الناس اللى قصدتهم لما قولت انك جيتى المرة اللى فاتت شوية صغيرة و المرة دى طولتى ف القعدة و حسستينا انك مبسوطة بينا و عاوزة تحتفى بينا اكتر
دى يمكن تكون بسيطة عندك ..لكن معناها كبير ..مش بسيط


عقبال كل مرة
و تكونى منورة برضو وسطنا

بوسات و حضونات
يا ذات الوجه المشرق






همس الأحباب
----------

انا عارفة السبب طبعا يا خالود

بس عارفة كمان طيبة قلبك
و ترفعك عن اى سخافات


انا لما رجعت مكنتش عايزة اكتب بوست الا لما استنى شوية

لما استنيت
لقيت فيه حاجات كتييييير قوى تستاهل اقولها و اجيب سيرتها
كنت فاكرهم خمس ست حاجات
لقيت عشريت تلاتين
و يمكن نسيت تفاصيل اكتر
و مقولتهاش بس تستاهل ..زى مثلا
حرصك على انك توصلنى انا و فيدو لحد الأسعاف مع انك كل مرة تنزل ف المهندسين لأنه اقربلك
بس انتا اصؤيت توصلنا عشان منبقاش لوحدنا ... دى لوحدها حاجة تبان عادية منك
لكن اثرها ف نفوسنا مش قليل
لأن اى حد عادى .. يسبنا و يروح و احنا كبار و مش هنتاكل يعنى
و محدش يلومه وراه مشوايره
بس انتا حد مش عادى
انتا خالد
و موقف بس زى دا
يمحى اى شىء تانى جنبه

السعادة ارادة على قول ستوتى ست السوتيتات كلهن ...
عشان كدا قررت افرح و تكب كل حاجة و مخلييييش ...و مبسوطة ان البوست عجبك


بخصوص التشريدة بقى
قولت اسامى الجناة ع الملأ كدا ؟!!
انتا بتهدى النفوس و لا إيه؟؟
ماشى ماشى


جايلك سؤال من دودو هانم
رئيس مراجيح مولد النبى
اتفضل رد عليه سيادتك بقى


ربنا ما يحرمنا منك
يا شهامة و جدعنة الدنيا
و كل سفرية و انتا اولنا يا غالى




كيــــارا
---------

معلش يا كوكى
يا حبيبتى الظروف قابلة للتغيير
و مسيرك ان شاء الله
تيجى مرة و مرات كمان


حلمك ف محله
اى كان تفاصيله
لأنى كنت متضايقة جدا ف التوقيت دا
قلبك دليلك يا بنوتات يا عسولات
يخربيت كدا
اومال بيقولوا معدل الشفافية ف مصر منخفض ازاى و انتوا حاسينى قوى كدا ؟!!

ربنا يخليكى ليا
و اشوفك قريبااااا
ان شاء الله





أبو حميد
-------

ان شاء الله تتعوض يا ابو حميد
احنا عارفين ظروفك معلش

بس على التبرع بالدم تكون الفرصة بقت سامحة
و لامز تيجى و النبىىىىىى
اتفقنا

اتفقنا طبعا

اشوفك على الف خير دايما

هـــرشــــه دمــااااااااغ "3mr wa2el "
------------------------------------

اهلا بيك
ان شاء الله
المرة الجاية تكون معانا

نورت



mostafa rayan
-------------

كل الناس اللى شافتك انبسطت بيك يا مصطفى و سبت انطباع جميل عندهم
عندك حق
ركوبة الصبحية كانت ممتعة جدا
و سبحان الله
عبير كانت جزء مهم من الصحبة الحلوة دى ببرائتها و كرمها و ذوقها
الحمدلله اليوم كان حلو
و انتا كمان انبسطت بكل دقيقة فيه

عقبال كل مرة يا صفصف





فتاة من الصعيد
--------------


الحمدلله يا فاتى
كان موفق و اكتر من موفق

عقبال مرة ما تحضرى معانا بقى
عاوزين نقلب الخريطة دى
و نجيب الصعيد فوق ..الله !!!





dahlia...
---------

انا اسفة يا داليا التآخير كان اضطرارى يا حبيبتى
بس انا مبسوطة جدااااا انى شوفتك
و كفاية حرصك ع المجييى و يحيى تعبان كدا ...سلامته الف مليون سلامة
النزلة المعوية دى سببها المية
يوسف كان كدا
ف التوقيت دا و اول دخول الربيع
ناس قالتلى الميه بيحصلها حاجة بسبب الجو و الحرارة و المواسير يبقى فيها صدى و حاجات كتير كدا مفهمتهاش غير ان يوسف كان بياخد الدور دا و انا معاه و بعدين نبقى كويسين بس نشترى ميه معدنية لفترة اسبوع كدا عقبال المعدة ما ترجع تتوزان

الف سلامة عليه
و معلش تتعوض
نسيت اقولك تسلمى على زوجوكى الغالى

انا كمان يا حبيبتى
مبسوكة انك و دودو اول وشين اشوفهم
انا
بحبك
قوى





شاب فقرى
--------

:)
لأ متقولشى ؟؟
بجد يا كوكو ..اليوم عجبك ؟
الحمدلله
طب يعنى افهم من كدا
ان كل مرة انتا هتيجى و منقعدش نتحايل بقى و تطلع روحنا ؟!!
ايوه عشان هفكرك
اول الشهر لما التبرع بالدم يحين معاده ..اياك متحجيش بقى

متفقدشى الامل يا واد
حد يكون بيسمع فيروز
و يفقد الامل ؟!!


الجملة اللى عجبتك دى يا سيدى
من فيلم (اسكندرية كمان و كمان)
دا تانى فيلم بيحكى فيه يوسف شاهين سيرته الذاتية ضمن سلسلة
اسكندرية ..ليه؟
اسكندرية كمان و كمان
اسكندرية نيويورك
..ف الفيلم كان بيحكى عن قصة تبنيه للمثل محسن محيى الدين اللى موهبته كانت عالية و يوسف شاهين اعتبره ابن ..بس حبه حب خنقه لدرجة ان الواد اعتزل التمثيل ف التمانينات مع موجة اعتزال الحسن يوسف و محمد العربى و كل الناس دى وقتها ...
الجملة اتقالت ف الفيلم ف حوار بين يوسف شاهين و يسرا تقريباً ..و هيا بتلومه انه لسه بيحبه كدا رغم قسوته (محسن محيى الدين يعنى ) و بعده عنه بشدة و عنف
فيوسف شاهين دافع عنه بالجملة دى
و فعلا انا بشوفها و بحسها من ناس
بيبقوا قمة الرقة و الحب و الحنان معاك ...و اول ما يحصل حاجة ..ينتقموا من كل لحظة حبوك فيها
حتى لو مكنتش طلبت منهم كدا
يعنى انتا مقولتش يا جماعة حبونى قووووى كدا
بس للأسف
الحكاية ملهاش دعوة بيك
اكتر ما ليها دعوة بالدماغ اللى قصادك
عندها
اللى بيولد القسوة
و العنف
...
اسفة لأن الجملة زعلتك
مكنتش اقصد
بس هيا رايحة
للى يستاهلوا تنقالهم


منتاش فقرى دائما
بطل تكتب الجملة دى
بتزعلنى انا كدا !!!!




الحب الجميل
---------

انا كمان يا حبوبتى
غلاوتك زادت ف قلبى لما شوفتك
و قعدنا نحكى شوية صغننة كدا
انا كمان بحبك جدا يا حبيبتى
بوسيلى فلة وزيرتنا الهمام

ستيتة حسب الله الحمش
-----------------


يا ستى احنا نفسنا تورينا

دا الكل و الله بلا استثناء
كل ما يشوف وشى يسالنى ... علطووول
هوه د. ستيتة مجتش ؟؟؟
كلهم و الله
يا ست السوتيتات
انتى قامة و قيمة كبيرة ف التدوين
و الكل عارف قيمتك
و بيحترمك جدا
و بيحبك قوى
و نفسهم يشوفوكى خالص

مفيش مرة هنفك الحصار و تيجى معانا ؟!
انا عارفة ان هناك خلفيات و قرارت و ترتيبات و محظورات و حاجات و محتاجات ...بس انتى بتوحشينا و ناس محترمة كتير نفسها تشوفك


انتى ف قلوبنا
و على لساننا ..مصطلحاتك اللتى تصك بأسمك ..زى تنقية الرز و السعادة ارادة ...و حاجات كتير كتبتيها و مؤثرة
انتى م الآخر
كنتى معانا برضو

انا كمان
بحبك يا ستوتى
فوق ما تتصورى

بوسات ليكى و لمانوسة
و حضونات لعفرتو حبيبى




كيكى عووووو
-----------

يووه
شيلت الغير معرف اديلى مدة اهو
و موشكرين يا ست ع المخصوص
ذلونا بقى

مبسوطة عشان الأبتسامة الحلوة
بس العاصفة كان لازم تهب يا كيكى
و الواحد لازم يبرر و يشرح برضو
مجراش حاجة

و يا ختى تعالى وانا اشتريلك المرجيحة و تروحى بيها... بس تعاااالى

قايمة المتهمين
قصدى المتمرجحين
------------
1- دودو
2- فاتيما
3- خالد همس الأحباب
4- الحب الجميل
5- مش عارفة مين تانى
يبقوا يعترفوا بنفسهم بعد ما ياخدوا علقة محترمة ف القسم و لا الأخوة هناك ميشتغلوش يعنى ؟!!



الله يسلمك يا كيكى
و انتى كمان يا حبيبتى وحشتينى جداااا
و جبنا ف سيرتك انا و فيدو ع الصبح و قولى انك شرقتى و كحيتى و عطستى و كدا


المرة الجاية التبرع بالدم
متجيش بقى عشان عتنضربى
هه




мαησηα
------

الله اكبر يا حبيبتى
و ربنا يجمعنا ف الخير دايما يا رب
و تكونى معانا ان شاء الله
انا كمان مبسوطة بيكى قوى
و بدلعك و حنيتك و سؤالك عنا و اما عارفة ظروفك و ان الدنيا مش وردى و آخر تمام بس تعوض ان شاء الله

ايميلات بيننا بقى
و بوسات و حضونات
يا منونتى يا قمورتى




حازم شلبى
--------

انتا من القلوب الدهب يا حازم
مكنتش مضطر تكتب رسالة و تبعتها
مكنتش مضطر تتمنلنا يوم جميل من قبلها و لا وقتها و لا بعدها
مكنتش مضطر تكون رقيق و ذوق
لأنك كدا فعلا

و انا مش بجاملك يا عصفور
انتا عملت اللى انقال بالحرف


و قلبى كان مبسوط و انا بقرى نص رسالتك و الحمدلله انها اتنشرت عند الحب الجميل عشان الناس اللى جت تعرف ازاى ممكن تبقى ف بال حد تانى ف قارة تانية و يكون حريص يتمنالهم الخير و هما ميعرفوش بعض

ان شاء الله السفرية الجاية لأسكندرية
تكون معانا

و تكون رجعت من على حدود المجرة
اللى وخداك علطول دى

خالص ودى
يا عصفور آرقه الحنين

وحشتينى ياطمطم
ولما قلت اننا كنا اخوات ده كان نفس شعورى بالظبط
انا رايحة معرفش حد خالص ومعتمدة على الله ثم عليك
كفاية لما تبنتينى وقطعت لى البيتزا واتحججت بكلامك وكلت زى مايعجبنى بايدى واللى يحصل يحصل :)
وجودى معاك طول اليوم لدرجة ان دودو انذرتنى المرة الجاية هتاخد مكانى كان مصدر سعادتى الكبير وهو اللى خلانى اتعرفت بكل الناس الجميلة دى

انا كويسة جدا الحمد لله ياحبيبتى ووصلت البيت 10وربع
وماما مش زعلانة على تأخير ولا حاجة لاننا متأخرناش خالص بس كان عندى ضيوف امبارح فى الوقت اللى المفروض اكتب او اعلق فيه
بس كنت بتابع فى صمت

المتعة كانت كبيرة وموجودة فى كل التفاصيل
من اول وقفتنا فى رمسيس وكلامنا واخوات كيمو البنوتات اللذاذ قوى
والميكروباص اللى خدناه لوحدنا وفكرنى برحلات الكلية والضحك اللى ماوقفش لغاية ماوصلنا وماحسسنيش بالطريق ابدا
ومدونين الاسكندرية اللى كانوا فى استقبالنا
لفت نظرى قوى مارو والحاج ريتشارد
شوفى انا مش كلمتهم كام كلمة على بعض
بس ماشاء الله عليهم حسسونى بمعنى كلمة انهم شايلنا فى عينيهم
ودودو
بصراحة ياطمطم كنت فاكراها من البنوتات الرقة خالص اللى بيغيظوا دول وبيحفزوا طاقة الحقد
طلعت رقيقة فعلا بس بميت راجل كنت ببص لها وهى رايحة جاية واقولها جدعة يابنتى والله
نحب احنا البنات اللى كلها رجولة وقت الجد
لفت نظرى كمان فاطمة الزهراء
شدتنى قوى فيها طعامة كده غريبة حتى لو تفتكرى سألتك عليها مين دى وارتحت لها جدا
ورانيا ليس فقيرا من يحب حسستنى انى عارفاها وانى شفتها كتير قبل كده
وكنت عايزة اقولها احنا كنا زملاء فى الكلية مع انى عارفة ان الفرق كبير قوى

الانطباع ده كان مع ناس كتير فى اللقاء
الوشوش مألوفة بطريقة غريبة وكل مااعرف ان ده فلان او فلانة تنتابنى سعادة هى كفاية والله لنجاح اليوم

حنين القلب وعموره اللى كنت مامته طول اليوم والحب الجميل وانجى الشقاوة
هوا اسكندرية تقريبا مع ترعة المحمودية
عاملين تأثير كبير فى خفة دم بنات اسكندرية وجدعنتهم

التليفونات
اول ماسمعت صوت ريم قلت لها رقيقة الرقيقات ...انا كنت خايفة اتكلم معاها من رقتها
وداليا اللى صوتها فى التليفون عبارة عن حنان بس بطعم تانى
ودكتورة نور حبيبتى اللى من قبل مااعرف انها هتكلمنى كنت سرحت واتمنيت انى اشوفها مرة فى الدنيا ياربى

رجل المستحيل :)
كان مفاجأة بالنسبة لى والله
وتخيلت ان القعدة هتبقى مناقشات سياسية وأخوانا اياهم هيسترزقوا بعد الشر على حسنا بس هو بذوقه الظاهر محبش يضايق الناس وركز مع عمر والكوارع بس

استاذ ضياء
فى حاجات كتير قوى كنت عايزة اشكره عليها
بس الحاجة اللى كانت عسولة قوى قوى
وأثرت فى جدا
لما سألته الساعة بقت كام علشان نروح
لقيته بيقولى متقلقيش انا ظبطت الموبايل على خمسة ونصف نمشى زى مااتفقنا وهو المرة دى أكد فكرتى اللى اخدتها عنه فى ابو الريش
واحساسى ان هو واستاذ خالد
بيتعاملوا معاناعلى اننا اخواتهم البنات الصغنيين
ودى حاجة غير علمية وغير دقيقة خالص من ناحية السن على الاقل:)
بس فرحتنى جدا
استاذ خالد وازاى اصر ينزل الاسعاف ويوصلنا لاقرب مكان مع تعبه ولسه مواصلاته هو
مع انى والله طول عمرى كنت معتمدة على نفسى وخصوصا فى المشاوير
اللى اعرف اروحه ماشى
واللى معرفش اعتبره مش مهم بالنسبة لى
لكن شعور انك محاطة باخوات مسئولين عنك
حلو على فكرة ياطمطم ولذيذ

رأيك فى الناس مظبوط ياطمطم
ونقطة كمان عجبتنى فى تفكيرك ان كلنا عيوب بس لو كلمتينى عن الحلو اللى عندى هحاول اظهره اكتر واكتر ويبقى انت استمتعت بالحلو ده وانا استفدت تخلصت من حاجات يمكن مش كنت اعرف بوجودها او انها بتضايق الناس

هديتك رقيقة وعسولة وحركة شياكة وذوق عالية جدا منك ومن الاستاذ رجل المستحيل
ربنا مايحرمنى منك ومعاك على طول ان شاء الله لغاية ماتزهقى

انا عارفة انه تعليق طويل قوى وشكله بقى بوست
بس انا اختصرت بطريقة بشعة
انا استمتعت وفرحت وروحت الشغل تانى يوم بغنى ( ساعات ساعات ..أحب عمرى وأعشق الحاجات )
لو دى بس النتيجة المترتبة على اللقاء الجميل ده
فالف شكر لكل انسان ولكل مكان ولكل تفصيلة وصلتنا كلنا لكده
حرام
كفاية رغى عليك كده :)

gogo!sf
--------

روحت يا ام عيون بتضحك و شوفت و عملت لينك عشان الحبايب تدخلك من عندى
اليوم فعلا كان حلو
و كلامك فكرنى بأول يوم اتجمعنا فيه برضو من حوالى تلات سنين ف التبرع بالدم بتاع خيخة و كان الانطباع العام هو
ونس بناس بتشوفيهم لاول مرة
بس كأنك تعرفيهم من عمر طويييل

عقبال كل مرة و تكونى معانا انتى و جوزك و العياااال
ابقى هاتى العيال كمان

بوسات و حضونات يا حبيبتى




wa7ed w5las
----------

يا حمدى قول فاتيما علطول
لا استاذة و لا اى القاب
انتا زى ماجد اخويا
و انتا من مكاسب اليوم دا يا بنى
انتا حد محترم قوى و طيب و ابن حلال
و ان شاء الله نشوفك دايما
فى كل لقاء جاى
انتا مرحب بيك و ع العين و الراس

و متكتبهاش كدا

اكتبها

حمدى -> مش واحد وخلاص أبدا




Hannoda
-------
الحمدلله يا هنودتى
مينفعش نكون ف اسكندرية
و وسط الحبايب هناك و منكونش مبسوطين بخمسين حاجة و يطلع وسطهم حاجة اتنين بايخين ...

الغصة سببها بمنتهى البساطة
انى متعودتش ازيف كلامى معاكم
و كان لازم لما اكتب
اقول كل حاجة حسيتها
و الحاجات اللى ضايقتنى قولتها عشان انا بفضفض معاكم دايما و عشان وارد زى ما قولتى اننا نبقى مختلفين فى المزاج و الاهداف و الطباع
بس الفكرة العامة اللى بتجمعنا هى الصحبة و اللمة و اننا نفرح ببعض و نتونس ببعض ..و لو فيه خير نعمله سوا و نشجع بعض ...
اللى عاوز يعمل حاجات تانية
يعملها براحته حقه
بس ميفرضش دا عليا
او على غيرى ..بس كدا

انتى عشان بتحبينى يا هنودتى
حاسة كلامى
و شايفة اللى ما بين سطوره
دى شطارة منك انتى على فكرة
مش منى انا !!


السفرية الجاية لأسكندرية
تكونى ف استقبالنا ان شاء الله

يا رب






عاشقة الرومانسية
----------------

انتى متعرفيش تبعبرى ؟!!
يا سلااااام
ماشى ماشى
انتى نظرك مدغشش اليومين دول
و مش هدق معاكى و اركز
عشان الخطاريف شغالة ..
الغنوة ؟؟!!
تحففففففة
انتى عارفنى بموت ف انغام

و يا حبيبتى بتعتذرى على ايه
نولعوا ف روحى يعنى ولا إيه؟؟
هتخلونا نصوتوا بالإسكندرانى اهو
بعد كل اللى
عملتيه بتعتذرى؟!!!!
دحنا اتدلعنا دلع مفيش بعد كدا
و يا حبيبتى مجرد التواجد معاكم ف حتة واحدة كفاية
انتى بتقولى ايه بس
انتوا كرم الضسافة و الأهتمام و الذوق و خفة الدم و طولة البال و احنا قاعدين متلدعين متهننين يا بنتى
اللى مجاش امبارح فاته كتير فعلا

بوسيلى رودينا قوى
و بوسيلى مامتها قوى
و احضنيلى عمتها قوى قوى قوى

انا كمان يا عروسة البحور
قوى قوى قوى قوى



صيدلانية طالعة نازلة
-------------------

دا حقيقى يا لولاّ
كنت محتاجة اتونس بيكم قوى
و الحمدلله اليوم كن حلو قوى
احنا عندنا تبرع بالدم اول نوفمبر
فكرى و شوفى ظروفك انتى دكتور اشرف
و ان شاء الله تشوفى اكبر عدد ممكن م الناس الحلوة

بوسات و حضونات يا ست انتى





رحلة البحث
----------

ازيك انتا يا محمد
زعلان ليه بس؟!!
و مين يسال على مين طيب ؟
دنختك الكبيرة يا جدع و اصول انتا اللى تسأل عليا ..صح؟
و خالد مبلغنيش السلام .زاهدرلك دمه دلوقتى ؟!!
لأ حرام
الراجل موبايله مبطلش رن و اتصالات و اكيد كان فاكر يقولى و نسى ..انتا عارفه ابو العروسة فى أى لقاء

انتا كمان قلبك دهب يا محمد
حاول تيجى يوم التبرع بالدم
و اوعى تقول مش نافع
عييب يعنى دنتا من اهلها دلوقت
و لازم تكون حاضر


اشوفك دايما على الف خير
و اكتب حاجة جديدة بقى بلاش كسل





sal
---

منحرمشى منك ابدا يا سال
معرفش ليه جملة "رجعت لغربتى" دى وجعتنى قوى
ربنا يخفف عليك اى وحدة او بعاد
و انتا معانا دايما
كفاية سؤال و اهتمامك و دعواتك

تحياتى و تقديرى و احتراماتى انا
يا غالى




الحب الجميل
---------

ميرسى يا حبوبة ع اللينك
و انك طمنتينى عليها
عقبال ما نطمن على رامى ان شاء الله
هتتعوض و هنرغى و نحكى و نقول كل حاجة
ان شاء الله تتكرر تانى و عاشر

انا كمان و الله



sally
-----

دى ايه؟
بوسة دى ؟

شيكلها بوسة !1
و النبى كدا

على صفحة التعليكات كدا عينى عينك
وشى هيحمر و هميوه محمر خلقة م السمس و عندى تان خفيف

موشكرين يا ستى
و عقبال ما تيجى معانا مرة انتى و سى محمد افندى رفعنا العلم خطيفك
هه

بوسات و حضونات
انا كمان

حفيدة عرابى
-----------

لأ لأ رغى ايه ..قولى كمااااان

دنتى المفروض تاخدى التعليق دا و تحطيه ف بوست عندك

معرفش ليه كان قلبى حاسس انك هتشوفى الناس زى ما شيفاهم انا كمان
لأنى بحسنا واحد ف حاجات كتير و اراء كتير و احاسيس كتير و قراياتنا كمان للناس بحسها متشابهة ..بنشوفهم من زوايا مختلفة نوعا ما
معرفش دا اسمه ايه؟
خبرة و لا نضج و لا محبة زيادة و لا ايه؟
بيخلينا نشوف الناس احلى و اصفى و اروق كدا
بس حظنا حلو بيوقعنا ف ناس حلوة قوى و يتبقى فقط نحاول نحافظ عليهم حوالينا و معانا و نطلع من بعضنا افضل ما فينا


بصى
كل انطباعاتك عن الناس
زى حالاتى
مش هقول اسماء لأنى موافقاكى جدااا
و انا قولتها من اول مرة
و لغاية بعديييين
هفضل اقولها


احنا عارفين بعض فعلاً
بالأفكار
بنصبح على بعض
بنعرف اخبار بعض
بنحضر افراح بعض
و نطبطب على احزان بعض
بنسأل على بعض
و بنفتقد بعض
بيبقى فاضل بس نشوف بعض بالعين
عشان كدا لما دا بيحصل
بيكون فيه الفة و دفا ملهمش وصف و لا تفسير واضح ...و بيطلعوا ف شكل فرحة و بهجة و هزار و قفشات و ناس تفكر بعضها بحاجات كتبوها


انا فرحانة ان كله تمام
و طنط راضية
عشان التبرع بالدم ان شاء الله
اول الشهر الجاى
و يا رب تقدرى تيجى
دا قاهرى و تقدرى تروحى بدرى
لأننا كمان بنيجى من بدرى



الشكر ليكى انتى
لأن صحبتك بجد كانت ممتعة
و كأننا للمرة المية بنسافر سوا
و كلى زى ما يعجبك
بالشكل اللى يعجبك
و لا يهمك


و حركة الشياكة بتاعة خالد دى
سبحان الله !!!!
انا لسه كاتبها
ف ردى على تعليق فوق
ابقى اقريها
مش بقولك انا و انتى
بنشوف الناس بنضارة واحدة؟!!

و ضيا ..اخويا الصغير سناً و الكبير قلباً و تصرفا فعلا

اما رجل المستحيل
فنتى ضحكتينى قوى لما قولتيها
اديك خدت لقب يا صاحب العنبر


اشوفك دايما على الف خير
و دايما معايا
يا فيدووووو
يا حبيبتى
و بوسات و حضونااااات
أد كدااااااااااا

يالهوى ياتيمااااااا كل ده حب جواكى

بحبـــــــــــــــــــــــــك يا ام قلب من الماس
انا اجيلك على عينى ده انتى الجوهرة بتاعتنا
مشيى بدرى يومها ياطمطم ياسى انتى لو قعدتى شهر عندنا مش هنشبع منك برضه

بجد ايه حنيتك دى ؟ انا شفت عمر نايم فى حضنك حسيت بامان فظيع

كان يوم جميل وصحبة اجمل وناس محترمة جدا وحالة حب كانت بتحوطنا كلنا
كنت فرحانة اوى شفت ناس بحبها من خلال مدوناها ولما شفهم ولمحت الطيبة فى وشوشهم فرحت اوى
احنا عرفنا نخلى الخيال الجميل واقع اجمل ملموس
شكرا لكل الناس الجميلة دى وشكرا ليكى يافاتيما
وان شاء الله يوسف يبقى معانا


بحبك يا تيمااااااااااااا
مووووووووووووووواه

مبسوط اوى بكل المدونين اللى شفتهم واليوم كان حلو اوى وان شاء الله اللقاء يتكرر تانى قريب

انا حطيب بوست كدة عن اللقاء ياريت تضيفية عندك فى البوستات ما بعد اللقاء
تحياتى
http://medolegend.blogspot.com/2010/10/blog-post.html
ودة اللينك

طمطومه حبيبتى
مبسوووووطه جدا جدا انكم كنتم مبسوطين و
ان اليوم كان جميل
وفرحت اكتر لما شوفت صور كتير على الفيس بوك
كان نفسى اكون معاكو بس معلش
تتعوض انشالله

يارب تكون السلامات الكبيره وصلت
ولو انى متأكده ان حفيده عرابى
من كتر ماكانت مبسوطه وفرحانه باللقاء ممكن تكون نسيت ....يارب دايما سعداء وفرحانين
:))
تحياتىوحبى ياطمطم
3>3>3>

ربنا يسعدك كمان وكمان يا فاتيما
بجد كان نفسي اكون معاكم بس ظروفي مكانتش تسمح برغم ان اسكندرية ساعة بس مش زي القاهرة اربع ساعات موصلات
عموما اشوفك قريب ان شاء الله

ولأن في قلوب من دهب
لازم قلوب تانيه من خشب تتنسي ومايتجابش سيرتها خالص
:)

وبخصوص الحوار بتاع عمر ابن حنين .. احنا ماكناش نعرف انها هتزعل .. بالعكس .. كنا فرحانين بيه كأنه ابننا بالظبط وبنلعب معاه
ولو الحركة دي ضايقتها .. انا آسف وبلغيها اسفي واعتذاري

وربنا يوفقكم في اللقاءات اللي جايه ان شاء الله

فطوم
حمد الله على السلامة
:-) سكندرتى و جيتى يا فطمطم
:-**********************************************************************************
لا و مكروباص خصوصى
و قابلتى عرابية
و خذتلك موقف كبار و قولتى لا للتفاسيح
و خذتلك موقف صغار و قولتى اه للمراجيح
:-)
المهم
انك نفذت من كمين الى كانوا مجهزنلك فى المتحف و توبتى الى الله فى سرقة المجوهرات المزورة :-)))

فطوم
المحصلة
يارب تكونى انبسطتى
اصل الجملة الغريبة فى كلمتها الحقيقية فى معناها بتوحى بالعكس

صحيح
كده متركبيش الاتوبيس الاحمر :-(((
و مطنشه الصبحيات :-((((((((((((
ايه الكسل ده كله
و اوعى تقوليلى ست كبارة :-) مش عليا احنا الاثنين كبار
بكرة الاقى الصبحيات مفهوم


خذى ده منى مع الاحضان :-)
http://www.youtube.com/watch?v=izKiIBXKT7U&feature=player_embedded

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXxx

فاتيما
ست الكل

معلش علي التأخير بس انا كنت تعبان من السفر
علي اساس اني جي من القاهرة يعني
ههههههههههههه
دانا 60 كيلو بس انتوا بقي ربنا يعينكوا

فعلا قلوب دهب وماس والماظ
وانا اتشرفت اني شوفت حد جميل زيك فيه صفاء ودفء وحنية

وطبعا ريتشو
عشان مش تزعل مني انا مش ناقص
واتعرفت علي ناس تانية كتير
كلهم بجد من اجمل ما يمكن

بس انا زعلان ان عملية السطو بتاعت عقد فريدة متمتش
بس عشان متزعليش احاول اكتب بوست عن المجوهرات دي
عشان تفيدنا في السرقة ان شاء الله المرة الجاية
هههههههههههههههههههه


بجد كانت رحلة تنقي الشعور والنفس
وتأتي بافكار جديدة زى ما عملت معايا

تحياتي يااروع فاتيما

السلامو عليكم

فاتيما

الشخصيه الجميله جدآ اللى كنت عايز اشوفها بفارغ الصبر
والله من كتر ما سمعت عنك كنت متشوق جدا أنى أشوف الشخصيه المحترمه
المهزبه الجميله جدا

كل الناس قاعدين يقولوا فاتيما فين فاتيما
هتيجى ولا لا
اوعو ماتجيش
ياخبر ابيض اتصلو بيها
اتأخرت
بصراحه بسم الله ماشاء الله
شفت حب كتير قوى ليكى يافاتيما
وانتى بجد تستهليه
وتستهلى اكتر من كده

أنا كان نفسى اتكلم معاكى جدآ بس انتى الله كان فى عونك الجماهير كانو كتير قوى
بيهتفو بأسمك
كنت هتكلم معاكى أزاى
كانو هيكلونى
ههههههههههههه

بجد أنا مبسوط قوى أنى شفت كل الناس المحترمه جدا
كلهم بلا استثناء
محترمــــــــــــــــــين جدا

أنا سعيد جدا انى اتعرفت عليكى
وبأذن الله فى لقاء قادم نتقابل

مدونتك جميله جدا جدا
والبوست روعه بس متعب قــــــــــــوى
أنا تعبت جدا فى اللقاء التدوينى علشان كنت مسافر فى الشغل ومانمتش
بس تعبت اكتر دلوقتى وانا بقرأ البوست من كتر الكلام
كتبتيه ازاى ده والنبى متعبتيش
ههههههههههههه
بجد انتى أسلوبك دايمآ روعه ومبهر
وربنا يحبب فيكى خلقه يارب
يارب يـــــــــــــــــارب

أنا طاير من الفرح انى كان ليا الشرف واتعرفت على اجمل شخصيه فى البلوجر كله

تحياتى لقلب ينبض بالحب
وأهديكى باقه ورد من أجمل بستان فى الدنيا لأرق قلب

محمــــد التركــــى

نسيت أقولك يافاتيما
والله انتى اللى قلبك زى الدهب

مى
--

يا ورد الجناين انا اللى بحبك جداااا

لما مسبتيش تعليق ف بوست اللقاء عندى اتخضيت و قولت انك مش هتعرفى تيجى
بس ربنا خلف ظنى و جيتى
ملحقتش اقعد معاكى
و لا اطمن على احوالك
بس يا رب تكونى فى احسن حال

و بخصوص عمر
عقبال يا رب السنة الجاية ف نفس المعاد تكونى حاضرة اللقاء و بطنك قصادك .. او تكونى شايلة بيبى عنده شهر و لا اتنين و هاخده ف حضنى برضو و ادلعه زى عمر ويبقى حتة من حضنى

عقبال كل مرة و تكونى موجودة المرة الجاية انتى البستانى اللى ملك قلب ورد الجناين بتاعتنا

بوسات و حضونات يا حبيبتى





Mohamed Gabriel
---------------

احنا انبسطنا بيكم اكتر و اكتر يا محمد و ايام اسكندرية حلوة و قرفتها احلى و عقبال كل مرة و تكون حاضر و منور الدنيا
حطيت اللينك خلاص
انتا تؤمر يا فندم





دودو
----

يا لهوتينى لأ حرام
فيدووو بلغتنى و الله
انا اللى الزهايمر شغال اصل ماشاء الله عدد الحاضرين و المتصلين كان حاجة تفرح و لازم هتمخول شوية

اصلا ف الميكروباص الصبح و احنا رايحين فيدو و انا قعدنا نحكى عليكى و قالتلى انتى فين ... طب محنا جينالكم كتير يا دودو ..ليه مجتيش ؟
المرة الجاية ان شاء الله ربنا يكتبلنا نصيب يا حبيبتى انا نفسى فعلا اشوفك
قوى ..هيحصل ان شاء
و تعيشى معانا الفرحات دى

ازاى الولاد ؟
يا رب يكونوا ف احسن حال
منحرمشى من طمطومه دى ..بحبها قوى
متتصوريش ازاى



re7ab.sale7
-----------

منا عارفة يا رحوبة انك كنتى جنبينا
و كان نفسى تقدرى تيجى ..بسش معلش تتعوض ...
التبرع بالدم اول نوفمبر و ربنا يسهل و تكونوا ف القاهرة يومها و نعرف نشوفكو...ربنا يكرم

خلى بالك من نفسك
و يا رب تكونى دلوقتى احسن





soooo
------

:)




wanda
-----

الله يسلمك يا ون ون

الصباحات نزلت اهو و لا نقدر على زعلك ابداااا احنا

(اصل الجملة الغريبة فى كلمتها الحقيقية فى معناها بتوحى بالعكس)
الجملة دى رغم غرابتها و تركيبها العجيب ..بس انا فهمتها و الله
و يمكن اكون قصدت كدا و انا مش واخدة بالى ؟
طب انا بخطرف ليه ؟
مع انى شاربة نسكافيه ؟
يا خراشى دنا بألف أغانى كمان
شوفتى تعليقك عملى دماغ ع الصبح ازاااااى ؟!!!!

تصدقى بالله
انا شوفت الاتوبيس الاحمر ابو دورين معدى علينا ...و افتكرتك
بس معرفش ليه نسيت اكتب التفصيلة دى ف البوست ؟
اصل كان فيه حاجات كتيييير زاحمة عقلى و لو كنت كتبتهم كلهم كان زمانى عملت البوست دا خمس اجزاء
و لا ليالى الحلمية ف زمانها

كان نفسى تكونى معانا قوى بجد
المرة الجاااااية
ان شاء الله

ميرسى ع الغنوة
منحرمشىىىىى منك

التعيين بقى
*************************************************************************************************************************************
و
××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××




Haytham Alsayes
---------------
ازيك يا هيثم
انا زعلااانى انى ملحقتش ارغى معاك يا جدع
النوبة الجاية ان شاء الله
انتا زى ما تخيلتك
حد محترم قوى

وانا برضو كان قلبى حاسس اننا معمولنا كمين ف متحف المجوهرات وشوف ربنا مع الحرامية الغلابة اللى زينا احنا لا قولنا عاوزين ارض و لا حزب و لا حاجة احنا ناس على قدنا و عاوزين نربى بيهم العيال
هههههه

الحمدلله ان اليوم عجبك
و عقبال كل مرة يا صاحب الفردوس




محمد التركى
---------
الله يخليك يا محمد
ميرسى على كل الكلام الطيب دا

و عشان كدا بقول قلوب دهب
لأن لو مش قلوب اصيلة مكنتش تلاقى الحب دا و بالشكل دا من ابسط حاجة


بس شكلك جدع و اسكندرانى على حق
متزعلش عشان ملحقتش اتعرف عليك كفاية و نتكلم و نرغى الا الدنيا كانت مليانة احباب و انا ف الزحمة تلاقينى متدهولة و اللى يشوفنى جاية يفتكرنى ريحة .. معلش و تتعوض المرات القادمة


و بعدين انتا لسه مستجد ف المدونة هنا و متعرفش ان بوستات اللقاءات التدوينية بتاعتنا بتبقى اطول من كدا كمان ..بس انا اختصرت المرة دى
بس متخدش على كدا يعنى


متعتبيتش ؟

لأ متعبتش
حد يعرفكم و يتعب؟
حد يشوفكم و يتعب ؟
حد يقعد معاكم و يتعب ؟
حد يتدلع وسطكم و يتعب ؟

دا يبقى
عاوز ينضرب بقى
و انا مش عاوزة انضرب سيادتك

انا اللى اتشرفت بيك يا محمد
و معرفة خير ان شاء الله

تحدثتي عن القلوب اللي من دهب
و لكنك لم تتحدثي عن القلوب الماسيه

وهي من نوعة قلبك الذي حمل كل هذا الحب عبر السطور الغزيرة الغنية المتدفقه


انا متاكد انك الاكثر سعادة

بارك الله في قلبك و حنيتك

تحياتي

أنا بقالي أكتر من ساعه بقرأ الكلام الدافي ده و حسيت بمشاعر كنت فاكراها مبقتش موجوده بجد أنا مبسوطه قوي اني دخلت عالم التدوين الرائع و أتمنى ان تقبلوني معكم و انت بالذات اتمنى انك تزوريني.

السلام عليكم

ازيك يا فاتيما

يارب تكوني بخير

بجد انا مبسوط بيكم وليكم

كان نفسي احضر اللقاء ده

بس للأسف ماقدرتش

:(

بس انا اتصلت بفقري يوم اللقاء

وبعتله السلام ليكم كلكم

بس ماحدش إفتكرني

:(

بجد ما شاء الله الناس كانت حلوه قوي
وروحكم كانت جميله قوي وصوركم حلوه فعلا

ربنا يديم تجمعكم في الخير دايما ويوفقكم ويفرح قلوبكم

وبإذن الله تكون كل ايامكم خير يارب

كل سنه وانتي طيبه

وإن شاء الله السنه الجديده يبقي يوسف معاكي منور دنيتك

قولي أمين

:)

تحياتي

ألف مبروك.....و عقبال ما نجيلك فرح يوسف بإذن الله :)

السلام عليكم
كل لقاء تدوينى وانتى بخير
بجد بكون نفسى جداااااا اكون معاكم لكن ظروفى ماتسمحش للاسف
ربنا يسعدكم جميعا

أحـــوال الهوى
-------------

يا دكتور عصام
انا مبعرفش ارد ع الكلام الحلو دا

بس فعلا انا راجعة فرحانة
و شايفة حاجات كتير حلوة قوى
تستحق تنقال
و الحمدلله انها وصلت للى قرى البوست

منحرمشى منك ابدا






شيرين سامى
---------

ان شاء الله تحضرى معانا
ايام مماثلة يا شيرين

لوكنتى من سكان القاهرة
حاولى تيجى التبرع بالدم
هيكون اول نوفمبر ان شاء الله

اكيد هرد الزيارة
ان شاء الله
نورتي روح قلب ماما يا فندم




z!zOoOo
--------

و عليكم السلام يا زيزو
ازيك انتا يا فندم
ميرسى لذوقك
و مجتش ليه يا جدع
كنت هتنبسط ..و لا من غير فولتا
مينفعشى؟!!
كريم غالبا قال بس الزهايمر بقى
و انا كويس انى لسه فاكرة اسمى العدد ما شاء الله كان كتير و الحمدلله

تعالى التبرع بالدم بقى
خلينا نشوفك يا سى زيزو
ميرسى على الدعوات الطيبة
لينا
و ليوسف ...كلك ذوق بجد

تحياتى انا اكتر
:)





إياكش تولع
-----------

الله يبارك ف عمرك يا دكتور
مجتش لييييييييه؟!!!
فرح يوسف؟!!
بتهرج
يعنى هنشوفك بعد خمأشر سنة كدا و لا حاجة و علينا خير بقى
ايه النوظام دا
مينفعشى
نشوفك قبلها .. احنا لسه هنستنى !!

التبرع بالدم اول نوفمبر
و انتا دكاتور قد الدنيا
عيب يعنى
تعالى عشان حتى لو حد اغمن عليه
تعمل عليه شغل

حاول يا دوك ..لو تقدر
و موشكرين ع التشجيع
و عاوزينه ف المدرجات بقى
مش من قدام التلافزيون




حنين
---

معلش يا حنين
كفاية يا حبيبتى اهتمامك
و تشجيعك و دعواتك
و ربنا يكرمنا و ظروفك تتغير و نقدر نشوفك ان شاء الله

خالص ودى ليكى





الناس اللى طلبت تعليقاتها متتنشرش
---------------------------------


حمدلله ع السلامة
متوقعوش قلبنا تانى
م الخضة





خلاص
اتطمنا يا قطاقيطو
مننحرمشى



موشكرين يا فندم
و لازم وانتوا بتشكروا فينا
تقطمونا يعنى !؟!!

صحبتكم كانت حلوة وجميلة اوى يا اطيب اسرة واجدع ناس فى وسط ال80 مليون
اختلفت عقولنا واعمارنا وثقافتنا ومعتقاداتناواتفقنا جميعا على الحب والسعادةوالخير وهذة طبيعة اسرة التدوين

فطوم
و بعدين انا ازعل من الايميل بتاعك بقى ؟؟ عارفة الحبايب كثار و مش ملاحقه :-)
فينك مردتيش عليا ليه؟
كنت عايز افضضلك بحاجة - انا فى حالة دربكة عقلية محصلتيش قبل كده

طيب لو مش فاضية
طمنينى على نفسك على الاقل
:-***************************************************
:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

صحيح فى صباحيات جديدة ؟؟ و لا ايه الاخبار ؟

إرسال تعليق