.

.

نــعـــــمـة الصـــبـــر  

Posted by: فاتيما in



يا رب
قلبى بيسألك
وانا شايفة دلوقت بعينى 
نعمة الصبر 
و هيا بتتسرسب من بين صوابعى 
زى المية
طب يعنى افهم من كدا
انه لا بارقة أمل
فى أن الوقت يستجدع معايا
و يفكر يقف شوية 
عشان 
لحظة الضعف دى و لو مؤقتاً 
تِجمد
أو ان المية دى و لو مؤقتاً
تِجمد 
او ان قلبى أنا طيب و لو مؤقتاً 
يِجمد ؟!!؟!؟


 ---------------------------------
واحدة فاتحة كفوفها 
و لسه  
عندها أمل
--------------------------------------- 



This entry was posted on الأربعاء, أكتوبر 13, 2010 and is filed under . You can leave a response and follow any responses to this entry through the .

33 كــــلام بيطــبطـــب عـــلى قــــلبى و روحــــى

ربنا يصبرك يا رب

بس على فكره أم كلثوم قالت ايه بئا في معرض الحديث عن الصبر

فاكره؟

ايون

وصفولي الصبر لئيته خيال وكلام في الحب يا دوب ينئال

انا سخصيا ما عنديش من البتاع دا نوهائيا

فاتيما

يا رب الوقت يستجدع معاك ومعانا

اوعى ...وخللى بالك

ما اضيق العيش لولا فسحة الامل
""""
بقالى عشرين سنه وانا اكرر السطر السابق
كلما الم بى ضيق والم مما يحدث حولنا
"""""

دمت باعثة للامل
الصبر نعمة ان اقترن بالعمل
والصبر نقمة وتواكل ان اقترن بالسكون

وربنا يخللى قلبك شعلة من الامل
فى غد افضل

كامل تقديرى

الصبر مفتاح الفرج
ومينفعش اى حد فى الدنيا يقدر يعيش من غير أمل

تمسكى بالصبر وتحلى بيه
ان الله مع الصابرين ... إذا صبروا

اسأل الله لكى فرج من بعد ضيق

انا مضايق جدا ودخلت عندك لقيت بتقولي كدة
فعلا انا محتاج اني اصبر ويكون عندى امل
لازم يكون عندنا امل

انا دايما بقول ان الالم والامل حروف واحدة بس فيها تبديل الجدع والشاطر هو اللي يبدلها
اللي عنده ارادة هو اللي يبدل

بجد برضه انا حاسس اني في دائرة ضيقة جدا
جدا بس بقول فعلا ضاقت فلما استحكمت حلقاتها فرجت وظننت الا تفرج

يارب يفرجها عليكي وعليا وعلي الجميع

تحياتي ياجدع فاتيما

ياقلبببببببببببببببببببببى


اوعى يا قلبى لازم تلمى كفك عليه
اوعى تفقديه خلى املك زى مانت فى وجه الله الذى لايغفل ولا ينام

لو فقدتى الامل يبقى فقدتى الايمان به

خير خير خير ان شاء الله خير

تعالى فى حضنى يا تيما
ايوا كده استنى بقى افعصك
ابواااااااااااااااااااا
ماتخليش حاجه تيأسك الدنيا بنت كلب
وطول ما احنا فيها يانركبها ونسوقها
ياتركبنا وتدلدل

خلى بالك منك
بحبك بوساتى وحضوناتى وكامل فوعصاتى
فى تلات بوسات مبعوتنلك

ربنا يثبت قلبك ياطمطم ويصبرك
ويلهمك الصبر لغاية ماتيجى لحظة الجزاء القريبة ان شاء الله
يمكن الفرج قريب علشان كده تعبتى ربنا يصبرك

كلنا محتاجين الصبر

وخير مثال فى الصبر هو صبر ايوب
نتأمل ونتعلم منه

ويارب الوقت يستجدع معاكى ومعانا

ربنا ينعم علينا بهذه النعمه

ربنا معاكي يارب
ويصبرك
ويجاذيكي خيرا
اللهم امين

زى ما قولتلك يا فاتيما القلب الطيب عمرة ما يقدر يتجمد
وانتى قلبك ابيض وطيب
يلاقى ضربات متتاليه ويفضل يتفرج وكله اوجاع ومش بأيدة شىء يعمله
او الانفجار باى طريقه
شويه كلمات
صرخه محدش يسمعها غير القلب والنفس
ان الله مع الصابرين
وانتى من الصابرين
ارمى توكالك على الله
وربنا ان شاء الله هيكرمك خير
أحن حضن لاجمل قلب
ربى يسعدك

السلامو عليكم

فاتيما

أولا اتمنى من ربنا انك تكونى بخير وبصحه
ثانبآ بدعى ربنا انه يلهمك الصبر
ويقدرك عليه

الصبر ده شئ صعب جدا بس ليه مكفأته بس بعد مده غير معلومه
ربنا وحده اللى يعرفها

ربنا يبارك فى حضرتك ويلهمك الصبر

تقبلى تحياتى

محمــد التركــى

صباحاتك صبر وصبر وصبر
شوفي ا فاتيما يا حبيبتي لما كنا مع بعض قلنا اية ...ربنا خلق الدنيا في ست ايام عشان نتعلم الصبر ...
بس احنا كبني ادامين وكمان بنوتات فالصبر عندنا مرير جدا خصوصا اننا حساسين اوووي , طيب نعمل اية ...؟ نقول يارب , ونصلي وندعي ....وما دام انت فاتيما اللي كلنا بنحبها وبنموت فيها فكلنا هندعي معاك ونقول يارب ليكي ولينا ...ويارب دايما بخير حبيبتي ...بوسات وحضونات كتيييييييرة لغاية ما نتقابل في الميعاد اللي اتفقنا عليه ومش هنسي ان شاء اللله واجيبلك شيكولاتة ...

مممممممممممممممممممممم
انا بقى عندى نظريه مختلفه
ان القدر ده قدرنا والفرح ده بتاعنا@@@
بقيت بتكيف
حصل فرج ماحصلش
بتكييييييييييييف مع ظرووووفى
ولو معرفتش يبقى يكيفينى شرف المحاوله
***********
حاولى وخاااااااااالص
***************
وكمان خلينا نحتفل شوية
بيببببببببببببببب
تصدقى بالله مستنيه كل سنه وانا طيبه بتاعتك من امبارح رغم ان فى احتفالالالات قد الدنيا ع الفيس بيا
وانتى طيووووووووووووبه
اسكتى احكيلى حصلى ايه دلوقتى
عماله ارقص ع اغنيه البت كيتى لقيت الباب خبط فتحت لقيت الراجل بتاع العداد قالى اننامادفعناش بقالنا 7 شهور!!! وعلينا مبلغ 3 تلاف ونص1!!
تصوووووووووووووووورى
والله نكد عليا اوى واشمعنى ف اليوم ده
هصدق بقى حوار 13 عااااااااااا
الناس كلها بتتريق ع الرقم ده اصلا وعليا ولسه ماما هتيجئ هقولها الخبر السعيد ده
يووووووووووووووووووووو
خلينا افتكر الاحتفاااااااااال
بييييييييييييييييييب
ييييييييييييييييييييييييب
يافررررررررررررررررررررررررج
تعالى بقى لفاتيماااااااااااااااا
وابقى عدى عليا بعديها
امواااااااااااااه
صباحك عيد ميلادااااااات كتييييييير

سيدتى

جميعنا يتحرش بلامل

وجميعا يداعب اطراف الصبر

اتمنى ان يستجيب الله لداعئك الاوسط

اعتقد انه الاقرب الى قلبك

دائما كلماتك تاخدنا الى حاله
نعرف معاها قيمه الانسان ومعنى الحب الصادق


تحياتى

ربنا معاكي
كلمات حساسة اوي
تسلم ايدك تحيايتي

لا لا لا

مش دي فاتيما

اوعي تضعفي ده الضعف وحش وهتدنمي عليه

طول ما في كلمه اسمها (الله ) ما فيش كلمه

اسمها يأس او ضعف

ان شاء الله ربنا هيصبرك وينولك اللي في بالك

وخليكي مع ربنا

تحياتي

ان شاء الله يا روح قلب المدونين كلهم ربنا هيصبرك يا رب

ومش انتي لوحدك اللي عنك امل كلنا عندنا امل ..

تحياتي
واحد وخلاااااااااااااااااص

اوقوللك اية بس
معلش معلش فى اوقات بتعدى على الواحد مش بيشوف فيها اى امل ويفقد صبرة
فترة وتعدى ان شاء الله

عندى امل فيك
عندى ثقة فيك

ياااااااااااااااارب يا فاتيما

الوقت يستجدع ويقف والصبر يرجع والامور تتصلح

ربنا كرررررررررريم اووووى

خليكى واثقة

ان مع العسر يسر

هتتعدل ان شاء الله وترجع احسن


ع فكرة قلت اعدى اسلم عشان وحشتينى ابقى طمنينا عليكى اما تبقى احسن وامورك تمام

اخر حاجة بس

خليكى فاتحة كفوفك دايما و ع قد صبرك ربنا هيكرمك

سلام يا فاتيما

نفسى المرة الجاية اجى الاقيكى احسن

يا خرااااااااااشي على القطة المقطقطة
بصي يا تمتومة
طول ما فيه ربنا..يبقا فيه أمل
و بعدين يا ستى ان الله مع الصابرين
تكرهي ان يكون الله معك؟؟؟؟
ربنا كبير يا فاتيما و ما تخليش صبرك ينفذ
فكري فى الخير تجديه
فكري فى السعادة تجديها
تحياتي ليكي يا قمرة

ربنا يصبرك ويرزقك السعاده

لحظة الضعف دي لازم تجمد، بالعافية وحالاً، نعمة الصبر مش ممكن تجمد أبداً، القلب مش مفروض يجمد لأنه لو جمد يبقى صاحبه مات، واوعي أبداً طول مانتي عايشة تفقدي الأمل أو توقفي تقدمك مهما كنت الظروف، كفاية بقى إلي انتي ضيعتيه من عمرك.

يا ستي كل واحد عنده مصيبة مبهدلاه، لو محاربش علشان حياته يبقى يستنى كل من هب ودب يتدخل في حياته ويمشيهاله على مزاجه.

حبيبتى ربنا معاكى ويصبرك ويقويكى وتعدى الفترة دى
صدقينى أخرة الصبر والأستعانة بربنا حلوة قوى واسألينى أنا

أوعى فى يوم تملى من الصبر وتقولى تعبت وصدقينى هتلاقى نتيجة صبرك حلوة قوى مهما كانت النتيجة مش متوقعة بس هتلاقى خير ربنا شايلة ليكى

وحشانى بجد جداااااااا ونفسى أشوفك قوى

السلام عليكم

اسأل الله ان يرزقك سيلا لا يتجمد من الصبر
وألا يحرمك رقة القلب

مصير الصعب يلين
ربنا يريح قلبك

السؤال اللي قفز لذهني

هل من الممكن ان من صبرت الدهر ان يتسرب الياس اليها


لااظن
انها لحظة سبات تغافل الصبر عنك قليلا تعبا من طول صبرك

و لكن الصبر اصبح يجد فيكي سكنه و ملاذه

اللهم تقبل صبرها و ثبت فؤادا و اجزها كل الخير برحمتك يا رحمن يا رحيم

تحياتي

بيدنا نستطيع ان نجمد اللحظات التى نريد ان تطول ، وبيدنا ايضاً نمحى هذه اللحظات

استمتعى بلحظاتك كما تشائى بغير قلق على قد يفوت.
"فان هو لن يفوت فلن يفوت"

انا مش عارفة اققولك ايه انا جديدة عليكي وعلي الناس الحلوة اوي اللي في عالم المدونات . بس بجد كل ما اقرا حاجه ليكي احس اني عاوزه اقول حاجه تهون عليكي مش بلاقي غير ربنا معاكي ودا احسن من اي حد
و دايما بيجازي الانسان علي قد طيبته و ان مع العسر يسر .
و يا ستي كفايه عليكي رساله كيكي علشان تضحكك :)

اول مره يجي في بالي اقولك
"لكل امرؤا من اسمة نصيب"

حلو البوست
وحلوه تعبيراتك
يارب ربنا يكون معاكي ديما
ويوفقك

:-XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
يارب يا فطوم
يارب
يارب
يارب

يمتعك بكل شئ جميل
امل و فرحة و سعادة
و لو الصبر طعمه مر
بس يجيى القدر يغلبه
بحلوته انشاء الله

يارب يا فطوم

:-*********************************************************************************************************************************

عاملة ايه ياطمطم النهاردة
يارب تكونى بخير وأحسن ان شاء الله

يارب كله يتجمد يا فاتيما
أهوه الواحد يحافظ عاللى عنده
ويقدر يعيش لبكره مرتاح

بصى بقى يا فاتيما فى يوم الجمعه ساعة أستجابه .. ارجو ان تكون من نصيبك ان شاء الله ..مش هقول نصايح كتير .. بس هقولك اعرف ناس واصحاب مدونات عندهم قدره على الصبر لا يتخيلها بشر وتحملوا ولا زالوا يتحملوا ما لاطاقة لبشر به ربنا يا بنتى يكرمك ويكرمهم.
عمك مدحت

نسيت أقولك وزابقى بلغى العرابيه الاصيله بمعرفتك عندى مأموريه فى احدى مدن القناة اسبوع قابل انه يكون اسبوعين ماتنشغلوش لو ماقتونيش عمر الشقى بقى ... ولو تعرفى ندى الياسمسن ابقى قوليلها وفيه مدونه ممتازه بس ما بقيتش بتسأل عن عمها زى زمان يارب تدخل عندك وتشوف الرساله دى ربنا يجبر بخاطركم بكل خير برضو صاحبة مدونه كلمات من نور ربنا يجمعكم على خير و يلا ياريت تخلصوا موضوع حملة التبرع بالدم دى قبل ما ارجع لان اخر سن للتبرع هو 55 سنه وانا هوصل لل 55 سنه على اواخر اكتوبر شدوا حيلكم واجمعوا الدم قبل ما اكون امام الامر الواقع حفظكم الله .
عمك مدحت

إرسال تعليق