.

.

جــــدا و الله  

Posted by: فاتيما in , , ,


مش جاى ع بالى دلوقتى أبلغ من جملة
يوسف
لما أول مرة فكر
يعبرلك فيها عن امتنانه الشديد
و يحمدك على عظيم فضلك
ساعتها قالك بكل ثقة و حنان و براءة الدنيا 
و هوه باصص للسقف
ا ربنا ... احنا موتشكرين لحضرتك جداً "


انا كمان زيه
يا رب    
موتشكرة جدا


This entry was posted on الخميس, أكتوبر 14, 2010 and is filed under , , , . You can leave a response and follow any responses to this entry through the .

10 كــــلام بيطــبطـــب عـــلى قــــلبى و روحــــى

اولاً
----
الناس الحلوة
أصحاب التعليقات
ف البوست اللى فات
ربنا ما يحرمنى منكم أبداااااا


ثانياً
-----
ييجوا العالم يشوفوا
يعنى ايه مساندة
و دعم معنوى
و اخوة ف الله
و معنى الجدعنة
و الكلمة الطيبة الصدقة
و كل حاجة .. حلوة


ثالثاً
------
طب لما انتوا سركو باتع كدا
و ف يوم وليلة
ربنا فرجها

طب متشدوا حيلكو معايا
و تتموا جميلكو


انا عاوزة احصل ع الجنسية الإسكندرانية
واسكن هناك لآخر عمرى


عاوزة اخلف بنت واسميها عالية


و عاوزة اشوف الواد ماجد اخويا
عريس و متهنى


وعاوزة امى تبطل تشيل الهم


وعاوزة اشيل عيال يوسف


وعاوزة احضر حفلة لفيروز


وعاوزة المس الكعبة بإيدى


وعاوزة ازور فينسيا


وعاوزة شعرى يطول لحد وسطى


وعاوزة مليون جنيه
وعربية 128 حمرا
و بوت اسود برقبة طويلة



يلا
كفاية كدا

إيه؟!!
انا مقولتش نحرر القدس
و لا نغلب اسرائيل
و لا حسن شحاتة يسيب المنتخب !!
اظن طلباتى بسيطة
و سهلة
و ف غمضة عين تتحقق بقى
والاقيها قصادى
هه



رابعا
------

انا بحبكم
قوى
قوى

المعلمة فطوم تؤمر و احنا نقول
ياااااااااااااااااااااارب

بس اشمعنى 128 حمراء؟؟ هااااا:-) وش بيغمز :-))))

الا اخبار مشمش ايه ؟؟
بقى نجم خالص و صورة ماليه المدونة كده

الا صحيح بقى اب و لا لسه ؟؟؟؟ طمنينا :-)

:-**********
كفاية عليك دول
حد ثانى يكمل :-)

هههههههههه
طبعا متشكرين لحضرتك انتى كمان على التنويه وعلى البوست الجميل ده
بس ايه الطلبات دى كلها انا حاسس انى فى مغارة على بابا
افتح يا سمسم
ههههههه
ربنا يسعدك ويحققلك كل امنياتك
وكلها امنيات مشروعة طبعا
الا المليون جنيه وعربية 128 حمرا
هههههه
ازاى مليون جنيه وعربية 128 ابسطيها شوية خليها 131 عنه ما حد حوش
ربنا كريم وقادر على كل شىء
تحياتى

الحمد لله ان ربنا فرجها و الله مبسوطة علشانك و اذا كان علي ال128 يا ستي بسيطة لو كل واحد من اللي بيحبوكي اتبرع بجنيه واحد اكيد هنجيبها . بس ابقي افتكرينا لما يجيلك المليون جنيه و تعدي .
ارجو تقبل صداقتي

"وإذ تأذن ربكم لئن شكرتم لأزيدنكم ولئن كفرتم إن عذابي لشديد" "وقال ربكم ادعوني أستجب لكم"

ربنا فرجها علشان دعيتي ربنا يفرجها وإستجاب ليكي. انما قصة الصبر بيتسرسب منك والزمن مش عارف يتجمد وأفلام ميكي ماوس دي متنفعش. إجمدي شوية يا ست فاتيما وربنا حيفرجها: "فإن مع العسر يسرا - إن مع العسر يسرا". ومتستعجلش.

Wanda
-----

انتى عارفة انى بحب القطاقيط
يا ون ون
و اصل صورهم لذيذة قوى
تنكرى؟!!

128 حمرا يا ستى
عشان دى كانت عربية بابا زمااااان
ايام تفولتشى المشردة
و انا مش عاوزة عربية اى موديل
و عاوزة العربية دى
بس تبقى ع الزيرو عشان مقعدشى اصلح بقى و تخوتنى
لكن لما اركبها ..احس انى رجعت لأيام زمان و انا صغيرة

محدش تانى يكمل طبعا
يكمل البوسات و الحضونات ازاى ؟!!!
هزلت
دا ميزو كان يقطعنى
********************************
********************************
و
××××××××××××××××××××××××××××××××
××××××××××××××××××××××××××××××××




همس الاحباب
----------

منا ما صدقت بقى
ما دامت عتبتكو حلوة كدا


و نعممممممممم
طب د العربية و المليون ..اول حاجة بقى و مليش دعوة
و 128 ..يعنى 128
مينضوحكش عليا انا
دنا مصحصالكم قوى


ربنا يقدرك ع الخير دايما يا خالد
انتا قدها و قدود





mona abo- elso3od
------------------

كل واحد يتبرع ؟!!
لأ يا منى انتى فهمتى غلك
انا بقول
128
مش 57357
ههههههههه
ميرسى يا حبيبتى على اهتمامك
و طبعا صداقتك مقبولة و على راسى
انتى نورتى المطرح كله





وجهة نظرى
---------



افلام ميكى ماوس ؟!!
يا لهوتينى يا خرابى
يا خرااااااااااااااشى
يا معتز


هوه انتا يا جدع انتا
الزمن يروح و ييجى عليك
و لا فيش فايدة
برضو
؟؟؟!!!؟؟


لازم تدينى كلمتين
علطول ف جنابى كدا ؟!!

يا رب
منا كنت مستريحة
من الدروبشات دى
و اللى بيحدوفوها

طب بهزر بهزر
خلاص ..متكشرش كدا !!


يا معتز هوه
انتا يعنى الواحد
ميعرفش يتفك معاك بكلمتين
ف لحظة ضيق خالص ابدا ؟!!!
الله يكون ف عون المودام
و الاولاد يا اخى


الحمدلله
ربنا كريم
و فرجها
بس يعنى قبل الفرج
بيبقى فيه ضيق


اجى افضفض معاكو شوية
عشان ازيح من على قلبى
و لا اكتم ف نفسويتى
و اطق؟!!


انا مكنتش مستعجلة
ربنا اللى كرمه سبق حزنى
و الحمدلله
الف حمد و شكر


و مش هقولك براحة عليا
اصلو متبقاش معتز
الا اذا حدفّتهم


و على قلبى زى العسل
يا سيدى
هه

:)
يارب لك الحمد كما ينبغى لجلال وجهك وعظيم سلطانك

معلش مش قصدي دربشات ولا حاجة، بس أنا حبيت أقول إن ناس كتير عندهم مصايب متلتلة ولو كل واحد الصبر إتسرسب منه ومدعاش يا رب و قال الحمد لله محدش حيخلص.

أنا متأكد انك بتدعي وأنك بتحمدي ربنا وأكتر مني، بس صعب علي اني أسمعك تضعفي، محبش حد يضعف أبداً. واوعي تزعلي مني أبداً، ولما تكوني في أي لحظة ضعف لازم تشتكي وإحنا لازم نسمع ونقف جنبك، وأنا أديكي كام دربشاية على كام دعاء فربنا يرحمك ويستجبلك. أي خدمة :)

ربنا ينولك اللى فى بالك ان شاء الله :)

حفيدة عرابى
----------

:)
انحرمشى منك يا فيدووووو
ربنا يخليلى حنيتك دى




وجهة نظرى
---------

يا لهوى .. اوعى تكون زعلت
دنا بهزر يابنى
و الله عارفة قصدك
و عارفة كمان نيتك
دحنا عشرة 3 سنين يا معتز
هوه انا لسه هفهم قصدك يا غالى
و ارمى دروبشات و لا يهمك
احنا كنا طايلنها اصلاً ؟؟


كل كلامك صح يا معتز
بس الواحد بيتخنق شوية
و الحمدلله بيرجع يفوق تانى
ربنا كريم
الحمدلله




إياكش تولع
----------

:)
ميرسى يا دوك
مننحرمشى من تعليقاتك
اللى بتيجى على توقعاتى دايما

أصل انتا غالبا
مبتعلقش ف البوستات العادية
و كأنك عارف انى كويسة ..فخلاص
لكن اى بوست فيه قلق ..مبتتآخرش
و دا ليه قيمته عندى ..
بجد

إرسال تعليق