.

.

التــبــرع .... و أشيــاء آخـــــرى  

Posted by: فاتيما in




إحم ... إحم
يا سااااتر 


العواف عليكم 


معلش سؤال ف الأول كدا 
سريع سريع قبل ما حد ياخد باله 



وبعدين مفيش حاجة
احنا اخوات يعنى





هوه انا يا جماعة 
زعلتكم ف حاجة ؟!!


يعنى ينفع كدا برضو ؟!!



يعنى دى آخرة اللى يرطن 
بالنحوى معاكو 
خلتوا عندى خالتين عيانين  
وهيا خالتن واحدة
و كمان خليتوا ماما و خالتى .. الجوز تعبانين 
ليه يا إخواننا كدا ؟؟
حطمتوا نفساويتى  و اوشكت تنقفل
و افكتونى ثكتى ف ان لغتنا العربية 
يسر لا عسر
 لأ خلاص ... طب ارجع اتكلم عادى 
لحسن اعيا انا المرة دى و كدا مش كويس علشانى
دنا داخلة على تبرع و عاوزين 
ربنا ينفخ ف صورتنا



هوه انا قولت وحشتونى ؟!!
اهييه ... لسه مقولتهاش ؟!!
ياللهووووول .. اخص عليا 
طب دنتوا وحشتووووووووووونى جدا جدا جدا 
و معلش انا مقصرة معاكم 
بس الدنيا متلخبطة حبتين 
خالتى خرجت الحمدلله من المستشفى 
بس الرعاية ف البيت محتاجة تركيز 
و الناس اللى عندها مريض بالجلطة ..هيعرفوا قصدى
و ربنا يشفى كل حد تعبان و يخفف عنه
هيا احسن الحمدلله 
بس لسه بدرى قوى
و منحرمشى من دعواتكم



 تعرفوا؟
وحشتنى الصباحات 
و كتابتها  مخصوص عشانكم
و عشان ون ون و البوسات و الحضونات المخصوص
اللى بالشفرة الوندية



 عاوزة اعتذر لكل حد 
كنت عاوزة ابعتله ايميل 
و مش ملاحقة  لأنشغالى 
انا اسفة بجد 



عاوزة اطمن عليكى 
يا دودو يا عاشقة الرومانسية 
 و سامحينى لأنى مشغولة عنك




 نفسى الاقى وقت اكتبلك فيه 
اللى عاوزاه كله يامنونتى يا قمورتى 
و اقولك
ان اعترافك الاخير 
يتطلب شجاعة ... انتى لها يا حبيبتى


نفسى هبة و وليد كنج توت ييجوا التبرع 
عشان متهيألى كدا كفاية علينا غياب 
الواد بيكا وحشنى قوووووى
و بعدين احنا لينا فيكم نصيب .. ولا إيه؟؟




أم بتول ..متزعليش منى يا بوتى 
لأنى مقصرة و مبسألش عليكى 
يا ريت ينفع تيجى الجمعة الجاى انتى و بتول



ام مالك الغالية على بالى الايام دى كتير 
هيا و نونو عاشقة النقاب و دودا أمتداد عقلى 
التلاتة متلازمين ف نفس واحد .. معرفش ليه 
بس اللى حساه و بتمناه ..ان ربنا يفك كربهم


الناس اللى راحت بورسعيد
يا ريت يكونوا اتوفقوا ف مسعاهم ان شاء الله



وفرحانة انى هشوفك يا خالد 
يا غالى ف غضون اقل من 
اسبوع 
حلوة غضون دى ؟



مش عاجبنى خالص 
القسم الخيخى بتاعك يا خوخة
 انا كل ما افتكرك ..ابقى عاوزة اغير
ف تركيبة الجملة دى و اشيل (زهر) و اخليها
معلش يا خيخة 


و زعلانة كمان لأنى ملحقتش اقرى
آخر بوست لدوبا و اطمن  منه عليها 


و استكمالا للمثلث الجميل ..يا رب تكونى 
جاية يا شاهى يا قلب
و طالعله بنى آدمه


 
كنت عاوز تحضر تجمع للمدونين تانى
يا سيد المكسرات .. انا بقول اهو 
ويا ريت المرة دى تقدر تيجى يا أبو زينة




محمد يا غربااااوى لو ف مصر .. متتآخرشى
يا فندم علينا 




قلبى فرحان لأن حازم شلبى أخيييراً 
كتب بوست جديد 
و ان كان حزين كالعادة ..بس حزين و ماله 
هوه احنا كنا طايلين  



 اجمل خبر سمعته الشهر دا 
خطوبة رحاب مصطفى و أحمد مبارك الحنون 
و مبيحبش الجبنة  .. ربنا يسعدهم





بوستات ممكن و مش ممكن نتعرف
عند أحمد الصباغ 
بدأت معايا بضحك و فرحة وانتهت بشجن 





اما اللى خلى الحزن يتكوم ف قلبى
فكانت القصة القصيرة ف آخر بوست
عند الغالى بطوط حبوب 
اللى قلبه عبارة عن كريستالة صافية 
  بلا أى شوايب






لحد امتى هفضل مش عارفة اعلق
عند ناس بحبهم 
زى شفقة و احسان
ويجيلى سكتة تعليقية !!!




وسعيدة جدا برجوع حزب الدكاترة للكتابة 
ف المدونات تانى 
زى dr.lecter و بنجاواتى الغالى و اياكش تولع 
و هيمة مواطن شووجااع 
و الحبيبة norahaty صعبان عليا حالنا
و الدكتورة اكاديمياً ان شاء الله قريباً
واللى شبه نسرين شكلاً و رقة 
إيمو إيمان شخابيط 




 و بمناسبة الدكاترة و الطب و اللى بيحترموه 
فطولتى علينايا بعبعة يا بلوجرية 
يلى أنا عارفكى ... و مش عارفكى
بس ف الحالتين برضو غالية عليا 
وعودى يا هاميس ببوست جديد يلا 



آه صحيح 
الف مبرووووووووك الخطوبة
و ربنا يتمم لكم بخير يا بنااااااات 
just waiting

 داليـ ـ ـ ـ ـ ـ ــــا





كراكيب قلبى ى ى 
هتيجى يوم التبرع و لا مينفعش؟!
هجيبلك مصاصة حلوة ..فكرىّ كويس



و على ذكر المثاثات و البنوتات العسولات 
ان شاء الله انتى جاية يا كـــيارا 
دا موضوع مفيهوش نكااااش



 
أهل اسكندرية الغاليين و الغالية 
عارفة ان حضور أى حد فيكم صعب 
بس انتوا على بالى ..من قبل اليوم ما يبدأ حتى
و هذا الكلام ينطبق على كل الأحباب 
فى كل المحافظات و اللى مجييهم 
صعب و شاق ..لكن هما معانا دايما 



فرحك امتى يا مى .. عاوزين طمنينا
عليكى يا ورد الجناين 
عاوزين نرقعلك ميت زغروطة اسكندرانى



بيت المدونين 
فكرته حلوة و يا رب ينجح يا ويكا 
و يحقق المرجو منه و اكتر .. ان شاء الله




فين المدونة بتاعتك يا معتز ؟؟
انتا هتغطس تانى و لا إيه نوظامك 
هحدفك بدروبشاتك .. شكلى كدا



مفتقدة سلمت اناملك .. يا نعكوشتى




يا ام الزاد و النور .. مش كفاية غياب بقى ؟



لولا الخطوبات و الجوزات 
و الدبل اللى اتلبست  ف اليمين و الشمال
لكان زعلى شديداً على الغياب 
يا حاسوباتية 
و يا جنة 
و يا جودى 
و يا ياسمين فنانة مفروسة 
و يا شيماء الشعب لابد له من حكومة تشكمه
و يا سكرة يا حتة سكر تحلى المحيطات




حمدى يا مش واحد و خلاص 
تعالى يا جدع و نورنا 


و بمناسبة الجدعان الطيبة 
هتيجى يا عمرو أن نون و لاّ هتنفضلنا ؟!!



بابا ابو خالد الغالى ..يا رب تكون بخير 
انتا و كل احبابك و المحظوظين بيك 


فريق اعلام وصحافة المدونات الجميل 
غادة بستان افكارى 
و رحاب حياتى و مش حرة فيها 
و رضا و رانيا معاكم 
منتظراكم يا بناااات يا قمرات



بت يا سنسن .. sony2000 حضور اجبارى 
ومفيش اعذار 



و يا صفصف ..يا مصطفى ريان يا غالى 
ف انتظارك

و مع انى عارفة انك مش هتيجى .. لكنى
لا امل من انى عزم عليكى بقلب ..يا ستوتة 
عشان كل الناس بتحبك و بتستناكى
و انا اولهم  



فيدووو .. انا مش هسألك 
انا هبعت رجاء من واحدة اقسمت مع الاحرار 
أن تأتى .. لو سمحتى 



اللى يقدر ييجى او عاوز ييجى 
..و لسه أول مرة
ميتخضش و ينكسف و يتشجع
ميخفش
مش هنعضه يا عيال
و المكان نضيف و آمن احنا بنروحه بقالنا كتير
و اللى ميقدرش يتبرع .. مجراش حاجة 
ييجى ياخد بحسنا و يدعمنا معنويا
و يسندنا انسانياً وتدوينياً و كدا
 الناس لبعضيشها 
و اهى فرصة نشوف بعض يابشر 



 
اللى ناوى يتبرع يتجدعن كدا 
و ياكل كويس قوى  الأسبوع دا 
عشان الهيموجلبين يرتفع .. الله يخليكم


رامى ... لو مقعدناش 
و اتكلمنا المرة دى كمان 
انا هولع ف البلوج سبوت كله  بخور 
عشان العكوسات 
لأنه هيبقى معمولنا عمل يا بنى 




لو إتآخرت ف الرد ع التعليقات 
محدش يقلق



و اخيييييييرا 


انا وحشنى قوى 
فوووووووو ..... أول تحليق




بس خلاص




أشوفكم على خير ان شاء الله 
الجمعة الجاية 
5/نوفمبر/2010
عند المصل و اللقاح (فاكسيرا) الدقى 
من الساعة عشرة 
تفاصيل اكتر عند 
صاحبة اليوم و الخير 
البت اللى مش خيخة
 و أى كلام 
الشهيرة ب 
بت خيخة و أى كلام 
-------------------------
و
خالد همس الاحباب 

This entry was posted on السبت, أكتوبر 30, 2010 and is filed under . You can leave a response and follow any responses to this entry through the .

23 كــــلام بيطــبطـــب عـــلى قــــلبى و روحــــى

عاوز أضحك يا فاتيما بس مكسوف

فأبتسم بس (:

ألف حمد الله على سلامة الخالة

و يا رب يتمم لها الشفا

قريب خالص

و يارب أدعيلى كدة أعرف أجى بأذن الله

أنت عارفة انا ببقى تحت حظر السفر لأخر لحظة (:

بس بأذن الله هاجى انا كنت خايف ان الناس متقدرش تظبط اليوم

بس أتطمنت من عند أستاذ خالد همس الأحباب بعد بوست خيخة الغريب دة

و أنت طمنتينى أكتر

ربنا معاكى يا مامت يوسف الغالية (:

هو انا عايز اقولك ان البوست ده بيشع بهجة وبشر...ربنا يسعدك

تانى حاجة ان انا على بالى اوى الغالية أم مالك ونفسى حد يطمنى عليها

تالت حاجة ان كل واحد ياكل كويس عشان الهيموجلوبين وربنا يتقبل :)))))

تحياتى

طمطم
وحشتينى
الف سلامه على خالتووووووووو
ربنا يكمل شفاها على خير
كان بودى بجد اجى واشارك لكن خبطتين فى الراس بتوجع وانا سافرت الشهر اللى فات ومقدرش اسيب الراجل تانى
اخرج من البلد ومش بعيد يطلقنى يا اختى
ربنا يوفقكم ويكون يوم جميل وسعيد عليكم
وبالتوفيق باذن الله
تصبحى على خير

اهلا اهلاااااااااااااا
والله العظييييييم وحشتيني من اخر مره شفتك فيها
بس هعمل ايييه فالمشغوليات اللي بتخلي الواحد عينو فقفاه:))))))
الحمد لله
ادعيلي بس بابايوااااافق اني هاجي
وهتلاقيني من سته الصوبح مستنيااااكو:)

لأ ولا غطس ولا دربشات، أنا هنا ومتابع أهو. ألف سلامة لخالتك.

كفاية اني اصحى الصبح
ألاقي كل الأسامي اللي غايبة وواجعة القلب
واللي الإنسان مضطر يعمل انها مش واجعة القلب
علشان مينفعش في زمننا حد يقول انه بيحب قوي
علشان الناس متضحكش قوي
ويقولوا العبيط أهو
بيحب حرووووووف على ورق قوي

ثلاث اربع اللي ذكرتي اسمهم اعرفهم
واللي اعرفهم بحبهم قوي قوي قوي
وانتي على رأس قائمة القوي دي

صباح ملبد بمشاعر صافية رايقة تهطل على قلوب الناس الحلوة فتجعلهم إخوات دنيا وآخرة

صباح جميل يا فافي وربنا يتم شفاء خالتك
ملحوسة: انا فهمت يا ابلتي انها خالتك
دي اللغة العربية كانت يسر خالصوووون :)

حمدلله على السلامة
والف سلامة لخالتك
ربنا يتم شفائها على خير
ونشوفك ان شاء الله يوم الجمعة على خير
تحياتى

فاتيما يا حبيبة قلبي

الف سلامه على خالتك والله ما عرفت الا دلوقتي
بس اصل عندي نفس الوضع تقريبا مع فارق انى مش انا المسؤله عن المريض بطريقه مباشره لكن باود

هو عمي وجاتله جلطه

تخيلى الامر كان بيجرى معايا لانه دكتور واول ما جبنا نيتجة المسح الذري واطمن عليا وقاعد يقولي بسسسس ان كده اطمنت خلاص ..مافيش نص ساعه ووقع فى وسطنا وجرينا على المستشفى واكيد انتى عارفه الباقي

بس الحمد لله ربنا ستر وفى تحسن

ربنا يشفيلك خالتك ويشفى كل مريض يارب

وانتى وحشاااااني اوي ويااااريت اعرف اروح التبرع بس انتى عارفه
عموما ربنا معاكم

وحشتيييييييييييييييييينى يافاتي اوي ونفسي اخدك حضن كبير خاااااااااااااااااااااالص

ومليش دحوة انا عشان اجي لازم مثاثه حلوه زي اللي جبتهالي في عيد ميلادى اه انا بقول اهو

وفاتي جابتلي مثاثه :p اءاءاءاء

ان شاء الله اقدر اجى باذن الله :)

بحببببببببببببببببببك اوي خالث مالث

التعليق دا بئا عشان طنط

ربنا يقومهالك بالف الف سلامة وترجع زي الاول

تيتا جتلها الجلته دي 3 مرات وخفت منها والحمد لله بس المهم الرعاية دي اهم حاجه

انا عارفه قلبك حنين ومش محتاج اي توصيات

خلي بالك منها ياام قلب صافي

والنبى يا اختى انا قولت النحوى دا شكله مش ولابد واخرت سكته وحشه


الف مليون سلامه على الخالات وبعد الشر والف سلامه على امنا ام فاتيما
ربنا يشفى عنهم وعن الجميع يارب ويطمن قلبكم ان شاء الله كالعاده نفسى اجى التجمع اه زى قلتى ومش هاتبرع بس اهو بركه بردو

والله انت وحشانا كلنا ووحشانى انا بالخصوص
بس ربنا يعينك ويهدى الجو كده ونهرى بعض اميلات ان شاء الله

طول عمرك اصيله ومابتنسيش حد
خلى بالك منهم ومنك اووووووووووووى
ربنا معاكى فى البيت والتجمع وان شاء الله ربنا يكرمكم بيوم طيب

سلامات من الحج وعياله اوىىىىىىىى
وفعوصاتى وبوساتى بالهبل

على الرغم إنى قعدت أقرا الأسامى فى البوست ده أكتر من مره
وعلى الرغم إنى مالقيتش إسمى
وعلى الرغم من إنى ٌعدت أعييييييييط
وعلى الرغم من كل اللى فاااااااات ده
برضه لازم أغيظك وأقولك
بمشيئة الرحمن
أنا جاااااااااااى

السلام عليكم يا فاتيما
ازيك يا قمراية الاسكندرية
بجد ببقا فخورة بالحاجات اللي بتعملوها دي
ترفع الراس والله :)
ربنا يقدركم على فعل الخير..
وحمدلله على سلامة خالتك
وفعلا العناية بمريض الجلطة عايزة تركيز وتفرغ .. ربنا يشفيها يا رب
يا رب تكوني بخير :)

ألوناتك

ربنا معاكم جميعا وعقبال التبرع السكندري إن شاء الله

صباح الورد يا فاتيما
انا هجاول علي اد ما اقدر والله
بس بجد يمكن مقدرش اجي وحتي غادة ورضا ورانيا لسة ميعرفوش لاني مش عايزة يكون في قلق ....كل ما في الامر ان الحساسية زايدة عندي شوية ومش بعرف اخرج خالص والسفر بيكون عندي فيه مشكلة وباخد الدوا كل نص ساعة فمش عارفة لو ربنا يسر اكيد هاجي ولو مقدرتش تتعوض ولو اني هوعل اوووي

يا حبيبة القلب يا اختي اللي امي ما خلفتهاش اشهد الله اني احبك في الله
ربنا يشفي ماما وخالتو وكل مريض يارب وترجعي بالف سلامة ودوما في الخير متجمعين

ألف سلامة لخالتك و ربنا يتم شفاها على خير
:)

كان نفسي والله

نفسي قوي اني آجي واشوفك انتي وكل الناس الحلوة

من غير مصاصات خالص انا شوفتك عندي بالدووووونيا وربنا

معلش خيرها في غيرها بقى
اصل التجمع يوم جمعه
والجمعه اجازة من الجامعه مش هعرف اخرج
مع ان اناساكنه في الدقي والمكان قريب
بس لو كان يوم خميس !!!


بس معلش

الجايات اكتر ان شاء الله

معاكم بقلبي
ويارب تتجمعو على كل خير
واكيد اليوم هيبقى حلو بيكم

ربنا يجعله في ميزان حسناتكم

ووحشتيني قوي ع فكرة يا أم يوووسف
وبحبك بقى

الف مليون سلامة على خالتووووو
ربنا يشفيها يارب ويتم شفاها على خير ويخليهالكم وتقوم بألف سلامة يارب ويطولكم في عمرها ويديها الصحة والعافيه وراحة البال

ربنا يبعد عنكم اي حاجه وحشششششه يارب


(F)

ياااااااارب نسمع دايما عنك وعن إللي حواليكي أخبار حلوه ياتيما العسل
^^

وحشاااااني بشناعه
على فكره لما بقول " بشناعه " يعني كده وصلت لأخر حد ههههههههههههه

وإن شاء الله نيجي ويااارب رحاب تقدر تيجي عشان يكمل يومي

وطبعا أنا هاجي أدعمكوا نفسيا ومعنويا ..
عشان ماما مستحلفالي ههههههههههه

ربنا يسعدكوا ويجازيكوا كلكوا خير يارب
^_^

هي خالتك ولا حد تاني ياجدعان
علي العموم ربنا يشفي المريض
ويقومه بالسلامة

دى حاجة
الحاجة التانية باحمد ربنا اني دخلت كل مادخل المدونة عندك يطلعلي رسالة يقولي متنفعش تدخل ياخ هههههههههه
بس دخلت غصب واقتدار

الحاجة التالتة
التبرع بالدم ربنا يجعلكم ذخرا للخير ويجعلكم من سابقين الخير
طبعا للاسف مش هينفع اجي
طيب اسكندرية قلنا وماله قريبة لكن القاهرة صعبة حبتين
بس هاعتبر اني خدت الثواب

ربنا يكرم الجميع

تحياتي يام يوسف الجدعة

وحشتينى ياطماطم خالص
بس مدونتك هى اللى مكانتش عايزة تفتح لى الباب
الموضوع ده استمر كذا يوم لغاية مادخلت عنوة من الموبايل مرة واستبيعت ومن الكمبيوتر بعد كده
فرحانة جدا بسؤالك وانا الحمد لله كويسة
وبوسات وحضونات لغاية مااشوفك بكره ان شاء الله :)

إرسال تعليق