.

.

فـــرحـــــ ☺ ـــــة  

Posted by: فاتيما in






 العواااااااااف عليكم 
مش هبتدى بوحشتونى 
لأنه .... امر مفروغ منه 
و مش هعتذر ع الغياب 
 اصول تكونوا اتعودتوا على ندالتى
وخلاص مش هقول اسفة
لأنى مبردش ع التعليقات 
عشان انتوا دلعتونى 
و اللى حصل حصل
 






طاه بعد كل دا 
ليكى عين عادى كدا تعترفى ؟
ما قولنا خلاص بقى وسامحونا
طيب انجزى و لخصى 
حاضر هدخل ف الموضوع  علطول اهو 







بوست النهاردة مش حكاية وتنحكى
و لا موقف و حصلى و بسجله 
لأ .... دا طلب و هطلبه منكو
بس الأول
هسأل سؤال بسيط
حد جرب فيكو ولو مرة
يدى ولد او بنوتة صغنونة 
حتة شكولاتة او اى حلويات ؟!؟





أكيد حصلت .. صح ؟
إيييييه؟!
محدش يهز راسه بلأ 
هجيب زمارته من رقبتها
قصدى رقبته من زمارتها 
ايون 
انا معرفش ناس بخيلة
و مش قصدى .. بخل الفلوس أكيد 







طيب
حد فاكر كويس 
ملامح و وش الطفل الصغيور 
بعد ما يشوف الحاجة الحلوة دى 
..بيكون ازاى ؟!!
حد بيلمح الفرحة اللى بتنط فجأة
ف عينه و كأنه لقى كنز ؟!











حد بياخد باله كمان 
من مدة ايده لما بيفردها
و يخطف الحاجة دى من ايدك 
او حتى ياخدها و هوه مكسوف 
بيبقى  ايه؟!؟






كلمة واحدة مظنش هتتغير 
الفرحة 
كلمة الفرحة وقتها بتتجسد 
 شكل وصوت وصورة 






اذا كان الفرحة دى بنشوفها 
ف الكبار اللى غاويين يمثلوا دايما 
انه مش هاممهم وعادى
فما بالكم بالعيال 
اللى لسه متعلموش يخبوا 
و يداروا الفرحة ومفيش اى اعتبارات 
تجبرهم على كدا؟








طب يعنى تفتكروا لو الطفل 
عنده اب و ام 
و اخوات كبار و قرايب و جيران
و مدرسين و أى نفر تانى فى محيطه
فاكره  دايما 
و بيجيبله الحاجة الحلوة دى 
بإستمرار  
و يديهاله كل ما يشوفه 
مش دى حركة شيك قوى
وتأثر ف نفسيته للاحسن ؟







طيب 
تخيلوا لو الطفل المذكور اعلاه 
طلع معندوش ناس كتير فاكرينه 
او عنده ناس ..بس معندهمش فلوس 
او معندهمش نفس 
او معندهمش استعداد .. يعملوا كدا 
يبقى ايه الحل ؟!!









خلاص كدا نحرمه م الفرحة 
اللى هيا حقه و جدا ؟!
و لا نحاول نساعده يلاقيها 
قدر امكاننا 






كام حد فينا بيعدى يومياً 
على طفل ف الشارع 
قاعد جنب واحدة ... بتبيع مناديل 
او بتشحت بيه او بتشغله بدالها 
ممكن تكون امه 
او تكون مأجره 
او خطفاه 
او اى حاجة ف دول 







كام طفل بنلاقيه شغال ف ورشة 
او شايل المكوة 
او ف محل و رايح يوصل طلبات ..الخ 
كام طفل من دول 
بتصادفوه ف يومكم ؟
حد بيفتكر العيال دى 
و طفولتهم  المسروقة منهم 
بفعل فاعل 
وبفعل اللى حواليهم
سواء اللى حواليهم دول 
قاصدين او ناسيين او متناسين؟








اكيد فيه منا قلوب كتير 
بتفتكرهم و نشيل همهم 
و فيه منا اللى بيحاول يساعد 
و فيه اللى مبيقدرش 
او مبيلحقش 
او بيخاف يعمل حاجة فعلاً
..ليفتح على نفسه طاقة جهنم 



طب  يبقى ايه الحل ؟
الحل .... ممكن يكون مادى 
انك لما تشوف طفل كدا 
تديله فلوس  مثلاً
او هدوم على قده تستره  
أو أى حاجة فى متناول ايدك و امكانياتك 
و دا للأسف مش حل صح
.. و بيجيبلى احباط 
لأنى غالبا لما هعمل كدا 
ببقى عارفة ان الفلوس دى هتتاخد منه 
و الهدوم ممكن ميلحقش يلبسها
و الأشخاص اللى بيستغلوهم هما 
اللى هياخدوا كل حاجة ف النهاية 








طب وبعدييييين ؟
والموقف يومياً يتكرر قصادى 
ملايكة ف سن البراءة مضطرين يشتغلوا 
او يقعدوا ف الشوارع ساعات طويلة 
ف ظروف سيئة و استغلال اسوأ 
و اتضايق انا من نفسى
لأن مفيش ف حياتهم أى بهجة كدا 







و لهذا ... دورت على حل مؤقت
 قد يبدو عبيييييط حبتين
لكن اهو على قد دماغى وتفكيرى
اللى بيحدث الآتى 
كل يوم بشترى كام مصاصاية 
و اشيلهم ف شنطتى 
و اى ملاك صغنن بصادفه ف طريقى
  ف الشارع
ف المترو 
ف أى حتة ... بطلع مصاصاية
و اديهاله 








معرفش اوصف المنظر 
بس اتمنى تعملوا كدا و تجربوا 
و تشوفوا بنفسكم 
الفرحة اللى لحظتها هتلاقوها 
بتركب جناحات 
و تطير وترفرف حواليكم 
و تحصلكم حتى بعد ما تمشوا خطوات 
بعيد عن الطفل دا 
اللى بيكون مشغول وقتها 
بفتح غلاف الغنيمة بكل لهفة 









ناس دلوقتى مش هيعجبها الكلام 
و هتقولى يا فاتيما 
طب كنتى هاتيله رغيف ياكله 
و لا حتى باكو بسكوت يقوته 
مصاصة ايه و بتاع ايه؟





اقولكم لاااااااااا 
اصل انا عندى نظرية ف الحكاية دى 
و استنوا عليا 
هشرحها اهو
متخلونيش اتنرفز و ازغرلكم








أصل زى ما قولت 
مش كل واحد من العيال دى 
بيبقى مع امه فعلا 
دى بتبقى واحدة بتستغله
وهوه بالنسبالها مجرد عدة للشغل 
لو اديته باكو بسكوت او اكل وارد
تقاسمه فيه 
و يمكن تاكله كله كمان ومتدليوش حاجة 
وارد جداااااا
اوقات بشوف خوف ف عيون الولاد  
فاقوم اقطع علي الست دى السكة 
و ادي الولد المصاصة و كلى ثقة و رضا 
عشان... 


(1)
هيا مينفعش تاخد منه المصاصة 
و تحطها ف بوقها عشان المنظر العام 


(2)
اكل المصاصة  بيستغرق وقت
عن أى حاجة حلوة تانية  
 يعنى بنطول ف وقت الإنبساط

(3)
المصاصة لونها و شكلها مبهج 
بيغير ف كآبة الحياة المعتادة 



و اللطيف بقى 
انى بقيت بقدر اخمن غالبا
العيل دا مع امه و لا واحدة غريبة 
لو واحدة مآجراه 
لما بدي الولد المصاصة 
بتبصلى بغيظ او لا مبالاة او استخفاف 
لكن لو مامته .. علطول تدعيلى
او المح ف عينيها شكر ولو كانت ساكتة
ساعتها بس بتأكد انه ابنها
لأنها زى أى ام حقيقية 
بتكون ممتنة .. لما حد يفرح ضناها








مش عاوزة حد يستصعب الفكرة 
لأنها ... مش مكلفة 
و مش لازم كل يوم 
و مش لازم المصاصات الغالية 
فيه كل الأشكال و الأسعار




و ممكن نعمل كدا مع أى طفل 
مش اللى ف الشارع و بس 
الفرحة حق اصيل لأى طفل 
وكل طفل ف الدنيا...و لازم توصله 
بأى شكل و طريقة  ... لازم توصله 
و تخيل لما تكون انتا الجناح
اللى بينتقل عليه الخير ولو بسيط
من مطرحه ... لحد صاحب نصيبه
اللى هوه مستحقه الحقيقى




 الملخص عشان محدش يقولى 
عاوزة ايه  يا رايقة
والبوست لازمته ايه 
انا م الآخر كدا
مبحبش المصاصات صحيح
بس دا لا يمنع 
ان لو حد يعرف 
صاحب مصنع حلويات 
يبقى يخليه يبيع لى بسعر الجملة
و ليه عليا .. هعمله دعاية محترمة 
هنا ف البلوجر
وكفاية الثواب اللى هياخده






و عاوزة كمان من موقعى هذا 
ابدى امتنانى لصديقتى الغالية 
و زميلتى ف الشغل 
اللى لما بتحب تعزمنى على حاجة 
ساعات اقولها .. هاتيلى بدالها 
مصاصات 
 فتوافق بإبتسامة و رضا خالص






و عاوزة بالمرة ما دمنا ع الهوا 
اتشكر كمان 
واقدم عميك احترامى لحركة الجدعنة
اللى جت من صاحب الكشك
الكائن تحت بيتنا 
عشان قرر ف لحظة شهامة 
يدينى المصاصات
من هنا ورايح بسعر مخصوص 
بعد توجس و تشكك دام اسابيعاااا
من عدد المصاصات اللى قعدت اشتريها 
كل يوم منه
و لسه سألنى النهاردة ف ساعة صفا 
يا ابلة اكيد حضرتك 
بتشتغلى ف حضانة ؟!!




و عشان متفتكروش البوست
دا لله كدا 
وجب عليا اوضح إن الأمر لا يخلو 
من بعض الاستفادة والجوايز
اصل من يومين 
وانا رايحة اركب المترو ..كالعادة
ولقيت الست اللى بتبيع المناديل  ..كالعادة
و معاها الولد و البنت بيلعبوا حواليها  ..كالعادة
طلعت المصاصتين ..كالعادة 
واديتهم للعيال ..كالعادة 
بس المرة دى .. على غير العادة 
لقيت البنوتة بتقولى .. انا عاوزة بوسة 
تنحت طبعا لثوانى 
وبعدين اديتها خدى .. وخدت المنحة
من غير ما اطلبها و لا أستناها 
بس بجد ..كنت محتاجها جدااااا 
ولما جيت اسألها .. عن اسمها 
عارفين الاجابة كانت ايه ؟
ببساطة ردت
اسمى 
فرحـــة
!!!!!!!! 
آه والله العظيم .. دا اسمها 








طلب أخير  +  الطلب الاولانى
لو ربنا فاتح عليكم 
إبقوا نقوا مصاصات شكلها يفتح النفس 
والوانها حلوة كدا وفرايحى
وعلى رأى د.ستيتة الغالية 
حاجة بهججة







واخيرااااا
اللى عجبته الفكرة ..يتكل على الله 
واللى مش عاجبه 
ميحبطنييييش والنبى


 




كل سنة وانتوا طيبين
يا احلى ناس وصحبة وعالم
عيد سعيد عليكم 
مليان رضا و انبساط و بالونات 
وحلويات وشكولاتات و مصاصات 
و فرحــة 
--------------------------------


و طالما جبنا 
سيرة المصاصات
فنا بحب 
الصورة دى جداااا

---------------------
و مينفعش الاقى مصاصات 
على شكل عريس بنتى 
المستقبلى 
و مجيبهاش يابساكيتو 

---------------------

و اذا ذكرت المثاثات 
ذكرت البنوتات العسولات 
دول عشانك يا كيـــــارا 


------------------

و كراكيب قلبى 
يا كركبة دماغ 
يا حبيبتى دول عشانك

----------------------

و لولى الشكولاتة
 البيضا والشقاوة
مصاصات من نوع خاص
--------------------

و اى حد عاوز .. يتفضل 
يلا انشالله 
ما عن حد حوش 
العيدية السنة دى مصاصات

----------------------
ودول جايين
طلب مخصوص 
عشان العيال 
يوسف 
وعادل 
وبسكوتة













--------------------

 

ملحوظة  أخيرة
الغنوة صحيح 
ملهاش دعوة 
بالتدوينة 
بس..... 
وايه يعنى 
لو العشاق 
ف دنيتنا يزيدوا اتنين 
وايه يعنى 
لو الدنيا بتسعدنا
و لو ساعتين
ناخدهم 
من الحياة سرقة
-----------------------
انا عاشق

This entry was posted on الأربعاء, نوفمبر 10, 2010 and is filed under . You can leave a response and follow any responses to this entry through the .

51 كــــلام بيطــبطـــب عـــلى قــــلبى و روحــــى

انا السؤال اللي شاغلني جدااااااااا دلوقتي
شاغلني بشكل غير طبيعي

هل يا تورى يا هن تورى عادل لما كان بياكل مصاصة
كنت انا قاعدة بتفرج عليه بس ولا كنت انا كمان باكل مصاصة
جالي زهايمر في الأمبينص ومش فاكرة

كل سنة وانتي طيبة
ويارب دايما تقابلي


فرحة

حمد الله علي السلامة

فكرة جميلة جدا

كنت دايما الاقي حمايه رحمه الله شايل في جيبه بونبون وكل مايقابل حد يديله

ولما سالته قال دينا كده
وباخد عليه ثواب وقال لي حديث عن الرسول لااذكره الان
لكن من يومها وانا بعمل زيه

ياريت كلنا نعمل كده

كل سنه وانتي طيبه ياجميلة
:))

شوفتك وإنت بتعمليها :) فاكرة يوم التبرع؟
ربنا يجازيكى خير
كل سنة وإنت طيبة

فكره جميله بس ماتنفعنيش
لانه قبل ما اوزعها هتكون خلصت خلاص
هههههه

فكره رائعه بجد
بعملها مع اولاد خالاتي واعمامي وقرابينا
اللي حولينا فالمنتقه
واللذين يمتدوا لاعمام واخوات وخوال امي وابي:)
عليتنا كبيره بسم الله ماشاء الله
وفيها لايقل عن45 حفيه
تخيلي لما دووووووووول تجبلهم مثاااااااثات
انا عن نفسي بسبها واجري من الهجوم الجوي اللي بيحصلي:))

طيب أقول ايه بس
جزاكي الله خيرا ويارب الفرحه اللي انتي بتشوفيها ف عيونهم دي ربنا يردهالك اضعاف اضعاف
والدال على الخير كفاعله

حلوه فكره المصاصات انا بصراحه بديهم بالونات :) ومش على طول يعني

طيب ينفع بقى آخد مصاصه من الحلوين دول لو سمحتي يعني :)

دمعتيني يا طمطومة
فكرة هايلة طبعا وربنا يدخل الفرحة على قلبك ويجازيكي خير
اطمني علي انا بخير صحيح قوتي ضعفت ادام الشر انما انا قاومت ووقفت ادامه على اد ما اقدر واللي جرى لي فيه ايجابيات كويسة جدا طلعت بيها وانا ادام نفسي الحمد لله راضية رغم ان النتيجة مش كويسة مادية انما فيها ايجابيات كتير والجمعة اللي فاتت انا قعدت مع جيراني ولقيت اية وما جزاء الاحسان الا الاحسان بترن في ودني على طول مسحت دموعي وقلت دة احسن حاجة وحمدت ربي هتفهمي اللي اقصده قريب بحبك يا طمطومة ويا سلام لو تعملوا لقاء في العيد علشان اجازة باذن الله هحضره او اقل ما فيها اقابلك واشوفك حتى لو خمس دقايق بجد انا نفسي اشوفك واتعرف عليكي عن قرب يا اختي اللي امي لم تلدها
احبك في الله

هههههههههههههههههههههههههههههههه

يخربيت كده وفى كده وفى كده


ايه قلبك دا يا ست انت ياخرااااااااااااابى

انا طبعا عجبتنى الفكره اووووووى وعجبتنى اكتر من رغيف العيش لانه هو كمان كاطفل فى الحال دا محتاج لحظه رفاهيه من حقه الصراحه


هانجرب وهانقول ربنا يكرم


ربنا يسعدك يارب

ويحبب فيكى خلقه بحق قلبك الحلو الوردى دا

كل سنه وانت ام يوسف وانت تيما
حلوه وجميله وسكره ومحننه قلوبنا ديما

كل سنه وماما وماجد وميزو وبسبوسه بالف خير وعلى راس الكل يوسف الجميل

فاتيما ...هو انا لية عيطت...؟ مش عارفة ...يمكن عشان كلامك حساس ...يمكن عشان كل يوم بقرا ليك بحس انك ملاك ...يمكن عشان انا حساسة ...يمكن عشان انا فتكرت موقف حصلي من سنتين ومش قادرة انساه ..يمكن نسيت كان مين معايا يومها مش فاكرة كانت شيرين اختي والا واحدة صاحبيتي ....بس اللي فاكراه اني احب اكل ايس كريم من محل مشهور جدا عندنا في كفر الشيخ واليوم ده كان تقريبا الايس كريم ده الشيء الاول اللي يدخل معدتي بعد يوم طويل ...وخلاص انا لسه هاكل منه لقيت اللي بيقولي انا عايزة منها ...طفل بسيط ..يمكن مشرد ...يمكن شحات ...يمكن ممعاش ..يمكن بيستعبط عليا ...مش عارفة بس اللي عرفته ساعتها انه مصدقش اني عطيتهاله ببساطة من غير ما ازعق والا اشخط فيه ..من غير ما ابعد عنه وانا قرفانه زي ما بنات كتير بتعمل ...بالعكس انا عطيتهاله وانا بقوله خد يا حبيبي ...ساعتها اللي معايا قالتلي يلا نرجع نجيب واحدة تانية ...لكن انا برغم اني كنت مشتاقة للأيس كريم رديت وقلت لاء لن لو كان لي نصيب فيها كنت اكلتها اكيد لكنها من نصيب حد تاني ...مش بعمل نفسي ملاك والله بس ده اللي حصل ...ياااة بجد يا فاتيما فكرتك حلوة اووي هنفذها والله ان شاء الله ....عيد سعيد عليك وعلي يوسف وعلي اهلك جميعا وعلي كل المدونين والمدونات وكل الناس

عزيزتي اكيد لكل منا لحظات مثل هذه احس فيها انه ادخل الفرحة على قلب طفل لكن صراحة المشكلة ان هذا يكون عابر وغير منتظم لكن ان نجعله منهاج حياة سيكون افضل بالتأكيد
عزيزتي ان شاء سأحاول ان اجعل هذا منهج حياة وفعل يومي اعتيادي فجزاك الله خيرا على التنبيه
دمت بكل الود والمحبة وربي يحبب فيك خلقه أكثر وأكثر ان شاء الله

فاتيما الغالية قوى (:

أزيك وحشنى بوستاتك

كل سنة و أنت طيبة يا مامت يوسف (:

عارفة أنا متنح و مش عارف أكتب أية

عارفة أنا دمعت قوى لما فرحة قالت لك هاتى بوسة

و حاسيت بفرحتك قوى

عارفة يا فاتيما أنت قلبك أبيض قوى يا فاتيما

عارفة فى حاجات كتييييييييير عاوز أقولها بس مش عارف (:

طبعاً الفكرة مش عاوزة مناقشة خالص

شكراً جداً جداً جداً يا فاتيما

ربنا معاكى و يفرح قلبك دايماً

صحيح سلملنا على بسكوته علشان هى مش فاتحه التعليقات

(:

ربنا يفرح قلبك وقلوبنا يا فاتيما

اقولك زر؟ انا كمان بعمل كده بس بجيب شوكولاته اللي فيها بسكويت وبمبون وفعلا الأطفال بيحسوا بفرحة وانتي كمان بتحسي بيها

كل سنة وانتي طيبة وعيد سعيد عليكي وعلى يوسف وكل اللي بتحبيهم

حبيبتى العزيزه تيما
وحشانى جدا جدا
وياري يقدرك على فعل الخير دايما
ويجعل ايامك كلها فرح وهنا
فكرتك حلوه بطعم المصاصه بالبطيخ اللى بحبها جدا
وحشانى ياتيما

وأنا كمان عاوزة بوسة كبيرة كمان:)
الله عليكِ بجد
فكرة جامدة جدا وبسيطة وغير مكلفة ولكن لها عظيم الأثر

ربنا يكرمك يا طماطم ويديكى دايما على قد نيتك الطيبة
ويارب يكون عيد سعيد علينا جميعا

عجبتنى الفكره جدا طبعا وهانفذها باذن الله

بس فين المصاصه بتاعتى
لالالالالالا ده انا عيله قوى فى الحاجات دى

فا تى ما

انت طيبة وصادقة وووو

ليه ؟

ربنا يكرمك فى هذه الايام المباركة

على فكرة انا شغال بالبونبون
حاجرب حكاية المصاصات
يمكن النتائج تكون احسن

اما اشوف

تحياتى

كل سنة وانتى فرحااااااااانه دايما يا تيما
فكرة جميله طبعا نابعه من قلبك الحنين
كل سنه وانتى طيبه ويوسف طيب وبخير وسعادة
ومرسيى على باقه الورد الجميله
انا فعلا بمووووووووت فى الورد
ربنا يخليكى يارب
ويسعد قلبك

حمد الله بالسلامه
اولا عايزه اسال عن خالتووو عن صحتها يارب تكون بخير

وثانيا الفكره جميله
وعايزه اقولك ان شنطتى فعلا مش بتخلى من اللبان والبسكويت والحلويات والبونبون لانى فعلا بشوف الفرحه دى فى اطفال كتير
اصل احنا فى المصلحه بتاعتنا فتحينها حضانه ههههه
هى مش حضانه فعلا بس كل زميله وزميل بيجيب اولاده معاه وبادور على اى حاجه حلوه اديهالهم فلازم ولابد يكون معايا اى حاجه
لكن مش يمنع ابدا انى بلاقى اطفال فى السوق بتعقد تبيع خضار مع امهاتهم ومش عارفه اوصف مدى الفرحه اللى بشوفها فى عيونهم لما بياخدوا اى حاجه حلوه

شكرا لطرحك الفكره واكيد ح نلاقى كتير بيعملوا كده ليهم نفس الفكر ده بس محدش حاول ينشرها

ربنا يسعد قلبك ذى ما بتحاولى تسعدى قلب طفل

كل سنه وانتى طيبه

مش هعلق على البوست لكن بجد اول صورة فى البوست من فوق فتحتها وقعدت ابص فيها بتاع ربع ساعه مش عارف ليه

كل يوم بدعيلك ربنا يرزقك فرحة ما تحزنى بعدها ابدا

ومستغربة ربنا مأخر الاستجابة ليه لو انا وحشة ما اعتقدش ابدا انك ما تستحقيش الفرحة دى يا فرحة قلوبنا مش روح قلوبنا وبس

اللى يفكر ف الناس اكتر مايفكر ف نفسه واللى يشيل هم حتى اطفال مايعرفهمش يبقى اكيد ليه فرحة كبيرة اوى عند ربنا

بس بقول يمكن ربنا مأجلها علشان بيكبرهالك عنده علشان فعلا ماتحزنيش بعدها تانى ابداااااا

كل سنة وانتى فرحتنا يا احلى فاتيما
ف الكون كله

الفكرة جارى تطبيقها باذن الله ونشرها بين البنات صحباتى

تسلمى يا حبيبتى ع افكارك الجميلة دى

بوسات وحضونات كتير لحد ما ربنا يأذن واشوفك
بحبك اكتر ما انتى فاكرة :)

اممممممممم
الفكرة رائعة جدا وسهلة التطبيق
تسلم الافكار والاقتراحات
بمناسبة العيد ما فيش مصاصات لحمة او حتى فتة يا بشر
كل سنة وانتى طيبة وعيد سعيد عليكى وعلى اسرتك جميعا
وسلامى لماجد والحاجة ام هانى
تحياتى

طـــب اقوووول ايه انا فيكي دلوقتي
اوصف قلبك ازاي
وايه الكلام اللي تستاهليه بحق وحقيقي ويكفيكي ويديكي حقك فعلاً

ماتتصوريش كمية السعاده اللي حصلتلي اما شوفت اسمي هنا
وليا مصاصات مخصوص كمان
بتضحكلي وجايه ع الجرح وتقولي انشي بقى واضحكي

والله العظيم ما تتخيليش كمية الفرحة اللي انا حسيتها

ربنا يخليكي ليا يا فطووووم يارب
انا بحبك قوي والله

ومش لاقيه كلام اقوله واشكرك بيه

ربنا يجعل الفرحه هيا حياتك يارب

الفكرة مفيش خلاف عليها واذا كنت بتدل ع حاجه فـ بتدل ع جمال قلبك وروحك وانه مفيش زيك في الدنيا دي بجد

ربنا يخليكي سبب للفرحه دايما كده يا طماطم

بحبك

وانا وبهذه الموناسبة ومن موقعي هذاامام الكمبيوتر احب اشكر السيد الوزير المحافظ صاحب الكشك على تفاعله السريع في اعطائك المصاصات بسعر منخفض سألين الله ان يحفظه من بتوع (الضرايب مصلحتك عند ام التيتي ) وان يديم على مصاصاته العافية علبى الدوام
هههههههههه
فكرة جميلة ربنا يقدرك دايما على فعل الخير
وكل سنة وانتي طيبة ويارب ينعاد بالخير عليكي دايما

ادخال السرور على قلب مسلم

ستيتةحسب الله الحمش
----------------

تعليقك يا ستوتى فكرنى بحاجة
لسه قاريها امبارح
اصلى شوفت فيلم زهايمر بتاع عادل امام
ورغم توجسى من عادل امام ..لكن الفيلم كان اكتر من رائع
اداء وقصة ومزيكا وضحك وعياط وكله
ف المقدمةمخرج الفيلم عمرو عرفة
عمل اهداء لأستاذه صلاح مرعى
بيقول فيه

انه عمره ما هينسى اللى علمهوله ..
حتى لو جاله زهايمر

معرفش الجملة علقت معايا قوى
ولقيتها رقيقة قوى
وحسستنى ان فعلا
الواحد لو جالة زهايمر
اصول مينساش اى فرحة

وانا مش فاكرة دلوقتى زيك
اى تفاصيل
بس فاكرة الحلو ف المشهد كله
وحاسة بالفرحة
وبستحضرها
كل ما يحاصرنى الهم

زى ما عملتى انتى تمام
ف آخر بوست
بتاع الحياة السهلة
وانتى مش عاوزاها سهلة


ربنا يريح قلبك
ويفرحك ف كل ايامك

كل سنةوانتى طيبة يا ست الستات
و حبيبة الكل
بوسة ليكى
ولمانوسة
وحضن للواد عفرتووووو






شمس النهار
----------

الله يسلمك يا شمس نهار المدونات وقمرها


كانلى صديقة برضو كانت بتشيل البوبونى ف شنطتها وتديه لأى طفل واى حد من زمايلها وكنت بقولها يا بنتى ميزانيتك بتستحمل ازى ؟؟!!
سبحان الله
ربنا بيفتحها عليا
والفلوس بتكفى
ساعات استبيع ووميبقاش ف الشنطة فلوس كتير ..بس بحدط بند للمصاصات وبحاول مقطعش العادة دى
فربنا بيكرمنىعشان يكرم العيال البريئة دى كمان

والحمدلله


كل سنةوانتى وبناتك بألف خير





أبو حميد
-------

منحرمشى منك
يا باشمهندس
كان يوم جميل قوى
بيكم
بجد كنت حاسة انى وسط اخواتى واهلى
وان شاء الله متجمعين دايما ف الخير


كل سنةوانتا
والأسرة كلها بألف خير






عمرو يسرى
--------

ليه يا عمرو ؟!!

اوعى تكنو هتاكلهم انتا ؟!!!

بتهرج ؟

طب مقولتش ليه وكنت اديتك مصاصاية يا بنى ؟!!

المرة الجاية بقى


كل سنةوانتا طيب
يا برج الأسد
يا طيب






sony2000
---------


تعيشى وتوزعى مثاثات يا سنسن
و ربنا يفتحها عليكى يا ماما وتقدرى تصدى الهجوم وتنظميها قدر الامكان


كل سنةوانتى طيبة
وفى اتم صحة
واسعد حال يا حبيبتى





فراشة
------

البلونات برضصو فكرة هايلة
أى طفل بيحبها
انا بس ركزت على حاجةتتاكل وتفرح القلب برضو ..لأنالأطفال دى بتستغل ومحدش بيفكر يفرحهم ولو لدقيقة ف اليوم ...

انما البالونات
وماله ؟



انتى متسأليش
خدى اللى يعجبك يا حبيبتى

كل سنةوانتى طيب يا فراشة
وعيد سعيد عليكى ان شاء الله
والعمر كله

عاشــــــ النقاب ـقــــة"نونو"
------------------------------


نونو

ازيك يا حبيبة قلبى

من غير ما تحكى تفاصيل وتفسرى
ربنا رب قلوب
وانا متأكدة بالخبرة وبالتجربة ان مع العسر يسرا ووربنا بيدينا الاتنين سوا بس احنا نشوف
والحمدلله
انتى بصر قلبك حديد
ولازم هتشوفى الخير المستخبى ف قلب الهم
وربنا معاكى يا حبيبتى

ربنا يسمعنا عنك كل خير

وللأسف حكاية العيد دى صعبة قوى
لأن الكل بيكون مشغول مع عيلته
ان شاء الله بؤجة الخير هتكون حسبما قالى خالد همس الاحباب الغالى فى آخر شهر حداشر وربنا يسهل وتقدرى تيجى ونشوفك يا حبيبتى

خلى بالك من نفسك والعيال


انا كمان يا حبيبتى
يحبك قوى






richardCatheart
---------------


والله يا قطقوطة انتى جبتى الكلمة الصح
رفاهية
الطفل لازم يتدلع على قد احنا ما نقدر ندلعه
عشان بكرة هيشيل الهم ..فلازم يكون متحصن بشوية حاجات حلوةتخليه يكمل ويستحمل ويدلع عياله وهوه حاسس انه منحرمش من دا وشافه وعارف يعمله حتى
مش يبقى قلبه ناشف

مبقولش دلع يفسد الاخلاق
بس دلع الحب والحنية
مش اكتر

والاطفال ف الشوارع للأسف بيتعلموا القسوة والأنانية و الأحساس الدائم بالاهمال وان محدش فاكرهم ...
تفتكرى لو الحكاية دى بتتعمل علطول
مش هتحسن نفسية الطفل وتخليه حتى لما يكبر بلاش دلوقتى
هيفتكر ان كان فيه ناس فاكرينه وميعرفهوش
لكن بيعملوا كدا ويحاولوا يفرحوه
فيحس ان الدنيا برضو ..لسه بخير
مش كلها ناس بتستغلوه وبس


بوسيلى العيااااااااال
وسلامى للحاج ريتشارد الغالى
وحضونات لروحك بفعصات كتييييييير

كل سنة وانتى كل ستات اسكندرية الجدعان
ف نفراية واحدة




re7ab.sale7
------------

يا رحوبة يا جميلة

كلامك مش غريب
تعرفى انه حصلى تقريباً مع يوسف
كنا ف مكادونالدز وشوفنا ولد وبنت صغيرين واقفين برا بيبصوا علينا واحنا بناكل الأيس كريم ..ساعتها صعب عليا احطه ف بوقى وهما نفسهم فيه

خليت يوسف بيشتريلهم اتنين وطلعنا اديناهلم ..والحمدلله ان كان فيه امكانية لكدا

انتى مشبتعملى حاجة عجيبة
دا المفروض
الواحد لازم يفكر فى غيره
حتى لو ميعرفوش
انا بتمنى طوزل الوقت ربنا يقدرنى ..اعرف اعمل كدا
عشان ساعات كتير بيبقى الواحد ميزانيته مش سامحة
لكن النية بتساعد وربنا بيكرم
والحمدلله


كل سنة وانتى زهرة بنفسج رقيقة
بتبهج رغم الخزن

خلى بالك من صحتك
كدا مينفعشى ى ى ى


عيد سعيد عليكى يا حبيبتى
وعلى كل احبابك




خواطر شابة
----------


ايوه يا خطورة
حكاية الغنتظام دى اللى بتخليها عادة ولا تنقطع
ان شاء الله يقدرنا

انتى وحشتينى قووووووى

كل سنةواهل المغرب الطيب كلهم بألف مليون خير وسعادة ورضا

بوسات وحضونات قد الدنيا بحالها





Ramy
----


ازيك يا رامى

ردا ع التعليق اللى للنشر

انا روخرا تنحت اول ما قالتلى هاتى بوسة
يا خرابى
متتصورش يوسف كان واحشنى ازاى وكان نفسى ف حضن وبوسة اطفالى جميلة
صحيح الواد شيكو ابن خوخة عوضنى شوية
بس لما روح مع خيخة..ملحقتش اشبع منه
جت فرحة
ودخلت على قلبى الفرحة
حسيت انها اشارة من ربنا عشان يوقلى
طب كدا كويس
انتى ممكن تفرقى مع حد صغنن كدا
وتفرحى قلبه شوية



اما الرد على التعليق الغير مسموح بنشره
فنتا متعرفش قد ايه خلتنى سعيدة
وفرحاااااانة
ومبسوطة من نفسى
قلبى كان بيقولى والحمدلله
ربنا يقسملك الخير
انا اللى بشكرك
عشان تعليقك بعتلى

فـــرحـــــ ☺ ـــــة

Lady E
------



ازيك يا لولو

كلنا تقريباً هتلاقينا بنعمل كدا
بس متقطع او بغير انتظام

احنا عاوزين نخليها عادة
وتبقى ف كل حتة
وطول الوقت


سلامى لخالتك الجميلة
وبوسات وحضونات عشانك يا حبيبتى
جدا
جدا
جداااااااا


كل سنةوناتى طيوبة دايما






Cute Kitty **sookra
------------------

سكرررررررررررررة

ازيك يا طعامة

يا حتة سكر تحلى المحيطات
فييييينك يا بنتى ؟؟

انا ببعت سلامى دايما مع بساكيتو
وبسأل عليكى
وعارفة الاخبار اول بأول
وفرحاناالك جدااااااااااا
وربنا يسعدك يا سكرتى ويروقلك الاحوال
يلا فرحينا وسمعينى الاخبار الحلوة عشان اعمالك نشرة اخبار ليكى مخصوص يا حبيبتى وعاوزين مكعبات سكر صغننة بقى
شدى حيلك

بطيخ ايه ؟!!
الفواكه كلهااااااااااا يا سكرتى
انتى تؤمرى


عيد سعيد عليكى يا حبيبتى
وعلى كل احبابك


الف حمدلله ع السلامة

متغبيش عنا تانى
وطمنينا عليكى


بوسات
وحضونات
ودعوات بالصحة
وبالفرحة






موناليزا
--------

يا لهوى
بوسة واحدة بس ؟!!

طب قولى
عشرة
عشرين
تلاتين

تبقى معقولة شوية

:)

كل سنةوانتى طيبة يا مو مونتى
والعيد الجاى مش تكونى فرحانة
لأ
تكونى الفرحة ذاتها يا حبيبتى


بوسات وحضونات كتييييييييير قوى






عاشقة الرومانسية
---------------


علبة مصاصات بحالها يا دودو
انتى بس تؤمرى
أهم


وانتى عندك عمر و رودينا اساسى والباقى اكيد هتصادفيهم ف الشارع والشغل لما ييجى ولاد صديقاتك
وعقبال يختى لما نجيب لعيالك


انتى عيلة ؟!!

دنتى مشكلتك انتى كبرتى قبل الاوان يا عروسة بحورى !!


كل عيد وكل العمر سعيد عليكى يا حبيبتى
وانتى اروق واصفى وبالك مرتاح

بحبك قوى






sal
---


آه عارفة حكاية البوبوبنى دى
صديقة ليا كانت علطول شطنتها مليانة بيهم وبتشتريهم قصادى

انا قولت ابتكر ..اصل المصاصة بتقعد اكتر وشكلها مغرى وتقريبا مفيش طفل بيرفضها ..بس ممكن يرفض لبانة او بوبناية لو منظرها معجبوش او اتكسف
المصاصة بتلاقى اقبال اكتر
دا حسب المسح الميدانى بتاعى حضرضتك اللى بقاله مدة
ان شاء الله على حسك
هتلاقى اقبال اكتر وتقطع علينا
يلا مش اشكال
المهم العيال تفرح وتنبسط
كفاهم ما سيلاقونه لما يكبروا
لو اللى بيشوفوه من دلوقتى


ربنا يخليكم ليا
وتشجعونى علطول كدا



ودمت بكل الود
يا سال
يا غال
كل سنة وانتا بألف خير
وكل احبابك يا رب




وبحب قوى
فا تى ما
دى
معندكش فكرة ازاى !!

منحرمشى منك





الحب الجميل
---------

يا خراشى يا حبوبة
انتى عاوزالك محصول هولندا كله لمدة عشر سنين من الورد عشان يكفيكى يا حبيبتى ويكون مش كفاية كمان

انتى وردة حمرا دافية كدا
انتى اخترتى صورة بروفايلك شبههك بشكل غير مقصود ...
وكل سنة وانتى طيبة اكتر
وفلة وزوجوكى
واسرتك وكل احبابك بخير


ربنا يسعد قلبك
انتى كمان




mrmr
----

يا لهوى
انا قولت اول ما شوفتك
ومن غير كلام
الست دى طيبة قوى


انا مش محتاجة ارد على أى تفصيلة ف تعليقك
انا فهماه وحساه جدا
وانتى مش محتاجة توصية ولا اى تشجيع
لأنك ف قلب الحكاية خلاص

كل سنةوانتى بألف خير وسلامة وصحة
ومش هقول وانتى طيبة
عشان انتى .... طيبة خلاص بالفعل


بوسات وحضونات يا مرمرة

صوت من مصر
----------


ازيك يا كيموووووووو

ولا يهمك مش لازم تعلق على أ كلام
وطبيعى تشدك الصورة
لأن دى شغلتك
وعينك لازم هتلقط المميز

انا عاوزة اقولك
انى دورت ع الصور للبوست كتيييير
ولما لقيت الصورة دى فرحت كأنى لقيت كنز
لأنى حسيتها بتختصر كل اللى عاوزة اقوله ف البوست
اللى صورها كان فعلا فنان
عقبال ما نشوفلك صور ع النت ونقتبسها كدا وتفرح قلبنا

عيد سعيد عليك وع البنات
والمصاصات لعيال اختك ياض
متنساش

كل سنة وانتا طيب





мαησηα
------

مفيش حاة متآخرة يا منونتى
كل شىء بأوان
والواحد بالوقت بيشوف حاجات
لو متسربع ميشوفهاش كويس
فعشان كدا .زكله بييجى ف معاده
ومفيش تآخير ولا حاجة يا حبيبتى

وصلنى التعليقات الغير مسموح بنشرها
وربنا يا حبيبتى يكتبلك الخير
انتى اتصرفتى صح
واوقات فيه حاجات مينفعاش معاها غير انك توطى للريح لحد ما تعدى
وان شاء الله تعدى
وبكرة يبقى احسن
واسالينى انااااااا
ربنا بيفرجها قوى والله


انا بحبك انا روخرا
اكتر منتى فاكرة




همس الاحباب
---------

ازيك يا خالوووووود

كل سنةوانتا طيب اكتر
ويخليك هموسة وبشبش وامهم
حلوة مصاصة اللحمة دى
فكرة المعية
بس ف ظل الأرتفاع الرهيب ف الأسعار
المصاصضاية دى تقطع بكام ؟!!
دا كدا خراب بيوت
وانا اللى هبقى عاوزة حد يدينى مصاصة كل ما يشوفنى
ههههههه

اشوفك على الف خير
يوم البؤجة ان شاء الله
منتا دايما كدا
محدش بيشوفك غير والخير سابقك
يا غالى





كــركــبــة دمـــاغ ㋡
----------------------

كراكيبوووووو

وهل ينفع اكتب بوست عن المصاصات ومن غير ما تكونى ف بالى ووبتتنططى بين سطوره

لما شوفت الصورة دى وانا بدور على صور للبوست
جيتى ف بالى علطوووووول
كنت عاوالك مصاصات تليق بيكى وتنفع تقولك حاجة ..حلوة زيك


انا كمان بحبك يا كراكيب قلبى
وبطلى تشكرينى على حاجة بتحصل تلقائياً ..الا وهى انى بحبك وانك ف بالى وقلبى دايما ولازم هتلاقينى بقول اللى حابة اقوله لأنى لازم اقوله

كل سنةوناتى طيبةيا حبيبتى
والعيد الجاى تكونى ف احسن حال
واحسن ما كنتى تتمنى لروحك
ميت الف مرة


انا كمان
ب ح ب ك




mostafa rayan
------------

آه والله يا مصطفى
شفت الشياكة؟
الولد استجدع معايا قوى
ربنا برضو بيبعت اشارات وبيشجعنى عشان مبطلش تحت ضغط ان الفلوس مش هتكفى او هتقصر معايا


ربنا يرجع طنطن بألف سلامة
لحسن قلبى انا وجعنى من آخر بوست عندك
ربنا يخليهالك وتزيد حياتك خير ببركةدعاها ليك

كل سنة وانتا والحاجة وكل احبابك بألف خير يا صفصف






حفيدةعرابى
---------
يا لهوى
يا لهوتينى
يا خرابى
يا خراااااشى


بوسة ؟!!



لأ طبعا
يا فيدو
ازاى تقولى كدا



انا لا أقبل


الا ب ...

بوسة


و




حضونة



و


مصاصة



كل سنةوانتى طيبة
يا ذات القلب المتلفت




الطائر الحزين
------------

ربنا يقدر الكل يا إيهاب
كل سنة وانتا طيب

ميكانو
------

العفو يا فندم

وخلاص اتفقنا


كل سنةوانتى طيبة
عيد سعيد عليكى انتى وكل احبابك

ايه دة
وانا جي في الاخر
اسف جدا
بصراحة بقرأ البوست اول واحد بس مش بعلق علي طول كدة

عارفة لما قريت الكلام دة افتكرت اغنية قلب كبير هي مش مشهورة بس تنطبق علي ققلبك الكبيييييييير جدا

خدى بقي الاغنية اهي

http://www.youtube.com/watch?v=tlNrY1MusMg

تحياتي
كل سنة وانتي طيبة وقلبك كبير

أخيرا دخلت مدونتك؟

بصي يا ستي بئا


من أجمل هدايا ربنا سبحانه وتعالى

أني عرفت من هي مثلك

ما فيش رد كالعاده

أصل الماء لا يوصف

لا لون
لا طعم
لا رائحه

لكن خلق منه كل كائن حي

اهو انتي كدا

الدليل الحي على ان فيه أمل


وفيه حياه جميله



اه قبل ما أنسى

هطلع لك الزماره بتاعتي من نفسي

اصلها مش زماره

زي ما تقولي كدا

طرومبيطه صعيدي

بجد يا فاطيما

ربنا ما يحرمنا منك

ومن روحك الشفافه النقيه الجميله دي


اه برضو قبل ما انسى

ايه رأيك في النيو بوك اللي في الصوره؟

أتجوز ولا أتريث؟

ولا أتجوز وبعدين أتريث

عيد اضحى سعيد على حضرتك ان شاء الله

جميييييييييييييييييييلة اوى التدوينة دى يا طمطومة

وفكرة حلوة جدا

ليه معتقدة ان حد هايحبطك؟

الفكرة بسيطة جدا
لكن فعلا ليها عظيم الأثر على نفسية الطفل


بجد برافو عليكى


كل سنة وانتى ويوسف طيبين


سلام
اختك خيخة

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

Another WAW :))

فكرة في منتهى المثالية والرقّة .. حاجة كده من زمن الأحلام الناعمة الجميلة

ربنا يديكي على قد نيتك الصافية بجد

حلو عنوان البوست كمان :)

كل سنة وحضرتك طيبة

كل سنه وانتى طيبه ياطمطومتى ياروح قلبى من جوه
وحشااااااااااااااانى اد الدنيا

بقى لى مده مش عارفه ادخل مدونتك ياطمطومه
قال ايه فيها حاجه هتأذى الكامبيوتر
بس انا كان لازم اعيد عليكى وفداكى مليون كمبيوتر
ايوه اومال ايه لازم اقولك
كل سنه وانتى طيبه وعيد سعيد عليكى انتى وكل اللى بتحبيهم
ويارب السنه الجايه احلى واجمل ودايما بخير وسعاده ودايما تفضلى طمطومه الجميله اللى رقتها وطيبتها مكفيه الكل وفايضه
بوسات كتير اوى اوى
وكل سنه وانتى طيبه ياحبيبه قلبى

دة

تعليق ع البوست الجديد

ربنا يفرح قلبك يا فاتيما

(:

كل سنة و انت طيبة

يا مامت يوسف الغالية

عيد أضحى مُبارك

يا رب يااااااارب

السنة اللى جاية يكون بتعيدى مع كل اللى بتحبيهم

و قلبك طاير فرحان

(:

يااااارب

(:

دعوة من كل كل كل قلبى

كل سنه وانتي طيبه وبخير وبالف صحه وسلامة يارب

وربنا يعود عليكي الايام بكل خير وانتي في احسن حال ياررررررب

ويوسف يكون في حضنك في اقرب وقت يا ام يووووسف

كل سنه وانتي زي الفل

بحبك

(f)

كل سنه وانتى طيبه يا قمر

وعيد سعيد عليكى وعلينا جميعا

كل سنة وأنت طيبة ياطمطم وبخير
وقبل العيد الجاى ان شاء الله نكون باركنالك خلاص على اكتمال فرحتك بروح قلبك يوسف والاستاذ محمد فوزى
وشقة اسكندرية والعربية الفيات :)
ربنا يسعدك ياطمطم زى ماانت حريصة تسعدى وتقربى من قلوب كل اللى حواليك
يارب تكونى بخير وخالتك تكون صحتها اتحسنت بأذن الله

يوسف ان شاء الله لما ييجى بالسلامة أسلم عليه بنفسى
سلم لى أنت بقى على محمد فوزى لو ينفع يعنى :)

كل سنة و أنت طيبة

يا فاتيما يا غالية

بأذن الله السنة اللى جاية تحتفلى بيها

مع يوسف (:

و كل اللى بتحبيهم


سلام و مُعيدة لوالدتك

و خالتك

(:

كل سنة وأنتى
طيبة ياام يوسف
معلش ملقتش الباب
مفتوح لأعلق الأ هنــا
فسماح يعنى أنا عارفة
قلبك كبير اد ايه:)كل
لحظة وانت بخير وكل لحظة وهى
بتقربك من أمنيتك الغالية
أنك تشوفى يوسف راجل ملو هدومه
واد الدنيا بحق وحقيق.سلامى لكى وليوسف كتير السلام

يافاتيما يافاتيماااااااااااااااااااااااااااااااااااااااااااااااااااااااااااااا

انا بقولك كل سنه وانتي طيبه والسنه الجايه نكون جميعا في الحرم الشريف

يعني ينفع كده يا ام يوسف؟؟

يعني اجي عشان اعيد عليكي

مالاقيش مكان للتعليق في البوست الي فوق

طيب هو انا ليا مصاصه من دول ولا لا؟؟

كل سنه وانتي طيبه ويوسف بخير وكل عيلتك بكل الخير يارب

عيد سعيد عليكي وعلي احبابك واصحابك وجيرانك وكل حد تعرفيه وانا كمان معاهم

:))

وعلبه مصاصات ليكي وليوسف

ولكل الاحباب

:)

ربنا يكرمك ويوفقك ويهدي قلبك ويزرقك نفس مطمئنه ويكتبلك كل الخيرات

:)

فكرة بسيطة لكنها عظيمة وحليلة جدا
وربنا يسعدك زى ما بتحاولى تسعدى الناس
وبلمناسبة دى عندى قصة مؤسرة جدا احب انى احكيهالك
يقال ان كان فيه بقال هندوسى من عباد البقر كان لما الاطفال الصغيرين يدخلو عنده فى محل البقالة بتاعه كان بيبقا مجهز فى جيبه بونبونى ويعطييه للاطفال مجانا ثم يمسح بايده على راس الطفل ويبتسم فى وهوا يبتسم فى وجه الطفل
ثم فجاه البال ده توفا
ومن العادات الدينية عند الهندوس هوا حرق الجسس
والمفاجة العظيمة وهما بيحرقو جسة البقال يقال ان جسمه كله احترق واصبح رماد ولكن بقا منه زراعه الذى كان يمسح به على رووس الاطفال
لدرجة انهم حاولو احراقه اكثر من مرة ولكن ابت النار ان تاكل هذاالزراع الطاهر
تحياتى وكل سنة ونتى طيبة ورقيقة وجميلة

Haytham Alsayes
----------------
ازيك يا هيثم

انا اللى معلش متآخرة ف الرد
كنت مشغولة شوية
بس انتو ف بالى علطول

حلوة الغنوة قوى
اول مرة اسمعها على فكرة


منحرمشى منك يا رقتك دى
يا صاحب الفردوس

ومعلش علق على مهلك
وبراحتك
مش مهم اول ولا آخر
انتا غالى فى أى وقت ومعاد

:)

كل سنة وانتا طيب وبخير






مصرى جدا
-------

يا خرابى عليك يا هانى
هتبطل تدلعنى كدا امتى ؟
يا عم بتغر واخد قلم ف نفسى

طب دنا قولت الفكرة هتبدو ساذجة ومش هتعجب الناس قوى تطلعوا رافعين معنوياتى بشدة كدا ؟؟!!

ربنا يخليكم ليا يا رب



بالنوسبة للنيوبوك بقى
وسؤالك العويص بتاع
اتجوز ولا أتريث ؟
ولا اتجوز وبعدين اتريث ؟

انتا بتهزر اكيد



طبعاااااااا
تتجوز وبعدين تتريث


دى عاوزة سؤال ؟!!!



ربنا يسعد كل ايامك يا سنيور
طول منتا مروق جمعية المرأة المتوحشة ومبتدوسلهمش على ترف

:)




بدراوى
------

بدرااااااااااااوى يا طيب
ازيك يا جدع
وكل سنة وانتا بألف خير
فيك الخير والذوق كله والله
كل عيد وانتا اطيب واجدع

منحرمش من سؤالك

ويالهوى على حضرتك دى
فين امى تيجى تسمع الناس الحلوة بتحترمنى ازاى !!




بت خيخة واى كلام
---------------


ازيك يا خوختى

معرفش ليه حسيت ان الفكرة ممكن متعجبش ناس كتير
بس الحمدلله العكس حاصل

كل سنة وانتى وشيكو وزوزو وناريمان وآسر وبنوته وبابا شريف وكل احبابك بخير يا حبيبتى

العيد الجاى ربنا يريح قلبك
ويطمنا عليكى

بوسات وحضونات
يا نورا
:)

جايدا العزيزى
-------------


وانتى بألف خير يا جايدا

كلك ذوق

تحياتى انا اكتر





يا مراكـ ☺ ـبى
-------------

يخليلى (WAW) تك
دى يا نبع الحكمة


اقولك حاجة بقى
ع العنوان اللى عاجبك وتصدقنى ؟
الوش المبتسم دا

دايما يفكرنى بيك ..معرفش ليه؟
بس يمكن لأن ابتسامتك ...
من الأبتسامات القليلة
اللى صادفتها ف حياتى وبحس انها طالعة من القلب قوى ودافية قوى
ابتسامـة بجد ..
مش ماسك ع الوش


كل سنة وانتا نبع حكمتى
وكل اسرتك واحبابك بألف خير





Tarakib
--------

وحضرتك بالصحة والسلامة

منحرمش من سؤالك

:)



دودو
-----

وانتى بألف صحة وسلامة يا دودو
انتى وزوجوك والعيالى ى ى

معلش انا بحاول محطش لينكات تسبب مشكلة وربنا يسهل
بس انا عارفة اللى ف قلبك يا حبيبتى من غير كلام والله
والحال من بعضه
كل سنة وانتى اطيب
واجمل
وألطف
وارق

كل سنة وانتى طيبة
يا حبيبة طمطومة


بوسات وحضونات
من هنا للمنصورة
اللى فيها اطيب قلوب
:)







Ramy
-----

:)

ويسعدك يا ر ر

كل سنة واحنا سوا يا رقيق القلب
زى ما بتتمنالى
بتمنالك واكتر والله


كل سنة وانتا بألف خير
والعيد الجاى يكون ملاكك الصغنن ف حضنك
وملاكك الكبير كمان

عيد سعيد عليك يا رب




كــركــبــة دمـــاغ ㋡
----------------------

وانتى طيبة يا كراكيب قلبى ى ى ى ى
وحشتينى يا كراكيبو قوى قوى

اعملى حسابك
البؤجة الشتوية قربت
وحاولى تيجى بشتى الطرق بقى

عاوزة اشوفك خالص خالص

ربنا يا حبيبتى يعيد عليك الأيام كلها بخير
والعيد الجاى تكونى ف المكان اللى بتتمنيه واحسن
بغض النظر هوه ايه ولا فين
المهم تكونى حاسة برضا
وبهجة
وفرحة
وتملى الدنيا كركبة كعادتك
بكراكيب حلوة وجميلة زيك


انا كمان يا حبيبتى
بحبك قوووووى قوى
بوسات وحضونات
ومصاصات بطعم الفرحة





gogo!sf
--------

وانتى طيبة يا ام عيون بتضحك

كل سنة وانتى وجوزك والعيال بألف خير
وكل احبابك يا حبيبتى انشالله

:)

حفيدة عرابى
---------



وانتى طيبة يا فيدووووووو
وماما بألف خير وسلامة
واختك و منار وكل احبابك يا رب
ولقد خلقنا الله احرارا ف ازدهار واشراق بفضل ربنا وبفضل قلب صاحبتها الطيب
وتبقى معانا ف كل مرة نتلم ف الخير


الحمدلله خالتى احسن
بس المسألة ماشية ببطء حبتين
انما الحمدلله والف شكر ليه
فيه تحسن ملحوظ وف ازدياد
بس المشاغل المتعلقة بذلك
لسه منتهتش ومعلش بتأخر عليكم
غصب عنى والله


ربنا يسمع منك
ويوسف يسمعها منك بنفسه

اما محمد فوزى
فأكيد هيقرى التعليق
وياخد اللى يخصه من غير واسطة

:)

بوسات وحضونات
بعدد نجوم السما
يا فدافيدووووو






Ramy
----

وانتا طيب يا ر ر
ميرسى ع المعايدة لماما وخالتى
يا جدع اخجلتموناااااااااا جدا

ربنا يسعدك يا رامى

:)




norahaty
--------

ربنا كريم وقادر
ويسمع منك يا رب يا نورهانتى

عيد سعيد عليكى يا حبيبتى
واتمنى ف يوم لو اشوفك يا بنتى
هنفضل نحب بعض كدا من بعيد لبعيد
البؤجة الشتوية قربت
يا رب تقدرى المرة دى تيجى
هتكون فرحة غالية بحد
اغلى من عنوان البوست

كل سنة وانتى طيوبة دايما
يا حبيبتى
:)






ماجد العياطى
-------------

هههههههه

طيب
يا ماااااااااااااجد
يا ماااااااااااااااااجد

وانا برد عليك واقولك
كل سنة وانتا طيب
خالص
جدا
قوى
وربنا يسمع منك
ويكتبهالنا كلنا

تعرف ؟
انا نفسى قوى والله
وتكون ماما معايا .. ويوسف


ربنا ما يحرمنى
من طيبة قلبك دى
عيد سعيد عليك
والعمر كله انشالله



z!zOoOo
-------

كل سنة وانتا بألف خير يا زيزوووو

وبعدين مينفعش طبعا
وطبعا ليك واحدة من المثاثات دى
اتفضل ..قولنا دى العيدية ومحدش يقولى هانتى فلوس بقى والحركات دى

كل سنة وانتا بألف خير يا فندم
وعيد سعيد عليك انتا وكل حبايبك ان شاء الله


نورتنىىىىىىىىى جدا
وابقى تعالى كتير متغبش


:)




عباس ابن فرناس
----------------

اولا
----
حضرتك نورت
روح قلب ماما
وشرفتنى بالزيارة
والتعليق


ثانيا
------
كل سنة وحضرتك بألف خير
يا رب




ثالثاً
------
القصة مؤثرة فعلا
وفكرتها حلوة
و الأطفال احباب الله
انا مؤمنة جدا بالمقولة دى
لأنى مفيش مخلوق ف الكون ومتلاقيش صغيره بيحرك فيك الشفقة والحب والرحمة
القطة الصغيرة
السمكة الصغيرة
العصفورة الصغيرة
النبتة الصغيرة
اى حاجة صغيرة .زحلوة قوى
فما بالك الأنسان اكرم المخلوقات واللى ربنا اداله كرامة ومسئولية هذه الأرض ؟
الاولى بينا نحترم الاطفال ونعاملهم احسن معاملة ممكنة
لأنهم يستحقوا دا
ولأنهم بهجة حياتنا
ولأنهم بكرة بتاعنا اللى لازم يكون حلو
ومش هيبقى حلو ..غير لما نديهم حقهم من الرعاية والحب والتعليم ..الخ


رابعا بقى
---------
انا اختك الكبيرة فمتزعلش منى
بس انتا كاتب ف أكتر من كلمة
حرف ال(س) بدل حرف ال(ث)
وعاوزة اقولك بقى
ان ليا صديقة عزيزة ...
من المدونات الصديقة
لو شافت التعليق دا دلوقتى ..
ممكن يجيلها ازمة نفسية ..
وتفقد النطق لساعات
سامعنى يا بوبو ؟؟
آه والله
اصلها مدرسة
لغة عربية
شاطرة


عموما المعنى وصل
وانتا نورتنى بجد


ان شاء ارد الزيارة
عن قريب

عيد سعيد عليك
ان شاء الله

إرسال تعليق