.

.

معجــــــــزتى  

Posted by: فاتيما in




 هـــذه أنــا
التى تقــــف الآن 
عــــلى حــــافــة المعجـــــــــزة

ارفــــع عصــــــاتى
كى أشــــــق البحــــــــر
وأعــــبر 
الخـــــائف مما ينتظره
على الضـــفة الآخـــــرى 
لا يبرح مكــــانه أجـــدى
ومن كـــان منكـم على ديـــن قـــلبى 
فليتبعنى 
غــــير نـــــــادم
فيا مـن ظـللتــــم طــــويـــلاً واقفـــون
 إنتبهــــــوا
المعجـــــــزات فى زماننـــــا 
كالفــــــرصة
 لن تـطـــــــرق ذات البــــاب
ف هـــــذه الحــــــياة 
مـــــرتين
.......................

----------------------------------------------

This entry was posted on الجمعة, ديسمبر 17, 2010 and is filed under . You can leave a response and follow any responses to this entry through the .

49 كــــلام بيطــبطـــب عـــلى قــــلبى و روحــــى

اول مره اقرى بوست عندك ومش افهم مغزاه

كلام بسيط لكنه عميق المعنى
من كان على دين قلبك
يا بخته يا سعده يا هناه

إنا للحق متبعون .
ربنا يريح قلبك يا فاتيما .
ويهديك .. ويجعل الراحة سبيلك .
وتريح القلوب .. هيا دليلك .
قادر يا كريم

ومن كـــان منكـم على ديـــن قـــلبى فليتبعنى

ربنا يحققلك كل المعجزات ويسعدك بيها

ياما صادفت صحاب و ماصاحبتهمش
وكاسات خمور و شراب وماشربتهمش
أندم على الفرص اللى انا سبتهم
واللى على الفرص اللى ما سبتهمش
عجبى؟؟؟؟

عندما تصبح الفرصة معجزة فما اصعبها فرصة و ما اصعبها حياة و بئس تلك الحياة
الاختيار الصحيح يجب ان يكون بهدوء بعيد عن اى تأثير و وقوف العربة على حافة المنحدر و فى النهاية الحياة وجهات نظر

تحياتى ابراهيم رزق

على فين يا ريسه؟
نتبعك على فين :)
انتوا شاورى بس واحنا جرى على هناك :)

وجود الفرصه يعتبر معجزة
في زمن قلت فيه الفرص
واستحالت المعجزات

ربنا يريح قلبك يافاتيما

فعلاااااااااا المعجزات كالفرص بتيجى مرة واحدة عشان كده لازم نمسك فيها بإيدينا وسنانا كمان

وحشااااااااااااانى جداااااا

عاشقة الرومانسية
---------------

ازيك يا قطتى ؟

ولا يهمك
جايز الكلام مش واضح

بس هوه هينفع اشرحه ؟
طيب

انا اصلى بستحضر روح انسان ترك كل شىء الناس متعودة عليه وقرر فى لحظة ايمان شديدة يصدق انه قادر يصنع معجزة
ورغم ان قوة ايمانه ويقسنه هيخلوه يحقق المستحيل ويشق البحر زى ما سيدنا موسى عمل
الا انه عارف ان مش الكل هيؤمن بيه
ولا بما يمكن ان يحققه


فيه ناس هتخاف عليه من المجهول
وفيه ناس هتخاف من الخسارات المتوقعة
وفيه ناس لن تبالى
وفيه ناس هتتشجع وتمشى وراه عشان مصدقاه وبتثق ف حدس قلبه
وفيه ناس زي حالاته ايمانهم بالمعجزات
لم ينتهى
وفيه ناس مش فارق معاها
المهم ييتحرك وانشالله يشق ابحر ويمشى
وميرجعش ويتوه

بس

يا رب اكون عرفت اشرح

ستيتة حسب الله الحمش
-----------------

انشالله منحرم منك يا ستوتى


اللى على دين قلبى
انا عارفة ان قلبه بيتوجع ف الغالب
بس بيحس بالنعمة برضو


وزى ما بيدوق معنى الحزن بجد
بيعرف كمان
طعم الفرحة بجد

ربنا يخليكى ليااااااااا


وعاوزة استنتهز فرصة هذوها التعليق
عشان اقولك ان مدونة
قلب خساية
مبتدية قوية و مميزة
زى صاحبتها تمام

ومظنش لوحدى هكون من اسعد الناس بيها
لأ دا عموم البلوجر يا حبيبتى


بوسات وحضونات
يا ست السوتيتات

MR.PRESIDENT
------------


واد يا بسام
يللى لقلبك نصيب كبير من اسمك
انتا غالبا فاهم البوست ف اتجاه
وانا بحكى ف اتجاهون اخرووو

بس الدعوة حلوة
وانا ماسكة فيها
بإيدى وسنانى اهو

ومنحرمش منك

Unique
------


يا لبنى ى ى ى
روح قلب ماما نورت النهاردة
بزيادة

لو الجملة دى عجبتك
فنا عاوزة اقولك
ان عندك قدها عشرات الجمل كدا


انتى متفردة دايما
يونيك
حتى ف اللى بيعجبك

ميرسى يا حبيبتى
ع الدعوة الحلوة

وع الزيارة الحلوة دى

ابراهيم رزق
-----------

هنختلف يا ابراهيم
خلاف لا يفسد الود اكيد



بس يعنى
لو كل واحد شاف الفرصة
وكأنها معجزة لن تتكرر
مش كدا هيعرف يقتنصها من فك الزمن
ويعيشها لحد آخر ثانية
ويسعد بها ؟؟


ولاّ المفروض يتعامل معاها
على انها فرصة
مجرد فرصة
وجت راحت
خلاص ؟

هوه العقل بيقول
نغتنم الفرصة
بس بهدوء وبلا مبالغات
لأنها ممكن تبقى مجرد فرصة
مجراش حاجة يعنى


بس تفتكر وقتها
هتحس بطعم الدنيا
ومتعتها المستخبية ف قلب الفرصة؟

ولا هتفضل تتعامل بحذر
او شوية برود
وكأنك خايف تفرح
خايف تتعلق
خايف تغامر
خايف تتحرك برا حدودك


فيروز بتغنى وتقول
من يركب البحر ..لا يخشى من الغرق


وتلك حقيقة
اللى ينزل البحر يتحمل موجه
وعواصفه وانقلاباته

بس كمان يستمتع بالإثارة
اللى ف قلب الخطر احيانا
ويسعد بالكنوز اللى بيبعتها البحر
وقت الصفا والرضا

لازم الواحد يبص للفرصة
على إنها معجزته
عشان يتمسك بيها
وميضيعهاش


هنختلف لكن
مش هنفسد ودنا ان شاء الله


خالص ودى ليك يا فندم

ربما يكون هذا التعليق غريبا الي حد ما ولكن كلمات البوست ذكرتني بتلك المقولة من فيلم فورست جامب .

Mama always said miracles happen everyday. Some people don't think so, but they DO!
-Forrest

لذلك اعتقد ان المعجزات في حياتنا تفوق مقدار تصورنا ...واتفق معك ان هنالك ابواب لا تفتح مرتين ...ولذلك حكمة ... فاذا كانت كل الابواب تسمح لنا بالمرور دائما ... فما قيمة المعجزات اذن !!

تحياتي لك

Mahmood البطراوى
----------------


انتا مش محتاج تتبعنى
يا محمود
انتا معاياف الطلعة دى
من بدرى


انتا م العالم المستبيعة دى
اللى شايفة وحاسة علطول من غير تررد
إن فرصها معجزات
وبتحارب عشانها


انتا
يا أبو قلب كريستال

م العالم اللى مخافتش
ولا وقفتش مكانها
وعدت
رغم هول المنظر
الذى لا يبشر بأى طمأنينة


ورغم ان ما بعد العبور
الله اعلم
اذا كنا كلنا
هنوصل ولا هنتوه ف التيه
زى اللى سبقونا


مش محتاج اقولك فين
ولا أشاور حتى


دنتا واخدلك ف الملحمة دى
كوم كبيييير من الفرح والوجع واليقين والتوهان
و معاك كتيبة
و بتقودها يا بنى


:)

يا رب تكون بخير

شمس النهار
---------

هذه حقيقة يا شمس نهار المدونات
وقمرها


دا اللى بقوله
وعارفة اجمل حاجة ايه؟

ان الواحد يدرك ذلك فى وقت بدرى
قبل ما يضيع منه حاجات كتير
ويندم انه ممسكش ف الفرصة
وخلاها تكون معجزته

هوه كله نصيب

بس الشوف كمان
نصيب

وايوه الدعوة الحلوة دى
اللى ربنا كارمنى بيها وبيكم قوى
انا بحبها جدااااااا

منحرمشى منك يا رب

bos bos بسمه عبدالباسط
-----------------------

انتى كمان يا بوسبوس
وحشتينى
ويا رب تكونى وكل الأسرة بخير


وكالعااااااااااااادة
متفقين يا بسبوستى

:)

اندروميدا
---------

لأ خالص
تعليق حضرتك ف الصميم
وتلك حقيقة
ايامنا مليئة بالمعجزات
لكنها تعبر امام اعيننا ولا نراها
عشان بنكون مشغولين وبصرنا زايغ


" واتفق معك ان هنالك ابواب لا تفتح مرتين ...ولذلك حكمة ... فاذا كانت كل الابواب تسمح لنا بالمرور دائما ... فما قيمة المعجزات اذن !!"


احييك على الجملة دى
جدا


نورتنى

الغالى ضاحب التعليق اللى موش للنشر
---------------------------------


جايز تكون انتا مش معجزتها ..
(ولو انى هختلف معاك المرة دى )
بس فليكن ...


مين قال لازم انتا تكون كدا
ليه متكنش هيا اللى معجزتك ؟!!؟؟
ليه متكنش هيا
اللى طرقت بابك
وانتا فتحتلها بس انتا متصور
انك فشلت
ولم تستطع ان نفعل شىء
كى تبقى عليها ؟

مين اللى قال تيأس كدا ؟
مش قولنا نطول بال قلبنا
يعنى رفعت عصاك وشقيت بحر حبها ومشيت كام خطوة ...
جاى عاوز تتراجع ؟؟
مقولتش امشى كمان وهزقك
بس هقولك اثبت مكانك ..يمكن الوقوف حل

بس

مترجعش لورا خطوات
جمد قلبك

حتى لو كنت خايف
لما توصل البر التانى
تتوه وتتعب تانى
انتا عارف انها خطوات وكتبت علينا
ومن كتبت عليه خطى مشاها
وفيه ناس خطواتها سهلة
وناس العكس



انا عارفة انك قد الخطوات الصعبة دى وتمشى قدها مرتين تلاتة
بس بلاش اليأس دا


فين يقينك يا أستاذ ؟
متخليش خوف يهزه
المفروض الناس (اللى بتعزها دول)هيا اللى تسيب حالها ومحتالها و قناعاتها و اطماعها ومخاوفها
وتمشى ف طريق صعب
وتعدى البحر وراك



هتعمل كدا ازاى
لما يلاقوك خايف ؟؟

جمد قلبك


وربنا معاك


:)

فيتووووووو

اكيد عارفه فيتو ليه :)

ادبياً ميه ميه وابصم بالعشره
اما التشبيه المستعان به هنا .... ففيتوااا طبعاَ

تتخنقى منى ما تتخنقيش ، هو كده

سلام ، ويارب يارب يارب ، يوفقك لما فيه (الخير لكى ) لان مش كل اللى بنشوفه بعنينا خير
فما لنا الا ان نسال الله بالخير حيث كان

ويكا
----

اولا
متخنقتش
خلاص عرفنا طبعك
وقابلينه وانتهينا

هو كده

:)


ثانيا
فيتوووو
براحتك ع الآخر
انا فاهمة ايه اللى مش عاجبك
وملوش لازمة نتناقش
عشان لا انا هغير رآيى
ولا إنتا كمان
فخلاص
هو كده

:)


ثالثا
هيوه انتا يا جدع
لازم لما تدعى
برضو تدينى ف وسط الدعا
كلمتين ف جنابى ؟!!!


يعنى نظام انا بدعيلك اهو
بلى نفسك بيه وشيفاه انتى خير
بسسسسسسس
خللللللللللى
باااااااااااالك
برضوووووووووووووووو
اللى انتى عاوزاه دا
ممكن جداااااااا
ميكونش الخير ليكى يا هااااانم
يلى واجعة قلبنا انتى
وهو كده
:)


رابعا
بغض النظر عن أى حاجة
موشكرين يا فندم
ربنا يديم الود
حتى لو مختلفين
وشكلنا هنفضل مختلفين كتير
هو كده

:)

ازيك يافاتيما
بصراحة كلام جميل
ومقتبسة العصا من سيدنا موسي
سيدنا موسي معاه الحق
لو معاكي الحق في اي حاجة
اكيد هتوصلي واكيد ربنا هيكون معاكي
وربنا هييسر حاجات كتير صعبة ومش مفهومة في الحياة دى
واكيد ربنا هيغير الاحوال وهيبدلها لصاحب الحق

بس لازم نتمسك باللي احنا عاوزينه
كلام رومانسي بس انا شايفه ان ينفع لكل الحالات

تحياتي يا ام يوسف

فا تى ما

انا زمان كنت اكثر جرأة وشجاعة
ولما كبرت اقتربت من الجبن
ورغم ذلك اتصارع مع جبن نفسى وغالبا ما تثمر محاولاتى وتفشل احيانا
ولكننى دائما احترم واقدر من يملك
تلك الخصلة النادرة فى هذا الزمان
شوفى يا ام الخير ...لو قلبك قالك عدى
البحر الى الضفة الاخرى ...عديه

حتى لو حدث ما هو خلاف توقعاتك
وحساباتك ...برضو حتلاقى حاجة
مليانة فى "كبايتك" حتشوفيها بشكل ايجابى ....
فا تى ما ...
فى الحركة بركة
ومش حنندم على حاجة عملناها بارادتنا

من يركب البحر لا يخشى من الغرق
وفقك الله لما تحبينه ويرضاه

ربنا يحفظك

المعجـــــــزات فى زماننـــــا
كالفــــــرصة لن تـطـــــــرق ذات البــــاب ف هـــــذه الحــــــياة مـــــرتين .......................


صح كده .... ده كده اوكازيون اصلا :)

تحياتي

احيانا ايماننا الشديد بالحق وهو بالفعل حق لا يكون كاف للعبور للشاطىء الأخر ولو حتى بمعجزة

اعتقد ان الذكي من يضحي بشئ ثمين حتى يحتفظ بشئ اثمن في حياته

ويحقق المعجزه

عارفه كلامك فكرنى بالبوست بتاع موناليزا وكأن الفرصه فى توفيق ربنا لما بننوى نعمل خير بيؤيدنا ولو اتكاسلنا ممكن متتعوضش الفرصه دى من جديد لكن الأمل فى الله غير منقطع
كلماتك جميله وراقيه جدا
بس متملكانى حاله من التفكير فى فرص بيديهالنا ربنا مره واتنين يمكن دا يكون اكبر سبب بيزيد من تفاءلى
لأن الانسان لو فقد التفائل وندم علي فرصه راحت وافنى عمره بالندم هيقفل كل ابوابه عن المحاوله

بيع يا لطفى
العبارة دى جاءت فى دماغى لما قريت البوست من مسلسل سنبل قبل المليون
دوس يا معلم واحنا معاك
ضربوا الاعمى على عينه ههههههه
ربنا يسترها وعلى الركاب ربط الاحزمة

القرصة دائما كالمعجزات لا تأتى الا مرة

لا يقتنصها الا من كان يستحقها بالفعل

ومن كـــان منكـم على ديـــن قـــلبى
فليتبعنى
غــــير نـــــــادم

رائعة دى يا فاتيما :)

انا كمان في الاول مش كنت فامة قصدك
بس لما شفت الردود فهمت
بجد بحييك على المعنى الكبير دا والفلسفة العميقة بجد
وكمان وربنا وحشاني ومدونتك وحشاني كتير يا فاتوما
امواااااااااااااااااااااااااه وحضوناااااااااااااات كتييييير

باذن الله ربنا هيوفقك وبحق اذان الفجر والساعة المفترجة دي سيقدرلك الخير حيث كان ويريح قبك ويقر عينك يارب العالمين
دة دعاء مريض في ساعة اجابة ربنا يستجيب باذن الله تعالى
احبك في الله

اخر جمله كتبتيها فيها كل المعنى

المعجـــــــزات فى زماننـــــا
كالفــــــرصة لن تـطـــــــرق ذات البــــاب ف هـــــذه الحــــــياة مـــــرتين .......................

لا أعتقد أن هناك أي تعليق

بخلاف أن وجودك في الأيام المبروكه دكهين

أكبر معجزه

Haytham Alsayes
---------------

ميرسى يا هيثم
انا عارفة انه رومانسى
وقد لا يصلح بالمرة للواقع

بس من امتى الأفكار الكبيرة
والحركات اللى بتغير حال الدنيا
متبقاش كدا ف الاول
لولا شجاعة وتهور وجنان اصحابها احيانا
اصل اللى بيشق البحر ويعدى
لو عاقل ..يبقى شجاع
لو عاقل نص نص ..يبقى متهور
لو مجنون زى جالاتى ..يبقى جنان رسمى
وربنا يستر

انا فرحانة برجوعك
البلوجر كله نور تانى

:)

sal
---


يا غال على فا تى ما
كلامك شدنى لحاجة كنت بفكر فيها كتير
اصلى لما بقول سنى لحد
بيتصور انى زعلانة انى بقول انى كبيرة وبتاع ..بينما انا بفخر بكدا
بجد
منيش زعلانة
لأن التقدم ف العمر له مميزات
والمفروض منبصش للعيوب بس

واحدى مميزات التقدم ف السن بقى
عكس اللى حضرتك قولته
ان الواحد خلاص مبقاش زى زمان
لسه قليل الخبرة
ولسه اللى حواليه بيمشوه
وقادرين يهزوه ف مناقشة او خناقة
لأ
الواحد بيجمد بمرور الوقت
ويعرف صاله اكتر
ويعرف سعادته فين
وتعاسته فين
ولو لم يكن مكبل بتبعات ومسئوليات
فمن حقه وقتها ياخد قرارته اللى تريحه هوه ويسيبه من الناس
لأن للأسف
كل واحد بيعيش حياته
وينجز فيها ويستمر
بينما حياتك انتا بتوقف
بسبب نصايحهم ..اللى بتجبرك ياما ترضيهم
ياما تفضل مكانك ف اسلم الحلول
فليه؟

انا متفهمة ان صراع حضرتك ناتج عن مسئولياتك وان راحة اللى حواليك لازم تيجى قبل راحتك لأنى احسبك هذا الشخص جدا ..وبالتالى نفسك مش جبانة ولا حاجة ..دى ست العاقلين


منحرمش منك
يا سال

يا غال

فتاة من الصعيد
--------------

آه يا فاتى

مش بذمتك كدا ؟!!

:)

الطائر الحزين
------------

ليه بس يا إيهاب ؟؟
يا خراشى على تكسير المقاديف
:)

طب كاف دى مين يحددها ؟
وتتقاس ازاى ؟
ولو طلع كاف ..كاف لمين ؟
ليك ولا للى حواليك
طب منتا ممكن تكون مكتفى وانتا لسه معدتش اصلاً ...صح؟

المعجزات تحدث يا عزيزى
والله تحدث

من كل بستان زهرة
----------------

الله ينور
ايه الكلام الجميل دا ؟؟

صح
انتى صح جدا
المسألة فيها نوع من التوزان
وفيها كمان نوع قوى من الاحساس
وان الواحد يعرف سعادته فين
والفرصة فين
والخسارة كمان فين

اوقات بيبقى فيه خسارة قريبة
تندفع عشان المكسب البعيد

والعكس

وربنا ما يخلينا ف العكس ابدا

خالص ودى ليكى

ونورتى

nour shahen
-----------

ازيك يا نور
مقرتش بوست مون مون
بس هقراه ان شاء الله

ميرسى على ذوقك
ومبسوطة ان البوست لاقى استحسان
دنا قولت التشبيهات اللى فيه
مش هتعجب ناس كتير
وتقولى ابعدى عن كدا ...

نورتينى
وبقالك مدة

خالد همس الاحباب
--------------

يا لهوتينى

ليه كدا يا لوتفى

بيع دى يعنى بالخسارة يا جدع
طب انتا يرضيك ؟

وبعدين انتا عارف
اول حد هعيطله انتا
وهتعملى بوست فشر ابو الريش ولاّ البؤجة وتلملى بقى


انا عارفة يا خالد انك ف ضهرى
وبتسندنى ف كل الحالات
طبعععععععععن
مش اختك ياض


منحرمشى منك يا غالى
ابدا

جارة القمر
----------

الله يفتح عليكى يا حبات اللولى
فعلا يا حبيبتى
لازم اللى يمد ايدها ويقتنصها
يكون مقدر قيمتها
عشان لما يحصل عليها
مش هتقف الحكاية لحد كدا
لازم يكمل ويحافظ على وجودها


ولازم اللى يعدى البحر
يكمل السكة وميوقفش


انا مبسوطة قوى بتعليقاتك
ربنا ما يحرمنى منك يا عسولة

إياكش تولع
----------

يا خرااااااااشى يا دوك
يعنى زيارة
وتعليق
وكمان اشادة
دا كتير علينا قوى والله


رفعتوا نعنوياتنا
ف السما

ابقوا تعالوا كتير

:)

just waiting
------------


ازيك يا تيتو
الف حمدلله ع السلامة
وميرسى يا حبيبتى

ومعلش الكلام مش مفهوم قوى
التعليقات بتسندنى اهو
مفيش حاجة بتيجى منكم غير خير

انتى كمان
بوسات وحضونات يا حبيبتى

عاشــــــ النقاب ـقــــة"نونو"
------------------------------

يا خرابى يا نونو
ربنا يا حبيبتى ما يحرمنى من دعاكى الحلو
وسلامتك الف سلامة
ربنا يشفيكى ويعافيكى ان شاء الله
مش قولنا خلى بالك من نفسك ؟؟

مصرى جدا
--------

مش كدا يا هانى برضو؟
الفرصة مبتجيش تانى
بس لو جت
بتبقى معجزة واتحققت


ومين اللى معجزة ؟
انا ؟!!!


مش بقولك انتا وتد
مبتسمعش الكلام

الحمد لله انا احسن من غيري والحمد لله اتعافى حاجة بسيطة
المهم انا نفسي اشوفك حاولوا تنظموا لقاء يا حبذا يكون حريمي ليس الا علشان خالد زوجي يقعد بالعيال واحضره انا هههههههههههههههههههههه
بس شرط تحضره خيخة وطبعا انتي بجد نفسي اشوفكم احبكم في الله

ياريت يرجع زمن المعجزات تانى يا طمطومة ... كانت مشاكل ناس كتير اتحلت... وقدرنا نغير الواقع المؤلم أحيانا اللى احنا عايشينه ..

دمتى بخير

عاشــــــ النقاب ـقــــة"نونو"
------------------------------

الف سلامة عليكى يا نون
اقرب لقاء
المنصورة ان شاء الله

اما اللقاءات الحريمى
فمظنش ف الوقت الحالى فيه فرصة ليها

معلش

ان شاء الله تتعوض

بوسات وحضونات
يا حبيبتى

shaimaa
------

المعجزات تحدث يا شيماء

ربما لا ننتظرها

لكنها تحدث يا حبيبتى


حمدلله على سلامتك

إرسال تعليق