.

.

الأصــعـــــــــــب  

Posted by: فاتيما in





قـــيــل لـــنا
أحـــــبوا أعـــــــدائكم
 و هـــولاء الــذين يبغضــــونكم
ومــن لكم يسيئـــون
ولكــــــن لـــم يــــأت
أحدهــــم فى يـــوم مــــا أبـــــــداً 
ليخبرنـــــــا
كيــــــف نتعــــلم كـــــــراهــية
   مــن نـذوب فيهـــم عشقاً و نحــــب  ؟!!


----------------------------------------------------------------------------------


أحِبّوا أعْدَاءَكُمْ
بَارُكوا لأعِينُكمْ
أحْسِنوا إلى مُبْغِضيِكُمْ
وصَلّوا لأجْل الّذين يُسِيئُونَ اليْكُمْ و يَطَرُدُونَكُمْ
--------------------------------------------------------------------------------

This entry was posted on الأربعاء, ديسمبر 22, 2010 and is filed under . You can leave a response and follow any responses to this entry through the .

20 كــــلام بيطــبطـــب عـــلى قــــلبى و روحــــى

من أولها

انا مودى فل
وآخر تمام
ومفيش حاجة


والخاطرة دى مجرد كلام
ابن عم حديت
عشان فعلا كل هذا العمر
و محدش اتطوع مشكوراً
وقالنا ...
نكره اللى بنحبهم قوى
ونخرجهم من روحنا
ومن تحت جلدنا
ومن جوا قلوبنا
ازاى ؟؟؟!!!




بس خلاويص


:)

عشان ننسى اللي بنحبهم اوي
نفكر فيهم كتير اوي وكل شوية
ح نتعب شوية في الاول بس بعد كده ح يبقى وايه يعني
عشان الالم المعنوي يروح
مانهربش منه
لان كل ما هربنا منه ونيجي نقرب بعقلنا ليه ح نتألم اوي ونرجع نهرب
الحل اللي خرجني من محنةكانت مميتة نفسيا لي وقريبة لمحنتك (((اللي فااااتت خلاااص طبعا وخرجتي منها الحمدلله بالف سلامة )))))))
اني ماهربتش من المي عشته لاقصى الم لغاية مابقى مش مأثر فيا
وعااااااااااااااااااااادي
ملحوظة
مقدرتش ابدااا اكتب كلمة في البوست المؤلم اواسيكي لاني كنت محتاجة انا مواساة بجد بعد ماقريت
الشجعني اكتب هنا
انك قولتي مودك تمااام وفل ويارب على توووول
تحياتي وامنياتي بكل سعادة

اللى بيحب ما بيعرفش يكره ممكن يبقى قاسى بس ما يكرهش

مش حنعرف يا تيما
اللى بيحب من قلبه صعب يكره
احنا متعلمناش ده
و لا حنعرف نتعلمه بعد العمر ده كله
انتى قلتى اهه
تحت جلدنا
ازاى تخرجى روحك من جواكى
ازاى تخرجى شرايينك من تحت جلدك
ده معناه الموت
عشان كده فعلا صعب
كل اللى بنقدر نعمله اننا نتناسى
ندعيه و لا نقوم به فعلا

يعنى تفتكرى لو كانوا علمونا كراهيه من نذوب فيهم عشقا كنا هنقدر نحب اعدائنا والذين يسيئون لنا
هل القلب الذى يتعلم كراهيه من كان يعشقه يعرف يحب اعدائه ؟؟

الحب نراه من اسهل ما يكون
فهو احساس يتسلل الينا ولا نعلم منتهاه
ولكن الكراهييه بالفعل اصعب ما بالكون
فالقلب ليس بآلة لها ازار ومع ضغطة من الاصبع تكرة او تحب
فهو بيد الله وسبحان مقلب القلوب
ولكن من يحب لا يعرف الطريق للكرة
مهما حاول ان يقنع نفسه جراء الألم بأنه لم يعد يحب ..
دائما يظل هناك في الركن البعيد بعد مشاعرنا المجروحه التى نحتفظ بها

دام ابداع قلمك
كونى بخير

حب الأعداء يتطلب جهاد رهيب و تهذيب للنفس

فكرتيني بكلام كان حلو قوي على موقع اللا محتجب

وبما إنها خاطرة
انا كمان أخطر يعني عاتي

وليه أكره من أحب
حتى لو انكتب البعد

الكره والغيظ طاقة سلبية جدا
بيخلوا البني آدم إسود قوي

ممكن نفضل نحب
حتى على البعد
كده كده سحب العقار من الدم بيجي مع الأيام
مش بإيد حد دي رحمة ربنا بالبشر
وبيتفتح القلب تاني
أيوة تاني وعاشر كمان
ونحتفظ لمن أحببنا بذكرى حلوة صغنونة
لما نفتكرها نضحك وقلبنا أبيض على حاله
ونفتكر حد يوم إدانا سعادة كنا في أمس الحاجة ليها
حد رجعنا نعيش ورجلنا على الأرض تاني
بعد ما كنا طايرين بين السماء والأرض

مجرد خاطرة ومزاجي عنب ويجعل مزاجك عنب على طول أند إيفر أفتر :)

امممممممممممم
فاتيما فاكرة اخر مرة كنا فيها مع بعض انا قلت لك اية...؟
ايوة بالظبط كدة ....
الناس اللي بتحبيهم اووي وتنجرحي منهم اووي متعرفيش تأذيهم ابدا لانك بتحبيهم ولا ف يوم هتقدري تكرهيهم...ابدا ابدا ابدا
هتزعلي منهم اووي وتضايقي وتبعدي عنهم لكن مش هتعرفي تكرهيهم
كوني انت زي ما انت دايما متسامحة ومحبه ومش بتكرهي حد ابدا
فاكرة انا قلت لك باختصار ومشرحتش وقتها لاني مش كنت حابة احكي ولا حتي قلت لك انا اتأذيت ازاي واد اية لكن قلت لك اني معرفتش اسامح علي طول لكن اخدت وقت وسمحت لنفسي بالتفكير بكل شيء وبعدين اخدت قرار اني اسامح لما قلبي سمح بده ...وساعتها حتي لما كان في اعتراض من اصحاب كان بالمقابل اصحاب تانين قالوا رحاب من اول يوم عرفناها قلب طيب وهتفضل قلب طيب مهما حصل ....وكونك طيبة ولا تكرهين احد فهذا شيء جميل ولا يقلل من شأنك
كوني بخير دوما وكوني طيبة
وكوني متسامحة...وكوني انت انت ولست انت شخص اخر...وكوني دوما انسانة تحب ولا تكره ولكن تغضب ....
فالحب والتسامح صفتان لابد ان نتحلي بهم ولكن بدون ان نقتل انفسنا بالكبت والغيظ ....يعني م الاخر كدة الناس اللي بنحبهم منعرفش نكرهم لكن بس هنبعد شوية عنهم لغاية ما نروق ونحاول نقولهم اننا زعلانين منهم وعايزينهم يحبونا زي ما احنا بنحبهم ....بس خلاص
بوسات وحضوناااااااااات

لازم الواحد ميتعلمش الكراهية أبداً، مالهاش معنى غير انها بتخلي النفوس قاسية. إلي لازم الواحد يتعلمه من وجهة نظري حاجات تانية أهم، وصدقيني مش صعبة أو عايزة قدرات خاصة.

مثلاً ازاي نقدر نركن الألم والحزن على جنب، يختفوا لما يكون مش وقتهم. وإزاي ننسى شخص مصالحنا إتقاطعت معاه أو اكتشفنا إنه مش حينفع نكون مع بعض أكتر من كدة، فمنضيعش وقت بعض، وقت ممكن نستغله نلاقي الشخص المناسب، أو نتعلم حاجة مناسبة، أو ..... نتبسط بطريقة تانية تغطي على حزن فقدان عزيز.

تخيلي إن كل بني أدم عنده حزن، والدنيا كلها قفلت وحزنت وتعبت .... حتقف كل حاجة.

الحمد لله أولاً، والحمد لله أخراً، لازم حياتنا ووقتنا ميضعش غير اننا نلاقي الأحسن إلي يناسبنا، ونخلص من حزن الأحسن إلي مينسبناش.

عارفة، اكتشفت حاجة مهمة دايماً ننساها، ودي تساعد أوي اننا ننسى مشاكلنا وأحزانا، ربنا هو إلي بيقدر، وفي قدره رحمة دايماً، مش حيقدر غير الخير لينا. ممكن النهاردة منشوفش وجه الخير دا، وحيبان وقت تاني في المستقبل ... وحنقول الحمدلله إن حصل كدة من ١٠ سنين، دانا كان زماني دلوقتي كذا.

الحياه، حياتنا، سلسلة متصلة كلها بتأثر على بعضها ومترتبة على بعضها.

خالي بالك من نفسك.

أولا سلام و عتاب علشان حتى الميل مش بتردى علية
ثانيا لما نكره من أحببنا يبقى ها نعيش لية و أزاى و لمين ؟؟؟؟
ربنا يخليهم لينا حتى لو لم يحبوننا بنفس القدر الى أحببناهم بيه ، ماهو مش معقول هانحب حد وهو يكرهنا اكيد هايحبنا ولو بقدر أقل ، وبعدين يكفى الذكرى فى القلب الى كل ما نفتكرها تلمع عنينا و يدق قلبنا من جديد .

ولا نكره ولا يحزنون

خلينا نكون صرحاء

الجزء الأغلب من هالة القدسيه التي نضفيها على من نحب

تنبع من ذاتنا

لا يد ولا دخل ولا صله ولا علاقه لهم بها

لننتزعها عنهم.......

ونتركهم.....
كما هم....

بدون هالة حبنا لهم

( شفتي حبة العربي دوكهمن)

علشان ما يبئاش نفسك في حاجه

اهم حاجة يا
فا تى ما

المزاج فل
.....
طيب لو فكرتى زى
وقلت كلمة مليان بالانجليزية
تساوى فل برضو
طيب القلب اللى مليان خير ورحمة
وتسامح ومودة ممكن يكون فيه مكان
للكراهية ؟ اشك فى ذلك
طيب
لو عملنا خطة عمل عشان نكره حد
مش الخطة عايزه خطوات وترتيبات و
تفكيرات وفكيرات وووووو
طب ليه الغلبة دى كلها
انا عندى حل لسؤالك
......
.....
.....

خللى بينك وبين فا تى ما عمار واتركيها على سجيتها وخليها تحب
ثانى وثالت وهكذا حتى تقابل من يستحق
فتكون الاستجابة

بس كدا


ربنا يسعدك

انا جييييييييت نورت البيييييت:))))
براحتك يامعنمي
ماحدش واخد منها حاجه
نيهاهاههااااااااا
(ضحكات متقطعه شوريره)

اللى بيحب عمرة ما يكرة فاتييما

وحشانى

اعلم انها خاطرة

ربنا يسعدك

تحياتى

ملعون من يعلم الاخرين الكره

في الاول وحشتيني
وبعدين
اعتقد ان اللي عندة قلب كبير وبيعرف يحب بجد صعب اوي انة يكره ولو قعد يتعلم من هنا للسنة الجاية

ربنا معانا يا طمطم

من عرف الحب لن يتعلم الكره
لأن الحب من الأفعال التى لا تجتمع مع ضدها فمن يحب لا يكره ومن يكره لم يحب
لماذا نشغل بالنا بتعلم الكره مع اننا نملك علم الحب
دمتى سالمه من الكراهية

الكراهيه هتيجي لوحدها ماتقلقيش :)

الكراهيه بتيجي من تصرفات الاخرين... وليس مطلب نطلبه لننسى احد :)

تحياتي

ممكن أرد رد مجمع
عشان تقريبا التعليقات
ف سكة واحدة


وما اعنيه يبدو انى معرفتش
اشرحه كويس
او اصيغه بعبارات توضحه


الفكرة بتاعت البوست كان ف ذهنى وانا بكتبها كام حد من العزاز على قلبى
تدوينيا وبرا التدوين

الناس دول ربنا بلاهم بقلب
ممكن يوصل ف حبه للغير
ان يذوب فيه بالمعنى المقصود حرفياً

يعنى يحب حد
لحد ما ف فجأة كدا
ميلاقيش روحه
ويبقى الآخر ..أهم منه
ف كل شىء
وراحته وسعادته مقدمة على أى عذاب يأتى منه


القلوب دى موجودة
وللأسف حظها بيتعثر فى طرف أنانى احيانا
لا مبالى احيانا
بيحب غيرها احيانا
او مبيحبهاش هيا تحديدا احيانا
فيبقى النتيجة النهائية
فى كل الحالات

هوه الفراق
او البعد
او الصد ..الخ


ساعتها القلوب اللى بحكى عنها دى
تعمل إيه؟؟؟

تدور على نفسها
وتحاول بشتى الطرق تتماسك
وتكتشف انها بتعانى من اكتر من وجع
وجع الفراق والبعاد
ووجع الحنين والإشتياق
ولما بيكتشفوا ان الآخر
واخد الحكاية عادى
المسألة بتتعاظم ويتعبوا اكتر

ووقتها بيتمنوا من ربنا
حاجة واحدة
لو انهم يعرفوا يكرهوا اللى بيحبوه دا بس عشان يعرفوا يكملوا حياتهم

اللحظة دى بتيجى
بتعدى والله
انا شخصياً عدت عليا
مكنتش بطلب اكره اللى بحبه
عشان انا بكرس لفكرة الكراهية
لأ
لأنى ببساطة عارفة انها فكرة مستحيلة
لدرجة انى قادرة احب اعدائى ..وممكن قوى دا يحصل
بس الأصعب انى اكره اللى بحبه دا
دا مجرد طلب مستحيل
شكلاً وموضوعاً برضو


الصياغة يمكن تكون خانتنى
بس الجميل
ان التعليق الوحيد اللى أتفق معايا
وحس بالكلمات
هوه الوحيد اللى غير مسموحلى بنشره
لكن اقدر افتكر اربع خمس اسامى
انا حاسة انهم مؤيدين للفكرة
ولو من باب الخيال

انك تتمنى تكره اللى بتحبه
عشان مش قادر تحبه
ومش نافع تحبه
ومفيش فرصة تحبه
ومحدش بيسيبك تحبه


آه
حاجة تانية

القلب يتسع للحب والكراهية
معا
أيوه
انا بحب ابنى
والإنسان اللى مرتبطة بيه
واهلى
واصدقائى
والاحباب هنا و ف كل مكان
بحب القطط
والبحر
والشكولاتة
والبيتزا
والسما الزرقة
والالوان المبهجة
و مسرح العرايس
والمزيكا
و الشعر
وبحب فيروز
و ساعات كتير بحب نفسى


لكن كمان بكره
بكره الظلم
وبكره بعاد ابنى عنى
بكره اسرائيل
وبكره القبح
بكره المرض لما يصيب الاطفال
وبكره الصراصير
بكره القوادين
وبكره المغتصبين لست او طفل او راجل زيه كمان
بكره الفساد
و العالم المنافقة وعينيها ف عيننا
بكره لأنى بنى آدمه
وقلبى يساع كل المشاعر

فكرة انى احب واكره الشخص نفسه
دى كمان ممكنة على فكرة
بس لازم يبقى بين الكراهية والحب
أو العكس
فترة زمنية وافعال
بس ممكنة
ليه لأ ؟!!


كنت عاوزة اعتذر عن البوست
لنه واضح ان كان دمه تقيل
بس مش هعتذر
لأنى عارفة ان لمس ولو قلب شخص واحد
ودا كفاية عندى ويسعدنى


كل الود ليكم

إرسال تعليق