.

.

يــا بهــــــــية  

Posted by: فاتيما in




غــــــرفة عــــمليات التـــــدوين 
عـند الغـــالية د.ســـتيتة

غـــــــرفة عــــمليات مصــــر 
عـــــــند موقع رصــــــــد

غــــرفة عـــمليات البشـــــر 
 كل مكــــان ف الدنـــــيا

--------------------------------------------------

This entry was posted on الأربعاء, يناير 26, 2011 and is filed under . You can leave a response and follow any responses to this entry through the .

13 كــــلام بيطــبطـــب عـــلى قــــلبى و روحــــى

ربنا معانا


ربنا معانا

أنا فرحانة بيهم اوى ياطمطم
يفرحوا وخلونى مش عارفة أسكت دموعى
رفعوا راسى
ربنا ينصرهم ويثبتهم
وماليش دعوة انا عايزة انزل معاهم

تعليقي الموحد النهاردة علي الموضوع دا يا فاتيما

مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
...
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني
غير شوية ضي ف عينيا

خيخة نزلت برضه
لسة مارجعتش لحد دلوقتي وقافلة تليفوناتها

اااااااااااااااااااااااااه

ااااااااااااااااااااااااااااه
ياتيما

ايوا يانسايم الكرامه والحريه

ايوا هى ديا

النار اللى نورت للدنيا والبلاد اللى حوليها نور

وحرقت الاوغاد والكلاب

هى دى نسايم الكرامه والحريه

اه ياتيما كلنا بنحبها ويارب مهما حصل نفضل نحبها ونعرف اننا ملناش غيرها ولا هى ليها غيرنا
ربنا ينصرها وينصرك يابنت حوا وادم
يااااااااااااااااااارب

على قد ما كنت خايفه وقلقانه من اليوم ده على قد ما انا فرحانه قوى لما شفت الشباب وهما بيهتوا بدون اى تخريب ولا تدمير

ربنا يحافظ عليكى يا حبيبتى يا مصر

أنا لسة راجعة من برة يا فاتيما و لسة بهدومي..أنا بخير اصابات طفيفة الحمد لله..و ان شاء الله بكرة نازلة تاني عشان للأسف مفيش اعتصام في اسكندرية.

الله يطمن قلبك لان واحد دخلى على البوست وبيقولى انها لسه مرجعتش
قوليلها مصر كلها فى الشارع احنا منمناش بقالنا 3 ايام ومكملين الناس كلها نزلت الشارع الناس موتت الخوف خلاص والله المره دى غير كل مره

يام يوسف ازاى اعمل تحديث للمدون بسرعة ارجوكى

يارب يارب
ربنا ينصرناااااااااااا

انا جيييت يا طمطومة

ماتحرمش منك ابدا يا حبيبتى

اسفة انى ماطمنتكيش عليا اول ما وصلت البيت

بس كنت مرهقة جدااا فنمت شوية

عاااجل جدا و هام اخواننا فى مصر
رساله من اخ تونسى
السلام عليكم إخواننا في مصر
...
.......لنجاح ثورتكم عليكم بما يلي
.......المظاهرات تكون ليلا ..وهذه لها عدة فؤائد
.أ:تقللون من فرص القبض عليكم ومن فرص معرفة هوياتكم
.ب:تستطيعون النجاة من عمليات التصوير
ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء
.د:تمنعون عمليات الخطف وزورا الفجر
.اياكم وعمليات الانتحار فاذا كان مصيرك الموت فليكن برصاص طاغية
استغلوا الاعلام لتبليغ صوتكم فالضغظ الخارجي رهيب جدا

هااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها

لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"
انشرها حتي لا يتاذي اخواننا

ya fatima shilo elapproval bgad mesh wa2to 5ales

eb2o rag3ooh ba3din

إرسال تعليق