.

.

إحــــنا الشــــعـــب  

Posted by: فاتيما in





 انا قولت مش هعيط أنا 
انا عيطت لما قولت يا بس 
خصوصا لما روحت التحرير 3 ايام ورا بعض 
زى ما اكون بحج والأفئدة تهوى للمكان 
لكن وسط الفرحة والفخر و....ألف حاجة تانية
ملهاش وصف ولا إسم 
زى الكل إتفرجت على 
........
المجلس الأعلى للقوات المسلحة
بيان رقـــــم - 3
اللى بيأكد إن الجيش مع مطالب الشعب
بيقدم ضمانات لسير العملية الديموقراطية
بيشكر الأبعد اللى غار  ف داهية
بيطمن الناس على بكـــرة
واخيراً .. يرسل كلماته لإرواح الشهداء
عندما المتحدث بإسم الجيش 
فى مشهد تاريخى بجد .. الاقيه 
بيرفع ايده ويقدم التحية العسكرية 
والاقينى بعيييييييييييط
مفيش فايدة برضو 
دى دموع الفرحة ... ببلدى 
الفخر ... بالملايكة التى رحلت
الامتنان ... لمن تذكر
الاحساس ... ان الدم مش مية
وإن مصر أول ليلة من زمن طويييل
هتنام بكرامة وراضية عننا 
إحنا ولادها اللى تعبناها قوى 
وتعبنا عشانها قوى
 الحمـــــد لله  
 الحمـــــــــــــد لله



----------------------------------------------

"الْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً".

----------------------------------------------








حكومة احمد شفيق ..كريم عبدالسلام
عندما يمنح البشر فرصة .. وربنا ينورّ بصرهم 
طب فين استقالتك ؟!!
 ياااااااا صباح الخير
ما الذى يفعله عمر سليمان وزكريا عزمى
 كلمات راقصة ..جلال عامر
إهدار الأنسان ... أيمن الجندى
أنس الفقى وزير أعلام العربة ..وائل قنديل
من ميدان التحرير (7) .. عمرو حمزواى 
كان يقيناً بالله .. بلال فضل
أيكون الإعتصام هو الحل ..فهمى هويدى 
إحذروا الأرجوزات ...عماد الدين حسين
خواطر ثورية 1 .. الفردوس الضائع
 متنازلة عن حقى فى عيد الحب..بسكوتة
بصل الإستفاقة ..SHAPE YOUR LIFE
مفارقة قوية جدا .. wish i were abutterfly
مطالب عمال وموظفى ...نوارة نجم
ليا طلب ..أم بوبة
إستفسار .. بت خيخة وأى كلام
لازم نثق فى بعض شوية ..د.ستيتة
أنا اسفة ... im the crazy one
يا ريس خد الباب ف ايدك ..ميمو 
 عنها,,,, ... حكاوى الست فرويد
صانعو الطغاة ..آخــر بهدلة
 بحبك يا بلادى .. رامى بابى
 تحية لأرواح الشهداء ..الحب الجميل
أثق ان العالم سيتغير .. آخــر بهدلة
مصر يا أطعم إسم ..Montana 
شهداء الحرية..عارفة مش عارف ليه 
إبتهال ...انجى هات م الآخر
رسالة إلى الشعب المصرى ..آبى
إلى صانعى النصر .. حمزة زوبع
الشعب يريد بناء النظام .. عمرو سلامة
نسمات الحرية ..ندى الياسمين 
بيان رقم ..1 ..كيمو صوت من مصر
مصر النهاردة ..خواطر شابة(المغرب)
شكر ولخبطة ..الأزهــــرى
يوميات الثورة ..احمد كمال رحايا العمر
حمدلله على سلامتك ..اسكندرانى أوى
بداية جديدة ..أعقل مجنونة
 بحبك يا بلادى..طالبة مقهورة درجة اولى
 من وعن مصر الجديدة .. بنوتة لاسعة
 هنا القاهرة... ماجد العياطى
يوميات الثورة .. احمد كمال رحايا العمر 
طيور الجنة رسل الحرية ..ميهمش
مبروووووووك لمصر ..أحمد خالد توفيق
أفكار لدعم الثورة ..عمر طاهر  
 نصيحة وطنية .. بت خيخة وأى كلام
خلطبيطة مشاعر ..بنوتة لاسعة
حرية :) ...وش الخير قوس قزح
التحية العسكرية لأرواح الشهداء تبكى المصريين 
 الدزااااااااير ياااااااارب .. حنان (تونس)
مبروك الحرية ..نهر الحب
صباحكو حريــة ..sony2000
حرية ديموقراطية..خالد همس الاحباب
 يوم النصر +تحديث ..قلب القطة
قائمة ببعض المختفين .. نوارة نجم
صباح غير كل صباح ..ام بتول
 بلادى ..بسنت خواطر شابة
شفت كتير ..صيدلانية طالعة نازلة
فرحنا؟طب يلا نبدأ ..الكيت كات
ليه تسرق 70 مليار ..د. ستيتة
حلاوة امك يا طاغية..يوميات شاب منوفى 
ورانا شغل ..نوارة نجم
فرحاً آل مصر ...سبهللة
عبدو يا مشتاااااااق .. إحنا هنبتدى ؟!
قاطم الفرحة ..بلال فضل 
الشارع لمين ..خالد منتصر 
حمدلله ع السلامة ..عمرو فكرى  
صباح الخير ...صعبان عليا حالنا2
البلد دى بلدك ..بنات افكارى انا
شهداء الثورة لن ننساكم ..عاشقة النقاب
 الفرحة حلوة ..سنابل قمح
اليوم ...UNIQUE 
 تحيا مصر و لقاء تدوينى ..رياح الجنين
11-2-2011 .. من كل بستان زهرة
 حلوة بلادى السمرا .. اعقل مجنونة
the lion kong .. برا الشبابيك
مبروك لكل مصرى ...جـــارة القمر 
الله اكبر يا مصر ... عادى جدا (تونس)
 صوت بلادى ..ام بوبة
 النهاردة يوم الشهدا وعيد الشهدا وعرس الشهدا 
أحلى صباح ..الطائر الحزين
الحمدلله والف مبرووووك ..جنة
مصر لشعبها ..رحاب مصطفى 
 الله أكبر ...الأزهــــرى 
فجر جديد ..سمكة واحده
الأحرار فى التحرير ..سارة(السعودية)
 الحمدلله سقط الطاغية ..مهندس مصرى
الآن نتنفس .. شيماء سمير إحتمال
 مصر ما بعد الثورة ..احمد الصباغ
لقد تحققت الثورة ..أسافو اناروز(المغرب)
 الله اكبر ..جــــنى
يا مصر افرحى ..تخاريف زمن 
 أنا مصرى ..وليدعارفة مش عارف ليه
يا بلادى يا عروسة ..بسكوتة
 لولاكم ..أنا الريس
الله ..الوطن ..الشعب ..انا جعان
السويس وقود الثورة .. عبده الريق
مصر عروسة الليلة .. آخـــر بهدلة
 تعظيم سلام .. بهذا حدثتنى نفسى
العبور الخالد ... منونا واحد شاى
نصرة قوية .. شمس النهار 
 النهاية/البداية ..البلد دى فيها حكومة
تحية وتقدير ..امة الله  

This entry was posted on السبت, فبراير 12, 2011 and is filed under . You can leave a response and follow any responses to this entry through the .

83 كــــلام بيطــبطـــب عـــلى قــــلبى و روحــــى

مبرررررررررررررررررررررررررررررررررررروك عملوها الوحوش

مبرووووووووووووووووك علينا مصر
مبروووووووووووك حريتنا
مبروووووووووووك كرامتنا

و انا عيطت تاااانى لما قريت كلااامك و وصلنى احساسك

مبروووووووووووك

الحمدلله ياحبيبتى:)
كلنا كنا مستنيين نفرح

الحمدلله
مصر اليوم فى عيد:)

اولا : مبررررررررررررروك علينا مصر
ثانيا : شوفيلك حل فى المدونه بتاعتك دا انا بموووت قدامها لغايه ما تفتح

كان نفسى اسمعك احلى زرغوته فى الدنيا بودنك
مبروك يابطه

العدس فيييييييييييييييييييييييييييين؟

الف الف مليون مبروك ياحبيبي


مبروك يامصر بحبك يامصر




يارب اللى جاى احلى

انا لما سمعتهم فى التحرير بيقولوا اتنحى كنت هموت من الفرح اول مره اشوف الناس فرحانه كده ...

فاكره تعليقي عندك ومكنتش عارفه وكان جوايا احاسيس متضاربه وخوف وقلق وفرح ومش عارفه راسي من رجلي؟
دلوقتي انا جايه اقلك الف الف مبروك
علينا كلنا
انهارده انا مبسوطه مش لوحدي
فرح للشعب كله
مبروك يا فاتيما كان عندك حق في كل كلمه بتقوليها
الحمد الله
فرحاااااااااااانه

مبروووووووووووووك يا حبيبتي
مبرووووووووك علينا مصرنا
الدموع دلوقتي بتبقى عمله زي اللولي على الخد
عيطي وافرحي وطلعي كل مشاعرك
معتقدش هيمر علينا انتصار اروع من كده
الحمد لله الحمد لله
يارب يحمي مصر

مبروك علي كل مصر
الف مبرووووووك ياتوما
بارب عقبال الفرحة تكمل ويوسف يرجع لحضنك

يا منتهى الليل اللى عشش ع الحيطان

كل البشر قالوا إنى ابداً مش حأكون
لكن شهيدك لما انتفض .. قال اللى كان

حطيه فى عينك و إقفلى
غطيه برمشك و الجفون
يا منتهى الحزن اللى ساكن فى العيون

وانقش حروفه يا وطن
انقش حروفه ع البيبان

اهتف بأسمه و ارسمه
وارفع راياتك يا وطن
ارفع راياتك
فى الميدان
000000000000000
مفيش كلمة ممكن تتقال دلوقتى غير مبروك .. مبروك .. مبروك

الف مبروك يافاتيما الف مبروك لشريف و يوسف وزياد و ساليناز و كل النبت الاخضر اللى طالع
ابراهيم رزق

مش هقول غير الحمد لله
وألف مبروك



اللي فات كان السهل
اللي جاي أصعب بجد

الله المستعان

الف الف الف مبروووووووووك

شكرا ليكي يافاتيما

بتريحينا بدل ما بندور علي بعض

مبرووووك
يا ام الخير

انا لسه راجع من الشارع حالا وبشوف تحيه الجيش للشهداء
انا مكنتش عايز اطلع من الشارع
مبسوط اني من الجيل دا ومبسوط اني من اول يوم معاهم انا مبسوط هكتب ايامي مع الثوره ان شاء الله بس افوق وابطل دموع فرحتي كلنا مع بعض في مستقبلنا احنا عملنا ثوره يفتخر بيها العالم مش المصريين بس

السلام عليكم

صباح الفل ..

صباح الثورة ..

صباح الحرية ..

كالعادة كنت متابعة من خلالك كل كلمة بتتكتب وبتابع ف صمت ما يحدث من خلال المدونين والفيسبوك

أمنياتى بغد مشرق وبلد آمن يعيش تحت ظلالها أبنائنا ونتنفس الراحة والسكينة والاستقرار والمودة

وحشتينى جدا
جدا

نفسى نعمل لقاء حريمى بقى
بوسة من يوسف
بوسة من عمر
حضن منى
وبوسة كبيرة

هبة

أييييييييوه أنا ارف بتقولى إيه دلوقتى

أيوه الغتاته رجعت والحمد لله الثورة انتهت وفضيت لكم
لا ثوانى كد
الفترة الجاية مش هأكون فاضى
عندى وطن أبنيه
ها معانا ولا مع الجمعية

سجدة شكر للخالق سجدة شكر للقاهر سجدة شكر لله الواحد الذى يغير ولا يتغير


وقفة اجلال وعرفان لارواح الشهداء


أبى الله ان يرد جعاء الملايين فى صلاة الحاجة و دعوات الفجر و الدموع التى تنهمر كلما مرت صور الشهداء امام اعيننا


اللهم لك الحمد والفضل والمنه والعرفان

مبروووووووووووووووك
الحمدلله,, الحمدلله
والله يكون معاكم وينصركم بالفتره اللي جاي

وتكون سهله وهينه وماتحتاجو للتضحيه مره تانيه

اكيد مش اول واحدة

بس اكيد انك اول واحدة فكرت بجد انى محتاجة احضنها اوى وابوسها بوست الدنيا

من اول مابدات الثورة وانا عايزة اققولك قلبى موجوع اوى يا فاتيما

دلوقتى بقولك قلبى فرحاااااااااان اوى يا فاتيما بجد انا عمرى ف حياتى مافرحت كده

عمرى مابكيت لما سمعت النشيد الوطنى غير من يوم 25 يناير كنت بسمعه ابكى حرقة

امبارح سمعته بكيت فرحـــــــــة

وما احلاها دموع الفرحة

الفرحة حلوة اوى يا فاتيما

يارب يارب تفضل فرحتنا بيكى يا مصر طول العمر

بحبيك انا قد فرحتنا بالمصر

صباحك حرية وكرامة وعزة يا وطن

القلوب الخضراء

مبروك النصر ورفع الراس عاليه وسط كل الدنيا ......الناس في كل بلاد العالم فرحانه علشان فعلا مصر أم الدنيا

صباح الحرية يا أهل الخير
واحلى ناس عرفتهم


انا مش عارفة اعلق على واحد واحدة
انا عمالة اعيط
من اول ما سمعت الغنوة اللى شغالة مع البوست ...

ايه الجمال والرقة و العزة دى ؟!!
دحنا حلوين قوى
وجدعان قوى

وربنا جبر بقلب كل ام واب واخ وصديق ماتله عزيز غالى
واحنا تخاذلنا عن حمايتهم
غصب وبإختيار
لكن دمهم كان دافع ..وسبب عشان المشوار يكمل وناخد بحقهم

الدم غالى
والملايكة دول
ورد الجناين
ربنا نصرهم
ونصر خالد سعيد
وكل واحد راح هدر

لأ
مرحش هدر
بسببه
الطاغية رحل
مطرود
مهان
مشيع باللعنات والدعوات
هوه وكل من تبعه


يا رب
البلد دى اجمل بلاد الكون
احنا بهدلناها قوى
وتعبناها قوى
وهيا تستاهل الدم والبهدلة و العذاب اللى سال وانشاف و اكتر

اكتر يا رب

انا مش عارفة اكتب حاجة ولا أرد عليكم

ساعات المواقف تبقى اكبر من أى كلام
ودلوقتى الصمت فى حضرة الجليلة والمريدين ... عبادة
والجليلة هى مصر
والمريدين ..هم شهدائها

يا رب
نصرك لعبدك
عبدك اللى نزل من اول يوم
اتهان و سال دمه
ورجع تانى ومقلش مش نازل
اللى اتخون وقالوا عميل
وبرضو رجع تانى ومقلش مش نازل
كل اللى دعا من قلبه
و شجع بكلمة بسيطة
وكان مؤمن ان نصر الله قريب
وان البلد دى بتشوف ايام هتدخل التاريخ ..
واهى دخلت والحمدلله

يا رب
لك الحمد بعدد قطرات المطر
وحبات الرمل
ونجوم سمواتك
و قلوب عبادك المؤمنين بيك
وببلدهم


الف مبروك يا كل حد بييجى هنا
من مصر
ومن السعودية والمغرب وتونس وأى بلد عربى كان بيشجعنا يمكن أكتر من نفسنا احيانا وبيقولنا شدى حيلك يا بلد

اللى كان مش فاهم الصورة
أظن دلوقتى وضحت
والحمدلله
اللى زعلان من حد ..ميزعلش
مفيش وقت لأى خلافات
ومفيش مجال للعتاب
نبص لقدام ونشوف هنعمل ايه
الجيش ..لو فضل كدا يبقى هايل ..
لأن دوره حماية وفقط
مش عازين حد منه يبقى رئيس وينط ع الكرسى
عاوزينها مدنية ..مش عسكرية
نوارة يسلم فمها اكتر واحدة من قبل حتى الثورة ولحد النهاردة بتكتب احلى كلام .. انا بعتبرها رمز لبنات وحريم مصر كلها ...وبتقول اللى ف قلوبنا
والصورة واضحة ..وخلاص عرفنا اننا قوة ولا يستهان بيها
واللى هيمشى البلد ضد ارادتنا ..
ننزله الشارع تانى
ولو بالدم والإهانة
خلاص عرفنا
ان ليها تمن اهو
ومفيش تخاذل تانى


كان نفسى اكون معاهم من اول يوم
بس النيران الصديقة ..الحاجة ام فاتيما
منعتنى
لكن مقدرتش تمنعنى آخر 3 أيام
شفت حاجات كتييييير
يمكن ييجى وقت واكتب عنها
بس كان قلبى فرحاااان وبيقولى
ان النصر آت
وان قناعاتى من اول يوم ..ف محلها
الثورة ثورة ابرار احرار ملايكة
والحمدلله ...
إنتصروا
لينا
وليهم
ولمصر

الحمدلله

الف حمد وشكر

الف مبروك يا عيااااااااااال
يا رجالة وحريم واطفال

وعلى جنب
انا كلمت يوسف عشان اطمن عليه
وطلع الباشا عنده نوبايل
ادانى النمرة
وبنتكلم كل ما تيجى فرصة
والحمدلله هوه بخير
وبعد الحاصل
هيكون ف خير اكتر واكتر
منحرمشى منكم
ولا من دعواتكم

بحبكم يا احلى ناس وصحبة وعالم

:)

مبروك ليك يا فاتيما الخير إنت ويوسف الضياء وربنا يتمها علي يوسف وجيله بخير ياااااااااارب

مرُّ الشَّقاءِ الذي يهدي النفوسَ حَكى * مرَّ الدواءِ الذي يَشفي من السَّقم

إنَّ المرارةَ في الحالينِ نافعةٌ * للجسمِ والنفسِ فلنشرب ولا نلم

تفتيحُ قلبٍ شقيٍّ للنَّعيمِ كما * تَفَتّحت زَهرةٌ للنُّورِ والنَّسَم

والنًّفخُ في قلبِ شعبٍ نام في كَفَنٍ * حتى يهبَّ إِلى العلياءِ والعظم

من حكَّم القلبَ يُدرِكهُ الشقاءُ ومن * يحكّمِ العَقلَ يحمد حِكمةَ الحِكم

إِلى السعادةِ تهدينا الحقيقةُ إذ * بالوَهم تَفنى حياةُ العاجزِ البرم

تقدَّمنّ وكن باللهِ ذا ثِقَةٍ * واسترجعنَّ سليبَ الأرضِ بالقدم

ماشي ماشي

بعد المشاعير الفياضه دي

أخبار العدس ايه

ولا

نعتصم

ما فياش حيل

أقول لك

يا رب

العدس

سمعت عن لقاء سكندرى يوم الجمعه الجايه احتفالا من المدونين
هتنظمه حنان الشافعى وهتحضره دكتوره ستيته
السؤال بقى
انتى جايه ولا لأ؟

fatimaaaaaaaaaaaaaaaa

shofti masr ??
7lwa awi
7lwa ya baldiiiiiiiiiiiiiiiiii
2amar ya baladiiiiiiiiiiiiiiiii
mabrook 3lina elamana

يوميات شاب منوفى
---------------


الله يبارك ف عمرك يا منوفى
طول ما فيها رجالة زيكم
يبقى يعملوها الوحوش
الحمدلله
ربنا نصر مصر

بمناسبة المنوفية
ف قلب الميدان
شفت واحد ماسك يافطة مكتوب عليها
جملة فكرتنى بيك قووووى
بتقول

هنا المنوفية
------------
مسقط راسك يا مبارك
اول ناس داقوا نارك

:)



الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

Baskouta
--------


الله يبارك فيكى يا بسكى بسكت بساكيتووو
يا لهوى
دا لو التنحى قصاده عياط
كان زمانه مشى من اول اسبوع
بالدموع اللى نزلت من عيونك
والعياط بتاعك ؟؟

:)


مش قولتلك يا عيونى
ماشى وخارج
بس هيا التناحة بعيد عنك



الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

Tears
-----

والله يا تيرز انا شوفت حاجات وسمعت حاجات وقريت حاجات وحسيت حاجات ..من اول يوم لحد دلوقتى مخليانى ف حالة غريبة اظن كلنا تقريباً فيها

بس يحسها اكتر
اللى من اول لحظة كان عارف
وكان ربنا منور بصيرة قلبه
ومهما حصل
محسش بيأس
او فقد الامل دقيقة


انتى من اجمل الحاجات اللى حصلتلى ف الأيام الجميلة دى
انى عرفتك يعنى
:)


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

موناليزا
--------

الف حمد وشكر يا مون مون
ربنا كرمنا برؤية يوم عظيم زى دا
وشاركنا فيه ولو بدعوات من القلب حتى


ربنا كريم

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

mrmr
-----


معلش يا مرمرة
والله غصب عنى
اصل البوستات غالبا بتبقى فيها لينكات كتييييير وصور كمان
فبتتحمل بصعوبة
معلش حقك عليا
بس مقدرش معملش كدا
الللحظات التاريخية دى تستدعى انى اوثقها فى تدوينات مجمعة
معلش

:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

عاشقة الرومانسية
-----------------

سمعتها بقلبى يا قلب بطتك
انا فرحانة قوى اننا لما اتكلمنا انتى غيرتى رأيك
مش عشان حاجة
غير انى كنت متأكدة ان لحظة النصر وقتها كانت هتبقى مختلفة عن احساسك لو مكنتيش مقتنعة او شايفة الحكاية بشكل مختلف

الحمدلله فرحتى لآخر مدى
وزى ما المفروض الفرحة تكون

بخصوص السفر بقى
بصى انتى وستوتة وكل حد بيدخل هنا مش غريب وانا مبكسفش منكو يعنى
بس اختكو فاتيما كل ما تملكه من حطام الدنيا (50)جنيهاً مصر بسعر السوق المنحدر اكتصادياً اليومين دولا ...
وبالتالى لحد آخر الشهر ...معييش غيرهم
و هما يكفوا المواصلات والنثريات ..وحفظ ماء الوجه
لكن ميكفوش السفر وخلافه
لو ربنا فتحها عليا قبل يوم السفر انا جاااااااااية بإذن الله اول نفر

لكن لو ظل الحل كما هو
معلش
تتعوض بقى ف مرة تانية

ومفيناش من زعل والنبى
وكمان مفيناش من هنعزموكى عشان برستيجى هينقح عليا
وكمان مفيناش من هنسلفوكى ..
عشان السلف تلف والرد خساااااارة ..
ماشى؟

:)

طييييييييييب

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

مصرى جدا
-------


عدس ايه يا جدع انتا
دا بدل ما تقولنا هندبحلوك عجل
بدل اللى طفش بالمليارات بتاعتنا
ومنعرفش راح فين ؟!!!

:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

جيجى
----

الله يبارك فيكى يا جيجى
ان شاء الله الجاى يكون احلى
بالناس الحلوة اللى عملت كدا
مش هتسيب الدنيا تخرب تانى
ولا حد يكسر الحلم الجميل دا تانى
الناس حست بقوتها
وقدرتها على التغيير

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

أعقل مجنونة
----------


الف بعد الشر عليكى
اللى يموت واحد عارفينه
مش الناس الحلوة اللى زيك

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

سمكة واحده
---------

الحمدلله يا سموكة

بصى متزعليش انك كنتى مش فاهمة
او مش شايفة كويس
متهيألى المسألة كانت محتاجة ان الواحد يبقى قارى او متابع واغلب الناس مكنتش متابعة قوى ..
فلما جه الوقت ..اتلخبطوا
غير ان حتى الأشخاص موافقهم اتغيرت ..فاللخبطة زادت
ووقت الازمات المفترض الواحد بيتعرض للفتنة ..دا الطبيعى
المهم يلحق يختار مكانه الصح
ولو معرفش يختار .. ع الأقل ميحطمش معنويات غيره او يخونهم ويساعد المنافقين والمنتفعين ف خطتهم من غير ما يقصد بالمرة ...
والحمدلله الناس الحلوة ..شافت الصح
وانتى منهم يا سموكه

ربنا ينور بصيرتك كمان وكمان
يا رب

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

من كل بستان زهرة
---------------


الله يبارك فيكى يا زهرة
ما المشكلة انى كل ما اشوف المشهد أعيط
عارفة ؟
ف التحرير من كام يوم
الأذاعة بتاعت الميدان جابت ام بتعلن عن ان ابنها غايب من كام يوم وميعرفوش عنه أى حاجة ...
وبتقول للناس اللى عارف حاجة او شافه يكسب ثواب ويطمنها

بعدها بيومين ..
ف نفس الموقع
لقيت المذيع بتاع الميدان
جايب الأم دى وماسكة ف ايدها صورة ابنها ...وبتقول انه راح للى خالقه
الولد
شبه يوسف قوى
عنده 13 سنة
ملاك برىء
والأم منزلتش دمعة واحدة
وقفت بس ورفعت ايدها للسما
وقالت :
حسبى الله ونعم الوكيل
حسبى الله ونعم الوكيل
والناس تردد وراها ويمسحوا دموعهم
محدش عرف ينطق بكلمة
غير انه يحسبن معاها ويودعها ف سره انه مش ماشى من هنا ولا متزحزح غير لما اللى قتلوه ..يمشوا
بصتلهم وقالت
ربنا ينصركم
ربنا ينصركم

ومطلبتش حاجة تانى
ست بسيطة وغلبانة وحبة عينها
راح غدر
امبارح اقتكرتها هيا وكل امهات واهالى الشهداء وام خالد سعيد وكل حد ماتله عزيز وغالى ..ومن غير تمن

لما شوفت التحية العسكرية
قلبى اترج
مش ممكن
اول مرة اشوف التحية العسكرية بالجلال والمهابة دى
مهما اتكرر واتعاد المشهد

الأمهات دلوقتى هيناموا وحق ولادهم اتاخد ولو جزء منه
ولو جزء منه

والحمدلله

الحمدلله

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

Mano
----

يا رب يا مانو
منحرمشى منك ابدا
انا بكلم يوسف الأيام دى
والحمدلله
بس ملحقتش اقول
:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

حازم شلبى
--------

الله يبارك فيك يا عصفور

انا عارفة الطيور المهاجرة
كان حالها حال ونفسهم يكونوا معانا
بس الشعب هنا سداد
ورجالته وبناته ولا أجدع

ان شاء الله
المرة الجاية اللى هتنزل فيها مصر
هتكون شكل تانى
ولا المنوفية يا عم
دنتوا ربنا زاح عنكو يا شيخ
:)


كلامك صح يا حازم
دم الشهدا كان فيه سحر
ما أن يسيل
حتى يستنطق القلوب
حتى المتحجر منها

الواحد كان فاكر ان خلاص
مبقيناش بنحس ببعض ولا فيه نخوة
لكن لأ
المصرى برضو فيه الخير
وهوه خير اجناد الأرض
بس المعارك تبدأ
فتظهر المعادن


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

ابراهيم رزق
-----------

الله يبارك ف عمرك يا ابراهيم
وربنا يخلى ايام عيالنا احلى
بقولها دلوقتى وانا مش عندى امل بس
لأ
عندى ثقة
ف الشباب والأحوال اللى فاجئتنى وفاجئت العالم كله ...

المرة الجاية اللى هنعمل فيها لقاء تدوينى عادم ..لازم تيجى
انا نفسى نتعرف كلنا عليك
الأيام الحلوة دى عرفتنا على ناس جميلة والواحد اتشرف بيهم بجد

:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

شمس النهار
---------


الله يبارك فيكى يا شموستى
انتى من الناس اللى ربنا كان منور بصيرتهم من اول لحظة
وازاى ميحصلش كدا وانتى شمس النهار وشموسة الشموسات ؟!!!

انا بحبكو قوى يا شمس
وفرحانة بيكو
و بحب المنا كلنا سوا
ف المناسبات والأيام الحلوة
فما بالك بالايام التاريخية دى
اللى الواحد هيرجع يدور عليها تانى وتالت وعاشر عشان يقراها ويفتخر


من شوية كنت بسمع حسب الله الكفرواى ف تلفزيون الحياة ..ودمه زى العسل
بيقول عاوز يبتدع عقوبة ف القانون اسمها
الرمى بالجزم
افتكرت قبقابك المصحوب بهمسة العتاب
وقولت الرمى بالقباقيب ..اوجع ويجيب ارتجاج ويخلص الليلة علطوووووول
إيه رأيك ؟

:)
ربنا يخليكى لينا

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

sal
---

يخليك ليا يا ســـال
يا غــــال

كان قلبك حاسس
وعارف
وواثق
وشايف

والحمدلله

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

جنى
---

وعليكم السلام يا سعيد

صباح الكرامة

صباح الفرحة

صباح ورد الجناين احياء وشهداء


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

Doba
----


انتى كمان يا دوبى
ومتهيألى الدنيا تروق بس شوية
وهنعمل اللقاء دا اكيد

ومتهيألى القلق من بكرة خلاص
مبقاش مسيطر ع المشهد
المسيطر الآن التفاؤل والأمل
والإحساس ان الواحد له قيمة ودور وصوت
و بكرة هيبقى افضل ..
او ع الأقل مش هيبقى زى ما كان

بوسيلى القمرين يسوفة وعمورى
مش انا بكلم يوسف ؟
آه والنبى
لما اتصلت اطمن عليه
اكتشفت ان عنده موبايل
طب متكلمتش ليه يا يوسف وادتنى النمرة ..
المهم حصل خير
وربنا يسهل ويفضل خط الإتصال موجود
ربنا كريييييم قوى

سلامى ليحيى الغالى
والف بوسة وحضونة ليكى وللعيال

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

الأزهــــرى
----------


يا زيزو الاول ولا الألف
المهم انك هنا يا فندم

وإيه بقى يا خويا ؟!!!
لازم نقوملك ثورة ف البلد عشان نشوف وشط وترجع للتدوين تانى ؟!!!
طب اد الثورة قامت وملكش حجة
خلاص الدنيا اتغيرت
ولصالح الشعب ان شاء الله
والشعب بشقيه
الرجالة والجمعية
هتروحوا مننا فييييييييين ؟!!
بركة انك بخير
ومتغبش يا زيزووووو على اخواتك


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

الطائر الحزين
------------

الحمدلله يا إيهاب
ربنا كريم
واراد يجبر بخاطر الكل
حتى اللى مكنش فاهم او عارف
ربنا كرمنا جميعاً
وكرم البلد دى اللى تعبت معانا قوى

الف حمد وشكر

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

UmmOmar
-------

الف شكر ليكى
ولكل أهل الاردن الطيب

وعقبال كل بلد عربى شقيق الظلم مقيد حريته ...
ربنا ينصر كل اخواتنا يا رب

انا بفرح قوى بيكو وبتعليقاتكم
بحس اننا واحد بجد
انا عاجزة عن الشكر

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

مبروووووووووووووووووووووووك لكل المصريين
اخيرا شوفنا الحرية وحاسينا بيها
ربنا يرحم شهدائنا كلهم دول اخواتنا واهالينا
تعرفى يافاتيما والله انا ما بعرف ازغرط ولا جربت حتى اتعلمها قبل كدا
بس اول ما سمعت الخبر فى التلفزيون طلعت الزغروطه منى مش عارفه ازاى وفضلت اعيط بعد ما شوفت الناس قد ايه فرحانه عندنا وفى التلفزيون اخير ربنا كرمنا
انا بس عاوزاه اقول لناس اللى صعبان عليه الرئيس السابق لمصر وزعلانين عليه يزعلوا محدش هيقولهم حاجه بس كمان يسيبوا الناس تفرح بنجاح ثورتنا ثورة المصريين نفرح وكمان الشهداء فى الجنه يفرحوا مش يقولوا دول بيشمتوا دى مش شماته فى حد
دى سعاده عشان اخيرا الغمه اتشالت عن البلد وبقى فيها حياااااااااااااه
يااااااااارب الايام الجايه تبقى كلها خير وسعاده لكل المصريين وترجع بلدنا حلوه وجميله زى زماااان
مع انها كانت جميله اووووى بس هما اللى كانوا مخلينها فى عنينا وحشه ومغميين عنينا بس دلوقتى احنا فتحنا وشوفنا النور بس طلع نور جميل اووووى يافاتيما ياريتها حصلت من زمااان
ربنا ينعم علينا الحريه والسعاده
تحياتى ليكى يااحلى اخت
اسمحيلى اعتبرك اختى
صفا حسن

мαησηα
------

كل حاجة يا منونا بقى ليها معنى وطعم تانى
العلم
العلم ف ميدان التحرير كان شكله مختلف والوانه كأنها الوان اخترعوها لسه ومحدش استخدمها قبل كدا
منظرها وهيا بترفرف كدا ..
منظر لا يوصف بكلمات تناسبه
مش ممكن

كل حاجة بتتخلق من جديد
وطبيعى نشوفها بشكل مختلف
وتبقى أغلى لأنها اتولدت على ايدينا
وخايفين عليها خوفنا على روحنا

انا عارفة ان الكل كان عاوز يسال
وقال بلاش
مش انتى بس على فكرة
الكل كان بيتعامل مع الحكاية دى وكأنها قلبى ازاز وهينكسر لو السؤال خرج وعدى جنبه .زممكن يتهز وينكسر
ربنا يخليكوا لينا ومنحرمش منكو ابداااا يا رب

:)

انا كنت عاوزة اقول من بدرى بس انشغلت بالحدث الأهم عندنا كلنا
والحمدلله ربنا جبر بخاطرنا

انا كمان بحبك يا منونتى يا قمورتى
يا قلب الملايكة إنتى

:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

ستيتة حسب الله الحمش
-----------------

يا ستوتىىىىىىىى
يا ست السوتيتات كلهن يا غالية

دا عياط الفخر والفرحة يا حبيبتى
مش قادرة كل مرة محسش بالسعادة و احط نفسى مكان الامهات اللى بيشوفوا المشهد ويحسوا ازاى اترد لولادهم ولو جزء من الكرامة والمعاملة التى يجب ان يعامل بيها اسمهم او ذكرهم
ولسه
ربنا يقدر البلد وتردلهم بعض الجميل
التحية العسكرية دى دخلت التاريخ
وارسال اسم سالى زهران للمريخ على مكوك ..
والنصب التذكارى المزمع انشائه
وان شاء الله اساميهم تزين اجمل شوارع ف مصر
و مكانهم ف قلوبنا
الغنوة اللى إتعملتلهم مش لاقية ليها وصف ..حاجة تقطع القلب
بس تليق بيهم

ربنا يحفظ هذا البلد
طول ما فيه ولاد بالشكل دا
حطوا روحهم على كفوفهم
وولاد زى كل اللى نزل من اول يوم ف عز الضرب والموت والرعب والأتهامات بالتخوين الحقيرة ...

وهرد عندك اكيد يا ست السوتيتات
ومنحرمشى منك ولا من تعليقاتك
يا رب

بوسيلى عفرتو مانوسة النوسة كونوسة
وحضنيلى روحك


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

كلمات من نور
-------------

الله يبارك فيكى يا كلمات
ربنا كبير يا حبيبتى
ومصر مش ام الدنيا بس
دى ام الدنيا والكون


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

MR.PRESIDENT
------------


الله يبارك فيك يا بسام

بص بقى
انا كنت زعلانة منك
بس مكنتش ملاحقى ابعتلك ايميل عشان ايميلى ملخفن وعامل حركات مش لطيفة معايا ومعرفش فيه ايه

بس كنت زعلانة منك عشان تدويناتك كنت قاسى فيها على نفسك قوى وبشكل رهيب
وكنت عاوزة ابعت اقولك متعملش كدا ف نفسك ويكفى ايمانك ويقينك ودا مش شوية والله ..
وتشجيعك لأخواتك حاجة مش بسيطة
آخرين اتغلوشت بصيرتهم ومقدروش حتى يقوموا بالدور دا ..وكانوا عاوزين اللى ياخد بإيدهم ...
والحمدلله عدت مش بس على خير
على ألف خير يا غالى

آن لنا أن نفرح ونبتهج ونفخر
ونبص لقدام

الحمدلله


الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

dodda
-----

يا حبيبة فاتيمااااااااااا


شوفت مصر ظ

شوفتها بقلبى يا دودا
شوفتها زى انتى ما شوفتيها
وكل حد حاببها
شافها
عروسة زى القمر
منورة والكل عينه عليها
بيحسد شعبها ع الفرحة
وبيقول يا بختكو ببعض

دلوقتى نقدر نطمن على مليكة ويوسف وشريف وكل العيااااال

طلب بسيط بقى
ف وسط الفرح الحلو داااااا
إنك
تبوسيلى روحك واحضنيلى الملاك بتاعتك
حضونات وبسابيس كتير

:)



الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

صفا حسن
--------

يا لهوى يا صفا

هناك خطئين تاريخين دلوقتى ف تعليقك

1- جملة (إسمحيلى اعتبرك اختى ) دى اللى غريبة قوى قوى وطبعا اسمحلك من غير ما تسألى وأتشرف
2- هوه لسه فيه حد ف العالم لسه صعبان عليه الرئيس ؟!!! ... بتهرجى ؟
دا الخطاب الاخير بتاعه خلى اللى بيحبه ..يدعى عليه من قلب ام ...يا لهوى

:)

اما باقى الكلام فموافقاكى جدااااا
مصر جميلة طول عمرها
بس المرض والوهن والأفترا
الظلم والفساد والف حاجة
خلتها تتبهدل قوى
الحمدلله فاقت
وبقت زى الفل

وزين الشباب(الشعب )
بيمد ايده خلاص عشان ينول ست البنات ..ويعوض صبرها وصبره خير



الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

مبروك يا حبيبتي مبروك علينا كلنا يارب تتمها بخير باذن الله اللي حصل لك فضل حصلي لحد الساعة 10الصبح لحد ما حطيت راسي على المخدة محاولة علشان اتوقف قليلا تحية من قلبي للشهداء يارب ربنا ينور قبورهم ويفرحهم زي ما فرحونا مساءك حريةةةةةةةةةاحبك في الله

مبروك لمصر يا أم يوسف

ان رأيتى أن هذا البوست يستحق شرف الانضمام الى قائمة البوستات الصديقة
أكن لكى من الشاكرين

http://mayhemesh.blogspot.com/2011/02/blog-post_12.html

عاشــــــ النقاب ـقــــة"نونو"
------------------------------

دا فعل الأدرنالين يا نونو
خلانا لا عارفين ننام ولا نصحى
والحماسة واخدانا
والفرحة
وشوية خوف وقلق
ودا كله طبيعى

انا كمان بحبك يا حبيبتى
والله قوى



الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

ما يهمش
-------

الله يبارك فيك يافندم
وقايمة البوستات الصديقة تتشرف بإنضمامك ليها ...
ربنا يجمعنا ف الخير دايما

:)

الف مبروووووك
وزى ما قال عــادل
البلد دى فيها حكومة
الله ..الوطـــن .. الشعـــب

مساء الحرية علي قلب دعم الحريه بحب طول الطريق .. مساء الحريه عليكم كلكم هنا في بيت العيله عند فاتيما .. فرحان بيكوا اوي و مش قادر غير اني اقدملكم بوكيه ورد بحب
بقدمها لارواح الشهدا الابرار و بقدمها ليكوا يا مصريين يا ورد مصر الحلوين

مبرووك لمصر يا فاتيما..مبروك يا مصر..اسكندرية كانت وحشاني وولادي كانوا وحشيني..بس ميدان التحرير وحشني قوي قوي

الحمد لله
الف مليون مبروك
الحمد لله هنعيش في حرية
المجد للشهداء
الحرية للمصريين
العزة لمصر وشعبها

أكتر حاجة فعلا أثرت فيا التحية للشهداء...

فاتيمااااااااااااااااااا

مبروك مبروك مبروك
الف مليار زليون مبروك علينا كلنا
حريتنا وكرامتنا ومصرنا

معلش جايه متأخر انا جداً بس شكلي بهت عليكي البوست مش طالع في الريدر عندي الا تحت خالص واسمه حاجه تانيه مش عارفه ليه

مع اني نزلت بوست عـ طول في نفس اليوم

بس برضه الاحتفال ما يبقاش احتفال غير اما اقولك مبروك انتي مخصوص

عشان انتي كنتي روح الامل لينا كلنا

ودايما تصبرينا وتقولي هانت وهننتصر واحنا الصح وتحاولي توضحي الصورة لكل الناس اللي الصورة كانت ملغوشه عليهم شوية

انتي " الأمـــــــــل " يا فاتيما

يارب عقبال فرحتك برجوع يوسف لحضنك
اتبسطت قوي قوي انك بقيتي بتكلميه كل فترة وفترة

هانت يا طمطم اهو
وقرب قوي يرجع لحضنك ان شاء الله

ربنا يفرح قلبك بيه يارب
ويصبرك ويربط على قلبك


انتصرنا بفضل الله

عدد لا نهائي من " مبرووووووووووووك "

تعرفي ليه كنتي بتعيطي
عشان اتهزيتي من جواكي
لما احلامك شوفتيها بتتحقق
انا اتهزيت اوي لما شوفت الناس في التحرير فعلا

لقيتني بدمع لوحدي
بس معيطتش فضلت اهتف اوي معاهم عشان معيطش :)

بحب مشاعرك وتعبيراتك..حقيقي

دمتِ رائعة كما انتِ

انتى بتقفليها فى وشى؟؟؟
طيب اعمل ايه؟
نفسى اشوفك

مبروك ليكى ولمصر وتحيه

لشهدا الثوره

ومبروك علينا الكرامه والعزه والفخر

فاتيما الغاليه

لا أنا عيطت بقى (:

و دمعت لما سمعت الأغنية دى

لأنى بحبها جدا اساسا فى فيلم العمر لحظة

كنت بدمع و أنا بسمعها فى الفيلم كل مرة

ما بالك بقى لما يكون دة مع اللى بيحصل (:

مبروووك عالينا كُلنا

و ياااااارب ياااارب

يكون معانا فى اللى جى لأنه مش أقل من اللى كان أن مكنش كمان أصعب

ربنا معاكى دايماً

Montana Master Of Love
----------------------


ازيك يا مونتاناااااااااااا

يا جدع انتا حظك معايا دايما ملخفن كدا
وكل تعليقاتك مبلحقش ارد عليها لأسباب تتعلق بالوطن غالبا ..
:)

انا عايزة اقولك ميرسى جدااااا
على اهتمامك
وتعليقاتك الطيبة
وع التصييت الحلو ف مدونتك لأختك الغلبانة ..منحرمشى يا فندم


ومش عاوزة بوكيه ورد انا
اعصرهولى ونعمله مربى افيد
:)

بهزر بهزر


ربنا يفرح قلوبنا كلنا يا مونتانا
وينصر مصر يا رب

الف شكر ليك
وخلى بالك من نفسك

dahlia...
---------

ازيك يا أغلى الناس ؟

وحشك التحرير ؟!!
ومين سمعك
المديان دا بقى فعلا قبلة وتهوى اليه الافئدة

عارفة ؟
كان معايا شخصية غالية عندى
اول مرة روحنا
لما شافت الناس واقفة تستعد لصلاة العصر ..استغربت وبصتلى وقالت
هوه ينفع الصلاة هنا كدا ؟!!
قولتلها
طبعااااااااا
ينفع ونص
الميدان زى ارض المعركة
ينفع جندى يسيب موقعه ؟
ومينفعاش برضو ميصليش ..
يبقى ربنا يتقبل منه
والأسفلت دا ..اتروى بدم الملايكة اللى ماتوا او اتظاهروا وانصابوا من اول يوم ...
يبقى ينفع ونص
ولو طلعلولى الف فتوى بالعكس
ولا تفرق معايا
ربنا ربنا قلوب وعارف ومطلع

الف مبروك علينا كلنا يا داليا
ربنا يكرمنى وآجيلكم السبت الجاى
واشوفك
واخد حضن ..شكل تانى
غير كل مرة

بوسيلى العيال

مش انا بكلم يوسف ؟
آه والنبى

ابقى احكيلك بقى لما اشوفك

بحبك
يا نور ف قلبى يا داليا

Haytham Alsayes
---------------


الف حمد وشكر يا هيثم

المجد للشهداء

الجملة دى عبقرية

تعرف؟

واحد زميلى ف الشغل
سالى زهران تبقى قريبته من بعيد

لما لقانى حاطة صورتها وصورة الشهدا اللى نشرها المصرى اليوم تحت ازاز المكتب ...
مش عارفة اقولك نظرة عينه كانت عاملة ازاى

ساعتها قالى
دى قريبتى

قولتله
يا بختك

ملقتش كلمة اسرع على لسانى
من كلمة يا بختك

قولتله آن لكم ان تفخروا بيها
وانتوا عارفين ان ملايين بيدعولها ومطوقين فى اعناقهم بجميلها


المجد فعلا للشهداء

ربنا ينصر مصر يا هيثم

وان شاء الله اقدر اشوفك
ف لقاء المدونين الجاى
ف اسكندرية الماريا

:)

ELMOSTAFEZ
-----------

دى حقيقة يا حسنى

كلنا اسرنا بهذه اللفتة

بس المهم ما بعدها بقى
هيأكلونا الاونطة بالحركات العاتيفية دى
ولا هيكملوا حركات جدعنة للآخر

دا المهم

كــركــبــة دمـــاغ ㋡
----------------------

الله يبارك فيكى يا كراكيب قلبى

يا لهوى كان واحشنى قوووووووووى
اسمك وجنبه الوش ابو الإبتسامة الحلوة دى
بجد

الحمدلله يا حبيبتى

وانا املى جه من ثقتى فى ان الناس بتطلب حاحة صح ومن حقها
وكمان الناس دى مين
دول انضف ناس وشايلين روحهم على كفوفهم وكل ما يتعرضوا لظلم وبطش ينزلوا تانى وتالت ..
يبقى اكيد ربنا هينصرهم
كنا دايما نقول ..
ان الله لا يغير ما بقوم ..
كان حلم التغيير موجود على كل لسان وفى كل قلب ..
كان فاضل نتحرك
وادينا اتحركنا
يبقى لازم لو مقدرناش ننزل معاهم
يبقى على اضعف الأيمان نشجعهم او ندعيلهم او حتى نسكت ومنحبطهموش


انتى حبيبتى يا كراكيب قلبى
الف مليااااااااار مبروك

لأ
الف 70 مليار
:)

طالبة مقهورة ..درجة اولى
-----------------------

ازيك يا قمممممممر

مش نبطل نبقى مقهورة بقى ؟
ولا لسه شوية ؟؟!!

طييييب

انا مبسوطة انى شوفتك
ف الأيام الطيبة دى
والواحد بصراحة بقى يهتف ويغنى ويعيط ف نفس الوقت متعرفيش ازاى ...

بس بجد
اللى مرحش التحرير ..
فاته كتييييير
الف مبروك يا حبيبتى

عاشقة الرومانسية
----------------

لأ يا دودو
ان شاء الله هتنفتح

هانى قرر يعمل حركة جدعنة
ويبقى الراعى الرسمى لسفرى اسكندرية
انا حجزت الدبابة اللى طالعة وراه ف صورة البروفايل عشان اغزو بيها الطريق الصحراوى وادخل على اسنة الرماح

:)

بس دنجل دا بتاع سمك ..صح؟
واللى ملوش ف السمك ..يعمل ايه؟
عشان ابقى اجيب اكلى معايا بقى


ان شاء الله اشوفك
على ألف خير
يوم السبت يا قطتى

بوسات وحضونات
وانتصارات عظيمات
يا عروسة البحور

ثورة الغضب
----------

الله يبارك فيكى يا صباصيبو

المجد للشهداء
والعزة لمصر
يا رب

:)

Ramy
-----

اختك كمان انفقلت ف العياط لما سمعتها يا رامى
ومبقتش عارفة اسكت نفسى

الغنوة اللى شغالة دلوقتى كمان بتاعة انغام حلوة قوى
مركزة ورسالتها واضحة
وفيها تقدير لمن اهينوا بغير وجه حق
ولسه بيهانوا للأسف

الجاى اصعب فعلا وانتا عندك حق
بس يا رب الكل يصحصح ومنرجعش نرخى تانى ونسيبها نهيبة

ربنا معانا جميعا
ويحفظ هذا البلد لنا يا ر ر

:)

يعني انتي كنتي من الثوار اللي دافعوا عني وعن ولادي وعن كل اخواتي المصريين

ألف ألف ألف شكر ليكي ولكل الثوار

وألف الف مبروك

مبروك لمصر

هو فى لبس صغير بس حبيت اوضحه :D
بوست (حمد الله ع السلامة) ده كتبته "ريرى" خطيبته فى مدونتها وانتى نزلتيه باسمى انا
بالمناسبة انتى حاطة مدونتها عندك مرتين .. مرة فى مدونات المؤنث السالك ومرة فى مدونات المذكر السالم :D
----

انا عملت (عاشت مصر حرة مستقلة) و(انا بحبك يا بلادى) .. مجرد تعليق واقتباس لاغنية
انما كلامى عن الثورة مش هاينفع يبقى فى مجرد بوست فعملتله مدونة كاملة
زورى اللينك ده لو عندك وقت :)
http://theegyptianrevolution2011.blogspot.com/

إرسال تعليق