.

.

حــــلـــم لـيلــة شتـــا  

Posted by: فاتيما in





الاول 
اتمسوا بالخير 
وازيكم ازيكم 
يللى احنا كنا عندكم


ثانيا
وبادىء ذى بدء
المثل بيقول

يا بلوج يا شورير ..كفاية قرارير
وقرارير فى عبفتاح الصحاح 
هى جمع تكسير للفظة : قراية
و هذوها مقدمة و استهلال لابد منه 
عشان العين اللى علينا  نازلة نق
و مش هقول مين بقى  !



بس بجد يا جماعة 
اليوم كان حلو جداااااااااااا
ومن كتر فرحته وتفاصيله الكتير الممتعة
انا عندى حالة تشبع كدا 
حقيقى مش لاقية كلام 
و لو إبتديت حكى ورغى 
هلاقينى بكتبلكم 
بوست 496696698 ولاحاجة



ونظرا لأن الفرحة اكبر من كل الحروف
فهكتفى اقولكم ان
الصحبة ف السفر كانت رائعة جدا
والمشوار كان متيسر رايح جاى  جدا
اهل اسكندرية والمحافظات الأخرى 
اللى عارفينهم مسبقاً و كمان الجداد
كانوا غاية ف الضيافة جدا 
والمحبة جدا 
وإتدلعنا على حسهم جدا
وضحكنا من قلبنا جدا 
وفرحنا جدا 
واكلنا ما يغطى نصيب الفرد 
من الثروة السمكية لسنتين قدام
و اصل اسكندرية دى حكاية 
ف اهلها وجوها وحبها 
اسكندرية ف الشتا جنة
دفا وسقعة
اهلها يضموك متبقاش عاوز تسيبهم
شوارعها تحضنك و تحسسك انك من اهلها 
بيوتها وناسها واكلها وريحة بحرها 
كل حاجة .. توحشك من قبل ما تسيبها
الشتا ف اسكندرية جنة
مطرح وسكن .. مش عاوز تفارقه 
و حلم متبقاش .. عاوز تصحى منه 
والنهاردة كان يوم كدا
حلم ليلة شتا 


اليوم ختم بخبر مفرح و هو العفو 
عن الرائد أحمد شومان 
وبهذه الموناسبة العظيمة ف اليوم
المفترج دا عاوزة اقول حاجة
طيييييب 
الله طب يا جماعة لما انتوا حلوين كدا 
وبتستجيبوا لنوداءات الشيعب الطيب 
طب ما تدوسوا بنزين ف باقى المطالب
وتفرجوا عن المعتقلين فرجها الله عليكم
وتخلصونا من باقى الوشوش العكرة
اللى جايبلنا استبحس وشلل اطفال
وانتفوريا النسا ليلاتى دول
ويبقى كتر خيركو  بزيادة وكسبتوا ثواب
ف تمانين مليون مواتشن



ملحوظة بقى من قلب الميدان
التحرير امبارح وقت صلاة الجمعة 
كان شكله وجوه .. مهيب و رائع 
و فيه احساس حقيقى .. لا يوصف 
ولو ربع اعداد الناس دى
جت الجمعة الجاية 
يبقى عظيم وهايل وكفاية قوى 
فمحدش ارجوكم ينتابه أى يأس او خوف 
ان شاء الله .... خـــير 
وربنا يكتب لهذا البلد 
كل خير يا رب ...  قولوا آمين 


آه 
اللقاء التدوينى الجاى إن شاء ربنا 
هيكون التبرع الخيخى للدم
على اوائل شهر مارس
واستعدوا يا جماعة التدوين 



ملحوظة كمااااان
الاخوة العرب .. ربنا ياخد بيدهم 
البحرين والجزاير واليمن وليبيا 
و خسوساً ليبيا دى ..
الا العكيد تحديداااااااا
له معيز كتييييير .. ف مراعى قلبنا
ومحدش ينكر انه بقاله 40 عامااااا
مسلينا ومدلعنا ومهنينا 
ويا ريت والنبى الشعب الليبى الشكيك 
يستنى عليه شوية 
و يدوله فرصة يفقعنا خطبة ف جنابنا 
عشان مشينا الريس بتاعنا ف ليلة غدر
وقلينا بأصلنا معاه زى التوانسة
ما عملوا مع زين الهاربين
 

و انشالله يا رب 
زى ما كان عندنا رئيس مقتول(السادات)
و بقى فيه ريس متنحى  (مبارك)
وفى قول آخر (متخلى)
و ريس مخلوع (تونس)
و عقبال ما يكون فيه ملك معزول (الأردن)
و ملك متزحزح (السعودية)
و ريس مستقيل (سوريا )
و ريس هربان (اليمن)
و ريس مسجون (السودان)
و ريس منتحر (ليبيا)
و ريس مدبوح (الجزاير) 
وعلى كل لون يا رياسة ويا وطننا العربى
وادينى ف الثورات وانا احبك يا وطنطن



انا فرحانة قوى الليلة دى يا عيال 
وقلبى منشبرح
ولهذا بيان عسكرى فاتيمى 
رقم (1) 
استتقتال تام من الجميع لحضور
اللقاءات التدوينية القادمة .. ان شاء الله 
وبيان عسكرى فاتيمى 
رقم (2) 
نظراً لأن الثورة كان صوتها اعلى
من كل شىء  آخر
ونظرا للظروف الحرجة التى تمر بها مصر 
وتحقيقاً للمسئولية التاريخية 
الملقاة على عاتقى التدوينى 
والتى تقتضى إنى لازم انكد عليكو
والبوست الجاى عاتشفى حاد 
وانتوا اللى جبتوه لنفسيكو
هه



سلاااااااااام 
يا أحلى صحبة وناس وعالم 
يوه نسيت اقول 
بحبكوووووووو يا عيال


------------------------------------- 
تدوينات صديقة 
التجمع السكندرى .. ويكا - بيت المدونين
شوربة الزووووو والأسكندرانى..مارو قلب القطة
الزوووو ما بعد الثورة ..الحب الجميل
فى السريع كدا..هانى مصرى جدا نط فى الكوز
---------------------------------

أهل الموانى ناس 
ضى العيون وناس 
خلوك يا قلبى تعيش 
جوا قلوب تنباس

This entry was posted on السبت, فبراير 19, 2011 and is filed under . You can leave a response and follow any responses to this entry through the .

34 كــــلام بيطــبطـــب عـــلى قــــلبى و روحــــى

حمدلله على سلامتك يافاتيما ياست الكل :)

فاتيما
ازيك يا تيما يا حبيبتي

على فكره انا عيني في اللقاء ده
كده تاكلوا سمك لوحدكم
الي ياكل لوحده اكيد يشبع اوي
وكمان شوفتوا البحر
لألألأ كده كتييييييييييييير

ياااااااااااااابختكم

كان نفسي ابقى معاكم
للأسف كل مره انوي اكون في لقاء تدويني
يحصل حاجه تمنعني
المره دي ماما مسفره وسيباني في البيت لوحدي وموفقتش اسافر وهي مش موجوده
لو هتبقي موجوده يوم التبرع بالدم قوليلي قبلها يا فاتيما


بس الحمد لله انكم اتبسطتم ويارب دايما تتجمعوا على الحب والخير

وخبر العفو عن الرائد شومان ده احلى حاجه حصلت الواحد كان حاسس بذنب نحيت الراجل ده
كنت حاسه اننا ضيعنا مستقبله بس الحمد لله كتر خير الجيش


الي بفكر فيه جديا يا تيما دلوقتي اني اسافر ليبيا واشارك في المظاهرات الواحد خلاص بقى خبره
لأن الأخ الي اسمه القذافي ده
كل حاجه فيه خنقاني
شكله لبسه هبله وكلامه الي يدل على الغباء
ياصبرهم 40 سنه ده حسني بقى كان ارحم

يلا ربنا يزيح الغمه عنهم وينصرهم زي ما نصرنا
هما وكل الدول العربيه الحره

ازيك يا طمطم
طب إنتوا كلتوا سمك
طب ما أنا كلت سمك وأنا قاعد قدام حاسوبي حلوا حاسوبي دي .
المهم إن كل المدونين بخير
والمهم إنكوا اتبسطوا وانبساط ان شاء الله يرضي الله .
بالموناسيييييييبه المعلم سحس بيقول أنا ممضتش علي بيان التنحي .. ومن هزا المنزلق أقول إنه " مخلوع " " مخلوع " " مخلوع " يا ولدي .
والجيش لما وقف ضابط منه ورا المعلم سوسو قصدي سليمان عشان يتأكد إنه يقول الخطاب .. وكان الرجل لتهديده ..

وأحب أبارك للرائد شومان وزملائه اللي كانوا في الميدان . .. مع إن الجيش خالف .. بس كله عشان رضي عيون الشعب .. وأتمني من الشعب بقي يظهر حسن النية للجيش .. وأهوا كل جمعة نجمع كام مليون في التحرير .

شوفتي نسيت أمسي علي المعلم الكبير والريس الخطير الحاج يوسف أفندي .. بس مسيلي عليه قولي له عمك الواد بسام بيسلم عليك .

بخخخخخخخخخخخ

إحنا قضينا اليوم بقى فى مكان شرح وبرح
القصر العينى

أما بخصوص لقاء خيخة
فجارى دراسته

حمد الله ع السلامة

يا فاتيما (:

حقيقى زعلان لأبعد ما تتخيى انى مجتش لأن كانت أسهل مرة ممكن أجى فيها

لأنى كنت فى القاهرة بس بجد كُنت تعبلن فعلا

و انا ما بتعبش بالسهال (: بجد بأمانة
(:

بالرغم انى هكون يوم التبرع فى الأقصر بس هاجى علشان الناس وحشتنى جداً و كمان انا تقريباً مبعرفش اجى الأيام السهلة لازم اكون على سفر (:

ربنا يحمى مصر

تحياتى يا مامت يوسف (:
ربنا يفرح قلبك دايماً

انا بعت تعليق وصل و لا لأ

(:

يا رب يكون وصل

اتمسينا بالخير اهه وكله فل
عارفه فرحها لقلب دلوقتى بقت فى كل حاجه حقيقيه زى ما تقولى كدا اولاد التييييت كانوا كاتمين حتى على فرحتنا
وياسلام لو فعلا فى اسكندريه
ميدن التحرير بقى فعلا كان روعه انا كنت هناك وطلع عينى صحيح بس كنت مبسوط جدا جداورح كلها بتقول مصر
اما بقى العالم العرب احنا كل اللى نقدر نقوله ليهم كل واحد يجهز حاجه تسليه فى المكان اللى هيروحه عشان اصحابكم اللى راحوا بيقولوا ان الجو ممل اوى هناك

شط اسكندرية يا شط الهوى
رحنا اسكندرية رمانا الهوى
يا دنيا هتية وليالى رضية
احملها بعنيه شط اسكندرية
البحر و رياحه والفلك الغريب
يحملها جراحه و يرحل فى المغيب
يتمهل شوية و يتودع شوية
وتعانق الميه شط اسكندرية
ليالى مشيتك يا شط الغرام
وانا ان نسيتك ينسانى المنام
والشاهد عليا غنوة امارية
والنسمة البحرية و شط اسكندرية

تعرفى يا فاتيما انا كل شواطىء مصر رحتها بداية من جمصة وبلطيم و راس البر نهاية بالساحل الشمالى و مارينا ومطروح كمان شواطىء اليونان والاردن و لبنان ايام الصعلكة لما كنت طالب لم ارى فى حياتى اجمل من الاسكندرية المدينة الوحيدة الا ليها ذكريات و شجن وانا باغادرها بحس بالحزن ليها ليل مش موجود فى العالم كله مش عارف والله ايه سر اسكندرية حتى السر ده انتقل لاولادى رغم ان عمر اكبرهم سبع سنوات
ربنا يفرحك ويسعدك رحلة سعيدة و منورة يا فاتيما من غير فسفور و لا حاجة وانا ماسك الخشب اه ماسك رجل زياد
تحياتى

هههههههههههههههههههههههه

طب والعاصفه الترابيه نظامها أيه؟

نورتى يا تيما يا جميله واليوم كان بيكم كلكم جميل جداااااا وتتكرر ان شاء الله ومتجمعين دايما كدا يااااارب

مبسوطه والله كان يوم بجد حلو اوى وراجعه البيت مزقططه وقعدتكم الصراحه ميتشبعش منها خالص مااااالص

على فكرة انتى فيكى سحر على الاقل بالنسبه لى
وانتى فاهمه بقا
وش بيغمز
ههههههههههههههههههههههههههه

سلام يا قلبى انا

VOLtaa
------

الله يسلمك يا فولتاااااا

يا واد مجتش ليه ؟!!

هوه احنا مكتوبلنا منشوفش بعض كدا
يعنى معمولنا عمل على زعنفة سمكة تجوب المحيط الأطلنطى كدا ولا فيش فايدة ؟!!


عندنا تبرع بالدم الشهر الجاى
تعالى
هنديك يا واد مش هناخد منك

تعالى نشوفك

وعقبال ما اقولك انا روخرا
حمدلله ع السلامة

:)

من كل بستان زهرة
----------------

ازيك يا زهرة

بصى
التبرع بالدم يوم الجمعة 4 مارس
خلاص خيخة حددت التوقيت بالضبط
يلا رتبى روحك ومتنشغليش اليوم دا عشان تقصيه معانا من اوله لآخره

انا نفسى اشوفك قوى

:)

وليبيا ايه يا بنتى
مصر لسه ثورتها مخلصتش
خليكى هنا والشعب الليبى ان شاء الله كفيل بيه ..احنا ندعيلهم ربنا يثبتهم ويهد القوى وانش اء الله منصورين

بوسات وحضونات
حتى نلتقى وتاخديهم بذمة
:)

MR.PRESIDENT
------------

حلوة حاسوبى دى ؟!!

الا حلوة
دى حلوة جداااا

بلاش قر ونق مردودلكم ف يوم تتلموا فيه من ورايا وهقعد احكد حكد دفييين وانا حكدى ويحيش

الحمدلله اليوم كان حلو قوى

بس انتا جاى التبرع بالدم لأبطح روحى علييييك و انا مجنونة واعملها احنا ف اجواء ثورية واللى عاوز يطيح بيطيح ولا بيهمه ..
انا حذرتك اهو

هه

:)

موشكرين ع التماسى والصباحات وكل حاجة حلوة بتيجى منك يا اللى لقلبك نصيب كبييييير من اسمك

الأزهرى
--------

بخخخخخخخخخ
يامه

خوفت واتخرعت


ماشى يا عم يللى بتتفسحوا ف القصر العينى وتاخدوا عصير ..
ماشى ماشى

عموما دا لا يمنع انك جاااااااى ان شاء الله التبرع بتاع خيخة ..
ومتتبرعش يا عم
بس تعالى ناكف فينا ونستحملك وامرنا لله

وحشتنا بجد يا زيزو وهزعل لو مجتش
خلاص ثورة وثرنا
و مبارك ونحينا
نعملك ايه تانى
نضم السودان ؟!!

:)

Ramy
----

يا لهوى يا ر ر

يا بنى انتا مش بقولك شبههى وحظك مدوحوس زى حالاتى
ولهذا يؤسوفنى اقولك يا بنى ان المشواير لما تبقى سلسة كدا ..ممكن واحتمال متحصلش
لكن حظك ييجى ع المشواير الصعبة
بس ف نفس الوقت عاوزة اقولك
احنا بتوع الصعب برضو
وغالا لو الحكاية حصلت بسلالسة تستغرب وتسأل روحك ..إيد دا فين الضرب ؟!!
او تنتظره وانتا متوجس
عموما
ان شاء الله هتتوفق وتيجى

وسلامتك الف سلامة

تحياتى لملاكك الجميل

:)
ولقلبك الاجمل

MaNoO
-----

ازيك يا مانووووو

انا متهيألى مصر كلها كانت هناك
بس على دفعات

المنظر كان مفرح وادى الغرض
ان الكل يفهم برا وجوا
ان الألأف والملايين ممكن تنزل ف أى وقت
كل له اسبابه
فئوية ولا عامة
مظالم او تشجيع
للفرحة او الجدية
مش مهم
المهم الكل متفق على هدف واحد
يقول احنا الشعب
وبس

تعالى التبرع بالدم يا مانو
عاوزين نشوفك يا بنى


خلى بالك من نفسك ف كل الأحوال

:)

ابراهيم رزق
-----------


كنت هحط الغنوة يا إبراهيم
وبعدين افتكرت غنوة مدحت صالح وقولت انى حساها اكتر بكتير لأن اهل الموانى ناس ضى العيون وناس فعلاااا

اسكندرية ليها سحر عجيب
وانا بحبها بشكل خرافى
وكنت بقول امبارح للعيال
انى بكره الغربة جدا وبتعلق ببيتى والقاهرة وكل حياتى ..بس اسكندرية
هى المطرح الوحيد اللى ممكن اتخلى بسببها عن كل حاجة واروح اسكنها لآخر يوم فى عمرى

بجد

المرة الجاية تكون معانا

والتبرع بالدم الجاى
انتا جااااااااااى ..ماشى ؟

اشوفك على الف خير يا فندم

مصرى جدا
--------

لاااااااا
عاصفة ترابية ايه
دحنا كان معانا سواق بريمو برتبة طيار وصحيح كان مدحضح بس على ميييين ولا عاصفة الصحراء سخصياً تقدر عليه و تحوشه

و يا هانى
انتا من الاسباب الأساسية لسعادة اختك امبارح بجد ...

انا حسيت انى مسافرة
مع هانى اخويا كدا
وانتا محاوط علينا ومهتم بينا


وحيث كدا استغل الموكف
و اقولك

شوفلكم حل معايا
وجوزونى ف اسكندرية
وعاوزة اجيب بنوتة زى ردوينا
واتصرف بقى ..
انتا مش اخويا ؟
مليش دعوة
:)

وحاجة كمااااااان
النوبة الجاية عاوزاك
تشتريلى شومة م اللى شوفناهم ع الصحراوى دول ...
هعلق فيها شخاليل و شوية خرز وترتر عشان لما تعمل ارتجاج
تعمل مؤثرات صوتية واضحة
ف خلفية الكليب
اللى هينزل ع اليوتيوب
ماشى ؟


عقبال كل مرة يا غالى

:)

الحب الجميل
---------

انا كمان يا حبوبة

انتوا قعدتكم ميتشبعش منها ولولا حكاية الطريق والتراب والقصص دى كنا بيتنا حدااااكم

انا قتيلة اسكندرية
واهلها اللى ملهمش حل


القطط مشيت وراكى وانتى مروحة ولا الخمس خمسات بتاعتى جابت نتيجة ؟!!

:)

السحر متبادل يا ماما
ما خلاص عرفنا اللى فيها
الله يخربيت الحب واللى عاوز يحبه

:)

سلام اسكندرانى يا حب
يا جميييييييل
يا إسم على مسمى

محدثتك من عيون مغلقة ومش عارفة تقفل عدل
بمعنى اصح نص عين زي خط الصعيد
العجيب النهاردة تراب لما رئتي وجلدي وعيني وخياشيمي يا أختشي بتستجير
جاية اقول ميرسي انك نورتي موكب القاهريين وفرحتي قلب المدونين وقلتي لي أخبار قعدت ابتسم لها طول الليل
بحبببببببببك

ستيتة حسب الله الحمش
-----------------

سلامتك يا ست السوتيتات
الموكب التدوينى كان فى درته الكابيرة

انتى مشوفتيش الفرحة فى عيون كل الناس هناك ازاى بيكى ؟!

انتى كنتى الشمعة المنورة يا ستوتة
وانا كنت فرحانة بيكى قوى قوى

اليوم من اوله
المكالمة الموبايلية والصوت الرومنسيكى الفزيييييع
القهوة السعودى والتمر
الاخبار والكلام ع البلد بين الفواصل
الناس الحلوة ف اسكندرية
الوشوش الطيبة
المكالمات اللى جتلنا
الدلع اللى اتدلعناه
محمد وخروجه بألف سلامة
الزغروطة اللى رقعتها دودو والمطعم كله انشبرح وجامل معانا
الجو الحلو
و الأكل يا لهوى ع الأكل
الحمدلله
بس هيا قرفة اسكندرية دايما حلوة
وما بالك لما تبقى اسكندرية وستوتة معااااا
اوعى وشكككككككك


عقبال كل مرة يا ستوتى
ويا ليتكى تفكرينا ف التبرع بالدم
هتفرقى مع ناس كتيييير نفسهم يشوفوكى ف يوم حلو زى كدا

وتبقى فرصة تجيبى عفروتو
عشان احضنه واهريه بوس


ربنا يخليكى لينا يا ست السوتيتات
وعشت ذخرااا للتدوين

:)

ههههههههههههههه دى اللى كانت ناقصه القطط تجرى ورايا وانا كومان بخاف من القطط وماشيه ابعد عنهم الا ياكلوا البنطلون ويشدوا البلطو ههههههههههههههههههههه

والله يا فاتيما مش عايزة اقولك كل ما افتكر اافضل اضحك لوحدى
هههههههههههههههههههه

وطبعا لولا الخمس خمسات بتاعتك كان زمن القطط زفتنى هههههههههههههههههه
الا قوليلى يا اوختى مش البرفان دا برضو من اورفلام اصل ريحته عجبتنى موووووت
مبسوطه بيكم كتير واللى شرفونا من القاهرة انتى والدكتورة العثل ام دم شربات ستيته واستاذ هانى الف سلامة على صوبعينك ومنى ابو السعود وروشا عرابى وضياء وخالد اللى هرب مننا من نص التجمع
وباقى الناس السكرة
والبقيه تاتى فى البوست اللى هيتكتب ان شاء الله

بحبك يا ام ابتسامه تشفى الجروح

اولا يافاتيما تدويناتك وحشتنا بجد

ثانيا على فكره التجمع المليوني الجاي هيبقى الثلاثاء وليس الجمعه في ميدان التحرير

ثالثا حمدلله على السلامه ولوانها كان لازم تبقى اولا بس معلش خليكي انتي الكبيره

ولسه الثوره مستمره يافاتيما لحد مايمشي باقي النظام

تحياتي

ربنا ما يحرمنى من حنيتك يابطه
(;
اكيد فهمانى من غير ما افسر

وجودكم اسعدنى جداااااااااا
من يوم ما عرفتكوا وانا نفسى اجتمع معاكى انتى وستيته فى مكان واحد والحمد لله امبارح كنت ماشيه وفاتيما على يمينى وستيته على شمالى ايشى خياال ياناس
(:

كل واحد تعب نفسه وجالنا من القاهره علشان بشوفنا ويقعد معانا له الفضل فى فرحه امبارح
ولو قلت ان وجودكم انتى وستيته وبابا هانى اسعدنى مش هاكون بابالغ ابدا لو قلت انكم كفاااايا
وانا سخسيا اليوم انتهى معايا بخبر شخصى مبهج جدااااا

وعلى فكره بالنوسبه لموضوع الزغروته فدى اقل حاجه عندى يااوختشى
انا لما باتفتح مش باتسد
(:
تقوليش مولوده فى مولد يااوختشى




بحبك ياقلب البحر
عقبال كل مره وانتى وسطنا

أمممممم الفتره الجايه مزحومه فى كل حاجه يافاتيما بس هحاول والله انزل القاهره يوميها ربنا يسهل انا كمان نفسى احضر اى لقاء تدوينى عموما

السلام عليكم

يا مساء الانوار يا ست الكل ..

وبصبح وبمسي على الثوار الاحرار .. بالعزة والحرية والكرامة ..

والقادم اجمل واحلى ان شاء الله ..

النتيجة فى ليبيا ال حتكون اسرع مما هو متصور
وحيكون فيه رقم قياسى
وريكورد جديد فى عدد الايام

حضرى الشربات يا ام الخير

الحب الجميل
----------

مالك ومال القطط يا ست ؟!!

ريحتك مش سمك وجمبرى ولا هما بيفتروا عليكى ؟!!!


عمومااااا نقول المعلومة تانى

البرفان من عند
avon
و اسمه يا ستى
tasha


بوسات وحضونااااااااات قد موج بحركم

:)

ماجد العياطى
-------------

يا ماجد يا رافع معنوياتى
انشالله منحرم منك ابدا

انتوا كمان وحشنى الكلام معاكو والتنكيد عليكو برضو ...
وش عامل برىء

أيوه اصل انا اعز النكد زى عنيا

ان شاء الله ثورة ثورة حتى النصر
وربنا يكرم مصر

تحياتى انا اكتر
ومفيش مرة تقول انا جاى لوقاء تدوينى كدا وتفرحنا ؟!!!

عندنا لقاء يوم 4 مارس
فكر كدا وقولى ..

سلام

عاشقة الرومانسية
----------------


يا دودووووووووووو

1
انتى كنتى زى القمممممممر
ووشك منور عن كل مرة
وستوتة وهانى اكيد السبب
انا يختى باجى كل مرة .. عاتى يعنى

2
اخباراتك كلها حلوة زيك
وربنا يسعدك ويسعد صاحبة الخبر الحلو

3
ميرسى ع الزغروطة
بجد انتى ابهجتينى انا سخصياااااا
واما ربنا يفتحها عليا واجيب نوبايل عدل هبقى اسجل زغروطتك دى واشغلها ف كل مناسبة ...
عشان صوتك بس واللوز اللى إتشالت
:)

4
بحبك انا اكتر وبموت فى جدعنتك ورقتك ودلعك ليا يا عروسة البحور


5
بوسات وحضونااااااات
ياقطتى الحلوة

MaNoO
-----

ماشى يا مانوووو
ربنا يسرلك الحال
وتقدر تيجى

بس حاول بذمة يعنى
:)

جنى
---

وعليكم السلام يا جنى ى ى ى ى

يا مساء وصباح الورد يا فندم
وان شاء الله مصر محروسة
ومؤيدة بنصر الله

يا رب

ليك وحشة يا سعيد
متغبش كتير

:)

sal
---


يا رب يا سال
حد يكره

حتى نهر الدم يوقف
وتحقن دماء الأحرار


ربنا يخسف بيه
وشعب ليبيا يطهر بلاده منه
ومن الموكوس ابنه

انا عايزة اسأل سؤال والنبى

هوه كل اولاد الروساء عندهم استبحس كدا ليه ؟؟؟
مع انهم بياكلوا كويس ويتعلموا كويس ومروقين يعنى ومعندهموش مشاكل ؟!!

دى جينات العته الأبوى ولا إيه؟!!

مش فاهمة

ربنا ينصر كل مظلوم
ويرد كيد كل ظالم

منورنى يا سال
يا غااااااال

إرسال تعليق