.

.

ســـاكـــت الـــدهـــر .... إعــادة نـشـــر  

Posted by: فاتيما in






الســـكوت .. اوقات بيكون
 رد فعل طبيعى جــــداً .. لذهولك
مما يحدث ليك أو حواليك 
ولم تكــن تتــوقعه



الســـكــوت .. ساعات يكون
احتجـــاج على ظـــلم شــديد
ومش نافع تصـده و لا حتى قـادر تقول 
انك رافضـــه ... يستمـــر





السـكــوت .. مرات يبقى
محاولة عبيـــطة لحفـــظ ما يمكن
أن يتبقى من مــاء الوجــه والقلـــب





الســـكــوت 
خـــوف من ردود أفعـــال الآخــرين
السلــبية تجاهـــك
لو انك مليّت وبالشكــوى  .. نطقــت
  



الســـكــوت  .. بيحصل لما
 ينتابك اليـــأس من حدوث أى تغيير 
او تحقيق حــــلم ف يــوم ... إتمنيته





الســـكــوت  .. أوقات بيكون
آخـــر الحــــلول
و مفيش قصـــادك غـيره
و مضطـــرله .. لإنك خلاص إجُــبرت 



السكـــوت أو الصـــمت 
يوصف فى أدبيات اللغــة 
لما بيحـــصل فى وقــته بالمللى
إنه .. بـــلاغـــــــة 





وفى دنـــيـا الشعـــر
أفــتـى مــرة .. شاعــر مـجـنـون 
أن صمـــت المحـــبين  .. عــــــبادة 



 ف ســوق الأخـــلاق 
قد يخــــبرونك بأن 
قيمته  - مقارنة بالكلام - قد 
تتساوى ... بالدهـــب 




السكوت  .. تأمل ف الأحوال



السكوت .. طوق نجاة من اللغـو و الزلل



 
السكوت رحـــمة بالضــعيف 
الذى للعتــــاب .. لن يحتمل


  
السكوت اوقــات طبـــطبــة 
على  قلـــب بيتعـــذب 
و قــــرر ف ركــن ما .. ينزوى





السكوت لـــؤم و خبـــاثة
و شـغــل عــيال وقـــت الجــد  





السكوت شيطان حـــر طليــق



السكـــوت ترقـب و شـطارة و حــذر 
من مــهالك و مقــالب و حــفر 
فارشة الطريق و ف سكتك .. تنتظــر





 السكوت تضييع للحـــق




السكوت حــــنكة 
و تحـكيم للعـقل ف لحـظة غــضب 




السكوت اوقات تــردد و غــــباء 




 السكوت كلمة نــعــم مصحــوبة بخجل



و كلمة (لا) متنكـــرة



السكوت هــــروب جــبان 
ف لحظـــة المواجـــهة





السكوت غـــدر 
ف ساعــــة الإحــــتياج





و كل الإهانة و المذلة 
ف لحظة الأشتياق 





السكــوت .. هــــزيمة 
 إنكــفاء ع الــروح 
 إســتـســلام و انــحــنــــاء





السكوت كــبريـــاء 




 السكوت ... إخــــتيار 



السكوت زيـــف احياناً و ريــــاء




وصرخة بـــراءة ف الملكوت



 السكوت صـبر 
حتى إنكشـــاف الغـــمة و البـــلاء



السكوت تعـــالى وإحــــتقار 


واحياناً شفقــة و مكــرمة و إقـــــتدار


السكوت صــــلاة 





السكوت إشـــارة 
و إيـمــان ف لحـــظة جـــزع
 


السكـــوت خــشوع 


وإجــــتـرار للألم 


هوه أمـــر واقع 
بيحصل أكـــيد 
لألـــف ســبب و ســبب




 لكن اهــــم مـا ف الحــــكاية
ان السكـوت 
مــش دايمــا بيبقــى 
....... عــــلامة الرضـا


السكوت راحــــة


 إضطـــرار 
 
اوقات ... و إجــــبار 



و ف نهـــــاية الأمـــر .. الســـكــوت

 قـــــــــرار


------------------------------------------- 
ثمــة نـســـــاء
يـصبحـــن أجــــمل
فى الغيــاب
احلام مستغانمى


---------------------------------------------

-------------------------------------------


This entry was posted on الأحد, مارس 13, 2011 and is filed under . You can leave a response and follow any responses to this entry through the .

22 كــــلام بيطــبطـــب عـــلى قــــلبى و روحــــى

السلام عليكم
اولا
ازيك يااستاذه فاتيما ويارب تكونى بخير
ثانيا
عاوزه اشكرك اوى على البوست لانه حلو اووووى
ثالثا بقى
عاوزاه اقول لحضرتك ان السكوت دا نعمه
سعات كتير الكلام بيتعب وبيوجع بس بردوا بنتكلم
انما السكوت انا بسميه هروب من اى حاجه فى حياتك ممكن تكونى بتحبيها او خايفه منها او حتى بتكرهيها
بس فى اى حاله من دول انا بفضل السكوت
البوست جميل جدا وصف كل حاله بيضطر فيها الواحد انو يقفل بؤه ويااخد ركن وينزوى فيه ويسكت ويبعد عن الناس
او حتى يبقى معاهم وجمبهم بس بردوا ساااكت
تسلم ايديك
تقبلى تحياتى وحبى
صفا حسن

بخخخخخخخخخخخخخخخ
بالتأكيد اا الأول

ولو مش الأول اغتت وأخده

السكوت
قيل قديما أنه أبلغ لغات الكلام

السكوت يفسر بالف معنى وكل معنى يختلف عن الآخر كليا

السكوت مهما فسره الأخرين يبقى تفسير صاحبه الذى عادة ما يكون مختلفا عما يعتقده الأخرين

ربما يضيع الحق ورببما يأتى بحق
ولكن فى النهاية
يبقى كماك كا دائما سرا مبهما لا يعرفه أحد
رببما يحاول البعض ويجتهد

ولكن الهرم دائم مغلق على المزيد من أسراره

السكوت كل اللي اتقال واللي ما اتقالش

لا أسكتَ الله موسيقاكِ

السكوت لـــؤم وخبـــاثةو شـغــل عــيال وقت الجــد

السكوت تضييع للحـــق

السكوت اوقات تــردد و غــــباء

أجمل ما عجبني في تلك الكلمات التي وصفت السكوت أوصاف تنطلي وترتدي كل الحالات الإنسانية .. كلمات مجرب أدرك الدنيا ، كلمات حكيمة إرتدت ثوب الشباب ، وأجمل ما حوته أنها نفت أن يكون السكوت علامة الرضا دائما .

أكرمك الله بما أكرم المحبين له الراضي عنهم في كل وقت وحين .. وبعتذر إني أحيانا بخش وبكتفي بالصمت لأن


لسكوتي أسباب .

هل لى بالسكوت ؟!!

فلقد كفيتينى الكلام

الله يا فاتيما
ما أجمل أن يتكلم الصمت

الصمت ده فن وموهبه لم تُـخلق عند الجميع

يقول الشافعي

والصمت عن جاهل أو أحمق شرفا

وفيه أيضا لصون العرض إصلاح

أما ترى الأسود تٌـخشى وهي صامتة

والكلب يـخسى لعمري وهـو نباح


أكتئاب ليه يا تيما!!!!!
أضحكي محدش واخد منها حاجه
:) :) :)

حلوة "بوستات صديقة ... ف نوبة الإكتئــاب " دى

فاتيما

نهارك ابيض ياست الكل سواء بإكتئاب او من غيره

أنا مش لاقية سبب سكوتي ف وسط دول

متسألينيش اومال إية

أنا نفسي مش عارفاه
وقريت المقالل مرة واتنين بحاول اطلع السبب بتاعي

ملاقيتهوش
يمكن مش عارفاه
بس محسيتهوش ف وسط دول

عامة
سيبك من كل دة

وحشتيني :)
فاكرة ضحكتك :)

سلامٌ عليكي

فاتيماااااااااااااا

على الصبح كده نوبة اكتئاب وليييييييييييييييييه يا جماعه هو الواحد ناقص ده حتلى حالنا فله شمعه منوره ولا يدعو لأى نوع من انوع الاكتئاب بس العادى انه بيحصل فى فصل الشتا اكتئاب ده حتى علماء النفس اصحابى وما ادراكى ما هم اصحابى ههههههههههه بيقولوا ان الاكتئاب بيزيد فى الشتا

المهم يا ستى ربنا يجعل الايام الجايه كلها فرح وخير وزى ما الصوفيين بيقولوا بين كل يسيرين عسرا

نيجى بقى لموضوع السكوت او الصمت ايا كان المسمى فى مواضيع الزواج لما بيقولوا السكوت علامة الرضا ده كلام اهبل وليس له اى اساس من الصحه ثم فين اللى بيستكوا ماحدش بيسكت خالص مالص

قديما قالوا تحدث حتى اعرفك او اتعرف عليك ...

فى بعض الاحيان السكووت بيكون احترام عشان مش عاوزه تجرحى حد او تقولى كلام يضايق اللى امامك وبالتالى تسكتى افضل لك ولكل من تتعاملى معاه
احيان اخرى السكوت بيكون قهر للمشاعر لو حد جرحك وانت مش عاوز تصرح له بمشاعرك اللى فى قلبك هنا بقى بتسكت كنوع من كبت لمشاعرك وتتحرق انت وقلبك برغم ان البوست يتحدث عن السكوت فانا بكل صراحه مش باسكت اتعلمت واتربيت انى اتكلم واقول واعبر ومش اكتم جوايا وفى قليل جدا من الاوقات سكوتى بيكون اعادة تفكير او تريث عشان مش نجرح حد او نخسر حد انا عارفه انه تفكير غيرب شويه لكن انتى عارفه انى شخصيه غريبه عجيبه ههههههههه ده سر يا فاتيييما يا قمرايه
اقولك على حاجه اتعلمتها من صديق لى فى الحياه ان اللى بيصمت هو اللسان فقط اما باقى اعضاء الجسد فهى بتكون فى حالة شغل متواصل فى حالة السكوت
السكوت لغه ومش اى حد يقدر يترجم حروف هذه اللغه

ادعو الله ان يهبك لكى فرح وخير وراحة بال وهدوء وروقان حال

قولى امين بسرعه ده وقت اجابة الدعوات بين الادان والاقامه

اعذرينى على عدم السؤال بس كنت بامتحن وانتى قلبك ابيض وفله شمعه منوره

فى حفظ الله

زهــــــــراء

فاتيما روح القلب الملائكية

قالوا سكت و قد خوصمت..ان الجواب لباب الشر مفتاح
والصمت عن جاهل او احمق شرف..وفيه ايضا لصوص العرض اصلاح
ما ترى الاسد تخشى وهى صامته..والكلب يخسى لعمرى و هو نباح
الصمت لغة معبرة ممتلئة بكافة الاحاسيس البشرية و لكنه فى الغالب قهر
خالص تحياتى
على فكرة انتى لم تردى على التعليق السابق

إحذروا الصموتين...
فلصمتهم سبب بليغ...

السكوت عندي صدمة يا فاتيما
ربنا يفكها باذن الله

التعليق اللي فات تعليقي انا مش خالد
انا نونو عاشقة النقاب
بس فيه احتلال للكمبيوتر بعمل له ثورة
تحياتي يا فاتيما

الصمت أصبح أفضل لغة أتقنها

بوست جميل يا فاتيما وصفتى فيه حاجات كتيرة قووووووووى

وحشانى على فكرة جداااااااااااا

قد يكون السكوت هو التعليق الوحيد للتعبير عن هذا الموضوع!

صح

فكرتينى بكلمة لناس اعرفهم ... "الصمت المريح "

ودا اكتر الاوقات اللى انا محتاجه فيها السكوت انا كمان

وانا لاسباب كتير فضلت السكوت

والله اريح بكتير




الصور وصلت لك يابطه ولا الميل تاه فى السكه؟

السكوت فن .. يحتاج موهبة نادرة لاتقانه

السكوت هو كا ما سبق

وانا السكوت

............................................................

إرسال تعليق