........................................................

........................................................

الأحد، 10 أبريل 2011

يا ريت ... 2




من فضلكم تتفرجوا ع الفيديوهات 
وتقروا الشهادات وحد يجاوبنى يا ريت

هيا الشرطة العسكرية ماسكة اسلحة 
وشوم بيضربوا بيه الناس  ولا لأ ؟


الترويع مقصود و الفوضى مقصودة
ولا بيتعاملوا بالحنية ؟

حد متخيل انتخابات مجلس الشعب 
هيكون منظرها عامل ازاى ؟!!



هوه ليه ف المواجهة نعامة ع الفلول 
وأسد ع الثوار والمعتصمين ؟



سؤال مهم جدااا و ضرورى حد
يجاوبنى والنبى  ى ى ى 


هوه ايه اللى يمنع جنب المحاكمة المدنية 
(عشان الفلوس ترجع بشكل قانونى )
ان يكون فيه محاكمة عسكرية معاها ؟
اتنين ف واحد كدا زى الشامبو 
يعنى هوه مينفعش لما حد حرامى
يصحى ف يوم
يقتل مراته وعياله و يتقبض عليه 
بتهمة القتل ويتحاكم انه برضو 
يتحاكم بتهمة السرقة ف محكمة تانية ؟!
ولا هيا قضية واحدة للشخص 
عشان خايفين على شحططته ؟!!



آه .. سؤال كمان 
هوه العادلى مبيتحاكمش عسكرى ليه
هوه اطلاق النار العمد 
ع المواطنين مش خيانة عظمى ؟




أخيراً ودا أهم شىء 
الضباط اللى ف الفيديو 
واسامهيم مكتوبة .. عيالنا  دول
و أيوه انا بقول عليهم عيالى .. وعيالنا كلنا 
العيال راحوا فين ؟ وبيتعمل فيهم ايه ؟
كام واحد انقتل ؟ دمهم خلاص هيروح هدر ؟



لو دا جيشنا اللى عاوزينه يحمينا 
و يبقى خط دفاعنا .. يبقى الغزاة ارحم 
ع الأقل هيكون فيه مبرر للعنف والقتل
من عدوك .. اما بنى وطنك هتبلعها ازاى ؟!


لا عزاء لشرفاء الوطن 
و كل اللى ساكت عن دم العيال
متعمد .. يمكن بكرة يبقى مكانهم 
هوه او حد غالى من اهله ولا اصحابه 
بكرة يبقى مكانهم


بكرة يبقى مكانهم

الأحد 10 ابريل الساعة 12:30

----------------------------------------
اللهم ارنا الحق حقا و ارزقنا اتباعه 
وارنا الباطل باطلا و ارزقنا اجتنابه

------------------------------
..
يا ترى انتوا فين يا عيالنا ؟؟؟
 شهادة محمد مرعى .. و صور الضباط
كلمة شرف .. طاهر ابو زيد
ليلة سوداء فى التحرير ... وائل قنديل
الضابط المعتصم ازاى مات
الهجوم بالأمن المركزى والشرطة العسكرية
--------------------------------------------------------

هناك 3 تعليقات:

MR.PRESIDENT يقول...

بصي يا فاتيما
اللي بيحصل الأيام دي محدش عارف له سكة بالضبط لكن
انا مش مع إن ضباط من الجيش ينزلوا التحرير .

ايه الفرق بينا وبين ليبيا بقي واليمن .. لو هينزل التحرير كان يقلع البدلة اللي لبسها الأول .

مع أن بقر إن فيه بطيء كبير بس برضوا ملفات 30 سنة فساد مش هتتحل بين يوم وليلة .

والجيش كان قبلها بكام يوم مجرم الاعتصامات يجي ناس ويبدوأ من جديد ، المفروض يكون في كل جمعة مظاهرات مليونية عشان نأكد للجيش إننا صاحين ومش هنسيب حقنا .
لكن غير كدا مش معاكي .

سلامي لليوسف بيه :)

Tears يقول...

معاكى حق فى كل ده

تعبت من كتر ما حاولت اشرح بس الناس زى ما يكون معمولها سحر او مش عايزة تصدق

قلبى متقطع عليهم و على اللى عايش منهم اكتر من اللى استشهد لانى متخيلة التعذيب اللى ممكن يتعرضوا له

تقدرى تعرفى الاخبار من صفحة ضباط من أجل الثورة على الفيس بوك

مهندس مصري يقول...

متفق معاكي جداً

إرسال تعليق

الكلمــة نــور .. وبعض الكلمــات قبــور .... عبدالرحمن الشرقاوى