.

.

خـــــطــــــاريــف .... 5  

Posted by: فاتيما in




وأنت تعد فطــورك ... فكر بغيرك
(لا تنس قوت الحمام)
وانت تخوض حـــروبك ... فكر بغيرك 
(لا تنس من يطلبون السلام)
وانت تسدد فاتورة المـاء ...  فكر بغيرك 
(من يرضعون الغمام)
وانت تعود إلى البيت .. بيتك ... فكر بغيرك
(لا تنس شعب الخيام )
وانتا تنام وتحصــى الكواكب ... فكر بغيرك
(ثمة من لم يجد حيزاً للمنام)
وانت تحرر نفسك بالإستعارات ...  فكر بغيرك
(من فقدوا حقهم فى الكلام)
وأنت تفكر بالآخـــرين البعيدين
فكر بنفسك
(قل : ليتنى شمعة فى الظلام)
محمود درويش



الحـق كالنهــار 
لابــــد أن يـــأتـــى 
حكمة لفيلسوف يونـــانى



  مش وقــته 


 

ليــس فى النـــاس أمــــان 
ليـــس للنـــاس أمـــان 
نصــفهم يعــــمل شرطــياً لدى الحــاكم 
و النصـــــف مـــدان !
أحــــمد مطــــر



كــــن كالحــــزن يا حــــبيبيى 
وأمكـــث معـــى ...!
 غادة السمان




و لو أعطـــيته مائة ألف قـــبلة 
لو لــم يــكن حــقيقيــاً 
فالضــفدع فى نهـــاية الأمــر 
يا صـــغيرتى .. سيظـــل ضـــفدع
 

أيها الحــــــكماء 
أجــــعلونا وقـــودكــــم 
باسل رمسيس




بالحــــظ وبالصــــدف 
قــــلبك نشــن حــــدف 
وقــــبل ما قـــــلبى يهــرب 
قــلبك صـــاب الهــــدف





وما نيـــل المـطالب بالتمنى 
ولكـــن تؤخــــذ الدنيـــا غــــلابــا 
أحمـــــد شوقـــى




 ما دمت بتجـرى .. لقـدام 
يبقـــى خـلاص



لما كـنت فاكـرة كـــدا


الروعـــة أن تحقق 
ما يعـــتبره الناس المستحيل بعـــينه
أرســـطو
 


الطــغاة كالأرقـــام القياسـية 
لابــد أن تتحــــطم ... يومـــا مـــا 
محـــمد الماغـــوط 



عـــارف لما تحـــب حـــد 
لدرجـــة إنـــك بجـــد
نفســـك تملى الدنيا أغـــانى 
وتلونـــها بلـــون الـــورد 



طــول عــــمرى ... نفــسى 
أنـــام على ســـرير بعـــمـــدان



الحـب ف القلــب 
زى عضـــة الكلــــب 
مثل عـــامى
 

مــعك .. أو بدونــك




الله يخـــربييييييت 
اللى يزعلكـــــو يا غجـــر



أنا لا أشــغل نفـــسى
بالمســـتقبل 
فهــو آت 
أســـرع مما نتصـــور
ألبرت أينشتاين



أرجـــوك  ...


مش حـــاجة تضحــك و النبى ؟
إن كل اللـى بيجـــرى ورايـا 
عـــشان يلحـــقنى .. بيسبقـــنى !



 

يا صغنــــونة يا صغنــــونة 
بكــرة نقـــبك
ييجــى على شــونة 
يا صغنــــونة 
اسعاد يونس - مسرحية الدخول بالملابس الرسمية
 

 كـــفايـــة 



لــو لـــم أكـــن كــــده 
لــوددت أن أكــــون مش كـــده 
ولـــيد طــــاهر



يســـألونك : هل تصـــلى
ولا يســـألونك .. هل تخـــاف الله ؟
احـــلام مستغانمى



بسم الله الرحمن الرحيم 
قــل يا عـــبادى الذين أسرفـــوا 
على أنفسـهم لا تقنـطــــوا من رحـــمة الله
ان الله يغفـــر الذنوب جميعـا
إنه هـــو الغـــــفور الرحــــيم
صدق الله العظـــيم


انا بحــــبك يا ماما 
واطلـــب ليكـــى الســلامة
من دندنات يوسف وهوه صغنونة 


إلا مفـــيش حـــد يخترعلنا حاجة كدا 
قـــوم ينــوبه ف العـالم
المتبهـــدلة عاتشــيفــياً دى ثــــواب ؟




ان كــنت لا تستطــيع الأبتســام 
فلا تفــــتح دكــــاناً 
وتنكـــد عـــلينا بخـــلقتك يومـــاتى



يا تـرى إنتـا فــيـن
فيييين
فيييييين !؟



ليه يا رب الساحرات الشريرات 
مش ف الحــواديت وبس ؟!


من العظمــاء من يشــعر المـــرء
فى حضــرتهم .... بإنه صغـــير 
ولكن العظـــيم بحــق هو الذى
يشعر الجـميع فى حضـرته 
بأنهـم عظـــــماء 
مكسيم جـــوركى




انتـــا القــــلبــو ... الكــــبيرو 
شويكار - سيدتى الجميلة
 

بنلــون احــلام بتاخـــدنــا 
و نضــــم العـــالم دا بإيـدنــا 
و نلــملــم ضحــكة بتسعـــدنــا 
نرمـــيها .. تــروح .. آخــــر الــدنيــا 
هشام عباس 



من طـــرائف التــويـتر
فـــــاروق انطـــرد
نجـــيب اتــذل
ناصـــر اتســـمم
الســــادات اغــــتيل
حــسنى اتسجـن 

هـــاه ...  لسه فـيه حـــد له شــــوق
يحـــكم البلــــد دى ؟!!



خــــبرنى عن أخــــباره 
شـــو أخـــباره 
إنشــالله ما بـو شــى
فــــيروز



اضــــــرب يا جـــــبان 
أحمد الصاوى 



قـــال الله تعـــالى 
أنـــا عــــند ظــــن عـــبدى بــى 
فليظـــن بــى مـــا شـــاء 
حديـــث قــــدســـى 




لو النسيان بحــــر 
 عـــاوزة أكــون ســـمكايـة 


 لأ .. مش خــايفـــة 
أنــا مـــرعوبة عـــليك بس



جــــيت أبيعـــك يا حــــنـة
كـــــترت الأحـــــزان !!



من الجــنون أن نزحــف 
اذا كــان بوسعــنا ... أن نحـــلق !!
نجيب محفوظ 


الدنيـــا علمـــتنى
لا أفـــرح قــوى ... ولا أزعــل قــوى 
مديحة كامل - فيلم مشوار عمر


القطـرات القليلة 
قـــد تصــنع جــدولاً
مـــثل يــابــانـى



......................




سِــــر ف الطـــين 
تتعـــلم كـــيف تحـــفظ تـوازنـــك 
مصطفى محمود



الحــــاج صاحـــب البييييت ..

المسجون - جاءنا البيان التالى


السعــوديون اذا دخـــلوا قــرية ..
أســـامة غـــريب



إنـتـــا خليت حياتى كــــدا 



ٌخـــلق الجـمال ... كى نـــراه  
ولكـى نشــعر به أيضـــا



فــتحّ يا عـــنيا 
تحــت الخــلخـــال فــيه شــبشب 
أنـــزله على دمـــاغك 
سيمون - لعبة الست


عــرض خـاص فى الجــناح الرئاسى






الست يا بنى زى الشمس 
تحــــبها أيـام  ... و تكــرهها أيـــام 
على الشريف - الانسان يعيش مرة واحدة


كل اللى عــــايشين من بشـــر 
من حقـــهم يقــــفوا ويكـــملوا 
يمشـــوا و يستعجـــلوا 
ويتــوهـــوا أو يوصـــلوا 
على الحـــجار




أســـرع طــريقة لمقــــاومة الأغـــراء
هى الأســتسلام له 
اوسكار وايلد



اليـــأس مخـــــلوق دمــــيم 
جـــانى و دق البــاب
رفضت أفتحـــله وطــردته طــردة الكـلاب
ضحـــك ف ســـخرية و قــال 
طيب .. اتشـــطر يا حـــلو  ع الأكـــتئاب 
أحمد على نصار - قبل ما يعقل يا جدعان


يا تـــرى يا أبـــو الزيـــن  
وانتـــا بتـــزوره بــــرو عـــتب 
كـــنت متخــيل لثــانية واحـــدة 
ان هـذا الإنسان الغــلبان الشـبه مـيت
كــــان الأقــــوى و إن هـــوه اللى 
 هــيزلزل جـــبروت عـــرشـك ؟!!



اننا نتعجــب 
كـيف ان رجلا ذكــياً كهذا 
هو فى الحــقيقة فى غاية الغــباء 
لأنه مُـنح قــدراً عظــيماً من الذكـــاء 
لكنه حٌــرم من الحــكمة 
إنه أحــمق ذكـى 
الطيب صالح - موسم الهجرة إلى الشمال



 True Lady



طــبق الأصــل
العلـــقة الأولانـيـــة 
سعيد صالح - مسرحية العيال كبرت
  

يا أم الروقــــاااااان
 

عندما تحـــب شخــصاً لمــزاياه
فهذا ليس حــــباً 
الحــب أن  تعـــرف عــــيوبه 
و مع هـــذا .... تظـــل مـــعه 
و تحــــبه بنفس القــدر .. و اكــــثر



لينـــا ويا لينـــا 
إبـــــرة و خـــيط عـــيرينا
تنقطــب هالفســـتان
ما فــى عـــنا خيطـــــان
هدى حــــداد




أنت الذى ولــدتك أمـــك باكـــيا
والناس حـولك يضحكون سرورا
فاجهد لنفـــسك أن تكـــون اذا بكـــوا 
فى يوم مـوتك ضاحكا مـسرورا 
احمد زكى أبو شادى
  
 

 لست مجـنوناً للحـــد 
الذى أقـبل فـيه 
أن أكـــون مجـــــنـونــاً !! 
نجيب سرور  



NOW يعـــنى NOW
الله يخربيييييتكـــو 
فضحــــشتونا قصـــاد الاوجـــانب 



ســـنوات العـــمر لن تذهب هـــباء 
إذا شـاركت بها الأحـــباب 
من حـــولك



و لا نعـــلم ان مجــــرد رغــــبتنا 
فى التغـــيير ... تغـــيير 
احمد عبدالعليم - ثورة السلاحف 



وإنها 
لسخـرية القـدر



اهـــــواك 
واتمــنى لـو ... أنســـاك 

 حبـــك هــوه العجـــب العجـــاب 
 بيصحــينى من عـــز النوم .. بسببك
و بيخلينى عــاوزة أنـام ما أقــوم .. بسببك
 

الخــــط الأحــــمر 
د.زكى سالم



 إنتــا سيــادتك نــاوى تبطـل دلـع إمـتى ؟!




ليس المهم أن يمــوت الانســـان 
قـبل أن يحـقق فكــرته النبيــلة 
بل المهم أن يجــد لنفسه فكــرة نبيــلة 
قـــبل أن يمـــوت 
غسان كنفانى



نفس الكـــلمة ممكـــن
مــــرة تجــــرح و مــــرة تــداوى




بتـلاتة جــنيه 
ما تـزوقـينى يا ماما 
احمد السقا - مسرحية كدا أوكــيه




1 ... 2 ... 3 ... 4 



لماذا أكـــتب ؟
لتـراك فــىّ وأرانى فـيك 
ميخـــائيل نعـــيمة
 

محـــدش يخــــاف 



تحـت أكــــيد أهـــدى 
أقـله مش هتسمع أى صـــوت 
غـــير صـــوت الأســـتسلام و المــــوت 
  

فكــر فى النهــاية اكــثر من البــداية 
من أمثال أهـــل البوسنة



وأضحـــــك 
وكـــــأن الضحكــــة بجــــد
أنغـــــام



يا تـرى مـين فيهم 
اللى متعــذب أكــتر ؟!
 

عصافييييير الجــــنة



زغللة ف العـــين

بس عمــرى 
ما شـوفت غـير بقـلبى
  

 وجـــع الســنين



عــادتى و لا هشـــتريها ؟!



 

بس تعــرف أكـتر شـىء مزعـلنى إيــه ؟
انك جــيت ... و مشـيت 
قـــبل 
ما أخــدك ف حــضنى


----------------------------------------------

This entry was posted on الاثنين, أبريل 18, 2011 and is filed under . You can leave a response and follow any responses to this entry through the .

38 كــــلام بيطــبطـــب عـــلى قــــلبى و روحــــى

أزيك يا مامت يوسف الغالية

كل واحدة عاوزة تعليق لوحدة

بس انا نفسى اعمل خطروفه زى الخطاريف دى (:

Ramy
----

ازيك يا ر ر

طيب ما تيلا

انتا ذوقك حلو جدااا
ف الصور
والاحساس عندك عالى
والاختيارات كمان
و انتا تعمل خطاريف زى دى
واحسن الف مرة ...

انوى
وشد حيلك


و نافسونا وقطّعوا علينا
واعملوا خطاريفكو
و خلونا نجيب ضرفها
وبلاش نخطرف احنا

:)


خالص الود ليك
يا رقيق القلب

وانت بتنام فكر فى اللى حوليك ... ياترى ناموا مبسوطين ولا دمعتهم على خدهم ..

الشمعه لازالت تتألم من نيرانها المشتعله فهلا تنطفىء لتستريح ....

الحق كالنهار يمسح دمعة المظلومين ...

لو مكث معى لما كان الحزن بداخلى وسينشر عطر الحب بينى وبينه ...

صاب الهدف وجرح ...

أجرى وأنا واقفه أهو أتفرج ... جايز تحس فى يوم من الايام وتاخدنى فى إيدك أجرى معاك ...


عـــارف لما تحـــب حـــد لدرجـــة إنـــك بجـــد نفســـك تملى الدنيا أغـــانى وتلونـــها بلـــون الـــورد

اه عارفه ومجربه ومليتها اغانى ولونت الورد باللون الأحمر بس .....
الورده دبلت
والاغانى قلبت موسيقى حزينه


السرير شكله حلو اوى على فكره
بس المهم يكون السرير مفروش بمفرش من حب وحنان .....


الحب فى القلب زى عضة الكلب
هههههههههههه
صح ... بتوجع اوى


أخاف الله وأتقيه وله أصلى شاكرة نعمه التى لا تعد ولا تحصى عليا وعلى الكون كله ... لا اله الا هو


لو النسيان بحر عاوزة اكون سمكايه
وأنا كمان .....

علمتنى الدنيا لما اضحك كتير الحزن يجى ورايا
بخاف أضحك ...
بخاف أفرح ...


حبـــك هــوه العجـــب العجـــاب
بيصحــينى من عـــز النوم .. بسببك و بيخلينى عــاوزة أنـام ما أقــوم .. بسببك

النوم هو الراحه وبسببه حبيت النوم...



اهوالك واتمنى لو تهوانى ....

وحشانى يا فاتيما
خالى بالك على نفسك

كتبت تعليق لكني لست متأكدة ان كان وصل ام لا عموما ان كان لم يصل فهذا لالقاء التحية ولاقول لك وحشتيييييني يا أحلى أم يوسف

مش عارفه ليه تخاريفك
بتخليني اطير لعالم تاني
مش عارفه السر في الحروف...ولا الصور
ولا الروح الي انت بتكتبي بيها


أنا هكتب واطول
معتمده على انك انت ياتيما القلبو الكبيرو

الطــغاة كالأرقـــام القياسـية
لابــد أن تتحطم ... يوما ما

بدأت تتحطم والتحطيم مش هيقف خلاص....

ان كـنت لا تستطــيع الأبتســام
فلا تفـتح دكــــاناً
وتنكد عـــلينا بخـلقتك يوماتى

ان كان الضحك يطيل العمر فالابتسام يضيف سنوات اخرى اليه.....

خــــبرنى عن أخـباره شو أخـباره
إنشــالله ما بـو شــى

لأ في ومش شي واحد أشيا كتيييييييير....

الدنيا علمتنى لا أفـرح قوى ... ولا أزعل قوى

وعلمتني أن لكل داء دواء أمر منه ....

اضــــــرب يا جـــــبان

أضرب هتروح فين من ربنا .....

يا تـــرى يا أبـــو الزيـــن
وانتا بتـــزوره بــــرو عـــتب
كـــنت متخــيل لثــانية واحـــدة
ان هـذا الإنسان الغــلبان الشـبه مـيت كـان الأقــــوى و إن هـــوه اللى هــيزلزل جـــبروت عـــرشـك ؟!

دي بقى ملهاش رد غير الدموع....

اهواك واتمنى لو ... أنســـاك

لو نسيته أعيش ازاي ......

انا بحــــبك يا ماما
واطلـــب ليكـــى الســلامة

ربنا يخليكي ليه يا جوهرتي ....


انا هجري اهو علشان متزعقيش
بوسات وحضونات ♥

الصلاة علي النبي
والله ما لا حسد

تجميع سنين من الأفكار والعقول والقرايات ناخده علي الجاهز كدا :

عجني :
1- يســـألونك : هل تصـــلى
ولا يســـألونك .. هل تخـــاف الله ؟
احـــلام مستغانمى

رغم إنا ليا تحفظ لأن من خاف وحب صلي بدون سؤال .

2- أنت الذى ولــدتك أمـــك باكـــيا والناس حـولك يضحكون سرورا فاجهد لنفـــسك أن تكـــون اذا بكـــوا فى يوم مـوتك ضاحكا مـسرورا احمد زكى أبو شادى

3- اننا نتعجــب
كـيف ان رجلا ذكــياً كهذا هو فى الحــقيقة فى غاية الغــباء لأنه مُـنح قــدراً عظــيماً من الذكـــاء لكنه حٌــرم من الحــكمة إنه أحــمق ذكـى الطيب صالح - موسم الهجرة إلى الشمال

دول اللي نخششوا في نافوخي

كــــن كالحــــزن يا حــــبيبيى وأمكـــث معـــى ...!
**********
باتمنى



عـــارف لما تحـــب حـــد لدرجـــة إنـــك بجـــد نفســـك تملى الدنيا أغـــانى وتلونـــها بلـــون الـــورد
**********
عارفه بس هما يعرفوا ؟؟ ده الأهم


لــو لـــم أكـــن كــــده لــوددت أن أكــــون مش كـــده
**************
وانا كمان


ان كــنت لا تستطــيع الأبتســام فلا تفــــتح دكــــاناً
وتنكـــد عـــلينا بخـــلقتك يومـــاتى
*************
يبقى انا مش هافتح دكان جديد P:



فـــــاروق انطـــرد
نجـــيب اتــذل
ناصـــر اتســـمم
الســــادات اغــــتيل
حــسنى اتسجـن
هـــاه ... لسه فـيه حـــد له شــــوق
يحـــكم البلــــد دى ؟!!
*************
حلوه



لو النسيان بحــــر
عـــاوزة أكــون ســـمكايـة
***************
وانا ياقلب البحر



طــبق الأصــل
العلـــقة الأولانـيـــة
**********
يبقى الغلط فينا علشان مش بنتعلم



اهـــــواك واتمنى لـو ... أنسـاك
*************
وانسى روحى وياك وان ضاعت يبقى فداك لو تنسانى




وأضحـــــك وكأن الضحكـة بجـد
******************
مش محتاجه طبطبه من حد
ماانا لو هنكسر من جوايا
مش عايزه فى نظر الناس اتهد



عندما تحـــب شخــصاً لمــزاياه
فهذا ليس حــــباً الحــب أن تعـــرف عــــيوبه
و مع هـــذا .... تظـــل مـــعه
و تحــــبه بنفس القــدر .. و اكــــثر
****************
انتى كده جبتى من الاخر .. صـــــح






انا مش غلطانه لما سميتك قلب البحر

بـــحــــبكـ

يسلاااااااااام
يسلااااام
جميلخه جدا الكلمات
والاجمل منها الصور

وانا هقول لاحمد انك واخدا حتا من كتابو
شوفتنيني وانا بهدي النفوس:)

وحشاني بقي ويارب اشوفك يوم البؤجه

فاتيما

هنروح فين من خطاريفك يافاتيما

كل واحده فيهم عايزه بوست لوحده

الله يبارك فيكي

تحياتي

جميلة خطاريفك اللي بتمس كل واحد شوية في كلمة معينة أو خاطرة أخرى


تسلمي يا أم يوثف

مش عايزه اعلق

كفايه اوى اعمل كل يوم دماغ الصبح بدرى مع القهوه وافضل فى الدماغ واحساس الانتشاء دا للساعه 2 من 6 ل 2

حاله واحساس


ببوسك وبحضنك وبفصعك قد الخطاريف دى
شوفى بقى هاتستحملى ولا لاء هههههههههههههه
بحبك يا ست انت

بعشق خطاريفك جداااا و بستناها بفارغ الصبر
تسلم ايديكي :)

سلسلة رائعة يا أم يوسف، جداً حريص على متابعتها.

تقبلي مروري
أحمد

أفكر في اللي حواليا!!!!!

أكتر من كدا!!!!!!!

دنا بتفنن........... أني انكد عليهم


بصي

فتره وهتعدي



السلام عليكم

هذه التدوينة تصلح خمس تدوينات فهي دسمة ومتنوعة ومليئة بالعبر

وكثير منها أعجبتني واستوقفتي للحكمة التي بها

وثلاث منها استوقفتني


أولا:

الآية القرآنية فيها خطأ لأن "إن" غير "أن" في المعنى وفي النحو, ولتجنب هذا الخطأ الإملائي الغير مقصود طبعا ولكنه يغير المعنى تماما يستحب أن ننقل من برنامج للقرآن الكريم لأن عدم تحري الدقة في النقل قد نؤخذ عليه

قال تعالى:

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53)

صدق الله العظيم


**********



ثانيا:

بيت الشعر

وما نيل المطالب بالتمني و لكن تؤخذ الدنيا غلابا لأمير الشعراء أحمد شوقي من قصيدة سلوا قلبي وليست لشاعر النيل حافظ ابراهيم




**********



أما الثالثة والأخيرة هو تعليق عن مقولة الكاتبة أحلام مستغانمي
عادة أو غالبا أو من المتعارف عليه أو القاعدة أن من يصلي يخاف الله

ولهذا يسألون( ولا أعرف لماذا تتحدث عنهم كأنهم إليانز)

هل تصلي؟ لأن من اجابتك بنعم أو لا يستشف إجابة هل تخاف الله !

لأن الصلاة تنهى عن الفحشاء والمنكر وهذا كلام الله ولأن الصلاة عماد الدين ولأن بين الكفر والإيمان ترك الصلاة ولأن أول شىء يحاسب عليه المسلم هو الصلاة لذا فأهمية الصلاة وحرص المسلم عليها تظهر مدى علاقته بالله سبحانه وتعالى أما من يصلي رئاء الناس أو يصلي من أجل شىء آخر غير مخافة الله وحبا في طاعته وليس للخوف فقط فهؤلاء شواذ عن القاعدة وأما من لا يصلي ثم يدعي حب الله ومخافته فهذا هراء وقياس باطل
يقول الشاعر:

تعصي الإله وأنت تزعم حبه
هذا لعمري في القياس شنيع

لو كنت تصدق حبه لأطعته
إن المحب لمن يحب مطيع



لهذا فاستنكارها للسؤال في غير محله وفيه قصور في استيعابها لمعنى الإهتمام بهذا السؤال بالتحديد.


خالص تحياتي أم يوسف


الحب الجميل
---------

انتى كمان يا ايمان
وحشتينى

وحشتنى اسكندرية
واهلها
وقلوبها الدافية

انتى خطرفتى معايا
أحلى خطرفة اهو

احنا عاوزين نعمل رابطة
رابطة للمخطرفين ...
ويبقى معانا كارنيهات
ولما حد يخطرف نقوله
انتا عضو معانا ولا ظهورات
عشان الخطرفة لازم تبقى قانونى

وشروط العضوية
تتمثل فى حصول المتقدم
على اكبر كمية حزن ووجع و عذاب ممكن
تؤهله لأجتياز المرحلة الاولى

ثم المرحلة التانية
وهى كم الصبر
اللى ممكن يكون لسه عنده
عشان يعدى مرحلة الخطرفة على خير

وبعدين المحرلة التالتة
وهى القدرة على التعبير عن هذه الخطاريف خطروفة خطروفة ..من غير ما حد يقوله انك اتجننت ...

بوسات وحضونات
وخطروفات يا حبوبتى
:)

خواطر شابة
----------

لأ موصلنيش غير التعليق دا يا خواطر

انتى كمان وحشتينى
وانا اسفة لأنى مقصرة معاكى
ومعاكو كلكو

منحرمشى من سلامك
وطيبة قلبك

:)

من كل بستان زهرة
----------------

لأ يا زهورة
خطروفة القلبو الكبرو دى مش ليا
دى مكتوبة مخصوص
لأفندينا اللى ماسكها دلوقتى
و مش ابن تسعة زينا
و كلنا أصول نقوله ..
انتا نعمة واحساااان
والا يطير رقبتنا


ومتجريش خليكى قاعدة براحتك
المدونة مدونتك يا بنتى
طولى زى ما تحبى

بوسات وحضونات
وزهرات رقيقات

MR.PRESIDENT
------------

وعليه الصلاة والسلام يا بسام

بس فيه ايه ؟
هيا احلام مستغانمى
مزعلة بشر كتير ليه كدا ؟!!

مش قصدها يا بنى والله
دى بس بتفرق ما بين الفعل
و بين ما وقر ف القلب ...

اصل فيه ناس بتصلى
ومتخفش ربنا



وحشتنى تعليقاتك والله

متغبش علينا
يا من يحمل قلبه نصيب كبير من اسمه

عاشقة الرومانسية
----------------

تعليقك دا يترد عليه ازاى قوليلى ؟!!!

ويختى متتحججيش
وافتحى دكان جديد
وملكيش دعوة
لو دكان نكد
احنا قابلين ومبسوطين انتى شريكتنا ؟!!

الخطروفة دى مش ليكى خالص
دنتى من اكتر الناس اللى ابتسامتهم بتملى وشهم ولو فيهم ايه عشان ميضايقوش اللى قدامهم ...ويحسسوه بأى مشقة او يشيلوه الهم ...

و لو ع الدكاكين
انتى تفتحى مول بحاله يا قطتى

ومن قلب البحر
لعروسة البحر

حول

انا كمان ... ♥

ماجد العياطى
------------

متروحش ف حتة يا ماجد
خليك هنا يا فندم

منحرمشى منك
ويبارك فيك انتا

:)

كلمات من نور
-----------

يا رافعة معنوياتى
و مشجعة خطروفاتى دايماااااا

منحرمشى منك يا كلومتى

بجد بفرح بتعليقك قوى

وكمان يوسف بيدلع

يا خرااااشى

:)))

richardCatheart
---------------


خلص يا قطاقيطو
انتى تدخلى معانا الرابطة بتاعة المخطرفين
اللى قولت لأيمان عليها ف تعليقى فوق ...

انظر الشكل صفحة 17 ...

:)

و حكاية الرابطة دى ممكن تضبطنا لو اتعكشنا بحكاية الدماغ اللى بتقولى عليها دى ..
يعنى نلاقى ضهر يسندنا
بدل ما يودونا مستشفى المعمورة
عنبر الخطاريف ...


انا كمان بحبك والله
قوى قوى قوى

افكار مبعثرة
------------

ميرسى يا افكار

تعليقك حلو قوى

جميل كدا
وبسيط

ويتحضن

:)

أحمد
---

الف شكر ليك يا أحمد


كلك ذوق

متقبلة مرورك جدا
انتا نورت المطرح كله
:)

مصرى جدا
-------

لأ لأ
الخطروفة دى مش ليك
انتا بتنقى غلاسة ولا إيه ؟!!

انتا لو اخترتلك خطوفة منهم
فهتكون ...


الست يا بنى زى الشمس
تحبها ايام .. وتكرهها أيام


اصل الجملة دى واقعية قوى
بشكل مرعب
وبتفسر ليه اى راجل بيتخنق من مراته او حبيبته وساعات يبقى مش طايقها وعاوز يطفش ...
لكن يرجع يدور عليها تانى

زائد ان تشبيه الشمس حلو قوى
فيه معنى الدفا
والنور
والوضوح
كدا .... بلا غرور اطلاكااااااا

وآل ف الآخر بيتمر مثلاً
انتوا صنف عاوز الطخ بالنار
بس بتصعبوا علينا
اكمننا غلابة مهيضات الجناح
وبنحبكو ...
واتوكسنا خلاص واللى حصل حصل

سلام يا سى كرينكل

:))

مجداوية
-------

يا صباح الورد يا فندم

تم تصحيح الخطأ الأول والتانى فورا
والف شكر ليكى
ويا ريت حضرتك تبقى تصححلى بإستمرار أى أخطاء كدا ...
ويبقى شكرا ليكى

:)


اما موضوع احلام مستغانمى
فدى وجهة نظر
وان بصراحة شايفة الست مش غلطانة بالمرة ...


لأنها بتحكى عن تجربة عاشتها ف بلدها الجزائر بعدما سيطرت عليه الجماعات المتطرفة اللى كانت محرمة العيش والعيشة واللى عايشنها ...

وانا شخصياً ممكن أجيب لحضرتك أمثلة من حياتى الشخصية لناس عرفتهم ..بيصلوا ولا يخافون الله
بيصلوا ويزوروا اوراق
بيصلوا ويسرقوا عينى عينك
بيصلوا وبيزنوا
وبيصلوا وبيغتصبوا


الصلاة بالنسبة للبعض مجرد تمارين رياضية
او مظاهر للتأثير ع الآخرين
او عادة واكتسبها من الصغر
مش اكتر

لا تنهاه عن الخطا ولا الزلل ولا الظلم
وبالتالى

حضرتك حسب مربع ارسطو
ممكن جدا تلاقى

واحد بيصلى ولا يخاف الله
واحد بيصلى ويخاف الله
واحد لا بيصلى ويخاف الله
واحد لا بيصلى ولا بيخاف الله

هيا بتتكلم عن رقم 1 من الاحتمالات
وحضرتك بتتكلمى عن رقم 2

وهيا صح
وحضرتك صح

انا بحب افكر دايما بالطريقة دى
وبالتالى بشوف الحكاية بشكل أبسط شوية ...

جايز تكون طريقتى غريبة
او غير مقبولة ...


بس هيا مريحة ليا
وللآخرين ف أغلب الاحيان


:)

حضرتك منورانى بتعليقاتك
وزياراتك بجد

ومش عارفة اشكرك على كدا ازاى

ربنا يديم الود
ان شاء الله

خالص ودى لحضرتك

هههههههههههههههههههههه

كان بودى والله بس يا تيما انا خطاريفى هاتبقى كلها قله ادب وشتيمه
واباحه وممكن اتمسك اداب من الاخر هههههههههههههههههههههههههههههههههههههه


خلينى انا بستمتع بنعمه ربنا عليا فى خطاريفك بلاقى عندك وعند خيخه نفسى

ودا كفايه اووووووووووووووووى عندى


وكفايه ان فى حد فيكم مش هايتمسك انت وايمو تتمسكو وانا اضمنكم بالبطاقه هههههههههه

ربنا مايحرمنيش من حبك وقلبك

فاتيما
روح القلب الملائكية

عامله ايه
عمالة تضحكى علينا و بتقولى خطاريف و انا والله العظيم عمال انهج وراكى و مش ملاحق و مخى هيضرب واحد غلبان زى حالاتى محتاج ادرس علم نفس و فلسفة و اجتماع عشان اقدر اتابع و افهم
بس ليا ملاحظة يا فاتيما انا لما باقول روح القلب الملائكية ده عن اقتناع تام والا ماذا تقولى فى هذه الخطاريف
انا اراكى مثل الاسفنجة تمتص جميع الثقافات من جميع الاتجاهات ثم تخرجها لنا بطعم و رائحة مختلفة لان هذه الاشياء قد تكون قد مرت بنا و لكن لضيق افقى لم اتوقف امامها
لكى تاج عندى اتمنى ان تاخذيه
خالص تحياتى و سلامى ليوسف

مستنى بشده

وحشتينى


مشموشتك

مسا الخير
انا جاية ارمي السلام واقولك وحشتيني
ويارب تكوني دايما بكل خير
ولقيت بوست جمييييييل جدا ولقيتك زي مانتي
حساسة
وفنانة
ومتألقة

كل التحية

ازيك يا فاتيما
فى كل مره ازور فيها ركنك الرائع اعقد العزم على القدم قريباً جداً
ويبدو انى قد خنثت العزم كثيراً
لكن ما اقر به جداً

انى استمتع جداً فى كل مره انى فيها الى هنا

بوست كالعاده من الصعب التعليق عليه فى بضع كلمات
كم هو رائع ابداعك
تسلم ايدك يا فاتيما

وقفت كثيرا عند احدى كلماتك

ليــس فى النـــاس أمــــان
ليـــس للنـــاس أمـــان
نصــفهم يعــــمل شرطــياً لدى الحــاكم
و النصـــــف مـــدان !

واخيرا لم اجد تعليق الا ضحكه بجانب الخد والذهاب فى صمت


لروحك اجمل الزهور


تحياتى

richardCatheart
---------------

:)

يعنى فلفصتى منها ؟

طيييييب

ماشى
أخطرفلك سلف يا ستى
ولا يهمك
انا معنديش أغلى منكو
اخطرفله
واخطرف معاه
واخطرف قصاده
ومنكسفش

بوسيلى العيال
وسلامى للحاج ريتشارد

واحضنلى روحك يا ست
مع الفعصات ..دى أهم حاجة


كل سنة وانتوا طيبين

ابراهيم رزق
-----------

ازيك يا ابو العيال

اولا
التاج على راسى حاضر
هوه جايلى من مهندس مصرى كمان
بس انا هجاوبه لما الصورة تكتمل
ولسه فاضل شوية
لو جاوبته دلوقتى
مش هجاوبه حلو ..

ثانياً بخصوص الخطاريف
كل الحكاية انى بشوف صورة
فتفكرنى بحاجة ..عاوزة اقولها
ساعات تبقى المقولة او الغنوة او بيت الشعر حاضر ..
وساعات ادور عليه ..
والاقيه
انا استغربت قوى
لما لقيت الخطاريف عاجبة الناس كدا
اصلى كتبتها لروحى
وبعبر عن حاجات حساها بينى وبين نفسى
وقولت ناس كتير مش هتفهم انا بقول دا ليه ولمين وعشان ايه
اكتشتف ان فيه ناس حلوة كتيييير
كأنها أنا ..وكأنى هيا
دى نعمة والله
انا فرحانة بيها
وامتنى كل الخطاريف ..تعجبكم كدا

سلامى للعيال
وام العيال
وجدة العيال
ولأبو العيال الغالى ..حضرتك يعنى
:)

شيماء سمير
--------

وحشتينى يا مشموشتى
ومقصرة معاكى جداااااااا
سامحينى

مبسوطة قوى ان الخطاريف عجبتك
ازى العصفور الطيب بتاعنا ؟
يا رب تكونوا ف احسن حال

يا رب

بوسات وحضونات
يا عصفورة يا صغيورة
يا دانتيلا

kochia
------

ازيك يا كوشكش
انتى كمان وحشتينى
ومتابعكى من بعيد

ميرسى على كل اللى كتبتيه
منحرمش منك
ولا من ذوقك

كل الحب ليكى يا حبيبتى

momken
------

انتا منور علطول يا ممكن
وانا بزوك دايما
واقرالك كل اللى بتكتبه
ساعات كتير ميبقاش فيه تعليق ينقال
بس الأعجاب بما تكتبه موجود أكيد


شكرا على رآيك ف الخطاريف
وشكراً على ذوقك
وع الزهور يا فندم

:)

اذيك يا فاتيما .. وحشتينى

حلو أوى البوست ده
فيه جمل كتير كان نفسى أسمعها... وسمعتها عندك
شكرا

إرسال تعليق