........................................................

........................................................

الاثنين، 23 مايو 2011

مــن الشعـــب المصـــرى : بيــــان رقـــ (1) ــم






عزيزى المجلس العسكرى .. عزة مغازى 
 كل واحد عينه فى ورقته..من كل بستان زهرة 
على جنب ياسطا ..محمد عزالدين 
صوتى يا بهانة المجلس بيستعمانا ..انسانة







إحناإتنصب علينا يا رجالة..نادين ابو شادى
 الجيش والجيش إيد واحدة .. زنـــزانـــة















بلدنا بالمصرى ... تقرير مصور 
ثورة المدونين المصريين على المجلس العسكرى 








........ يتبع ........
------------------------------------------------
يا مهلبية يا
أكلك شطة حامية
يا أرزوقية يا
يا خسارة الوطنية يا
يا مهلبية
..................
حط ايده على ايدى
قولتله عندك يا سيدى
قالى هكلك نية يا
.................
حط ايده على دراعى
قالى كل الكون بتاعى
اعمل ايه محظية يا
...................
حط ايده على رجلى
والرجالة طلعت تجرى
وسابونى لوحديا يا
.................
حط ايده على عينى
والرجالة تاهوا يا عينى
عينى ع الرجولية يا
...................
حط إيده على خدى
قولت إمتى الليل دا يعدى
ليل ملوش فجرية يا
..................
حط ايده
ماشلش إيده
وأنا واحدة من عبيده
كيفه يلعب فيا يا
...................
يا مهلبية يا
أكلك شطة حامية
يا ارزوقية يا 
يا خسارة الوطنية
---------------------------------------------------

 

هناك 19 تعليقًا:

MaNoOoSh يقول...

وحشتيني يا فاتيما


مممممممممممممممممممممممممممواه

عاشقه الرومانسيه يقول...

يا مهلبية يا
هكلك شطة حامية
يا أرزوقية يا
يا خسارة الوطنية يا
يا مهلبية
..................
حط ايده على ايدى
قولتله عندك يا سيدى
قالى هكلك نية يا
حط ايده على دراعى
قالى كل الكون بتاعى
اعمل ايه محظية يا
...................
حط ايده على رجلى
والرجالة طلعت تجرى
وسابونى لوحديا يا
.................
حط ايده على عينى
والرجالة تاهوا يا عينى
عينى ع الرجولية يا
...................
حط إيده على خدى
قولت إمتى الليل دا يعدى
ليل ملوش فجرية يا
..................
حط ايده
ماشلش إيده
وأنا واحدة من عبيده
كيفه يلعب فيا يا
...................
يا مهلبية يا
هكلك شطة حامية
يا ارزقية يا
يا خسارة الوطنية
****************
حلوه قوى دى يابطه
♥♥

Tears يقول...

انتى بجد جدعة اووووووووى

MR.PRESIDENT يقول...

المجلس العسكري يا ريت لو سمحتم بعد إذن جنابكم

إنتوا عسكر اه ، بس الجيش ما هو الا شعب بيروح التجنيد يا عني الشعب اللي عملكوا جيش

ارحمونا يرحمكم الله ، إحنا مش بنشحت منكم ، إحنا بنطلب حقنا .

متبقوش فلحين تتشطروا علي شباب الثورة
وسايبين الكلاب اللي نهبوا البلد يرمحوا

الحقوق يا مجلس الحقوق
عشان زي ما انت عندك صبر الشعب برضوا عنده صبر

وكلنا عشان الله ومصر

Khattab يقول...

خلي بالك يا فاتيما
المجلس ناويها المره دي
مش قال صبره قرب ينفذ


انت شكلك اول واحده هتتخدي
مجمعه الحبايب كلهم عندك

ربنا يستر لحسن انا ركبي بدأت تخبط من المجلس

:))

فاتيما يقول...

MaNoOoSh
--------

:)))
وانتى كمان يا منووووشة
كان نفسى اشوفك يوم انتخابات شمس ..
بس معلش ..
ملحوقة بإذن الله
ف مرات جاية

دعواتك ليوم الجمعة بقى
و ربنا ع المفترى

انا لقفت البوسة
وخمس عشر تنفار باصينلى فيها دلوقتى
ربنا يستررررررر

نورت يا جميل

:)

فاتيما يقول...

عاشقة الرومانسية
-----------------

انا بحب الغنوة دى قوى يا دودو

وبعشق الفيلم دا أصلاً
اول مرة شفته
ف اسكندرية
جبنا الشريط من نادى الفيديو
واتفرجت عليه
تلات مرات ورا بعض
قبل ما نرجعه تانى يوم
كنت معجبة بالحوار جدااااااااا
وبالموسيقى والأغانى
وباللخبطة المقصودة ما بين الواقع ف الفيلم والفيلم اللى بيتصور
اصلى بحب الخربطات السينمائية دى
والغازها بتستفزنى وبستمتع جدااابيها

وبصراحة
الغنوة دلوقتى لايقة قوى
ع اللى حاصل
المسألة بقت مهلبية
والندل ان شاء الله نهاره مش باين

ادعي يا دودو
وربنا يستجيب

بوسات وحضونات كتييييير قوى
يا عروسة البحور
وقطتى الحلوة
الطيبة
الجدعة
وكل حاجة حلوة

فاتيما يقول...

Tears
-----

طب انا عملت ايه دلوقتى يا توتا ؟!!

فاتيما يقول...

MR.PRESIDENT
------------

متهيألى الكلام خلاص يا بسام
مبقالوش محل من الإعراب
والفعل هوه اللى هيقول كل اللى عاوزينه ...

المطالب واضحة
وتنفيذها هو الخيار الوحيد المتاح
قصاد الجهتين ...

وان الجمعة لناظره لقريب
ويا مسهل

دعواتك يا غالى
:)

فاتيما يقول...

من كل بستان زهرة
---------------

وانا مالى يختى
انتوا اللى كاتبين
انا مليش دحوة

وبعدين ثبت علمياً و بالدليل
ان الجرى مش كل الجدعنة
دا الجدعنة كلها


وبناء على ما سبق

وقت الجد
ولا أعرفكوا

انتوا ضحكتوا عليا
وشربتونى حاجة أصفرا
وخدتوا منى الباسورد عنوة
و حطيتوا البوست دا
عشان توقعوا بينى وبين الميجلس
إخص عليكو إخص

انقهر دلوقتى انا ولا أعمل ايه بعد اكتشافى لهذه الحكيكة ؟!!

:))

مصري جدا يقول...

هو أنتي جعانه؟

نديها كبده أسكندراني

واخدلي بالك أنتا يا عم الحج

الازهرى يقول...

بعيد عن المجلس وعمايله لأنى خلااااااااااااااص
دماغى صدعت
وقربت انفجر من كتر ما قريت فى الموضوع وعن الموضوع

الدباسة معايا واستعملتها

دبست التذكرتين فى بعض واحتفظت بالكل فى درج ذكرياتى

يعنى راااااااااااااحت عليكى خلاص

ونتقابل بقى فى الحربى باذن واحد أحد

Ramy يقول...

طب أكتب اقول أيه

شكراً يا فاتيما

فاتيما يقول...

مصرى جدا
--------

ايه التعليق العجيب دا ؟!!!

ايه علاقة الكبدة بالبوست ؟!!!
احتمال لأن المجلس العسكرى هيفرمنا يوم الجيمعة ويخرطنا ترنشات ؟!!!

احتمال برضك

طب معلش انا فهمى بطىء الأيام دى سامحونى
الحاجة ام فاتيما تعبت إذ فجأتن النهاردة ولسه راجعين م عند الدكتور
ومش عارفة فيه ايه
انا قولتلها يا لاّلاّ (دا اسم الدلع حضرتك) ..المهم
قولتلها مش وقت عيا دلوقتى خاااااالص
واعملى حسابك تتماسكى لحد يوم الجمعة
واتعبى براحتك بعدها
من يوم السبت اانا دايسة معاكى ..
قبل كدا ..إتبرى منى ومتعرفنيش

بصتلى و ضحكت ...

ايه يا اخواتى الامهات اللى بتتدلع دى ؟!!!

انا قولتلها انتى وابنك ف اسبوع واحد كدا مينفعش ...أفصلوا وحطوا هدنة بين الأشواط دى ...
الواد ماجد يا نضرى جاتله الخضة مرتين
مرة مع هانى اخويا الكبير
ومرة مع ماما
مش هنعرف نجوزه خلاص ...
وعليه العوض

يلا
خليهم يتدلعوا علينا
واحنا هنوريهم انا وماجد
وننتقم منهم
بس نطمن على صحتهم الاول
وربنا ياخد بإيدهم إن شاء الله
وبعدين نعيالهم احنا

:)


ايه الرغى دا كله
مالة انفتحت معاك كدا ؟
هوه السؤال كان ايه اصلا ؟؟؟

يا لهوى

لأ انا جعانة فعلا
تصور عندك حق !!!

فاتيما يقول...

الازهرى
------

دباستى ى ى ى ى ى ى ى
الحقونى
إنى إتجلبت

كنت قاعدة ف الاوبرا ولا ف محطة مصر ؟!!

ماشى ماشى
عشام خاطر عيونك يا شموسة
حلال عليك يا عم انا مسامحة

على فكرة
انتا ليك خطروفة ف الخطاريف اللى فاتت ..
اول ما شوفت الصورة قولت الواد زيزو اهو ..
روح شوفها بقى وادعيلى
:)))

وحربى ايه اللى هنتقابل فيه دا ؟؟
متحبسش انا مع الخناشير
خليها القناطر
بيقولوا الهوا هناك بحرى
والجو مناسب لتمارين السويدى بتاعت خالتى فرنسا ...

آه
فين التمارين اللى قولت هتبعتهالى
طب اعملوا بحق الدباسة دنا دافعة فيها جنيه معدن بحاله يا غجرررررر

هه

فاتيما يقول...

Ramy
----

أزيك يا ر ر

شكرا على أيه يا عيال ؟!!

لأ والنبى بتشكرونى على ايه ؟
اصل تيرز برضو قالت حاجة شبه كدا
وانا مش فاهمة ..
دنا عملت تجميعة وبس
لا زودت ولا أضفت ولا عملت أى حاجة
فيه ايه يا عيال ؟!!!

طيب

المهم انك مبسوط
وان شاء الله تكون كويس وبخير

ومنحرمشى منك يا رقيق القلب

مهندس مصري يقول...

معلش اقتبستها منك يا فاتيما لإني حسيتها قالت كل اللي عايز أقوله

فاتيما يقول...

مهندس مصرى
---------

المدونة كلها تحت امرك يا محمد

دى مدونة اختك
يعنى مدونتك ببساطة ...

انا قريت تدوينات كتيييير امبارح
وكأن فيها حاجات متكررة
ودا امر طبيعى بسبب ان الكل حاول يركز على السلبيات والوقائع واللى كلها تقريبا بقت مؤكدة ومتشافة ..

اللى حسيت انه مختلف شوية
او من دايرة المدونين اللى بعرفهم ..
حطيتها

بس خلى بالك من التحديثات بقى
:))

ابراهيم رزق يقول...

فاتيما
روح الفلب الملائكية

تصدقى لاول مرة مش فاهم حاجة

الف علامة ؟؟؟؟؟؟؟؟؟؟؟؟؟؟؟
الف علامة تعجب
والف سلامة عليكى يا مصر

خالص تحياتى وسلامى لجو يا ام يوسف

إرسال تعليق

الكلمــة نــور .. وبعض الكلمــات قبــور .... عبدالرحمن الشرقاوى