.

.

البــــقـاء لله وحــــده  

Posted by: فاتيما in




والــد بسـكوتة فـى ذمـة الله
أثـــر حـــادث أليــم و صــادم و مفجــع 
وكــل شىء ممكــن يقــابله إنســــان
ويبقـــى موجــع فى هــــذه الدنيا
ان شـــاء ربنا هحـــاول أطــمنكم
بس اعـــرف أطـــمن علـــيها أنـــا الاول 
و حتى حـدوث ذلك .. برجــوكم  
تدعـــوا للفقـــيد بالرحــمة والمغفـــرة 
وتدعــــوا لبســكوتة
او كما يعرفــها الكثيرين منكم ب "حسنا"
بالصــــبر و التماســك
و انا لله وإن اليه راجعون
-----------------------------------------------
 يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً

فَادْخُلِي فِي عِبَادِي وَادْخُلِي جَنَّتِي
------------------------------------------------

This entry was posted on الاثنين, مايو 09, 2011 and is filed under . You can leave a response and follow any responses to this entry through the .

20 كــــلام بيطــبطـــب عـــلى قــــلبى و روحــــى

الله يرحمه و يسكنه جنته

و يلهم بسكوته و العيله الصبر

صدقينى انا مصدوم ما بالكم هما

مش عارف اقول ايه

ربنا معاهم و يخفف عنهم

البقاء لله

وصلى ليها تعزيتى و ربنا يصبرها

اللى فهمته من كلامك انه حادث سير صح؟

طيب يا طمطومة لو عرفتى فين العزا و ميعاده بلغينا الله يخليكى

ربنا يرحمه يارب ويدخله فسيح جناته

البقاء لله يافاتيما
ربنا يرحمه ويصبرهم ويقويكي تعرفى تقفى جنبها
ربنا يثبتهم ويصبرهم ويرزقه الجنة

البقاء لله
انا لله وإن اليه راجعون

البقاء لله وحده
إنا لله وأنا أليه راجعون
ربنا يصبرك يا بسكوته

البقاء لله وربنا يرحمه برحمته الواسعة ويطمنا على بسكوتة ويصبر قلبهم يارب وينزل على قلبهم السكينة والصبر
لولا

اللهم أغفر له و ارحمه و اعفو عنه و أكرمه
اللهم وسع مدخله و ادخله الجنة و غسله بالثلج و الماء والبرد
اللهم يمن كتابه و هون حسابه و لين ترابه و ثبت أقدامه و ألهمه حسن الجواب
اللهم طيب ثراه و اكرم مثواه واجعل الجنة مستقره و مأواه
اللهم نور مرقده و عطر مشهده و طيب مضجعه
اللهم آنس وحشته و ارحم غربته و قه عذاب القبر و عذاب النار
اللهم نقه من خطاياه كما ينقى الثوب الأبيض من الدنس
اللهم فسح له في قبره و اجعله روضة من رياض الجنة و لا تجعله حفرة من حفر النار
اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض
اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين
اللهم إن كان قد أحسن فزد في إحسانه و إن كان قد أساء فتجاوز عن إساءته
يا أكرم من سئل و يا أوسع من جاد بالعطايا خفف أحماله و حط من أوزاره واجعله في مقام من قام لك بالقرآن أناء الليل و أطراف النهار
اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا

فاتيما
انا مصدوووومة فوق ما تتخيلى
بسكوتة بقالى فترة مش عارفه الاقيها والنهاردةانا هاتجنن دلوقتى وعاوزه بأي طريقة الله يخليكى اعرف اوصل لها
مش عارفه اقول ايه بجد

رحمه الله رحمة واسعة واسكنه فسيح جناته وربنا يصبر بسكوته ويصبرهم جميعا ويؤجرهم في مصابهم خيرا

بليز فاتيما ياريت تقوليلى اوصل لها ازاى بعد اذنك

البقاء والدوام لله اللهم ارحمه يارب و وسع قبره و انره بنور رحمتك و ارزقه الجنه هو وابي وجدتي و موتانا وموتي الملسمين خلاص العزاء للاسره الكريمه ويارب يصبرهم اللهم امين
جزاكي الله كل خير يا أم يوسف ربنا يحفظكم

مامت يوسف الغاليه

أخبار بسكوته ايه يارب تكون قادرة تتماسك

لأنها انسانة حساسة جداً فأكيد الصدمه هتكون شديدة عليها

و اخبار اخوكى يا رب يكون أحسن

ربنا يعدى الأيام الصعبة على خير يارب

مساء الخير يا جماعة

مش هقول شكرا ع الدعوات الطيبات دى
بس هقول
ربنا يخلينا لبعض

انا اسفة ل،ى إتأخرت ف الرد
بس اعذرونى لأن أخويا الكبير تعبان الأيام دى شوية و انا وماما وماجد معاه تقريبا كل يوم لحد ما ربنا يطمنا عليه
السكر بتاعه عالى شوية
ومأثر ع العين و الأطراف ...
يعنى

المهم

انا كنت عند بسكوتة النهاردة
وللأسف يا خيخة حكاية العزا دى صعبة
لأن ظروف وفاة الوالد صعبة عن الوضع العادى والدنيا متلخبطة عن الوضع العادى ...
فمعلش

انا مش عارفة افسر لأن معرفش مسموحلى احكى ولا لأ ؟
بس هيا ف حالة صعبة وذهول
وربنا يتولاها ويثبت قلبها
اعدولها يا جماعة
هيا محتاجة دعائكم ربنا يثبت قلبها

هيا قافلة الموبايل بتاعها يا ريم
وانا بطمن عليها من موبايل صديقة مشتركة بينى وبينها من خارج الوسط التدوينى و الوضع العام
ميسمحش بإنها حتى ترد عليا ...
بس صاحبتها بتطمنى انها متماسكة نوعا ما لحد ما الأيام الصعبة دى تمشى بس
عشتان والدتها واختها ...
ربنا معاها

انا بلغتها كل الاسماء اللى سألت عليها
ف التعليقات
وطبا عارفة ان لسه فيه ناس متعرفش
ولا لحقت تعلق
بس قولتلها الكل بيسأل وبيقدم واجب العزاء وبيدعيلك
وهيا لما ترجع النت ان شاء الله تبقى تقرى تعليقاتكم بنفسها
وربنا ما يجمعنا تانى ف الحزن ابدا

اعذرونى ع التآخير
ودعواتكم لبسكوتة يا جماعة

ومنحرمشى منكم ابدا

انا لله وانا اليه راجعون

البقاء لله وربنا يرحمه ويكفر عن سيئاته يارب
وربنا يصبرها ويكون معاها يارب

ياريت تطمنينا عليها تانى يا فاتيما

الله يرحمه و يتقبله شهيد ان شاء الله يا فاتيما..بنسمع كتييير عن البلطجة و اللي بيحصل بس لما بتصيب حد قريب مننا الاحساس بيبقى مرعب..الطف بمصر يا رب..و يا رب يصبر قلب أهله كلهم

طيب كويس انك كنتى عندها يا طمطومة
انتى بدالنا كلنا ربنا يكرمك يارب

ويارب يصبرها هى واسرتها


والف سلامة على هانى
يارب يكون بخير دلوقتى والسكر يتظبط
ابقى طمنينا برضه عليه

لو احتجتى حاجة يا طمطومة انا تحت امرك
ولو بسكوتة احتاجت حاجة بلغيها انى تحت امرها
شريف خلاص خلص امتحانات وانا فاضية مش ورايا اى حاجة

ربنا يارب يطمنا عليكم جميعا


سلام يا حبيبتى

ربنا يا رب يتغمده برحمته الواسعه ويسكنه فسيح جناته ويغفر له ذنوبه ويفسح له في قبره مد بصره ويجعل له عن يمينه نورا وعن شماله نورا ومن فوقه نورا ومن تحته نورا اللهم إذا كان مسيئا فتجاوز عن سيئاته وإذا كان محسنا فزد من حسناته اللهم اجعل قبره روضة من رياض الجنة ولا تجعله حفرة من حفر النيران اللهم ابدله دارا خيرا من داره وأهلا خيرا من أهله اللهم أكرم نزله ووسع مدخله وثبته عند السؤال وألهم أهله الصبر والسلوان اللهم آمين آمين آمين

ربنا يصبرها يا رب هي وأسرتها وينزل السكينة على قلبها آمين

ألف سلامة على أخوكي يا فاتيما ربنا يا رب يقومه بألف سلامة إن شاء الله ويعفو عنه ويعافيه ويشفيه شفاءاً لا يغادر سقماً اللهم آمين

البقاء لله
اسكن الله الفقيد فسيح جناته مع الابرار و الصديقين و الشهداء

ربنا يطمنا على اخوكى
الف سلامة عليه
يقوم بالسلامة انشاء الله

تحياتى

ربنا يرحمه و يصبرها و يكون فى عونها يارب

و الف سلامة على اخوكى يا طمطم
ان شاء الله يكون بخير

انا نزلت بوست عن البؤجة و مش عارفة هاشوفك يومها ولا ايه .. بس انتى وحشتنى اوى ..ياريت تحاولى تيجى حتى لو بعدها

الف سلامة على اخوكى ياطمطم
ربنا يشفيه
وان شاء الله بسيطة وتعدى بسرعة
السكر بقى من امراض العصر خلاص ومحتاج وقت بس فى التظبيط لكن ان شاء الله خير
المهم تطمنى ماما زى مانت عارفة

أما بسكوتة وعائلتها فربنا يثبتهم ويصبرهم ويجعاه فى ميزان حسناتهم ويهون عليهم
ويرحم باباها ويرزقه أجر الشهداء

إرسال تعليق