.

.

عـــلى قــــهوة الوطـــن  

Posted by: فاتيما in





 يعــنى مبقـاش نافــع
 بعــد كــل اللـى شـــوفته  
غــير إنــك تــاخـــدها جـــــــد 



و مـــع ذلـك .... قـــدر خصـمك 
رغــم جـــبروتــك ... و ضــعفــه 
إنـــه يسحـبك و ببســـاطة لأرضــــه
و بدال ما تقضـــى علــيه
فى دور شطــــرنج و تكــش مــلكه



 خـــلاك إنــتـا اللى دلوقـــتى 
 على قهـــــوة الوطــــن .. قاعـــد
بتشـــرب ف شيشة و ساقـــع و سخــن 
و تقـرى ف جـرايد و ترغـى ف كــلام فـارغ
و ترمــى الزهــر 
و تستـنى ف حظـك و البخـــت



يا تصـــادف ســـلم ... و يرفعـّـــك 
يا تقـــابل ديل التعـــبان .. و يرجــّعك ورا



و تفضـــل تعــيده
من تاااااااانى



و يا تغلـــب مــرة .. فتطـــلع لفـــوق
أو تخـسر نوبة .. فتــنزل لتحــت



لحــــد إمــتى؟



لحــــد إمتى هترضــى إنــك ترقـــص
على نقــر طـــبول عــدوك ؟!


و لحـــــد امــتى هتوافــق 
ينســـرق حــلمك و ينضحــك عليك ؟! 



ولحـــد أمتــى هتقــبل
تعــيد و تزيـد و تجـــتر
ف أيـــامك و زمــنك كـــدا  ؟!




طب اذا كـــانت الســياسة لعـــــبة
و خـــصمك طـــلع تعـــــبان 
ليه انتـــا تقـــبل تكـــون الســـلم
و تســـيبه يطـلعــــك ؟!



لا مصـــر حـبة مربعــات 
جــــنب بعــض و مرصــوصـين  



و لا مستـــقبلك و بكـــرة
مرهــون بقــرصة زهــر 
و كـام كـوباية شـاى و قهــوة مظبوطــين 

 
و لا انتــا مجـــبر تقـــعد على كــرسيك
و تكـــمل لعـــبة
 و إتفـــرضـــت علــيك 
عشـان بدال ما تـوصــل بعـــد التعــب
لخــانة النهـــاية ...
 تــلاقــى كــل مــرة 
تعــــبان ف وشـــك عـــِدل .. ؟!!!


------------------------------------------

------------------------------------------------


This entry was posted on الثلاثاء, مايو 31, 2011 and is filed under . You can leave a response and follow any responses to this entry through the .

19 كــــلام بيطــبطـــب عـــلى قــــلبى و روحــــى

ياعييييييني

مختاره قصيده
عن جد ولا أروع

ربنا معانا ويوفقنا يارب
وحشاني والله وكنت عوزا اكلمك يوم الجمعه
وقلت لاسامه لما يكون موجود يخليكي اكللمك

قوليلوووووووووووووووووو اعمل اييييييييه بقاااااا:(((((

عن جد وحشاني كتييييييير
وقوليلي شوفتي الصور بتاعتي
يارب تعجبك ياحبي:)

sony2000
--------

ازيك يا سنسن ؟!!
قصيدة ايه .. تقصدى انا كنت عيدك ؟!

عموما أى حاجة يكتبها سيد حجاب
تبقى حلوة

وانتى كمان وحشتينى
معلش ملحوقة
ومتعمليش حاجة
انا هنتقملك بأسم الجمعية
م الواد زيزو المجرم دا
:))

لأ مشوفتش الصور ...
عندك ف المدونة ؟
هروح اشوف ان شاء الله
واكيد قبل ما اشوفها ..هتعجبنى يا حبيبتى ..دا امر مفروغ منه

بوسات وحضونات كتير
وخلى بالك من نفسك

:)

btkhekhaweaykalamtoz
--------------------

انا نشرت تعليقك المرة دى
عشان أرد عليه
و بشكل علنى
ما دمت مصر على أفعالك
و مصر كمان تعمل نفسك مش واخد بالك


طب اخليك بقى تاخد بالك
و اقولهالك
و بمنتهى الوضوح

إنه


حضـــــــــــرتك
غــــــــــــــــــــــير
مرحــــــــــــــــــــــــب
بيــك على الإطــــــــــــــــــلاق




متجــــيش
هنــــــــــا
تااااااااااااااااااااااااااااانى


ومتبعتليش إيميلات
بتدويناتك كمان
لو سمحــت

مش ناقصة أصــلها


ومش هقولك اتق الله ف بنات الناس
ولا شوفلك حاجة عدلة تعملها
ولا بطل إستفزاز لخلق الله
لأن واضح ان دا مزاج عندك


وكل المطلوب ببساطة
ان حضرتك متعلقش عندى تانى
ولا تبعتلى ايميل
ويبقى
كتر خــيرك
وشكــــــــرا


بس كدا

مصر مش شطرنج
وحاليا مش لعب
حاليا جد وجد جدا كمان

الموضوع بيكبر ولازم نكبر
خلاص لو لعبنا مفيش حد هيبقى معانا
ولو لعبنا
مفيش وطن

لازم نحدد عايزين إيه وليه ويبقى لينا حلم حقيقي بخطة لبكره

دى بلدنا

ولازم نبنيها صح

كلامه بيوجع يا فاتيما

بس ان شاء الله

يكون الناس أتعلموا و فهموا

و قرروا ياخدوا مواقف

أن شاء الله

مصر كبيره قوى يا طمطم بس فيه ناس معندهاش بصيره ومبتشفهاش بحجمها وعظمتها الليى المفروض نشوفها بيها

ووحشتينى جدا جدا على فكره يا ام يوسف
ربنا يطمن قلبك دايما ويفرحك يا ملاك انتى يا ام الملاك يا غاليه

انا فايت اسلم و اقولك المدونات واحشاني و كمان فضفضتك و تلقائيتك الرائعه واحشاني


و بالمرة انهل من ينبوع حنانك و طيبتك ما يبعث الامل و الطمأنينه الي قلبي

تحياتي

إين ذهب الوطن ؟؟؟؟؟؟؟

كلمات جميلة تحياتي

ربنا سبحانه وتعالى دائماً ما يعطي للانسان جميع الخيارات ودائماً ما يعطي له الكثير من الفرص وانا أرى أن الامور والاخيارات كلها متاحة ولا زالت الكره بالملعب كما يقول الرياضيون
لكن وإن كان هناك مايدعو للقلق وبعض الاحباطات فلنثق بأنه لو كان العالم كله ضد الحق فلن يتغير الحق بل سيتغير العالم
تحياتي :)

الازهرى
------

معاك يا زيزو
مصر مش لعبة

بس الإستعارة دى سمعتها من الجميييييل
اسام انور عكاشة مرة وهوه بيحكى
وبيرد على سؤال ..مصر رايحة فين ؟!!

ساعتها جاوب
ان اللى ماسكين الأمور
بدل ما يلعبوا شطرنج ..ويسبقوا خصمهم بذكاء ...
بيحولوا السياسة للعبة طاولة
ترمى الزهر وانتا وبختك ...

عجبنى قوى التشبيه دا

واكتشفت اننا الايام دى
بننجر للعبة سلم وتعبان
وكل ما نطلع كام مربع لقدام
نصادف نفس التعبان
فيزحلقنا لتحت تااااااانى
ونرجع لورا
والكارثة ان الغالبية بيخيل عليها
وعاجبها اللعبة دى
ولا منتبهين لفكرة الإنهاك اللى شغالة
وشغل الثوار ومن فى حكمهم فى معارك جانبية وحوارات ملهاش لازمة
و المتسبب ف النهاية بيعمل روحه برىء
ولا قاصد حاجة ...

لو هنلعب
نلعب على كيفنا
وبمزاجنا
مش على مزاج غيرنا
ونبنيها صح زى انتا ما بتقول
مش نبنيها على كيف غيرك ما راسملك
وبيمشيك على خطه هوه ...

يا رب تكون بتذاكر يا سى منص
متفضحونااااااااش بقى
وعاوزين تقدير محترم لو سمحت

:))

Ramy
-----

هوه مين يا رامى ؟!

دا مش كلام سيد حجاب يا عيال
حرام عليكو الراجل بيكتب حلو هنتبلى عليه ونجيبله مصيبة ليه بس ؟!!
:)

يا مسهل
والناس تنتبه للعبة الخايبة دى
وتقول لأ

إن شاء الله

mahasen saber
-------------

ازيك يا ام بيدوووو

انتى كمان وحشتينى قوووووى
وحمدلله ع السلامة
العود أحمد النوبة دى
ومتغبيش عن التدوين تانى بقى

:)

من ناحية مصر كبيرة
فهى اكبر من كل كلام
وللأسف ناس كتير من اهلها مش شايفين دا

روح قلب ماما نورت بزياااااااادة
:)

بوسيلى بيدو قوى

أحوال الهوى
----------

يا دكتور عصام
كدا حرام

(ينفع مطلع غنوة أهو )

:)

أصل بجد
الكلام دا كتير عليا قوى


منحرمشى منك يا رب
والف حمدلله
على سلامتك

ميرسى قوى قوى على تعليقك الجميل
:)

كريمة سندى
---------

موجود يا كريمة
لكن اهله احيان كتير يقزمونه ويخلوه وكأنه حاجة صغيرة وقليلة ومتهمش
مع انه كل حاجة
و عشانه تهون أى حاجة
وشهداء الثورة علمونا الدرس
ودفعوا التمن
والمفروض نقدر ونعى ذلك
وللأسف بنفرط بسلاسة فيما يجب الا نفرط فيه ..
عشان بننخدع ..
او نطنش
او نعند
او مبنبقاش فاهمين

انتى نورتينى
وميرسى على حضورك الطيب

متقطعيش التعليقات بقى
:))

تامر على
---------

متفقة معاك جداااا
فى حكاية الكورة ف الملعب دى

هذه حقيقة
الفرصة لا زالت متاحة
ويمكن الحكاية عاوزة وقت ...
شوية صبر بس
وكثير من الامل

جملتك بليغة فعلا
ولما بشوف حاجات بتخوفنى وترعبنى
بفتكر دايما حكاية الحق دى

لما تابعت اخبار سوريا واليمن النهاردة ...
افتكرت الكلمة

احنا كشعوب بندور ع الحق
ومستعدين لدفع تمنه دم
وربنا اسمه العدل والحق
ولن يقبل الا ان ينصر الحق
لأن الحق ..
هو العدل
وهذا ما يطلبه كل شعب عربى الآن

تحياتى ليك اكتر
ومبسوطة جدا بتعليقاتك

:)))

انا والله بالصدفة البحتة وجدت تعليقك علي تعليقي وفوجئت بكم قلة ادبك خصوصا انك لاتعرفينني ولا تعرفين شيئ عني وسأكتفي بقولي لك انك قليلة ادب وانا عندما اعلق علي اي مدونة لا انتظر نشر التعليق ام لا وكان يمكنك عدم نشر التعليق وانتهي الامر وفعلا لن اعلق لديك مش لان دة طلبك لا لان واضح من ردك انك قليلة ادب

وبعديين اية اتقي الله في بنات الناس ولا شوفلك حاجة عدلة تعملها الخ لا الحمد الله انا اعرف ربنا كويس والكلام دة قد ينطبق علي امثالك مش علي انا واوعدك اني عمري ما هطلع علي مدونتك لسبب بسيط هو اني مش قليل ادب

إرسال تعليق