.

.

لـعـــبــت علــــيكــوا نِفســــكـو  

Posted by: فاتيما in


الـــولاد مقــــتولة و دمـــها مــبردش 
و ليكـــو وش تلعبــــوا ؟!!!!

This entry was posted on الأحد, أغسطس 28, 2011 and is filed under . You can leave a response and follow any responses to this entry through the .

32 كــــلام بيطــبطـــب عـــلى قــــلبى و روحــــى

نورتى مدونتك :)
كل سنة وانتِ طيبة ياحبيبتى وسعيدة ولا حاجة تزعلك ابدا
أما بالنسبة للصورة ولعب الكورة سعادتك فأنا بعد ماشفتها وقلت ماتكتبهاش علينا يارب نبقى خلصنا من مبارك ونلاقى دول
افتكرت انهم ماشيين على نفس خطى المخلوع وولاده وده مؤشر خير ماتقلقيش
واحنا كمان اتغيرنا ...خليهم يتسلوا

وحشتينى اوى وهاقولك مش بتكلم معاكِ ليه :)

فاتيما
روح القلب الملائكية

حاسب من الاحزان و حاسب لها
حاسب على رقابيك من حبلها
راح تنتهى و لابد راح تنتهى
مش انتهت احزان من قبلها
عجبى ؟؟؟

فاتيما سيبك انتى منهم دلوقتى و خليكى فى نفسك
حاسبى من الحزن يا فاتيما
فاتيما الشجاعة اللى ياما قابلت و ياما دقت على الرأس طبول
فاتيما كل سنة و جو طيب
كل سنة و ماما طيبة
كل سنة و انتى طيبة
كل سنة و انتى سعيدة
كل سنة و انتى بتشعى سعادة و حب على كل من حولك

ما دول بدل علاء و جمال و لو رجعتى بالذاكرة ح تلاقى ان مبارك و اولاده عملوا نفس الشىء يوم حادثة العبارة وقت ما كان فيه مصريين لسه بيصارعوا الموت فى المية غرقا او بفعل سمك القرش

بصراحة حاجة تفرس
المشير بذات نفسه بيوزع جوايز دورة رمضانية
والله دي مهزلة لما يبقى الراجل الاول في البلد سايب البطالة والجهل واللي بيحصل في سينا وقضايا الفساد ورايح يوزع جوايز دورة رمضانية

حفيدة عرابى
----------

انتى مش محتاجة تقولى حاجة يا فيدو
تعليقك البوست اللى فات كان كفاية

و ادينا احنا كمان بنتسلى

كل سنة وانتى طيبة
وماما و منار
والعيلة كلها بألف خير

ابراهيم رزق
------------
بالعكس يا ابراهيم
مبقاش غير الحاجات دى
وينفع اتكلم فيها ...


تعرف ؟

انا فكرت أقفل روح قلب ماما
وأكتفى بالصباحات بس
وبعدين تراجعت
قولت يمكن حد عاوز
يقرى القديم .. ويفرق معاه
انا ساعات برجع لتدوينات الناس التانية القديمة واقراها ...

وان كان ع الحزن
احنا خلاص بقينا عشرة

كل سنة وانتا وساليناز واخوها ومامتها بألف خير وصحة وسعادة


وكل الناس يا رب

Tears
-----


المقارنة ف محلها يا تيرز

ربنا يورينا فيهم آياته
ويجعلهم هما كمان عبرة


كل سنة وانتى طيبة

مصطفى سيف
---------

انتا مجييك عندى غالى عليا
قوى يا مصطفى ...


وسلامتك من الفرسة
كلنا اتفرسنا برضو
بس برجع اقول ..
مش معقول
يعنى الثورة هتقوم ومصر تنتفض
عشان دول ف الآخر اللى يقعدولنا
ع الكراسى !!!


مش معقول


اكيد ربنا شايلنا خير
ومتبقاش دى آخرتها



كل سنة وانتا طيب

عم الشباب والرياضه :)))))

اهو ده الهم اللي يضحك بجد ....

كل سنه وانتي طيبه :)

عيد سعيد عليكي و كل سنة و انتى طيبة و بالف خير


دمتى بحب :)

مش عارف ليه افتكرته دلوقت وهو بيقول: خليهم يتسلوا

سبحان الله

كل عام وانت بخير

عيد سعيد

تحياتى

كل سنه وانتى طيبه ياام يوسف

هو في سؤال عايز اسالهولك وبصراحة مش عارف اقوله ازاي هو انا لو كتبت بوست عارف انه هيخسرني ناس كتير عزيزة عليا ده غير انه هالاقي ما لا يحمد عقباه من كلام زي الزفت وممكن يوصل للقتل واهدار الدم
بس كلام انا مؤمن بيه وفيه شواهد وادلة عليه
تفتكري كلمة الحق تستحق القتال من اجلها ولا اسكت واشيل في نفسي؟
على فكرة مش باتكلم عليكي انا باتكلم عن نفسي
اوعي تاخدي الكلام عليكي والله زي ما بقولك بتكلم عن نفسي

انتي مش كاتبة حاجة يا طمطومة

البوست مافيهوش كلام كتير
يخلينا نتمعن ونتدبر ونتفكر ونحلل


لكن ..... معرفش ليه
بمجرد ان عيني وقعت على كلمة " الولاد مقتولة "
ولاقيت جسمي قشعر اوي
وحسيت بسخونية رهيبة في وشي
وكل اللي جه في دماغي اغنية شادية
الدرس انتهى

ولاقيت نفسي بدندن بيها باللحن بتاعها
ولاقيت نفسي بعيط اوي

الدرس انتهى لموا الكراريس

بالدم اللى على ورقهم سال

في قصر الامم المتحدة

مسابقة لرسوم الاطفال


ايه رايك في البقع الحمرا

يا ضمير العالم يا عزيزى

دى لطفلة مصرية سمرا

كانت من اشطر تلاميذى

دمها راسم زهرة

راسم راية ثورة

راسم وجه مؤامرة

راسم خلق جبابرة

راسم نار

راسم عار

ع الصهيونية والاستعمار

والدنيا اللى عليهم صابرة

وساكتة على فعل الاباليس

الدرس انتهى

لموا الكراريس


ايه رأى رجال الفكر الحر

في الفكرة دى المنقوشة بالدم

من طفل فقير مولود في المر

لكن كان حلو ضحوك الفم

دم الطفل الفلاح

راسم شمس الصباح

راسم شجرة تفاح

في جناين الاصلاح

راسم تمساح

بالف جناح

في دنيا مليانة بالاشباح

لكنها قلبها مرتاح

وساكتة على فعل الاباليس

انتهى الدرس

لموا الكراريس


ايه رايك ياشعب ياعربى

ايه رايك يا شعب الاحرار

دم الاطفال جايلك يحبى

يقول انتقموا من الاشرار

ويسيل ع الاوراق

يتهجى الأسماء

ويطالب الاباء

بالثأر للابناء

ويرسم سيف

يهد الزيف

ويلمع لمعة شمس الصيف

في دنيا فيها النور بقى طيف

وساكتة على فعل الاباليس

الدرس انتهى

لموا الكراريس



الاغنية دي اتغنت ايام مذبحة بحر البقر
يمكن الاحداث مختلفة
عن دلوقتي

باعتبار انها كانت اغنية ضد الكيان الصهيونى
وضد برود دم الشعوب المجاورة وكل الدنيا


لكن المرة دى برودة الدم والطناش
جاية من جوانا

لما يكون القاتل هو اللي المفروض يحمي عيالنا
يبقى الوجع اشد


التشابه في ايام زمان ودلوقتي
هو النسيان
ان احنا بننسي دم ولادنا
وبتاخدنا الحياة
ونرجع نغرق تاني فى تفاصيلها التافهة والمقرفة


انا مش عارفة اتكلم
انا لسة عايزة اكمل عياط

اه نسيت اقولك يا طمطومة

كل سنة وانتى طيبة


وموسيقة زياد الرحباني
تجنن
تجنن
تجنننننننننن

انا مستمتعة بالشجن اللي عملهولى الموسيقى دى

تسلم ذوقك يا طمطومة

سلام
اختك نورا

كل سنة وانت طيبة

كل سنه ومصر كلها بخير
عيد سعيد

ازيك يا فاتيما يارب تكونى بخير كل سنة وانتى طيبة يارب يكون عيد سعيد عليكِ وعلى جميع الاهل
إن شاء الله حفل توقيع الديوان بتاعي يوم 6\9 في مكتبة البلد و أنا جاي أدعيك مباشرة علي حفل التوقيع هو صحيح نزلت دعوة عامة في المدونة بس انتى من الناس الغالية عندي زلازم ادعيكِ بشكل شخصي

فتاة من الصعيد
--------------

مش كده والنبى

بس هما همهم مبيضحكش خالص
وبيقهر الواحد

معلش

ليهم وقت
وجاى عن قريب ان شاء الله


وكل سنة وانتى بألف خير يا فاتى

واجازة سعيدة يا حبيبتى

Tears
-----

وانتى كمان يا توتا
عيد سعيد عليكى يا حبيبتى
والعمر كله

ان شاء الله

يا مراكبى
--------

انتا تالت واحد يقول الجملة دى
بعد فيدووو وحد غالى عليا ...

طيب
خليهم يتسلوا
بس مش قوى لحسن تسليتهم بتفقع المرارة
معرفش انا مزوادها قوى
ولا هيا موجعة كدا
أصل دا كان اول انطباع لما شوفت الصورة
حطيت نفسى مكان اهالى العساكر والضباط بتوع الحدود ولقتنى برغرغ كدا
واول جملة خرجت على لسانى
ايه العالم اللى معندهاش
ذرة دم دى ؟!!

عموما
حصل خير
وكله قاعدلهم


على جنب
ميرسى جداااااا
على تعليقك البوست اللى فات
وكالعادة
حاسس بأختك وبتطبطب على قلبها


عيد سعيد عليك انتا والحكومة والعيال

جايدا العزيزى
-------------

وانتى طيبة يا جايدا
وعيد سعيد عليكى
ولى كل احبابك يا رب

ميرسى قوى ع المعايدة دى

عاشقة الرومانسية
----------------

وانتى طيبة يا قطتى

بس قوليهالى بقى
لما اشوفك وجهاً لوجه
وحضنا لحضن الجمعة الجاية

ان شاء الله

مصطفى سيف
---------

والله يا مصطفى سؤالك دا صعب قوى
بس هحاول اجاوب


بص
انا بقالى هنا اكتر من تلات سنين
ومريت بمواقف كتير
وغيرت ف اسلوب كتابتى واتغيرت كشخص
وكحد بيكتب بالتالى

الواحد لما بيكتب بيحط لنفسه قواعد
ومحاذير ..
واكيد انتا عندك الحكاية دى زينا كلنا ...
مهما كان الشخص قاسى او لامبالى او عنده نفسه قبل أى حد ...
برضه فيه شىء بيحكمه

ولهذا استفت قلبك الآخرين بزيادة
التدوين فكرته من وجهة نظرى قايمة على الفضفضة مع نفسك اولا ومع الناس التانية ثانياً ....
التدوين اللى انا دخلته
مش اللى عاوز حد يفرضه عليا
ومع ذلك
لما تنوعت الكتابات ..
لقتنى بعمل حساب قوى ...
لما بكتب عن التحرير .. والثورة
بحاول اتحرى الدقة الرهيبة عشان الكلام محسوب وبيفرق و بينقل واقع
لما بتكلم عن نفسى ومشاعرى مبتفرقش قوى لأنى عارفة انى مش لازم ابقى شبه حد ولا حد شبههى ومش هفرق قوى اكون مثالية او شيطانة ...
لما بكتب عن يوسف براعى موجعش قلب حد .. زى زمان
لما بكتب عن اللقاءات التدوينية او المدونين بحاول اكون ايجابية عشان اشجع غيرى ...
لما بكتب عن خطاريفى بحاول المس بيها أى حد بيقرى وميحسش انه بتاعتى لوحدى وهوه لأ ....

بص انتا تكتب اللى تشوفه وتحسه
والى حواليك هيغربولك
زى منتا ما هتغربلهم ...
يعنى من رد فعلهم هتفرز مين اللى فاهمك قوى وعنه درجة نضج عالية ووعى
ومين اللى بيتصرف زى المراهقين او عاوز يفرضلك صورة معينة وبس


ولو عاوز انطباعى انا الشخصى عنك
ولو انى لسه مشوفتكش
بس ازعم من قراية تدويناتك وتعليقاتك بالاخص ...
انك انسان مراعى للأخرين يا مصطفى
وممكن تكون بتكتب جمل وفقرات ف تعليقك وتمسحها وتعيد صياغتها عشان تتأكد انك مغلطتش ف حد ...
اتصورك هذا الشخص المراعى والمتعقل واللى زى ما بيقولوا كدا بالعامية
نفسه هادى ...
ولهذا
وجهة نظرى انك تكتب
وتكتب
وتكتب
و حسن النوايا يسندك

يا رب اكون جاوبت اجابة تنفعك
وكل سنة وانتا بألف خير
ووسطنا دايما

نوران الشاملى
-------------

اولا
انا مستغربة قوى مكتبش
بت خيخة واى كلام

بس معلش
ما دمتى اخترتى كدا
اتمنى تكونى مبسوطة
بس لن اتخلى عن خوخة
معرفش مندهكيش بيه بقى
ومليش دعوة
هه


ثانيا
ملقتش كلام كتير اقوله يا خوخة
اول ما شوفت الصورة
وهدور ع الغنوة دى واسمعها
كلامها حلو ومعبر قوى
وشكرا انك عرفتينى وعرفتينا بيها


ثالثا
كل سنة وانتى طيبة
وبألف خير
انتى و شيكو شريف شكشوكة يا رب


رابعا
انا كمان بحب المزيكا دى
زياد الرحبانى دا دمااااااااغ
و لما اسمع حاجة زى دى
ببقى عاوزة امسك دماغ حد من اللى بيقولوا الموسيقى حرام وأكسرهاااااااا ...
عشان لما ربنا يدى بشر موهبة يعمل بيها حاجة كدا تسعد الناس
ويهدرها ...
يبقى هوه دا الحرام بعينه ..

بوسات وحضوناااااااااات كتير جدا
ومنحرمش من تعليقاتك ابدا
يا رب

Tarkieb
-------

وانتا بألف خير يا فنان
نورت المطرح كله

mrmr
----

وانتى طيبة يا مرمرة
وكل عيد وانتى أرق واطيب يا حبيبتى

رئيس جمهورية نفسى
----------------


ازيك انتا يا ريس
وكل سنة وانتا طيب
والف مبرووووووووووك الكتب
وربنا يجعلها حفلة توقيع ولا احلى ولا أروع على رأى الاخ شوبير ...

ان شاء الله احاول آجى
اوعدك هحاول قدر امكانى
المكتبة جنب البيت ومش بعيدة
وربنا يسهل وميحصلش أى ظروف تمنعنى

اشوفك على ألف خير يومها
ان شاء الله

والف مليون مبروك
عقبال العروسة بقى
خلاص مبقالكش حجة
شغل وكتاب .. فاضل ايه تانى ؟!!!

أزيك

يا مامت يوسف كل سنة و انت طيبة

.....

قلت ما بدهاش بقى

ندخل بغير معرووف (:

.........



_________________________
I have added cool emoticons to this message.
To see them go to http://x.exps.me?9964217694904afa96c69c5a7dcdc95e

_________________________
I have added cool emoticons to this message.
To see them go to http://x.exps.me?9964217694904afa96c69c5a7dcdc95e

كنت داخله اقولك اعملى تنويه عن اللقاء عندك فى المدونه يابطه
لقيتك سابقه بالخير كالعاده :)

بحبك
يارب اكتب لى نصيب اشوفك يااااارب

فاتيما عملت بنصيحتك
و كتبت البوست (ربما يكون البوست الذي سيقتل صاحبه )
ابقى شوفيه
http://6eyr-elramad.blogspot.com/2011/09/blog-post.html

إرسال تعليق