.

.

خــــــطـــــــاريــــف ...... 13  

Posted by: فاتيما in

This entry was posted on الخميس, أكتوبر 20, 2011 and is filed under . You can leave a response and follow any responses to this entry through the .

33 كــــلام بيطــبطـــب عـــلى قــــلبى و روحــــى

و البوســة ع الراس مصالحـــة

و البوســـة ع جـــبينك
يعنى مـتزعلـش يا روح قلبى
------------------------

جميلة الخطاريف والمرة دي فيها حاجة مختلفة من اول كلمة لاخر حرف

وكانت وحشاني

:)

فاتيما
روح القلب الملائكية

جميلة خطاريفك و غصت فيها بس مش هى دى الخطاريف اللى كنت مستنيها

انتى خدعتينى يا فاتيما

انتى قلتى بتحضرى خطاريف عشان ننسى الاحوال و نبعد عن السياسة
لقيتك عجنانا و خبزانا فى السياسة

كل ما تبعدى حاجة تشدك و نرجع تانى

خطاريف زى التورتة بطعم مصر مخبوزة بتاريخ كبير و متزوقة بهلال و صليب
انا اتخدعت يا فاتيما
مش هى دى الخطاريف
بس اعترف لكى جميلة رغم طعمها المر
زى المانجو الخضراء حادقة لكن طعمها مزز و جميل
سلام يا ام جو

حاضر

هأعمل اللى عاليا و بس

ياااه يا فاتيما كل ده

كل ده حزن

كل ده زعل

كل ده

معلش ما هى الناس كده عملين نفسهم مُعلمين

سيبك انت بس من ده كله

و متشليش هموم حتى لو فى هموم

معلش يا فاتيما يا غالية عالينا كلنا

يااااااااه
رغم انه اطول من كل مرة
بس بجد كل مرة فيه جديد
بس شكلك كدا متحاملة شويتين علي التيار الديني
يلا
اختلاف الراي لا يفسد للود قضية
تحياتي

ياهموم الدنيا قلبي وجعني اوي

_________

ومن كتر ماوجعني مابقتش احس بالوجع
اتصاحبنا اوي
ولو مااتوجعتش يبقا في حاجة غلط

رد وجع
:))))))
علي وزن رد سجون

أ
ن
ت
ى
*
م
ل
ك
ي
ش
*
ح
ل
!
!
!
ممتععععععععععععععععععععععععة !
__
بتعمليها فى وقت قد إيه دى ؟؟
وبتجيبى الصور دى منين ؟؟
*
إيه التنوع الفظيع ، والربط البديع دا !

شكراً على كم المتعة في قراءتها :) وإن كنت اختلف مع القليل جداً منها ولكن على رأي فودافون شوكرن :)

السلام عليكم
شكرا يا فاتيما على كل كلمة فى خطاريفك
كلها رسايل بمعانى كتير
عجبنى اكتر اللى خاص بالتعليم
شكرا فاتيما

الثـــورة ضاعــت
و يا ريتها ما كـانت قامــت


يمكن تكون نبوئتى الأخيرة
بس صدقينى لسه فى كتير على ما الثورة تضيع

عدى على صوابعك حادثتين والتالتة صعود مصر من تانى


الحـــزن الصـامــت
يهمــس فى القــلب حتى يحـــطمه

أزيك يا فاتيما

فيييينك


فى حاجة و لا أيه ؟؟؟

طمنينا عليكى لو سمحتى

Baskouta
--------


دا كلام مع يوسف
و بفتكره كتير الأيام دى
زيادة عن أى وقت

ومبسوطة
ان الخطاريف عجبتك ..
و صفحة التعليقات
والمدونة كلها نورت بتعليقك


يا ريت متغبيش عنهم تانى

ابراهيم رزق
-----------

حلو التشبيه دا قوى يا ابراهيم
ومؤلم برضو
بطعم الوجع اللى احنا فيه
واللى مقدرتش اهرب منه
كل ما احاول ....

بس معلش
نحاول تانى ..
نهرب م الوجع آه
لكن نبعد عن الهدف ..لأ


سلملى على سالينازة وزياد
وعلى ام العيال وابوهم
اللى هوه سعادتك

Ramy
----

آه يا رامى
يا ر ر
وحاسس دايما بأختك ....


انا كويسة وبخير متقلقش عليا
انشغلت بس عشان
امبارح كان فيه مسيرة من دار القضاء العالى لطلعت حرب لماسبيرو ..
والنهاردة كنت ف التحرير
ولسه راجعة
فملحقتش أقعد ع الجهاز واتابع ..


انا بخير
متقلقش وربنا يخليكوا ليا

المهم
ان الخطرفة تعجبكوا

beautiful mind
--------------

معلش بقى الخطرفة حكمت ..

وانا مش متحاملة ع التيار الدينى
انا متحاملة ع التيار المتأسلم ومحّرم علينا العيشة بكل ما فيها ...
مش أكتر

ان شاء الله مفيش خلاف ولا حاجة
وحضرتك كل مرة بتنورنى

شمس النهار
---------

آه يا شمس
الواحد فعلا اتعود يتصاحب ع الوجع زى ما بتقولى ...

بس ساعات الواحد بيتعب من صاحبه
وتخيلى لو كان صاحبه مش متعب
دا التعب ذاته ...

اوقات بقول انا بتدلع قوى
واوقات بقول دى هدنة لإلتقاط الغنفاس وانا مش كينج كونج بقى والمفروض ابقى جامدة ...
واوقات اقول .. وبعدهالى ؟!!!
وف الغالب مفيش رد ..
غير ان الحالة تعدى لوحدها
وربنا يفرجها من عنده
واعمل اللى عليا واتماسك واصمد وبس


وحلوة قوووووووى
رد وجع دى

تسلميلى يا حبيبتى
و يا شمس نهار المدونات وقمرها

candy
-----

ازيك يا كاندى

هيا بتاخد وقت يا حبيبتى
بس ف كتابتها .. وترتيب الصور بس

انما المشاعر والكلام جوايا
و مش محتاج ادور عليه ولا حاجة

الصور بتقع ف سكتى
وشوية بجيبهم قصدا وعمدا
وبعمل سيرش عليهم


الربط بقى دا انطباعى
عن أى صورة او موقف شفته
وبيقفز ف ذهنى ...

اما الشعر
فبحبه وبحاول اقرى فيه كتير
والأغانى كمان ...


اما احوال البلد
فدى غصب عنها بتفرض روحها عليا


و ما بين دا كله ..الاقينى بخطرف
الخطاريف دى


المهم انها عجبتك
و كفاية

تامر على
--------


معلش يا تامر
و ف اختلافنا رحمة برضو ...

المهم انها سببت متعة
اكتر ما سببت ضيق ودا كفاية عندى
ويسعدنى
ويشرفنى

انتا نورتنى بجد ...
وعلى طريقة فودافون بقى ...عفونننن

مدونة رحلة حياة
---------------

وعليكم السلام يا ابا معاذ
ازيك ؟

والعفو يا فندم
على ايه الشكر بس ؟


انا حاسة انى عاوزة اتكلم ع التعليم كتير لأنى كل ما بنزل الشارع واتكلم ع الثورة وأى حاجة دلوقتى بكتشف ان نهاية الحوار مع اللى قصادى أى كان مستواه واسلوبه و فكره بيوصلنى لحقيقة مؤكدة وهى أن أعتى مشكلات مصر مش هتتحل فعليا غير بالتعليم الصح ...
احنا عندنا قلة وعى
وعلى رأى يوسف ادريس
عندنا فقر ف الفكر
و الفقر دا مخلى الأرض ف العقول بور وفاضيييية ...لدرجة ان أى حاجة تدخل فيها تملاها زى الزرع الشيطانى ومتسمحش لحاجة تانية تنزرع فيها وتنفع الناس ...
الأرض دى عاوزة تنزرع صح
وعاوزة فلاح اصيل يخاف عليها
مش يستغلها
عاوزة صاحب يحبها وعاوزها بخير
لولاده واحفاده مش بس ينتفع بيها واللى بعده يغور ..!!
والكلام دا مش هينفع
غير بتعليم صح وثقافة ووعى
ساعات الكلام مع الناس بيحسسنى بالعجز وان مفيش فايدة فيهم مهما اتقال
وساعات كتير بحن لكلامى مع يوسف ابنى واقول انى معاه كنت بعرف اشوف الدنيا والامل فيها ...
وبفتكر كلامى مع العيال لما كنت بشتغل ف مدرسة وكانت اسعد اللحظات ف النقاش معاهم والأفكار والإبتكارات و اللمعة اللى ف عيونهم ...

الاطفال بجد
هما الامل ويستاهلوا ندور على مستقبلهم بشكل حقيقى عشان هما المستقبل

و دى القضية اللى جنب الصحة اللى لازم نهتم بيهم جداااا بعد ما نطمن ع الثورة و ننضف الواغش اللى مالى اركانها ...ان شاء الله


تحياتى ليك ولمعاذ ولمامته
وارجو ان تكون بخير دايما

الازهرى
-------

يا نبئواتك يا زيزو
يا واد بقلق منك وبتخض

النهاردة كنت ف التحرير
والعدد كان قليل
والناس ف الراحة والجاية بيحبطونى
وانا مصرة لا احٌبط ...


طيب

حلوة الحتة اللى ف الآخر
بتاعت الصعود دى

بركاتك يا شيخ علام


و الحزن الصامت دا ...
يبقى انتا يا منص للأسف

غير معرف
-------


حضرتك عندك مشكلة مع المطلقات عموما
ولا مع المتحررات منهن تحديدا ؟!!!


اصل الأولى من اسلوبك .. تبدو تهمة
والتانية واضح انها .. خروج ع الدين

فلما يتلم الطلاق ع الليبرالية
فى توصيف واحـــد
متهيألى كدا
ابقى فاضلى تدوينتين تلاتة
و حضرتك هتدعو لرجمى بشكل قاطع

وبعدين يعنى ؟
لما انا مش عجباك من ساسى لراسى
فكرا واسلوبا و ظروفا كمان
ليه بتيجى ؟!!!


بص اصرارك دا
حاجة م الإتنين ...

يا فاكرنى صيدة وبتجرب ...
يا فاكرنى ضعيفة وهتأثر و هرضخ لفكرك وأسلم بيه ف النهاية

ويؤسفنى أقولك انى لا كدا ولا كدا


اختك ف الله فاتيما
لا هيا مخها مهوى وأى حد معدى هيملاه بحاجة وعادى كدا ...
ولا هيا كمان هذا النوع من النساء يا فندم ...

ويا ريت حضرتك تغير فكرتك العجيبة عن المطلقات لأن معندناش فضا زى منتا متخيل و لا احنا وقيع ومش لاقيين رجالة ولا احنا فشلة ومعرفناش نحافظ على بيتنا ولا كل الحاجات دى خالص ...
فينا ناس كويسين والله
عندهم اتنين ايدين واتنين رجلين وواحد دماغ و نتنفس من الانف و نأكل الخضار واللحم و كدا ...


ربنا يهدينا جميعا

وشكرا ليك على اى حال

يخربيت كدة ههههههههه...والنبي انت مفيش منك...ازاي بتكتبي ده كله؟ وكمان بتردي ع التعليقات بصفحة فلوسكاب وش وضهر....ممكن اسألك سؤال؟ انت بتتكلمي بسرعة برضة وبتخطفي الكلام يعني ولا بتتكلمي بالراحة؟ طب زمايلك في الشغل بيقول عليكي رغاية؟ ولا انت ما بيبانشي عليكي اصلا انك بتتكلمي او بتفتحي بقك؟ تحياتي لان بجد اللي مش بيخش عندك وربنا بيفوته الكتير...وكان نفسي اقعد ارغي والت واعجن ماهو مش معقولة اعلق على معلقة طويلة كدة بكلمتين وبس ..بس للاسف دي اخرتي ....

ازيك يا فاتيما ؟

احلي خطاريف
استمتعت بيها
وفكرت فيها

و
و
و

عايزة اقولك وحشاني رغم تقصيري القاصير المقتصر في مدونتك :((

عارفة يا طمطومة
من اول مرة عملتي فيها بوست خطاريف وخلاص بقيت عارفة طعمه
بقيت كل ما لاقي عندك بوست بعنوان خطاريف وجنبه رقم الخطروفة
افرح زي العيال الصغنونةواقول
هييييييه خطاريف
هيييييييه خطاريف
هييييييييييييه خطاريف

وبغض النظر ان ممكن كام خطروفة من ضمن الخطاريف متجيش على هوايا او مفهمهاش او معرفش تقصدي بيها إيه
إلا انى بحب الخطاريف كلها على بعضها كدة شروة واحدة


انا بستمتع بخطاريفك يا طموطمة
وبستمتع اكتر بالموسيقى المصاحبة للخطاريف
انا كل شوية اجى علشان اسمع عمار الشريعي

تسلم ايدك اللى خطت الخطاريف
وتسلم ذوقك فى اختيار الموسيقى


سلام
اختك خوخة

عاشقة الرومانسية
---------------

ومليون بوسة وحضونة
يا قطتى

Tarkieb
--------


الله الله الله
ايه النوظام
شيكلكوا كدا بتتريقوا علينا ولا إيييه؟!

طوااايب

هوه بص حضرتك
معرفش اجابة واضحة لسؤالك
اغلب زملائى ف الشغل فلول أصلا
وبيتجنبوا الحديث معايا عشان وجع الدماغ ...

حضرتك ممكن تسأل الناس الحلوة
اللى بتدخلى هنا وشافونى كام مرة
هما هيحكموا بحياد اكتر

انما لو سألتنى عن ذات سخصيتى
فأعتقد انى رغاية بالفعل
لأن دا شأن كل النساء فى هذه الدنيا
يعنى غالبا مفيش ست مش زغاية
زى ما ما مفيش راجل مش ملول
ومفيش ست مش مايصة
زى ما مفيش راجل مش رزل

صحيح المياصة والرزالة وغيرها بتبقى درجات ...
بس هوه اوبشن انسانى ...

وبالتالى اذ انى أزعم ان تشريحى يؤكد انى امرأة ...
يبقى لابد واكون رغاية وكدا

ودى الاجابة بإختصاااااااار

نورتنى ...
وش مبتسم جدا

VÖltaa
-------


فولتاااااااااااااا
ازيك ياض ؟

الف حمدلله ع السلامة
يا غطسان
وتقلان علينا
عالله المرة دى تبقى رجعة نهائية
وتستقر
ياض دا البلد كلها بتتكلم عن الإستيكرار ...
انتا علطول دماغك لاوحة شمال وماشى عكس الناس كلها كدا ...؟!!!
طب خليك قاعد وابقى خد عجلة الإنتاج اعمل بيها كل شوية لفة واتفسح ..
بس متروحش بعيد

احنا هنا مفتقدينك
و ....
وحشت اختك .. يااااااااااض

ف انتظار البوست الجديد
ماشى ؟

أع ـقل مـ ج ـنـونــة
--------------------

ازيك يا جنونة
يا حبيبتى ولا يهمك
لا مقصرة ولا حاجة
انا عارفة المود العام عند الكل
وسدة النفس ...
عادى

وبعدين انا مبزعلش من حد لما يغيب عن التعليق عندى
انا بقلق بس لما ازوره والاقيه غايب حتى عن مدونته ....
ببقى عاوزة اطمن بس مش اكتر
لكن متشغليش بالك
علقى وقت ما يبقالك نفس
و اكتفى بالقراية بس ..وبراحتك

المهم ان الخطرفة عجباكى
دى اهم حاجة

وخلى بالك من نفسك المهم

نوران الشاملى
-------------

بت يا خووووووووووخة


بصى انا فكرت اروح الاول أسألك التعليق دا للنشر ولاّ لأ ....

وبعدين قررت أستعبط
وأنشره
عشان اتفشخر بيه قصاد الجميع

انتى مش متخيلة انا فرحانة بيه قد إيه
عارفة ؟
زى منتى فرحتى بتعليق يوميات عيل مصرى عندك مرة لما دخل وعلق على تدوينة حلوة من بتوعك ...

مش فاكرة ردك قوى
بس فاكرة البهجة اللى كانت فيه
وفاكرة انك كنتى زى تلميذة وجت الميس اللى بتحبيها وادتك نجمة ع الكراسة بتاعتك ...

انا بتعليقك دا حسيت انى خدت نجمة
عشان انا عارفة ذوقك
وعارفة انك مش هتجاملى لمجرد المجاملة خصوصا ف حكاية الكتابة دى ...

وصحيح الخطاريف مهياش كتابة بمعناها اللى بجد
بس هيا جزء منى ومن روحى

ولما الجزء دا يعجبك
وتحبيه يا خوختى
ابقى انا متفشخرة بخطاريفى دلوقتى أيما فشخرة يا حبيبتى
ومش عارفة اقولك ايه ...


غير بحبك وربنا ما يحرمنى منك


موسيقى عمار بقى
بحبها من ايام ما اتذاع المسلسل زماااان ولما لقيتها ع اليوتيوب بالصدفة ..
انبسطت و قررت احطها علطول ...

بوسيلى شيكو
وخلى بالك من نفسك
و احضنيها قوى
و افضلى قولى لنفسك انك هتبقى كويسة
لحد ما تبقى كويسة ...

ان شاء الله

مليون لايك يا فاتيما على كل حرف كتبتية هنا . انا كنت داخل اطمن واسلم لقيت نفسى قاعد قدام البوست ساعات قاعد اضحك على محلات المشير للخياطة وموقعه المدرعة والمعزة دى ههههه
صحيح شر البلية ما يضحك بس معلش الصبر جميل واحب اقولك على وقفه احتاججية منظمها حركة شباب 6ابريل لو تحبى تشاركى
https://www.facebook.com/event.php?eid=271032966268295

على اتمسك وهو بيكتب على الحيطة لا للمحكمات العسكرية لا للفلول

http://www.youtube.com/watch?v=1zjoG0a6qkk

محتاجين اكبر عدد قدام النيابة العسكرية .. محتاجين كلنا الى معرضين للموقف ده معانا .. لان كلنا على الحلبى

رائعه وعميقه وجميله ...لوحه جميله رسمتيها بأحاسيسك وفكرك الجميل لتخرج لتكون هذا البوست المميز جداااا يافاتيما ...بجد حلو اوى ...وصباحك معطر بالورود والحب وبكل حاجه حلوه فى الدنيا...وبنبضاتى اللى حسيتك اوى فى هذا البوست بروحك الجميله حتى ولو كانت الكلمات لغيرك لكنننننننننن رسمتى بيها شىء جميل يفوق الوصف ....

نسيت اقوووووووووووول ...أن الموسيقى رائعه ومناسبه جدااا للوحه الجميله والصور كمان ...كله كله لوحه جميله التكوين ...سلمت يداكى .

إرسال تعليق